Жетісу облысында азаматтық қорғаныс жүйесін көктемгі су тасқыны кезеңінде төтенше жағдайларды жоюға дайындау және халық пен аумақтарды су тасқыны қаупі кезінде қорғау бағытындағы іс-қимылдарды пысықтау мақсатында «Көктем – 2025» республикалық командалық-штабтық оқу-жаттығулары өтіп жатыр. Оқу-жаттығу аясында барлық аудан мен қалада су басу қаупі жоғары учаскелерде практикалық шаралар өткізілуде. Жаттығу барысында қорғаныс нысандарын нығайтуға және су тасқыны жағдайына дайындыққа ерекше назар аударылуда. Су тасқынына қарсы оқу-жаттығу шарасына аудандардың азаматтық қорғаныс қызметтері мен Төтенше жағдайлар департаментінің жеке құрамы және инженерлік техникасы жұмылдырылды, - деп хабарлайды Жетісу облысы әкімінің баспасөз қызметі.Қаратал ауданы Тастөбе ауылының маңында өтіп жатқан оқу-жаттығу жиынына облыс әкімінің бірінші орынбасары Әлібек Жақанбаев арнайы барып, тиісті қызметтер мен инженерлік техниканың жеке құрамын тексерді.Мәселен, Тастөбе ауылындағы мектеп базасында 40 орынға есептелген, алдағы уақытта 300-ге дейін кеңейтілуге мүмкіндігі бар эвакуациялық пункт ұйымдастырылған. Мұнда ТЖ кезінде зардап шеккендерге көмек көрсету үшін асхана мен медициналық пункт қарастырылған.Сол сияқты Тастөбе ауылының маңына Қаратал өзенінің арнасын нығайту жұмыстары қарқынды жүріп жатыр.«Қазіргі кезде осы учаскеде үйінді бөгет салу және өзеннің жағалау сызығын нығайту жұмыстары жүргізілуде. Көктемгі кезеңде су деңгейі көтерілген жағдайда бұл шаралар жағаның бұзылуына жол бермейді және ауылды су басудан сақтайды. Бұл жұмысқа 40 арнайы техника мен 85 адам жұмылдырылды. Жұмыс аяқталуға жақын», - деді Жетісу облысы ТЖД бастығының орынбасары Игорь Жуков.Көктемде су тасу қаупі бар өзендердің бірі - Көксу ауданындағы Мұқаншы өзені. Осы күні оқу-жаттығу аясында өзеннің сол жақ жағалауын шамамен ұзындығы 150 метрге дейін нығайту, дамбының қорғаныс функцияларын қалпына келтіру жұмыстары атқарылды. Сол сияқты Көксу ауданы Балпық би ауылында тұратын қарт адамдар мен көп балалы аналардың аулаларында қар шығарылып, су өткізу құбырлары мен арық желілері тазаланып, ретке келтірілді.«Көксу ауданы бойынша су тасқыны қаупіне дайындық аясында 21 қабылдау пункті бар, олар 5150 адамды қабылдай алады. Бүгінгі оқу-жаттығу шараларына 28 техника мен 84 адам тартылды», - деді Көксу аудандық ТЖБ бастығы Манат Тұрымов.Осы орайда Төтенше жағдайлар мамандары облыс тұрғындарын үйлерінің маңындағы арық желілері мен құбыр өткелдерін тазартып, судың еркін өтуін қамтамасыз ету арқылы су тасқынының алдын алу шараларына атсалысуға шақырады. Бұл шаралар тасқынның алдын алуға және тұрғындар үйлерінің қауіпсіздігін сақтауға көмектеседі.Жалпы Жетісу облысында төтенше жағдай болған жағдайда тұрғындарды қабылдайтын 235 эвакуациялық пункт бар.Еске салсақ, «Көктем - 2025» РКШО шарасы кеше басталған, бүгін, яғни 7 ақпанда аяқталады. Жетісу облысы әкімінің баспасөз қызметі.Фотоcуреттерді «Бастау» газетінің редакциясы мен Жетісу облысы ТЖД ұсынды. Ақпарат көзі : https://www.gov.kz/memleket/entities/zhetysu-oblysy/press/news/details/933474

Жетісу облысы цифрлық технологиялар басқармасы мен«Jetisu Digital» IT-hub қолдауымен "Samsung" компаниясы "Python" бойынша тегін офлайн курсын іске қосады. Кімдерге арналған? 13-25 жас аралығындағы жастарға. Қайда? «Jetisu Digital» IT-hub, Талдықорған қ., Қонаев көшесі, 47. Сабақтар қашан өтеді?1-топ: сейсенбі және бейсенбі, 15:00 – 17:00.2-топ: сейсенбі және бейсенбі, 17:00 – 19:00.Курс ұзақтығы: 4 ай. Нәтижесі:Ең танымал және болашағы зор бағдарламалау тілін меңгеру;Аптасына 2 рет 120 минуттық сабақтар;Сертификаттар және үздік студенттерге "Samsung"-тан бағалы сыйлықтар. Қалай жазылуға болады?Тіркеуден өтіңіз 👉 https://samsung-campus.kz/Кіріспе емтиханды тапсырыңыз (өту балы — 40) және пәнді таңдаңыз! Өтінімдер 10 ақпанға дейін қабылданады. Қатысып үлгеріңіз! Жетісу облысы цифрлық технологиялар басқармасының ақпараты бойынша Ақпарат көзі : https://www.gov.kz/memleket/entities/zhetysu-oblysy/press/news/details/933771

Алмалы ауданының тұрғындарымен кездесу барысында Алматы әкімі Ерболат Досаев әлеуметтік инфрақұрылымды дамыту бойынша жүргізіліп жатқан жұмыстар туралы айтып берді.«Біз білім беру инфрақұрылымын жақсарту бойынша, негізінен мектептерге қосымша құрылыстар салу және қазірдің өзінде салынған мектептерді жаңғырту есебінен белсенді жұмыс істеуді жалғастырудамыз. «Жайлы мектеп» ұлттық жобасы аясында Райымбек даңғылы мен Әуезов көшесінің қиылысында 1,5 мың орындық жаңа мектептің құрылысы аяқталуда. Сәуір айында аяқталатын жұмыстар. Мектеп жаңа оқу жылының басында ашылады», - деп атап өтті Алматы әкімі.Сонымен қатар, 2024 жылдың шілдесінде 600 орындық №58 мектепке қосымша құрылыс басталды. Жұмыстарды аяқтау осы жылдың желтоқсан айына жоспарланған.Биыл шілде айында № 16 мектепке 300 орындық қосымша құрылыс басталады. Жұмыстарды 2026 жылдың 1 тоқсанында аяқтау жоспарлануда.Сондай-ақ, №134 және №135 мектептерді сейсмикалық күшейтумен күрделі жөндеу жоспарланған. Жұмыс 2025 жылдың тамызында басталады. Бұдан басқа, №124 және №128 мектептерді реконструкциялауға және сейсмикалық күшейтуге жобалау-сметалық құжаттама әзірленуде. Жобалауды аяқтау 2025 жылдың қыркүйегіне жоспарланған.Еске салсақ, 2024 жылы сейсмикалық күшейтумен №136 мектеп ғимаратын күрделі жөндеу жұмыстары аяқталды, жаңартылған мектеп өткен жылдың қыркүйек айында оқушыларға есігін айқара ашты.Ақпарат көзі : https://www.gov.kz/memleket/entities/almaty/press/news/details/932356

Алматы әкімі Ерболат Досаев Алмалында өткен есептік кездесуде аудан тұрғындарына сапалы медициналық қызмет көрсету мәселесінің оң шешімін тауып келе жатқанын айтты.2025 жылдың наурыз айында №3 емхана ғимаратының күрделі жөндеуі аяқталады. Жөндеу жұмыстары аясында конструктивті элементтер қалпына келтіріліп, ішкі бөлмелер жаңғыртылады.Қалалық Адам репродукциясы орталығының күрделі жөндеу жұмыстары жалғасып жатыр. Биыл наурыз айында Жібек жолы, 124 мекенжайындағы ғимаратта жөндеу жұмыстарын аяқтау жоспарланып отыр. Төреқұлов көшесі, 73 мекенжайындағы ғимаратты жөндеу жұмыстары 2025 жылдың 2-тоқсанында бітеді.«Ана мен баланың денсаулығын сақтау әрқашан әкімдік жұмысының басымдығы болып қала береді. 1937 жылы салынған №1 перзентхана ескірген және қазіргі стандартқа сәйкес келмейді. Жаңа ғимараттың дизайны аяқталып, 2025 жылдың маусымында сараптама басталуға тиіс. 2025 жылдың жазында ескі ғимаратты бұзып, оның орнына заманауи құрылғылармен жабдықталған жаңа ғимарат салынады. Бұл жұмыс 2026 жылдың соңында аяқталады», - деді Алматы әкімі.Сонымен қатар, Әйтеке би мен Масанчи көшесінің қиылысында орналасқан ескі қалалық ревматология орталығы ғимаратының орнына 500 адам қабылдауға арналған жаңа емхана салу көзделген. Жұмыс осы жылдың маусым айында басталып, 2026 жылдың мамыр айында аяқталмақ.Айта кетейік, Алматы әкімінің тапсырмасымен 2024 жылы денсаулық сақтау инфрақұрылымын жаңғыртуға бөлінген қаржы 26,3 млрд теңгеге, яғни 2,5 есе артты, ал 2025 жылы тағы 2,6 есе өсіп, 69,4 млрд теңгеге дейін жетеді.Ақпарат көзі : https://www.gov.kz/memleket/entities/almaty/press/news/details/932367

2025 жылы Алмалы ауданында «Халықа қатысатын бюджет» бағдарламасы аясында 45 жоба іске асырылатын болады. Бұл туралы Алмалы ауданының тұрғындарымен кездесу барысында Алматы әкімі Ерболат Досаев мәлімдеді.Қала басшысы атап өткендей, 45 жобаның 23-і аула аумақтарын жөндеу, оларды көгалдандыру бойынша 4 жоба және қоғамдық кеңістіктерді абаттандыру және көгалдандыру бойынша 18 жоба. Қосымша 33 аула аумағын жөндеу үшін тағы 500 млн теңге бөлінді. Барлық абаттандыру жұмыстары осы жылдың сәуір-қазан айлары аралығында жүргізіледі.Естеріңізге сала кетейік, 2024 жылы ХҚБ аясында ауданда 52 жоба іске асырылып, 23 аула аумағына қосымша ағымдағы жөндеу жүргізілді.Үш жылдың ішінде Алматыда 39,1 млрд теңге сомасына 938 жоба іске асырылды. 2025 жылға ХҚБ бағдарламасына қала бюджетінде 17,1 млрд теңге қарастырылған.Ақпарат көзі : https://www.gov.kz/memleket/entities/almaty/press/news/details/932382

Алматының Алмалы ауданында биыл Жібек Жолы даңғылының жаяу жүргіншілер аймағы (Назарбаев даңғылынан Сейфуллин даңғылына дейін) «қасбеттен қасбетке дейін» қағидаты бойынша жөндеуден өтеді. Сондай-ақ, Мүсірепов атындағы балалар мен жасөспірімдер театры жанындағы сквер қайта жаңартылады. Бұл туралы қала әкімі Ерболат Досаев аудан тұрғындарымен кездесу барысында мәлімдеді.Алмалы ауданы – соңғы үш жылда ауқымды көркейту жұмыстары жүргізілген қаланың тарихи орталығы.Маңызды жобалардың бірі – қала тұрғындарының сүйікті демалыс орны саналатын М.Мәметова мен Ә.Молдағұлова атындағы скверді қайта жаңарту. 2024 жылдың желтоқсанында негізгі құрылыс-монтаж жұмыстары аяқталды. Көгалдандыру мен гүлзарларды отырғызу 2025 жылдың көктеміне жоспарланған.Қаланы көркейтуге бағытталған тағы бір ірі жоба – Сайран көлін көріктендіру. Былтыр желтоқсанында автосуару және сумен жабдықтау жүйесін жүргізу, электрмен жабдықтау және жарықтандыру кабельдерін тарту, сондай-ақ ағаштарды санитарлық мақсатта кесу жұмыстары аяқталды.Биыл сәуір-мамыр айларында, күн жылынған соң кеспе тас төсеу, шағын сәулет нысандарын орнату және 200-ден астам ірі жөке ағашы мен басқа да жасыл желек отырғызу жоспарланып отыр.Айта кету керек, Алмалы ауданындағы ең көп баратын жаяу жүргіншілер көшесі – Панфилов көшесі (күніне 10-15 мың адам) 2017 жылдан бері жөндеу көрмеген. 2024 жылдың қарашасында Қабанбай батыр көшесінен Жібек Жолы даңғылына дейінгі бөлікті көркейту жобасы аяқталды. Жоба аясында жол бойы мен шағын сәулеттік нысандар жаңартылып, жасыл аймақ 20%-ға ұлғайтылып, көпжылдық бұталар отырғызылды.Бұған қоса, осы айда Жібек Жолы даңғылының жаяу жүргіншілер аймағын (Назарбаев даңғылынан Сейфуллин даңғылына дейін) «қасбеттен қасбетке дейін» қағидаты бойынша күрделі жөндеуге және Мүсірепов атындағы балалар мен жасөспірімдер театры жанындағы скверді қайта құруға ЖСҚ әзірлеу басталады.Бұл жұмыстар 2025 жылдың қараша айында аяқталады деп жоспарланған.Ақпарат көзі : https://www.gov.kz/memleket/entities/almaty/press/news/details/932399

Алмалы ауданының тұрғындарымен кездесу барысында Алматы әкімі Ерболат Досаев жолдардағы қозғалысты реттеу бойынша жүргізіліп жатқан жұмыстар туралы айтып берді.«Қалада жолдардағы қауіпсіздікті арттыру және трафикті басқару бойынша жұмыстар белсенді жүргізілуде. Бүгінгі таңда бұл функциялар Полиция департаментіне жүктелген, бірақ ІІМ трафикті басқару бойынша фукнциялардың бір бөлігін қала әкімдігіне беруді мақұлдады. Сондықтан біз қалада бұрын-соңды болмаған Жол қозғалысын ұйымдастыру орталығын құруды жоспарлап отырмыз. Қазір біз осы ауқымды жобаны жүзеге асыруға дайындалып жатырмыз», - деді Ерболат Досаев.Мегаполис әкімі биыл бағдаршам нысандарын жаңғырту жалғасатынын атап өтті. Бүгінгі таңда қолданыстағы 591 бағдаршам объектісінің 93-і еуропалық электрондық жабдықтармен толықтырылған, бұл бағдаршам объектілерін адаптивті басқару жүйесін енгізуге мүмкіндік берді.Ағымдағы жылы қалған 498 бағдаршам нысанын жаңғыртуды жалғастыру жоспарлануда. Жұмыстар аяқталғаннан кейін бағыттар бойынша нақты қозғалыс қарқындылығын ескере отырып, нақты уақыт режимінде қиылыстардағы жол қозғалысын реттеу қамтамасыз етілетін болады. Сондай-ақ, көлік қозғалысының статистикасын есептеу, адаптивті режимдегі уақытты кері санау таблосының жұмысы, мамандандырылған көлікті басымдықпен өткізу қарастырылған.Ақпарат көзі : https://www.gov.kz/memleket/entities/almaty/press/news/details/932404

Алмалы ауданы тұрғындарымен кездесу барысында Алматы әкімі Ерболат Досаевқа жергілікті тұрғын Панфилов көшесінің Абай даңғылынан Шевченко көшесіне дейінгі бөлігін көркейту туралы өтініш білдірді.Өз кезегінде, қала басшысы бұл жоба биыл «Халық қатысатын бюджет» бағдарламасы аясында жүзеге асатынын атап өтті.«Биыл Алмалы ауданында «ХҚБ» бағдарламасы аясында 45 жоба жүзеге асады. Бұл жоба да сол тізімге кіреді. Жоспар бойынша көше барлық стандартқа сай көркейтіледі. Жұмысты биыл бастап, күзге дейін аяқтаймыз», – деді Ерболат Досаев.Айта кетейік, 2024 жылы Панфилов көшесінің Қабанбай батыр көшесінен Жібек Жолы көшесіне дейінгі бөлігі көркейтілген болатын. Жоба аясында жолдың бойы мен шағын сәулет нысандары жаңартылып, жасыл аймақ 20%-ға ұлғайтылды, көпжылдық бұталар отырғызылды. Панфилов көшесі – Алмалы ауданындағы халық ең жиі баратын орынның бірі, алайда соңғы жөндеу жұмыстары 2017 жылы жүргізілген.Соңғы үш жылда Алматыда «ХҚБ» аясында 938 жоба жүзеге асырылып, оған 39,1 млрд теңге бөлінді. Қала әкімінің тапсырмасымен 2025 жылы «ХҚБ» бағдарламасына 17,1 млрд теңге бөлінді.Ақпарат көзі : https://www.gov.kz/memleket/entities/almaty/press/news/details/932408

Алматыда Абай даңғылы мен Масаншы көшесінің қиылысында орналасқан бұрынғы Оқу-клиникалық орталықтың ғимараты қалалық балалар оңалту орталығы болып қайта жаңартылады. Алмалы ауданының тұрғындарымен кездесу барысында Алматы әкімі Ерболат Досаев бүгінгі таңда жобаны түзету аяқталғанын хабарлады.«Жетісу сәулет құрылыс» ЖШС әзірлеген бастапқы жоба сараптамадан өтпеді, сондықтан жұмыстың басталу мерзімі өзгерді. Бүгінгі таңда жаңа жоба әзірленді. Жоба мемлекеттік сараптамадан шыққаннан кейін мердігерлік ұйымды анықтау бойынша конкурс өткізіліп, содан кейін тікелей құрылыс-монтажу жұмыстары басталады», - деп атап өтті мегаполис әкімі.Бір ауысымда 250 келушіге арналған орталық тірек-қимыл аппараты аурулары, балалардың церебральды сал ауруы, сөйлеу патологиясы, сондай-ақ ақыл-ой дамуының ауытқуы бар 18 жасқа дейінгі балаларды кешенді оңалтуға арналған.Нысан сәулет ескерткіші болғандықтан, жоба заманауи материалдардан қасбеттің бастапқы көрінісін қалпына келтіруді қарастырады.Ақпарат көзі : https://www.gov.kz/memleket/entities/almaty/press/news/details/932419

Алматы әкімі Ерболат Досаевтың Алмалы ауданының тұрғындарымен кездесуі барысында жергілікті тұрғын жаяу жүргіншілер аймақтарын қоғамдық тамақтану орындарының заңсыз құрылыстарынан тазартуды сұрады. Атап айтқанда, ол Сейфуллин даңғылы мен Қарасай батыр көшесінің қиылысындағы бульвар аймағындағы мейрамхана жазғы алаң салғанын хабарлады.Қала басшысы осы ғимараттың заңдылығын тексеріп, сәйкестікке келтіруді тапсырды.Ерболат Досаев Алматы қаласының Кәсіпкерлік және инвестициялар басқармасы стихиялық саудаға қарсы күрес және мемлекеттік қордың жерінде заңсыз орнатылған стационарлық емес сауда объектілерін (ССО) жою мақсатында оларды жаппай бөлшектеу жүргізіліп жатқанын атап өтті.Екі күннің ішінде 21 заңсыз нысан бөлшектелді.Мониторинг қорытындысы бойынша қала аумағында 1,2 мыңнан астам саудагер өз бетінше орналастырылатын стихиялық сауданың (ірі базарлардың, саябақтар мен алаңдардың маңында орналасқан) 49 жаппай жиналатын орны анықталды.Еске салсақ, Алматы қаласы әкімдігінің 2024 жылғы 27 тамыздағы №3/469 «Алматы қаласының аумағында стационарлық емес сауда объектілерін орналастыру орындарын белгілеу және бекіту туралы» Қаулысына сәйкес қалада 157 ССО орналастыру үшін 142 орын бекітілген. Стационарлық емес сауда объектілерінде заңды негізде қызметін жалғастыруға ниет білдірген кәсіпкерлер Алматы қаласы Кәсіпкерлік және инвестициялар басқармасының сауда бөліміне 390 21 30 тел. бойынша жүгіне алады.Ақпарат көзі : https://www.gov.kz/memleket/entities/almaty/press/news/details/932423

Алматыда ерекше қажеттілігі бар адамдар театр өнерін тегін меңгере алады. «Алатау» дәстүрлі өнер театры мүмкіндігі шектеулі жандарға арналған 10 инклюзивті үйірме ашып, би, ән айту, ым тілінде ән айту, күлдіргі ойында және саңырауларға арналған дактилология өнеріне үйретеді. Бұл туралы Алматы өңірлік коммуникациялар қызметінің баспасөз мәслихатында театр директоры Мақсат Нұралиев мәлімдеді.Оның айтуынша, жоғары нәтиже көрсеткен қатысушылар шығармашылық ұжымдардың құрамына еніп, алматылық театр сахнасында өнер көрсетуге, сондай-ақ халықаралық байқауларға қатысып, әлемдік деңгейде талантын танытуға мүмкіндік алады.«Сабақтар аптасына 3 рет, 2 сағаттан өтеді. Оқытуды театр артистері мен қазақ зағиптар және саңыраулар қоғамының жетекшілері жүргізеді. Қазіргі таңда біздің студиялар мен үйірмелерде шамамен 200 адам білім алып жатыр. Сонымен қатар, Алматы қаласы әкімдігі Мәдениет басқармасының қолдауымен 130-дан астам іс-шара өткіздік. Олардың ішінде ерекше қажеттілігі бар адамдарға арналған халықаралық фестивальдер мен байқаулар, қайырымдылық концерттер, дәрістер мен мәдениет қайраткерлерімен кездесулер бар. Біз инклюзивті орта қалыптастыруға тырысамыз, мұнда өнер адамдар соның арасындағы нағыз байланыс құралына айналады. Біздің артистеріміз – рухтың беріктігі мен шексіз мүмкіндіктердің айқын дәлелі. Бүгінде Италия, Түркия, Қырғызстан, Тәжікстан және Малайзияда өткен халықаралық байқауларда жеңімпаз атанған қатысушыларымыз бар. Бұл жобаларға біздің өнерпаздар әкімдіктің қолдауымен қатысты», – деді Мақсат Нұралиев.Айта кетейік, «Алатау» дәстүрлі өнер театрында «Көру және есту қабілеті бұзылған адамдарға мәдени демалысты ұйымдастыру» бөлімі бар. Онда зағип және саңырау жандар қызмет атқарады.Ақпарат көзі : https://www.gov.kz/memleket/entities/almaty/press/news/details/933487

Қазақстанның Мемлекеттік қуыршақ театры 2024 жылы Оттавадағы Халықаралық қуыршақ фестивалінде байқаудың басты марапаты Гран-приді жеңіп алып, әлемдік сахнада серпіліс жасады. Сонымен қатар, қазақстандық театр Батумиде қазылар алқасы тарапынан «Үздік режиссер» номинациясымен марапатталып, Беларуссияда (Гродно) арнайы дипломды иеленді. Бұл туралы Өңірлік коммуникациялар қызметінің брифингінде театр директоры Алмат Амангелді мәлімдеді.2024 жыл Мемлекеттік қуыршақ театры үшін тарихи жыл болды. Канадада Гран-при жеңіп алған театр қазақстандық қуыршақ өнерінің әлемдік мойындауға лайық екенін дәлелдеді.«Бұл жеңіс – театр ұжымының орасан зор еңбегінің нәтижесі. Біз өнеріміздің әлемдік деңгейге көтеріліп, қазақстандық көрермендердің ғана емес, шетел азаматтарының да таңданысын тудыратынына қуаныштымыз», - деп атап өтті Алмат Амангелді.Театр Грузияда да халықаралық сахнаны бағындыруды жалғастырды, Батумидегі фестивальде театр қойылымы «Үздік режиссер» жүлдесін алды. Сондай-ақ Беларусьте өткен «Неман үстіндегі қуыршақ» фестивалінде қазақстандық қойылым арнайы дипломмен марапатталды.Театр сонымен қатар Грузиядағы халықаралық сахнаны жаулап алуды жалғастырды Батуми, театр қойылымы «Үздік режиссер» сыйлығын жеңіп алды. Сондай-ақ, Беларуссияда өткен «Ляльки над Неманом» фестивалінде қазақстандық қойылым арнайы дипломға ие болды.Мемлекеттік қуыршақ театры шетелге белсенді гастрольдік сапарларымен барып қана қоймай, Алматы қаласын халықаралық ынтымақтастықтың орталығына айналдыруда.2023 жылы театр алғаш рет сыншылардың жоғары бағасына ие болған «Almaty Puppet Festival» I Халықаралық қуыршақ театрларының фестивалін өткізді. 2024 жылы фестиваль екінші рет Польша, Грузия, Болгария, Чехия, Түркия, Әзірбайжан, Өзбекстан, Ресей, Башқұртстан және Қазақстанның ұжымдарын жинады.«Біздің фестиваль әлемдік театр өнері картасында маңызды орынды иеленуде. Біз Алматының әлемнің түкпір-түкпірінен келетін ең үздік қуыршақ театрлары бас қосатын орынға айналғанын қалаймыз», - деп атап өтті Алмат Амангелді.2024 жылы театр көрермендердің сүйіспеншілігіне бөленген бес танымал премьераны ұсынды:1) Белгілі боксшы, олимпиада чемпионы Бекзат Саттархановтың батыл рухын дәріптейтін «Чемпион» патриоттық қойылымы;2) Әлемге әйгілі ертегі желісімен сахналанған ақыл-парасаттың күші және достық туралы сыр шертетін «Етік киген мысық» қойылымы;3) Гүржістандық режиссердің жетекшілігімен қойылған, қоғамдағы сенімсіздік, бозөкпелік, буллинг туралы «Шекпен» қойылымы;4) Әйгілі өнер жұлдыздарының қуыршақ бейнесіндегі ерекше қабілеттерін көрсететін «Жұлдызды қуыршақтар» концерттік қойылымы;5) Белгілі әлемдік ертегі желісімен сахналанған бауырмалдық пен мейірімділік туралы сыр шертетін «Қар ханшайымы» қойылымы.«Біз балалар мен жасөспірімдерге тек көтеріңкі көңіл-күй сыйлап қана қоймай, сондай-ақ маңызды өмірлік құндылықтарды үйрететін спектакльдерді қоямыз», - деп атап өтті театр басшысы.Сонымен қатар, өнер ордасы 2024 жылы Гүржістан мемлекетінің Батуми, Тбилиси, Кутаиси, Боржоми, Ахалцихе қалаларында Уильям Шекспирдің әйгілі пьесасы желісімен сахналанған «Макбет. Иллюзия» қойылымын гастрольдік іс-сапар барысында театр сүйер қауымға ұсынып, 1000-нан астам гүржістандық көрермендерді қамтыды.Ақпарат көзі : https://www.gov.kz/memleket/entities/almaty/press/news/details/933489

Бүгін өңір басшысы Ермек Көшербаев жұмыс сапарымен Марқакөл ауданына келді. Биыл қар қалың жауғандықтан, топан суға қарсы іс-шараларға ерекше көңіл бөлінуде. Осы ретте облыс әкімі Орта-Теректі су қоймасының жағдайымен танысты. Өткен жылы оның техникалық жай-күйіне сараптама жасалып, жөндеу жұмыстарының қажет екені айтылған еді.Тиісті жұмыстар ауа райының қолайлы кезеңінде басталды. Су ағызғыштың негізі бетондалып, су қоймасының түбіне тор төселді. Облыс әкімі жергілікті халықпен кездесіп, су қоймасының былтыр қалай жұмыс істегенін сұрады. Қазіргі уақытта тұрғындарға қауіп төніп тұрған жоқ. Негізгі құрылымдар штатты режимде жұмыс істеуде. Су тасқыны басталған кезде мамандар кезекшілікке шығатын болады.Айта кету керек, биыл Орта-Теректі су қоймасының бөгетін жоспарлы түрде қайта жаңғыртудың жобалық-сметалық құжаттамасын әзірлеу жоспарлануда.Ақпарат көзі : https://www.gov.kz/memleket/entities/akimvko/press/news/details/933135

Бүгін облыс әкімі Ермек Көшербаев Марқакөл ауданына жұмыс сапары барысында 47 бала білім алып жатқан мектеп-интернат-колледжінде болды. Білім ордасының маңында тағы бір ғимарат бар. Аймақ басшысы оны балабақшаға айналдыруды ұсынды. Қазір ауылда бір ғана балабақша бар. Сондықтан бұл тиімді болар еді.– Дегенмен бұл шешімді қабылдамас бұрын халықпен ақылдасу керек. Егер тұрғындарға балабақша емес, басқа да бір ұйым немесе мекеме қажет болса, олар өз ұсыныстарын айта алады. Барлық әлеуметтік маңызы бар шешімдер халықтың пікірін ескере отырып, қабылдануы тиіс, - деді Ермек Көшербаев.Ақпарат көзі : https://www.gov.kz/memleket/entities/akimvko/press/news/details/933146

ШҚО әкімі Өскемендегі гидравликалық және пневматикалық құрал-жабдықтар шығаратын SP Jet компаниясының жұмысымен танысты.Аймақ басшысы технологиялық үдеріс пен өндірісті локализациялаудың жоғары деңгейін атап өтті. Мұнда заманауи технологиялар белсенді түрде енгізіліп, шығарылатын өнімдердің түрі көбеюде. Оған қоса экспорт көлемі де артып келеді.– Өнеркәсіп саласын дамыту – аймақ үшін маңызды бағыттардың бірі. SP Jet сынды кәсіпорындарды қолдау жаңа жұмыс орындарын ашуға, инженерлік идеяларды дамытуға, ішкі және сыртқы нарықта отандық өндірістің рөлін нығайтуға мүмкіндік береді, - деді Ермек Көшербаев.Кәсіпорын резеңке, пластмасса, металл бұйымдарын, бөлшектер мен тораптарды дайындайды. Сондай-ақ мамандандырылған құрал-жабдықтарды құрастырады.– 10 жылдан астам уақыт бойы біздің өнімдеріміз Шығыс Қазақстанның ғана емес, еліміздің басқа өңірлеріндегі өнеркәсіптік кәсіпорындарда қолданылуда. Бұрын мұндай тауарларды шетелден мол қаржыға сатып алатын. Ал біз оларды тиімді бағада ұсынамыз, - дейді кәсіпорын директоры Александр Строкатов.Осылайша, жергілікті билік бәсекеге қабілетті өнім шығарумен және инновациялық шешімдерді енгізумен айналысатын отандық компанияларға қолдау көрсетуді жалғастыруда. Соның арқасында нарықта отандық өнімдердің саны артып, облыс халқы тұрақты жұмыспен қамтамасыз етіледі.Ақпарат көзі : https://www.gov.kz/memleket/entities/akimvko/press/news/details/933157

Дүниежүзілік сайлау күні аясында Шығыс Қазақстан облыстық сайлау комиссиясы мен Өскемен қалалық аумақтық сайлау комиссиясы Д. Серікбаев атындағы Шығыс Қазақстан техникалық университетінің, С. Аманжолов атындағы Шығыс Қазақстан университетінің, Қазақстан-Американ еркін университетінің және Өскемен экономика және техника колледжі студенттерімен кездесулер өткізді. Кездесу барысында комиссия мүшелері сайлау заңнамасы саласындағы конституциялық реформалар мәселелері, облыстың сайлау комиссияларының жұмысы туралы баяндамалар жасап, сондай-ақ жастар арасында викториналар өткізілді, ең белсенді студенттерге естелік сыйлықтар табысталды.Ақпарат көзі : https://www.gov.kz/memleket/entities/akimvko/press/news/details/933307

Шығыс Қазақстан облысы цифрландыру бағытында қарқынды дамып, заманауи технологияларды түрлі салаларға енгізіп келеді. Өңірде “ақылды” қалаларды дамыту, мемлекеттік қызметтерді автоматтандыру, IT-стартаптарды қолдау және интернетке қолжетімділікті кеңейту бойынша ауқымды жобалар жүзеге асырылуда. Қалаларды цифрландыру – өңірдің негізгі басымдықтарының бірі. Қазіргі уақытта 26 цифрлық бастама іске асырылып, олардың үшеуі жасанды интеллект (AI) технологияларын қолданады. Осылайша, денсаулық сақтау саласында “PACS” атты интеллектуалды жүйе енгізілді. Ол онкологиялық ауруларды ерте кезеңде анықтауға көмектеседі. Қазір бұл жүйе 20 медициналық мекемеде жұмыс істеп, жасанды интеллект арқылы 13 мыңнан астам медициналық суретті өңдеді. Сонымен қатар, мемлекеттік органдардағы бизнес-процестер автоматтандырылып, деректердің цифрлық тізілімдері жасалды, есептілік жүйелендірілді және маңызды құжаттар цифрландырылды. 2025 жылы осындай жұмыстар білім, мәдениет және энергетика басқармаларында да жүргізілетін болады. - Өңірдің қауіпсіздігіне тағы бір қадам – «O.P.E.R» интеллектуалды бейнабақылау жүйесі. Облыс бойынша 5000-нан астам бейнекамера жұмыс істеп тұр, олардың 300-і видеоаналитика мүмкіндігіне ие. Бұл технология құқық қорғау органдарына жылдам әрекет етуге және қоғамдық тәртіпті жақсартуға көмектеседі. Осы жобалардың арқасында Шығыс Қазақстан облысы «ақылды» өңірлер ұлттық рейтингінде 77 ұпай жинап, үздік үштікке енді,- деп атап өтті цифрландыру және ақпараттандыруды дамыту бөлімінің басшысы Арнұр Тұраров. Өңірде ақпараттық технологияларды дамытуға ерекше көңіл бөлінуде. 2024 жылы облыста 96 IT-шара өткізілді, олардың ішінде хакатондар, мастер-кластар, бизнес-форумдар және тренингтер бар. Бұл іс-шараларға 3107 IT-маман қатысты, ал 95 үздік стартапқа қаржылай және әкімшілік қолдау көрсетілді. 2025 жылдың басында өткен Digital Almaty 2025 халықаралық форумында DOGS командасы “Best AI Startup Idea” номинациясын жеңіп алды. Олардың LIFT жобасы – блокчейн және жаңа технологияларды үйренуге арналған білім беру платформасы. Бұл жетістік Шығыс Қазақстан жастарының жоғары технологиялар саласында бәсекеге қабілетті екенін дәлелдейді. Өңірдегі цифрлық бастамаларды тиімді басқару үшін “Битрикс24” жүйесі енгізілді. Бұл жүйе жобалардың орындалуын онлайн бақылауға, міндеттерді автоматтандыруға және жұмысты үйлестіруге мүмкіндік береді.Бірінші кезеңде жүйеге Өскемендегі Гематология орталығы мен Риддер қаласындағы 600 орындық мектеп енгізілді. Гематология орталығының құрылысы 2020 жылдан бері жүріп жатыр, қазіргі уақытта 80%-ға дайын және 2025 жылдың соңына дейін аяқталады. Ал Риддердегі мектеп құрылысы басталып, қажетті келісімшарттар жасалды. Аймақта интернет инфрақұрылымын дамыту басты назарда. Қазіргі таңда 219 елді мекен (96,7% тұрғын) интернетпен қамтылған. Қалған 138 елді мекен 2027 жылға дейін желіге қосылуы тиіс, алайда жергілікті билік бұл жұмысты 2026 жылға дейін жеделдетуді жоспарлап отыр. Интернет сапасын жақсарту үшін:•160 мектеп Starlink спутниктік интернетімен жабдықталды.•республикалық жолдар бойында 25 антенна-мачталық құрылым салынуда;•Өскемен қаласындағы «ақ дақтарды» жою үшін талшықты-оптикалық байланыс желілері тартылуда. Шығыс Қазақстан заманауи технологияларға, цифрлық қауіпсіздікке және халықтың жайлылығына басымдық беріп келеді. Жасанды интеллектті қолдану, мемлекеттік қызметтерді автоматтандыру, IT-стартаптарды қолдау және жоғары жылдамдықты интернетті дамыту – өңірді технологиялық тұрғыдан дамыған аймаққа айналдыратын маңызды қадамдар.Шығыс Қазақстан цифрлық болашаққа нық сеніммен қадам басып, цифрлық технологиялар арқылы әрбір азаматтың өмір сүру сапасын жақсартуға ұмтылуда.Ақпарат көзі : https://www.gov.kz/memleket/entities/akimvko/press/news/details/934223

Шығыс Қазақстан облысының әкімі Ермек Көшербаев Алтай ауданындағы су тасқынына қарсы шаралардың барысымен танысты. Биыл өңірде қардың қалың жауғанына қарамастан, топырақтың қату деңгейі былтырғыдан әлдеқайда төмен. Бұл өз кезегінде су басу қаупін азайтады.Мамандар судың кедергісіз ағуын қамтамасыз ету үшін өңірдегі өзендерде 19 жарылыс жұмыстарының орнын анықтады.– Әрбір елді мекен мен су басу қаупі бар аумақ үшін іс-қимыл алгоритмін құрастыру қажет. Мұздың қай жерде пайда болатынын, адамдарды қайда эвакуациялау керектігін, қандай күштер мен құралдар қажет екенін, су басу қаупі төніп тұрған ауылдар, жолдар мен көпірлердің бар-жоғын алдын ала білу керек. Барлық деңгейдегі әкімдер осы сұрақтардың жауабын біліп, тұрғындармен жеке аулаларды қардан тазарту туралы түсіндіру жұмыстарын жүргізу қажет. Сондай-ақ оларға көмектескен жөн, - деді Ермек Көшербаев.Айта кету керек, 1 ақпаннан бастап облыста жасанды интеллектті қолданатын жедел штаб құрылды. Олар гидро және метеоқызмет деректері мен өткен жылдардағы ақпараттардың негізінде түрлі оқиғалар желісін болжайтын болады.Ақпарат көзі : https://www.gov.kz/memleket/entities/akimvko/press/news/details/934255

Бүгін өңір басшысы Алтай ауданына жұмыс сапарымен барып, су басу қаупі бар аймақтарды аралады. Оның ішінде Тұрғысын мен Бұқтырма өзендері бар. Қазірдің өзінде мұнда күн сайын бақылау жүргізілуде. Биыл қыста қардың қалың жаууынан бұл аймақ төтенше жағдайлар қызметінің қадағалауында. Сондықтан Алтай, Катонқарағай, Күршім және Глубокое аудандары 1 ақпанда жұмысын бастаған ТЖ штабының тұрақты бақылауында.Алтай ауданының әкімдігіне су тасқыны қаупі бар кезеңге байланысты бірқатар тапсырма берілді. Атап айтқанда, барлық күштер мен құралдарды дайындап, өзендердің жай-күйі мен қардағы су деңгейін бақылау керек. Оған қоса халықпен жұмыс жүргізу қажет. Облыс әкімі өңірдегі қар көшкіні қаупі бар аймақтардың бірі саналатын Осинов асуын да аралап көрді.Сапар барысында Ермек Көшербаев Серебрянск қаласындағы девиантты мінез-құлқы бар балаларға арналған арнайы мектеп-интернатында болды. Осы ретте мекеме басшылығымен, аудандық білім бөлімінің өкілдерімен сындарлы диалог өтті.Облыс әкімі асханадағы тамақтандыру нормаларын тексеріп, оны көбейтуді тапсырды. Ал аудан әкімдігі мен облыстық білім басқармасына бұл мәселені қатаң бақылауға алуды жүктеді. Өз кезегінде оқушылар аймақ басшысымен сұхбаттасып, алдағы жоспарларымен бөлісті. Көбі білімін жалғастырып, колледжге түскісі келеді. Ермек Көшербаев кәсіптік бағдар беру жұмыстары аясында балаларды техникалық және кәсіптік білім беру ұйымдарындағы оқу үдерісімен таныстыруды тапсырды.Тәрбиеленушілер хоккей матчтарына қатысу мүмкіндігін сұрады. Сондай-ақ сапар барысында аймақ басшысы әскери бөлімге барып, жеке құраммен сұхбаттасты.Ақпарат көзі : https://www.gov.kz/memleket/entities/akimvko/press/news/details/934256

Шығыс Қазақстан облысы өмірдің түрлі саласына заманауи технологияларды енгізіп, цифрландыру жолымен сенімді қадам басып келеді. Өңірде смарт қалаларды дамыту, мемлекеттік процестерді автоматтандыру, IT-стартаптарды қолдау және кең жолақты Интернетке қолжетімділікті қамтамасыз ету бойынша ауқымды жобалар жүзеге асырылуда.Қаланы басқарудағы цифрлық шешімдерді дамыту негізгі басымдықтардың бірі болып табылады. «Ақылды қалалар» жобасы қазірдің өзінде 26 бастаманы жүзеге асырды, оның үшеуі жасанды интеллект технологияларын пайдаланады. Осылайша, денсаулық сақтау саласында онкологиялық ауруларды ерте анықтауға мүмкіндік беретін интеллектуалды PACS жүйесі жұмыс істейді. Ол 20 медициналық мекемеге қосылған және қазірдің өзінде Жасанды интеллект арқылы 13 мыңнан астам суретті өңдеп үлгерді.Сонымен қатар мемлекеттік органдардың бизнес-процестері автоматтандырылды: цифрлық деректер тізілімдері құрылды, есеп беру жүйеленді, негізгі құжаттар цифрландырылды. 2025 жылы білім, мәдениет және энергетика салаларын қоса алғанда, алты басқармада осындай жұмыстар жүргізілетін болады.- Өңірлік қауіпсіздікке тағы бір қадам – O.P.E.R интеллектуалды бейнебақылау жүйесі. Өңірде 5 мыңнан астам камера орнатылған, оның 300-і бейнесараптаманы пайдаланады. Бұл оқыс оқиғаларға жедел ден қоюға мүмкіндік береді және қоғамдық қауіпсіздік деңгейін арттырады. Осы және басқа да жобалардың арқасында Шығыс Қазақстан облысы тиісті рейтингте 77 ұпай жинап, Қазақстанның «ақылды» аймақтарының арасында үздік үштікке енді, - деп атап өтті цифрландыру және ақпараттандыруды дамыту басқармасының басшысы Арнұр Тұраров. Облыста IT секторы белсенді дамып, дарынды әзірлеушілердің өсуіне жағдай жасалуда. 2024 жылы облыста стартаптар үшін 96 іс-шара өткізілді: хакатондар, шеберлік сыныптары, іскерлік кездесулер мен тренингтер, оларға 3 107 IT маманы қатысты. Үздік 95 жоба қолдауға ие болды.2025 жылдың басында Digital Almaty 2025 халықаралық форумында Шығыс Қазақстан облысының DOGS командасы «Үздік AI стартап идеясы» номинациясында жеңімпаз атанды. Оның LIFT жобасы – технологияларды, соның ішінде блокчейнді жылдам енгізуге арналған білім беру платформасы. Шығысқазақстандық жастардың жетістігі аймақтық IT-бастамалардың жоғары деңгейін растайды.Аймақтық бастамаларды тиімді басқару үшін аймақта Bitrix24 жүйесі енгізілген. Ол цифрлық жобалардың орындалу барысын бақылауға, тапсырмаларды басқаруды автоматтандыруға және жауапты бөлімшелердің жұмысын үйлестіруге мүмкіндік береді.Бірінші кезеңде жүйеге негізгі нысандар қосылды: Өскемендегі Гематологиялық орталық және Риддер қаласындағы 600 орындық мектеп. 2020 жылдан бері құрылысы жүріп жатқан гематологиялық орталық 80 пайызға аяқталып, 2025 жылдың соңына дейін аяқталады. Риддерде барлық қажетті келісімдер жасалып, жаңа оқу орнының құрылысы басталып кетті.Тағы бір басымдық – интернетке қолжетімділік. Бүгінде облыс бойынша 219 елді мекен (халықтың 96,7 пайызы) желіге қосылған. Қалған 138 елді мекен 2027 жылдың соңына дейін интернетке қол жеткізеді, бірақ жергілікті билік бұл үдерісті жеделдетіп, 2026 жылға дейін аяқтауды көздеп отыр.Сонымен қатар, интернетпен қамтуды жақсарту үшін:•160 мектеп Starlink спутниктік интернетімен қамтамасыз етілген;•Ұлыстанда 25 антенналық тірек құрылымдары жойылуда; Меногорск талшықты-оптикалық байланыс желілері арқылы.Шығыс Қазақстан облысы цифрландыру, озық технологияларға, азаматтардың қауіпсіздігі мен жайлылығына сүйене отырып, керемет нәтижелер көрсетуде. Жасанды интеллект енгізу, мемлекеттік қызметтерді автоматтандыру, IT-стартаптарды қолдау және жоғары жылдамдықты интернетті дамыту – өңірді заманауи ғана емес, технологиялық жағынан да дамыған қадамдар. ШҚО цифрлық технологиялар әрбір тұрғынның өмір сүру сапасын жақсартатын болашаққа сеніммен қадам басып келеді.Ақпарат көзі : https://www.gov.kz/memleket/entities/akimvko/press/news/details/934257