Елорданың Есіл ауданында тағы да қауіпті есірткі граффити табылып, беті боялды, деп хабарлайды Астана әкімдігінің ресми сайты.Шара «Астана – есірткісіз қала» нашақорлықпен күрес және оның алдын алу жөніндегі кешенді іс-шаралар жоспары аясында ұйымдастырылды. Оған елордалық Есіл ауданы әкімдігінің қызметкерлері, полиция қызметкерлері мен «Астана жастары» жастар ресурстық орталығының еріктілері қатысты.Наразылық білдірушілер қауіпті жарнаманың таралуына жол бермеу үшін есірткі сату туралы жарнамаларды бояп тастады.«Астанада есірткіні насихаттау фактілері бойынша 2024 жылы, сол сияқты 2025 жылдың қаңтар айында 35 қылмыстық іс қозғалды. Граффитиді жарнамалауға тыйым салынған заттарды анықтау және жою бойынша белсенді жұмыстар жүргізілуде. 2024 жылы елордада 2747 жарнама өшірілді. Сонымен қатар, есірткі сататын 268 веб-сайт бұғатталды», - деді Астана қалалық полиция департаменті Есірткі қылмысына қарсы күрес басқармасының аға жедел уәкілі Лейла Рахимова.Елордалық еріктілер мұндай шараларға тұрақты түрде қатысып тұрады.«Есірткі жарнамаланған қабырғаларды бояу – жастардың қауіпсіз болашағына қосқан үлесіміз. Бұл іс-шаралар есірткі қылмысымен күрестің тиімділігін арттыруға септігін тигізеді деп сенеміз», - деп атап өтті «Астана жастары» МКҚК-ның волонтеры Елизавета Прибыткова.Ақпарат көзі : https://www.gov.kz/memleket/entities/astana/press/news/details/938716

«Астана қаласының цифрландыру және мемлекеттік қызметтер басқармасы» ММ елордада қалалық ортаны басқару үшін озық цифрлық технологияларды енгізу бойынша жұмыс жүргізіп жатқанын хабарлайды.Мемлекеттік-жекешелік әріптестік туралы жасалған жаңа шарт бойынша қалалық жүйелердің қауіпсіздігі мен тиімділігін арттыруға бағытталған Smart City саласындағы инновациялық жоба іске асырылып жатыр.Қазіргі уақытта қалада 700 аппараттық-бағдарламалық кешен жұмыс істейді, оның ішінде желілік учаскелер мен қиылыстарда 6 000 камера, сондай-ақ 4 000 жалпы бейнебақылау камерасы және Астана қаласы ПД жедел оперативті орталық басқармасына интеграцияланған 3 000 бөгде камера бар.Мемлекеттік-жекешелік әріптестіктің жаңа жобасы аясында қолданыстағы инфрақұрылымды одан әрі пайдалану, сондай-ақ оны модернизациялау және кеңейту көзделген.Жоба 2030 жылға дейін есептелген және Presight AI Ltd. компаниясымен бірлесіп жүзеге асырылып жатыр, G42 халықаралық холдингіне кіретін ашық компания – жасанды интеллект және ауқымды мәліметтерді талдау саласындағы әлемдік көшбасшылардың бірі.Жобаның қуаттылығы: 14 мың жалпы бейнебақылау камерасы, 8 000 интеграцияланған бөгде камера және 1202 ЖЖЕ бойынша бұзушылықтарды тіркеуге арналған аппараттық-бағдарламалық кешен.Жобаның негізгі мақсаты жасанды интеллектіні қолдана отырып, видеоталдау жүйесіне қосыла отырып, 100 мыңнан астам жалпы бейнебақылау камерасын қосу арқылы қаланың цифрлық сыңарын құру болып саналады, бұл нақты уақыт режимінде ықтимал қауіптерді анықтауға және әрекет етудің жылдамдығын арттыруға мүмкіндік береді.Жоба бойынша шамамен 53 млрд теңге тікелей инвестиция көзделген. Ерекше айта кетерлігі, жоба жеке серіктестің өз қаражаты есебінен толық қаржыландырылады, бұл ретте қазақстандық компаниялардың қатысуы жұмыс көлемінің 60%-ын құрайды.Ақпарат көзі : https://www.gov.kz/memleket/entities/astana/press/news/details/938778

Қазақстанда жыл сайын шамамен 600 бала қатерлі ісікке шалдығады, бұл елдегі жалпы онкологиялық ауруларға жатады. Заманауи медицина дертпен қалай күресіп жатыр және фармацевтика саласында қандай жаңашылдықтар бар? Осы және өзге де сұрақтарға Астана қаласы Коммуникациялар қызметінде өткен брифингте қалалық штаттан тыс балалар онкогематологы, жоғары санатты дәрігері Татьяна Саблина жауап берді, деп хабарлайды елорда әкімдігінің ресми сайты.Балалар арасында кең таралған онкологиялық ауруларға мыналар жатады: Жедел лейкоздар – қан түзу жүйесінің аурулары; Орталық жүйке жүйесінің ісіктері; Жұмсақ тіндердің ісіктері; Сүйек және ішперде арты кеңістігінің ісіктері; Бүйрек ісіктері.Қазақстанда балалар онкологиялық ауруларын екі ірі республикалық көпсалалы медициналық орталық емдейді. Оның бірі – Астана қаласындағы Ұлттық ана мен бала ғылыми орталығы.Дәрігерлер қатерлі ісікті емдеуде халықаралық стандарттарға сәйкес заманауи хаттамаларды қолданады. Атап айтқанда, қатерлі жасушаларға тікелей әсер етіп, сау тіндерге зиянын азайтатын таргеттік терапия кеңінен қолданылады. Стандартты химиотерапия көмектеспеген немесе ауру қайта өршіген балаларға туыстық және туыстық емес донорлардан сүйек кемігін трансплантациялау жүргізіледі.«Ауруды ерте анықтау – сәтті емделудің басты факторы. Осы мақсатта ерекше белгілерді алдын ала анықтау мақсатында ата-аналарға арналған жадынама әзірленді. Ерте диагностика емнің тиімділігін едәуір арттырады.Онкологиялық аурулардың алдын алудағы маңызды қадамдардың бірі – адам папилломасы вирусына (АПВ) қарсы вакцинация. Бұл екпе жатыр мойны, тік ішек және басқа да онкологиялық аурулардың даму қаупін төмендетеді.Қазақстанда 11-13 жас аралығындағы қыздарға аталмыш вакцина Ұлттық екпе күнтізбесіне енгізілген.Мемлекет балалардағы онкологиялық ауруларды анықтау және емдеу әдістерін жетілдіру бойынша жүйелі жұмыс жүргізіп келеді. Ата-аналар мен қоғам дертті ерте анықтаудың маңыздылығын түсініп, уақытылы медициналық тексерулерден өтіп отыруы қажет. Балалардың денсаулығы – ең маңызды құндылығымыз», - дейді Татьяна Саблина.Ақпарат көзі : https://www.gov.kz/memleket/entities/astana/press/news/details/938784

Картоптың бағасы туралы негізді-негізсіз ақпарат әлі де таралып, өнімнің бар-жоғы, құны мен сапасы қызу талқылануда. Алайда ресми деректерге сүйенсек, өнім қоры жеткілікті. Қалыптасқан ажиотаж тек картоптың нарықтық құны мен тұрақтандыру бағдарламасы аясындағы бағасының айырмашылығынан туындаған.«Ертіс» ӘКК» АҚ тұрақтандыру бағдарламасы аясында әлеуметтік маңызы бар көкөніс өнімдерін, оның ішінде картопты, тұрақты түрде сауда павильондарына жеткізіп отыр. Бүгінгі таңда әлеуметтік маңызы бар көкөністердің бағасы тұрақты: картоп, сәбіз және қырыққабат келісіне 125 теңгеден, ал пияз – 130 теңгеден саудалануда.«Алтай» көтерме-тарату орталығы мен «Ертіс» ӘКК» АҚ арасында жасалған келісімшарт аясында 2024 жылдың 1 қарашасынан 2025 жылдың 1 мамырына дейін 5 500 тонна картоп мөлшері контрактіленген болатын. Бүгінгі күні қорда осы көлемнің жартысына жуығы бар, бұл келісімшарт мерзімі аяқталғанға дейін жеткілікті көлем. Ал маусымаралық кезеңде (маусым-шілде) жыл сайын ерте пісетін көкөністерге жаңа келісімшарт жасалады.Тұрақтандыру бағдарламасы аясында тек картоп қана емес, сондай-ақ әлеуметтік маңызы бар өнімдер санатына кіретін сәбіз, пияз және қырыққабат та сатып алынды. Келісімшарт жасалған өнім көлемі: сәбіз – 1 300 тонна, пияз – 900 тонна, қырыққабат – 1 350 тонна.Ел Шығысында баға тұрақтандыру бағдарламасы қалыпты режимде жұмыс істеп тұр. Өнімдер «Ертіс» ӘКК» АҚ 17 сауда павильондарына күнделікті сатушылардың өтінімдері негізінде жеткізіліп, үлестіріледі. Дегенмен, бұл сауда дүңгіршектері көтерме саудаға арналмағанын ескеру қажет. Картоп тек бөлшек саудада сатылады, алыпсатарлыққа жол бермеу мақсатында қаппен сату жүзеге асырылмайды. Сонымен қатар, облыс орталығындағы 30-ға жуық дүкен «Ертіс» ӘКК» АҚ-мен жасалған меморандум аясында әлеуметтік маңызы бар төрт өнім түрін ӘКК павильондарымен бірдей бағамен сатуда. Айта кетерлігі, кез келген уақытта бұл меморандумдар аясындағы дүкендер қатары азаюы да, көбеюі де мүмкін.Мамандардың айтуынша, Шығыс Қазақстандағы ажиотаждың басты себебі – картоп тапшылығы емес, баға айырмашылығы. Әлеуметтік корпорация павильондарында картоп 125 тг/кг сатылса, толайым сауда базарларында баға 250-350 тг/кг аралығында. Осыған бола арзан картопқа сұраныс артып отыр. Алайда тәжірибе көрсеткендей, бұл - маусымдық баға ауытқуына байланысты уақытша құбылыс. Бұған дейін де осындай жағдай қант, қарақұмық, жұмыртқа сияқты өнімдер бойынша орын алған еді.Айта кету керек, келісімшарт жасалған кезде мамандар өткен жылдардағы тәжірибеге сүйеніп, баға мен өнім көлемін өзгеріссіз қалдырды. Бұл шешім «Шығыс Қазақстан облыстық әлеуметтік маңызы бар азық-түлік бағаларын тұрақтандыру комиссиясы» тарапынан мақұлданды. Алайда, қазіргі таңда әлеуметтік картоп пен нарықтық картоп бағасы арасындағы айырмашылық ажиотаж тудырып отыр. Аймақтағы ең қолжетімді баға – 125 тг/кг болғандықтан, жеткізілген өнім әдеттегіден тез сатылып кетуде. Мамандар айтуынша, таңертең жаппай сатылып кеткен картоптың келесі жеткізілуі ертеңгі күн екенін жұрт ескеруі керек.Жалпы, картоптың сатып алу бағасы мен өзіндік құны барлық өңірлерде өскендіктен, әлеуметтік бағадағы өнімге ірі көтерме саудагерлердің де қызығушылығы артты. Дегенмен, «Ертіс» ӘКК» АҚ-ның негізгі міндеті – өңірдегі бизнеске бәсекелестік тудыру емес, керісінше, нарықты монополияға айналдырмай, кәсіпкерлерді қолдай отырып, маусымдық ауытқулар кезеңінде бағаны тұрақтандыру және әлеуметтік маңызы бар өнімдердің халыққа қолжетімділігін қамтамасыз ету.Қазіргі кезеңдегі басты міндет те осы – картоптың тұрғындарға қолжетімділігін қамтамасыз ету. Жеткізу процесі ӘКК мен «Алтай» КТО арасындағы келісім негізінде жүзеге асырылады. Өз кезегінде, «Алтай» орталығы 2024-2025 жылдарға «Агрофирма Приречное» ЖШС-мен келісімшарт жасасты. Осылайша, қазіргі картоп Өскеменге Абай облысынан жеткізілуде. Қашықтық пен ауа райы жағдайларын ескерсек, қыста өнімнің үсіп қалуын болдырмау үшін қарапайым ірі әрі сыйымды жүк көліктерімен жеткізу жүзеге асырылмайды. Облыс орталығына күніне 1-2 шағын жүк көлігі келеді. Олар жылуды реттегіші мен арнайы желдеткіш жүйемен жабдықталған, сыйымдылықтары 5-10 тонна.Сауда павильондарының аумағы 18 м² болғандықтан, оларды тек картоппен «бітеп тастау» (толтыру) мүмкін емес. Павильондарда кәсіпкер сатып отырған өзге де өнімдер бар. Тұрақтандыру бағдарламасы аясындағы басты міндет – келісімшарт мерзімі аяқталғанға дейін (2025 жылдың мамыры) тұрақты бағаны сақтау және картоптың үздіксіз қолжетімді болуын қамтамасыз ету.«Ертіс» ӘКК» АҚ мамандары ағымдағы келісімшарт бойынша өз міндеттемелері толық орындалатынын, қоймадағы қор жеткілікті болғандықтан өнім жеткізілімі күнделікті жүргізілетінін мәлімдеді.Ақпарат көзі : https://www.gov.kz/memleket/entities/akimvko/press/news/details/938524

Облыс орталығында мектепке дейінгі білім беру жүйесіне ваучерлік қаржыландыруды енгізу бойынша пилоттық жоба іске қосылады.Аталған өзгеріс 83 балабақшаға енгізіледі. Оның ішінде 31 мемлекеттік, 52 жекеменшік ұйым бар. Пилоттық жобаның мақсаты - балаларды кезекке қою, мемлекеттік тапсырысты қабылдау мен орналастыру процесстерін автоматтандыру. Бұл ата-аналар үшін жүйені түсінікті әрі қолжетімді етіп, мектепке дейінгі ұйымдар арасындағы бәсекелестікті арттырады. - Ваучерлік қаржыландыруды енгізу қаладағы мектепке дейінгі білім беру жүйесін жақсартуға бағытталған маңызды қадам болмақ. Жаңа модельдің арқасында жүзеге асырылатын процесстер барлық қатысушылар үшін түсінікті және қолжетімді болады, - деді ШҚО Білім басқармасы басшысының орынбасары Жанғазы Әліпбаев.Сондай-ақ бұл жоба жеке балабақшалар үшін жаңа мүмкіндіктер ашады. Олар қажетті құжаттарды тапсырған соң жобаға қосылады алады. Жоба операторы ретінде "Қаржы орталығы" АҚ белгіленді.Ақпарат көзі : https://www.gov.kz/memleket/entities/akimvko/press/news/details/938527

Өскемен қаласындағы «Көктем» тұрғын үй кешенінде толық емес және мүмкіндігі шектеулі балаларды тәрбиелеп отырған отбасыларға пәтер кілті салтанатты түрде табысталды. Аппақ қар жапалақтап, аспаннан нұр жауған шуақты күні баспаналы болған жандардың қуанышында шек жоқ.Ұзақ жылдар бойы үй кезегінде тұрған өскемендіктерді қала әкімі Алмат Ақышов құттықтап, ақжарма тілегін жеткізді.— Мемлекет басшысының бастамасымен жүзеге асырылып жатқан «Халықты баспанамен қамтамасыз ету» бағдарламасының бүгінгі игілігін көріп отырмыз. Бұл – көптеген азаматтарымыз үшін баспаналы болудың жалғыз мүмкіндігі. Президенттің бастамасымен және облыс әкімінің қолдауымен бүгін 20 отбасы баспаналы болып отыр. Жаңа шаңырақтарыңызда қуаныш пен шаттық орнасын, бақытты күндер көп болсын. Жақсы ұрпақ тәрбиелеп, ел игілігіне үлес қосыңыздар. Қоныстарыңыз құтты болсын! – деді Өскемен қаласының әкімі Алмат Ақышов.Қала басшысы биыл 200 отбасыға пәтер берілетінін, келесі жылы да бұл көрсеткіш кемімейтінін атап өтті.Өскемен қаласындағы «Халифа Алтай» мешітін он жыл басқарған Ермек қажы Мұқатаев жуырда Қазақстан мұсылмандары діни басқармасы төрағасының орынбасары, наиб мүфти болып тағайындалған еді. Қоныс той иелерін арнайы құттықтаған ол:— Он жыл қызмет еткен уақытта Өскеменнің қалай дамып, көркейгенін көрдім. Бүгін де игі шараның куәсі болып отырмыз. Мемлекет басшысының тапсырмасын халыққа жеткізіп, оны нәтижелі жүзеге асырып отырған облыс және қала басшылығына алғысымды білдіремін. Баспаналарыңыз құтты болсын! Еліміз дамып, өркендей берсін! Халқымыздың рухани әрі экономикалық тұрғыдан гүлденуіне біз әрдайым тілекшіміз, – деді Ермек Мұқатаев.Баспаналы болған бақытты жандардың бірі – 17 жыл кезекте тұрған, бірінші топтағы мүгедектігі бар ұлын тәрбиелеп отырған Сағымгүл Байжұманова.- Қуанышымда шек жоқ! Талай жыл осы сәтті күттік. Президентімізге, атсалысқан басшылардың бәріне рахмет! Пәтердің сапасы күткенімізден де жоғары болып шықты, – деп толқынысын жеткізді ол.Кең әрі жарық екі бөлмелі пәтерге толық жөндеу жұмыстары жүргізілген. Қала әкімі жаңа баспана иелеріне кілем мен тұрмыстық техника сыйлап, үйлерінде әрдайым шаттық орнасын деген ізгі тілегін білдірді.Ақпарат көзі : https://www.gov.kz/memleket/entities/akimvko/press/news/details/938726

Ақмола облысының мамандандырылған ауданаралық экономикалық соты Жер ресурстарын басқару департаментінің (ҚР АШМ ЖРБК) талабын қанағаттандырып, ұзақ уақыт бойы пайдаланылмаған 39,3 мың га ауыл шаруашылығы жерін мәжбүрлеп қайтару туралы шешім қабылдады.Тексеру нәтижесінде Ерейментау ауданының Сілеті, Ақсуат және Қойтас ауылдық округтеріндегі, оның ішінде 4 747 га егістік пен 34 425 га жайылымдық жер мақсатты түрде пайдаланылмағаны анықталды. Жер иесіне заңбұзушылықтарды жою үшін бір жыл уақыт берілгеніне қарамастан, ол қажетті шараларды қабылдамаған.Апелляциялық инстанция шешімді өзгеріссіз қалдырды. Енді бұл жерлер тиімді пайдаланушыларға беріледі, ал олардың игерілуіне бақылау жалғасады.Ақпарат көзі : https://www.gov.kz/memleket/entities/moa/press/news/details/938375

«Qazaq Astyq Group» ЖШС тазартылған май өндіретін жаңа желіні іске қоспақ. Өндіріс қуаттылығы жылына 72 мың тонна дайын өнімді құрайды. Жобаға салынған инвестиция көлемі – 7,2 млрд теңге.Бұл шешім компанияның өндірістік қуатын кеңейтуге және өсімдік майларына деген сұранысты қанағаттандыруға бағытталған. Сұраныс тек ішкі нарықта ғана емес, сыртқы нарықта да өсіп келеді.Қазіргі уақытта зауыт тәулігіне 1200 тонна күнбағыс, рапс немесе зығыр тұқымын өңдеп, 522 тонна өсімдік майын, 430 тоннадан астам шрот және 36 тонна түйіршіктелген қабық өндіреді.Шикізаттың негізгі жеткізушілері – отандық және ресейлік ауыл шаруашылығы өндірушілері.Зауыттың өнімі Қазақстанның ішкі нарығында сатылып қана қоймай, ТМД елдері мен басқа да мемлекеттерге экспортталады. Оның ішінде Әзербайжан, Беларусь, Грузия, Үндістан, Италия, Қытай, Ресей, Тәжікстан, Өзбекстан, Эстония және басқа елдер бар.Ақпарат көзі : https://www.gov.kz/memleket/entities/moa/press/news/details/938531

Қазақстан Республикасы Ауыл шаруашылығы вице-министрі Аманғали Бердалин Дүниежүзілік жануарлар денсаулығы ұйымының (ДДЖҰ) Бас директоры Иммануэль Субейранмен ветеринария саласындағы ынтымақтастық мәселелерін талқылады.Кездесудің негізгі мақсаты – ветеринария саласындағы ынтымақтастықты кеңейту перспективаларын талқылау, қауіпсіз сауда мәселелері бойынша консультациялар өткізу және ДДЖҰ тарапынан техникалық қолдау көрсету мүмкіндіктерін қарастыру болды.Тараптар Қазақ ғылыми-зерттеу ветеринария институтының ірі қара малдың лейкозын диагностикалау бойынша ДДЖҰ референттік зертханасы мәртебесін алуына бағытталған твининг-жобаларды, сондай-ақ Қытайдың Харбин ветеринариялық ғылыми-зерттеу институты мен С. Сейфуллин атындағы Қазақ агротехникалық зерттеу университеті арасындағы аттардың инфекциялық анемиясы бойынша Орталық Азия елдері үшін ДДЖҰ референттік зертханасын құру жөніндегі твининг-жобаның іске асырылу барысын талқылады.Иммануэль Субейран жобалардың ілгерілеуінің оң динамикасын атап өтіп, ДДЖҰ Ғылыми комиссиясының алғашқы жоба бойынша шешімі осы жылдың қыркүйегінде жарияланатынын мәлімдеді.Вице-министр Қазақстанның халықаралық стандарттарға сәйкес жануарларды экспорттауға арналған Маңғыстау облысында халықаралық карантиндік орталық құру жөніндегі бастамасын жария етті. Талқылау барысында ДДЖҰ-дан осындай алаңды ұйымдастыру бойынша техникалық ұсынымдар, Қазақстан арқылы қауіпсіз экспорттау механизмдері және өңірлік тәуекелдерді басқару жөніндегі ұсыныстар сұралды.ДДЖҰ Бас директоры бұл мәселені сарапшылық деңгейде қарастыруға және тиісті ұсынымдарды ұсынуға дайын екенін білдірді.Сонымен қатар, кездесу барысында Қазақстанның солтүстік-батыс және орталық облыстарының аусыл бойынша мәртебесін қалпына келтіру, оңтүстік-шығыс облыстардың қолданыстағы мәртебесін сақтау, қазақстандық ветеринарларға арналған оқу семинарларын өткізу мәселелері қаралды.Айта кетейік, Қазақстан қазіргі уақытта ДДЖҰ-ның аусыл (оңтүстік-шығыс облыстар), африкалық ат обасы және классикалық шошқа обасы бойынша ресми мәртебелеріне ие. Министрлік солтүстік-батыс облыстарда қолайлы мәртебелерді қалпына келтіру бойынша жұмыстар жүргізуде.Ақпарат көзі : https://www.gov.kz/memleket/entities/moa/press/news/details/938739

Жолаушылардың ыңғайлылығы үшін және жолаушылар ағынының артуына байланысты Алматы метрополитені желісіне екі қосымша электр пойызы шығарылды. Бұл таңғы және кешкі қарбалас уақытта пойыздардың қозғалыс аралығын 3 минут 6 секундқа дейін қысқартуға мүмкіндік берді.Аталған өзгеріс жолаушылардың сапарларын барынша ыңғайлы етуге және қарбалас сәттерде пойыздарға түсетін жүктемені азайтуға бағытталған. Қазіргі уақытта 13 құрамның қатар жүруі жолаушылардың платформада күту уақытын қысқартып, адам көп жиналуын болдырмауға мүмкіндік береді.Метрополитен мамандары жолаушылар ағынын үнемі бақылап, пойыздар қозғалысының кестесіне қажетті өзгерістерді жедел енгізуде.«Алматы қ. метрополитені» КМК баспасөз қызметіАқпарат көзі : https://www.gov.kz/memleket/entities/almaty/press/news/details/938807

Алматыда 2025 жылғы 17-21 ақпан аралығы «Медеу» биік таудағы спорт кешенінің аумағында ҚР финалдық кубогы және құрамалық чемпионаты өтеді. Сайысқа Қазақстанның жетекші спортшылары қатысады. Құрметті келушілер! 17, 18, 20 және 21 ақпан күндері жаппай сырғанаудың 1-сеансы (10:00–12:30) және 2-сеансы (13:30–16:30) уақытша тоқтатылады. 19 ақпан күні жаппай сырғанаудың тек 1-сеансы (10:00–12:30) өткізілмейді. Жарыс бағдарламасы: •17-18 ақпан – Жеке жарыстар: 500 м, 1000 м, 1500 м, 3000 м / 5000 м•20-21 ақпан – Командалық жарыстар: командалық спринт, командалық жүгіру, гендерлік жүгіру, масс-старт Спортшыларды қолдауға және жарыстың ерекше сәттеріне куә болуға шақырамыз! Қосымша ақпарат алу үшін байланыс: +7 778 873 7971, «Медеу» БТСК баспасөз қызметіЭлектронды пошта: dss3041@mail.ru Ақпарат көзі : https://www.gov.kz/memleket/entities/almaty/press/news/details/938808

«Халықты ауызсумен қамтамасыз ету және су қорын келешек ұрпаққа сақтау үшін жан-жақты шаралар қабылдау – біздің тікелей міндетіміз», – деді Қазақстан Республикасының Президенті Қасым-Жомарт Тоқаев.2024 жылы 3100 шақырым сумен жабдықтау желісі салынып, қайта жаңартылды. Былтырғы жыл қорытындысы бойынша қазақстандықтардың 98,9%-ы сумен жабдықтау қызметтерімен қамтамасыз етілген: қала тұрғындарының 99,4%-ы және ауыл тұрғындарының 97,8%-ына сапалы ауызсу қолжетімді.(Анықтама үшін: 2020 жылы ауыз сумен 93,8% азамат қамтылды, 2021 жылы – 95,6% , 2022 жылы – 96,5% , 2023 жылы – 97,8%).Мемлекет басшысының тапсырмаларын іске асыру шеңберінде 2024 жылы еліміздің 6 өңірінде: Ақмола, Алматы, Қызылорда, Солтүстік Қазақстан, Маңғыстау және Ұлытау облыстарында топтық су құбырларын салу және реконструкциялау бойынша 8 жоба аяқталды. Бұл 208 мың тұрғыны бар 49 елді мекенді сумен қамту сапасын жақсартты. Еліміздің 9 облысы: Ақмола, Атырау, Алматы, Қызылорда, Маңғыстау, Түркістан, Батыс Қазақстан, Солтүстік Қазақстан және Ұлытау облыстарында топтық су құбырларын салу және реконструкциялау бойынша 23 жобаны іске асыру басталды. Барлық жобаларды жүзеге асыру нәтижесінде 420 елді мекенді сумен қамту сапасын жақсарту үшін 2100 шақырымнан астам су құбыры салынады. 162 мың тұрғыны бар 67 елді мекен орталықтандырылған су жүйесіне қосылады. 2024 жылы ауызсудың сапасына санитарлық-эпидемиологиялық қадағалауды қамтамасыз ету үшін 241 су құбыры тексерілді. Оның 209-ы ауылдық жерде, 24-і қалаларда, 8–і топтық су құбырлары. Анықталған заң бұзушылықтарды жою туралы 44 нұсқама берілді. Жалпы алғанда, еліміздің су құбырларынан алынған 66 мыңнан астам сынама зерттелді. «Бізге жалпы мемлекеттік бағдарлама қажет. Бау-бақшаны суару үшін ауызсуды пайдалануға болмайды. Оның орнына су үнемдеу технологиясын қолданысқа енгізіп, жер астынан жаңа су көздерін іздеу қажет»,- деп атап өтті Қазақстан Республикасының Президенті Қасым-Жомарт Тоқаев.Мемлекет басшысының тапсырмасы бойынша 2024 жылы «Қазгидрогеология» ұлттық гидрогеологиялық қызметі құрылды. Мекеме еліміздегі су тапшылығы бар өңірлерде жерасты су ресурстарын игеру және пайдалану үшін іздеу-барлау жұмыстарын жүзеге асырады. Республиканың батысындағы елді мекендерді жерасты көздерінен ауызсумен қамтамасыз етуге ерекше назар аударылды. Болжам бойынша, Қазақстандағы жерасты суларының қоры шамамен 40 млрд текше метр, оның 15 млрд текше метрі пайдалануға дайын. Елімізде жыл сайын ауызсу қажеттілігі үшін 1,2 млрд текше метр су жұмсалатынын айта кеткен жөн. Жерүсті суларының көлемін ұлғайту үшін 2030 жылға қарай жалпы көлемі 2,6 млрд текше метр су жинай алатын 42 жаңа су қоймасын салу жоспарланып отыр. «Біз қоғамда ресурстарды үнемдеп пайдалану мәдениетін қалыптастыру маңызды екенін талай жылдан бері айтып келеміз. Бірақ азаматтарға үндеу тастау жеткіліксіз. Бұдан бөлек, ресурстарды тұтынудың әлеуметтік нормаларын енгізу қажет. Үлгі етуге болатын жақсы мысалдар бар»,- деді Қазақстан Республикасының Президенті Қасым-Жомарт Тоқаев.Су ресурстарын тиімді пайдалану мақсатында су саласын цифрландыру, заманауи су үнемдеу технологияларын енгізуді ынталандыру және құрғақшылыққа төзімді ауыл шаруашылығы дақылдарына көшу, сондай-ақ ірі елді мекендерде тазартылған сарқынды суды қайта пайдалану бойынша кешенді жұмыс жүргізілуде. Сонымен қатар тұрмыстық жағдайда су үнемдеу бойынша әдістемелік нұсқаулық бекітілді. Су үнемдеу озық технологияларын енгізуді жеделдету аясында кәсіпорындарды өнеркәсіпте суды қайта пайдалану жүйелеріне көшуге ынталандыру бойынша іс-шаралар әзірленді.Су кодексінің жаңа редакциясында кәсіпорындарда бес жыл мерзім ішінде суды айналымды және (немесе) қайта пайдалану жүйелеріне көшу жоспарының болуы жөніндегі талап қарастырылған. Әр облыстағы өнеркәсіп орындарында суды қайта пайдалануды ұлғайту бойынша 2030 жылға дейін модельдік жоспар әзірленді және бекітілді.2030 жылдың соңына дейін экономика салаларындағы суды қайта пайдалану үлесін 17%-дан 28%-ға дейін ұлғайту жоспарланып отыр.Сонымен қатар, тұрмыстық жағдайда су үнемдеу бойынша Әдістемелік нұсқаулық бекітілді, құжат крандардағы ақауды уақытылы жою, аэрациялық кранды пайдалану, екі түймелі су ағызу цистерналарын қолдану, автоматты сенсорлық су араластырғыштарды орнату, кір жуатын машинаны толық жүктеме кезінде ғана қосу және т.б. іс-шараларды қамтиды.2024 жылы еліміздің 6 өңірінде жеке тұлғалар үшін ауызсуды тарифтеу тәртібі қайта қаралды. Тұтынудың әлеуметтік нормалары енгізілді(айына 3 м3 артық су тұтынған жағдайда, нормадан асып кеткен су көлемі үшін тариф жоғарылайды).Бұл шара 6 өңірде: Ақмола, Ақтөбе, Түркістан, Ұлытау облыстары мен Алматы және Шымкент қалаларында айына орта есеппен 1,65 млн текше метр су үнемдеуге мүмкіндік берді. Тұтынудың әлеуметтік нормалары енгізілгенге дейін барлық 6 өңір бойынша ауызсуды тұтынудың орташа көлемі 21,1 млн текше метр еді, бүгінгі таңда бұл көрсеткіш 19,5 млн текше метрге дейін төмендеді. Су шаруашылығы инфрақұрылымын толық жаңғырту, суды үнемдейтін озық технологияларды енгізу, суды есепке алу жүйесін цифрландыру, халық пен кәсіпорындар арасында суды үнемдеу мәдениетін дамыту Қазақстан халқын жоғары сапалы сумен қамтамасыз етуге мүмкіндік береді.Ақпарат көзі : https://www.gov.kz/memleket/entities/water/press/news/details/937950

Жобаның жалпы құны – шамамен 4 миллиард теңге. Болашақта 200-ге жуық жұмыс орнын ашу жоспарлануда.Облыс әкімі Қарғалы ауданына жұмыс сапары аясында су қоймасында болып, туристік аймақты дамыту жобасымен танысты.«Samet International» ЖШС-нің «Qargaly Eco Resort» жобасы тұрғын үй және ойын-сауық объектілерін, мейрамханаларды, спорт және ойын алаңдарын, сондай-ақ жайлы демалу үшін түрлі инфрақұрылымдық объектілерді қамтитын экологиялық таза курорттық аймақ құруды көздеп отыр.Компания жобаны өз қаражаты есебінен іске асырмақ. «Бизнестің жол картасы-2025» бағдарламасы аясында 2022 жылы су қоймасының аумағында 29,2 млн теңгеге электр беру желісі жүргізілді.Жазда мұнда 8 және 4 орындық екі демалыс үйі жұмыс істей бастады, олардың жанында пирстер мен үш контейнер орналастырылған. Жоба су қоймасы аумағында туризмді дамытуға мүмкіндік береді. Қазақстаннан да, шетелден де туристерді тартуға ықпал ететін жаңа объектілерді одан әрі кеңейтуді және құруды септігін тигізбек.«Біз алдағы су тасқынына дайындық аясында Қарғалы су қоймасының жай-күйін қарап шықтық. Бүгінде ол 200 миллион текше метрге толды. Көктемде тағы 150 миллион текше метр су келеді деп күтілуде. Біз жағдайды мұқият қадағалап, қауіпсіздікті қамтамасыз ету үшін барлық қажетті шараларды қабылдаймыз. Сонымен қатар, су қоймасының айналасын абаттандыру жоспарлануда. Мұнда жергілікті тұрғындар мен туристер үшін бірегей демалыс орнын құрмақпыз.Қарғалы ауданындағы табиғат өте керемет және біз мұнда туризмді белсенді дамытамыз. Жолдарды ретке келтіріп, ұялы байланысты жақсартамыз. Біз ауданда туристік саланы дамыту бойынша өз идеяларын ұсынған кәсіпкерлермен кездестік және оларды міндетті түрде қолдаймыз. Туризмнің дамуы Қарғалы ауданының өсуі мен өркендеуі үшін жаңа мүмкіндіктер беретініне сенімдімін», - деп атап өтті әкім.Ақпарат көзі : https://www.gov.kz/memleket/entities/aktobe/press/news/details/938903

Қарғалы ауданының Қос-Естек ауылында «Қуаныш» шаруа қожалығы әулиекөл сиырының тұқымын өсірумен айналысады.Қарғалы ауданына жұмыс сапары барысында облыс әкімі Қос-Естек ауылында болды. Ол әулиекөл ірі қара малының тұқымын өсірумен табысты айналысып жатқан «Қуаныш» фермерлік шаруашылығына барды.2023 жылы шаруашылық 100 бас аналық ірі қара мал мен 4 өндіруші бұқаны сатып алып, екінші жылы жоғары нәтижеге қол жеткізген, бүгін малдың 85% төлдеген. Қазір фермерлер мал басын 500 аналыққа жеткізіп, Қазақстан аумағында малды сату мақсатында тұқымның көбеюін дамытуды жоспарлауда. «Қуаныш» ФҚ зоотехнигі Арман Илюповтің айтуынша, әулиекөл тұқымы өңірдің климатына жақсы бейімделген және күтімі қиындықтар туғызбайды.Шаруашылық сонымен қатар өсімдік шаруашылығымен айналысады, өзін-өзі жеммен қамтамасыз етеді. 2024 жылы 1118 гектар жерге бидай, арпа және сұлы еккен.Облыс әкімі шаруашылық жұмысының тыныс-тіршілігімен танысып, қожалық басшылығымен одан әрі дамыту жоспарларын талқылап, фермерлерді мемлекеттік қолдаудың маңыздылығын атап өтті. Мұндай бастамалар өңірдегі экономикалық жағдайды жақсартуға және азық-түлік қауіпсіздігін арттыруға көмектесетінін алға тартты.Содан кейін аймақ басшысы Қос-Естек ауылында орналасқан «Моя семья» наубайханасына барды.Оны тоғыз бала тәрбиелеп отырған көпбалалы ана Наталья Роде ашқан. Балалармен бірге олар 700-ге дейін нан және басқа да нан өнімдерін пісіріп, ауылдарға жеткізеді.«2020 жылы «Бизнестің жол картасы-2025» бағдарламасы аясында төрт миллион теңге көлемінде грантқа ие болдым. Осы ақшаға жабдықтар мен пештер сатып алдым. Бастапқыда нанды үйде пісірдім, қыздарым көмектесті, ал ұлдар нан тасымалдаумен айналысты. Нан-тоқаш өнімдері сұранысқа ие бола бастады және біз кәсіпті кеңейтіп, наубайхана салуды жөнінде шешім қабылдадық. 2023 жылы «Ауыл аманаты» бағдарламасы арқылы қамыр илейтін құрал-жабдық, қалып және тоңазытқыш сатып алу үшін 1,3 миллион теңге көлемінде несие алдық. Біз бұл несиені тезірек жауып, ол отбасылық бизнесіміздің дамуына оң әсер етті», - деді Наталья өз ісі туралы.Енді кәсіпкер мемлекеттік қолдау бағдарламасы арқылы нан тасымалдау үшін көлік сатып алуды жоспарлап отыр.«Ауылдағы отбасылық бизнес - бұл тұрақтылық пен өсудің кепілі. Мұнымен тоқтамай, әрі қарай дамыңыздар. Балаларыңыз сізге көмектесіп жатыр - бұл дәстүр мен сабақтастықты сақтаудың маңызды қадамы. Нанға деген қажеттілік әрқашан болады. Табысқа жетудің барлық негіздері жолға қойылған», - деп әкім кәсіпкерге табыс тіледі.Бұдан әрі облыс әкімі Велиховка ауылында болып, Юрий Барановтың басшылығымен 1999 жылдан бері дамып келе жатқан жергілікті фермерлік шаруашылықтың қызметімен танысты.«Велиховка» ШҚ өсімдік және мал шаруашылығымен айналысады. Егістік алқаптарының ауданы – 4 405 га, шабындық – 536 га, тағы 1 968 га жайылымға бөлінген. Мал басының саны 400-ге жуық. Былтырғы жылы 4 297 га дәнді дақылдар егілді, 228 га жемшөпке бөлінді.Шаруашылық заманауи ауыл шаруашылығы техникасымен жабдықталған. Бүгінгі таңда фермада 30 адам жұмыс істейді, олар кәсіпорынның үздіксіз жұмысын қамтамасыз етеді.«Ауыл шаруашылығын дамытып қана қоймай, бүкіл аймақтың өркендеуіне ықпал ететін жұмыс орындарын құратын фермерлерге қолдау көрсету маңызды. Біз бизнесті кеңейтуге, жабдықты жаңартуға және еңбек жағдайларын жақсартуға көмектесетін бастамаларға қолдау көрсетуді жалғастырамыз. Бірлескен күш-жігердің арқасында ғана біз орнықты дамуға қол жеткізе аламыз, ауылдық жерлердегі өмірді жақсарта аламыз және келер ұрпақ үшін табысты болашақты қамтамасыз ете аламыз», - деп атап өтті облыс әкімі.Ақпарат көзі : https://www.gov.kz/memleket/entities/aktobe/press/news/details/938754

Ғимаратты жөндеу 2024 жылы аяқталған, оны «Бабэк Құрылыс» ЖШС компаниясы жүзеге асырды. Жұмыс құны – 176,6 млн теңге. Күрделі жөндеу және ішкі әрлеу жұмыстары жүргізіліп, заманауи өрт дабылы жүйесі орнатылған, электрмен жабдықтау ретке келтіріліп, балабақша аумағы абаттандырылды, балалар карусельдері мен ойын алаңдары қойылды.Қарғалы ауданына жұмыс сапары барысында өңір басшысы Бадамшадағы «Ауыл - Ел бесігі» бағдарламасы аясында жөнделген мектепке дейінгі мекемеге барды. Әкім атқарылған жұмыстарды бағамдап, балалардың тұрғын жағдайларымен танысты.«Балапан» мектепке дейінгі мекемесінің директоры Жанат Биманбаева сәбилердің жайлы және қауіпсіз ортала тәрбиеленуі үшін барлық жағдай жасалғанын атап өтті. Қазір балабақшаға 82 бала келеді, штат 29 қызметкерден тұрады, оның ішінде 13 тәрбиеші мен әдіскер бар. Аудан орталығында балабақша кезегінде екі жасқа дейінгі 31 бала тұр.Балабақшада балалардың көркемдік дамуына арналған кабинет, ойын бөлмелері, музыка залы, медициналық кабинет жаңартылды. Ас блогында тоңазытқыш камералары бар заманауи ас үй жабдықтары орнатылған. Балабақша ғимаратында мұғалімдердің жұмысына ыңғайлы болу үшін Wi-Fi бар.«Біз балалар үшін қолайлы және қауіпсіз жағдай жасау үшін ауылдарда инфрақұрылымды белсенді қолдауды және дамытуды жалғастырамыз. Бұл тұрғылықты жеріне қарамастан, әр бала үшін тең мүмкіндіктер бағытындағы маңызды қадам. Әр баланың әлеуетін ашуға көмектесетін сапалы білімге қол жеткізуін қамтамасыз ету қажет. Балалардың психикалық дамуына ерекше назар аудару керек. Қажет болса, біз Монтессори сияқты мамандандырылған кабинеттерді немесе ерекше білім беру қажеттіліктері бар балалармен жұмыс істеу үшін түзету кабинеттерін ашамыз. Бұл әр балаға жалпы дағдыларды дамытып қана қоймай, жеке ерекшеліктеріне қарамастан үйлесімді дамуға көмектеседі», - деп атап өтті әкім.Ақпарат көзі : https://www.gov.kz/memleket/entities/aktobe/press/news/details/938826

Қарғалы ауданына жұмыс сапары кезінде облыс әкімі орталық ауруханаға барып, диагностикалық бөлімшені орналастыру үшін салынатын қосымша жобамен танысты.Аудандық аурухананың бас дәрігері Берік Жаржанов бұл нысан пациенттерге қызмет көрсету сапасын едәуір жақсартуға және диагностика мүмкіндіктерін кеңейтуге мүмкіндік беретінін айтты.Аурухана 1955 жылы салынған. Оның жанында 54 төсек-орынға шақталған стационар жұмыс істейді. Сондай-ақ, бір ауысымда 150 науқасқа қызмет көрсететін емхана бар. Ауруханаға 6 дәрігерлік амбулатория және ауданның 9 медициналық пункті бекітілген. Аурухана ұжымы 162 адамды құрайды.«Қарғалы ауданы қарқынды дамуда. Мұнда жаңа үйлер салынуда, халық саны артып келеді. Жапсарлас нысанды салу және денсаулық сақтау инфрақұрылымын жақсарту - бұл процестің маңызды қадамы. Аудан тұрғындары сапалы медициналық қызмет алуы үшін біз денсаулық сақтау жұмыстарын қолдап, жақсартуды жалғастырамыз», - деді облыс әкімі.Өңір басшысы ауруханаға қосымша құрылыс салу жобасын қаржыландыру мәселесі облыстық мәслихат сессиясында қаралатынын атап өтті.Ақпарат көзі : https://www.gov.kz/memleket/entities/aktobe/press/news/details/938841

Абай облысының ядролық медицина және онкология орталығында SOMATOM go.Sim компьютерлік томографы мен TrueBeam сәулелік терапия жүйесі іске қосылды. Аталған қондырғылар «Қазақстан Халқына» Қоғамдық Қорының қолдауымен алынып отыр. Шараға Абай облысының әкімі Нұрлан Ұранхаев, «Қазақстан Халқына» Қоғамдық Қорының басқарма төрайымы Ләззат Шыңғысбаева, орталық ұжымы қатысты.«Бүгінгі қуанышты оқиға Абай облысы әкімдігімен бірлесе іске асырған сәтті жобалардың бірі болды. Облыс тұрғындарының денсаулығын жақсартуда бұл заманауи қондырғылардың тигізер пайдасы мол екені анық. Біз Абай облысымен денсаулық саласында ғана емес, білім, спорт сияқты өзге де әлеуметтік салаларда бірлесе жұмыс жасап келеміз. Әріптестігіміз алдағы уақытта да жалғаса береді», -деді «Қазақстан Халқына» Қоғамдық Қорының басқарма төрайымы Ләззат Шыңғысбаева.Жоғары технологиялық қондырғылар диагностика мен емдеудің сапасын арттыруға, өңіріміз ғана емес бүкіл Қазақстанның тұрғындары үшін заманауи онкологиялық көмектің қолжетімділігін кеңейтуіне ықпал етеді.«SOMATOM go.Sim компьютерлік томографы сәулелік терапияны дәл жоспарлау үшін ісіктерді егжей-тегжейлі бейнелеуге, кескіннің жоғары сапасын сақтай отырып, сәулелену дозасын азайтуға, ағзаның табиғи физиологиялық процестерін( тыныс алу, жүрек соғысы) ескере отырып, емдеу процедурасын жүргізуге мүмкіндік береді. Сондай-ақ, сәтті емдеу мүмкіндігін арттыра отырып, сәулелік терапияның ең күрделі әдістерін жоспарлау процесін жеделдетеді»,-дейді ядролық медицина және онкология орталығының директоры Саят Таңатаров.Ал, TrueBeam сәулелік терапия жүйесі тек қатерлі жасушаларға әсер ететін сәулеленудің инновациялық әдістерін қолдануға, динамикалық бақылау технологиясының арқасында ең күрделі және қозғалмалы ісіктерді емдеуге мүмкіндік береді. Одан бөлек, сеанстардың ұзақтығын азайтып, жайлылықты арттырады. Ең бастысы, емделушілердің өмір сүру сапасын бұзбайды.Демек, алдағы уақытта орталықта ем қабылдаушылар жаңа қондырғылардың арқасында сырқатының диагноздарын дәл анықтап, дәрігерлердің одан арғы көмегіне жүгіне алады.Ақпарат көзі : https://www.gov.kz/memleket/entities/abay/press/news/details/938278

ТЖ вице-министрі генерал-майор Кеген Тұрсынбаев Төтенше жағдайлар министрінің атынан «Өркен» шаруа қожалығының басшысы Талғат Мұсірәтке тұрғын үйдегі өрт кезінде көрсеткен ерлігі мен жанқиярлығы, адам өмірлерін сақтап қалғаны үшін «Өртте көрсеткен қайсарлығы үшін» медалін табыстады. Вице-министр медальді тапсыра отырып: «Талғат Мүсірәт батылдықты ғана емес, сонымен қатар үлкен жауапкершілікті талап ететін нағыз ерлікті көрсетті. Оның бұл әрекеті шабыттандырып, барлығына үлгі болады. Мұндай адамдар өз заманының нағыз батырлары және біз олардың ерліктерін мақтан тұтамыз», - деп атап өтті. Естеріңізге сала кетейік, 2025 жылдың 7 ақпанында Шығыс Қазақстан облысы Зайсан ауданы Айнабұлақ ауылында жеке тұрғын үйде өрт шыққан. Өрт сөндіру бөлімшелері келгенге дейін көршісі Талғат Мүсірәт өз өмірін қатерге тігіп, терезе арқылы қатты түтіндеген үйге кіріп, қарт әйел мен төрт баланы құтқарып, қауіпті аймақтан шығуға көмектесті. Өрт сөндірушілер сол жерге келіп, 30 шаршы метр аумақтағы өртті жойды. Өрттің себебі электр жабдықтарын монтаждау кезінде өрт қауіпсіздігі талаптарын сақтамау болды, Батырдың өзі марапатқа ризашылығын білдіріп: «Мен адамдарға қауіп төніп тұрғанын көргенде шетте қарап тұра алмадым. Мен түйсігіммен әрекет еттім, егер де тағы да осындай жағдайға тап болсам, де солай істейтін едім. Мен үшін ең бастысы – құтқарылған өмір», - деп айтып өтті.Ақпарат көзі : https://www.gov.kz/memleket/entities/emer/press/news/details/938649

2025 жылғы 14 ақпанда ҚР Президенті жанындағы Орталық коммуникациялар қызметінде «Су тасқыны кезеңіне дайындық туралы» тақырыбында баспасөз конференциясы өтті. Спикер ретінде ҚР ТЖМ Төтенше жағдайлардың алдын алу комитеті төрағасының міндетін атқарушы Жылқайдаров Әсет Думанұлы сөз сөйледі. Төтенше жағдайлар министрлігі орталық мемлекеттік және жергілікті атқарушы органдармен бірлесіп су тасқыны кезеңіне дайындық жөніндегі іс шаралар кешенін жалғастыруда. Су тасқынының болжамды тәуекелдеріне байланысты оңтүстік және батыс өңірлерде орналасқан учаскелерде жағдайды бақылайтын және қалыптасқан жағдай туралы өзекті ақпаратты беретін тәулік бойы қызмет атқаратын бекеттер қойылды. «Жағдай нашарлаған кезде біз зардап шеккен өңірлерге қосымша күштер мен құралдарды жедел жеткіземіз, сондай-ақ халықты эвакуациялауға және авариялық-құтқару жұмыстарын жүргізуге дайындаламыз», - деп Әсет Жылқайдаров хабарлады. Дайындық шеңберінде азаматтық қорғаныстың әскери бөлімдері жоғары дайындыққа келтірілді, жедел кезекшілікте құтқару авиациясы бар. Тәулік бойы режимде ТЖМ жедел су тасқынына қарсы штабы жұмыс істейді, оған ІІМ, Қорғанысмині, ҰҰ, Қазгидромет, Қазсушар және Қазавтожол сияқты негізгі мемлекеттік органдардың мамандары тартылған. Сондай-ақ іс-қимылдарды жедел үйлестіру үшін өңірлерде осындай штабтар да жұмыс істейді. Жеделдікті жақсарту үшін командалық-штабтық машиналар базасында жедел басқару топтары құрылды, ол ықтимал төтенше жағдайлар аймақтарынан нақты уақыт режимінде ақпаратты беруге мүмкіндік береді. Сондай-ақ жедел ден қою үшін күштер мен құралдар резерві дайындалды. Сондай-ақ жедел ден қою үшін күштер мен құралдар резерві дайындалды. Қазгидрометтің алдын ала болжамы бойынша 9 өңірде (Ақтөбе, Абай, Ақмола, ШҚО, БҚО, Қарағанды, Ұлытау, СҚО, Қостанай облыстары) жоғары су басу қаупі күтілуде. ТЖМ су тасқыны салдарын азайту және азаматтардың қауіпсіздігін қамтамасыз ету үшін барлық қажетті шараларды қабылдауға дайын. Ақпарат көзі : https://www.gov.kz/memleket/entities/emer/press/news/details/938734

Серік Төленбергенов Шығыс Қазақстанға жұмыс сапары аясында ШҚО ТЖД өнеркәсіптік қауіпсіздік басқармасында кеңес өткізді. Өндірістік объектілердегі авариялар мен оқиғалардың алдын алу, кеніштерде позициялау жүйесінің бар-жоғын бақылау, өнеркәсіпте цифрлық технологияларды қолдану, өндіріс қауіпсіздігі бойынша заманауи шешімдерді енгізу мәселелері талқыланды. Серік Төленбергенов ШҚО ТЖД бастығымен жергілікті атқарушы органдардың өкілдерімен және Кәсіби әскерилендірілген авариялық-құтқару қызметтерінің республикалық орталық штабының басшылығымен бірлесіп облыстың бірқатар өнеркәсіптік объектілерін аралап шықты. Сондай-ақ «Қазмырыш» ЖШС Шығыс Қазақстан тау-кен байыту кешенін алқап кенішіне барды, онда кен өндіру процестері бүкіл ТМД бойынша жалғыз «Rail veyor» көлік жүйесімен бақыланатын өндіріс басқармасының орталығымен танысты. ҚР ТЖ вице-министрі қауіпсіздік мониторингі жүйесін, шахтадағы басты желдету қондырғысының жұмысын, бетон-толтырымдық кешеннің жұмысын, үйінді астында іздеу жүйесін және персонал мен өздігінен жүретін жабдықты жақындастыру жүйесін зерделеді. Серік Төленбергенов жұмыс сапарының аясында кәсіпорындардағы жарақаттанудың алдын алу, инциденттер мен авариялар қаупін азайту бойынша тапсырмалар берді. Ақпарат көзі : https://www.gov.kz/memleket/entities/emer/press/news/details/938866