Облыс әкімі Асхат Шахаровтың төрағалығымен өткен аппарат мәжілісінде өңірдегі креативті индустрияны дамыту мәселесі қаралды.Өңір басшысы жастардың өз тарапынан шығармашылық жолын дамыту үшін қолайлы жағдай жасаудың маңызын атап өтті. Ол дизайн, сән, музыка, сәулет және басқа да салаларда жаңа өнімдер жасау мен қызметтер көрсету арқылы табыс таба алатын заманауи бағыттарды дамыту қажет екенін жеткізді. Сондай-ақ, Асхат Шахаров білім беру, мәдениет және стартаптарға мемлекеттік инвестициялар арқылы шығармашылық адамдарды қолдау маңызды екенін атады.Мәдениет, архивтер және құжаттама басқармасының басшысы Алтынай Юнисованың айтуынша, облыс креативті индустрияны белсенді дамытуда. 2023 жылы С.Жиенбаев атындағы кітапхана базасында шығармашылық орталығы ашылды, онда коммюнити спейс, IT-кабинеттер, дыбыс жазу студиялары және фото-аймақ бар. Бұл жастарға өз таланттарын тегін дамытуға және жобаларды жүзеге асыруға мүмкіндік береді. Жастардың сұранысы бойынша С.Бәйішев атындағы облыстық әмбебап ғылыми кітапханада «Makerspace» орталығы құрылды, онда жасөспірімдер робототехника мен технологияны меңгере алады.Сонымен қатар, басқарма басшысы заңнамаға сәйкес креативті қызметтерді монетизациялау мүмкін болмай тұрғандығын атап, бұл осы бағытты одан әрі дамыту мүмкіндіктерін шектейтіндігіне тоқталды. Бұл мәселе «Атамекен» ӨКП-да өңір кәсіпкерлерінің қатысуымен қаралды және қазіргі уақытта осы мәселені шешудің мүмкін жолдарын іздеу жұмыстары жүргізілуде.«Әр ауданда шығармашылық идеяларды енгізу үшін платформалар құру қажет. Жобалар нәтиже беруі керек және жастардың оларды өз бетінше ұсынуы маңызды. Жобаларды әзірлеп, өз идеяларымен бөлісу үшін жетістікке жеткен ақтөбелік әншілерді, блогерлерді, әртістерді, журналистерді тартуға болады. Креативті индустрия жобалары сұранысқа ие және өңірді дамытуға бағытталуы тиіс», - деп толықтырды әкім.Айта кетейік, Ақтөбеде өңір басшысының тапсырмасымен жергілікті тұрғындардың шығармашылық әлеуетін дамытуға және қолдауға бағытталған жастарға арналған креативті орталық салу жоспарлануда. Орталықта контент жасауға арналған студиялар, шығармашылық кабинеттер және пікір алмасу аймақтары сияқты шығармашылық жобаларды жүзеге асыруға арналған әртүрлі кеңістіктер болады деп күтілуде. Сондай-ақ, жоба аясында ғимараттың басқа қанатында облыстық планетарий салу жоспары бар. Қазіргі уақытта жобаны демеушілердің жеке қаражаты есебінен қаржыландыру мәселесі шешілуде.Ақпарат көзі : https://www.gov.kz/memleket/entities/aktobe/press/news/details/935301

Алматы қаласындағы комьюнити-орталықтары Отбасы банкпен бірлесіп, жастарға арналған жеке қаржылық кеңес беру бағдарламасын бастады. Бұл бастама жастардың қаржылық сауаттылығын арттырып, өз қаражатын тиімді басқаруға көмектесуге бағытталған.Бағдарлама аясында қатысушылар қаржы саласындағы өзекті ақпараттарды алып, жеке бюджет жүргізудің негізгі қағидаларын меңгереді. Сарапшылар кірістер мен шығыстарды дұрыс басқару жолдарын түсіндіріп, жинақ жасау, несие алу, инвестиция салу туралы маңызды кеңестер береді. Жастар өздерін қызықтырған сұрақтарын қойып, қаржылық тұрақтылықты қалыптастыруға арналған практикалық ұсыныстар ала алады.Кеңес алуға комьюнити орталықтардың жұмыс кестесіне сәйкес келуге болады. Кеңес беру күнін білу үшін өзіңізге ыңғайлы комьюнити орталыққа барып, толық ақпарат алуға болады.Алматы қаласы Жастар саясаты басқармасының ақпараты бойынша, бұл жоба жастардың қаржылық сауатын арттырып, қаржылық тәуелсіздікке қол жеткізуіне мүмкіндік беруге бағытталған.Ақпарат көзі : https://www.gov.kz/memleket/entities/almaty/press/news/details/934654

«Райымбек батыр» станциясында метрополитеннің заманауи қауіпсіздік стандарттарына сәйкес келетін жаңа уақытша қоршаулар орнатылды. Олар екі негізгі қызмет атқарады: жолаушылар үшін қорғаныс құралы болып табылады және жарнамалық құрылым ретінде пайдаланылады.Қазіргі уақытта бұл қоршаулардың жел жүктемесіне төзімділігі тексерілуде. Барлық қажетті сынақтардан өткеннен кейін осындай қоршаулар метроның басқа станцияларында да орнатылатын болады. Сонымен қатар, метрополитен өкілдері бұрын орнатылған темір қоршаулардың да тексеріліп жатқанын, қажет болған жағдайда олардың алынатынын атап өтті.«Алматы метрополитені жолаушылардың жайлылығы үшін инфрақұрылымды жетілдіруге әрдайым ұмтылады. Бұл шешім автоматтандырылған платформалық есіктер (screen doors) орнатылғанға дейінгі уақытша шара болып табылады. Барлық жұмыстар кәсіпорынның өз қаражаты есебінен, бюджет қаражатын тартпай жүргізілуде», – деп хабарлады метрополитеннің баспасөз қызметі.Айта кетейік, уақытша қоршаулар вагондар арасындағы кеңістікті жабуға арналған және жолаушылардың қауіпсіздігін арттыруға бағытталған уақытша шешім болып табылады. Автоматтандырылған платформалық есіктерді (screen doors) орнату процесі көп уақытты қажет етеді, өйткені жобалау, техникалық-экономикалық негіздеме дайындау, қаржыландыру және мемлекеттік сатып алу рәсімдерін өткізу қажет. Осыған байланысты, жолаушылардың қауіпсіздігін қамтамасыз ету мақсатында уақытша қоршаулар орнатылуда.«Алматы метрополитені» КМКАқпарат көзі : https://www.gov.kz/memleket/entities/almaty/press/news/details/934686

Алматыда қала әкімі Ерболат Досаевтың тапсырмасымен мемлекеттік қордың жерінде орналасқан рұқсатсыз салынған сауда орындары мен стационарлық емес сауда нысандарын (СЕСН) бұзу жұмыстары басталды.Бұл шараның мақсаты – ретсіз саудамен күрес және қала кеңістігіндегі қауіпсіздікті арттыру.Үш күн ішінде мемлекеттік және құқық қорғау органдарының өкілдері, мәслихат депутаттары мен қоғамдық кеңес мүшелерінен құралған комиссия 211 заңсыз сауда орнын (102 дүңгіршек және 109 күш өлшегіш) бұзып, 270 кәсіпкерге ескерту хат берілді.Айта кету керек, қызмет түріне қарамастан, барлық заңсыз сауда нысандары бұзылуда. Әсіресе, көше тағамдарын сататын орындарға ерекше назар аударылуда. Мұндай бірнеше нысан, атап айтқанда, Абай даңғылындағы мемлекеттік цирк маңында сүрілді. Аталған сауда орындары инженерлік желілерге, электр энергиясына қосылмаған, көріктендіру ережелерін бұзады. Қала тұрғындары мұндай жерлерде тамақ сатып алу денсаулыққа қауіпті екенін айтуда.«Заңсыз дүңгіршектер көбінесе арықтардың үстіне қойылады, санитарлық норма сақталмаған, дәретхана жоқ. Олар мектептердің, балалар жүретін орындардың жанында орналасқан. Кейін тамақтан улануы ғажап емес», – дейді қала тұрғыны Евгений Богачев.Қаланың мәслихат депутаты, көріктендіру мәселелерімен белсенді айналысып жүрген Тимур Елеусізов бұзылған сауда орындарының барлығы электр желілеріне заңсыз қосылғанын, бұл қаланың инфрақұрылымына қосымша жүктеме түсіретінін атап өтті.«Бұл қаланың электр желілеріне артық жүктеме түсіреді. Олардың қызметін реттеу үшін осындай бастамаларды қолдау қажет», – деді ол.Еске сала кетейік, Алматы әкімдігінің 2024 жылы 27 тамыздағы №3/469 қаулысына сәйкес, қала аумағында 157 СЕСН орналастыруға арналған 142 орын бекітілген.Кәсіпкерлік қызметін заң аясында жалғастырғысы келетін кәсіпкерлер Алматы қаласының Кәсіпкерлік және инвестициялар басқармасына 390 21 30 телефоны арқылы жүгіне алады.Жалпы, Алматыда барлығы 500-ге жуық заңсыз нысан бұзылмақ. СЕСН-ды анықтау және сүру жұмыстары жалғасады. Ақпарат көзі : https://www.gov.kz/memleket/entities/almaty/press/news/details/935163

Ақмолалық спортшы Олжас Климин Азия ойындарында шаңғы жарысы бойынша қола жүлде жеңіп алды. 10 км қашықтыққа еркін стильде өткен жарыста нәтиже көрсетіп, жапондық екі спортшыға ғана жол беріп, қола медаль иегері атанды.Бұл – Қазақстан құрамасының шаңғы жарысындағы екінші жүлдесі. Бұған дейін Ақмолалық Константин Борцов спринтерлік жарыста екінші орынға ие болған.«Олжас Климинді, оның бапкерлерін, команданы және барлық қазақстандықтарды осы жарқын жеңіспен құттықтаймыз! Бұл медаль – оның жаңа жетістіктерінің бастауы болсын, алда оны халықаралық ареналарда бұдан да үлкен жеңістер күтіп тұр! Бұл марапат – қажырлы еңбектің, күнделікті жаттығулардың және үлкен жанқиярлықтың жемісі», – деп атап өтті Ақмола облысының әкімі Марат Ахметжанов құттықтау жеделхатында.Ақпарат көзі : https://www.gov.kz/memleket/entities/aqmola/press/news/details/935205

Осы ұсынымдарды «Дәнді және майлы дақылдар. Қазақстан» зерттеу бюросы әзірледіДәнді дақылдарТрейдерлер бағаның көтерілуін фермерлердің егіс науқанына ақша алудың өзектілігі жоқ екенін, бағаның өсуін күтетіндігімен түсіндіреді.элеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минжұмсақ бидай 3 сыныпты, 28 клк +110-3САТУ14590жұмсақ бидай 3 сыныпты, 25 клк дейін79+6 САТУ9570жұмсақ бидай 3 сыныпты, 23 клк дейін72+5САТУ8560жұмсақ бидай 4 сыныпты, 20 клк дейін69+5САТУ8050жұмсақ бидай 5 сыныпты, 17клк дейін60+4 САТУ6535арпа 2 сыныпты73+3САТУ6035Дурум (прот 14+)85-САТУ12070Дурум (прот 15+)102-САТУ15090Қызыл-бір апта ішінде төмендеу, жасыл-көтерілу, барлық бағалар-жаңа егін жинауМайлы дақылдар / бұршақМайлы дақылдар тобында зығыр қымбаттады, ҚР солтүстік аймақтарында рапс құны өсті.СҚО трейдерлері жасымықтың сапасына байланысты (ҚҚС-пен) қымбаттағанын хабарлады:* қызыл-180-205 мың теңгеге дейін/тоннасына;* жасыл-350-400 мың теңге/тоннасына дейін.элеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минЗығыр212+1САТУ200170Рапс214+6САТУ250180Күнбағыс165-САТУ190160Мақсары116-САТУ11085Соя193-САТУ285200Қыша қара/ақ215-САТУ300200Бұршақ (сары)*92-САТУ17080Жасымық қызыл**198+7САТУ220180Жасымық жасыл (үлкен көлемде) **363+5САТУ450350* - премиум сапасы бар солтүстік аймақтар, * * - ҚҚС-сыз жаңа өнім курсивпен бөліндііТүсініктеме:Ағымдағы баға – бұл Қазақстан ішіндегі элеваторда немесе вагонда ҚҚС-пен бірге келісімшарт жасалатын орташа салмақталған бағалар. Бағалар аймаққа, сапа көрсеткіштеріне және жеткізу шарттарына байланысты өзгеруі мүмкін.Ұсыныстар:Стоп – тиімдірек баға болғанға дейін сауданы тоқтату ұсынылады.Қажет болғанда сату – техникалық немесе қаржылық қажеттіліктерге байланысты сату ұсынылады.Сату – жақын болашақта тиімді перспективалар байқалмағандықтан, өнімді сату ұсынылады.Максималды баға – ағымдағы сауда маусымында баға жете алатын жоғары шек. Бұл пікір түпкілікті емес және жағдайға байланысты өзгеруі мүмкін.Минималды баға – ағымдағы маусымда дақыл бағасы жетуі мүмкін төменгі шек.Ақпарат көзі : https://www.gov.kz/memleket/entities/moa/press/news/details/934812

32 жастағы Тоқтарқан Қамбаров – Шығыс Қазақстан облысының жас аграршылары үшін үлгі. Ол Үлкен Нарын ауданында орналасқан «Тамерлан» шаруа қожалығының басшысы.«Тамерлан» қожалығы 3200 гектар ауыл шаруашылық жеріне ие, онда озық технологиялар белсенді түрде қолданылады. Элиталық тұқымдарды пайдалану, заманауи ауыл шаруашылық техникасын қолдану және минералды тыңайтқыштарды енгізу өнімділікті едәуір арттыруға мүмкіндік берді. Соңғы жылдары астық дақылдарының орташа түсімі гектарынан 40 центнерді, ал майлы дақылдардың түсімі гектарынан 60 центнерді құрайды. Бұл көрсеткіштер жоғары кәсібилікті және жаңашылдыққа деген ұмтылысты айғақтайды.Сонымен қатар, Қамбаров Тоқтарқан өз ауданының қоғамдық өміріне белсенді қатысады. Ол 30 адамды жұмыспен қамтамасыз етіп отыр. Үлкен Нарын ауданы мәслихатының депутаты ретінде жерлестерінің мүддесін қорғап қана қоймай, жергілікті спорттық және мәдени шаралардың демеушісі болып табылады.Тоқтарқан – тек табысты фермер ғана емес, сонымен бірге қоғам өміріне белсенді атсалысатын әлеуметтік жауапкершілігі жоғары азамат. Оның үлгісі жас фермерлердің өз шаруашылықтарын дамытып қана қоймай, тұрақты ауыл шаруашылығы мен әлеуметтік жауапкершілік идеясын ілгерілете алатынын көрсетеді.Ақпарат көзі : https://www.gov.kz/memleket/entities/moa/press/news/details/934834

«ҚТЖ» ҰК» АҚ жедел мәліметтері бойынша 2024/2025 жылғы қыркүйек-қаңтар айларында 6,1 млн тонна астық тасымалданды. Оның ішінде 1,3 млн тоннасы – ел ішінде, ал 4,8 млн тоннасы – экспортқа жіберілді. Экспорт көлемінің өсуі – 47%.Экспорт бағыттары: Өзбекстан – 1,8 млн тонна (+40%); Тәжікстан – 724 мың тонна (+50%); Қытай – 659 мың тонна;Ауғанстан – 217 мың тонна (+38%); Иран – 576 мың тонна (өсім 29 есе); Әзірбайжан – 266 мың тонна (өсім 88 есе).2024 жылдың қорытындысы бойынша: 10,6 млн тонна астық тасымалданды, оның 2,5 млн тоннасы – ел ішінде, 8,1 млн тоннасы – экспортқа жіберілді. 3,2 млн тонна ұн тасымалданды, оның 817 мың тоннасы – Қазақстан ішінде, 2,4 млн тоннасы – экспортқа (өсім +3%).Ұнның негізгі импорттаушылары: Орталық Азия елдері, Қытай, Ауғанстан және басқа да мемлекеттер.Ақпарат көзі : https://www.gov.kz/memleket/entities/moa/press/news/details/934887

Қазақстанда 2025 жылғы 1 қаңтардан бастап күшіне енген жаңа жеңілдетілген ережелер бойынша мемлекеттік сатып алу туралы алғашқы шарттар жасалды. Оларды қабылдау жобаларды, соның ішінде әлеуметтік маңызы бар жобаларды жедел іске қосуға және олардың бағасының көтерілу қаупін азайтуға мүмкіндік береді. Жеңімпаздар негізінен жергілікті компаниялар болады, бұл аймақтардың бизнесі мен экономикасына қолдау болып саналады. Мемлекет басшысы 2024 жылғы 1 шілдеде рәсімдерді оңайлатуға және бюрократиядан арылтуға бағытталған «Мемлекеттік сатып алу туралы» жаңа Заңға қол қойды. Заң шеңберінде мемлекеттік сатып алуды жүзеге асыру мерзімін барынша қысқартуды қамтитын жаңа Ережелер қабылданды.Мәселен, конкурс тәсілімен өткізілетін сатып алу бойынша тиісті құжаттаманы талқылау 5 күннен 2 жұмыс күніне дейін, өтінімдерді қабылдау — 15 күннен 5 жұмыс күніне дейін, өтінімдерді қарау және қорытындылау — 10 күннен 3 жұмыс күніне дейін қысқартылды. Осылайша, конкурстар мен аукциондар бойынша жеңімпаз ең көп дегенде 10 жұмыс күні ішінде анықталады.Рейтингтік-балдық жүйені қолдану арқылы өткізілетін конкурс (автоматтандырылған сатып алу тәсілі, жеңімпазды веб-портал айқындайды) арқылы сатып алу жеңімпаздары жиналған ұпайлар негізінде 5 жұмыс күні ішінде (бұрын мерзімі 29 жұмыс күнін құраған) айқындалады. Олар жұмыс тәжірибесі, тұрақты салық аударымдарының болуы, кешіктірулердің болмауы және басқалары үшін беріледі.Баға ұсыныстарын сұрату тәсілімен сатып алу мерзімі 5 күннен 2 күнге дейін қысқартылды.Сондай-ақ жергілікті жеткізушілер үшін шартты жеңілдіктер 1%-дан 2%-ға дейін ұлғайтылды. Ақмола облысы Зеренді ауылында балалар мен жасөспірімдер спорт мектебінің құрылысы бойынша байқау елімізде алғашқылардың бірі болып жаңа ережелер бойынша өткізілді. Биылғы 8 қаңтарда жарияланып, қорытындысы 6 жұмыс күні ішінде шығарылды және 16 қаңтарда құрылыс салушы жұмысқа кірісті.«Жобаның құны 2 млрд теңгеден асады. Мердігер рейтингтік-балдық жүйені қолдана отырып, жаңа мемлекеттік сатып алулар бойынша таңдалды, бұл конкурс мерзімін айтарлықтай қысқартты. Бұл бізге құрылысты 16 қаңтарда бастап кетуге мүмкіндік берді. Жоба жыл соңына дейін аяқталады және нысан пайдалануға беріледі. Сондай-ақ біз жүйеде қосымша балл алатын жергілікті құрылыс салушыларға назар аударамыз, бұл олардың қатысуын ынталандырады», — деді Ақмола облысының құрылыс, сәулет және қала құрылысы басқармасы басшысының міндетін атқарушы Азамат Байқуанышев.Спорт мектебінің ғимараты өтпе жол арқылы бір-бірімен байланысқан екі блоктан тұрады. Мұнда тренажер залы, хоккей корты және басқа да жаттығу алаңдары жұмыс істейтін болады. Құрылыс материалдарының 90%-ын жергілікті өндірістен алу жоспарлануда. Ауылдық спорт мектебінің жалпы қабылдау мүмкіндігі – ауысымда 78 адам.Жаңа ережелер бойынша 330 адам тұратын Батыс Қазақстан облысының Жалын ауылында су құбырын салу бойынша конкурс өткізілді. Жеңілдетілген жүйенің арқасында сатып алу процедурасы алты күнде жүргізілді, бұл жергілікті құрылыс салушыға жұмысқа тез кірісуге мүмкіндік берді. Жобаның құны – 785 млн теңгеден астам. Су құбырының құрылысы ауыл тұрғындарын сапалы ауыз сумен қамтамасыз етеді.Сонымен қатар Түркістан облысы Сарыағаш қаласында жаңа буынды дамыту орталығының құрылысы басталды. Жобаның құны – 2,7 млрд теңгеден астам. Мердігер 8 жұмыс күні ішінде рейтингтік-балдық жүйені қолдана отырып таңдалған жергілікті компаниялардың бірі болды.Шымкент қаласының Бозарық шағын ауданында көпқабатты тұрғын үйлер салу жобасы бойынша сатып алу рәсімі 7 жұмыс күні ішінде жүргізілді. Жобаның құны – 4,9 млрд теңгеден астам.Ұлытау облысының Мыңадыр стансасында мектеп салу бойынша сатып алу рәсімі 5 жұмыс күні ішінде жүргізілді, мердігер жергілікті компания болды. Жаңа мектеп салу оқушы орындарының тапшылығы мәселесін шешеді. Қазіргі уақытта жұмыс істеп тұрған мектеп толып кеткен, спорт залы да жоқ. 80 орынға есептелген жаңа екі қабатты мектептің кабинеттері сапалы білім беру үдерісін қамтамасыз ету үшін заманауи жабдықтармен жабдықталатын болады.Жаңа ережелерге сәйкес, осы жылдың 10 ақпанындағы жағдай бойынша Қазақстанда 951,38 млрд теңге сомасына 282 703 шарт жасалды. Салыстыру үшін: өткен жылдың тиісті кезеңінде 223,2 млрд теңгеге 165 558 шарт жасалған.Берілген шағымдардың саны өткен жылмен салыстырғанда 22%-дан астамға: 1700-ден 1320-ға дейін төмендеді. Ақпарат көзі : https://www.gov.kz/memleket/entities/aqmola/press/news/details/934509

«Акмола дарыны» дарынды балалар мен талантты жастарды анықтау және қолдау орталығы Көкшетау қаласындағы «Білім-инновация» лицей-интернатымен бірлесе 2025 жылғы 6-8 ақпан күндері «Білім-инновация» лицей-интернатының базасында «Жарқын болашақ» республикалық қазақ тілі олимпиадасының облыстық кезенің өткізді. Олимпиадаға 17 ауданнан, Көкшетау, Степногорск, Қосшы қалаларынан, «Білім-инновация» лицей-интернатынан, Астана қаласы №2 "Дарын" облыстық мамандандырылған мектеп-лицей-интернатынан, Көкшетау қаласы Абай атындағы дарынды балаларға арналған облыстық мамандандырылған мектеп-интернатынан, Щучинск қаласының «Білім-инновация» ІТ лицей-интернатынан, Степногорск қаласы, № 4 «Болашақ» облыстық мамандандырылған мектеп-лицей-интернатынан барлығы 154 оқушы қатысты. «Жарқын болашақ» олимпиадасы бес бағыт бойынша өткізілді:1.«Бейнелеушілер» (қазақ әдебиетіндегі шығармаларды комикс жанрында салу);2.«Білгірлер бәйгесі» (халық ауыз әдебиеті үлгілері бойынша сайыс);3.«Жас қаламгер» (жазбаша шығармашылық жұмыс);4.«Сөз шеберлері» (шешендік өнер, көпшілік алдында белгілі бір тақырыпта сөз сөйлеу);5.«Әнші-бұлбұлдар» (ән айту). Олимпиаданың қорытындысы бойынша 43 оқушы жүлдегер және жеңімпаз атанды: І-дәрежелі дипломмен – 6 оқушы, ІІ-дәрежелі дипломмен – 13, ІІІ-дәрежелі дипломмен – 24, грамотамен – 9 оқушы марапатталды.«Жарқын болашақ» олимпиадасының жеңімпаздары мен жүлдегерлері Ақмола облысы білім басқармасының І, ІІ, ІІІ дәрежелі дипломдарымен және бағалы сыйлықтарымен марапатталды.Облыстық кезеңінің нәтижесі бойынша І орынды иеленген 6 оқушы олимпиаданың республикалық кезеңіне қатысуға жолдама алды.Атап айтсақ, «Жарқын болашақ» олимпиадасы «Білім-инновация» халықаралық қоғамдық қоры тарапынан жыл сайын өткізілетін олимпиада. Оған 7-11-сыныпта оқитын қазақ тілді (ұлты қазақ) және қазақ тілді емес (өзге ұлт өкілдері) оқушылар қатыса алады. Ақпарат көзі : https://www.gov.kz/memleket/entities/aqmola/press/news/details/934902

Көкшетау қаласында «Тұқым күні, Тұқым-2025» халықаралық конференциясы өтті. Бұл шара Қазақстаннан және Еуропа мен ТМД елдерінен келген агрономдар, сарапшылар мен зерттеушілерді тоғыстырды.Шараға Ақмола облысы әкімінің орынбасары Мұрат Балпан қатысты. Ол осындай алаңдардың тәжірибе мен білім алмасудағы маңыздылығын атап өтті.Қатысушылар жоғары маржиналды дақылдардың отандық және шетелдік селекциядағы тұқымдар көрмесімен танысты.Сапалы тұқым – мол өнім алудың негізгі факторы. Өткен жылы өңірдің аграршылары жоғары нәтижелерге қол жеткізді. Бұл агрономиялық технологияларды қатаң сақтауға, элиталық тұқым себу алқаптарының ұлғаюына және мемлекеттік қолдау бағдарламаларын тиімді іске асыруға байланысты болды.Тұқым селекциясының маңызы зор. Бұл бағытта А.И. Бараев атындағы астық шаруашылығы ғылыми-өндірістік орталығы тұрақты зерттеулер жүргізіп келеді. Орталық ғалымдарының еңбегінің бір дәлелі – «Таймас» жаздық жұмсақ бидай сорты. Ол өткен жылы Қазақстанның климаттық сын-қатерлеріне бейімделу және селекция саласындағы инновациялардың символына айналды.Конференция барысында ғалымдар мен мамандар тұқым сапасын арттыру, заманауи селекциялық технологияларды енгізу, өңдеудің инновациялық әдістерін қолдану және өнімділікті арттыру мақсатында дақыл сорттарын жетілдіру мәселелерін талқылады.Сонымен қатар, отандық және шетелдік селекционерлер әзірлеген перспективалы ауыл шаруашылығы дақылдарының жаңа сорттары туралы ақпарат ұсынылды.«Тұқым күні, Тұқым-2025» Көкшетау халықаралық конференциясы аграрлық ғылымды дамыту және ауыл шаруашылығы тиімділігін арттыру жолындағы маңызды қадам болды. Ақпарат көзі : https://www.gov.kz/memleket/entities/aqmola/press/news/details/934927

Еліміздің әртүрлі өңірлерінде ТЖМ бөлімшелері су басу қаупін азайту үшін алдын алу және инженерлік жұмыстарды жүргізуде. Су тасқынына қарсы іс-шаралар республикалық және өңірлік бағдарламалар шеңберінде іске асырылады. Жүргізілген жұмыстардың қатарында қорғаныш бөгендері мен біліктерін салу және нығайту, дренаждық жүйелерді жөндеу және салу, жолдардың астына су өткізу құрылыстарын орнату және ауыстыру, сондай-ақ каналдар мен арықтарды көгалдандыру бар. Қауіпті учаскелер бойында жағалауларды тереңдету және нығайту, сондай-ақ өзен арналарын тазарту жұмыстары жүргізілуде. Су тасқынына дайындық аясында Ақмола облысының бірқатар учаскелері қаралды. ТЖД бастығы Бақытжан Алашов ТЖМ «Қазавиақұтқару» бортында Сандықтау, Зеренді және Бұланды аудандарының аумақтарын әуеден барлады. Жабай, Қайрақты және Қылшақты өзендеріндегі жағдай тексерілді. Мониторинг нәтижелері бойынша су объектілерінің жай-күйі мен қар жамылғысының болуына баға берілді. Мұз жару жұмыстарын уақтылы жүргізу және оның қалыңдығын қадағалау бойынша тапсырмалар берілді. Су тасқынына қарсы іс-шараларға дайындық аясында аудандарға бару жалғасуда. ТЖД бастығының орынбасары Ренат Валишанов су тасқынына бейім Есіл, Жақсы, Атбасар және Жарқайың аудандарында болды. Елді мекендерге барды, олардың учаскелерінде су өткізу құрылыстарын салу және топырақ үйінділерін салу бойынша іс-шаралар жүргізілуде. Сонымен қатар ТЖ бөлімдерінің техникасы мен жеке құрамының жауынгерлік дайындығы тексерілді. Алматы облысында қар тазалау және шығару, арық-дренаждық жүйелер мен су өткізу құрылыстарын тазарту бойынша жұмыстар жүргізуде, елді мекендерде рейдтер, су тасқыны кезіндегі іс-қимыл ережелерімен танысу бойынша халықпен жиындар өтуде. Су тасқыны қауіпті кезеңіне дайындық бойынша 77 км арық жүйесін салу және жөндеу, 79 км су бұру арналарын орнату және механикалық тазарту бойынша жұмыстар жүргізілді, 12 км су тасқыны қауіпті өзендердің арналарын нығайту және түзету бойынша жұмыстар жүргізілді. Автомобиль жолдары астындағы 270 бірлік және темір жолдардың астында 832 бірлік су өткізу құбыры тазартылды, өзен арналарынан 16 тонна қоқыс шығарылды. Сонымен қатар Райымбек ауданында жалпы ұзындығы 7,9 км болатын 5 қорғаныш бөгені салынды және Кеген ауданында 2 автожол көпірі салынды. 54000 қап, 2800 тонна инертті материалдар, 86 тонна ЖЖМ және 52 тамақтану келісімшарты дайындалды. 2023-2024 жылдар кезеңінде облыс аумағындағы белгілі бір 20 су тасқыны қаупі бар учаскенің 7-уінде қауіп толығымен жойылды, ал қалған 13 учаскеде биылғы жылғы су тасқынына қарсы жұмыстар шеңберінде су басу қаупін азайту бойынша жұмыстар жүргізілуде. Сонымен қатар Іле, Жамбыл және Балқаш аудандарындағы су тасқыны және сырғыма қаупі бар учаскелерге тексеру жүргізілді. Су тасқыны қауіпті учаскелерді тексеру Алматы облысы әкімінің орынбасары А.Масабаевтың, облыстық ТЖД бастығы Д.Оразбековтың, әкімдіктер мен бейінді қызметтер өкілдерінің қатысуымен жүргізілді. Тексеру қорытындысы бойынша су тасқыны қаупін азайту үшін бірінші кезектегі шаралар кешені анықталды. Астана қаласында су тасқыны қауіпті учаскелерге тексеру жүргізілді. ТЖД бастығының орынбасары Мадияр Мырзагелдиев қала әкімінің орынбасары Еркін Өтебаевпен бірлесіп су тасқыны қаупі бар учаскелерге тексеру жүргізді. Жұмыс сапарының қорытындысы бойынша арнайы қызмет өкілдеріне су тасқынын қауіпсіз өткізуге бағытталған алдын алу шараларын уақтылы қабылдау туралы ұсынымдар берілді. Сондай-ақ елордалық құтқарушылар су тасқыны қаупі бар учаскелерде тұратын тұрғындармен профилактикалық іс-шаралар өткізді. Бұл аралау жеке үйлердің су басуының алдын алу мақсатында жүргізілді. Рейдтік іс-шаралар барысында су тасқыны кезеңіне уақтылы дайындық қажеттілігі туралы ұсынымдық сипаттағы 100-ден астам ақпараттық материал таратылды. Бұдан басқа «Сарыарқа» ауданының жергілікті атқарушы органдарының қызметкерлерімен және «Астана Жастары» жастар ресурстық орталығының волонтерлерімен бірлесіп, жалғыз тұратын зейнеткерлердің аула аумақтары қардан тазартылды. Шығыс Қазақстан облысының әкімі Ермек Көшербаев пен ТЖД бастығы Рашид Блялов Табиғи ресурстар және табиғатты пайдалануды реттеу басқармасының, «Шығыс су қоймалары» КМК және ШҚО бойынша Қазгидромет филиалының мамандарымен бірлесіп өзендердің арналарына, ГТҚ және су тасқыны қаупі бар елді мекендерге әуеден барлау жүргізді. Жалпы мониторинг гидрологиялық жағдайдың тұрақты екенін көрсетті. Аудан әкімдеріне және мүдделі мемлекеттік органдарға осы бағыттағы жұмысты күшейту бойынша тиісті тапсырмалар берілді. Жетісу облысында су басу қаупі бар аймақтарды тексеру жалғасуда. Су тасқыны қаупі бар аумақтарды комиссиялық тексеру жүргізіледі. «Қазгидромет» мәліметтері бойынша Көксу, Ескелді, Кербұлақ және Алакөл аудандарын су басу қаупі жоғары, онда қар жамылғысы, топырақтың қатуы және ылғалдану көрсеткіштері өткен жылдың деңгейінен артық. Тексеру нәтижелері бойынша жергілікті атқарушы органдарға су тасқынына қарсы уақтылы шаралар қабылдау бойынша ұсынымдар жіберіледі. Батыс Қазақстан облысында облыстың 5 су тасқыны қаупі бар ауданында аралау жұмыстары жүргізілді. Төтенше жағдайлардың алдын алу комитетінің бас маманы А. Ахметов ТЖД төтенше жағдайлардың алдын алу басқармасының бастығы А.Ешмұхановпен бірлесіп, су тасқыны кезеңіне дайындықты тексеру үшін Сырым, Қаратөбе, Шыңғырлау, Бөрлі және Теректі аудандарына барды. Аралау барысында аудандық азаматтық қорғау қызметтері мен ТЖД бөлімшелерінің шұғыл ден қою жасақтары тексерілді. Жалпы бүгінгі таңда су тасқыны кезеңіне дайындық жалғасуда және ерекше бақылауда. Қарағанды облысында су тасқыны қаупі бар учаскелер мен елді мекендерді аралау жалғасуда. ТЖД бастығы Нұра ауданының әкімімен бірге су тасқынына қарсы іс-шаралар жүргізілген бірқатар учаскелерге жұмыс сапарымен барды. Маршрутқа Шерубай-Нұра және Құндызды өзендерінің бойында орналасқан елді мекендер кірді. Аралау барысында салынған қорғаныш біліктерінің жай-күйіне, елді мекендерден қар шығару жұмыстарын ұйымдастыруға, материалдық-техникалық құралдарды дайындауға, инженерлік және су айдау техникасының дайындығына ерекше назар аударылды. Департамент бастығы қорғаныш бөгендерінің көпшілігі шаруашылық әдіспен салынғанын атап өтті. Ең аз фильтрден өткізудің өзі олардың бұзылуына әкелуі мүмкін, сондықтан ауылдық округ әкімдеріне су тасқыны кезеңінде тәулік бойы жағдайды бақылауды, инертті материалдарды, қапшықтарды, жанар-жағармай материалдары мен азық-түлік қорын елді мекендерге алдын ала жеткізуді ұсынды. Сондай-ақ күштер мен құралдарды үнемі дайындықта ұстау қажеттігін ескертті. Павлодар облысы ТЖД өңірдің су тасқыны қаупі бар учаскелеріне тексеру жалғасып жатыр. Департамент басшылығы Ақтоғай және Успен аудандарының Шолақсор, Балтасап, Жалаулы, Жолболды, Жамбыл, Ақтоғай, Успен, Белоусовка және Вознесенка елді мекендерін зерттеді. Аралау барысында арнайы және инженерлік техниканың дайындығы тексерілді. Мотопомпалар, қапшықтар, инертті материалдар, сондай-ақ халықты хабардар етудің жергілікті жүйесі тексерілді. Елді мекендерде қарды уақтылы жинау және шығару мәселелеріне ерекше назар аударылды. Алдағы су тасқыны кезеңіне дайындық аясында бұл аудандарда үйінділер нығайтылып, кеңейтілгенін, автожолдардың кейбір учаскелерін жөндеу жұмыстары аяқталғанын атап өткен жөн. Талинка өзенінің түбі тереңдетіліп, су өткізу құбырлары, бұру арналары салынды. Аралау нәтижелері бойынша аудан әкімдеріне тиісті ұсыныстар берілді. Ақпарат көзі : https://www.gov.kz/memleket/entities/emer/press/news/details/934740

Қаланың коммуналдық қызметтері тәулік бойы күшейтілген режимде жұмыс жүргізіп жатыр. Олар күн сайын қаладан ондаған мың текше метр қар шығарады, деп хабарлайды Астана әкімдігінің ресми сайты.10 ақпанда күндізгі ауысымда қар тазалау жұмысына 2 627 жол жұмысшысы және 1 300-ге жуық арнайы техника шықты.10 ақпанға қараған түні елордадан қар полигондарына 1 951 рейспен 26 мың текше метр қар шығарылды.Қыс мезгілінің басынан бері 448 192 ауыр жүк рейсімен қаладан 5,4 млн текше метрден астам қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз. Ақпарат көзі : https://www.gov.kz/memleket/entities/astana/press/news/details/934393

Елорданың Нұра ауданында қоғамдық орындарда кальян шегудің алдын алу үшін ойын-сауық мекемелеріне түнгі рейд жүргізілді, деп хабарлайды Астана әкімдігінің ресми сайты.Профилактикалық шараны Нұра ауданы әкімдігінің қызметкерлері полиция бөлімімен бірлесіп ұйымдастырды.Рейд барысында үш мекеме тексеріліп, тиісті рұқсат құжаттарынсыз темекі шегу өнімдерін тарату және пайдалану бойынша заңды бұзу фактілері анықталды.Тексерулердің қорытындысы бойынша заң бұзушылық тіркелген нысандардың біріне 240 000 теңге айыппұл салынды.Нұра ауданының әкімдігі мен ішкі істер бөлімі заң талаптарының сақталуын қамтамасыз етуге көңіл бөледі. Мұндай заң бұзушылықтардың алдын алу жұмысы ары қарай да жалғасады.Сондай-ақ полицейлер мұндай рейдтер тұрақты түрде өткізіліп, демалыс және мереке күндері бақылау күшейтілгенін баса айтты.Құқық қорғау органдары азаматтар мен кәсіпкерлерді заң талаптарын орындап, қоғамдық қауіпсіздікті арттыруға үлес қосуға шақырады.Ақпарат көзі : https://www.gov.kz/memleket/entities/astana/press/news/details/934682

Мысыр Республикасының Каир қаласында өткен пауэрлифтингтен ашық әлем чемпионатына Астана қаласының Райымбек батыр атындағы №50 «Қазғарыш» мектеп-лицейінің бастауыш сынып мұғалімі Ержанова Айгүл Тұрғанбайқызы екі алтын медаль алып, көк байрағымызды желбіретті, деп хабарлайды елорда әкімдігінің ресми сайты.20-ға жуық мемлекеттен келген әйелдер ішінен 54 жастағы ұстаз жасының үлкендігіне қарамастан ел намысын қорғап 100 кг ауыр зілтемірді көтеріп, рекордтық көрсеткішті бағындырды. Айгүл Тұрғанбайқызы спорттың бұл түріне 52 жасында келген. Бір жарым жыл ішінде ауыр атлетиканы меңгеріп, бұған дейінде бірнеше мәрте әлем чемпионы атанған.«Қазақстан бұл жарысқа бірінші рет қатысып отырғандықтан, бастапқыда мені Қытайдан келген қатысушы деп ойлады. Алайда, рекордық көрсеткіш көрсеткенімде Қазақстаннан келгенімді біліп, барлығы қошемет көрсетті», - дейді Айгүл Тұрғамбайқызы.Өткен жылы Мемлекет басшысының қолынан білім саласына айтарлықтай үлес қосқаны үшін «Қазақстанның еңбек сіңірген ұстазы» атағын алған Айгүл Тұрғанбайқызы ата-аналары мен оқушыларына білім мен қатар спортты да меңгеріп, адам бойында жатқан жаңа қырларын кез келген жаста аша біліп, әлемді бағындыруға болатынын көрсеткісі келетін айтады.Айта кетейік, алдағы уақытта спортшы ұстаз Африкада өтетін жарыста ел намысын қорғайтын болады. Ақпарат көзі : https://www.gov.kz/memleket/entities/astana/press/news/details/934685

«Таза Қазақстан. Астана – тазалық пен тәртіптің үлгісі» ауқымды экологиялық акциясы аясында Астана қаласы Мәдениет басқармасына қарасты Әзірбайжан Мәмбетов атындағы мемлекеттік драма және комедия театры «Менің аулам» челленджін бастады, деп хабарлайды елорда әкімдігінің ресми сайты.Іс-шараның мақсаты – өз кезегінде ұжым ауланы таза ұстауға, отбасы мүшелерін ортақ бір іске жұмылдыруға, балалардың бойында қамқорлық пен жауапкершілік сезімін қалыптастыруға бағытталды. Әзірбайжан Мәмбетов атындағы мемлекеттік драма және комедия театры аталған челленджді Е.Рахмадиев атындағы Мемлекеттік академиялық филармония ұжымына жолдап, тазалық пен жауапкершілік дәстүрін жалғастыруға үндеді.«Таза Қазақстан» экологиялық акциясы аясында осындай игі істі бастаудағы мақсатымыз – мәдениет мекемелері ұжымдарының аулаларды тазалап қана қоймай, өз отбасымен бірге пайдалы уақыт өткізуіне, сонымен қатар жас ұрпақты да жауапкершілікке, еңбекке баулуына үндеу. Өйткені өнер адамдарының көбінесе қойылымдары болады, жанұяға уақыт бөлуге көп уақыттары бола бермейді. Біз челенджді ұйымдастыру негізінде отбасы институтын дамыту, оның ішінде балаларға тәрбие беру сияқты аспектілерді қарастыруды ұйғарадық. Жалпы, бұл игі істі әр жұма сайын бір мәдениет мекемесі қолдайтын болады. Мәселен, «Менің аулам» челленджін келесі жұма Е.Рахмадиев атындағы мемлекеттік академиялық филармониясы ұжымы қолдап, әрі қарай жалғастыру үшін «Жастар сарайы» ұжымына жолдайтын болады», - деді мәдениет және өнерді дамыту бөлімінің басшысы Ақерке Жұманбаева.Оның айтуынша, Астана қаласы Мәдениет басқармасына қарасты 14 мекеме бар. Яғни, әрбір мекеме жұма сайын осы челленджді жалғастырып отырмақ.Ақпарат көзі : https://www.gov.kz/memleket/entities/astana/press/news/details/934741

Елордалық боксшы Бақберген Алиасқаров халықаралық турнирдің күміс жүлдегері атанды, деп хабарлайды Астана әкімдігінің ресми сайты.Сербия астанасы Белград қаласында бокстан өткен «Belgrade Winner» халықаралық турнирі өз мәресіне жетті. Биыл 62-ші рет ұйымдастырылған айтулы додада Қырғызстан, Словакия, Македония, Марокко, Сербия, Молдова және Қазақстан елдерінің былғары қолғап шеберлері бақ сынады.Астана қаласының намысын қорғаған 75 келіге дейінгі салмақтағы Бақберген Алиасқаров лайықты өнер көрсетіп, турнирдің күміс жүлдегері атанды.Жалпы, қазақстандық боксшылар бұл жарыста жоғары нәтиже көрсетіп, 8 алтын, 4 күміс және 1 қола медаль жеңіп алды.Ақпарат көзі : https://www.gov.kz/memleket/entities/astana/press/news/details/934990

Шымкент қаласында бір аптаға созылған нысана көздеуден командалық Қазақстан чемпионаты өз мәресіне жетті, деп хабарлайды елорда әкімдігінің ресми сайты.Бұл – мергендер үшін биылғы алғашқы ірі жарыс. Осы сыннан іріктелген спортшылар алдағы Азия Кубогы мен Әлем Кубогы кезеңдерінде ел намысын қорғайтын болады.Әйелдер арасындағы 10 метрге пневматикалық винтовкамен ату сайысында жүлдегерлер арасындағы айырмашылық санаулы ұпаймен шешілді.Алтын жүлде – Шымкент қаласы;Күміс жүлде – Алматы қаласы;Қола медаль – Астана құрамасы.Команда сапында Әлия Аушамова, Әмина Амантаева, Дарина Болатова үздіктер қатарынан көрінді. Олар жалпы 1821,9 ұпай жинады.Осылайша, Астана құрамасы 1 күміс және 5 қола медаль жеңіп алып, чемпионаттың үздік үштігіне енді.Айта кетейік, жарысқа еліміздің 8 өңірінен 160-қа жуық спортшы қатысты.Ақпарат көзі : https://www.gov.kz/memleket/entities/astana/press/news/details/934995

Абай облысында 2024 жылдың 9 айында жалпы өңірлік өнімнің көлемі 104,2 пайызды құрады. Бұл туралы облыс әкімі Нұрлан Ұранхаевтың төрағалығымен өткен әкімдік отырысында айтылды. Отырыста экономика және бюджеттік жоспарлау басқармасы басшысының міндетін атқарушы Мария Осадчая өткен жылдың әлеуметтік-экономикалық даму қорытындылары және 2025 жылға қойылған міндеттер туралы баяндады. Мария Осадчаяның сөзіне қарағанда, жалпы өңірлік өнімдегі жоғары үлес өнеркәсіп, ішкі сауда, ауыл шаруашылығы, құрылыс, көлік және қоймалау салаларына тиесілі.«Облыстың сыртқы сауда айналымы 2024 жылдың 11 айында 2,9 млрд. АҚШ долларын (1,5 трлн теңге) құрап, тиісті кезеңмен салыстырғанда 227,2%- ға өсті. Экспорт 303,8%, импорт 123,7% ұлғайды. Сыртқы тауар айналымының басым бөлігі Қытай Халық Республикасы және Ресей Федерациясымен арада болып отыр. Мемлекеттік бюджетке 2024 жылы облыстан 478,9 млрд теңге салық және басқа да міндетті төлемдер түсті. Нәтижесінде 2023 жылмен салыстырғанда жалпы өсім 186,3 % құраса, оның ішінде салық түсімдері 194,3%», -деді Экономика және бюджеттік жоспарлау басқармасы басшысының міндетін атқарушы Мария Осадчая өз баяндамасында.Салық түсімдері 236,8% өсіммен республикалық бюджетке 343,3 млрд теңге (2023 жылы – 145,0 млрд теңге), жергілікті бюджетке – 121% өсу қарқынымен 135,6 млрд теңге түсті (2023 жылы – 112,1 млрд теңге).2024 жылдың қорытындысында өңдеу өнеркәсібін есепке алмағанда, облыстың әлеуметтік-экономикалық дамуының барлық көрсеткіштері орындалды. Атап айтқанда, өнеркәсіп өндірісінің көлемі өткен жылы 1,9 трлн теңгеге жетті, бұл 2023 жылмен салыстырғанда 100,3%. Ауыл шаруашылығының жалпы өнімі 453,3 млрд теңгеге жетіп, нақты көлем индексі - 107,7% құрады. Барлық аудандарда жоспар орындалды. Сүт өндірісі 2,5% - ға, ет өндірісі 2,3% - ға өсті. Жалпы облыста өткен жылы ауыл шаруашылығы тауар өндірушілеріне бюджеттік қаражат есебі және «Аграрлық кредиттік корпорациясы» АҚ, «КазАгроФинанс» АҚ арқылы 48,7 млрд теңге сомасында мемлекеттік қолдау көрсетілді.Облысымызда пайдалануға берілген тұрғын үйдің жалпы ауданы 363,2 мың шаршы метрді құрап, өсу қарқыны - 100,2% жетті. Халықтың әлеуметтік осал топтарын тұрғын үймен қамтамасыз ету мақсатында өткен жылы жалпы ауданы 80 мың ш. м. құрайтын 1 068 жалға берілетін пәтерлер сатып алынды.«Облыстың инвестициялық жобалар пулына енгізілген 3 жобаны биыл қолданысқа беру жоспарланып отыр. Атап айтқанда, «СемАз» ЖШС «Әкімшілік-өндірістік корпус базасында өндірісті оқшаулау үлесін ұлғайта отырып, көлік құралдарын құрастыру бойынша өндірістік алаң құру», «Qazaq astyq Group» ЖШС «Күнбағыс майын құю және буып – түю желісімен тазарту цехын салу», «Казполиграф» ЖШС «Қағаз және картон бұйымдарын өндіру» жобаларын іске қосу арқылы 327 жаңа жұмыс орны ашылмақ», -деді басқарма басшысының міндетін атқарушы.Шағын және орта бизнесте жұмыс істеп тұрған субъектілер саны 101,7% - ға өсіп, осы салада жұмыспен қамтылғандар саны 105,4 мың адамға өсті. Былтыр «Даму» қорымен кәсіпкерлерге 9,8 млрд теңге мемлекеттік қолдау көрсетілді. Облысқа салынған инвестицияның көлемі де 2023 жылмен салыстырғанда 107% артық.Аймақ басшысы баяндама соңында жауапты тұлғаларға алға қойған міндеттерді тиянақты әрі уақытында орындауға тапсырма жүктеді.Ақпарат көзі : https://www.gov.kz/memleket/entities/abay/press/news/details/935012

Абай облысында жылу маусымы штаттық режимде өтуде. Сондай-ақ жылу көздеріндегі жылу тасымалдағыштың параметрлері нормативтік көрсеткіштерге сәйкес келеді. Бұл туралы аймақ басшысы Нұрлан Ұранхаевтың төрағалығымен өткен әкімдік отырысында облыстық Энергетика және тұрғын үй-коммуналдық шаруашылық басқармасының басшысы Жандос Қайырханов баяндады.Бүгінде облыс орталықтандырылған жылумен жабдықтау қуаты сағатына 100 Гкал асатын 4 ірі және сағатына 100 Гкал кем 41 жылу көздерімен қамтамасыз етіледі. Автономды қазандықтардың саны 330. Облыстағы жылу желілерінің жалпы ұзындығы 401,8 шақырым болса, оның 322 шақырымы Семей қаласына тиесілі. Семей қаласын жылумен жабдықтауды 21 қазандық және «Теплокоммунэнерго» МКК №1 ЖЭО жүзеге асырады. Одан бөлек 76 орталық жылу пункттері бар.«Жылу маусымы басталғаннан бері жылумен жабдықтау желілерінде тіркелген технологиялық бұзушылық айтарлықтай азайды. Нақты айтар болсақ, 2023-2024 жылдардағы күзгі қысқы кезеңге қарағанда 46%, жылу көздерінде 78% дейін төмендеді. Сондай-ақ электрмен жабдықтау желілерінде тіркелген авариялық ажыратулар өткен жылу маусымының ұқсас кезеңімен салыстырғанда 11%-ға аз. Авариялық қызметтердің қызметкерлері технологиялық бұзушылықтарды уақтылы және нормативтік регламенттер шеңберінде жойып отырады», - деді облыстық басқарма басшысы.Өңірдің көмірге жалпы қажеттілігі 1 млн 247 мың тоннаны құрайды. Оның ішінде тұрғындарға қажетті көмірдің 83%, жылу көздері үшін 56%, әлеуметтік нысандар үшін 100% жеткізілді. Облыстың коммуналдық-тұрмыстық секторы және жылу көздеріне көмірді уақтылы жеткізу үшін «Қаражыра» АҚ және «ҚТЖ» АҚ-мен бірлескен кесте бекітілген. Тұрғындар мен коммуналдық-тұрмыстық сектор үшін көмір сататын 16 пункт жұмыс істейді (12 теміржол тұйығы және 4 ірі қойма). Барлық нысандар қажетті техникамен, жүк көлігі үшін кіру тұрақтармен жабдықталған. Басқарма облыстың елді мекендеріне көмірдің қажеттілігі мен жеткізілуіне күнделікті мониторинг жүргізеді.«2024-2025 жылдардағы күзгі-қысқы кезеңге дайындық аясында облыста 22 жоба ақталды. Осы жобалар шеңберінде 26,1 шақырым жылу желілері мен 17 жылу көздерінде жұмыс жүргізіліп, жоспардың 100 % орындалды. Оның ішінде Семей қаласы бойынша 14,7 шақырым қайта жаңарту, 4,8 шақырым желілер мен 10 жылу көздеріне ағымдағы жөндеу жүргізілді. Жүргізілген жұмыстың қорытындысы бойынша 2024 жылы облыстың жылу желілерінің тозуы 64,2%-дан 60,3%-ға дейін төмендеді. Ал 2025 жылы қалған жобаларды толық аяқтау, сондай-ақ екі жаңа жобаны іске асыру нәтижесінде тозуды 57,6% дейін төмендету күтілуде», - деді Жандос Маратұлы өз баяндамасында.Әкімдік отырысында облыс кәсіпорындары мен заңды және жеке тұлғалардың коммуналдық қызметтер үшін дебиторлық берешегі талқыланды. Осыған байланысты аймақ басшысы нақты шараларды қолға алып, қарызбен күресті күшейтуді тапсырды.«Атқарушы билік өз тарапынан облыс тұрғындарын жылумен, сумен, электр энергиясымен қамтамасыз етуге бар күшін салады. Жылу мәселесі менің жеке бақылауымда. Дегенмен, тұтынушылар өз жауапкершілігін сезінуі тиіс деп есептеймін. Коммуналдық қызметке уақытында төленген өтемақы жылу маусымын ойдағыдай аяқтауымызға септігін тигізетіндігін ескергеніміз жөн. Осыған орай өз орынбасарларым мен басқарма басшылары, қала және аудан әкімдеріне берешекті өтеу бойынша жұмысты жандандыруды тапсырамын», -деді облыс әкімі.Ақпарат көзі : https://www.gov.kz/memleket/entities/abay/press/news/details/935019