19 тамызда Астанада ISO/TC 34/SC 6 «Ет, құс еті, балық, жұмыртқа және олардан жасалған өнімдер» техникалық комитетінің пленарлық отырысы аясында ет өнімдерінің сапасына арналған форум өтті.Іс-шараны ҚР Сауда және интеграция министрлігінің Техникалық реттеу және метрология комитеті мен «ҚазСтандарт» РМК ұйымдастырды. Форум жұмысына ISO өкілдері, мемлекеттік органдар, бизнес өкілдері, ғылыми ұйымдар мен салалық сарапшылар қатысты.Негізгі тақырыптардың бірі Қазақстанның халықаралық стандарттау жұмысына қатысуын кеңейту болды. Биыл еліміз ISO Кеңесінің сайлауына қатысып, халықаралық техникалық комитеттердегі қазақстандық сарапшылардың санын арттыруды көздеп отыр.Қазақстанның басты бастамасы – жылқы етінен дайындалатын өнімдерге арналған алғашқы халықаралық ISO стандартын әзірлеу туралы ұсыныс болды. Бүгінде бұл өнімдер санатына арналған бірыңғай халықаралық құжат жоқ. Соның салдарынан терминологияға, жіктеуге, таңбалауға және сапаны бағалауға қойылатын талаптарда айырмашылықтар туындап, экспортқа кедергі келтіруі мүмкін.Болашақ стандарттың негізіне ГОСТ 34921–2023 «Ұлттық жылқы етінен жасалған өнімдер. Техникалық шарттар» құжатын алу ұсынылды. Стандарт дәстүрлі өнімдерді – қазы, шұжық, жал, жая, сондай-ақ ысталған және шұжық өнімдерін қамтуы мүмкін.Қазақстан стандарт жобасын әзірлеу үшін халықаралық жұмыс тобын құрып, оған жетекшілік етуге және құжатты өндіруші елдермен одан әрі талқылауға дайын.ҚР СИМ ТРМК төрағасының орынбасары Қанат Қабылбеков Қазақстанның ISO Кеңесі сайлауына қатысуы халықаралық шешімдер қабылдау үдерістеріне белсенді араласуға және отандық экономиканың мүддесіне сай келетін бастамаларды ілгерілетуге мүмкіндік беретінін атап өтті.Форум аясында Қазақстан мен Қытайдың стандарттау және сәйкестікті бағалау саласындағы ынтымақтастығын дамыту мәселелері де талқыланды. Оның ішінде бірлескен зерттеулер жүргізу, зертханааралық салыстырулар ұйымдастыру және сынақ жүргізу әдістерін жетілдіру мәселелері қаралды.Форум қорытындысы бойынша өзара іс-қимылдың алдағы бағыттары айқындалды: жылқы етінен жасалған өнімдерге арналған ISO стандартын әзірлеу, қазақстандық сарапшылар мен бизнестің халықаралық стандарттау жұмыстарына қатысуын кеңейту, зертханалық базаны дамыту және халықаралық ынтымақтастықты нығайту.Ақпарат көзі : https://www.gov.kz/memleket/entities/mti/press/news/details/1277178?lang=ru

Шығыс Қазақстан тұрғындары денсаулығына көңіл бөліп, уақыт үнемдеп, тамақ дайындауды кәсіби мамандарға сеніп тапсырмақ болған. Олар жеке кәсіпкермен дұрыс тамақтану рационын жеткізу туралы келісімшарттар жасап, адал клиенттер ретінде қызмет ақысын толықтай алдын ала төлеген. Алайда кәсіпкер тамақты жеткізуді себепсіз тоқтатқан.Уәде етілген рациондар жеткізілмесе де, тұтынушылардың төлеп қойған ақшасын кәсіпкер қайтаруға асықпаған. Біреуге бұл сома аса үлкен болып көрінбеуі мүмкін. Бірақ жапа шеккен адамдардың саны көбейгенде, мәселе жекелеген тұрмыстық дау емес, тұтынушылардың құқықтарын жаппай бұзуға фактісіне ұласады.Өңір тұрғындары көмек сұрап, жаппай ШҚО бойынша Сауда және тұтынушылардың құқықтарын қорғау департаментіне жүгінді. Нәтижесінде бұл оқиғаға бір ғана наразы клиент емес, дәл осындай жағдайға тап болған бірден 21 тұтынушы қатысты.Департамент тұтынушылардың мүддесін қорғауға кірісті. Алдымен мәселені сотқа жеткізбей шешуге әрекет жасалған. Тұтынушылар кәсіпкердің өзіне тікелей жүгініп, Департамент кәсіпкерлік субъектісіне сотқа дейінгі талап та жолдады. Алайда бұл өтініштер де, ақшаны қайтару туралы талаптар да нәтиже бермеді. Осыдан кейін іс сотқа жетті.Қазақстан Республикасының «Тұтынушылардың құқықтарын қорғау туралы» заңы азаматтардың қызметтердің тиісті сапасын талап етуге құқылы екенін тікелей қарастырады. Ал қызмет тиісті деңгейде көрсетілмеген немесе орындаушы өз міндеттемелерін орындамаған жағдайда, тұтынушы шартты бұзып, төлеген ақшасын қайтаруды талап ете алады. Сонымен қатар заңнама уәкілетті органға бірдей құқық бұзушылық оннан астам адамның құқықтарына қатысты болған жағдайда, тұтынушылардың белгісіз тобының құқықтарын қорғау үшін сотқа жүгінуге мүмкіндік береді. Бұл жағдайда олардың саны 21 адам болды.Департамент зардап шеккен клиенттердің құқықтарын қорғауды және көрсетілмеген қызметтер үшін ақшаларын қайтаруды талап етіп, Өскемен қаласының азаматтық істер жөніндегі ауданаралық сотына ұжымдық талап-арыз берді. 2026 жылдың 16 шілдесінде сот Департаменттің талап-арызын қанағаттандырып, бұл іске нүкте қойды.Енді кәсіпкер 21 тұтынушыға көрсетілмеген қызметтердің ақшасын ғана емес, талаптарды орындау мерзімін бұзғаны үшін тұрақсыздық айыбын да төлеуге міндетті. Негізгі материалдық залал 3 055 138 теңгені құрады, тағы 611 028 теңге тұрақсыздық айыбы ретінде өндірілді.Ақпарат көзі : https://www.gov.kz/memleket/entities/mti/press/news/details/1276780?lang=ru

Қарағанды қаласындағы дүкендердің бірі күріштің келісін 205 теңгеден сатып алып, оны тұтынушыларға 556 теңгеден сатқан. Яғни тауарға 160%-дық сауда үстемесі қосылған. ҚР СИМ Қарағанды облысы бойынша Сауда және тұтынушылардың құқықтарын қорғау департаментінің мемлекеттік бақылауы барысында бұл жағдай анықталып, кәсіпкер әкімшілік жауапкершілікке тартылды. Нәтижесінде күріштің бағасы 235 теңгеге дейін төмендетілді.Бұл – Қарағанды облысында әлеуметтік маңызы бар азық-түлік тауарларының бағасына жүргізілген бақылау кезінде анықталған жағдайлардың бірі ғана.Мәселен, қатты ірімшіктің сатып алу бағасы 3 353 теңге болғанымен, сауда желілеріне ол 5 517 теңгеден жеткізілген. Осылайша сауда үстемесі 64%-ды құраған. Тексеру нәтижесінде тауардың бағасы 3 855 теңгеге дейін төмендетіліп, айырмашылық 1 662 теңгені құрады.Қара шай бойынша да айтарлықтай айырмашылық анықталды. Сатып алу бағасы 472 теңге болған өнім 1 079 теңгеден сатылған. Сауда үстемесі 130%-ға жеткен. Әкімшілік жауапкершілік қолданылғаннан кейін оның бағасы 496 теңгеге дейін төмендетіліп, 583 теңгеге арзандады.Тауық фаршының бағасы да сәйкестендірілді. Әу баста кәсіпкер 1 655 теңгеге сатып алып, 45 пайызға дейін сауда үстемесін заңсыз арттырып, 2 400 теңгеден сатқан. Бақылау шараларынан кейін тауардың бағасы 1 903 теңгеге дейін төмендетілді.Жыл басынан бері Қарағанды облысында сауда саласындағы заңнаманың сақталуына қатысты 170 кәсіпкерлік субъектісіне тексеру жүргізіліп, оның 155-і әкімшілік жауапкершілікке тартылды.Жауапкершілікке тартылғандардың қатарында сауда базарларында қызметін жүзеге асыратын 44 көтерме жеткізуші және 11 көтерме-бөлшек сауда дүкені бар. Бұл өткен жылдың сәйкес кезеңімен салыстырғанда 39,6%-ға көп. 2025 жылы осы кезеңде 111 кәсіпкерлік субъектісі әкімшілік жауапкершілікке тартылған. Ал биыл салынған әкімшілік айыппұлдардың жалпы сомасы 4 млн теңгеден асты.Бақылау шаралары барысында мәселе тек азық-түлікке белгіленетін сауда үстемесімен шектелген жоқ. Көтерме-бөлшек сауда базарларында сауда саласына қатысты 11 және салық заңнамасына қатысты 11 бұзушылық анықталды. Сонымен қатар санитариялық-эпидемиологиялық бақылау органдары тарапынан 2 жедел әрекет ету шарасы қабылданды.Тексеру кезінде бақылау-касса машиналарын қолдану, тауарларда баға белгілерінің болуы, әлеуметтік маңызы бар азық-түлік тауарларына белгіленген шекті сауда үстемесін сақтау, сондай-ақ тамақ өнімдерін таңбалау және өткізу талаптары қаралды. Анықталған бұзушылықтар жойылып, заңнама талаптарына сәйкестік қамтамасыз етілді.Жүргізілген бақылау нәтижесінде әлеуметтік маңызы бар азық-түлік тауарларының бірқатары бойынша баға төмендетілді. Бұл ретте департаменттің жұмысы тек анықталған бұзушылықтарды жоюмен шектелмейді.Қарағанды облысында баға мониторингі, негізсіз делдалдық буындарды анықтау және әлеуметтік маңызы бар азық-түлік тауарлары бағасының негізсіз өсуіне жол бермеу бойынша жұмыстар жалғасуда. Бұл бағыт Қарағанды облысы бойынша Сауда және тұтынушылардың құқықтарын қорғау департаментінің тұрақты бақылауында.Ақпарат көзі : https://www.gov.kz/memleket/entities/mti/press/news/details/1276768?lang=ru

Қостанай облысында сөре мен кассадағы бағаның сәйкес келмеу фактісі анықталды. «А-Маркет» супермаркетінде шоколад плиткасы сөреде 445 теңге деп көрсетілген. Алайда кассада тауардың бағасы 460 теңге болған.Тексеру нәтижесінде сауда субъектісі әкімшілік жауапкершілікке тартылды. Іс қысқартылған тәртіппен қаралып, 140 562,5 теңге көлемінде айыппұл салынды.Бұл – сауда орындарында бағаның дұрыс көрсетілуі қаншалықты маңызды екенін көрсететін мысал. ҚР СИМ Қостанай облысы бойынша Сауда және тұтынушылардың құқықтарын қорғау департаменті жыл басынан бері 141 кәсіпкерді әкімшілік жауапкершілікке тартқан.Олардың 135-і «Сауда қызметін реттеу туралы» Қазақстан Республикасы Заңының 9-бабы 1-тармағын, яғни сауда үстемесінің белгіленген мөлшерден асып кетуіне жол берген. Тағы 6 кәсіпкер сөрелерде баға белгілерінің болмауына байланысты жауапкершілікке тартылды.Мемлекеттік бақылау жұмысының нәтижесінде Департамент әлеуметтік маңызы бар азық-түлік тауарларының бағасын төмендетті: картоп 235 тг/кг-нан 170 тг/кг-ға дейін немесе 38,2%, пияз 330 тг/кг-нан 200 тг/кг-ға дейін немесе 65%, қырыққабат 230 тг/кг-нан 195 тг/кг-ға дейін немесе 17,9%, сәбіз 420 тг-дан 360 тг/кг дейін немесе 16,7%, "Рава" қияры 1900 тг/кг-нан 1380 тг/кг-ға дейін немесе 37,7%, "Миринда" қияры 650 тг/кг-нан 550 тг / кг-ға дейін немесе 18,2%, қызанақ 1560 тг/кг-нан 1260 тг/кг-ға дейін немесе 23,8%, алма 850 тг/кг-нан 840 тг/кг-ға дейін немесе 1,2% - ға дейін, ұн бірінші сорт 165 тг/кг-нан 144 тг/кг-ға дейін немесе 14,6% - ға дейін, жұмыртқа с-1 65 тг/данадан 60 тг/данаға дейін немесе 8,3% - ға дейін, қант 530 тг/кг-нан 490 тг/кг-ға дейін немесе 8,2%, қарақұмық 370 тг/кг-нан 310 тг/кг-ға дейін немесе 19,4%, күріш 470 тг/кг-нан 460 тг/кг-ға дейін немесе 2,2%, рожки 450 тг/кг-нан 370 тг/кг-ға дейін немесе 21,6%, күнбағыс майы 799 тг/дана 776 тг/дана дейін немесе 3%, шай 1350 тг/дана 1265 тг/дана дейін немесе 6,7%, ірімшік 4655 тг/кг бастап 4490 тг/кг дейін немесе 3,7%, айран 1 кг 2,5% май 470 тг/дана дейін 380 немесе 23,7%, тауық еті 1241 тг/кг-нан 921 тг/кг-ға дейін немесе 34,7%.Департамент әлеуметтік маңызы бар азық түлік тауарларына сауда үстемесінің заңнамада белгіленген мөлшерден асып кетуіне жол бермеу бойынша жұмысты жалғастыруда.Ақпарат көзі : https://www.gov.kz/memleket/entities/mti/press/news/details/1276507?lang=ru

Қостанай облысының әкімі Құмар Ақсақаловтың төрағалығымен 2026-2027 жаңа оқу жылына дайындық тақырыбына арналған облыс әкімдігінің отырысы өтті.Мемлекет басшысы білім мен жас ұрпаққа ерекше көңіл бөліп келеді. Облысымызда соңғы үш жылда 10 мектеп салынды, оның алтауы – «Келешек мектептері». Келешек мектептер әлемдік талаптарға сай толық жабдықталған. Ғылыми жобалар мен зерттеулерде жасанды интеллект пайдаланады.«Мектептердегі орын тапшылығы 7 500-ден 2 500-ге дейін 3 есеге азайды. Қалған 2,5 мың тапшылықты шешу үшін 2 мектеп салынады», – деді аймақ басшысы.2023 жылдан бастап бастауыш сынып оқушылары тегін ыстық тамақпен қамтылады. Сапалы тамақтануды қамтамасыз ету үшін бірде-бір білім беру нысандарында санитарлық-эпидемиологиялық қорытындысы жоқ асхана болмауы тиіс.«Мектепке жол» акциясын сапалы әрі ашық түрде өткізіп, көмекке мұқтаж балаларды толық қамтуды қамтамасыз ету қажет. Бизнес өкілдерін аталған акцияға белсенді қатысуға шақырамын. Мұның барлығы балалардың жайлы білім алуына, жан-жақты дамуына және жақсы нәтижелерге қол жеткізуіне жасалып отырған жағдай», – деп атап өтті Құмар Ақсақалов.Соңғы екі жылда облыс экономикасының өсу қарқыны орташа республикалық көрсеткіштен жоғары болды. Бұл тек инвестиция тартудың, жаңа зауыттар мен фабрикаларды іске қосудың нәтижесі ғана емес, білікті мамандардың – білім беру ұйымдары түлектерінің де еңбегінің жемісі.Айта кетейік, қазіргі таңда жаңа өндірістердегі жұмысшылардың 50-70%-ін 35 жасқа дейінгі жастар құрайды.Ақпарат көзі : https://www.gov.kz/memleket/entities/kostanay/press/news/details/1276174?lang=ru

Қазақстанның барлық әлем елдерімен шикізаттық емес тауарлар бойынша тауар айналымы 2026 жылдың  қаңтар–маусым айларының  қорытындысы бойынша $43,9 млрд-қа жетті. Өткен жылдың сәйкес кезеңімен салыстырғанда көрсеткіш 7,6%-ға немесе $3,1 млрд-қа өсті. Бұл ретте экспорт айтарлықтай жоғары қарқын көрсетті. 2026 жылдың алғашқы алты айында қазақстандық кәсіпорындар сыртқы нарықтарға $15,2 млрд сомасына өңделген тауар жөнелтті, бұл бір жыл бұрынғы көрсеткіштен 17,6%-ға көп.2026 жылдың алғашқы алты айы Қазақстанның шикізаттық емес және өңделген тауарлар сыртқы саудасының өсуі жалғасқан кезекті кезең болды. Импорттың қалыпты өсуі аясында оң динамиканың негізгі көзі экспорт болды. Бір жыл ішінде экспорттық жеткізілімдер $2,3 млрд-қа өсіп, $12,9 млрд-тан $15,2 млрд-қа жетті, ал импорт 3%-ға, $27,9 млрд-тан $28,7 млрд-қа дейін өсті.Осылайша, 2026 жылдың қаңтар–маусымда шикізаттық емес және өңделген тауарлар экспорты импортқа қарағанда алты есеге жуық жылдам өсті. Сонымен қатар сауда балансының теріс сальдосы $14,9 млрд-тан $13,5 млрд-қа дейін қысқарып, $1,4 млрд-қа жақсарды.Әсіресе, соңғы 7 жылдағы динамика айқын көрінеді. 2019 жылдың қаңтар–маусымда шикізаттық емес және өңделген тауарлардың тауар айналымы $23,6 млрд,  ал экспорт $7,72 млрд болды. 2026 жылдың  қаңтар–маусымда бұл көрсеткіштер тиісінше $43,9 млрд және $15,2 млрд-қа жетті. Осылайша, 7 жыл ішінде тауар айналымы 1,9 есеге жуық, ал экспорт іс жүзінде екі есеге өсіп, шамамен 97%-ға артты. Бұл ретте $15,2 млрд көлеміндегі қазіргі экспорт көлемі осы жылдар ішіндегі ең жоғары көрсеткіш.Жеткізілімдердің өсуі қазақстандық өнімнің бірден бірнеше ірі әрі перспективалы нарықтарға шығуының себібененболды. Ең елеулі өсім Түркия бойынша тіркелді: 2026 жылдың қаңтар–маусымда бұл елге экспорт екі есеге өсіп, $950 млн-нан $1,91 млрд-қа жетті. Осылайша, тек түрік бағыты бойынша Қазақстан қосымша шамамен $960 млн экспорттық түсім алды.Ұлыбритания бойынша одан да айқын динамика байқалды. Мәселен, экспорт 2,7 есеге өсіп, $248,9 млн-нан $671,8 млн-ға жетті. Қытайға жеткізілімдер 12,1%-ға өсіп, $3,67 млрд болды, бұл 2025 жылдың сәйкес кезеңімен салыстырғанда шамамен $400 млн қосымша экспортты қамтамасыз етті.Өзбекстан, Франция, Ауғанстан және Гонконг нарықтарында да айтарлықтай өсім байқалды. Өзбекстанға экспорт 23,5%-ға өсіп, $1,39 млрд-қа, Францияға 2,4 есеге өсіп, $385,4 млн-ға, Ауғанстанға 2,1 есеге өсіп, $344,9 млн-ға, ал Гонконгқа 2,9 есеге өсіп, $220 млн-ға жетті.Әсіресе маңыздысы, тек Түркия, Ұлыбритания және Қытай өткен жылдың бірінші жартыжылдығымен салыстырғанда шамамен $1,8 млрд қосымша экспортты қамтамасыз етті. Бұл жеткізілімдердің физикалық көлемінің өскенін ғана емес, қазақстандық компаниялардың ірі халықаралық нарықтардағы мүмкіндіктерінің кеңейгенін де көрсетеді.Бүгінде экспорттық себеттің негізін мыс және мыс катодтары  $2,84 млрд, уран  $1,51 млрд, ферроқорытпалар  $1,1 млрд, күміс  $781,3 млн, күнбағыс майы  $533 млн, жануарларға арналған азық өнімдері  $438 млн сияқты тауарлар құрайды.Өсу қарқындарының арақатынасы да маңызды нәтиже болып отыр. Экспорт 17,6%-ға артқан кезде, шикізаттық емес және өңделген тауарлар импорты небәрі 3%-ға өсті. Нәтижесінде экспорт пен импорт арасындағы айырмашылық біртіндеп қысқарып, сауда балансы бір жыл ішінде $1,4 млрд-қа жақсарды.Ақпарат көзі : https://www.gov.kz/memleket/entities/mti/press/news/details/1275987?lang=ru

2027 жылдың 1 қаңтарынан бастап Қазақстан Республикасының аумағында ресми бекітілген «Органикалық тыңайтқыштар. Өнеркәсіптік өндіріске қойылатын жалпы техникалық талаптар» ҚР СТ стандарты қолданысқа енгізіледі. Құжат өндірушілер үшін бірыңғай ережелерді қалыптастырып, отандық өнімдердің жалпы сапасын арттыруға және елдегі органикалық егіншілік экожүйесін дамытуға негізгі бағыт-бағдар береді.Жаңа стандарт аясында мал шаруашылығы қалдықтарын, атап айтқанда мал қиын, құс саңғырығын, компосттарды, биогумусты және өзге де шикізат түрлерін өнеркәсіптік қайта өңдеу процестері жүйелі түрде регламенттелді.Құжатта биогаз қондырғыларынан алынатын дигестатты қайта өңдеуге ерекше көңіл бөлініп, аэробты және вермикомпосттау, метантенктердегі анаэробты ферменттеу, сондай-ақ кептіру және түйіршіктеу процестері үшін нақты технологиялық нормалар бекітілді. Бұл отандық кәсіпорындарға өндірістік қуаттарды тиімді пайдаланып, халықаралық талаптарға сай жоғары сапалы тыңайтқыштар шығаруға мүмкіндік береді.Өнімдердің қауіпсіздігін қамтамасыз ету мақсатында стандартта қатаң ветеринариялық-санитариялық көрсеткіштер қарастырылған. Дайын органикалық тыңайтқыштарда патогенді микрофлораның, соның ішінде сальмонеллалардың және гельминт жұмыртқаларының болуына толықтай тыйым салынады.Сонымен қатар, қорғасын, кадмий, сынап және күшәла сияқты ауыр металдардың шекті рұқсат етілген концентрациялары мен өнімнің радиациялық фонына қойылатын талаптар гигиеналық нормативтерге сәйкестендірілді. Белгіленген гигиеналық нормативтерден аспайтын өнімнің табиғи және жасанды радиациялық фоны да нормаланады. Құжат өндірістік алаңдарды, биореакторларды, вентиляция жүйелерін жабдықтауға және қоршаған ортаның ластануын болдырмауға қойылатын талаптарды егжей-тегжейлі түсіндіреді. Бұдан бөлек, стандарт тыңайтқыштарды өлшеп-орау, таңбалау, тасымалдау және сақтау тәртібін айқындайды.Құжатты әзірлеу «Тыңайтқыштардың қауіпсіздігіне қойылатын талаптар» Техникалық регламентінің (ҚР Ауыл шаруашылығы министрінің № 26 бұйрығы) нормаларын тікелей іске асыру шеңберінде орындалды. Бұл ретте экологиялық заңнаманың талаптары, өрт және санитариялық-гигиеналық қауіпсіздік нормалары ескерілді.Ақпарат көзі : https://www.gov.kz/memleket/entities/mti/press/news/details/1275715?lang=ru

2026 жылдың 14–16 тамыз аралығында Лисаковск қаласындағы «Алый парус» демалыс базасында жастар мен еріктілер арасында Қостанай облыстық экологиялық слеті өткізіліп жатыр.Іс-шараны «Neco» экологиялық клубы» қоғамдық қоры Қостанай облысы әкімдігінің «Қоғамдық даму басқармасы» ММ қолдауымен «Таза Қазақстан» қағидаты аясында жүзеге асырылатын «EcoZhas» жобасы шеңберінде жастар мен еріктілер арасында экологиялық идеяларды ілгерілету» жобасы аясында ұйымдастырды.Слетке Қостанай облысының 18–35 жас аралығындағы 80-ге дейін белсенді жастары мен волонтерлік қоғамдастық өкілдері, оның ішінде облыстың аудандары мен қалаларындағы жастар ресурстық орталықтарының өкілдері қатысты.Слеттің негізгі мақсаты – жастар арасында экологиялық мәдениетті қалыптастыру, экологиялық волонтерлікті, көшбасшылық құзыреттер мен жобалық ойлау дағдыларын дамыту, сондай-ақ жастардың өңірдегі экологиялық мәселелерді шешуге қатысу деңгейін арттыру.Іс-шара слет қатысушыларына арналып ұйымдастырылған Эко кәсіпорындар мен ұйымдарды аралаумен басталды. Экскурсия барысында жас эковолонтерлер экокабинет, мемлекеттік питомник, жеке питомник, "Атамекен 4+", "АгроЭкоХаб" сияқты ұйымдарды аралады. Соңынан ұйымдасқан түрде слет болатын Лисаковск қаласының «Алый парус» демалыс базасына бет алды.Үш күндік бағдарлама аясында қатысушылар бірінші күні экологиялық кәсіпорындар мен ұйымдардың қызметімен танысты, екінші күні білім беру тренингтері жоспарланған, сонымен қатар үшінші күні шеберлік сабақтары, командалық және жобалық жұмыстарға қатысу ұйымдастырылады.Бағдарламаның негізгі бағыттарының бірі – экологиялық стратегиялар мен практикалық шешімдерді әзірлеуге үйрету. Қатысушылар командаларға бөлініп, өңірдегі өзекті экологиялық мәселелерді анықтайды, өздерінің стратегияларын осы үш күнде әзірлейді және оларды қорғайды.Білім беру бағдарламасы экологиялық волонтерлік, ұқыпты тұтыну, зооволонтерлік, қалдықтарды қайта өңдеу және қайта пайдалану, көгалдандыру, жаңартылатын энергия көздері, экологиялық және климаттық жобалар, сондай-ақ экология мен волонтерлік саласындағы халықаралық тәжірибелер сияқты бағыттарды қамтиды.Спикерлер мен сарапшылар ретінде республикалық және өңірлік деңгейдегі мамандар бар – Окапова Асыл, Евженкова Людмила, Соловьева Ольга, Шадрина Динара, Генадий Ипатов, Жанбуршинов Азим, Жұмат Бауыржан Киікбайұлы және Татьяна Миронюк.Слет аясында командалық өзара іс-қимылды дамытуға, сондай-ақ қатысушылар арасындағы кәсіби және тұлғааралық байланыстарды нығайтуға бағытталған тимбилдингтер, спорттық және мәдени-демалыс іс-шаралары да ұйымдастырылады.Іс-шара қорытындысы бойынша қатысушылар әзірлеген экологиялық стратегияларын таныстырады. Үздік стратегияны іске асыруға кемінде 1 000 000 теңге көлемінде қаржыландыру беріледі. Слеттің барлық қатысушыларына сертификаттар табысталады.Іс-шараның үшінші күні «Нас тут не было!» экологиялық акциясымен қорытындыланады. Акция барысында қатысушылар аумақты тазалау жұмыстарын жүргізеді.Слетті өткізу Қостанай облысындағы жастардың экологиялық қозғалысын дамытуға, волонтерлік бастамаларды қолдауға және «Таза Қазақстан» қағидаттарына сәйкес жастардың өңірдің экологиялық күн тәртібін іске асыруға қатысуының практикалық тетіктерін қалыптастыруға бағытталған.Ақпарат көзі : https://www.gov.kz/memleket/entities/kostanay/press/news/details/1274627?lang=ru

14 тамызда Қостанай облысының әкімі Құмар Иргибаевич Ақсақаловтың қатысуымен «Адами капитал – өңір дамуының стратегиялық негізі: білім сапасы және жаңа оқу жылының басымдықтары» тақырыбында білім беру қызметкерлерінің облыстық тамыз кеңесі өтті.Пленарлық отырыс кәсіби диалог форматында ұйымдастырылып, білім сапасы, заманауи білім беру технологиялары мен жасанды интеллект, ауыл мектептерін дамыту, педагогтердің кәсіби құзыреттері және болашақ ұрпаққа қажетті дағдылар талқыланды.Іс-шараның ең әсерлі жаңалықтарының бірі – Ұмай атты цифрлық виртуалды жүргізушінің алғаш рет сахнаға пленарлық отырыстың дәстүрлі модераторымен бірге шығуы болды. Жасанды интеллект технологиялары негізінде әзірленген Ұмай кеңестің ең жарқын ерекшеліктерінің біріне айналды.Өзінің бейнеүндеуінде ҚР Оқу-ағарту министрі Жұлдыз Сүлейменова білім беруді дамытудың стратегиялық бағыттарына тоқталып, білім сапасын арттыру, цифрландыру, заманауи технологиялар мен жасанды интеллектіні енгізудің маңыздылығын атап өтті.Қостанай облысының білім басқармасының басшысы Ардақ Бегатаров өңірлік білім беру жүйесінің басымдықтарын таныстырды. Оның ішінде білім сапасын арттыру, оқушылардың функционалдық сауаттылығын дамыту, педагогтердің кәсіби шеберлігін жетілдіру және сапалы білім алуға тең мүмкіндік жасау мәселелеріне ерекше мән берілді.ҚР Оқу-ағарту вице-министрі Жайық Шарабасов білім беру саласындағы мемлекеттік саясаттың негізгі бағыттары мен жаңа оқу жылына қойылған міндеттер туралы баяндады.Мұхаммад Әли Джавед, Мұхаммед бен Заид атындағы Жасанды интеллект университетінің (Абу-Даби) жасанды интеллект және деректерді талдау жөніндегі сарапшысы, мектептерді жасанды интеллект дәуіріне дайындау, технологияларды жауапкершілікпен пайдалану және педагогтің негізгі рөлін сақтау мәселелерін қозғады.«Білім-Инновация» халықаралық қоғамдық қорының бірінші вице-президенті Ержан Аубакиров «Ауыл мектебі – сапа алаңы» жобасы аясында ауылдық және шағын жинақты мектептерді қолдаудың тиімді тәжірибелерімен бөлісті.Семей қаласындағы «Білім-инновация» лицейінің мұғалімі Марат Айткалиев Альфа ұрпағы және болашақ құзыреттері тақырыбына тоқталып, педагогтің тәлімгер әрі көшбасшы ретіндегі рөліне назар аударды.Кеңес қорытындысын шығарған Қостанай облысының әкімі Құмар Ақсақалов Мемлекет басшысы Қасым-Жомарт Кемелұлы Тоқаевтың білім беру мен жас ұрпақ мәселелеріне ерекше көңіл бөліп отырғанын атап өтті. Бұл бағыттардың жаңа Халық Конституциясында да көрініс тапқанын жеткізді.«Білім беру – біз үшін де басты басымдықтардың бірі. Өйткені бұл – әр отбасының өміріне тікелей қатысты сала», – деді өңір басшысы.Бүгінде облыстың білім беру жүйесі шамамен 150 мың баланы қамтиды, салада 36 мыңнан астам қызметкер еңбек етеді. Биыл білім беру саласына 227,1 млрд теңге бөлінді. Бұл облыстық бюджеттің шамамен үштен бірін құрайды. 2023 жылы бұл көрсеткіш 176,8 млрд теңге болған.Соңғы үш жылда облыста 15 балабақша мен 10 мектеп салынды, 457 нысанға жөндеу жұмыстары жүргізілді, оның ішінде 30 нысанға күрделі жөндеу жасалды. Осы кезеңде өңірдің 83 түлегі әлемнің жетекші жоғары оқу орындарында білім алу үшін гранттарға ие болды.«Біздің міндетіміз – мұндай мысалдардың жекелеген жағдай болып қалмауын, тұрғылықты жеріне қарамастан әр балаға бірдей мүмкіндік берілуін қамтамасыз ету. Ал педагогтердің міндеті – баланың қабілетін дер кезінде байқап, қолдау көрсетіп, оның жан-жақты дамуына мүмкіндік жасау», – деді Құмар Ақсақалов.«Жастар сарайының» холында білім берудің заманауи шешімдері, цифрлық құралдар мен практикалық әзірлемелер ұсынылған тақырыптық көрмелер ұйымдастырылды. Сонымен қатар педагогтер жаңа тәсілдермен танысып қана қоймай, оларды тәжірибе жүзінде қолдануға мүмкіндік алған шеберлік сабақтары өтті.Кеңес білім беру қызметкерлерін марапаттау рәсімімен қорытындыланды. Облыс әкімі 25 педагогке ведомстволық және өңірлік марапаттарды табыстады.3 педагог «Еңбек ардагері» медалімен, 4 педагог Ы. Алтынсарин атындағы төсбелгімен, 2 педагог «Білім беру саласының үздігі» төсбелгісімен, 2 педагог «Орта білім беру ісінің үздігі» құрметті дипломымен, тағы 2 педагог «Техникалық және кәсіптік білім беру ісінің үздігі» құрметті дипломымен марапатталды.Сонымен қатар 3 білім беру қызметкеріне ҚР Оқу-ағарту министрлігінің Құрмет грамоталары, 4 қызметкерге министрліктің Алғыс хаттары, тағы 5 педагогке Қостанай облысы әкімінің грамоталары табысталды.Сондай-ақ өңірлік байқаулардың жеңімпаздарына сертификаттар берілді. Арқалық қаласының білім бөлімінің Ы. Алтынсарин атындағы гимназиясы 2026 жылғы орта білім берудің үздік ұйымы деп танылса, Рудный тау-кен технологиялық колледжі техникалық және кәсіптік білім берудің 2026 жылғы үздік ұйымы атанды. Оларға 68 миллион теңге көлемінде сертификаттар табысталды.Рудный қаласының білім бөлімі облыс қалалары арасында рейтингтік бағалау қорытындысы бойынша жеңімпаз атанды. Бейімбет Майлин ауданының білім бөлімі аудандар арасындағы рейтингтік бағалауда үздік деп танылды.Сондай-ақ «Таза Қазақстан» республикалық бастамасы аясындағы «Үздік мектеп ауласы» байқауының жеңімпаздарына сертификаттар табысталды.Облыстық тамыз кеңесі білім берудің стратегиялық міндеттерін нақты шешімдермен және педагогтердің озық тәжірибесімен ұштастырып, жаңа оқу жылында жүзеге асырылатын негізгі бағыттарды айқындады.Ақпарат көзі : https://www.gov.kz/memleket/entities/kostanay/press/news/details/1274618?lang=ru

Қостанай облысының әкімі Құмар Ақсақалов Қамысты ауданына барған жұмыс сапарында 5 отбасыға таза әрленген, әрқайсысының ауданы 80 шаршы метрлік жаңа пәтерлердің кілттерін тапсырды.Мемлекет басшысы халықты әлеуметтік қорғауға, әсіресе аға буын өкілдеріне лайықты жағдай жасауға ерекше көңіл бөледі.«Ауданда соңғы үш жылда 120 отбасы баспаналы болды. Қазіргі уақытта мемлекеттік қолдауға мұқтаж отбасыларға арналып тағы 36 пәтер салынуда», – деді аймақ басшысы салтанатты шарада.Айта кету керек, аудандағы бизнес субъектілері тұрғын үй құрылысын дамытуға айтарлықтай үлес қосуда. 2023 жылдан бастап жеке инвестициялар есебінен жалпы құны 840 млн теңге болатын 34 тұрғын үй салынды.Жалпы, соңғы 3,5 жылда облысымызда шамамен 1,8 млн шаршы метр тұрғын үй пайдалануға берілді. 18 мыңнан астам отбасы өз жағдайын жақсартты.Ақпарат көзі : https://www.gov.kz/memleket/entities/kostanay/press/news/details/1274567?lang=ru

Бүгін облыс әкімі Мұрат Ергешбаев Қазақстан мұсылмандары діни басқармасының төрағасы, Бас мүфти Наурызбай қажы Тағанұлын қабылдады.Кездесуде өңірдегі қоғамдық тұрақтылықты сақтау және діни ахуалды одан әрі жақсарту бағытында атқарылып жатқан жұмыстар талқыланды.«Сыр өңірі – тарихы терең, қазақы болмысы сақталған қасиетті өлке. Бүгінде елімізге адал қызмет етіп жүрген дін қызметкерлерінің нәтижелі жұмысының арқасында аймақтағы діни ахуал тұрақты.Тәуелсіздіктің алғашқы жылдарында өңірде небәрі 14 мешіт болса, бүгінде олардың саны 195-ке жетіп, тұрғындардың игілігіне қызмет етуде. Бұдан бөлек, облыста 6 мешіттің құрылысы жүргізілуде. Олардың үшеуі бір мезетте 1000-ға жуық адамды қабылдай алады.Кәсіпкерлердің демеушілігімен бой көтеріп, бүгін ресми түрде ашылған Тасбөгет кентіндегі мешіт те осы қатарда. Сонымен бірге Арал мен Байқоңыр қалаларында салынып жатқан екі ғибадат үйі де жуық арада ел игілігіне берілмек.Мемлекет басшысы Қасым-Жомарт Кемелұлы өскелең ұрпақтың рухани тәрбиесіне ерекше мән беріп келеді. Бүгінде өкілдік қызметкерлерінің басым бөлігі – жас әрі жоғары білімді мамандар. Бұл – аймақ жастарының сапалы әрі дұрыс діни ақпарат алуға деген сұранысының артып келе жатқанын көрсетеді.Бүгінде әкімдік пен құқық қорғау органдарының қызметкерлері «Заң мен тәртіп» қағидаты аясында қала, аудан және шалғай елді мекендердегі тұрғындар арасында түсіндіру жұмыстарын тұрақты жүргізеді. Жат ағымдардың алдын алу және олармен күресуде тиісті шаралар ұйымдастырады. Бұл жұмыстарды одан әрі жандандыруда Сіздердің қолдауларыңыздың маңызы зор.Екі тараптың бірлескен оң бастамалары қоғамдық тұрақтылықты нығайтып, егемен еліміздің бірлігі мен тұтастығын сақтауға берік негіз болады деп сенемін», – деді аймақ басшысы.Өз кезегінде Бас мүфти діни тұрақтылықты сақтаудағы жұмыстарға оң бағасын беріп, бірлескен бастамалар үшін ризашылығын білдірді.Ақпарат көзі : https://www.gov.kz/memleket/entities/kyzylorda/press/news/details/1274400?lang=ru

Бүгін облыс әкімі Мұрат Ергешбаевтың төрағалығымен Оңтүстік Кореямен ынтымақтастықты одан әрі дамыту мәселелеріне арналған жиын өтті.Екі ел арасындағы достық қарым- қатынас пен стратегиялық серіктестік өңіраралық байланыстарды дамытуға оң әсерін тигізді. Әсіресе, инвестиция тарту, жаңа өндіріс орындарын ашу, озық технологияларды қолданысқа енгізу бағытында өз нәтижесін беріп келеді. Өткен жылы Қызылорда облысы мен Корея Республикасы арасындағы өзара тауар айналымының көлемі 1,2 млн АҚШ долларына жетіп, өсім көрсеткіші артқан. Мемлекет басшысы елімізде шетелдік жетекші жоғары оқу орындарының филиалдарын ашу туралы тапсырма бергені белгілі. Осыған сәйкес, Қорқыт ата атындағы Қызылорда университетінің базасында Оңтүстік Кореяның SeoulTech университетінің Жасанды интеллект мектебі ашылды.Бүгінде еліміздегі алғашқы жасанды интеллект мектебінде 225 студент білім алуда. Алдағы оқу жылында тағы 128 студент қабылданады. Сонымен қатар, шикізат өндірісін ұлғайту мақсатында кореялық компаниялармен келіссөздер жүргізілуде.Атап айтқанда, витражды терезе өндірісін жолға қою және сауда-логистикалық орталық құру туралы бірқатар ұсыныс қарастырылып жатыр. Аталған жобаларды инвестициялық әлеуеті жоғары Қорқыт Ата арнайы экономикалық аймағында орналастыру көзделген.Ақпарат көзі : https://www.gov.kz/memleket/entities/kyzylorda/press/news/details/1273077?lang=ru

Арқалық қаласының 70 жылдық мерейтойы аясында 39-шы жазғы облыстық Спартакиада жоғары деңгейде ұйымдастырылды. Дәстүрлі спорт додасының алауы 20 жылдан кейін қайтадан Арқалықта жағылды. Бүгінде Арқалықтың жаңа тынысы ашылып, қала қайта түлеп келеді. Мемлекет басшысы Қасым-Жомарт Тоқаевтың қолдауымен Арқалық пен бүкіл Торғай өңірін әлеуметтік-экономикалық дамытуға бағытталған жүйелі жұмыстар жүзеге асырылуда. Спорт – ұлт денсаулығының кепілі. Сондықтан облыста бұқаралық спортты дамытуға және спорт инфрақұрылымын жаңғыртуға ерекше мән берілуде.«Соңғы 3 жылда облыста 30-дан астам спорт нысаны салынды. Оның ішінде 18 дене шынықтыру-сауықтыру кешені, 8 спорт залы, 2 стадион, 6 жабық хоккей корты, ат манежі мен бассейн бар. Қазір тағы 7 спорт нысанының жобасы іске асырылуда. Аулаларда 47 спорт алаңы салынды», деді аймақ басшысы Құмар Ақсақалов.Арқалықта өткен жылы күрес залы, дарынды балаларға арналған мектеп-интернат, «Қазақстан» спорт кешені пайдалануға беріліп, «Жігер» стадионы жаңғыртылды. Қазір қалада жабық хоккей корты мен дене шынықтыру-сауықтыру кешенінің құрылысы жүріп жатыр.Облыста бұқаралық спортты дамыту мақсатында мектеп және студенттер лигалары тұрақты өткізіледі. Көптеген спортшыларымыздың үлкен жетістіктерге бастар жолы дәл осындай аудандық және облыстық жарыстардан басталған.Ақпарат көзі : https://www.gov.kz/memleket/entities/kostanay/press/news/details/1271398?lang=ru

Арқалық қаласының 70 жылдығы жоғары деңгейде өтті. Мерейтой барысында өткен үлкен салтанатты шараның бірі – қайта жаңғыртудан кейін ашылған теміржол вокзалы.Мемлекет Басшысының тапсырмасы бойынша елімізде 125 теміржол вокзалын ауқымды жаңғырту жұмыстары жүргізілуде. Облыста Қостанай қаласы, Арқалық, Тобыл, Железорудный, Аманқарағай, Кұсмұрын бекеттерінде 6 теміржол вокзалы қайта жаңғыртылуда. Осыған дейін Аманқарағай, Құсмұрын, Рудный теміржол вокзалдары ашылған болатын.«Ал, бүгін біз Арқалық қаласы үшін өте маңызды да қуанышты оқиғаның куәсі болып отырмыз. Қаланың 70-жылдық мерейтойында жаңарған, заманауи теміржол вокзалы өз есігін айқара ашып отыр. Бұл тек инфрақұрылымдық жоба емес, бұл Арқалықтың өркендеуінің, Мемлекет басшысы жүргізіп отырған өңірлерді дамыту саясатының жарқын көрінісі!», – деді Қостанай облысының әкімі Құмар Ақсақалов құттықтау сөзінде.Жаңарту жұмыстарына 1,3 млрд теңге жұмсалды. Ғимарат 1972 жылы салынған. Соңғы жөндеу 2015 жылы өткізілген. Биыл ғимараттың сәулеттік келбеті толық жаңарып, инженерлік желілері жөнделді. Күту залы, билет кассалары мен санитарлық тораптар заманауи талаптарға сәйкес жабдықталды. Вокзал маңындағы алаң абаттандырылды.Теміржол вокзалының ауданы 1 772-ден 2 400 шаршы метрге дейін ұлғайды.Станция арқылы 8 пойыз, оның ішінде Астана, Қостанай және Шұбаркөл бағытында 4 қала маңы пойызы қатынайды.«Қаламыздың 70 жылдық мерейтойына орай, күнара қатынайтын, жаңа вагондардан тұратын «Нұрлы жол – Арқалық» жолаушылар пойызы іске қосылды. Мұның маңызы өте зор. Жаңа бағыт өңірдің қатынас мүмкіндігін едәуір жақсартты. Бұл жоба –  ең алдымен халыққа сапалы, жайлы әрі қауіпсіз қызмет көрсету үшін жүзеге асырылды», – деді Құмар Ақсақалов.Вокзал тәулігіне 428 адамды қабылдай алады. Мүгедектігі бар азаматтар, қарт адамдар және балалары бар жолаушылар үшін кедергісіз орта қалыптастырылды.Жаңартылған вокзал жолаушылар ағынын және іскерлік белсенділіктің артуына ықпал етеді. Атап айтсақ, өңірдің көлік-логистикалық әлеуеті артып келеді. Аймақ басшысы көлік қатынасын дамытпай, ел экономикасын көтеру мүмкін емес екенін жеткізді.Арқалық өңірінің экономикасына жаңа серпін беру мақсатында екі маңызды жол жаңаруда. Біріншісі – «Жезқазған-Арқалық» автожолы. Арқалықтан Жезқазғанға дейін 309 шақырым. Біздің облыс бойынша өтетін  71 шақырым жөнделді. Биыл 8 шақырымның жөндеу жұмыстары аяқталуға жақын. Ұлытау облысы бойынша өтетін жолдың жөндеуі де биыл аяқталады. Арқалықтан Есілге дейін облыс бойынша өтетін жолдың жөндеуі толық аяқталды. Оның арқасында бұл бағыт 500 шақырымға қысқарады.Екіншісі – Мемлекет Басшысының тапсырмасымен салынып жатқан, Арқалық және Торғай арқылы өтетін жаңа «Орталық-Батыс» жолы.«Жаңартылған әуежайды жақын арада ашамыз. Жоба өңір мен жергілікті тұрғындар үшін үлкен маңызға ие. Нәтижесінде, Арқалық еліміздің солтүстігін, орталығын, батысы мен оңтүстігін өзара жалғайтын маңызды көлік және логистикалық хабқа айналады. Көліктік логистиканың дамуы Арқалықтың экономикасына серпін береді, сондай-ақ кәсіпкерлік пен ішкі туризмді жандандырады», – деп атап өтті облыс әкімі.  Ақпарат көзі : https://www.gov.kz/memleket/entities/kostanay/press/news/details/1271360?lang=ru

Техникалық реттеу және метрология Комитетінің Батыс Қазақстан облысы бойынша Департаменті санитарлық-эпидемиологиялық бақылау органдарымен өзара іс-қимылы нәтижесінде тамақ өнімдерін «жалған» сертификаттау фактісі анықталды.Тиісті жұмысты жүргізуге мұздатылған ет құрамды жартылай фабрикаттарды бақылау мақсатында сатып алу нәтижелері бойынша келіп түскен материалдар негіз болды. Өнім Беларусь Республикасының сертификаттау органында ресімделген ЕАЭО сәйкестік туралы декларациясымен бірге өткізілген.Сәйкестікті бағалау материалдарын зерделеу барысында декларация Алматы қаласындағы аккредиттелген сынақ зертханасы берген деп көрсетілген сынақ хаттамасының негізінде қабылданғаны анықталды.Құжаттың түпнұсқалығын тексеру мақсатында Департамент аталған зертханаға ресми сұрау жолдады. Алынған жауапқа сәйкес, бұл өнімге сынақтар зертханада жүргізілмеген, ал тиісті сынақ хаттамасы ресімделмеген және берілмеген.Осылайша, сәйкестік туралы декларация өнімге сынақтардың нақты жүргізілгенін және оның Еуразиялық экономикалық одақтың техникалық регламенттерінің міндетті талаптарына сәйкестігін растамайтын анық емес дәлелдемелік материал негізінде тіркелген.Материалдарды қарау нәтижелері бойынша сәйкестік туралы декларацияның Қазақстан Республикасының аумағындағы қолданысын жою туралы шешім қабылданды. Ақпарат уәкілетті органға және техникалық реттеу саласында бақылау мен қадағалауды жүзеге асыратын мемлекеттік органдарға жолданды.Сәйкестікті растау және бағалау рәсімдерін жүргізу қағидаларын бұзғаны үшін өнім өндіруші әкімшілік жауапкершілікке тартылды.Аталған жағдай декларацияның тізілімде формальды түрде болуы заңнамада көзделген сынақтардың іс жүзінде өткізілгенін әрдайым білдірмейтінін көрсетеді. Сынақ хаттамаларының түпнұсқалығын және дәлелдемелік материалдардың қадағалануын тексеру «сұр» сертификаттауға қарсы іс-қимыл жасаудың және қауіпсіздігі расталмаған өнімнен нарықты қорғаудың негізгі құралдарының бірі болып табылады.Департамент сәйкестікті бағалау жөніндегі анық емес құжаттарды анықтау және қажетті сынақтарды нақты өткізбей декларацияларды тіркеу практикасының жолын кесу бойынша ведомствоаралық жұмысты жалғастырады.Ақпарат көзі : https://www.gov.kz/memleket/entities/mti/press/news/details/1271202?lang=ru

Қазақстандағы зертханалар, сертификаттау және инспекциялық ұйымдар міндетті бағалаудың бір бөлігін қашықтан өте бастады. ҚР СИМ ТКРМ Ұлттық аккредиттеу орталығы 32 қашықтан бағалау жүргізіп, цифрлық формат процедуралардың жоғары деңгейдегі объективтілігін, тәуелсіздігін және сапасын сақтауға мүмкіндік беретінін дәлелдеді. Қашықтан бағалауға өту ұлттық аккредиттеу жүйесін цифровизациялаудың кезекті кезеңі болды. Жаңа механизм бизнес үшін уақыт пен ұйымдастырушылық шығындарды азайтады, әкімшілік жүктемені төмендетеді және мемлекеттік ресурстарды тиімдірек пайдалануға ықпал етеді. Бұл ретте аккредиттеудің тәуелсіздік, құзыреттілік және нәтижелердің шынайылығы сияқты негізгі қағидаттары өзгеріссіз қалады. Сарапшылар атап өткендей, 2026 жылы қашықтан бағалау екінші жоспарлы бағалау кезінде пилоттық режимде жүргізіледі. Ал 2027 жылы Ұлттық аккредиттеу орталығы бұл тәжірибені кеңейтіп, қашықтан бағалау форматын барлық жоспарлы бағалауларға таратуды жоспарлап отыр. Сонымен қатар, бағалауды қашықтық форматында жүргізу міндетті болып табылмайды. Мұндай механизм белгіленген критерийлерге сәйкес келетін және қашықтан өзара әрекеттесу үшін қажетті техникалық мүмкіндіктері бар аккредиттеу субъектілеріне қатысты ғана қолданылады. Жаңа форматты енгізу үшін Орталық әдістемелік құжаттар топтамасын әзірледі, оның ішінде «Қашықтан бағалау» жұмыс нұсқаулығы, бағалаушыларға арналған ұсынымдар және аккредиттеу субъектілеріне арналған кері байланыс сауалнамасы бар. Бұл қашықтан бағалауды жүргізуге бірыңғай, ашық әрі түсінікті тәсілді қамтамасыз етуге, сондай-ақ іс-тәжірибе мен процесс қатысушыларының кері байланысын ескере отырып, механизмді жетілдіруге мүмкіндік береді. Ақпарат көзі : https://www.gov.kz/memleket/entities/mti/press/news/details/1270748?lang=ru

Қазақстан Республикасының 2022–2026 жылдарға арналған Сыбайлас жемқорлыққа қарсы саясат тұжырымдамасына сәйкес қоғамда сыбайлас жемқорлыққа қарсы мәдениетті қалыптастыру, адалдық қағидаттарын орнықтыру, азаматтардың құқықтық сауаттылығын арттыру, сондай-ақ сыбайлас жемқорлықтың кез келген көріністеріне төзбеушілік қағидатын нығайту басым бағыттардың бірі ретінде айқындалған.Ақпарат көзі : https://www.gov.kz/memleket/entities/kostanay/press/news/details/1270705?lang=ru

ҚР Сауда және интеграция министрлігі Сауда комитеті 2026 жылдың бірінші жартыжылдығы қорытындыланды. Жиын барысында әлеуметтік маңызы бар азық-түлік тауарларының бағасын тұрақтандыру шаралары мен өңірлік департаменттердің жұмыс тиімділігі талқыланды.Жүргізілген жүйелі жұмыстардың нәтижесінде елімізде әлеуметтік маңызы бар тауарлардың бағасының өсу қарқыны өткен кезеңмен салыстырғанда 4,6%-ға баяулаған.Бұл көрсеткішке мемлекеттік бақылауды күшейту, тауарлар тізбесін кеңейту және отандық өндірушілерді қолдау шаралары арқылы қол жеткізілді. Барлығы 3 907 әкімшілік іс тіркелді, оның ішінде 2 391-і рұқсат етілген сауда үстемесін асыруға қатысты болса, өңірлік комиссиялардың жұмысы арқылы 2 322 заңбұзушылық анықталып, жеткізу тізбегінен 164 тиімсіз делдал шеттетілді.Сонымен қатар, бақылау шаралары аясында заңсыз әкелінген 46,5 мыңнан астам жұмыртқа тәркіленіп, цифрлық азық-түлік ваучерлері мен 31 тауар позициясына баға мониторингі енгізілді. Сондай-ақ, апта сайын 132 ауыл шаруашылығы жәрмеңкесі ұйымдастырылып, 25 сауда базарын жаңғырту жұмыстары мен ақпаратты уақытылы ұсыну бойынша атқарушылық тәртіпті нығайту шаралары ерекше бақылауға алынды.Алайда маусым айының қорытындысы бойынша кейбір өңірлерде бағаны бақылау жұмыстарының әлсірегені байқалады. Мемлекеттік бақылау бағытында Атырау және Солтүстік Казахстан облыстарының жұмысы сынға алынды,. Әсіресе, Атырау облысында жарты жыл ішінде 12 заң бұзушылық дерегі анықталған, бұл бақылау жұмысының жеткіліксіздігін көрсетеді. Сонымен қатар Абай, Ақтөбе, Қарағанды, Жамбыл, Түркістан облыстары мен Астана қаласында жыл басынан бері бірде-бір тиімсіз делдал нарықтан шеттетілмеген.«Есеп үшін өткізілетін жиындардың бізге қажеті жоқ. Нақты нәтиже керек – заң бұзушылықтарды анықтау, тиімсіз делдалдарды нарықтан шығару және бағаның негізсіз өсуіне жол бермеу басты міндет болып қала береді» - деді сауда комитетінің төрағасы Ернұр Жаутыкбаев бақылау жұмыстарының сапасына қатысты қатаң талап қойды.Алқа мәжілісінің қорытындысы бойынша 2026 жылдың соңына дейін сауда базарларын жаңғырту жұмыстарын аяқтау тапсырылды. Екінші жартыжылдықтағы негізгі басымдықтар – баға тұрақтылығын сақтау, «үй жанындағы» шағын жәрмеңкелерді дамыту және цифрлық азық-түлік ваучерлері жобасын іске асыру болмақ.Ақпарат көзі : https://www.gov.kz/memleket/entities/mti/press/news/details/1270158?lang=ru

2026 жылдың тамызындағы жағдай бойынша Қазақстанның Ұлттық тауарлар каталогында (ҰТК) 29 миллионнан астам тауар тіркелген. Тіркелген тауарлардың ең үлкен үлесін киім-кешек пен күнделікті тұтыну тауарлары құрайды.Ұлттық тауарлар каталогындағы ОКТРУ санаттары бойынша жүргізілген талдау нәтижесіне сәйкес, көш басында – киім-кешек пен күнделікті тұтыну тауарлары. Бұл санатта 8 миллионнан астам тауар тіркелген, бұл каталогтағы барлық тауарлардың елеулі бөлігін құрайды. Екінші орында – көлік құралдары мен көлік жабдықтары. Бұл санатта 2 миллионнан астам тауар есепке алынған. Үшінші орында инженерлік жүйелерге арналған жабдықтар мен материалдар орналасқан, онда 1 миллионнан астам тауар тіркелген.Алғашқы ондыққа сондай-ақ құрылыс бұйымдары, жиһаз және интерьер тауарлары, азық-түлік пен сусындар, құрылыс материалдары, зергерлік бұйымдар, машиналар мен жабдықтар, сондай-ақ баспа өнімдері енді.Мұндай көрсеткіштер Қазақстанның тұтыну тауарлары нарығының құрылымын айқын көрсетеді. Сонымен қатар, бұл Ұлттық тауарлар каталогының ең алдымен жаппай тұтынылатын тауарларды өндірушілер мен импорттаушылар арасында кеңінен қолданылатынын дәлелдейді. Себебі дәл осы сегменттерде тауар айналымы жоғары әрі өнімнің қадағалануына қойылатын талап та жоғары.Ұлттық тауарлар каталогы (ҰТК) – Қазақстан Республикасында өндірілетін және елге импортталатын барлық тауарлар туралы мәліметтерді қамтитын бірыңғай мемлекеттік ақпараттық жүйе. ҰТК-ны бірыңғай мемлекеттік тауар анықтамалығы ретінде міндетті түрде пайдалану 2025 жылғы 18 шілдедегі №215-VIII Қазақстан Республикасының Заңымен бекітілген.Каталогтағы әрбір тауарға бірегей NTIN сәйкестендіру коды беріледі. Бұл – 13 таңбадан тұратын нөмір. Ол тауардың бүкіл өмірлік циклі барысында: өндіріс кезінде, импорттау, сақтау, өткізу, электрондық шот-фактураларды рәсімдеу және бақылау-касса машиналарында пайдаланылады. NTIN коды тегін беріледі және мерзімсіз жарамды.2026 жылғы 1 шілдеден бастап Ұлттық тауарлар каталогының талаптарын енгізуге арналған өтпелі кезең толық аяқталды. Соңғы кезеңде бұл талаптар шағын және микрокәсіпкерлік субъектілеріне, оның ішінде үй маңындағы дүкендерге де енгізілді. Қазіргі таңда сауда саласының барлық қатысушылары – ірі импорттаушылар мен өндірушілерден бастап шағын сауда орындарына дейін – Ұлттық тауарлар каталогын бірыңғай тауар анықтамалығы ретінде пайдалануға міндетті.Ақпарат көзі : https://www.gov.kz/memleket/entities/mti/press/news/details/1270147?lang=ru

Аймағымызда үш күн бойы «Қостанай дала» агрофестивалі жоғары деңгейде ұйымдастырылды. Енді бұл шара жыл сайын өткізіліп, еліміздің басты ауыл шаруашылығы көрмесіне айналатын болады. Айтулы шараға ҚР Ауыл шаруашылық министрі Айдарбек Сапаров арнайы келді.Қостанай облысының әкімі Құмар Ақсақалов аймақ аграршыларының Мемлекет басшысы жүктеген міндеттерді табысты орындап келе жатқанын атап өтті. Биыл агроөнеркәсіп кешенін дамытуға 275 млрд теңге бөлінді. Бұл өткен жылмен салыстырғанда 33%-ға көп. Соңғы бес жылда саланы қаржыландыру көлемі 3,6 есеге артты.Жеңілдетілген лизинг бағдарламасы аясында өткен жылы шаруашылықтар 1034 бірлік ауыл шаруашылығы техникасын сатып алды. Биылдың өзінде 799 бірлік жаңа техника алынды. Сатып алынған техниканың 90%-ы – отандық өндірістің өнімі.Өткен жылы соңғы он жылдағы ең жоғары нәтижеге қол жеткізіліп, әр гектардан 16,7 центнерден өнім алынып, жалпы 6,7 млн тонна астық жиналды. Биыл егіс жұмыстарына жеңілдетілген несие ретінде 140,4 млрд теңге берілді.«Облысымыз азық-түлік өндірісі мен қайта өңделген ауыл шаруашылығы өнімдерінің экспорты бойынша елімізде көш бастап тұр. Өткен жылы Қазақстан бойынша 8,1 млн тонна өңделген ауыл шаруашылығы өнімі экспортталса, оның 27,2%-ы Қостанай облысының үлесіне тиесілі болды. Биыл облысымыз ауыл шаруашылығы өнімдерінің барлық түрі бойынша 525,3 млн АҚШ долларына экспорт жүзеге асырды. Бұл өткен жылдың сәйкес кезеңімен салыстырғанда 59%-ға жоғары көрсеткіш», – деді аймақ басшысы Құмар Ақсақалов.Облыстың агроөнеркәсіп кешенін дамытуда қайта өңдеу саласындағы инвестициялық жобаларға басымдық берілуде. Соңғы жылдары бұршақ дақылдарын өңдеу, құрғақ бие сүтін өндіру жобалары іске қосылды. Ұн тарту кешені мен ірімшік өндіретін зауыт пайдалануға берілді. Тамыз айында «Кондитерлік астана» жобасы іске қосылады. Сонымен қатар макарон өнімдерін шығару жобасы басталып, май экстракциялау зауыты мен дәнді және майлы дақылдарды өңдеу кешенінің құрылысы жүргізілуде.Сондай-ақ астықты терең өңдеу және тұрақты авиациялық отын өндіру жобаларының жүзеге асырылуы өңір экономикасы үшін ерекше маңызға ие болады.«Игілік», «Береке» және «Жайлау» бағдарламалары аясында жүзеге асырылып жатқан мал шаруашылығын дамытудың кешенді жоспары облыстағы мал басының көбеюіне оң ықпал етуде. Жалпы құны 20 млрд теңгені құрайтын 21 жоба іріктеліп, олардың аясында 14,2 мың бас асыл тұқымды импорттық мал сатып алу жоспарланған.Сүтті мал шаруашылығында соңғы екі жылда 7 тауарлы-сүт фермасы іске қосылды. Қазіргі уақытта тағы 6 ферма салынып жатыр. Биыл қосымша 3 жаңа жобаны жүзеге асыру басталады.Ақпарат көзі : https://www.gov.kz/memleket/entities/kostanay/press/news/details/1268938?lang=ru