Мемлекет басшысы 2026 жылғы 15 наурызда республикалық референдум өткiзу туралы Жарлыққа қол қойды.Ақпарат көзі : https://www.gov.kz/memleket/entities/mangystau-munaily-bayandy/press/news/details/1160853?lang=kk

Маңғыстау облысы бойынша Мемлекеттік кірістер департаменті кедендік баждар мен салықтарды төлеу мерзімі мен тәртібі туралы хабарлайды. Төлеу мерзімдері Кедендік баждар мен салықтарды төлеу мерзімдері Кеден кодексінің нормаларымен айқындалады және тауарлардың түріне, қолданылатын кедендік рәсімге, сондай-ақ оларды декларациялау ерекшеліктеріне байланысты болады. Төлеуді кейінге қалдыру және бөліп төлеу Әкелінетін кедендік баждарды төлеу мерзімдерін өзгерту мынадай нысандарда мүмкін:- кейінге қалдыру - соманы біржолғы төлеу арқылы;- бөліп төлеу - бекітілген кесте бойынша кезең-кезеңімен төлеу арқылы.Кейінге қалдыру немесе бөліп төлеу төлеушінің өтініші бойынша, кеден органының шешімі негізінде және, әдетте, міндеттемелердің орындалуын қамтамасыз ету шартымен беріледі. Берілетін мерзімдер - пайыз төлей отырып - 6 айға дейін;- пайыз төлемей - белгіленген негіздер болған жағдайда 6 айға дейін (төтенше жағдайлар, бюджеттік қаржыландыру, халықаралық шарттар, ауыл шаруашылығы жеткізілімдері және т.б.). Мерзімдерді бұзғаны үшін жауапкершілік Кедендік баждар мен салықтар уақтылы төленбеген жағдайда, заңнамада көзделген жағдайларды қоспағанда, өсімпұл есептеледі. Пайыздар Төлеуді кейінге қалдыру немесе бөліп төлеу үшін пайыздар Қазақстан Республикасы Ұлттық Банкінің базалық мөлшерлемесі негізінде есептеледі және белгіленген тәртіппен төленеді. Төлеу тәртібі Кедендік баждар мен салықтар:- Қазақстан Республикасының ұлттық валютасында төленеді;- төлеушінің өзі немесе оның тапсырмасы бойынша үшінші тұлғалар арқылы төленуі мүмкін;- екінші деңгейдегі банктер және өзге де уәкілетті ұйымдар арқылы аударылады;- бюджетке бюджеттік сыныптаманың тиісті кодтары бойынша есепке алынады.Төлем күні - төлем тәсіліне байланысты қаражаттың шоттан есептен шығарылған күні немесе қолма-қол ақша енгізілген күн болып есептеледі.Ақпарат көзі : https://www.gov.kz/memleket/entities/kgd-mangistau/press/news/details/1160699?lang=kk

«Отандастар қоры» КЕАҚ шетелде тұратын барша отандастарымызды және этникалық қазақтарды онлайн форматтағы тегін домбыра үйірмесіне қатысуға шақырады.Үйірме ерекшеліктері:Zoom платформасы арқылы интерактивті сабақтар;Ұзақтығы 3 айлық қарқынды модуль (Бастауыш және Озық топтар);Кәсіби ұстаздан тікелей тәлім алу;Үйірмені сәтті аяқтаған қатысушыларға арнайы сертификат беріледі.Маңызды талап: Әрбір қатысушының жеке домбыра аспабы болуы міндетті.Оқу процесі: Тіркелген қатысушылар деңгейлеріне қарай топтарға бөлініп, сабақтар 2026 жылғы наурыз айынан басталады. Нақты сабақ кестесі қатысушыларға қосымша хабарланады.Орын саны шектеулі. Қатысу үшін төмендегі сілтеме арқылы өтіп, сауалнаманы толтыру қажет: https://docs.google.com/forms/d/e/1FAIpQLSewMRUIaSygSQMrVvL0KDMYAvsllwkkb6DVO51fc3HVf-Q9yg/viewform?usp=publish-editorТолық ақпарат алу үшін:  WhatsApp: +7 700 671 90 33 (Марал)+7 705 664 72 11 (Жандос)Ақпарат көзі : https://www.gov.kz/memleket/entities/mfa-washington/press/news/details/1160708?lang=kk

Белград, 2026 жылғы 12 ақпан – Қазақстанның Сербиядағы Елшісі Мәди Атамқұлов Воеводина автономиялық өлкесіне жұмыс сапарымен барды.Сапар аясында Қазақстан дипломаты Өлкелік үкімет төрайымы Майя Гойковичпен кездесу өткізді. Кездесу барысында өңірлер мен қалалар арасындағы өзара іс-қимылды жандандыру арқылы екі ел арасындағы ынтымақтастықты нығайтуға өзара қызығушылық бар екені атап өтілді.Елші М.Атамқұлов өңіраралық диалогты қарқынды дамыту ауыл шаруашылығы, IT жобалар, цифрландыру, логистика, білім беру және туризм сияқты салалардағы әріптестік әлеуетін ашуға ықпал ететінін атап өтті.Өз кезегінде, М.Гойкович ханым серб тарапының 2016 жылы қол қойылған келісімді жаңа экономикалық, инвестициялық, жасанды интеллект, биотехнология, мәдениет және спорт салаларындағы мүмкіндіктерді ескере отырып жаңартатын Воеводина мен Алматы облысы арасындағы ынтымақтастық туралы жаңа құжатқа қол қою ниетін растады.Сапарды жалғастыра отырып, Елші Нови-Сад қаласындағы «NS Seme» Далалық және көкөніс дақылдары ұлттық институтына барып, оның басшылығымен кездесу өткізді.Қазақстан дипломаты отандық тұқым шаруашылығы үшін өзекті мәселелерді, атап айтқанда, дәнді, майлы және көкөніс дақылдарының бірлескен гибридтерін әзірлеу, сондай-ақ, аграрлық ғылым үшін ғылыми кадрларды даярлау мен тағылымдамаларды ұйымдастыру мәселелерін атап өтті.Өз кезегінде Институт басшылығы ғылыми-зерттеу қызметі туралы ақпарат бере отырып, Қазақстанмен ынтымақтастық орнату «NS Seme» үшін үлкен қызығушылық тудыратынын жеткізді. Сонымен қатар, Қазақстанның бірқатар аграрлық жоғары оқу орындары мен компанияларымен жұмыс тәжірибесі бар екенін атап өтіп, Қазақстанның Ұлттық аграрлық ғылыми-білім беру орталығымен ынтымақтастық туралы меморандумға қол қою ниетін растады.Воеводина автономиялық өлкесі Сербияның солтүстігінде орналасқан. Өлкенің әкімшілік орталығы әрі ең ірі қаласы — Нови-Сад.Воеводина Сербияның ірі аграрлық, энергетикалық, логистикалық және инновациялық өңірі болып табылады. Өлке аумағында Панчево қаласындағы мұнай өңдеу зауыты, «NS Seme» Далалық және көкөніс дақылдары ұлттық институты, BioSense – Биожүйелердегі ақпараттық технологиялар ғылыми-зерттеу институты, сондай-ақ, Сербияның Жасанды интеллект институты сияқты негізгі өндірістік және ғылыми орталықтар орналасқан. Воеводинаның орталығы Нови-Сад қаласы 2026 жылы Еуропаның спорт қаласы мәртебесіне ие болды.Сербия Республикасының Статистика басқармасының деректеріне сәйкес, Қазақстан мен Сербия арасындағы сауданың 90%-ы Воеводинаға тиесілі (813 млн еуро).Нови-Сад қаласындағы Далалық және көкөніс дақылдары институты («NS Seme») 1938 жылы құрылған. Институт генетика және селекция, тұқым шаруашылығы, микробиология, физиология және биохимия, агрохимия, топырақты мелиорациялау, фитопатология, энтомология, өсімдіктерді қорғау және токсикология және басқа да биотехникалық ғылымдар салаларында зерттеулер жүргізеді.«NS Seme» институтының күнбағыс генетикалық қоры әлемдегі ең ірісі болып табылады. Институт әлемнің 34-тен астам еліне екі мыңға жуық тұқым түрін жеткізеді.Ақпарат көзі : https://www.gov.kz/memleket/entities/mfa-belgrad/press/news/details/1160733?lang=kk

Премьер-министрдің орынбасары – ұлттық экономика министрі Серік Жұманғарин Қазақстанмен 2026-2031 жылдарға арналған әріптестіктің жаңа негіздемелік стратегиясы бойынша консультацияларға арналған Дүниежүзілік банк тобының өкілдерімен кездесу өткізді.Кездесуді ашқан Серік Жұманғарин ынтымақтастықтың стратегиялық сипатын атап өтіп, 2031 жылға дейінгі өзара іс-қимыл бағдарын айқындайтын құжатты дайындағаны үшін ризашылығын білдірді.«Біз Дүниежүзілік банкпен әріптестікті жоғары бағалаймыз. Ұсынылған стратегия сараптама, қаржыландыру және бірлескен бастамалар арқылы біздің реформаларды қолдау үшін негіз жасайды», — деп атап өтті вице-премьер.Көлік және цифрлық байланысты дамытуды, су және энергетика секторларында көрсетілетін қызмет сапасын арттыруды, қаржы нарығын дамытуды, жеке инвестицияны ынталандыруды, климаттық саясатты күшейтуді және жаңартылатын энергия көзін пайдалануды арттыруды қосқанда, стратегия жобасында белгіленген басымдықтар Қазақстанның әлеуметтік-экономикалық дамуының стратегиялық құжаттары мен мақсаттарына сәйкес келеді.Банктің алты жыл ішінде жыл сайын $1 млрд-қа дейін қаржыландыруға дайындығы да атап өтілді. Вице-премьердің айтуынша, бұл жеке секторды нығайту, инфрақұрылымды дамыту мен экономиканың бәсекеге қабілеттілігін арттыру үшін қосымша жағдай жасайды. Реформаларды талдамалық сүйемелдеу Қазақстан Үкіметі мен Дүниежүзілік банктің бірлескен Экономикалық зерттеу бағдарламасы шеңберінде жалғасады.Кездесу барысында 2020-2025 жылдарға арналған алдыңғы Стратегияны іске асырудың қорытындысы шығарылды. Осы кезеңде жалпы сомасы  $4,2 млрд көлеміндегі 14 жоба іске асырылды. Олардың қатарында «Батыс Еуропа-Батыс Қытай» халықаралық транзиттік дәлізін дамыту, «Алматы-Қорғас» автожолын қайта жаңарту, ирригациялық және дренаждық жүйелерді жаңғырту және т. б. бар.Дүниежүзілік банктің Қазақстан мен Түркіменстандағы тұрақты өкілі Андрей Михнев өткен кезең пандемияны қосқанда, бірқатар сыртқы сын-қатермен қатар жүргенін, бұл ретте тараптардың өзара іс-қимылы белгіленген бастамаларды іске асыруға және іс жүзінде нәтижелерге қол жеткізуге ықпал еткенін атап өтті.Оның айтуынша, «Шығыс-Батыс» және «Оңтүстік-Батыс» жобалары «Батыс Еуропа - Батыс Қытай» көлік дәлізін дамытып, 5 миллионнан астам адамға шаққандағы байланысты жақсартты. Жол жүру уақыты үштен екіге қысқарып, қозғалыс жылдамдығы үш есе өсті. Көлік шығындары 35%-ға төмендеді. 1 200-ден аса тұрақты жұмыс орны құрылған. Тұрғындардың 93%-ы өмір сүру сапасының артқанын атап өткен.Шағын және орта бизнесті қолдау мыңнан астам кәсіпорынға гранттық және консультациялық көмек көрсетуге мүмкіндік берді. 175 стартап $41 млн сатылымды қамтамасыз етті және $16 млн инвестиция тартты.Ирригациялық инфрақұрылымды жаңғырту жөніндегі жоба су пайдаланудың тиімділігін 92 мың гектарға арттырып, 60 мың фермерді қосқанда, 94 мың су пайдаланушының жағдайын жақсартты. 763 шақырым арна жаңартылып, өнімділіктің өсуіне және жұмыс орындарының құрылуына ықпал етті. Аграрлық секторда субсидиялау жүйесін реформалауға қосымша талдамалық қолдау көрсетілді.Халықаралық қаржы корпорациясының (IFC) өкілдері мемлекеттік-жекешелік әріптестік жобаларын консультациялық қолдауды, сондай-ақ жеке инвесторларға кредит беру мен олардың қатысуын арттыруды қоса алғанда, инвестициялық қызметті жалғастыру жоспары туралы хабарлады. Мысал ретінде ҚТЖ қатысуымен Алматы айналма теміржолын қаржыландыру жобасы келтірілді.Бұдан арғы басымдықтардың қатарында темір жол инфрақұрылымын жаңғырту, қаржы институттары арқылы шағын және шағын бизнесті қолдау, заманауи ауыл шаруашылығы техникасы мен астықты терең өңдеу жобаларын жеткізуді қаржыландыруды қосқанда, агроөнеркәсіптік кешенді дамыту бар.Кездесу қорытындысы бойынша тараптар стратегия жобасын айтылған ұсыныстарды ескере отырып пысықтауға және оны Дүниежүзілік Банктің Директорлар кеңесінің қарауына ұсынуға уағдаласты.Ақпарат көзі : https://www.gov.kz/memleket/entities/economy/press/news/details/1160735?lang=kk

Таллин, 2026 жылғы 11-12 ақпан – Эстония делегациясының Қазақстан Республикасына мемлекеттік сапары (2025 жылғы 15-17 қараша) барысында қол жеткізілген уағдаластықтарды, сондай-ақ Қазақстан Республикасының Президенті Қ.Тоқаевтың еліміздің экспорттық әлеуетін кеңейту және логистикалық маршруттарды әртараптандыру жөніндегі тапсырмаларын іске асыру шеңберінде Таллин қаласына Ауыл шаруашылығы вице-министрі Е. Кенжеханұлы бастаған қазақстандық делегация келді.Делегация құрамына Солтүстік Қазақстан облысы әкімінің бірінші орынбасары М.Тасмағанбетов, Ақмола облысы әкімінің орынбасары М.Балпан, «Азық-түлік келісімшарт корпорациясы» ҰК» АҚ Басқарма төрағасы А. Жұмашев, сонымен қатар дәнді және майлы дақылдарды, өсімдік майын экспорттаушы жетекші компаниялардың, ет және ет өнімдерін өндірушілердің, көлік-логистикалық компаниялардың өкілдері кірді.Ауыл шаруашылығы өнімдерін экспорттаушылар «Силламяэ» портының (Эстониядағы екінші ірі және Балтық елдеріндегі бесінші теңіз сауда порты), «Таллин порты» (Эстониядағы ең ірі порт ұйымы, Мууга астық терминалын қоса алғанда төрт портты басқарады) және Эстонияның жетекші трейдерлік компанияларының өкілдерімен кездесу өткізді.«Силламяэ» және «Таллин» порттарының өкілдері терминалдардың мүмкіндіктерін, соның ішінде астық пен сусымалы жүктерді ауыстырып тиеу қуатын, сондай-ақ порттардың Балтық жағалауындағы маңызды логистикалық хаб ретіндегі тиімді географиялық орналасу артықшылықтарын таныстырды.Кездесуде көлік маршруттарын оңтайландыру, ауыстырып тиеу қуаттарын дамыту, дәнді және майлы дақылдарды тұрақты жеткізуді қамтамасыз ету, сондай-ақ Қазақстаннан келетін экспорттық жүктерді өңдеу үшін порт инфрақұрылымының тиімділігін арттыру мәселелеріне ерекше назар аударылды.Сонымен қатар, Эстонияның Ауыл шаруашылығы министрлігінде Эстония Республикасының Асыл тұқымды мал өсірушілер қауымдастығымен кездесу өтті.Келіссөздер барысында тараптар логистика және ауыл шаруашылығы өнімдерін экспорттау, сондай-ақ асыл тұқымды мал импорты саласындағы ынтымақтастықты кеңейту перспективаларын талқылады.Қазақстандық делегация Эстонияның ауыл шаруашылығын цифрландыру саласындағы тәжірибесіне қызығушылық танытып, Қазақстанға ірі қара мал (ІҚМ) импорттау мүмкіндіктерімен танысты.Эстон тарапы қазақстандық жеткізушілермен ынтымақтастық көлемін арттыруға мүдделілік білдіріп, ұзақ мерзімді әріптестік қатынастарды дамытуға дайын екенін растады.Кездесу қорытындысы бойынша тараптар экспорттық ағындарды ұлғайту және Қазақстан мен Эстония арасындағы сауда-экономикалық байланыстарды нығайту мақсатында логистикалық шешімдер мен коммерциялық шарттарды егжей-тегжейлі пысықтауды жалғастыруға келісті.Ақпарат көзі : https://www.gov.kz/memleket/entities/mfa-tallin/press/news/details/1160736?lang=kk

Қазақстанның Израильдегі Елшісі Дәулет Ембердиев Израиль Кнессетінің Спикері Амир Оханамен кездесу өткізді.Кездесу барысында тараптар саяси, сауда-экономикалық және гуманитарлық салалардағы екіжақты ынтымақтастықтың қазіргі жай-күйі мен перспективаларын, екіжақты байланыстардың даму серпінін, сондай-ақ парламентаралық өзара іс-қимылды жандандыру жоспарларын талқылады.Спикердің былтыр Қазақстанға жасаған ресми сапарының қорытындылары бойынша қол жеткізілген уағдаластықтарды іске асыру мәселелеріне ерекше назар аударылды.А.Охана елімізде жүргізіліп жатқан саяси және әлеуметтік-экономикалық реформаларға жоғары баға беріп, Қазақстан мен Израиль арасындағы достық қатынастарды дәйекті түрде нығайтуға дайын екенін білдірді.Ақпарат көзі : https://www.gov.kz/memleket/entities/mfa-tel-aviv/press/news/details/1160745?lang=kk

Сент-Галлен, 2026 жылғы 9-10 ақпан. Қазақстан Республикасының Еуропадағы қауіпсіздік және ынтымақтастық ұйымы (ЕҚЫҰ) жанындағы Тұрақты өкілдігінің өкілі Санкт-Галлен қаласында Швейцарияның ЕҚЫҰ-дағы Іс басындағы төрағалығы ұйымдастырған Антисемитизм мен төзімсіздікке қарсы күрес жөніндегі конференцияға қатысты. Іс-шараға қатысушы мемлекеттердің, халықаралық ұйымдардың және азаматтық қоғамның өкілдері кемсітушілікке, экстремизмге және діни жеккөрушілік көріністеріне қарсы күрес жөніндегі бірлескен шараларды әзірлеу үшін бас қосты.Конференция барысында Швейцарияның Сыртқы істер министрі әрі ЕҚЫҰ-ның Іс басындағы төрағасы Игнацио Кассис бейбітшілік пен қауіпсіздіктің ортақ болашағын құру «күнделікті міндет» екенін атап өтіп, жеккөрушілік пен төзімсіздікке қарсы күресте «естеліктен іс-әрекетке» көшуге шақырды.Қазақстан делегациясы өз сөзінде елдің төзімділік, өзара құрмет және конфессияаралық келісім қағидаттарына бейімділігін растап, 2025 жылғы қыркүйек айында Астанада өткен Әлемдік және дәстүрлі діндер көшбасшыларының VIII съезінің конфессияаралық диалогты нығайтудың бірегей халықаралық платформасы ретіндегі ерекше маңыздылығын атап өтті.Қазақстанда жүргізіліп жатқан конституциялық реформалардың аясында ұлттық диалогтың жаңа институты - Қазақстан Халық Кеңесі құрылып жатқаны атап өтіліп, ол заң шығару бастамасы құқығымен және этникалық топтардың кеңейтілген өкілдігімен ең жоғары консультативтік органға айналады. Бұл тетік қоғамдық келісім мен инклюзивтілікті одан әрі нығайтуға бағытталған.Қазақ дипломаты дінаралық диалогты дамыту, білім беру, құрмет мәдениетін нығайту және тарихи естелікті, оның ішінде Холокостты еске алуды сақтау антисемитизмге және басқа да төзімсіздік түрлеріне қарсы күрестегі негізгі құралдар екенін атап өтті. Ақпарат көзі : https://www.gov.kz/memleket/entities/mfa-vienna/press/news/details/1160695?lang=kk

Маңғыстау облысы бойынша Мемлекеттік кірістер департаменті 2026 жылғы 1 қаңтардан бастап Қазақстанда жаңа Салық кодексі қолданылатынын хабарлайды.Маңызды өзгерістердің бірі – тауарлар импортына қатысты. ҚҚС мөлшерлемесі — 16%.Салық салынатын барлық импорттық тауарларға қолданылады.ҚҚС қай жерде төленеді?Импортталатын тауарлар бойынша ҚҚС тауар ішкі тұтыну үшін шығарылған жағдайда салық төлеушінің тұрған жері бойынша төленеді.ҚҚС бойынша есепке жатқызу әдісіЖекелеген тауарлар бойынша ҚҚС бірден төленбейді, ол ҚҚС декларациясында бір мезгілде есептеліп, есепке жатқызылады.Есепке жатқызу әдісі қолданылады, егер сіз ҚҚС төлеуші болып, мысалы, мына тауарларды әкелсеңіз: жабдықтар; ауыл шаруашылығы техникасы; жүк автокөлігі; локомотивтер мен вагондар; ұшақтар мен тікұшақтар; теңіз кемелері; қосалқы бөлшектер; асыл тұқымды мал (ІҚМ); жасанды ұрықтандыруға арналған жабдықтар.Бұл тізбеге Қазақстанда өндірілмейтін немесе ішкі сұранысты толық жаппайтын тауарлар кіреді.Пайдалану шарттарыЕсепке жатқызу әдісімен әкелінген тауарлар:  қайта сатылмайды (кейбір ерекшеліктер бар);қаржылық лизингке берілуі мүмкін (халықаралық лизингтен басқа).Міндетті пайдалану мерзімі:- 5 жыл — тауарлардың көпшілігі үшін;- 18 ай — ауыл шаруашылығы құсы үшін.Шарттар бұзылған жағдайда ҚҚС өсімпұлымен бірге төленеді. Бұзушылық болып саналмайды: мәжбүрлі сою; нормалар шегіндегі малдың қырылуы; қайта экспорт; ҚҚС бойынша есептен шығару; авария немесе жарамсыздық салдарынан есептен шығару (растаушы құжаттар болған жағдайда).Пайдалану мерзімі аяқталғаннан кейін: мұндай тауарларды сату ҚҚС-тан босатылады; қаржылық лизингке беру ҚҚС-тан босатылады. Жаңа тәртіп бизнеске импорт кезінде айналым қаражатын үнемдеуге мүмкіндік береді, бірақ пайдалану шарттарын қатаң сақтауды талап етеді.Анықтама үшін: Тауарлар тізбесі ҚР Үкіметінің 2025 жылғы 31 желтоқсандағы №1199 қаулысымен бекітілген.Ақпарат көзі : https://www.gov.kz/memleket/entities/kgd-mangistau/press/news/details/1160677?lang=kk

Қазақстан Республикасындағы конституциялық реформа мәселелері бойынша ақпараттық-түсіндіру жұмыстары аясында заңгерлер мен сарапшылар шағын бизнес өкілдерімен кездесті. Кезекті кездесу «Қырғы базарында» өтіп, онда жеке кәсіпкерлерге - қоғамның ең белсенді әрі еңбекқор санаттарының біріне — тиісті түсіндіру жұмыстары жүргізілді.Сарапшы Ердәулет Асанбек Мемлекет басшысы Қасым-Жомарт Кемелұлы Тоқаевтың басшылығымен Қазақстан жаңа тарихи даму кезеңіне қадам басқанын атап өтті. Оның айтуынша, жаңартылған Конституция елдің саяси, құқықтық және қоғамдық дамуының жаңа негіздерін айқындайды. Ауқымды өзгерістер қоғам сұранысы мен уақыт талабынан туындаған заңды үдеріс болып табылады.«Жаңа Конституция – еліміздің Негізгі заңының тарихи эволюциясының заңды жалғасы және «Күшті Президент – ықпалды Парламент – есеп беретін үкімет» қағидатының тиімділігін арттыруға бағытталған. Бұл билік өкілеттіктерінің шектен тыс шоғырлануын шектеу, Парламенттің рөлін күшейту, жергілікті өзін-өзі басқаруды дамыту, сондай-ақ азаматтардың құқықтары мен бостандықтарын нақты әрі тиімді қорғауды көздейді», - деді Ердәулет Асанбек.Кездесу барысында қатысушыларға Конституция мемлекеттіліктің іргетасы әрі қоғам дамуының стратегиялық бағдарларын айқындайтын басты құжат екені түсіндірілді. Негізгі заңға енгізілетін кез келген өзгеріс ел болашағына тікелей әсер етеді.Жүргізіліп жатқан реформаның басты ерекшелігі – оның ашық әрі инклюзивті сипатында. Өзгерістер жобасы қоғамдық пікірді ескере отырып әзірленіп, азаматтармен кеңінен талқылауды көздейді. Бұл Қазақстанда жаңа саяси мәдениеттің қалыптасып, азаматтық жауапкершілік деңгейінің артып келе жатқанын көрсетеді.Жаңартылған преамбулада адам құқықтары мен бостандықтары алғаш рет мемлекеттің ең жоғары басымдығы ретінде бекітілген. Бірлік, ынтымақтастық, ұлтаралық және конфессияаралық келісім Қазақстан мемлекеттілігінің негізі ретінде айқындалған. Егемендік, тәуелсіздік және аумақтық тұтастық өзгермейтін құндылықтар қатарына жатқызылған.Мемлекеттің зайырлылық қағидатын нығайтуға ерекше назар аударылған. Дін мен мемлекеттік институттардың ара-жігі нақты ажыратылып, білім беру мен тәрбие жүйесінің зайырлы сипаты бекітілген. Сондай-ақ жобаға сәйкес неке – ер мен әйелдің ерікті әрі тең құқылы одағы екені айқындалған. Бұл норма дәстүрлі құндылықтарды қорғауға және отбасының құқықтық қорғалуын қамтамасыз етуге бағытталған.Жобада өкілді органдар жүйесіне өзгерістер енгізу қарастырылған. 145 депутаттан тұратын жаңартылған Парламент құрылымын бекіту, сондай-ақ «Қазақстан халқының халық кеңесі» атты жаңа жалпыұлттық диалог алаңын құру ұсынылады. Аталған консультативтік орган халық мүддесін білдіріп, заң шығару бастамасы құқығына ие болады.Кездесу соңында қатысушыларға жаңа Ата заңды қабылдау жөніндегі түпкілікті шешімді ел азаматтары жалпыұлттық референдумда қабылдайтыны еске салынды. Кәсіпкерлер қауымы ұсынылып отырған өзгерістерге зор қызығушылық танытып, жаңа Конституцияға қолдау білдірді және референдумға қатысуға дайын екендіктерін жеткізді.

 (Швейцария) Женевадағы 2026 жылғы 10–13 ақпанда Көлік және шекаралық жеңілдетуге қатысты кеден мәселелері жөніндегі Жаһандық форумның 171-ші сессиясы және 1975 жылғы халықаралық автокөлік тасымалы Конвенциясының Әкімшілік комитетінің 87-ші сессиясы өтеді.Халықаралық автокөлік тасымалы конвенциясының Әкімшілік комитетінің 87-ші сессиясында Қазақстан Республикасы Қаржы министрлігінің Мемлекеттік кірістер комитетінің орынбасары Қайрат Жұмағұлов транзит тасымалының дамуы, кеден рәсімдерін цифрландыру және электрондық халықаралық автокөлік тасымалы құралдарын енгізу туралы баяндама жасады.Кедендік транзит процесін цифрлық трансформациялаудың негізгі элементі ретінде халықаралық автокөлік тасымалы рәсімін енгізуге ерекше назар аударылды. Қазақстан қазіргі уақытта ұлттық ақпараттық жүйелерді халықаралық платформамен интеграциялауды сынап жатыр. Техникалық жұмыстар аяқталғаннан кейін халықаралық автокөлік тасымалы электрондық кітабын пайдалана отырып халықаралық жүйеге қосылу жоспарланған.Цифрландыру кедендік рәсімдерді жеңілдетіп, процедуралардың ашықтығын арттырып, халықаралық көліктің сенімділігін жақсартады деп күтілуде.Тасымалдаушының TIR-EPD жүйесі арқылы ұсынған бастапқы ақпарат дұрыс толтырылған жағдайда транзит декларациясы ретінде қолданылатынын атап өту керек. Бұл кеден брокерін жалдау немесе қаржылық кепілдік ұсыну қажеттілігін жояды. Шекара өткелдерінде транзит жүктерге, соның ішінде халықаралық автокөлік тасымалы жүктерге арналған бөлек дәліздер ұйымдастырылды.Сонымен қатар, Қазақстан теміржол көлігінде цифрлық шешімдерді енгізуде. 2023 жылдың желтоқсанынан бастап кеден органдарының жүйелері мен ұлттық теміржол тасымалдаушысын интеграциялау негізінде қағазсыз транзит декларацияларын автоматты тіркеу және беру бойынша пилоттық жоба жүзеге асырылуда.Қазақстан халықаралық автокөлік тасымалы конвенциясының сандық құралдарын одан әрі дамытуға және Түрік мемлекеттері ұйымына мүше елдердің кеден қызметтерімен ынтымақтастық жүргізуге дайын екенін растады.Ақпарат көзі : https://www.gov.kz/memleket/entities/kgd/press/news/details/1160571?lang=kk

2026 жылғы 11 ақпаннан бастап Еуразиялық экономикалық одақ аумағында навигациялық пломбаларды қолдана отырып қадағалау жүйесі енгізілді. Тиісті шешімді Еуразиялық экономикалық комиссия алқасы 2025 жылғы 23 қыркүйекте № 84 қабылдады.Қадағалау ЕАЭО-ға мүше екі және одан да көп мемлекеттің аумағы бойынша өткізілетін тауарларға қатысты қолданылатын болады.Жүйені енгізу кезең-кезеңімен жүзеге асырылатын болады және кедендік транзит пен экспорттың кедендік рәсімдері кезінде, сондай-ақ Одаққа мүше мемлекеттердің өзара саудасы шеңберінде автомобиль және темір жол көлігімен тасымалдауды қозғайтын болады.Навигациялық пломбаларды қолдану сыртқы экономикалық қызметке қатысушыларға бірқатар елеулі артықшылықтар береді: бақылаушы органдар тарапынан артық тексерулер мен қосымша бақылау шараларының саны азаяды, жүкті барлық жүру маршрутында рұқсатсыз ашудан қорғау қамтамасыз етіледі, тасымалдау процесін басқару барлық ЕАЭО мүше мемлекеттер операторларының қызметтеріне бірыңғай ақы төлеу мүмкіндігін қоса алғанда, ұлттық оператордың ақпараттық жүйесіндегі "жеке кабинет" арқылы жүзеге асырылады.Мемлекет үшін навигациялық пломбаларды енгізу "көлеңкелі" экономикаға қарсы іс-қимылдың, "жалған транзит" және "жалған экспорт" схемаларының жолын кесудің, адал бәсекелестікті және ел бюджетіне салық төлемдерінің тұрақты түсуін қамтамасыз етудің тиімді құралы болып табылады.Қазақстан Республикасында тасымалдарды қадағалаудың ақпараттық жүйесінің ұлттық операторы болып "Ғарыштық техника және технологиялар институты" ЖШС анықталды (ҚР Үкіметінің 2024 жылғы 10 қыркүйектегі № 731 қаулысы). Ұлттық оператор Қазақстан Республикасының бақылаушы органдарымен және ЕАЭО-ға мүше басқа мемлекеттердің операторларымен өзара іс-қимыл жасауға уәкілетті.Логистикалық процестердің үздіксіздігін және тасымалдаудың белгіленген мерзімдерін сақтауды қамтамасыз ету мақсатында бизнес өкілдеріне, оның ішінде тасымалдаушылар, экспедиторлар және тасымалдау процесінің өзге де қатысушылары ЕАЭО және Қазақстан Республикасы заңнамасының талаптарын қатаң сақтауға тиіс.Қосымша ақпаратты Ұлттық оператор – "Ғарыштық техника және технологиялар институты" ЖШС-нен алуға болады. Ұлттық оператордың байланыс деректері:Call-орталығы:+7 708 297 6132; +7 777 110 5985;  +7(727)3903488 (ішкі 331); (727)2217795 (ішкі 331).Электрондық пошта:Info@istt.kz; mail.istt.kz/SOGo; transit@istt.kz.Байланыс телефоны:+7-705-159-96-80. Павлодар облысы бойынша МКД Түсіндіру жұмысы басқармасы және Байланыс-орталығыАқпарат көзі : https://www.gov.kz/memleket/entities/kgd-pavlodar/press/news/details/1160577?lang=kk

«Отандастар қоры» КЕАҚ шетелде тұратын барша отандастарымызды және этникалық қазақтарды онлайн форматтағы тегін домбыра үйірмесіне қатысуға шақырады. Үйірме ерекшеліктері:Zoom платформасы арқылы интерактивті сабақтар;Ұзақтығы 3 айлық қарқынды модуль (Бастауыш және Озық топтар);Кәсіби ұстаздан тікелей тәлім алу;Үйірмені сәтті аяқтаған қатысушыларға арнайы сертификат беріледі. ⚠️ Маңызды талап: Әрбір қатысушының жеке домбыра аспабы болуы міндетті. 📅 Оқу процесі: Тіркелген қатысушылар деңгейлеріне қарай топтарға бөлініп, сабақтар 2026 жылғы наурыз айынан басталады. Нақты сабақ кестесі қатысушыларға қосымша хабарланады. Орын саны шектеулі. Қатысу үшін төмендегі сілтеме арқылы өтіп, сауалнаманы толтыру қажет: 👉https://docs.google.com/forms/d/e/1FAIpQLSewMRUIaSygSQMrVvL0KDMYAvsllwkkb6DVO51fc3HVf-Q9yg/viewform?usp=publish-editor Толық ақпарат алу үшін: 📞 WhatsApp: +7 700 671 90 33 (Марал) +7 705 664 72 11 (Жандос)Ақпарат көзі : https://www.gov.kz/memleket/entities/mfa-busan/press/news/details/1164244?lang=kk

Балқаш ауданы бойынша 2025 жылы жаңа бизнес-идеяларды іске асыруға арналған 400 айлық есептік көрсеткіш (АЕК) мөлшеріндегі қайтарымсыз мемлекеттік грант беру бағытында тиісті жұмыстар атқарылуда.Аталған мемлекеттік грант халықтың әлеуметтік осал топтарына жататын азаматтарға арналған. Атап айтқанда, атаулы әлеуметтік көмек алушыларға, көпбалалы отбасыларға, асыраушысынан айырылғандарға, мүгедектігі бар азаматтарға, қандастарға және өзге де әлеуметтік санаттағы азаматтарға кәсіпкерлік бастамаларынжүзеге асыруға қолдау көрсетіледі.Бағдарлама аясында барлығы 23 өтінім қабылданып, конкурстық комиссияның шешімі негізінде 19 азаматқа грант беру туралы оң шешімқабылданды.Қазіргі уақытта грант иегерлері өз жобаларыніске асырып, кәсіпкерлік қызметтерін жүргізуде. Грант қаражаты жаңа жұмыс орындарын ашуға, табыс көзін қалыптастыруға және азаматтардың экономикалық белсенділігін арттыруға бағытталған.Балқаш аудандық Мансап орталығы тарапынангрант қаражатының мақсатты әрі тиімді игерілуінетұрақты мониторинг жүргізілуде. Жобалардың орындалу барысы бақылауға алынып, әдістемелік және консультациялық қолдау көрсетілуде.Сонымен қатар, 2026 жылға аудан бойынша 75 азаматқа қайтарымсыз мемлекеттік грант беру жоспарлануда. Аудан көлемінде аталған грант бойынша халық арасында кең көлемді түсіндіру жұмыстары жүргізілуде. Тұрғындарға грант алушарттары, талаптары және құжаттарды тапсырутәртібі бойынша ақпараттық-кеңес беру жұмыстары тұрақты түрде ұйымдастырылуда.Аталған шаралар аудан тұрғындарының кәсіпкерлік белсенділігін арттыруға және халықты жұмыспен қамту деңгейін көтеруге бағытталған.Ақпарат көзі : https://www.gov.kz/memleket/entities/almobl/press/news/details/1160528?lang=kk

Бүгінде Жамбыл облысында Ұлы Отан соғысының үш ардагері ғана қалды. Солардың ішіндегі жасы үлкені Шалданбай Шаңбаев ақсақал 102 жасқа толды.Туған күн иесін 03811 әскери бөлімінің командирі подполковник Алмаз Қабиев бастаған Луговой гарнизонының әскери қызметшілері құттықтап барды. Қарт майдангер меймандарды қонақжай көңілмен қарсы алды.Әскери бөлім командирі ардагерге Қорғаныс министрі авиация генерал-лейтенанты Дәурен Қосановтың құттықтау хатын табыс етті. Ақсақалға «Оңтүстік» өңірлік қолбасшылығының жеке құрамы да жылы лебіздерін жолдапты.Шалданбай Шаңбаев 1924 жылы 10 ақпанда Луговой ауданы, Жаңатұрмыс ауылында дүниеге келген. Ол 1942 жылғы 15 тамызда Меркі аудандық әскери комиссариатынан майданға шақырылып, 227-полк құрамында Отанды азат ету жолындағы ұрыстарға қатысқан. Бірнеше рет жараланса да, рухы берік жауынгер Жеңіс күніне дейін майданда болып, әскери борышқа адалдығын көрсеткен.Соғыстағы ерлігі мен жанқиярлығы үшін ардагер II дәрежелі "Отан соғысы" орденімен, «Маршал Жуков» және бірқатар мерейтойлық медальдармен марапатталған. Жеңістен кейін ол тағы төрт жыл әскери қызметте қалып, 1949 жылы елге оралған.Елге оралысымен трактор бригадасының бригадирі, санақшы болып еңбек еткен. 1959 жылдан бастап зейнетке шыққанға дейін Жаңатұрмыс колхозында есепші, бас есепшінің көмекшісі болып қызмет атқарған.Қарияны туған күнімен құттықтаушылардың легі өте көп. Жастар үшін майдангердің соғыс жылдарындағы естелігін тыңдау ұмытылмас сәт болды. Жылы жүздесуде офицерлер ардагерге қазіргі Қазақстан армиясының жетістіктерін айтып, жас сарбаздардың ел қорғаудағы рөлі мен жауапкершілігі жайлы хабардар етті.Подполковник Алмаз Қабиев мұндай жүздесулер ұрпақтар сабақтастығын нығайтып, олардың Отанға деген патриоттық сезімін күшейтеді деп атап өтті.Ақсақал әскери қызметшілерге батасын беріп, ризашылығын жеткізді.      Ақпарат көзі : https://www.gov.kz/memleket/entities/mod/press/news/details/1160522?lang=kk

Әл-Кувейт, 2026 жылғы 11 ақпан – Қазақстан Республикасының Кувейт Мемлекетіндегі Елшісі Ержан Елекеев Кувейт Мемлекетінің Мұнай министрі Тарик Әл-Румимен кездесу өткізді.Кездесу барысында қазақстандық тарап Қазақстан Республикасы көмірсутек шикізатын терең өңдеуді дамыту және жоғары қосылған құны бар өнім өндірісін кеңейту бағытын жүйелі түрде жүзеге асырып отырғанын атап өтті. Бұл бағыт Мемлекет басшысы Қ.К. Тоқаев айқындаған басымдықтарға толық сәйкес келеді.Кездесу аясында Елші Е. Елекеев кувейттік тарапқа Қазақстанның мұнай өңдеу секторындағы инвестициялық жобаларға қатысу мүмкіндігін, соның ішінде құрылысы Қазақстан Республикасы Үкіметі деңгейінде пысықталу сатысында тұрған төртінші мұнай өңдеу зауытын салу жобасын қарастыруды ұсынды.Мұнай министрі Т. Әл-Руми Кувейттің Қазақстанмен ынтымақтастықты дамытуға мүдделі екенін растады және кувейттік тарап ағымдағы жылы Қазақстан Республикасының аумағындағы перспективалы инвестициялық жобаларды зерделеуді бастау ниетін білдірді.Келіссөздер барысында Елші Қазақстан Республикасының Энергетика министрі Е. Ақкенженовтың атынан Министрге 2026 жылғы 30 қыркүйек – 1 қазан аралығында Алматы қаласында өтетін Мұнай және газ жөніндегі 30-шы мерейтойлық Қазақстан халықаралық көрмесі мен конференциясына (KIOGE) қатысуға шақыру хатын табыстады.Тараптар инвестициялық бастамаларды пысықтауды және көмірсутектерді өңдеу және мұнай-химия саласында тәжірибе алмасуды қоса алғанда, мұнай-газ саласындағы практикалық өзара іс-қимылды дамытуға дайын екендігін растады.Кувейт Мемлекеті әлемдік мұнай нарығының негізгі ойыншыларының бірі болып табылады: соңғы жылдары елдегі мұнай өндіру көлемі тәулігіне шамамен 2,5–2,9 млн баррельді (жылына 120 млн тоннадан астам) құрайды. Кувейт мұнай өңдеу және мұнай-химия саласын дамытуда айтарлықтай тәжірибеге ие және жоғары қосылған құны бар өнім шығаруға бағытталған жобаларды жүйелі түрде ілгерілетуде. Соның ірі мысалдарының бірі – қуаттылығы тәулігіне шамамен 615 мың баррельді құрайтын «Аз-Зур» мұнай өңдеу кешені, Таяу Шығыстағы ең ірі МӨЗ-дердің бірі. Мұнай өңдеу зауытын салуға жұмсалған инвестициялар көлемі шамамен 14–16 млрд АҚШ долларына бағаланады. Зауыт мұнайды терең өңдеуге және өнімнің кең спектрін шығаруға бағытталған, оның ішінде күкірт мөлшері төмен электр станцияларына арналған отын, дизель отыны, керосин және авиациялық отын, сондай-ақ қазіргі экологиялық стандарттар мен экспорттық талаптарға сәйкес келетін басқа да мұнай өнімдері бар. Кешен көмірсутектерді өңдеуді дамыту, мұнай өнімдерінің экспортын арттыру және жоғары қосылған құны бар өнім өндірісін кеңейту жөніндегі Кувейт стратегиясында маңызды рөл атқарады. Ақпарат көзі : https://www.gov.kz/memleket/entities/mfa-kuveyt/press/news/details/1160455?lang=kk

 Ақмола облыстық Өңірлік коммуникациялар қызметінде «Арнаулы салық режимдерінің өтпелі ережелері»   тақырыбы бойынша брифинг өтті.Шара барысында Ақмола облысы бойынша  Мемлекеттік кірістер департаментінің  басқарма басшысы Назгүл  Аюпова жаңа Салық кодексінің 2026 жылғы 1 қаңтардан бастап күшіне енгенін хабарлады.2026 жылғы 1 қаңтардан бастап бұған дейін қолданыста болған жеті нұсқаның орнына үш әмбебап арнайы салық режимі (САР) қалады:1. Өзін өзі жұмыспен қамтығандарға арналған АСР2. Қарапайым декларацияға негізделген АСР3. Шаруа немесе фермер қожалықтарына арналған АСР (ШФҚ)1. Өзін өзі жұмыспен қамтығандарға арналған АСР• Қолдана алатындар: жеке кәсіпкер (ЖК) мәртебесі жоқ, жалдамалы қызметкерлері жоқ жеке тұлғалар.• Табыс шегі: айына 300 АЕК ке дейін (≈ 1,3 млн тг); жылына 15 млн тг дейін.• Салық жүктемесі: табыстан 4 % мөлшерінде әлеуметтік төлемдер; ЖТС (ИПН) төленбейді.• Есептілік: декларация жоқ — есеп ай сайын e Salyq Business мобильді қосымшасындағы чектер негізінде автоматты түрде жүргізіледі.2. Қарапайым декларацияға негізделген АСР• Табыс шегі: жылына 600 000 АЕК ке дейін (≈ 2,5 млрд тг).• Жұмысшылар: саны бойынша шектеу жоқ.• ЖТС ставкасы: 4 % (мәслихаттар 50 %-ға көтеру/төмендету құқығымен).• Есептілік: 910.00 нысаны жылына екі рет.• Жеңілдіктер:o табыс 24 000 АЕК тен асқанда жалақы қоры сомасына салық жүктемесін азайту;o түсім 135 000 АЕК тен аз болса, бухгалтерлік есеп жүргізу талап етілмейді.• ҚҚС: қолданылмайды.• Шектеулер: рұқсат етілмеген қызмет түрлерінің тізбесі бекітілген.3. ШФҚ ға арналған АСР• Қызмет түрі: ауыл шаруашылығы (міндетті түрде меншікті немесе жалға алынған жер учаскесі болуы керек).• Салық: айналымнан 0,5 % (ЖТС ретінде төленеді).• Босатулар: ҚҚС тан, әлеуметтік салықтан, ауылшаруашылық жұмыстарына пайдаланылатын мүлік пен көлік салығынан босатылады.• Есептілік: 200.00 нысаны жылына бір рет.      Оңайлатылған декларация негізінде арнаулы салық режимін қолдану үшін салық төлеушілер 2026 жылғы 1 қаңтардан бастап 28 ақпанға дейінгі кезеңде (өтпелі кезең) жаңа Салық кодексінің 840-бабының ережелеріне сәйкес осы режимге көшу туралы хабарлама ұсынуы қажет. Мұндай хабарламаны ұсынған салық төлеушілер 2026 жылғы 1 қаңтардан бастап оңайлатылған декларация режимін қолданатын болып танылады.Кәсіпкерлерді қолдау және бухгалтерлік пен салықтық есепті жүргізу сапасын арттыру мақсатында Қазақстан Республикасы Қаржы министрлігі «Халық бухгалтері» акциясын өткізуде.      «Халық бухгалтері» — жеке кәсіпкерлер мен шағын бизнес субъектілеріне арналған тегін консультациялық көмек.Ақмола облысы бойынша іс-шара Көкшетау қаласы бойынша Мемлекеттік кірістер басқармасында аптасына 3 рет (дүйсенбі, сәрсенбі, жұма) сағат 10:00-ден 13:00-ге дейін өткізіледі. Жыл басынан бері  300 астам  консультациялық көмек көрсетілді.Бұл кәсіпкерлердің акцияға қызығушылықпен жауап бергенін көрсетеді.Сонымен қатар  қабылдау уақытында аудандық және қалалық басқармалар арасында бейнебайланыс пен телефон арқылы кеңес беру мүмкіндігі көзделген«Халық бухгалтері» акциясы салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам болып табылады.Шара барысында қойылған сұрақтарға толық жауаптар берілді.Ақпарат көзі : https://www.gov.kz/memleket/entities/kgd-akmola/press/news/details/1160423?lang=kk

Осло, 2026 жылғы 12 ақпан – Қазақстанның Норвегиядағы Елшісі Әділ Тұрсынов  Норвегияның Стортинг (Парламент) депутаттары, Еуропа Кеңесі Парламенттік Ассамблеясындағы (ЕКПА) норвегиялық делегацияның басшылығы Лизе Селнес, Мортен Колбьёрнсен және Йоне Бликрамен кездесті.Елші заң шығарушыларды Президент Қасым-Жомарт Тоқаевтың бастамасымен елімізде жүргізіліп жатқан саяси және экономикалық реформалардың жүзеге асырылу барысы, жаңа Конституцияны қабылдау мәселесі бойынша өтетін референдум, сондай-ақ Астана мен Осло арасындағы қатынастардың жай-күйі мен келешегі туралы хабардар етті.Сұхбаттастар екіжақты деңгейде де, көпжақты институттар шеңберінде де Қазақстан-Норвегия ынтымақтастығының жалпы контекстінде парламенттік дипломатияны жандандырудың маңыздылығын атап өтті.Ақпарат көзі : https://www.gov.kz/memleket/entities/mfa-oslo/press/news/details/1160426?lang=kk

Қазақстанда жыл сайын 15 ақпанда интернационалист жауынгерлердің еске алу күні атап өтіледі. Ауғанстанда өз әскери борышын атқарғандардың қатарында.Шара өздері Ауғанстаннан тірі қайтпағандардың есіне бір минуттық үнсіздік сақтаудан басталды. 1989 жылдың 15 ақпанында КСРО-ның 40-шы армиясының соңғы бөлімшесі осы республиканы тастап кетті. Кеңес контингентінің Ауғанстаннан шығарылуы 1988 жылдың 14 мамырында басталды. Кеңес әскерлері осы елдің аумағында тоғыз жыл, бір ай және он тоғыз күн болды — 1979 жылдан 1989 жылға дейін.Осы шара аясында Палатцын ауылдық кітапханасында оқушылармен ауған соғысының қатысушылары Жұрағотов Т. және Әмренов Р. кездесу өткізілді.Ауған соғысының ардагерлері өздерінің майдандық естеліктерімен бөлісіп, алғыс білдірді.Олардың мойындарына әскери борышын атқару кезінде көрсеткен батылдықтары мен табандылықтары үшін мойындау мен алғыс сөздері айтылды.Ақпарат көзі : https://www.gov.kz/memleket/entities/vko-samar-palatcy/press/news/details/1160369?lang=kk

Ливандағы байырғы да беделді зияткерлік ұйым - "Antelyas" орталығында Қазақстанға арналған басқосу өтті. Жиынға жергілікті оқу-ағарту, ғылым, баспасөз салаларының көрнекті өкілдері қатысты. Қатысушылар алдында Отанымыздың кешегісі мен бүгіні, Араб әлемімен байланыстарының жай-күйі мен өзекті мәселелері жайлы баяндама жасалды. Соңынан орын алған сұрақ-жауап және пікір алмасу бөлігінде ливандық зиялылар Қазақстанның, жалпы Орталық Азияның тарихы, мәдениеті, қазіргі таңдағы күрделі геосаяси жағдайы тұрғысынан жақсы хабардар екенін танытып екі арадағы ынтымақтастықты жандандыруға мүдделігін және атсалысатынын жеткізді. Ақпарат көзі : https://www.gov.kz/memleket/entities/mfa-beirut/press/news/details/1160313?lang=kk