Бүгін, Алматы қ. жыл сайынғы халықаралық «Индустриялық құрылыс» конференциясы басталды. Конференцияның тақырыбы құрастырмалы бетон конструкциялық жүйелерге бағытталған.Конференция екі күнге созылады. Бірінші күні қатысушылар тақырыпқа қатысты өзекті мәселелер бойынша баяндамалар жасайды.Биыл шараға Германия, Эстония, Корея, Өзбекстан, БАӘ, Моңғолия және Қазақстанды қоса алғанда, әлемнің 10-нан астам елінен сарапшылар қатысуда.Конференция жетекші мамандарды озық шешімдерді талқылау, тәжірибе алмасу және іскерлік байланыстар орнату мақсатында біріктіріп, индустриялық құрылыстың жаһандық маңыздылығын айқындайды.ТМД елдерінің сейсмотұрақты құрылыс саласындағы Негізгі ұйымы және «ҚазҚСҒЗИ» АҚ атынан конференцияның ашылуында Бас директор Бегман Кульбаев құттықтау сөз айтты.Өз сөзінде ол «ҚазҚСҒЗИ» АҚ-ның индустриялық құрылыс саласындағы зерттеулер мен әзірлемелерге белсенді қатысатынын атап өтіп, ұйым жұмысының негізгі бағыттарына тоқталды. Атап айтқанда, Қазақстанда құрастырмалы темірбетонды қолдану бойынша ғылыми зерттеулер негізінде техникалық нормаларды әзірлеу, сондай-ақ құрастырмалы конструкциялардың сейсмотұрақтылығын зерттеу, бұл әсіресе Алматы және басқа да сейсмикалық қауіпті аймақтар үшін өзекті. Сонымен қатар, ол модульдік құрылыстың техникалық және экономикалық талдауына ерекше мән берді.Сондай-ақ, ол Негізгі ұйым аясында кәсіпорынның құрастырмалы темірбетон құрылыс жүйелерін пайдалану, сейсмикалық қауіпті аймақтарда азаматтық және қоғамдық ғимараттарды салу мәселелерін талқылау үшін алаң ұсынуға дайын екендігін баса айтты. Ақпарат көзі : https://www.gov.kz/memleket/entities/mps/press/news/details/940865

Астана қаласында Қожа Ахмет Ясауи атындағы ХҚТУ-дың Өкілетті Кеңесінің 78-мәжілісі өтіп, өзекті мәселелер қаралып, маңызды шешімдер қабылданды.Жиынға Өкілетті Кеңес Төрағасы, профессор Мухиттин Шимшек, Қазақстанның Ғылым және жоғары білім министрінің орынбасары Талғат Ешенқұлов, Түркия тарапынан Өкілетті Кеңес мүшесі Ибрахим Калын, Қазақстан Парламенті Сенатының депутаты, танымал ғалым және қоғам қайраткері Дархан Қыдырәлі, Түркия тарапынан Мәдениет және туризм вице-министрі Сердар Чам, Түркістан облысы әкімінің орынбасары Бейсенбай Тәжібаев, Қазақстанның Қаржы министрлігі Әлеуметтік сала бюджеті департаментінің директоры Жанар Алдасугурова және университет ректоры Жанар Темірбекова қатысты.Мәжіліс барысында Өкілетті Кеңес Төрағасы, профессор Мухиттин Шимшек алғы сөз сөйлеп, қатысушыларға сәттілік тіледі.Бұдан әрі күн тәртібінде университеттің дамуы мен стратегиялық бағыттарына қатысты маңызды мәселелер қарастырылды. Атап айтар болсақ, ректорат тарапынан атқарылған жұмыстардың есебі тыңдалып, 2025 жылдың бюджеті талқыланды.2025-2026 оқу жылы Түркия Республикасынан, Түркі тілдес республикалар мен туыстас қауымдастықтардан және басқа мемлекеттерден қабылданатын студенттер контингентін, ТүрТЕП бағдарламаларына қабылданатын студент контингентін белгілеу туралы ұсыныстар зерделенді. 2025-2026 оқу жылына шәкіртақы негізінде магистратура, докторантура және кәсіби біліктілікті арттыру мен тәжірибе алмасуға жіберілетін үміткерлердің санын және Ясауи атындағы докторантура бағдарламасының шәкіртақы контингенті мен мамандықтарын анықтау мәселесі қарастырылды. Университет құрамында "Заң" факультеті мен "Өнер, медиа және дизайн" факультетін ашу туралы шешім қабылданды. Дайындық орталығында "Жалпы пәндер" бөлімін құру ұсынысы қарастырылды.Күн тәртібінде, сондай-ақ, университеттің стратегиялық бағыттарын қамтитын басқа мәселелер де қарастырылды.Өкілетті Кеңес мәжілісіне қатысушылар отырыс қорытындысында жиынның нәтижелі өткенін тілге тиек етіп, қабылданған шешімдердің жемісті болатынына сенім білдірді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940560

Өткен демалыс күндері Иран Ислам Республикасының астанасы Тегеранда Қазақстан мен Иранның бизнес-форумы өтті. Оған 50-ден астам қазақстандық кәсіпкер мен 230 ирандық бизнес өкілі жиналды. Форум ҚР Сауда және интеграция министрі Арман Шаққалиев пен Иранның ауыл шаруашылығы министрі Голамрез Нури Гезельдженің төрағалығымен ұйымдастырылды. Тараптар өзара тиімді ынтымақтастық үшін елеулі әлеуетке ие екенін айтып, екі ел арасындағы сауда-экономикалық байланыстарды одан әрі дамытудың маңыздылығын атап өтті.Форум аясында B2B кездесулер, сондай-ақ келісімдерге қол қою рәсімі өтті. Қазақстанның сауда-экономикалық миссиясы барысында жалпы сомасы 92,8 млн АҚШ долларына 10 коммерциялық құжатқа қол қойылды, бұл Иран мен Қазақстан арасындағы сауда қатынастарын нығайтудағы маңызды қадам. Өз кезегінде Қазақстан Иран нарығына 250 млн доллар сомасына 75 өнім түрін жеткізуге дайын екенін білдірді.Жұмыс сапары аясында Арман Шаққалиев Иранның орталық мемлекеттік органдарының өкілдерімен, соның ішінде ауыл шаруашылығы, өнеркәсіп, шахталар және сауда министрлерімен, сондай-ақ жол және қала құрылысы министрімен келіссөздер жүргізді.Қазақстан ауыл шаруашылығы саласындағы екіжақты ынтымақтастықты дамытуға, сондай-ақ Иранға ауыл шаруашылығы өнімдерін жеткізуді ұлғайтуға үлкен мән беруді жалғастыруда. Мәселен, өткен жылдың қорытындысы бойынша екі ел арасындағы тауар айналымы 340 млн долларды құрады, бұл өткен жылмен салыстырғанда 12,3%-ға артық. Екіжақты ынтымақтастықтың басым бағыттарының бірі болып табылатын ауыл шаруашылығына ерекше назар аударылды. 2024 жылдың 12 айында Қазақстан мен Иран арасындағы ауыл шаруашылығы өнімінің тауар айналымы 219,8 млн долларды құрады, бұл 2023 жылдың сәйкес кезеңімен салыстырғанда 33,3%-ға артық. Қазақстан бидай, арпа, ұн және өсімдік майларын жеткізуді ұлғайтуға мүдделі. Иран дәстүрлі түрде Қазақстанның астық экспорты бойынша негізгі серіктестерінің бірі болып табылады және таяу жылдары Қазақстан астық экспортын ұлғайтуға ниетті.Иранның ауыл шаруашылығы министрі Голамреза Нури Гезельджемен кездесуде «QazTrade» сауда саясатын дамыту орталығы« АҚ Бас директоры Айтмұхамед Алдажаров Тегеранда Қазақстанның «QazTrade» тауарлар мен қызметтер экспортын ілгерілету жөніндегі ұлттық институтының серіктестік кеңсесін ашуды ұсынды. Бұл кеңсе қазақстандық кәсіпкерлерге жаңа серіктестер табуға және Иран нарығында өнімді тиімді жылжытуға мүмкіндік береді.«QazTrade» екіжақты сауда қатынастарын дамыту бойынша белсенді жұмыс жүргізуде және қазірдің өзінде Иранда үш табысты сауда-экономикалық миссияны ұйымдастырды. Олар - 2021 жылы (11-12 қазан), 2022 жылы (21-22 ақпан) және 2023 жылы (24-26 сәуір) өткен сауда экономикалық миссиялар. Осы миссиялардың қорытындысы бойынша маңызды келісімшарттарға қол қойылды: 2021 жылы 16 қазақстандық тауар өндіруші 5 млн АҚШ долларынан астам сомаға келісімге қол қойды, 2022 жылы 14 млн АҚШ долларынан астам сомаға келісімге қол қойған 15 компания қатысты, 2023 жылы 20 компания 60,4 млн АҚШ доллары сомасына экспорттық келісімшарттарға қол қойды.Сонымен қатар, сапар барысында Қазақстанның сауда министрі Иранның 100 ірі кәсіпкерін қамтитын «Корафарин» кәсіпкерлер кеңесімен кездесті. Кездесуде сауда-экономикалық ынтымақтастықты кеңейту перспективалары, сондай - ақ химия өнеркәсібінен тоқыма және орман өнеркәсібіне дейінгі әртүрлі салалардағы тауарлар өндірісі мен сұранысына қатысты мәселелер талқыланды.Арман Шаққалиевтің жұмыс сапары Каспий өңірі елдерінің сауда-өнеркәсіптік және ауыл шаруашылығы ынтымақтастығын дамытуға арналған үшінші Каспий экономикалық форумының пленарлық сессиясына қатысуымен жалғасуда. Министр өтпелі тарифтерді белгілеу, жүктерді декларациялау, бірыңғай IT-шешімдерді қолдану және транзиттік жүктерді шығару мәселелерін талқылай отырып, ТМТ дәлізі шеңберінде бірлескен жұмысты нығайтудың маңыздылығын атап өтті. Арман Шаққалиев Қазақстанның транзиттік және экспорттық мүмкіндіктері көрші елдердің инфрақұрылымдық мүмкіндіктеріне де байланысты екенін айтты.Ақпарат көзі : https://www.gov.kz/memleket/entities/ontustik/press/news/details/940563

Мемлекет басшысы айтқан «Дамыған аймақтар – қуатты экономика» қағидатын іске асыруда Түркістан облысында нақты қадамдар жасалуда. Сайрам ауданында салынып жатқан қуаты 1 мың МВт болатын электростанция іске қосылғандаТүркістан облысында энергия тапшылығы шешіледі. «Самұрық-Қазына» қорының еншілес ұйымы – «БГҚ Түркістан» ЖШС қолға алған бу-газ станциясының құрылысы Сайрам ауданының Қарамұрт елді мекенінде жүзеге асуда.Оңтүстік Кореяның «Doosan Enerbility» және Қазақстандық «Bazis Construction» компаниялар консорциумы іске асырып жатқан жоба 2 миллионнан астам тұрғыны бар Түркістан облысындағы энергия тапшылығын еңсеруге көмек көрсететін жаңа буын энергия өндіретін кәсіпорын болмақ.Құны 800 млрд теңге тұратын жоба толық өндірістік қуатына шыққанда 926,5 МВт электр қуатын өндіреді. Мұнда қойылатын газ турбиналық қондырғылар Германияның «Siemens Energy» компаниясының өнімі болса, бу турбиналық қондырғылар Чехияның «Doosan Skoda Power» компаниясының өнімі болмақ. Италиядан қазандық құрылғылары, Қазақстанның «Asia Trafo» компаниясынан қуат арттыру трансформаторлары әкелінеді. Үздік технологиялық шешімдер бойынша салынып жатқан кешен үшін 60 га жер бөлінген.Қазір мұндағы құрылысқа 11 компаниядан 2500-ге жуық адам тартылған. Оладың көбі – Төлеби, Сайрам ауданының тұрғындары. Құрылыс жұмыстары аяқталып, кәсіпорын тұрақты жұмыс істеуге көшкенде мұнда тұрақты жұмыспен қамтылатын азаматтардың саны 300-400-ге жетеді деген болжам бар.Қазір кәсіпорын қажеттілігі үшін жоғары қысымды газ жеткізуде магистральды газ құбыры салынып жатыр. Газ жүйелері тартылатын аймақтар бойынша жерлерді жекеменшік иелерінен сатып алу жұмыстары атқарылып, құрылыс-монтаждау жұмыстарының қарқыны артқан.Электр қуатын өндіретін аумақтан экономикаға оң әсерін беретін, жергілікті тұрғындарды тұрақты жұмыс орындарымен қамтитын және аймақтың өндірістік әлеуетін көтеруге баса мән берілуде. Оның ішінде осы аймақта өндірістік парк салу бастамасы жүзеге асырылмақ.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940567

«Таза Қазақстан» экологиялық мәдениетті дамытудың 2024-2029 жылдарға арналған тұжырымдамасын іске асыру аясында Мақтаарал ауданында тазалық іс-шарасын өткізу бойынша марафон басталды.Мырзакент кентінде бастау алған тазалық шарасына аудан әкімі Бақыт Асанов, аудандық мәслихаттың хатшысы Қадір Сәрсекбаев, «Amanat» партиясының аудандық филиалының төрағасы Мұхтар Сәрсенов, аудан әкімінің орынбасарлары Бауыржан Шомпиев пен Серік Тұрсынқұловтар, барлық қоғамдық ұйымдардың басшылары мен мүшелері, мемлекеттік мекемелердің, кәсіпкерлік нысандардың ұжымдары және кенттің тұрғындары қатысты.– Бұл іс-шараның мақсаты – тұрғындарымыздың экологиялық белсенділігін арттыру, табиғатты қорғауға қатысты жауапкершіліктерін күшейту және қоғамды тазалыққа шақыру. Марафон барысында әр кент пен округтің тұрғындары, мемлекеттік, жекеменшік мекемелердің қызметкерлері бірлесіп, сол аумақты қоқыстан тазартып, табиғатқа, туған жерге құрметпен қарау идеологиясы сіңіріледі, – деді Бақыт Насырханұлы.Марафон барысында 12 тоннадан астам күл-қоқыс шығарылып, бұл қоқыстар аудан аумағындағы қатты тұрмыстық қалдықтарға арналған полигонға төгілді.Сонымен қатар шараға 5 техника мен 500-ден аса адам қатысты.Айта кетейік, Мырзакент кентінде бастау алған марафон басқа да кенттер мен округтерде жалғасын табады. Орталық тұрғындары тазалық бойынша челленджді Жаңажол ауылдық округінің тұрғындарына жолдап, баршаны тұрып жатқан өлкемізді таза ұстауға шақырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940580

Бауыр трансплантациясы – қазіргі заманғы хирургиядағы ең күрделі оталардың бірі. Алайда профессор Б.Баймаханов басқарған А.Сызғанов атындағы ҰҒХО мамандарының жоғары біліктілігі мен үйлесімді жұмысының арқасында өңірдегі операция сәтті өтті.Науқас Нурметова Ульяна, 48 жаста, бауыр циррозы ауруымен ауырды. 2019 жылдан бастап гастроэнтерологтың бақылауында болды, оған Child-Turcotte-Pugh жіктемесі бойынша В класты вирус этиологиялы бауыр циррозы диагнозы қойылған. Амбулаторлық және стационарлық ем қабылдап жүрген. Ауруы порталдық гипертензиямен, ісінумен, гиперспленизм синдромымен асқынып, науқастың жағдайын қиындата түсті. Ұзақ уақыт жүргізілген емдеу шараларына қарамастан, жағдайы нашарлап, оған бауыр трансплантациясы өмірін сақтап қалудың жалғыз мүмкіндігі болды.Донор ретінде науқастың 19 жастағы қызы Сахавитдинова Эльвира жан-жақты медициналық тексеруден өтті.Бауыр трансплантациясы Түркістан облыстық клиникасының базасында ұлттық ғылыми хирургия орталығының мамандары мен академик Б. Баймахановтың жетекшілігімен өткізілді. Бұл операция шеңберінде В.Мутагиров, М. Жұмабекова (анестезиологтар), М. Досханов, С. Тілеуов, Ж.Оспан (хирургтар) және облыстық клиникалық аурухананың мамандары белсенді жұмыс атқарды.Қазіргі уақытта науқас дәрігерлердің динамикалық бақылауында. Отадан кейінгі кезең ауыр асқынуларсыз өтіп, трансплантацияланған органның қызметі біртіндеп тұрақталып келеді.Бұл операция аймақ тарихындағы алғашқы бауыр трансплантациясы болды және Түркістан облысында трансплантология саласының дамуына жаңа мүмкіндік ашты.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940582

Түркістан облысында білім саласына жан-жақты қолдау көрсетіліп, білім сапасын көтеруге жағдай жасалуда. Осы ретте мектептерді жаңғырту жобасына Түркістан облысынан 115 мектеп енгізілген. 2025-2027 жылдары 115 мектептің ғимараттарына күрделі және ағымдағы жөндеу жұмыстарын жүргізу және асхана, кітапхана, спорт зал, сынып бөлмелерін жабдықтау, қауіпсіздік жүйесімен, пән кабинеттерімен, жиһаздармен қамтамасыз етуге болжаммен 64,3 млрд. теңге қаржы қажет екені анықталған.Бүгін облыс әкімдігінде мектептерді жаңғырту жобасы аясында атқарылатын жұмыстар мен жоспарлар талқыланды. Түркістан облысының әкімі Нұралхан Көшеров бюджетті үнемдеп әрі тиімді пайдалануды, құрылыс жұмыстарын сапалы және уақтылы атқаруды тапсырды.– Мектептерді күрделі жөндеу бойынша құрылыс жобаларын қайта қарап шығыңыздар. Жауапты басқармалар есебін шығарып, нақты мәлімет ұсынсын. Бюджеттің әрбір тиынын үнемдеу қажет. Нақты, қажетті жобаларға қолдау көрсетіледі. Мектептерді жаңғырту жобасын жүзеге асыру барысы қадағалауда болады, – деді Нұралхан Көшеров.Мемлекет басшысы Қасым-Жомарт Тоқаев 2024 жылғы, 2 қыркүйектегі Қазақстан халқына Жолдауында республика көлемінде 1300 мектепті жаңғыртудан (реновациядан) өткізу туралы тапсырма берген болатын. Түркістан облысынан осы жобаға 115 мектеп енгізіліп отыр.Жалпы реновацияға қажет қаражат көлемі 2025 жылы облыстық бюджет есебінен бөлінеді деп жоспарланған. Ал 2026, 2027 жылдары жаңғыртудан өтуі тиіс 74 мектепті жөндеуден өткізу үшін болжаммен 42,9 млрд. теңгені республикалық бюджеттен шешу жолдары салалық министрлікпен пысықталуда.2025 жылға жоспарланған 41 мектептің ішінде ағымдағы жөндеумен 15 мектеп қамтылса, 26 мектеп күрделі жөндеуден өтеді. 2025 жылы күрделі жөндеу жұмыстарын қажет ететін 26 мектептің 6-уының (2024 жылдан өтпелі) толық қаржысы облыстық бюджеттен қаралған. Ал 3 мектепті «Ауыл – Ел бесігі» бағдарламасымен жүзеге асыру көзделген.Айта кетейік, Түркістан облысында жалпы 1087 орта білім беру мекемесінде 554 753 оқушы оқып жатыр. Оның ішінде мемлекеттік 920 мектепте 503 665 оқушы оқыса, жекеменшік 167 мектепте 51 088 оқушы білім алуда.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940587

Түркістан облысының «Ашық әкімдік» кеңсесінің қоғамдық қабылдау алаңында облыс әкімінің орынбасары Ертай Алтаев тұрғындарды жеке қабылдап, өтініш-тілектерін тыңдады.Әкім орынбасарымен бетпе-бет кездесуге Сайрам, Жетісай, Келес, Ордабасы аудандарының тұрғындары арнайы келді. Шағымдар мен ұсыныстардың басым бөлігі мәдениет, спорт және ақпараттық салаларға қатысты болды. Атап айтқанда, БАҚ-қа қатысты ұсыныстар және мемлекеттік тапсырыс мәселелері бойынша өтініштер, облыстың құрметті азаматы мәртебесін беру, «Еңбек ардагері» төсбелгісін алу, мәдениет саласын дамыту, ауылдық шалғай жерге клуб салу, қоғамдық ұйым жұмыстарын жандандыру, асық ойынын Наурыз мерекесінде дәріптеу, футбол спортын дамыту жобалары ұсынылды.«Тұрғындардың арыз-шағымы назардан тыс қалмайды» деген облыс әкімінің орынбасары жеке қабылдауда тұрғындар тарапынан көтерілген әрбір мәселе хаттамаға енгізіліп, заң аясында тиісті жұмыстар жүргізілетінін айтты. Жауапты басшыларға мәселелерді зерделеп, шешуді тапсырды. Өтініштер бақылауға алынды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940851

Бүгінде мемлекет халықты жұмыспен қамту бағытына ерекше назар аударып отыр. Бұл мәселе тұрғындарының 75 пайыздайы ауылды жерлерде тұратын Түркістан облысы үшін айрықша маңызға ие. Сол себепті облыс әкімі Нұралхан Көшеров жұмыспен қамту жұмыстарының жүйелі әрі сапалы түрде орындалуын өзі бақылап отырады. Жұмыспен қамтудың бір тетігі – субсидияланатын жұмыс орындары. Бұл бағытта атқарылатын жұмыстарды облыстық жұмыспен қамтудыүйлестіру және әлеуметтік бағдарламалар басқармасының басшысы Әсия Темірбаева баяндады.Жұмыс берушілер кәсіпорында субсидияланатын жұмыс орындарын ашып,«Мансап» орталығында тіркелген жұмыссыздарды қабылдай алады. Азаматтардың еңбекақысы толығымен немесе ішінара мемлекет тарапынан «Мансап» орталығы арқылы төленеді. Өткен жылы Түркістан облысында субсидияланатын жұмыс орындарына 33 мыңнан астам азамат жолданып, облыс көлемінде жоспар асыра орындалған.Субсидияланған жұмыс орындары бойынша жүргізілген зерделеу қорытындысы бірқатар кемшіліктердің бетін ашып, кейбір келісімшарттар бұзылды. Еңбек тәртібінің сақталуы бойынша мониторинг жұмыстары тұрақты жүргізілетін болады. Зейнетақы төлеу орталығы арқылы заңдылығы қадағаланады.«Таза Қазақстан» шарасы аясында көгалдандыру, абаттандыру және тазалау жұмыстарына аудан, қалаларға 6 мыңнан астам азамат жолданбақ. Талап – еңбек тәртібінің сақталуы. Сондай-ақ қоғамдық жұмысқа тартылғандарды барынша тұрақты жұмыспен қамту шаралары жүзеге асырылады.Облыс әкімі жұмыс орындарын ашу, жергілікті тұрғындарды жұмыспен қамтуға басымдық беруді тапсырды.– Мемлекет басшысының жүктеген тапсырмаларының бірі – жаңа жұмыс орындарын ашу, халықты тұрақты жұмыспен қамту. Сол себепті де, халықтың тұрмыс сапасын жақсарту – негізгі міндет. Осы тұрғыда, облысымызда тұрақты жаңа жұмыс орындарын ашуға және жергілікті тұрғындарды жұмыспен қамтуға басымдық беріледі, – деді облыс әкімі.Биыл 32 465 адамды уақытша жұмыс орындарына жолдау жоспарланған. Оның ішінде жастар практикасымен 11 мыңнан астам адам, қоғамдық жұмыс орындарына 14 мыңға жуық адам, әлеуметтік жұмыс орындарына 4 680 адам, «Күміс жас» жобасымен зейнеткерлікке жетпеген 50-61 жасқа дейінгі 2 760 азамат жұмыспен қамтылмақ. Субсидияланған жұмыс орындарын ұйымдастыру мақсатында жалпы сипаттағы трансферт есебінен 32 679 млн.теңге қаралған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940890

Қыстың басынан бастап Астрахан ауданының аумағынан 31 мың текше метр қар шығарылды.Тұрғындардың қауіпсіздігі мен қолайлы қозғалысын қамтамасыз ету мақсатында қар тазалау бойынша кезекшілік ұйымдастырылды. Күн сайын арнайы техника шамамен 30 рейс жасап, 2000 текше метрден астам қарды шығарады.Қар тазалау және шығару жұмыстарына келесі кәсіпорындар атсалысуда: ЖК «Максимус», ЖШС «Нива», ЖШС «Зеленое», ЖК «Карпенко», ЖШС «Жалтырское АТП», ЖШС «Байду-Агро», ЖШС «СХП Кызылжар», ЖШС «Острогорский», ЖШС «Колутонский ХПП», ШҚ «Дюсекеев», ЖШС «Гранит Петровка», ЖШС «Орнек 2005», КТ «Федоренко», ЖК «Сагадатов», ЖШС «СХП Колутон-04», ЖШС «Избасаров и К».Ең алдымен, орталық көшелер, әлеуметтік маңызы бар нысандар мен жаяу жүргіншілер жолдары тазартылады. Күнделікті қар тазалау жұмыстары ауылдағы тәртіп пен қауіпсіздікті сақтауға айтарлықтай үлес қосып, қоғамдық және жеке көліктердің қозғалысын қамтамасыз етеді.Ақпарат көзі : https://www.gov.kz/memleket/entities/aqmola/press/news/details/940534

Қазақстан Республикасы Көлік министрлігі «Ашық НҚА» порталында «Кейбір бұйрықтарына өзгерістер мен толықтырулар енгізу туралы» Қазақстан Республикасы Көлік министрі бұйрығының жобасы орналасқаны туралы хабарлайды.Сіздерді осы бұйрықтың жобасы бойынша қоғамдық талқылауға қатысуға шақырамыз.Толығырақ: Бұйрық ашық нормативтік құқықтық актілердің «e-gov» интернет-порталында 2025 жылғы 14 ақпанда (https://legalacts.egov.kz/npa/view?id=15446265) орналастырылған.Ақпарат көзі : https://www.gov.kz/memleket/entities/transport/press/news/details/940415

ҚР Президенті Қасым-Жомарт Тоқаевтың бастамасымен қолға алынған «Таза Қазақстан» бағдарламасының «Таза қала» кезеңі аясында Созақ ауданында тазалық жұмыстары ұйымдастырылды. Бұл жұмыстарға аудан ардагерлері, тұрғындар және белсенді жастар атсалысты. Шара барысында саябақтар, ішкі көшелер, ауыл маңындағы арықтар мен су өткізгіш құбырлар тұрмыстық қалдықтардан тазартылды.Шараға арнайы қатысқан ауданның Құрметті азаматы, еңбек ардагері Бүркіт Арынбеков тазалық жұмыстарының маңыздылығына тоқталып, экологиялық жауапкершілікті арттыру қажеттігін атап өтті.– Тазалық тек қоршаған ортаны ғана емес, біздің өмірімізді де айтарлықтай жақсартады. Әрбір адам таза ортада өмір сүруге құқылы. Біз тазалықты сақтау арқылы өз денсаулығымызды жақсартып, экологияға оң әсерімізді тигіземіз. Сондықтан, баршамызға маңызды болып табылатын бұл бастаманы мен толық қолдаймын. Барлық тұрғындарды және жастарды «Таза Қазақстан» бағдарламасына белсене қатысуға шақырамын, – деді Бүркіт Арынбеков.Сонымен қатар гір тасын көтеру спортынан халықаралық дәрежедегі спорт шебері Баби Орынбасар да шараға қатысып, өз пікірін білдірді.– Спортшы ретінде таза ортада жаттығу жасаудың, таза ауада демалудың денсаулыққа өте пайдалы екенін жақсы білемін. «Таза Қазақстан» бағдарламасы арқылы еліміздің әрбір қаласы мен ауылын таза ұстауға, қоршаған ортаны қорғауға, табиғатты аялауға үндейміз. Кішкентай әрекеттер, мысалы, қоқысты қоқыс жәшігіне тастау, жасыл алаңдарға зиян келтірмеу сияқты әрекеттер үлкен өзгерістерге әкеледі, – деді жас спортшы.Айта кетейік, тазалық жұмыстарына 4 мыңға жуық тұрғын мен белсенді жас қатысып, 28 техника жұмылдырылды. 36 шақырым көше бойы, 17 шақырым аяқжол, 28 балалар мен спорт алаңшалары, 38 көпір, канал және өзен арналарында тазалық жұмыстары жүргізілді. Нәтижесінде, 115 тоннадан астам күл-қоқыс шығарылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940240

Түркістан облысы, Созақ ауданының орталығында бір отбасы баспаналы болды. Түркістан облыстық мәслихатының депутаты Қанат Нышанов көпбалалы отбасына баспана кілтін табыстады. Игі шараға аудан әкімінің орынбасары Серік Маманов арнайы қатысып, аудан басшысының жылы лебізін жеткізді.«Соңғы уақытта ауданда көпбалалы және мұқтаж отбасыларға баспана тарту ісі тұрақты үрдіске айналуда. Ауданда баспана кезегінде тұрған отбасыларға қолдау көрсету мақсатында бірқатар шара жүзеге асырылуда. Аудан басшысының атынан барлық жомарт жандарға, осы шараның ұйымдастырушыларына шынайы алғысымды білдіремін», деген аудан әкімінің орынбасары отбасыны құттықтады.Шараға аудандық мәслихаттың төрағасы Ордабек Жәмиев, Ардагерлер кеңесінің төрағасы Қабылбек Есепенбетов, ауданның Құрметті азаматы әрі спорт ардагері Анарбай Шәдібеков, Қазақстан Республикасының Мәдениет қайраткері, ауданның Құрметті азаматы Мыңжасар Асқарұлы қатысып, ақ баталарын арнады.«Бүгінгі қуанышты сәтте сөзбен жеткізе алмайтын сезімдерді бастан өткеріп отырмын. Көпбалалы ана ретінде біз үшін баспана – ең маңызды қажеттілік. Бүгін жасалған осындай үлкен жақсылықты, қамқорлықты ешқашан ұмытпаймыз. Баршаңызға үлкен рақмет!», деген баспана иесі Гаухар Дүйсенбекқызы игі бастамаға арқау болған азаматтарға алғысын білдірді.Айта кетейік, тұрғын үй қажетті инфрақұрылыммен толық қамтылып, тұрмысқа қажетті құралдармен жабдықталған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940243

Түркістан өңіріне инвестиция тарту, өндіріс орындарын ашу бағытында жұмыстар жалғасуда.Түркістан облысының әкімі Нұралхан Көшеровтің тапсырмасына сәйкес, облыстық делегация Қазақстан Республикасының сауда және интеграция министрі Арман Шаққалиев бастаған делегация құрамымен Тегеран қаласында Қазақстан Республикасы мен Иран Ислам Республикасы экономикалық белсенділерінің форумына қатысты. Форумның негізгі мақсаты – Қазақстан Республикасы мен Иран Ислам Республикасы арасында екі жақты сауда-экономикалық ынтымақтастықты арттыру және жергілікті кәсіпкерлермен тәжірибе алмасу.Іссапар барысында ҚР сауда және интеграция министрі Арман Шаққалиев бастаған делегация құрамы Иран Ислам Республикасының өнеркәсіп, кен және сауда министрі Сейед Мохаммад Атабеккпен кездесті.Форум аясында, Түркістан облысы кәсіпкерлік және өнеркәсіп басқарма басшысы Н.Мырзахметов Түркістан облысында 25 млн. АҚШ долларына «кілем өндірісі зауыты» жобасын іске асыру бойынша «Sorena Carpet Co» ЖШС басшысы Reza Mahmoudian және Iran Carpet Export Symposium басшысы Naser Seraji арасында өзара ынтымақтастық туралы меморандумға қол қойды.Форум барысында B2B форматында іскерлік кездесулер өтті. Түркістан облысы кәсіпкерлік және өнеркәсіп басқарма басшысы ирандық трактор шығарушы «Iran Tractor Co.Ltd» басшысы Наси Аббаси мырзамен, Иран Ислам Республикасының ауыл шаруашылық министрлігінің балық шаруашылығы департаментінің директоры Мехди Шахоуримен, Иран сауда және өнеркәсіп палатасының төрағасы Амир Абедимен және тағы басқа кәсіпорын басшыларымен трактор құрастыру, балық жемін өндіру, мал терісі мен жүнін қайта өңдеу салалары бойынша табысты келіссөздер жүргізді. Сонымен қатар Ирандағы кілем өндірісіне машықтанған Кашан қаласына барып, «Adet Carpet Co.Ltd», «Ektiban Carpet Co.Ltd», «Sorena Carpet Co.» кілем зауыттарын аралап, жұмыстарымен танысты.Түркістанда ирандық кілемдердің шоу-румын және кілем зауытын ашу туралы екі жақты талқылаулар жүргізді. Алдағы уақытта Ирандық кәсіпкерлер облысымыздың инвстициялық ахуалымен танысу мақсатында арнайы іссапармен келуді жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940245

Түркістан облысы әкімдігінде Түркістан қаласының Бас жоспарына өзгертулер мен толықтырулар енгізу мәселесі талқыланған мәжіліс өтті. Жиында өңір басшысы мен қала сәулеті жөніндегі кеңеске Бас жоспардың жобасы таныстырылды.Жобаға шаһардың 2040 жылға дейінгі даму жоспары енгізілген. Қаланың инфрақұрылымын жақсарту, туризм саласын дамыту, тарихи орындар мен ескерткіштерді сақтауға басымдық берілген. Сонымен бірге қаланың әрбір секторын дамыту, әлеуметтік нысандармен қамту, жылу және су жүйелерінің әлеуетін халық санына сай кезең-кезеңімен көтеру, шаһардағы автомобиль жолдарын оңтайландыру және өзге де мәселелер қамтылған. 2040 жылы Түркістан қаласы тұрғындарының саны 400 мыңға жетеді деп болжанып, қаланың Бас жоспары соған сай толықтырылған.Өңір басшысы Бас жоспарды зерделеп, толықтыруды тапсырды. Сала басшыларымен ақылдасып, жан-жақты талқылау керектігін, ұсыныстарды жетілдіру маңызды екенін жеткізді.– Мемлекет басшысының бастамасымен Түркістан қаласына ерекше мәртебе беру туралы Заң жобасы әзірленді. Ол назарға алынуы тиіс. Екіншіден, Түркістан облыстың ғана емес, Түркі әлемінің орталығы екенін назарда ұстаңыздар. Бас жоспар мен қаланың дизайн-коды заман талабына сай әрі ірі аглоремация деңгейіне көтеретіндей сапалы болуы тиіс. Қайта қарап шығып, нақты ұсыныстар енгізіңіздер, – деді Нұралхан Көшеров.Сәулеттік жобалар талқыланған мәжілісте облыс аумағындағы аудан, қала орталықтарының дизайн-кодын әзірлеу, елді мекендердің сәулетін жақсарту, «Біркөлік» рекреациялық аймағын реттеу мәселелері де айтылды. Бұл жөнінде Түркістан облысының сәулет және қала құрылысы басқармасының басшысы Нұрлыжан Букебаевтың есебі тыңдалды. Салаға жауапты басшыларға тиісті тапсырмалар берілді. Ұсыныстар зерделеніп, қайта қаралатын болды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940248

Түркістан облысы әкімі Нұралхан Көшеровтің тапсырмасымен өңірге инвестиция тарту, өнеркәсіп орындарын ашу, жаңа жұмыс орындарын құру бағытындағы жұмыстар жалғасуда.Осы мақсатта облыс әкімінің орынбасары Нұрбол Тұрашбеков бастаған делегация Сиань қаласындағы Бас консулдықтың қолдауы және ұйымдастыруымен Қытай Халық Республикасына жұмыс сапарымен барды. Жұмыс сапарының алғашқы күні өңір делегациясы Шэньси провинциясының вице-губернаторы Чэнь Чуньцзянмен кездесті.Кездесу барысында тараптар Түркістан облысы мен Шэньси провинциясы арасындағы сауда-экономикалық байланыстарды дамыту және өңіраралық ынтымақтастықты одан әрі нығайту мәселелерін талқылады. Айта кетейік, өткен жылы қос өңір арасында бауырластық туралы меморандумға қол қойылған болатын.Шэньси провинциясы – Қытайдың жетекші экономикалық орталықтарының бірі және өнеркәсіп, ауыл шаруашылығы, сауда мен инфрақұрылымдық даму салаларында үлкен әлеуетке ие. Осыған байланысты тараптар бірлескен инвестициялық жобаларды жүзеге асыру, инновациялармен алмасу және сауда көлемін ұлғайту бағытында тығыз қарым-қатынасты жалғастыруға мүдделі екендерін білдірді.Кездесу қорытындысы бойынша тараптар екі өңір арасындағы стратегиялық серіктестікті нығайту үшін өзара іс-қимылды жандандыруға уағдаласты.Сонымен қатар Түркістан облысы әкімінің орынбасары Нұрбол Тұрашбеков іссапар жоспары аясында су ресурстарын тиімді пайдалану және сумен жабдықтау жүйелерін дамыту бағытында маманданған «Shaanxi Water Development Group Co. LTD» компаниясының басшылығымен келіссөздер жүргізді.«Shaanxi Water Development» компаниясы су шаруашылығы инфрақұрылымын салу, ауызсу жүйелерін жобалау, кәріз жүйелерін жаңғырту, суды тазарту технологияларын жетілдіру және осы салаға қатысты өнімдер өндірумен айналысады. Компания құрамында 19 мамандандырылған кәсіпорын бар. 2024 жылғы мәліметтерге сәйкес, компания активтері 150 млрд юаньды (шамамен 21 млрд АҚШ долларын) құрайды. Бүгінде компания мамандары 15 елде ірі жобаларды сәтті жүзеге асыруда.Кездесу барысында қытайлық компания өкілдері суды тазарту және ластанған суды қайта өңдеу, халықты үздіксіз ауыз сумен қамтамасыз ету, су сапасының қауіпсіздігін бақылау саласындағы озық тәжірибелерімен бөлісті. Сондай-ақ ауыз судың қолжетімділігін арттыруға бағытталған жаңа технологияларды қолдану бойынша бірлескен жобаларға қатысу ұсынылды.Тараптар су ресурстарын тиімді пайдалану, жаңа технологияларды енгізу және инвестициялық ынтымақтастық мәселелерін талқылап, осы бағытта тығыз жұмыс істеуге ниетті екендерін білдірді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/940252

Түркістан облысында елді мекендерді инфрақұрылым, сапалы электр, ауыз сумен қамту бағытында жүйелі жұмыс жалғасуда. Аталған салалардағы көрсеткіштер мен жоспарлар Түркістан облысының әкімі Нұралхан Көшеровтің төрағалығымен өткен мәжілісте кеңінен талқыланды. Өңір басшысы жауаптыларға жұмысты жандандыруды тапсырды.– Біздің алдымызда Түркістан облысын ауыз сумен толық қамту міндеті тұр. Осы бағыттағы жұмыстарды сапалы қорытындылау керек. Су көздерін зерттеп, тиімді жолдарын ұсыныңыздар. Экономикалық тиімділігі ескерілгені жөн. Екіншіден, өңірдің инвестициялық әлеуетін көтеру үшін электр қуаты қажет. Осы салаға жауапты компаниялар да жұмысты ширатып, жаңа жобаларды жүзеге асыруға көмектесуі тиіс, – деді Нұралхан Көшеров.Мәжілісте Облыстық энергетика және тұрғын үй-коммуналдық шаруашылық басқармасы басшысының орынбасары Жанәділ Айтбеков Сарыағаш және Келес аудандарын ауыз сумен қамтамасыз ету мәселесі туралы баяндады. Сарыағаш ауданында жалпы 63 елді мекен (221,4 мың тұрғын) бар, оның ішінде 52 елді мекен (205,1 мың тұрғын, 82,5%) ауыз сумен қамтылған. Ал Келесте 83 елді мекен (134,1 мың тұрғын) бар, оның ішінде 66 елді мекен (121,5 мың тұрғын, 79,5%) ауыз сумен қамтылған. Екі ауданда қалған елді мекендерді ауыз сумен толық қамту жолдары қаралып жатыр. Ұсыныстар беріліп, мәселе бақылауға алынды. Зерделеу жүргізіледі.Жиында электр қуатына берілетін техникалық шарттар туралы «Кегок» өкілдері баяндаса, «Қазсушар» РМК-ның «Оңтүстікауызсу» филиалы басшылығының да есебі тыңдалды. Сонымен бірге Сарыағаш, Сайрам аудандарының ауыз су жүйелерін автоматтандыру пилоттық жобасы талқыланды.Айта кетейік, Түркістан облысында 2024 жылдың қорытындысымен 807 елді мекеннің 767 елді мекені (7 қала, 760 ауылдық елді мекен) немесе 95,0 % ауыз сумен қамтамасыз етілді. 2025 жылы бюджет есебінен 47 ауыз су нысанының құрылысы іске асырылуда. Электрмен қамту бойынша 41 нысанның құрылысы жүріп жатыр. Жыл қорытындысымен 18 елді мекендегі 22,3 мың тұрғынды сапалы электр энергиясымен қамту жоспарланған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939863

Түркістан облысында 1 мыңнан астам мектеп директоры бар. Әрқайсысы мектептің абыройын асырып, бала тәрбиесіне, білім беру ісіне жауапкершілікпен қарап, үнемі еңбектеніп жүрген, жаңашыл көшбасшылар. Солардың бірі де, бірегейі – Сарыағаш аудандық білім бөліміне қарасты №61 жалпы білім беретін мектебінің директоры Әсел Арапова. Үздіксіз ізденіс жолы мен өмір бойы оқуды мақсат тұтқан ол 2024 жылы 23 желтоқсандағы шетелде кадрлар даярлау жөніндегі республикалық комиссия отырысының шешімімен «Болашақ» халықаралық стипендиясын жеңіп алды.Сарыағаштық мектеп директор 2025 жылдың 1 қыркүйегінен бастап әлемнің үздік жоғары оқу орны АҚШ-тың California State University Chico университетінде білім алып, 1 жыл ғылыми тағылымдамадан өтеді.Айта кетсек, Әсел Әбдірахымқызы Сарыағаш ауданында ұстаздар отбасында дүниеге келген. Ең алғаш еңбек жолын Оңтүстік Қазақстан Гуманитарлық академиясында оқытушы болып бастады. 22 жыл бойы педагогика саласында тынымсыз еңбек етіп жүрген ұлағатты ұстаз 2016 жылдың 10 қазан күні аудандағы №3 М.Ломоносов атындағы жалпы орта білім беретін мектебінің директоры қызметіне тағайындалады. Сондай-ақ «Білім-инновация лицейлерінің» құндылықтарға негізделген тәрбие жұмысын және олимпиадалық резерв тобымен жұмыс істеу жүйесін, 20-дан аса ұлт өкілдері оқитын мектеп оқушылары арасында толеранттылықты және ата-аналарымен ынтымақтастықты арттыру мақсатында НЗМ-нің «Шаңырақ», «Әке өндірісіндегі бір күн», «TEDx» тағы басқа жобаларын мектептің оқу-тәрбие жұмысына ендірді. Мектеп оқушыларының аудандық пән олимпиадасы қорытындысы бойынша «№3 М.Ломоносов атындағы жалпы орта білім беретін мектебі» ең үздік мектептер қатарынан көрініп, әр жылы 20-ға жуық олимпиада жүлдегерлерін дайындады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939868

Қазақстан Республикасы Мәдениет және ақпарат министрінің 2024 жылғы 30 қазандағы № 503-НҚ бұйрығымен бекітілген Өңірлік нышан жобасын әзірлеу қағидаларына сәйкес, Түркістан облысының өңірлік нышанын әзірлеу үшін өтініштер 3 ай мерзімде (2024 жылғы 30 желтоқсан - 2025 жылғы 30 наурыз арылғында) қабылданады.Өңірлік нышан жобасына қойылатын талаптар:1. Жобаны әзірлеу:- қоғамдық келісім мен жалпы ұлттық бірлікті нығайту,- геральдикалық белгілерді сақтау,- өңірдің ұлттық дәстүрлерін, тарихи, мәдени, географиялық, әлеуметтік-экономикалық ерекшеліктерін есепке алу қағидаларына негізделеді.2. Жобаны әзiрлеу кезiнде Қазақстан Республикасының Мемлекеттiк Туы мен Мемлекеттiк Елтаңбасының бейнесін, сондай-ақ дiни, рулық және тайпалық белгiлердiң бейнесін пайдалануға тыйым салынады.3. Жобаны әзірлеу кезінде мыналар ескерілерді:- жоба бұрын пайдаланылмаған және өзінің ерекшелігімен жергілікті жердің болашақ даму бағытын құруды айқындайтын жаңа жұмыс болып табылады;- жобаның визуалды құрамдас бөлігі, үш өлшемді кескіні және (немесе) моделі анық бедері бар;- жобада ресми атаулар, жазулар және басқа да мәтіндер қазақ тілінде жазылады;- жобаны әзірлеу кезінде авторлық құқықты және (немесе) сабақтас құқықты бұзуға, плагиатқа жол берілмейді.4. Жобаның авторы Қазақстан Республикасының азаматтары болып танылады.5. Жобаны жасауға бірнеше жеке тұлға қатысқан, жағдайда олардың барлығы оның авторлары (бірлескен авторлары) болып саналады.6. Жобаны әзірлеу кезінде ұлттық этнографиялық элементтерді (ою-өрнектерді) пайдалануға рұқсат етіледі.Конкурсқа қатысуға өтінім қазақ және орыс тілдерінде қабылданады және жобаның сипаттамасын қамтиды.Конкурсқа қатысуға өтінімдерді облыстық қоғамдық даму басқармасына (электронды көшірмесі russ_pl4@mail.ru почтасына) қағаз және электронды тасымалдағышта 2025 жылғы 30 наурыздан кешіктірілмей ұсынылуы тиіс!Сұрақтар туындаған жағдайда 87775581553 (Айгуль Рустемова) номеріне хабарласуға болады!Ақпарат көзі : https://www.gov.kz/memleket/entities/ontustik/press/news/details/939869

Түркістан облысының аудан, қала әкімдіктері мен басқармалардың жұмысын бағалау мақсатында арнайы рейтингті есептеу жүйесі әзірленді. Сонымен бірге мемлекеттік сатып алу саласындағы жоспарлардың орындалуына да қадағалау күшейтіледі. Аталған мәселелер облыс әкімі аппаратының апталық мәжілісінде талқыланды. Түркістан облысының әкімі Нұралхан Көшеров жауапты басшыларға өз міндеттерін уақтылы әрі сапалы атқару міндет екенін қаперлеріне салды.– Аудан, қала әкімдері мен басқарма басшыларының жұмыс қарқыны тұрақты түрде қадағаланады. Индикаторлардың орындалуын аппарат мәжілістерінде жүйелі талқылаймыз. Сондықтан аудан, қала әкімдері осы мәселені назарда ұстап, индикаторлардың толық орындауға күш салсын. Индикаторларды тағы да зерделеп, қажетті тармақтарды қосыңыздар. Барлық сала түгел қамтылуы тиіс. Мемлекеттік сатып алу процестерін уақтылы жүзеге асыруды тапсырамын. Сылбырлыққа жол бергендердің жауапкершіліктері қаралады. Бюджеттің мүмкіндігін, құрылыс жұмыстарының маңыздылығы мен экономикалық тиімділігін ескеріп, әр жобаны әділ әрі нақты бағалау қажет. Артық қаржы жұмсауға жол берілмейді, – деген Нұралхан Көшеров экономикалық көрсеткіші төмен әрі мемлекеттік сатып алу процесінде кемшілік анықталған басқарма басшылары мен аудан, қала әкімдерінің есебін тыңдап, тиісті тапсырмалар берді.Мәжілісте Облыстық экономика және бюджеттік жоспарлау басқармасының басшысы Қанат Қайыпбек пен Түркістан облысының мемлекеттік сатып алу басқармасының басшысы Нұрлан Аманқұловтың есептері тыңдалды.Өңірде негізгі экономикалық көрсеткіштер жақсарған. Оң динамика бар. Осы қарқынды түсірмеу үшін аудан қала әкімдері қызметінің тиімділігін бағалайтын 67 көрсеткіш әзірленді. Көрсеткіштердің маңыздылығын ескеріліп, ол 9 блокқа жинақталған. Бағалау жүйесіндегі 67 көрсеткіштің 2-еуі облыс деңгейінде қалыптасады. Әсіресе, өндіріс орындарын ашу, өнеркәсіпті дамыту, ішкі кірістерді ұлғайту бағыттарына басымдық беріледі. Экономикалық даму индикаторы ай сайын есептелетін болса, барлық 9 индикатор бойынша аудан қала әкімдерінің рейтингі тоқсан сайын шығарылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939887