Білім – кез келген мемлекеттің өркендеуінің негізгі іргетасы. Бүгінгі жастардың ғылым мен білімге деген құштарлығы – елдің ертеңін жарқын ететін басты күш. Осындай алғыр да еңбекқор жастардың бірі – Еңбекшіқазақ ауданындағы Толқын орта мектебінің оқушысы Санжар Қуандық. Ол Ұлттық бірыңғай тестілеудің (ҰБТ) наурыз айындағы сынағында ең жоғары 140 балл жинап, өзінің білім деңгейін дәлелдеді.Санжардың бұл жетістігі туған мектебінің ғана емес, бүкіл облыстың мақтанышына айналды. Осы орайда, Алматы облысының әкімі Марат Сұлтанғазиев дарынды оқушымен арнайы кездесіп, оны құттықтады. Кездесу барысында өңір басшысы білім саласындағы жаңа бастамаларға тоқталып, мектептерді жаңғырту, оқушыларға заманауи білім беру мен қауіпсіздік мәселелерінің маңыздылығын атап өтті.– Бұл жетістік – сенің табандылығыңның, ата-анаң мен ұстаздарыңның қолдауының нәтижесі. Бүгінде елімізде жастарға сапалы білім алуға барлық мүмкіндік жасалып жатыр. Осы мүмкіндікті пайдаланып, одан әрі биіктерді бағындыруға тілектеспін, – деді облыс әкімі.Санжар өз кезегінде болашақ жоспары туралы ой бөлісіп, ұстаздық жолды таңдауды мақсат еткенін жеткізді. Ол алған білімін келешек ұрпақпен бөлісуді ең үлкен миссиясы санайды.Кездесу соңында өңір басшысы жас түлекке 500 мың теңгенің сертификатын табыстап, анасы мен ұстаздарына Алғыс хат ұсынды. Мұндай қолдау – білімді жастарды ынталандырудың және олардың еңбегін бағалаудың жарқын үлгісі.Санжар Қуандықтың жетістігі – білімге ұмтылған әрбір жасқа шабыт сыйлайды. Осындай талапты, алғыр жастар көбейген сайын, еліміздің де болашағы жарқын болары сөзсіз.Ақпарат көзі : https://www.gov.kz/memleket/entities/almobl/press/news/details/966324?lang=kk

Облыстық газдандыру схемасына сәйкес облыста газды қажет ететін 284 елді мекен бар. Қазіргі уақытта оның 157-сі (55,3%) газдандырылып, 1,2 млн адам (77%) газға қол жеткізді. Облысқа табиғи газ келетін ірі магистральдық газ құбырлары: Алматы-Талдықорған, Алматы-Байсерке-Талғар, 2 желілі Алматы-Байсерке-Талғар, Байсерке-Қапшағай, Ташкент-Бішкек-Алматы, Бұхара газ құбыры, Қазақстан-Қытай және «Шелек-Кеген-Нарынкол» газ құбырлары салынып жатыр. 2023 жылы «Алматы-Байсерке-Талғар» газ құбыры салынды (АБТ газ құбырының учаскесін жою жұмыстары 2025 жылға жоспарланды). Алдағы уақытта газ құбырын «Интергаз Орталық Азия» АҚ-на беру жоспарланып отыр. 2024 жылы 17 елді мекенде құрылыс-монтаж жұмыстары аяқталды.Олар: Жамбыл ауданында – Бірлік, Ақтерек, Ақсеңгір, Көкдала, Жайсан, Б. Қыдырбекұлы, Беріктас, Дегерес, Қазыбек бек; Алатау қаласында – Жаңаарна ықшамауданы, Еңбек ықшамауданы, Талғар ауданында – Арқабай, Көктал, Қайнар, Төңкеріс; Ұйғыр ауданында – Бахар, Шарын. Осылайша, облыстың 40 мыңнан астам тұрғынының тұрмыс жағдайы жақсарды.Сондай-ақ, 18 жоба бойынша мемлекеттік сараптаманың оң қорытындысы шықты. Олар: Балқаш ауданында – Береке, Еңбекшіқазақ ауданында – Талдыбұлақ, Сатай, Қаракемер, Нұрлы, Масақ, Достық, Лавар, Қорам, Қаратұрық, Дихан, Қаражота, Шелек-Кеген-Нарынкөл, Қарасай ауданында – Қарасай, Талғар ауданында – Дәулет ауылы. Қонаев қаласы бойынша – МКД, КПР, №19, №20, «Арна», «Спутник», «Рауан» ықшам аудандары. Бұл тағы да 100 мыңнан астам тұрғынды көгілдір отынмен қамтамасыз етуге мүмкіндік береді. 2025 жылы 12 елді мекенді газбен қамту жүйесін жүргізуге бюджеттен 3,75 млрд теңге бөлінді. Олар: Балқаш ауданында – Бақанас, Ақжар, Бояулы, Миялы жаңа ықшамауданы; Жамбыл ауданында – Таңбалытас, Шилібастау, Арқарлы; Талғар ауданында – Еламан, Кіші Байсерке, Дәулет; Ұйғыр ауданында – Тасқарасу; Қарасай ауданында – Сауыншы (РБ – 250 млн теңге, МБ – 3,5 млрд теңге).Сонымен қатар, 29 жобаны дамытуға облыстық бюджеттен 1,4 млрд теңге бөлінді. Оның 673,8 млн теңгесі Қонаев қаласын кешенді дамыту жоспарына сәйкес 8 шараны жүзеге асыруға жұмсалады. Балқаш ауданында – Бура, Үшжарма, Ақкөл; Еңбекшіқазақ ауданында – Ақши, Қайрат, Балтабай, Бөлек, Аймен, Алға, Қойшыбек, Базаркелді, Космос, Қызылшарық; Талғар ауданында – Өзтерім, Нұра, Туғанбай; Іле ауданында – Құйған; Ұйғыр ауданында – Кіші Дихан, Үлкен Дихан, Қолжат, Кетпен; КПР – «Конаев 2» АГТС, «Жаңа Іле» АГТС, аталған автоматты газ тарату стансаларынан газ құбырларын жүргізу. Қонаев қаласындағы газ магистральдарын кеңейту жұмыстары.Бұл ретте 2025 жылдың соңына дейін облысты газдандыру пайызын 59,8%-ға дейін ұлғайтып, 170 елді мекенді көгілдір отынмен қамтамасыз ету жоспарланып отыр. Қалған 114 елді мекен «Алматы облысының 2030 жылға дейінгі өңірлік газдандыру схемасына» сәйкес толық қаржыландырылған соң уақытылы газдандырылады.  Ақпарат көзі : https://www.gov.kz/memleket/entities/almobl/press/news/details/965632?lang=kk

Қазақстан Республикасы Президентінің 2025 жылғы 13 ақпандағы №782 Жарлығына және облыс әкімдігінің 18 ақпандағы №47 қаулысына сәйкес, елімізде көктемгі әскерге шақыру науқаны жүзеге асуда.Биыл көктемгі әскерге шақыру аясында Алматы облысынан 1 746 жас сарбаз Қарулы күштер, Ұлттық ұлан, ҰҚК Шекара қызметі, Мемлекеттік күзет қызметі және Төтенше жағдайлар министрлігінің бөлімдеріне аттанбақ. Қазіргі таңда олардың 192-сі ҰҚК Шекара қызметіне жөнелтілді.Алматы облысының әкімі Қонаев қаласындағы облыстық жинақтау пунктіне барып, көктемгі әскерге шақыру науқанының ұйымдастырылу барысымен танысты. Өңір басшысына облыстық қорғаныс істері жөніндегі департаменттің бастығы, полковник Нұрбол Жұмашхан мен оның орынбасары Дулат Акишев шақыру жұмыстарының негізгі кезеңдері мен атқарылған шаралар жөнінде баяндама жасады.Сондай-ақ облыс әкімі «Мобилизациялық дайындықты, азаматтық және аумақтық қорғанысты қамтамасыз ету қызметі» КММ-не барып, мекеме директоры Айдын Бекбосыновтың есебін тыңдады. Одан бөлек, ТОО «Гранит» компаниясының өкілдері өз өндірістері мен әскери мақсаттағы өнімдері туралы таныстырылым жасады.Жауынгерлік қабілет – басты назарда. Өңір басшысы көктемгі шақыру науқанының маңыздылығын атап өтіп, барлық жауапты құрылымдардың үйлесімді әрі ашық жұмыс істеуін қамтамасыз етуді тапсырды.“Әскерге шақыру – тек формальды рәсім емес, бұл – еліміздің қауіпсіздігі мен қорғаныс қабілетіне тікелей әсер ететін маңызды мемлекеттік процесс. Сондықтан барлық шаралардың заң аясында, әділ және ашық өтуі маңызды. Жас сарбаздар үшін барынша жайлы жағдай жасалып, медициналық тексеру мен дайындық жоғары деңгейде жүргізілуі тиіс”, – деді облыс әкімі.Айта кетейік, көктемгі әскерге шақыру науқаны аясында болашақ сарбаздар медициналық тексеруден өтіп, әскери бөлімдерге жіберілмес бұрын тиісті дайындық шараларынан өтеді.Ақпарат көзі : https://www.gov.kz/memleket/entities/almobl/press/news/details/965559?lang=kk

Өңір экологиялық бастаманы белсенді қолдады: 2025 жылдың басынан бері жүздеген су айдыны, саябақ пен аулалар тазартылды. Сенбілікке ондаған мың тұрғын мен мыңдаған кәсіпорын өкілдері қатысты. Нәтижесінде 1,9 мың тонна қоқыс жиналып, 29,6 мың ағаш отырғызылды, сондай-ақ 13 келі түрлі ағаш тұқымы себілді.“Алматы облысы – Қазақстанның ең көркем өңірлерінің бірі. Оның тазалығы мен сұлулығын сақтау – әрқайсымыздың борышымыз. Қаншама адамның бұл іске бей-жай қарамай, өз үлесін қосқаны қуантады”, – деді акцияға қатысушылардың бірі.2025 жылдың басынан бері 1 952 көпқабатты тұрғын үй ауласы, 55 саябақ пен сквер, 254 тарихи-мәдени ескерткіш және 462 әлеуметтік нысан тазартылды. Сонымен қатар 241 өзен, көл және су қоймасының жағалауы ретке келтіріліп, жұмыстарға 956 техника тартылды.Экологиялық мәдениетті қалыптастыру мақсатында өңірде арнайы медиа-жоспар бекітілді. Соның аясында 2025 жылдың басынан бері әлеуметтік желілер мен бұқаралық ақпарат құралдарында 7 998-ден астам материал жарияланған.«Таза Қазақстан» экологиялық акциясы өңірде жалғасуда. Ұйымдастырушылар тұрғындарды тек сенбіліктерге қатысып қана қоймай, күнделікті өмірде де қоршаған ортаға жанашырлықпен қарауға шақырады.Ақпарат көзі : https://www.gov.kz/memleket/entities/almobl/press/news/details/965343?lang=kk

[20:07, 27.03.2025] Жанна: Алматы облысы, Еңбекшіқазақ ауданы, “Толқын орта мектебі” коммуналдық-мемлекеттік мекемесінің 2024-2025 оқу жылының түлегі Қуандық Санжар Ғалымжанұлы “Наурыз” ҰБТ-да ең жоғары 140/140 балл жинап, үздік нәтижеге қол жеткізді.«Бұл – үлкен еңбектің, талмай ізденістің және сапалы білімнің жемісі. Санжардың жетістігі ұстаздары мен ата-анасының қолдауының, жүйелі дайындықтың айқын көрінісі. Осы орайда, білімге деген ұмтылысы мен табандылығы үшін Қуандық Санжар Ғалымжанұлын шын жүректен құттықтаймыз! Алдағы оқуында да сәттілік серік болып, болашақта ел дамуына өз үлесін қосатынына сеніміміз мол.“Толқын орта мектебінің” ұжымы мен түлектің ата-аналары да бұл жетістікке ерекше қуанып, шәкірттерінің биік белесте…[20:20, 27.03.2025] Жанна: Еңбекшіқазақ ауданының түлегі ҰБТ-дан 140 балл жинадыАлматы облысы, Еңбекшіқазақ ауданы, “Толқын орта мектебі” коммуналдық мемлекеттік мекемесінің 2024-2025 оқу жылының түлегі Қуандық Санжар Ғалымжанұлы “Наурыз” ҰБТ-да ең жоғары 140 балл жинап, үздік нәтиже көрсетті.«Бұл – үлкен еңбектің, талмай ізденістің және сапалы білімнің жемісі. Санжардың жетістігі – ұстаздары мен ата-анасының қолдауының, жүйелі дайындықтың айқын көрінісі. Осы орайда, білімге деген ұмтылысы мен табандылығы үшін Қуандық Санжар Ғалымжанұлын шын жүректен құттықтаймыз! Алдағы оқуында да сәттілік серік болып, болашақта ел дамуына өз үлесін қосатынына сеніміміз мол», – деді облыс әкімі Марат Сұлтанғазиев.“Толқын орта мектебінің” ұжымы мен түлектің ата-аналары да бұл жетістікке ерекше қуанып, шәкірттерінің биік белестерді бағындыра беруіне тілектестік білдірді.Айта кетейік, биылғы “Наурыз” ҰБТ-сы жоғары бәсекелестік жағдайында өтіп, талапкерлерге білімдерін дәлелдеуге мүмкіндік берді. Қуандық Санжар Ғалымжанұлының жетістігі – жастарға үлгі боларлық жарқын нәтиже.Ақпарат көзі : https://www.gov.kz/memleket/entities/almobl/press/news/details/964289?lang=kk

Алматы облысының әкімі Марат Султангазиев Жамбыл ауданының Үлкен ауылына жұмыс сапарымен барды. Сапар барысында өңір басшысы негізгі әлеуметтік және инфрақұрылымдық нысандарды аралап, жергілікті тұрғындармен кездесіп, АЭС жобасын жүзеге асыруға байланысты ауылды дамыту мүмкіндіктерін талқылады.Сапардың маңызды бөлігі – Қазақстандағы алғашқы атом электр станциясын салу жоспарланған аумақпен танысу болды. Жамбыл ауданының әкімі Нұрлан Ертастың сүйемелдеуімен өңір басшысы жер телімінің сипаттамаларын зерттеп, стратегиялық жобаны іске асыру перспективаларын талқылады.АЭС құрылысы мен оның одан әрі пайдаланылуын қажетті ресурстармен және қызметтермен қамтамасыз ету үшін облыс әкімі Индустриалды аймақ құруды тапсырды. Бұл аймақ қосалқы және ілеспе бизнестерді, сондай-ақ кәсіпорындар мен әлеуметтік нысандарды ұйымдастыруға мүмкіндік береді, сонымен қатар мамандар мен жұмысшылар үшін қолайлы жағдай жасайды.Әкім ауыз сумен қамтамасыз ету мәселесіне ерекше назар аударды. Су алу торабын қарап шыққан соң, өңір басшысы үздіксіз сумен жабдықтаудың маңыздылығын атап өтті. «Жамбыл Су» ШЖҚ МКК директоры Алмас Кемельбеков жүйені жаңғырту жұмыстарының барысы туралы баяндап, бұл процестің жергілікті билік тарапынан тұрақты бақылауда екенін жеткізді.Сондай-ақ жол инфрақұрылымын жаңғырту мәселесі талқыланды. Облыс әкімі су құбырлары желілерін кешенді жаңарту жұмыстарын жүргізіп, жол сапасын жақсартуды тапсырды. Бұл ауыл тұрғындарының өмір сүру деңгейін көтеруге ықпал етеді.Сапар аясында өңір басшысы «Абылхайыр» ЖШС балық өңдеу зауытына барды. Кәсіпорын директоры Руслан Мурзалиевтің айтуынша, зауыт жылына бірнеше тонна балық өңдеп, көксерке филе өндіру қуаттылығы 770 тоннаны құрайды.«Ауыл шаруашылығын дамыту – біздің басты міндеттеріміздің бірі. Мұндай кәсіпорындар жаңа жұмыс орындарын ашып, экономикалық өсімге ықпал етеді», – деп атап өтті Марат Султангазиев.Сонымен қатар, өңір басшысы ауылдық амбулатория құрылысының барысымен танысты. Облыстық құрылыс басқармасының басшысы Мұғамедғарип Құрманғалиев жобаның қазіргі жағдайы туралы баяндады.Бұрынғы балабақша ғимаратын қайта пайдалану мәселесі де көтерілді. Жамбыл ауданының әкімі Нұрлан Ертас жергілікті билік бұл нысанды тиімді қолданудың әртүрлі нұсқаларын қарастырып жатқанын айтты.Облыс әкімінің орынбасары Әсет Масабаевқа ауылдағы ғимараттардың жағдайына кешенді тексеру жүргізіп, қажетті жөндеу жұмыстарын ұйымдастыру тапсырылды.Үлкен ауылында 1200 пәтер бар, оның 600-іне тұрғындар қоныстанған, ал 500 пәтерге қайта қоныстандыру жоспарлануда. Сапар қорытындысы бойынша өңір басшысы бұл мәселені жан-жақты қарастыруды тапсырды.Туризмді дамытуға да ерекше көңіл бөлінді. Атап айтқанда, жағалау аумақтарын абаттандыру жоспарланып отыр. Бұл өңірдің туристік әлеуетін арттырып, қосымша инвесторларды тартуға мүмкіндік береді.Жергілікті тұрғындармен кездесуде жылу, су және электрмен қамтамасыз ету, сондай-ақ абаттандыру мәселелері талқыланды.«Біз халықтың ұсыныстарын ескеріп, ауылды дамытуға бағытталған жобаларды жүзеге асыру үшін бар күшімізді саламыз. Сапалы инфрақұрылым мен әлеуметтік нысандар – тұрғындардың әл-ауқатын арттырудың негізгі факторлары», – деп атап өтті облыс әкімі.Жұмыс сапарының қорытындысы бойынша Марат Султангазиев жергілікті билікке Үлкен ауылын дамыту бойынша жұмысты күшейтуді тапсырды және көтерілген барлық мәселелердің өзінің жеке бақылауында болатынын жеткізді.Ақпарат көзі : https://www.gov.kz/memleket/entities/almobl/press/news/details/963131?lang=kk

Жоспарланған егістік алқабы шамамен 20 мың гектарды құрайды. Оның ішінде шамамен 50%-ы дәнді дақылдарға, 1800 гектарға жуығы майлы дақылдарға, 700 гектарға жуығы картопқа, 900 гектардан астамы көкөніс дақылдарына, 100 гектары бақтарға, ал мал азығы дақылдарына шамамен 5700 гектар бөлінген.Биылғы жылдың наурыз айынан бастап алқаптарда 12 мың гектар аумақта тырмалау және ылғал сақтау шаралары жүргізіледі. Жер жыртуға 7400 гектарға жуық жер бөлінсе, себу алдындағы өңдеу 13 мың гектардан астам аумақта жоспарланған.Күздік дәнді дақылдар шамамен 3 мың гектарды алып жатыр және олардың жағдайы қанағаттанарлық. Көктемгі науқанды жүргізу үшін аграршылар 600-ден астам трактордан тұратын ауыл шаруашылығы техникасын дайындады, оған тіркемелер, соқалар, культиваторлар, сепкіштер және басқа да жабдықтар кіреді. Шаруашылықтарда 18 млн теңге тұратын екі жаңа трактор іске қосылды, сондай-ақ Lovol маркалы төрт техниканы лизингке алу рәсімделуде.Өткен жылы аудан ауыл шаруашылығы техникасын жаңартты: жалпы құны 500 млн теңгеден асатын 47 техника сатып алынды. Биылғы маусымда 12 шаруашылық шамамен 800 тонна дизель отынына сұраныс берді, бұл ретте «Петрофон» компаниясымен тиісті келісімдер жасалып жатыр.Фермерлер 860 тоннадан астам минералды тыңайтқыштарға тапсырыс берді, жеткізушілер «ҚазАзот», «ҚазФосфат», «АгроМарт» және «Әлем Агро» компанияларымен келісімшарттар жасалды. «Кеңдала» жеңілдетілген несиелеу бағдарламасы аясында ірі және шағын фермерлік шаруашылықтар 211 млн теңгеден астам сомаға өтінімдер тапсырды.Талғар ауданында суару жүйесіне ерекше назар аударылады. Негізгі су жеткізушілер – жергілікті су шаруашылығы өндірістік басқармасы және Д.Қонаев атындағы Үлкен Алматы каналы. Өткен жылы үш каналдың қайта құру жұмыстарына 1 млрд теңгеден астам қаражат бөлінді.Биылғы жылдың ақпан айында өткен ауыл шаруашылығы оқулары аясында егістік науқанына дайындық және заманауи технологияларды, әсіресе су үнемдеу саласындағы технологияларды енгізу мәселелері талқыланды. Қазіргі уақытта 22,6 мың гектар суармалы жердің 4,6 мың гектары заманауи технологиялармен жабдықталған, алдағы жылдары бұл аумақ айтарлықтай ұлғайтылмақ.«Нұрбеков» фермерлік шаруашылығы «Спецконструкция» компаниясымен алдыңғы қатарлы суару жүйелерін орнату жөнінде келісім жасады. Басқа шаруашылықтар да су үнемдеу технологияларын кеңейту мақсатында жаңғырту бағдарламасына қосылуда.Ақпарат көзі : https://www.gov.kz/memleket/entities/almobl/press/news/details/962845?lang=kk

Наурыз – табиғаттың жаңару, жаңғыру кезеңі, адамдардың бірлігі мен ынтымағының мерекесі. Бұл ежелден келе жатқан мейрам Мемлекет басшысы Қасым-Жомарт Кемелұлы Тоқаевтың бастамасымен былтырдан бастап жаңа форматта тойлануда. Он күнге созылатын «Наурызнама» тұжырымдамасы бұл мейрамға терең мағына беріп, оның ұлттық мәнін арттыра түсті.Бүгін, 23 наурыз – Тазару күні, қоршаған ортаның тазалығына және адамның ішкі жан дүниесінің үйлесімділігіне арналады. Бұл күні еліміздің түкпір-түкпірінде сенбіліктер, экологиялық акциялар мен табиғатты қорғау шаралары өтуде.Бұл игі бастамадан облыс орталығы – Қонаев қаласының тұрғындары да шет қалмады. Белсенділердің, қоғамдық ұйымдардың және мекеме қызметкерлерінің бастамасымен кең ауқымды санитарлық тазарту акциясы ұйымдастырылды. Іс-шараға 100-ден астам адам қатысып, 10 тоннаға жуық қоқыс жиналды. Акция барысында «Жасыл қала Қонаев» ұйымы басшысының орынбасары Асхат Сарсембекұлы мұндай бастамалардың тек тазалықты сақтауға ғана емес, қоғамда қоршаған ортаға деген жауапкершілікті қалыптастыруға да септігін тигізетінін атап өтті.Облыс көлемінде өткен акцияның нәтижелері:•7635 адам сенбілікке қатысты;•152,5 тонна қоқыс шығарылды;•21 арнайы техника жұмылдырылды;•1040 ағаш отырғызылды.Бұл көрсеткіштер тұрғындар мен қоғамдық ұйымдардың бірлескен күш-жігері айналамызды таза әрі көрікті ете алатынын айқын дәлелдейді. Тазару күні табиғатқа деген жанашырлықтың маңыздылығын еске салады. Өйткені ауламыздың, көшелеріміздің, саябақтарымыздың тазалығы – тек жайлылықтың ғана емес, қоғам мәдениетінің де көрсеткіші. Наурыз әр шаңыраққа татулық, жақсылық пен амандық әкелсін!Ақпарат көзі : https://www.gov.kz/memleket/entities/almobl/press/news/details/962221?lang=kk

2025 жылғы 22 наурызда Қапшағай су қоймасының жағалауына 22 000 қарағай көшеті отырғызылды.Қазақстанда экожүйені қалпына келтіру және аумақтарды көгалдандыру жұмыстары белсенді түрде жүргізілуде. Осы бағыттағы маңызды қадамдардың бірі – 2025 жылғы 22 наурызда өткен ауқымды экологиялық акция. Жеке инвестициялар есебінен жүзеге асырылған жоба өңірдегі экологиялық жағдайды жақсартуға, табиғи тепе-теңдікті қалпына келтіруге, ауа сапасын арттыруға және биоалуантүрлілікті сақтауға бағытталған. Көшеттер алғашқы сорғы станциясы маңында отырғызылды, болашақта бұл аумақта нағыз қарағайлы орман пайда болады.Іс-шараға 200-ге жуық ерікті қатысты, олардың қатарында бизнес өкілдері, қоғамдық ұйымдар және жергілікті тұрғындар бар. Барлығы ортақ мақсат – өңірдің табиғи қорғаны бола алатын жасанды орман алқабын құру үшін жұмылды.Бұл бастама халықаралық климаттық күн тәртібіне және БҰҰ-ның Қоршаған орта жөніндегі бағдарламасына (UNEP) толық сәйкес келеді. Қарағайлы орманның қалыптасуы жасыл инфрақұрылымды дамытуға үлес қосып, азаматтық қоғам, бизнес және мемлекет арасындағы экологиялық мәселелерді шешудегі тиімді ынтымақтастықтың жарқын үлгісі болмақ.Қапшағай қарағайлы орманы – бұл жай ғана орман емес, болашақ ұрпаққа қамқорлықтың белгісі және қоршаған ортаны жақсарту үшін бірлескен күш-жігердің айқын көрінісі.Ақпарат көзі : https://www.gov.kz/memleket/entities/almobl/press/news/details/962220?lang=kk

Аталған шара “Халықаралық құстар күніне” орай, Қонаев қаласының көпсалалы колледжінің базасында ұйымдастырылды.Табиғи ресурстар және табиғатты пайдалануды реттеу басқармасына қарасты Орман шаруашылықтарының қолдауымен колледж студенттері өз қолдарымен 1000 торғай ұясын жасап, оларды мектеп оқушыларына табыстап, ал мектеп оқушылары болса өздерінің білім беру мекемелерінің аумағына орналастырды.Бұл құстарға жаңа әрі қауіпсіз ұя салатын орындар қалыптастыруға мүмкіндік берумен ғана қоймай, өңірдің экожүйесін сақтауға да жастардың зор үлесін қосуы деп танысақ қателеспейміз.Ұйымдастырушылардың пікірінше, табиғатты қорғау балалық шақтан қалыптасады, ал табиғатқа қамқорлық – болашаққа жасалған инвестиция.Бұл эко-акция облыстың барлық аудандарында да өз жалғасын табатын болады.Ақпарат көзі : https://www.gov.kz/memleket/entities/almobl/press/news/details/959903?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен экономикалық өсімді қамтамасыз ету жөніндегі штабтың кезекті отырысында ТКШ саласы мен халық ең тығыз қоныстанған Алматы және Түркістан облыстарының инвестициялық көрсеткіштері қаралды.Биыл Өнеркәсіп және құрылыс министрлігі мен өңірлердің алдында елімізде кемінде 19 млн шаршы метр тұрғын үй салу міндеті тұр. Штаб отырысында 2025 жылдың алғашқы екі айында Қазақстанда 1,9 млн шаршы метр тұрғын үй пайдалануға берілгені айтылды. Бұл 2024 жылдың қаңтар-ақпан айларымен салыстырғанда 6,8%-ға төмен. Оның ішінде 1,2 млн шаршы метрі – көппәтерлі тұрғын үйлер, ал 713 мың шаршы метрі – жеке үйлер. Өнеркәсіп және құрылыс министрлігі Құрылыс және ТКШ істері комитеті төрағасының орынбасары Қанат Мыңбаевтың айтуынша, құрылыс қарқынының төмендеуі маусымдық жағдайларға байланысты, дегенмен күн жылынысымен бұл көрсеткіштер қайта қалпына келеді. Алматы облысында 2024 жылы негізгі капиталға салынған инвестиция көлемі 980 млрд теңгені (80% жеке, 20% бюджеттік) құраса, 2025 жылға қойылған KPI – 1,35 трлн теңге. Алдын ала мәліметтер бойынша, 2024 жылы тікелей шетелдік инвестиция көлемі $541 млн-ға жетеді, 2025 жылы KPI – $532 млн. Биылғы екі айда 89 млрд теңге инвестиция тартылды, бұл өткен жылдың сәйкес кезеңімен салыстырғанда 16%-ға артық. Инвестициялардың негізгі үлесі – бюджеттен тыс қаражат. Өңірде ең тартымды инвестициялық салалар – өнеркәсіп (32%), жылжымайтын мүлік (22%), көлік және қоймалау (16%), білім беру (17%).Қазіргі уақытта облыстың инвестициялық портфелі 57 мың жұмыс орнын ашатын 6,3 трлн теңге сомасындағы 200 жобаны құрайды. 2025 жылы осы жобалардың 35-і іске қосылып, 303 млрд теңгеге 4,8 мың жаңа жұмыс орны ашылады. Штаб отырысында Алматы облысының әкімі Марат Сұлтанғазиев инвестициялық жобалардың жүзеге асуын тежейтін бірқатар мәселелерді көтерді. Солардың бірі – Алатау қаласының бас жоспарын түзетуге байланысты. Бес жоба іске асырудың белсенді кезеңіне өтсе де, 11 жоба жобалау және құрылыс жүргізуге қажетті рұқсат құжаттарын ала алмай отыр. Вице-премьер ӨҚМ-ге бұл мәселені жақын арада шешуді тапсырды.Тағы бір жоба – балық шаруашылығы кешенінің құрылысы – инвестициялық субсидиялар бойынша лимиттердің қысқаруына байланысты өндірістік қуаттарды кеңейтудің одан әрі кезеңдерін тежеді. Қуаттылығы 1 мың тонна, ал құны 9,5 млрд теңгені құрайтын 1-кезең іске қосылғаннан кейін, қалған 70 млрд теңгені құрайтын 9 кезең инвестицияларды мемлекет тарапынан әрі қарай өтеуге қатысты белгісіздікке байланысты тоқтатылды. Премьер-министрдің орынбасары АШМ-ге инвестор кешеннің құрылысын жалғастыра алуы үшін балық өнімдері жобасындағы лимиттерді қайта қарауды тапсырды.Сондай-ақ отырыста жер учаскелерін бөлу, инфрақұрылымды жүргізу, Алматы облысының бірқатар туристік нысандарына жол салу мәселелері қаралды. Түркістан облысы кластерлік үлгіде дамып келеді. Қазіргі уақытта өңірде үш ірі кластер құрылған: мақта-мата (5 жоба, 197 млрд теңге), жүгері (2030 жылға дейін жүгері өсіру көлемін 30%-ға арттыру және крахмал-потокасы зауытын іске қосу) және ет өндірісі (5 жоба, 43 млрд теңге). Жалпы, 2024-2027 жылдарға арналған инвестициялық жобалар портфелінің құны 2,5 трлн теңгені құрайтын 145 жобаны қамтиды. Бұл жобалар аясында 20,3 мың жаңа жұмыс орны ашылып, бюджетке 100 млрд теңге қосымша салық түсімі күтілуде. 2024 жылы 137 млрд теңгеге 57 жоба іске асырылып, 2,2 мыңнан астам жаңа жұмыс орны ашылды. 2025 жылы тағы 57 жоба 322 млрд теңгеге іске қосылып, 6,9 мың жаңа жұмыс орны ашылады. Тек ауыл шаруашылығы саласында 68 жоба жүзеге асырылып, 423,7 млрд теңге инвестиция тартылады, нәтижесінде 9,2 мыңнан астам жаңа жұмыс орны ашылады деп күтілуде. Штаб отырысының қорытындысы бойынша Серік Жұманғарин барлық өңірлерге жергілікті бюджеттен инвестициялық жобаларға қаржы бөлуді уақытылы қамтамасыз етуді тапсырды. Ал республикалық бюджеттен қарастырылған трансферттер белгіленген мерзімде бөлінетін болады.«Биыл Үкімет әлеуметтік-экономикалық өсу болжамдарымен салыстырғанда экономикалық өсу индикаторларын ұлғайту міндетін қойып отыр. Бұл үшін біз «Бәйтерек» холдингі арқылы ірі бизнес пен ШОБ-ты 8 трлн теңгеге несиелендіруге 1 трлн теңге бағыттаймыз. Ең басты назар – ЖҚҚ беретін қайта өңдеу жобаларына аударылады. Ұлттық экономика министрлігі әрбір өңір үшін экономикалық өсім индексінің салалық декомпозициясын жасады, ал ӨҚМ жақын арада тұрғын үй құрылысының 19 млн шаршы метр көлеміне қол жеткізу бойынша ұқсас схеманы ұсынады. Барлық қойылған индикаторлар белгіленген мерзімде орындалуы тиіс», — деп атап өтті Серік Жұманғарин.primeminister.kzАқпарат көзі : https://www.gov.kz/memleket/entities/almobl/press/news/details/957014

Жыл басынан бері өңірде 7 558 ит пен 29 мысық ұсталды. Алайда олардың ішінде тек 82 ит қана иелеріне қайтарылды, бұл жануарларды қараусыз ұстаудың кең таралғанын көрсетеді. Жануарларды ұстау ережелерін бұзғандарға 3,1 миллион теңге көлемінде айыппұл салынды – әкімшілік шаралар 133 иеге қолданылды.Соңғы оқиғалардың бірі – Құмтоған ауылында болған жағдай. Мұнда қаңғыбас иттер үй жануарына шабуыл жасаған. Ветеринариялық қызметтер жедел жетіп, 9 итті ұстады. Жараланған жануарға көмек көрсетілді, ал бұл аумақ бақылауға алынды. Мұндай жоспарлы рейдтер өңірдің басқа елді мекендерінде де жалғасады.Мамандар тек айыппұлмен мәселені шешу мүмкін еместігін атап өтеді. Өңірде иттерді міндетті түрде чиптеу, стерилизациялау және үй жануарларын ұстау талаптарын қатаңдату шаралары қарастырылуда. Жануар иелерін жауапкершілікке шақырады, өйткені қаңғыбас иттер тек қауіп төндіріп қана қоймай, оларды ұстау мен жоюға миллиондаған қаржы жұмсалады.Ақпарат көзі : https://www.gov.kz/memleket/entities/almobl/press/news/details/955983

2025 жылғы 1 наурыздағы жағдай бойынша "Ұлттық қор - балаларға" бағдарламасы іске қосылған 2024 жылдың 1 ақпанынан бастап "БЖЗҚ" АҚ (бұдан әрі – БЖЗҚ, Қор) 8 млн аса АҚШ долларына 75 329 өтініш орындады (өтініш берушілердің банктік шоттарына аудару үшін уәкілетті операторларға аударылды). Оның ішінде тұрғын үй жағдайларын жақсарту мақсатында 4,65 млн астам АҚШ долларына 43 781 өтініш, білім алу ақысын төлеу үшін шамамен 3,35 млн АҚШ долларына 31 548 өтініш орындалды. Естеріңізге сала кетейік, нысаналы жинақтарды алушы барлық соманы немесе оның бір бөлігін пайдалануға құқылы, ақшаның пайдаланылмаған қалдығы нысаналы жинақтау шотында (НЖШ) қала береді.Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыру (4,53 млн аса АҚШ долларына 42 622 өтініш орындалды), тұрғын үй сатып алуға ипотекалық тұрғын үй қарызын алу үшін бастапқы жарнаны енгізу – 37,44 мыңнан аса АҚШ долларына 362 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 32,81 мыңнан аса АҚШ долларына 325 өтініш. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (2,88 млн аса АҚШ долларына 27 020 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (354,24 мыңнан аса АҚШ долларына 3 421 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (99,78 мыңнан аса АҚШ долларына 971 өтініш орындалды). Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады.Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға ағымдағы жылы 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағы 100,52 АҚШ долларына тең болса, 2007 жылы туған баланың НЖШ-да 232,94 АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады.kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM сілтемесі бойынша көруге болады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/955146

Зейнетақы жинақтарының кесте бойынша төлеміне кімдер құқылы?Қазақстан Республикасының Әлеуметтік кодексіне сәйкес «БЖЗҚ» АҚ-дан (бұдан әрі – Қор, БЖЗҚ) белгіленген кесте бойынша ай сайынғы зейнетақы төлемдері зейнет жасына толған (ерлер – 63 жас, әйелдер-61 жас), сондай-ақ 1 немесе 2 топ мүгедектігі мерзімсіз уақытқа белгіленген, БЖЗҚ-да зейнетақы жинақтары бар адамдарға Қазақстан Республикасының Үкіметі айқындайтын тәртіппен жүзеге асырылады. Кесте бойынша төлемдер қалай есептеледі?Кесте бойынша берілетін төлемдер былай есептеледі: зейнетақы төлемін ала бастайтын алғашқы жылы зейнетақы жинақтарының сомасы зейнетақы жинақтарының 6,5% төлем мөлшерлемесіне көбейтіліп, 12-ге бөлінеді. Одан кейінгі жылдары ай сайынғы зейнетақы төлемінің мөлшері зейнетақы төлемдерін индекстеудің 5% мөлшерлемесіне ұлғайып отырады. Бұл ретте БЖЗҚ-дан берілетін ай сайынғы зейнетақы төлемінің мөлшері республикалық бюджет туралы заңда тиісті қаржы жылына белгіленген ең төменгі күнкөріс деңгейінің (бұдан әрі - ЕТК) кемінде 70% мөлшерінде жүзеге асырылады (2025 жылы ЕТК деңгейі - 46 228 теңге).Мерзімсіз уақытқа белгіленген 1 немесе 2 топтағы мүгедектігі бар адамдар, сондай-ақ зиянды және қауіпті өндірістерде жұмыс істеп, зейнет жасына толған, олардың пайдасына жиынтығында кем дегенде алпыс ай міндетті кәсіптік зейнетақы жарналары төленген адамдар сияқты белгілі бір санаттағы алушылар үшін Әдістемеде ай сайынғы зейнетақы төлемінің мөлшерін арттыратын түзету коэффициенттері көзделген. Жоғарыда көрсетілген шарттардың біреуінен артығын қанағаттандыратын адамдар үшін ең үлкен мәнге ие түзету коэффициенті қолданылады. Егер БЖЗҚ-дан төлем жасалған күндегі зейнетақы жинақтарының сомасы республикалық бюджет туралы заңда тиісті қаржы жылына арналған белгіленген ең төменгі зейнетақының он екі еселенген мөлшерінен аспаса (2025 жылы 753 252 теңге = 62 771х12), төлем бір рет бірақ беріледі. БЖЗҚ-дан берілетін зейнетақы төлемдерін алу үшін қайда және қашан жүгінуге болады? БЖЗҚ-дан зейнет жасына толуға байланысты зейнетақы жарналарының міндетті түрлері есебінен зейнетақы төлемдерін тағайындау, сондай-ақ мемлекеттік бюджеттен базалық және ортақ зейнетақы тағайындау үшін алушылар тұрғылықты жері бойынша "Азаматтарға арналған үкімет" мемлекеттік корпорациясына (ХҚКО) уақытылы жүгінуі қажет. Мұны зейнет жасына толғанға дейінгі 10 күн бұрын жасау керек. Зейнетақы төлемдерінің барлық түрлері өтініш берілген күннен бастап жүргізіледі. Бұл ретте өтініш берілген күн болып, өтініштің және қажетті құжаттардың ХҚКО-да тіркелген күні есептеледі. Егер алушы зейнет жасына толғанға дейін, ертерек жүгінген болса - зейнет жасына толған күн өтініш берілген күн болып есептеледі. Әсіресе, бюджеттен төлемдер алу үшін уақытылы жүгінген аса маңызды, себебі оны тағайындау үшін алушы ұсынған құжаттар негізінде еңбек өтілін тексеру қажет. Бұған қоса, телефон нөмірлері еgov мобильді азаматтар базасында тіркелген болашақ зейнеткерлерге (әлеуетті алушыларға) зейнет жасына толғанға дейін 2 ай қалғанда 1414 нөмірінен зейнетақы төлемдерін тағайындау жөніндегі қызметтерді алу үшін Мемлекеттік корпорацияның жақын жердегі бөлімшесіне уақытылы жүгіну мүмкіндігі туралы SMS-хабарлама жіберілетініне назар аударамыз. Онда egov.kz сайтындағы қажетті құжаттар тізіміне сілтеме беріледі. Яғни, мемлекеттік органдар зейнетақы төлемдерін белгіленген мерзімде ресімдеу үшін тиісті хабарламалар жібереді. Себебі, өткізіп алған кезең үшін төлемдер тағайындалмайды. Сонымен қатар, БЖЗҚ-дан зейнетақы төлемдерін жүзеге асыру бойынша проактивті қызмет көрсету мақсатында зейнет жасына толған, Қорда зейнетақы жинақтары бар, бірақ төлем алуға өтініш білдірмеген тұлғалар бойынша БЖЗҚ Мемлекеттік корпорациямен бірлесіп, осындай азаматтарда жасына байланысты тағайындалған зейнетақы төлемдерінің және бюджет қаражаты есебінен мемлекеттік базалық зейнетақы төлемдерінің бар-жоқтығын жыл сайын салыстырып, тексеру жұмыстарын жүргізеді. Жыл сайынғы салыстыру нәтижелері бойынша бюджет қаражаты есебінен тағайындалған зейнетақы төлемдері бар адамдар анықталған кезде БЖЗҚ Мемлекеттік корпорациямен жасалған тиісті келісім шеңберінде оларға зейнетақы төлемдерін өтінішсіз-ақ аударады. Мерзімсіз уақытқа бірінші немесе екінші топтағы мүгедектіктің белгіленуіне байланысты төлем алу үшін БЖЗҚ бөлімшелеріне не электрондық цифрлық қолтаңбаны пайдаланып БЖЗҚ сайтындағы (enpf.kz) немесе БЖЗҚ ұялы қосымшасындағы жеке кабинет арқылы жүгіну қажет. БЖЗҚ-да мерзімсіз белгіленген бірінші немесе екінші топтағы мүгедектігі бар адамдар үшін барып көрсетілетін қызмет ұйымдастырылғанына назар аударыңыз. Бұл ретте алдын ала кеңес беру, оның ішінде қызметтерді қашықтан, ешқайда шықпай-ақ алу мүмкіндігіне тексеру жүргізіледі. Атап кеткен жөн, БЖЗҚ-дан берілетін зейнетақы төлемдері зейнетақы жинақтары таусылғанға дейін жүзеге асырылады. enpf.kz сайтындағы «Қызметтер – Зейнетақы төлемдері – Кесте бойынша төлемдер» бөлімінде зейнетақы төлемдеріне, оларды беру тәсіліне, оларды ресімдеуге қойылатын талаптарға, өтініш бланкілеріне және оларды толтыру үлгілеріне, сенімхат үлгісіне байланысты қажетті құжаттардың тізбесі орналастырылған. «Онлайн қызметтер» бөлімінде БЖЗҚ-дан берілетін зейнетақы төлемдеріне жіберілетін құжаттарды алдын ала тексеру мүмкіндігі бар. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, Twitter, Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/954872

Алматы облысында 8 наурыз – Халықаралық әйелдер күніне орай түрлі салада табысты еңбек етіп жүрген нәзік жандыларға құрмет көрсетілді.Салтанатты жиында өңір басшысы Марат Сұлтанғазиев ел дамуына үлес қосып жүрген әйелдердің қоғамдағы маңызын атап өтті. “Бұл күн – сіздердің мейірімдеріңіз бен ақыл-парасаттарыңызға, қажырлы еңбектеріңіз бен қайсарлықтарыңызға деген ерекше құрметтің белгісі. Сіздер – отбасының тірегі ғана емес, елдің өркендеуіне сүбелі үлес қосып жүрген белсенді мамандарсыздар. Бүгінде облыста басқару саласында еңбек ететін әйелдердің үлесі – 27 пайыз, ал мемлекеттік қызметтегі нәзік жандылар – 58 пайызды құрайды. Сонымен қатар, 52 мыңнан астам көпбалалы аналарымыздың 18 мыңы «Алтын алқа» және «Күміс алқа» иегері.Аналарымыз бен әжелеріміз жас ұрпаққа ізгілік пен адамгершіліктің үлгісін көрсетіп, еңбекқорлық пен білімге құштарлыққа тәрбиелеуде”, – деді облыс әкімі. Мерекелік жиында әртүрлі салада үздік жетістікке жеткен әйелдер «Құрмет» орденімен, «Ерен еңбегі үшін» медалімен, «Шапағат» медалімен, сондай-ақ Қазақстан Республикасы Президентінің құттықтау хатымен, Алматы облысының Құрмет грамотасымен және Алғыс хатымен марапатталды.Қарапайым еңбек – үлкен құрмет Марапатталғандардың қатарында энергетика, әлеуметтік қызмет, денсаулық сақтау, білім беру, өндіріс, спорт және төтенше жағдайлар саласында еңбек етіп жүрген жандар бар. Олардың арасында кітапхана директоры, өрт сөндіруші, киім фабрикасының технологы, наубайшы, электромонтер, мұғалім және жаттықтырушы секілді түрлі мамандық иелері бар. Бұл – қарапайым еңбектің елеусіз қалмайтынын және олардың еңбегі лайықты бағаланатынын білдіреді. Алматы облысында жұмысшы мамандықтарын дәріптеу, еңбек адамының мәртебесін көтеру бағытындағы шаралар алдағы уақытта да жалғасын таппақ.“Еңбек ер атандырады” демекші, қажырлы еңбегімен елге үлгі болған арулар әрдайым құрметке лайық!Ақпарат көзі : https://www.gov.kz/memleket/entities/almobl/press/news/details/953374

Биыл аймақтағы егістік алқаптарының көлемі 427,7 мың гектарға жеткізілетін болады, бұл 2024 жылмен салыстырғанда 3,8 мың гектарға көп. Негізгі өсім дәнді және жем-шөп дақылдарына тиесілі. Көктемгі жер жырту және ылғал жабу жұмыстары 357,2 мың гектар аумақта жоспарланған. Өсімдік шаруашылығы саласын қолдауға биыл жергілікті бюджеттен 3,4 млрд. теңге қаражат бөлінді. Қаражат тұқым шаруашылығын дамытуға, басым дақылдарды қолдауға және тыңайтқыштарды субсидиялауға бағытталады. Суармалы су құнын арзандатуға 750 млн теңге бөлінді.Сонымен қатар, «Кең дала» бағдарламасы аясында аграршыларға 15,7 млрд теңге жеңілдетілген несие бөлінді, бүгінде «Аграрлық Несие Корпорациясы» АҚ-на 1,3 млрд. теңгеге 36 шаруашылық өтінімін өткізген. Қазіргі уақытта Алматы облысында көктемгі егіс жұмыстарына дайындық қызу жүріп жатыр, фермерлер қажетті тұқым қорымен қамтылған. Жеңілдетілген бағамен, яғни литрі 250 теңгеден 4 650 тонна дизель отыны бөлінді, мұнай базаларынан алу 20 наурызда басталады.-«Облыста 16,0 мың тонна минералды тыңайтқыш алынып, қосымша 77 шаруашылық «ҚазАзот» АҚ-мен 1334 тонна тыңайтқышқа келісім-шартқа отырған (Еңбекшіқазақ – 53 шаруашылық 1097 тонннаға, Ұйғыр – 22 шаруашылық 164 тоннаға, Іле – 2 шаруашылық 73 тоннаға). Жалпы биыл минералды тыңайтқышты қолдану көлемі 25%-ға ұлғайып, 60,8 мың тоннаға жеткізу жоспарлануда. Біз ауыл шаруашылығы жерлерін тиімді пайдалануға күш салудамыз. Бұл топырақ құнарлылығын сақтай отырып, өнімділікті арттыруға мүмкіндік береді», – деді Алматы облысының әкімі Марат Сұлтанғазиев.Ауыл шаруашылығы техникасын жаңарту маңызды мәселе болып қала бермек. Қазіргі таңда облыстағы техниканың 58%-ы 25 жылдан астам уақыт бойы пайдаланылып келеді. Осыған байланысты, биыл 665 жаңа ауыл шаруашылығы техникасын лизингке алу көзделуде. Фермерлер үшін қолайлы жағдай жасау басты мақсаттардың бірі болып табылады.Су үнемдеу технологияларын енгізу қарқыны төмен. 2024 жылы жоспарланған 70,5 мың гектардың орнына тек 43,6 мың гектарға ғана енгізілді. 2025 жылы бұл көрсеткішті 93,6 мың гектарға жеткізу және жобалардың орындалуын қатаң бақылау жоспарланып отыр. Бақылауды күшейтіп, аграршыларға судың тапшылығын еңсеруге көмектесу үшін қосымша қаражат бөлінді.2024 жылы облыстың ауыл шаруашылығына құйылған инвестициялар көлемі 25,1 млрд теңгеге жетіп, бір жыл ішінде 41,2%-ға артты.Азық-түлік өндірісіне салынған қаржы 19,2 млрд теңгені құрады. Инвестициялардың өсуі аграрлық сектордың тартымдылығы артып келе жатқанын көрсетеді. Жергілікті билік фермерлерді ресурстармен, қаржыландырумен және инфрақұрылыммен қамтамасыз етті, енді ұсынылған қолдауды тиімді пайдаланып, егіс науқанын табысты өткізу қажет.Ақпарат көзі : https://www.gov.kz/memleket/entities/almobl/press/news/details/950132

1998 жылы жинақтаушы зейнетақы жүйесі құрылған сәттен бастап 2025 жылғы 1 ақпанға дейін жинақталған инвестициялық кірістілік өспелі қорытындымен 966,41% көрсетті. Ал осы бүкіл кезеңдегі инфляция 837,99 % тең. Атап өткен жөн, зейнетақы жинақтары - ұзақ мерзімді инвестиция, инвестициялық кірістің мөлшерін кем дегенде бір жыл ішінде талдаған абзал. Қысқа мерзімді (апталық, айлық және т.б.) деректер көрсеткіш бола алмайды. Өйткені олар нарықтық жағдайдың үнемі ұшырайтын өзгерісіне тәуелді. 12 айдағы инвестициялық қызметке жасалған талдау бұл деректің растамасы: 2025 жылғы 1 ақпандағы жағдай бойынша Қазақстан Республикасының Ұлттық Банкі (ҚРҰБ) басқаратын, міндетті, міндетті кәсіптік және ерікті зейнетақы жарналары есебінен қалыптастырылған және соңғы 12 айда салымшылардың (алушылардың) шоттарына бөлінген зейнетақы активтерінің кірістілігі 15,66%, бұл кезеңдегі инфляция деңгейі 8,90% болды.Бәрімізге белгілі, ҚРҰБ және инвестициялық портфельді басқарушылардың (ИПБ) басқаруындағы зейнетақы активтері Қазақстанда және шетелде нарықтық шарттарда әртүрлі валюталарда инвестицияланады. Белгілі бір құралдарға қаражат салу кезінде жаһандық және ішкі факторлар ескеріледі. Зейнетақы активтерін сақтау және кірістілік алу үшін ҚРҰБ пен ИПБ-лар инвестициялық портфельді әртараптандырады: зейнетақы активтері нарықтық жағдайды ескере отырып, белгілі бір көлемде әртүрлі қаржы құралдарына инвестицияланады. Бұл кең таралған әлемдік тәжірибе. Дүние жүзіндегі зейнетақы қорлары зейнетақы капиталын инвестициялау және көбейту үшін тартымды да тиімді мүмкіндіктерді іздестіруін тоқтатқан емес.Зейнетақы жинағындағы елеулі үлес, әдетте, инвестициялық кіріске тиесілі. Жылдан жылға зейнетақы жинақтарының көлемі ғана емес, ондағы инвестициялық кірістің үлесі де артып келеді. Мысалы, 2014 жылдан бері жинақталған (зейнетақы активтері БЖЗҚ-ға біріктірілгеннен кейін) 2025 жылғы 1 ақпандағы жағдай бойынша таза инвестициялық кіріс 11,54 трлн теңгеге жетті (салыстыру үшін - 01.02.2024ж. ол 8,6 трлн теңгеден астам сома болған). Жүзеге асырылған төлемдерді ескере отырып, 2025 жылғы 1 ақпандағы жағдай бойынша қазақстандықтардың зейнетақы жинақтарының жалпы көлеміндегі жинақталған таза инвестициялық кірістің үлесі 40,9%-дан асты. Бұл азаматтардың жинақтары құрылымындағы инвестициялық қызметтің маңызды рөлін көрсетеді (01.02.2024ж. бұл көрсеткіш 37,1% болған еді).Алайда, инвестициялық кіріс - құбылмалы мән, ол көптеген факторларға, соның ішінде қаржы нарықтарындағы жағдайға, бағалы қағаздардың нарықтық құнына, валюта бағамдарының өзгеруіне байланысты. Сондықтан шетел валюталары бағамдарының және қаржы құралдарының нарықтық құнының өзгеруіне байланысты инвестициялық кірістің мөлшері жекелеген кезеңде оң да, теріс те болуы мүмкін. Мысалы, өткен жылдың соңынан бастап доллар бағамы 499 теңгеден 530 теңгеге дейін кең ауқымда өзгерді, содан кейін қайтадан 500 теңгеге дейін төмендеді. Соның салдарынан зейнетақы активтерін валюталық қайта бағалау апта сайын оң немесе теріс нәтиже беріп отырды. Ал салымшылар зейнетақы жинақтарының инвестициялық бөлігінің уақытша төмендеуін байқады. Мысалы, 2025 жылғы қаңтар-ақпан айларында осындай жағдай орын алды.Сондай-ақ, Қазақстанда инфляция деңгейін ескере отырып, міндетті зейнетақы жарналарының сақталуына бірегей кепілдік берілетінін еске саламыз. Салымшының төлемге құқығы басталған кезде жинақталған кірістілігіне кері әсерін тигізген жекелеген кезеңдердегі кірістіліктің төмендеуі жағдайында айырманың өтемақысына мемлекет кепілдік береді.Зейнетақы активтерін инвестициялық басқару мен есепке алудың барлық жүйесі ашық: әрбір салымшының enpf.kz сайтындағы немесе ұялы қосымшадағы жеке кабинетінен өзінің инвестициялық кірісін көруге мүмкіндігі бар. БЖЗҚ зейнетақы активтерін инвестициялық басқару және олар орналастырылған қаржы құралдары туралы ақпарат Қордың (www.enpf.kz) ресми сайтындағы «Көрсеткіштер/Инвестициялық қызмет» бөлімінде жарияланады.Тақырып бойынша бейнетүсініктеме БЖЗҚ ЕНПФ YouTube-арнасынан көруге болады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/950047

Жетісу облысында мүгедек жандар үшін ғимараттарды инфрақұрылыммен қамтамасыз ету 69% құрап отыр. Бұл республика бойынша бұл ең жоғарғы көрсеткіш. Осы бағыттағы жұмыс жалғасады, - деп хабарлайды Жетісу облысы әкімінің баспасөз қызметі.Облыстық жұмыспен қамтулы үйлестіру және әлеуметтік бағдарламалар басқармасының мәліметінше, 2022-2024 жылдар аралығында облыс аумағындағы 625 нысан мүгедек жандардың кіріп-шығуына бейімделген. Биыл мемлекеттік және жекеменшік мекемелердің шамамен 195 нысанын бейімдеу жоспарда бар. Мемлекеттік нысандар үшін бюджет қаржысы қарастырылған.Сонымен қатар инватакси көлігінің саны соңғы екі жылда екі есеге өсті. Облыс көлемінде қазір 32 инватакси қызмет көрсетіп жүр. Жыл сайын мүгедектігі бар адамдарды қажетті техникалық құрылғылармен қамтамасыз етуге қаржы бөлінеді.Жалпы облыс бойынша мүгедектігі бар азаматтарға арнайы әлеуметтік қызмет көрсететін 13 мекеме жұмыс істейді. Алдыңғы жылы Алакөлдің жағасындағы аудандық әкімдіктің резиденциясы мүгедек балаларға арналған оңалту лагеріне берілді. 2023 жылы «Қамқорлық» қорымен бірлесіп, аутизм және психикалық дамуында басқа да ауытқушылығы бар балаларға арналған орталық ашылды. Талдықорған қаласында мүгедектерге арналған «Асар» сауықтыру орталығы жұмыс істейді. Оған мемлекеттік қолдау тұрақты көрсетіліп келеді. Ал биыл облыс орталығында 150 орынды тағы бір оңалту орталығының құрылысы басталады.Жалпы өңірде инклюзивті орта қалыптастыру жұмыстары осындай бірнеше бағыттарда жүріп жатыр. Жетісу облысы әкімінің баспасөз қызметі.Фотосуреттер облыс әкімі баспасөз қызметінің архивінен алынды.Ақпарат көзі : https://www.gov.kz/memleket/entities/zhetysu-oblysy/press/news/details/949760

  Еліміздің әртүрлі өңірлерінде су басу қаупін азайтуға бағытталған алдын алу және инженерлік жұмыстар белсенді жүргізілуде. Оларды қорғау үшін 576 шақырым қорғаныс бөгендері мен біліктері тұрғызылды, 822 шақырым дренаж жүйелері, каналдар мен арықтар жөнделіп салынды. Автомобиль және теміржол қатынастарында 960 су өткізу құрылыстары орнатылып, ауыстырылды. 74 өзеннің қауіпті учаскелерінде 500 шақырымға жуық түбін тереңдету, жағалауды нығайту және арналарды тазарту жұмыстары жүргізілді. Зардап шеккендерді қабылдаудың 3,5 мыңнан астам пункті дайындалды, броньнан босатылған жағдайда тіршілікті қамтамасыз ету құралдары мен мемлекеттік материалдық резерв техникасы айқындалды. Осы шаралардың барлығы халықтың қауіпсіздігін арттыруға және ықтимал су тасқынынан болатын залалды барынша азайтуға бағытталған.  Су тасқыны кезеңіне дайындық шеңберінде, 6-7 наурызда еліміздің орталық, солтүстік және шығыс өңірлерінде «Көктем-2025» республикалық командалық-штабтық оқу-жаттығуы өткізілетін болады.  Су тасқыны кезеңіне дайындық аясында Алматы қаласының Сайран көлінде су сору техникасы мен практикалық су алу жабдығының техникалық дайындығы тексерілді. Мотопомпалар, өрт-сорғы станциялары, қайықтар жарамды күйде, жеке құрам су қорғау костюмдерімен, байланыс құралдарымен қамтамасыз етілген. Алматы су тасқынына ден қою тобы көктемгі кезеңде тапсырмаларды орындауға дайын.   Шығыс Қазақстан және Батыс Қазақстан облыстарында өзендерде жарылыс жұмыстары жүргізіле бастады.  Шығыста Шемонаиха ауданындағы Убі өзенінде, Жоғарғы Үбі ауылының маңында мұз жарылды. Мұндағы мұздың қалыңдығы 60 см құрады. Бұл су тасқыны қаупі бар учаске жыл сайын ТЖ қызметі мен жергілікті атқарушы органдардың назарында болады. Ұсақтаудың жалпы көлемі 10692 м. шаршы метрді құрады. жарылыс жұмыстары мұзды жасанды түрде әлсіретуге бағытталған. Мұзды қопсыту іс-шаралары мұз жүрісі басталғанға дейін жүргізіледі және проблемалық учаскелерде су тасқынының қауіпсіз өтуін қамтамасыз етеді. Жарылыс жұмыстары облыс аудандарында жалғасатын болады.  Батыста ТЖД Жедел-құтқару жасағының және 20982 ТЖМ әскери бөлімінің күштерімен көктемгі су тасқыны кезінде мұз кептелістерінің пайда болуына барынша бейім жерлерде Орал су айдындарында мұз қабатын әлсірету бойынша жұмыстар жалғасуда. Мұзда шамамен 3230 тесік бұрғыланды, 910 метрден астам мұз қабаты кесілді. Осы мақсатта мұз кесетін қондырғы, бензин бұрғылары және басқа да арнайы құралдар қолданылады. Сонымен қатар, облыс бойынша қар шығару жұмыстары жүргізілуде. Қазіргі уақытта аудандар мен Орал қаласында 503 мың текше метрден астам қар шығарылды.  Шығыс Қазақстан облысында арнайы жұмыс топтары құрылды, оған жергілікті атқарушы органдардың өкілдері, ТЖД мамандары, «Су ресурстарын пайдалану мен қорғауды реттеу жөніндегі Ертіс бассейндік инспекциясы» РММ және басқа да мүдделі органдар кірді. Мамандар қар шығару, су өткізгіш құбырлар мен каналдарды тазарту бойынша алдын алу жұмыстарының жұмысы мен сапасын тексереді, нөсер кәрізін, СТС жай-күйін, қажетті материалдық-техникалық құралдарды дайындауды тексереді, халықпен жүргізілетін профилактикалық жұмыстарға, тасқын суларды апатсыз өткізуге қабылданатын шараларға талдау жүргізеді. Жалпы өңірде жергілікті атқарушы органдар 1267 су өткізу құрылыстарын, ұзындығы 47,2 км 19 каналды және ұзындығы 106,8 км 173 арықты тазартты, 298 мың текше метр қар шығарылды, 76,8 мың дана қаптар, дайындалды. 9,2 мың тонна инертті материалдар, 285 тонна ЖЖМ дайындалды.  Шығыс Қазақстанда су тасқыны кезеңіне дайындық аясында ТЖ алдын алу басқармасы және Цифрландыру және мұрағаттар басқармасы су мен су ағындарының деңгейін бірнеше күн бұрын бақылауға мүмкіндік беретін цифрлық карта жасады. Жүйе ГАЖ модулімен интеграцияланады, картадағы болжамдарды көрсетеді, бұл нақты уақыт режимінде тәуекелдерді басқаруға мүмкіндік береді. Карта су тасқыны қаупі бар барлық учаскелерді және қауіпті аймақтағы үйлерде тұратын тұрғындардың саны туралы деректерді көрсетеді. Құтқарушылар нақты уақытта облыста жүргізілетін инженерлік жұмыстар мен алдын алу іс-шараларын қадағалап, өз түзетулерін енгізе алады. Болашақта жасанды интеллект жүйені метеорологиялық спутниктермен біріктіруге, халыққа автоматты ескертуді енгізуге мүмкіндік береді. Төтенше жағдайлар қызметтері және мобильді қосымшалар сияқты басқа платформалармен өзара әрекеттесу арқылы функционалдылықты кеңейту, бұл төтенше жағдайларға жауап берудің тиімділігін арттырады.  ТЖМ әскери бөлімдері Алматы және Жамбыл облыстарында, Ұлытау облысында алдын алу шараларына кірісті.  Жамбыл облысына көктемгі су тасқынының салдарын болғызбау және азайту бойынша жұмыстар жүргізу үшін келген ТЖМ №28237 әскери бөлімінің жиынтық құтқару батальоны өзен арналарын нығайтуды қамтамасыз етуді жалғастыруда және арнайы техниканы пайдалана отырып, қорғаныс бөгендерін орнатады. Т. Рысқұлов атындағы ауданда жалпы күш-жігермен 3000 қап төселді.Ұлытау облысының Төтенше жағдайлар департаменті ТЖМ №52859 әскери бөлімімен бірлесіп Талдысай және Қарсақпай ауылдарында су тасқынының алдын алу бойынша жұмыстар жүргізуде. Бірлескен күш-жігермен су басу қаупін азайту бойынша жұмыстар атқарылуда: Талдысай өзенінің арнасында орналасқан ағаштарды жою, Қарсақпай су қоймасы шлюзі ауданындағы мұз бен қар массаларын тазарту, тәуекел аймағындағы үйлердің жанынан қар шығару, сондай-ақ арық жүйесін тазарту. Сонымен қатар, жергілікті тұрғындарға қауіпсіздік шаралары түсіндіріліп, су тасқынының алдын алу бойынша ұсыныстар берілді.  ТЖМ 28237 әскери бөлімінің әскери қызметшілері Алматы облысы Қарасай ауданы Қаскелең қаласында және Жамбыл ауданы Ұзынағаш ауылында жұмыс жүргізуде. Жеке құрам су ағындарын тазарту, жағалауларды нығайту және еріген сулардың кедергісіз ағуын қамтамасыз ету бойынша жұмыстарды орындайды. Жұмыс Жергілікті атқарушы органдардың өкілдерімен және төтенше жағдайлар жөніндегі қызметтермен тығыз үйлестіре жүргізіледі.  Қостанай облысында жаңғыртылған сусымалы бөгетті сынақтан өткізу жүргізілді. Су тасқынына қарсы тосқауыл ретінде аумақтарды су тасқынынан қорғауға, топырақты нығайтуға және эрозияны болдырмауға арналған HESCO BARRIER модульдік дизайны қолданылды.  Тосқауыл-табиғи материалдармен толтырылған металл торлы құрылым-тас, қиыршық тас немесе құм. Құрылымның артықшылықтарына жылдам құрастыру кіреді, бұл оны жету қиын жерлерде орнатуға ыңғайлы етеді. Орнатылған тосқауылдың биіктігі 2 метр, бірақ қажет болған жағдайда оны модульдерді бірінің үстіне бірін қою арқылы арттыруға болады. Тестілеу барысында мамандар елді мекендерді су тасқынынан қорғау үшін оны одан әрі қолданудың орындылығын анықтау үшін осы технологияның барлық ерекшеліктерін зерттеді.    Ақпарат көзі : https://www.gov.kz/memleket/entities/emer/press/news/details/949577

Ақмола облысы табиғи ресурстарға бай өңірлердің бірі. Мұнда кең таралған пайдалы қазбалардың қоры мол, олардың қатарында қиыршық тас, құм, каолин, саз, әктас, кварцит және доломит бар. Алайда соңғы жылдары бұл байлықты заңсыз игеру күрделі мәселеге айналды. Кейбір кәсіпкерлер жергілікті биліктің рұқсатынсыз карьерлерді иемденіп, пайдалы қазбаларды өз беттерінше өндіріп жатады.Бүгінде облыстың 19 ауданының 17-сінде жүздеген кен орны игеріліп жатыр. Әсіресе, Астананың қарқынды құрылысы заңсыз жер қойнауын пайдаланудың артуына ықпал етуде. Құрылыс материалдарына деген жоғары сұранысты қанағаттандыру үшін кейбір кәсіпкерлер құжатсыз, бақылаусыз әрекет етеді. Бұл мемлекет бюджетіне залал келтіріп, жаңа жұмыс орындарының ашылуына кедергі жасап, жер бедерінің бұзылуына және қоршаған ортаның ластануына алып келеді.Осыған байланысты Ақмола облысының әкімі Марат Ахметжанов аппараттық кеңесте барлық жер қойнауын пайдаланушылардың қызметін заңдылық тұрғысынан тексеруді тапсырды.«Маркшейдерлік түсірілім нәтижесінде келтірілген шығын көлемі анықталды, қазіргі уақытта құқық қорғау органдары бұл деректерді қарастырып жатыр. 2025 жылдың ақпан айында пайдалы қазбаларды заңсыз игеруге және жер қойнауын өз бетінше пайдалануға қатысты үш қылмыстық іс тіркелді. Бұл істердің барлығы мемлекетке аса ірі көлемде залал келтірумен байланысты», – деп хабарлады Ақмола облыстық кәсіпкерлік және өнеркәсіп басқармасы.Атап айтқанда, заңсыз құм өндіру Қабанбай батыр ауылдық округінде, Нұра өзенінің маңында анықталды. Кәсіпкер қажетті рұқсат құжаттарынсыз жұмыс істеп, құмды цемент зауытына жеткізген. Сол аумақта тағы үш кәсіпкер дәл осындай әрекет жасаған.Қазіргі уақытта тиісті құжаттары жоқ кәсіпорындарға қатысты келісімшарттарды бұзу шаралары қолға алынды. Бұл – өңірдегі жер қойнауын пайдаланудағы тәртіпті қалпына келтіруге бағытталған заңды қадам.«Тергеу амалдары жалғасуда, құқық қорғау органдары барлық заңбұзушылықтарды анықтап, кінәлілерді жауапкершілікке тартады. Мемлекеттік органдар мен жергілікті билік табиғи ресурстарды қорғау және экологиялық қауіпсіздікті қамтамасыз ету мақсатында заңсыз кен өндірушілермен күресті жалғастырады», – деп мәлімдеді уәкілетті мемлекеттік орган.Сонымен қатар тексеріс барысында көптеген компанияның өңірден тыс жерде тіркелгені белгілі болды, бұл оларды бақылауды қиындатады. Осыған орай, бірқатар кәсіпорындар қайта тіркеуден өтіп, заңды жұмыс істеуге көшті.«Бүгінде Ақмола облысында 11 келісімшарттық аумаққа тексеру жүргізілді, нәтижесінде төрт заңсыз кен өндіру дерегі анықталды. Оның ішінде Көкшетау және Биржан сал ауданының маңындағы жерлер бар. Жалпы, тексерілген 15 аумақтың көлемі 500 гектарды құрады. Бұл жұмыстарға 17 млн теңге бөлінді», – деп толықтырды басқарма.Жалпы экономикалық шығын көлемі 65 млн теңгені құрады.Жер қойнауын пайдалануда тәртіп орнату – бір күнде шешілетін мәселе емес. Дегенмен қолға алынған шаралар өз нәтижесін беруде. Маңыздысы – заң бұзушылықтарды тоқтатып қана қоймай, адал кәсіпкерлер үшін ашық әрі әділ жағдай жасау.Ақпарат көзі : https://www.gov.kz/memleket/entities/aqmola/press/news/details/949888