Атырау облысының әкімі Серік Шәпкенов «КаР-Тел» компаниясының атқарушы директоры Евгений Настрадинді қабылдады, - деп хабарлайды әкімдіктің баспасөз қызметі.Қос тарап бірлесе атқарылатын жұмыстың жәй-жапсарын талқылап, аймақтың телекоммуникациялық инфрақұрылымын дамытудың негізгі бағыттары туралы ақылдасты.“КаР-Тел” ЖШС-гінің атқарушы директоры Евгений Настрадин компанияның жасаған жұмыстары мен алдағы жоспарын айтты.Былтыр компания 306 базалық бекет тұрғызып, модернизациядан өткізген, 15 дабылсыз аумақта байланыс реттелген. 2025-2026 жылдары қосарлы қызмет атқаратын тіректер орнатылып, “ақтаңдақтарды” жоюға күш салынады. Дәлірек айтқанда, 90 аумақта байланыс реттеледі. Бұдан бөлек, “КаР-Тел” компаниясы өңір тұрғандарының жоғары жылдамдықтағы интернетке үздіксіз қосылуын қамтамасыз ете отырып, үй интернеті желісін белсенді дамытуға ниетті.Аймақ басшысы ғаламтордың өмірдің ажырамас бөлшегіне айналғанын, ал оған қолжетімділік өлкенің дамуында маңызды роль ойнайтынын айтты. Облыс әкімі байланыс сапасын арттырып, қамту аумағын кеңейтуге бағытталған жобаларды қолдауға дайын екенін жеткізді.Кездесу соңында Атырау облысы әкімдігі мен «КаР-Тел» ЖШС-гі арасында аймақта байланыс пен интернетті дамыту жөніндегі меморандумға қол қойылды. Бұл құжат тараптардың өңірдегі, әсіресе ауыл-аймақтағы байланысты жандандырып, интернетті қолжетімді ету мақсатындағы телекоммуникациялық инфрақұрылымды дамытудағы келісімін бекітеді.Ақпарат көзі : https://www.gov.kz/memleket/entities/atyrau/press/news/details/939073

Атырау Жастар театрында әйгілі композитор Илья Жақановтың өмірі мен шығармашылығына негізделген «Еділ мен Жайық» мюзиклінің премьерасы өтті, - деп хабарлайды облыс әкімінің баспасөз қызметі. ⁃Біз бүгін қазақ мәдениеті мен руханияты үшін ерекше жайтқа куә болып отырмыз. Жоғары деңгейде өткен мюзиклдан алған әсерім ерекше. Өйткені сахнада Илья ағамызды сомдап жатса, қасымда кейіпкердің өзі отырды. Ілия Жақанов – қазақ музыка өнерінің дамуына өлшеусіз үлес қосқан, еліміздің мақтанышы. Оның өмірін жолын бір сахнада екі сағаттық қойылымда тамашаладық. Жолында кездескен қиындықтар мен аяқтан шалуды да көрсетті. Сол жолда таланты мен қызметін ұлтына арнады. Бұл сахналық туынды Қазақстанның түкпір-түкірінде сахналанса, Атырау өңірі үшін үлкен мақтаныш болар еді. Мюзикл көрерменнің жүрегіне жол тауып, қазақ мәдениетінің баға жетпес жауһарына айналады деп сенемін, - деді облыс әкімі Серік Шәпкенов. Мюзиклда И.Жақановтың соғыс жылдарымен тұспа-тұс келген балалық шағынан бастап бозбалалық дәурен, жігіттік кезеңдері және қайраткерлік шағындағы өмір иірімдері, елі мен жеріне деген азаматтық ұстанымдары, жан сарайынан ән болып өрілген адами сезімдері көркемдік тұрғыда көрініс тапты. Бала Ильяның бойына мейірім сыйлаған Жақан әке мен Балкен ана, өнерге іңкәр жігітке бата берген Ахмет Жұбанов, өнер жолында рухтас жандарға айналған Жұбан мен Шәмші бейнелері, елдікті ту еткен Махамбет батыр елесі — бәрі өмірі әнге айналған тұлғаның жан-сарайын айшықтайды. Қойылымда Жастар театрымен бірге «Sarmad» этно-фольклорлық және «Gazhap band» вокалдық-аспаптық ансамбльдері, Д. Нұрпейісова атындағы халықтық музыка академиясы, Атырау музыкалық колледжінің студенттері өнер көрсетті. Айта кетейік, қойылымның авторы Мәдина Омарова, ал қоюшы режиссері Қазақстанның еңбек сіңірген қайраткері, «Құрмет» орденінің иегері Асхат Маемиров.Ақпарат көзі : https://www.gov.kz/memleket/entities/atyrau/press/news/details/939079

Өткен демалыста аймақ басшысы Серік Шәпкенов “QazaqGaz” ҰҚ” АҚ-ның басқарма төрағасы Санджар Жаркешовпен жүздесіп, Қашағандағы газ өңдеу зауыты жобасын жүзеге асыруға қатысты мәселелерді талқылады.Кездесуде бас мердігерлер “KCG” ЖШС-гі, “Іntegra” ЖШС-гінен өкілдер де болып, құрылыстың қазіргі жағдайы, сондай-ақ жобаны іске асырудағы өзекті мәселердің шешімі турасында баяндады.Құрылыстағы жалпы прогрестің бүгінгі көрсеткіші — 42%. Соңғы мәліметтерге сай, құрал-жабдықтың 90%-ы жеткізілген, монтаж қарқынды жүріп жатыр. Құрылысқа 900-ден аса маман, 75 техника жұмылдырылған. Биылғы мамырдан бастап персонал санын 2000-ға жеткізу жоспарланған.“Нысанда құрылыс-монтаж жұмыстары белсенді жүріп жатыр. Көктем келе ірі технологиялық жабдықтарды орнатуды бастаймыз. Үкімет бекіткен кесте бойынша зауыт 2026 жылдың аяғында пайдалануға берілуі тиіс”,- деді Санджар Жаркешов.Облыс әкімі Серік Шәпкенов жобаны уақытында аяқтаудың маңызына тоқталып, мердігерлердің жұмысын қадағалау, кадрмен қамту, экологиялық қауіпсіздік сынды негізгі мәселелерге баса назар аударды. Аймақ басшысы жиын барысында жобаны іске асырушылардың жұмысын үйлестірудегі ашықтық пен жұмыстык мерзімге сай жүруін міндеттеді. Зауытты уақытында іске қосуға қажетті ресурсты жұмылдырып, тиімді әріптестік орнату керек.Ақпарат көзі : https://www.gov.kz/memleket/entities/atyrau/press/news/details/939563

Бүгін Мемлекеттік қызмет істері агенттігінде Премьер-министрдің орынбасары Қанат Бозымбаев пен Агенттік төрағасы Дархан Жазықбайдың қатысуымен сайланған аудандық маңызы бар қалалардың, ауылдардың, кенттердің, ауылдық округ әкімдерінің біліктілігін арттыру бағдарламасы ашылды. Іс-шараға Президент Әкімшілігінің лауазымды адамдары, Аманат партиясының және еліміздің өзге де саяси партияларының өкілдері, Президент жанындағы Мемлекеттік басқару академиясының оқытушылары, сондай-ақ өңірлерден аудан және ауыл әкімдері онлайн қатысты. Президент Қасым-Жомарт Тоқаев Қазақстан халқына жолдауында азаматтардың талабына сәйкес әкімдерді тікелей сайлау жүйесі іске қосылып, барша ауыл әкімдерінің 90 пайызға жуығы сайланғанын айта келе, олардың 60 пайызы бұрын мемлекеттік қызметте істемегенін атап көрсетті. Сонымен қатар, Үкіметтің кеңейтілген отырысында әкімдердің біліктілігін арттыруды Үкімет пен Агенттікке тапсырды.Бұл ретте, Агенттік төрағасы Д. Жазықбай Мемлекет басшысының тапсырмасын сапалы орындау мақсатында әкімдерді оқытудың тиімділігіне ерекше мән беру қажеттігіне тоқталды. Сонымен қатар, Д.Жазықбай «Cаяси партиялар Ауыл әкімдерін сайлау кезінде өздері ұсынатын кандидаттардың тұлғалық жауапкершілігі мен кәсіби даярлығына назар аударғаны жөн. «Адал Азамат» идеалдарына сай, шынайы мақсаты ел игілігіне әділ қызмет етуді көздейтін адамдардың жұмысынан қашанда оң нәтиже күтуге болады», - деді. Өз кезегінде әкімдердің кәсіби біліктілігін арттыру 17 модуль арқылы жүргізіледі.Атап айтқанда:- жергілікті бюджетті тиімді пайдалану;- мемлекеттік сатып алулар мен салықтар;- коммуналдық меншікті басқару, экология мен қоршаған ортаны қорғау;- кәсіпкерлікті дамыту және мемлекеттік қолдау, аймаққа инвестиция тарту;- мемлекеттік басқарудағы цифрлық технологиялар, жасанды интеллект құралдарын қолдану;- қабылданған шешімдердің сәттілігіне әсер етуі мүмкін тәуекелдерді басқару, тиімді коммуникациялар және өзге дағдыларды дамытуды көздейді.Бағдарлама практикалық жаттығулар, интерактивті пікірталастар, тренингтер, экономика, мемлекеттік басқару, құқықтану салалары бойынша сарапшылармен кездесу және оффлайн, онлайн форматта 240 академиялық сағат оқытуды қамтиды. Бұдан өзге, жұмыс барысында ең көп жол берілетін кемшіліктерді ескере отырып, практикалық кейстер және оларды тиімді шешу жолдары қаралатын болады.Оқытудың қорытындысына сәйкес әкімдер өңірлерді экономикалық дамытуға қатысты жобаларын қорғайды.Жиын барысында, әлемде цифрландыру мен технологияның қарқынды дамуына сәйкес елімізде өңірлердің экономикалық әлеуетін арттыру үшін білікті менеджерлерді қалыптастырудың маңыздылығын ескере отырып, әкімдердің біліктілігін арттыру барысында теориялық әрі практикалық тәсілдерді қолдану қажеттігі айтылды.Бағдарлама Президент жанындағы Мемлекеттік басқару академиясының базасында, республикалық маңызы бар қалалар мен облыстардағы филиалдары арқылы жүзеге асырылады.Ақпарат көзі : https://www.gov.kz/memleket/entities/aqmola/press/news/details/939954

Қытай Халық Республикасына ресми сапары аясында Алматы әкімі Ерболат Досаев Бейжің қалалық жоспарлау орталығына - қазіргі заманғы қала құрылысы және қаланы дамыту қағидаттарын көрсететін бірегей мекемеге барды.Ерболат Досаев экология, қала құрылысы мәселелерімен, Бейжіңнің 2016-2035 жылдарға арналған Бас жоспарының қалалық аумақтарды игеруге және оларды бірыңғай агломерацияға интеграциялауға жүйелі көзқарасты көрсететін негізгі аспектілерімен танысты.Алматы әкімі Алматы және Бейжің қалаларын дамытудағы жаңа тәсілдердің полиорталықтық даму бөлігіндегі ұқсастығын атап өтті. Қытай астанасында полиорталықтар New Town деп аталады. Мұндай тәсілдер ыңғайлы тұруды, инфрақұрылымды теңгерімді дамытуды және экологиялық тепе-теңдікті сақтауды қамтамасыз ете отырып, жүктемені орталық, аудандар және агломерация арасында бөлуге мүмкіндік береді.«Бейжіңдегі қала құрылысы орталығы жай ғана көрме емес, бұл жаһандық үдерістерге сай қаланың қалай дамитыны туралы жанды көрініс. Біз қаламыздың тұрақты дамуын қамтамасыз ете отырып, үздік тәжірибелер мен идеяларды Алматыда қолдануға мүдделіміз», - деп атап өтті Ерболат Досаев.Ақпарат көзі : https://www.gov.kz/memleket/entities/almaty/press/news/details/939919

ҚХР-на жұмыс сапары аясында Алматы әкімі Ерболат Досаев бұлтты есептеулер, үлкен деректер және интеллектуалды шешімдер әзірлеуде жетекші қытайлық Inspur Group компаниясының басшылығымен кездесті. Келіссөз барысында тараптар қалалық инфрақұрылымды цифрландыру, озық ІТ-шешімдерді енгізу және көлік жүйесін интеллектуалды басқару саласындағы ынтымақтастық мүмкіндіктерін қарастырды.Серіктестік аясында Inspur Group Алматыда бірқатар бастаманы жүзеге асыруды жоспарлап отыр. Атап айтқанда, көлікті басқару бойынша командалық орталық құру, серверлік жабдықтар мен цифрлық шешімдерді жеткізу, Алматыда зияткерлік көлік жүйесін (ITS) енгізу – бұл қаладағы жол қозғалысын үйлестіру тиімділігін арттыруға бағытталған. Бұған қоса, компания Алматыда көлік технологияларын дамыту, төтенше жағдайларға әрекет ету, су ресурстарын қорғау, денсаулық сақтау және зияткерлік терминалдар саласындағы шешімдерді әзірлеу жөніндегі ғылыми-зерттеу орталығын ашу мүмкіндігін қарастыруда.Кездесу соңында тараптар қалалық қызметтердің сапасын арттыру және Алматыдағы көлік легін басқаруды жақсарту мақсатында ынтымақтастық пен серіктестікті одан әрі дамыту жөнінде келісімге келді.Анықтама:Inspur Group – серверлік жабдықтар, бұлтты платформалар және бағдарламалық шешімдер жеткізетін әлемдегі ірі компаниялардың бірі. Ол Қытайдың ішкі нарығының 40%-ын қамтиды және 120-дан астам елде «ақылды қалалар», қозғалысты басқару, салықтық бақылау және цифрлық білім беру технологияларын әзірлеуге қатысады. Бүгінде Inspur жабдықтарын жеткізетін екі компания Қазақстанда жұмыс істейді. Орталық Азия аймағында зерттеу жұмыстарын жүргізуге арналған сервистік орталық ашу жоспарлануда. Сондай-ақ, LED/LCD дисплейлер, зарядтау бекеттері және басқа да технологиялық шешімдер шығаратын зауыт салу үшін жергілікті серіктестермен бірлесіп жұмыс істеу көзделіп отыр.Ақпарат көзі : https://www.gov.kz/memleket/entities/almaty/press/news/details/939928

Алматы мен Қытайдың ірі қалалары арасындағы әуе қатынасын кеңейту, сондай-ақ туристік және іскерлік байланыстарды нығайту мәселесі Алматы әкімі Ерболат Досаев пен Air China Limited әуе компаниясының төрағасы, China National Aviation Holding Company президенті Ма Чонсянь мырзамен кездесу барысында талқыланды. Бұл іс-шара Алматы әкімі Ерболат Досаевтың Қытай Халық Республикасына жасаған жұмыс сапары аясында Бейжіңде өтті.Кездесудің негізгі нәтижесі – Алматы әкімдігі мен Қытайдың ұлттық әуе тасымалдаушысы Air China арасындағы рейстерді ашуға жәрдемдесу жөніндегі меморандумға қол қоюы болды.Тараптар екі ел арасындағы экономикалық өсім мен мәдени алмасудың маңыздылығын атап, жолаушылар легін арттыру әрі Қазақстан мен Қытай туристеріне логистиканы жеңілдету мақсатында «Алматы-Бейжің» қосымша рейсін және «Алматы-Чэнду» жаңа рейсін іске қосу мүмкіндігін қарастырды.«Қол қойылған меморандум – Алматының халықаралық көлік байланысын дамытудағы маңызды қадам. Қытай – Алматы туризмін дамытудағы негізгі мақсатты нарықтың бірі. 2024 жыл Қытайдағы Қазақстан туризмі жылы болып жарияланды, ал биылғы жыл – Қазақстандағы Қытай туризмі жылы. Былтыр Алматыға Қытайдан 95,3 мыңнан астам турист келді, бұл 54%-ға өсім көрсетті. Жасалған келісім аясында туристік ағынның қарқынды дамуы жалғасады деп сенеміз», – деді Ерболат Досаев. «Tongcheng Travel Қытай агенттігінің «2025 жылдың болашағы ең зор жаңа бағыты» марапаты Алматының туристік әлеуетінің мойындалғанын және қытайлық туристердің аймаққа деген қызығушылығының артқанын көрсетеді. Жалпы, 2024 жылы Алматыға шамамен 2 миллион турист келді, оның ішінде 600 мыңнан астамы шетелдік. 2025 жылы 2,3 миллион турист, оның ішінде 700 мың шетелдік турист келеді деп күтілуде», – деді Ерболат Досаев.Өз кезегінде China National Aviation Holding Company президенті Ма Чонсянь мырза кездесуге алғыс білдіріп, болашақтағы жемісті ынтымақтастыққа ниетті екенін жеткізді. «Алматы – Қазақстанның мәдени, іскерлік және туристік орталығы, сондай-ақ Еуропа мен Азияны байланыстыратын маңызды буын. Қазақстанның басты «әуе қақпасы» ретінде Алматы Орталық Азия бойынша саяхаттардың бастапқы нүктесі болып табылады», – деді ол.Алматы-Бейжің бағытындағы қосымша рейс пен «Алматы-Чэнду» бағытындағы жаңа рейс 2024 жылдың маусым айында іске қосылады деп жоспарланып отыр. Қазіргі уақытта ҚР Көлік министрлігімен бірлесіп дайындық жұмыстары жүргізілуде. Тиісті бағыттар ұшу құқықтары бөлінгеннен кейін ашылады.«Алматы-Бейжің» қосымша рейсі мен «Алматы-Чэнду» жаңа рейсін биыл маусым айында іске қосу жоспарлануда. Қазіргі уақытта дайындық жұмыстары жүргізіліп жатыр, тиісті бағыттар ұшу құқықтары бөлінгеннен кейін ашылады.Айта кетейік, Қазақстанның ең ірі қаласы ретінде Алматы көлік инфрақұрылымын белсенді түрде жаңғыртып келеді. 2024 жылы жаңа халықаралық әуежай терминалының құрылысы аяқталып, оның өткізу қабілеті жылына 14 миллион жолаушыға дейін артты.Анықтама:Air China – Қытайдың жетекші әуе тасымалдаушысы және Star Alliance ғаламдық авиациялық альянсының мүшесі. Бейжіңдегі әуе паркінде 952 әуе кемесі бар, оның 535-і Air China компаниясына тиесілі. Қазіргі уақытта Алматыдан ҚХР-ның мына қалаларына тікелей рейс ашылған: Бейжің – айына 53 рейс (Air Astana – 22, China Southern Airlines – 31), Үрімжі – айына 61 рейс (Air Astana – 17, China Southern Airlines – 44), Сиань – айына 9 рейс (China Southern Airlines), Ханчжоу – айына 18 рейс (Loong Air), Санья – айына 9 рейс (Air Astana).Ақпарат көзі : https://www.gov.kz/memleket/entities/almaty/press/news/details/939941

Осы ұсынымдарды «Дәнді және майлы дақылдар. Қазақстан» зерттеу бюросы әзірледіДәнді дақылдарНарықта дән маңызы 25ке дейінгі "үштіктің" құны бір теңгеге төмендеді. Қалған бағалар алдыңғы деңгейде сақталды.элеватардан, ҚҚС-мен,  тг/кгАғымдағы бағаӨзгерістерҰсынымМүмкінмаксМүмкін минжұмсақ бидай 3 сыныпты, 28 клк +110-САТУ14590жұмсақ бидай 3 сыныпты, 25 клк дейін78-1САТУ9570жұмсақ бидай 3 сыныпты, 23 клк дейін72-САТУ8560жұмсақ бидай 4 сыныпты, 20 клк дейін69-САТУ8050жұмсақ бидай 5 сыныпты, 17клк дейін54-САТУ6535арпа 2 сыныпты73-САТУ6035Дурум (прот 14+)85-САТУ12070Дурум (прот 15+)102-САТУ15090Қызыл-бір апта ішінде төмендеу, жасыл-көтерілу, барлық бағалар-жаңа егін жинауМайлы дақылдар / бұршақМайлы дақылдар тобында зығыр 5 теңге/кг-ға қымбаттады, рапс құны 19 теңге/кг-ға өсті.элеватардан, ҚҚС-мен,  тг/кгАғымдағы бағаӨзгерістерҰсынымМүмкінмаксМүмкін минЗығыр217+5САТУ200170Рапс214-             САТУ250180Күнбағыс165-САТУ190160Мақсары135+19САТУ11085Соя193-САТУ285200Қыша қара/ақ215-             САТУ300200Бұршақ (сары)*92-САТУ17080Жасымық қызыл**198-САТУ220180Жасымық жасыл (үлкен көлемде) **363-САТУ450350* - премиум сапасы бар солтүстік аймақтар, * * - ҚҚС-сыз жаңа өнім курсивпен бөліндіТүсініктеме:Ағымдағы баға – бұл Қазақстан ішіндегі элеваторда немесе вагонда ҚҚС-пен бірге келісімшарт жасалатын орташа салмақталған бағалар. Бағалар аймаққа, сапа көрсеткіштеріне және жеткізу шарттарына байланысты өзгеруі мүмкін.Ұсыныстар:Стоп – тиімдірек баға болғанға дейін сауданы тоқтату ұсынылады. Қажет болғанда сату – техникалық немесе қаржылық қажеттіліктерге байланысты сату ұсынылады.Сату – жақын болашақта тиімді перспективалар байқалмағандықтан, өнімді сату ұсынылады.Максималды баға – ағымдағы сауда маусымында баға жете алатын жоғары шек. Бұл пікір түпкілікті емес және жағдайға байланысты өзгеруі мүмкін.Минималды баға – ағымдағы маусымда дақыл бағасы жетуі мүмкін төменгі шек.Ескерту:Бұл ұсыныстарды авторлардың субъективті пікірі ретінде қарастыру туралы үлкен өтініш. Брошюра тек ақпараттық сипатта болады. Брошюраны алушылар бизнестің және оның активтерінің нақты иелері болып табылады және оларды өз бетінше сату туралы шешім қабылдайды.Сондай-ақ, осы брошюраны үшінші тұлғаларға беруге қатаң тыйым салынады. Біздің ортақ ісіміздің жетістігі осыған байланысты!QazagrobilimАқпарат көзі : https://www.gov.kz/memleket/entities/moa/press/news/details/939384

ҚР Ауыл шаруашылығы вице-министрі Ермек Кенжеханұлы Иран Ислам Республикасына жұмыс барысымен барды. Сапар аясында Вице-министр Қазақстанның сауда-экономикалық миссиясының ашылуына қатысып, Иран тарапының өкілдерімен бірқатар нәтижелі кездесулер өткізді.Екіжақты ынтымақтастықты кеңейтуге бағытталған Қазақстан мен Иран арасындағы Ауыл шаруашылығы жөніндегі жұмыс тобының 1-ші отырысында вице-министр елдер арасындағы агросекторда сауда-экономикалық байланыстардың тұрақты өсуін көрсетіп отырғанын атап өтті.2024 жылы ауыл шаруашылығы өнімдерінің өзара тауар айналымы 220,1 млн АҚШ долларын құрап, өсім 2023 жылмен салыстырғанда 33,2% жетті.«Иран Қазақстанның ауыл шаруашылығы саласындағы стратегиялық серіктесі болып табылады. Біз Иран нарығына астық, ет өнімдері, өсімдік майлары мен кондитерлік өнімдер экспортын кеңейтуге, бірлескен кәсіпорындар құруға мүдделіміз, Иран арқылы Парсы шығанағы елдеріне ауыл шаруашылығы өнімдерінің транзитін ұлғайтуға дайынбыз", – деп атап өтті вице-министр Ермек Кенжеханұлы..Отырыс барысында бірқатар келісімдерге қол жеткізілді.Атап айтқанда, қазақстандық тарап дәнді-бұршақты дақылдар және арпаны, 500 мың тонна күнбағыс майы мен күнжараны, қой еті мен тірі малды Иранға жеткізу мәселелерін пысықтады.Өз кезегінде Иран ірі қара, ұсақ мал, жылқы терісін экспорттауға ветеринариялық сертификатты келісуді жеделдетіп, иран ауыл шаруашылығы өнімдерін жеткізуді ұлғайтады.Сондай-ақ, тараптар ауыл шаруашылығында су үнемдеу технологияларын енгізу бағдарламасын әзірлеуге, Бендер-Аббас порты арқылы ұн жіберу үшін Иранның транзиттік әлеуетін пайдалануға, бекіре және албырт балықтарын өсіру, балық азығын өндіру жөніндегі бірлескен жобаларды қарауға келісті.Отырыста «Азық-түлік келісімшарт корпорациясы «ҰК» АҚ мен Fawakeh Trading Company (Иран) арасында ынтымақтастық туралы меморандумға қол қойылды.ИИР Ауыл шаруашылығы жихады министрі Голамреза Нури Гезелджемен кездесуде тараптар ауыл шаруашылығы өнімдерінің тауар айналымын ұлғайту перспективаларын, ветеринариялық және фитосанитариялық талаптарды келісу, қазақстандық агроөнімнің Иран арқылы транзиті мәселелерін талқылады.ИИР жол және қала құрылысы министрі Садег Фарзанемен кездесудің негізгі тақырыбы Парсы шығанағы елдерінің нарықтарына шығу үшін Иран порттарын пайдалануды қоса алғанда, қазақстандық ауыл шаруашылығы өнімдерін экспорттау үшін логистикалық мүмкіндіктерді кеңейту болды.Сондай-ақ жұмыс сапары аясында вице-министр Solica Group компаниясына барды, оның өкілдерімен бірлескен инвестициялық жобалар, соның ішінде Қазақстанда фри, балалар тағамы және ірімшік өндіретін зауыттар құрылысы талқыланды.Кездесулер қорытындысы бойынша ауыл шаруашылығы саласындағы екіжақты ынтымақтастықты кеңейту, аграрлық өнімді жеткізу көлемін ұлғайту және инвестициялық өзара іс-қимылды нығайту туралы уағдаластықтарға қол жеткізілді.Бұдан әрі жұмыс үкіметаралық комиссия және ауыл шаруашылығы жөніндегі жұмыс тобы шеңберінде жалғасады.Ақпарат көзі : https://www.gov.kz/memleket/entities/moa/press/news/details/939579

ҚР АШМ Қызылорда облысының Жер ресурстарын басқару департаменті Қазалы ауданында, Әйтеке би кентінде берілген учаскені пайдалану кезінде кәсіпкерлік субъектісіне қатысты жер заңнамасының сақталуына жоспардан тыс тексеру жүргізді.Тексеру қорытындысы бойынша 2011 жылдан бастап кәсіпкерлік қызметке арналған жер нысаналы мақсаты бойынша пайдаланылмағаны анықталды. Учаскенің бағалау құны 25 млн теңгені құрады. Бұзушылықты жою мақсатында Департамент оны заңнамалық талаптарға сәйкес келтіру үшін белгіленген мерзіммен нұсқама берді. Алайда қажетті шаралар қабылданбады.Нұсқаманың орындалмауына байланысты меншік иесі айыппұл түрінде әкімшілік жауапкершілікке тартылды. Сонымен қатар, Департамент жерді мемлекет пайдасына мәжбүрлеп алып қою туралы сот ісін бастады.Қызылорда облысының мамандандырылған ауданаралық экономикалық сотының шешімімен талап-арыз толық қанағаттандырылды. Жер учаскесі мемлекет меншігіне қайтарылды.Ақпарат көзі : https://www.gov.kz/memleket/entities/moa/press/news/details/939737

Төтенше жағдайлар вице-министрі С.Т. Төленбергенов және ТЖМ Өнеркәсіптік қауіпсіздік комитеті төрағасының міндетін атқарушы Р.К. Дубаев жұмыс сапарымен Павлодар облысына барды. Жұмыс сапары барысында вице-министр «Майқайыңалтын» АҚ-да болып, кәсіпорынның қызметімен танысты, кәсіпорынның бірқатар қауіпті өндірістік нысандарын аралап, осы объектілерді соңғы тексеру нәтижелерін, сондай-ақ өткен жылы болған апатты тергеу қорытындыларын талқылады. Бүгінгі таңда «Майқайыңалтын» АҚ апаттыңсалдарынжою бойынша шараларқабылдауда. Апатты тергеу актісінде көрсетілген іс-шаралардың негізгі тармақтары орындалды. Д. Қонаев атындағы институт ұсынған іс-шаралар бойынша бұрын пайдаланылған тазарту камераларын төсеу үшін бетон қалау кешені іске қосылды, компрессорлық станция ғимаратын сәтсіздік орнынан қауіпсіз қашықтыққа көшіру жүзеге асырылды. Жобалау ұйымы құлау шұңқырын рекультивациялау бойынша жобаны әзірлеу аяқталды, толтырудың аяқталуы биылғы жылдың соңына жоспарланған. Бұдан басқа кеніш шахтасында жұмыскерлердің орналасқан жерін бақылауға мүмкіндік беретін позициялау жүйесін енгізу жұмысы жасалып жатыр. Бүгінгі таңда тиісті жабдықтар әкелінді, жақын арада оны орнату басталады. Сонымен қатар вице-министр Төтенше жағдайлар департаментінде болып, Өнеркәсіптік қауіпсіздік басқармасының қызметкерлерімен кеңес өткізді. Қазіргі уақытта өнеркәсіптік қауіпсіздіктің барлық қызметкерлері құрылымдық қайта құрудан кейін департамент ғимаратына орналастырылды, үйлесімді бірлескен жұмыс жүргізілуде. Кеңес аясында өнеркәсіптік қауіпсіздікті қамтамасыз етудің ағымдағы мәселелері талқыланып, алдағы міндеттер белгіленді. Департаменттің басым бағыттары мен міндеттері Қазақстан Республикасының мемлекеттік жоспарлау жүйесінің барлық деңгейлеріндегі құжаттармен, сондай-ақ басқа да мемлекеттік бағдарламалармен және өңірлік жоспарлармен интеграциялануға тиіс.Ақпарат көзі : https://www.gov.kz/memleket/entities/emer/press/news/details/939264

ТЖМ қарашада басталған «Мұз-2025» республикалық үгіт-профилактикалық акциясының үш айлық қорытындысы шығарылды. Қазгидрометтің болжамына сәйкес Қазақстанның барлық аумағында ауа температурасы көтерілуде. Бірқатар өңірлерде су айдындарының мұз жамылғысы алдамшы, мұз құрылымы өзгере бастады. Акция шеңберінде, сондай-ақ халықтың денсаулығы мен өміріне қауіп-қатерді арттыра отырып, ТЖМ құтқарушылары мобильді топтар құрамында еліміздің су айдындарына 13 мыңнан астам рейд мен патрульдеу жүргізді. Рейдтер барысында мұз үстіндегі қауіпсіздік және мұзда балық аулау ережелері түсіндіріледі, барлығы 109 мыңнан астам адамға нұсқау берілді. Жартысынан көбі балық аулау әуесқойлары мен аңшылар. Ең жоғары тәуекел аймағындағы халықты көбірек қамту үшін балық аулау құралдары мен басқа да аңшылық керек-жарақтарын сатудың 1 682 орны қамтылды, әр дүкенде үгіт материалдары таратылды. Тек акция кезеңінде рейдтік іс-шаралар кезінде 37 ересек адам мен 4 баланың қаза болуына жол берілмеді, қар құрсауында көлікте тұрып қалған адамдарға көмек көрсетілді, Шардара су қоймасының жағасынан 10 км қашықтықта тұманда адасып қалған 2 балықшы табылып, эвакуацияланды, мұз астына түсіп кеткен 7 көлік шығарылды. Мұндай жағдайлар қарапайым қауіпсіздік ережелерін бұзу нәтижесінде адамдардың кінәсінен болатынын атап өткен жөн. Құқық бұзушылар әкімшілік жауапкершілікке тартылады. Үш айда 336 хаттама жасалды, жалпы сомасы 8 миллионнан астам теңге айыппұл салынды. Бұл жағдайда айыппұл өлімнің алдын алу құралы болып табылады. ТЖМ қараңғы, көрінуі нашар болып, мұз қату және еруі кезінде мұзға шығуға қатаң тыйым салынатынын, мұздың қауіпсіз қалыңдығы бір адам үшін 10 сантиметрден кем емес екендігін еске салады. Мұздың қалыңдығы 10-нан 25 см-ге дейін мұз астында балық аулауға тек құтқару кеудешесі болған кезде жол беріледі! Мұз үстінде болған кезде:1) мұздың жұқа және толық қатпаған жерлеріне шығуға;2) мұздың жекелеген (қауіпті) учаскелерінде топтармен жиналуға;3) мұздағы шұңқырларға, жарықшақтарға, ойықтарға жақындауға;4) өткелдер үшін бөлінген орындардың шекарасынан тыс көлік құралдарымен мұзға шығуға;5) от жағуға;6) 20 сантиметрден аз қашықтықта екі ойық, ал басқа жұп ойықтардан 2 метрден аз қашықтықта екі ойық жасуға;7) мұзда жабдықтар мен қоқыстарды қалдыруға жол берілмейді. «Мұз-2025» республикалық үгіт-профилактикалық акциясы 2025 жылдың қыс мезгілі мен жұқа мұз кезеңінің соңына дейін өткізіледі! ТЖМ-нің негізгі міндеті – адам өлімінің алдын алу және су айдындарындағы (мұздағы) қысқы кезеңдегі төтенше жағдайларға (соның ішінде жұқа мұзға) жедел ден қою! Ақпарат көзі : https://www.gov.kz/memleket/entities/emer/press/news/details/939317

Астанада өткен кезекті акция аясында спортшылар қала тұрғындарына темекі өнімін спорттық құрал-жабдықтарға айырбастауды ұсынды, деп хабарлады елорда әкімдігінің ресми сайты.Астанада салауатты өмір салтын насихаттау, зиянды әдетке қарсы күресу бойынша креативті бастамалар жалғасын тауып жатыр.«Астана қаласы әкімдігінің ұйымдастыруымен кезекті акция өткіздік. Оның аясында біз темекі және вейп шегетін жастарға қолдарындағы зиянды заттарды волейбол добы мен шахматқа айырбастауды ұсындық. Осы арқылы жастарды, қала тұрғындарын бос уақытын тиімді өткізуге, салауатты өмір салтын ұстануға шақырамын», - деді тасжолдағы велоспортпен кәсіби түрде айналысатын Роман Хакимов.Мұндай акциялар тұрақты түрде өткізіледі.Ақпарат көзі : https://www.gov.kz/memleket/entities/astana/press/news/details/939462

Астанада Сарыарқа ауданы Ардагерлер кеңесінің 20 жылдық мерейтойы ерекше салтанатты жағдайда аталып өтті, деп хабарлайды елорда әкімдігінің ресми сайты.Салтанатты жиынға қатысқан аудан әкімінің орынбасары Дінмұхамед Кулдашов, Астана қалалық Ардагерлер кеңесінің төрағасы Сансызбай Есілов аудан ардагерлерін құттықтап, лебізін білдірді. Сондай-ақ бір топ ардагерлер мен кеңес жұмысына белсене атсалысқан азаматтарға алғыс хат табысталып, олардың аудан дамуына қосқан үлесі ерекше аталып өтті.«Бүгінде Сарыарқа ауданында 29 мыңға жуық зейнеткер тұрады. Олардың өмір сапасын жақсарту – біздің басты мақсат. Бұл бағытта 18 мыңнан астам ардагерді біріктіретін 154 ұйым белсенді жұмыс жүргізіп жатыр.Зейнеткерлерді қолдауда «Оптимист», «Зодиак» және «Алтын босаға» орталықтарының маңызы зор. Мұнда аға буын мәдени іс-шараларға қатысып, жастармен кездесіп, өз уақыттарын пайдалы өткізеді. Сонымен қатар, біздің ауданда «Белсенді өмір сүру орталығы» жұмыс істеуде, оған күн сайын 100-150 адам келеді. Ал 3 мыңнан астам зейнеткер түрлі үйірмелер мен спорттық секцияларға қатысады» дейді аудандық Ардагерлер кеңесінің төрағасы Уляш Құсайынова.Айта кетейік, 2004 жылы 16 шілдеде Сарыарқа ауданының Ардагерлер кеңесі құрылды. Аталған ұйым 20 жылда ардагерлер мен зейнеткерлерді біріктіріп, олардың белсенді өмір сүруін қолдайтын және ауданның дамуына елеулі үлес қосатын маңызды қоғамдық күшке айналған.Салтанатты жиын Е.Рахмадиев атындағы филармония әртістерінің концертімен жалғасты.Ақпарат көзі : https://www.gov.kz/memleket/entities/astana/press/news/details/939466

Астана қаласы әкімдігі Дін істері жөніндегі басқармасының қолдауымен «QAMQOR-ASTANA» қоғамдық қоры «Заң және тәртіп» тақырыбы аясында көпшілікке арналған ақпараттық-түсіндіру акциясын ұйымдастырды, деп хабарлады елорда әкімдігінің ресми сайты.«Іс-шараның мақсаты – елорда тұрғындарын деструктивті діни ағымдар мен олардың қаупі туралы хабардар ету, діни сауаттылықты арттыру және дін саласындағы заңнамамен таныстыру», - деді «QAMQOR-ASTANA» қоғамдық қоры ақпараттық түсіндіру тобының мүшесі Мәди Төлбасы.Акция аясында елорда тұрғындарына дінге қатысты сенімді дереккөздер, деструктивті діни ағымдардың қаупі, тыйым салынған террористік және экстремистік ұйымдардың тізімі, дін саласындағы заңнама және басқа өзекті мәселелерді қамтитын 2 мыңнан астам ақпараттық брошюра таратылып, бейнероликтер көрсетілді.Іс-шарада қатысушыларға ұлттық құндылықтар, әдет-ғұрып, салт-дәстүр, Қазақстан тарихы, дін мен дәстүр сабақтастығын дәріптейтін және деструктивті діни ағымның алдын алуға бағытталған викторина өткізілді. Ал балалар ел, білім, отбасы және т.б. тақырыптарда мақал-мәтел айтудан жарысты.«Көктал» ойын-сауық сауда орталығына сауда жасауға келген болатынмын. Бұл жерде акция болып жатқанын көріп, оған қатыстым және сұраққа дұрыс жауап беріп, сыйлыққа ие болдым. Ұйымдастырушыларға рақмет», - деді шараға қатысқан қала тұрғыны Бағжан есімді азамат.Сайыс жеңімпаздары мен акцияға қатысқан еріктілерге қоғамдық қордың атынан алғысхаттар мен бағалы сыйлықтар табысталды. Ақпарат көзі : https://www.gov.kz/memleket/entities/astana/press/news/details/939471

Жол-көлік инфрақұрылымын жақсарту мақсатында, сол сияқты жаяу жүргіншілер үшін қауіпсіздік пен ыңғайлылықтың заманауи стандарттарын ескере отырып, Қонаев көшесіндегі «Астана Опера» мемлекеттік опера және балет театрының жанындағы жер үсті жаяу жүргіншілер өткелін реконструкциялауды жалғастыру жоспарланып отыр, деп хабарлайды елорда әкімдігінің ресми сайты.Осыған байланысты, Астана ПД әкімшілік полиция басқармасының келісімі бойынша осы жылдың 19 ақпанынан 30 қазанына дейін Қонаев көшесінің Қабанбай батыр даңғылынан Тұран даңғылына дейінгі жол бөлігі жабылады. Бұл ретте автокөлік құралдарының қозғалысы іргелес Достық және Сарайшық көшелерімен қамтамасыз етілетін болады.Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарының жүргізілуіне түсіністікпен қарауды сұраймыз.Ақпарат көзі : https://www.gov.kz/memleket/entities/astana/press/news/details/939495

«Жұмысшы мамандықтар қаласы» фестивалінде Астана қаласының Сервис және туризм колледжінің студенттері ерекше жоба – ландшафтық ғимарат ішін виртуалды аралауды ұсынды, деп хабарлады елорда әкімдігінің ресми сайты.Іс-шараға қатысушылар тек көркем абаттандырылған аумақты VR-технологияларының көмегімен толықтай виртуалды түрде көре алды.Бұл жоба студенттердің осы оқу жылында алғаш рет ашылған жаңа мамандықтар – ландшафтық дизайн және флористика бағыттары бойынша жұмыстарының нәтижесі.«Бұл жобамен жұмыс істеу бізге ерекше қызықты болды. Біз 3D-моделдеу мен визуалдау бағдарламаларының қолданылуын меңгеріп, заманауи технологиялардың жобалау процесін қалай жақсартатынына көз жеткіздік. Жұмысшы мамандықтар фестивалі – біздің жаңа кәсіби мүмкіндіктерімізге жол ашатын маңызды алаң», - деп атап өтті колледж студенті Артур Васильев.Ландшафтық дизайнер мамандығы қазіргі еңбек нарығында жоғары сұранысқа ие. Бұл сала мамандары аумақты тек көркемдеп қана қоймай, оның функционалды бөліктерін дұрыс ұйымдастыру, көгалдандыру, жайлы орта қалыптастырады. Студенттердің жобасы фестивальге келгендердің ерекше қызығушылығын тудырды.Ақпарат көзі : https://www.gov.kz/memleket/entities/astana/press/news/details/939497

14-16 ақпан аралығында Италияның Милан қаласында шорт-тректен әлем кубогының кезеңі өтті. Ақмола облысының спортшылары Денис Никиша мен Мерсаид Жақсыбаев ерлер эстафетасы құрамында өнер көрсетіп, қола жүлдегер атанды. Олар тек Италия және Канада құрамаларына жол берді.Еске сала кетейік, өткен аптада дәл осы спорт түрінен Қазақстан құрамасы Харбинде өткен Азия ойындарында алтын медаль жеңіп алған болатын.Ақпарат көзі : https://www.gov.kz/memleket/entities/aqmola/press/news/details/939345

Алматы облысы әкімі аппараты басшысының міндетін атқарушысы бұйрығымен Аманжол Истолеуович Ибрагимов 2025 жылғы  17 ақпаннан бастап Алматы облысы әкімінің кеңесшісі лауазымына тағайындалды.Аманжол Истолеуович 1968 жылы туылған, білімі жоғары, 1995 жылы Әль-Фараби атындағы Қазақ Ұлттық университетін «шығыстану» мамандығы бойынша, 2004 жылы М.Тынышпаев атындағы Қазақ көлік және коммуникация академиясын «экономика және менеджмент» мамандығы бойынша бітірген, экономика ғылымдарының кандидаты.Еңбек жолын 1995 жылы  Алматы теміржолының жетекші маманы қызметінен бастаған.Әр жылдары «Қазақ темір жолы» республикалық мемлекеттік кәсіпорынының халықаралық басқармасында, Шыңжаң - Ұйғыр автономиялық ауданы өкілдігінің басшысы (ҚХР), “ҚТЖ” ҰК-ның халықаралық басқармасының бөлім басшысы, ҚХР және Оңтүстік-Шығыс Азия (Пекин) өкілдігінің басшысы, “ҚТЖ” ҰК” Президент кеңесшісі,  «ҚТЖ Экспресс” АҚ-ның Президент кеңесшісі, «Казпочта» АҚ-ның филиал директоры, «КТЖ Экспрес» АҚ-ның контейнер тасымалдау департаментінің директоры, «Eurasia Supply Chain Aktau/Almaty» ЖШС бас директорының орынбасары лауазымдарын атқарған. 18 жылдай  “ҚТЖ” ҰК” АҚ-ның ҚХР-ғы Өкілдік жұмыстарын басқарған.2024 жылғы қазан айынан қазіргі уақытқа дейін «TezJet Cargo» ЖШС-ның бас директоры лауазымында қызмет атқарған.Ақпарат көзі : https://www.gov.kz/memleket/entities/almobl/press/news/details/939273

 Ақтөбеге жұмыс сапарымен Денсаулық сақтау вице-министрі Ержан Нұрлыбаев келді. Ол әріптестерімен бірге биыл жаңа туған нәрестелерге хирургия орталығын ашу жоспарланып отырған облыстық перинаталдық орталықты аралап шықты. Кеңейтілген көшпелі алқа барысында вице-министр 2024 жылдың қорытындыларымен танысты, сондай-ақ денсаулық сақтау жүйесінің бір жылға арналған дамыту перспективаларын айқындады. Облыстың бас дәрігері Ерлан Сұлтангереев өңірде ана мен бала өлімін болдырмау бағытындағы жұмыстарды айтты. «Аталған мәселені шешу жолдары анықталды. Олардың ішіндегі ең маңыздылары: отбасылардың гравидаралды даярлығын күшейту, алғашқы медициналық санитарлық көмек көрсететін мамандар мен көпсалалы стационарлар арасындағы кәсіби байланысты нығайту, тар шеңберлі мамандардың біліктілігін арттыру», - деді басқарма басшысы.Ерлан Сұлтангереев сондай-ақ өңірдің медициналық мекемелерінде, әсіресе ауылда кадр тапшылығын атап өтті. Әлеуметтік қолдау шараларының арқасында 100-ге жуық маман облыстың шалғай ауылдарына жұмыс істеп жүр, оның 25-і - тар шеңберлі. Алқа барысында өңірлік денсаулық сақтау жүйесінің қаржылық тұрақтылығы туралы «ӘМСҚ» КЕАҚ филиалы директоры Нұрбол Тымпиев баяндамасын оқыды, проблемалық мәселелер мен медициналық көмек көрсету өтініштерін МФБКД басшысы Әлия Латыпова қозғады, өңірдегі эпидемияға қарсы шаралар туралы СЭБД басшысы Райхан Қойшанова айтып берді.Алқа қорытындысы бойынша денсаулық сақтау вице-министрі Ержан Нұрлыбаев Ақтөбе бүкіл Батыс Қазақстан халқына медициналық көмек көрсетудің өңірлік көшбасшысы болатынын атап өтті.  Сондай-ақ, ол ақтөбелік әріптестерімен бірге қол жеткізілмеген негізгі индикаторларға талдау жүргізді.Оның сөзінше, өңірге тар шеңберлі кадрларды даярлау үшін резидентураға атаулы гранттар бөлінеді. Сондай-ақ Ақтөбеде сүйек кемігін трансплантациялаудан онкогематологияның Өңірлік орталығын құру және телемедицинаны дамыту жоспарлануда.Ақпарат көзі : https://www.gov.kz/memleket/entities/aktobe/press/news/details/939133