Мүгедектігі бар адамдарды әлеуметтік қолдау және дамыту Астана қаласы Жұмыспен қамту және әлеуметтік қорғау басқармасының басым міндеті. Қалада 36 000-нан астам мүгедек адам тұрады, оның 26 000-нан астамы ересектер, 10 000-нан астамы балалар, деп хабарлайды елорда әкімдігінің ресми сайты.2024 жылы мүгедектігі бар адамдарды техникалық оңалту құралдарымен және қызметтермен қамтамасыз етуге 37 мыңнан астам түрлі құралдар ұсынылды: протездік-ортопедиялық көмек,сурдологиялық көмек, кресло-арбалар, санаторий-курорттық емдеу және т. б.2024 жылы 7 761 адам арнайы әлеуметтік қызметтер алды. Бұл қызметтер 11 ведомстволық бағынысты мекемелерде көрсетіледі. Негізгі мекемелердің арасында:1. «Шарапат» әлеуметтік қызмет көрсету орталығы;2. «Нұрлы жүрек» орталығы;3. «Қамқор» орталығы;4. «Демеу» қайта әлеуметтендіру орталығы;5. «Үміт» дағдарыс орталығы;6. «Жансая» орталығы және т.б.;2024 жылы әлеуметтік қызмет көрсететін үкіметтік емес ұйымдардың саны артты.Олар:* «Балам-ай» ҚҚ-жартылай стационарда 414 адам.* «Erekshe analar» ҚҚ — жартылай стационарда 413 адам.* «Астана қаласының мүгедек балалар қоғамы»ҚБ-үйде 398 адам.* «Орда»ҚБ (аутизмі бар балалар) — үйде 719 адам (18 жасқа дейін), 18 жастан асқан 11 адам.* «Береке Астана мүгедектер бірлестігі» ҚБ-593 адам үйде, 413 адам жартылай стационарда.* «Солнечный мир» ҚҚ- 136 адам.* «АСТ Астана әлеуметтік технологиялар» ҚБ-жартылай стационарда 357 адам.* «Қорғау -Дағдарыс орталығы»- 410 адам.Ақпарат көзі : https://www.gov.kz/memleket/entities/astana/press/news/details/917316

«Қазақстан студенттері Альянсы» республикалық студенттер қозғалысының төрағасы Ұлан Наукен студенттердің құқықтары мен мүдделерін үнемі қорғайтын институттық құрылым туралы айтты, деп хабарлайды елорда әкімдігінің сайты.«Мемлекет басшысы ­Қасым-Жомарт Тоқаевтың бастамалары үнемі студенттердің әл-ауқатын жақсартуға бағытталып келеді. Сөзсіз, білім алушылар үшін қолайлы орта қалыптастыруда әлеуметтік қолдау көрсетудің маңызы айрықша. Себебі, бүгінгі студент – ертеңгі білікті маман.Студенттерді әлеуметтік қолдау бағытында республика көлемінде қоғамдық ұйымдардың тарапынан түрлі бағыттағы жобалар жүзеге асырылуда. Соның ішінде Ғылым және жоғары білім министрлігі мен «Қазақстан студенттері Альянсы» республикалық студенттер қозғалысының бірігіп жасаған жобасы – Студенттік омбудсмендер институтын ерекше атап өтуге болады. Бұл қозғалыс шетелдерде жақсы дамып, іргелі жобалардың қатарында аталады. Ал ТМД елдері арасында ең алғашқы студенттер арасындағы омбудсмендер институты 2022 жылы Қазақстанда құрылды. Келесі жылы бастама жалғасын тауып, еліміздің барлық өңірінде студенттік омбудсмендер бекітілді. Ал былтырдан бастап әр университеттің өзінде студенттік омбудсмендер жұмысын бастады»,- деді Ұлан Наукен.Республикалық студенттер қозғалысының төрағасы студенттік омбудсмен студенттердің құқықтары мен мүдделерін үнемі қорғайтын институттық құрылым екенің атап өтті.«Жоғары білім алған әрбір студент өзінің әлеуетін іске асыра алуы тиіс, осы орайда білім алушыларға жан-жақты қолдау көрсетуде институттың орны ерекше. Мәселен, оқу жылы басталар алдында жатақханаларға арнайы мониторинг жүргізіледі. Тексеріс барысында орындарды бөлу критерийлері мен тұру жағдайлары бағаланады. Сондай-ақ жеке жатақханалардың жаңа оқу жылында жастарды қабылдауға дайындығы мен орын тапшылығы мәселесін шешуге бағытталған университеттермен жасалған шарттар тексеріледі. Мұндай мониторинг жұмыстары жылына төрт-бес мәрте өткізіледі.Атап өтерлігі, 2024 жылы Астана қаласы бойынша 4200 орындық 7 жатақхана тапсырылды. Олар Л.Гумилев атындағы Еуразия ұлттық университеті, «Тұран-Астана» университеті, Астана Медицина Университеті, Аstana IT University, С.Сейфуллин атындағы Қазақ агротехникалық зерттеу университетінде ашылды»,- деді ол.Ұлан Наукен студенттік омбудсмендер «Таза сессия» жобасын да қолға алғаннын атап өтті.«Онда білім алушыларды емтихан кезінде құқық бұзушылыққа бармауға шақырады. Студенттердің тамақтануы мен логистика, яғни жол жүруі мәселесін де реттеуге әсер етеді. Ваканттық грант пен арнайы шәкіртақының әділ бөлінуі үшін мониторинг тобында жұмыс істейді.Білім алушылар тарапынан келіп түскен өтініштерді барынша жедел шешуге мән беріледі. Бакалавриат студенттеріне ғана емес, магистрант және докторанттардың тарапынан туындаған сұрақтарға жауап беріледі. Яғни, омбудсмендер студент пен билік арасында сындарлы диалог құруға жәрдемдеседі.Биыл «Қазақстан студенттері Альянсы» республикалық студенттер қозғалысының құрылғанына 20 жыл толады. Осы уақыт аралығында студенттерді әлеуметтік тұрғыда қолдап қана қоймай, шығармашылық бастамаларын жетілдіру бағытында да бірқатар жобалар өз нәтижесін көрсетті. Студенттер қозғалысы – әр өңірден келген жастарды бір шаңырақ астында біріктірген ұйым. Білім алушылар арасында бұл ұйым ретінде ғана емес, үлкен отбасы тұрғысынан ерекше аталады. Себебі, студенттер қозғалысының көздегені – жастардың мүдделері мен қажеттіліктері»,- деді ол.Ақпарат көзі : https://www.gov.kz/memleket/entities/astana/press/news/details/917328

Астанада 10 жылдан бері тұрғылықты жері бойынша балалар мен жасөспірімдердің бос уақытын тиімді пайдалануға бағытталған «Аула клубтары» әлеуметтік жобасы табысты жұмыс істеп келеді, деп хабарлайды елорда әкімдігінің ресми сайты.Жоба Астана қаласы әкімдігінің «Астана жастары» Жастар ресурстық орталығының аула клубтарын дамыту бөлімінің жетекшілігімен жүзеге асырылуда.Бүгінгі таңда қалада 2500-ге жуық тәрбиеленушіні қамтитын 10 аула клубы жұмыс істейді. Бұл негізінен халықтың әлеуметтік осал топтарынан шыққан балалар мен жастар.* «Алматы» ауданында 4 клуб жұмыс істейді: «Қыран», «Жасқанат», «Tahtay», «Армандастар».* «Байқоңыр» ауданында «Бәйтерек» клубы жұмыс істейді.* «Есіл» ауданында «Ақжол» клубы жұмыс істейді,* «Сарыарқа» ауданында 3 клуб жұмыс істейді: «Динамо» Profit, SABAT FIGHT CLUB.* «Нұра» ауданында «Үркер» клубы жұмыс істейді.Аула клубтары 130 түрлі үйірмелер мен секцияларды ұсынады. Олардың 74-і спорттық, 56-сысы шығармашылық. Клубтардағы Барлық сабақтар тегін өткізіледі.Тәрбиеленушілерді қабылдау процесі ikomek109 бірыңғай байланыс орталығы арқылы жүзеге асырылады. Сондай-ақ, әлеуметтік желілер арқылы клубтар туралы ақпарат алуға және сабаққа жазылуға болады.Ақпарат көзі : https://www.gov.kz/memleket/entities/astana/press/news/details/917374

Астанада әлеуметтік қолдау мен жұмыспен қамтуды дамыту қаланың әлеуметтік саясатындағы басым бағыттардың бірі болып қала береді. 2024 жылы 193 мыңнан астам адам әлеуметтік төлемдермен және тегін қызметтермен қамтылды. Қолдау алушылар арасында 138 мыңнан астам зейнеткер, 36 мыңнан астам мүмкіндігі шектеулі адам, 34 248 көпбалалы отбасы, сондай-ақ «Алтын алқа» және «Күміс алқа» белгілерімен марапатталған 7 088 көпбалалы ана бар, деп хабарлайды елорда әкімдігінің ресми сайты.2024 жылы жұмыспен қамтуға жәрдемдесу шараларымен 23,3 мың адам қамтылды, оның 13,7 мыңы жастар. Жұмыс орындарын құрудың Өңірлік картасын іске асыру шеңберінде 67 634 жұмыс орны құрылды, оның 57 920-сы тұрақты, ал 9 714 -і уақытша.2024 жылы 1 979 мүмкіндігі шектеулі жан жұмыс іздеу бойынша жүгінді. Жұмыспен қамту шараларымен 1 085 мүгедек адам қамтылды, оның 293-і тұрақты жұмыс орындарына орналастырылды. Сондай-ақ 21-і жастар практикасынан өтті, ал 7-і әлеуметтік жұмыс орындарына орналасты. Сонымен қатар, 381 адам қоғамдық жұмыстарға, 49 адам «Күміс жас» бағдарламасы аясында, ал 18 адам кәсіпкерлік қызметті дамытуға грант алды.2025 жыл Қазақстанда Жұмысшы мамандықтар жылы болып жарияланды. Биыл жұмыссыз азаматтар үшін жұмысшы мамандықтар бойынша кәсіптік оқыту ұйымдастырылады. Үш қалалық бос орындар жәрмеңкесі мен 30 шағын жәрмеңке өткізу жоспарлануда.Сондай-ақ, 3000 адамды қамтытын 9-11 сынып түлектерімен кәсіптік бағдарлау іс-шаралары өткізілетін болады. «Еңбек жолы» және «Парыз» сияқты еңбек форумы мен конкурстарын, сондай-ақ спорттық және мәдени іс-шараларды өткізу жоспарлануда.Ақпарат көзі : https://www.gov.kz/memleket/entities/astana/press/news/details/917352

Smart Astana қосымшасының ең пайдалы бөлімдерінің бірі «Медицина» болып табылады. Ол Астанада медициналық қызмет көрсету сапасын жақсартуға бағытталған 7 негізгі қызметті қамтиды, деп хабарлайды елорда әкімдігінің ресми сайты.Қосымша қауіпсіздік, тұрғын үй-коммуналдық шаруашылық, білім беру және т.б. сияқты қалалық қызметтердің кең ауқымын қамтиды. Алайда, елорда тұрғындарына қолжетімді медициналық қызметтерге арналған бөлімге ерекше назар аударылады.«Медициналық ұйымдар» және «Медициналық-әлеуметтік мекемелер»бөлімдерінде емханалар, ауруханалар және әлеуметтік қызмет көрсету орталықтары туралы толық мәліметтер жазылған. Пайдаланушылар мекеменің атын, мекенжайын, байланыс деректерін, мекеме басшысының атын және орналасқан жерін картадан көре алады.Сондай-ақ, әр мекемені 1 ден 5-ке дейін шкала бойынша бағалау мүмкіндігі қарастырылған. «Жақын» функциясы медициналық мекемелерді пайдаланушының қазіргі орналасқан жерінен қашықтығы бойынша сұрыптауға мүмкіндік береді. Ал «Таңдаулылар» функциясы болашақта жылдам қол жеткізу үшін таңдалған мекемелерді жеке тізімге қосуға мүмкіндік береді.Астаналықтарға одан да ыңғайлы болу үшін қосымшада «Менің емханам» бөлімі бар. ЖСН енгізілгеннен кейін экранда байланыс деректерін, мекенжайды және картаны қоса, тіркелген медициналық мекеме туралы ақпарат пайда болады.Енді дәрігерге онлайн жазылуға болады. Ол үшін «Дәрігерге жазылу»бөліміне кіріп, ЖСН енгізу жеткілікті. Ал жүйе учаскелік дәрігерді қабылдаудың қол жетімді күндері мен уақытын ұсынады.Төтенше жағдайлар кезінде қосымшада «Дәрігерді үйге шақыру» бөлімі қарастырылған. ЖСН енгізілгеннен кейін пациент, ұйымның атауы және мекен-жайы туралы ақпарат автоматты түрде пайда болады. Пайдаланушылар шақыртудың себебін көрсетіп, қажет болған жағдайда мекенжайды нақтылау мақсатында қосымша ақпарат жаза алады.Бұдан басқа, қосымша «Медициналық сақтандыру (МӘМС)» бөлімінде медициналық сақтандыру мәртебесі туралы ақпаратты ұсынады. Мұнда қала тұрғындары сақтандыру туралы жиі қойылатын сұрақтарға жауап таба алады.Дәрігерге барғаннан кейін «i-teka дәрі-дәрмектері» бөлімінің арқасында жақын маңдағы дәріханаларда қажетті дәрі-дәрмектердің құны мен бар-жоғын оңай білуге болады. Бұл қызмет қажетті дәрі-дәрмектерді тез табуға және орналасқан жері бойынша ыңғайлы дәріхананы таңдауға көмектеседі.Қолданба сонымен қатар қаладағы ауаның ластану деңгейі туралы маңызды ақпаратты ұсынады. «Ауаның ластануы» бөлімінде AQI ауа сапасының индексін көрсетеді, бұл тұрғындарға қаладағы экологиялық жағдайды бақылауға көмектеседі.2024 жылғы дерек бойынша Smart Astana қосымшасының белсенді пайдаланушыларының саны 30 000 адамнан асты. Бұл қала тұрғындары арасында цифрлық сервистерге деген қызығушылықтың бар екенін көрсетеді.Ақпарат көзі : https://www.gov.kz/memleket/entities/astana/press/news/details/917383

Астана қаласындағы 38 мектеп-лицейінің 7 «Д» сынып оқушысы Бақтығали Ерланұлы ақылды қоқыс жәшігін ойлап тапты, деп хабарлайды елорда әкімдігінің сайты.Әр нәрсеге қызығушылық танытып, қоғамдық ортаның тазалығына мән беріп жүретін елордалық оқушы үйдегі қоқыс жәшіктерін автоматтандырған. Яғни, жәшіктердің қақпақтары адам қолын жақындатқанда өздігінен ашылып, 5 секундтан кейін қайтадан жабылады.«Мен қоқыс салғыштардың қақпақтарын қолмен ашу дұрыс емес деп ойлаймын. Себебі қақпақтағы көзге көрінбейтін микробтар адамның қолында қалып, ішкі ағзасына өтуі мүмкін. Осылайша қақпағы өздігінен ашылатын етіп жасадым»,- дейді оқушы Бақтығали Ерланұлы.Болашақта тілші болуды армандайтын оқушы ғылыми жаңалықтарды зерттеп, оны жариялауды қазірден үйреніп жүргенін айтады. Ақпарат көзі : https://www.gov.kz/memleket/entities/astana/press/news/details/917392

Абай облысының әкімі Нұрлан Ұранхаевтың төрағалығымен төтенше жағдайлардың алдын алу және жою жөніндегі комиссияның кезекті отырысы өтті. Онда азаматтық қорғаудың аумақтық күштері мен құралдарының көктемгі су тасқынына, сондай-ақ қажет болған жағдайда халықты эвакуациялауға дайындығы мәселелері қаралды. Отырыста гидротехникалық құрылыстардың жай-күйі, су басудың алдын алу шаралары және қираған нысандарды қайта жаңарту жұмысы талқыланды.Өткен жылы жалпы ұзындығы 2 шақырым болатын жергілікті маңызы бар автомобиль жолдарының 24 учаскесі тасқын су астында қалды. Облысымыздағы 3 көпір бүлінді. Соның ішінде Кіндікті ауылына апаратын жолдағы көпір қайта қалпына келтірілді. Тассай ауылындағы көпірге жобалық-сметалық құжаттама әзірленуде. Бозай ауылындағы көпірге ЖСҚ әзірлеу биылға жоспарланған.Автомобиль жолдарындағы су тасқынының салдарын жою үшін «Семей Жолдары» ЖШС мердігерлік ұйымы «Ақсуат – Шыбынды – облыс шекарасы» жол учаскесінде 6 су өткізу құрылысын орнатты.Ықтимал төтенше жағдайдың алдын алу үшін 70 арнайы техникасы бар 7 авариялық бригаданың тәулік бойы кезекшілігі ұйымдастырылған. Қажетті материалдар қоры жасақталып, 1000 текше метр құм, 1047 текше метр ПГС, 260 текше метр тасты топырақ жиналды. Мотопомпалар, күрек, етік және басқа да жабдықтар сатып алынды.2024 жылғы су тасқынын талдау негізінде «Қарағанды – Аягөз – Тарбағатай – Боғас» автожолдарының учаскелерінде су өткізу құбырларын жөндеу жоспарланған. Жұмысты аяқтау 2025 жылдың тамызына жоспарланған. Сонымен қатар, Семей қаласындағы Ертіс өзені арқылы өтетін автогуж көпірін қайта жаңарту жалғасуда. Қазіргі уақытта «Integra Construction KZ» ЖШС мердігерлік ұйымы 9 тіректің 5-ін тұрғызды, су деңгейіне күнделікті мониторинг жүргізілуде.Барлық іс-шараларды іске асыру су басу қаупін азайтуға, су тасқыны кезеңінде жол инфрақұрылымының қауіпсіздігін және көліктің үздіксіз қозғалысын қамтамасыз етуге бағытталған.Отырыста көтерілген мәселелер бойынша облыс әкімі басқарма басшылары мен әкімдерге тиісті тапсырма берді.Ақпарат көзі : https://www.gov.kz/memleket/entities/abay/press/news/details/917784

Бүгін 14 қаңтарда аты аңызға айналған жерлесіміз Әлия Молдағұлованың қаза тапқанына – 81 жыл. Мерген қыз Ұлы Отан соғысы жылдарында 2-ші Балтық майданының 22-ші армиясының 54-ші жеке атқыштар бригадасында қызмет етті. 1944 жылы 14 қаңтарда Псков облысының Новосокольники қаласының маңында көз жұмды. Осы жылы оған Кеңес Одағының Батыры атағы берілді.Әлия Молдағұлованың ерлікпен қаза тапқан күнінде еске алу шарасы өтіп, оның мемориалдық кешеніне гүл шоқтары қойылды. Салтанатты шараға облыс әкімі Асхат Шахаров қатысты.Іс-шараға Әлияның інісі Сапар Молдағұлов және басқа да туыстары, облыстық және қалалық мәслихаттардың төрағалары, «AMANAT» партиясы мен облыстық және қалалық ардагерлер кеңесінің өкілдері, облыстық қорғаныс департаменті, Кеңес Одағының екі мәрте Батыры Т.Ж.Бигелдинов атындағы Әуе қорғаныс күштері әскери институтының, әскери бөлімдер және жергілікті жоғары оқу орындарының өкілдері қатысты.Мемориалдық кешенге жиналғандардың алдында сөз сөйлеген өңір басшысы батырдың ерлігі халық жадында мәңгі қалатынын алға тартты.«Бүгін – ерлігімен елдің рухын асқақтатқан қазақтың даңқты қызы, Кеңес Одағының батыры Әлия Молдағұлованың ерлікпен қаза тапқан күні. Биыл батыр апамыздың туғанына 100 жыл толады. Осыған орай өңірде ауқымды іс-шаралар ұйымдастыру жоспарланып отыр. Ел Президенті Қасым-Жомарт Тоқаев «Ана тілі» газетіне берген сұхбатында биылғы жылы Ұлы Жеңістің 80 жылдығын мерекелеуге ерекше назар аударылатынын, Әлия Молдағұлова, Мәншүк Мәметова және Хиуаз Доспанованың өшпес ерліктерін жадымызда жаңғыртатынымызды және жауынгерлеріміздің есімдерін халық жадында сақтауға қатысты зерттеу жұмыстары жалғасатынын атап өтті.Отан үшін от кешкен жерлесіміздің ерлігі ешқашан ұмытылмайды. Әлия Молдағұлованың есімі ғасырлар бойы даңққа бөленеді, ал оның батылдығы мен Отанға деген адалдығы туралы естеліктер болашақ ұрпаққа тәлім, нағыз құнды қазына», - деп атап өтті облыс әкімі.Өңір басшысы Әлия Молдағұлованың 100 жылдығын мерекелеу аясында облыста қандай іс-шаралар өтетінін де айтты. Аты аңызға айналған жерлесіміздің мерейтойы республикалық салтанатты шаралар тізіміне енгізілген. Облыстық деңгейде мерейтойға арналған 100-ден астам іс-шараны қамтитын жоспар бекітілді. Оған бұқаралық, мәдени-ойын-сауық, патриоттық, әскери-спорттық және халықаралық шаралар енді. Батырды еске алуға арналған байқаулар, гала-концерттер, спектакльдер, танымдық кештер және өзге де ұлықтау шаралары жоспарланған.Олардың ішінде: «Ғасырларға жалғасқан ерлік» халықаралық форумы, «Әлия гүлінің достары» балалар мен жасөспірімдер шығармашылығының X Халықаралық фестивалі, «Ұмытылмас бейне» республикалық суретшілер мен мүсіншілер байқауының көрмесі, қыздар арасында пневматикалық қарудан ату бойынша «Мерген ару – 2025» республикалық байқауы, «Әлия-ән. Әлия-жыр. Әлия-дастан» республикалық ақындар айтысы, сондай-ақ «Әлия» мюзиклінің премьерасы, Ғ.Жұбанова атындағы облыстық филармониясы шығармашылық ұжымдарының «Әлия» музыкалық-драмалық перфомансы өтеді.100 жылдыққа дайындық аясында Қобда ауданы Әлия ауылының ауылдық клубында, «Әлия» патриоттық орталығында және Кеңес Одағының батыры Әлия Молдағұлованың мемориалдық мұражайында жөндеу жұмыстары жүргізілді.Қазіргі уақытта Ақтөбе қаласында «Әлия» заманауи мәдени-патриоттық орталығын салу, сондай-ақ мемориалдық мұражай ашу жұмыстары басталды.Салтанатты шара барысында Әлия Молдағұлованың туыстары да сөз сөйледі. Осыдан кейін іс-шара қонақтары Әлия Молдағұлова кешеніне гүл шоқтарын қойды.Ақпарат көзі : https://www.gov.kz/memleket/entities/aktobe/press/news/details/917545

Бүгін Кеңес Одағының Батыры, қазақтың қаһарман қызы Әлия Молдағұлованың қаза тапқан күніне арналған еске алу шарасы өтті.Жастар, қоғам қайраткерлері мен ардагерлер, тұрғындар Ақтөбе қаласының Алматы ауданындағы Шернияз көшесінде орналасқан батырдың бюстіне гүл шоқтарын қойды, Әлияның ерлігін еске алып, тағзым етті.Бұл күн – ел тарихында батырлықтың, отансүйгіштіктің, қайсар рухтың мәңгілік белгісі ретінде сақталып келеді.Жиынға қатысушылар Әлия Молдағұлованың Отан қорғау жолындағы ерлігі – бүгінгі және келер ұрпаққа ұлы өнеге екенін атап өтті. Батыр қыздың есімі қазақ халқының жадында мәңгі сақталады.Бұл шара ел жастарына батырдың рухани мұрасын ұлықтау және ұрпақ бойында патриотизм сезімін нығайту мақсатында ұйымдастырылды.Ақпарат көзі : https://www.gov.kz/memleket/entities/aktobe/press/news/details/917767

Жетісу облысында талдықорғандық 30 көп балалы отбасы «Береке» коттедж қалашығынан жаңа үйлердің кілтіне ие болды, - деп хабарлайды Жетісу облысы әкімінің баспасөз қызметі.Еске салсақ, облыс әкімі Бейбіт Исабаевтың тапсырмасына сәйкес өткен жылдан бастап «Береке» коттедж қалашығындағы құрылыс сапасына байланысты өзекті мәселелерді шешу бағытында бірқатар жұмыстар жүргізілуде. Ондағы құрылысы аяқталмаған және сапасында кемшіліктері барларын қоса алғанда проблемалық 204 коттедж болған. Ескертулер түзетілгеннен кейін 25 коттедж өткен жылдың соңында кезекте тұрған азаматтарға тапсырылды. Бүгін тағы 30 отбасыға үй кілттері табысталды. Тағы 42-сін бірінші тоқсанның соңына дейін пайдалануға беру жоспарланған. Қалған 107-сі кезең-кезеңімен енгізіледі. Жалпы биыл коттедж қалашығының құрылысын толығымен аяқтау тапсырылған.Тұрғын үйге ие болғандардың бірі, 7 баланың анасы Махаббат Түсіпбекова:- Менің отбасым үшін жаңа жыл жағымды әрі маңызды жаңалықпен басталды. Көптен күткен жеке баспанамызға ие болып жатырмыз. Осы мүмкіндікті пайдалана отырып, баршаларыңызға алғысымды білдіремін. Өйткені төл шаңырағыңның болғаны - аса маңызды. Әр үйде, әр отбасында қуаныш пен шаттық көбейе берсін, - деді.Айта кетейік, жалпы Жетісу облысында халықты қолжетімді баспанамен қамтамасыз етудің барлық шаралары қабылдануда. Мәселен, өткен жылы өңірде тұрғын үй салу және сатып алу есебінен 2 708 отбасы жаңа қонысқа ие болды. Облыс орталығына келсек, өткен жылы кезекте тұрғандар қатарынан 1283 отбасы тұрғын үймен қамтамасыз етілсе, биыл тағы 1400-ден астам отбасын қамту жоспарлануда.Жетісу облысы әкімінің баспасөз қызметі.Фототілші: Дмитрий Ерофеев.Ақпарат көзі : https://www.gov.kz/memleket/entities/zhetysu-oblysy/press/news/details/917429

Бүгін Жетісу облысының әкімі Бейбіт Исабаев Ұлы Отан соғысының ардагері, ардагер-педагог, талдықорғандық Ысқақ Құсайыновты 101 жасқа толуымен құттықтады. Ақсақал Ұлы Жеңістің 80 жылдығы қарсаңында өзінің ғасырдан асқан белесін өткеруде. Айта кетейік, бүгінде облыста Ұлы Отан соғысының көзі тірі үш ардагері тұрады, - деп хабарлайды Жетісу облысы әкімінің баспасөз қызметі.Бейбіт Исабаев дәстүр бойынша ардагердің иығына шапан жауып, өзінің құттықтау хатын табыс етті. Ардагерге тілегін білдіріп:- Облыста қан майданда алғы шепте болған үш майдангер ақсақалымыз бар. Солардың ішінде үлкені Ысқақ ата үшеуінің алды болып 101-ге келіп отыр. Ысқақ ата, келген жасыңыз құтты болсын. Биыл Ұлы Отан соғысындағы Жеңістің 80 жылдығы атап өтіледі. Осы мерейтойда қатардан қалмай, орден-медальдарыңызды тағып, Мәңгілік алауға гүл шоқтарын қойып, сапта тұрасыз деп сенеміз, - деді өңір басшысы.Мұнан соң ақсақалға Қазақстан Қарулы Күштері ардагерлері қоғамдық ұйымының төрағасы Мұхтар Алтынбаевтың құттықтау хатын Жетісу облысындағы осы ұйымның төрағасы Рахым Қырқабақов тапсырды. Майдангер қарияға көрсетіліп жатқан құрметке ризашылығын білдірген ардагердің қызы Гүлсімхан Мырзаханова:- Әкем бір үйдегі он алты баладан жалғыз өзі тірі қалып, он бес жасынан еңбекке араласқан. Әкесінен жастай жетім қалған соң анасына қолғабыс етіп жұмыс істеген. Соғыстың да қиындығын көрді. Мұғалім болды. Кейін 95 жасына дейін де алма ағаштарын баптады, бақша екті, немерелеріне деп жеміс-жидек өсіріп беріп отыратын. Сол еңбегінің, сергектігінің арқасы шығар, бүгін, міне, жүз бір жасқа келіп отыр. Осы жасында сыйлап, үлкен құрмет көрсетіп жатқандарыңызға көп рахмет. Әкемнің көрген бейнетін бермей, зейнетін берсін бәріңізге. Сіздер де бала-шағаларыңыздың қызығын көріп, елге қызмет ете беріңіздер, - деді ол.Өз кезегінде елімізге бейбітшілік тілеп, батасын берген Ысқақ ақсақал:Ескі заман келмеске кетті, жаңа заман туды. Жаңа дәуірде еңбектерің жемісті, істерің сәтті болсын! Денсаулықтарың зор болсын, ұрпақтарымыз өсіп-өніп, арман-мақсаттарына жетсін, - деді.Ысқақ Құсайынов Алакөл ауданының Көлбай ауылында 1924 жылы дүниеге келген. Он сегіз жасында өз еркімен соғысқа аттанды. 1942 жылы Украина майданында атқыштар дивизиясының құрамында ұрысқа қатысты. Ал 1943-1945 жылдары Тынық мұхитындағы Амур әскери-теңіз флотының «Зенит» дивизиясында болып, жауға қарсы шайқаста ауыр жарақаттанды. Ерлік істері үшін оған «Әскери-теңіз флотының үздігі» атағы берілді. Мұнан соң Совет-Жапон соғысына қатысты. Лепсідегі педагогикалық училищеге оқуға түсіп, оны аяқтаған соң кейінгі 40 жыл ғұмырын ұрпақ тәрбиесіне арнады. Екінші дәрежелі Отан соғысы орденімен, «Еңбек Қызыл Ту» орденімен, Жуков медалімен, «Жапонияны жеңгені үшін», «Ерлігі үшін» медальдарымен және басқа да марапаттармен наградталды.Халық ағарту ісінің озық қызметкері, Алакөл ауданының Құрметті азаматы, мектеп пәндерінің бірқатар әдістемелік оқу құралдарының авторы.Оның қызы мен немересі ардагердің жолын жалғап, білім беру саласында қызмет етуде. Бүгінде ардагердің 9 немересі, 31 шөбересі, 5 шөпшегі бар.Атап өтсек, 2023 жылы Ысқақ Құсайыновқа облыс орталығының жаңа шағын ауданынан бір бөлмелі пәтердің кілті берілген болатын.Жалпы 2025 жылы Жетісу облысында Ұлы Отан соғысындағы Жеңістің 80 жылдығын мерекелеу құрметіне соғыс ардагерлері мен мүгедектеріне және оларға теңестірілгендерге – жалпы саны 3 218 адамға біржолғы әлеуметтік көмек төлеуге 393,8 млн. теңге бөлінді. Соның ішінде Ұлы Отан соғысына қатысқан 3 ардагердің әрқайсысына 2 млн. теңгеден 6 млн. теңге қарастырылған. Сондай-ақ жылына бір рет ҰОС ардагерлері санаторий-курорттық тегін еммен қамтылады, оған қоса ҰОС қатысушылары мен мүгедектеріне коммуналдық шығындарға жұмсалатын шығындар өтеледі.Жетісу облысы әкімінің баспасөз қызметі Фотограф: Жеңіс ЫсқабайСонымен бірге бірқатар фотолар соғыс ардагерінің отбасылық фотоархивінен алынды.Ақпарат көзі : https://www.gov.kz/memleket/entities/zhetysu-oblysy/press/news/details/917510

iKomek 109 қызметі – бұл Ақмола облысының бірыңғай байланыс орталығы. Ол өңір тұрғындарына тұрғын үй-коммуналдық шаруашылығы, денсаулық сақтау және білім беру салаларындағы түрлі мәселелерді жедел шешуге тәулік бойы көмек көрсетеді. «109» нөмірі 2020 жылдан бастап азаматтардың мемлекеттік органдармен және коммуналдық қызметтермен тиімді байланысын қамтамасыз етіп, туындаған мәселелерді жылдам шешуге көмектеседі.2024 жылы iKomek операторлары өңір тұрғындарынан 33 519 өтініш тіркеген. Оның 32 468-і орындалса, қалғандары қаралуда.Өтініштердің сипаты маусымға байланысты өзгеріп отырады. Мысалы, 2024 жылдың көктемінде өтініштердің басым бөлігі су тасқынына қатысты болса, қыста ақмолалықтар жолдар мен тротуарларды қар мен мұздан тазарту мәселелері бойынша жиі жүгінеді.«Біздің ауысым таңғы сағат 9:00-де басталып, кешкі 21:00-де аяқталады. Содан кейін түнгі ауысымдағы әріптестерімізге кезекшілікті тапсырамыз. Біз қоңырауларды қабылдап, өтініштерді тіркеп, тиісті қызметтерге жолдаймыз. Мысалы, Көкшетаудағы толып кеткен кәріз құдығына қатысты өтініш түссе, оны «Көкшетау Су Арнасы» ШЖҚ МКК-ға жолдаймыз. Жұмыс орындалғаннан кейін кері байланыс аламыз. Егер белгілі бір елді мекенде көшені қардан тазалау қажет болса, жергілікті әкімдікке хабарласып, атқарылған жұмыс туралы фото немесе бейне есеп аламыз», – деді аға оператор Индира Қасымұратова.Қызметте 14 оператор жұмыс істейді, оның төртеуі – аға операторлар. Жұмыс 12 сағаттық күндізгі немесе түнгі ауысымда ұйымдастырылған. Ауысым арасындағы демалысқа екі тәулік беріледі.«Күн сайын операторлар шамамен 120 қоңырау қабылдайды. Оның орта есеппен 40 шақтысы тиісті қызметтерге жолданатын өтініш ретінде рәсімделсе, қалған сұрақтарға кеңес беру форматында жауап беріледі», – деді iKomek 109 қызметінің басшысы міндетін атқарушы Индира Сабирова.Сонымен қатар iKomek Көкшетаудағы қоқыс контейнерлерінің алаңдарын бейнекамералар арқылы бақылаумен айналысады. Бұл тұрмыстық қатты қалдықтарға қатысты мәселелерге жедел әрекет етуге мүмкіндік береді.iKomek-ке «109» нөмірі арқылы ғана емес, WhatsApp қосымшасындағы +7 778 705 70 80 нөміріне мәтіндік хабарламалар, фото және бейне жіберу арқылы да жүгінуге болады. Сондай-ақ 2024 жылы «Таза Қазақстан» акциясы аясында Telegram-бот іске қосылды. Оның көмегімен ақмолалықтар абаттандыру, тұрғын үй-коммуналдық шаруашылық және экология мәселелері бойынша 200-ден астам өтініш жіберді.«@ikomek109aqmola әлеуметтік желісі парақшасында біз тек маңызды ақпарат пен хабарландыруларды жариялап қана қоймай, тұрғындармен тікелей эфирлер өткізіп тұрамыз. Эфир барысында өңір тұрғындары үшін маңызды салаларға қатысты түрлі мәселелерді талқылаймыз және сұрақтарға жауап береміз. Спикерлер ретінде басқармалар мен ведомстволардың басшылары, аудан әкімдері, төтенше жағдайлар департаментінің, полиция мен прокуратураның өкілдері, әртүрлі сарапшылар мен психологтар қатысады», – деп қосты «Smart Aqmola» қызметкерлері.«Өтініштер бойынша жиналған деректерді талдау тек тұрғындардың негізгі қажеттіліктері мен проблемаларын анықтауға ғана емес, көрсетілетін қызметтердің сапасын арттыру үшін негізделген шешімдер қабылдауға да мүмкіндік береді. Бұл азаматтардың өтініштерімен жұмыс істеуде жүйелі әрі тиімді тәсілді қалыптастыруға көмектеседі», – деп атап өтті «Smart Aqmola» КММ басшысы Гүлім Бегалина. iKomek 109 – бұл жай ғана қызмет емес. Бұл – Ақмола облысындағы өмір сүру сапасын жақсартуға бағытталған, технологиялар, адамдар мен ортаны жағымды етуге деген ұмтылысты біріктіретін құрал.Ақпарат көзі : https://www.gov.kz/memleket/entities/aqmola/press/news/details/917724

Қала аумағындағы қауіпсіздікті және тұрғындардың ыңғайлы қозғалысын қамтамасыз ету мақсатында қар тазалау жұмыстары тәулік бойы екі ауысыммен ұйымдастырылуда.Күн сайын арнайы жүк көліктері шамамен 70 рейс жасап, 1500-ден астам текше метр қар тасымалдайды. Бұл жұмыстарға 40-қа жуық арнайы техника мен 40-тан астам жұмысшы жұмылдырылған.Депутаттар, жастар мен қоғам белсенділері түнгі аусымда жұмыс істеп жатқан жұмысшыларға ыстық бауырсақ пен шәй ұсынуды әдетке айналдырған.Қар тазалау жұмыстарына «Астана СпецТехНС KZ» және «Элит Строй Комплект» компаниялары жауапты. Олар ең алдымен негізгі көшелерді, әлеуметтік маңызы бар нысандарды, жаяу жүргіншілер жолдарын және көпқабатты үйлердің аумақтарын қардан тазартады. Ақпарат көзі : https://www.gov.kz/memleket/entities/aqmola/press/news/details/917741

ШҚО әкімдігінде әр аудан мен саланың экономикалық өсу мүмкіндіктері қарастырылды. Жиынға басқарма басшылары, аудан және қала әкімдері қатысып, өңірдің даму әлеуеті жан-жақты талқыланды.Шығыс Қазақстанның мемлекеттік менеджерлері өз жоспарлары мен ұстанымдарын таныстырды. Облыстың әр ауданында, әр саласында экономикалық дамуға үлкен мүмкіндіктер бар. Бұл – консерві өнімдерін өндіру, жергілікті өнімдерді көтерме және бөлшек саудаға шығару, ауыл шаруашылығында кооперацияны дамыту, сондай-ақ ауыл шаруашылығы өнімдерін өңдеу арқылы шағын кәсіпкерлікті дамыту сынды бағыттар.Аймақ басшысы Ермек Көшербаев қатысушыларға нақты жобаларды дамытуға қажетті жағдайлар жасауды тапсырды. Бұл жобалар бюджет кірісін арттырумен қатар, тұрақты жұмыс орындарын құруға ықпал етуге тиіс. Әкім барлық жаңа бастамалардың жобалық кеңсе қағидаты бойынша іске асырылуының маңыздылығын атап өтті. Бұл тәсілде салалық басқармалар мен жергілікті билік органдары, сондай-ақ бизнес пен қоғам өкілдері тығыз ынтымақтастықта жұмыс істейді.Туризм саласына ерекше назар аударылды. Табиғаты әсем, бірегей ландшафттарға бай Шығыс Қазақстан өңірі туризмді дамыту үшін үлкен мүмкіндіктерге ие. Бұл салада да, ауыл шаруашылығы өнімдерін өңдеу сияқты бағыттарда да аудандар арасындағы кооперацияның маңызы зор. Өңір біртұтас жүйе ретінде жұмыс істегенде ғана экономика өсіп, халықтың әл-ауқаты арта түседі. Өнеркәсіп өнімдерін терең өңдеуге, жаңа кен орындарын игеруге және геологиялық барлау жұмыстарына да үлкен мән берілуде.Айта кету керек, 2023 жылдың жазынан бастап өңірдегі әр аудан мен саланың өндіріс пен тұтыну теңгерімі егжей-тегжейлі есептеліп келеді. Жобалық кеңсе қағидаты өңірлік және мемлекеттік деңгейдегі бағдарламаларды жүзеге асырудың негізгі құралына айналды. Әрбір қала, аудан және басқарма осы жүйе аясында тығыз ынтымақтастық орнатып, нақты нәтижелерге қол жеткізуді көздеп отыр.өтті.Ақпарат көзі : https://www.gov.kz/memleket/entities/akimvko/press/news/details/917109

Аймақ басшысы Ермек Көшербаев ҚР ІІМ Әкімшілік полиция комитетінің төрағасы Қайсар Сұлтанбаевпен және ШҚО Полиция департаментінің бастығы Ерлан Омарбековпен кездесті.Жиын барысында полиция департаментінің материалдық-техникалық базасын нығайту, сондай-ақ халық арасында құқық бұзушылықтарға «мүлдем төзбеушілік» қағидатын насихаттау, қоғамдық тәртіпті сақтау мәселелері талқыланды.Сонымен қатар кәмелетке толмағандар арасындағы қылмыстың алдын алу және мектептердегі қауіпсіздікті қамтамасыз ету туралы айтылды. 2024 жылы «Жас сақшы» 10 полиция сыныбы ашылды. Оқу бағдарламасына мамандардың, полиция қызметкерлерінің қатысуымен өтетін құқық қорғау, алғашқы әскери дайындық және алғашқы медициналық көмек көрсету сабақтары енгізілді.Облыс әкімі өзекті міндеттердің қатарына тәртіп сақшыларының қызметіне кедергісіз жүгіну принципі, жаңа полиция пунктерін ашу, бейнебақылау жүйесін дамыту мен азаматтардың қауіпсіздігі үшін дабыл түймелерін орнату кіретінін атап өтті.Ақпарат көзі : https://www.gov.kz/memleket/entities/akimvko/press/news/details/917112

2025 жылғы 13 қаңтарда Өскемен қаласы орта мектептерінің бірінде ҚР Ұлттық қауіпсіздік комитеті, полиция аумақтық департаментері және жергілікті атқарушы органдары өкілдерінің қатысуымен мектеп басшылығы мен қызметкерлеріне Қазақстан Республикасы Білім және ғылым министрінің 2022 жылғы 30 наурыздағы №117 бұйрығымен бекітілген білім беру саласындағы қызметті жүзеге асыратын террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқаулығы түсіндірілді.Соңымен қатар, іс-шара барысында келесі ақпарат жеткізілді:- Қазақстан Республикасы Білім және ғылым министрінің 2021 жылғы 25 мамырдағы № 235 бұйрығымен бекітілген білім беру ұйымдарына әкелуге және олардың аумақтарында пайдалануға тыйым салынған заттар мен құралдардың тізбесі;- Қазақстан Республикасы Үкіметінің 2021 жылғы 6 мамырдағы № 305 қаулысымен бекітілген террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар;- Қазақстан Республикасы Ұлттық қауіпсіздік комитеті Төрағасының2020 жылғы 27 қазандағы № 69-қе бұйрығымен бекітілген Ұлттық бейнемониторинг жүйесінің жұмыс істеу қағидалары;- Террористік тұрғыдан осал объектілердің терроризмге қарсы қорғалуының паспортын Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті Төрағасының 2023 жылғы 26 маусымдағы № 51/қе бірлескен бұйрығымен бекітілген үлгісіне сай өзектендіру;- көрінеу жалған хабарлама үшін жазаның бұлтартпастығы;- қолдан жасалған жарылғыш құрылғының белгілері және табылған жағдайдағы іс-әрекет алгоритмі;- террористік сипаттағы қатерлердің салдарын азайту мен жоюды мақсатында кезекші қызметтерге хабарлау схемасы;- терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидалары.Білім беру мекеменің басшылары біқатар өзекті сұрақтарға жауап алды. Ақпарат көзі : https://www.gov.kz/memleket/entities/akimvko/press/news/details/917119

Шығыс Қазақстан облысының әкімі Ермек Көшербаев археологтар Нұрбол Баймұханов және Дмитрий Воякинмен жүздесті.Кездесу барысында алдағы зерттеу перспективалары талқыға салынды. Атап айтқанда, спутниктік суреттер арқылы Қара Ертіс жағасында және Зайсанда орта ғасыр тарихынан сыр шертетін ескерткіштердің бар екені белгілі болды. Бұған дейін түркі әлемінің тарихындағы бұл кезең зерттелмеген. Ол халықаралық қауымдастық тарапынан зор қызығушылық тудыруда.Ермек Көшербаевтың айтуынша, тың деректерді зерттеп, қоғам назарына ұсынғысы келетін археологтардың ғылыми жобалары мұқият зерттелетін болады. Сонымен қатар бұл бастамаға Ә.Х. Марғұлан атындағы Археология институты мен Қазақстан Республикасы Ғылым және жоғары білім министрлігі Ғылым комитетінің ғалымдары мен мамандары тартылады.Ақпарат көзі : https://www.gov.kz/memleket/entities/akimvko/press/news/details/917198

Ол - Шығыс Қазақстан облысының тумасы. 2006 жылы С.Аманжолава атындағы Шығыс Қазақстан университетін “Тарих және география” мамандығы бойынша бітірген.2006 жылдан бастап Шығыс Қазақстан тарихи-өлкетану музейінің тарихи-мәдени мұра бөлімінде қызмет етті. 2013 жылдан бері Шығыс Қазақстан облысы мәдениет басқармасының мәдениет және өнер басқармасында жұмыс істеген. 2019 жылдан бастап Шығыс Қазақстан облысы әкімі аппаратының бас инспекторы қызметін атқарды. 2023 жылдың 14 ақпанынан бастап Шығыс Қазақстан облысының мәдениет басқармасы басшысының орынбасары болып тағайындалды.2024 жылдың қазан айынан бастап бүгінгі күнге дейін облыстық мәдениет басқармасы басшысының міндетін атқарушы қызметін атқарды.Ақпарат көзі : https://www.gov.kz/memleket/entities/akimvko/press/news/details/917329

Ол - Шығыс Қазақстан облысының тумасы. 2006 жылы С.Аманжолава атындағы Шығыс Қазақстан университетін “Тарих және география” мамандығы бойынша бітірген.2006 жылдан бастап Шығыс Қазақстан тарихи-өлкетану музейінің тарихи-мәдени мұра бөлімінде қызмет етті. 2013 жылдан бері Шығыс Қазақстан облысы мәдениет басқармасының мәдениет және өнер басқармасында жұмыс істеген. 2019 жылдан бастап Шығыс Қазақстан облысы әкімі аппаратының бас инспекторы қызметін атқарды. 2023 жылдың 14 ақпанынан бастап Шығыс Қазақстан облысының мәдениет басқармасы басшысының орынбасары болып тағайындалды.2024 жылдың қазан айынан бастап бүгінгі күнге дейін облыстық мәдениет басқармасы басшысының міндетін атқарушы қызметін атқарды.Ақпарат көзі : https://www.gov.kz/memleket/entities/akimvko/press/news/details/917330

- Теңіздегі су көлемі 42%-ға ұлғайды- Теңіз суының тұздылығы төрт есеге жуық немесе литріне 8,89 граммға дейін азайды- Жыл сайынғы балық аулау көрсеткіші 8 мың тоннаға дейін жетті- Балық түрлерінің саны артты және бекіре тұқымдас балықтарды өсіру үшін қолайлы жағдай жасалды- Сырдария өзенінің су өткізу қабілеті секундына 700 м3-ге дейін ұлғайды- Арал теңізінің солтүстік бөлігі географиялық және климат түзуші объект ретінде сақталды- 870 шаршы шақырымға жуық теңіздің тартылған табанын су басып, тұз шөгінділерінің көтерілуін азайттыАқпарат көзі : https://www.gov.kz/memleket/entities/water/press/news/details/917303