Жетісу облысының Көпбірлік ауылында кітапханасы бар жаңа мәдениет үйі салынады. Бұл туралы облыс әкімі Бейбіт Исабаевтың Қаратал ауданына жасаған жұмыс сапары барысындағы ауыл тұрғындарымен кездесуінде айтылды. Ауылдықтардың айтқан өтініші негізінде өңір басшысы тиісті лауазымды тұлғаларға аталған нысанның құрылысына дайындық жұмыстарын бастау туралы тапсырма берді, - деп хабарлайды Жетісу облысы әкімінің баспасөз қызметі.Көпбірлік ауылының тұрғындары облыс әкімімен кездесуге жуырда пайдалануға берілген дене шынықтыру-сауықтыру кешенінің алдына жиналды. Кездесуде тұрғындар ауылға келетін жолдың жөнделіп біткеніне және ауыз судың сапасы жақсартылғанын атап өтті. Облыс басшысы өз кезегінде халықтың өмір сүру сапасын жақсарту мақсатындағы осындай жұмыстар әлі де жалғасатынын жеткізді:- Көпбірлік – облыстың ең шалғайдағы ауылының бірі. Мемлекет басшысының тапсырмасына сәйкес біз облыс орталығына жақын елді мекендерді ғана емес, алыс жатқан ауылдарды абаттандыру мен дамытуға ерекше көңіл бөлеміз. Халықтың өмір сүру сапасын жақсарту үшін ең бірінші сапалы ауыз су, жол, жарық және әлеуметтік нысандар керек. Тұрғындар тұрмыстың жақсарғанын сөз жүзінде емес, іс жүзінде сезінуі тиіс. Сіздердің ауылға келетін жолды жөндеп бітірдік, ауыз судың сапасын жақсарттық, дене шынықтыру-сауықтыру кешенін, ауылдық әкімдік салып бердік. Енді сіздердің өтініштеріңізге сәйкес кітапханасы бар мәдениет үйі тұрғызылады. Екі ауылдық округке ортақ өрт сөндіру депосын құрып, қажетті техникамен қамтамасыз етеміз. Сол сияқты көшелерді жөндеуге, жарықтандыруға назар аударылады, - деді облыс әкімі Б. Исабаев.Тұрғындар ауылға жасалып жатқан игі шараларға ризашылығын білдіріп, бірқатар өз өтініштерін де айтты. - Ұзақ жылдардан бері біздің шалғайдағы ауылға арнайы келген бірінші облыс әкімісіз. Бұл ауылдықтардың мәселесі назардан тыс қалмайтынын көрсетеді деп ойлаймын. Мысалы, ауылымызда заманауи дене шынықтыру-сауықтыру кешені салынды. Мұнда балаларымыз дзюдо, волейбол, баскетбол, тоғызқұмалақ, үстел теннисінен секцияларға барып жүр. Бұл олардың денсаулығын нығайтуға да пайдалы. Осы жерден мықты чемпиондар шығады деп сенеміз. Ендігі бір тілегіміз, осы спорт кешенінің артында орын бар, сол жерге балалар үшін воркаут алаңын салып берсеңіздер, - деді ауыл тұрғыны Нұрлан Бердахметов.Тағы бір тұрғын ауыл балаларын түрлі жарыстарға апару үшін шағын автобус бөлінсе деген тілегін жеткізді. Облыс әкімі айтылған ұсыныстарды қолдап, аудан әкіміне және басқа да тиісті лауазымды тұлғаларға нақты тапсырмалар берді.Сол сияқты осы кездесуде ауылдан Балқаш көлінің жағалауына апаратын 2,5 шақырымдық жолдың мәселесі де көтерілді. Ауылдықтардың айтуынша, әсіресе жаңбырлы күндері жағалауға жету қиындық тудырады. Өз кезегінде облыс әкімі аталған жолға қиыршық тас төсеуге қаржылай көмек көрсетілетінін айтты.Атап өтсек, осы күні Көпбірлік ауылындағы биыл қолданысқа берілген ауылдық әкімдік ғимаратында болды. Сол сияқты Үштөбе қаласындағы аудандық емхананың «Б» блогындағы күрделі жөндеудің барысымен танысты, сондай-ақ жақында ашылған жаңа үлгідегі әскери комиссариат ғимаратына барды. Сондай-ақ аймақ басшысы Ескелді ауылындағы блокты-модульді медициналық пункт пен мәдениет үйінің құрылысы барысын тексерді. Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876043

Астанада Жаһандық инвестициялар бойынша қазақстандық дөңгелек үстел (KGIR-2024) өтіп, оған 500-ден астам делегат, оның ішінде халықаралық компаниялар мен сарапшылардың өкілдері қатысты. ҚР Премьер-министрі Олжас Бектенов жетекшілігімен өткен шарада негізгі инвестициялық трендтер және олардың халықаралық стратегияларға әсері талқыланды. Өңірлерді индустриялық дамыту мәселелеріне ерекше назар аударылды. KGIR-2024 аясында Ақтөбе облысында техникалық метанол өндіру зауытын салу жөніндегі жобаны іске асыру үшін Ақтөбе облысының әкімдігі мен «МКС Восток» ЖШС арасында ынтымақтастық туралы Меморандумға қол қойылды. Жаңа жоба жергілікті метанол өндірісін дамытуға мүмкіндік беріп, өңірдің импортты алмастыруына және экономикалық әлеуетін нығайтуына ықпал етеді.Сондай-ақ, іс-шара барысында Үкімет басшысы өңірлік экономиканы дамытуға қосқан елеулі үлесі үшін үздік инвесторларға марапаттар табыс етті. Ақтөбе облысының құрылыс индустриясына қосқан үлесі үшін«Зерде Керамика» ЖШС компаниясы атап өтілді.KGIR-2024 аясында Ақтөбе облысы әкімінің орынбасары А.Әбдікәрімов АҚШ, Испания, Иран бизнес өкілдерімен, сондай-ақ электротехникалық машина жасау, құрылыс индустриясы, автомобиль жасау және т.б. салалардағы қазақстандық және халықаралық өндірушілермен бірқатар кездесу өткізді.«KGIR-2024» тәжірибе алмасу және өсу, инвестициялық ынтымақтастықтың жаңа мүмкіндіктерін талқылау бағытындағы бірегей платформа болды.Ақпарат көзі : https://www.gov.kz/memleket/entities/aktobe/press/news/details/876055

Жетісу облысында шалғайдағы Көпбірлік ауылына апаратын жолдың жөндеуі аяқталды. Қаратал ауданына барған жұмыс сапары барысында «Үштөбе – Алмалы – Көпбірлік» автомобиль жолының жөндеу жүргізілген учаскелерін жүріп өткен облыс әкімі Бейбіт Исабаев құрылыс жұмыстарының нәтижелерін көріп қайтты, - деп хабарлайды Жетісу облысы әкімінің баспасөз қызметі. «Үштөбе – Алмалы – Көпбірлік» автомобиль жолының жалпы ұзындығы 176 км, соның 137 шақырымы жөнделді, оның 78,5 шақырымына жөндеу биыл жүргізілді. Жолдың қалған бөлігі жақсы және қанағаттанарлық жағдайда.Атап айтқанда, Көпбірліктен Алмалы ауылына дейінгі ұзындығы 28 км жол учаскесіне 2021 жылы орташа жөндеу жасалды. Жолдың қалған бөлігінің құрылысы төрт бөлікке бөлінген.- Өткен жылы жалпы ұзындығы 30 км болатын 5 км-ден 35 км-ге дейінгі учаске жөнделді. Бүгінде автотрассаның 40 шақырымына, яғни 90-147 шақырым учаскесіне асфальт төселді. Қазіргі кезде абаттандыру жұмыстары жүріп жатыр. Атап айтқанда, жол жиегі нығайтылып, белгілер орнатылуда. Жұмыстар 10 қарашаға дейін бітеді. Жөндеу жұмыстары трассаның екінші және үшінші учаскелерінде де аяқталды. Бұл нысандар пайдалануға берілді. Сөйтіп «Үштөбе – Алмалы – Көпбірлік» жолының барлық аталған учаскелеріне асфальт төселді. Жобаның құны 4,9 млрд. теңгеден асады. Жол 3-ші санатты, жүру бөлігінің ені 7 метр, - деді Бейбіт Исабаевқа жол құрылысы туралы баяндаған облыстық жолаушы көлігі және автомобиль жолдары басқармасының басшысы Ғалымжан Дәрібаев.Басқарма басшысының баяндамасын тыңдаған облыс әкімі жөндеу жұмыстарының сапалы атқарылғанын атап өтіп, мердігер компания жұмысшыларына істі уақытылы аяқтағаны үшін ризашылығын жеткізді.- Халықпен кездесу кезінде тұрғындар Көпбірлік ауылына баратын жолдың мәселесін көтерген болатын. Осыған байланысты жолды жөндеуге қатысты нақты шаралар қабылдадық. Қазір жол толық жөнделіп бітті. Бұл трассамен жүк көліктері көп жүрмейтіндіктен және жұмыс сапалы орындалғандықтан, жол кемінде он жыл қызмет етеді. Көпбірлік – шалғайда жатқан ауыл. Алдымен оның жолытн жасадық, сосын ауыз су сапасын жақсарттық. Біздің бұдан әрі де шалғайдағы және шекаралық ауылдарды дамытуға бағытталған нақты жоспарларымыз бар, - деді Б. Исабаев.Бұл ретте тұрғындар да пікір білдірді:- Өзім Байшегір ауылында тұрамын. Отыз жыл көлемінде жолымыз жөндеу көрмеді. Біздің де, Көпбірлік ауылы тұрғындарының да жолдың сапасына көңіліміз толды. Қазір мен сияқты көлік жүргізушілері аудан орталығына 1 жарым сағатта жетеміз, - дейді тұрғын Түтінтай Мүсәпіров.Атап өтсек, келесі жылы «Үштөбе – Алмалы – Көпбірлік» жолының 145-ші учаскесіндегі Алмалы көпірі жаңғыртылады.Жалпы жақсы және қанағаттанарлық жағдайдағы облыстық маңызы бар жолдардың үлесі жылдың соңына қарай 94% жетеді. Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876022

Жетісудағы Қаратал ауданының ең шалғай елді мекені – Көпбірлік ауылының тұрғындары сапалы ауыз суға қол жеткізді. Ауылда орталықтандырылған су құбыры болғанымен, соңғы жылдары тұрғындар тұзды су ішуге мәжбүр болған еді. Мәселенің қалай шешілгенін бүгін облыс әкімі Бейбіт Исабаев Қаратал ауданына барған жұмыс сапары барысында арнайы көріп қайтты, - деп хабарлайды Жетісу облыс әкімінің баспасөз қызметі.Еске салсақ, 2010 жылы ауылда сумен жабдықтау жүйесі қайта жаңғыртылған еді, атап айтқанда жаңа желілер салынып, тереңдігі 100 метрден асатын ұңғыма қазылып, тұщыландыру қондырғысы орнатылды, ысырмалары ауыстырылды. Қабылданған шараларға қарамастан, соңғы жылдары судың тұздылығы литріне 5,9 грамнан 8 грамға дейін өскен, сондықтан бұл ауыл халқын мазалаған мәселеге айналған болатын.Осыған байланысты облыс әкімі Бейбіт Исабаевтың тапсырмасына сәйкес бюджеттен қаражат бөлініп, мәселені шешуге қажетті шаралар қабылданды. Атап айтқанда, 2 км желіге қайта жаңғырту жүргізіліп, жаңа су мұнарасы тұрғызылды, оған қоса тұздану деңгейі литріне тіпті 12 граммға жеткен күнде де суды тұщыландыруға қуаты жететін жаңартылған тұщыландыру қондырғысы орнатылды.Облыс әкімі Көпбірлік ауылына барған сапарында судың сапасын көріп, тұрғындармен жолықты. Осы орайда кездесуге қатысқан ауыл тұрғындарының бірі Зәмзәгүл Несіпбаева:- Ауыз су – тіршіліктің негізі көзі, денсаулықтың кепілі. Сондықтан оның сапасының жақсы болғаны маңызды. Бізде бірнеше жылдан бері ауыз су сапасы нашар болатын. Биыл бұл мәселе сіздің қолдауыңызбен шешімін тапты, халық риза. Ауылымызға бұдан былай да көңіл бөлінеді деп сенеміз, - деді.Атап өтсек, Көпбірлік ауылда 179 аула бар, соның 168-і орталық сумен жабдықтау жүйесіне қосылған. Ауылда тұратын халық саны 900-ден асады. Жетісу облысы әкімінің баспасөз қызметі Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876033

Қаратал ауданының Алмалы ауылында үш бірдей әлеуметтік нысан салынады. Атап айтқанда, мәдениет үйі, блокты-модульді дәрігерлік амбулатория және спорт кешені бой көтермек. Бұл туралы бүгін Қаратал ауданына барған жұмыс сапарында Жетісу облысының әкімі Бейбіт Исабаев Алмалы ауылының тұрғындарымен кездесуі кезінде айтты, - деп хабарлайды Жетісу облысы әкімінің баспасөз қызметі.Бәйшегір ауылдық округінде 1200 адам тұрса, округ орталығы Алмалы ауылында 800-ден астам тұрғын бар. Ауылдағы ескі мәдениет үйі 2000 жылдан бері қолдануға жарамсыз күйде тұрған болатын. Бұл тозығы жеткен нысан сүріліп, ауылда халықтың өтініші негізінде биылғы жылы блокты-модульды конструкциядан мәдениет үйі тұрғызыла бастады. Енді ауыл тұрғындары мәдени іс-шаралар өткізуге, ал балалар мен жастар түрлі үйірмелерге қатысуға мүмкіндік алады. Бейбіт Исабаев ауыл тұрғындарымен әңгімелесу барысында мәдениет үйінің құрылысы келесі жылы жазда аяқталатынын айтты.Сонымен қатар ауылдық аурухананың жанынан бір ауысымда 50 адам қабылдай алатын дәрігерлік амулатория бой көтереді. Қазіргі кезде конкурстың қорытындысы шығып, құрылысын жүргізетін мердігер ұйым анықталды.Жаңа дәрігерлік амбулаторияның салынатынын ауылдық аурухананың мамандары қуана құптаған:- Елді мекендегі ауылдық аурухананың ғимараты 1980 жылы салынған. Оған тек ағымдағы жөндеу жұмыстары жүргізілген еді. Ғимараттың өзі ескіріп, материалдық-техникалық базасы тоза бастағандықтан, жанынан жаңа стационар дәрігерлік амбулатория салу туралы шешім қабылданғанын естіп қуандық. Енді қазіргі аурухана ғимараты стационар ретінде, ал жаңа нысан ауылдық емхана ретінде қолданылады. Қазір ауруханада 14 медициналық персонал жұмыс істейді, - дейді Алмалы ауылдық ауруханасының меңгерушісі Мақпал Сұлтан.Сол сияқты оөңір басшысы келесі жылы «Үштөбе – Алмалы - Көпбірлік» автожолының 145-ші шақырымындағы Алмалы көпірі де жасалатынын жеткізді.- Ауылдарыңызда мектеп пен аурухана бар, енді замауани дәрігерлік амбулатория мен мәдениет үйі салынады. Өткен жылы Көпбірлік ауылына, биыл Алмалыға жедел жәрдем көлігін бердік. Сонымен қатар ауылдың ішкі көшелерін жөндеуге, жарықтандыруға көңіл бөлеміз. Оған қоса сіздердің өтініштеріңізге орай типтік жобамен халық санына сәйкес спорт кешенін саламыз деп шештік. Осылайша ең алдымен ауылдың инфрақұрылымын жақсарттық, екінші кезекте қажетті әлеуметтік нысандар салынуда, ендігі кезекте шағын және орта бизнесті және ауыл шаруашылығын дамытуға ерекше назар аудару керек. Ол үшін «Ауыл аманаты» сияқты мемлекеттік бағдарламалардың қолдау мүмкіндіктерін кеңінен пайдалану қажет, - деді облыс әкімі Бейбіт Исабаев. Жетісу облысы әкімінің баспасөз қызметіФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876037

Астана қаласы мәслихатының депутаттары «Әрекет ету уақыты» өзін-өзі басқару көшбасшыларының республикалық құрылтайына қатысушылармен кездесіп, әлеуметтік бастамаларды талқылады, деп хабарлайды елорда әкімдігінің ресми сайты.Іс-шараға ҚР өңірлерінен мектеп парламенттерінің 20-ға жуық президенті мен елордалық мәслихат депутаттары қатысты. Ашылу салтанатында Астана қаласы мәслихаты төрағасының м.а. Асқар Смағұлов құттықтау сөз сөйледі.«Бүгін біз жастарды, мектеп қауымын толғандыратын мәселелерді талқылау үшін жиналдық. Әріптестерім мәслихаттың қызметі туралы айтып, өз тәжірибелерімен бөліседі. Сіздердің әрқайсыңыз өз мектебіңізде түрлі мәселелер мен қиындықтарға кезігіп, оларды шешудің бірегей жолдарын тауып, жаңа идеялар енгізіп, мектеп өмірін қызықты әрі мазмұнды етуге көмектесетін іс-шаралар мен жобаларды ұйымдастырып жатқандарыңызға сенімдімін. Сіздердің күш-жігерлеріңіз қазірдің өзінде жемісін беріп жатыр, бірақ бұл сапардың басы ғана екенін түсіну маңызды», - деді ол.Асқар Смағұлов сондай-ақ мұндай кездесулер жастар үшін өзекті мәселелерді жақсы түсінуге ықпал ететінін және қалалық деңгейде шешім қабылдау жүйесі туралы білуге көмектесетінін атап өтті.«Құрметті қатысушылар, осы уақытты белсенді пайдалануға шақырамын: жобаларыңызбен, тәжірибелеріңізбен бөлісіңіз, сұрақтар қоюдан қорықпаңыз, толғандыратын тақырыптарды талқылаңыз. Бұл кездесу сізге жаңа достар мен пікірлестерді табуға, сіздің ұмтылыстарыңызда жалғыз емес екеніңізді, әлемді жақсырақ етуді қалайтын және басқа жігіттердің бар екенін көруге мүмкіндік болсын. Ал біз өз кезегімізде сіздердің идеяларыңыздың жүзеге асуын жеңілдетіп, істеріңізде табысқа жетуге бар күшімізді саламыз», – деп түйіндеді сөзін Асқар Смағұлов.Іс-шараны ұйымдастырушылар атап өткендей, кездесудің негізгі мақсаты – жастар мен мәслихат өкілдері арасындағы байланысты нығайту, сондай-ақ балалар мен жасөспірімдердің әлеуметтік бастамаларға белсенді қатысуы үшін жағдай жасау. Ақпарат көзі : https://www.gov.kz/memleket/entities/astana/press/news/details/875938

«Астана Тазалық» ЖШС БАҚ өкілдері арасында «Таза Қазақстан – таза Астана» байқауын өткізеді, деп хабарлайды елорда әкімдігінің ресми сайты.Байқаудың мақсаты – Астана қаласының, оның маңындағы және елді мекендердің санитарлық жағдайын қамтамасыз ету, қалдықтарды жинау және кәдеге жарату (көшелерді, жолдарды, алаңдарды, тротуарларды, көлік жүретін жолдарды және басқа да қоғамдық орындарды қолмен және механикаландырылған тазалау); су тасқынына қарсы іс-шараларды жүргізу (жылжымалы сорғы қондырғыларының көмегімен су басқан аумақтардан суды айдау; елді мекендерден қарды қар полигонына шығару); «Таза Қазақстан» мемлекеттік экологиялық бағдарламасы шеңберінде «Астана Тазалық» қызметінің қалыптасуы, дамуы, жетістіктері мен келешегі туралы айту.Конкурсқа қатысуға қазақстандық БАҚ өкілдері, авторлар мен блогерлер шақырылады.Конкурс келесі номинациялар бойынша өткізіледі:1) «Үздік телевизиялық материал»;2) «Әлеуметтік желілердегі үздік жарияланым»;3) «Баспа басылымындағы үздік мақала»;4) «Интернет-басылымдағы үздік жарияланым».Конкурсқа қатысу үшін 2024 жылғы 7 қазан мен 10 желтоқсан аралығында шыққан мемлекеттік немесе орыс тілдеріндегі жұмыстар қабылданады. Конкурсқа ұсынылатын жұмыстардың саны шектелмейді.Жұмыстарды тәуелсіз комиссия бағалайды, оған қаланың коммуналдық қызметтері саласындағы сарапшылар мен мамандар және беделді журналистер кіреді. Қазылар алқасы келесі критерийлерді басшылыққа алады:1) берілген тақырыптың өзектілігі мен сәйкестігі;2) тақырыпты ашу тереңдігі және ұсынылған ақпараттың дұрыстығы;3) презентация стилі;4) авторлық пайымдаудың өзіндік ерекшелігі.Конкурсқа қатысу үшін материалдар мына электрондық пошта арқылы қабылданады: astana_tazalyk@mail.ru. Байланыс телефоны: +7 778 700 4324.Жұмыстар 2024 жылғы 10 желтоқсанға дейін Астана уақыты бойынша сағат 18:00-ге дейін қабылданады.Байқау қорытындысы 2024 жылғы 11-13 желтоқсанда шығарылады.Жүлде қоры 3 млн теңгені құрайды.Ақпарат көзі : https://www.gov.kz/memleket/entities/astana/press/news/details/875946

Астанада мәслихат депутаттарының оқушылардың өзін-өзі басқару көшбасшыларымен кездесуі өтті. Қала мәслихатының заңдылық, құқықтық тәртіп және жұртшылықпен жұмыс мәселелері жөніндегі тұрақты комиссиясының төрағасы Азамат Айтқожин қатысушыларға есірткі қылмыстарымен күрес туралы айтты, деп хабарлайды елорда әкімдігінің ресми сайты.Депутаттың айтуынша, есірткі трафигіне көбірек жастар тартылуда."Надандық пен заңнама туралы білімнің болмауы жауапкершіліктен босатпайды. Сіз біздің мектептердің оқушылары есірткі трафигіне қатысып, бұл үшін 10 жылға дейін бас бостандығынан айыру жазасын алған жағдайлар туралы естіген шығарсыз", - деді ол жастарға.Оның айтуынша, есірткі бизнесіне қарсы күрестің тиімділігін арттыру және алдын алу әдістерін өзгерту қажет."Біз жастарға есірткіні қолдану тұлғаның деградациясына және денсаулықтың ауыр проблемаларына әкелетінін жеткізуіміз керек. Нашақорлық адамның денсаулығына қауіп төндіріп қана қоймай, айналасындағыларға да қауіп төндіреді, өйткені ол азғындық пен агрессивті мінез-құлыққа әкелуі мүмкін", - деді ол.Қорытындылай келе, Азамат Айтқожин жастарға бос уақытын тиімді өткізуге, дамуға, жаңа білім алуға кеңес берді."Әр ауданда сіз спорт алаңдары мен өнер орындарын таба аласыз. Сіздің міндетіңіз - осы артықшылықтардың барлығын пайдалану", - деп түйіндеді ол.Ақпарат көзі : https://www.gov.kz/memleket/entities/astana/press/news/details/876039

Үкіметте вице-премьер Серік Жұманғариннің төрағалығымен өткен кеңесте ветеринария жүйесін реформалау бойынша ұсыныстар қаралды.Ауыл шаруашылығы министрлігі ұсынған тұрақты және барлық жерде дамыған ветеринария жүйесін құру тәсілдері іс жүзінде соңғы жылдары басталған ветеринария жүйесін реформалаудың жалғасы саналады. Екі негізгі құрамдас бөлікке негізделген – БАБЖ және АЖС цифрлық жүйелері арқылы ауыл шаруашылығы жануарларын толық сәйкестендіру және жергілікті жерлердегі эпизоотиялық жағдайды тұрақты бақылау. Соңғы жылдары кезең – кезеңімен қабылданған шаралардың арқасында ветеринария саласында белгілі бір жақсартуларға қол жеткізілді – бұл бруцеллез, сібір жарасы, пастереллез сияқты қауіпті аурулардың 2022 жылмен салыстырғанда 2,3 есе және 2023 жылмен салыстырғанда 28,5%-ға төмендеуі. Қазақстанның бес өңірінде Дүниежүзілік жануарлар денсаулығы ұйымында әл-ауқат мәртебесі қалпына келтірілді және Ресейге, ҚХР-ға, Түркияға, Беларуське ет экспортына шектеулер алынып тасталды. Ауыл шаруашылығы жануарларын бірдейлендіру АЖ-да (АЖС) «ӘАЭ» модульдері (жануарлардың орнын ауыстыруды, союды және ет сапасын тұтынушыға дейін бақылау), «процессингтік орталық» (жануарлардың жеке нөмірлерін беруді бақылау) құрылды. Бұдан әрі импорттық-экспорттық операцияларды кейіннен ел бойынша бақылаумен цифрландыру, сондай-ақ «өндіруші – қайта өңдеу – нарық – тұтынушы» қағидаты бойынша қадағалауды ұйымдастыру жоспарлануда.Сонымен қатар қолданыстағы материалдық-техникалық проблемалар, ветеринарлық дәрігерлердің жалақысы мен біліктілігінің төмендігі, ветеринарлық нысандардың интернетпен нашар қамтылуы өңірлерде ветеринарияның тиімді жүйесін құруға елеулі кедергілер туғызады.Ауыл шаруашылығы вице-министрі Аманғали Бердалин атап өткендей, қазіргі уақытта 75 ветеринарлық стансада (жалпы санының 36%) және 1607 ветеринарлық пунктте (жалпы санының 77%) жеке ғимараттар жоқ. Ветеринариялық стансалар мен пункттердің теңгеріміндегі арнайы техниканың 70%-дан астамы қанағаттанарлықсыз жағдайда. Мысалы, жақында сібір жарасы анықталған Алматы облысының Ақсу ауылында ветеринариялық пункт ауылдық округ әкімдігі ғимаратының бір кабинетінде орналасқан, дегенмен бұл ретте 25,5 мыңнан астам мал басына қызмет көрсеткен.«Ветеринарлық дәрігер жұмысының үлкен көлемімен – бұл шаруашылықтарды аулалық аралау, жануарларды қарау, АЖС базасын жүргізу, мемлекеттік қызметтер көрсету, ветеринариялық-профилактикалық және диагностикалық зерттеулер және басқалар, жоғары білімі бар ветеринардың жалақысы 175 мың теңгені құрайды. Өңірлерде қаражаттың болмауына байланысты ветеринарлардың біліктілігін арттыруға мүмкіндігі жоқ, бұл сөзсіз диагнозды анықтауда, эпизоотиялық талдау жүргізуде және өңірдегі эпидемиологиялық жағдайды болжауда қателіктерге әкеледі», — деп атап өтті вице-министр.Уақтылы диагностика және сапалы зертханалық зерттеулер елдің эпизоотиялық әл-ауқатының екінші құрамдас бөлігі саналады. Бүгінгі таңда елімізде 167 ветеринариялық зертхана және 21 сынама алу пункті жұмыс істейді. Олардың жартысына жуығы жөндеуді қажет етеді, 167 бірлік зертханалық жабдық қажет. Мұның бәрі елдің биологиялық және азық-түлік қауіпсіздігін қамтамасыз ету деңгейін арттыру үшін қажет. Бұдан басқа, Маңғыстау және Шығыс Қазақстан облыстарында жүк автотасымалдарының өсуіне және теңіз порттары арқылы және шекарадағы азық-түлік және биологиялық қауіпсіздікті бақылауды күшейтуге байланысты ветеринариялық зертханаларды салуға және жөндеуге жобалау-сметалық құжаттама әзірленуде. Жергілікті жерлерде ветеринариялық бақылауды күшейту үшін облыстардағы және Республикалық маңызы бар қалалардағы қолданыстағы ветеринария басқармаларынан басқа, аудан орталықтары мен облыстық маңызы бар қалаларда тиісті бөлімдер құрылғанға дейін ветеринария желісін каскадтау ұсынылады. Бұл ауылдар мен елдімекендердегі ветеринариялық-санитариялық объектілердің (мал қорымдары, сою пункттері, ветстансалар және т.б.) қызметіне бақылауды күшейтуге мүмкіндік береді. Ақпарат көзі : https://www.gov.kz/memleket/entities/moa/press/news/details/876018

Аталған жиынға облыс әкімінің орынбасары Жолдас Батырхан, облыстық ішкі саясат басқармасының басшысы Әлібек Байнешов, сондай-ақ үкіметтік емес ұйымдардың жетекшілері мен мүшелері қатысты.Іc-шара барысында облыстағы заңды тұлғалар бірлестігі және үкіметтік емес ұйымдардың қызметі туралы көрмелер ұйымдастырылып, презентациялар көрсетілді.«Ақтөбе облысының азаматтық орталығы» заңды тұлғалар бірлестігінің президенті, облыстық қоғамдық кеңес мүшесі Әлішер Мәжит биыл өңірде үкіметтік емес ұйымдардың бірлесіп атқарған іс-шаралары мен жүзеге асырған жобалары жайлы айтты.Бұдан кейін Байғанин, Қарғалы, Темір аудандарындағы белсенді ұзақ өмір сүру орталықтарының мүшелері ортаға шығып, Ақтөбе жоғары гуманитарлық колледжінің хор ұжымымен бірге халық әні «Гүлдер-айды» шырқады.Конференция барысында жартылай стационар және үйде күтім жасау жағдайында арнаулы әлеуметтік қызмет көрсететін орталықтардың, әлеуметтік инватакси қызметінің, сондай-ақ «Жасыл ел» еңбек жасағының жұмысы туралы бейнероликтер көрсетілді.Іс-шара соңында облыс әкімінің орынбасары Жолдас Батырхан сөз сөйлеп, үкіметтік емес ұйымдардың қоғамда алар орны мен жас ұрпаққа ұлттық-патриоттық тәрбие берудегі рөлі айрықша екенін жеткізді. Белсенді үкіметтік емес ұйым өкілдеріне ҚР Мәдениет және ақпарат министрі мен облыс әкімінің Алғыс хаттарын табыстады.Ақпарат көзі : https://www.gov.kz/memleket/entities/aktobe/press/news/details/875961

Облыс әкімі Асхат Шахаров Хромтау ауданына барған жұмыс сапарында әлеуметтік нысандардың құрылысымен танысты.ERG компаниялар тобы бизнестің әлеуметтік жауапкершілігі аясында Хромтаудағы Мәдениет үйінің құрылысын 2023 жылы бастаған. Бүгінде мердігер ұйым «Санжар» ЖШС әрлеу жұмыстарын аяқтап жатыр. Нысан биылғы жылдың соңына дейін пайдалануға беріледі деп жоспарлануда.Өңір басшысы әрлеу жұмыстары жалғасып жатқан кабинеттер мен залдарды аралап көрді.Мәдениет үйінің бірінші қабатында сахнасы бар 400 орындық көрермен залы, кітапхана, шеберханалар мен студиялар, киім-кешек бөлмесі, киім ауыстыратын бөлме және буфет болады. Екінші қабатта театр ұжымдары мен ансамбльдерге арналған кеңсе бөлмелері, би залы және дайындық бөлмелері орналасады. Сондай-ақ дәрістер мен семинарларға арналған бөлмелер де бар. Мәдени нысанның құрылысы 1,8 млрд теңгені құрады.Облыс әкімі мердігерге әлеуметтік нысан құрылысын мерзімінде аяқтау міндетін қойды. Жаңа Мәдениет үйінің ашылуы тұрғындардың мәдени-әлеуметтік дамуына жағдай жасап, қала үшін маңызды нысанға айналмақ.Облыс әкімі Хромтаудағы құрылысы жүріп жатқан дене шынықтыру-сауықтыру кешенінде де болды.Хромтау қаласында әкімдік жанынан дене шынықтыру-сауықтыру кешенінің құрылысы 2019 жылы басталып, 2023 жылы аяқталуы тиіс еді. Құрылыс материалдарының қымбаттауына байланысты мердігер «Бабек-Құрылыс» ЖШС жобалық сметаны түзетуге өтінім берді. Өзгерістер бекітілгеннен кейін ЖШС 2023 жылы құрылысты жалғастырды. Нысанның жаңа аяқталу мерзімі 2025 жылға белгіленген.Асхат Шахаров мердігерге жобаның аяқталуын кешіктірмеуді тапсырды.Бұдан кейін облыс әкімі Дөң тау-кен байыту комбинатының балансындағы қаладағы орталық қазандықтың жұмысын қарады. Асхат Шахаров жабдықтың қазіргі жағдайын сұрап, нысан басшылығымен қазандық жұмысының сенімділігі мен тиімділігін арттыруға бағытталған жөндеу жұмыстарының барысын талқылады.Қаланы үздіксіз жылумен қамтамасыз ету үшін кәсіпорын 2023 жылы қазандықтарды күрделі жөндеуден өткізіп, биылғы жылы 1,2 шақырым жылу желілерін жөндеуден өткізген.Нысанды аралаған өңір басшысы қаланы жылумен қамтуға жауапты мамандарға қазандық жұмысын бақылауда ұстау және орын алуы мүмкін ақауларды жедел жою міндетін қойды.Бұдан кейін Асхат Шахаров Хромтау қаласындағы өрт сөндіру бекетінде болды.Бекет әкімшілік ғимараттан, 4 жатақханаға арналған гараждан тұрады. Мұнда 12 төтенше жағдай қызметкері отбасымен тұрады. 1977 жылы салынған нысанға күрделі жөндеу қажет.Асхат Шахаров аудан әкіміне ғимаратты жөндеуге қаржы бөлу мәселесін қарастыруды тапсырды.«Мемлекет басшысы жылыту маусымына дайындық пен оны өткізуге ерекше көңіл бөлуде және осы тапсырмалар аясында Хромтау қаласының орталық қазандығының жұмысы тексерілді. Биылғы жазда қалада бес шақырымнан астам жылу желілері ауыстырылды. Қазіргі уақытта жылыту маусымы қалыпты түрде өтуде, бірақ жаңғырту мәселесі өзекті болып қала береді.Инфрақұрылымды дамытуға, оның ішінде халықаралық маңызы бар жолдарды салуға, жол қызметін дамытуға тиісті көңіл бөлінуде, бұл Хромтау ауданында шағын және орта бизнестің дамуына мүмкіндік береді.Биыл Индустриалды аймақ құрылысының жобасын әзірлеуді аяқтау жоспарланып отыр, келер жылы оны жүзеге асыруға кірісеміз. Индустриалды аймақ ірі кәсіпорындарды оқшаулауға, инвесторларды тартуға жағдай жасайды. Сонымен қатар аудандағы әлеуметтік нысандар жөнделіп, жаңа ғимараттар салынуда. Осы мақсатқа жыл сайын бюджеттен қажетті қаражат бөлінеді.Жалпы, ауданның әлеуеті зор, сондықтан біз өзекті мәселелерді шешіп, жергілікті тұрғындардың өмір сүру сапасын арттыра отырып, одан әрі дамытатын боламыз», - деді облыс әкімі.Ақпарат көзі : https://www.gov.kz/memleket/entities/aktobe/press/news/details/875989

Аймақ басшысы Нұрлан Ұранхаев «Самұрық-Энерго» АҚ өкілдерімен 3-ші ЖЭО параметрлері мен құрылыс мерзімдерін талқылады. Жылу электр орталығы жылу тапшылығын жойып, экологиялық жүктемені айтарлықтай төмендетеді деп күтілуде.️3-ші ЖЭО төрт қуатты энергиялық қазандықтармен, үш бу турбиналарымен, сондай-ақ үш су жылыту қазандықтарымен және төрт бойлермен жабдықталады. Олардың екеуі негізгі, ал қалған екеуі төтенше жағдайларда жұмыс істейтін болады. Оның қуаты 360 МВт.«Бұл жоба өңірдің энергиялық қауіпсіздігін қамтамасыз етудегі маңызды қадам болары сөзсіз. Электрмен, сумен, жылумен жабдықтауды, қосалқы станцияларды қайта жаңартуды қоса алғанда толық инфрақұрылым құруға мүмкіндік береді. Сондықтан жобаны жүзеге асыруда қателікке жол бермей, барынша мұқият қарау керек. Жоба ауқымды болғандықтан әрбір детальды ескеру қажет», - деді облыс әкімі.️Айта кету керек, жоба электр энергиясын өндіруді сағатына 2 600 млн кВт -қа ұлғайтады деп көзделген. Белгіленген қуатты пайдалану коэффициенті шамамен 82% құрайды. Бұл аймақтың қажеттіліктерін сенімді түрде энергиямен қамтамасыз етеді және қоршаған ортаны ластаушы заттарды азайтады.️Жоба Қазақстан Республикасы мен Катар мемлекеті арасындағы стратегиялық серіктестік аясында жүзеге асырылуда және оны қазақстандық «Самұрық Энерго» компаниясы халықаралық серіктес Nebras Power компаниясымен бірлесіп басқарады. Бұл бастама Абай облысын энергиямен жабдықтауды жақсарту жөніндегі мемлекеттік бағдарламаның бір бөлігі.Ақпарат көзі : https://www.gov.kz/memleket/entities/abay/press/news/details/875953

Өткен жылдың қыркүйек айынан бастап Астанада жергілікті тұрғындарға жұмыс табуға, кірістерін көбейтуге және қысқа мерзімде жаңа мамандықтарды игеруге көмектесетін JOLTAP ауқымды жобасы іске асырылуда. Осы уақыт ішінде оның аясында ондаған мың азамат мамандардан кеңес алып, оқу курсынан өтті, деп хабарлайды елорда әкімдігінің ресми сайты.Жоба Астана әкімдігінің бастамасымен Мемлекет басшысының тапсырмаларын орындау мақсатында жүзеге асырылуда. Жоба операторы «Жаңа мүмкіндік» қоғамдық қоры болып саналады.JOLTAP жобасы бірнеше кезеңмен жүзеге асырылады. Бірінші кезең – «Баршаға мүмкіндік» модульдік пункттерін орнату және іске қосу. Қазір қала бойынша адамдар көп жиналатын жерлерде орналасқан 6 модульдік пункт жұмыс істейді. Мұнда қала тұрғындары мемлекеттік қолдаудың 52 шарасы бойынша көмек ала алады (шағын несиелеу/бизнеске арналған гранттар, субсидияланатын жұмыс орындары, әлеуметтік төлемдер және т. б.), 20 авторлық курс бойынша тегін оқуға жазылу, қаланың өзекті бос жұмыс орындары туралы білу және цифрлық сүйемелдеу бойынша көмек алу (ЭЦҚ қайта жаңарту, kezekte.kz, enbek.kz және т. Б. сайттарында тіркеу). Қазіргі уақытта елорданың 24 мың тұрғыны модульдік пункттерде кеңес алды, олардың негізгі бөлігі – 35 жасқа дейінгі жұмыссыз жастар. Атап айтқанда, 17 мың адам оқуға жазылды, 5 мың өтініш білдірген адам әкімдік басқармаларына мемлекеттік қолдау шараларын алуға өтінім берді.Жобаның екінші кезеңі – цифрлық және жұмысшы мамандықтар бөлігінде өзекті және практикалық дағдыларды тегін оқытуды ұйымдастыру. Барлық 20 оқу бағдарламасы авторлық болып саналады және елордалық бизнес өкілдерімен бірлесіп әзірленген. Сыныптар барлық қажетті заттармен жабдықталған. Негізгі назар тігінші, сәнгер – конструктор, бухгалтерлік есеп негіздері, корпустық жиһаз жасау негіздері, сатушы-кассир, онлайн дүкендердегі сауда негіздері, аяқ киім жөндеу шеберханасы, электр газбен дәнекерлеуші, май ауыстыру пункті және шиномонтаж, бариста сияқты жұмысшы мамандықтарды оқытуға аударылады. Оқытушылар өз салаларында қолданбалы тәжірибесі бар бірқатар тәжірибешілерден таңдалды. Қала тұрғындары сонымен қатар қазіргі әлемде өзекті болып саналатын 8 цифрлық дағдылар бойынша білім ала алады – СММ, сайттарды әзірлеу, бейнемонтаж, графикалық дизайн, контент-криейтор, таргетолог, мобилограф, негізгі цифрлық дағдылар. Қосымша дағдыларды үйреніп, қала тұрғындары қалалық кәсіпорындарға жұмысқа орналасады, ағымдағы жұмыс орнында бәсекеге қабілеттілігін арттырады немесе қашықтан тапсырыстарды қабылдай бастады. Осы жұмыстың нәтижесінде бір жыл ішінде мыңға жуық қала тұрғыны ЖК ашып, жаңа жұмыс орындарын ашты. Оқыту бағдарламалары еңбек нарығына сүйене отырып құрастырылған және мамандыққа байланысты 2 аптадан 1 айға дейін барынша қысқа мерзімде практикалық дағдыларды ұсынуға бағытталған.Бір жыл ішінде 7,5 мыңнан астам қала тұрғыны жұмыс және цифрлық мамандықтар бойынша білім алып, практикалық дағдыларға ие болды.Үшінші кезең – жұмыс пен қызметкерлерді іздеуге арналған «JUMYSTAP.kz»платформаны іске қосу. Бүгінгі таңда 12 мыңға жуық пайдаланушы тіркелген, оның 2 мыңы жұмыс берушілер болып саналады, соның ішінде Magnum, Shaurma Food, Danmard, «12 ай», Zeta, YDA зауыты, DSK GLB сияқты ірі және желілік компаниялар және басқалар бар. Платформаға басқа өңірлердің бизнес өкілдері де қызығушылық танытып отыр, бұл қала тұрғындарына елордада ғана емес, еліміздің басқа қалаларында да жұмыс іздеуге мүмкіндік береді. Қазіргі уақытта қала кәсіпорындарына 5 мыңнан астам адам жұмысқа орналасты, өз ісін ашты немесе фриланс бойынша тапсырыс қабылдай бастады.JOLTAP жобасын іске асыру демеушілік қаражат есебінен жүзеге асырылады, бұл адами капиталды дамытуға үлес түріндегі бизнестің әлеуметтік жауапкершілігінің жаңа нысаны болып саналады. Жоба туралы толығырақ @joltap.kz Instagram парақшасы арқылы танысуға болады. Жобаның call-орталығы: +7 (707) 221 31 31.Ақпарат көзі : https://www.gov.kz/memleket/entities/astana/press/news/details/875883

Ақмола облысында орман қорын кеңейту бойынша белсенді жұмыстар жүргізіліп келеді. 2021 жылдан бастап 56,2 млн ағаш отырғызылды, ал 2027 жылға қарай жасыл желекті 95 млн ағашқа ұлғайту жоспарланған. Бұл туралы облыстық табиғи ресурстар және табиғатты пайдалануды реттеу басқармасының басшысы Джанет Микишев брифингте мәлім етті, деп хабарлайды Өңірлік коммуникациялар қызметінен.Басқарма басшысының айтуынша, жаңа орман питомниктері мен орман шаруашылығын жабдықтау биоәртүрлілікті сақтауға және экологияны жақсартуға көмектеседі.«Ақмола облысының орман қорын ұлғайту үшін соңғы жылдары 8,7 мың гектардан астам алқапқа 56 миллионнан астам ағаш отырғызылды. Алдағы жылдары жасыл аймақтарды кеңейту жоспарланған, оның ішінде 2025 жылдан 2027 жылға дейін 15 мың гектар алқапқа 95 миллион ағаш отырғызу көзделген», – деді Джанет Микишев.Брифингте айтылғандай, өңірде көшеттердің қажетті санын қамтамасыз ету үшін Зеренді және Атбасар аудандарында жалпы аумағы 86 гектар болатын екі жаңа орман питомнигін құру жоспарланған.«Бүгінде облыста жалпы ауданы 175 гектар болатын 13 орман питомнигі жұмыс істейді, онда орман шаруашылығы мен табиғи ресурстарды қалпына келтіру үшін көшеттер өсіріледі. Бұдан басқа, «Семей орманы» резерватының базасында халықаралық стандарттарға сәйкес келетін заманауи орман тұқымы кешенін құру жоспарланған. Бұл орман қорын кең ауқымда қалпына келтіру үшін қажетті жоғары сапалы отырғызу материалымен қамтамасыз етуге көмектеседі», – деп толықтырды Джанет Микишев.Өңірде орман өрттерін алдын алу жұмыстары белсенді жүргізіліп келеді. Тоғыз шағын орман патрульдік кешен сатып алынды. Бұдан басқа, өрт сөндіру машиналары, тракторлар және шағын орман патрульдік кешендер сияқты 84 бірлік техника сатып алуға өтінім жолданды.Сонымен қатар, облыста биоалуантүрлілікті қолдау және табиғи ресурстарды сақтау үшін балық және аңшылық шаруашылықтары дамуда. Ол үшін аңшылық алқаптарды бекітуге конкурстар өткізіледі және су айдындарын пайдалану кеңейтіледі.«Ақмола облысы балық аулау және аңшылық ресурстарын басқаруға баса назар аудара отырып, биоәртүрлілікті белсенді қолдайды. Облыс аумағында 610 су айдыны бар, оның 243-і көл – тауарлық балық өсіру үшін, 159-ы кәсіпшілік үшін, ал 11-і әуесқой балық аулау үшін бөлінген. Бұл өңір тұрғындары мен қонақтарына экологиялық қауіпсіз жағдайда балық аулауға мүмкіндік береді, сондай - ақ ауылдық аудандардың дамуына үлес қосады», – деп түйіндеді Жанет Микишев.Айтуынша, облыста 161 аңшылық шаруашылығы тіркелген, оның 139-ы аңшылық пайдаланушыларға бекітілген, бұл 10,9 млн гектар аумақты қамтиды. Биыл аңшылық алқаптарды бекіту бойынша екі конкурс өткізіліп, облыстың жануарлар ресурстарын реттеу мен тұрақты басқаруға ықпал етті.Ақпарат көзі : https://www.gov.kz/memleket/entities/aqmola/press/news/details/875823

Алматыда Азия-Тынық мұхиты аймағындағы жоғары білім беру мәселелеріне арналған пре-саммит басталды. Іс-шара Қазақстандағы жоғары білімнің дамуы мен жетістіктерінің символы іспетті болған әл-Фараби атындағы Қазақ ұлттық университетінде өтіп жатыр.Пре-саммитке Алматы әкімі Ерболат Досаев, Ғылым және жоғары білім министрі Саясат Нұрбек, Қазақстан Республикасы Президентінің кеңесшісі Мәлік Отарбаев, әл-Фараби атындағы ҚазҰУ ректоры Жансейіт Түймебаев қатысуда.Іс-шараға Қытай, Жапония, Малайзия, Индонезия, Үндістан және т.б. 16 елдің 350 ЖОО-ның өкілі жиналды. Бұл оқиға Азия-Тынық мұхиты аймағының қарқынды дамып келе жатқан еңбек нарығын қалыптастырудағы университеттердің орталық рөлін талқылауға арналып отыр. Кездесудің басты тақырыбы Орталық Азия елдеріндегі жоғары білім беру саласындағы инновациялық тәсілдер арқылы серпінді ландшафтты дамыту және бірлескен шешімдер іздеу.Пре-саммит соңында QS World University Rankings 2025 рейтингісінде үздік атанған университеттерді марапаттау рәсімі өтеді. Әлемнің 1500 университеті кірген рейтингте әл-Фараби атындағы ҚазҰУ 163-орынды иеленді.Айта кетейік, бүгінде Алматыда 35 жоғары оқу орны бар, онда 199 мыңнан астам студент оқиды, оның 124 мыңы өзге өңірден келгендер. Ақпарат көзі : https://www.gov.kz/memleket/entities/almaty/press/news/details/875814

Алматы әкімі Ерболат Досаев Қазақ ұлттық қыздар педагогикалық университеті ғылыми кітапханасының ашылу салтанатына қатысып, оған белгілі педагог, ғалым Сералы Қаниевтің есімі берілді.Салтанатты рәсімге ғылым және жоғары білім министрі Саясат Нұрбек, ЖОО ректоры Гүлмира Қанай және т. б. қатысты.«Бүгін Қазақ ұлттық қыздар педагогикалық университеті мен жалпы қаламыз үшін атаулы оқиға - біз ең заманауи талаптар мен әлемдік стандарттарға сай келетін жаңа кітапхананы ашамыз. Кітапхана көрнекті ғалым және ұстаз Сералы Қаниевтің есімімен аталады. Ол 35 жыл бойы осы университеттің қабырғасында еңбек етті, оның білімімен қанаттанған студенттер еліміздің әр өңірінде жемісті жұмыс жасауда, өз мансаптары мен өмірлерінде биік межелерге қолжеткізуде», - деді өз сөзінде Ерболат Досаев.Ерболат Досаев қазіргі студенттерге оқуда және кәсіпте жоғары стандарттарға ұмтылуға, өз ісіне адал болуға тілек білдірді.Кітапхана ғимаратын реконструкциялау қазақстандық және шетелдік сәулетшілердің жобасы бойынша және Сералы Қаниевтің ұлы – кәсіпкер Берік Қаниевтің қаражаты есебінен жүргізілді. Кітапхана ғимараты модернизацияланғаннан соң онда ерекше білім беру қажеттіліктері бар студенттерге арналған арнайы кабинет пайда болды. Ғимаратты қайта құру жұмыстары жүргізілді, бұл кітапхананың жалпы аумағын 2195 шаршы метрге, ал отыратын орындардың санын 550-ге дейін ұлғайтуға мүмкіндік берді. Жаңа кітапхана ғимаратында мыналар бар: 2 оқу залы, конференц-зал, Академиялық жазу орталығы, оқу аймағы, студенттердің топтық жұмыс бөлмелері, 14 жеке оқу кабинасы, релаксация бөлмесі. Кітапхананың кітап қоры 1 млн кітаптан асады.Алматыда бүгінде 28 кітапхана жұмыс істейді. Жыл сайын қалалық кітапханаларға 3 миллионнан астам адам келеді. Қала кітапханаларының 95% - ы модернизацияланды, материалдық және техникалық база толығымен жаңартылды. Жалпы, 2030 жылға дейін Алматыда тағы 20 жаңа кітапхана ашу жоспарлануда. Ақпарат көзі : https://www.gov.kz/memleket/entities/almaty/press/news/details/875892

Ақтөбеде Құдайберген Жұбанов атындағы өңірлік университетте тіл білімі саласындағы алғашқы қазақ профессоры, түркітанушы, педагог Құдайберген Жұбановтың 125 жылдығына арналған «Жұбанов тағылымы» атты ХІ халықаралық ғылыми конференция өтті.Іс-шараға облыс әкімі Асхат Шахаров қатысып, Президент Қасым-Жомарт Тоқаевтың құттықтау хатын оқып берді.«Құдайберген Жұбанов – қазақ лингвистикасының теориялық негізін қалауға атсалысқан ғұлама ғалым. Ол тіл білімін терең зерделеп, ғылыми қауымдастық бірауыздан мойындаған іргелі еңбектер жазды. Түркологияның өзекті мәселелерін жан-жақты зерттеді. Сонымен қатар түрлі жауапты қызметті абыроймен атқарып, туған халқының игілігі үшін аянбай тер төкті.Ағартушы-ғалымның ерен еңбегі ешқашан ұмытылмайды. Оның мол мұрасын жан-жақты зерделеп, есімін ел жадында жаңғырту – баршаға ортақ парыз. Осы орайда бұл басқосудың тағылымдық мән-маңызы зор. Төл тарихымызда айрықша орны бар тұғырлы тұлғаның өмірі мен шығармашылық жолы жас ұрпаққа әрдайым үлгі-өнеге болады деп сенемін», - делінген құттықтауда.Өз сөзінде өңір басшысы ағартушы-педагогті еске алуға арналған шараның маңыздылығын атап өтті.«Президент атап өткендей, Құдайберген Жұбановтың қазақ тіл білімі мен әдебиеттану саласындағы зерттеулері терең мағыналы, оның идеялары мен еңбектерінің қазіргі қазақ қоғамы мен білім беру жүйесінде алар орны зор. Оған – талай зерттеуші-ғалымдардың да берген жоғары бағасы дәлел. Біз осындай шараларды өткізе отырып, Құдайберген Жұбановтың жарқын тұлғасын жаңа қырынан тануға жол ашамыз», - деді облыс әкімі.Халықаралық ғылыми-практикалық конференцияға Директорлар кеңесінің Төрағасы, ҚР ҒЖБМ Ғылым және жоғары білім саласындағы сапаны қамтамасыз ету комитетінің Төрағасы Адлет Тойбаев, университет ректоры Лаура Қарабасова, танымал филолог ғалымдар, зиялы қауым өкілдері, Қ.Жұбановтың туыстары қатысты.Конференция аясында университет аумағындағы Құдайберген Жұбанов ескерткішіне гүл шоқтары қойылды және Жастар сарайында фотокөрме ашылып, «Құдайберген Жұбанов: тұлға және уақыт. Фотомұрағат» кітабының тұсаукесері өтті.Ақпарат көзі : https://www.gov.kz/memleket/entities/aktobe/press/news/details/875815

Бүгін Ақтөбе облысының әкімдігінде ауылдық елді мекендердің әкімдіктерінің өрт сөндіру бекеттеріне арналған арнайы автокөліктердің кілттері табыс етілді. Олардың барлығы табиғи және тұрмыстық өрттерді сөндіруге арналған арнайы құрылғылармен жабдықталған.Ақтөбе өңір басшысының орынбасары Ғалымжан Елеуов кілттерді тапсыру рәсіміне қатысып, автопарктің ұлғаюуы ҚР ТЖМ өрт сөндіру бөлімшелері жоқ алыс ауылдық елді мекендеріне өрттерге ден қоюдың жеделдігін арттыруға оң әсерін тигізетініне сенім білдірді.Өрт сөндіру бекеттері - азаматтық қорғаудың жалпы жүйесінің ажырамас бөлігі. Бекет қызметкерлері өз аумағында отпен және басқа да төтенше жағдайлармен күресу бойынша бірдей жауынгерлік міндеттерді орындайды.Ол үшін кәсіби дағдылар ғана емес, сонымен қатар мықты жетілдірілген материалдық-техникалық база болуы қажет.Бекеттерге қызметтік шағын өрт кешенді машиналардың 18 кілті берілді, осылайша облыстың 18 ауылдық округінің өртке қарсы қорғанысын қамтамасыз етілді.Ақпарат көзі : https://www.gov.kz/memleket/entities/aktobe/press/news/details/875819

Премьер-министр Олжас Бектенов жаһандық инвестициялар бойынша VII Қазақстандық дөңгелек үстелге қатысты (KGIR-2024). Алаңда ауыл шаруашылығы, тамақ өнеркәсібі, энергетика және тау-кен өндіру салалары, қаржы секторы салаларындағы жетекші халықаралық және қазақстандық компаниялар басшыларымен бірге 500-ден астам бизнес өкілі, сондай-ақ отандық кәсіпкерлік сала өкілдері, инвесторлар жиналды. Пленарлық сессия «Жаһандық инвестициялық үрдістер: болашаққа көзқарас» тақырыбына арналды. KGIR жұмысын аша отырып, Олжас Бектенов дөңгелек үстел Мемлекет басшысының төрағалығымен өткен Шетелдік инвесторлар кеңесі отырысының қисынды жалғасы саналатынын және бизнес-қоғамдастықпен тығыз диалог құруға бағытталғанын атап өтті.Қазақстан Үкіметі Мемлекет басшысының тапсырмасын орындау үшін қолайлы инвестициялық ахуалды қалыптастыру бойынша жүйелі жұмыс жүргізуде. Бүгінде елімізде 14 арнайы экономикалық аймақ жұмыс істейді, онда инвесторлар үшін салықтық және кедендік преференциялар көзделген, шетелдік жұмыс күшін жалдау рәсімі жеңілдетілген, бизнес үшін әкімшілік кедергілер азайтылған. Кәсіпкерлердің мәселелерін жедел шешу үшін Үкімет жанындағы Инвестициялық штаб тұрақты негізде жұмыс істейді. Басым инвестициялық жобалар үшін рұқсат беру рәсімдерінен өтуді жеделдететін «Жасыл дәліз» немесе Fast-track тетігі іске қосылады. Отандық және шетелдік инвесторлардың құқықтары мен мүдделерін барынша қорғауды қамтамасыз ету үшін жағдайлар жасалған. Мәселен, шетелдік бизнеске АХҚО-да ағылшын құқығы мен ұлттық құқықтық жүйе арасында таңдау мүмкіндігі берілді.KGIRr қатысушылары елімізде жобаларды іске асыру тәжірибесін бөлісіп, ынтымақтастықтың одан әрі келешегін атап өтті. China Energy Investment Corporation бас директорының орынбасары Янь Гочуань энергетика саласындағы ынтымақтастықтың маңызын атап өтіп бірлескен жобалардың әлеуетіне сенім білдірді: «Біз энергетика саласында көмірді әзірлеу және экологиялық таза пайдалану, жаңа энергетика, инфрақұрылымды қолдау жөніндегі қазақстандық жобаларға белсенді қатысу үшін озық технологияларымызды, кәсіби әлеуетімізді және тамаша басқару командасын толық көлемде пайдаланатын боламыз. Біз үшін Қытай мен Қазақстан арасындағы достық ынтымақтастыққа өз үлесімізді қосу маңызды».AstraZeneca-ның халықаралық биофармацевтика өңірі бойынша вице-президенті Нитин Капур өз сөзінде Қазақстанның Орталық Азия фармацевтикалық нарығындағы басты ойыншы ретіндегі маңызына тоқталды. Компанияның жергілікті өндірісті және инновациялық шешімдерді дамыту жөніндегі күш-жігері атап өтілді.«Қазақстан Орталық Азиядағы AstraZeneca бизнесінің локомотиві саналады және жаһандық биофармацевтикалық компания ретінде біз Қазақстан Үкіметінің өңірдегі фармацевтика өнеркәсібінің орталығына айналуға қатысты өршіл мақсатын қолдаймыз», — деді Нитин Капур.Сондай-ақ пленарлық сессия барысында Power International Holding президенті Рамез Әл-Хаят, Fufeng Group Limited Директорлар кеңесінің төрағасы Ли Сюэчунь, ACWA Power бас атқарушы директоры Марко Арчелли, Carlsberg Group» Еуропа, Үндістан елдері бойынша атқарушы вице-президенті Ларс Леманн, Alstom компаниясының Африка, Таяу Шығыс және Орталық Азия өңірлері бойынша президенті Эндрю Делеони және Еуропалық қайта құру және даму банкінің (ЕҚДБ) банк операциялары жөніндегі вице-президенті Маттео Патроне сөз сөйледі.Премьер-министр еліміздің маңызы басым бағыты өнеркәсіпті дамыту екенін атап, шетелдік компанияларды қазақстандық бизнес-қоғамдастықпен тығыз әріптестікке шақырды.«Қазақстан Үкіметі тұрақты және болжамды инвестициялық ахуалды қолдау үшін бар күшін салады. Жобаны іске асырудың әрбір кезеңінде инвесторлармен тікелей өзара іс-қимыл жасауға үлкен мән береміз, сіздердің құқықтарыңызды қорғауға басымдық берілген. Отандық компаниялар ірі инвесторлармен жеткізу тізбегінде жұмыс істей отырып, тәжірибе жинап, сапа стандарттарын арттыратын болады. Мультипликативті ірі инвестициялық жобалар әртараптандырылған экономикалық экожүйенің қалыптасуына ықпал ете отырып, ШОБ белдеуінің дамуына әсер етеді. Біз Қазақстандағы шетелдік өндірістердің дамуымен өнімдердегі қазақстандық қамтудың үлесін арттыруға талпынатын боламыз. Қазақстандағы кадрларды қолдау мәселесіне ерекше көңіл бөлінеді. Біз шетелдік инвесторлардың барлық деңгейде жергілікті мамандарды белсенді түрде еңбекпен қамтуын құптаймыз әрі қолдаймыз. Қазақстан Үкіметі тұрақты және болжамды инвестициялық ахуалды қолдау үшін бар күшін салады», — деп атап өтті Олжас Бектенов.KGIR–2024 қорытындысы бойынша жалпы сомасы $7 млрд болатын 32 құжат пакетіне қол қойылды, оның ішінде Премьер-министрдің қатысуымен:Ақмола облысы әкімдігі, KAZAKH INVEST және Dalian Hesheng Holding Group арасындағы бидайды терең өңдеу бойынша құны $650 млн болатын стратегиялық ынтымақтастық туралы келісім;ҚР Өнеркәсіп және құрылыс министрлігі, KAZAKH INVEST және CHN Energy арасындағы көмір химия өнімдерін өндіру бойынша $4 млрд-қа стратегиялық ынтымақтастық туралы келісім;«Orhun Medical» ЖШС мен Қазақстан Үкіметі арасындағы ҚР денсаулық сақтау саласының медициналық қызметтері мен инфрақұрылымын жақсарту бойынша $80 млн-ға инвестициялық келісім;«SILK WAY ENERGY LTD» мен ҚР Үкіметі арасындағы Жетісу облысының Панфилов ауданында тәулігіне 1 000 000 нм3 қуат тұтынатын табиғи газды сұйылту зауыт салу туралы жалпы құны $305 млн-ды құрайтын инвестициялық келісім;«НК «ҚТЖ» АҚ мен «Транспортейшн Глоубэл Эл-Эл-Си» арасындағы теміржол машина жасау саласында цифрландыру мен жасанды интеллект элементтерін енгізу бойынша жобаны іске асыру туралы келісім;«Carlsberg Kazakhstan» ЖШС мен Қазақстан Республикасы Ауыл шаруашылығы министрлігі арасындағы елімізде алкогольсіз сусындар шығаратын зауыт салу бойынша жалпы құны $100 млн базалық қағидаттар туралы негіздемелік келісім;«Шин-Лайн» ЖШС мен Қазақстан Сыртқы істер министрлігі арасындағы әлемнің жетекші компанияларының қатысуымен Алматы облысында азық-түлік кластерін құру туралы базалық қағидаттар туралы негіздемелік келісім (35 өндіріс орны пысықтауда);Қостанай облысының әкімдігі мен «Tech Digital» ЖШС арасындағы алюминий қорытпаларынан жасалған жоғары сапалы шыбықтар мен профильдер өндіру саласындағы базалық қағидаттар туралы келісім;Батыс Қазақстан облысының әкімдігі мен «Hyundai Solar KZ 777» ЖШС арасындағы құны $167 млн болатын күн электр стансасын, қалдықтарды өңдеу кешенін, қоқыс жағу кешенін, модульдік жылыжай кешенін салу жөніндегі ынтымақтастық туралы меморандум;«QazaqGaz» ҰК» АҚ мен CNPC арасындағы «Солтүстік 1» блогындағы геологиялық барлау жұмыстарының әлеуетін зерттеудің бірлескен жоспары;«Отбасы банкі» АҚ мен Азия даму банкі арасындағы елімізде инклюзивті және жасыл тұрғын үйді қаржыландыруды ілгерілету жобасы бойынша өзара түсіністік туралы меморандум.Пленарлық сессия шеңберінде үздік инвестор-компаниялар: өнеркәсіптік, медициналық газдар және инжиниринг саласындағы Linde Gas GmbH кәсіпорны, Shin-Line азық-түлік өндірісі, KazFoodProducts дәнді дақылдарды терең өңдеу және кондитерлік өнімдерді өндіру жөніндегі компаниялар тобы, Enhun Medical денсаулық сақтау саласындағы компаниялар тобы, Jiaxin International Resources Investment вольфрам кендерін игеру жөніндегі кәсіпорын, Alstom теміржол машина жасау кәсіпорны, Zerde-Ceramics Aktobe фарфор плиткаларын шығаратын зауыт, Zharkent Starch Plant жүгері өңдеу кәсіпорны, Қазақстанның жетекші теміржол кластері Railways Systems KZ, Сarlsberg Group сыра қайнату компаниясы атап өтілді. Ақпарат көзі : https://www.gov.kz/memleket/entities/moa/press/news/details/875817

«Біз көктемгі егін егу мен күзгі жиын-терім жұмыстарын жүргізу үшін қаржыландыруды ерте іске қосамыз. Алғашқы 100 миллиард теңгеге өтінім қабылдау қараша айында басталады. Сонымен қатар, мемлекеттік қолдау шаралары сақталады және фермерлер несиелерін бұрынғы шарттармен төлей алады», - деді «Аграрлық несие корпорациясы» АҚ Басқарма төрағасы Алмат Әшірбеков.Айта кету керек, биыл Аграрлық несие корпорациясы көктемгі егін егу мен күзгі жиын-терім жұмыстарына 320 млрд теңге бөлді. 2023-жылы 140 млрд теңге берілген еді.ҚР Президентінің тапсырмасын орындау аясында, Үкіметтің қолдауымен 2025-жылдың көктемгі егін егу және күзгі жиын-терім жұмыстарына 700 млрд теңгеге жуық қаржы бөлінеді. Оның 560 млрд теңгеге жуығын "Бәйтерек" ҰБХ" АҚ мен Аграрлық несие корпорациясы нарық капиталынан тартатын болады.Осылайша, ауыл шаруашылығы тауарын өндірушілер мемлекеттік қолдау шараларының арқасында барынша қолайлы жағдайда қаржылық қолдауға ие болады.Бірінші. Олар үшін Кең дала 2 бағдарламасы бойынша жылдық сыйақы мөлшерлемесі 5% деңгейінде сақталды.Екінші. Көбінесе АӨК субъектілері Корпорациядан несие алуға келгенде кепілдік жетіспеушілігі проблемасына тап болады. Бұл – ауыл шаруашылығы саласының барлық кәсіпкерлері мен қоғамдық ұйымдар айтып жүрген мәселе.Мемлекеттік қолдаудың сынақтан өткен механизміне сәйкес «Кең дала 2» бағдарламасы бойынша «Даму» кәсіпкерлікті дамыту Қоры кепілдендіретін құрал қолданылады.Өз кезегінде, Аграрлық несие корпорациясының еншілес компаниясы «ҚазАгроҚаржы» АҚ жылдық сыйақы мөлшерлемесі 5% болатын жеңілдетілген лизинг бағдарламасын іске қосты. Бағдарлама отандық өндірушілердің ауыл шаруашылығы техникасын сатып алу үшін 7 жылға дейінгі мерзімге қаржыландырады.Бүгінде көптеген қаржы институттары ауыл шаруашылығын қаржыландырады. Дегенмен, АӨК қаржыландыруды қамтамасыз етудегі негізгі үлес Аграрлық несие корпорациясына тиесілі. Бірнеше жылдан бері Корпорация өз қызметін біртіндеп жақсартып келеді және секторды қаржыландыру көлемін арттыруда. Ақпарат көзі : https://www.gov.kz/memleket/entities/moa/press/news/details/875833