Ақтөбе облысының әкімі Асхат Шахаров және ҚХА Төрағасының орынбасары Марат Әзілханов заманауи құрал-жабдықтармен қамтылған орталықтың алғашқы қонақтары болды. Меймандар тілек тақтасына лебіздерін жазып, жастарға сәттілік тіледі. Жаңа коворкинг орталығы Қазақстан халқы Ассамблеясының 30 жылдығы аясында жұмысын бастады. 72 шаршы метрлік бөлмеде жастардың жан-жақты дамуына қажетті барлық техника бар, кітап сөресі қазақтың ақын-жазушыларының шығармаларымен толықтырылыпты. Ән айтып, күй тартуды жақсы көретін жастар үшін түрлі аспаптар қойылған. Пікірталас алаңы да жасалған.Коворкинг орталық ашу туралы бастаманы «Ассамблея жастары» бірлестігінің мүшесі Данил Цой облыстық Ассамблеяның өткен сессияларының бірінде өңір басшысы алдында көтерген еді. Жалынды жастың ұсынысына Асхат Шахаров қолдау білдірді.Мұнда жастар бір-бірімен тығыз байланыс орнатып, ұлттық бірлік, бейбітшілік пен достық құндылықтарын насихаттап, сондай-ақ түрлі этникалық топтар арасында өзара түсіністікті нығайтып, жаңа идеяларын жүзеге асыруға ниетті. Олар ұсыныс-тілектерін Асхат Шахаров және Марат Әзілхановпен кездесуінде де тілге тиек етті.Өңір басшысы өз сөзінде қоғамда пікірі бар жастардың артқанын алға тартып, оларды әрқашан қолдайтынын алға тартты. Жаңа коворкинг орталығы жастардың елге пайдалы бастамаларын жүзеге асыруына серпін беретініне сенім білдірді.«Ассамблея жастары» республикалық қоғамдық бірлестігінің облыстық филиалына 300-ге жуық жас мүше, оның ішінде 70-тей жас – Ақтөбе қаласында. Ассамблеяның «Жаңа толқын» арнайы жобасы аясында жастардың жобалары мен бастамаларын қолдау мақсатында жоғары және арнаулы оқу орындарында студенттік ассамблеялар құру қолға алынды, бүгінгі күнге дейін қызмет етіп келе жатырған «Достық» клубтарының құрылымы кеңейіп, жұмыс бағыттары өзгерді.Былтырғы жылы Мемлекет басшысының сессия отырысында берген тапсырмасына сәйкес, этномәдени бірлестік басшыларының жаңа жас орынбасарлары тағайындалып, облыстық Ассамблеядағы жастардың жалпы үлесі 22%-ға артты.Ақпарат көзі : https://www.gov.kz/memleket/entities/aktobe/press/news/details/941788

Бесқарағай ауданында жоба құны 250 млн теңге тұратын балық шаруашылығы бар. Глуховка ауылдық округінде орналасқан «Маклаков Н.» жеке кәсіпкерлігі бұл кәсіппен айналысқалы біраз жыл болды. Кәсіпкер өз қаражаты есебінен 6 жасанды тоған жасап, 4 түрлі балықтың түрін өсіруді жолға қойған. Аталған жоба балық шаруашылығы мен экотуризмді дамытуды көздейді. Сол арқылы аудан экономикасын нығайтуға және өңірдің туристік әлеуетін арттыруға күш салуда.«Жасанды тоғандарымызда 30 тонна құбылмалы бақтақ (Радужная форель), 3,5 тонна сібір бекіресі, 15 тонна тұқы (карп), 15 тонна сазан өсірілуде. Аталған балық уылдырықтарын Алматы қаласынан арнайы алдырып, Семейдегі Қазтұтынуодағы агробизнес және экономика колледжінің зертханасында шамалы уақытқа дейін сақтаймыз. Уылдырық шабаққа айналысымен, біздегі тоғандарға жіберіледі. Яғни, біз аталған оқу-орнымен ғылыми-зерттеу бағытында тығыз қарым-қатынаста жұмыс жасаймыз», - дейді кәсіп иесі Наиль Маклаков.Кәсіпкер бұдан бөлек экотуризм саласын дамытуға да үлес қосып отыр. Балықшылар мен туристер үшін ағаштан салынған 4 демалыс кешені мен жеке пайдалануға арналған 4 моншаны іске қосқан.Шаруашылық барысымен танысқан аудан әкімі Нұрбек Қошқарбаев жұмыс сапасын жоғары бағалап, мұндай бастамалардың экономиканы әртараптандырудағы маңыздылығын атап өтті. Сондай-ақ, әкім табиғи ресурстарды тиімді пайдалану мен экологиялық стандарттарды сақтау қажеттігін ерекше назарға алу керектігін айтты.Өз кезегінде кәсіпкер өндіріс көлемін ұлғайту, жаңа жұмыс орындарын ашу және қосымша тоғандар салу арқылы жобаны кеңейту жоспарларын ортаға салды. Сонымен бірге, экотуризмді дамыту мақсатында туристік қызметтерді одан әрі жетілдіру бағытында жұмыстар жүргізілетін болады.Ақпарат көзі : https://www.gov.kz/memleket/entities/abay/press/news/details/941307

Абай облысына 2024 жылы «Жұмыс күшінің ұтқырлығын арттыру үшін ерікті түрде қоныс аудару» бағдарламасы аясында 530 адам көшіп келді. Олардың 310-ы Алматы, Астана, Шымкент қалаларынан және Алматы, Жетісу, Қызылорда, Жамбыл, Түркістан, Маңғыстау облыстарынан қоныс аударған. Сондай-ақ ҚХР, Моңғолия, Түрікменстан, Өзбекстан және Ресей елдерінен 220 қандас тарихи атамекеніне оралды.Мемлекеттік қолдау шаралары аясында 503 адамға көшу шығыстарын өтеу үшін бір реттік материалдық көмек көрсетіліп, 152 отбасының тұрғын үй жалдау және коммуналдық шығындары өтелді. 112 отбасына тұрғын үй сатып алуға экономикалық ұтқырлық сертификаты берілді. Сертификат сомасы бір отбасына тұрғын үй құнының 50 пайызы яғни 1160 АЕК-тен аспайтын мөлшерде болады.«Жаңа тұрғылықты жерінде ерікті түрде өңіраралық қоныс аударуды қолдау аясында мемлекеттік қолдау шаралары қарастырылған. Атап айтар болсақ, көшуге бір реттік материалдық көмек беріледі. Бұл отағасына және отбасының әрбір мүшесіне 70 АЕК құрайды. Қоныс аударушылар мен қандастарға қажет болған жағдайда техникалық және кәсіптік білім алу үшін оқытуға, қысқа мерзімді кәсіптік оқытуға жіберіледі. Сондай-ақ, жұмысқа орналасу, кәсіпкерлікті дамытуға жәрдемдесу шаралары көрсетіледі», - дейді Абай облысының жұмыспен қамту және әлеуметтік бағдарламаларды үйлестіру басқармасының басшысы Айман Нұрлыбек.Тұрғын үйді жалдау (жалға алу) және коммуналдық қызметтерге ақы төлеу бойынша шығыстары төленеді. Қалаға қоныс аударғандарға бір адам үшін 20 АЕК, отбасы мүшелерінің саны 2-4 адам болса - 25 АЕК, отбасы мүшелерінің саны бес және одан көп болған жағдайда 30 АЕК. Ал ауылға көшіп келгендерге бір адамға 15 АЕК, отбасы мүшелерінің саны 2-4 адам болған кезде 18 АЕК, отбасы мүшелерінің саны бес және одан көп болған жағдайда 21 АЕК төленеді.2025 жылы «Жұмыс күшінің ұтқырлығын арттыру үшін ерікті түрде қоныс аудару» бағдарламасы шеңберінде 499 адамға (244 қандас, 255 қоныс аударушы) қоныс аударушылар мен қандастарды қабылдаудың өңірлік квотасы жоспарланған.Ақпарат көзі : https://www.gov.kz/memleket/entities/abay/press/news/details/941460

Алматы әкімі Ерболат Досаев ҚХР-на жұмыс сапары аясында Бейжің мэрі Инь Юнмен кездесті. Келіссөз барысында тараптар қалалар арасындағы екіжақты серіктестікті нығайту мүмкіндігін талқылады. Әсіресе, көлік инфрақұрылымын дамыту, экологиялық ахуалды жақсарту және жайлы қалалық орта қалыптастыру мәселесіне баса назар аударылды.Келіссөздегі басты түйткілдің бірі қалалардың экологиялық жағдайы еді. Инь Юнның айтуынша, соңғы 20 жылда Бейжің атмосфераға зиянды шығарындылар деңгейін айтарлықтай төмендетуге қол жеткізген. Бұл жүйелі экологиялық саясаттың, ғылыми тәсілдің және технологиялық инновацияның жемісі. Ластану деңгейін төмендету 2016 жылы қабылданған Бейжіңнің Бас жоспары негізінде қолға алынған. Бұл жоспар аясында метро жүйесін кеңейту, экологиялық таза көлік түрлеріне бағытталған ыңғайлы көлік жүйесін дамыту және төмен шығарындылар аймақтарын (LEZ) құру көзделген, бұл экологиялық талаптарға сай келмейтін көлік құралдарының қозғалысын шектейді.Бейжің мэрімен әңгіме барысында Ерболат Досаев қазіргі уақытта Алматыда да атмосфералық ауаны қорғау, нүктелі құрылысқа жол бермеу, қаланың көлік қаңқасын қалыптастыру және жылдам рельсті әрі қоғамдық көлікті дамыту бойынша шаралар қабылданып жатқанын жеткізді. Алматы әкімі 2023 жылдың мамыр айында Алматының жаңа Бас жоспары қабылданғанын, оның соңғы 20 жылдан астам уақыт бойы қайта қаралмағанын хабарлады. Бұл жоспардың негізінде тарихи орталыққа жүктемені азайтуға бағытталған полиорталықты даму қағидаты жатыр. Мұндай шаралар қалалық ортаны теңгерімді дамытуға мүмкіндік береді.Кездесу қорытындысы бойынша тараптар екіжақты қарым-қатынасты нығайтуға уағдаласып, Алматы мен Бейжің арасындағы серіктестіктің дамуы Қазақстан мен Қытайдың екі қаласының экономикалық өсуі мен тұрақты дамуына ықпал ететініне сенім білдірді.Ақпарат көзі : https://www.gov.kz/memleket/entities/almaty/press/news/details/941678

 Алматы әкімі Ерболат Досаев Қытай Халық Республикасына (ҚХР) жұмыс сапары аясында China Railway Construction Corporation (CRCC) Басқарма Төрағасы Дай Хэгэнмен кездесу өткізді, оның барысында тараптар көлік инфрақұрылымы және ауқымды құрылыс жобаларын іске асыру саласындағы ықтимал ынтымақтастық перспективаларын талқылады.Айта кетейік, CRCC әлемдегі ең ірі техника өндіруші, ең қуатты және ауқымды халықаралық құрылыс корпорацияларының бірі болып табылады. 2024 жылы CRCC корпорациясы Fortune Global-500 рейтингінде 43-ші орынға ие болды. Компания ҚХР-да теміржолдардың үштен екісін және метроның бестен үш бөлігін салды. CRCC-де 700-ден астам бірліктегі қалқаны парк бар. Құрастырмалы металл конструкция болып табылатын бұл жоғары технологиялық машиналар метро және басқа да жерасты құрылыстарды салу бойынша жұмыстарды тиімді және қауіпсіз жүргізуге мүмкіндік береді. CRCC -тің негізгі бөлімшесі-20-шы Бюро (China Railway 20th Bureau Group Co.). 20-шы Бюрода 16 мыңнан астам қызметкер жұмыс істейді. 70 жыл ішінде бұл ұйым бүкіл әлем бойынша мыңдаған ірі инфрақұрылымдық жобаларды жүзеге асырды. 20-шы Бюроның филиалы Қазақстанда 2015 жылдан бері жұмыс істеп келеді.Кездесу барысында Ерболат Досаев Алматының ұзындығы 13,4 км әрі 11 станциясы бар метро жұмыс істейтін Қазақстанның жалғыз қаласы екенін хабарлады. Қолданыстағы желілерді кеңейту және батыс және шығыс бағыттарда метроның екі тармағын салу бойынша жұмыстар жүргізу жоспарлануда.«Алматы үшін метрополитен желілерін салу жөніндегі жобаны қысқа мерзімде іске асыру маңызды басымдықтардың бірі болып табылады. Осыған байланысты, құрылыс аясында әлеуетті серіктестер тізімін қалыптастыру кезінде біз ең алдымен қытайлық компаниялардың, оның ішінде кез келген жобаларды «кілтпен» тапсыратын әрі сапалы іске асыруға сенімділік беретін CRCC корпорациясының тәжірибесі мен мүмкіндіктерін зерттедік. Бұл екі ел арасындағы сауда-экономикалық байланыстарды одан әрі нығайтуға елеулі үлес қосады», - деп атап өтті Ерболат Досаев. CRCC басқарма төрағасы Дай Хэгэн ынтымақтастыққа қызығушылық білдіріп, CRCC компаниясы Қазақстанда жалпы сомасы шамамен 650 млн АҚШ долларын құрайтын бірқатар ауқымды инфрақұрылымдық жобаларды іске асырып жатқанын атап өтті.«CRCC Қытайда жетекші орынға ие және әрқашан ынтымақтастыққа ашық. Бүгін бірнеше қытайлық компаниялар Алматыда жобаны іске асыруға қатысуды жоспарлап отыр және біз тең шарттармен бәсекелесуге ниеттіміз. Бай тәжірибенің арқасында Алматыда жобаларды сәтті жүзеге асырамыз деп үміттенеміз", - деді Дай Хэгэн.Айта кетейік, Алматыда метрополитен салу мәселесі талқылау сатысында тұр. Кездесу қорытындысы бойынша тараптар диалогты жалғастыру және одан әрі жемісті ынтымақтастық туралы келісті.Ақпарат көзі : https://www.gov.kz/memleket/entities/almaty/press/news/details/941687

Шанхайда Алматы әкімі Ерболат Досаевтың Шанхай мэрі Гун Чжэнмен жұмыс кездесуі өтті. Келіссөздер барысында тараптар сауда-экономикалық, инвестициялық, мәдени-гуманитарлық ынтымақтастықтың негізгі бағыттарын талқылады.Шанхай мэрі Гун Чжэн 2024 жылы Шанхайдың ЖӨӨ 5% - ға артып, 750 миллиард АҚШ долларынан асты деп хабарлады. Бүгінгі таңда Шанхай Қытайдың халықаралық сауда, экономикалық, қаржылық, порт және ғылыми-инновациялық орталығы бола отырып, бес негізгі бағыт бойынша қарқынды дамып келеді.Кездесу барысында Алматы әкімі Ерболат Досаев Шанхай үйлесімді, теңгерімді дамудың үлгісі екенін атап өтті. 2022 жылы бекітілген «Алматының 2025 жылға дейінгі даму бағдарламасы және 2030 жылға дейінгі орта мерзімді перспективалар» 2017 жылы қабылданған Шанхайдың 2035 жылға дейінгі Мастер-жоспарымен үндес. Екі құжат та полиорталықтық дамуға, экономикалық тұрақтылық пен жұмыспен қамтуды арттыруға, бизнес пен халық үшін қолайлы орта құруға, қауіпсіз көлік жүйесін дамытуға бағытталған.Келіссөздер барысында тараптар серіктестік қатынастарды одан әрі нығайтуға, атап айтқанда екі қала арасында бауырластық қатынастар орнату туралы Келісімге қол қоюға дайын екендіктерін білдірді. Бұл қадам өткен жылы қол қойылған ниеттер туралы Хаттаманың логикалық жалғасы болады, сондай-ақ Алматы мен Шанхай арасындағы өзара іс-қимылдың жаңа кезеңінің перспективаларын ашады.Кездесу соңында қатысушылар 2025 жылы China Eastern Airlines әуекомпаниясының Алматы-Шанхай тікелей әуе қатынасын іске қосуы екіжақты байланыстарды нығайтудағы маңызды қадам болатынын атап өтті-бұл мәселе қазір ҚХР Ұлттық азаматтық авиация қызметінің қарауында.Ақпарат көзі : https://www.gov.kz/memleket/entities/almaty/press/news/details/941697

Шанхайда Алматы әкімі Ерболат Досаев пен China Eastern Airlines Co., Ltd. төрағасы Ван Чжицин кездесті. Келіссөз нәтижесінде Алматы мен Шанхай арасында тікелей әуе рейсін ашуға жәрдемдесу туралы меморандумға қол қойылды.China Eastern Airlines – штаб-пәтері Шанхайда орналасқан Қытайдың мемлекеттік әуе компаниясы. Ол Қытайдың үш ірі әуе тасымалдаушысының бірі және SkyTeam ғаламдық авиациялық альянсының мүшесі. Компанияның әуе паркі шамамен 780 ұшақтан тұрады, ал бағыттар желісі 175 елдегі 1 150-ден астам бағытты қамтиды.Кездесу барысында Алматы мен Шанхай арасындағы тікелей рейсті іске қосу мүмкіндігі талқыланды. Бұл рейс Алматыны Азияның жетекші іскерлік және туристік орталығының бірі – Шанхаймен байланыстырады. Қазір Қытайдың Ұлттық азаматтық авиация қызметімен қажетті келісімдер бойынша белсенді жұмыс жүргізілуде. Кездесу аясында Ерболат Досаев Алматы мен Шанхай арасындағы бауырлас қалалар ретінде әріптестік қатынастың нығайып келе жатқанын атады. 2024 жылдан бастап қалалар түрлі салада белсенді ынтымақтастық орнатуда. 2025 жылдың Қазақстандағы Қытай туризмі жылы деп жариялануы қос тарап үшін жаңа бірлескен бастамалар мен туризмді дамытуға қосымша мүмкіндіктер ашады.Қытай Алматы үшін басым нарықтың бірі болып қала береді. 2024 жылы Алматыға Қытайдан шамамен 100 мың турист келді, ал алдағы жылдары бұл көрсеткіш артады деп күтілуде. Қазіргі уақытта Алматы Бейжің, Үрімжі, Сиань, Ханчжоу және Санья қалаларымен тікелей әуе рейстерімен байланысқан, айына 151 рейс орындалуда. Қытайлық Tongcheng Travel агенттігінің Алматыны «2025 жылдың болашағы зор жаңа бағыты» деп тануы да өсіп келе жатқан туристік қызығушылықтың дәлелі болып табылады. Ақпарат көзі : https://www.gov.kz/memleket/entities/almaty/press/news/details/941705

2025 жылдан бастап Алматыда «Damubala» бағдарламасының механизміне кейбір өзгерістер енгізілді.Оферта шартының мерзімі өзгердіЕнді жеткізушілермен келісімшарттар жыл сайын жасалады. 2025 жылдың 15-21 қаңтары аралығында ҚР «Мәдениет туралы» және «Дене шынықтыру және спорт туралы» заңдарына сәйкес мемлекеттік спорттық және шығармашылық тапсырыс қызметтерін көрсетуші жеткізушілерді қабылдау жүргізілді. 22 қаңтар мен 4 ақпан аралығында қолданыстағы және жаңа жеткізушілердің өтінімдері қарастырылып, мемлекеттік шығармашылық тапсырысты орналастыру қағидаларына сәйкес бағаланды.Сонымен қатар, оферта шартына сәйкес, келісімшарттар жыл сайын қайта жасалады. Бұл өзгеріс ваучерлерді әділ бөлуге, үдерістің ашықтығын арттыруға және жеткізушілердің жауапкершілігін күшейтуге бағытталған. Бұрын оферта шарттарында мерзім белгіленбейтін. Аудан әкімдіктері жеткізушілермен кездесулер өткізіп, енгізілген өзгерістер бойынша түсіндіру жұмыстарын жүйелі түрде жүргізіп келеді.Балалар сабақтарын жалғастырады2025 жылдың басынан бері Алматыда оферта жаңарту үдерісі жүріп жатыр. Дегенмен, барлық жеткізушілер 2025 жылдың 1-21 қаңтар аралығында көрсеткен қызметтері үшін ақы алады.Бағдарламаға қатысатын балалар сабақтарын жалғастыра бередіАлматы мәслихаты 2025 жылға арналған шығармашылық үйірмелер мен спорттық секцияларды қаржыландыруға 15,1 млрд теңге бөлді.Міндетіне салғырт қараған жеткізушілер тізімнен шығарыладыАлматы қаласының Қоғамдық кеңесімен бірлесіп, қызмет көрсетушілердің жұмысына мониторинг жүргізілді. Нәтижесінде, міндетіне салғырт қараған жеткізушілер туралы барлық мәлімет құқық қорғау органдарына жіберілді.Осылайша, бағдарламаны жүзеге асырудың алғашқы кезеңі ретінде қазіргі жеткізушілермен қайта келісім жасау және жаңа өтінімдерді қарастыру шаралары қолға алынды. Әрбір жеткізуші өз инфрақұрылымының үйірме немесе секция түріне қойылатын талаптарға сәйкестігін растауға тиіс.Сабақтарға қатысуды бақылау енгізіледіВаучерлер жеткізушінің баланың заңды өкілімен келісімшартқа отырғанына қарай 2025 жылдың соңына дейін беріледі. Одан кейін балалардың сабаққа қатысуын нақтылау үшін арнайы жүйеге қосылу қажет. Сондай-ақ, ваучерлер ай сайынғы лимит негізінде, белгілі бір санына қарай үлестіріледі. Былтыр Алматыда балалардың сабақтарға нақты қатысуын растау үшін биометриялық сәйкестендіру (Face ID) жүйесі енгізілген болатын. Осыған байланысты, 2025 жылы жеткізушілермен келісімшарт жасау кезінде балалардың 100% Face ID жүйесіне қосылуы міндетті шарт болмақ. Қала әкімдігі тұрғындарды тек ресми ақпарат көздеріне, яғни Алматы аудандарының әкімдіктері басқаратын бағдарламаның операторларына сенуге шақырды.Ақпарат көзі : https://www.gov.kz/memleket/entities/almaty/press/news/details/941710

Алматы қаласының Кәсіпкерлік және инвестициялар басқармасына қарасты ШЖҚ «Алматы ветеринарлық қызмет» КМК иесіз және бұралқы жануарларға жедел ветеринарлық көмек көрсету қызметінің іске қосылғанын хабарлады.Жаңа қызметтің негізгі мақсаты – шұғыл ветеринарлық көмекті қажет ететін төтенше жағдайларға жедел әрекет ету және зардап шеккен жануарларды ветеринарлық клиникаларға тасымалдау.Қызметтің үздіксіз жұмысын қамтамасыз ету үшін барлық қажетті жабдықпен жарақталған екі арнаулы бригада құрылды. Жедел ветеринарлық көмекті қажет ететін негізгі жағдайлар мыналар:• ЖКО немесе құлау салдарынан болған ауыр жарақаттар;• Улану;• Асқынулар мен инфекцияларға әкелуі мүмкін жарақаттар мен шағулар;• Жедел аурулар, оның ішінде коллапс, жүрек-қан тамырлары жетіспеушілігі, тыныс алу бұзылыстары.Ветеринарлық көмек қараусыз қалған иесіз және бұралқы жануарларға көрсетіледі. Жануарларды тасымалдау үшін қажетті құралдармен жабдықталған екі арнайы жүк көлігі пайдаланылады. Олар ұсақ жануарларға арналған торлармен, зембілдермен, алғашқы медициналық дәрі-дәрмектермен, таңу материалдарымен және диагностикалық құралдармен жабдықталған.Жедел ветеринарлық көмек қызметінің байланыс нөмірлері: 8 708 595 64 04, 338 27 59, Алматы қаласының Бірыңғай қызметі – 109.Ақпарат көзі : https://www.gov.kz/memleket/entities/almaty/press/news/details/941715

Алматы облысында өңір әкімі Марат Сұлтанғазиев пен Қытай Халық Республикасының Қазақстандағы Төтенше және Өкілетті Елшісі Хань Чуньлинь арасында кездесу өтті.Келіссөздер барысында тараптар сауда-экономикалық, инвестициялық және туристік салалардағы екіжақты ынтымақтастықтың қазіргі жағдайы мен даму перспективаларын талқылады.Алматы облысы мен Қытай арасындағы сауда-экономикалық байланыстар қарқынды дамуда. Қытайлық инвестициялар өңірдің агроөнеркәсіптік кешенін дамытуда маңызды рөл атқарады. ҚХР-мен келесі жобалар сәтті жүзеге асырылды: • ТОО «КИК Жібек Жолы» – тамшылатып суару технологияларын енгізу (7,5 млрд теңге, 450 жұмыс орны). • ТОО «КИК Жібек Жолы» – құрғақ сүт өндіру зауытының құрылысы (7,5 млрд теңге, 27 жұмыс орны). • ТОО «КИК Жібек Жолы» – құрама жем өндірісі зауыты (7,5 млрд теңге, 60 жұмыс орны).Болашақ жобалар қатарында: • CITIC CONSTRUCTION CO., LTD – 26 мың га суару жүйелерін салу және жаңғырту (234 млрд теңге). • SHANGHAI STRATCH BIOTECHNOLOGY Co., Ltd және EURASIAN CONTINENTAL BRIDGE Co., Ltd – фруктоза, мальтоза және лактоза өндіретін зауыт құрылысы (206,5 млрд теңге, 2 000 жұмыс орны). • Fufeng Group – астықты терең өңдеу зауытының құрылысы (1 000 жұмыс орны). Қытайлық инвесторлар өңірдегі ірі өнеркәсіптік жобаларға белсенді түрде қатысуда: • ТОО «Жетісу Вольфрам» – вольфрамды өңдеу зауыты (135 млрд теңге, 350 жұмыс орны). • ТОО «Kelun Kazpharm» – фармацевтикалық фабрика құрылысы (7,5 млрд теңге, 450 жұмыс орны). • ТОО «Qazmetproduct» – болат сым өндірісі (359 млн теңге, 60 жұмыс орны). Алдағы уақытта іске асырылатын өнеркәсіптік жобалар: • BAOXIN (Жамбыл ауданы) – металлургиялық өнімдер өндірісі (106 млрд теңге, 500 жұмыс орны). • TBEA – трансформатор зауытының құрылысы (50 млрд теңге, 500 жұмыс орны). • ТОО «Baulong quice» – арнайы техника құрастыру (52 млрд теңге, 1 366 жұмыс орны).Қытай Алматы облысының негізгі туристік серіктестерінің бірі болып табылады. 2024 жылы өңірге 11 700-ден астам қытайлық турист келді, бұл 2023 жылмен салыстырғанда 43%-ға артық. Кездесуде бірлескен туристік маршруттар құру, инфрақұрылымды дамыту және қытайлық инвесторларды қонақүй бизнесіне тарту мәселелері талқыланды. Келіссөздер барысында Қытайдың Алматы облысы инфрақұрылымын жаңғыртуға қатысуы басты тақырыптардың бірі болды. Ұсынылған жобалар қатарында: • Алатау және Қонаев қалаларында инженерлік желілердің құрылысы және жаңғырту (162 млрд теңге). • Облыста 6 электр қосалқы станциясын салу (36 млрд теңге). Мәдени байланыстарды нығайту аясында Қазақстанның Халық әртісі Нұрғиса Тілендиевтің 100 жылдығы Бейжіңде атап өтілетіні жарияланды. Бұл шара екі ел арасындағы мәдени ынтымақтастықты одан әрі күшейтуге бағытталған.Кездесу қорытындысы бойынша тараптар екіжақты әріптестікті дамытуды жалғастыруға ниетті екендерін білдірді.Ақпарат көзі : https://www.gov.kz/memleket/entities/almobl/press/news/details/941289

Жыл басынан бері Өсімдіктер карантині жөніндегі мемлекеттік инспекторлар Қазақстанға карантиндік өнімдерді әкелу кезінде 150-ден астам заң бұзушылықты анықтады. Сондай-ақ, карантиндік объектілермен залалданған карантиндік өнімдерді әкелу әрекетінің 20 фактісі, оның ішінде Ресей Федерациясынан 17, Өзбекстан, Қырғызстан және Украинадан бір-бірден карантиндік өнімдерді әкелу фактілерінің алдын алды. Барлық жағдайда Қазақстан Республикасының заңнамасына сәйкес тиісті шаралар қабылданды. Еске салайық, өсімдіктер карантинінің негізгі міндеттерінің бірі Қазақстан Республикасының аумағын басқа мемлекеттерден немесе карантиндік аймақтан карантиндік объектілердің әкелінуінен немесе тәуелсіз енуінен қорғау болып табылады. Импортталатын карантиндік өнімге қатысты Өсімдіктер карантині жөніндегі мемлекеттік инспекторлар карантиндік фитосанитариялық бақылау мен қадағалауды жүзеге асырады, сынамалар зертханалық зерттеуге «Өсімдіктер карантині жөніндегі республикалық орталық» мемлекеттік мекемесінің өңірлік карантиндік зертханаларына жіберіледі.Ақпарат көзі : https://www.gov.kz/memleket/entities/moa/press/news/details/941418

ҚР Ауыл шаруашылығы министрлігі мен облыс әкімдігі бірлесіп ұйымдастырған пресс-тур аясында БАҚ өкілдері өңірдің агроөнеркәсіптік кешені кәсіпорындарының жұмысымен танысты.Журналистер «Мағжан и К» ЖШС-нің күріш өңдеу және тұз өндіру зауыттарына барды. Заманауи кәсіпорындар жоғары технологиялық жабдықтармен қамтылған және толық автоматтандырылған.«Жан-Арай» ЖШС күріш өндірумен, құрама жем дайындаумен, жеміс-көкөніс өңдеу және сақтаумен айналысады. Зауытта тәулігіне 80 тонна құрама жем өндіріліп, 150 тоннаға дейін күріш өңделеді. Кәсіпорын өнімдері Қазақстанда ғана емес, Түркия, Ирак, Ресей, Өзбекстан, Тәжікстан, Әзербайжан, Беларусь және басқа елдерге экспортталады. Сондай-ақ, 4000 тонналық көкөніс сақтау қоймасы маусымаралық кезеңде әлеуметтік маңызы бар өнімдердің тұрақты бағасын сақтауға мүмкіндік береді.«Казагромир» ЖШС жылыжай шаруашылығында 2020 жылдан бастап жылына 400-500 тонна қияр өсіріледі. Көкөністер Қызылорда облысына, Түркістанға, Шымкентке, Алматыға және Астанаға жеткізіледі. Болашақта қызанақ, болгар бұрышы және басқа да дақылдарды өсіру жоспарланған.Өңір «Ауыл аманаты» жобаларының саны бойынша алдыңғы қатарда.Мәселен, Сырдария ауданының Бесарық ауылындағы индустриялық аймақта «Абай Дәулет» ЖШС бағдарламасы аясында жартылай фабрикаттар мен кондитерлік өнімдер шығаратын 13 бизнес-инкубатор жұмыс істейді. Осындай бизнес-инкубаторларды облыстың әр ауданындағы 3-4 ауылда ашу жоспарлануда.Шиелі ауданында томат пастасы, аджика, салаттар, консервіленген қарбыз және қауын өндіретін цех ашылды. Өнімдер Қызылорда облысына, Астана, Қарағанды және Алматы қалаларына жеткізіледі.Сондай-ақ, бағдарлама аясында тәулігіне 600-700 кг өнім өндіретін шұжық цехы іске қосылды. Цех заманауи ресейлік жабдықтармен жабдықталған, өз фермасының шикізаты пайдаланылады.Айта кетейік, «Ауыл аманаты» бағдарламасы аясында 2025 жылы өңірде 5,5 млрд теңгеге 815 жобаны жүзеге асыру жоспарланған.2024 жылы өңірде «Тұрлыбаев Досжан» ЖК зауыты іске қосылып, онда тәулігіне 150 тоннаға дейін күріш өңделеді. Мұнда қазақстандықтар арасында танымал «Лидер», «Камолино» және «Маржан» күріш сорттары өндіріледі.Ақпарат көзі : https://www.gov.kz/memleket/entities/moa/press/news/details/941581

Көкшетау қаласындағы Bolashaq Saraiy-ында «Жұмысшы мамандықтар жылы: жаңа мүмкіндіктерді ашу» өңірлік жастар форумы ресми түрде ашылды. Іс-шара Мемлекет басшысы жариялаған Жұмысшы мамандықтар жылы аясында өткізіліп, билік өкілдері, бизнес, білім беру мекемелері мен жастар арасындағы маңызды диалог алаңына айналды.Форумға 500-ден астам қатысушы, 29 колледж және өңірдің жетекші компанияларын таныстыратын 44 әлеуметтік серіктес жиналды. Ақмола облысы агроөнеркәсіптік секторда, құрылыс, металлургия және туризм салаларында жетекші орындарға ие. Өңірдегі 800-ден астам өнеркәсіптік кәсіпорын мыңдаған жұмыс орнын қамтамасыз етеді. Техникалық және кәсіптік білім беруді дамыту экономика үшін маңызды рөл атқарады, ал жас мамандарды даярлау – жұмысшы мамандықтарының ұрпақтар сабақтастығының негізі.Жастар форумы Ақмола облысының әкімі Марат Ахметжанов, ҚР Парламенті Сенатының депутаты Талғат Жүнісұлы, «Talap» КЕАҚ президенті Санжар Тәтибеков және Социалистік Еңбек Ері Есілбай Қадралиннің қатысуымен өтті.Олар интерактивті көрменің жұмысымен танысты. Бұл көрмеде өңірдің 10-нан астам жетекші колледжі ұсынылып, онда IT және робототехникадан бастап, кондитерлік іс, ветеринария және маркшейдерияға дейінгі сұранысқа ие мамандықтар оқытылады.Ақмола облысының әкімі Марат Ахметжанов атап өткендей, бүгінгі таңда Ақмола командасының қоржынында 35 алтын, 21 күміс және 30 қола медаль, сондай-ақ 57 «Кемелдік медальоны» бар. Бұлардың барлығы WorldSkills кәсіби шеберлік байқауында олжаланған. Сонымен қатар, өңірдегі барлық ТжКБ ұйымдарында 700-ден астам кәсіпорынның қатысуымен Индустриялық кеңестер жұмыс істейді, ал мақсатты кадрларды даярлау түлектердің тиімді жұмыспен қамтылуына ықпал етеді.«Президент 2025 жылды Жұмысшы мамандықтар жылы деп жариялап, еңбек адамының мәртебесін арттыруға ерекше назар аударды. Бұл шешім елдің дамуы мен оның экономикалық әлеуетін нығайтуда жұмысшылардың маңызды рөлін көрсетеді. Біз тек кездесулер өткізіп қана қоймай, нақты шаралар қабылдауымыз керек. Бүгінде облыста 20 мыңнан астам студент кәсіби білім алуда. Бұл оларға оқу барысында-ақ жұмысқа орналасуға мүмкіндік берсе, жұмыс берушілер үшін болашақ мамандарды өз кәсіпорындарына дайындауға жағдай жасайды. Құрметті жастар, бүгінде көптеген жұмысшы мамандықтар жоғары технологиялық сипатқа ие, олар техника, технология, тіпті бағдарламалау саласында терең білімді талап етеді. Осы мамандықтар барған сайын күрделене түсуде және қызықты бола бастады», – деді Ақмола облысының әкімі Марат Ахметжанов.Айта кетейік, өңірде кадрларға деген қажеттілік бойынша өңірлік карта – Ақмола облысының Жаңа мамандықтар мен құзыреттер Атласы әзірленді. Бұл жинақта жаңа, трансформацияланатын және жойылып бара жатқан мамандықтар ұсынылған. Олар өңдеу өнеркәсібі, ауыл және орман шаруашылығы, қызмет көрсету саласы сияқты негізгі бағыттарды қамтиды. Бұл Атлас білім беру процесін әрі қарай жоспарлаудың және еңбек нарығында сұранысқа ие мамандарды даярлаудың негізіне айналады.Форумның ресми бөлімі Ақмола облысы колледж студенттерінің қолынан шыққан киім үлгілерін көрсетумен аяқталды. Сонымен қатар, әлеуметтік серіктестер өздерінің табысты еңбек жолдары туралы бөлісті.Бағдарламаның соңғы бөлігі «ABYROY» тобының концертімен аяқталды.Форумның екінші жартысында мектеп оқушылары мен колледж студенттері түрлі мамандықтар бойынша шеберлік сабақтарына қатысып, форсайт-сессияларында өздерін сынап көреді. Сессия спикерлері ретінде аймақтың жетекші сарапшылары мен әртүрлі салалардың өкілдері шақырылған.Форум екі күнге – 19-20 ақпан аралығында созылады.Бағдарламада: көрмелер, пікірталастар, кәсіби тренингтер, нетворкинг және басқа да іс-шаралар бар.Ақпарат көзі : https://www.gov.kz/memleket/entities/aqmola/press/news/details/941344

Ақпан айында біздің спортшыларымыз ірі турнирлерге қатысады. 20 ақпанда Қостанай қаласында көптен күткен «NAIZA 71» турнирі өтеді, онда біздің Маңғыстау облысы ТЖД спортшымыз Серікбай Ходжабаев 77 кг салмақ дәрежесінде чемпион атағы үшін басты жекпе-жекке шығады. 25-28 ақпан аралығында Астана қаласында Қазақстан Республикасы бойынша қоян-қолтық ұрыстан чемпионат өтеді, мұнда ТЖМ командасы Түркияда өтетін әлем чемпионатына жолдама үшін сайысатын болады. 28 ақпанда Орал қаласында «ALASH PRIDE FC 106» турнирі өтеді, онда ТЖМ «BATYR TEAM ORAL» клубының ең мықты келесі өкілдері рингке шығады. Бұл Батыс Қазақстан облысы ТЖД қызметкерлері Досбол Елеген және Ерхан Жұмабаев, ТЖМ «Резерв» РМК жетекші мамандары Әліби Пернебек және Аслан Искандеров. Спортшыларымызға алдағы барлық жарыстарда табыс тілейміз, олар біздің ведомствоны спорт аренасында лайықты көрсететініне сенімдіміз!Ақпарат көзі : https://www.gov.kz/memleket/entities/emer/press/news/details/941150

Су тасқыны қаупі бар кезеңге дайындық аясында Төтенше жағдайлар министрі генерал-майор Шыңғыс Әрінов Ұлытау облысына жұмыс сапары барысында Жезқазған қаласында орналасқан Кеңгір су қоймасына барды. Инспекция барысында министр су қоймасының гидротехникалық құрылыстарының, шлюздерінің және электр механизмдерінің жай-күйін бағалады. Объектінің жұмыс істеуін қамтамасыз ететін инфрақұрылымның барлық элементтерінің тұрақты және қауіпсіз жұмысына ерекше назар аударылды. Ол су тасқынының ықтимал салдарын болдырмау және азаматтарды төтенше жағдайлар қаупінен қорғау үшін барлық қажетті шараларды қабылдауды тапсырды. Қазіргі уақытта Кеңгір су қоймасының барлық жеті шлюзі көктемгі кезеңде төтенше жағдайлардың туындау қаупін барынша азайтуға мүмкіндік беретін су жіберуге толық дайын. Өңірде көктемгі су тасқыны қаупін азайту және халықтың қауіпсіздігін қамтамасыз ету бойынша белсенді алдын алу іс-шаралары жалғасуда. Бұдан басқа төтенше жағдайлар министрі «Қазақмыс корпорациясы» ЖШС басшылығымен Ұлытау облысындағы кеніште орын алған ТЖ-ның салдарын жою мәселелері жөніндегі кеңеске қатысты. ТЖМ басшысы тергеу шеңберінде құқық қорғау органдары, өнеркәсіптік қауіпсіздік комитеті және еңбек инспекторлары тарапынан тексерулерді қоса алғанда, кешенді сараптама жүргізіліп жатқанын атап өтті. Ол бұдан кейінгі қадамдар өндірістік объектілердегі қауіпсіздік талаптарын қатаңдатуға бағытталатынын айтты. Ақпарат көзі : https://www.gov.kz/memleket/entities/emer/press/news/details/941244

Су ресурстары және ирригация министрлігі Алматы, Жетісу, Жамбыл, Түркістан және Қызылорда облыстарында су үнемдеу технологияларын енгізу бойынша шаруаларға арналған семинарлар өткізуде. Кездесулер барысында еліміздегі су үнемдеу бойынша үздік тәжірибелер таныстырылып, мемлекеттік қолдау іс-шаралары жөнінде ақпарат беріледі.«Су ресурстары және ирригация министрлігі Ауыл шаруашылығы министрлігімен бірге шаруаларды қажет инфрақұрылымды қалыптастыру, су үнемдеу жүйелерін сатып алу және орнату шығындарын субсидиялау мөлшерін 50%-дан 80%-ға дейін арттырды. Сонымен қатар, бүгінгі таңда су үнемдеу технологиясын қолданатын дихандар суармалы су үшін аз төлейді. Себебі, су үнемдеу жүйелерін пайдаланған кезде суармалы су ақысын субсидиялау мөлшері тарифке байланысты 85%-ға дейін ұлғайтылды»,- деді Суды үнемдеу технологияларын дамыту департаментінің директоры Берікбол Мәндібаев.Бүгінгі таңда Қазақстанда су шашатын машиналар мен тамшылатып суару жабдығын шығаратын төрт отандық зауыт жұмыс істейді. Биыл Түркістан облысында қытайлық компаниялармен бірлесіп тамшылатып суару жабдығын шығаратын тағы екі зауыт ашу жоспарланып отыр.Бұдан бөлек, Су ресурстары және ирригация министрлігі су үнемдейтін инновациялық технологияларды да сынақтан өткізуде. Мәселен, былтыр еліміздің жетекші ғылыми-зерттеу институттарымен бірлесіп мажарлық Water-Retainer препараты сынақтан өтті. Сынақ нәтижесі жекелеген дақылдар бойынша су үнемдеу және өнімділікті арттыру бойынша оң әсерін көрсетті. Алдын ала мәлімет бойынша, препаратты қолдану шамамен 20-37% су үнемдеуге мүмкіндік береді, сонымен қатар өнімділікті жақсартады.Ақпарат көзі : https://www.gov.kz/memleket/entities/water/press/news/details/941189

ҚТЖ ҰК АҚ жедел деректері бойынша 2024/2025 жылғы ақпан айының 16 күніне сәйкес 6,7 млн тонна астық тасымалданды, оның ішінде ел ішінде 1,4 млн тонна және экспортқа 5,3 млн тонна. Экспорт көлемінің өсуі 48,3% құрады.Өзбекстанға 2 млн тонна экспортталды, бұл 2023/2024 жылдың ұқсас кезеңінің деңгейінен 34,9% - ға артық, Тәжікстан – 789 мың тонна (өсім 47%), ҚХР - 679 мың тонна, Ауғанстан-235 мың тонна (өсім 37%). Иранға жеткізілім 20 есеге немесе 644 мың тоннаға, Әзірбайжанға жеткізілім 79 есеге немесе 319 мың тоннаға өсті.2024 жылдың қорытындысы бойынша 10,6 млн тонна астық тасымалданды, оның ішінде ел ішінде 2,5 млн тонна және экспортқа 8,1 млн тонна.Бұдан басқа, ҚТЖ деректеріне сәйкес 2024 жылдың қорытындысы бойынша 3,2 млн тонна ұн тасымалданды, оның ішінде ҚР бойынша 817 мың тонна және экспортқа 3% өсіммен 2,4 млн тонна. Қаңтар-ақпанның 16 күнінде 352 мың тонна ұн тасымалданды, оның ішінде экспорт 238 мың тоннаны құрады, өсім – 9,6%.Ұнды импорттайтын негізгі елдер-ОА, Қытай, Ауғанстан және басқа елдер.Ақпарат көзі : https://www.gov.kz/memleket/entities/moa/press/news/details/941111

ҚР АШМ ЖРБК Түркістан облысының жер ресурстарын басқару департаменті Байдібек, Түлкібас және Төле би аудандарының жергілікті атқарушы органдарына жер учаскелерін беру заңдылығына қатысты тексеру жүргізді.Тексеру нәтижесінде жер учаскелерінің конкурс пен аукцион өткізілмей, Қазақстан Республикасы Жер кодексінің 48-бабының талаптарын бұза отырып берілгені анықталды.Соттың заңды күшіне енген шешімдерінің негізінде мемлекетке Бәйдібек және Түлкібас аудандары әкімдіктерінің қаулыларымен заңнаманы бұза отырып бөлінген 4,3 мың га ауыл шаруашылығы жері қайтарылды. Оның ішінде 1 149,54 га егістік және 3 209,71 га жайылым бар.Төлеби ауданы әкімдігінің саяжай құрылысына жалпы ауданы 7,56 га болатын 63 жер учаскесі заңсыз бөлінген.Сот бұл мәмілелерді жарамсыз деп танып, жер беру туралы шешімдерді заңсыз деп тапты.Ақпарат көзі : https://www.gov.kz/memleket/entities/moa/press/news/details/941167

Түркістан облысының Төле би ауданына қарасты Көксәйек ауылында өткен құсбегіліктен жасөспірімдер мен жастар арасындағы XVI Қазақстан Республикасының чемпионаты өз мәресіне жетті, деп хабарлайды елорда әкімдігінің ресми сайты.Ауа райының тұманды әрі күрделі жағдайына қарамастан, қыран баптаған құсбегілер жарысқа тас-түйін дайындықпен шығып, шеберліктерін көрсетті.Жарыстың алғашқы күні жасөспірімдер арасында өтті, онда 22 бүркіт, 27 қаршыға және 10 ителгі бақ сынады. Ал екінші күні жастар арасында өткізілген сынға 22 бүркіт, 21 қаршыға және 9 ителгі қатысты.Ел чемпионатына Астана қаласының спортшылары қатысып, жеңіс тұғырынан көрінді. Жасөспірімдер арасында бүркіт құсын салудан Ерасыл Серікбекұлы алтын медальға ие болды. Қаршыға құсын салудан Диас Кунтуған, ал ителгі құсын салудан Ерасыл Серікбекұлы үздік үштікке енді.Бұл чемпионатқа еліміздің 9 облысынан (Алматы, Атырау, Жамбыл, Жетісу, Қарағанды, Шығыс Қазақстан, Түркістан, Қызылорда, Ұлытау) және екі ірі қаласынан (Астана, Алматы) келген үздік құсбегілер ұлттық өнерімізді дәріптеп, өзара мықтыны анықтады.Ақпарат көзі : https://www.gov.kz/memleket/entities/astana/press/news/details/940307

Астанада «Қанаттылар» инклюзивті театрының «Құстар фестивалі» атты музыкалық спектакльінің премьерасы өтеді, деп хабарлайды елорда әкімдігінің ресми сайты.Пьеса авторы жазушы-драматург, ҚР еңбек сіңірген қайраткері Дулат Исабеков. Режиссері – мәдениет қайраткері Нұрфат Вахитов. Қойылым 24-25 ақпан күндері, сағат 19:00-де «Жастар театры» ғимаратында өтеді.Спектакльде – қоғамдағы әділетсіздік пен теңсіздікті, адамзатқа тән осалдық пен бойындағы көрсеқызар қасиетін баса алмай, білімді мен білімсіздің қалтасының қалыңдығына немесе күшіне қарап мақталатын заман құстар бейнесінде көрініс табады.Ақпарат көзі : https://www.gov.kz/memleket/entities/astana/press/news/details/940309