Бүгін Жетісу облысының әкімі Бейбіт Исабаев Ұлы Отан соғысының ардагері, ардагер-педагог, талдықорғандық Ысқақ Құсайыновты 101 жасқа толуымен құттықтады. Ақсақал Ұлы Жеңістің 80 жылдығы қарсаңында өзінің ғасырдан асқан белесін өткеруде. Айта кетейік, бүгінде облыста Ұлы Отан соғысының көзі тірі үш ардагері тұрады, - деп хабарлайды Жетісу облысы әкімінің баспасөз қызметі.Бейбіт Исабаев дәстүр бойынша ардагердің иығына шапан жауып, өзінің құттықтау хатын табыс етті. Ардагерге тілегін білдіріп:- Облыста қан майданда алғы шепте болған үш майдангер ақсақалымыз бар. Солардың ішінде үлкені Ысқақ ата үшеуінің алды болып 101-ге келіп отыр. Ысқақ ата, келген жасыңыз құтты болсын. Биыл Ұлы Отан соғысындағы Жеңістің 80 жылдығы атап өтіледі. Осы мерейтойда қатардан қалмай, орден-медальдарыңызды тағып, Мәңгілік алауға гүл шоқтарын қойып, сапта тұрасыз деп сенеміз, - деді өңір басшысы.Мұнан соң ақсақалға Қазақстан Қарулы Күштері ардагерлері қоғамдық ұйымының төрағасы Мұхтар Алтынбаевтың құттықтау хатын Жетісу облысындағы осы ұйымның төрағасы Рахым Қырқабақов тапсырды. Майдангер қарияға көрсетіліп жатқан құрметке ризашылығын білдірген ардагердің қызы Гүлсімхан Мырзаханова:- Әкем бір үйдегі он алты баладан жалғыз өзі тірі қалып, он бес жасынан еңбекке араласқан. Әкесінен жастай жетім қалған соң анасына қолғабыс етіп жұмыс істеген. Соғыстың да қиындығын көрді. Мұғалім болды. Кейін 95 жасына дейін де алма ағаштарын баптады, бақша екті, немерелеріне деп жеміс-жидек өсіріп беріп отыратын. Сол еңбегінің, сергектігінің арқасы шығар, бүгін, міне, жүз бір жасқа келіп отыр. Осы жасында сыйлап, үлкен құрмет көрсетіп жатқандарыңызға көп рахмет. Әкемнің көрген бейнетін бермей, зейнетін берсін бәріңізге. Сіздер де бала-шағаларыңыздың қызығын көріп, елге қызмет ете беріңіздер, - деді ол.Өз кезегінде елімізге бейбітшілік тілеп, батасын берген Ысқақ ақсақал:Ескі заман келмеске кетті, жаңа заман туды. Жаңа дәуірде еңбектерің жемісті, істерің сәтті болсын! Денсаулықтарың зор болсын, ұрпақтарымыз өсіп-өніп, арман-мақсаттарына жетсін, - деді.Ысқақ Құсайынов Алакөл ауданының Көлбай ауылында 1924 жылы дүниеге келген. Он сегіз жасында өз еркімен соғысқа аттанды. 1942 жылы Украина майданында атқыштар дивизиясының құрамында ұрысқа қатысты. Ал 1943-1945 жылдары Тынық мұхитындағы Амур әскери-теңіз флотының «Зенит» дивизиясында болып, жауға қарсы шайқаста ауыр жарақаттанды. Ерлік істері үшін оған «Әскери-теңіз флотының үздігі» атағы берілді. Мұнан соң Совет-Жапон соғысына қатысты. Лепсідегі педагогикалық училищеге оқуға түсіп, оны аяқтаған соң кейінгі 40 жыл ғұмырын ұрпақ тәрбиесіне арнады. Екінші дәрежелі Отан соғысы орденімен, «Еңбек Қызыл Ту» орденімен, Жуков медалімен, «Жапонияны жеңгені үшін», «Ерлігі үшін» медальдарымен және басқа да марапаттармен наградталды.Халық ағарту ісінің озық қызметкері, Алакөл ауданының Құрметті азаматы, мектеп пәндерінің бірқатар әдістемелік оқу құралдарының авторы.Оның қызы мен немересі ардагердің жолын жалғап, білім беру саласында қызмет етуде. Бүгінде ардагердің 9 немересі, 31 шөбересі, 5 шөпшегі бар.Атап өтсек, 2023 жылы Ысқақ Құсайыновқа облыс орталығының жаңа шағын ауданынан бір бөлмелі пәтердің кілті берілген болатын.Жалпы 2025 жылы Жетісу облысында Ұлы Отан соғысындағы Жеңістің 80 жылдығын мерекелеу құрметіне соғыс ардагерлері мен мүгедектеріне және оларға теңестірілгендерге – жалпы саны 3 218 адамға біржолғы әлеуметтік көмек төлеуге 393,8 млн. теңге бөлінді. Соның ішінде Ұлы Отан соғысына қатысқан 3 ардагердің әрқайсысына 2 млн. теңгеден 6 млн. теңге қарастырылған. Сондай-ақ жылына бір рет ҰОС ардагерлері санаторий-курорттық тегін еммен қамтылады, оған қоса ҰОС қатысушылары мен мүгедектеріне коммуналдық шығындарға жұмсалатын шығындар өтеледі.Жетісу облысы әкімінің баспасөз қызметі Фотограф: Жеңіс ЫсқабайСонымен бірге бірқатар фотолар соғыс ардагерінің отбасылық фотоархивінен алынды.Ақпарат көзі : https://www.gov.kz/memleket/entities/zhetysu-oblysy/press/news/details/917510

14 қаңтардан бастап Ақтөбе қаласының тұрғындары мен қонақтары №46 бағытта қатынайтын жаңа автобус-гармошкаларды пайдалана алады. Бұл заманауи көліктер жолаушылардың ыңғайлылығы мен жайлылығын қамтамасыз ету үшін сатып алынды. Qala Trans ЖШС эксплуатация бастығы Әлібек Асаманов азаматтардан қоғамдық көлікте тазалық сақтауды және автобустардың мүлкін ұқыпты ұстауды сұрады.«Барлық жолаушылардан осы автобустарға ұқыпты қарап, орындықтардың артына сурет салмай, автобустарда түкірмей, ақпараттық жапсырмаларды жұлып алмауды сұраймыз. Бұл автобустар тұрғындарымыздың ыңғайлы және жайлы жүруі үшін сатып алынды. Азаматтарды қоғамдық мүлікке жауапкершілікпен қарауға шақырамыз. Қаламыздағы көлікті бірге ыңғайлы әрі заманауи етіп жасайық», - деді Ә. Асаманов.t.me/aqtobe_oblysy_akimdigi Ақпарат көзі : https://www.gov.kz/memleket/entities/aktobe/press/news/details/917219

Қазақстандықтар онлайн-сатып алуға көбірек ақша жұмсай бастады. 2024 жылдың 11 айының қорытындысы бойынша азаматтар 3,2 трлн теңге жұмсады. Мұндай деректерді электрондық сауданы дамыту мәселесі қаралған Үкімет отырысында сауда және интеграция министрі Арман Шакқалиев келтірді.Атап айтқанда, ведомство басшысы 2020 жылдан бастап еліміздегі электрондық сауда көлемі бес есеге ұлғайғанын хабарлады. Алайда, бұл әлі де әлемдік орташа деңгейден төмен. Десе де, жастар санының көптігін, финтехтің дамуын, интернеттің қолжетімділігін және қолма-қол ақшасыз есеп айырысудың кең таралуын ескере келгенде, Қазақстанда интернет-сауданы дамытудың жоғары әлеуеті бар.2029 жылға қарай электрондық сауда көрсеткішін үш есеге ұлғайту және оны 9,3 трлн теңгеге дейін жеткізу жоспарланып отыр. Бұл саланы ілгерілету үшін Үкімет онлайн-коммерцияны дамыту жоспарын қабылдады. Ол электрондық сауда мәселелері бойынша заңнаманы жетілдіруді, еліміздің барлық өңірлерінде электрондық сауданы оқыту курстарын іске қосуды, кәсіпкерлер үшін электрондық саудада мемлекеттік қолдаудың қаржылық шараларын енгізуді көздейді.Ақпарат көзі : https://www.gov.kz/memleket/entities/mti/press/news/details/917195

Үкімет отырысында «Қазпочта» АҚ басқарма төрағасы Әсел Жанасова электрондық коммерцияның қарқынды өсуі Қазақстан үшін бірегей мүмкіндіктер терезесін ашатынын айтты.Ол бұл өңірлердегі кәсіпкерлікті дамытуға және Қазақстанның Орталық Азияның логистикалық хабы ретіндегі ұстанымын нығайтуға ықпал ететінін атап өтті.«Бұл жердегі Қазпоштаның негізгі рөлі – электрондық коммерция нарығы үшін сенімді инфрақұрылымды қамтамасыз ету», — деп атап өтті Әсел Жанасова.Спикер 2029 жылға қарай бір адамға шаққандағы сәлемдемелер саны дамыған елдер деңгейіне – қазіргі бес сәлемдемеден жылына 27 сәлемдемеге дейін көбейетінін айтты. Бұл жергілікті ойыншылардың да, трансшекаралық сауданың да өсуіне ықпал етеді, оның үлесі 19%-ға жетеді.Ақпарат көзі : https://www.gov.kz/memleket/entities/mti/press/news/details/917382

«Бабаларын қалтқысыз қастерлей білген халық өскелең ұрпағының да болашағын қамдай алмақ» дейді дана халқымыз. Бүгін қаламыздың төрінде көрнекті қоғам қайраткері, еліміздің мақтанышы Дінмұхамед Ахметұлы Қонаевты еске алып, ескерткішіне гүл шоқтарын қою рәсімі өтті.Ғасырда бір туатын арда азаматты ұлықтауға Димекеңнің көзін көрген қоғам қайраткерлері, ардагерлер мен қала тұрғындары жиналды. Тіпті оңтүстік өңірдің шалғай аудандарынан да тау тұлғаның ізгілікті істері мен шарапатын көрген қариялар да ортадан табылды.Шара барысында ширек ғасыр ел басқарған тұлға жайлы жылы естеліктер мен лебіздер төгілді.-Ол кісінің жарқын бейнесі, қажымас қайраты ұрпақ жадында мәңгі сақталарына сенімдіміз. Дінмұмамед Қонаев ел үшін өлшеусіз еңбек еткен ерен тұлға десек, артық айтпағанымыз болар. Дінмұхаммед Ахметұлы билік тізгінін ұстаған жылдары кең байтақ қазақ жерінде 68 жұмысшылар кенті мен 43 қала пайда болды. Осы еңбегінің өзі үлкен ерлік. Халқына адал қызмет еткен қайраткер деп айта аламын. Дара тұлғаның ізгі жолы жастарға үлгі болып, жастар арасында насихатталуы керек, - деді Шымкент қаласы мәслихатының төрағасы болып Бахадыр Нарымбетов. Салтанатты шарадан кейін қазақ халқының ардақты перзенті Дінмұхамед Қонаевтың рухына тағзым етіліп, құран бағышталды.Ақпарат көзі : https://www.gov.kz/memleket/entities/shymkent/press/news/details/916750

Қала әкімі Ғабит Сыздықбеков кезекті аралау барысында Қаратау ауданында орналасқан жоғары көпсалалы аграрлық колледжінің оқу-өндірістік базасы мен оқу корпусының жұмысымен танысты. Колледж басшылығы білікті маман даярлау мен ауыл шаруашылығы саласында инновациялық жобаларды енгізу бойынша атқарылып жатқан жұмыстар туралы ақпарат берді.Әкім оқу орнының әлеуетімен танысу барысында түлектерді жұмыспен қамтудың маңыздылығын атап өтті. Сонымен қатар, жауапты тұлғаларға Шымкентте шетелдік инвесторлармен бірлесіп жүзеге асырылатын жобаларға отандық ауыл шаруашылығы дақылдарының сорттарын енгізу мәселесін қарастыруды және қамтамасыз етуді тапсырды.Сондай-ақ, “Dala Fruit” ЖШС-нің қызметімен танысты. Компания жоғары технологияларды пайдалана отырып, алма өсіру, сақтау және сатумен айналысады. Сондай-ақ бақ шаруашылығы саласындағы әлемдік озық тәжірибені қолданады. Бұл тәжірибе Шымкенттің ауыл шаруашылығы саласын дамыту үшін үлгі бола алады.Ақпарат көзі : https://www.gov.kz/memleket/entities/shymkent/press/news/details/916763

Бүгін Шымкент қаласында Қазақстан Республикасы Парламенті Мəжілісінің депутаты Ажар Сағандықова этномәдени бірлестіктерінің төрағаларымен кездесу өткізіп, маңызды мәселелерді талқылады. Кездесу барысында жастардың ұлттық кодты жоғалтпау мәселесі басты назарда болды. Төрағалар ұлттық құндылықтарды сақтау, әр этностың дәстүрлерін насихаттау және жастарды отаншылдыққа тәрбиелеу жолдары туралы өз ойларымен бөлісті. Олар қазақ халқының мәдениеті мен тарихы туралы білімді арттыру, сондай-ақ түрлі этностар арасындағы түсіністік пен бірлікті нығайту қажеттігін атап өтті.Келесі әңгіме барысында ұлтаралық байланыс пен татулық мәселелері де көтерілді. Төрағалар Қазақстандағы этносаралық келісімнің маңызына тоқталып, елімізде тұратын әр түрлі ұлт өкілдерінің бір-біріне құрметпен қарауы керектігін айтты.Сонымен қатар, жұмыс істейтін азаматтардың жалақысын көтеру мәселесі де қозғалды. Олар азаматтардың әлеуметтік жағдайын жақсарту, еңбек қатынастарын реттеу бойынша ұсыныстарын білдірді.Кездесу соңында депутат этномәдени бірлестіктерінің жұмысын қолдайтынын, ұлттық келісімді сақтау жолында бірлесе жұмыс істейтінін жеткізді.Ақпарат көзі : https://www.gov.kz/memleket/entities/shymkent/press/news/details/916768

Шымкент қаласы әкімдігі заңсыз берілген жер телімдері мен нысандарды мемлекет меншігіне қайтару бойынша жүйелі жұмыс жүргізіп келеді. Өткен жылдың соңында “Орталық су-спорт кешені” МКҚК сенімгерлік басқарудан мемлекет меншігіне қайтарылды.2017 жылы Оңтүстік Қазақстан облысы әкімдігінің қаулысымен “Орталық су-спорт кешені” МКҚК сатып алу құқығымен сенімгерлік басқаруға берілген. Нысанның нарықтық құны 1 млрд 213 млн 700 мың теңгені құрады. Электронды сауда нәтижесінде жеңімпаз атанған “GRAND TRUST” ЖШС-мен сенімгерлік басқару туралы келісімшарт жасалды. Келісімшартқа сәйкес, сенімгерлік басқарушы нысанға 500 млн теңге инвестиция салып, салықтық міндеттемелерін уақытылы орындауға тиіс болған.Алайда келісімшарт талаптары орындалмады. Басқарушы компанияның міндеттерін адал орындамауы салдарынан бүгінде ғимарат пайдалануға жарамсыз күйге түсті. Қабырғалары жарылған, кейбір еден жабындары опырылған. Алдын ала тексеру барысында кешеннің қауіпсіздік талаптарына сай келмейтіні және оны пайдалану азаматтардың өмірі мен денсаулығына қауіп төндіретіні анықталды.“GRAND TRUST” ЖШС директоры Садықов Ақнұр Смаилұлының басшылығымен сенімгерлік басқарушы компания жыл сайын жергілікті бюджеттен қаржыландырылып отырды. 2018-2024 жылдар аралығында ғимаратты ұстау және су спорты түрлері бойынша спортшыларды даярлау үшін 1 млрд 218 млн теңгеден астам қаражат бөлінген. Сонымен қатар, 2021-2024 жылдар аралығында мемлекеттік спорттық тапсырысты жан басына қаржыландыру аясында Орталық су-спорт кешенінде жұмыс істеген “Су спорты түрлері орталығы” ЖШС жалпы сомасы 335 миллион теңге көлемінде қаражат алған.Бұған қоса, компанияның бюджетке салықтық міндеттемелер бойынша 111 млн теңгеден астам қарызы және сот шешіміне сәйкес шамамен 179 млн теңге қарызы бар. Осыған байланысты Шымкент қаласы әкімдігі “GRAND TRUST” ЖШС-мен жасалған сенімгерлік басқару келісімшартын бұзу туралы талап арыз берді. Арыз Шымкент қаласының мамандандырылған ауданаралық сотымен қанағаттандырылды. Айта кету керек, тексерулердің қорытындысы бойынша барлық материалдар жағдайды талдау және құқықтық бағалау үшін тиісті органдарға беріледі.Қала әкімінің тапсырмасы бойынша биыл “Орталық су-спорт кешеніне” күрделі жөндеу жүргізу жоспарлануда. Сондай-ақ, мегаполис басшысы сенімгерлік басқаруға берілген барлық нысандарға жан-жақты тексеру жүргізуді және мүмкін бұзушылықтарды анықтауды тапсырды.Қала басшысы алдағы уақытта мемлекеттік меншік нысандарына қатысты немқұрайлы қатынасты болдырмау үшін сенімгерлік басқару шарттарының сақталуын бақылауды күшейту қажеттігін атап өтті. Мұндай жағдайлар тек қалалық бюджетке зиян келтіріп қана қоймай, тұрғындардың сенімі мен қаланың беделіне нұқсан келтіреді.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/916805

Бүгін, 13 қаңтарда Мемлекет басшысы Қасым-Жомарт Тоқаевтың бастамасымен қолға алынған «Жайлы мектеп» ұлттық жобасы аясында Ақтау қаласының 33-шағын ауданындағы No33 орта мектептің ашылу салтанаты өтті. өтті.Жаңа мектеп 66 заманауи кабинеттермен жабдықталған, оның ішінде STEM зертханалары, керамика кабинеттері, көрнекі дизайн және хореография сыныптары.Қазір мектепте 825 оқушы бар. Балаларға 68 мұғалім сабақ береді, оның ішінде 7 мұғалім ауысымдық кестемен жұмыс істейді. Ерекше білім беруді қажет ететін балалар үшін қазіргі заман талабына сай сенсорлық кабинет, логопед, дефектолог, психолог кабинеттері бар.Рәсімге Маңғыстау облысы әкімінің орынбасары Аббат Өрісбаев, облыстық мәслихаттың депутаттары, қоғам қайраткерлері қатысты. , мемлекеттік білім беру ұйымдарының, мердігерлердің және ата-аналардың өкілдері. Жиналғандарды аймақ басшысының атынан аббат Өрісбаев жаңа білім нысанының ашылуымен құттықтады.- Мемлекет басшысының тапсырмасымен қолға алынған «Жайлы мектеп» ұлттық жобасы сәтті жүзеге асуда. . Балалардың сапалы білім алуы үшін мектептер заманауи және жайлы болуы керек. Бұл біздің болашағымыздың кепілі. Елбасы атап өткендей, орта білім сапасын арттыру – ұлттық болашағымыз үшін маңызды қадам. Осындай мектептердің пайдалануға беріліп жатқанына қуаныштымыз. Өскелең ұрпаққа білім жолында толағай табыс тілеймін», - деді аббат Өрісбаев.Айта кетейік, биыл «Жайлы мектеп» жобасы аясында Маңғыстау облысы аумағында 13 мектеп пайдалануға берілмек. Ақтау қаласының 17, 19 және 33-ші аудандарында, сондай-ақ Хазар ауылында 4500 орындық 4 мектептің құрылысы аяқталды. Батыр, Мұнайлы ауданы.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/916796

Бүгін облыс әкімі Нұрлыбек Нәлібаев еңбек ардагерлері Хұсейін Әмір-Темір, Сәдуақас Аңсат және Мұхит Әбдікәрімовті мерейтойымен құттықтады.«Мемлекет басшысы Қасым-Жомарт Кемелұлы Ұлттық құрылтайда: «Адал еңбек етіп, адал табыс тапқан адам жетістікке жетеді, құрметке ие болады. Нағыз еңбек адамы бұл – істің адамы, яғни әр ісіне, әр қадамына жауапкершілікпен қарайтын адал азамат. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс», – деген болатын.Біз, елдік істе адал қызмет атқарып, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтап, лайықты құрмет көрсетуді дәстүрге айналдырдық.Бүгін Н.Бекежанов атындағы өнер ордасындағы жарты ғасырға жуық қызметімен қоғам құрметіне кенелген Қазақстанның еңбек сіңірген қайраткері, «Құрмет» орденінің, «Ерен еңбегі үшін», «Еңбек ардагері» медальдарының иегері, Қызылорда облысының Құрметті азаматы Хұсейін Жүсіпұлы Әмір-Темір ағамыздың мерейлі 85 жасқа, «Халықаралық «Қазақ тілі» қоғамы» қоғамдық бірлестігі Қызылорда облыстық филиалының төрағасы және республикалық «Тіл сақшысы» ақпараттық-танымдық газетінің бас редакторы, мемлекеттік тіліміздің жанашыры, Қармақшы ауданы мен Қызылорда қаласының Құрметті азаматы, «Парасат» орденінің иегері Сәдуақас Аңсат ағамыздың 80 жасқа және Қызылорда қаласының Құрметті азаматы, Қазақстанның еңбек сіңірген қайраткері Мұхит Әбдікәрімов ағамыздың мерейлі 70 жасқа толуына орай арнайы бас қосудамыз.Құрметті ел ағалары, мерейтойларыңыз құтты болсын! Сыр жұртшылығы сіздердің қазақ театр өнерінің өркендеуіне, ана тіліміздің жаңғыруына қосқан елеулі еңбектеріңізді құрметтейді. Абыздық асқақ мерейге, кемеңгерлік кезеңге жетіп, ел ағасы ретінде халықты бірлікке шақырып, туған елдің тұғырын нықтауға бағытталған өрелі істеріңіз кейінгі ұрпаққа әрдайым өнеге болып қала береді!Сіздерді бүгінгі мерейлі жастарыңызбен құттықтап, дендеріңізге саулық, отбасыларыңызға амандық тілеймін. Тойларыңыз тойға ұлассын!», – деді аймақ басшысы.Жиында мерейтой иелеріне Қызылорда облысының Құрмет грамотасы табысталып, халқымыздың игі дәстүріне сай сый-сияпат көрсетілді.Сонымен қатар, Рауан Кенжеханұлы Сәдуақас Аңсатты Ахмет Байтұрсынұлы атындағы төсбелгімен марапаттады.Парламент Сенатының депутаты Наурызбай Байқадамов, халықаралық «Қазақ тілі» қоғамының президенті, Ұлттық құрылтайдың мүшесі Рауан Кенжеханұлы, Ұлттық Ғылым Академиясының академигі, профессор, Қызылорда облысының Құрметті азаматы, Бақберген Досмамбетов, облыстық ардагерлер кеңесінің төрағасы Серік Дүйсенбаев, облыстық қоғамдық кеңес төрағасы Әріп Хожбанов, Қазақстанның еңбек сіңірген қайраткері, Қызылорда облысының Құрметті азаматы, Қазақ ұлттық өнер университетінің профессоры Алмасбек Алматов, Жаңақорған, Шиелі, Сырдария аудандары мен Қызылорда қаласының Құрметті азаматы Ибрагим Әбибуллаев құттықтау лебіздерін жеткізді.Жиын соңында мерейтой иелері көрсетілген құрметке алғысын айтты. Сыр еліндегі әлеуметтік-экономикалық, мәдени-рухани жетістіктерді атап өтіп, игілікті істердің жалғасын табуына тілектестік білдірді.Ақпарат көзі : https://www.gov.kz/memleket/entities/kyzylorda/press/news/details/916928

Қазақстанда кәсіби суретшілер арасында «Ұлттық құндылықтар: салттың сырлы бейнесі» атты республикалық шығармашылық байқауға өтінімдер қабылдау жалғасып жатыр.ҚР Мәдениет және ақпарат министрлігі ұйымдастырған байқаудың мақсаты – ұлттық құндылықтар мен мәдени нысандарды дәріптеу, отандық суретшілердің шығармашылығын қолдау және қоғамдағы патриоттық рух пен ұлттық бірегейлікті қалыптастыру.Байқауға қазақ халқының дәстүрлі мәдени құндылықтары тақырыбында пейзаж, натюрморт және сюжеттік картина жанрында жұмыстарын ұсынған кәсіби суретшілер қатыса алады.Өтінімдерді қабылдау 2025 жылдың 24 ақпанына дейін жалғасады.Марапаттау рәсімі және іріктелген туындылар көрмесінің ашылуы 2025 жылдың 12 наурызында өтеді.Барлық қосымша сұрақтар бойынша 8 (7172) 919 035, 919 036 (ішкі: 366, 643) телефон нөмірлеріне хабарласуға болады.Байқау мен ережелер туралы толық ақпаратты Министрліктің сайтынан біле аласыз.ҚР Мәдениет және ақпарат министрлігінің баспасөз қызметі«Ұлттық құндылықтар: салттың сырлы бейнесі» республикалық шығармашылық байқауына өтінімдер қабылдау жалғасудаАқпарат көзі : https://www.gov.kz/memleket/entities/zhetysu-oblysy/press/news/details/916825

Бүгін облыс әкімі Нұрлыбек Нәлібаевтың төрағалығымен ішкі істер органдарындағы кадрлық өзгеріске орай актив өтті. Оған Ішкі істер министрінің орынбасары Сәкен Сарсенов, селекторлық режимде қала, аудан әкімдері, басқарма, департамент, құқық қорғау органдарының бірінші басшылары мен ардагерлер қатысты.2023 жылдың мамыр айынан Қызылорда облыстық полиция департаментінің бастығы қызметін атқарған Аблазимов Махсудхан Нұғманұлы Ішкі істер министрінің бұйрығымен құрметті зейнет демалысына шықты.Жиында аймақ басшысы Қызылорда облыстық полиция департаментінің жаңа бастығы Ергешов Серік Жүрсінбайұлын таныстырды.«Мемлекет басшысы «Қылмыспен күресу және қоғамдық тәртіпті сақтау – аса маңызды міндет. Бұл – жауапкершілігі өте үлкен жұмыс. Еліміздің әрбір азаматы өзін қауіпсіз сезінуге тиіс. Ол үшін құқық қорғау жүйесі үйлесімді әрі тиімді жұмыс істеуі қажет» деп атап өткен болатын.Полиция органдарының жұмысын күшейту, қоғамдық қауіпсіздікті сақтау, құқық қорғау саласында пәрменді шаралар қабылдау басшылық құрамның нәтижелі іс-қимылына тікелей байланысты.Ішкі істер органдары – қоғамда құқық тәртібін, азаматтардың қауіпсіздігін қамтамасыз ететін маңызды құрылымдардың бірі. Әсіресе, сақшылардың кәсіби қызметі – зор жауапкершілігімен, тәуекелшілдігімен, қиындыққа төтеп беретін төзімділігімен ерекше құнды әрі мәртебелі.Бізге қоғам тыныштығын күзетіп, қиын жағдайда шұғыл әрі батыл шешім қабылдап, қызметтік парызын адал атқара алатын полиция қызметкерлері керек. Құқық қорғау органдарының жұмысын жүйелі әрі оңтайлы ету үшін әкімдік тұрақты қолдау көрсетіп келеді. Жауапкершілігі зор, күрделі салада Серік Жүрсінбайұлының білімі мен біліктілігі, кәсібилігі, пайымды басшылығы, жинақтаған мол тәжірибесі жетеді деп санаймыз», – деді Н.Нәлібаев.Мәжілісте Ішкі істер министрінің орынбасары Сәкен Сәрсенов жаңа басшының еңбек жолына тоқталып, қызметіне сәттілік тіледі. Сонымен қатар, Қызылорда облысының прокуроры Ризабек Ожаров, облыстық ардагерлер кеңесінің төрағасы Серік Дүйсенбаев, облыстық полиция департаменті ардагерлер кеңесінің төрағасы Серікбол Тұңғышбай, басқа да сала ардагерлері өз құттықтауларын жеткізді.Серік Жүрсінбайұлы Ергешов 1979 жылы дүниеге келген. Еңбек жолын 1996 жылдан ішкі істер органдарында бастаған. Ұзақ жылдар бойы ОҚО ІІД Шымкент қаласының ішкі істер басқармасында түрлі басшылық қызметтер атқарған. 2019 жылдан Шымкент қаласы ПД бастығының орынбасары қызметінде болды.Айта кетейік, 2022-2024 жылдар аралығында полиция органдарының материалдық-техникалық базасын жақсартуға облыстық бюджеттен 8 млрд.теңгеге жуық қаражат бөлінді. Биылдың өзінде 3 млрд. теңгеге жуық қаражат қарастырылған. Қылмысты уақытылы ашу және жедел әрекет ету үшін бейнебақылау камералары желісін көбейтуге мүмкіндік жасалды. Облыстың жеті ауданына 539 бейнебақылау, 49 жылдамдық өлшегіш камерасы орнатылды. Республикада алғашқы болып Қызылорда облысындағы барлық ауданда полиция бөлімдерінің Жедел басқару орталықтары іске қосылды. Бұл орталықтар ұсақ құқық бұзушылықтан бастап ауыр қылмыстардың ізін анықтауға және сақшылардың жұмысын оңтайлы етуге жол ашты.Соңғы 3 жылда департаментке жаңа үлгідегі 128 автокөлік табысталды. Биыл 52 қызметтік автокөлікпен қамтамасыз ету жоспарлануда.Ақпарат көзі : https://www.gov.kz/memleket/entities/kyzylorda/press/news/details/916908

250 орындық балаға арналған білім беру орны жеке кәсіпкердің қаржысына салынып, бүгін пайдалануға беріліп отыр.Темір ауданы Шұбарқұдық кентінде заманауи үлгідегі жеке «Мейірім» бөбекжай-балабақшасы ашылды. Екіқабатты нысанды халық игілігіне беруге жеке кәсіпкер, «Мейірім-жүрек» ЖШС өкілі Өмірбай Жайлышев қолғабыс етті.Ғимараттың жалпы аумағы 2300 шаршы метрді құрайды. Топ саны - 10. Барлық бөлме заманауи құрал-жабдықтармен қамтылған. Балабақшада тұз шахтасы, оттегі коктейлі бар.Сонымен қатар, барлық топта бейнебақылау камералары қондырылған.Кәсіпкер сөзінше, мекеме алдағы уақытта мемлекеттік білім беру тапсырысы аясында жұмыс істеуге ынталы.Ақпарат көзі : https://www.gov.kz/memleket/entities/aktobe/press/news/details/916569

Ақтөбе облысында биатлон, конькимен жүгіру, шаңғы жарысы, мәнерлеп сырғанау, шорт-трек және шайбалы хоккей сияқты қысқы спорт түрлері дамыған.Бұл туралы облыс әкімінің төрағалығымен өткен аппарат мәжілісінде Дене шынықтыру және спорт басқармасы басшысының м.а. Шыңғыс Шоқпытов жеткізді.Ал бұл спорт түрлеріне қатысатын адам саны – 10 015-ті құрайды. Ең танымал спорт түрі - 7257 адам қатысатын шаңғы жарысы, 1220 адам хоккеймен, 720 адам мәнерлеп сырғанау спорты түрімен айналысады. Сондай-ақ, қысқы спорт түрлерінен 4 БЖСМ жұмыс істейді, онда 586 бала бар.Қысқы спортпен айналысу үшін Мұз сарайы, №5 БЖСМ жанындағы «Олимп» мұз модулі, 6 шаңғы базасы, 82 хоккей алаңы бар, оның ішінде 3 жабық және 79 ашық. Алайда мәнерлеп сырғанау және шайбалы хоккей бойынша білікті жаттықтырушы-оқытушылардың тапшылығы, сондай-ақ биатлонды дамыту үшін қажетті спорттық базаның болмауы мәселесі ашық күйінде қалып отыр.Шыңғыс Шоқпытов атап өткендей, қысқы спорт түрлерінен Қазақстан ұлттық құрамасына облыстан екі спортшы енген: біреуі – биатлоннан, екіншісі – шаңғы жарысынан. Спортшылар республикалық және халықаралық жарыстарға ұдайы қатысады, ұлттық команда құрамында оқу-жаттығу жиындарынан өтіп жүр. Сонымен қатар, олимпиадалық резервті дайындау орталығында биатлон бөлімшесі жұмыс істейді, ал оның тәрбиеленушісі – Владимир Коневец, Қазақстан чемпионы және әлем Кубогінің қатысушысы.«Биыл Харбинде (Қытай) қысқы Азия ойындарын өткізу жоспарлануда. Ақтөбе облысынан оған екі спортшы қатысуға үміткер: Бексұлтан Ернұр (шаңғы жарысы) және Владимир Коневец (биатлон). Бексұлтан Ернұр қаңтар айында Туринде (Италия) өтетін қысқы Универсиадаға қатысады. Егер ол Универсиадада үздік 10-ға кірсе, Азия ойындарына қатысуға мүмкіндік алады. Владимир Коневец наурыз айында өтетін Австриядағы әлем чемпионатына жолдама алды. Оның іріктеу жарыстарындағы нәтижелері де Азия ойындарына қатысу мүмкіндігін анықтайды», - деді Шыңғыс Шоқпытов.«Біз қысқы спорт түрлерін облыс орталығында ғана емес, аудандарда да белсенді дамытуымыз керек. Ол үшін тиісті жағдайлар жасау, жаңа спорт нысандарын салу, аудандарды заманауи жабдықтармен қамтамасыз ету қажет. Білікті жаттықтырушылар мен мамандарды тарту, сондай-ақ спортшыларымыздың республикалық және халықаралық жарыстарға қатысуын ынталандыру қажет. Жастар мен оқушылардың қысқы спорт түрлерімен белсенді айналысуы маңызды. Сонымен қатар, өңірдің барлық үшін спорт нысандарына ыңғайлы қолжетімділікті қамтамасыз ету мақсатында көлік инфрақұрылымын жақсарту бойынша жұмыс істейтін боламыз», - деді жиынды қорытындылаған өңір басшысы.Ақпарат көзі : https://www.gov.kz/memleket/entities/aktobe/press/news/details/916958

Ел Президенті Қ.-Ж. Тоқаевтың бастамасымен 2024 жылдың сәуір айының басында іске қосылған «Таза Қазақстан» бағдарламасын қостанайлықтар ауқымды түрде қолдауды жалғастыруда. Бұл бастаманың мақсаты – халықтың экологиялық хабардарлығын арттыру және облыстың әртүрлі аймақтарындағы қоршаған ортаны жақсарту.Бағдарлама аясында өңірде қазірдің өзінде аумақтарды тазарту және абаттандыру, қалдықтарды жинау және қайта өңдеу бойынша ауқымды іс-шаралар, сондай-ақ азаматтардың экологиялық сауаттылығын арттыруға бағытталған ағарту жұмыстары жүргізілді.Бағдарламаны жүзеге асыруда жергілікті кәсіпорындар және қоғамдық ұйымдармен ынтымақтастық маңызды рөл атқарады. Іс-шараларға бизнес-қауымдастық, жастар, спортшылар мен этномәдени бірлестік өкілдері белсенді қатысуда.Ағымдағы жылдың 13 қаңтарында «Таза Қазақстан» жалпыұлттық бағдарламасы аясында Қостанай ауданында «Қарды бірге тазартайық» челленджі басталды.Мемлекет басшысы табиғатқа ұқыпты қараудың маңыздылығын бірнеше рет атап өтіп, экологиялық жауапкершілік әрбір азаматтың міндеті ғана емес, сонымен қатар елдің тұрақты дамуының негізгі факторларының бірі екенін атап өткен болатын. «Таза Қазақстан» - қоршаған ортаны тазартып, қоғамдағы экологиялық мәдениеттің деңгейін арттыруға бағытталған мемлекеттік экологиялық саясаттың маңызды бөлігі болып табылады.Осы мақсатта жастар ресурстық орталығының еріктілері мен белсенділері қыс мезгілінде қар тазартуда айтулы көмек көрсету үшін Тобыл қаласындағы «Балбөбек» балабақшасына аттанды.Қажетті құрал-саймандармен қаруланған экоактивистер ойын алаңдарын қардан тазартып, балабақша аумағын ретке келтірді. Олар бұл бастаманы облыс көлемінде таратып, эстафетаны жастар мен қоғамдық ұйымдарға, мемлекеттік мекемелер мен кәсіпорындарға беруді жоспарлап отыр.Осылайша, шара тазалықты сақтаумен қатар, ел бірлігін нығайтып, жастардың бойында отаншылдық сезімін оятуға ықпал етеді. Өйткені, тазалық пен тәртіп әрбір азаматтың жауапкершідігі дейді ұйымдастырушылар.Рудный қаласының тұрғындары «Таза Қазақстан» республикалық экологиялық бағдарламасы аясында «Рудный аумақтық әлеуметтік қызмет көрсету орталығы» КММ-де психоневрологиялық аурулары бар адамдар үшін стационар жағдайында арнайы қызмет алушылардың қатысуымен іс-шара өткізді.Сабақ туған өлкенің табиғатын таза ұстау қажеттілігі туралы нұсқаушының әңгімесінен басталды. Еңбек терапиясы аясында балалар қыстап қалатын құстарға арнап жем салғыш жасады. Шара барысында қатысушылармен түрлі конкурстар және ойындар өткізілді. «Таза Қазақстан» жалпыұлттық акциясын өткізудің маңыздылығын Қазақстан Республикасының әрбір азаматы сезінеді. Бұл шара балалардың бойында жауапкершілік, патриотизм және еңбекқорлық сезімдерін тәрбиелейді, - деп атап өтті еңбек терапиясы нұсқаушысы. «Осындай бастамалардың арқасында елде жаңа мәдениет пен жаңа қоғамдық этика орнығуда. Бұл - нағыз патриотизм және Отанға деген қамқорлық. Осындай істер арқылы ұлтымыздың жаңа сапасы қалыптасуда», - делінген Президенттің Қазақстан халқына Жолдауында.Жітіқара қаласында «Қайталама шикізаттан бұйымдар жасау» шеберлік сыныбы ұйымдастырылды.Шеберлік сабағы өскелең ұрпақпен пластикалық қоқыс және тұрмыстық қалдықтар үйінділерінің көбеюі мәселесі туралы әңгімеден басталды. Балаларға ең маңызды экологиялық тақырыптар: адамның табиғатпен қарым-қатынасы, қазіргі әлемдегі пластикті қайта өңдеу мүмкіндіктері туралы айтылды, сонымен қатар балалар қаптаманың фракцияларымен және оларды сұрыптау ережелерімен таныстырылды. Балаларға мысал ретінде суреттер мен видеороликтер көрсетілді. Шеберлік сабағында күндізгі бөлім тәрбиеленушілері қайта өңделген материалдардан құстарға жем салғыш жасады.«Іс-шараның әр қатысушысы қаламыздың экологиялық жағдайын жақсартуға зор үлес қосты. Қазіргі таңда адамдардың басты міндеті - пластикалық қалдықтармен күресудің ең ұтымды және экологиялық қауіпсіз жолдарын табу, сонымен қатар оларды өмірде қолдануды үйрену», - деп атап өтті шара ұйымдастырушылары.Қалдықтарды қайта өңдеудің бұл ерекше тәсілі балалар үшін қызықты және пайдалы ойынға айналды, сонымен қатар адамдардың назарын қоршаған ортаның ластану мәселелеріне аудара отырып, табиғатты қорғау мен бағалаудың, экологиялық акцияларды насихаттаудың және қолдаудың қаншалықта маңызды екенін көрсетті. Айта кетсек, 2024 жылы елді мекендерді абаттандыруға 11 миллиард теңгеден астам қаржы бөлінген. Жүргізілген барлық жұмыстардың қорытындысы бойынша көшелерді жарықтандырумен қамтамасыз ету 90% құрады, 90 ауылға жалпы ұзындығы 67,8 шақырым қоршау орнатылады.2024 жылы мемлекеттік органдар мен жеке ұйымдар, шаруа қожалықтары, жастар, волонтерлік және үкіметтік емес ұйымдар, мәслихат депутаттары, ПИК, МИБ өкілдері тартылды. Барлығы 607,3 мың адам қатысып, 354 техника жұмылдырылды, 327 саябақ абаттандырылып, 201,5 мың тонна қоқыс шығарылды, 133,3 мыңнан астам ағаш отырғызылды.Ақпарат көзі : https://www.gov.kz/memleket/entities/kostanay/press/news/details/916516

Қазіргі уақытта Қарағанды облысында 3 240 ардагер тұрады, олардың 9-ы Ұлы Отан соғысының ардагерлері. Өңірде Жеңістің 80 жылдығын мерекелеуге дайындық басталды. Міндет – ешкім де назардан тыс қалмауы тиіс.– Жеңістің 80 жылдығын мерекелеу бастау алды. Ұлы Отан соғысының ардагерлері Қали Аманбаев пен Қамали Дүйсембековтың 100 жылдығына арналған іс-шаралар өтті. Қазіргі уақытта соғыс ардагерлері мен тыл еңбеккерлерінің әлеуметтік мәселелерін шешу жөніндегі жұмысты үйлестіретін облыстық және өңірлік штабтар құрылуда, – деп хабарлады аппараттық кеңесте ішкі саясат басқармасының басшысы Нұрлан Бикенов.Жеңіс күніне орай біржолғы материалдық көмектің сомасы белгілі болды. Ұлы Отан соғысына қатысушылар 3 млн теңгеден алады. Сондай-ақ жеңілдіктер бойынша ҰОС ардагерлеріне теңестірілгендерге: концлагерлер тұтқындарына және қоршаудағы Ленинград тұрғындарына – 200 мың теңгеден, тыл еңбеккерлеріне – 100 мың теңгеден, ҰОС жылдары қаза тапқан жауынгерлердің жесірлері мен әйелдеріне – 50 мың теңгеден төлемдер қарастырылған.Сонымен қатар, мерейтойлық медальдар тапсырылады.Жастар ұйымдары еріктілерінің қатысуымен «Ардагерлерге тағзым» қайырымдылық акциясы ұйымдастырылады. Сондай-ақ, мектеп оқушыларына арналған патриоттық іс-шаралар: сынып сағаттары, ерлік сабақтары, конкурстар жоспарланған. «Айбын» әскери-патриоттық жиыны өтеді.Әдеттегідей онлайн-форматта өмірден озған батырлардың есімін мәңгі есте қалдыру үшін «Ер есімі – ел есінде» акциясы өткізіледі.Бүгінде облыста 171 Жауынгерлік Даңқ ескерткіші бар.– Ардагерлердің ешқайсысы да назардан тыс қалмауы керек, – деді облыс әкімі Ермағанбет Бөлекпаев.Ол басқармалардың басшыларына Жеңістің 80 жылдығына арналған іс-шараларды өткізуге қатысты бірқатар тапсырмаларды берді.Ақпарат көзі : https://www.gov.kz/memleket/entities/karaganda/press/news/details/916688

Жамбыл облысының әкімі Ербол Қарашөкеев Masdar компаниясының өкілдерімен кездесті. Компания өңірде энергия сақтау жүйесі бар 1 ГВт жел электр станциясын салу жобасын жүзеге асыруда. Masdar жобасының менеджері Ернұр Жиенбаев аралық нәтижелер туралы баяндады. Жобаның алдын ала құны - 742 млрд. теңге. Қазіргі таңда жел электр станциясының аумағында геотехникалық жұмыстар жүргізілуде. Ірі ЖЭК объектісінің құрылысын 2026 жылы бастау жоспарлануда. Сондай-ақ Е. Жиенбаев Жамбыл облысында компанияның ауқымын кеңейту және «жасыл» энергетика саласында инвестициялық жобаларды іске асыру жоспарлары туралы атап өтті. Облыс әкімі жел паркінің еліміздің энергетикалық қауіпсіздігін қамтамасыз етуге елеулі үлес қосатынына сенім білдірді. Компания өкілдерімен әңгімелесу барысында Ербол Қарашөкеев кадрларға деген қажеттілікті алдын ала сараптап, өңір тұрғындарының арасынан мамандарды даярлау мақсатында жергілікті жоғары оқу орындарымен ынтымақтастық орнату қажеттігін баса айтты. Қолайлы инвестициялық ахуал мен мемлекеттік қолдаудың арқасында өңірде ЖЭК секторы өте жоғары қарқынмен дамып келеді. Қазіргі уақытта жалпы қуаттылығы 571,3 МВт болатын 22 ЖЭК нысаны жұмыс істейді.Ақпарат көзі : https://www.gov.kz/memleket/entities/zhambyl/press/news/details/916896

Қарағанды облысының өнеркәсіп және индустриялық-инновациялық даму басқармасына басшы ретінде Асқар Ғазалиев тағайындалды.Кадрлық өзгерістер туралы аппараттық кеңесте облыс әкімі Ермағанбет Бөлекпаев хабарлады.Асқар Ғазалиев мемлекеттік қызметте 2009 жылдан бері еңбек етіп келеді. ҚР Қаржы министрлігінде, ҚР Президентінің Іс-Басқармасында түрлі лауазымдарда жұмыс істеді. ҚР Премьер-Министрі кеңсесінің өңірлік даму бөлімінің бас консультанты, бас инспекторы лауазымдарын атқарды.2024 жылдың сәуірінен бастап осы уақытқа дейін ҚР Үкіметі аппаратының Өңірлік даму және бақылау бөлімінің инспекторы қызметін атқарды.Ақпарат көзі : https://www.gov.kz/memleket/entities/karaganda/press/news/details/916414

Биыл Нұра ауданында сауықтыру және білім беру лагері салынады. Алғашқы үш жылда жазғы мезгілде онда 300 бала демалатын болады. Ал 2028 жылдан бастап лагерь жыл бойына жұмыс жасайды деп жоспарлануда.Аталған лагерь жеке инвестициялар есебінен салынбақшы. Осы орайда астаналық кәсіпкерлер Нұра ауданына келіп, жобаның егжей-тегжейін талқылады. Бүгінде лагерьдің құрылысы жүргізілетін орын таңдалды.Кәсіпкерлер тұрғын үй корпустарын,медпункт, ас блогын, ойын және спорт алаңдарын, сондай-ақ оқу сыныптарын салуды жоспарлап отыр. Балалар лагерьде қолжетімді бағамен демалатын болады.Ақпарат көзі : https://www.gov.kz/memleket/entities/karaganda/press/news/details/916400

Қарағанды облысы ТЖД Осакаров ауданы № 17 өрт сөндіру бөлімінің өрт сөндіру автомобильдерінің жүргізушісі Сымбат Ещановқа адамдарды құтқару кезінде қызметтік міндеттерін үлгілі атқарғаны үшін «Ерлігі үшін» мемлекеттік наградасы табыс етілді.Естеріңізге сала кетейік, биылғы жылдың 3 қаңтарында республикалық маңызы бар Алматы – Екатеринбург автожолында Нұра – Қарағанды бағытындағы автобус қар құрсауында қалып қойған болатын. Құрамында Сымбат Ещанов бар құтқарушылар тобы ішінде бес бала бар барлығы 30-дан астам жолаушыны эвакуациялауды қолға алды. Ауа райының нашарлауына байланысты Сымбат Ещанов жолға шығып, көліктердің алдында жаяу жол бастап жүруге шешім қабылдады. Құтқарушының ерлігінің арқасында барлық жолаушылар эвакуациялық пункттерге аман-есен жеткізілді.Азаматтық қорғау аға сержанты Сымбат Ещанов 2012 жылдан бері азаматтық қорғау органдарында қызмет етіп келеді. Ол төтенше жағдайларды жоюға, сондай-ақ құтқару және эвакуациялау жұмыстарына бірнеше рет қатысқан.Қарағанды облысы ТЖД ақпараты бойыншаАқпарат көзі : https://www.gov.kz/memleket/entities/karaganda/press/news/details/916454