Сауран ауданына қарасты Қарашық ауылында жаңа тігін цехы ашылып, аудан тұрғындары үшін жаңа жұмыс орындары пайда болды. Цехтың ашылуына аудан әкімі Мақсат Таңғатаров пен облыстық мәслихат депутаты Инара Намазбаева, аудандық мәслихат депутаты Нұрсұлтан Абдуллаев арнайы қатысып, көпшілікке жылы лебіздерін білдірді. Жоба Сауран ауандық іскер әйелдер қауымдастығының төрайымы Дильназ Омарованың ұйымдастыруымен жүзеге асты.Жаңа өндіріс орнының ашылуы ауыл экономикасының дамуына үлкен үлес қосатыны сөзсіз. Аудан әкімінің айтуынша, бұл жоба ауыл тұрғындарының әлеуметтік жағдайын жақсартуға, әсіресе жастар мен әйелдер үшін жұмыс орындарын ашуға бағытталған. Мақсат Асылбекұлы цехтың алдағы уақытта өнім көлемін арттырып, өңірлік нарықта сұранысқа ие болатынына сенім білдірді.Облыстық мәслихат депутаты Инара Әбдіғаппарқызы жаңа цехтың ашылуы облысымыздағы кәсіпкерліктің дамуына ықпал ететінін атап өтіп, бұл секілді бастамаларды қолдауға дайын екендігін айтты. Ол сонымен қатар, өндіріс орындары ашылу арқылы қолөнер саласында да жаңа мүмкіндіктер туындайтынын жеткізді.Жаңа тігін цехы жергілікті тұрғындар үшін тек жұмыс көзі ғана емес, сонымен қатар әлеуметтік және экономикалық тұрғыдан аймақтың дамуына оң әсер ететін жоба болмақ. Цех жұмысының алғашқы кезеңінде 20 адам тұрақты жұмысқа алынды, ал алдағы уақытта жұмыс орындарының санын көбейту жоспарлануда.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891598

Сарыағаш ауданы білім бөліміне қарасты №52 М.Өтемісұлы атындағы жалпы білім беретін мектебінің 9-сынып оқушысы Байбек Елікбай қолжетімді материалдардан «ақылды робот» моделін құрастырды. Мектеп оқушысының қолынан шыққан жасанды құрылғы – адамдардың күнделікті тұрмысында пайдалануға таптырмас құрал. Ерекшелігі, бір құрылғының өзінде бірнеше жұмыс істеу функциясы бар. Су қайнату, ән тыңдаудан өзге шаң соратын шаңсорғышы бар ақылды робот қолжетімді материалдардан жасалған.Жоғары сынып оқушыларының арасындағы жасанды интелектке қызығушылық пен тың идея иелерін анықтауға арналған жобада «ақылды робот» жүлделі орын алды. Мектеп оқушысының қиялы мен ақыл-ойынан туған құрылғы бағдарламаларға негізделген операцияларды жүзеге асыру мүмкіндігіне ие. Адамның «механикалық көмекшісі» атанған ақылды робот қоқыс теріп, шаң жұтып қана қоймайды. Оларды сұрыптап, бөліп жинайтын көрінеді. Қарапайым заттардан құралған робот бағдарламаға жүктелген тапсырманы да мүлтіксіз орындай алады.– Әр адам жыл сайын бір тоннаға жуық қалдық шығарады. Соның ішіне тұрмыстық қалдық өте көп. Ал оны өңдеу жағы әлі күнге шешімін таппай келеді. Қоршаған орта ластанып, экология да нашарлауда. Санамдағы «Неге қоқыстардың барлығы қайта өңделмейді?» деген сұраққа жауап іздеу мақсатында ақылды роботты құрастырдым. Қоқыстарды сұрыптау ісіне жасанды интелектіні қосып, қоршаған ортаның тазалығына үлес қосқым келеді, – дейді Байбек Елікбай.Байбекке роботты жасап шығаруға жетекшісі Назгүл Асқарова көмектескен. Жол бойымен өзі қозғалып, айналасындағы қоқыстың барлығын теріп, жинауға қабілетті роботты құрастыруға бір жарым ай уақытын жұмсаған. Одан басқа қосымша функцияларымен да жұмыс істей алады. Робот оқушылардың робототехникаға деген қызығушылығын арттырумен қатар, жастар арасында табиғатты таза ұстауды да насихаттайды.Айта кетейік, Байбек Елікбайдың «ақылды роботы» аудандық кезеңдегі ғылыми жоба конкурсында үздік деп танылып, жүлделі болды. Ендігі кезекте жас өнертапқыш өз жобасын облыстық, республикалық жарыста қорғауға ниетті.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891599

Бүгін Созақ аудандық «Мыңжылқы» мәдениет үйінде «Елге қызмет – мәртебелі міндет» тақырыбында іс-шара өтті. Аудан әкімі Мұхит Тұрысбеков салтанатты жиынды ашып беріп, ізгі тілегін арнады. Құқық қорғау және төтенше жағдайлар қызметі бүгінде ерекше жауапкершілікті талап ететін сала екенін атап өтті.– Қазіргі таңда құқық қорғау және төтенше жағдайлар саласы – ерекше жауапкершілікті талап ететін, әрбір күні, әрбір сәтте адам өмірі мен қоғам қауіпсіздігін қамтамасыз ету үшін күресетін сала. Сондай-ақ, полиция қызметкерлері өз жұмысында әділдік пен заңдылықты сақтауды ғана емес, халықтың тыныштығы мен қауіпсіздігін қамтамасыз ету үшін ең үздік қызмет көрсетуге міндетті. Тек сол кезде ғана полиция мен халық арасында тығыз байланыс орнап, мемлекетіміздің қауіпсіздігі нығаяды. Бұл тұрғыда Президентіміз Қасым-Жомарт Тоқаев Ішкі істер министрлігінің кеңейтілген алқа отырысында «Полиция қашанда халыққа үлгі-өнеге болуы керек. Сонда ғана жұрт полицияға сенеді, оны қорған көреді» деп полиция қызметкерлерінің халықпен тығыз байланыс орнатудағы маңыздылығын ерекше атап өтті, – деді аудан басшысы.Жиын барысында бірқатар құқық қорғау және төтенше жағдайлар қызметкерлері «Үздік учаскелік полиция қызметкері», «Үздік жол патрульдік полиция қызметкері», «Үздік әйел полиция қызметкері», «Үздік сақшы» және «Үздік құтқарушы» номинацияларымен марапатталды. Сонымен қатар аудан прокуроры Ержан Қожабеков құқық қорғау қызметкерлерінің еңбегін жоғары бағалап, қоғам алдындағы жауапкершілігі мен кәсіби шеберлігін атап өтті. Бірқатар сала мамандарына сый-сияпат табыстап, құрмет көрсетті.Түркістан облысы Полиция департаменті Жергілікті полиция қызметі басқармасының бастығы, полиция полковнигі Ермек Өсербаев және Созақ аудандық полиция бөлімінің бастығы, полиция полковнигі Нұрлан Мұратов шараның маңыздылығына тоқталды. Сала үздіктері мен бірқатар құқық қорғау саласы мамандарының ата-аналарын марапатталды.Шара барысында халық пен полиция қызметкерлері арасындағы байланыс жайында сахналық қойылым мен бейнеролик көпшілік назарына ұсынылды. Аудандық «Мыңжылқы» мәдениет үйінің өнерпаздары патриоттық әндер орындап, көпшілікке көтеріңкі көңіл-күй сыйлады.Айта кетейік, аталған шара қоғамның тыныштығы мен қауіпсіздігін қамтамасыз ету жолында аянбай еңбек етіп, заңның сақталуына ерекше үлес қосқан құқық қорғау саласы мен төтенше жағдайлар қызметкерлерін құрметтеп, олардың еңбектерін бағалау мақсатында ұйымдастырылған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891600

ҚР Мемлекеттік қызмет істері агенттігінің Түркістан облысы бойынша департаментінің ұйымдастыруымен «Мен жастарға сенемін!» атты облыстық жастар форумы өтті. Басты мақсат – жастарды еңбексүйгіштікке баулу және кәсіби бағыт-бағдар бере отырып, олардың бойына отансүйгіштік қасиеттерді сіңіру.Форумға спикер ретінде Түркістан облысы әкімінің орынбасары Е. Алтаев, Қ.А. Ясауи атындағы Халықаралық қазақ-түрік университетінің ректоры Ж. Темірбекова, Халықаралық туризм және меймандостық университетінің ректоры Ә. Шоқпаров, «Білім-инновация лицей-интернатының» директоры А.Мирманов қатысты.Шараның басында сөз сөйлеген облыс әкімінің орынбасары Ертай Алтаев 2025 жыл Президенттің бастамасымен Жұмысшы мамандықтары жылы болып жарияланғанын атап өтті.– Бүгін сіздермен кездесіп, ой бөлісу мүмкіндігі бұйырғанына қуаныштымын. Сіздер – еліміздің болашағы, мемлекеттік қызметтің жаңа толқыны, халқымыздың сенімін ақтайтын жаңа буынсыздар. Қазіргі заман талабына сай қызмет ету, жауапкершілік пен адалдық таныту – сіздердің басты міндеттеріңіз. Жас мемлекеттік қызметкерлер ретінде сіздер жаңа идеяларды ұсынушы, реформаларды жүзеге асырушы, және қоғамға өзгеріс әкелуші боласыздар. Заманауи технологиялар мен жаңа тәсілдерді меңгеріп, оларды өз қызметтеріңізде қолдану арқылы елімізді алға жетелей аласыздар. Мен сіздерді шынайы патриот болуға, елімізді дамыту жолында аянбай еңбек етуге шақырамын. Өздеріңіздің тың идеяларыңыз бен жігерлеріңіз арқылы Қазақстанның жарқын болашағын құру сіздердің қолдарыңызда, – деді Ертай Кенжебекұлы.Жиынға өңіріміздің жас мемлекеттік қызметшілері, жоғарғы оқу орнын үздік бітіріп (GPA-3.33) мемлекеттік қызметке конкурссыз қабылданған жастар, облыстың өңірлік кадр резервіне қабылданған резервшілер, жоғары оқу орындарының студенттері және мектептердің жоғарғы сынып оқушылары жиналды.Форум барысында спикерлер жастарға еңбек жолындағы тәжірибелерін бөлісіп, қазіргі таңда мемлекеттік қызметке кіру кезінде артық кедергілер мен тосқауылдарды жою, мемлекеттік қызметтің ашықтығы мен қолжетімділігін қамтамасыз ету мақсатында Заңнамаларға енгізілген бірқатар өзгерістер мен толықтырулар туралы ақпарат берілді.Айта кетейік, Президенттің Жарлығына сәйкес, ҚР-ның мемлекеттік қызметін дамытудың 2024-2029 жылдарға арналған тұжырымдамасы бекітіліп, онда мектеп және жоғары оқу орындарын қамтитын ерте кәсіптік бағдарлау институын құру көзделген. Яғни, тұжырымдамаға сәйкес, мемлекеттік қызметке қызығушылық танытқан бітіруші сынып оқушыларын мектеп қабырғасында жүрген кезден-ақ мемлекеттік қызметке дайындау жұмыстары жүргізілетіні айтылды.Басқосу сұрақ-жауаппен жалғасып, ой-пікірлер тыңдалды. Жиын соңында департамент бастамасымен ашылған «Жас мемлекеттік қызметшілер мектебінің тыңдаушыларына арнайы белгішелер табысталды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891603

Түркістан облысы әкімінің орынбасары Нұрбол Тұрашбеков жауапты сала басшыларымен бірге көктемгі дала жұмыстарына дайындық барысын пысықтап, мақта шаруашылығын дамыту жоспарын саралады.Жиын барысында Облыстық ауыл шаруашылығы басқармасының басшысы Нұрбек Бадырақов баяндама жасап, егіс құрылымын 28 мың гектарға ұлғайту көзделгенін, нәтижесінде облыста 897 мың гектар жер егіске пайдаланылатынын айтып өтті. Басқарма басшысының мәлімдеуінше, 2025 жылы мал азықтық дақылдардың үлесі кеміп, есесіне мақта 40 мың гектарға ұлғайтылмақ. Оның ішінде, 58,7 мың гектар мақта жаңа технологиямен бапталады деп күтілуде. Өңірде мақталықтарды сапалы тұқыммен қамтамасыз ету бағытында жұмыстар басталған. Қазіргі таңда нақты 1577 тонна тұқым дайын. Жалпы таңдаулы 6 сұрыптан 4845 тонна мақта тұқымы әзірленеді.Мәжіліс барысында мақталы аудандардағы шаруашылықтар үшін машина-трактор станцияларын құру мәселесі де қозғалды. Жетісай, Мақтаарал, Шардара аудандарында мақта шаруашылығын дамытып, сапалы өнім алуға қажетті техникаларды жаңарту жайы талқыланды.Облыс әкімінің орынбасары техниканы алу үшін шаруаларға қолайлы шарттар ұсынылуы тиіс екенін ескертті. Сонымен қатар жауапты басқармаға ақпараттандыру мен түсіндіру шараларын кеңінен жүргізуді тапсырды.Аудандарда су үнемдеу технологиясын ендіру бағытында атқарылған жұмыстардың есебі тыңдалды. Жетісай ауданы әкімінің орынбасары Тұрысбек Елшібаев осы жылы 226 шаруа қожалығы 2810 гектардан тамшылатып суғару арқылы мол өнім жинағанын жеткізді. 2025 жылы су үнемдеу технологиясын 12 мың гектарға енгізу көзделіп отырғанын баяндады. Мақтаарал ауданы да осы межені ұстанып отыр. Шардара ауданында жаңа технологиямен жұмыс жасауды таңдаған шаруалардың тізімі жасақталып, түсіндіру жұмыстары жүзеге асуда.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891604

«TURAN» арнайы экономикалық аймағында бірқатар өнеркәсіп орындары өз жұмысын бастады. Түркістанды индустриялық және инвестициялық орталық ретінде дамытуға арналған ерекше алаңның инвестициялық портфельінде қазіргі таңда 550 млрд. теңгені құрайтын 137 жоба бар. Олар еліміздің өндірістік әлеуетін арттырып, аймақтық экономиканы әртараптандыруға ықпал етеді. Дәл осындай маңызды жобалардың бірқатары БАҚ өкілдеріне ұйымдастырылған пресс-тур аясында таныстырылды.Ең алдымен журналистер «PSI Mineral Technologies» ЖШС – тау-кен-металлургия кешеніне арналған ауыр жабдықтар өндіретін зауытқа барды. Бұл жоба жалпы 8,33 млрд теңге көлемінде инвестиция тартқан. Жоба толық іске қосылғанда 200 адам жұмыспен қамтылады деп күтілуде. Қазірдің өзінде зауыт құрылысына 95% жергілікті тұрғындар, яғни Түркістан облысының тұрғындары тартылған. Зауыт ғимаратынан өзге, мұнда асхана мен 120 жатын орны бар жұмысшыларға арналған жатақхана салынуда.Баспасөз туры барысында журналистер «Алтын дала мақта» ЖШС – ПВХ құбырларын өндіру зауытымен танысты. 6,7 млрд теңге сомасында іске асырылып жатқан бұл жобаның болашақтағы өндірістік қуаты жоғары. Бүгінде зауыт тамшылатып суаруға арналған құбырларды шығаруда.Пресс-тур аясында тілшілер қауымы «Түркістан мақта-агроөнеркәсіптік кешені» ЖШС – мақта кластерін құру бойынша ірі жобаны аралап көрді. Келер жылы жүзеге асатын жобаның құны 146,8 млрд теңгені құрайды. Толық циклді тоқыма фабрикасының құрамында жіп иіретін, мата шығаратын, бояп, өңдейтін 11 цех салынады. 2000-нан аса жаңа жұмыс орны ашылады. Жоспар бойынша жылына 13000 тонна иірілген жіп, үйге арналған 50 миллион метр тоқыма бұйымдарын, 7 миллион төсек-орын жиынтығын шығарады. Өндіріс орнының қуаттылығы жыл сайын артып отырады.Мақта-тоқыма кластерін дамытуға бағытталған өндіріс орнының құрылысын Xinjiang Lihua Group Co., LTD компаниясы қолға алды. Компания әлемге танымал «Louis Vuitton», «Gucci» брендтерімен тікелей жұмыс істейді. Алдағы уақытта Түркістанда шығаратын жіптер мен маталарды әйгілі брендтерге сатуды көздеп отыр.«TURAN» АЭА аясында жүзеге асырылып жатқан жобалар аймақтағы жұмыссыздық деңгейін төмендетіп, өңірдің өндірістік әлеуетін арттыруда маңызды рөл атқарады. Бұл жобалар ел экономикасын әртараптандыру және инвестиция тарту бағытындағы тиімді қадам болып есептеледі.Жалпы «TURAN» арнайы экономикалық аймағы 2018 жылы Қазақстан Республикасы Үкіметінің №693 Қаулысына сәйкес құрылған. Аймақтың негізгі миссиясы – Түркістан қаласының экономикалық және инвестициялық әлеуетін арттыру, оны Түркі әлемінің рухани және іскерлік орталығына айналдыру. «TURAN» АЭА жалпы аумағы 3987 гектарды құрайды және 6 негізгі, қосалқы аймақтан тұрады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891605

Кентау қаласында 2024 жылдың 9 айында өнеркәсіп өнімінің көлемі 37,1 млрд теңгені құраған. Сондай-ақ, өңдеу өнеркәсібінде 32,4 млрд теңгенің өнімі өндірілсе, ауылшаруашылығы саласындағы жалпы өнім көлемі 9,1 млрд теңгеге жеткен. Жалпы өнеркәсіп саласында ағымдағы жылдың 9 айында инвестициялық құны 859 млн теңгені құрайтын 3 жоба жүзеге асқан. Бұл жайында Кентау қаласының әкімі Жандос Тасов БАҚ өкілдерімен өткен брифингте мәлімдеді.«Кентауда өнеркәсіп саласын дамыту бойынша жыл соңына дейін тағы 4 жоба ашу жоспарлануда. Олардың инвестициялық құны 1 млрд 791 млн теңгені құрап отыр. Бұл тізімде құны 1,5 млрд теңгелік «Кентау Red Star» ЖШС-ң қыш өндіретін зауыты да бар. Жылына 45 млн дана қыш шығаруға қауқарлы өндіріс орны 10 адамды тұрақты жұмыспен қамтымақ. Сонымен қатар, өңірдегі индустриалды аймақта «Халтаев» ЖК металл тор мен құрылыс блоктарын шығару зауыты іске қосуды жоспарлап отыр. Аталған жоба арқылы тағы да 10 адам тұрақты жұмыспен қамтылып, жылына 50 мың дана блок пен 1 000 металл тор өндірілмек»- деді өңір басшысы.Сондай-ақ, Кентау қаласындағы инфрақұрылым саласында да оң өзгерістер жетерлік. Мәселен, қала аумағында елді мекендер 100% ауыз сумен қамтылған. Сонымен қатар, жыл басынан бері электр желілерін жаңарту мақсатында 7 дана трансформатор ауыстырылып, 15,3 шақырым желіні қайта құру жұмыстары жүргізілуде. Бұдан бөлек, жыл соңына дейін тұрғындарды табиғи газбен қамту көрсеткішін 93%-ға жеткізу жоспарланған. Тоғыз айдың қорытындысымен 18 000 абоненттің 14 981-і, яғни 83%-ы табиғи газ жүйесіне қосылды. Өңірдегі жол мәселесі де оңтайлы шешімін тауып келеді. Бүгінде Кентау қаласы және оған қарасты ауылдардағы 365 шақырым көшенің 82,1%-ы қанағаттанарлық жағдайда. Жыл соңында бұл көрсеткішті 87,7 %-ға жеткізу көзделген.Сонымен қатар, өңірдегі тұрғын үй мәселесі де күн тәртібінен түскен емес. Бүгінде қалада 5 117 азамат баспана кезегіне тіркелген. Қазіргі таңда аталған мәселені шешу мақсатында 60 пәтерлі 5 қабатты тұрғын үйдің және 30 пәтерлік 2 тұрғын үйдің құрылысы жүргізілуде.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/891606

Сайрам ауданының әкімі Арман Сәбитов 2024 жылғы екінші жартыжылдықта Ақсукент ауылдық округінің тұрғындарымен кездесті. Кездесу барысында тұрғындар тарапынан аудандық емхананың алдындағы жолдың мәселесі көтерілген еді. Бұдан бөлек, жауын-шашын кезінде бұл жерде су жиналып, жаяу жүргіншілер үшін қолайсыздық туындайтынын алға тартқан болатын. Аталған мәселені шешу үшін әкімдік пен сала басшыларына нақты тапсырмалар берілді.Осы тапсырманың аясында Ақсукент ауылдық әкімдігінің ұйымдастыруымен «Сайрам аудандық жолаушылар көлігі және автомобиль жолдары бөлімі» мемлекеттік мекемесінің басшысы Баймурза Бейсембаев, «Көрікті Сайрам» коммуналдық мемлекеттік мекемесінің басшысы Бақытқали Жанабаев және ақсукенттік белсенділердің бірлесуімен, бірқатар жұмыстар атқарылды.Жергілікті билік өкілдері мен жұртшылықтың атсалысуының арқасында су жиналатын жерлерге арнайы лотоктар орнатылды. Және жолға 90 тонна асфальт төселді.Бұдан бөлек, тұрғындар мен оқушылардың жүріп-тұруын жайлы жағдай жасау мақсатында №93 Абылайхан атындағы жалпы білім беретін мектептің маңындағы жаяу жүргіншілер жолы да жөнделді. Аяқ жолға бордюрлер орнатылып, асфальт салынды.Осылайша, билік пен бұқараның бірлесе жүргізілген жұмыстарының барысында Ақсукент ауылдық округіндегі бірқатар мәселелер оң шешімін табуда.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891607

Жаңа оқу жылында облыстық білім басқармасының «Білім беруді дамыту орталығы» КММ 2024-2025 жылдарға арналған «Баршаға қолжетімді сапалы білім» ұлттық баяндамасы аясында Түркістан облысында іске асырылатын Жол картасына сәйкес «Daryn teacher» ЖШС-мен бірлесе отырып халықаралық оқыту курсын ұйымдастырды.Курс үш кезең бойынша ұйымдастырылды. Бірінші кезең онлайн форматта өтті. Нәтижесінде үздік деп танылғандар Алматы қаласында іріктелді. Соңында екі кезеңнен өткен педагогтар Малайзия және Сингапурға аттанды.Халықаралық оқыту курсының үшінші кезеңі 2024 жылдың 24 қарашасы мен 30 қарашасы аралығында «Мұғалімдердің болашақтағы және заманауи білім беру сапасын арттыру» тақырыбында өтуде.Курстың алғашқы күні педагогтер Малайзия астанасы Куала-Лумпур қаласында орналасқан «Musium Negara Kuala Lumpur» тарихи мұражайына барып, ел тарихымен, мәдениетімен танысты. Мұражайда ежелгі тас дәуірінің бұйымдары, малай халқының ұлттық киімдері мен тұрмыстық заттар, монарх тағы және тағы басқа құнды жәдігерлер қойылған.Күннің екінші жартысында педагогтер Куала-Лумпур қаласының көрікті орындарына саяхат жасады. 88 қабаттан тұратын, биіктігі 451 метр әлемге әйгілі «Петронас» қос мұнарасына барып, сәулет өнерінің жетістіктерімен танысты.Мұнарада орналасқан окенариум педагогтар үшін ерекше әсер қалдырды. Сонымен қатар «Taman botani perdana» ботаникалық бағына барып, сан түрлі өсімдіктер әлемінің ғажайыптарына куә болды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/891609

Түркістан облысында бастауыш сынып оқушылары бір реттік ыстық тамақпен толықтай қамтамасыз етілген. Жалпы 2024 жылы өңірде 220 920 оқушы тегін тамақтануда. Бұл туралы Түркістан облысының санитариялық-эпидемиологиялық бақылау департаменті басшысы Нұрбек Нышанов БАҚ өкілдерімен өткен брифингте мәлімдеді.«Жалпы Түркістан облысы бойынша қадағалауда 1 062 мектеп пен 21 интернат ұйымы бар. Оның 829-ы мектеп асханасымен қамтылса, 37-і буфетпен, 56-ы кейтеринг қызметімен қамтамасыз етілген. Биылғы жылдың қыркүйек айында Маңғыстау облысына қарасты, Бесшоқы ауылындағы №8 мектебінің 460 оқушысы тамақтан уланған болатын. Осы жағдайға байланысты ҚР Премьер-Министрінің тапсырмасымен қадағалаудағы барлық мектептің асханаларына бақылау-парағына сәйкес мониторинг жұмыстары жүргізілді. Нәтижесінде қыркүйек айынан бастап өңірдегі барлық мектептің асханаларына мониторинг жұмыстары жүргізілді»,— деді департамент басшысы.Спикердің сөзінше, мектеп асханаларына қойылатын негізгі талаптарға ас блогының санитариялық-эпидемиологиялық қорытындысының болуы міндеттеледі. Сонымен қатар, білім алушылардың ауыз су режимін ұйымдастыру мен азық-түлік өнімдерінің жарамдылығы да маңызды.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/891610

Ақмола облысының Зеренді ауданында көпбалалы отбасыларға жаңа пәтер кілттерін салтанатты түрде тапсыру рәсімі өтті.Іс-шара тұрғын үй құрылысын дамытудың және халықтың әлеуметтік осал топтарын қолдаудың мемлекеттік бағдарламасы шеңберінде өтті. Аудан әкімдігі тұрғын үй жағдайын жақсартуға мұқтаж отбасылар үшін жеті пәтер сатып алды. Пәтерлер абаттандырылған тұрғын үйде орналасқан және әрқайсысының ауданы 84 шаршы метрді құрайды.Баспана кілттерін тұрғындарға Ақмола облысының әкімі Марат Ахметжанов тапсырды. Жаңа қоныстанушылар арасында бес баланың анасы Самал Мәдимұханбетованың отбасы бар.«Біздің отбасымыз үшін бұл қуанышты және маңызды оқиға. Көмек көрсеткені, өмір сүруге қолайлы жағдай жасағаны үшін мемлекетімізге алғыс айтамыз», - деді зеренділік тұрғын.Сол күні Зеренді ауданына жаңа мамандандырылған техника берілді. Олардың арасында жедел медициналық жәрдем, аударғыш жүк көлігі, ассенизатор машинасы, шағын автобус және т.б. көлік түрлері бар.Автопаркті жаңарту коммуналдық қызметтер жұмысының тиімділігін арттыруға және халыққа көрсетілетін қызметтердің сапасын жақсартуға бағытталған.Өңір басшысы бұл шара ауданда өмір сүру сапасын едәуір арттыруға және қызметтердің жұмыс істеуі үшін қолайлы жағдай жасауға мүмкіндік беретінін атап өтті.Заманауи жедел жәрдем көліктері әсіресе шалғайдағы елді мекендерден шақырту түскен кездегі медициналық қызмет көрсету уақытын едәуір қысқартады.«В» және «С» класты автомобильдер шұғыл медициналық көмек көрсету үшін толық жабдықталған. Олар өкпені жасанды желдетудің портативті аппаратымен, көлік дефибриллятор-мониторымен, реанимациялық жинақпен, электрокардиографпен, сондай-ақ реанимациялық-анестезиологиялық мақсаттағы көлік мониторымен жабдықталған. Бұл жабдық пациенттерге ең қиын жағдайларда да көмек көрсетуге мүмкіндік береді», - деді облыстың денсаулық сақтау басқармасының басшысы Нұрлан Ахильбеков.Ақпарат көзі : https://www.gov.kz/memleket/entities/aqmola/press/news/details/891594

Ақмола облысының әкімі Марат Ахметжанов Зеренді ауданының тұрғындарымен кездесу өткізіп, ауданды дамытудың негізгі мәселелерін талқылады.Өңір басшысы ауданның өнеркәсіптік әлеуетіне ерекше назар аударды. Зеренді ауданының облыстың жалпы өнеркәсіптік өндірісіне қосқан үлесі «Altyntau Kokshetau» АҚ ірі алтын өндіруші фабрикасының жұмысының арқасында 24,8% құрайды. Алайда, осы кәсіпорынды есепке алмағанда ауданның үлесі небәрі 2%-ға дейін төмендейді. Бұл өнеркәсіпті әртараптандыру жөнінде шаралар қабылдауды талап етеді.Атап айтқанда, әкім сусындар, косметика, парфюмерия және отын өндірісі сияқты салаларда пайдаланылуы мүмкін этил спирті өндірісін дамытудың маңыздылығын атап өтті, бұл экономикалық өсу үшін жаңа мүмкіндіктер туғызады.Аудан агроөнеркәсіп кешенінде жоғары көрсеткіштерге ие. Биыл дәнді дақылдардың өнімділігі гектарына 21 центнерді құрады, бұл – былтырғы нәтижеден 2,3 есе жоғары.«Саланы одан әрі дамыту үшін аграршыларға өсімдік шаруашылығын әртараптандыру шараларын белсенді қолға алу, майлы және жемшөп дақылдарының алқаптарын ұлғайту, сондай-ақ жаңа технологияларды енгізуді қажет», - деп атап өтті Марат Ахметжанов.Бұдан басқа, ауданда мал шаруашылығы дамуда, ірі бордақылау алаңдары мен фермалар жұмыс істейді, ал алдағы екі жылда 400 басқа арналған сүт-тауар фермасын іске қосу жоспарлануда.Инвестициялық тартымдылықты арттыру үшін өңір басшысы тамақ өнеркәсібін, құрылыс индустриясын дамытуға, сондай-ақ кірпіш пен керамикалық плиткалар өндірісін ұйымдастыруға баса назар аударуды тапсырды. Сондай-ақ, қолда бар инфрақұрылымдық мүмкіндіктерді ескере отырып, Қарағай станциясында индустриялық аймақ құру бастамасы айтылды.Талқылаудың тағы бір негізгі бағыты туризм саласы болды. «Көкшетау» мемлекеттік ұлттық табиғи паркінің аумағында орналасқан Зеренді курорттық аймағы орасан зор әлеуетке ие, алайда жыл сайынғы туристік ағын әзірге 30 мың адам деңгейінде қалып отыр. Әкім инвесторларды тарту, инфрақұрылымдық жобаларды іске асыру және кәдесыйлар мен жергілікті деликатестерді қоса алғанда, туристер үшін өнім шығаратын кәсіпорындарды қолдау қажеттігін атап өтті.Марат Ахметжанов ауыл тұрғындарының өмірін жақсартуға және табысын арттыруға бағытталған мемлекеттік қолдаудың рөліне ерекше тоқталды. «Ауыл аманаты», «Кең дала», «Дипломмен ауылға» және т.б. бағдарламалар шеңберінде қаржыландыру мәселесіне көңіл бөлу тапсырылды.Денсаулық сақтау саласында оң өзгерістер байқалады. Сондай-ақ, кездесу барысында тұрғын үй және жол құрылысы, ТКШ, білім беру және басқа да салалардың өзекті мәселелері қаралды.«Аудан өзін-өзі қамтамасыз етеді, өз кірістерінің есебінен жергілікті шығындарды жабуға қауқарлы. Алайда, облыстық бюджетке тәуелділік сақталуда. Аудан басшысы бюджеттің кіріс бөлігін жақсарту бойынша жұмыс істеуі қажет, бұл көптеген әлеуметтік және инфрақұрылымдық мәселелерді шешуге мүмкіндік береді», - деп қорытындылады М.Ахметжанов.Кездесу соңында «Ақмола - еңбек озаты» төсбелгісімен, ақшалай сертификаттармен, «Сағадат Нұрмағанбетовке 100 жыл» медалімен, облыс әкімінің алғыс хаттарымен ауданның әлеуметтік-экономикалық дамуына үлес қосқан бірқатар тұрғындар марапатталды. Аудан тұрғындарын жеке қабылдау кезінде зеренділіктер облыс әкімінің алдында тұрғын үй, жер, жол жөндеу және басқа да мәселелерді көтерді.Ақпарат көзі : https://www.gov.kz/memleket/entities/aqmola/press/news/details/891611

Ғылыми-техникалық кеңестің алғашқы отырысы 2024 жылдың қазанында өтті. Кездесу барысында тау-кен-металлургия кешені (ТКМК) саласындағы басымдық берілген қызмет түрлерінің тізімі қаралып, бекітілді.Тізім 10 бөлімнен тұрады:геология және геотехникатау-кен ісібайытуметаллургиятехнологиялық процестерді цифрландыру және автоматтандыруэкологиякөмірхимияэнергетикаеңбекті қорғау және қауіпсіздік техникасыжаңа өндірістерді зерттеу.Ғылыми-техникалық кеңес (ҒТК) ғылым, технология және инновация саласындағы мемлекеттік саясатты әзірлеу мен іске асыруға бағытталған қызмет атқарады, оның ішінде ғылыми қызмет нәтижелерін коммерцияландыру. ҒТК-ның негізгі функциясы – ғылыми зерттеулер мен технологияларды дамытуға жер қойнауын пайдаланушылар бөлетін қаражатты әділ және ашық бөлуге ықпал ету, сондай-ақ ғылыми-техникалық бағдарламаларды қарастыру, келісу және олардың орындалуын бақылау.Кеңес зерттеу нәтижелерін қолдануға ұсыныстар әзірлейді, жоғары технологиялық өндірістер құру және инновацияларды енгізу үшін ғылыми және білім беру ұйымдары, сондай-ақ бизнес өкілдерімен ынтымақтастыққа ықпал етеді. Бұл реттелетін салаларды кешенді дамытуға жағдай жасайды.Жақын арада ҒТК-ның кезекті отырысын өткізу жоспарланып отыр.Басымдық берілген қызмет түрлерінің тізімін мына сілтемеден көре аласыз. Ақпарат көзі : https://www.gov.kz/memleket/entities/mps/press/news/details/891566

Елдегі құрылыс қажеттілігі мен көлемінің артуына, әсіресе Маңғыстау өңірінде, сондай-ақ газобетон блоктарын көршілес елдер мен қалалардан тасымалдаудағы қиындықтар мен шығындарды ескере отырып, жергілікті құрылыс компаниялары мен жеке тұтынушылардың құрылыс үдерісін жеңілдету үшін автоклавталған газобетон блоктарын өндіретін зауыт пайдалануға берілді.Бұл материал экологиялық таза шикізаттан жасалған: кварц құмы, әк, цемент, су және алюминий пастасы. Осы компоненттер арасындағы химиялық реакция нәтижесінде сутегі бөлініп шығады, ол сфералық ауа қуыстарын түзеді. Дайын автоклавталған газобетон блоктары арнайы жабдықталған автоклав деп аталатын пештерде термоөңдеу нәтижесінде алынады. Ішінде материалға 12 атмосфераға дейінгі қысым және шамамен 190 °C температура әсер етеді. Мұндай өңдеу нәтижесінде газоблок тезірек қатайып, автоклавталмаған блокқа қарағанда берік болады.«ARTEX Machinery» компаниясы 2020 жылы құрылған. Өндірістік цехтың алаңы 7500 м²-ден асады, ал қойма 2500 м²-ді алады, бұл 5000 м³-ге дейінгі тауарды сақтауға мүмкіндік береді.Заводтың тәуліктік өндірістік қуаты 200-350 м³ құрайды. Өндіріс процесіне 120 жұмыс күші қатысады, оның ішінде осал топтардың өкілдері де бар. Бұл өндірістік қуаттың артуымен біз қосымша жұмыс орындарын құруға дайын екендігімізді білдіреді.Компания шығарылатын өнімнің сапасына үлкен назар аударады, бұл сәйкестік сертификаттары мен сынақтармен расталады. Сондай-ақ, тауардың шығу тегі туралы «СТ-KZ» формалы сертификат бар, ол тауардың шығу тегі Қазақстан Республикасы екенін және өндіріс түрік технологиясына негізделгенін растайды.Қазіргі уақытта Маңғыстау облысында жұмыс істейтін ірі құрылысшылар Ираннан импортталатын газобетон блоктарын сатып алуда, бұл құрылыс материалдарын сатып алудағы ішкі құн үлесін төмендетеді. Осы орайда, 2024 жылдан бастап Ақтау қ. автоклавтық қатайтылған газобетон блоктарын өндіруге арналған автоматтандырылған технологиялық желі пайдалануға берілді. Шығарылатын өнім жоғары сапамен ерекшеленеді, бұл өңірдің барлық қажеттіліктерін қанағаттандыруға мүмкіндік береді. Қажет болған жағдайда ТОО «ARTEX Machinery» зауыты өндірістік қуаттарын арттыруға дайын.Құрылыс көлемінің артуы нарықтың дамуына ықпал ететінін атап өткен жөн. Тұрғын, коммерциялық және өндірістік нысандардың құрылыс көлемінің артуы отандық құрылыс материалдарын өндіруді арттыруды талап етеді.Қазақстаннан өндірілетін газобетон блоктарының Ираннан импортталатын блоктарға қарағанда артықшылықтары арасында – қосымша жұмыс орындарын құру, отандық шикізатты пайдалану, салық түсімдері, логистикалық шығындарды азайту, жоғары деңгейдегі қызмет көрсету және техникалық қолдау, сертификаттармен және сынақ хаттамаларымен расталған жоғары сапа бар. Алынған қаражат ел ішінде қалып, өнеркәсіптік өндірісті дамытуға және кеңейтуге инвестицияланады.Ақпарат көзі : https://www.gov.kz/memleket/entities/mps/press/news/details/891254

Қазырғы ауқытта Риддер қаласында «Казцинк» ЖШС қуаты 210 МВт қазандықтың құрылысын аяқтайды, онда жыл сайын шамамен 140 мың тонна көмір жағылады. ҚР Экологиялық кодексімен елді мекендер шегінде күл-қож қалдықтары полигондарын орналастыруға тыйым салынғандықтан, қазіргі таңда оларды 80 мың тоннаға дейін кәдеге жарату мәселесі туындап тұр.«ҚР МШКҚӨ ҰО» РМК «ВНИИцветмет» филиалының геотехнологиялық процестер зертханасының ғылыми қызметкерлері Шығыс Қазақстан ТКБК Риддер-Сокол кенішінде кені алынған кеңістіктерді толтыру үшін жылына 80 мың тонна көлемінде Риддер қазандығының күл-қож қалдықтарын кәдеге жаратудың экологиялық қауіпсіз технологиясын әзірледі. Бетон-толтыру кешенін қайта құру жобасына регламент әзірленді.Қазандық қалдықтарын шахтаның кені алынған кеңістігіне кәдеге жаратудың әзірленген технологиясы оларды экологиялық қауіпсіз кәдеге жаратуды қамтамасыз етіп қана қоймай, сонымен қатар Риддер-Сокол кенішінде толтыру жұмыстарын жүргізу кезінде инертті толтырғыштың тапшылығын толтырады, цемент шығынын азайтады.Ақпарат көзі : https://www.gov.kz/memleket/entities/mps/press/news/details/891167

"Алтын ғасыр" галереясы 29 қарашада сағат 16:00-де заманауи өнер көрмесіне шақырады. "SUPER 10" жобасы Қарағандылық жеті суретшіні біріктірді.2014 жылы дарынды қарағандылықтар тобы Суретшілер одағына қабылданды. 10 жылдан кейін олар көрме жобасына қатысу үшін бірігу туралы шешім қабылдаған. Павел Боженков, Қуаныш Балабеков, Владимир Фатьянов, Галина Коломенская, Мариана Макеева, Сергей Шешенов және Евгений Ким өз жұмыстарын көрермен назарына ұсынбақ."Super 10" жобасы көрермендерді абстракция мен сюрреализмнен реализм мен минимализмге дейінгі әртүрлі стильдер мен әдістер бойынша қызықты саяхатқа шақырады. Көрмедегі әрбір жұмыс суретшінің жеке талантын ғана емес, сонымен қатар заманауи өнердегі жаңа идеялар мен өзекті тақырыптарды зерттеуге деген ұмтылысын көрсетеді", – дейді ұйымдастырушылар.Экспозиция 8 қаңтарға дейін жалғасады.Кіру тегін.Галереяның мекен-жайы: Комиссаров көшесі, 35а.Жұмыс уақыты: 10:00-ден 18:00-ге дейін.Ақпарат көзі : https://www.gov.kz/memleket/entities/karaganda/press/news/details/890825

"Террикон алқабы" it-хабы 29 қарашада өтетін кезекті конференцияға өтінімдерді қабылдауды бастады. Іс-шара айтишник пен digital-мамандарға бағытталған.Алты сарапшы әртүрлі саладағы білім және тәжірибесімен бөліседі. Спикерлердің әрқайсысы өз саласының маманы.Компанияның негізін қалаушы және коммерциялық директоры Hoster.KZ Виктория Бандельман "Компанияның түсінікті ұйымдық құрылымы – пайда мен өсудің негізі" атты дәріс оқиды.CEO Zima Blue, Sea ELDER Фарангиз Шукашева компанияларға стратегиялық шешімдер қабылдау үшін зерттеулер мен деректерді қалай тиімді пайдалану керектігін айтады.Тәуелсіз қаржы талдаушысы Андрей Чеботаревтің "Жеке Қаржы: қалай байып, жинаған қорды қалай жоғалтпау керек" тақырыбындағы дәрісі бюджеттеу, шығындарды басқару, тәуекелдерді басқару және салықтық жоспарлау тәрізді бағыттарды қамтиды.Aviata-дағы data engineer Ержан Кабыл "Data Science бойынша Kaggle-дегі міндеттерді шешу: Titanic кейсін талдау" тақырыбын таныстырады.Қазақстандағы Cloud mL СЭС Болат Қазкенов мансаптық жолды қалай құруға болатыны туралы құпиямен бөліседі.«Кotlin тілін қолдануға көшу және асинхронды кодтың артықшылықтары» тақырыбында неконференцияда NITEC компаниясының Staff Software Engineer-і Темірлан Аманбаев сөз сөйлейді. Формат: онлайн/офлайн. Басталуы: 18:30.Қатысушыларды сайтта тіркеу: terricon.kz."Террикон алқабы" it-хабының мекенжайы: Алалыкин көшесі, 12.Конференция Қарағанды облысының ақпараттандыру, мемлекеттік қызметтер көрсету және архифтар басқармасының қолдауымен өткізіледі. Ақпарат көзі : https://www.gov.kz/memleket/entities/karaganda/press/news/details/890837

"Қазақстан халқына" Қоғамдық Қоры "Шағын қалалар – үлкен мүмкіндіктер" жаңа тұжырымдамасын әзірледі. Оны алғаш рет Қарағандыда таныстырып, бизнес-қоғамдастықты серіктестік құруға шақырды.Облыс әкімдігінде ірі компаниялардың топ-менеджерлерімен кездесу өтті.– Бізде дайын бағдарламалар, бірқатар бағыттар бойынша сараптамалар бар. Бүгінгі кездесудің мақсаты – бірінші кезекте Қордың мүмкіндіктерін көрсету. Біз белгілі бір аймаққа назар аударуға дайынбыз. Қарағанды облысы – жаңа тұжырымдаманы ұсынып отырған бірінші аймақ. Біз өңірдің жергілікті атқарушы органдарымен жақсы қарым-қатынас жасаймыз. Облыс әкімдігімен бірлескен жобалар өте көп, – деп атап өтті "Қазақстан халқына" ҚҚ қайырымдылық бағдарламаларын үйлестіру және донорлармен өзара іс-қимыл орталығының басшысы Шыңғыс Шарапиев.Тұжырымдама шағын қалалардағы адамдардың өмірін жақсарту үшін үштік одақты қамтиды. Қайырымдылық бағдарламалары мен жобаларын нақты қажеттіліктерге бейімдей отырып, қордың, биліктің және жергілікті бизнестің өзара іс-қимылын кеңейту ұсынылады. Бұл тәсіл мәселелерді шұғыл шешуге мүмкіндік береді, дейді құжатты жасаушылар.Тұжырымдаманы іске асыру медицина және білім беру, әлеуметтік инфрақұрылым, мәдениет және спорт салаларын қамтиды.– "Қазақстан халқына" қоры бізге жаңа технологиялар, жаңа жабдықтар беріп қана қоймайды. Ол жаңа мүмкіндіктер береді. Бағдарламаларға сараптамалық сүйемелдеу, біздің мамандарды осы құрылғыларда жұмыс істей алатындай етіп оқыту кіреді. Өз кезегінде, біз жергілікті билік ретінде жабдықтарды орнатуға, кабинеттерді жөндеуге, инфрақұрылымға ақша бөлеміз, – деді облыс әкімінің орынбасары Ермек Алпысов. – Қор серіктестік қатынастарды ұсынады. Біз өз тарапымыздан көмектесуге дайынбыз. Облыс бюджеті әлеуметтік бағдарланған, шығыстардың жартысынан көбі әлеуметтік салаға тиесілі. Бірақ әлеуметтік жауапкершілік аясында бизнесті қолдау өте маңызды. Біз сіздердің ұсыныстарыңызды күтеміз.Ақпарат көзі : https://www.gov.kz/memleket/entities/karaganda/press/news/details/890833

Жаңа жыл жақындап қалды. Демек, балаларға арналған ертеңгіліктер де дайындалуда. Қарағанды және Темуртауда жас көрермендер назарына ертегі кейіпкерлерімен кездесу, ән салып, би билеп, мерекелік көңіл-күй сыйлайтын шаралар ұсынылады. Ертеңгіліктердің өтетін орын мен уақыты төменде келтірілген.Қарағанды академиялық музыкалық комедия театры20 желтоқсаннан 7 қаңтарға дейінЖаңа жылдық қойылым және «Цветик-семицветик» мюзиклі, 5+.Жазушы Валентин Катаевтың осы аттас ертегісі негізінде қойылған спектакль. Женя есімді қыз бала сыйлық ретінде сиқырлы гүл алды. Егер арманыңызды айтып, оны жұлып алсаңыз, гүлдің әр жапырақшасы бір тілекті орындайды. Бас кейіпкер қандай тілектер айтып, соңғы жапырақшаны қалай қолданғанын көрермендер ертегіден біледі.20 желтоқсаннан 7 қаңтарға дейін0-ден 5 жасқа дейінгі балаларға арналған «Кішкентай жыланның шытырман оқиғалары» Жаңа жылдық қойылым және интерактивті ертегі.Кішкентай жылан Жаңа Жылды қарсы алуды армандайды. Ол жылы үңгірінен шығып, ертегіге келген достары қоян мен балаларды табады. Айлакер Қарға достарын алдап, олардан сыйлықтар салынған дорба мен шырша ойыншықтары салынған сөмкені тартып алуға тырысады. Ертегі соңы немен аяқталады: жақсылық немесе жамандықпен?«Буратино» театр-студияся20 желтоқсаннан 7 қаңтарға дейінЖаңа жылдық қойылым және «Сиқырлы ойыншықтардың құпиясы» қуыршақ ертегісі, 3+.Ертегі кейіпкері ғажайыптарға сенбейді. Ол тіпті көп ойыншықтарға риза болмайды. Алайда олар сиқырлы болып шығады. С. Сейфуллин атындағы қазақ академиялық драма театры21 желтоқсаннан бастапШырша айналасындағы Жаңа жылдық қойылым және қазақ халық ертегісі «Ұр, тоқпақ» пен орыс халық ертегісі «Теремок» негізінде қойылған қойылымдарды таңдауға болатын екі спектакль бар. Қойылымдардың басты тақырыбы – зұлымдыққа қарсы күрес, бейбітшілік пен келісімде өмір сүру. Спектакльдерге театрдың қуыршақ труппасы да, әртістер де қатысады.Кеншілер мәдениет сарайы20-нан 30-шы желтоқсанға дейінЖаңа жылдық ертеңгілік. Бағдарламада ойындар, конкурстар, билер, тәтті сыйлықтар, Аяз Ата, Ақшақар және мультфильм кейіпкерлері бар.С. Сейфуллин атындағы қазақ академиялық драма театры21–27, 30 желтоқсан 11:00, 13:30, 16:0028, 29 желтоқсан 10:00, 12:30, 15:00, 17:30Шырша маңындағы Жаңа жылдық қойылым және «Кірпі мен теңіз» философиялық ертегісі. Басты кейіпкер теңізді көру үшін жердің шетіне аттанбақшы. Қысқы ормандағы бақыт, достық және ғажайыптар туралы қойылым.Жас көрермендер театры21, 22, 28, 29 желтоқсан 18:004, 5 қаңтар, 18:00«Детективы на страже» театр квесті, 9+.Жаңа жыл қарсаңында әлемдегі ең ерекше мұражайда батыл қылмыс жасалды – басты жәдігер жоғалып кетті. Егер сіз оны уақытында қайтармасаңыз, онда қатерлі жағдай орын алады: уақыт артқа жылжып, Жаңа 2025 жыл болмайды! Жаңа жыл галактикааралық мұражайы жоғалған артефактіні іздеу үшін құтқару жұмыстарын ұйымдастыру үшін шұғыл түрде детективтер тобын жинайды.21, 22, 28, 29 желтоқсан 12:00, 14:004, 5 қаңтар 12:00, 14:00«The Grinch и сказочный патруль» жаңа жылдық ертегісі 3+.Мерекені ұрлайтын Гринч тағы бір зұлымдықты ойластыруда: ол қуанышты мерекенің ең маңызды себебі – Жаңа жылды ұрлап кетті. Аяз Ата мен Ақшақарға көмектесуге ертегі патрулі – Маша мен Снежок асығады. Сиқырдың көмегімен кейіпкерлер Гринчті жеңуге және сүйікті мерекені қайтаруға көмектеседі.Ақпарат көзі : https://www.gov.kz/memleket/entities/karaganda/press/news/details/890079

Ақмола облысының әкімі Марат Ахметжанов Бурабай ауданының тұрғындарымен есеп беру кездесуін өткізді, онда өңірдің әлеуметтік-экономикалық дамуының негізгі мәселелері қаралды.Бурабай ауданы Қазақстанның жетекші туристік орталықтарының бірінің позициясын нығайтуды жалғастыруда. Президенттің тапсырмаларын орындау аясында Щучинск пен Бурабай отбасылық демалыс және ойын-сауық орталықтарына айналатын курортты дамыту аймақтары анықталды. Туристік инфрақұрылымдық кешенді заманауи ойын-сауық саябақтары, аквапарктер, визит-орталықтар және басқа да нысандар толықтырады.«Курорттың көліктік қолжетімділігін арттыру үшін шағын авиацияны дамыту және тікұшақ экскурсияларын Ұйымдастыру жұмыстары жүргізілуде. Туристер үшін қолайлы жағдай жасау маңызды міндет болып қала береді», - деді Марат Ахметжанов.Сапалы ұялы байланысты қамтамасыз ету үшін 5 антенналық-діңгекті құрылым орнатылған. Сондай-ақ, туристердің қауіпсіздігі мақсатында 100 «ақылды» бейнебақылау камералары жүйесі енгізіледі, модульдік өрт сөндіру деполары мен су-құтқару станциялары салынады.Аудан өнеркәсібі облыс өндірісінің жалпы көлемінің 13% - дан астамын алады. Жетекші кәсіпорындар-алтын өндіруге және өңдеуге маманданған «RG Gold» және «RG Processing» ЖШС.Экспортқа бағдарланған толық циклді өнім шығаратын «KazBeef» компаниялар тобы оң үлгі көрсетіп отыр. Осыған байланысты облыс әкімі елорда - Астананы қоса алғанда, тұрақты нарық үшін дайын тамақ өнімдері мен жартылай фабрикаттар өндірісін дамыту қажеттігін атап өтті.Ауыл шаруашылығында аудан астық жинауды екі есеге арттырды - 17 ц/га өнімділікте 223 мың тонна.сұраныс пен бағаның тұрақты өсуін көрсететін майлы және жемшөп дақылдары алқаптарын ұлғайтуға баса назар аударылды. Мал шаруашылығы да белсенді дамып келеді, оның ішінде сүт бағыты да бар. Жетекші өндірушілердің қатарында «Айна сүт фермасы» ЖШС, «Қоянды Агро» ШҚ және басқалары бар. Қайта өңдеу саласында 4 ет өңдеу кәсіпорны жұмыс істейдіЖыл басынан бері ауданда 11 инвестициялық жоба іске асырылып, 134 жұмыс орны құрылды. Жыл соңына дейін тағы 6 жобаны аяқтау жоспарлануда, бұл 120 жаңа жұмыс орнын қамтамасыз етеді. Биогаз өндірісін дамыту бойынша инвесторлармен жұмыс жүргізілуде-ауданда осындай жобаларды іске асыру үшін шикізат базасы бар.Шағын және орта бизнесті қолдау маңызды бағыт болып қала береді. Мемлекеттік бағдарлама шеңберінде іске асырылды 78 жоба. Бұдан басқа, ауданда шағын өнеркәсіптік аймақтарды құру тетігі енгізілуде, бұл кәсіпкерлерге дайын өндірістік алаңдарға қол жеткізуге мүмкіндік береді.Облыс әкімі ауданның инфрақұрылымын жақсартуға ерекше назар аударды. Негізгі жобалардың қатарында «Щучинск – Николаевка» автожолын жөндеу, Текекөл көлінің айналасында жол салу және электрмен жабдықтауды дамыту бар. Сапалы ауыз сумен қамтамасыз ету, сондай-ақ білім беру, денсаулық сақтау және мәдениет нысандарын жаңғырту бойынша үлкен жұмыстар жүргізілуде.«Мемлекет тарапынан ауданның әлеуметтік және инфрақұрылымдық мәселелері жоспарлы түрде шешілуде. Өңірді табысты дамыту үшін аудандық бюджеттің кіріс бөлігін ұлғайту, сондай-ақ бизнесті қолдауды және инвестицияларды белсенді тартуды қамтитын кешенді тәсіл бойынша жұмыс жүргізу қажет. Туристік және өнеркәсіптік әлеуетті пайдалану ауданның барлық тұрғындарының өмір сүру сапасын жақсартуға мүмкіндік береді», - деп атап өтті Марат Ахметжанов.Кездесуде Марат Ахметжанов аймақтың дамуына үлес қосқан аудан тұрғындарын ақшалай сертификаттармен «Ақмола – еңбек озаты» төсбелгісімен, «С.Қ. Нұрмағанбетовке 100 жыл» медалімен және облыс басшысының алғыс хаттарымен марапаттады. Облыстың 20 миллион тұрғыны-1 жасқа толған кішкентай Ясинге ерекше назар аударылды.Кездесу соңында әкім азаматтарды қабылдап, олардың жеке сұрақтарына жауап берді.Ақпарат көзі : https://www.gov.kz/memleket/entities/aqmola/press/news/details/890799