Жетісу облысында облыстық мәслихат депутаттарының кезектен тыс XXV сессиясы өтіп, онда 2025-2027 жылдарға арналған облыстық бюджетті нақтылау және «Таза Қазақстан» тұжырымдамасы аясында өңірдегі экологиялық мәдениетті дамыту жөніндегі жұмыс жоспарына қатысты бірқатар мәселелер қаралды, - деп хабарлайды Жетісу облысы әкімінің баспасөз қызметі.Күн тәртібіндегі негізгі мәселе - 2025-2027 жылдарға арналған облыс бюджетін нақтылау бойынша облыс әкімінің орынбасары Әсет Қанағатов баяндама жасады.Аталып өткендей, 2024 жылдың қорытындысы бойынша қалыптасқан бюджеттік қаражаттың бос қалдықтарын өңір халқының өмір сүру сапасын жақсарту үшін басым әлеуметтік жобаларға бағыттау туралы шешім қабылданды. Олардың ішінде халықтың әлеуметтік осал топтары үшін жалға берілетін тұрғын үй сатып алу, тұрғын үй құрылысы, инженерлік-коммуникациялық желілер, жолдарды жөндеу, бұл ретте облыс әкімінің тапсырмасы бойынша облыс орталығын дамыту мен абаттандыруға ерекше көңіл бөлінеді. Қабылданатын шаралар бірінші кезекте инфрақұрылымды жаңғыртуға және жайлы қалалық орта құруға бағытталатын болады.Облыс орталығын дамыту жоспарлары туралы толығырақ қала әкімі Ернат Бәзіл баяндады. Оның айтуынша, жаңа шағынаудандарда тұрғын үй салу, жолдарды жөндеу, жылу желілерін қайта жөндеу және жаңа әлеуметтік нысандардың құрылысы жалғасады. Қаланың ескі шағынаудандарының архитектуралық келбетін жаңартуға, үйлердің шатыры мен қасбетін қайта жаңартудан бастап, аула аумақтарына дейін назар аударылатын болады. Оның үстіне Талдықорғанды жаңа саябақтар мен скверлер көріктендіріп, арық желілері де жөнделеді.Сессияны қорытындылай келе, облыс әкімі Бейбіт Исабаев 2024 жылдың қорытындысы бойынша Жетісу облысының әлеуметтік-экономикалық дамуының негізгі көрсеткіштеріне қысқаша тоқталып, 2025 жылға арналған жоспарларымен бөлісті, сондай-ақ Мемлекет басшысы алға қойған міндеттерді тиімді іске асыру жаңа жұмыс орындарын құруға, жалпы экономикалық дамуды жақсартуға мүмкіндік беретінін, бұл кешенді түрде халықтың өмір сүру сапасын арттыруға мүмкіндік беретінін атап өтті.Айта кетерлік жайт, депутаттар нақтылаушы сұрақтар қойып және өзекті мәселелер бойынша ұсыныстар енгізе отырып, облыстың басты қаржылық құжатына енгізілген өзгерістерді қолдады.Жетісу облысы әкімінің баспасөз қызметі. Фототілші: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/922694

  2025 жылғы 15 қаңтарда кешкі уақытта Астана тұрғыны Юлия Шимон ерекше қырағылық пен азаматтық жауапкершілік танытып, қайғылы жағдайдың алдын алды. Әйел адам қалалық Төтенше жағдайлар департаментіне қоңырау шалып, Керей-Жәнібек хандар көшесіндегі көрші көпқабатты үйдің пәтерлерінің бірінде өрт болуы мүмкін екенін хабарлады.   Юлия терезенің жанындағы үстелдің үстінде жанып тұрған шамды байқады, ол өртке себеп болуы мүмкін еді. Ол болуы ықтимал салдарға алаңдап, дереу көмек сұрады. Құтқарушылар оқиға орнына жедел барды, келген кезде дабылдың себебі шын мәнінде шам екені анықталды. Әйелдің 112 шұғыл құтқару қызметі нөміріне уақтылы қоңырауының арқасында өртті болдырмауға мүмкіндік туды.   «Юлия Шимон ерекше қырағылық танытты, бұл қайғылы салдардың алдын алуға мүмкіндік берді. Оның уақтылы және шешуші әрекеті - әр азаматтың байқампаздығы мен абай болуы маңызды екенінің айқын мысалы болып табылады. Біз осындай адамдарды мақтан тұтамыз және оның әрекеті басқаларға үлгі болады деп үміттенеміз», - деп Астана қаласы ТЖ департаменті бастығының міндетін атқарушы Мадияр Мырзагелдиев атап өтті.   Оның қырағылығын, жауапкершілігін және белсенді азаматтық ұстанымын ескере отырып, ТЖМ басшысының тапсырмасы бойынша Юлия Шимон грамотамен марапатталды. Марапатты Астана қаласы Төтенше жағдайлар департаменті бастығының міндетін атқарушы Мадияр Мырзагелдиев табыс етті.   «Мен құтқарушыларға олардың кәсібилігі мен жедел әрекеті үшін алғыс айтамын», — деді Юлия Шимон. — Олардың жұмысы өте маңызды, мен елордада нағыз кәсіпқой мамандар жұмыс істейтінін мақтан тұтамын. Барлығыңызды мұқият және жауапты болуға шақырамын, өйткені қауіпсіздік бізден басталады».   Бұл оқиға уақытында көрсетілген қарапайым әрекеттердің қаншалықты маңызды екендігінің айқын мысалы болды. Айналаңыздағы әлемге назар аудару және басқаларға көмектесуге деген ұмтылыс тек азаматтық парыз ғана емес, сонымен бірге жалпы игілікке маңызды үлес болып табылады. Мұндай әрекеттер қауіпсіздік тек мамандардың жұмысы ғана емес, әрқайсымыздың жауапкершілігіміз екенін еске салады.  Ақпарат көзі : https://www.gov.kz/memleket/entities/emer/press/news/details/919876

Қазақстанның Төтенше жағдайлар министрлігі су тасқынының алдын алу жөніндегі іс-шараларды іске асыру үшін әкімдіктер мен басқа да мүдделі мемлекеттік органдардың жұмысын үйлестіреді. Өңірлерде республикалық және өңірлік кешенді жоспарлар іске асырылуда. Қазіргі уақытта су тасқыны қаупі бар учаскелер мен елді мекендердің тізбесі түзетілді. Су тасқыны кезеңіне дайындық шеңберінде инфрақұрылымды нығайтуға және тәуекелдерді азайтуға бағытталған жобалар белсенді түрде іске асырылуда. Негізгі іс-шаралар қорғаныс бөгеттері мен біліктерін салу және нығайту, су бұру арналары мен арықтарды орнату, сондай-ақ су өткізу құрылыстары мен нөсерлі кәріз жүйесін жөндеу болып табылады. Алматы облысында 2024 жылдың қараша айынан бастап су тасқыны кезеңіне дайындық жұмыстары белсенді жүргізілуде. Арық жүйесінің 77 км салу және жөндеу, сондай-ақ 79 км су бұру каналдарын механикалық тазарту жұмыстары аяқталды. Сонымен қатар 12 км су тасқыны қаупі бар өзендердің арналары нығайтылып, түзетілді. Автомобиль жолдарының астындағы 270 су өткізгіш құбыр және теміржол жолдарының астындағы 832 су өткізгіш тазартылды. Өзен арналарынан ұзындығы 2,3 км учаскеден 16 тонна қоқыс шығарылды. Жалпы ұзындығы 7,9 км болатын 5 қорғаныс бөгеті тұрғызылды және 2 автожол көпірі салынды. Су тасқыны жағдайына мониторинг жүргізу үшін 42 гидробекет орнатылды. Сонымен қатар ықтимал қауіпті учаскелерде аэровизуалды және жерүсті тексерулер тұрақты жүргізіледі. Дайындыққа төтенше жағдайлардың салдарын жою және эвакуациялау үшін техниканы қоса алғанда, ТЖД күштері мен құралдары тартылған. ТЖ аймақтарында жұмыс істеу үшін азық-түлік, дәрі-дәрмек және отын қорлары құрылуда. Сонымен қатар өзен жағалауларын нығайту және жаңа бөгеттер салу жоспарлануда. 12 су қоймасында құлақтандыру жүйесі орнатылған. Астанада Байқоңыр ауданының тұрғын алаптарында 210 погонды метр арық-науа жүйесі қар мен мұздан тазартылды. Қыстың басынан бастап коммуналдық қызметтер 500 мыңнан астам текше метр қар шығарды. Аумақтық бөлімшелердің қызметкерлері мониторинг жүргізеді. Атырау облысында Жылыой ауданындағы Жем және Құрсай өзендерінде бөгенді нығайту жұмыстары жалғасуда. ТЖ бөлімі мен прокуратура қызметкерлері су тасқынына қарсы іс-шаралар жоспарымен танысып, орындалған жұмыстарды тексерді. Көкшетауда 2-МӨС базасында гарнизонның жеке құрамы мен техникасына байқау өткізілді, олар су тасқыны кезеңінде жұмылдырылатын болады. Ақмола облысы ТЖД бастығының міндетін уақытша атқарушы Бақытжан Алашов ТЖ-ны жою үшін күштердің дайындығын тексерді. Көкшетаулық құтқарушылар КАМАЗ автокөлігіне орнатылған ЖСС-500 қоса алғанда, екі жылжымалы сорғы станциясымен жабдықталған. Бұл станция секундына 500 литрге дейін су сорады, ол су тасқынын, ірі өрттерді сөндіру және су объектілерін құрғату мәселелерін жедел шешуге мүмкіндік береді. Орал қаласында Батыс Қазақстан облысы әкімінің қатысуымен су тасқыны кезеңінде іске қосылатын күштер мен құралдардың дайындығына тексеру жүргізілді. Тексеруге облыстық қызметтер мен азаматтық қорғау құралымдары қатысты. Жалпы су тасқыны кезеңіне дайындық бойынша іс-шаралар жалғасуда және тұрақты бақылауда. Ақпарат көзі : https://www.gov.kz/memleket/entities/emer/press/news/details/920276

Биылғы жылыту маусымында газдың және жану өнімдерінің қауіпті концентрациясын анықтау датчиктерінің іске қосылуы 17 адамның улануын және қаза болуының алдын алды. Датчиктердің іске қосылуы Астана, Алматы, Шымкент қалаларында, Абай, Ақмола және Шығыс Қазақстан облыстарында тіркелді. Пеш жабдығын орнату және пайдалану кезіндегі өрт қауіпсіздігі талаптарын бұзушылық үй-жайға қауіпті газдың ағып кетуіне әкелуі мүмкін. Бұл газ көзге көрінбейді, иісі жоқ және ешбір айқын белгісіз улануды тудыруы мүмкін. Иісті газбен уланған адам неден ауырғанын білмейді. Улану оқиғаларының алдын алу ісінде газ концентрациясы датчиктері жақсы көмекші болып келеді. Бөлмеде иісті газ пайда болған жағдайда құрылғы тұрғындарды дыбыс сигналдарымен ескертеді. Бұл уақытылы әрекет етіп, газдың пайда болу себебін жоюға көмектеседі. Жылыту маусымына дайындық кезеңінде ТЖМ бөлімшелері жергілікті атқару органдарымен және волонтерлермен бірігіп, әлеуметтік осал топтардың үйлерінде 30 мыңнан астам иісті, табиғи газ датчигі және түтін хабарлағыштар орнатылды. Бұл улану қаупін едәуір азайтуға және ықтимал қайғылы жағдайлардың алдын алуға мүмкіндік берді. Датчиктерді орнату тәжірибесі енгізілгеннен бері жалпы датчиктердің іске қосылуының 55 жағдайы тіркелді, соның арқасында 248 адамның жіті улануы мен мүмкін өліміне жол берілмеді. ТЖМ датчиктерді орнату және халыққа қауіпсіздік ережелерін үйрету бойынша алдын алу іс-шараларын жүргізуді жалғастыруда. Иісті газбен улану қаупін азайту үшін бірнеше қарапайым ережені сақтау жеткілікті: - пештерді қауіпсіздік талаптарына сәйкес пайдаланыңыз; - мұржаларды уақытылы тазартыңыз және желдеткіш жүйесінің жұмысын жүйелі түрде тексеріңіз; - пештер мен каминдерді орнату мен жөндеуді мамандарға тапсырыңыз. Осы ұсынымдарды орындау қайғылы жағдайлардың алдын алуға және адам өмірін аман алып қалуға көмектеседі.Ақпарат көзі : https://www.gov.kz/memleket/entities/emer/press/news/details/920168

 Өткен екі тәулікте ауа-райының нашарлауына, боранға, көктайғаққа, қатты желге және нөлдік көрінуге байланысты Қазақстанның автожолдарында ТЖМ 700-ге жуық адамды құтқарып, эвакуациялады. 15 өңірдің аумағында қалыптасқан күрделі метеорологиялық жағдайдың нәтижесінде республикалық маңызы бар автожолдардың 62 учаскесінде және облыстық маңызы бар 65-тен астам учаскеде қозғалысқа шектеу енгізілді.   Қазгидрометтің мәліметінше соңғы тәулік ішінде елімізде 18 дауылды ескерту жарияланды, олар алдағы екі тәулікте де сақталады. Қатты қарлы боран мен қардың түсуі кезінде көріну айтарлықтай нашарлады, салдарынан автомобиль жолдарында көліктердің кептелістері орын алды.   ТЖМ қызметкерлері жергілікті атқарушы органдармен, жол және медициналық қызметтермен, волонтерлермен бірлесіп, халыққа көмек көрсету жұмыстарын ұйымдастырды. Автокөлік кептелесі орын алған орындарда жылытылатын шатырлар орналастырылды, ыстық тамақ ұйымдастырылды, сондай-ақ адамдарды орналастыру және ауыл шаруашылығы жануарларын жақын маңдағы елді мекендерге тасымалдау үшін пункттер дайындалды. Еліміздің 18 өңірінде жедел штабтар ашылды, жедел желі телефондары жұмыс істейді.   Өткен екі тәулікте Қазақстан ТЖМ күштерімен 337 шығу, іздестіру және авариялық-құтқару жұмыстарына 131 шығу жасалды. Операция барысында 685 адам, оның ішінде 40 бала құтқарылды және эвакуацияланды, сондай-ақ 60-тан астам көлік қар құрсауынан шығарылды.   Бірнеше құтқару операциясын ерекше атап өткен жөн:   Қарағанды облысындағы жүкті әйелге көмек.   Бүгін түнде қатты боран жағдайында құтқарушылар жүкті әйелді аудандық ауруханаға жеткізуге көмектесті. Ішінде  әйел адам отырған жедел жәрдем көлігі ауа-райының қолайсыздығына байланысты жолды жалғастыра алмады. Құтқарушылар жүкті әйелді Қарағанды облысының Осакаровка кентіне ТРЭКОЛ техникасымен жеткізіп, дәрігерлерге тапсырды.   Жамбыл облысындағы жеті жасар балаға көмек.   21 қаңтарға қараған түні Жамбыл облысының Жуалы ауданында температурасы жоғары көтерілген жеті жасар бала туралы хабарлама келіп түсті. Ауа-райының қолайсыздығына байланысты құтқарушылар жедел жәрдем қызметкерлерімен бірлесіп ТРЭКОЛ жол талмайтын көлігімен жолға шықты. Бала орталық аудандық ауруханаға жеткізілді, ол қазір дәрігерлердің бақылауында.   Ақтөбе облысындағы шетел азаматтарын эвакуациялау.   «Самара-Шымкент» тас жолында Өзбекстан Республикасынан Ресей Федерациясына бара жатқан шағын автобус бұзылып тұрып қалды. Жүргізуші көмек сұрап, құтқарушылар 9 жолаушыны, оның ішінде бір баланы жақын жердегі жылыту пунктіне эвакуациялады. Жолаушыларға ыстық тамақ ұйымдастырылды. Шетел азаматтары қазақстандық құтқарушыларға жеделдігі мен көрсеткен көмегі үшін алғыстарын білдірді.   Маңғыстау облысында фурларды шығару.   Маңғыстау облысының Қарақия ауданында жауын - шашынның көп түсуіне  байланысты «Қазақстан-Түрікменстан» тас жолында 52 жүк көлігі балшықта тұрып қалды. Құтқарушылар вахтада жүргізушілердің жылынуына жағдай жасап, жергілікті биліктің көмегімен көлікті жолдың тазартылған учаскелеріне сүйреп шығарды. Жүргізушілердің көпшілігі көрші елдердің азаматтары болды және құтқарушыларға көмек көрсеткені үшін алғыс айтты.   Ақмола облысындағы азаматтарды тасымалдау.   Ақмола облысында қатты боран кезінде елді мекенге қарай жаяу бара жатқан 13 адамды елордалық құтқарушылар байқады. Азаматтардың қауіпсіздігі үшін олар ТЖМ вахтасында жақын маңдағы елді мекенге жедел жеткізілді.   Ұлытау облысында «Жезқазған-Сәтбаев» автожолындағы құтқару операциясы.   «Жезқазған-Сәтбаев» автожолында ауа райының нашарлауына байланысты 1200-ден астам автокөліктің кептелісі орын алды. ТЖМ құтқарушылары полиция және жергілікті атқарушы органдардың қызметкерлерімен бірлесіп, жақын маңдағы елді мекендерге дейін автоколоннаны қауіпсіз алып жүруді ұйымдастырды. Операция барысында 24 азаматқа көмек көрсетілді, 8 көлік эвакуацияланып, сүйреп шығарылды. Барлық адамдар қауіпсіз жерге жеткізілді.   ТЖД күшімен көмек көрсете отырып өтімділігі жоғары техникасында автожолдардың күрделі қарлы учаскелерінде адамдардың және кептелісте қалған автокөліктердің болуына патрульдеу жүргізілді. Қазіргі уақытта қайтыс болғандар мен зардап шеккендер жоқ. Құтқарушылар халыққа көмек көрсетіп, автожолдарда қауіпсіздікті қамтамасыз ете отырып, тәулік бойы жұмыс жүргізуді жалғастыруда.   Қазақстан ТЖМ азаматтарды сақтық шараларын сақтауға, дауылды ескертулерді қадағалауға және қолайсыз ауа райы жағдайында алыс сапарларға шықпауға шақырады. Ауыл тұрғындарына ауа-райының нашарлауы жағдайында ұзақ серуендеуден бас тарту ұсынылады.Ақпарат көзі : https://www.gov.kz/memleket/entities/emer/press/news/details/922418

Осы арқылы азаматтардың назарына «Электрондық үкімет порталында» «Ашық үкімет» - «Ашық НҚА» бөлімінде жария талқылау үшін лицензия беретін уәкілетті органға өзгерістер енгізу үшін «Атқарушылық іс жүргізу мәселелері бойынша мемлекеттiк көрсетілетін қызметтер қағидаларын бекіту туралы» Қазақстан Республикасы Әділет министрінің 2020 жылғы 29 мамырдағы № 69 бұйрығына өзгерістер енгізу туралы» Қазақстан Республикасы Әділет министрінің бұйрығының жобасы орналастырылғанын жеткіземіз. Қоғамдық талқылау 2025 жылғы 27 ақпан – 17 наурыз аралығында өтеді(https://legalacts.egov.kz/npa/view?id=15466071)Ақпарат көзі : https://www.gov.kz/memleket/entities/adilet/press/news/details/947876

2025 жылдың 5 сәуірінен бастап мопедтер ресми түрде механикалық көліктерге теңестіріледі. Оларды пайдалану үшін: полицияда тіркелу; А1, А немесе В санатындағы жүргізуші куәлігі; техникалық тексеру; азаматтық жауапкершілікті сақтандырудан өту қажет болады. Тіркелу үшін тұрғылықты жері бойынша арнайы ХҚКО-ға келесі құжаттармен жүгіну қажет: жеке куәлік (электронды түрде болуы мүмкін); мопедтің техникалық құжаты немесе сипаттамалары. Кейін өтінішті толтырып, мопедті тексерістен өткізіп, қажетті мемлекеттік баждарды төлеу керек. Дереккөз: ҚР Ішкі істер министрлігінің ресми сайты Мопедтерді тіркеу: не білу қажетАқпарат көзі : https://www.gov.kz/memleket/entities/zhetysu-oblysy/press/news/details/921147

Астанада картоп бағасының тұрақтылығын қамтамасыз ету үшін барлық қажетті шара қабылданды. Бұл өнімнің жетіспеушілігі мәселесі жоқ. Өнімдер қаладағы сауда желілері мен базарларда жеткілікті мөлшерде ұсынылып, қорлары дер кезінде толықтырылуда. «Астана» СПК» АҚ 7 мың тоннадан астам картоп жеткізуге келісімшарттар жасады, бұл бірқатар сауда орнында өнімге тұрақты бағаны ұстап тұруға мүмкіндік береді. Картоптың құны килограммына 185 теңгеден 250 теңгеге дейінгі аралықты құрайды. Келісімшарттық көлемдер бірнеше жеткізуші арасында бөлінеді:«Magnum Cash&Carry» ЖШС – 4160 тонна,«ҚазПромАгро» ЖШС (Павлодар облысы) – 2240 тонна,«Нұрбек» КХ (Түркістан облысы) – 680 тонна. Картоп қаланың «Магнум», «Вкусмарт», «Аян», «Анвар», «Фермаг» сияқты сауда желілерінде, сондай-ақ Сауран, Шапағат және басқа да базарларда бар. Сонымен қатар, «Астана» СПК» АҚ 7 мың тоннадан астам картоп жеткізу бойынша жаңа келісімшарттар жасау жұмыстарын жалғастыруда. «Magnum» желісінде картоптың белгіленген бағамен – килограмына 185 теңге қорын қалыптастыруға ерекше назар аударылады. Бұл ретте, Өңірлік комиссия әлеуметтік маңызы бар азық-түлік тауарларына бағаның негізсіз өсуіне мониторинг және тұрақты тексерулер жүргізеді.       Ақпарат көзі : https://www.gov.kz/memleket/entities/astana/press/news/details/921167

Қазақстан делегациясы ауыл шаруашылығы вице-министрі Ермек Кенжеханұлының басшылығымен Германияда өткен аграрлық іс-шараларға қатысып, стратегиялық келіссөздер жүргізді.Сапар барысында Германияның ауыл шаруашылығы министрі Джем Оздемирмен және Германияның азық-түлік пен ауыл шаруашылығы федералды министрлігінің парламенттік статс-хатшысы О. Никпен кездесулер өтті. Кездесулерде Орталық Азия елдері үшін Тұрақты егіншілік жөніндегі өңірлік орталық құру және екіжақты ынтымақтастық мәселелері талқыланды.Тұрақты егіншілік жөніндегі өңірлік орталық құру туралы идея алғаш рет Қазақстан Президенті Қасым-Жомарт Тоқаевтың 2023 жылы Германияға ресми сапары барысында ұсынылған болатын.Қазақстандық делегация John Deere, DF Deutsche Forfait AG, BVVG және Innari сияқты жетекші неміс компанияларының өкілдерімен келіссөздер жүргізді. Келіссөздер барысында агроөнеркәсіптік кешендегі бірлескен жобалар мен Қазақстан экономикасына инвестиция салу мүмкіндіктері қарастырылды.18-19 қаңтар күндері делегация 16-шы Берлин ауыл шаруашылығы министрлері конференциясына және «Grüne Woche» халықаралық көрмесіне қатысты. Қазақстан көрмеде агроөнеркәсіптік әлеуеті мен инвестициялық мүмкіндіктерін таныстырып, халықаралық серіктестермен ынтымақтастық перспективаларын талқылады.Сапар нәтижесінде Германия компанияларының Қазақстанның ауыл шаруашылығы саласына инвестиция салуға жоғары қызығушылығы расталды.Ақпарат көзі : https://www.gov.kz/memleket/entities/moa/press/news/details/920463

Мәртөк ауданында Мәртөк ауылында орналасқан 39 екі пәтерлі жалға берілетін коммуналдық тұрғын үйлердің құрылыс-монтаж жұмыстары аяқталды. Аталған жоба 2020 жылы «ҚазПромСтройГрупп» жауапкершілігі шектеулі серіктестігімен басталған болатын.Аудан әкімі Медет Ысқақов қатысқан салтанатты іс-шарада тұрғын үй кезегінде тұрған төрт санаттағы азаматтарға 86 тұрғын үйдің кілті табысталды. Атап айтқанда, көпбалалы отбасыларға – 25 пәтер, жетім балаларға – 15 пәтер, әлеуметтік осал топтарға – 32 пәтер, ал мемлекеттік қызметкерлер мен бюджет ұйымдарының қызметкерлеріне – 14 пәтер берілді.Сонымен қатар, Кеңсахара ауылында 2024 жылы басталған 4 екі пәтерлі коммуналдық тұрғын үйдің құрылысы да биыл толығымен аяқталды.Бұл үйлердің құрылысы кезінде барлық қажетті жұмыстар орындалды: терезелер мен есіктер орнатылып, электрмен жабдықтау және газбен жабдықтау жүйелері жүргізілді. Үй ішіндегі коммуникациялар мен жылыту жүйелері толық іске қосылды.Ақпарат көзі : https://www.gov.kz/memleket/entities/aktobe/press/news/details/923233

Бүгін таңертең Әйтеке би ауданы "Қарабұтақ-Комсомол-Қостанай" республикалық маңызы бар а/ж 114 шықырымында "Тәжікстан Республикасы – РФ Челябинск қ." бағыты бойынша жолаушылар автобусы бұзыдып қалды.ТЖМ қызметкерлері ақаулы автобустан Т.Жүргенов ауылының жылыту пунктіне 61 жолаушыны, оның ішінде 2 баланы эвакуациялады.Эвакуацияланғандардың көпшілігі, Тәжікстан Республикасының азаматтары және Ресей Федерациясының 1 азаматы болып табылады. Ешкім медициналық көмекке мұқтаж емес.Төтенше жағдай туындаған кезде 112 нөміріне қоңырау шалыңыз.@emergovkz / t.me / insta / tiktok / youtube Ақпарат көзі : https://www.gov.kz/memleket/entities/aktobe/press/news/details/923242

Астананы газдандыру бойынша ауқымды жоба аясында елорданың 216 мыңға жуық тұрғынын қамтыған 14 мың абонент көгілдір отынға қол жеткізді. Қалалық Энергетика басқармасының басшысы Нұрлан Күпешов жобаның жүзеге асырылу кезеңдері туралы айтып берді, деп хабарлайды елорда әкімдігінің ресми сайты.Елордада газ тарату желілерінің құрылысы үш кезеңге бөлінген. 2023 жылы екі кезеңнің құрылысы аяқталып, Сарыарқа, Алматы, Есіл және Нұра аудандарының тұрғындарын қосуға мүмкіндік берді.Сондай-ақ «Тұран», «Телман», «Оңтүстік-Шығыс» газ жылыту станцияларына және Ильинка, Телман, Пригородный, Family Village, Өндіріс, Кирпичный елді мекендерін газбен қамту желілерінің құрылысы аяқталды.Жылу электр станцияларындағы 16 қазандық пен 20 әлеуметтік нысан газға көшірілді. Әлеуметтік нысандарды дизельдік отыннан газға көшіру өткен жылыту маусымында 977 миллион теңге бюджетті үнемдеуге мүмкіндік берді.Үшінші кезең аясында 2024 жылдан 2026 жылға дейін жұмыстар жоспарланған.«Бүгінде қалада 800 шақырым газбен қамту желісі, 27 газ тарату пункті, 58 шкафтық газ тарату пункті жұмыс істейді. 216 мыңға жуық адамды қамтитын 14 мың абонент газбен қамтылған. Газдандыруға жататын халықтың жалпы саны 300 мың адамды құрайды. 12 мыңнан астам абонент газға қосылған», - деді Нұрлан Күпешов.Жеке тұлғалар үшін газ тарифі 2025 жылдың 1 қаңтарынан бастап текше метріне 38,9 теңге болып бекітілді. Ауданы 100 шаршы метр болатын үй үшін газбен жылытудың құны шамамен айына 17-20 мың теңге, 120 ш.м. – айына 20-25 мың теңге.Ақпарат көзі : https://www.gov.kz/memleket/entities/astana/press/news/details/922284

Ауа райының нашарлауына байланысты екінші ауысымның 0-9 сынып оқушылары үшін сабақтар қашықтықтан оқыту форматына көшеді, деп хабарлайды Астана әкімдігінің ресми сайты."Астана қаласының білім басқармасы 2025 жылдың 22 қаңтарында ауа — райының нашарлауына байланысты екінші ауысымның 0-9 сынып оқушылары үшін қала мектептерінде сабақ қашықтықтан оқыту форматына ауысатынын хабарлайды", - деп хабарлады басқарма.Ақпарат көзі : https://www.gov.kz/memleket/entities/astana/press/news/details/922294

Астанада 25-26 қаңтарда кезекті қалалық ауыл шаруашылығы жәрмеңкесі өтеді, деп хабарлайды елорда әкімдігінің ресми сайты.Жәрмеңкеде Қазақстанның түрлі өңірлерінен – Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілердің өнімдері тікелей ұсынылатын болады. Қала тұрғындары мен қонақтары көкөністер мен жемістерді, ет, ұн, сүт өнімдерін, кондитерлік өнімдерді, табиғи шырындарды және т.б. сатып ала алады.Іс-шара Нұрғиса Тілендиев даңғылы, 12а мекенжайы бойынша «Koktal» сауда-ойын-сауық орталығында өтеді.Жәрмеңке әр демалыс күндері сағат 10:00-ден 22:00-ге дейін жұмыс істейді.Ақпарат көзі : https://www.gov.kz/memleket/entities/astana/press/news/details/922345

Биыл да елорданың барлық алты ауданында вейп пен насыбайдың заңсыз таралуы мен пайдаланылуын анықтау мақсатында рейдтік іс-шаралар жүргізіліп жатыр. Бір ай ішінде 60-тан астам сауда орны тексеріліп, шегілмейтін темекі өнімдерін сатудың 30-дан астам жағдайы анықталды, оның ішінде насыбай шығаратын жерасты цехтары да бар, деп хабарлайды Астана әкімдігінің ресми сайты.Жедел профилактикалық іс-шараларды аудан әкімдіктерінің қызметкерлері Астана қалалық полиция департаментінің жергілікті полиция қызметінің мамандарымен жүргізуде. Рейдтерге жеке кәсіпкерлік нысандары – сауда орталықтары, азық-түлік дүкендері қатысты.Есіл ауданында жүргізілген рейдтердің нәтижесінде насыбайдың саудасы тіркелді. Дүкен иесі жауапкершілікке тартылып, 25 АЕК, яғни 98 300 теңге айыппұл салынды.Нұра ауданында рейдтік іс-шаралар барысында тұрғын үй кешендерінде орналасқан 16 кәсіпкерлік нысанында профилактикалық түсіндіру жүргізілді. Нәтижесінде екі дүкеннен насыбай мен снюс табылды. Полиция қызметкерлері жалпы құны 12 250 теңге тұратын 20 қаптама насыбай мен 15 қорап снюс тәркіледі. Барлық құқық бұзушы ҚР ӘҚБтК-нің 196-бабы бойынша жауапкершілікке тартылып, оларға 25 АЕК көлемінде айыппұл салынды.Байқоңыр ауданы бойынша осындай жұмыс бес кәсіпкерлік нысанында жүргізілді, рейд нәтижесінде 2 сату орнында 25 айлық есептік көрсеткіш (АЕК) мөлшерінде айыппұл салумен әкімшілік құқық бұзушылық туралы кодекстің (ӘҚБтК) 196-бабына сәйкес әкімшілік жауапкершілікке тартылды, сондай-ақ 1,5 кг-ға жуық насыбай тәркіленді.Алматы облысында ірі елді мекендерде орналасқан төрт кәсіпкерлік нысаны тексерілді. Насыбай мен снюсты заңсыз сатудың бір дерегі анықталды. Сонымен қатар, дүкен иелерімен профилактикалық әңгімелер жүргізілді. Тәртіп сақшылары шегілмейтін темекі өнімдерін сатуға қатаң тыйым салуды еске салып, мұндай бұзушылықтар үшін ҚР ӘҚБтК-нің 196-бабына сәйкес әкімшілік жауапкершілікке тартылатынын ескертті.Мұндай тексерулер Сарыарқа ауданындағы сауда орындарында да жүргізілді. Рейдтер барысында Республика, Жеңіс даңғылдары, Гете, Ә.Молдағұлова, І.Дүкенұлы және т.б. қамтылды.Сарайшық ауданында өткен рейд барысында 10 сауда орны тексеріліп, сату фактілері анықталып, дүкен иелері айыппұл түріндегі әкімшілік жауапкершілікке тартылды.Сондай-ақ, рейдтік іс-шаралар барысында шағын және орта бизнес субъектілерімен шегілмейтін темекі өнімдерін сатудың алдын алу бойынша профилактикалық әңгіме жүргізілді.Рейдтік іс-шаралар нәтижесінде дүкен иелері ҚР ӘҚБтК-нің 196-бабы бойынша жауапкершілікке тартылып, 25 АЕК немесе 98 300 теңге айыппұл салынды.Елорданың барлық алты ауданында рейдтер жүріп жатыр.Ақпарат көзі : https://www.gov.kz/memleket/entities/astana/press/news/details/922381

Елордада шегілмейтін темекі өнімдерін, вейптерді, хош иістендіргіштер мен оларға арналған сұйықтықтарды заңсыз сату фактілерін анықтауға бағытталған кезекті рейд жүргізілді. Іс-шараны Сарайшық ауданы әкімдігі мен полиция бөлімінің қызметкерлері ұйымдастырды, деп хабарлайды қала әкімдігінің ресми сайты.Тәртіп сақшылары кәсіпкерлер арасында профилактикалық жұмыстың маңыздылығына тоқталып, дүкен иелері мен тұтынушыларға вейп пен снюс сатуға салынған тыйымды орындамаудың салдары, сондай-ақ оларды пайдаланудың зияны туралы ақпараттандыру қажеттілігіне тоқталды.«Аралау барысында төрт сауда орны тексеріліп, қолданыстағы заңнамаға сәйкес, тыйым салынған заттарды сату бойынша алдын алу шаралары жүргізілді. Бұзушылықтар анықталған жағдайда қылмыстық және әкімшілік жауапкершілік қарастырылған», - деп атап өтті Сарайшық аудандық полиция бөлімінің учаскелік инспекторы Айбек Негметов.Шегілмейтін темекі өнімдері мен вейптерді заңсыз сататын сауда орындарына 25 АЕК немесе шамамен 98 300 теңге айыппұл салынуы мүмкін.Ақпарат көзі : https://www.gov.kz/memleket/entities/astana/press/news/details/922414

Елорданың №101 орта мектебінде балалардың қаржылық сауаттылығын арттыру және қауіпсіздікті нығайту мақсатында жиын өтті. Қалалық Білім басқармасы және Экономикалық тергеу департаментінің ұйымдастыруымен өткен кеңеске білім беру ұйымдарының басшылары мен педагогтар қатысты, деп хабарлады елорда әкімдігінің ресми сайты.Қазіргі уақытта үлкен де, кіші де білместіктен алаяқтықтың құрбаны болып жатыр. Бұл туралы жиын барысында Астана қаласы Білім басқармасының басшысы Қасымхан Сенғазыев атап өтті.«Балалар интернет пен мобильді құрылғыларды белсенді пайдаланады. Бұл бір жағынан жаңа мүмкіндіктер ашса, екінші жағынан, оларды әртүрлі қауіптерге, мысалы, «дропперлер», интернет алаяқтық және қаржылық қылмыстарға ұшыратуы мүмкін. Сондықтан оқушыларымыздың қауіпсіздігін қамтамасыз етудің негізгі аспектілерінің бірі – олардың цифрлық кеңістікте хабардар болуы және қорғалуы. Осы бағытта 5-11-сынып оқушыларына арналған сыныптан тыс ашық сабақ бағдарламалары әзірленді, олар тәуекелдердің алдын алуға және пайдалы дағдыларды қалыптастыруға мүмкіндік береді», - деді басқарма басшысы.Ал Астана қаласы бойынша Экономикалық тергеу департаменті Тергеу басқармасының басшысы Мэлс Ақылбаев бүгінде оңай жолмен ақша тауып, бәс тігіп, құмар ойынға және қаржылық пирамидаларға құныққан жастардың саны, өкінішке қарай, артып келе жатқанын атады.«Елде заңсыз ойын бизнесінің зардабын жоюға бағытталған түрлі шара қолға алынғанмен, жымысқы әрекетін жасырын түрде жүзеге асыратындар азаматтарды сан айламен арбайтын болған. Тірнектеп тапқанын құмар ойынға құрбан қылғандардың дені – жастар. Сондықтан да жас ұрпақпен кешенді жұмыс жүргізу өзекті. Мәселен, республика бойынша қаржы пирамидаларына 2 500 азамат алданып, 3 млрд теңге көлеміндегі қаржысынан қағылды. Сондықтан жасөспірімдер үшін маңыздысы – ата-анасының айтқанына құлақ асу және жеңіл ақшаға құнықпау», - деді М.Ақылбаев.Ақпарат көзі : https://www.gov.kz/memleket/entities/astana/press/news/details/922434

Елорда әкімдігі жанындағы Әйелдер істері және отбасылық-демографиялық саясат жөніндегі комиссия «Жұмысшы мамандықтар» жылы аясында Астана сервис және туризм колледжінің ұжымымен кеңес өткізді. Іс-шара «Жастардың кәсіби дамуы – табысты болашақтың кепілі» ұранымен өтті, деп хабарлайды қала әкімдігінің ресми сайты.Кездесуде басты назар кәсіби білім берудің маңыздылығын арттыру және әйелдердің экономикадағы, жұмыспен қамту және тұлғалық дамудағы рөліне қатысты мәселелерді талқылауға бөлінді.«Комиссия колледж қызметімен және оның техникалық жабдықталуымен танысты. Мұнда оқу мен тәжірибелік сабақтарды өткізуге барлық жағдай жасалған. Әр мамандық бойынша шеберханалар бар. Оның үстіне колледж бен Әйелдер ісі жөніндегі комиссия арасында меморандумға қол қойдық. Ынтымақтастық аясында біз бизнес-қауымдастық өкілдерін шақырдық. Осылайша, бұл колледждің студенттері бүгінде келісімшартқа отырған кәсіпорындарда өндірістік оқудан өтетін болады. Әлеуметтік серіктестер студенттерді оқыту және дамыту үшін өз платформаларын ұсынады. Біздің комиссия бүгін жұртшылықпен және мемлекеттік органмен байланыс орнатты», - деді Астана қаласының Әйелдер істері және отбасылық-демографиялық саясат жөніндегі комиссиясының хатшысы Қарлығаш Сәркенова.Өз кезегінде сөз алған колледж директоры Салтанат Басығараева жиналғандарды оқу орнының жұмысымен таныстырып, оның ішінде оннан кем емес шеберханаларға экскурсия өткізді.Қыздарға арналған колледжде «Бойтұмар» атты үйірме бар. Мұнда болашақ үй шаруасындағы әйелдер моншақтан зергерлік бұйымдар тоқиды, кесте тігеді. Сабақтар арасындағы үзіліс кезінде студенттер коворкинг орталығында демалады, олар да сабаққа дайындала алады. Шахмат үйірмесі, жаттығу залы мен бассейн бар. «Қонақ үй ісі» мамандығы бойынша оқитын студенттердің өз мамандығын іс жүзінде меңгеруі үшін қонақүй бөлмесі мен қабылдау бөлмесі бар шеберхана жасақталды.«Тамақтандыруды ұйымдастыру» семинары аспаздар үшін ашық, онда олар колледж жылыжайында өсірілген өнімдерді пайдалана отырып, шеберліктерін шыңдай алады. Бүгін қонақтарға жаңа сығылған шырын мен қызылша, асқабақ, сәбіз сияқты түрлі нан өнімдері ұсынылды.Болашақ автомеханиктерге тренажерлары бар сервистік шеберхана, тіпті нағыз машина да бар. Мұнда олар барлық заттарды бөлшектеп, құрастыра алады. Ландшафты дизайн шеберханасында оқушылар кірпіш қалауды және әдемі қоғамдық кеңістіктер жасауды үйренеді. Ол үшін қажетті құрал-жабдықтар, гүлдердің неше түрі бар. Болашақ гүл өсірушілер мен флористердің де өз құзыреттілік орталығы бар. Мұнда олар панельдер мен гүл композицияларын жасайды, эпоксидті шайырмен, гипспен және изолонмен жұмыс істеуді үйренеді.«Қазіргі таңда колледжде 10 мамандық және 16 біліктілік бойынша 1060 студент білім алуда, оның ішінде «Жұмысшы» мамандығы бойынша 756 студент бар. Колледжде 537 студент немесе 49 пайызы дуальді форма бойынша білім алып жүр. Оның аясында «Қоғамдық тамақтандыруды ұйымдастыру» және «Автокөлік құралдарына техникалық қызмет көрсету, жөндеу және пайдалану» мамандықтары бойынша 50 студент жұмысшы мамандығын игереді», - деді білім ошағының директоры.Ақпарат көзі : https://www.gov.kz/memleket/entities/astana/press/news/details/922661

Байқоңыр ауданында насыбай және өзге де шегілмейтін темекі өнімдерін заңсыз сату фактілерін анықтау және алдын алу мақсатында кезекті рейд жүргізілді, деп хабарлайды Астана әкімдігінің ресми сайты.Іс-шара барысында А.Пушкин мен Ж.Тархан көшелерінде орналасқан 5 нысан тексеріліп, шегілмейтін темекі өнімдерін заңсыз сату бойынша профилактикалық түсіндіру жүргізілді.Рейд нәтижесінде 2 сату нүктесінде 25 айлық есептік көрсеткіш (АЕК) мөлшерінде айыппұл салынып, әкімшілік құқық бұзушылық туралы кодекстің (ӘҚБтК) 196-бабына сәйкес әкімшілік жауапкершілікке тартылды, сондай-ақ насыбайдың 1,5 кг-ға жуығы тәркіленді.Шегілмейтін темекі өнімдерін тұтынуды алдын алу мақсатында Астана қаласы бойынша жұмыс тобы құрылды. Қаланың барлық ауданында бұл бағыттағы рейдтік іс-шаралар тұрақты түрде өткізіліп тұрады.Айта кетейік, рейдтер Астананың барлық алты ауданында жалғасуда.Ақпарат көзі : https://www.gov.kz/memleket/entities/astana/press/news/details/922664

Елордада «Таза Қазақстан» онлайн-платформасы арқылы қала тұрғындарының өтініштерін қабылдау жалғасуда. Мұнда әрбір қала тұрғыны қаланы абаттандыруға қатысты мәселені қозғай алады. Жүйе жұмыс істей бастағалы бері 1200-ден астам өтініш түсіп, оның мыңнан астамы орындалды, деп хабарлайды Астана әкімдігінің ресми сайты.Чат-бот іске қосылғаннан бері қала тұрғындары 1293 өтініш қалдырса, оның 1129-ы орындалды, қалған бөлігі бойынша жұмыстар жүргізілуде.Түйткілді мәселелердің санаттары анықталып, жауапты тұлғалар тағайындалды. Өтініштердің негізгі санаттарына абаттандыру, жарықтандыру мәселелері, жол жөндеу, көгалдандыру, рұқсат етілмеген қоқыс үйінділерін жою жатады.Қыс мезгілінде қоңыраулар көбейеді, өйткені еріген қар суы салдарынан аялдамалар тұрақты тазалануы керек. Сонымен қатар, аялдамалардағы жылу жүйелерінің жұмысына байланысты өтініштер түсіп жатыр. Барлық ескерту уақтылы өңделеді, бұл тұрғындар үшін қолайсыздықты азайтуға көмектеседі.«Таза Қазақстан» порталының басты артықшылығы – тұрғындарға жылдам және ашық байланыс.Тұрғындармен белсенді байланыс орнатылып, олардың ескертулері мен ұсыныстары ескеріліп жатыр.Ақпарат көзі : https://www.gov.kz/memleket/entities/astana/press/news/details/922927