11-15 ақпан аралығында Астана қаласындағы EXPO павильонында «Жұмысшы мамандықтар қаласы» фестивалі өтуде. Ауқымды шараға Абай облысынан төрт колледж қатысып, өздерінің білім беру жетістіктері мен заманауи оқу бағыттарын таныстырады. Фестивальдің ресми ашылуын ҚР Оқу-ағарту министрі өткізді. Іс-шара 15 бағыт бойынша түрлі көрмелерді қамтиды.Геологиялық барлау колледжі «Геологтар үйі» мен «Гидрогеологтар үйінде» өз жұмыстарын көрсетеді. «Геологтар үйі» ERG компаниялар тобымен бірлесіп ұйымдастырылған. Мұнда қатысушылар тау жыныстары мен минералдардың үлгілерімен танысып, олардың құрамындағы пайдалы қазбалар жайлы ақпарат ала алады. Ал «Гидрогеологтар үйінде» жерасты суларының қалыптасуы мен зерттеу әдістері ұсынылады.Р.Байсейітов атындағы қаржы-экономикалық колледжі «Болашақ мамандықтар» көшесінде орналасқан «Бағдарламашылар үйін» ұсынады, заманауи интерактивті жабдықтар мен құрылғыларды көрсетеді. Әлеуметтік серіктестер қатарында ТОО «Oner 3D» және АО «NITEK» бар. Көрмеде желілік құрылғылар, оптикалық талшықты дәнекерлеу құралдары мен 3D принтерлер секілді заманауи технологиялар таныстырылады.Электротехника колледжі «Энергетиктер мен Мұнайшылар көшесінде» орналасқан Атом әлемі үйінде жұмыс істеп жатыр. Колледж ұжымы «Kazatomprom» ұлттық атом компаниясымен бірлесіп, мектеп оқушылары мен студенттерге кәсіби бағдар беру жұмыстарын жүргізеді.Геодезия, картография және құрылыс жоғары колледжі Қазақстандағы осы сала бойынша жалғыз мамандандырылған оқу орны ретінде өз тәжірибесін бөліседі. Колледж «Аэрофотогеодезия» бағыты бойынша жер бетінің карталарын жасауға арналған заманауи технологияларды көрсетеді. Сондай-ақ дрондар, ұшақтар мен спутниктерден алынған суреттерді өңдеу арқылы жердің дәл координаталық мәліметтерін анықтау әдістері таныстырылады.13-14 ақпан күндері Абай облысынан 300-ге жуық делегация фестивальға қатысады. Делегация құрамында облыс әкімінің орынбасары Жасұлан Сәрсебаев, білім басқармасының өкілдері, облыстық мәслихат депутаттары, техникалық және кәсіптік білім беру ұйымдарының басшылары, әлеуметтік серіктестер, мектеп директорлары мен студенттер бар.Ақпарат көзі : https://www.gov.kz/memleket/entities/abay/press/news/details/937491

Мемлекет басшысының тапсырмаларын орындау аясында Әділет департаменті тұрақты негізде халықтың құқықтық сауаттылығын арттыру бойынша түсіндірме жұмыстарын бастады.Абай облысының Әділет департаментінің басшысы Ернар Сейдімбек өңірлік коммуникациялар қызметінде өткен баспасөз мәслихатында атап өткендей, 2024 жылы “Халық заңгері”, “Әділет кеңес бересі”, “Ашық есік күні” және “Тегін заң көмегі күні” акциялары жоспарға сәйкес жүйелі түрде ұйымдастырылды. Өткен жылы облыстың барлық өңірлерінде 6000-ға жуық халықты қамтитын 477 консультативтік-түсіндіру іс-шаралары өткізілген.– Ауылдық елді мекендер халқының құқықтық сауаттылығын арттыру мақсатында 80-ге жуық “құқық кабинеті” ашылды. Олар облыс әкімінің әрбір аудандық, ауылдық аппаратының ғимаратында орналасып “Egov” базасында қызмет атқарады. Нормативтік құқықтық актілерді қолдану мақсатында кабинеттерде “Ашық НҚА” порталы, “Әділет” ақпараттық-құқықтық жүйесі, “Заң” дерекқоры орнатылған. Бұдан басқа, e-otinish платформасы арқылы мемлекеттік органдарға өтініштер жіберу, электрондық цифрлық қолтаңба алу үшін құқықтық кабинеттер қажетті толық техникамен жабдықталған, – деп атап өтті спикер.Сонымен қатар, ведомства басшысы “E-ZanKomegi” ақпараттық жүйесімен қатар “Zan Komegi” мобильді қосымшасы да қолжетімді екенін айтты. Онда азаматтар бейне қоңырау арқылы өздерін қызықтыратын сұрақтарға жауап ала алады.– Облыс бойынша мемлекет кепілдік берген заң көмегін көрсету жүйесіне былтыр 55-ке жуық адвокаттар мен заң консультанттары қатысты. Өткен жылы 6 782 азаматқа мемлекет кепілдік аясында тегін заң көмегі берілді. Бұдан басқа, мүлікті басқаруға қатысты сенімхаттарды қоспағанда, ерлі-зайыптылардың сенімхаттары мен келісімдерінің барлық түрлерін беруге мүмкіндік беретін “Е-нотариат” бірыңғай нотариаттық ақпараттық жүйесі функционалуда, – деді департамент басшысы.Аталған жүйедегі тағы бір маңызды жаңалық – робот сот орындаушысын енгізу. Егер 20 АЕК-ке дейінгі әкімшілік айыппұлдар уақтылы төленбесе, уәкілетті орган мәліметтерді ТЖД қатысуынсыз өндірісті робот қозғайды.– Іс қозғалғаннан кейін азаматтар ол туралы мәліметті бар 1414-тен SMS-хабарлама және EGov Mobile-дан push-хабарлама ала алады. Барлық іс-шаралар онлайн режимінде жүргізілетіндіктен, азаматтар айыппұл сомасының 25%-ын қосымша төлеуден және сот орындаушысына барудан босатылады. Бүгінгі таңда цифрлық сот орындаушысы іске қосылған сәттен бастап Абай облысында роботпен 8 761 атқарушылық іс қозғалды, оның ішінде 2 203 ісі аяқталып, 44 677 588 теңге өндірілді, – деп қорытындылады Ернар Сейдімбек.Ақпарат көзі : https://www.gov.kz/memleket/entities/abay/press/news/details/937508

Жерлесіміз Кирилл Бауэр биатлоннан Қазақстан ерлер құрамасы сапында Харбинде өтіп жатқан Азия ойындарында күміс медаль жеңіп алды.Әсет Дүйсенов, Александр Мухин, Владислав Киреевпен бірге квартет құраған Кирилл Жапониялық шаңғышыларды алға жіберіп алды.Жарысқа жеті елдің командалары қатысты. Нәтижесінде алтын жапондарға бұйырса, күміске қазақстандықтар, қола медалға Қытай құрамасы қол жеткізді.Ақпарат көзі : https://www.gov.kz/memleket/entities/abay/press/news/details/937791

Абай облысының бір топ кәсіпкерлері Татарстанда жүр. 3 күндік сапар аясында жерлестеріміз алдыңғы қатарлы ет және сүт өндірумен айналысатын кәсіпорындар мен шаруашылықтардың жұмыс барысымен танысып, тәжірибе алмасады.«Бұл сапарымыз Абай облысы мен Татарстан Республикасы арасындағы достық қарым-қатынастың арқасында мүмкін болып отыр. Естеріңізде болса, осыдан біраз уақыт бұрын татарстандық делегация біздің облысымызға келіп қайтқан. Біз бұл жолы ауылшаруашылығы саласының ең үздік шаруашылықтарында болып, олардағы озық технологиялармен танысамыз. Сол арқылы өзіміздегі ет, сүт өндірісіне жаңашылдық енгізуді көздейміз», - дейді облыс әкімінің орынбасары Қуаныш Сүлейменов.Татарстан Ресей нарығын ет пен сүтпен қамтамасыз етуде алдыңғы қатарға шығып отырған өңір. Өнім сапасын жақсарту мен ауылшаруашылығын цифрландыруда жаңалықтары көп.Абай облысының делегациясы Татарстан Раисы Рустам Миннихановтың қатысуымен өткен ауқымды көрмені де тамашалады. Көрмеде Татарстанның 2024 жылы ауылшаруашылығында жеткен жетістіктері көрсетіліп, 2025 жылғы жоспарлары талқыланды. Делегация құрамында барған арасында ет, сүт өңдеу зауыттарын, сүт-тауарлы фермасын ашуға, балық шаруашылығын өркендетуге ниетті кәсіпкерлеріміз бар.Ақпарат көзі : https://www.gov.kz/memleket/entities/abay/press/news/details/937798

Республика бойынша Төтенше жағдайлар департаменттерінің қызметкерлері балаларға төтенше жағдайлар кезіндегі қауіпсіздік шараларын үйретуге бағытталған білім беру іс-шараларын белсенді өткізеді. Бұл іс-шаралар әртүрлі, соның ішінде жер сілкінісі, өрт қауіпсіздігі және балалардың жалпы қауіпсіздігін қамтамасыз ету салаларын қамтиды. Алматыда ТЖД мамандары жалпы білім беретін мектептердің оқушыларымен жер сілкінісі кезіндегі іс-қимылдарға арналған қауіпсіздік бойынша онлайн-сабақ ұйымдастырды. Сабаққа қаланың 67 мектебінен 16 мыңнан астам оқушы қатысты. Оқыту жер сілкінісіне практикалық дайындықты, сейсмикалық жаттығуларды жүргізу және оқу кабинеттерінен эвакуациялау әдістемесін қамтыды. Шығыс Қазақстан облысында ТЖД қызметкерлері оқушыларға арналған дәрістер сериясын өткізді, соның ішінде Өскеменде «от үйі» көрсетілімі өтті, онда балаларға өрт қауіпсіздігі ережелерін бұзудың қауіптілігі көрсетілді. Жылыту маусымы басталғаннан бері 800 мыңнан астам баланы қамтыған 140-қа жуық сабақ өткізілді. Сондай-ақ интерактивті сабақтар ұйымдастырылып, балалар қауіпсіздік туралы жаднамалар алды. Батыс Қазақстан облысында балалардың қауіпсіздік мәдениетін қалыптастыру аясында «Балалардың көзімен өрт қауіпсіздігі» тақырыбында суреттер байқауы өтті. Сырым ауданындағы ауыл мектебінің оқушылары шығармашылық арқылы өрт сөндірушілердің жұмысымен және қауіпсіздік ережелерін сақтаудың маңыздылығымен танысты. Байқау жеңімпаздары жүлделер мен алғыс хаттар алды. Маңғыстау облысында бастауыш сынып оқушылары үшін өрт қауіпсіздігіне арналған «Сен және мен немесе отпен достық туралы шынайы оқиға» атты бірегей қуыршақ қойылымы ұйымдастырылды. 5 мыңнан астам бала мен мектеп жасына дейінгі балалар осы театрландырылған қойылымға қатысты, онда жарқын кейіпкерлер өрт кезінде қалай дұрыс әрекет ету керектігін және эвакуация ережелерін сақтау қаншалықты маңызды екенін нақты көрсетті. Павлодар облысы ТЖД қызметкерлері Оқушылар сарайымен және Қызыл жарты аймен бірлесіп «Қауіпсіздік бірінші кезекте: ТЖ-да дұрыс әрекет етеміз!» атты оқушылар арасында қауіпсіздік шаралары біліміне квест-ойын ұйымдастырды. Ойынның ерекше форматы балаларға қауіпсіздіктің маңызды аспектілерін игеруге, стресстік жағдайда сауатты әрекет етуге және басқаларға көмек көрсетуге мүмкіндік берді. Квест бірнеше интерактивті станциялардан тұрды (өрт қауіпсіздігі, алғашқы көмек, су қауіпсіздігі). Іс-шараға Павлодар қаласындағы мектептердің 7-8 сыныптарынан алты команда қатысты. Олар әр түрлі интерактивті станциялардан өтіп, сұрақтарға жауап беріп, қандай да бір жағдайда қалай дұрыс әрекет ету керектігі туралы тапсырмаларды орындады. Сондай-ақ практикалық кезеңдерде қатысушылар команданың ептілігін, жылдамдығы мен үйлесімді әрекетін көрсететін тапсырмаларды орындады. Жеңімпаздар анықталды, барлық қатысушылар мен жүлдегерлер дипломдармен және естелік сыйлықтармен марапатталды. Түркістан облысында ТЖД қызметкерлері мектеп жасына дейінгі балаларға арналған іс-шаралар өткізді. Ордабасы және Қазығұрт аудандарының балабақшаларында өрт қауіпсіздігі бойынша ашық сабақтар өтті, онда балаларға ойындар мен бейнероликтер арқылы өрт туындаған жағдайда қалай әрекет ету керектігі түсіндірілді. Балабақша қызметкерлері мекемелерде қауіпсіздік ережелерін сақтау бойынша педагогтар арасында түсіндіру жұмыстарын жүргізді. Бұл іс-шаралар балалар арасындағы қауіпсіздік мәдениетін арттыру және оларды төтенше жағдайларға дайындау бойынша тұрақты жұмыстың бір бөлігі болып табылады, бұл өскелең ұрпақ үшін қауіпсіз ортаны құруға көмектеседі. Ақпарат көзі : https://www.gov.kz/memleket/entities/emer/press/news/details/937346

Қазақстан Республикасының ТЖ министрі генерал-майор Шыңғыс Әрінов Солтүстік Қазақстан облысында ҚР Премьер-Министрі Олжас Бектеновтің төрағалығымен өткен су тасқынына қарсы іс-шаралар мәселелері жөніндегі республикалық кеңесте сөз сөйледі. Ведомство басшысы өз сөзінде су басу қаупін азайту мақсатында қабылданып жатқан шаралар мен су тасқыны маусымына дайындық туралы егжей-тегжейлі айтып берді. Шыңғыс Әрінов өткен жылғы су тасқынынан кейін жасалған қорытынды негізінде алдын алу жүйесі айтарлықтай жақсарғанын атап өтті. Биыл су тасқыны қаупі бар аймақта 1 223 елді мекен бар. Оларды қорғау үшін 576 шақырым қорғаныш бөгендері мен біліктері тұрғызылды. 822 шақырым дренаж жүйелері, каналдар мен арықтар жөнделіп, салынды. Автомобиль мен темір жол қатынастарында 960 су өткізу құрылысы орнатылып, ауыстырылды, сондай-ақ қауіпті учаскелердегі өзен жағалаулары нығайтылып, арналары тереңдетілді. «Барлық өңірлерде алдын алу іс-шаралары толық аяқталған жоқ, бұл жекелеген елді мекендерге айтарлықтай қауіп төндіреді. Аталмыш жағдай Үкімет аппаратымен бірлескен тексерулер барысында анықталды. Жалпы су тасқынына қарсы іс-шаралардың іске асырылуын бақылауды Төтенше жағдайлардың алдын алу комитеті жүзеге асырады. Тіпті әкімдерді әкімшілік жауапкершілікке тартуға дейін тиісті шаралар қабылдайтын болады», - деп министр атап өтті. Су тасқыны кезеңіне дайындық аясында «Көктем-2025» республикалық командалық-штабтық оқу-жаттығуы өтті. Оның барысында бөгендерді нығайту, инертті материалдарды дайындау шаралары, сондай-ақ халықты хабардар ету және эвакуациялау механизмдері тексерілді. Оқу-жаттығу Қазақстанның батыс және оңтүстік өңірлерінде өтті, осыған ұқсас іс-шаралар наурыз айында басқа облыстарда жоспарланған. Сонымен қатар мемлекеттік органдармен және әкімдіктермен су тасқынын жою бойынша іс-қимыл алгоритмі пысықталды. Су тасқынына жедел ден қою үшін 37 мыңнан астам адам, 13 мыңнан астам техника күштер мен құралдар топтамасы құрылды. Зардап шеккендерді қабылдау үшін 3,5 мыңнан астам пункт дайындалды. Дайындық режимінде нақты уақыт режимінде ақпаратты үйлестіру мен беруді қамтамасыз ететін құтқару авиациясы мен жедел топтар бар. Қазгидрометтің мәліметінше еліміздің тоғыз облысында су басу қаупі жоғары болады деп болжануда. Осыған байланысты әкімдіктер мен мемлекеттік органдарға қарды уақтылы шығару, мұз кептелістерін болдырмау үшін өзендерде жару жұмыстарын жүргізу және бөгендер мен су қорғау объектілерін нығайту бойынша шаралар қабылдау тапсырылды. Барлық күштер мен құралдар дайын, қауіп төнген жағдайда авариялық-құтқару жұмыстарын жүргізу мен халықты эвакуациялау үшін жедел жұмылдырылатын болады деп ТЖМ басшысы мәлімдеді. Төтенше жағдайлар министрлігі тасқын қауіпті кезеңде азаматтардың қауіпсіздігін қамтамасыз ету үшін тәулік бойы жұмыс істеуді жалғастыруда.Ақпарат көзі : https://www.gov.kz/memleket/entities/emer/press/news/details/937562

Елордада Қазақстан Республикасының Президенті жариялаған «Жұмысшы мамандықтар жылы» аясында ұйымдастырылған «Жұмысшы мамандықтар қаласы» атты алғашқы ауқымды фестиваль өтуде. Бүгін 13 ақпанда Президент Қасым-Жомарт Тоқаев фестивальге қатысып, «Құтқарушылар мен өрт сөндірушілер бұрышына» ерекше назар аударды. Онда құтқарушылардың заманауи арнайы киімдерінің үлгілері, өрт-техникалық қару-жарақ, жылдам салынатын өрт сөндіру бөлімінің макеті, жедел ден қою өрт сөндіру техникасы, сондай-ақ Апаттар медицинасы орталығының қызметкерлері пайдаланатын медициналық жабдықтар көрсетілді. ТЖ вице-министрі Серік Төленбергенов құтқарушылар бұрышымен таныстырып, қызметтің негізгі міндеттері мен ТЖ-ға ден қоюдың заманауи әдістерін енгізу туралы айтты. Ол құтқарушыларды жарақтандыру мен даярлауды тұрақты жетілдіру министрлік жұмысының басым бағыты екенін атап өтті. Мемлекет басшысы кәсіптік білім беру жүйесін реформалаудың маңыздылығын атап өтіп, азаматтардың қауіпсіздігін күнделікті қамтамасыз ететін құтқарушылар мен өрт сөндірушілердің қызметін қоса алғанда, жұмысшы мамандықтарының маңыздылығын атап өтті. Фестиваль өз жұмысын жалғастырып, қонақтарға техникалық білім беру перспективаларымен және Қазақстанның жұмысшы мамандықтарымен танысуға мүмкіндік береді.Ақпарат көзі : https://www.gov.kz/memleket/entities/emer/press/news/details/937596

2025 жылғы 14 ақпанда сағат 17:00-де ҚР Президенті жанындағы Орталық коммуникациялар қызметінде «Су тасқыны кезеңіне дайындық туралы» тақырыбында баспасөз конференциясы өтеді. Спикер ретінде ҚР ТЖМ Төтенше жағдайлардың алдын алу комитеті төрағасының міндетін атқарушы Жылқайдаров Әсет Думанұлы сөз сөйлейді. Көрсетілім сілтемелері: https://www.youtube.com/user/ortcomkz https://ru-ru.facebook.com/ortcomkz Ақпарат көзі : https://www.gov.kz/memleket/entities/emer/press/news/details/937742

Бүгін облыс әкімі Бейбіт Исабаев Талдықорғандағы Бейсен Құранбек атындағы Журналистер үйіне арнайы барды. Онда облыстық БАҚ өкілдерімен кездесіп, «Jetisy» телеарнасының студиясында арнайы сұхбат берді, - деп хабарлайды Жетісу облысы әкімінің баспасөз қызметі. Кездесу барысында облыс басшысы жергілікті журналистермен тілдесіп, олардың ұсыныс-тілектерін тыңдады. Сол сияқты облыстық БАҚ-тардың материалдық-техникалық базасымен танысты. Ақпарат құралдары қызметкерлерінің аймақты дамытудағы рөлін атап өткен өңір басшысы бұл салаға тұрақты қолдау көрсетілетінін айтты.Еске салсақ, өткен жылдың қорытындысы бойынша белсенді ақпараттық жұмысы үшін «Jetisy» телеарнасы «Үздік мекеме» атанып, жаңа студия сыйға тартылған болатын. Оған қоса, облыс басшылығының қолдауымен биылғы жылдың басынан облыстық БАҚ қызметкерлерінің жалақысы 30 % өскен еді. Ал бүгінгі кездесу барысында «Jetisy» және «Вестник Жетісу» газеттеріне ортақ қолданысқа шағын автобус сатып алып беру туралы шешім қабылданды.Журналистермен жүздесуде облыс әкімі Бейбіт Исабаев аймақтың негізгі даму бағыттары жайлы қысқаша айтып берді.Кездесуден кейін өңірдің әлеуметтік-экономикалық дамуының өткен жылғы қорытындылары мен алдағы жоспарлары туралы телеарна студиясында облыстық БАҚ жетекшілеріне кеңінен сұхбат берді.Осы ретте облыс әкімінің сұхбаты «Jetisy» телеарнасынан жексенбі, яғни 16 ақпан күні сағат 20.00-да эфирге берілетініне еске саламыз. Ал 17 ақпанда сағат 19.00-де сұхбат телеарна эфирінен қайталап көрсетіледі.Жетісу облысы әкімінің баспасөз қызметіФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/937747

Бүгін Кеңес Одағының Батыры Ә.Молдағұлованың облыстық мемориалды музейінде музей қызметіне және экпозицияларға енгізілген заманауи цифрлық технологияларды таныстыру рәсімі өтті. Бұл ауқымды шара Ұлы Жеңістің 80 жылдығы және Кеңес Одағының Батыры Әлия Молдағұлованың 100 жылдығына орайластырылған.Жаңа экспозицияның диорамаларында 3D-mapping, AR-технология, VR-көзілдірікті мультимедиялық технология, сандық сторителлинг, жасанды интеллект, голограмма пайдаланылған. «3D анимация» голографиясындағы Әлия бейнесіне виртуалды промоутер бес тілде сөйлейді, 3D форматтағы рельефті карта, бағдарламалық-интерактивті сенсорлық киоск енгізілген.Музейде батыр қыздың өмірі мен ерлік жолын көрсететін ақпараттар мен экспонаттар, музей жабдықтары, тума-туыстары мен оқыған жерлері, мергендік мектебі мен майдандағы өмірін көрсететін, Әлия есімімен аталатын мекемелер мен мектептер, музейлер, жыр арнаған ақын-жазушылар мен зерттеушілер, қойылған ескерткіштер,түсірілген фильмдер жайлы деректер қойылған.Облыс әкімі Асхат Шахаров реэкспозияланған музей залдарын аралап шықты.Музей жұмысымен және ондағы жәдігерлермен таныстырған мұражай директоры Жанар Мақсұтова қазір мұнда 11 мыңнан астам экспонат барын, алдағы уақытта қорды толықтыру және оның қызметін одан әрі жетілдіру басты міндет екенін жеткізді. Оның айтуынша, музей ғимараты 1987 жылы салынған. Бес қабатты тұрғын үйдің бірінші қабатында орналасқан мұражайға былтыр жөндеу жүргізілген, сондай-ақ музей залдары реэкспозициядан өткен.Өңір басшысы музейге келген оқушылармен де тілдесті. Жастарға патриоттық тәрбие беру, ел үшін жанын қиған батырлардың есімін дәріптеу өте маңызды екенін жеткізді.«Бүгін, міне, Әлия апамыздың музейін аралап, батырдың ерлік істері мен өнегелі өмірі туралы көп мағлұмат алдық. Сіздерге, жастарға, айтарым — өшпес ерліктің символы болған осындай батырларымызды ұлықтап, олардың ерлігі мен өмірінен үлгі алып, Отанын шексіз сүйетінпатриот болыңыздар. Әскери борыштарыңызды өтеуден қашпаңыздар, ел үшін еңбек етіңіздер», — деген Асхат Шахаров мұражайға келген №51 мектеп-гимназияның «Мерген ару» сайысына қатысушыларына сәттілік тіледі.Айта кетейік, бұл орталыққа жыл сайын 40 мыңнан астам адам келіп, онда өтетін тарихи-танымдық іс-шараларға, ерлік сабақтарына дәрістерге қатысады.Биыл мұнда батыр қыздың туғанына 100 жыл толуына орай бірқатар іс-шара ұйымдастырылмақ.Ақпарат көзі : https://www.gov.kz/memleket/entities/aktobe/press/news/details/937298

КҮН САНЫ 2024 жылы табиғи жауын–шашынды имитациялайтын жаңбырлатып суару жүйелері енгізілген жер көлемі56 мың гаАқпарат көзі : https://www.gov.kz/memleket/entities/water/press/news/details/937815

2025 жылғы су тасқыны кезеңіне дайындық аясында Ақмола облысы бойынша «Қазсушар» филиалы инертті материалдар дайындау, бөгеттердің жоталарын және гидротехникалық құрылыстардың аумақтарын қардан тазарту, сондай-ақ жабдықтар мен арнайы техниканы дайындау жұмыстарын жүргізіп жатыр.Ақпарат көзі : https://www.gov.kz/memleket/entities/water/press/news/details/937822

Су ресурстары және ирригация бірінші вице-министрі Болат Бекнияз «Жұмысшы мамандықтар қаласы» республикалық фестивалі аясында студенттер және мектеп оқушыларымен кездесті. Вице-министр Арал теңізі мен Балқаш көліне су жіберу, халықаралық келісімдер және су саласы мамандықтарының мәртебесін арттыру бағытында атқарылып жатқан жұмыстар туралы айтып берді.Қазақстанда су шаруашылығы саласында 10 мыңнан астам адам еңбек етеді. Былтыр 7000-ға жуық маманның еңбекақысы орта есеппен 25%-ға өсті.2024 жылы 500-ден астам су саласының қызметкері мамандандырылған орталықтарда біліктілік арттырды. Биыл тағы мыңға жуық жұмысшының біліктілігін арттыру жоспарланып отыр. Оның ішінде 105 маман Қытайға барып, тәжірибе алмасады.«Министрлік еліміздегі 9 жоғары оқу орнымен ынтымақтастық туралы меморандумға қол қойды. Осының нәтижесінде былтыр 80 студент «Қазсушар» филиалдарында өндірістік тәжірибеден өтті. Биыл «Жұмысшы мамандықтар» жылы аясында «Наурыз жұмыскер» жаңа ипотекалық бағдарламасы іске қосылды. Аталған бағдарлама бойынша су саласының мамандары да жеңілдетілген пайызбен баспана сатып ала алады»,- деді Су ресурстары және ирригация бірінші вице-министрі Болат Бекнияз.Елордада өтіп жатқан «Жұмысшы мамандықтар қаласы» фестивалі 15 ақпанға дейін жалғасады. Іс-шара аясында болашақ талапкерлер су саласындағы жұмысшы мамандықтар және өздері қызығушылық танытқан оқу орындары туралы толық ақпарат ала алады. Сондай-ақ шеберлік сыныптары, панельдік пікірталастар және бос жұмыс орындары жәрмеңкесі өткізіледі.Ақпарат көзі : https://www.gov.kz/memleket/entities/water/press/news/details/937825

Үкімет басшысы Олжас Бектеновтің төрағалығымен селекторлық мәжіліс өтіп, тасқынға дайындықтың жәйі пысықталды. Атырау облысының әкімі Серік Шәпкенов су тасқынының алдын алу мақсатында аймақта қандай жұмыс жүріп жатқанын баяндады.Өңір басшысының айтуынша, алдын ала бағалау жұмыстары бүгінгі ахуалдың былтырғы сценарий бойынша өрбіп отырғанын көрсетеді. Осы орайда бұған дейін соғылған бөгеттер реконструкцияланып, қалыпқа келтірілуде, қажетті қаржы қарастырылған. Материалдық-техникалық резервтер толық жинақтаулы.-Жол инфрақұрылымын қалыпқа келтіру аясында үкіметтік резерв қаржысы мен жергілікті бюджет есебінен 30 шақырым жол жөнделіп, 4 көпір қалыпқа келді. Бұған қоса, 13 мал өткелі салынып, бұрын су шәйіп кеткен 49 учаскеге су өткізу құбырлары қондырылды, - деді облыс басшысы.Атырау облысындағы тасқынға қарсы шаралар аясында Жылыой ауданында Жем өзені мен Құрсай арнасының түбін тереңдету жұмыстары жүріп жатыр (95 шақырымның 80,3 шақырымы орындалды), сондай-ақ жоспарланған 61 шақырым бөгеттің 29 шақырымы соғылды. Қызылқоға ауданының 9 ауылдық округі мен 5 елді мекенінде 41,9 км бөгет нығайтылуда. Индер ауданында қолданыстағы 34,5 шақырымдық бөгеттің қорғаныстық құрылыстары күшейтілсе, Махамбетте 105 шақырым бөгет салынды. Биыл қосымша 29,9 км бөгет нығайтылып, 12,4 км жаңа бөгет тұрғызылмақ.Ақпарат көзі : https://www.gov.kz/memleket/entities/atyrau/press/news/details/937550

Ақмола облысында Мемлекет басшысының бірыңғай дрондар инфрақұрылымын енгізу жөніндегі тапсырмасы аясында пилоттық жоба іске қосылды.«Бірыңғай дрондар инфрақұрылымы» атты бұл жоба мемлекеттік және инфрақұрылымдық жобаларды басқарудың ашықтығы мен тиімділігін арттыруға бағытталған. Жүйе мектептер мен жолдардың құрылысын бақылауға, жылу желілерінің жай-күйін қадағалауға, жер қойнауын пайдалану саласындағы заңбұзушылықтарды анықтауға және тұрғын үй-коммуналдық шаруашылық жұмысының сапасын жақсартуға мүмкіндік береді.Облыс әкімдігінде өткен жиында Ақмола облысының цифрландыру және архивтер басқармасы «Қазақтелеком» АҚ-мен бірлесіп жобаны облыс әкіміне таныстырды. Презентация барысында пилотсыз ұшу аппараттарын жедел бақылау мен талдау жүргізуде пайдалану мүмкіндіктері көрсетілді.Облыс әкімі бұл бастаманы қолдап, пилоттық кезең аясында дрондар Көкшетау және Қосшы қалаларында қолданылатынын атап өтті. Сонымен қатар, шалғай елді мекендерді тексеру үшін мобильді дрондар пайдаланылады.«Цифрлық технологиялар мемлекеттік басқару саласында маңызды рөл атқарады. Инновациялық шешімдер көрсетілетін қызметтердің сапасын жақсартуға ғана емес, сонымен қатар ықтимал қауіп-қатерлерді азайтуға мүмкіндік береді. Ақмола облысы осындай озық жобаларды енгізуде пилоттық өңір болуға дайын», – деді облыс әкімі Марат Ахметжанов.Жобаның негізгі артықшылықтарының бірі – жылу желілерінің жағдайын дрон арқылы қашықтан бақылау. Бұл жылу шығындарын анықтап, оларды жою бойынша уақтылы шаралар қабылдауға мүмкіндік береді. Сонымен қатар, дрондар жер қойнауын пайдалану саласындағы заң бұзушылықтарды тіркеп, экологиялық нормалардың сақталуын қамтамасыз етеді.«Қазіргі технологияларды пайдалану әлеуметтік нысандар – мектептер мен жолдардың құрылысы барысын нақты уақыт режимінде бақылауға мүмкіндік береді. Бұл процестердің ашықтығын қамтамасыз етіп, тиімділігін арттырады және басқарушылық шешімдерді жедел қабылдауға ықпал етеді», – деп атап өтті Ақмола облысының цифрландыру және архивтер басқармасының басшысы Мағжан Ержан.Жобаны жүзеге асыру аясында Ақмола облысының цифрландыру және архивтер басқармасының басшысы Мағжан Ержан мен «Қазақтелеком» АҚ-ның цифрлық бизнес дивизионының бас директоры Абылайхан Оспанов өзара ынтымақтастық туралы меморандумға қол қойды.Айта кетейік, цифрлық технологияларды дамыту және заманауи мониторинг құралдарын пайдалану – өңірді дамытудың басым бағыттарының бірі. Егер «Бірыңғай дрондар инфрақұрылымы» пилоттық жобасы сәтті жүзеге асса, оны бүкіл облыс аумағында кеңейту жоспарланып отыр.Ақпарат көзі : https://www.gov.kz/memleket/entities/aqmola/press/news/details/937160

2025 жылғы 24 наурыздан бастап абоненттік ұялы байланыс құрылғыларын тіркеу ережелеріне енгізілген өзгерістер күшіне енеді. Жаңа ережелер тек 24.03.2025 жылдан кейін елге әкелінген жаңа құрылғыларға ғана қатысты. Қазақстан аумағында бұрыннан бар және Идентификациялық кодтар дерекқорына (ИКД) енгізілген телефондар автоматты түрде «ақ тізімге» енеді және ешқандай шектеусіз жұмысын жалғастырады.Бұл жаңашылдықтар тіркеу жүйесін одан әрі жақсартып, алаяқтықпен күресуге, тұтынушылардың құқықтарын қорғауға және мобильді құрылғыларды пайдалану қауіпсіздігін арттыруға бағытталған.Бүгінгі таңда Қазақстанда шамамен 3,7 миллион қайталанған IMEI-коды бар құрылғылар тіркелген. Олардың заңсыз әкелінуі айтарлықтай экономикалық және әлеуметтік мәселе туындатады. Бұндай мобильді құрылғылар нарығы құрылғылардың заңды айналымын бақылауды қиындатып, телефон ұрлығының көбеюіне ықпал етеді және әділетсіз бәсекелестік туғызады.Осы мәселелерді шешу мақсатында жаңа ережелер енгізіліп, мобильді құрылғылар нарығының ашық әрі қауіпсіз болуын қамтамасыз ету қарастырылған.Негізгі жаңашылдық – мобильді құрылғыларды верификациялау процедурасыЖаңа ережелерге сәйкес тіркеу кезінде арнайы жүйе келесі параметрлерді тексереді:Құрылғының IMEI-кодының түпнұсқалығыIMEI-кодтың GSMA халықаралық базасында ұрланған, бұғатталған немесе жоғалған құрылғылар тізімінде болмауыҚұрылғының Қазақстан аумағына заңды түрде әкелінгеніЕскерту: Өзгерістер тек Қазақстан аумағына жаңадан әкелінген құрылғыларға қатысты. Бұрыннан бар және ИКД базасына енгізілген мобильді телефондар автоматты түрде «ақ тізімге» енеді және ешқандай шектеусіз жұмысын жалғастырады.Қандай тізімдер пайда болады?Верификация нәтижесінде мобильді құрылғылар үш санатқа бөлінеді:Ақ тізім – сәтті верификациядан өткен құрылғылар, олар ешқандай шектеусіз тіркеледі.Сұр тізім – уақытша рұқсат етілген құрылғылар. Олардың иелері 30 күн ішінде құрылғының заңды түрде әкелінгенін растауы тиіс.Қара тізім – заңсыз әкелінген, жалған немесе ұрланған құрылғылар. Олар бұғатталады.Бұл қолданушыларға қалай әсер етеді?Қазақстанда бұраннан қолданыста бар телефондар ешқандай шектеусіз жұмыс істей береді. Қосымша әрекет қажет емес.Жаңа құрылғыларды сатып алушылар 2025 жылдың 24 наурызынан кейін құрылғы сатып алмас бұрын, IMEI-кодты imei.rfs.gov.kz сайтынан тексере алады. Қазіргі уақытта сайт жаңа ережелерге сәйкес жаңартылуда.«Сұр тізімдегі» құрылғы иелері құрылғыны 30 күн бойы қолдана алады. Осы уақыт ішінде операторлар SMS хабарлама арқылы құрылғыны верификациядан өткізу қажеттілігі туралы ескертеді. Хабарламада арнайы анкетаға сілтеме беріледі, оны толтыру қажет.Шетелден әкелінген құрылғы иелері шекарадан өткен күнді көрсетуі керек.Егер пайдаланушы 30 күн ішінде верификациядан өтпесе, кез келген уақытта хабарламадағы сілтеме арқылы анкетаны толтырып, растау процесін аяқтай алады.Бұл шаралар тұтынушыларға заңды әрі сапалы құрылғыларды сатып алуына сенімділік береді. Бизнеске әділ бәсекелестік үшін ашық жағдай жасалады, ал мемлекет импортты қатаң бақылап, заңсыз телефондар санын азайтып, алаяқтық деңгейін төмендетеді.Қашан күшіне енеді?Жаңа ережелер ресми жарияланған күннен бастап 60 күн өткен соң – 2025 жылғы 24 наурызда күшіне енеді.Азаматтарға уайымдауға ешқандай негіз жоқ – ресми тіркелген құрылғылардың иелеріне қосымша әрекет жасап қажет емес. Министрлік жаңа ережелерді енгізу бойынша ақпараттық жұмыстарды одан әрі жалғастырады.Дереккөз: ҚР Цифрлық даму, инновациялар және аэроғарыш өнеркәсібі министрлігінің ресми сайтыЗаңсыз смартфондарды бұғаттау: Қазақстанда IMEI верификациясы қалай өтеді?Ақпарат көзі : https://www.gov.kz/memleket/entities/zhetysu-oblysy/press/news/details/937485

Алматы облысы елдегі жетекші туристік өңірлердің бірі ретінде өз позициясын нығайтуға нық қадам жасауда. 2025–2029 жылдарға арналған Алматы тау кластерін дамыту жөніндегі Кешенді жоспар аясында инфрақұрылымды жақсарту, туристік маршруттарды жаңарту және қызмет көрсету сапасын арттыру бойынша ауқымды өзгерістер жоспарланған. Бұл шаралар өңірдің туристік тартымдылығын арттырумен қатар, жергілікті халық үшін жаңа мүмкіндіктер ашып, шағын және орта бизнестің дамуына серпін береді.Түрген мен Қаскелең – отбасылық туризмнің жаңа орталықтарыКешенді жоспарды жүзеге асырудың алғашқы кезеңінде Қаскелең мен Түрген шатқалдарын дамытуға басымдық берілді. Бұл көркем жерлерде заманауи демалыс аймақтары, жаяу серуендеу маршруттары және отбасылық демалысқа арналған алаңдар салынады. Осы локацияларды дамыту туристер ағынын арттырып қана қоймай, жергілікті кәсіпкерлерге қолдау көрсетеді.Тау аймақтарындағы байланыс пен интернетҚаскелең және Түрген шатқалдарында туристердің жайлылығы мен қауіпсіздігін арттыру мақсатында байланыс желілері тартылмақ. Бұл тұрақты мобильді байланыс пен жоғары жылдамдықты интернетке қолжетімділікті қамтамасыз етеді. Бұл қадам жергілікті тұрғындар мен туристік бизнес үшін аса маңызды болмақ.27 жаңа туристік маршрутАлматы облысының тау бағыттары енді қолжетімді және қауіпсіз бола түседі. Кешенді жоспар аясында жалпы ұзындығы 143 км болатын 27 жаңа маршрут жабдықталады. Әр 5 шақырым сайын арнайы демалыс аймақтары орналастырылады, бұл жаяу серуендеуді сүйетіндерге жайлы жағдай жасайды. Бұл өзгерістер өңірдің танымалдылығын арттырып, экотуризмді дамытуға жаңа мүмкіндіктер ашады.Жолдар мен инженерлік желілер – туризмнің негізіЖобаның маңызды бөлігі – 26 км-ден астам жаңа автожолдардың құрылысы және тау аймақтарына электр және су желілерін тарту. Бұл туристер үшін ыңғайлы жағдай жасап қана қоймай, бизнестің дамуына ықпал етіп, өңірдің экономикалық өсуіне серпін береді.Шаңғы курорттарын дамытуАлматы облысында танымал тау-шаңғы курорттары кеңейтілуде. Кешенді жаңғырту «Oi-Qaragai» және «Ақ-Бұлақ» курорттарын қамтиды, онда жаңа трассалар салынып, Ыстық көлі абаттандырылады және «Арша» қонақ үйі бой көтереді. Бұл шаралар өңірді жыл бойы туризм үшін тартымды етіп, туристер санын арттырып, қосымша жұмыс орындарын ашады.«Oi-Qaragai» ауқымды кеңеюі«Oi-Qaragai» курорты ауқымды кеңеюді күтуде: оның аумағы 105 гектардан 1000 гектарға дейін ұлғаяды. 2028 жылға қарай курортқа келушілер саны 300 мыңнан 850 мың адамға дейін өседі деп күтілуде, ал жалпы инвестиция көлемі 83,2 млрд теңгені құрайды. Бұл жоба тау туризмін дамытудың және жаңа инвесторларды тартудың маңызды кезеңі болмақ.Тау гидтері мен экскурсоводтарды оқытуТуризм саласындағы қызмет көрсету сапасын арттыру үшін кәсіби гидтер мен экскурсоводтарды даярлау бағдарламалары іске қосылады. Сондай-ақ, жергілікті тұрғындар сұранысқа ие мамандықтарды игеріп, қонақжайлылық индустриясында жұмысқа орналасуға мүмкіндік алады.Ұзақ мерзімді перспективаларКешенді жоспарды жүзеге асыру өңірдің ұзақ мерзімді дамуына берік негіз қалайды. Жақсартылған инфрақұрылым, туристік нысандарды жаңғырту және инвесторларды тарту жергілікті халықтың өмір сапасын арттырып, жаңа саяхатшыларды қызықтыруға мүмкіндік береді. Алматы облысы белсенді және отбасылық демалыстың орталығына айналып, туризм мен бизнесті дамыту үшін жаңа көкжиектер ашады.Ақпарат көзі : https://www.gov.kz/memleket/entities/almobl/press/news/details/937456

ҚР Қаржы вице-министрі Ержан Біржанов өңір кәсіпкерлеріне салық реформасының негізгі жаңалықтарын мәлімдеді.Үкімет үшін салық өзгерістерін енгізудегі басты міндет - бюджет кірісі мен бизнесті қолдау арасындағы теңдікті сақтау.- ҚҚС шегін төмендету төлем жүргізушілер санын шамамен 200-300 мың субъектіге кеңейтеді. Қолданыстағы оңайлатылған декларация жүйесі жылдық кірісті 180 миллион теңгеге дейін, қызметкерлер санын 30 адамға дейін және мөлшерлемені 2%-ға дейін қарастырады. Бөлшек сауда салығы да болды. Екі режимді оңайлатылған декларацияның бірыңғай форматына біріктіру жоспарлануда, - деді Ержан Біржанов.Кәсіпкерлер ҚҚС-ты арттыру жүктемені бизнеске ғана емес, тұтынушыға да арттыратынын атап өтті. Вице-министр соңғы шешімде барлық тараптардың мүдделері ескерілетініне сендірді. Парламентте қарау үшін түзетулер пакеті енгізіледі.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/937559

Елордада таңертең бастап тоқтаусыз қар жауып тұр. Қаланың коммуналдық қызметтері тәулік бойы күшейтілген режимде жұмыс істеп жатыр, деп хабарлайды Астана әкімдігінің ресми сайты.13 ақпан күні таңертең қар тазалау жұмысына 2 585 жол жұмысшысы және 1 245 бірлік арнайы техника шықты.13 ақпанға қараған түні елордадан қар полигондарына 25 мың текше метрден астам қар 1 946 рейспен шығарылды.Қыс мезгілінің басынан бастап қаладан 61 117 ауыр жүк рейсімен 5,6 млн текше метрден астам қар 4 шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/936997

Астана халықаралық әуежайына Бангкок (Таиланд) қаласында өткен мектеп оқушылары арасындағы жүзуден Азия чемпионатының жеңімпаздары мен жүлдегерлері елге оралды, деп хабарлайды елорда әкімдігінің ресми сайты.Спортшыларды ата-аналары, достары, жанкүйерлері мен қалалық спорт басқармасына қарасты №4 Балалар мен жасөспірімдердің мамандандырылған олимпиадалық резерв спорт мектебінің ұжымы зор қошеметпен күтіп алды.Бұл беделді додада елордалық спортшылар жоғары дайындық деңгейін көрсетіп, үздік нәтижеге қол жеткізді. Азияның ең мықты жас жүзушілері бас қосқан жарыста ел намысын қорғаған астаналық өрендер 5 алтын, 3 күміс және 4 қола медаль жеңіп алып, Қазақстанның жүзу спортындағы әлеуетін тағы бір мәрте дәлелдеді.«Бүгін біз мектебіміздің спортшыларын зор мақтанышпен қарсы алып отырмыз. Жүзуден Азия чемпионаты – құрлықтағы ең ірі және беделді жүзу жарыстарының бірі. Олар осы жарыста шеберліктері мен табандылығын көрсетіп, қарсыластарын лайықты жеңді. Бұл – олардың қажырлы еңбегінің және бапкерлердің кәсіби жұмысының жемісі. Әрбір медаль – орасан зор еңбектің нәтижесі, бұл біздің мектебіміз үшін де, жалпы Астана спорты үшін де үлкен жетістік», – деді №4 Балалар мен жасөспірімдердің мамандандырылған олимпиадалық резерв спорт мектебінің басшысы Ербол Орынбайұлы.Айта кетейік, елордалық спортшылар арасында ерекше көзге түскен жүзуші – Ханзада Нұрлыбекова. Ол бірнеше қашықтықта үздік нәтиже көрсетіп, жалпы есепте 2-орынға ие болды. Жарыс барысында 259 ұпай жинап, «Үздік спортшы» кубогының иегері атанды.Айта кетейік, биылғы додаға Азияның 18 елінен 1500-ден астам спортшы қатысып, жас таланттар өзара сынға түсті. Ақпарат көзі : https://www.gov.kz/memleket/entities/astana/press/news/details/937178