Астанада Қазақстан велоспорт федерациясының дәстүрлі жылдық конгресі өтті. Бұл маңызды жиында федерация 2024 жылдың қорытындыларын шығарып, үздік спортшылар мен жаттықтырушыларды марапаттап, сондай-ақ велоспорт бойынша еліміздің үздік өңірін анықтады, деп хабарлайды елорда әкімдігінің ресми сайты.Спорттық-бұқаралық іс-шаралар және республикалық пен халықаралық жарыстардағы жетістіктер негізінде Астана қаласы «2024 жылғы үздік өңір» атағына лайық деп танылды. Марапатты елордалық Дене шынықтыру және спорт басқармасының бөлім басшысы Азамат Ағзамов қабылдады.«Бұл – біз үшін зор мақтаныш әрі маңызды марапат. Осындай жоғары бағаға ие болғанымызға қуаныштымыз. Бұл жетістік – біздің ұжымның үйлесімді жұмысының, әріптестеріміздің қолдауының және ортақ мақсаттарымызды бөлісетін жанашыр жандардың арқасы. Бұл табыс болашақта қоғам игілігіне бағытталған жаңа жобалар мен бастамаларға серпін беретініне сенеміз», – деді Азамат Ағзамов өз сөзінде.Сондай-ақ, осы іс-шарада №6 Балалар мен жасөспірімдердің мамандандырылған Олимпиадалық резерв спорт мектебінің жаттықтырушысы Вера Риве «Үздік жаттықтырушы» атанса, ал сол мектептің спортшысы Мұрат Күйтенов «Жылдың үздік спортшысы» атағын жеңіп алды.Бұдан бөлек, ардагер жаттықтырушылар Александр Кочетков пен Андрей Скляров федерацияның арнайы марапаттарымен марапатталды. Ал Владислав Горбунов велосипед спортын дамытуға қосқан үлесі үшін алғыс хатқа ие болды.Айта кетейік, 2024 жылы Астананың велоспорт мектебі қалалық Дене шынықтыру және спорт басқармасымен, сондай-ақ Қазақстан велоспорт федерациясымен бірлесіп, 100-ден астам бұқаралық іс-шара ұйымдастырды. Мектеп спортшылары республикалық және халықаралық деңгейде 300-ден астам медаль жеңіп алып, елорда спортының мәртебесін арттырды.Ақпарат көзі : https://www.gov.kz/memleket/entities/astana/press/news/details/888975

Астананың Жоғары көлік және коммуникация колледжінде Қолданбалы электроника мен телекоммуникацияның инновациялық оқу зертханасы ашылды. Мұнда студенттер электромобильдерді, мобильді желілерді және интернетті пайдалануды есептегенде, электрондық құрылғылармен жұмыс істеуді және байланыс үшін жабдықтарды баптауды тәжірибе жүзінде меңгеріп жатыр, деп хабарлайды елорда әкімдігінің ресми сайты.Зертхана нақты өндірістік процеске барынша жақын инновациялық жабдықтармен жабдықталған. Ол екі бөліктен тұрады. Біріншісі «Радиоэлектроника және телекоммуникация» мамандығы бойынша оқитын студенттерге арналған, ал екіншісі көліктік электрондық жабдықтарды, оның ішінде электромобильдерді пайдалануға бағытталған.«Осы зертханада оқи отырып, студенттер жұмыс берушілердің күткеніне сәйкес келетін инновациялық жабдықтармен жұмыс істей алады. Зертхана 12 жұмыс орнымен жабдықталған. Зертханалық сабақтарды өткізу кезінде 25 студенттен тұратын топ кіші топтарға бөлінеді, бұл оқытудың жоғары сапасын қамтамасыз етуге мүмкіндік береді. Біздің штатта 13 оқытушы бар, оның 8-і – байланыс кафедрасында, 5-еуі электроника кафедрасында жұмыс істейді. Қазіргі уақытта біз келесі жылдың қаңтарында басталатын қысқа мерзімді курстарды бастау туралы келіссөздерді бастаймыз. Бұл зертхананы ашу біздің салада жоғары білікті мамандарды даярлау жолындағы маңызды қадам болатынына сенімдіміз», – деді елордалық Жоғары көлік және коммуникациялар колледжі директорының оқу-өндірістік жұмысы жөніндегі орынбасары Өміргүл Жүніспеков.Студенттер дәнекерлеу, қарапайым схемаларды құрастыру, күрделі жабдықты сынау және IP телефониясын орнатуды қамтитын практикалық сабақтарға белсенді қатысады.«Бұл зертхана көлік, оның ішінде теміржол және байланыс саласындағы білікті мамандарды даярлау үшін қажет. Ол радиоэлектроника, электротехника, радиобайланыс және электромобильдерді пайдалану сияқты бағыттарды қамтиды. Бұл кешенді зертхана біздің колледж мамандықтарының жартысына жуығына есептелген», – деді оқытушы Лариса Осташова.Зертхана талшықты-оптикалық кабельдерді, IP-телефония, шағын АТС монтаждауға, зерттеуге және радиоэлектрондық құрылғылармен жұмыс істеуге арналған заманауи жабдықтармен жабдықталған.Әрбір модуль 12-15 адамға арналған және кез келген зертханалық станцияны 20-40 практикалық тапсырманы орындау үшін пайдалануға болады. Бұл 300-ден астам зертханалық сабақ өткізуге мүмкіндік береді.Зертхананың салтанатты тұсаукесеріне қаланың білім басқармасының басшылығы, ҚР Парламенті Мәжілісінің депутаттары, ҚР Оқу-ағарту министрлігінің мамандары, Астана мәслихатының депутаттары, Астана қоғамдық кеңесінің мүшелері, колледждің әлеуметтік әріптестері – «City Transportation Systems» ЖШС, «ҚТЖ» ҰК» АҚ, «Қазақтелеком» АҚ және колледждің индустриялық және қамқоршылық кеңестерінің өкілдері қатысты.Ақпарат көзі : https://www.gov.kz/memleket/entities/astana/press/news/details/888936

Астана қаласының әкімі Жеңіс Қасымбек Instagram парақшасында кезекті мектеп ашылғанын мәлім етті, деп хабарлайды елорда әкімдігінің ресми сайты.«Астанада он жетінші жаңа мектеп ашылды. Бұл елорда үшін абсолютті рекорд болып саналады!Қасым Қайсенов көшесі, 4/1 мекенжайында орналасқан жаңа оқу орны «Жайлы мектеп» ұлттық жобасы аясында салынған. Мектеп оқушылардың ыңғайлылығы үшін қажет нәрсенің бәрімен жабдықталған.Мемлекет басшысының «Жайлы мектеп» ұлттық жобасы аясында елордада жаңа үлгідегі 10 мектеп салынып, есігін айқара ашты. Осы ұлттық жоба аясында 2024-2025 жылдар аралығында жаңа форматтағы 24 мектеп салынады. Осы мектептердің өзі екі ауысымда 90 мыңға жуық оқушы орнын ашуға мүмкіндік береді.Жыл соңына дейін тағы бірнеше мектеп ашуды жоспарлап отырмыз. Осылайша, тағы 4 мектептің үш ауысымды оқыту проблемасы, сол сияқты тығыздылығы жоғары 3 мектептің қиындығы шешілетін болады.Біз сондай-ақ алдағы жылдарға да дайындалып отырмыз. 2025 жылы тағы 20-дан астам мектеп салып, пайдалануға беруді жоспарлап отырмыз. Оқу орындарының құрылысына жеке инвестициялар да тартамыз», – деп жазды Жеңіс Қасымбек.Ақпарат көзі : https://www.gov.kz/memleket/entities/astana/press/news/details/889013

Панфилов жаяу жүргіншілер көшесі жаңа кейіпке енді. Биыл қыркүйек айында Панфилов көшесінің Қабанбай батыр көшесінен Жібек Жолы көшесіне дейінгі аралығында жөндеу жұмыстары басталды. Бұл жұмыс кейбір жерлерде тротуар плиталарының жарылып, орындықтардың, суару жүйесінің және басқа да көріктендіру элементтерінің жарамсыз болуына байланысты қолға алынған.Алмалы ауданына жұмыс сапары кезінде мегаполис әкімі Ерболат Досаев бұл көшенің қала тұрғындары мен қонақтарының сүйікті орны екенін атады. Сол себепті жөндеу барысында эстетикалық және практикалық тұрғыдан әрбір бөлшекке ерекше назар аударылған.Бүгінгі таңда аудан әкімдігі 2000 шаршы метр тротуар плиталарын ауыстырып, 130 орындық орнатты, 2 балалар алаңы салынды, 2,6 км жарықтандыру кабельдері ауыстырылып, 2 құрғақ субұрқақ жөнделді. Сонымен қатар, көгалдандыруға және жасыл аймақтар құруға ерекше көңіл бөлінді. Жасыл аймақ көлемі 20%-ға ұлғайтылды.«Бұл аумақты жапон спиреясы, шығыс гүлі және басқа да өсімдіктерден тұратын 13 мыңнан астам бұталар мен көпжылдық гүлдер көркейтеді. Біз 39 жаңа ағаш ектік, оның ішінде ұсақ жапырақты жөке, сәндік алма және алмұрт ағаштары бар. Егілген көгалды суықтан және құстардан қорғау үшін оны какао қабығымен жаптық. Бұл қабық тыңайтқыш ретінде қолданылады және жағымды иіс шығарады», - деді мердігер ұйым өкілі Маргарита Балакирева.Жаңартудан кейін кеңістік ерекше көрікке ие болып, қала тұрғындарына жағымды эмоция сыйлады.«Айырмашылық бірден байқалады. Тротуар тегіс болғандықтан, жүріп-тұру әлдеқайда ыңғайлы болды, ал көше одан сайын жайлы бола түсті. Мамандар жаяу жүргіншілер аймағы кез келген мезгілде әдемі көрінуі үшін бар күшін салған», - деді қала тұрғыны.Аудан тұрғыны Алина Кузнецова жаңа қондырғылар мен балалар алаңшаларының пайда болғанына ерекше қуанғанын айтты. «Біз мұнда күнде дерлік серуендейміз. Сүйікті субұрқақтарымызды жөндегені қуантады. Жалпы, бәрі керемет жасалған, көше одан сайын әдемілене түсті», - деді ол.Ерболат Досаев сапар барысында Розыбакиев пен Дүйсенов көшелерінің қиылысында «Халық қатысатын бюджет» бағдарламасы аясында салынған жаңа скверге де ат басын бұрды.Бұрын 0,49 гектар аумақ кәсіпкерге уақытша жалға берілген болатын. Алайда жер мақсатына сай пайдаланылмағандықтан, ол жерде стихиялық базар пайда болып, жақын маңдағы үйлердің тұрғындарына қолайсыздық туғызды.Енді бұл аумақта жаяу жүргіншілер жолдары салынды, орындықтар, қоқыс жәшіктері, резеңке жабыны бар балалар мен жасөспірімдерге арналған ойын алаңдары орнатылды. Сондай-ақ жарықтандыру жүйесі жүргізілді, автоматты суару жүйесі, көгал және 3585 көпжылдық бұта егілді.«Бұрын таңнан бастап терезе алдынан көліктердің шуылдаған дауысы естілетін. Жазда түрлі жағымсыз иістерге байланысты терезені ашу мүмкін емес еді. Әкімдік жабайы сауданы реттеп қана қоймай, бұл жерді көріктендірді. Бұл жоба біздің ауданның сәніне айналды, ал тұрғындар, әсіресе балалар, бос уақытын осында өткізіп жүр», - деді тұрғындардың бірі ағынан жарылып.Ерболат Досаев қала тұрғындарымен кездесуде шаһарда демалу мен спортпен айналысуға арналған қауіпсіз әрі жасыл қоғамдық орындарды құру жұмыстары жалғаса беретінін жеткізді.Айта кету керек, «Халық қатысатын бюджет» бағдарламасына биыл 18,8 миллиард теңге бөлінді, бұл өткен жылмен салыстырғанда 5,8 миллиард теңгеге көп. Алматы тұрғындары аулаларды, қоғамдық орындарды көріктендіру, спорт және ойын алаңдарын салу бойынша 364 жобаны ұсыну және жүзеге асыру мүмкіндігіне ие болды.Ақпарат көзі : https://www.gov.kz/memleket/entities/almaty/press/news/details/888994

Бүгін Талдықорғанда «Jetisu Digital» IT-Hub технопаркінде Жастарға қызмет көрсету орталығының қолдауымен ұйымдастырылған стартаптардың питч-сессиясы өтті. Бұл іс-шара 60-тан астам жас инноваторлардың басын қосып, жиында 25 команда инвесторлардың, менторлар мен ІТ қауымдастықтың алдында өз жобаларын ұсынды. Ұсынылған жобалардың ішінде білім беру, экология, денсаулық сақтау саласындағы идеялар, сондай-ақ жаңа бизнес-модельдер мен цифрлық платформалар бар, - деп хабарлайды Жетісу облысы әкімінің баспасөз қызметі.25 команданың әрқайсысы өзекті мәселелерді шешуге өзіндік көзқарасын таныта отырып, өздерінің стартаптарын таныстырды, нарықтағы мүмкіндіктері жайлы айтты.- Мұндай бастамалар өңірдің стартап-экожүйесін дамытуға ғана емес, жас кәсіпкерлердің сенімін қалыптастыруға да ықпал етеді. Әрбір стартапты тек идея емес, одан да жоғары деп санаймыз. Бұл технологиялар жаңа көкжиектерге жол ашып, жастарды кәсіпкерлікке шабыттандыратын, жаңаша ойлауды қалыптастыратын инновациялар арқылы әлемді өзгертуге әрекет жасайды, - дейді «Jetisu Digital» IT-Hub директоры Талғат Абылаев.IT-Hub «Jetisu Digital» Питч-сессиясы жастар үшін өз қабілеттерін көрсетуге, пікірлес адамдармен ой бөлісуге, кәсіпқой мамандармен байланыс орнатуға бірегей мүмкіндік туғызды.Жетісу облысы әкімінің баспасөз қызметі. Ақпарат көзі : https://www.gov.kz/memleket/entities/zhetysu-oblysy/press/news/details/888990

«Астана даму орталығы» ЖШС «Жібек жолындағы Туризм» (ТХТЖ-2024) 29-шы Ташкент халықаралық туристік жәрмеңкесіне қатысып, Visit Astana туристік брендін ұсынды, деп хабарлайды елорда әкімдігінің ресми сайты.Ташкент халықаралық туристік жәрмеңкесі – жыл сайын Дүниежүзілік Туристік Ұйымның (UNWTO) ресми қолдауымен өткізілетін Орталық Азиядағы ең ірі туристік көрме. Биыл жәрмеңке алғаш рет «CAEx» жаңа халықаралық көрме орталығының (Central Asian Expo Uzbekistan) алаңында өткізіледі.Ұйымдастырушылар – Өзбекстан Республикасының экология, қоршаған ортаны қорғау және климаттың өзгеруі министрлігі, Туризм комитеті, «Ұлттық PR-Орталық» Мемлекеттік унитарлық кәсіпорны және «Team & Co Group» компаниясы.Аталған жәрмеңке аясында туризм саласындағы жетекші халықаралық мамандардың қатысуымен форум, сондай-ақ ТМД, Азия және Еуропа елдерінен мемлекеттік және жеке компаниялардың өкілдері арасындағы B2B кездесулер, дөңгелек үстелдер, «Craft Fair Uzbekistan» туристік қызметтер мен қолөнер өнерінің көрмелері өтеді.Бұл форум Астанаға халықаралық аренада танымал болу, іскерлік байланыстар орнату және туризм саласындағы ынтымақтастықты кеңейту үшін жаңа мүмкіндіктер ашады.Ақпарат көзі : https://www.gov.kz/memleket/entities/astana/press/news/details/888892

Астанада батуттық гимнастикадан қалалық ашық чемпионат өтіп жатыр, деп хабарлайды елорда әкімдігінің ресми сайты.Жарыста Астана қаласы әкімдігінің №1 балалар мен жасөспірімдердің мамандандырылған олимпиадалық резерв спорт мектебінің тәрбиеленушілері, жергілікті жеке клубтардың спортшылары және Петропавл қаласынан келген 170 қатысушы бақ сынап жатыр.«Астанада батуттық гимнастикамен 361 спортшы айналысады. Оның ішінде 124 спортшы №1 балалар мен жасөспірімдердің мамандандырылған олимпиадалық резерв спорт мектебінде жаттығады. Бүгінгі ашық чемпионат қалада 2-3 жылда бір рет өтеді. Чемпионаттың нәтижесінде үздік спортшылар іріктеліп, Астана қаласының құрамасы жасақталады. Бұл жарыс жас спортшыларға жоғары жетістіктерге жетуге жаңа мүмкіндіктер ашып, қаланың спорттық өмірінде маңызды кезең болып саналады. Сонымен қатар елордада батуттық гимнастиканың дамуына үлкен серпін береді», – деді Астана қаласының Батуттық гимнастика федерациясының атқарушы директоры Нұрбол Тоқпанов.Айта кетейік, жарыс Қорғалжын тасжолы, 2А мекенжайында орналасқан Батуттық гимнастика орталығында өтіп жатыр. Чемпионат 23 қарашаға дейін жалғасады.Ақпарат көзі : https://www.gov.kz/memleket/entities/astana/press/news/details/888897

Түркістан облысы бойынша «Қазсушар» филиалы Торлан су қоймасынан су жіберетін қашыртқыны қалпына келтірді. Нысан үй ауласындағы бау-бақшаларды сумен қамтамасыз етуге арналған. Су қоймасының жалпы сыйымдылығы 1.9 млн текше метр. Сондай-ақ, су қоймасынан Шолаққорған ауылына дейінгі жалпы ұзындығы 21 шақырым жерасты құбыры салынды. Қалпына келтіру тасқын суды қауіпсіз аймаққа бағыттауға мүмкіндік береді.Ақпарат көзі : https://www.gov.kz/memleket/entities/water/press/news/details/888969

20-22 қараша аралығында Астанада Ж. Үшкемпіров атындағы спорт кешенінде қоян-қолтық ұрыстан әлем кубогының финалы өтті, оған 15 елден (Ресей, Беларусь, Өзбекстан, Моңғолия, Қырғызстан, Испания, Италия, Швейцария, Марокко, Үндістан және т.б.) 200-ден астам спортшы қатысты.Осы жарыстың қорытындысы бойынша ТЖМ құрамасының мүшелері құрамында 1 ер адам және 9 әйел мынадай тәртіпте 6 қола, 2 күміс және 2 алтын медаль жеңіп алды:«Өзін-өзі қорғау» тәртібі бойынша:50 кг салмақ санатында 2-орынды Жұмадиева Ақерке (Қызылорда облысы ТЖД);50 кг салмақ санатында 3-орынды Асылбекова Сағыныш (Астана қаласы ТЖД);70 кг салмақ санатында 3-орынды Чеботарева Мария (Қарағанды облысы ТЖД);90 кг салмақ санатында 3-орынды Ілияс Сарғазин (Ақмола облысы ТЖД) иеленді.«Сайыс» тәртібі бойынша:Супер абсолютті салмақ дәрежесінде 1-орын Абай облысы ТЖД Жұматаева Талшын (Абай облысы ТЖД);53 кг салмақ санатында 1-орынды Ларионова Эмилия (Атырау қаласы ТЖД);+70 кг салмақ санатында 2-орынды Беркинбаева Аружан (Түркістан облысы ТЖД);48 кг салмақ санатында 3-орынды Асылбекова Сағыныш (Астана қаласы ТЖД);64 кг салмақ санатында 3-орынды Чеботарева Мария (Қарағанды облысы ТЖД);70 кг дейін салмақ санатында 3-орынДЫ Жұматаева Талшын (Абай облысы ТЖД) иеленді.Турнирдің чемпиондары мен жүлдегерлері Қазақстан Қорғаныс министрінің кубоктары мен сыйлықтарымен марапатталды. ТЖМ қызметкерлері «Batyr team» ведомстволық спорт клубының құрама командасының құрамында бүгін министрлікті халықаралық турнирлерде табысты таныстыруда.Біздің спортшыларды әлемдік жарыстардағы жетістіктерімен құттықтаймыз! Ақпарат көзі : https://www.gov.kz/memleket/entities/emer/press/news/details/888981

Жетісу облысы әкімінің орынбасары Әсет Қанағатов және «Интергаз Орталық Азия» АҚ Бас директоры Манас Тасыбаев «Талдықорған-Үшарал» магистральдық газ құбырының құрылыс барысымен танысты.«Талдықорған-Үшарал» магистральдық газ құбырын салу» инвестициялық жобасын Мемлекет басшысының тапсырмасы бойынша «QazaqGaz» Ұлттық компаниясы іске асыруда. Жоба Үкіметтің 2024 жылғы экономикалық өсуді қамтамасыз ету жөніндегі іс-қимыл жоспарына кіреді.Жаңа газ құбырының құрылысы осы жылдың тамыз айында Премьер-Министр Олжас Бектеновтің Жетісу облысына жасаған жұмыс сапары кезінде басталған болатын.Бүгінгі таңда 100 шақырымнан астам құбыр дәнекерленген. Құрылысқа 90-нан аса арнайы техника мен 128 жұмысшы персонал жұмылдырылды. Құрылыс жұмыстары ерекше бақылауда және қатаң түрде кестеге сәйкес жүргізілуде.Облыс әкімінің орынбасары Әсет Қанағатов атап өткендей, бұл нысанның өңір үшін экономикалық маңызы зор. Осы маңыздылықты, сондай-ақ құрылыс жұмыстарының орындалу жылдамдығын ескере отырып, құрылыс бір жылға жуық мерзімге ертерек аяқталады деп күтілуде.Осыған байланысты 2025 жылдың соңына қарай 124 мың тұрғыны бар Ақсу, Сарқан, Алакөл аудандарының 66 елді мекені табиғи газға қол жеткізу мүмкіндігіне ие болады. Бұл іскерлік белсенділіктің артуына, жаңа жұмыс орындарының құрылуына, шағын және орта бизнестің дамуына қосымша оң әсерін тигізбек. Ақпарат көзі : https://www.gov.kz/memleket/entities/zhetysu-oblysy/press/news/details/888837

Алматыдағы Южный аудандық қазандығы 1972 жылы салынған. Содан бері жабдықты тек күрделі және ағымдағы жөндеу жұмыстары жүргізілді. Осылайша, 2003 және 2015 жылдары төрт су жылыту қазандығының екеуі ауыстырылды.Өткен жылы қала әкімі Ерболат Досаев сол кездегі тозығы жеткен Южный қазандығын тексеру кезінде оны модернизациялауды тапсырды. Осылайша, ағымдағы жобада алғаш рет барлық төрт қазандықты, сондай-ақ қолданыстағы қосалқы жабдықты ауыстыру және қайта құру қарастырылған.Жобалық шешімдерге сәйкес мердігерлік ұйым 1972, 1982 және 2003 жылдардағы үш қазандықты ауыстырды, төртінші су қазандығында жаңғырту жұмыстары жүргізілді. Осы кезеңде сорғы агрегаттары, автоматика орнатылды, газ және қосалқы жабдықтар орнатылды, сондай-ақ іске қосу-жөндеу жұмыстары аяқталды. Нәтижесінде қазандық қуатының өсуі сағатына 55 Гкал құрады. Реконструкция толық аяқталғаннан кейін қазандықтың жалпы қуаты сағатына 190 Гкал құрайды.Реконструкцияны аяқтау ағымдағы жылдың желтоқсан айына жоспарланған.Қала басшысы Алматыда коммуналдық инфрақұрылымды жаңарту басым міндеттердің бірі екенін атап өтті.«Біз жылу инфрақұрылымын жаңғыртуға инвестиция көлемін едәуір арттырдық, бұл болашақта тұрақты жылумен қамтамасыз етуге мүмкіндік береді. Қазір ЖЭО-1 және ЖЭО-2 жылуды тұрақты түрде жеткізеді, бірақ біз жаңа магистральдық желілерді салу қажеттілігін барынша азайтуға тырысамыз. 2025 жылдан бастап біз шағын аудандар мен кварталдардың қажеттіліктерін тиімді жабуға мүмкіндік беретін жергілікті қазандықтарды дамытуға ниеттіміз. Бұл тиімдірек және техникалық қызмет көрсету шығындарын айтарлықтай азайтады, өйткені тарату желілерін жөндеу үлкен диаметрлі магистральдық құбырларды ауыстырудан әлдеқайда үнемді. Биылғы жылы жүргізілген жұмыстар 2025-2026 жылдардағы келесі жылыту маусымына дайындық болып табылады», - деді Ерболат Досаев.Мысалы, 2023 жылы Наурызбай ауданында жергілікті қазандық салынды, сондай-ақ Түрксіб ауданында құрылыс жоспарлануда.Бұдан басқа, Алматы әкіміне нормативтік қызмет мерзімі 25 жыл болған кезде 39-48 жыл бұрын пайдалануға берілген тозған жылу желілерінің Бостандық ауданында жүргізілген жаңғырту туралы баяндалды. Жалпы ұзындығы шамамен 5 км болатын Южный қазандығын қоректенетін төрт учаскеде жұмыстар толық аяқталды. қабылданған шаралармен 328 көппәтерлі үйдің, 30 жеке үйдің, 11 балабақшаның, 4 мектептің, 4 денсаулық сақтау объектісінің және 103 өзге де объектінің тұрғындары сапалы жылумен қамтамасыз етілді.Естеріңізге сала кетейік, Алматыда инженерлік желілер белсенді түрде модернизациялануда. Ағымдағы жылы 20 км желі қайта жаңартылды. «АТКЭ» ЖШС-нің 4 қазандығын қайта жаңарту және 81 қазандығын жөндеу аяқталды. Бұл желілердің тозуын 57,9% - дан 56,1% - ға дейін төмендетуге мүмкіндік берді. 2024 жылы жылыту маусымы 7 қазаннан басталды, 100% дайындық қамтамасыз етілді. Ағымдағы жылыту маусымы үшін 140% көмір және 100% мазут жинақталған. Барлығы 404 білім беру нысаны, 128 денсаулық сақтау нысаны және 8 863 тұрғын үй қамтылды.Ақпарат көзі : https://www.gov.kz/memleket/entities/almaty/press/news/details/888817

Шығыс Қазақстан облысының әкімі Ермек Көшербаев құқық қорғау органдары қызметкерлерімен арнайы кеңесте бас қосты. Кездесу барысында өңір басшысы жазатайым оқиғаларда немесе шұғыл жағдайларда дер кезінде көмек қолын созатын учаскелік инспекторлардың ерен еңбегін атап өтті.- Мемлекет басшысы айтқан жалпы қағиданы еске салғым келеді: «Біз саяси плюрализмді қолдасақ, ал экстремизм, бандитизм, бұзақылыққа әрқашанда жол жоқ». Сондықтан әрбір полиция қызметкерінің халықтың өмірі мен денсаулығын қамтамасыз етуде алар орыны орасан зор. Азаматтармен жекелей жұмыс жасау және қылмысқа қарсы күрес әуелі тәртіп сақшыларының қызметінен басталады. Құқық қорғау органдарыны қызметкерлерінің рөлі артып, еңбектеріне деген құрмет күшейе түсуі керек. Мен облысымызда құқықтық тәртіпті қамтамасыз ететін азаматттардың барлығына ризамын, - деді өңір басшысы.Сондай-ақ кеңес барысында учаскелік инспектор Бақытжан Өтеулин мен жүргізуші Алтынбек Мязев ерлік жасағаны үшін алғыс хаттармен марапатталды.- Жақында Ұлан ауданындағы екі әріптесіміз бүтін бір отбасыны түтін жалмаған үйден аман алып қалды. Сондықтан біз оларға кәсібилігі мен жеделдігі үшін алғыс хаттар бергіміз келеді, — деді полиция генерал-майоры, ШҚО ПД бастығы Оман Омарбеков.Кеңесте облыс әкімі өңірде «Дауыл» жобасы мен көшедегі бейнебақылауларды жаңартуды қоса алғанда, бейнебақылау жүйелерін жаңғырту жұмыстары жүргізіліп жатқанын атап өтті. Бұл шаралар қылмысты дер кезінде анықтауға және қауіпсіздік деңгейін арттыруға көмектеседі. Қазіргі таңда материалдық-техникалық базаны нығайтуға және заманауи технологияларды енгізуге ерекше көңіл бөлінуде. ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/888848

«Қыс-2024» республикалық командалық-штабтық оқу-жаттығуы 2 күн ішінде қысқы кезеңде төтенше жағдайлардың алдын алу және оларды жою жөніндегі азаматтық қорғау жүйесінің іс-қимылдарын пысықтауға бағытталған бірыңғай кешенді міндет форматында өткізілді.Өткен жылдардағы төтенше жағдайларды талдау негізінде сумен жабдықтау, жылыту, энергиямен жабдықтау жүйелеріндегі ықтимал аварияларға, сондай-ақ автожолдардағы кептелістерге іс-қимылдарды пысықтауға баса назар аударылды.Бірінші күні оқу-жаттығудың теориялық бөлігі барысында республикалық штабтың жедел топтары ықтимал жағдайды болжап, ел аумағында шешім қабылдау үшін ұсыныстар дайындады.Өңірлердің жедел топтары жергілікті климаттық ерекшеліктеріне қарай кіріспе әзірленді.Екінші күні оқу-жаттығудың практикалық бөлігі барысында халықты хабардар ету және ақпараттандыру, эвакуациялау, зардап шеккен халықты жылыту пункттеріне орналастыру, тамақтандыруды ұйымдастыру, медициналық және психологиялық көмек көрсету, авариялық-қалпына келтіру жұмыстарын жүргізу тіршілікті қамтамасыз ету объектілерінде, сондай-ақ мемлекеттік органдар арасындағы өзара іс-қимыл мәселелері пысықталды.Еліміздің барлық аумағында «Баршаның назарына!», содан кейін сандық және кабельдік теледидардың теле-радиоарналарын ұстап алу.Оқу-жаттығуға орталық және жергілікті атқарушы органдардың (азаматтық қорғау қызметтері) жедел топтары, Төтенше жағдайлар министрлігінің бөлімшелері, Ұлттық ұланның әскери бөлімдері, Қорғаныс министрлігі мен Ресей ТЖМ бөлімшелері, сондай-ақ волонтерлер мен үкіметтік емес ұйымдар қатысты.Жолдарда ірі қар құрсаулары орын алған жағдайда уәкілетті органдардың іс-қимыл алгоритмі пысықталды. «Батыс Еуропа-Батыс Қытай» көлік дәлізінің бағыты өтетін өңірлерде жол қызметтерімен және мүдделі мемлекеттік органдармен бірлесіп тактикалық-арнайы оқу-жаттығулар өткізілді.Сонымен қатар халықаралық өзара іс-қимыл шеңберінде Солтүстік Қазақстан облысының аумағында тактикалық-арнайы оқу-жаттығуға Ресей ТЖМ жедел тобы қатысты.Оқу-жаттығу шеңберінде қысқы кезеңдегі төтенше жағдайларды жою жөніндегі іс-қимылдарды пысықтауға бағытталған барлық мүдделі қызметтер мен ұйымдарды тарта отырып, барлығы 457 тактикалық-арнайы оқу-жаттығу өткізілді 12,3 мың адам және 4 мыңнан астам техника, оның ішінде 5 әуе кемесі қатысты. Зардап шеккен халық үшін 49 мың адамға арналған 846 жылыту пункті, сондай-ақ 32 далалық басқару пункті ашылды.Қойылған мақсаттарға қол жеткізілді, міндеттер нақты мақсаттарға барынша жақын жағдайларда орындалды. Ақпарат көзі : https://www.gov.kz/memleket/entities/emer/press/news/details/888876

Бүгін Жетісу облысы Кербұлақ ауданындағы төрт ауылда 23 үй қолданысқа берілді. Сол сияқты жуырда Талдықорған қаласында 17 пәтер кілті кезектегі азаматтарға тапсырылды. Осы аталған жалпы саны 40 үйге халықтың әлеуметтік осал тобындағы отбасылары ие болды, - деп хабарлайды Жетісу облысы әкімінің баспасөз қызметі. Кербұлақ ауданының Алтынемел ауылында 5 үй, Шанханай, Шұбар, Қаспан ауылдарының әрқайсысында 6 үйден пайдалануға берілді. Аудан әкімі Қанат Есболатов ауылдарға арнайы барып, жеке тұрғын үй кілттерін жаңа иелеріне табыстады.Аудан әкімдігінің мәліметіне қарағанда, аудандағы тұрғын үй кезегінде 1603 адам тұр. Оларды баспанамен қамтамасыз ету мақсатында қазіргі уақытта қарқынды жұмыстар жүріп жатыр.- Бүгінгі күні Кербұлақ ауданына қарасты ауылдарда 100 жеке тұрғын үй салынуда. Одан бөлек аудан орталығы Сарыөзек ауылында 60 пәтерлі екі көп қабатты үйдің құрылысы аяқталуға жақын. Тағы 60 пәтерлік бір үйді Республика күні қарсаңында қолданысқа бердік. Салынып жатқан тұрғын үйлердің барлығы кезекте тұрған азаматтарға, соның ішінде тұрмысы төмен, әлеуметтік осал топтағы тұрғындарға, үйлері апатты деп танылғандарға берілетін болады, - дейді Кербұлақ аудандық құрылыс және қалақұрылысы бөлімінің басшысы Бақыткелді Қабидолда.Ауылдардағы жаңа үйлер 3 бөлмеден тұрады, аумағы 77 шаршы метрден. Үй ішінде тұрмысқа қажетті қолайлы жағдайлар толық қарастырылған.Жаңа қоныс қуанышына кенелген азаматтардың ішінде Қаспан ауылының тұрғыны Гүлмира Жанатаева да бар.- Қаспан ауылында көрнекті, жаңа 6 үй салынды. Соның бірі бірінші топтағы мүгедектігі бар балама берілді. Үйдің ішін аралап көрдік, жайлы, кең екен, көңілімізден шықты. Осындай қуаныш баспанаға зәру азаматтарға жұғысты болсын, қуаныш көбейсін, - дейді қаспандық тұрғын.Ал жуырда Талдықорған қаласындағы «Шығыс» шағын ауданында да 17 отбасыға жаңа баспана берілді. Жаңа пәтерге ие болғандар қатарында жетім балалар, мүгедектігі бар баланы тәрбиелеуші отбасылар, көпбалалы аналар, толық емес отбасылар және Ұлы Отан соғысының ардагерлеріне теңестірілген азаматтар бар.Атап өтсек, жалпы өткен он айда Жетісу өңірінде 247,6 мың шаршы метр тұрғын үй пайдалануға берілген.Жетісу облысы әкімінің баспасөз қызметі.Ақпарат көзі : https://www.gov.kz/memleket/entities/zhetysu-oblysy/press/news/details/888733

Алматы әкімі Ерболат Досаев Алмалы ауданына жұмыс сапары барысында тұрғындармен кездесіп, кәріз желілерінің құрылыс барысымен танысты.Жоба бойынша Алмалы ауданының 19 көшесінде жалпы ұзындығы 15 км болатын кәріз желілерін салу көзделген. Биыл 6 көшеде 3 км желінің құрылысы аяқталады. Сонымен қатар, жеке сектор салына бастағаннан бері орталықтандырылған кәріз жүйесі болмаған Бруно көшесінде құрылыс жұмыстары аяқталды.2025 жылы қалған 13 көшеде жобаны жүзеге асыру жалғасады.Қабылданған шаралардың нәтижесінде 6800 тұтынушы орталықтандырылған инженерлік желілермен қамтамасыз етіледі.«Тұрғындар атынан біздің өтініштерімізге назар аударып, атқарылған жұмыс үшін алғыс айтамын. Бізде орталықтандырылған кәріз жүйесі пайда болды, көше жарығы орнатылды, жұмыстан кейін жол толық енімен асфальтталды. Бұл өзгерістерге өте ризамыз, енді бізде жайлы әрі ыңғайлы болды. Біз қуана-қуана серуенге шығамыз. Қолдауларыңыз бен қамқорлықтарыңыз үшін рахмет», - деді тұрғындардың бірі.Айта кетейік, 2024 жылдың наурызында қала әкімі Ерболат Досаевтың бастамасымен Алматыда инженерлік коммуникацияларды күтіп ұстаудың жаңа ережелері қабылданды. Құжатқа сәйкес, жер асты инженерлік желілерді төсеу кезінде жол жабынын ашу және көшелерді қазу асфальтбетон жабындысын толықтай – жиектастан жиектасқа дейін қалпына келтіру міндеттемесімен жүргізілуі керек.Қала басшысы Алмалы ауданының әкіміне құрылыс сапасы мен жылдамдығын бақылап, тұтынушыларды орталықтандырылған коммуникацияларға уақытылы қосуды тапсырды.Еске сала кетейік, Алматыда инженерлік инфрақұрылымды жаңғырту қарқынды жүргізілуде. Биылғы 9 айда 219 км жаңа сумен жабдықтау және су бұру желілері салынды, 27,3 км қолданыстағы желілер жаңартылды. 2025 жылы тағы 240 км желі салу және 48 км желіні жаңарту жоспарланған.Осылайша, қабылданған кешенді шаралардың арқасында 100 мыңға жуық қала тұрғыны үшін инженерлік желілердің тозуына байланысты жылдар бойы шешілмеген сумен жабдықтау және су бұру желілері мәселесі шешіледі.Ақпарат көзі : https://www.gov.kz/memleket/entities/almaty/press/news/details/888606

Алматы әкімі Ерболат Досаев жұмыс сапары барысында Бостандық ауданындағы Жароков көшесінен Бұқар Жырау бульвары арқылы Есентай өзеніне дейінгі газбен жабдықтау желілерін қайта құру жұмыстарымен танысты. Орташа қысымды, ұзындығы 1766,9 метр болатын жер асты газ құбыры 1972 жылы пайдалануға берілген және нормативтік 40 жылдық қызмет мерзімін өтеген. Газ құбырының оқшаулау жабыны мен құбыр коррозия түріндегі зақымданулар анықталды. Газбен жабдықтау жүйесінің қауіпсіздігі мен сенімді жұмысын қамтамасыз ету үшін газ құбырын шұғыл ауыстыру қажет болды.Биыл қыркүйек айында қала әкімі бастамашы болған «Инвестицияға айырбас тариф» республикалық бағдарламасы аясында құрылыс-монтаждау жұмыстары басталды. Жұмыстар осы жылдың соңына дейін аяқталады. Газ құбыры Бұқар Жырау бульварының оңтүстік жағындағы жолдың жиектастарына жақын бөлігінде төселуде. Шұңқырдың ені 0,8 метрден 1 метрге дейін.Құрылыс жұмыстары аяқталғаннан кейін 3,5 мыңға жуық абонент тұрақты газбен қамтамасыз етіледі.Ақпарат көзі : https://www.gov.kz/memleket/entities/almaty/press/news/details/888613

22 қараша күні түнгі сағат 12-ден бастап Алматыда жаңбыр түріндегі жауын-шашын, ал таңғы сағат 5-тен бастап таулы және тауға жақын аудандарда қар аралас жаңбыр, сағат 7-ден бастап қаланың өзінде қар жауа бастады. Жауын-шашын таңғы 10-ға дейін жалғасады деп күтілуде. Таңертеңгі 9-дағы мәлімет бойынша қалада 4 мм жауын-шашын, ал Шымбұлақта 0,5 см қар түсті.Күндізгі уақытта 565 бірлік арнайы техника мен 1069 жұмысшыжұмылдырылды. Арық өткелдерінің бітелуінің алдын алу және жергілікті су басу мәселесін жою үшін мотопомпа, багр және басқа құралдармен жабдықталған 32 жедел мобильді бригада кезекшілік етеді.Төтенше жағдайлар қызметінің мәліметінше, су басу оқиғасы тіркелмеген. Көктайғақтың алдын алу мақсатында Бостандық және Медеу аудандарының жоғарғы бөлігінде 120 құмшашқыштың көмегімен көктайғаққа қарсы материалдар себілді.Таңертеңгі сағат 9-ға дейін 55 тонна материал пайдаланылды. Таңғы сағат 5-тен бастап 30 «Эпока» техникасы арқылы қаланың жоғарғы аудандарындағы жолдар (Медеу, Шымбұлақ, Бутаковка, ШААЖ, Садықов, Асқаров, Дулати көшелері және т.б.) сұйық көктайғаққа қарсы реагенттермен өңделді. Барлығы 85 м³ мұзға қарсы ерітінді қолданылды.«Қазгидромет» РМК мәліметінше, негізгі жауын-шашын таңғы 10-ға дейін аяқталады. Әрі қарай айтарлықтай жауын-шашын болмайды. Күндіз ауа температурасы +2…+4 °C болады.Алматы қаласының Коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/888638

Алматыда жасанды интеллектті пайдалана отырып, нақты уақыттағы бақылау камераларынан видео сәтті қолданылады. Мәселен, 2023 жылы Алматы әкімдігі Қазақстанда алғаш рет мемлекеттік білім беру және мектепке дейінгі мекемелерде қауіпсіздіктің кешенді жүйесін енгізді.Алматының оң тәжірибесін қабылдай отырып, бұл технология еліміздің басқа өңірлерінде де қолданыла бастады. Бірыңғай видеомониторинг жүйесінің жобасы 2022 жылы іске қосылды және бүгінде жүйе 45 мың қалалық камераны біріктіреді. Келесі жылдың соңына қарай олардың саны 70 мыңға дейін өседі.Осы жүйенің арқасында өткен жылы ауыр қылмыс жасады деп күдіктенген, сондай-ақ іздеуде жүрген ондаған адам табылып, ұсталды. Жүйе іздеуде жүрген адамдар туралы 13 мыңнан астам жазбадан тұратын құқық қорғау органдарының деректер базасымен біріктірілген.«Жүйе іздеуде жүрген адамды анықтаған кезде жағдай орталығы мен полиция бөлімшелеріне нақты координаттарды жіберу арқылы бірден хабарлайды. Бұл әрекет ету уақытын едәуір қысқартады және полиция жұмысының тиімділігін арттырады», - деді Алматы қаласының цифрландыру басқармасы.Сондай-ақ, жасанды интеллект алгоритмдері: адамдар тобын анықтауға және олардың мінез-құлқын талдауға, күдікті заттарды анықтауға, қоғамдық орындардағы қару-жарақ үлгілерін тануға, адамдарды/көліктерді кескін немесе фотосурет бойынша іздеуге, жол қозғалысы ережелерін бұзуды тіркеуге, от пен түтінді анықтауға мүмкіндік береді.Қолжеткендермен тоқтап қалмай, қалада жергілікті қызметтердің жұмысын жақсартатын видеосараптаманың жаңа түрлері сыналуда және енгізілуде: қоқыс жиналатын орындарды, толып жатқан урналар мен контейнерлерді, қаңғыбас жануарларды анықтау, қоғамдық көліктердегі видео ағындарын зерттеу, қатты дыбыстарды тіркеуге арналған аудиосараптаманы қолдану.Бүгінгі таңда «Кешенді қауіпсіздік жүйесі» жобасымен 400-ден астам мемлекеттік мектептер мен балабақшалар қамтылған, олардың барлығы цифрлық видеобақылау камераларымен, видеодомофондармен, бетті тану функциясы бар турникеттермен, дабыл түймелерімен және қалалық шұғыл әрекет ету қызметтеріне қосылған өрт дабылы датчиктерімен жабдықталған.Қазір жеке білім беру мекемелерін видеокамералар жүйесіне белсенді қосу жүріп жатыр. Ағымдағы жылдың соңына дейін барлық мемлекеттік медициналық мекемелерде осындай қауіпсіздік жүйесін енгізу жоспарлануда.Ақпарат көзі : https://www.gov.kz/memleket/entities/almaty/press/news/details/888648

Алматы әкімі Ерболат Досаев жұмыс сапары барысында Сайран су қоймасының жағалауын абаттандыру жұмыстарының барысымен танысты, онда жағажай аймақтарымен қатар заманауи қоғамдық кеңістік құрылады. Қала басшысына ағымдағы жылдың соңына дейін барлық құрылыс-монтаж жұмыстары мерзімінде аяқталатыны туралы баяндалды. Алайда, мамандардың ұсынысына орай жасыл желектерді отырғызу бойынша көгалдандыру шараларын неғұрлым қолайлы көктемде жүргізу қажет. Тиісінше, жасыл желектердің терең түптенуі үшін 200 ірі үлкен жапырақты отырғызу келесі жылдың көктемінде жүзеге асырылады.Бүгінгі таңда жұмыстар 70% - ға орындалды- автосуару, сумен және электрмен жабдықтау кабельдерді тарту аяқталуда, сыртқы жарықтандыру, жағалауды нығайту және жағалау құрылысы жүргізілуде.Естеріңізге сала кетейік, жобаны іске асыру 2024 жылдың ақпан айында басталған болатын. Жобаға сәйкес, Сайран көлінің екі жағалауы суға жақын маңда ұзындығы 2,5 км бірыңғай серуендеу жағалауына қосылатын болады, сондай - ақ қолданыстағы көпір арқылы 3,5 км және Абай даңғылына шығатын 4,5 км серуендеу маршруттары қолжетімді болады. Төле би көшесінің бүйіріне жасыл алап отырғызылады, ол оған айшықты өң береді.Абаттандыру жобасы бойынша су қоймасының аумағында лотостары бар су қоймасының жанында пергола, орындықтар, урналар, фудкорттар пайда болады. Белсенді демалыс үшін роллердромы бар скейтпарк, тренажерлер, паркур алаңы, велопарк, футбол алаңы және балалар қалашығы салынады. Сондай-ақ, аумақта қоғамдық дәретханалар мен иттерді серуендетуге арналған қоршалған алаң орнату қарастырылған. Бүкіл аумақтың периметрі бойынша бейнебақылау камералары орнатылады. Жағалауда тәулік бойы қауіпсіздікті қамтамасыз ету үшін 2 полиция және 2 құтқару бекеті салынады.Осылайша, жарықтандырылған, абаттандырылған және жайлы кеңістік Алматыдағы тартылыс орталығына айналады, ол жақын маңдағы аудандарды ғана емес, жалпы қалалық ортаны да жақсартады. «Соңғы жылдары Сайранды қызығушылық тудырмайтын қараусыз қалған жер қабылдады. Біздің мақсатымыз-бұл стереотипті өзгерту. Мұнда өркениетті демалыс ұйымдастырылуы керек: балалар мен отбасылық аймақтар, белсенді ойын-сауық және спорт аймақтары, ыңғайлы төсектері бар жағажай аймақтары, жарықтандырылған жолдар, жақсы күтілген жағалаулар, заманауи кафелер... Жоғалған экожүйені, флора мен фаунаны қалпына келтіру маңызды басымдық болып табылады. Дүниежүзінде тоғандар, су қоймалары және жасыл саябақтар тартымды жерлерге айналуда. Қаланың полицентрлік дамуы аясында Сайран орталық аудандардың тұрғындары да, шетелдік туристер де келетін орындардың біріне айналуы тиіс», - деп атап өтті Ерболат Досаев.Жұмыс сапарының қорытындысы бойынша қала басшысы мердігер ұйымға барлық құрылыс, инженерлік-техникалық және санитарлық нормаларды сақтай отырып, барлық жұмыстарды белгіленген мерзімде аяқтауды тапсырды.Айта кету керек, жағалауды күрделі абаттандыру жұмыстары ондаған жылдар бойы жүргізілмеген. Саран су қоймасы 1971 жылы пайдалануға берілді, 1988-1989 жылдары жағалауға тек асфальтталған жолдар мен жарықтандыру орнатылды. 2023 жылы Сайран су қоймасының түбі 50 жылда алғаш рет тазартылды. Механикалық тазалау нәтижелеріне 142 мың текше метр лай және 23 тонна тұрмыстық қоқыс шығарылды.Ақпарат көзі : https://www.gov.kz/memleket/entities/almaty/press/news/details/888652

Көкшетау қаласында екі күн бойы «Қыс-2024» республикалық командалық-штабтық оқу-жаттығуы өткізілді.Оқу-жаттығу басшылығының штабы Көкшетау қаласында болды. Жедел штабтың іс-қимылын Төтенше жағдайлар вице-министр Ерлан Нұрпейісов басқарды. Өткізілген оқу-жаттығулардың негізгі мақсаты – азаматтық қорғау мемлекеттік қызметінің қалалық кіші жүйесінің табиғи және техногендік сипаттағы төтенше жағдайлардың салдарын жоюға дайындығы және әзірлігін тексеру. Барлығы 4 ықтимал төтенше жағдай пысықталды.Оқу-жаттығу ҚР-2 (аудандық қазандықта) басталды. Мұнда тіршілікті қамтамасыз ету объектілеріндегі апаттар қаупімен байланысты практикалық іс-шаралар пысықталды. Аңыз бойынша «Көкшетау-Жылу» ШЖҚ МКК аумағында жеке тұрған қазандықта температураны бақылау жүйесінде ақаулық орын алып, бұл қазандықтың жарылуына, құрылымдар мен жабындардың бұзылуына, одан әрі өрттің жалпы ауданы 800 шаршы метрді құрады. 25 мың абонент жылумен жабдықтаусыз қалды. ТЖ-ны жоюға Ақмола облысының ТЖД, Апаттар медицинасы орталығының, жол полициясының қызметкерлері, коммуналдық кәсіпорынның қызметкерлері және жедел медициналық жәрдем бригадасы қатысты. Құтқару операциясы барысында Қазавиақұтқару тікұшағы жұмылдырылды, оның көмегімен зардап шеккен адамдар қазандық шатырынан эвакуацияланды. Барлығы 89 адам және 21 техника жұмылдырылды. ТЖ жойылғаннан, зардап шеккендерді құтқарылғаннан кейін азаматтық қорғау мемлекеттік қызметінің құрылымдары тұрғын үй секторына жылу беру бойынша жұмыстар жүргізді.Бұдан әрі «Көкшетау-Омбы» республикалық автожолында іс-қимыл пысықталды. Мұнда сценарий бойынша жолаушылар автобусы мен 27 тонна тұз қышқылын тасымалдайтын цистерна соқтығысқан. Жолаушылар автобусын сөндіру, төгілген тұз қышқылын бейтараптандыру, зардап шеккендерді эвакуациялау, волонтерлерді, кинологиялық қызметті, өтімділігі жоғары техника мен ҰҰА тарта отырып, жоғалған жолаушыны іздеу бойынша іс-шаралар пысықталды. Құтқару шаралары аяқталғаннан кейін автоколонна құрылып, полиция мен қар тазалау техникасымен ілесіп қалаға жіберілді. 99 адам мен 25 техника, оның ішінде 1 тікұшақ жұмылдырылды.Оқу-жаттығу сценарийі бойынша жылу магистралінде апат болған тұрғын үй секторы үшінші болды. Мұнда коммуналдық қызметтермен және волонтерлер ұйымымен бірлескен іс-қимылдар пысықталды. Сонымен қатар көлік қызметтері мен полиция департаментінің күштері тартылды. Жылусыз қалған үйдің тұрғындары жылыту пункттеріне жеткізілді, сондай-ақ оларға психологтардың көмегі көрсетілді.Оқу-жаттығудың практикалық бөлігі Қопа көлінің жағалауында аяқталды, онда аңыз бойынша балық аулауға барған қала тұрғыны жоғалып кетті. Жедел-құтқару жасағының, полиция мен волонтерлердің күштері іздеу жұмыстарын жүргізді. Ұшқышсыз ұшу аппараты қолданылды. Мұз астына түскен автокөліктің жолаушыларын құтқару бойынша іс-шаралар пысықталды. Жүзу құралдарының көмегімен жедел-құтқару жасағының күштері бір адамды судан шығарып, жедел жәрдем бригадасына берді. Екіншісі тікұшақпен эвакуацияланды.Оқу-жаттығуларға коммуналдық қызмет қызметкерлерінен, жергілікті атқарушы органдардан, полиция қызметкерлерінен және басқалардан басқа Ұлттық ұлан күштері жұмылдырылды. Сонымен қатар оқу-жаттығулардың республикалық ауқымда болғанын ескере отырып, оларға Ресей Федерациясының ТЖМ, атап айтқанда Қазақстанмен шекаралас Түмен облысының өкілдері де қатысты.Оқу-жаттығу қорытындысы бойынша барлық әрекеттер сценарий бойынша орындалғаны атап өтілді. «Қыс-2024» РКШОЖ алдына қойылған мақсаттар орындалды. Ақпарат көзі : https://www.gov.kz/memleket/entities/emer/press/news/details/888737