Түркістан облысының «Қазсушар» филиалы биыл сор шаю жұмыстарына 330 млн текше метр су жіберді. Бұл топырақтың құнарлығын арттырып, жақсы өнім алу үшін жасалады. Бүгінгі таңда Мақтарал және Жетісай аудандары бойынша қысқы сор шаю жоспары 80%-ға жуық орындалды. Мақтарал ауданында жоспарланған 43 600 гектар жердің 34 456 гектары тұздан тазартылды. Жетісай ауданында 53 мың гектар жердің 42 мың гектарының соры шайылды.«Топырақ тұзынан құтылудың бірден-бір жолы – сор шаю. Осы ретте жердің тұздану дәрежесіне және топырақтың механикалық құрамына байланысты сор шаю уақыты мен мөлшерін дұрыс анықтау өте маңызды. Филиал сор шаю жұмыстарын наурыз айының алғашқы онкүндігінде аяқтауды жоспарлап отыр»,- деді Түркістан облысының «Қазсушар» филиалының директоры Қазыбек Бедебаев.Ақпарат көзі : https://www.gov.kz/memleket/entities/water/press/news/details/949369

Жамбыл облысы бойынша «Қазсушар» филиалы су тасқыны кезеңіне дайындық аясында электр жабдықтары мен көтергіш механизмдерді тексеріп, әрлеу жұмысын жүргізді. Филиалға қарасты су қоймаларында күнделікті мониторинг және тәулік бойы кезекшілік ұйымдастырылған. Бүгінгі таңда Теріс-Ащыбұлақ, Бүркітті, Жартас, Ынталы және Қақпатас қоймалары су жинау режимінде жұмыс істеп жатыр.Ақпарат көзі : https://www.gov.kz/memleket/entities/water/press/news/details/949758

Бүгін ҚР Президенті жанындағы ҚР Ұлттық ғылым академиясы Президиумының «Қуатты өңірлік ғылым – қуатты өңір» атты кезекті көшпелі отырысы өтті. Оған облыс әкімі Серік Шәпкенов, академияның басқарма президенті Ақылбек Күрішбаев, академиктер және мұнай-химия саласының өкілдері қатысты. Жиында Атырау облысында ғылымды дамытудың жаңа бағыттары талқыланды,-деп хабарлайды облыс әкімінің баспасөз қызметі.Жиында Серік Шәпкенов университеттерден, зерттеу ұйымдарынан, индустриядан және аймақтық даму институттарынан ғалымдарды тарту арқылы ғылыми ұсыныстар әзірлейтін, басталған жобаларға сараптама жүргізетін, қаржыландыру бойынша ұсыныстар әзірлейтін ғылыми-техникалық кеңестің маңызына тоқталды.- Кеңес Ұлттық ғылым академиясымен тікелей байланыста белсенді және жүйелі түрде жұмыс жасайтын болады.Біз үшін ақпараттық технологиялар мен жасанды интеллект саласындағы қолданбалы шешімдер, экологиялық зерттеулер мен жүйелі экологиялық мониторинг, соның ішінде жасанды интеллектті қолдана отырып, суды тиімді пайдалану және өндірістік су қалдықтарын терең тазарту мен регенерациялау, өндірістік полимерлер негізінде жаңа материалдар мен композиттер, пластикалық қалдықтарды қайта өңдеу мен регенерациялау әдістері, мұнаймен ластанған топырақтарды жол құрылысына және құрылыс материалдарына пайдалану сияқты зерттеулердің маңызы өте зор. Бұлар академия әзірлейтін негізгі мемлекеттік ғылыми бағыттарда көтеріліп, қолдау табуы тиіс,-деді С.Шәпкенов.Бұл ретте аймақ басшысы өңірлік ғылыми қорды нәтижелі пайдаланып, өндіріске қажетті, сұранысқа ие мамандарды дайындап, олардың жобасына жан-жақты қолдау көрсетуге басымдық беруді атап өтті.ҚР Ұлттық ғылым академиясының басқарма президенті Ақылбек Күрішбаевтың айтуынша, Атырау облысының экономикасы ғылыми зерттеулердің түрлі бағыттары бойынша қолайлы.- Жергілікті бюджеттерде өңірлік ғылымды қаржыландырудың бюджеттік бағдарламалары жоқ. Жалпы, жергілікті бюджеттен ғылымға бөлінетін қаражат көлемі, мемлекет бойынша оның дамуына жұмсалатын жалпы шығыстардың 1% - нан да аспайды. Атырау облысы — еліміздің табиғи ресурстары және экономикалық әлеуеті ең маңызды өңірлерінің бірі. Осы тұрғыда Атырау облысы басқа өңірлерге үлгі бола алады. Бұл ретте Ұлттық ғылым академиясы қажетті көмек көрсетуге дайын. Ең алдымен, Өңірлік кеңес Ұлттық академиямен тығыз байланыс орнатуы қажет және бұл сіздерге кеңес қызметінің барлық мәселесі бойынша Академиядан толыққанды әдістемелік және практикалық көмек алуға мүмкіндік береді. Ұлттық ғылым академиясы әзірлеген ғылымды дамытудың басым бағыттарын айқындаудың жаңа жүйесіне сәйкес агроөнеркәсіптік кешен, мұнай және тау-кен металлургия өнеркәсібі, тұщы суға қол жеткізуді қамтамасыз ету, өмір сүру сапасын арттыру және адами капиталды дамыту салаларындағы зерттеулер стратегиялық басымдықтарға жатқызылғанын және олар бірінші кезекте қаржыландырылатынын айту керек,-деді А.Күрішбаев.Қатысушылар өңірлік ғылымның дамуының өзекті мәселелері, оның өңір мен елдің әлеуметтік-экономикалық дамуына ықпалы сөз етті. Көшпелі отырыс аясында ғылыми-инновациялық көрме ұйымдастырылды.Академия Президиуымының көшпелі отырыс жұмысы нәтижесінде республикада алғаш рет Атырау облысы әкімдігі жанынан ғылымды қолдау Қорын құру туралы шешім қабылданды.Шара өңірлік ғылымның басым міндеттерін айқындауға арналған форсайт-сессиямен жалғасады. «Ғылым-бизнес» питч-сессиясы форматында коммерцияландыруға дайын перспективалы ғылыми жобалар ұсынылады. Қатысушылар ғылыми қауымдастық пен бизнес арасындағы ынтымақтастық мүмкіндіктерін талқылайды.Ақпарат көзі : https://www.gov.kz/memleket/entities/atyrau/press/news/details/949546

Алматы облысының әкімі Марат Сұлтанғазиев Алматы қаласындағы №1 балалар үйінің тәрбиеленушілерімен кездесті. Қалада білім алып жүрген тәрбиеленушілер өздеріне үйреншікті ортада оқуын жалғастырады, ал жаңадан қабылданатын балалар Қонаев қаласына орналастырылады. Жағдайды жан-жақты зерттеу мақсатында облыс әкімі балалар үйінің өкілдерімен, оның ішінде директор Роза Бекішева, педагогтар және тәрбиеленушілермен кездесу өткізді. Талқылауға Балалар құқықтары жөніндегі уәкіл Динара Закиева, облыстық білім басқармасының басшысы Салтанат Беспаева, Қонаев қаласының әкімі және тиісті ведомство өкілдері қатысты. Бұған дейін білім басқармасының басшысы Салтанат Дауысбекқызы мекемеге барып, ондағы жағдаймен танысып, қызметкерлердің көшу және жұмыс орындарын сақтау мәселелері бойынша пікірлерін тыңдаған болатын. «Балалар Алматыда қалғысы келетіндерін айтты, өйткені жаңа ортаға бейімделу және әлеуметтік ортадан ажырау олардың психологиялық жағдайына кері әсер етуі мүмкін. Бұл фактор шешім қабылдауда басты назарға алынды», — деп атап өтті өңір басшысы Марат Сұлтанғазиев. Сонымен қатар, облыста жаңа балалар үйінің құрылысы жалғасуда. Жалпы ауданы 4000 шаршы метрді құрайтын заманауи ғимарат 240 орынға есептелген. Онда жайлы тұрғын бөлмелер, оқу сыныптары және демалыс аймақтары қарастырылған. Жақын маңда 900 орындық мектеп орналасқан, ал балаларды тасымалдау үшін арнайы автобус бөлінеді. Кешеннің ашылуы жаз айларына жоспарланған. Бұдан бөлек, жаңа ғимараттың бір бөлігі инфрақұрылымдық мәселелерге тап болған Нүсіпбаев атындағы интернатқа беріледі. Сондай-ақ, ғимараттың бір корпусы Кәмелетке толмағандарды бейімдеу орталығының (КТБО) қажеттіліктеріне жұмсалады, бұл облыстың әртүрлі аймақтарынан келген балаларды басқа қалаларға ауыстырмай, бір жерде орналастыруға мүмкіндік береді. Билік өкілдері жетім балаларға қатысты барлық шешімдер олардың мүддесін, өмір сүру жағдайының жайлылығын және сапалы білім алуын басты орынға қоя отырып қабылданатынын ерекше атап өтті. «Біздің мақсатымыз – балалар өзін қауіпсіз сезініп, жан-жақты дамуы үшін қолайлы орта қалыптастыру. №1 балалар үйінің тәрбиеленушілері Алматыда қалады, ал жаңадан келетін балалар Қонаев қаласындағы заманауи кешенге орналастырылады», — деп түйіндеді Марат Сұлтанғазиев. Кездесу аясында балалар үйінің тәрбиеленушілері білім беру орталығына және туристік-спорттық кешенге барды. Бұл бағдарлама олардың болашақ мүмкіндіктерімен және даму перспективаларымен таныстырды. «Құрылыс нысанын аралап, болашақ балалар үйінің паспортын таныстырғаннан кейін, біз үшін өте жақсы жағдай жасалып жатқанын және маңында ешқандай түрме жоқ екенін көрдік», — деп бөлісті балалар үйінің тәрбиеленушісі Кирилл Капранов.   Ақпарат көзі : https://www.gov.kz/memleket/entities/almobl/press/news/details/949537

 Алғыс айту күні мерекесіне орай, Мұғалжар ауданының Құмжарған ауылдық округіне қарасты Бірлік ауылында фельдшерлік-акушерлік пункт пайдалануға берілді.Медициналық мекеменің құрылысын «Техно-С» ЖШС 2024 жылдың шілде айында «Ауылдық денсаулық сақтауды жаңғырту» ұлттық жобасы аясында бастады.Медициналық пункт 20 келушіге арналған. Заман талабына сай құрал-жабдықтармен жабдықталған.Жаңа пункттің ашылуы — тек медициналық қызмет көрсету ғана емес, сонымен қатар ауылдың әлеуметтік-экономикалық дамуына да оң әсер ететін ерекше оқиға болды.Ғимараттың ашылу салтанатына Мұғалжар ауданының әкімі Дархан Ермағанбетов, Ақтөбе облыстық денсаулық сақтау басқармасы басшысының орынбасары Мұратжан Кажгалиев қатысып, ауыл тұрғындарын қуаныштарымен құттықтады.Айтып өтейік, Бірлік ауылы - былтырғы су тасқынында зардап шеккен елді мекендердің бірі. Бүгінде мұнда 168 тұрғын үйде 853 адам тұрады.Ақпарат көзі : https://www.gov.kz/memleket/entities/aktobe/press/news/details/949164

Ақтөбе облысының әкімі Асхат Шахаровтың төрағалығымен өткен аппарат мәжілісінде «Қолжетімді интернет» ұлттық жобасы аясында облыс тұрғындарын сапалы интернетпен қамтамасыз ету мәселесі қаралды.Облыстық цифрлық технологиялар басқармасының басшысы Әсет Отарбаев қала мен ауылдық жерлерде, сондай-ақ республикалық жолдарда байланыс пен мобильді интернет сапасын жақсартуға бағытталған негізгі жұмыстар туралы баяндады.Оның айтуынша, 2024 жылы облыс аумағында базалық станциялар жаңғыртылып, мобильді желінің қамту аймағы айтарлықтай кеңейтілді. Биыл 4G стандартымен 96 базалық станция орнатылып, жаңартылмақ, ал 5G желісінің қамту аймағы 82 базалық станцияға дейін кеңейтіледі. Бұл қала тұрғындары үшін интернет байланысының сапасы мен тұрақтылығын одан әрі арттырады.Ауылдық жерлерге келер болсақ, мобильді интернет облыстың 311 ауылдық елді мекенінің 261-ін қамтиды. Биыл жоспарланған 25 ауылдың төртеуіне, атап айтқанда, Талдысай (Алға ауданы), Байтақ (Қобда ауданы), Дүкен және Мамыр (Ырғыз ауданы) ауылдарына интернет желісі қосылды. Қалған ауылдарда жұмыстар жалғасып жатыр.Халқы 100 адамнан аз 29 ауылда кең жолақты интернет қызметін қамтамасыз ету үшін спутниктік технологиялар қолданылады. Қазіргі уақытта 7 ауылға спутниктік арналар арқылы Wi-Fi қосылған. Осылайша, жыл соңына дейін ауыл тұрғындарын мобильді интернетпен қамту деңгейі 98,8%-ке жетеді.Республикалық маңызы бар жолдарда мобильді байланысты қамтамасыз ету жұмыстары да қарқынды. Осы бағыттардағы 17 нүктеде базалық станция салу үшін жобалық құжаттар әзірленіп жатыр. Бүгінде 10 нүктенің құжаттары сараптамадан өтіп, оң қорытынды алған. Қалған 7 жоба – мемлекеттік сараптамада. Наурыз айында 5 нүкте бойынша, сәуір айында Ырғыздағы 2 нүктенің қорытындысы дайын болады деп күтілуде. Бұл жобаларды жүзеге асыруға республикалық бюджеттен қаржы сәуір айында бөлінеді.Облыс әкімі өңірдегі барлық тұрғынның интернет пен мобильді байланысқа қолжетімділігін қамтамасыз етудің маңызын атап өтті. Осыған байланысты ол цифрлық технологиялар басқармасына аудан әкімдерімен бірлесіп, «Қолжетімді интернет» ұлттық жобасы аясында жоспарланған барлық жобаларды толық жүзеге асыруды тапсырды.«Басты мақсат – қала да, ауыл да, сонымен қатар елді мекендерді байланыстыратын тасжолдар бойында байланыс сапасын жақсарту. «Қолжетімді интернет» жобасы тек байланыс сапасын арттырып қана қоймай, сонымен қатар экономика, білім беру, денсаулық сақтау және басқа да салалардың дамуына жаңа мүмкіндіктер береді. Бұл өз кезегінде облыс тұрғындарының өмір сүру сапасына тікелей әсер етеді», – деді облыс әкімі.Ақпарат көзі : https://www.gov.kz/memleket/entities/aktobe/press/news/details/949479

Шығыс Қазақстан облысына қарасты Қасым Қайсенов кентінде жаңа үш қабатты заманауи емхананың құрылысы жүргізіліп жатыр. Қазіргі уақытта құрылыс жұмыстарының 70%-ы аяқталған.Облыстық құрылыс басқармасының мәліметіне сүйенсек, нысанды пайдалануға беру 2025 жылдың қараша айына жоспарланған. Жаңа медициналық мекеме күніне 150 адамды қабылдауға қауқарлы болады. Мұнда кеңес беру-диагностикалық және алдын алу бөлімшелері, сондай-ақ күндізгі стационар палаталары қарастырылған.Жаңа емхана Ұлан ауданының тұрғындарына қызмет көрсететін болады. Қазіргі таңда емханаға тіркелген халық саны 29 498 адамды құрайды.— Құрылыс жұмыстары жоспарға сәйкес жүргізілуде. Біз бұл әлеуметтік маңызы зор жобаның сапалы әрі мерзімінде аяқталуын қамтамасыз етуге жауаптымыз. Бүгінде ғимаратқа жылу жүйесі мен сумен жабдықтау жүйесі тартылды, терезелер мен есіктерді орнату жұмыстары жалғасуда. Сондай-ақ қабырғалар мен едендерді қаптау бойынша әрлеу жүріп жатыр. Көктемде медициналық мекеме айналасын абаттандыру басталады, — деп мәлімдеді мердігер ұйым өкілдері.Жаңа емхананың мүмкіндіктері кең болмақ. Мұнда флюорография, рентген, маммография, эндоскопия кабинеттері, сондай-ақ медицинадағы әр сала мамандарының кабинеттері (оториноларинголог, офтальмолог, дерматолог, невропатолог, кардиолог, онколог, акушер-гинеколог, хирург, травматолог, фтизиатр, жалпы тәжірибелік дәрігерлер) жұмыс істейтін болады. Сонымен қатар, зертханалық диагностика бөлімі де ашылып, онда микробиологиялық, серологиялық және жалпы клиникалық зерттеулер жүргізіледі.Жаңа емхана Ұлан ауданы тұрғындары үшін медициналық қызметтердің қолжетімділігін арттырып, сапалы әрі заманауи медициналық көмек көрсетуге мүмкіндік береді.Ақпарат көзі : https://www.gov.kz/memleket/entities/akimvko/press/news/details/949139

Өскеменде Олимпиада чемпионы Ольга Рыпакованың жүлдесі үшін Х Халықаралық турнирдің ашылу салтанаты өтті. Оған 21 елдің спортшылары келіп, өзара бақ сынасуда.Дүбірлі жарыстың ашылу салтанатына Шығыс Қазақстан облысының әкімі Нұрымбет Сақтағанов қатысып, әлемнің түкпір-түкпірінен жиналған спортшыларға сәттілік тіледі.– Құрметті спортсүйер қауым, қадірменді спортшылар! Олимпиада чемпионы Ольга Рыпакованың жүлдесіне арналған X халықаралық турнирдің ашылуымен құттықтаймын! Мемлекет басшысы Қасым-Жомарт Тоқаев азаматтардың салауатты өмір салтын ұстануы - дені сау ұлтты қалыптастырудың негізгі шарты екенін атап айтқан болатын. Шығыс Қазақстан облысындағы 1687 спорттық нысанда облыс халқының 43 пайыздан астамы жаттығады. Бүгінгі айтулы жарыс – Алғыс айту күнімен тұспа-тұс келіп отыр. Осы орайда, біздің мақтанышымыз – Ольга Рыпаковаға еліміздің Туын биіктетіп жүрген ерен еңбегі үшін алғыс айтамын, – деді Нұрымбет Сақтағанов.Бұл жылы еліміздің саңлақтарымен бірге Тәжікстан, Қырғызстан, Өзбекстан, Армения, Әзірбайжан, Сингапур, және Сауд Арабия құрамаларының мықтылары сынға түспек.Ақпарат көзі : https://www.gov.kz/memleket/entities/akimvko/press/news/details/949345

Осы ұсынымдарды «Дәнді және майлы дақылдар. Қазақстан» зерттеу бюросы әзірледіДәнді дақылдарНарықта 28 + дән маңызы бар бидай бағасы өсті.элеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минжұмсақ бидай 3 сыныпты, 28 клк +125+15ТОҚТАТУ145-жұмсақ бидай 3 сыныпты, 25 клк дейін81-ҚАЖЕТТІЛІГІНЕ ҚАРАЙ95-жұмсақ бидай 3 сыныпты, 23 клк дейін76-ҚАЖЕТТІЛІГІНЕ ҚАРАЙ85-жұмсақ бидай 4 сыныпты, 20 клк дейін71-ҚАЖЕТТІЛІГІНЕ ҚАРАЙ80-жұмсақ бидай 5 сыныпты, 17клк дейін60-ҚАЖЕТТІЛІГІНЕ ҚАРАЙ65-арпа 2 сыныпты73-ТОҚТАТУ85-Дурум (прот 14+)85-САТУ110-Дурум (прот 15+)102-САТУ13090Қызыл-бір апта ішінде төмендеу, жасыл-көтерілу, барлық бағалар-жаңа егін жинауРеспонденттердің айтуынша, дән маңызы бар 28 және одан жоғары 3-сыныпты бидай бағасы тоннасына 115-тен 125 мың теңгеге дейін, сапасына байланысты.Майлы дақылдар / бұршақМайлы дақылдар тобында күнбағыс 7 теңге/кг-ға қымбаттады. Зығыр бағасы 14 теңге/кг-ға төмендеді.* - премиум сапасы бар солтүстік аймақтар, * * - ҚҚС-сыз жаңа өнім курсивпен бөліндіэлеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минЗығыр220-14ТОҚТАТУ250-Рапс220+6ҚАЖЕТТІЛІГІНЕ ҚАРАЙ250180Күнбағыс173+7ТОҚТАТУ190160Мақсары138-САТУ15085Соя200+7ҚАЖЕТТІЛІГІНЕ ҚАРАЙ225-Қыша қара/ақ215-ҚАЖЕТТІЛІГІНЕ ҚАРАЙ300200Бұршақ (сары)*92-ҚАЖЕТТІЛІГІНЕ ҚАРАЙ12080Жасымық қызыл**198-ҚАЖЕТТІЛІГІНЕ ҚАРАЙ220-Жасымық жасыл (үлкен көлемде) **363-ҚАЖЕТТІЛІГІНЕ ҚАРАЙ450-Ұсыныстар:Стоп – тиімдірек баға болғанға дейін сауданы тоқтату ұсынылады.Қажет болғанда сату – техникалық немесе қаржылық қажеттіліктерге байланысты сату ұсынылады.Сату – жақын болашақта тиімді перспективалар байқалмағандықтан, өнімді сату ұсынылады.Максималды баға – ағымдағы сауда маусымында баға жете алатын жоғары шек. Бұл пікір түпкілікті емес және жағдайға байланысты өзгеруі мүмкін.Минималды баға – ағымдағы маусымда дақыл бағасы жетуі мүмкін төменгі шек.Ақпарат көзі : https://www.gov.kz/memleket/entities/moa/press/news/details/949290

Қазақ мал шаруашылығы және жемшөп өндіру ғылыми-зерттеу институты, Қытайлық Шыңжаң-Ұйғыр автономиялық ауданының мал шаруашылығы Академиясы және қазақстандық «Жібек Жолы» коммерциялық-инвестициялық компаниясы" ЖШС-і «Бір белдеу, бір жол» бастамасы шеңберінде бірлескен жайылымдық мал шаруашылығы зертханасын құруды жоспарлап отыр.Тиісті келісім бірлескен технологиялық әзірлемелерді, тәжірбие алмасуды, тренингтер арқылы кадрлар даярлауды, техникалық оқытуды және практикаға ғылыми жетістіктерді енгізуді көздейді.Тараптар теңдік және өзара тиімділік қағидаттарын басшылыққа ала отырып, ғылыми зерттеулер, технологиялық инновациялар және мал шаруашылығы саласында кадрлар даярлау саласындағы ынтымақтастықты нығайтуға ниетті.Ақпарат көзі : https://www.gov.kz/memleket/entities/moa/press/news/details/949412

Жыл сайын 1 наурызда Халықаралық азаматтық қорғаныс ұйымының (ХАҚҰ) бастамасымен түрлі елдерде Дүниежүзілік Азаматтық қорғаныс күні атап өтіледі. Биылғы жылы іс-шаралар «Азаматтық қорғаныс – халық қауіпсіздігінің кепілі» ұранымен өтуде. Қазақстан Республикасы Төтенше жағдайлар министрлігі азаматтық қорғау саласында халықты ақпараттандыру және оқыту мәселелеріне ерекше назар аударады. Дүниежүзілік Азаматтық қорғаныс күнін мерекелеу аясында Азаматтық қорғаныс айлығы өтуде. Елдің барлық өңірлерінде тактикалық-арнайы оқу-жаттығулар, дайындық тренингтері, тақырыптық дәрістер мен ашық сабақтар, сондай-ақ ақпараттық және оқыту материалдарын тарату арқылы профилактикалық іс-шаралар өткізіледі. Бұл жұмыс халықтың төтенше жағдайлардағы әрекет ету дайындығын арттыруға бағытталған. Алматы қаласының «Астана» алаңында техника, жабдықтар мен құрал-жарақтар көрмесі ұйымдастырылды. Алматылықтарға табиғи және техногендік сипаттағы төтенше жағдайлар кезіндегі іс-қимыл тәртібі түсіндірілді. 15 тәулікке дейін далада түрлі операцияларды жүргізу үшін қажетті жарақтармен жабдықталған ТЖМ Апаттар медицинасы орталығының медициналық госпиталін өрістету мен оның жұмысы ерекше болды. Салтанатты іс-шараға жеке құрамнан 200-ге жуық адам және 60 бірлік техника қатысты. Өскемен қаласының Металлургтер мәдениет сарайының жанындағы алаңда құтқарушылар техника көрмесін ұйымдастырып, облыс тұрғындары мен қонақтарын төтенше жағдайларға қарсы күресте қолданылатын заманауи жабдықтармен және құрал-жарақтармен таныстырды. Қатысушылардың әрқайсысы ТЖД қарамағына келіп түскен жаңа жоғары өтімді техниканы өз көздерімен көріп, тіпті оларға отыра алды. Облыстың қарапайым климаты жағдайында табиғи сипаттағы төтенше жағдайлармен күресуге мүмкіндік беретін «Toyota Hilux» жедел автокөліктері, қарлы, батпақты жерлерде жүретін техника халықты таң қалдырды. Жаңа өрт сөндіру көліктері, автоиінді көтергіш, жоғары тиімді дрондар және жауынгерлік жабдықтар тұрғындарды таң қалдырды. Іс-шара барысында ТЖ қызметкерлері мұздағы, өрттердегі және жер сілкінісіндегі іс-қимыл ережелері туралы айтып берді. Апаттар медицинасы орталығының дәрігерлері жәбірленушіні қалай реанимациялауға болатыны туралы мастер-класс көрсетті. Кинологиялық қызмет құтқарушылар қатарында қызмет ететін және іздестіру жұмыстарын жүргізетін лабрадор-құтқарушылармен таныстырды. Екінші құтқару батальонының әскери қызметшілері азаматтарды мамандықтың ерекшелігімен және төтенше жағдайда көмекке келген кезде қолданылатын құтқару жабдықтарымен таныстырды. Павлодарда құтқарушылар авариялық-құтқару техникасы мен жабдықтарын көрсетті. Облыс орталығының тұрғындары заманауи құтқару құралдарын көріп қана қоймай, оларды іс-әрекетте жеке сынап көруге бірегей мүмкіндік алды. Іс-шара қонақтары құтқарушылардың жауынгерлік киімдерін киіп, арнайы техникада отырып, төтенше жағдайларды жою кезінде қолданылатын жабдықтардың жұмысымен таныса алды. Өрт сөндіру машиналары, гидравликалық құралдар мен қорғаныс костюмдері балалар мен ересектердің ерекше қызығушылығын тудырды. Іс-шараға «Қызыл Ай» ұйымының еріктілері белсенді қатысты. Олар тұрғындарға жылы және қызыққа толы атмосфера сыйлай отырып, ыстық шай мен тәттілер ұйымдастырды. Сондай-ақ, павлодарлық құтқарушылар жаппай жарыс өткізді. Спорттық іс-шара қоғамда салауатты өмір салтын, құтқарушы мамандығын насихаттауға, командалық рухты нығайтуға бағытталған. Ауқымды жарыс Павлодар тұрғындарының сүйікті демалыс орындарының бірі Орталық жағалауда өткізілді. 250-ден астам қатысушы «Никитинскийден ойысынан» бастап, бүкіл жағалау бойындағы қашықтықты жүгіріп өтіп, Ертіс Променад сахнасында аяқтады. Құтқарушылар керемет физикалық дайындықты көрсетті, өйткені олардың қызметінің ерекшелігі үлкен жүктемелерге төтеп беру үшін төзімділік пен күш-жігерді қажет етеді. Жетісу облысының ауылдық округтерінде азаматтық қорғаныс саласына арналған арнайы іс-шаралар ұйымдастырылды. Іс-шара аясында мектеп оқушылары мен ауыл тұрғындары үшін өрт сөндірушілер мен құтқарушылардың арнайы техникасы мен құрал-жабдықтарының көрмесі ұйымдастырылды. Қатысушылар авариялық-құтқару құралдарының жұмысын өз көздерімен көріп, төтенше жағдайлар кезінде қолданылатын жабдықтармен танысуға мүмкіндік алды. Мектептерде эвакуация кезіндегі іс-қимылдарға арналған оқу-жаттығу шаралары өтті. Бұл оқушыларға төтенше жағдайда өздерін қалай ұстау керектігін үйретуге, қауіпсіздіктің негізгі ережелерін түсіндіруге бағытталған тәжірибелік сабақ болды. Орал қаласында Департаменттің және 20982 әскери бөлімінің 2-құтқару батальонының қарамағындағы заманауи арнайы техника мен жаңа авариялық-құтқару жабдықтарының көрмесі ұйымдастырылды. Көрме барысында оқушылар мен студенттер құтқару киімдерін киіп, кинологтар мен құтқарушылардың жұмысымен танысты. Шара соңында балаларға жаңа пісірілген тағамдар мен ыстық шай берілді. Азаматтық қорғаныс күні – төтенше жағдайлардың алдын алу, халықтың қауіпсіздік мәдениетін қалыптастыру және азаматтық қорғаныс саласындағы білімді арттыруға бағытталған халықаралық деңгейдегі маңызды дата. Құтқарушылар халықты төтенше жағдайларға дайындықтың маңыздылығына назар аударуға шақырып, кез келген қауіп-қатерге алдын ала дайын болу қажеттігін ескертті. Азаматтық қорғаныс саласындағы білім мен дағдылар – қауіпсіз өмірдің кепілі. Ақпарат көзі : https://www.gov.kz/memleket/entities/emer/press/news/details/949334

Абай облысының әкімі Берік Уәли Аягөз ауданына жұмыс сапары барысында Аягөз қаласындағы бірнеше әлеуметтік маңызы бар нысандарды аралады.Аймақ басшысы «Жайлы мектеп» бағдарламасымен салынып жатқан мектептің құрылысын көрді. Аягөз қаласындағы «Қуаныш» шағын ауданындағы 600 орындық білім ордасы биыл тамыз айында аяқталады деп жоспарланып отыр. Алайда нысанға тапсырыс беруші «Samruk Kazyna Construction» АҚ өкілдері облыс әкіміне мердігердің бұл мерзімде үлгере алмауы мүмкін екендігін жеткізді. Себебі, нысан басындағы жұмысшылар саны аз.«Мердігерге жұмыс қарқынын күшейтіп, жұмысшы санын көбейтуді тапсырамын. Мектепті жаңа оқу жылына дейін аяқтау керек» деді аймақ басшысы.Облыс әкімі Аягөз қаласындағы тұрғын үй құрылысымен де танысты. Қазіргі таңда шаһарда бес қабатты, 60 пәтерлі екі тұрғын үй салынып жатыр. Баспаналар ипотекалық бағдарлама қатысушылары мен кезекте тұрғандарға беріледі. Бүгінде Аягөз ауданында 1500 адам баспана кезегінде тұр. Аймақ басшысы тұрғын үйлердің құрылысын мерзімінде аяқтап, сапасына ерекше көңіл бөлу керектігін атап өтті.Облыс әкімі Аягөз қаласындағы ауданаралық орталық аурухана жанынан салынып жатқан 10 орындық реанимациялық бөлімнің құрылысында да болды. Нысанды салуға медициналық мекемелерді жаңғырту бағдарламасы аясында республикалық бюджеттен қаражат бөлінген. Аурухананың бас дәрігері аймақ басшысына 7 дәрігердің жетіспейтінін айтып, кадр мәселесін шешуге көмек көрсетуді сұрады.«Аягөз - облыстағы ең ірі аудандардың бірі. Аудан орталығында халық саны көбейіп келеді. Жергілікті әкімдік Денсаулық сақтау басқармасымен бірлесіп, кадр тапшылығы мәселесін шешуі керек. Жас мамандарды баспанамен қамтуға ерекше көңіл бөлу қажет» деді аймақ басшысы.Облыс әкімі жұмыс сапары барысында қаладағы Балалар мен жасөспірімдер спорт мектебінде де болды. Қазіргі таңда ғимаратқа ағымдағы жөндеу қажет. Аймақ басшысы Спорт басқармасына нысанды жаңғырту үшін тиісті ұсыныс әзірлеуді тапсырды.Ақпарат көзі : https://www.gov.kz/memleket/entities/abay/press/news/details/948959

Абай облысының әкімі Берік Уәли Аягөз ауданына жұмыс сапары барысында Аягөз қаласындағы «Орталық» қазандығының жұмысымен танысты.Бұл қазандық 57 көп қабатты үй, 13 әлеуметтік нысан, 8 бюджеттік ұйым мен 174 коммерциялық нысанды жылумен қамтамасыз етеді. Былтыр облыстық бюджеттен қаржы бөлініп, 3 қазандық ағымдағы жөндеуден өтті. Өткен жылы қаладағы 4,2 шақырым жылу желілері ауыстырылды. Облыстық Энергетика және тұрғын үй-коммуналдық шаруашылығы басқармасының мәліметінше, аудан орталығындағы 10 шақырым жылу желілері жаңғыртуды қажет етеді. «Орталық» қазандығының қуатын арттыру үшін 3 қазандыққа күрделі жөндеу керек.«Қазіргі таңда облыстық бюджетті қайта қарап жатырмыз. Аягөз қаласындағы қазандықтарды жаңғыртуға қаржы бөлу мәселесін қарастырамыз» деді облыс әкімі.Аймақ басшысы қаладағы “Біріккен энергосервистік компаниясы” АҚ-на қарасты электр жабдықтау станциясына да барды. Мекеменің жоба-жоспарымен танысып, электр жүйелерін жаңғырту жұмысының тұрғындар үшін маңыздылығын атап өтті.Ақпарат көзі : https://www.gov.kz/memleket/entities/abay/press/news/details/948960

Абай облысының әкімі Берік Уәли Аягөз ауданына жұмыс сапарымен барып, бірнеше әлеуметтік маңызы бар нысанда болды. Көктемгі су тасқынына дайындық барысын бақылап, жылу қазандығының жұмысымен танысты.Былтыр көктемде Аягөз өзені ернеуінен асып, бірнеше ауланы су басқан болатын. Өткен жылы қауіптің алдын алу үшін өзен жағалауын бекіту жұмысы жүргізілді. Облыс әкімі аудандағы жұмыс сапарын өзендегі су деңгейін қадағалаудан бастап, жергілікті атқарушы билікке үнемі бақылауда ұстауды тапсырды.«Су басу қаупі бар облыстардың қатарында тұрмыз. Сондықтан тасқынға дайындық жұмысын күшейту қажет. Аягөз өзенінің арнасын кеңейту мәселесін ойластырыңыздар. Тиісті ұсыныс беріңіздер»,- деді облыс әкімі.Төтенше жағдайлар департаментінің хабарлауынша, өңірдегі қырық бес елді мекенді су басу қаупі бар. Бұл аймақтарда төрт мыңға жуық халық тұрады. Қазіргі таңда әсіресе Аягөз, Бесқарағай, Бородулиха, Көкпекті аудандарындағы 20 ауылда қауіп сақталуда.Ақпарат көзі : https://www.gov.kz/memleket/entities/abay/press/news/details/948957

2025 жылғы 25-28 ақпан аралығында Астанада қоян-қолтық ұрыстан Қазақстан Республикасының чемпионаты өтті, оған 400-ден астам қатысушы, оның ішінде күштік ведомстволардың өкілдері де қатысты. "Batyr team" ведомстволық клубының спортшылары алтын медальдар мен жүлделі орындарға ие болып, жоғары дайындық деңгейін көрсетті. ҚР Төтенше жағдайлар министрі генерал-майор Шыңғыс Әрінов жеңімпаздарды жеке құттықтап, спортты дамыту ТЖМ қызметкерлері үшін басымдықтардың бірі екенін атап өтті." Дене даярлығы және жауынгерлік рух-біздің жұмысымыздың ажырамас бөлігі. Мұндай чемпионаттардағы жеңістер-бұл біздің қызметкерлеріміздің күш-қуатының, тәртібі мен кәсібилігінің көрсеткіші", - деп министр атап өтті. Жарыс қорытындысы бойынша Қазақстан ТЖМ спортшылары жоғары нәтиже көрсетті. "Жекпе-жек" спорт түрінде ведомствоның бірнеше қызметкері бірден мәретұғырына көтерілді. 48 кг дейінгі санаттағы әйелдер арасында Ақмола облысы ТЖД-ның Томирис Жүсіпова алтын, ал Астана қаласы ТЖД-ның Сағыныш Асылбекова күміс иеленді. 64 кг дейінгі салмақ дәрежесінде Қарағанды облысынан Мария Чеботарева чемпион атанды, ал 70 кг жоғары ауыр санатта Түркістан облысынан келген Аружан Беркинбаева бірінші орынды иеленді. Ер адамдар да лайықты нәтиже көрсетті. 62 кг астам салмақ дәрежесінде Ақмола облысы ТЖД-ның Диас Нұртаев күміс медаль жеңіп алды, ал ҚР ТЖМ 52859 әскери бөлімінен келген Ярослав Размерице қола медалін иеленді. "Өзін-өзі қорғау" спорт түрінде ТЖМ қызметкерлері техника мен дайындықтың жоғары деңгейін көрсетті. 50 кг дейінгі санаттағы әйелдер арасында Қызылорда облысы ТЖД қызметкері Ақерке Жұмадиноваж және Павлодар облысы ТЖД қызметкері Кристина Гордиенко жеңіске жетіп, олар жеке біріншілікте және жұптық көріністерде бірінші болды. Жүлделі орындарды Қостанай облысының басқа спортшылары — Ольга Сверитюк және Қарағанды облысының Әйгерім Жарасова жеңіп алды. 80 кг дейінгі санаттағы ерлер арасында Ақмола облысы ТЖД келген Ілияс Сарғазинқ қола алды, ал 95 кг дейінгі салмақта Қостанай облысы ТЖД келген Өміржан Тұқышев үшінші орынды иеленді. Бұл нәтижелер күшті және ұйымшыл ұжым ретінде ведомствоның имиджін нығайтуды жалғастыра отырып, қызмет пен спортты табысты үйлестіретін ТЖМ қызметкерлерінің қажырлы еңбегінің, тәртіптілігі мен жауынгерлік рухының айғағы болып табылады.Ақпарат көзі : https://www.gov.kz/memleket/entities/emer/press/news/details/948898

Абай облысының әкімі Берік Уәли Курчатов қаласына жұмыс сапарымен барып, бірнеше әлеуметтік маңызы бар нысанда болды. Шаһардағы құрылыс және қалпына келтіру жұмыстарының барысын тексерді.Аймақ басшысы жеке инвестиция есебінен қайта жаңғыртудан өткен балалар мен жасөспірімдер шығармашылығы үйін аралап көрді. Мұнда робототехника, тігіншілік, би, қыш өнері, ойын техникасы сынды үйірмелерден бөлек акт залы бар. Нысан іске қосылғанда 20-ға жуық адам жұмыспен қамтылмақ.Қазіргі таңда қаладағы қараусыз ғимараттарды қалпына келтіру жұмысы қарқынды жүргізілуде. Бос тұрған көп қабатты үйлер біртіндеп қалпына келтіріліп жатыр. Курчатов қаласындағы 28 ғимарат қайта жаңғыртуға жарамды. Бүгінде екі тұрғын үй қалпына келтірілуде. Алдағы уақытта тағы екі тұрғын үйді жаңарту жоспарланып отыр. Тиісті жұмыстар аяқталған соң баспаналар көп балалы отбасылар, жетім балалар мен мемлекеттік қызметкерлерге берілмек. Қазір шаһарда 249 адам баспана кезегінде тұр.Қайта қалпына келтіріліп жатқан тұрғын үйдің құрылысымен танысқан облыс әкімі жұмысты жалғастыруды тапсырды.«Курчатов – болашағы зор, ғылыми әлеуеті мол қала. Сондықтан шаһардағы қараусыз қалған ғимараттарды қалпына келтіріп, елдің игілігіне беру керек. Қазіргі таңда облыстық бюджетті қайта қарап жатырмыз. Курчатовқа барынша қолдау көрсетеміз» деді аймақ басшысы.Ақпарат көзі : https://www.gov.kz/memleket/entities/abay/press/news/details/948924

Абай облысының әкімі Берік Уәли Курчатовқа жұмыс сапары барысында шаһардағы жылу қазандығы мен қалалық аурухананың жұмысымен де танысты.Қалада 4 жылу қазандығы бар. Аймақ басшысы шаһардағы 30 көп қабатты тұрғын үй, 1 әлеуметтік нысан, 4 бюджеттік мекеме мен 3 коммерциялық ұйымды жылумен қамтамасыз ететін №1 қазандықта болды. Өткен жылы қазандықтағы 4 пешке ағымдағы жөндеу жүргізіліп, 2 ескі пеш ауыстырылды.Облыс әкімі Курчатовтағы қалалық аурухананың тыныс-тіршілігімен де танысты. Бүгінде медициналық мекемеде 153 адам еңбек етеді. Оның 24-і - дәрігер. 2024 жылы аурухананың бірінші қабатына күрделі жөндеу жүргізілген. Биыл медициналық мекемелерді жаңғырту бағдарламасы аясында облыстық бюджеттен аурухананың 4-қабатын күрделі жөндеуден өткізуге қаражат бөлінген. Аурухананың бас дәрігері аймақ басшысына 5 маманның жетіспейтінін айтып, кадр тапшылығы мәселесін шешуге көмектесуді сұрады.«Денсаулық сақтау саласына жас мамандарды тарту маңызды. Оларды баспанамен қамтамасыз етуді қала әкіміне тапсырамын. Аурухананы толық жаңғырту керек. Тұрғындар Семейге бармай, осы жерде сапалы ем алу үшін тиісті жұмыстарды қолға алуымыз қажет. Тиісті ұсыныс беріңіздер» деді облыс әкімі.Аймақ басшысы сондай-ақ Ядролық технологиялар паркі мен радиациялық технологиялар кешенінде болып, ұлттық ядролық орталықтағы музейдің жұмысымен танысты.Ақпарат көзі : https://www.gov.kz/memleket/entities/abay/press/news/details/948925

Жетісу облысында Алғыс айту күніне орай «Алғыс керуені» басталды. Шара аясында облыстық Қазақстан халқы Ассамблеясының құрылымдық бөлімшесінің бірі «Жомарт жан» орталығы мен өңірдің іскер әйелдер кеңесі 100 отбасыға қайырымдылық көмек жасады, - деп хабарлайды Жетісу облысы әкімінің баспасөз қызметі.Жалпы, өңірде Алғыс айту күніне орай бірқатар іс-шаралар ұйымдастырылды.Алдымен қалыптасқан дәстүр бойынша жұртшылық Қаратал ауданының Бастөбе ауылында орналасқан «Қазақ халқына мың алғыс» монументіне гүл шоқтарын қою рәсіміне қатысты. Өңір басшысының атынан жиынға қатысушыларды облыс әкімінің орынбасары Диас Есдәулетов құттықтады.Сол сияқты монумент алдындағы жиында облыстық корей этномәдени бірлестігінің ақсақалдар кеңесінің төрағасы Виктор Пак сөз алды:- Сонау 30 жылдардағы қасіретті жылдардың жаңғырығы жылдар өте алыстағанымен, әлі жадымызда. Қазақстанға 130 мыңнан астам корей өкілдері қоныс аударды. Азап тартып, аштық көріп, Отанынан жырақтаған біздің ата-бабаларымызды қазақ халқы өздері де қиыншылық көріп отырғанына қарамастан құшағын ашып, қолында барымен бөлісті, баспана салуға, тұрмысын түзеуге көмектесті. Депортацияланған халық соның арқасында бөтендік көрген жоқ, қазақ жерін өз Отанындай қабылдады. Сондықтан 1 наурыз Алғыс айту күнінде барша қазақ халқына алғыс айтамын, - деді. Бұл мерекеде ардагерлер де назардан тыс қалған жоқ. Облыс әкімінің орынбасары Диас Есдәулетов Ассамблеяның 20 ардагерін және Ұлы Отан соғысының 3 ардагерін құттықтап, облыс басшылығының атынан ізгі тілегін білдірді. Осы күні Ассамблея мүшелері «Біздің балаларымыз» акциясының аясында жас аналарды құттықтау үшін облыстық перинаталдық орталыққа арнайы барып, осы күні өмірге келген нәрестелерге қажетті жиынтықтарды сыйға тартты. Құрметке ие болған әйел-аналардың бірі Әсем Малдыбекова жеті ұлдан кейін бүгін сегізінші перзенті – қыз баланы өмірге әкелді.- Үлкен ұлымыз 11 сыныпта оқиды, ал кішіміз 1 жаста. Енді, міне, отбасымыз кішкентай нәрестемен толығып жатыр. Күйеуім жүк көлігінің жүргізушісі. Қызымыздың есімін қалай қоямыз деп ақылдасып жатырмыз. Ілтипат деген ат қойсақ па деген ойымыз бар. Бізге бүгін сый-құрмет көрсетіп жатқан барша азаматтарға алғыс айтамын, - дейді Ә. Малдыбекова.Сондай-ақ бүгін облыс көлемінде барлық аудан-қалаларда аз қамтылған 100 отбасына қайырымдылық іс-шаралары көрсетілді. Еске салсақ, Қазақстан халқы Ассамблеясының құрылғанына 30 жыл толуына байланысты 70-тен астам кешенді іс-шаралар өткізу жоспарланып, сол қатарда бүгін Талдықорғандағы Достық үйінде ескерткіш тақта орнатылды. Жетісу облысы әкімінің баспасөз қызметі.Фотосуреттерді түсірген: Жұмабай Мұсабеков, Александр Склабовский, Александр Булавин.Ақпарат көзі : https://www.gov.kz/memleket/entities/zhetysu-oblysy/press/news/details/948921

Алғыс айту күнінде Достық үйі ғимаратының қабырғасына ҚХА-ның 30 жылдығына арналған «Бірлік пен келісім жолындағы 30 жыл» атты ескерткіш тақта орнатылды,- деп хабарлайды облыс әкімінің баспасөз қызметі.Салтанатты шараға облыс әкімі Серік Шәпкенов, этномәдени бірлестік өкілдері мен тұрғындар қатысты.Елімізде 30 жыл бұрын 1 наурызда Қазақстан халқы Ассамблеясы құрылды. Осы жылдар ішінде ҚХА елдегі ұлтаралық келісімді сақтауда маңызды рөл атқарып, қоғам мен мемлекет арасында диалог алаңының бірегей үлгісіне айналды.Кейін Алғыс айту күніне және Қазақстан халқы Ассамблеясының құрылғанына 30 жыл толуына орайластырылған шара өтті. Жиында Серік Шәпкенов облыстық Қазақстан халқы Ассамблеясының көрмесін аралап, кейін Мемлекет басшысы Қасым-Жомарт Тоқаевтың құттықтау хатын оқып берді.- Ассамблеяның белсенді қызметі арқылы еліміздегі барлық этностың тілін, мәдениеті мен салт-дәстүрін үйлесімді дамытуға, сондай-ақ қазақ тілінің этносаралық қатынас тілі ретіндегі мәртебесін көтеруге жол ашылды. Сіздер еліміздегі бейбітшілік пен тұрақтылықты сақтау және жалпыұлттық бірлікті нығайту үшін аянбай еңбек етесіздер деп сенемін. Жетістіктеріңіз көп болсын! Баршаңызға зор денсаулық, бақ-береке тілеймін!-делінген Құттықтау хатта.Салтанатты шара Достық үйі этномәдени бірлестіктерінің және жергілікті өнерпаздардың мерекелік концертіне ұласты.Атырау облысында 18 этномәдени бірлестік бар. Өңірде Ассамблеяның – Аналар кеңесі, Ақсақалдар кеңесі, Этномәдени бірлестіктер, Журналистер клубы, «Ассамблея жастары» РҚБ өкілдігі, Этномедиация, Ақпараттық түсіндірме тобы, «Жомарт жан» орталығы, Ғылыми-сараптамалық топ сынды құрылымдары бар.Былтыр Қазақстан халқы Ассамблеясының қоғамдық келісім мен жалпыұлттық бірлікті дамыту саласындағы мемлекеттік саясатты іске асыру жөніндегі бекітілген іс-шаралар жоспары аясында облыста 700-ден астам іс-шара өтіп, 23 мыңнан астам адам қамтылды.Ақпарат көзі : https://www.gov.kz/memleket/entities/atyrau/press/news/details/948917

Алғыс айту күніне арналған «Балалар кімге алғыс айтады» атты мерекелік шараға астаналық мектептердің оқушылары қатысуда. Балалар өздерінің видеороликтерінде ата-аналарына, ата-әжесіне, ұстаздарына, тәлімгерлеріне және достарына алғыстарын білдіреді, деп хабарлайды елорда әкімдігінің ресми сайты.Алғыс айту күні астаналық мектеп оқушыларының бірі алдымен әжесіне алғыс айтты.«Әжем маған көп жылу сыйлады, мені өсірді. Ол мен үшін ерекше жан. Әже, бәрі үшін рахмет, саған деген махаббатым шексіз», - деді астаналық оқушы.Балалар да ұстаздарына ерекше құрмет көрсетті. Бұл күні жас хор мүшесі өзінің сүйікті саласында биік шыңдарды бағындыруға көмектескен вокалдық тәлімгеріне алғысын білдірді.Осы атаулы күні мектеп оқушыларының бірі анасына алғысын білдірді.«Анашым, мен сізді қатты жақсы көремін және менің анам болғаныңыз үшін рахмет», - деді ол.Елордалық оқушылар да қиын сәтте көмекке келіп, адам өмірі үшін күресіп жүрген құтқарушыларға, дәрігерлерге, еріктілерге алғыстарын білдірді.«Біз, «Жас сарбаз» тобының атынан Төтенше жағдайлар министрлігінің қызметкерлеріне, медицина қызметкерлеріне, еріктілерге, төтенше жағдай кезінде көмек қолын созғандардың барлығына алғыс айтамыз», - дейді астаналық оқушылар. Ақпарат көзі : https://www.gov.kz/memleket/entities/astana/press/news/details/948859