Биыл өңір басшылығы су тасқынына дайындықты ерте бастау туралы шешім қабылдады. Қыс мезгілі әлі аяқталмаса да, тәулік бойы осал аймақтарды қорғау жұмыстары қарқынды жүргізіліп жатыр. Әсіресе, үш аудан арқылы өтетін Жабай өзенінің арнасын кеңейтуге ерекше көңіл бөлінуде. Ақмола облысының әкімі барлық өңірлерде кешенді жұмыстар жүргізілуі қажет екенін атап өтті.Қазіргі уақытта Балкашино ауылында Жабай өзенінің арнасын кеңейту жұмыстары жүріп жатыр. Бұл шаралар көктемгі су тасқыны кезінде Атбасардағы су басу қаупін азайтуға көмектеседі. Өзеннің жағалауы қамыс пен ағаш өсімдіктерінен тазартылып, арнасы 35 метрге дейін кеңейтіліп, тереңдігі 3 метрге дейін ұлғайтылуда.«Біз судың ағысын жылдамдатып, өзеннің арнасынан асып төгілуіне жол бермейміз. Ең осал тұстарда екі қорғаныс бөгеті салынады. Балкашинода тереңдігі шамамен бес метр болатын су қоймасы пайда болады. Артық су осы қоймаға жіберіліп, кейін ауыл тұрғындарының қажетіне жаратылады. Дәл осындай жұмыстар Атбасар ауданында да атқарылады», – деді жобалық компанияның басшысы, «Бахыт-Гидро» ЖШС директоры Бахыт Бесжігітова.Ауқымды жобаны келесі жылдың мамыр айының соңына дейін аяқтау жоспарланып отыр. Бүгінде жұмыстың жартысына жуығы орындалды. Жобаның жүзеге асуына «Демеу Қазақстан» қорының қаржыландыруы мүмкіндік берді.Сонымен қатар, биыл көктемде Атбасардағы топырақ бөгеті бойында үш су өткізгіш құрылғының құрылысы аяқталады.Өңір басшысы Сандықтау және Атбасар аудандарына жасаған жұмыс сапары барысында атқарылып жатқан жұмыстарды өз көзімен көрді.«Қазіргі таңда 38,2 текше метр темірбетон құбырлар, металл құрылғылар мен шлюздер бұзылып, ауыстырылды. Сонымен қатар, 45 текше метр топырақ қазылып, 10 метрге жылжытылды. Диаметрі 10 метр болатын құбырлар төселіп, су қабылдайтын арматураның қаптамасы жасалды. Барлық жұмыстар бекітілген кестеге сай орындалуда», – деп баяндады Атбасар ауданының әкімі Кеңеш Әлімжанов.Айта кетейік, облыста алты ірі су айдынына осындай жұмыстар жүргізіледі. Бұл ондаған елді мекеннің қауіпсіздігін қамтамасыз етеді. «Жазда біз қауіпті аймақтардағы тұрғындарды көшіру жұмыстарын жүргіздік. 400-ден астам отбасы Атбасарға қоныстандырылып, жаңа үйлермен қамтамасыз етілді. Осылайша, тұрақты су басу қаупі бар аймақтар қазір бос тұр. Көктемгі жағдай ауа температурасына, жауын-шашын мөлшеріне, топырақтың тоңдану деңгейіне байланысты болады. Біз бұл мәселелерді жіті бақылауда ұстаймыз. Жедел штаб құрылды. Бүгін біз мердігерлер мен өзге де мүдделі органдардың қатысуымен алғашқы өңіраралық кеңес өткіздік. Тәуекелдер әрдайым бар, бірақ біз оған дайын болуымыз керек», – деді Ақмола облысының әкімі Марат Ахметжанов.Өңір басшысы Атбасар ауданының жергілікті билік өкілдері, төтенше жағдай департаменті, прокуратура, кәсіпкерлер және өзге де мүдделі тұлғалармен кеңейтілген жиын өткізді.«Су тасқыны үшінші онкүндікте күтілуде. Өткен жылы Атбасар ауданында мыңнан астам үй зардап шекті. Әлі де 20 елді мекенді су басу қаупі сейілген жоқ. Барлық ауылдарда қарсы шаралар толық жүргізілген жоқ. Мысалы, Сочинск ауылында соңғы үш жылда ешқандай инженерлік жұмыстар атқарылмаған. Су қоймасындағы су деңгейі көтеріліп, 20-дан астам үйге қауіп төніп тұр. Жыл сайын қорғаныс шаралары өз күшімізбен жасалғанымен, күтілетін нәтиже бермей келеді. Атбасардағы топырақ бөгеті де алаңдаушылық тудырады. Сондықтан ұзақ мерзімді шешімдер қабылдау қажет», – деді аймақ басшысы.Марат Ахметжанов жиналысқа қатысушыларға өткен жылғы қателіктерді қайталамау керектігін ескертіп, барлық жұмыстарды жоспарға сәйкес кешенді түрде жүргізу қажеттігін атап өтті.«Қар суы мен көлдердің тасу қаупін қоса есептегенде, барлық ықтимал қауіптер ескерілуі керек. Дайындық уақтылы жүргізіліп, қолданылатын шаралар тиімді болуы тиіс», – деді облыс әкімі.Ақпарат көзі : https://www.gov.kz/memleket/entities/aqmola/press/news/details/931928

Бүгін Малик Ғабдуллин атындағы Азаматтық қорғау академиясының алаңында «Заң мен тәртіп» принципін насихаттау мақсатында оқу орнының курсанттарына арналған «Тәртіпті өзіңнен баста!» атты білім беру лекциясы өтті. Сабақтың басты тақырыбы – коррупцияға нөлдік толеранттылық идеологиясын қолдайтын белсенді азаматтық позицияны дамыту, заңгерлік мәдениетті арттыру, сондай-ақ жас ұрпақ арасында адалдық пен абыройлылық принциптерін нығайту болды.Кездесу барысында Сыбайлас жемқорлыққа қарсы іс-қимыл агенттігі департаментінің бірінші орынбасары Сағыныш Аяғанова курсанттарға сыбайлас жемқорлыққа қарсы іс-қимылдың бар жүйесі туралы баяндады.«Бүгінгі шараның мақсаты – «Коррупцияға нөлдік толеранттылық» идеологиясын қолдайтын белсенді азаматтық позицияны дамыту. Академия курсанттарымен сыбайлас жемқорлыққа қарсы іс-қимылдың бар жүйесі, коррупцияның қандай теріс салдарлары бар екені, әрқайсымыз адал қоғам қалыптастыруға қандай үлес қоса алатыны талқыланды», - деп атап өтті Сағыныш Аяғанова.Лектордың айтуынша, «Заң мен тәртіп» принципін жүзеге асыру мақсатында Сыбайлас жемқорлыққа қарсы іс-қимыл агенттігінің департаменті тұрақты түрде халықтың әртүрлі санаттарын қамтитын іс-шаралар өткізіп келеді, бұл мектеп оқушыларына, студенттерге, мемлекеттік қызметшілерге және азаматтық қоғамға арналған жеке іс-шаралар.Ішкі саясат басқармасы басшысының орынбасары Даниярбек Нұрсейітов коррупцияға нөлдік толеранттылық идеологиясын қолдайтын белсенді азаматтық позицияны танытудың, сондай-ақ жас ұрпақ арасында адалдық пен абыройлылық принциптерін нығайтудың маңыздылығын атап өтті.«Бүгінгі лекция маған сыбайлас жемқорлықпен күрестегі маңызды құрал ретінде сыбайлас жемқорлыққа қарсы іс-қимыл механизмдерін тереңірек түсінуге мүмкіндік берді. «Заң мен тәртіп» принципіне негізделген жалпы білім беру жүйесінің дамуы курсанттардың сыбайлас жемқорлыққа қарсы мәдениетін қалыптастырудың негізі болып табылады, оларға сыбайлас жемқорлыққа қарсы құндылықтарды, эмоционалдық жағдайдан тәуелсіз шешім қабылдау және әрекет ету қабілетін сіңіру арқылы. Осындай форматтағы іс-шараларды өткізу азаматтық қорғау органдарының қызметкерлері ретінде жеке тұлға қалыптасу кезеңіндегі курсанттардың сыбайлас жемқорлыққа қарсы санасы мен мәдениетін қалыптастыруда маңызды рөл атқарады», - деп атап өтті Академия курсанты Мұрат Жанбаев.Айта кету керек, Сыбайлас жемқорлыққа қарсы қызмет өкілдері оқу семинары өткізіп, тақырыптық бейнероликтер көрсетті.Ақпарат көзі : https://www.gov.kz/memleket/entities/aqmola/press/news/details/931959

Айдабол ауылында Ақмола облысы әкімі Марат Ахметжанов ауыл аманаты бағдарламасының потенциалды қатысушыларымен кездесті. Мемлекет басшысы Қасым-Жомарт Тоқаевтың ауыл кәсіпкерлігін дамытуға қатысты бұйрығына сәйкес, Зеренді ауданында ет- мал шаруашылығы кластері құрылады, оның орталығы – «МБ-4» ЖШС ет комбинаты болады.«Ауыл аманаты бағдарламасы ауыл кәсіпкерлеріне ерекше несие шарттарын ұсынады – 7 жылға 2,5%. Бірақ бұл мемлекет тарапынан сыйлық емес, әр жұмсалған қаражат жіті бақылауда болады. Зеренді ауданындағы ет кластерін дамытуға шамамен 450 млн. теңге бөлінуде, және бұл қаражат барлық тұрғындардың мүддесіне қызмет етуі тиіс. Біздің міндетіміз – сіздерге ветеринарлық қызмет көрсету, азықпен қамтамасыз ету, сондай-ақ логистика мен сату жүйелерін қалыптастыруда көмек көрсету», – деді өңір басшысы.Марат Ахметжанов аудан әкіміне және облыстық ауыл шаруашылығы басқармасы басшылығына жағдайды қатаң бақылауда ұстауды тапсырды, себебі жауапкершілік айтарлықтай. Оның айтуынша, Айдабол ауыл округінің барлық тұрғындары оң өзгерістерді сезінуі тиіс, ал жергілікті бюджетке түсетін қосымша салық түсімдері маңызды мәселелерді шешуге септігін тигізеді.«МБ-4» ЖШС басшысы Азамат Шалмаганбетов ет комбинатының қуаты қазіргі уақытта жартылай ғана пайдаланылатынын айтты. Кәсіпорын сапалы жергілікті шикізатқа мүдделі әрі малшаруашылыққа ветеринарлық және зоотехникалық қызмет көрсетуді қамтамасыз етуге дайын. Дұрыс қоректендірілсе, салауатты сиыр ұрпағы күн сайын 600–800 грамм ғана емес, бір килограмнан астам масса жинай алады. Сонымен қатар, ет комбинаты серіктестеріне жоғарырақ сатып алу бағаларын ұсынады.«Біз комбикорм зауытын салуды және боен қалдықтарын қайта өңдеуді ұйымдастыруды жоспарлап отырмыз. Біздің мақсатымыз – өндірістің жабық цикліне қол жеткізу, ол барлық қатысушыларға максималды пайда әкеледі», – деді кәсіпорын басшысы.Кездесуді қорытындылай келе, өңір басшысы: «Бұл модель болашағы зор, оны дұрыс іске асырып, кейін басқа аудандарға тарату – біздің басты міндетіміз»,- деп атап өтті.Ақпарат көзі : https://www.gov.kz/memleket/entities/aqmola/press/news/details/931984

Ақкөл ауданының Урюпинка ауылында «Ауылдық денсаулық сақтауды жаңғырту» ұлттық жобасы аясында жаңа Фельдшерлік-акушерлік пункт (ФАП) іске қосылды. Бұл медициналық мекеме бес елді мекеннің 1500-ден астам тұрғынына медициналық көмек көрсетеді.Жаңа амбулатория ғимараты заманауи медициналық мекемелерге қойылатын барлық талаптарды ескере отырып жобаланған. Ішінде 10 мамандандырылған кабинет бар: тіркеу бөлімі, ақпараттандыру кабинеті, фельдшер кабинеті, қақырық жинау кабинеті, физиотерапия кабинеті, процедуралық кабинет, стерильдеу бөлмесі, қарау кабинеті, егу кабинеті және қосалқы бөлмелер. Барлық кабинеттер заманауи жиһаздармен және медициналық жабдықтармен, соның ішінде дефибриллятор, ЭКГ-аппарат, небулайзер және стерильді кабинасымен жабдықталған. Сонымен қатар, 4 бірлік компьютерлік техника мен веб-камералар орнатылған.Медициналық бригада құрамында білікті мамандар жұмыс істейді: аға дәрігер, 3 орта медицина қызметкері және 1 әлеуметтік қызметкер, олар ауыл тұрғындарына сапалы медициналық көмек көрсетуге дайын. ФАП заманауи жабдықтармен қамтамасыз етілген және күніне 40 пациентке дейін қабылдай алады.Көлікпен қамтамасыз етуді жақсарту мақсатында амбулаторияға санитарлық көлік бекітілген, бұл науқастарды қажет болған жағдайда жедел жеткізуге мүмкіндік береді.«Медициналық мекеменің ашылуы біз үшін маңызды оқиға. Енді біз аудан орталығына бармай-ақ, осында заманауи медициналық көмек ала аламыз. Біздің қажеттіліктерімізге осылай көңіл бөлінгеніне қатты ризамыз», – деп әсерімен бөлісті Урюпинка ауылының тұрғыны Наталья Ильинична. Ақпарат көзі : https://www.gov.kz/memleket/entities/aqmola/press/news/details/933035

Ақмола облысы – еліміздің ауыл шаруашылығы саласында жетекші орын алатын өңірлердің бірі. Дегенмен, аймақ тәуекелі жоғары егіншілік аймақта орналасқан. Осыған байланысты биылғы егіс науқанына дайындық әдеттегіден ерте басталды. Бұл – ауа райының қолайсыз әсерін азайтып, тұрақты өнім алуға мүмкіндік береді.Облыс әкімі Марат Ахметжанов ең өнімді аудандардың ауыл шаруашылығы өндірушілерімен және басшыларымен аймақтық кеңес өткізді. Сондай-ақ, өңірдегі ірі кәсіпорындарға барып, ауыл шаруашылығы техникасын дайындау, өнім жинау және қайта өңдеу барысымен танысты.«Көктемгі егіс – аса жауапты кезең. Жақында өткен Үкіметтің кеңейтілген отырысында Мемлекет басшысы агроөнеркәсіптік кешеннің әлеуетін одан әрі арттыруға қатысты нақты міндеттер қойды. Президент өткен жылы ауыл шаруашылығы саласы жақсы көрсеткішке қол жеткізгенімен, көктемгі егіс пен егін жинау жұмыстарына жеңілдетілген несие көлемін ұлғайту қажет екенін атап өтті. Біз әр күнді барынша тиімді пайдалануымыз керек. Бұл – тәуекелдерді төмендетіп, өңірдің азық-түлік қауіпсіздігін қамтамасыз етудің басты шарты», – деп атап өтті Марат Ахметжанов.Облыс әкімі шаруаларды қажетті техникамен, жанар-жағармаймен, тыңайтқыштармен және несие құралдарымен толық қамтамасыз ету үшін жұмысты күшейтуге шақырды.«Биыл жеңілдетілген несиені алғаш рет көктемгі егіс басталмай жатып беріп отырмыз. Яғни, науқанға дейін шаруалар толық дайын болуы тиіс. Мемлекет өз тарапынан барлық қолдауды көрсетуде: жеңілдетілген несие, субсидия, арзандатылған жанармай. Ал әкімдер мемлекеттік қолдау алатын шаруашылықтарды өздері барып бақылауы қажет. Басты мақсат – сапалы өнім алу, оны сақтау және өңдеу. Осы процестерге сіздер де мүдделі болуыңыз керек. Өнімділік пен табыс – сіздердің басқарушылық жетістіктеріңіздің бір бөлігі», – деді өңір басшысы.Жеңілдетілген несие беру «Кен Дала» және «Кен Дала 2» бағдарламалары арқылы өткен жылдың желтоқсан айынан басталды. Бүгінде 52,3 млрд теңгеге 329 өтінім түсіп, оның 217-сі мақұлданды.Биыл Ақмола облысында 5,4 млн гектар алқапқа егін егіледі, оның ішінде 4,7 млн гектары – дәнді және бұршақты дақылдарға тиесілі. Егіс жұмыстарына 36,5 мың дана ауыл шаруашылығы техникасы дайындалуда, оның 75%-ы қазірдің өзінде толық дайын. Сонымен қатар, техника паркін жаңарту мақсатында 7% жаңа техника сатып алынады. Марат Ахметжанов дәлме-дәл егіншілік технологияларын, цифрландыруды, ылғал сақтау әдістерін және өсімдіктерді кешенді қорғау шараларын белсенді енгізу қажеттігін айтты.«Барлығын ауа райына жауып қоюға болмайды. Агротехнологияларды қатаң сақтау ғана тұрақты өнім алуға және саланың рентабельділігін арттыруға мүмкіндік береді», – деп тілге тиек етті өңір басшысы.Биыл облыста алғаш рет Агрономиялық кеңес құрылды. Оның негізгі міндеті – тұқым сапасын бақылау және агротехнологиялардың сақталуын қамтамасыз ету.Облыс әкімінің орынбасары Мұрат Балпан кеңес барысында ауыл шаруашылығы кәсіпорындары бюджетке төлейтін салық көлемі алған субсидиясынан бір жарым есе аз екенін атап өтті. Бұл – мемлекеттің агросектордың ерекшелігін ескеріп, арнайы салық режимін енгізгенінің дәлелі. Мұндай жеңілдік басқа экономикалық салаларда жоқ.Ауыл шаруашылығы тауарын өндірушілерге 1 наурызға дейін егіс алқаптарының құрылымын толық айқындап, майлы және мал азығы дақылдарының үлесін арттыру міндеті қойылды. Ал 1 сәуірге дейін зертханалық жағдайда тұқым сапасын толық талдап, ауыл шаруашылығы техникасының дайындығын аяқтау қажет.Облыс әкімі аудан әкімдеріне шаруалармен тығыз байланыс орнатып, нақты көмек көрсетуді және бөлінген несиелерді игеру жұмыстарын жеделдетуді тапсырды.«Көктемнің әр күні – бір жылдық азық. Біз қателікке жол бере алмаймыз. Сондықтан әр жауапты тұлға барынша ұқыптылық пен жеделдік танытып, қойылған міндеттерді толық орындауы қажет», – деп түйіндеді Марат Ахметжанов.Ақпарат көзі : https://www.gov.kz/memleket/entities/aqmola/press/news/details/933257

Целиноград ауданында көше жарығын орнату жұмыстары жалғасуда. Қажымұқан ауылында әйгілі қазақ палуаны, цирк әртісі, кәсіпқойлар арасындағы классикалық күрестен бірнеше дүркін әлем чемпионы Қажымұқан Мұңайтпасұлының ескерткіші орналасқан аумақ жарықтандырылды.«КИПЭСТ» ЖШС қызметкерлерінің күшімен төрт жарық бағаны орнатылды. Жұмыстар демеушілік қаражат есебінен жүзеге асырылды. Енді ескерткіш кешкі уақытта бұрынғыдан да айқын көрініп, айналасындағы аумақ тұрғындар мен қонақтар үшін қауіпсіз әрі жайлы бола түсті.Ауыл тұрғындары абаттандыру жұмыстарына қосқан үлесі үшін аудан басшылығына шынайы алғыстарын білдірді. Олардың айтуынша, жарықтандыру тек ескерткіштің көркін арттырып қана қоймай, ұлы спортшының ерлігін еске алуға мүмкіндік беретін ерекше атмосфера қалыптастырды.Ақпарат көзі : https://www.gov.kz/memleket/entities/aqmola/press/news/details/933502

«Барша ақмолалықтардың атынан Никиша Денисті, Хан Янаны, Жақсыбаев Мерсаидті және Тихонова Ольганы (Қытай) қаласында өтіп жатқан IX қысқы Азия ойындарындағы күміс жүлдесімен құттықтаймын!Сіздер шорт-тректен 2000 метрлік аралас эстафетада жоғары шеберлік танытып, күміс жүлдеге қол жеткіздіңіздер.Бұл жетістік бапкерлеріңіздің сенімін ақтап, жанкүйерлеріңізді қуантты, сондай-ақ аймақ спортшыларының жоғары деңгейде дайындалғанын тағы бір мәрте дәлелдеді.Алдағы жарыстарда жеңістеріңіз көбейіп, денсаулықтарыңыз мықты, отбасыларыңыз аман, табыстарыңыз мол болсын!» – делінген құттықтауда.Еске сала кетейік, бүгін Харбин (Қытай) қаласында өтіп жатқан IX қысқы Азия ойындарында ақмолалық шорт-трекшілер 2000 метрлік аралас эстафетада ел қоржынына алғашқы жүлдені – күміс медальді сыйлады.Ақпарат көзі : https://www.gov.kz/memleket/entities/aqmola/press/news/details/934217

Премьер-министр Олжас Бектенов Ақмола облысына жұмыс сапары аясында Қосшы қаласын дамытудың бас жоспарымен танысып, өңірде әлеуметтік инфрақұрылым құру бойынша атқарылып жатқан жұмыстардың барысын тексерді. Ақмола облысының әкімі Марат Ахметжанов Премьер-министрді өңірдің әлеуметтік-экономикалық дамуы туралы хабардар етті.Қазіргі уақытта қалада ресми түрде 59 мыңға жуық адам тұрады, бұл ретте бағалау деректері бойынша тұрғындардың нақты саны 100 мыңнан астам адамды құрайды. 30 мың тұрғынға есептелген инженерлік желілерге айтарлықтай үлкен жүктеме түсуде. Болжам бойынша, халық саны 2038 жылға қарай 150 мыңға дейін өседі.Жаңа бас жоспар аумақты кеңейтуді, жаңартылған қызмет көрсету аймақтарына бөлуді, сондай-ақ инженерлік және көлік инфрақұрылымын жаңғыртуды көздейді. Қосшы әкімі Азамат Қапышев Үкімет басшысына қаланың тұрғын үй қорын кеңейту, жаңа әлеуметтік және инфрақұрылымдық нысандар ашу, сауықтыру аймақтарын дамыту және тағы басқа да жоспарланған шаралар туралы баяндады.Жаңа көппәтерлі тұрғын үйлердің құрылысына 360 гектардан астам, жеке тұрғын үй құрылысына 900 гектардан астам жер телімі бөлінген. Сондай-ақ 2038 жылға дейін 31 балабақша, 16 жалпы орта мектеп, облыстық аурухана және 7 емхана салу жоспарланып отыр. Коммуналдық инфрақұрылымды дамыту және қосымша қуаттарды құру мақсатында жаңа қазандық, қосалқы электр стансасы мен ЭБЖ, сумен жабдықтау, тазарту құрылыстары және басқа да нысандар салу көзделген. 2024 жылы «Сары-Арқа» магистралды газ құбыры арқылы қаланы көгілдір отынмен қамту жұмыстары басталып, 2026 жылы аяқталады. Бұдан басқа, өндірістік және коммуналдық кәсіпорындарға арналған алаңдар салынады. Өнеркәсіпті дамыту және қаланың солтүстік-батыс бөлігінде жаңа жұмыс орындарын құру үшін жалпы ауданы 264 га индустриялық аймақ ашу көзделген. Елордаға апаратын жол салу жоспарлануда.Сонымен қатар саябақтар мен жаяу жүргіншілерге арналған гүлзарларды абаттандыру, ойын және спорт нысандары бар балалардың ойын-сауық және демалыс саябағын ашу жоспарланған. Жасыл желектер отырғызуға бөлінген жалпы аумақ 132,5 гектарды құрайды. Әкімшілік ғимараттар, орталық стадион, мұз сарайы, дене шынықтыру-сауықтыру кешендері, мәдениет үйлері, жаңа неке сарайы, оқушылар сарайы, театр, балалар мен жасөспірімдер спорт мектебін салу үшін аумақтар қарастырылған.Күрделі мәселелерді шешуге ерекше көңіл бөлінді. Атап айтқанда, Премьер-министр жаңа өрт сөндіру депосы құрылысының барысымен танысты. 4 жылдан кейін жұмыстың тек 60%-ы аяқталған. Алайда, мердігер ұйым қаржыландырудың жеткіліксіз екені туралы хабарлаған. Шарт бойынша заманауи қондырғылармен жабдықталған нысан құрылысына 1,2 млрд теңгеге жуық қаражат бөлінді. Олжас Бектенов қосымша қаржы қарастырылмайтынын, қаражат тек ЖСҚ-ға енгізілген сома шегінде бөлінетінін баса айтты. Премьер-министр мердігерлік ұйымнан жақын арада жұмыстарды аяқтауды талап етті, орындалмаған жағдайда шарт бұзылады.Сондай-ақ 537 үлескердің, оның ішінде «Сирень бағы» тұрғын үй кешенінің көпжылдық мәселесін шешу туралы баяндалды. Жаңа мердігер қала күніне орай 106 тұрғынға баспана кілті табысталады деп уәде беріп отыр, тағы 209 отбасы жақын арада көптен күткен жаңа үйлеріне қоныстанады. Өз кезегінде, өнеркәсіп және құрылыс министрі Қанат Шарлапаев тиісті заңнаманы жетілдіру бойынша жүргізіліп жатқан жұмыстар туралы хабарлады. Жұмыс сапары барысында Қосшыдағы көпсалалы аурухана құрылысына барған Олжас Бектенов өңірде тұрғындарға көрсетілетін медициналық қызмет сапасын арттыру бағытында атқарылып жатқан жұмыстарды тексерді. 350 орындық стационары және бір ауысымда 1 мың келушіге дейін қабылдай алатын емханасы бар медициналық мекеме қала және Ақмола облысының астана маңындағы жеті ауданы тұрғындарына қызмет көрсетеді. Бүгінгі таңда Қосшы тұрғындарына мемлекеттік және жеке емханаларда ауысымына 250 келушіге дейін медициналық көмек көрсетіледі. Сонымен қатар соңғы 2 жылда тіркелген халық саны 24 мыңнан 42 мың адамға дейін өсті. Көпсалалы аурухананың құрылысы орын тапшылығы мәселесін шешеді. Мұнда хирургия, травматология, кардиохирургия, нейрохирургия, онкология, химиотерапия және басқа да бөлімшелер жұмыс істейді. Бұдан басқа, аумақта медицина қызметкерлеріне арналған екі көппәтерлі тұрғын үй және қала сыртынан келетін науқастарды орналастыру үшін пансионат құрылысы қарастырылған.Нысан Viamedis компаниясының жеке инвестициясы есебінен 28 млрд теңгеден астам сомаға салынуда. Оның 9 млрд теңгеден астамы аурухананы Siemens неміс компаниясының заманауи медициналық жабдықтарымен қамтамасыз етуге жұмсалады деп жоспарланып отыр. Премьер-министрге «Viamedis» ЖШС бас директоры Әсет Ахметов құрылыс-монтаждау жұмыстары мерзімінен бұрын жүргізіліп жатқанын баяндады. Жұмысқа барлығы 200-ге жуық адам жұмылдырылған, құрылыс материалдары негізінен отандық өндірушілерден сатып алынады. Емхана осы жылдың соңына дейін, стационар 2026 жылы ашылады деп жоспарланған. Медициналық жаңа мекеменің іске қосылуы 956 жұмыс орнын ашуға мүмкіндік береді.Естеріңізге сала кетейік, Мемлекет басшысы Үкіметтің кеңейтілген отырысында азаматтардың тұрмыс сапасына әсер ететін барлық мәселелерге назар аударуды тапсырды. Үкімет әлеуметтік және инженерлік инфрақұрылымды жаңғырту бойынша жүйелі жұмыс жүргізуде. primeminister.kzАқпарат көзі : https://www.gov.kz/memleket/entities/aqmola/press/news/details/934222

Ақмола облысының спортшысы Константин Борцов қысқы Азия ойындарындағы спринтерлік жарыста ел құрамасының қоржынына тағы бір медаль салды.«Жерлесіміз Константин Борцовты Азия ойындарының күміс жүлдесімен құттықтаймыз!Шаңғы жарысының ең тартысты сайыстарының бірі – классикалық спринтте біздің спортшымыз табысты өнер көрсетіп, қызу бәсекеде екінші орынға ие болды!Бүгінгі таңда бұл – біздің спортшылар жеңіп алған екінші медаль. Алдағы жарыстарда сәттілік тілейміз. Сіздер – Ақмола облысының мақтанышысыздар!» – деп атап өтті Ақмола облысының әкімі Марат Ахметжанов.Еске сала кетейік, Харбин (Қытай) қаласында өтіп жатқан IX қысқы Азия ойындарында ақмолалық шорт-трекшілер – Денис Никиша, Хан Яна, Мерсаид Жақсыбаев және Ольга Тихонова 2000 метрлік аралас эстафетада күміс жүлдеге ие болды.Ақпарат көзі : https://www.gov.kz/memleket/entities/aqmola/press/news/details/934260

«Қысқы Азия ойындарындағы тарихи жеңісімен ақмолалық спортшылар мен олардың бапкерлерін шын жүректен құттықтаймын!Біздің шорт-трекшілер Қазақстан спортының жаңа парағын ашып, 5000 метрлік эстафетада Азия ойындарының алғашқы алтынын жеңіп алды! Әсіресе, бұл жеңіске ақмолалық жерлестеріміз – Денис Никиша мен Мерсаид Жақсыбаевтың өз үлестерін қосқаны біз үшін үлкен қуаныш. Олардың шеберлігі, жеңіске деген жігері мен жанкешті еңбегі елімізге жоғары марапат әкелді!Сондай-ақ, біздің қыздар да күміс медаль жеңіп алып, керемет жетістікке жетті! Ольга Тихонова мен Яна Ханның осы жеңіске қосқан үлесіне мақтанамыз!Бұл жеңістер – спортшыларымыздың талантының, қажырлы еңбегі мен биік белестерді бағындыруға деген ұмтылысының айқын дәлелі. Олар жастарға үлгі болып, бәрімізге жігер береді!Спортшыларымызға зор денсаулық, жаңа жетістіктер және ең биік спорттық тұғырларды бағындыруды тілеймін!» – делінген облыс әкімінің құттықтауында.Ақпарат көзі : https://www.gov.kz/memleket/entities/aqmola/press/news/details/934284

Облыс әкімінің төрағалығымен өткен жиында өңірдегі туризмді дамыту мәселесі қаралды.Асхат Шахаров жол бойындағы сервисті дамытудың және саяхатшыларды тарту үшін жаңа туристік нысандарды құрудың маңыздылығын атап өтті. Атап айтқанда, ол демалуды ғана емес, сауықтыру немесе табиғи көрікті жерлерді іздейтін туристер арасында агро және эко-туризм, медициналық туризм бағыттары танымал бола бастағанын алға тартты. Аймақ басшысы атап өткендей, бұл сала инфрақұрылымды дамытуға және осы бағытта жаңа жұмыс орындарын құруға мүмкіндіктер ашады.Кәсіпкерлік басқармасының басшысы Алмас Салықбаевтың ақпараты бойынша, Ақтөбе облысында жол бойындағы сервистің 118 нысаны, 3 санаторий-профилактория, 8 ерекше қорғалатын табиғи аумақ, оның ішінде Ырғыз-Торғай мемлекеттік табиғи резерваты жұмыс істейді. Облыста сонымен қатар республикалық және жергілікті маңызы бар 859 тарих және мәдениет ескерткіштері бар.Бүгінгі таңда ең тартымды туристік нысандардың бірі – Қасқыр сарқырамасы, «Көк жайлау» демалыс базасы, «Зәру» пантотерариясы. Алмас Салықбаевтың пікірінше, онда инвестициялық жобаларды жүзеге асыруға болады. Алдымен бірқатар проблемалық мәселені шешкен жөн. Олар жолдарды жөндеуге, ұялы базалық станцияларды орнатуға және объектілерге іргелес аумақтарды абаттандыруға қатысты.«Бұл орындар туристік нысандар ғана емес, сонымен қатар туристердің үлкен ағынын тарта отырып, өңірдің курорттық аймақтарына айналуы мүмкін. Алайда инфрақұрылымның болмауы туристік нысандардың жұмысына шектеу келтіріп отыр. Кәсіпкерлер глэмпингтер салуға, қайықпен және жаяу серуендеуді ұйымдастыруға дайын. Инфрақұрылымды жақсарту өз кезегінде туристер үшін қолайлы жағдай туғызады және өңірдің туристік нарықтағы бәсекеге қабілеттілігін арттырады», - деп атап өтті Алмас Салықбаев.Ол сондай-ақ облыс бойынша үш жыл ішінде 21 кэмпинг салу жоспарланғанын мәлімдеді. Биыл Ақтөбеде «Hilton hotel» қонақ үй кешенін тапсыру жоспарлануда. Қазір Алтын Орда шағын ауданында 4-5 жұлдызды қонақ үй және Қарғалы су қоймасы аумағында Визит орталық салу қарастырылуда.«Біз туризмді дамытуды ынталандыру үшін субсидиялар бөлуді қарастырып, инвесторларға жан-жақты қолдау көрсетуіміз керек. Инфрақұрылымды дұрыс дамыту, жаңа туристік нысандарды құру және кәсіпкерлерді қолдау туристерді тартуға ғана емес, сонымен қатар өңірдегі экономикалық жағдайды айтарлықтай жақсартуға көмектеседі. Бұл жаңа жұмыс орындарын ашады, жергілікті тұрғындардың табысын арттырады және тұрақты экономикалық өсімді қамтамасыз етеді», - деді облыс әкімі.Сондай-ақ, өңір басшысы Қасқыр сарқырамасы аймағында жол салу және ұялы байланыс мұнарасын орнату жобасын әзірлеуді тапсырды.«Біз өңірдің туризмін дамытуға қолдау көрсетуіміз қажет. Ол үшін Қасқыр сарқырамасы аймағында жол салу және ұялы байланыс мұнарасын орнату маңызды. Мен қолжетімділік пен инфрақұрылымды жақсарту, сондай-ақ туристер үшін қолайлы жағдай жасау үшін биыл жұмысты бастауды тапсырамын», - деп қорытындылады әкім.Ақпарат көзі : https://www.gov.kz/memleket/entities/aktobe/press/news/details/931954

Ауданның 90 жылдығына орай хромтаулықтарға «Қазхром» ТҰК» АҚ компаниясы осындай сыйлық жасады.Өңір басшысы мәдени орталықтың ашылуында болды. Асхат Шахаров Хромтау ауданының тұрғындарын мерейтойымен құттықтап, жастардың шығармашылығы мен дамуы үшін маңызды орталыққа айналатын жобаны іске асыруға белсенді қатысқаны үшін ERG компаниясының басшылығына алғысын білдірді.«Мемлекет басшысы әрқашан ұлттың күші тек экономикалық әл-ауқатында ғана емес, оның рухани байлығында да екенін атап көрсетті. Мәдениет – халықтың жаны, оның жады және болашағы. Осы орталықты ашу арқылы біз әр адамға бай мәдени мұрамыз туралы жан-жақты оқып біліп, оның дамуына үлес қоса алатын кеңістік жасаймыз. Біз жұмысшы мамандықтар жылында өңіріміздің өркендеуіне еңбегі сіңген азаматтарды ерекше бағалаймыз. Осы мәдени-демалыс орталығы қала тұрғындарының сүйікті мекені, өнерді, шығармашылықты құрметтейтін, рухани дамуға ұмтылатындар үшін керемет орта болатынына сенімдіміз», - деді құттықтау сөзінде облыс әкімі Асхат Шахаров.Сондай-ақ, өңір басшысы былтырғы жылдың желтоқсан айында Мемлекет басшысы ауданның әлеуметтік-экономикалық дамуымен танысып, оның болашағына оң баға бергенін еске салды.«Бұл – ауданның келешегіне артылған зор сенім. Ендігі міндет – осы қолдауды ақтап, өңіріміздің қарқынды дамуын жалғастыру, жетістіктерді еселеп, жаңа белестерді бағындыру», - деп атап өтті әкім.Мәдениет нысаны Ақтөбе облысының әкімдігі мен Eurasian Resources Group (ERG) арасында әлеуметтік маңызы бар жобаларды іске асыру туралы меморандум аясында бой көтерді. Оның құрылысына топтың құрамындағы «Қазхром» ТҰК» АҚ 1,6 млрд. теңгеден астам қаражат бөлген. Ал жобаның жалпы құны – 1,8 млрд. теңге.Мәдени-демалыс орталығының ашылуына «Еуразиялық Топ» ЖШС Бас директоры Серік Шахажанов та қатысты. Оның сөзінше, бірнеше жыл бұрын ERG басшылығымен кездесулердің бірінде Дөң КБК қызметкерлері Хромтауда заманауи кинозал ашу туралы тілек білдірген, хромтаулықтар кино көру үшін облыс орталығына қатынап жүрген. Компания басшылығы Хромтау қаласы халқының өсуін ескере отырып, мәдени-демалыс орталығын құру туралы шешім қабылдаған.«Біздің компания жайлы еңбек жағдайларына ғана емес, қызметкерлеріміздің өміріне де көңіл бөледі. Шахтерлер мен кеншілер қаласы өсіп, дамып келеді, сондықтан кинотеатрдың орнына түгелдей мәдени-демалыс орталығын салу туралы шешім қабылданды. Біз өз қызметкерлеріміз бен Хромтау тұрғындарының сауалдарына сүйене отырып жүзеге асыратын барлық әлеуметтік жобалар адамдардың өмірін жақсартады деп үміттенеміз», - деді Серік Шахажанов.Жаңа мәдени-демалыс орталығы – 400 орындық, цифрлық кино көрсету жүйесі, көрме кеңістігі және оқу сыныптары бар заманауи аудиториямен жабдықталған.Облыс әкімі орталықтың мүмкіндіктерімен танысып, сахнаны, көрермендер залы мен шығармашылық үйірмелерге арналған кабинеттерді тамашалады. Хромтау ауданының әкімі Нұрхан Тілеумұратов орталықтың қосымша жұмысы туралы айтып, мұнда вокал, хор, аспаптық өнер және актерлік шеберлік үйірмелері ашылатынын, бұл жас таланттар үшін үлкен мүмкіндіктер туғызатынын атап өтті.Ауданның 90 жылдығын мерекелеу аясында Хромтауда аудандық ұйымдар мен кәсіпорындардың қызметкерлерін марапаттау рәсімі өтті. Облыс әкімі өңірдің дамуына елеулі үлес қосқан хромтаулықтарға төсбелгілер мен алғыс хаттар табыс етті. 2025 жылдың «Жұмысшы мамандықтар жылы» болып жариялануына байланысты жұмысшы мамандықтардың өкілдеріне ерекше көңіл бөлінді.Ақпарат көзі : https://www.gov.kz/memleket/entities/aktobe/press/news/details/932544

Хромтау ауданына жұмыс сапары аясында облыс әкімі Асхат Шахаров Хромтауда орналасқан ERG Ғылыми-зерттеу инжинирингтік орталығының жаңа зертханасына барды.Бұл заманауи ғылыми кешен қолданбалы зерттеулер жүргізуге және өндірістік процестердің тиімділігін арттыруға бағытталған инновациялық шешімдерді сынауға арналған.Әкім заманауи технологиялар мен жабдықтардың арқасында минералды шикізатты өңдеу әдістерін әзірлеуге және жетілдіруге мүмкіндік беретін зертхананың жабдықталуымен танысты. Бұл зертхана – қазіргі технологиялық процестерді қолдап қана қоймай, сонымен қатар өндірістің тиімділігі мен тұрақтылығына тікелей әсер ететін инновациялық шешімдерді құрудың орталығы.Зертхана директоры Гүлнұр Әбікенова жобаның құны 928 млн теңгені құрағанын, қазір мұнда минералды шикізатты байыту саласында ғылыми зерттеулермен айналысатын 8 адам жұмыс істейтінін жеткізді.Асхат Шахаров өңірдегі ғылым мен техниканы дамыту үшін осындай бастамалардың маңызына тоқталып, компанияға Қазақстанның өнеркәсіптік әлеуетін нығайтуға көмектесетін инновацияларға қосқан үлесі үшін алғысын білдірді.Ақпарат көзі : https://www.gov.kz/memleket/entities/aktobe/press/news/details/932828

Хромтау гимназиясында «Codi Play» инновациялық жобасының көмегімен оқушылар жасанды интеллектпен жұмыс істеу дағдыларын игеріп, болашақ технологиялар әлемінде жаңа көкжиектерін ашады.Хромтау қаласының №5 гимназиясында ERG компаниясының қолдауымен цифрлық білім беру тетіктері енгізілді. 2024 жылы компания оқу орнын жаңғыртуды қаржыландырып, заманауи жабдықтармен және инновациялық білім беру бағдарламаларымен қамтамасыз еткен.Хромтау ауданына жұмыс сапары аясында облыс әкімі Асхат Шахаров гимназияда болып, оқушылардың жетістіктерімен танысты.Білім ошағы ERG компаниясының 179,5 млн теңге көлеміндегі инвестицияларының арқасында күрделі жөндеуден өтіп, заманауи жабдықтармен қамтылды: оқу кабинеттерінде интерактивті панельдер орнатылды, асхана блогы толығымен жаңартылып, спорт және акт залдары үшін қажетті жабдықтар сатып алынды.Асхат Шахаров мұғалімдер мен оқушыларға арналған қолайлы жағдайларды бағамдап, бұл білім алушылардың тиімді оқуы мен дамуына ықпал ететін атап өтті.Гимназия оқушылары облыс әкіміне әлемнің 13 елінде енгізілген «Codi Play» инновациялық құрылғыларының жұмысын ұсынды. Бұл білім беру жүйесі балаларға инженерлік ойлау мен логикалық шешім қабылдауды дамыта отырып, Заттар интернетін (IoT) бағдарламалау мен технологияны ойын түрінде меңгеруге көмектеседі.ERG қолдауымен жабдықталған STEM және шығармашылық орындарға ерекше назар аударылды. Олардың ішінде, инновациялық құрылғылармен жұмыс істеуге және «Codi Play» робототехникасын зерттеуге арналған кабинет, қыздарға арналған «Creativity Studio» шығармашылық шеберханасы және ғылыми тәжірибеге арналған зертханасы бар химия кабинеті бар.Асхат Шахаров гимназияда заманауи білім беру технологияларын енгізудің маңызына тоқталып, сапалы білім беру мен болашақта бәсекеге қабілетті мамандарды даярлаудың негізі екенін тілге тиек етті.«Ауылдағы мектеп біліміне цифрлық технологиялар мен жасанды интеллектті енгізу – әлемдік деңгейде бәсекеге түсе алатын болашақ мамандарды даярлаудағы маңызды қадам. Ел Президенті жасанды интеллектіні оқу үдерісіне енгізуді қамтамасыз ету міндетін қойды және біз оның Хромтауда шындыққа айналғанын көріп отырмыз. Білім беруді цифрландыру біздің балаларымызға болашақта табысты болуға көмектесетін озық білім мен дағдыларға қол жеткізуге мүмкіндік береді. Бұл білім беру сапасын жақсартып қана қоймай, қала мен ауыл арасындағы алшақтықты қысқартып, ауылдық аумақтарды дамытуға жаңа мүмкіндіктер ашады», - деді облыс әкімі.Асхат Шахаров «Codi Play» жобасы сияқты бастамалар заманауи технологиялардың ауыл мектептерін дамыту және аймақтық деңгейде бәсекеге қабілетті мамандар даярлау құралы бола алатындығының тамаша үлгісі екендігіне назар аударды.Ақпарат көзі : https://www.gov.kz/memleket/entities/aktobe/press/news/details/932833

Хромтау ауданында Мемлекет басшысы Қасым-Жомарт Тоқаевтың тапсырмасына сәйкес баламалы энергетиканы дамытуға бағытталған маңызды жоба іске асырылуда.Ауданға жұмыс сапары барысында Ақтөбе облысының әкімі Асхат Шахаров жел электр станциясының (ЖЭС) құрылыс барысымен танысып, өңір үшін жаңартылатын энергия көздерін пайдаланудың артықшылықтарын бағалады.Жобаның құны 74,2 млрд теңге, белгіленген қуаты – 150 МВт. Құрылыстың толық аяқталуы биыға жоспарланған. Қазіргі уақытта қуаты 12,5 МВт құрайтын екі жел генераторы пайдалануға берілді, олар – Қазақстандағы ең қуатты жел қондырғыларының қатарында. Өндірілген алғашқы электр энергиясы Дөң тау-кен байыту комбинатының 35 кВ электр желісіне берілді.ЖЭС толық қуатқа шыққаннан кейін көмірқышқыл газы (CO₂) шығарындыларының жылына 500 мың тоннадан астам төмендеуі күтілуде. Сонымен қатар, Хромтау ауданында жалпы құны 115 млрд теңгені құрайтын жел электр станцияларын салу бойынша тағы екі жоба іске асырылуда.Облыс әкімі бұл жобаны жүзеге асыру өңірдің энергетикалық тұрақтылығын қамтамасыз етудегі маңызды қадам болатынын және энергияның неғұрлым экологиялық көздеріне көшуге ықпал ететінін атап өтті. Оның айтуынша, жел энергиясын пайдалану көміртегі қышқылын азайтып қана қоймай, жаңа жұмыс орындарын ашады, сондай-ақ Қазақстанның «жасыл» энергетикасын дамытуға үлес қоса отырып, өңір экономикасын нығайтады.Айта кету керек, 2024 жылы ауданға тартылған инвестициялар көлемі 243 млрд теңгені құрады, бұл облыстағы инвестициялардың жалпы көлемінің 27%-ы.Ақпарат көзі : https://www.gov.kz/memleket/entities/aktobe/press/news/details/933349

Хромтау ауданы Оңғар ауылында ең табысты және үлгілі шаруа қожалықтарының бірі – «Данияр» ШҚ орналасқан. Серік Оразымбетов басқаратын қожалық ауыл шаруашылығын тиімді дамытып қана қоймай, жергілікті тұрғындардың ауылда өмір сүру жағдайларын жақсартуға қолғабыс етіп келеді.«Данияр» шаруа қожалығы аудан өміріне белсенді араласады және қарияларға, көпбалалы отбасыларға және жастарға көмек көрсете отырып, қайырымдылық қызмет көрсетумен айналысады.ШҚ басшысы өз бастамасымен былтыр мамыр айында өз қызметкерлеріне он үй салуды бастаған. 2025 жылдың қаңтарында алғашқы отбасылар осы үйлерге қоныстанды.«Әрқашан кез келген істің сәтті шығуы жаныңда жұмыс істейтін адамдарға байланысты деп ойлаймын. Менің жұмысшыларым - менің нағыз серіктестерім және отбасым. Оларға қамқорлық жасау – менің міндетім. Үй салу – бұл үлкен бизнестегі шағын қадам, бірақ бұл олардың өмірін жақсартуға көмектеседі және біздің ұжымда одан да күшті қарым-қатынас орнатады деп сенемін. Біз әрқашан ұжымның әрбір мүшесінің өздерін үйіндегідей сезінгенін қалаймыз және оларды қолдаймыз», - деді «Данияр» ШҚ басшысы Серік Оразымбетов.Жаңа үйге алғашқылардың бірі болып көпбалалы Төлемісовтердің отбасысы жаңа үйге көшті. Отағасы Бағдат Төлемісов шаруа қожалығында жұмыс істейді және егін жинау үшін комбайн басқарады. Өз қызметкерінің еңбекқорлығы мен жауапкершілігін көрген Серік Оразымбетов оған жаңа үйдің кілтін табыстады.«Баспана – бұл жайлылық қана емес, болашаққа деген сенімділік. Біз бұл күнді ұзақ күттік, енді бізде бүкіл отбасымыз бақытты өмір сүретін жайлы орын бар. Басшымыз Серік Оразымбетовке бізді жұмыспен қамтамасыз етіп қана қоймай, жақсы өмір сүруге жағдай жасағаны үшін көп рахмет. Бұл отбасымызға маңызды көмек және өте жоғары бағалаймыз», - деп Бағдат Төлемісов жұмыс берушіге алғысын білдірді.Облыс әкімі Асхат Шахаров Хромтау ауданына жұмыс сапары барысында Серік Оразымбетовпен кездесіп, жаңа қоныс иелерін өміріндегі маңызды оқиғамен құттықтады.«Сіз – адамдарға қамқорлық пен ауыл тұрғындарын қолдаудың нағыз үлгісі болып отырсыз. Жұмысшыларға арналған тұрғын үй салу бастамаңыз, көпбалалы отбасыларға көмектесу және қайырымдылық – бұл басқа кәсіпкерлерге күш беретіндей әлеуметтік жауапкершіліктің жарқын көрінісі. Сіздің іс-әрекеттеріңіз аудандағы өмірді жақсартуға айтарлықтай әсер етеді және ең жоғары құрметке лайық», - деді әкім ШҚ басшысына.Жаңа қоныс иелерімен кездесу соңында Асхат Шахаров оларға денсаулық және бақ-береке тілеп, ұжымға қолдау мен көңіл бөлу кез келген бизнестің маңызды құрамдас бөлігі болуы тиіс екенін атап өтті.Ақпарат көзі : https://www.gov.kz/memleket/entities/aktobe/press/news/details/933358

– Кез келген реформаны жан-жақты сараптап, байыппен жүргізген жөн. Экономика салаларының ерекшеліктерін ескере отырып, түрлі нұсқаларды әзірлеу керек. Қосымша құн салығына қатысты бұған дейін көзқарасымды білдірмеген едім. Өйткені қызметтік дәрежеме сәйкес, менің әрбір сөзім, пікірім қатаң тапсырма сияқты қабылданады. Соған қарамастан бұл мәселе бойынша ойымды жеткізгім келеді. Қалай десек те, қосымша құн салығының мөлшерлемесі сараланып белгіленуге тиіс. Үкімет түпкілікті шешімді білікті сарапшылардың, қайталап айтамын, білікті сарапшылар мен кәсіпкерлердің, әлбетте депутаттардың пікіріне құлақ аса отырып, нақты есептеулер негізінде қабылдағаны дұрыс. Бір анығы, Үкіметтің қазіргі ұсынып отырған мөлшерлемесі тым жоғары. Сіздер нақты цифрды айттыңыздар. Оны қоғам қызу талқылады. Тіпті, кей жағдайда артық сөздер де айтылды. Дегенмен, бұл қоғам талқысына алдын ала салынған ұсыныс болатын. Тағы қайталап айтамын, Үкіметтің бұл бағыттағы жұмысы бизнес, қоғам, кәсіпкерлер, сарапшылардың, яғни барлық тараптың пікірі ескеріле отырып жалғасуы керек. Биыл нақты шешім қабылдануға тиіс. Мен бұған дейін де айттым: Үкімет бұл мәселені депутаттармен және сарапшылармен егжей-тегжейлі талқылауы керек. Бүгін айтылған ой-пікірлер де ескеріледі. Мемлекетке барынша оңтайлы шешім қажет. Яғни бір жағынан бизнес жүргізуге кедергі келтірмей, қолайлы жағдай жасайтын, ал екінші жағынан, салыққа қатысты тәртіпті күшейтіп, бюджет кірісін арттыратын тиімді жолды табуымыз қажет, – деді Қасым-Жомарт Тоқаев.t.me/aqorda_resmi Ақпарат көзі : https://www.gov.kz/memleket/entities/aktobe/press/news/details/933990

Облыстық мәслихаттың он сегізінші сессиясында депутаттар бюджетке 38,1 млрд теңге мөлшерінде нақтыланған түсімдерді бөлді. Бұл қаражат аймақтың маңызды мәселелерін шешуге бағытталды.Сессия жұмысына облыс әкімі Асхат Шахаров қатысты.Сессия барысында облыстық мәслихат төрағасы Гүлқасима Сүйінтаева былтыр депутаттардың атқарған жұмыстары туралы есеп беріп, халықтың өмір сүру сапасын жақсартуға бағытталған бірқатар ірі инфрақұрылымдық жобалардың табысты іске асырылғанын атап өтті.Одан кейін экономика және бюджеттік жоспарлау басқармасының басшысы Нұржан Мақсатов облыстық бюджеттің кіріс бөлігін ұлғайту және қала бюджетінен игерілмеген трансферттерді қайтару есебінен қамтамасыз етілген нақтылаулар мен қосымша түсімдер негізінде бюджет қаражатын қайта бөлу жөніндегі жобаны ұсынды.Жобаға сәйкес 38,1 млрд теңге облыстың бірқатар елді мекеннің газ және сумен жабдықталуы мәселелерін шешуге, жолдар бойынша 13 жобаны іске асыруға, қалада кәріз желілерін қайта жаңартуға, Мәртөк ауданы Достық ауылы мен Ырғыз ауданы Қалыбай ауылдарында екі мектеп, Шалқар мен Хромтаудағы спорт кешендерін салуға, Темір ауданының Шұбарқұдық кентінде жабық бассейн, Алтын Орда шағын ауданындағы мүмкіндігі шектеулі жандарға арналған спорт кешені және Кеңқияқ ауылында спорттық-сауықтыру кешенінің құрылысын аяқтауға бағытталды. Сондай-ақ, қаражаттың бір бөлігі Ақтөбеде 150 орындық оңалту орталығын салуға және басқа да міндеттерді жүзеге асыруға көзделді.«Айта кетейік, 38 миллиард теңге – бұл орасан зор қаражат және ол маңызды салаларға: білім беру, денсаулық сақтау, спорт және инфрақұрылымға бағытталған. Біз тұрғындармен кездескен кездегі көтерген мәселелерді шешеміз. Мен ай сайын барлық мәселені тікелей талқылау үшін азаматтарды қабылдап жүрмін. Сондай-ақ, өзекті мәселелерді шешу үшін депутаттармен белсенді жұмыс істейміз. Облыстың әр тұрғыны нақты өзгерістерді сезініп, көз жеткізуіне тырысып бағамыз. Бүгінгі таңда бюджет қаражатын бөлгеннен кейін алдымызға қойылған мақсаттарды іске асыру үшін көп мүмкіндік бар. Өңірімізді дамыту бағытындағы жұмыстарды жалғастырып, азаматтарымыздың өмір сүру сапасын жақсартуға ұмтыламыз», - деп облыс әкімі алға қойған міндеттерге назар аударды.Ақпарат көзі : https://www.gov.kz/memleket/entities/aktobe/press/news/details/934006

«Мемлекеттік тілдің сот жүйесінде қолданылу мәселелері» атты тақырыпта Қ. Жұбанов атындағы университеттің «Мәңгілік ел» залындағылыми-практикалық конференция өтті.Оған аймақ басшысы Асхат Шахаров пен Жоғарғы Сот судьясы Досжан Әмір қатысты.Конференция сот және құқыққорғауоргандарының өкілдерін, сондай-ақ университеттің заң пәндерінің оқытушылары мен студенттерін жинады.Іс-шараны ашқан Жоғарғы Сот судьясы Досжан Әмір Қазақстанның құқықтық жүйесін одан әрідамытудағы талқыланатын тақырыптыңмаңызын атап өтті.«Сот жүйесінде мемлекеттік тілді қолдану – бұл қажеттілік қана емес, еліміздің құқықтық негіздерін нығайтудағы маңызды қадам. Біз сот төрелігін қоса алғанда, өмірдің барлық саласында қазақ тілін сапалы пайдалану үшін жағдай жасауымыз керек», - деп атап өтті Жоғарғы Сот судьясы. Облыс әкімі сондай-ақ сот процестерінде мемлекеттік тілді қолдану жергілікті билікбасымдық беруі тиіс екеніне баса назар аударды.«Мемлекеттік тіл сот ісін жүргізуде маңызды рөл атқарады. Бұл салада мемлекеттік тіл саясатындамыту бойынша өзара ынтымақтастық туралыМеморандумға қол қойылды. Осы құжат аясында тиісті іс-шаралар өткізіледі. Жалпы, мемлекеттік тілде іс қағаздарын жүргізу мәселелері – жіті назарда. Тіл заңнамасының сақталуына мониторинг және бақылау жүргізіледі. Былтырғы жылдың қорытындысыбойынша облыстағы мемлекеттік органдардамемлекеттік тілдегі шығыс құжаттарының үлесі97,5% құрады. Мемлекеттік органдар мен сот инстанцияларының бірлескен күш-жігері мемлекеттік тілдің ұстанымын одан әрі нығайтуға және оны сот ісін жүргізуде толыққанды пайдалану үшін барлық қажетті жағдайларды жасауға мүмкіндік беретініне сенімдімін», - деді әкім.Айта кету керек, 2024 жылы облыстық соттарда48 мыңға жуық іс қаралды, оның 22 719-ы мемлекеттік тілде қаралған, бұл – 48%. Өңірхалқының 85,5% қазақтар екенін ескере отырып, істің 48% сот билігі мен өкілетті органдардың бірлескен күш-жігерін, сондай-ақ осы бағыттанақты шаралар қабылдауды талап етеді, - деп атап өтті спикерлер.Конференция сот актілері мен құжаттарында қазақ тілін қолдану проблемаларын, мемлекеттіктілді кәсіби деңгейде меңгерген мамандардыдаярлауды, сот жүйесінде қазақ тілін қолдану сапасын жақсартуға бағытталған құқықтық бастамаларды, заңгерлерді қазақ тілін белсенді қолдануға ынталандыру үшін қабылданатын шараларды қоса алғанда, көптеген мәселелердіқозғады.Судьялар мен прокурорлар сот процестерінде қазақ тілімен жұмыс істеу тәжірибесімен бөлісіп, елеулі прогреске қарамастан, кадрлардың тілдік даярлығының деңгейін арттыру, қосымша білім беру курстарын әзірлеу және заң терминдерін аудару үшін жаңа технологияларды енгізу сияқты бірқатар міндеттерді шешу қажет екенін атап өтті.Құқық қорғаушылардың, судьялар мен адвокаттардың жұмысын жеңілдететін қазақ тілінде бірыңғай терминологиялық базаны әзірлеу қажеттілігіне ерекше назар аударылды.Конференция соңында қатысушылар сот жүйесінде тіл саясатын одан әрі дамытудыңмаңыздылығы туралы ортақ пікірге келді.Ақпарат көзі : https://www.gov.kz/memleket/entities/aktobe/press/news/details/934178

Өңір басшысымен кездесуге облыстың 14 тұрғыны келді. Олар жұмысқа орналасу, әлеуметтік көмек көрсету, тұрғын үй беру мәселелерімен жүгінді.Темір ауданының тұрғыны Б.Өтемұратов аймақ басшысынан материалдық көмек көрсетуді өтінді. Оның тұрғын үйі апатты жағдайда. Ер адам 12-ші болып баспана кезегінде тұр. Әкім мәселені бақылауға алуды және қолданыстағы заңнамаға сәйкес көмектің ықтимал нұсқаларын қарауды тапсырды.Парасат тұрғыны тұрғын алапта көшені жарықтандыру мәселесін көтерді. Жауапты басқарма мәселені пысықтауы тиіс.Сондай-ақ, азаматтарды қабылдау кезінде мемлекеттік сатып алулар конкурсын өткізу және қаланы одан әрі дамытуға қатысты мәселелер көтерілді. Әкім барлық өтініш заңнама аясында қаралатынына, ал қалалық инфрақұрылымды жетілдіру жұмыстары жалғасатынына сендірді.Кейбір тұрғындар баспана алу туралы мәселелерін айтты. Асхат Шахаров кезектен тыс тұрғын үй беру жағдайы қарастырылмайтынын түсіндірді, өйткені тұрғын үй-жайларды бөлу кезек тәртібімен және коммуналдық тұрғын үйдің болуына байланысты қатаң түрде жүзеге асырылады.Қабылдау қорытындысы бойынша өңір басшысы жауапты мемлекеттік органдарға әрбір өтінішке қатысты қажетті шараларды қолға алуды тапсырды. Мәселелердің шешімі оның жеке бақылауында болмақ.Тұрғындар облыс басшылығына тікелей жүгінуге, өзекті мәселелер бойынша түсініктемелер мен көмек алуға мүмкіндік беретін азаматтарды қабылдау шарасының маңыздылығын атап өтті. t.me/aqtobe_oblysy_akimdigi Ақпарат көзі : https://www.gov.kz/memleket/entities/aktobe/press/news/details/934208