2025 жылғы 29 мамырда Маңғыстау облысының әкімі Нұрдәулет Қилыбайдың шақыруымен өңірге белгілі инвестор, Sea Breeze халықаралық туристік кластерінің негізін қалаушы Эмин Агаларов келді. Сапардың негізгі мақсаты – Маңғыстау облысының туристік әлеуетімен танысып, ірі курорттық кешен салуға қолайлы аумақтарды зерделеу болды.Облыс әкімі инвесторға жағажай туризмін дамытуға қолайлы Кендірлі курорттық аймағын және өңірдің басты табиғи көрікті жерлерінің бірі – Бозжыра шатқалын таныстырды. Сондай-ақ өңірде туризмді дамытуға бағытталған жоспарлар мен жүзеге асырылып жатқан инвестициялық жобалар туралы ақпарат берілді.Нұрдәулет Қилыбай Мемлекет басшысы Қасым-Жомарт Тоқаевтың туризмді өңірлік экономиканың негізгі драйверлерінің бірі ретінде айқындағанын атап өтіп, 2025–2027 жылдары Маңғыстауда 13 ірі туристік жобаның іске асырылатынын айтты. Соның ішінде Кендірлі курорттық аймағы жыл сайын 350 мыңнан астам турист қабылдай алатын ірі туристік орталыққа айналмақ. Жоба аясында қонақүйлер, санаторийлер, аквапарк және басқа да демалыс нысандары салынбақ. Сонымен қатар, аймақта жаңа халықаралық әуежайдың құрылысы басталған.Келіссөздер барысында тараптар туризм саласындағы инвестициялық мүмкіндіктерді, халықаралық деңгейдегі курорттық жобаларды іске асыру перспективаларын және инвесторларға ұсынылатын мемлекеттік қолдау шараларын талқылады.Атап айтқанда, Кендірліде Sea Breeze тұжырымдамасына ұқсас заманауи курорттық аймақ құру, түркі халықтары арасындағы мәдени байланысты нығайту және этнотуризмді дамытуға бағытталған инфрақұрылымдық әрі мәдени жобаларды жүзеге асыру мәселелері қарастырылды.Айта кетейік, 2025 жылы Ақтау қаласы Түркі әлемінің мәдени астанасы мәртебесіне ие болды. Осы мәртебенің ресми ашылу салтанаты 5 сәуірде өтіп, оған Қазақстанның туризм жөніндегі елшісі Димаш Құдайберген қатысты.Ақпарат көзі : https://www.gov.kz/memleket/entities/mangystau-tourism/press/news/details/1269181?lang=ru

2026 жылғы 7 қыркүйектен бастап Қазақстан Республикасы Әлеуметтік кодексіне[1]енгізілген өзгерістер күшіне енеді. Бұл өзгерістер БЖЗҚ салымшыларының зейнетақы жинақтарын басқару стратегиялары мен инвестициялық портфельдерді өз бетінше таңдау құқықтарын едәуір кеңейтеді. Енді салымшылар өздерінің зейнетақы жинақтарының 100%-ына дейін инвестициялық портфельді басқарушылардың (ИПБ) сенімгерлік басқаруына бере алады.Жаңашылдықтардың мақсаты – ең қолайлы инвестициялық стратегиясы мен табыстылық тарихы бар ИПБ-ны таңдау арқылы жинақтарды басқарудың ұзақ мерзімді кірістілігін арттыру.Міндетті зейнетақы жарналарының (МЗЖ) және ерікті зейнетақы жарналарының (ЕЗЖ) салымшылары, сондай-ақ пайдасына міндетті кәсіптік зейнетақы жарналары (МКЗЖ) мен ЕЗЖ аударылатын жеке тұлғалар сенімгерлік басқаруға берілетін зейнетақы жинақтарының көлемін өз бетінше айқындауға, бір немесе бірнеше ИПБ-ны, сондай-ақ өздерінің қаржылық мақсаттарына сәйкес бір немесе бірнеше инвестициялық портфельді таңдауға мүмкіндік алады. Таңдау мүмкіндігі арта түседіЗаңнамаға сәйкес әрбір ИПБ салымшыларға тәуекел деңгейі, инвестициялар құрылымы және инвестициялау мерзімі бойынша ерекшеленетін инвестициялық портфельдердің үш түріне дейін (консервативті, теңгерімді және тәуекелі жоғары) ұсына алады. Үш түрлі портфельдің болуы инвестицияларды салымшының жасына және жеке мүдделеріне қарай бейімдеуге мүмкіндік береді. Ал жинақтарды бірнеше ИПБ арасында бөлу құқығы олардың табыстылығының ауытқуына тәуелділікті азайтады.ИПБ-ның инвестициялық портфельдерін қалыптастыруға қойылатын талаптарды Қазақстан Республикасы Қаржы нарығын реттеу және дамыту агенттігі (ҚНРДА) айқындайды. Барлық ақпарат – бір платформадаСалымшыларға қолайлы болу үшін БЖЗҚ зейнетақы активтерін инвестициялық басқаруға қатысты негізгі ақпаратты біріктіретін invest.enpf.kz бірыңғай ақпараттық интернет-платформасын іске қосты.Платформа табыстылық туралы ақпаратқа ыңғайлы әрі құрылымдалған қолжетімділікті қамтамасыз етеді, белгіленген кезеңдер бойынша әртүрлі басқарушылардың (ҚР Ұлттық Банкі мен ИПБ-лардың) басқаруындағы инвестициялық портфельдердің көрсеткіштерін динамикада салыстыруға мүмкіндік береді. Салымшы инвестициялық портфельдерді бағалап, өзінің мүддесі мен инвестициялық мақсаттарына сәйкес басқарушыны және оның инвестициялық стратегияларын дербес таңдай алады. Зейнетақы жинақтарын сенімгерлік басқаруға қалай беруге болады?Зейнетақы жинақтарын сенімгерлік басқаруға беру үшін салымшы зейнетақы активтерін басқаруға рұқсат етілген инвестициялық портфельді басқарушылардың (ИПБ) тізілімінен басқарушы компанияны таңдауы және өтініш беруі қажет. (Толық ақпарат БЖЗҚ сайтындағы «Қызметтер – Сенімгерлік басқаруға аудару – Инвестициялық портфельді басқарушылар тізілімі» бөлімінде орналастырылған.)Өтінішті:kz сайтындағы жеке кабинет арқылы (электрондық цифрлық қолтаңбаны пайдалана отырып);жеке басын куәландыратын құжатты ұсыну арқылы БЖЗҚ-ның кез келген бөлімшесінде беруге болады.Зейнетақы жинақтарының бір бөлігін ИПБ-ға беру, бір ИПБ-дан екіншісіне ауыстыру немесе жинақтарды ИПБ-дан Қазақстан Республикасы Ұлттық Банкінің (ҚРҰБ) басқаруына қайтару бойынша қадамдық нұсқаулық мына сілтеме бойынша орналастырылған: https://www.enpf.kz/kz/services/Invest/22218/.Өтініштің орындалу мәртебесін БЖЗҚ сайтындағы немесе мобильді қосымшасындағы жеке кабинеттен («Өтініштер» бөлімі) қадағалауға болады.Өтініштерді қабылдау және өңдеу үдерісі толық автоматтандырылған. Зейнетақы жинақтарын ИПБ-ның сенімгерлік басқаруына беру өтініш келіп түскен күннен бастап 30 күнтізбелік күн ішінде БЖЗҚ арқылы жүзеге асырылады.Бұл ретте зейнетақы жинақтарын бір ИПБ-дан екіншісіне ауыстыруға немесе оларды Қазақстан Республикасы Ұлттық Банкінің басқаруына қайтаруға жинақтар инвестициялық портфельді басқарушының сенімгерлік басқаруына берілген күннен бастап кемінде бір жыл өткеннен кейін ғана рұқсат беріледі. ИПБ басқаруындағы зейнетақы жинақтарын қорғау тетіктеріЗейнетақы жинақтарын басқару мүмкіндіктерінің кеңеюі салымшының жауапкершілігінің де артуын білдіреді. ИПБ-ны таңдау – салымшының дербес шешімі. Ол ұсынылатын инвестициялық стратегияны, инвестициялық портфельдің құрылымын, тәуекел деңгейін және активтерді басқару нәтижелерін өз бетінше бағалайды.Заңнамада зейнетақы жинақтарын қорғаудың кешенді жүйесі көзделген:ИПБ-ның қаржылық жауапкершілігі. 2026 жылғы 1 қаңтардан бастап табыстылықтың эталоны ретінде қолданылатын композиттік индекстер жүйесі енгізілді. Егер инвестициялық портфельдің табыстылығы белгіленген бағдардан төмен болса, басқарушы компания айырманы өз капиталы есебінен салымшыға өтеуге міндетті.Тәуелсіз кастодиан-банк. Барлық активтер кастодиан-банкте (тәуелсіз ірі банкте) сақталады. Ол активтердің заңнама талаптарына сәйкес орналастырылуын бақылайды. Бұл ретте активтер салымшының БЖЗҚ-дағы жеке зейнетақы шотында (ЖЗШ) есепке алынуын жалғастырады және ИПБ-ның меншікті активтерінен бөлек сақталады. ИПБ банкрот болған жағдайда салымшылардың зейнетақы активтері оның міндеттемелерін орындауға пайдаланылмайды.Инвестициялық шектеулер және әртараптандыру. Реттеуші ИПБ инвестициялай алатын қаржы құралдарының тізбесін белгілейді. Олардың қатарына Қазақстан Республикасының және шет мемлекеттердің мемлекеттік бағалы қағаздары, қазақстандық және шетелдік ұйымдардың үлестік және борыштық бағалы қағаздары, сондай-ақ тиісті кредиттік рейтингі бар екінші деңгейдегі банктер мен бейрезидент-банктердегі салымдар кіреді. Жоғары тәуекелді цифрлық және криптоактивтер бұл тізбеге енгізілмеген, сондықтан зейнетақы жинақтарын оларға инвестициялауға жол берілмейді. Сонымен қатар заңнамада инвестициялау лимиттері белгіленген. Әрбір ИПБ реттеуші талаптарын ескере отырып, өзінің инвестициялық декларациясында басқару стратегиясын дербес айқындайды.Басқарушы компанияларға қойылатын талаптар. Зейнетақы активтерін басқаруға қаржылық тұрғыдан орнықты ИПБ ғана жіберіледі. Ол реттеушінің капитал жеткіліктілігіне, клиенттердің активтерін басқару тәжірибесіне, сондай-ақ ірі акционерінің немесе рейтингі «BBB» деңгейінен төмен емес бейрезидент акционерінің болуына қатысты реттеушінің талаптарына сәйкес келуі тиіс. Зейнетақы активтерін басқаруға рұқсат берілген ИПБ-лар тізілімі ҚНРДА мен БЖЗҚ-ның ресми интернет-ресурстарында жарияланған. Қазіргі уақытта зейнетақы активтерін басқаруалты компанияның құзыретінде: «Alatau City Invest» АҚ, «BCC Invest» АҚ, «Halyk Global Markets» АҚ[2], «Halyk Finance» АҚ, «Сентрас Секьюритиз» АҚ және «Tansar Capital» АҚ.ИПБ тізілімнен шығарылған жағдайда салымшылардың зейнетақы жинақтары Қазақстан Республикасы Ұлттық Банкінің басқаруына қайтарылады. Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1270037?lang=ru

«Маңғыстауға саяхат» бағдарламасының кезекті шығарылымы Бозащы түбегінде орналасқан «Көгез» этноауылына арналды.«Этноауыл» жобасын жергілікті тұрғын Мұқағали Ербозов өзге кәсіпкерлермен бірлесіп жүзеге асырған.Жобаның басты мақсаты – шетелдік қонақтарға қазақ халқының бай мәдениеті мен салт-дәстүрін, сондай-ақ Маңғыстаудың бірегей табиғатын таныстыру.Айта кетейік, жобаның табысты жүзеге асуына Маңғыстау облыстық туризм басқармасы мен «Даму» кәсіпкерлікті дамыту қоры қолдау көрсеткен.Ақпарат көзі : https://www.gov.kz/memleket/entities/mangystau-tourism/press/news/details/1269172?lang=ru

Туризм саласындағы халықаралық ынтымақтастықты нығайту мақсатында Маңғыстау облысының Туризм басқармасы Әзербайжанның 12 жетекші туроператоры үшін ақпараттық тур ұйымдастырды.Бағдарламаның салтанатты ашылуы Ақтау қаласында өтті. Іс-шараға Маңғыстау облысы әкімінің орынбасары Аббат Өрісбаев қатысып, қонақтарды құттықтады.«Маңғыстау жері – көне тарихтың, қайталанбас табиғаттың және киелі орындардың мекені. Біз әзербайжандық әріптестерімізді қуана қарсы аламыз және туризм саласындағы ынтымақтастығымыз елдеріміз арасындағы берік көпірге айналады деп сенеміз», – деді ол.Ақпараттық турдың мақсаты – іскерлік байланыстарды дамыту және Маңғыстау облысын бірегей туристік бағыт ретінде халықаралық нарықта ілгерілету.Іс-шара аясында әзербайжандық және ақтаулық туроператорлар арасында B2B кездесулер ұйымдастырылып, бірлескен туристік өнімдерді әзірлеу мүмкіндіктері, туристердің сұранысы және салалық тәжірибе талқыланды.Төрт күндік бағдарлама барысында қатысушылар Бозжыра, Қызылқұп, Шерқала, Айрақты, Жығылған, Шақпақ ата, Торыш және Көгез сияқты Маңғыстаудың негізгі туристік нысандарын аралайды.Сапар қорытындысында жаңа туристік бағыттарды қалыптастыру, Әзербайжаннан Қазақстанға келетін туристік ағынды ұлғайту және екі ел арасындағы мәдени әрі іскерлік ынтымақтастықты кеңейту көзделіп отыр.Ақпарат көзі : https://www.gov.kz/memleket/entities/mangystau-tourism/press/news/details/1269174?lang=ru

Қазақстанда азаматтардың лайықты зейнетақымен қамсыздандыруға қатысты саналы көзқарасы жыл санап дамып келеді. Бұл үрдіс басқа елдерде әлдеқашан қалыптасқан тәжірибе. Зейнетақы жинақтарын өзінің қартайған кездегі әл-ауқат деңгейіне тікелей әсер ететін ұзақ мерзімді қаржылық капиталы ретінде қабылдайтын азаматтар саны көбеюде. Бұған зейнетақы жинақтары көлемінің серпінді өсуі, халықты жинақтаушы зейнетақы жүйесімен (ЖЗЖ) қамту ауқымының кеңеюі, зейнетақы жарналарын тұрақты төлейтін азаматтар санының артуы дәлел. Зейнетақы шоттары мен ондағы жинақтардың өсуі2026 жылғы 1 шілдедегі жағдай бойынша қазақстандықтардың БЖЗҚ-дағы зейнетақы жинақтары 28,09 трлн теңгеге жетіп, бір жыл ішінде 4,08 трлн теңгеге немесе 17,0%-ға өсті.ЖЗЖ дамуының негізгі көрсеткіштерінің бірі – зейнетақы шоттары санының тұрақты өсуі. 2026 жылғы 1 шілдедегі жағдай бойынша «Бірыңғай жинақтаушы зейнетақы қоры» АҚ-да 18,78 млн зейнетақы шоты ашылған. Бұл өткен жылдың сәйкес кезеңімен салыстырғанда 1,11 млн немесе 6,3%-ға көп. Олардың ішінде салымшылардың (алушылардың) 12,80 млн жеке зейнетақы шоты бар. Оның ішінде 11,36 млн шот – міндетті зейнетақы жарналары (МЗЖ), 786,27 мың шот – міндетті кәсіптік зейнетақы жарналары (МКЗЖ), 462,40 мың шот – ерікті зейнетақы жарналары (ЕЗЖ) бойынша ашылған. Бұдан бөлек, БЖЗҚ-да жұмыс берушінің міндетті зейнетақы жарналары (ЖМЗЖ) бойынша келіп түскен мәліметтер есепке алынатын 5,97 млн шартты зейнетақы шоты ашылған.Шоттар мен жинақтар туралы барлық ақпарат ашық әрі азаматтарға тәулік бойы, аптасына 7 күн қолжетімді. Оны БЖЗҚ-ның сайтындағы немесе мобильді қосымшасындағы жеке үзінді көшірмеден, сондай-ақ БЖЗҚ-ның өңірлік бөлімшелерінен алуға болады. Халықтың зейнетақы жарналарын төлеу белсенділігін қалай бағалаған жөн?Азаматтардың зейнетақы жарналарын төлеу белсенділігін бағалау кезінде бірқатар маңызды жайттарды ескеру қажет. МЗЖ есепке алынатын шоттардың жалпы санына (11,36 млн) объективті себептерге байланысты жарналар түспейтін шоттар да кіреді. Оларға азаматтардың мынадай санаттары жатады:зейнет жасына жетіп, зейнетақы төлемдерін алып жүрген және еңбек қызметін әрі қарай жалғастырып, табысы болған жағдайда да зейнетақы жарналарын төлеуден босатылған зейнеткерлер;мерзімсіз уақытқа бірінші және екінші топтағы мүгедектігі белгіленген адамдар;2016 жылдан бастап толық мемлекеттік зейнетақымен қамсыздандыруға көшірілген әскери қызметшілер;елден тыс жерлерге тұрақты тұруға көшіп кеткен, бірақ зейнетақы жинақтарын алуға жүгінбеген салымшылар;қайтыс болған, ал мұрагерлері зейнетақы жинақтарына мұрагерлік рәсімін әлі ресімдемеген салымшылар;Қазақстан заңнамасына сәйкес шоттарына зейнетақы жарналары түспеуі тиіс салымшылардың (алушылардың) басқа да санаттары.Сонымен қатар, әр адамның өмірінде зейнетақы жарналары төленуі тиіс табысы болмайтын объективті жағдайлар кездеседі. Оларға мыналар жатады:оқу орындарында білім алу;әскери қызмет өткеру;балаға және туыстарына күтім жасау;жұмыс іздеу және жұмыс ауыстыру кезеңдері;шетелде жұмыс істеу;жұмыстың маусымдық сипатына байланысты үзілістер;күнтізбелік жыл ішінде табысы тұрақты түрде түспейтін жұмысты атқару;ұзақ уақыт емделуге және оңалтуға байланысты кезеңдер.Сондықтан халықаралық тәжірибеде халықтың жинақтаушы зейнетақы жүйесіне тартылуын бағалаудың жалпыға бірдей қабылданған әрі неғұрлым объективті көрсеткіштері ретінде табыс алатын азаматтардың саны және сәйкесінше жыл ішінде кемінде бір жарна түскен белсенді жеке зейнетақы шоттарының саны қарастырылады.Тек 2026 жылдың бірінші жартыжылдығында мұндай шоттардың саны 7,20 млн-нан 7,34 млн-ға дейін, яғни 150,3 мың шотқа артты. Сәйкесінше, бұл шоттардағы зейнетақы жинақтарының көлемі де өсті. 2026 жылдың бірінші жартыжылдығында олардың көлемі 20,95 трлн теңгеден 22,24 трлн теңгеге дейін, яғни шамамен 1,29 трлн теңгеге немесе 6,2%-ға ұлғайды.Белсенді шоттардың негізгі бөлігі тұрақты еңбек қызметін жүзеге асыратын және МЗЖ-ны жүйелі түрде төлейтін азаматтарға тиесілі. Олардың саны алты ай ішінде 6,77 млн-нан 6,93 млн-ға дейін өсті, ал осы шоттардағы жинақтар 20,10 трлн теңгеден 21,07 трлн теңгеге дейін ұлғайды. Зейнетақы жарналарын төлеудің тұрақтылығы мен толықтығыЖЗЖ-ға қатысу ұзақтығынан бөлек, жеткілікті зейнетақы жинақтарын қалыптастырудың маңызды факторларының бірі – жарналарды тұрақты әрі толық көлемде төлеу.Қазақстанда бір жыл ішіндегі МЗЖ төлеудің орташа тұрақтылық көрсеткіші біртіндеп өсіп келеді:- жалдамалы қызметкерлер арасында бұл көрсеткіш 2024 жылғы 8,95 жарнадан 2025 жылы 8,98 жарнаға дейін өсті;- өзін-өзі жұмыспен қамтығандар арасында 7,36-дан 7,53 жарнаға дейін артты.Бұл ретте 2025 жылы жалдамалы қызметкерлердің 80%-ы және өзін-өзі жұмыспен қамтығандардың 64%-ы зейнетақы жарналарын жылына 6-дан 12 ретке дейін аударған.2025 жылы жарналардың орташа мөлшері жалдамалы қызметкерлер арасында 43 661 теңгені құрады. Бұл республика бойынша орташа жалақы деңгейіндегі табыстан төленетін жарна мөлшерімен үйлеседі. Өзін-өзі жұмыспен қамтығандар арасында бұл көрсеткіш 23 225 теңге болды, бұл ең төменгі жалақыдан жоғары, алайда медиандық жалақыдан төмен табыстан төленетін жарнаны көрсетеді.Ұзақ мерзімді динамика да халықты ЖЗЖ-мен қамту деңгейінің және МЗЖ төлеу тәртібінің біртіндеп жақсарып келе жатқанын көрсетеді. Егер 2015 жылы МЗЖ есепке алынатын белсенді шоттардың саны 6,07 млн болса, 2025 жылы олардың саны 7,20 млн-нан асты. Жарналарды жылына 6-дан 12 ретке дейін төлейтін азаматтардың үлесі 2015 жылғы 71%-дан 2025 жылы 78%-ға дейін өсті. Тиісінше, жарналарды жүйелі түрде емес, яғни жылына 1-ден 5 ретке дейін аударатын азаматтардың үлесі 29%-дан 22%-ға дейін төмендеді. Зейнетақы жарналарының салымшылар табысының деңгейіне тәуелділігіСалымшылардың табыс деңгейіне қарай МЗЖ есепке алынатын белсенді жеке шоттардың құрылымында да оң өзгерістер байқалады.2025 жылдың қорытындысы бойынша (2026 жылғы 1 қаңтардағы жағдай) ең төменгі жалақыдан (ЕТЖ) төмен табыстан жарна төленетін шоттардың үлесі 12%-дан 9%-ға дейін қысқарды. Мұндай шоттардың саны 838,3 мыңнан 652,4 мыңға дейін, яғни 22,2%-ға азайды. Олардың қатарына жұмыс күні толық емес немесе ауысымдық жұмыспен қамтылған салымшылар жатады.Сонымен бірге жоғары мөлшердегі табыстан жарна түсетін шоттардың да саны артты. 2025 жылдың қорытындысы бойынша медиандық жалақыдан орташа айлық жалақыға дейінгі аралықтағы табысы бар белсенді шоттардың үлесі 44%-дан (2025 жылғы 1 қаңтардағы) 45%-ға (2026 жылғы 1 қаңтарда) дейін өсті. Ал мұндай белсенді шоттардың саны 3,17 млн-нан 3,28 млн-ға дейін артты.Бұл динамика ресми жұмыспен қамту және табыстың өсуін ғана емес, азаматтардың өз табыстарынан жарналарды ашық әрі толық көлемде төлеу арқылы қалыптастыруға ұмтылысын да көрсетеді.2025 жылдың қорытындысы бойынша жалдамалы қызметкерлердің жүйемен қамтылу деңгейі 91%-ға жетті. Бұл олардың толық дерлік қамтылғанын және зейнетақы жинақтарын қалыптастырудағы белсенділіктерін көрсетеді.Өзін-өзі жұмыспен қамтығандар арасында қамту деңгейі төменірек. Осыған байланысты халықаралық оң тәжірибені ескере отырып, оларды зейнетақы жүйесіне тарту бойынша кешенді шараларды іске асыру қажет. Бұл аса маңызды, өйткені базалық зейнетақы мөлшері де еңбек өтіліне байланысты. Ал еңбек өтілі БЖЗҚ-ға МЗЖ-ның ай сайын түсуі негізінде айқындалады. Осылайша, қазіргі жағдайда зейнетақы жинақтарын қалыптастыру зейнеткерлікке шыққаннан кейінгі табысты қамтамасыз ету тетігі ғана емес, сонымен қатар қоғамның қаржылық мәдениеті мен азаматтардың қаржылық дербестігінің маңызды элементіне айналып келеді.Азаматтар өз шоттарының жай-күйін үнемі бақылап, БЖЗҚ-ның электрондық сервистерін пайдаланады, инвестициялық кірісті қадағалап, зейнетақы активтерін басқару мүмкіндіктерін зерделейді. Азаматтардың өз жинақтарын қалыптастыруға қатысуы, жарналарды тұрақты түрде төлеуі және жинақтарды басқаруға қызығушылық танытуы Қазақстанда ұзақ мерзімді қаржылық жоспарлау мәдениетінің біртіндеп қалыптасып келе жатқанын көрсетеді. Бұл ретте болашақтағы әл-ауқат үшін жауапкершілік мемлекет, жұмыс берушілер және азаматтардың өздері үшін ортақ міндетке айналуда.Ақпарат көзі : https://www.gov.kz/memleket/entities/akimat-beyneu/press/news/details/1271015?lang=ru

5 тамыз күні таңғы сағат 08:00 шамасында Қазақстан Республикасы Қорғаныс министрлігі Бітімгерлік операциялар орталығының әскери қызметшілері подполковник Батыр Тұяқов, майор Медет Махметов, капитан Данияр Баймолдин және капитан Әсем Әбдірайымова кәмелетке толмаған балаға жасалған заңсыз әрекеттің алдын алып, батылдық танытты.Офицерлер «Атакент» саябағы маңында белгісіз ер адамның балаға шабуыл жасап, оның бетінен жұдырықпен ұрғанына куә болған. Жағдайды жедел бағамдаған әскери қызметшілер еш кідірместен заңға қайшы әрекетті тоқтатты. Олар күдіктіні залалсыздандырып, полиция қызметкерлері келгенге дейін ұстап тұрды. Ал капитан Әсем Әбдірайымова бірден 102 нөміріне хабарласып, полиция жасағын шақырды.Құқық қорғау органдары оқиға орнына келгеннен кейін ұсталған азамат одан әрі тергеу жүргізу үшін полиция қызметкерлеріне тапсырылды.Әскери қызметшілердің үйлесімді, батыл әрі сауатты әрекетінің арқасында қауіпті жағдайдың ушығуына жол берілмей, баланың қауіпсіздігі қамтамасыз етілді және құқық қорғау органдарына қажетті көмек көрсетілді.Зардап шеккен баланың ата-анасы Аслан мен Гауһар Құбаевтар офицерлерге ерекше алғыстарын білдірді.- Ер адам кәмелетке толмаған ұлымызға шабуыл жасап, оны ұрып жіберген кезде жанында басқа да балалар болған. Олардың барлығы қатты қорқып қалды. Бақытымызға қарай, сол маңда жүрген әскери қызметшілер бейжай қалмай, бірден араласты. Олар ер адамды ұстап, полиция шақырып, құқық қорғау органдарына тапсырды.Подполковник Батыр Тұяқовқа, майор Медет Махметовке, капитан Данияр Баймұлдинге және капитан Әсем Әбдірайымоваға батылдығы, жанашырлығы және көмекке дайын болғаны үшін шын жүректен алғыс айтамыз. Олардың шешімді әрекеттерінің арқасында балалар аман қалды.Осындай азаматтар туралы көпшілік білгенін қалаймыз. Дәл осындай істер шынайы құрметке лайық және нағыз офицер мен өз елінің лайықты азаматы қандай болуы керектігінің жарқын үлгісі, – делінген отбасының алғыс хатында.Бұл оқиға Қазақстан Республикасы Қарулы күштерінің әскери қызметшілері үшін адамдарды қорғау тек қызметтік міндет қана емес, өмірлік ұстаным екенін тағы бір мәрте дәлелдеді. Олар қызметтен тыс уақытта да офицерлік ар-намысына адал болып, ерлік, жауапкершілік және қиын жағдайға тап болған әрбір адамға қол ұшын созуға әрдайым дайын екенін көрсетті.Ақпарат көзі : https://www.gov.kz/memleket/entities/mod/press/news/details/1269176?lang=ru

2025 жылы 3 мамыр Маңғыстау облысының туризм басқармасының қолдауымен «Каспий» әлеуметтік-кәсіпкерлік корпорациясы мен «Pine Hills Group» туристік деволопер және «Жәрдем Ақтау» мекемесі арасында «Жылы жағажай» курорттық аймағының аумағында «Ақтау қаласында эко-курорт құрылысы» жобасы бойынша ынтымақтастық туралы үшжақты меморандумға қол қойылды.Маңғыстау облысының туризм басқармасының қолдауымен «Каспий» әлеуметтік-кәсіпкерлік корпорациясы мен «Pine Hills Group» туристік деволопер және «Жәрдем Ақтау» мекемесі арасында «Жылы жағажай» курорттық аймағының аумағында «Ақтау қаласында эко-курорт құрылысы» жобасы бойынша ынтымақтастық туралы үшжақты меморандумға қол қойылды, деп хабарлайды Қоғамдық коммуникация орталығы «Каспий» әлеуметтік-кәсіпкерлік корпорациясының баспасөз қызметіне сілтеме жасап.Жоба рекреациялық қызметтердің толық спектрін ұсынатын озық үлгідегі заман талабына сай эко-курорттың құрылысын көздейді. Тұжырымдама аясында модульдік қонақ үйлерді глэмпинг форматында орналастыру, бассейндері бар заманға сай сауықтыру орталығы мен мейрамханаларды салу сондай-ақ жайлы демалыс үшін кешен аумағын абаттандыру жоспарланған.Жобаның ерекшелігі — объектілерді салу кезеңінде де, оларды одан әрі пайдалану кезінде де көміртегі ізін едәуір азайтуға көмектесетін тұрақты технологияларды қолдана отырып құрылыстың экологиялық қауіпсіздігін ескеру.Жоба әзірлеуші компания қазіргі таңда тұжырымдамасы ұқсас Nomads Eco Resort кешенін Алматы облысының Талғар ауданында салып жатыр. Қос жобаның жасақтау үрдісіне Zrobim Architects сәулет бюросының атынан шетелдік сәулетшілер тартылды.«Маңғыстау облысы бірегей табиғи ресурстар мен бай туристік әлеуетке ие. Біз жобаны іске асыру отандық қана емес, шетелдік туристерді де тартуға қосымша серпін береді деп санаймыз», —деп атап өтті «Каспий» ӘКК» АҚ басқарма төрағасы Абылай Молдағұлов.«Pine Hills Group» компаниясының негізін қалаушы және даму жөніндегі директоры Арман Әлжановтың айтуынша, қонақүйдің базалық қызметтері мен мейрамхана сервисін қоса алғанда, заманға сай Wellness орталығын іске қосу жоспарлануда.«Біз болашақ қонақтарымыз үшін жайлылық пен жоғары сапаны қалыптастыруды көздейміз. Қонақтарымыз қайтадан оралғысы келіп, сапалы қызмет пен жағымды эмоциялар алуы үшін жағдай жасауға тырысамыз», - деді жоба бастамашысы.«Жылы жағажай» аумағында жобаны іске асыру қосымша туристік ағымды тартуды көздейді және Маңғыстау облысының визиттік карточкаларының біріне айналуы мүмкін.Ақпарат көзі : https://www.gov.kz/memleket/entities/mangystau-tourism/press/news/details/1269165?lang=ru

Шымкентте Мемлекет басшысының бастамасымен жүзеге асырылып жатқан «Таза Қазақстан» жалпыұлттық бағдарламасы аясындағы жұмыстар жүйелі түрде жалғасуда.  Қаланың көркін арттыруды және тұрғындардың табиғатқа деген жауапкершілігін күшейтуді көздейтін бастамаға коммуналдық қызмет мамандары да, ерікті жастар да белсенді атсалысып келеді. Бұл жолғы акциялар жасыл желекті күтіп-баптау мен қоғамдық орындарды абаттандыру бағытында ұйымдастырылды.Қаланың Орманшы тұрғын алабында орналасқан «Тұқымбақ» аумағында ауқымды сенбілік өтті. Тазалық шарасына Шымкенттің бес ауданынан келген коммуналдық мекемелердің 100-ден астам қызметкері қатысып, жасыл аймақты ретке келтіру жұмыстарына жұмылдырылды.Сенбілік барысында шөп шабылып, ағаштардың артық бұтақтары қырқылды, арамшөптер тазартылып, көшеттер өсетін аумақтар күтіп-бапталды. Бұл жұмыстар көшеттердің сапалы өсіп-жетілуіне жағдай жасап, алдағы күзгі ағаш отырғызу маусымына дайындықты күшейтуге мүмкіндік береді.«Жасыл белдеу» коммуналдық мемлекеттік мекемесі директорының міндетін атқарушы Ербол Есіркеповтің айтуынша, тұқымбақтағы жұмыс жыл он екі ай бойы үздіксіз жүргізіледі.Жалпы аумағы 12 гектарды құрайтын тұқымбақта қала көшелері мен саябақтарын, гүлзарлар мен қоғамдық кеңістіктерді көгалдандыруға арналған түрлі ағаш және бұта көшеттері өсіріледі. Мұнда күн сайын 35 қызметкер көшеттерді суару, күтіп-баптау, жерді қопсыту және арамшөптерден тазарту жұмыстарын атқарады. Өсірілген көшеттер кейін Шымкенттің жасыл қорын толықтыруға пайдаланылады.Экологиялық бастама тек коммуналдық сала қызметкерлерімен ғана шектелмейді. Осы бағдарлама аясында Шымкент қалалық Жастар ресурстық орталығының ұйымдастыруымен жастардың қатысуымен де кең көлемді акция өтті.Іс-шараға 14 пен 35 жас аралығындағы 40 ерікті қатысты. Олардың қатарында мектеп оқушылары, колледждер мен жоғары оқу орындарының студенттері, жас мамандар және қоғамдық ұйымдардың белсенділері болды. Әртүрлі ортадан жиналған жастарды туған қаланың тазалығы мен көркеюіне үлес қосу мақсаты біріктірді.Акция басталар алдында қатысушылармен арнайы кездесу ұйымдастырылып, жастарға экологиялық мәдениетті қалыптастырудың маңызы түсіндірілді. Қалалық Жастар ресурстық орталығы директорының орынбасары Қуаныш Серікбай қоршаған ортаны қорғау әр азаматтың ортақ міндеті екенін атап өтті.Кездесуге Шымкент қаласы Полиция департаментінің, прокуратура органдарының және экологиялық қызметтердің өкілдері де қатысып, жастармен қоғамдық тәртіпті сақтау, табиғатты аялау және азаматтық жауапкершілік мәселелері жөнінде пікір алмасты. Олар «Таза Қазақстан» бағдарламасының басты мақсаты тек тазалық жұмыстарын жүргізу ғана емес, қоғамда экологиялық сана мен жауапкершілік мәдениетін қалыптастыру екенін жеткізді.Кездесуден кейін еріктілер Қазақстан халқы Ассамблеясы ғимаратының аумағы мен Абай атындағы саябақта тазалық және абаттандыру жұмыстарын жүргізді. Олар аумақтарды қоқыстан тазартып, жаяу жүргіншілер жолдарын ретке келтіріп, қоғамдық кеңістіктердің санитарлық жағдайын жақсартуға өз үлестерін қосты.Бүгінде «Таза Қазақстан» бағдарламасы Шымкентте бір реттік сенбіліктермен шектелмейтін, экологиялық мәдениетті қалыптастыруға бағытталған тұрақты қоғамдық қозғалысқа айналып келеді. Коммуналдық қызметкерлердің күнделікті еңбегі мен жастардың еріктілік бастамалары бір арнада тоғысып, қаланың экологиялық ахуалын жақсартуға, жасыл желек қорын көбейтуге және тұрғындар үшін жайлы өмір сүру ортасын қалыптастыруға нақты үлес қосып отыр.

2026 жылғы 4 тамызда Бостандық ауданының әкімі Азамат Қалдыбеков азаматтарды кезекті жеке қабылдауын өткізді. Кездесу барысында аудан тұрғындары өздерін толғандырған мәселелер бойынша тікелей өтініш білдіріп, түсіндірмелер алып, сондай-ақ аудан әкімі аппаратының бейінді бөлімдері басшыларының қатысуымен оларды шешу жолдарын талқылады.Қабылдау барысында аулаларды абаттандыру, коммуналдық инфрақұрылым нысандарын күтіп-ұстау, қатты тұрмыстық қалдықтарды жинауға арналған контейнер алаңдарын ұйымдастыру, тұрғын үйлерді су басудың алдын алу, құрылыс және жөндеу жұмыстарын жүргізу кезінде талаптардың сақталуы, сондай-ақ ерекше білім беру қажеттіліктері бар балаларды оқытуға арналған жобаларды іске асыру мәселелері бойынша өтініштер қаралды.Әрбір өтініш бойынша аудан әкімі тиісті бейінді бөлімдерге нақты тапсырмалар берді. Жекелеген мәселелер бойынша жағдайды жан-жақты зерделеп, қажетті шараларды қабылдау мақсатында құзыретті мемлекеттік органдардың қатысуымен көшпелі тексерулер жүргізу тапсырылды. Іске асырылуы бюджеттік қаржыландыруға тәуелді өтініштер бойынша азаматтарға нысандарды жұмыс жоспарларына енгізу тәртібі және оларды орындау кезектілігі түсіндірілді.Сонымен қатар азаматтарға шешімі басқа мемлекеттік органдардың құзыретіне жататын мәселелер бойынша түсіндірмелер беріліп, әрі қарай жүгіну тәртібі жөнінде ұсынымдар ұсынылды.Азаматтарды жеке қабылдау аудан тұрғындарымен ашық диалог орнатудың маңызды тетігі болып табылады. Келіп түскен барлық өтініштер қолданыстағы заңнама аясында толық қаралғанға дейін Бостандық ауданы әкімі аппаратының бақылауында болады.Еске саламыз, күрделі жөндеу жұмыстары кезеңінде Бостандық ауданының әкімдігі уақытша Абай даңғылы, 143 / Радостовец көшесі, 112 мекенжайында орналасқан. Қабылдау әр сейсенбі сайын өткізіледі. Қабылдауға жазылу телефоны: 394 38 90.Ақпарат көзі : https://www.gov.kz/memleket/entities/almaty-bostandyk/press/news/details/1269119?lang=ru

2026 жылғы 1 тамыздан бастап темекі өнімдерінің ең төмен бөлшек сауда бағасы өзгердіҚостанай облысы бойынша Мемлекеттік кірістер департаменті 2026 жылғы 1 тамыздан бастап Қазақстанда темекі өнімдерінің жекелеген түрлеріне жаңа ең төмен бөлшек сауда бағалары белгіленгенін хабарлайды.Сүзгісі бар және сүзгісіз 20 дана сигареттің, папиростың, сигариллалардың, сондай-ақ қыздырылатын темекі өнімдерінің ең төменгі бағасы 1 060 теңгені құрайды. Аталған баға 2026 жылғы 31 желтоқсанды қоса алғанға дейін қолданылады.Бұған дейін, 2026 жылғы 1 қаңтардан 31 шілдеге дейін ең төмен бөлшек сауда бағасы 970 теңгені құраған болатын.Кезекті баға өсімі 2027 жылғы 1 қаңтардан бастап көзделген. Осы күннен бастап аталған темекі өнімдерінің 20 данасының ең төмен бөлшек сауда бағасы 1 120 теңгені құрайды.Қостанай облысы бойынша Мемлекеттік кірістер департаменті темекі өнімдерін өткізумен айналысатын кәсіпкерлік субъектілерінің назарын белгіленген ең төмен бөлшек сауда бағаларын сақтау қажеттігіне аударады.Ең төмен бағалардың өсуі темекі өнімдерінің айналымы саласындағы мемлекеттік салық және баға саясаты аясында жүзеге асырылуда. Бұл шара темекі өнімдерін тұтынуды азайтуға, бюджет түсімдерін арттыруға және көлеңкелі айналым үлесін төмендетуге бағытталған.Ақпарат көзі : https://www.gov.kz/memleket/entities/kgd-kostanay/press/news/details/1269123?lang=ru

Президент «Қызылорда – Сексеуіл», «Ұлғайсын – Сексеуіл» және «Бейнеу – Сексеуіл» автокөлік жолдары құрылысының басталуына арналған телекөпірде сөз сөйледі.Қасым-Жомарт Тоқаев көлік-логистика саласы тоғыз жолдың торабында тұрған Қазақстанның өсіп-өркендеуіне серпін беретін маңызды бағыт екеніне тоқталып, бүгін еліміз үшін стратегиялық мәні айрықша ауқымды жобалардың құрылысы басталатынын мәлімдеді.– «Жол – тіршіліктің күретамыры». Мемлекет осы саланы дамытуға әрдайым баса назар аударады. Біздің мақсатымыз – Қазақстанды Еуразиядағы негізгі транзит хабы ретінде дамыту. Мен мұны үнемі айтып жүрмін. Баршаңызға белгілі, еліміз Еуропа мен Азияны жалғайтын негізгі көпір саналады. Батыс пен Шығыс арасында құрлықпен тасымалданатын жүктің басым бөлігі Қазақстан арқылы өтеді. Сондықтан озық және заманауи көлік жүйесін қалыптастыру – алдымызда тұрған стратегиялық міндет. Жалпы, елімізде бұл бағытта көптеген шаруа атқарылып жатыр. Былтыр «Достық – Мойынты» темір жолының екінші желісі іске қосылды. Соның арқасында жүк тасымалы көлемі 5 есе артты. Сондай-ақ Алматы бекетін айналып өтетін теміржол желісі жұмыс істей бастады, нәтижесінде жүк жеткізу мерзімі айтарлықтай қысқарды. Ең бастысы, осындай ауқымды жобаларды өз мамандарымыз жүзеге асырып жатыр, – деді Мемлекет басшысы.Президенттің айтуынша, бұл жұмыстың бәрі Қазақстанның көлік-логистика саласындағы әлеуеті зор екенін көрсетеді.– Өткен жылы еліміздегі жалпы тасымал көлемі 6 пайызға артып, шамамен 37 миллион тонна болды. Биыл «Мойынты – Қызылжар» және «Дарбаза – Мақтаарал», ал келесі жылы «Бақты – Аягөз» теміржол желісінің құрылысы аяқталады. Бұдан бөлек, біз автокөлік саласына ерекше назар аударып отырмыз. Соңғы жылдары Қазақстанда тас жолдарды түбегейлі жаңғырту жұмысы қолға алынды. Бірқатар ірі инфрақұрылымдық жоба табысты аяқталды. «Батыс Еуропа – Батыс Қытай», «Қарағанды – Алматы», «Орталық – Оңтүстік», «Атырау – Астрахан», «Талдықорған – Өскемен», «Қалбатау – Майқапшағай» бағытындағы жолдар – соның айқын дәлелі. Кейінгі 5 жылда автокөлікпен жүк тасымалдау көлемі екі есе артты. Былтыр осы қызмет түрінен түсетін табыс 1,5 триллион теңгеге жетті. Өздеріңіз білесіздер, еліміз арқылы 8 халықаралық дәліз өтеді. Бұл жолмен күн сайын 35 мыңға жуық автокөлік жүреді. Өткен жылы 13 мың шақырым автокөлік жолын салу және жөндеу жұмысы жүргізілді. Соның 6 мың шақырымы халық игілігіне берілді. Келесі жылы автокөліктерді өткізу бекеттері толық жаңартылады. Мұндай ауқымды жұмыс Тәуелсіздік тарихында алғаш рет жүзеге асырылып отыр, – деді Қасым-Жомарт Тоқаев.Мемлекет басшысы қазір Қазақстанның әр аймағында автожолдар жөнделіп жатқанын атап өтті.– Жақында Сарыағаш айналма жолының құрылысы мен «Жезқазған – Қарағанды» автожолын жөндеу жұмысы басталды. Сонымен қатар еліміз бойынша көптеген тұрғын үй, мектеп, аурухана, инженерлік желі салынып жатыр, басқа да әлеуметтік нысандар бой көтеруде. Бір сөзбен, Қазақстан үлкен құрылыс алаңына айналатын болды. Бұл мемлекетіміздің өсіп-өркендеу жолына түсіп, жаңа даму кезеңіне қадам басқанын көрсетеді, – деді Президент.Қасым-Жомарт Тоқаев «Бейнеу – Сексеуіл» бағытында 800 шақырымдық түбегейлі жаңа жолдың құрылысы басталғанына тоқталып, бұл бағдарды халықаралық ауқымдағы автожол деп атады.– Осы жол ел аймақтары арасындағы байланысты нығайта отырып, Қытай мен Еуропаны жалғайтын «алтын көпір» ретінде қызмет етеді. Бұл жоба Қытай шекарасындағы өткізу бекеттерін Ақтау, Құрық порттарымен тікелей байланыстырады. Соның нәтижесінде Қытайдан Еуропаға дейін жүк тасымалдау ұзақтығы 1 мың шақырымға, ал жүк жеткізу мерзімі 3 тәулікке дейін қысқарады. Халқымыздың таным-түсінігінде құдық қазу, көпір салу сауапты іс саналады. Осы тұрғыдан алып қарасақ, біз игілігі баршаға ортақ, яғни өзіміз де, өзгелер де пайдасын көретін аса жауапты жұмысты бастап отырмыз. «Бейнеу – Сексеуіл» бағыты  республикалық, аймақтық, құрлықтық деңгейдегі маңызды жол болары анық. Сондықтан бұл жолды «Арал-Каспий магистралі» деп атаған дұрыс, – деді Мемлекет басшысы.Сонымен қатар Президент жалпы ұзақтығы 774 шақырымды құрайтын «Қызылорда – Сексеуіл», «Ұлғайсын – Сексеуіл» жолдарын кеңейту, түбегейлі жаңғырту жұмыстары басталғанын мәлімдеді.– Бұл жолдардың құрылысымен отандық компаниялар айналысады. Құрылыс жұмыстарына 10 мыңнан астам жұмысшы тартылады. Жолдар толық салынып біткен соң жүк тасымалы 2,5 есе артып, жылына 13,2 миллион тоннаға жетеді. Бұл жобалар ел экономикасын өркендетуге, туризмді дамытуға тың серпін беріп, халықтың әл-ауқатын арттыруға септігін тигізері сөзсіз. Осындай жобалардың әрқайсысы тұтас Қазақстанның көлік жүйесімен үйлеседі. Бұған дейін негізінен солтүстіктен оңтүстікке тартылған көлік желілері енді шығыстан батысқа қарай бағытталған жаңа тармақтармен кеңейіп жатыр. Басты мақсат – елімізді Еуропа мен Азияны жалғастыратын жетекші логистикалық желінің біріне айналдыру. Қазақстандағы автокөлік тасымалы саласы табысы жағынан теміржол көлігімен теңесті. Сондықтан жолдың құрылысын жүргізумен бірге заманауи цифрлық экожүйе құру маңызды міндет саналады. Жергілікті автоөндірісті тарта отырып, отандық тасымалдаушыларды қолдаудың ұлттық бағдарламасын қабылдау әлеуетті еселейді. Мұның бәрі Қазақстанның транзиттік мүмкіндіктерін кеңейте түседі. Арал маңындағы иен даламен тартылып жатқан жолдар бұған дейін тұйық нүкте саналып келген бағыттарды Еуразияның негізгі көлік дәліздерінің тоғысына айналдырады. Бүгін бастау алып жатқан жұмысты уақтылы, яғни 2029 жылдан кешіктірмей аяқтау өте маңызды. Қажетті жағдайдың барлығы жасалып жатыр. Енді білек сыбана жұмысқа кірісу керек. Біз бір ел болып, бұл міндетті ойдағыдай жүзеге асырамыз. Мен бұған кәміл сенемін. Баршаңызға амандық, сәттілік және табыс тілеймін! – деді Қасым-Жомарт Тоқаев.Телекөпір барысында Премьер-министрдің бірінші орынбасары Нұрлыбек Нәлібаев, Ақтөбе облысының әкімі Асхат Шахаров, Маңғыстау облысының әкімі Нұрдәулет Қилыбай жобаны бастауға әзірлік жөнінде баяндады. Бұдан бөлек Қызылорда облысы ардагерлер кеңесінің төрағасы Серік Дүйсенбаев сөз сөйлеп, Президентке өңір тұрғындарының ризашылығын жеткізді.Ақпарат көзі : https://www.gov.kz/memleket/entities/mfa-thailand/press/news/details/1269106?lang=ru

Бүгін Қазақстан Республикасының Қарулы күштерінде жаңа кәсіби мереке – Әуе қорғанысы күштерінің Майдандық авиация күні алғаш рет аталып өтіп жатыр.2025 жылы Қорғаныс министрінің бұйрығымен бекітілген бұл атаулы күн есімі отандық және әлемдік авиация тарихына алтын әріппен жазылған даңқты ұшқыштардың ерлігімен тығыз байланысты.Бұл күннің 5 тамызға белгіленуінің де өзіндік мәні бар. Дәл осы күні, 1922 жылдың 5 тамызында аты аңызға айналған әскери ұшқыш-шабуылдаушы, екі мәрте Кеңес Одағының Батыры, авиация генерал-майоры Талғат Бигелдинов дүниеге келген. Ұлы Отан соғысы жылдарында ол белгілі Ил-2 шабуылдаушы ұшағымен 305 жауынгерлік ұшу орындап, теңдессіз ерлік, нағыз ұшқышқа тән шеберлік және Отанға адалдықтың үлгісін көрсетті.– Майдандық авиация күнінің 5 тамызға белгіленуі – даңқты жерлесіміз Талғат Бигелдиновке, оның майдандас серіктеріне көрсетілген құрмет әрі бүгінгі әскери ұшқыштардың, инженерлер мен техниктердің еңбегін мойындаудың белгісі. Шабуылдаушы ұшқыштардың шебері атанған қаһарманның ерлігі әлі күнге дейін әскери қызметшілерді оқу-жауынгерлік міндеттерді мінсіз орындауда, кәсіби шеберлігін шыңдауда және күрделі ұшу тәсілдерін жетілдіруде жігерлендіріп келеді, – деді Әскери-әуе күштерінің қолбасшысы авиация генерал-майоры Асқар Ізбасов.Қазақстанның қазіргі майдандық авиациясы аңызға айналған майдангер ұшқыштар қалыптастырған жауынгерлік дәстүрдің заңды жалғасы және олардың ісін абыроймен жалғастырып, елдің әуе шекарасын сенімді қорғап жүр.Заманауи көпфункциялы Су-30СМ жойғыш ұшақтарымен және жаңғыртылған Су-25 шабуылдаушы ұшақтарымен жарақтандырылған майдандық авиация – Әуе қорғанысы күштерінің негізгі құрамдас бөліктерінің бірі. Ол қойылған міндеттерді барынша ұтқырлықпен, дәлдікпен және тиімділікпен орындайды.Атаулы датаға орай еліміздің барлық негізгі авиациялық базаларында әскери қызметшілер мен Қарулы күштердің ардагерлерін құрметтеу рәсімдері, батыр қырандардың ескерткіштеріне гүл шоқтарын қою, сондай-ақ әскери авиацияның даңқты дәстүрлерін жас ұрпаққа насихаттауға арналған кездесулер өткізіліп жатыр.Ақпарат көзі : https://www.gov.kz/memleket/entities/mod/press/news/details/1269070?lang=ru

Дауыс беру күні жақындахан сайын әлеуметтик желалерде сайлауды әділ ұйымдастыруға күмән келтиретін жарияланымдар санының арта тюсетіні белгілі. Тәжірибе көрсеткендей, мұндай ақпараттың көпшілігі әрбір сайлау науқаны кезінде қайталанып отырады. Мақсат – азаматтарды ақпараттандыру емес, сайлау жүйесінің жұмысына қатысты теріс пікір қалыптастыру.Ең жиі таралатын жалған мәлімдемелерді талдап көрейік.1-миф. «Басқа қалада оқитын студенттер жазғы демалысқа байланысты дауыс бере алмайды».Факт : Заңнамада уақытша жүрген жері бойынша дауыс беру тігі қарастырылған. Жары оқу орындарымен бірлесіп студенттердің нақты тұрып жатқан жері анықталады, содан кейин олар осы мекенжай бойынша сайлаушылар тізиміне англизіледі. Бұл жұмыс бүкіл сайлау науқаны барысында жүргізіледі.2-миф. «Үздіксіз жұмыс істейтін өндірис орындарының қызметкерлері мен вахталық кенттердің тұрғындары дауыс бере алмайды».Факт : Мұндай жағдайлар үшін заңнамада үздіксіз өндіріс орындарында және вахталық кенттерде сайлау учаскелерін құру көзделген. Шешимдерді қалыптасқан жағдайларды ескере отырып, аумақтық сайлау комиссиилары қабылдайды.3-миф. «Бір есептен шығару куәлигі арқылы бірнеше рет дауыс беруге болады».Факт : Бұған заң жүзінде жол берілмейді. Әрбір куәліктің бірегей нөмірі болады. Ол жеке басты куәландыратын құжат пен жазбаша өтініш негізінде тек бір рет қана беріледі, только берілгені туралы мәлі сметайлаушылар тізімінде тіркеледі. Заңнамада куәлікти қайта беру немесе жоғалған нұсқасын қалпына келтіру көзделмеген.4-миф. «Сайлаушыларды тексеруге арналған онлайн-сервистерді деректерді өзгерту үшін пайдалануға болады».Факт : Сайлау науқаны кезеңінде мемлекеттик ақпараттық жүйелерді бақылау мен қорғау шаралары барыня күшейтиледі. Цифрлық инфрақұрылымның тұрақты жұмысын қамтамасыз эту және сыртқы киберқауіптерге қарсы іс-қимыл жасау үшін барлық қажетті шаралар қабылдануда.5-миф. «Сайлау бюллетеньдерин қолдан огай жасауға болады».Факт : Сайлау бюллетень содержит белгіленген арнайы полиграфические материалы қорғаныс элементы болады. Әрбір бюллетеньге учаскелик комиссии мүшелері қол қояды. Белгіленген талаптарға сәйкес келмейтін бюллетеньдер жарамсыз деп танылады.6-миф. «Сайлаушылар тізімдері жаңартылмайды және онда көптеген қателіктер кездеседі».Факт : Сайлаушылар тізимин жергілікти атқарушы органдар қалыптастырады және ол тұрақты түрде өңделіп отырады. Азаматтар өз деректерин алдын на портале «Электрондық үкімет» арқылы тексере алады немесе еліміздің барлық өңірлерінде жұмыс істейтін колл-орталықтарға хабарласуйна болады. Әрбір өтініш белгіленген тәртіппен қаралады.7-миф. «Сайлау халықаралық байқаушылардың қатысуынсыз, бақылауынсыз өтеді».Факт : Сайлау науқанына шет мемлекеттер мен халықаралық ұйымдардың байқаушылары қатысады. Оларды аккредиттеуді Қазақстан Республикасының заңнамасына сәйкес Орталық сайлау комиссии жүзеге асырады.————‼️Дауыс берет куні жақындахан сайын мұндай мәлимдемелер жаңа жарияланымдарда, бейнероликтерде немесе әлеуметтик желілердегі жазбаларда қайта пайда болуы мүмкін. Сондықтан ақпаратты ресми дереккөздер арқылы тексеруді және жекелеген жарияланымдар мен анонимді аккаунттардың хабарламалары негізінде қоритынды жасамауды ұсынамыз.🔎Жалған ақпаратқа қарсы іс-қимыл орталығы ақпараттық кеңістікке Монитор жүргізуді жалғастырады және сайлау науқанына қатысты мәселелер бойынша тексерілген ақпаратты дер кезінде жариялап отырады.

Сайлауалды науқан аясында саяси партиялар еліміздің әр өңірінде түрлі іс-шара өткізіп жатыр. Кездесулерге еңбек ұжымдары, қоғамдық ұйымдардың өкілдері, кәсіпкерлер, сарапшылар қауымы мен тұрғындар қатысады. Іс-шара барысында әлеуметтік қорғау, экономиканы дамыту, отандық өндірісті қолдау, құқықтық мемлекетті нығайту және мемлекеттік саясаттың өзге де басым бағыттары талқыланып жүр.«Әділет» партиясы Ақтөбе облысында бірқатар іс-шара өткізді. Республикалық сайлауалды штаб өкілдері еңбек ұжымдарымен, кәсіпкерлермен, жастармен және қоғам белсенділерімен кездесті. Кездесулерде отбасыны қолдау, ана мен бала денсаулығын қорғау, әйелдер кәсіпкерлігін дамыту, әйелдер мен балалардың құқығын қорғау, сондай-ақ әйелдердің қоғамдық және мемлекеттік істегі белсенділігі талқыланды. Сонымен қатар форумға қатысушылар мүмкіндігі шектеулі жандарды әлеуметтік қолдау, құқықтық мемлекетті дамыту, сот жүйесінің тәуелсіздігі, құқықтық мәдениетті қалыптастыру және заңға құрметпен қарау мәселесін көтерді. Кездесу барысында қатысушылар ұсыныс білдіріп, бастамаларын ортаға салды.Жалпыұлттық социал-демократиялық партия Өскемен қаласында кәсіподақ ұйымдарының өкілдері, сарапшылардың, Құрылтай депутаттығына үміткерлердің қатысуымен республикалық кәсіподақтар конгресін өткізді. Іс-шарада ең төменгі жалақы мөлшері, тұтыну себеті, өндірісте жарақат алған қызметкерлерді әлеуметтік қолдау, зиянды өндіріс орындарында жұмыс істейтін қызметкерлердің зейнетақы алуы және кәсіпорындардың әлеуметтік жауапкершілігі мәселесі талқыланды. Сонымен қатар инклюзия мен әлеуметтік қорғау мәселелеріне ерекше назар аударылды.«Байтақ» жасылдар партиясы экология және халықпен өзара іс-қимыл мәселесіне арналған іс-шараларын жалғастырды. Алматы облысында мемлекеттік органдардың өкілдері, ғалымдар мен экологтардың қатысуымен Іле өзені мен Балқаш көлінің экожүйесін сақтау мәселелері бойынша дөңгелек үстел өтті. Кездесу барысында су ресурстарының қазіргі жай-күйі және алдағы бірлескен жұмыстың ықтимал бағыттары талқыланды. Сонымен қатар партия кандидаттары Астанадағы Белсенді ұзақ өмір сүру орталығының мүшелерімен және Ұлттық ғылыми медициналық орталықтың ұжымымен кездесіп, экологиялық мәселелерді талқылады. Қызылорда облысында партия өкілдері Қызылорда – Арал бағыты бойында тұрғындармен кездесу өткізді.Қазақстанның Халық партиясы әлеуметтік қорғау, инклюзия және отбасыларды қолдау мәселелеріне арналған кездесулерін жалғастырды. Партия өкілдері «Чувствуя жизнь» зағип және нашар көретін балалар орталығында барып, қолжетімді орта қалыптастыру және мүмкіндігі шектеулі жандарды қажетті қолдаумен қамтамасыз ету мәселесін талқылады. Сондай-ақ «Қорғау» дағдарыс орталығында тұрмыстық зорлық-зомбылықтың алдын алу, балаларды қорғау және алимент төлеу мәселесіне арналған кездесу өтті.«Ауыл» партиясы республикалық сайлауалды штаб өкілдерінің Құрылтай депутаттарын сайлауды бақылау үшін Қазақстанға келген ТМД-ға қарасты мемлекеттердің Парламентаралық Ассамблеясы делегациясымен кездесуін өткізді. Кездесу барысында сайлауалды науқанның барысы, штабтың жұмысы, сайлау науқаны аясында ұйымдастырылып жатқан іс-шаралар, партия бағдарламасының негізгі бағыттары, сондай-ақ сайлаушылармен өзара іс-қимыл және сайлауалды жұмысты қолданыстағы рәсімдерге сәйкес жүргізу мәселесі талқыланды.«Ақ жол» Қазақстан демократиялық партиясы сайлауалды науқан аясындағы іс-шараларын жалғастырды. Қостанай қаласындағы Kostanay Plaza сауда-ойын-сауық орталығында ақпараттық-түсіндіру акциясы өтті. Сонымен қатар Меркі қант зауытының еңбек ұжымымен кездесу ұйымдастырылып, онда өнеркәсіпті дамыту, өндірісті мемлекеттік қолдау және әлеуметтік саясат мәселелері сөз болды.Respublica партиясының өкілдері еңбек ұжымдарымен кездесулерін жалғастырды. «Вега-Пром» ЖШС-де өткен кездесуде отандық өндірісті қолдау, өнеркәсіпті дамыту, «Өрлеу» мемлекеттік бағдарламасы, кәсіпкерлікке қолайлы жағдай жасау, сондай-ақ экономиканы цифрландыру және өндіріс секторын дамыту мәселелері талқыланды.

Қазақстан Республикасы Қаржы министрлігі алғаш рет 2030 жылға дейінгі Ішкі мемлекеттік аудитті дамыту Тұжырымдамасын бекітті. Бұл – ішкі мемлекеттік аудит жүйесін дамытудың жаңа кезеңін айқындайтын стратегиялық құжат.Тұжырымдаманың қабылдануы мемлекеттік басқару жүйесін жетілдірудегі маңызды қадам болып табылады және тәуекелдердің алдын алуға, тәуекелге бағдарланған тәсілге, цифрлық технологиялар мен деректерді талдауға негізделген ішкі мемлекеттік аудиттің заманауи моделіне көшуді білдіреді.Алғаш рет ішкі мемлекеттік аудит жүйесін дамыту оны 2030 жылға дейін жетілдірудің басымдықтарын айқындайтын бірыңғай стратегиялық көзқарас аясында біріктірілді.Тұжырымдама мемлекеттік қаржының тиімді пайдаланылуын арттыруға, мемлекеттік басқару сапасын жақсартуға және бюджеттік процестердің ашықтығын қамтамасыз етуге бағытталған.Қазақстан Республикасының Қаржы министрі Мәди Тәкиевтің айтуынша, бүгінгі таңда ішкі мемлекеттік аудитті дамыту тек бақылауды күшейтумен шектелмей, тәуекелдерді уақтылы анықтауға және басқарушылық шешімдерді алдын ала қабылдауға мүмкіндік беретін тетіктерді қалыптастыруды талап етеді:«Мемлекеттік аудиттің болашағы – технологияларда, сапалы деректерде және құқық бұзушылықтардың алдын алуда. Біздің міндетіміз – мемлекеттік ресурстардың тиімді пайдаланылуын қамтамасыз етіп, қоғамның қаржыны басқару жүйесіне деген сенімін арттыру».Тұжырымдаманы іске асыру халықаралық озық тәжірибеге сәйкес келетін және Қазақстан Республикасының орнықты даму міндеттеріне жауап беретін заманауи ішкі мемлекеттік аудит жүйесін қалыптастыруға мүмкіндік береді.Қазақстан цифрландыруға басымдық бере отырып, ішкі мемлекеттік аудитті дамытудың ұзақ мерзімді стратегиясын қалыптастырған өңірдегі алғашқы мемлекеттердің біріне айналуда.Тұжырымдаманың толық мәтінімен Ішкі мемлекеттік аудит комитетінің ресми интернет-ресурсында танысуға болады (https://www.gov.kz/memleket/entities/kvga/documents/details/1049460?lang=kk).Ақпарат көзі : https://www.gov.kz/memleket/entities/kvga/press/news/details/1269001?lang=ru

Қазақстан Республикасының Қатар Мемлекетіндегі Төтенше және Өкілетті Елшісі Бақыт Батыршаев Қатар Мемлекетінің Әмірі Шейх Тәмим бен Хамад Әл Тәниге сенім грамоталарын тапсырды.Қатар Әмірі Шейх Тәмим бен Хамад Әл Тәни Қазақстан Елшісін дипломатиялық миссиясының басталуымен құттықтап, екі ел арасындағы достық пен стратегиялық серіктестікті одан әрі нығайту жолындағы қызметіне табыс тіледі.Өз кезегінде Елші Бақыт Батыршаев Қазақстан Республикасының Президенті Қасым-Жомарт Тоқаевтың Қатар Әміріне ізгі тілектері мен сәлемін жеткізіп, Астана мен Доха арасындағы жан-жақты ынтымақтастықты дамытуға бар күш-жігерін салатынын атап өтті.Тараптар қол жеткізілген стратегиялық әріптестік байланыстарын одан әрі дамытудың маңыздылығына тоқтала келе, түрлі салалардағы өзара тиімді ынтымақтастықты одан әрі нығайтуға келісті.Ақпарат көзі : https://www.gov.kz/memleket/entities/mfa/press/news/details/1268973?lang=ru

Аймағымызда үш күн бойы «Қостанай дала» агрофестивалі жоғары деңгейде ұйымдастырылды. Енді бұл шара жыл сайын өткізіліп, еліміздің басты ауыл шаруашылығы көрмесіне айналатын болады. Айтулы шараға ҚР Ауыл шаруашылық министрі Айдарбек Сапаров арнайы келді.Қостанай облысының әкімі Құмар Ақсақалов аймақ аграршыларының Мемлекет басшысы жүктеген міндеттерді табысты орындап келе жатқанын атап өтті. Биыл агроөнеркәсіп кешенін дамытуға 275 млрд теңге бөлінді. Бұл өткен жылмен салыстырғанда 33%-ға көп. Соңғы бес жылда саланы қаржыландыру көлемі 3,6 есеге артты.Жеңілдетілген лизинг бағдарламасы аясында өткен жылы шаруашылықтар 1034 бірлік ауыл шаруашылығы техникасын сатып алды. Биылдың өзінде 799 бірлік жаңа техника алынды. Сатып алынған техниканың 90%-ы – отандық өндірістің өнімі.Өткен жылы соңғы он жылдағы ең жоғары нәтижеге қол жеткізіліп, әр гектардан 16,7 центнерден өнім алынып, жалпы 6,7 млн тонна астық жиналды. Биыл егіс жұмыстарына жеңілдетілген несие ретінде 140,4 млрд теңге берілді.«Облысымыз азық-түлік өндірісі мен қайта өңделген ауыл шаруашылығы өнімдерінің экспорты бойынша елімізде көш бастап тұр. Өткен жылы Қазақстан бойынша 8,1 млн тонна өңделген ауыл шаруашылығы өнімі экспортталса, оның 27,2%-ы Қостанай облысының үлесіне тиесілі болды. Биыл облысымыз ауыл шаруашылығы өнімдерінің барлық түрі бойынша 525,3 млн АҚШ долларына экспорт жүзеге асырды. Бұл өткен жылдың сәйкес кезеңімен салыстырғанда 59%-ға жоғары көрсеткіш», – деді аймақ басшысы Құмар Ақсақалов.Облыстың агроөнеркәсіп кешенін дамытуда қайта өңдеу саласындағы инвестициялық жобаларға басымдық берілуде. Соңғы жылдары бұршақ дақылдарын өңдеу, құрғақ бие сүтін өндіру жобалары іске қосылды. Ұн тарту кешені мен ірімшік өндіретін зауыт пайдалануға берілді. Тамыз айында «Кондитерлік астана» жобасы іске қосылады. Сонымен қатар макарон өнімдерін шығару жобасы басталып, май экстракциялау зауыты мен дәнді және майлы дақылдарды өңдеу кешенінің құрылысы жүргізілуде.Сондай-ақ астықты терең өңдеу және тұрақты авиациялық отын өндіру жобаларының жүзеге асырылуы өңір экономикасы үшін ерекше маңызға ие болады.«Игілік», «Береке» және «Жайлау» бағдарламалары аясында жүзеге асырылып жатқан мал шаруашылығын дамытудың кешенді жоспары облыстағы мал басының көбеюіне оң ықпал етуде. Жалпы құны 20 млрд теңгені құрайтын 21 жоба іріктеліп, олардың аясында 14,2 мың бас асыл тұқымды импорттық мал сатып алу жоспарланған.Сүтті мал шаруашылығында соңғы екі жылда 7 тауарлы-сүт фермасы іске қосылды. Қазіргі уақытта тағы 6 ферма салынып жатыр. Биыл қосымша 3 жаңа жобаны жүзеге асыру басталады.Ақпарат көзі : https://www.gov.kz/memleket/entities/kostanay/press/news/details/1268938?lang=ru

Қадағалау қызметі аясында Бас прокуратурамен  ҚР ІІМ ҚАЖК №22 мекемесінде ақша бопсалау фактісін анықтады, бұл бойынша қылмыстық іс арнайы прокурорлардың өндірісіне алынды.Сотқа дейінгі тергеп-тексерумен сотталғандар Ж. мен К.-ның 2025 жылдың шілдесінен қарашасына дейінгі кезеңде физикалық күш қолданамыз деп қорқыту арқылы жаңадан келген сотталған М.-дан «қамқорлық» жасағаны үшін ақша қаражатын бопсалағаны анықталды.Арнайы прокурорлар кінәлі тұлғалардың қылмыс жасауға қатыстылығын растайтын жеткілікті дәлелдемелер жиынтығын жинап, қылмыстық істі сотқа жолдады.Глубокое аудандық сотының 2026 жылғы 29 шілдедегі үкімімен сотталушылар Қылмыстық кодекстің 194-бабының 3-бөлігінде көзделген қылмыстық құқық бұзушылықты жасағаны үшін кінәлі деп танылып, қолданыстағы жаза мерзімдері арттырыла отырып, бас бостандығынан айыруға сотталды.Үкім заңды күшіне енген жоқ. Шығыс Қазақстан облысының прокуратурасы  Ақпарат көзі : https://www.gov.kz/memleket/entities/prokuratura-vko/press/news/details/1268907?lang=ru

Қазақстан Республикасының Қаржы нарығын реттеу және дамыту агенттігі әйел кәсіпкерлерді қаржыландыруды мониторингтеуге арналған ұлттық аналитикалық платформаның іске қосылғаны туралы хабарлайды. Бұл – еліміздегі әйелдердің қаржы ресурстарына қолжетімділігіне жүйелі әрі ашық көзқарасты қамтамасыз ететін алғашқы цифрлық ресурс.Платформа Агенттік тарапынан Қазақстан Республикасындағы әйелдер кәсіпкерлігін қаржыландыру бағдарламасы аясында Еуропалық қайта құру және даму банкімен бірлесіп әзірленді. Бағдарламаның негізгі бағыттарының бірі әйел кәсіпкерлердің қаржылық қызметтерге қолжетімділігін кеңейтуге және қабылданатын шешімдердің сапасын арттыруға мүмкіндік беретін деректерді жинау, талдау және пайдалану жүйесін дамыту болып табылады.Агенттік кредиттер бойынша деректерді жинақтап, жүйеледі, сондай-ақ әйел кәсіпкерлерді сәйкестендіру әдіснамасын әзірледі. Аталған әдіснаманы әзірлеу жобаның маңызды нәтижелерінің бірі болды, өйткені ол алғаш рет кәсіпкерлікті кредиттеуге әйелдердің қатысуы туралы тұтас әрі сенімді көріністі қалыптастыруға мүмкіндік береді.Платформа банк және микроқаржы ұйымдары секторларында әйел кәсіпкерлерді қаржыландыруға кешенді мониторинг жүргізуді қамтамасыз етеді және шағын, орта және ірі бизнес субъектілерінің кредиттік портфельдерін қамтиды. Аналитикалық функционал кредиттік портфельдің негізгі көрсеткіштерін, оның құрылымы мен сапасын, қаржыландырудың салалық және өңірлік ерекшеліктерін, сондай-ақ қарыз алушылардың демографиялық және ұйымдық сипаттамаларын ашып көрсетеді.Бірыңғай сүзгілеу жүйесі есепті күн, кәсіпкерлік субъектісінің түрі, бизнес көлемі және ел өңірлері бойынша түрлі аналитикалық кесінділерді қалыптастыруға мүмкіндік береді. Мұндай тәсіл пайдаланушыларға жалпыұлттық көрсеткіштерден бастап жекелеген өңір немесе сала деңгейіндегі егжей-тегжейлі талдауға дейін қажетті аналитиканы өздігінен қалыптастыруға мүмкіндік береді.Платформа https://wefikazakhstan.com/ ресми интернет-ресурсында орналастырылған, тәулік бойы қолжетімді және үш тілде жұмыс істейді.Платформаның іске қосылуы әйел кәсіпкерлерді қаржыландыру туралы ақпараттың ашықтығын арттыруға, шешімдер қабылдау үшін аналитикалық базаны нығайтуға және әйелдер кәсіпкерлігін қолдау шараларының дәлелді негізін қалыптастыруға ықпал етеді.Агенттік кәсіпкерлердің қаржы ресурстарына тең қолжетімділігін қамтамасыз етуге бағытталған аналитикалық құралдарды одан әрі дамытып, деректер сапасын жетілдіру жұмысын жалғастырады. Агенттіктің сыртқы коммуникациялар басқармасы, press@finreg.kz Ақпарат көзі : https://www.gov.kz/memleket/entities/ardfm/press/news/details/1268840?lang=ru

2026 жылғы шілдедегі қорытынды бойынша жылдық инфляция 10,2%-ға төмендеп, бір айдағы бағаның өсуі 0,6%-ды көрсетті. Бұл алдыңғы екі жылдағы шілдедегі көрсеткіштен төмен (2025 және 2024 жылғы шілдеде 0,7%).Инфляцияның бәсеңдеуіне Үкіметтің Ұлттық банкпен және Қаржы нарығын реттеу және дамыту агенттігімен бірлесіп, баға серпінін тежеуге, макроэкономикалық тұрақтылықты қамтамасыз етіп, халықтың әл-ауқатын арттыруға арналған шаралар кешенін іске асыруы ықпал етті.Азық-түлік тауары бағасының өсу қарқынының төмендеуі де инфляцияны бәсеңдетуге басты үлес қосуда. Шілдеде жылдық азық-түлік инфляциясы 10,1%-ға баяуласа, әлеуметтік маңызы бар азық-түлік тауары бағасының өсуі небәрі 2,4% болды. Бұл бір жыл бұрынғыға қарағанда, 7 пайыздық тармаққа төмен (9,4%).Мұндай нәтиже әлеуметтік маңызы бар азық-түлік тауары тізбесін 19-дан 31 түрге дейін арттырып, шекті 15% сауда үстемесінің сақталуын тұрақты бақылауды, нәтижесіз делдалдарды анықтап, қысқартуды, ішкі нарықты отандық өніммен қанықтырып, азық-түлік тауарына қол жеткізуді қамтамасыз етуді қамтитын шаралар кешені арқылы жүзеге асырылды.Бұл ретте ЖЖМ нарығын дәйекті ырықтандыруға және реттелетін коммуналдық қызмет тарифінің өсуіне мораторийдің аяқталу факторының ықпалына қарамастан, жалпы инфляцияның бәсеңдеуі сақталып отыр. Осы факторлар, ең алдымен, бағаның шілдедегі жылдық өсуі 11,7% болған азық-түлік емес тауарлар құнына қысым жасауды жалғастыруда.https://www.gov.kz/memleket/entities/economy/press/news/details/1268120?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1268817?lang=ru