Бүгін, 20 қаңтар күні, Мемлекет басшысы Қасым-Жомарт Тоқаевтың бастамасымен жүзеге асырылып жатқан «Жайлы мектеп» ұлттық жобасы аясында Ақтау қаласының 17-ші жаңа шағынауданында жаңа мектептің салтанатты ашылу рәсімі өтті.Бұл жыл басынан бері Маңғыстау облысында ашылған екінші жайлы мектеп.Шараға өңір басшысы Нұрдәулет Қилыбай, облыс мәслихатының төрағасы Жаңбырбай Матаев, қоғам қайраткерлері мен білім саласының ардагерлері, мемлекеттік білім беру ұйымдарының өкілдері және ата-аналар қатысты.Салтанатты шарада жаңа мектептің ашылуымен құттықтаған ардагер ұстаздар білімді ұрпақ – елдің ертеңі мен болашағы екенін айтып, олардың сапалы білім мен саналы тәрбие алуда ұстаздарға артылатын жүктің маңыздылығын атап өтті.Жалпы аумағы 10 400 шаршы метрді құрайтын жаңа білім ордасы 900 орынға шақталған. Қазір мұнда екі ауысымда 1 908 оқушы білім алуда. Оларға 143 педагог сапалы білім бермек.Мектеп 53 заманауи пән кабинетімен жабдықталған. Оқушылардың шығармашылығын дамыту үшін STEM зертханалары, қыш өнері, визуалды дизайн және хореография кабинеттері бар. Сонымен қатар ерекше білімді қажет ететін оқушылар үшін сенсорлық кабинет, логопед, дефектолог және психолог кабинеттері соңғы үлгідегі жабдықтармен қамтамасыз етілген.Жалпы, биыл «Жайлы мектеп» ұлттық жобасы аясында Маңғыстау облысында 13 жаңа мектеп пайдалануға беріледі. Оның ішінде Ақтаудың 17, 19 және 33-ші шағынаудандарында, сондай-ақ Мұнайлы ауданының Батыр ауылындағы Хазар шағынауданында 4 500 орындық 4 мектептің құрылысы аяқталды.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/921245

ҚР Туризм және спорт министрі Ербол Мырзабосынов Халықаралық ауыр атлетика федерациясының (IWF) президенті Мұхаммед Джалуд Әл-Шаммари және Азия ауыр атлетика федерациясының президенті Мұхаммед Юсеф Әл-Манамен кездесті. Сондай-ақ жиынға Бахрейн ауыр атлетика федерациясының президенті Ибраһим Исхақ және Қазақстан ауыр атлетика федерациясының басшысы Гаджи Гаджиев қатысты.Тараптар жуырда ғана Бахрейн астанасы Манамада мәресіне жеткен ауыр атлетикадан әлем чемпионатындағы қазақ спортшыларының жетістіктерін талқылап, отандық ауыр атлетиканы дамытудағы ынтымақтастық бағыттарын айқындады. Сонымен қатар аталған спорт түрінен Қазақстан кубогі жарысын ұйымдастыру мүмкіндігі де қарастырылды. Бұл турнир жаңа таланттарды анықтауға және ұлттық құраманың халықаралық аренадағы беделін арттыратын маңызды жарыстардың бірі болмақ.Жиында 2028 жылы АҚШ-тың Лос-Анджелес қаласында өтетін Олимпия ойындарында ерлер мен әйелдер арасында салмақ дәрежелерінің санын жетіге дейін көбейту, сондай-ақ допингке қарсы күрес мәселесі талқыланды. Тараптар тыйым салынған препараттарға қатаң бақылау енгізудің және спортшыларға арналған білім беру бағдарламаларын жетілдірудің маңызын атап өтті.«Қазіргі таңда елімізде ауыр атлетикамен жүйелі түрде 20 мыңнан астам адам айналысады. Спортшыларды даярлау үшін 450 жаттықтырушы қызмет етеді. Дарынды балаларға арналған мамандандырылған спорт мектеп-интернаттары мен олимпиадалық резервті дайындау өңірлік орталықтарының жұмысы өз нәтижесін беруде», – деп атап өтті Ербол Мырзабосынов.Жиын соңында тараптар алдағы уақытта өзара қарым-қатынасты нығайтуға, ауыр атлетика спортын кеңінен насихаттауға және спортшылардың жағдайын жақсартуға ниетті екендігін жеткізді.Ақпарат көзі : https://www.gov.kz/memleket/entities/tsm/press/news/details/920883

20-30 қаңтар – киберспорттан «Болашақтың ойындары – 2025» турниріне іріктеу жарысыТурнирге еліміздің 15 өңірінен 80-ге жуық спортшы қатысады.Өтетін орны: Астана қ., «Жекпе-жек» сарайы және «Сарыарқа» велотрегі.21-28 қаңтар – биатлоннан жасөспірімдер арасындағы Еуропа ашық чемпионатыЕл намысын 8 отандасымыз қорғайды.Өтетін орны: Германия, Алтынберг қ.21-26 қаңтар – фристайл акробатикадан Әлем кубогі кезеңіХалықаралық жарыста 6 отандасымыз бақ сынайды.Өтетін орны: Канада, Лак-Бопор.21-27 қаңтар – шаңғы жарысынан Әлем кубогі кезеңіЕл намысын 6 отандасымыз қорғайды.Өтетін орны: Швейцария, Энгадин қ.23-26 қаңтар – семсерлесуден Әлем кубогіБұл жарысқа Қазақстан құрамасынан 8 спортшы қатысады.Өтетін орны: Болгария, Пловдив қ.24-26 қаңтар – конькимен жүгіруден Әлем кубогі кезеңіТурнирге 15 спортшымыз қатысады.Өтетін орны: Канада, Калгари.25 қаңтар – жеңіл атлетикадан Әмин Тұяқовтың жүлдесіне арналған II Astana Indoor Meet for Amin Tuyakov Prizes халықаралық турниріЖарысқа еліміздің және шетелдің бірқатар танымал спортшылары қатысады. Олардың қатарында Олимпиада және әлем біріншіліктерінің жеңімпазы мен жүлдегерлері бар.Өтетін орны: Астана қ.Ақпарат көзі : https://www.gov.kz/memleket/entities/tsm/press/news/details/920544

Универсиада: Италияның Турин қаласында өтіп жатқан XXXII қысқы Универсиаданың алғашқы аптасында Қазақстан студенттері 11 (3 алтын, 4 күміс, 4 қола) жүлде еншіледі.Семсерлесу: Бахрейннің Манама қаласында өткен семсерлесуден жасөспірімдер арасындағы Әлем кубогінің командалық сайысында Қазақстан құрамасы алтын медаль еншілесе, жекелей сында Ғабиден Мұстафин қола жүлдеге ие болды.Әйелдер күресі: Францияның Ницце қаласында ұйымдастырылған Henry Deglane Гран При турнирінде Рио Олимпиадасының қола жүлдегері Эльмира Сыздықова (76 кг) мен Гүлдана Бекеш (59 кг) топ жарды.Үстел теннисі: Тунисте өткен үстел теннисінен WTT Youth Star Contender Tunis турнирінде Алан Құрманғалиев қола медаль иеленді.Ақпарат көзі : https://www.gov.kz/memleket/entities/tsm/press/news/details/920773

Дене шынықтыру және бұқаралық спорт академиясының ұйымдастыруымен өткен VISION 2025 іс-шарасы спорт менеджментінің жаңа көшбасшыларын даярлау үшін маңызды алаң болды. Бұл шараға ҚР Туризм және спорт министрі Ербол Мырзабосынов және ҚР Ғылым және жоғары білім министрі Саясат Нурбек қатысты. Олар спорт саласындағы білім мен менеджментті дамыту ел үшін аса маңызды екенін атап өтті.Іс-шарада инновациялық Executive MBA (EMBA) Sport Management бағдарламасы түлектеріне диплом тапсыру рәсімі өтті. Бұл бағдарлама халықаралық серіктестермен бірлесіп әзірленіп, Қазақстанда спорт басқаруды жаңа деңгейге көтеру мақсатында жүзеге асырылды.Дене шынықтыру және бұқаралық спорт академиясы (бұдан әрі APEMS) Қазақстан Республикасының дене шынықтыру мен спортты дамытудың 2026 жылға дейінгі тұжырымдамасы аясында 2021 жылы Астана қаласында ашылды. APEMS спорт саласы үшін кадрлар даярлаудың жетекші жалпыұлттық орталығы болуды мақсат еткен.APEMS жоғары білікті мамандар даярлаудың бакалавриат және магистратура деңгейінде болашақ дене шынықтыру педагогтерін, спорт түрлері бойынша тренерлерді, спорт менеджерлерін, спорт психологтары мен басқа да спорт саласына кадрлар даярлайды.Бұл іс-шара Қазақстандағы спорт саласындағы басқарушыларды даярлау, спорт инфрақұрылымын дамыту және халықаралық тәжірибені енгізуге арналған үлкен қадам болды.Фото: El.kzАқпарат көзі : https://www.gov.kz/memleket/entities/tsm/press/news/details/920456

17 қаңтар күні Маңғыстау облысының әкімі Нұрдәулет Қилыбай облыс әкімдігі ғимаратында кезектілік тәртібімен жеке қабылдау өткізіп, тұрғындардың мәселелерін тыңдады.Қабылдауға келгендердің бірі - 18 жыл шекара қызметінде еңбек еткен Жаңаөзен қаласының тұрғыны 2019 жылы жұмыстан шығарылғанына шағымданып, көмек сұрады. Өңір басшысы аталған жағдайдың заңдылығын тексеру жөнінде құзырлы органдарға тапсырма берді. Сонымен бірге, оның жұбайының кәсіп ашуына заң аясында қолдау көрсету мәселесін қарастыруды тапсырды.Тағы бір Жаңаөзен тұрғыны балаларын мансап орталығында бар жұмысқа орналастыруды сұрады. Әкім бұл өтінішті назарға алып, қалалық жұмыспен қамтуды үйлестіру және әлеуметтік бағдарламалар бөліміне бос жұмыс орындарына орналастыру бойынша нақты тапсырма жүктеді.Әкіммен кездесуге келген ақтаулық көп балалы ана жеке концертін ұйымдастыруға және кәсіп ашуға ықпал етуін сұрады. Облыс әкімі мәдениет және кәсіпкерлік басқармаларына бұл мәселелерді назардан тыс қалдырмай, тиісті қолдау көрсетуді тапсырды.Жалпы қабылдау барысында тұрғындар жұмыссыздық, әлеуметтік қолдау, балаларға арналған оңалту орталықтары және кәсіпкерлікті дамыту мәселелерін көтерді.Облыс әкімі Нұрдәулет Қилыбай түйткілді мәселелердің түйінін тарқату үшін жауапты басқарма басшыларына өтініштердің заң аясында шешу жолдарын қарастыруды тапсырды және тұрғындардың өтініштері бақылауда болатынын жеткізді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/920425

16-18 қаңтар аралығында Вьетнам Социалистік Республикасы, Дананг қаласында "достық және ынтымақтастық қалаларының форумы - 2025"өтеді. Аталған іс-шара аясында 17 қаңтарда Ақтау мен Дананг қалалары арасында бауырластық қатынастар орнату туралы Меморандумға қол қойылды, деп хабарлайды қала әкімдігінің баспасөз қызметі.Екі қала арасындағы бауырластық қатынастар Қазақстан Республикасының Президенті Қасым-Жомарт Тоқаевтың 2023 жылғы 20-22 тамыз аралығында Вьетнамға ресми сапары шеңберінде берген тапсырмасына сәйкес және бастамасы бойынша белгіленді.Ақтаудың Данангтағы делегациясын Ле Чунг Чин қаласының мэрі және Қазақстанның Вьетнамдағы елшісі Қанат Тұмыш қарсы алды.Ақтау қаласының әкімі Әбілқайыр Байпақов бастаған делегация Маңғыстау облысының әкімі Нұрдәулет Қилыбайдың қолдауымен Дананг қаласына барып, осы әкімшілік басқарумен келіссөздер жүргізді-аумақтық бірлік.Нәтижесінде Әбілқайыр Байпақов Дананг қаласының халық Комитетінің төрағасымен (мэрімен) бірлесіп екі порт қаласы арасында бауырластық қатынастар орнату туралы құжатқа қол қойды.Қол қойылған келісім Ақтау қаласының әлеуметтік-экономикалық дамуы үшін маңызды ынталандыру болады. Меморандум екі қала арасындағы сауда, экономика, инвестициялар, көлік, логистика, туризм және мәдени-гуманитарлық ынтымақтастық сияқты салалардағы бауырластық байланыстар мен ынтымақтастықты нығайтуды көздейді. Сонымен қатар, сапар аясында жақын болашақта Ақтау мен Дананг қалалары арасында әуе қатынасын ашу туралы мәселені қарастыру қажеттігі туралы мәселе талқыланды."Достық және ынтымақтастық қалалары форумы 2025" - те Дананг қаласы Ақтау (Қазақстан) және Генуя (Италия) қалаларымен бауырластық байланыс орнату туралы екі келісімге қол қойды. Барлығы Дананг 24 елдің 50 қаласымен бауырластық қарым-қатынасты сақтайды.Ақпарат көзі : https://www.gov.kz/memleket/entities/mangystau/press/news/details/920424

Маңғыстау облысы әкімдігі мен жергілікті өнім өндірушілер және бес ірі жергілікті сауда желілері арасында үшжақты меморандумға қол қойылды.Келісімге сәйкес, сауда желілері жергілікті отандық өндірушілер үшін көбірек сауда орындарын бөлуге және "Қазақстанда жасалған" таңбалауын белсенді пайдалануға міндеттенеді.Сондай-ақ, ірі сауда желілері 14 күн ішінде жергілікті өндірушілердің өнімдерін жеткізу үшін ақы төлеуі керек.Келісімге қол қойған ірі жергілікті сауда желілерінің қатарына «Анвар», «Дина", «Алтын фуд», «Лидер», сондай — ақ "Аман", «Дана» және «Нұр» кіреді.- Былтыр біз 12 жергілікті тауар өндірушімен меморандумдар жасадық, биыл олардың саны 23-ке дейін өсті. Бұл жергілікті өндірушілерді қолдауға ерекше назар аударатынымызды білдіреді. Жалпы Азық-түлік қауіпсіздігін қамтамасыз ету үшін отандық өндірушілерді қолдау және азық-түлік өндірісін ұлғайту өте маңызды", - деді Маңғыстау облысының кәсіпкерлік және сауда басқармасының басшысы Дастан Мұраталиев.Меморандумға қатысушылар арасында «Maga-Bread», «Берекет-Ф», «Agargan", «Ақтау Агро», «Тұман Шах", «әділ сүт зауыты»,«Korkem Alem», «Жаңаөзен сүт зауыты», «Brick Center», «Millina Food" сияқты танымал жергілікті өндірушілер бар Production"," Nataly Company"," Ақтау – балық компаниясы",«Акво Идеал»,«Керуен ауыз су»," Керемет FOOD», «доктор Агро «ЖШС» «Абдрахманов» ЖК, «Рысбек» ЖК, «Еңбек» ЖК, «Қайнар» ЖК, «JIBEK" ЖК».Ақпарат көзі : https://www.gov.kz/memleket/entities/mangystau/press/news/details/920428

Бейнеу ауданындағы астық терминалы ұзақ үзілістен кейін қайта жанданды. 2018 жылдан бері жұмысы тұралап қалған кәсіпорын бүгін алғашқы өнімін шығарды.Қазіргі таңда терминалға 10 вагон, яғни 700 тонна бидай келді. Астықтың 75 пайызынан ұн шықса, 25 пайызынан кебек өндіріледі.Бейнеу ауданының әкімі Рахымжан Шалбаев және аудандық мәслихат төрағасы Ардақ Бораш алғашқылардың бірі болып ұн шығару жұмысымен танысып, аудандық ардагерлер кеңесі төрағасының орынбасары Қадыр Сарсен игі істің бастауына батасын берді.- Бүгін тарихи сәт. Көптен жұмысы тоқтап тұрған астық терминалы іске қосылды. Осы істің басы-қасында жүріп, үлкен жұмыс атқарған азаматтарға, кәсіпорын мамандарына алғыс айтамыз. Енді зауытымыз тоқтамай, Қазақстанда жасалған брендімен «Бейнеу ұны» әлемге танылады деген үміттеміз,- деді аудан әкімі Рахымжан Шалбаев.“Еуразия Транс Логистик" ЖШС "Каспий" әлеуметтік-кәсіпкерлік корпорациясымен бірлесе отырып, астық терминалының қайта іске қосылуын қамтамасыз етті.Бейнеу астық терминалы Маңғыстау облысында орналасқан стратегиялық маңызды нысан. Оның жалпы ауданы 26 гектарды құрайды және Қазақстан-Түрікменстан шекарасына тікелей шығуға мүмкіндік беретін 8 шақырымдық теміржолмен өзінің жылжымалы құрамы бар перспективалы логистикалық хаб саналады.Терминалдың қуаттылығы бір мезгілде 100 мың тонна астық сақтауға мүмкіндік беріп, тәулігіне 320 тонна ұн мен 80 тонна кебек өндіре алады. Ал, жаңғыртудан кейін бұл көрсеткіштер сәйкесінше 400 тонна ұн және 240 тонна құрама жем беруге дейін ұлғайтылады.Ақпарат көзі : https://www.gov.kz/memleket/entities/mangystau/press/news/details/920438

Бүгін, 17 қаңтар күні, Маңғыстау облысының әкімі Нұрдәулет Қилыбай Иран Ислам Республикасының Ақтау қаласындағы Бас консулы Ғоламреза Хашемимен кездесті. Тараптар екі ел арасындағы экономикалық, сауда және көлік-логистикалық салалардағы ынтымақтастықты дамытуға бағытталған мәселелерді талқылады. Кездесу барысында Ғоламреза Хашеми алдағы уақытта Иранда өтетін мемлекетаралық ресми іс-шаралар туралы ақпарат беріп, жоспарларымен бөлісті. Нұрдәулет Қилыбай Маңғыстау облысы мен Иран арасындағы әріптестікті одан әрі дамытуға ниетті екенін білдірді. Өңір басшысы екіжақты қарым-қатынасты жаңа деңгейге көтеру үшін бірлескен жобаларды жүзеге асыруға барлық қажетті қолдау көрсетуге дайын екенін атап өтті. - Маңғыстау облысы Иранмен өзара тиімді ынтымақтастықты нығайтуға әрдайым ашық. Өңіріміздегі сауда және кәсіпкерлік жобаларды іске асыру арқылы екіжақты қарым-қатынастарды жаңа деңгейге көтеруге мүдделіміз. Біз барлық бірлескен бастамалар мен іс-шараларды қолдауға дайынбыз. Сондай-ақ, биыл Ақтау – Түркі әлемінің мәдени астанасы болып бекітілді. Осыған орай, сәуір айында ауқымды шараның ресми ашылу рәсімі өтеді деп жоспарлануда. Сол шарада Иран делегациясын да көргіміз келеді, – деді Нұрдәулет Қилыбай. Айта кетейік, Иран Ислам Республикасының Маңғыстау облысының сыртқы сауда қатынастарындағы рөлі ерекше. Қазіргі уақытта өңірде Иран капиталының қатысуымен экономиканың түрлі салаларында 66 кәсіпорын жұмыс істейді. Маңғыстау облысы мен Иран арасындағы сыртқы сауда айналымы 2024 жылдың 10 айының қорытындысы бойынша 38,3 миллион АҚШ долларын құрады. Оның ішінде экспорт көлемі – 5,1 миллион АҚШ доллары, ал импорт – 33,2 миллион АҚШ доллары. Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/919845

Қазақстан Республикасының Президентінің Біріккен Араб Әмірліктеріне (БАӘ) ресми сапары аясында Қазақстанның цифрлық даму, инновациялар және аэроғарыш өнеркәсібі министрі Жаслан Мәдиев цифрлық сала мен жасанды интеллектті дамыту мәселелеріне арналған бірнеше кездесулер өткізді.БАӘ Министрлер кабинетінің бәсекеге қабілеттілік мәселелері жөніндегі орынбасары Абдулла Нассер Лутамен өткен келіссөздер барысында тараптар екі елдің салалық министрліктері арасында тәжірибе алмасу мүмкіндіктерін, экономиканың әртүрлі секторларындағы реттеуші зертханалар аясындағы ынтымақтастықты, сондай-ақ қазақстандық мемлекеттік қызметшілердің ақпараттық қауіпсіздік, цифрлық трансформация және жасанды интеллект сияқты бағыттарда БАӘ-де оқыту бағдарламаларын талқылады.Тараптар реттеуші зертханалар шеңберіндегі алғашқы бағыттардың бірі ретінде жасанды интеллект саласын таңдап, осы саланың реттеуі мен дамуы арасындағы тепе-теңдікті қамтамасыз етуге мүмкіндік беретін реттеуші нормаларды әзірлеу туралы келісті.Оқыту мәселесінде Қазақстан БАӘ Үкіметтік тәжірибе алмасу офисімен тығыз ынтымақтастық жасауда, осы ынтымақтастық аясында 800-ден астам мемлекеттік қызметкер тренингтер, семинарлар және алмасу бағдарламалары арқылы білім алды.Сондай-ақ, цифрлық даму министрлігінің делегациясы БАӘ Мемлекеттік акселераторына барып, саларалық міндеттерді шешу үшін жобалық әдістерді қолдану, акселерациялық бағдарламалардың табысты кейстері және Қазақстанда осындай тәсілдерді енгізу мүмкіндіктерін талқылады.Делегация қосымша БАӘ-дегі мемлекеттік қызметтерді «бір терезе» қағидаты бойынша ұсынатын Services 1 халыққа қызмет көрсету орталықтарының жұмысын зерттеді. Мемлекеттік қызметтердің сапасын бағалау, мемлекеттік органдарды рейтингтеу мәселелері талқыланып, екі елдің ХҚКО жұмысын жетілдіру әдістемелерімен алмасу туралы келісімге қол жеткізілді.БАӘ жасанды интеллект, цифрлық экономика және қашықтан жұмыс істеу бойынша қосымшалар жөніндегі мемлекеттік министрі Омар бин Сұлтан әл-Оламамен кездесу барысында тараптар жасанды интеллект саласындағы ынтымақтастық перспективаларын қарастырды.Кездесу барысында компаниялардың сұраныстарына сәйкес технологиялық шешімдер әзірленетін Дубай болашақ зертханасы көрсетілді. Бұл зертхана нарықтың өзекті технологиялық міндеттерін шешу үшін техникалық құзыреттіліктерді арттыруға және нарықпен тығыз байланыста жұмыс істеуге мүмкіндік береді.Қазақ тарапына БАӘ зерттеу орталықтары мен компанияларының Қазақстандағы alem.ai Халықаралық жасанды интеллект орталығы аясындағы бастамаларға қосылуы ұсынылды. Министр әл-Олама 2025 жылы өтетін Digital Almaty 2025 форумына қатысуға және болашақ ынтымақтастық мәселелерін талқылауға шақырылды. ЦДИАӨМ Баспасөз қызметіАқпарат көзі : https://www.gov.kz/memleket/entities/mdai/press/news/details/918834

ҚР Туризм және спорт министрі Ербол Мырзабосыновтың төрағалығымен министрліктің кеңейтілген аппараттық кеңесі өтті. Жиынға министрлік өкілдері, өңірлік туризм саласына жауапты басқарма басшылары және ведомствоға бағынысты ұйымдардың жетекшілері қатысты.Кеңесте туризм саласының негізгі көрсеткіштер тыңдалып, отандық туризм саласының даму бағыттары мен өзекті мәселелері жан-жақты талқыланды.Ербол Мырзабосынов туризм индустриясындағы оң өзгерістерді атап өтіп, ішкі және сыртқы туристік ағынның тұрақты өсіп келе жатқанын жеткізді. Мәселен, былтырғы 9 айдың көрсеткіші бойынша ішкі туристер саны 562 мыңға көбейіп, 6 млн адамға жетті. Шетелдік туристер легі 11,5 млн адамды құрады, бұл 2023 жылдың сәйкес кезеңіндегі көрсеткішпен салыстырғанда екі есе көп. Оның ішінде 969 мың шетелдік орналастыру орындарына тоқтаған.«Былтыр Мемлекет басшысы отандық туризмді дамыту мәселесіне арналған арнайы кеңес өткізген болатын. Сол жиында Президент туризмді дамыту жөнінде бірқатар тапсырма берген еді. Бүгінгі кездесудің негізгі мақсаты – Президент тапсырмаларының орындалу барысын және өңірлік туризмнің мәселесін талқылау», – деді министр.Кеңесте өңірлерде кездесетін өзекті мәселелер көтеріліп, олардың шешу жолдары қарастырылды. Әсіресе, туристік инфрақұрылымды дамыту, жаңа бағыттарды ашу, мемлекеттік қолдау шаралары арқылы кәсіпкерлікті ынталандыру сияқты мәселелерге ерекше назар аударылды.Жиын қорытындысы бойынша еліміздің туристік әлеуетін арттыру, инвестиция тарту және халықаралық нарықтағы Қазақстанның беделін нығайту мақсатында нақты тапсырмалар берілді.Ақпарат көзі : https://www.gov.kz/memleket/entities/tsm/press/news/details/920034

Елімізде сымсыз байланыс технологиясы (FWA) бойынша пилоттық жоба аясында 100-ден астам ауыл интернетпен қамтылады. Бірінші болып Алматы облысындағы Сарыбай би ауылы қосылды.Цифрлық даму, инновациялар және аэроғарыш өнеркәсібі министрі Жаслан Мәдиев ауылдық елді мекендерді интернетпен қамтудың жаңа әдісінің артықшылықтарын бағалап, Сарыбай би ауылының тұрғындарымен әңгімелесті.Бұған дейін Сарыбай би ауылының тұрғындары ескірген ADSL технологиясы арқылы интернетке қосылып келген еді. Бұл технология жылдамдық пен қосылу сапасының шектеулігімен ерекшеленеді. Желі инфрақұрылымын құрудың жаңа тәсілі деректерді секундына 200-300 Мбит жылдамдықпен беруге, үлкен аумақтарды қамтуға және қолданушылар санының артуына қарамастан тұрақты қосылымды қамтамасыз етуге мүмкіндік береді.105 үй жаңа технологияға қосылып, оның артықшылықтары мен мүмкіндіктерін жоғары бағалады. Қазіргі уақытта тұрғындар белсенді түрде қосылуға өтінім беріп жатыр.«Бұл технологияның ең басты артықшылығы – қымбат оптикалық желіні жүргізудің қажеттілігінсіз тұрақты және жоғары жылдамдықты интернетке қол жеткізу. Бұл – қазақстандық ауылды цифрландырудың жаңа тәсілі, және біз бүгін Сарыбай би мысалында FWA технологиясының 5G негізінде қаншалықты тиімді әрі болашағы бар екенін көрдік. Енді осы ауылдың және басқа да ұқсас елді мекендердің тұрғындары қазіргі заманғы сервистер мен онлайн қызметтерді пайдалану мүмкіндігіне ие болады деп сенемін», – деп мәлімдеді ҚР цифрлық даму, инновациялар және аэроғарыш өнеркәсібі министрі Жаслан Мәдиев.«Қазақтелеком» компаниясы өзінің жаңа «Ауылтелеком» еншілес кәсіпорны арқылы табысты сынақтардың қорытындысы бойынша осы жобаны республикадағы басқа ауылдарда да енгізуді жоспарлап отыр.Жаңа технология 7 ауылға енгізіліп, 200-ден астам үй шаруашылығын қамтыды. 2025 жылы 100-ден астам ауылды қосып, ауылдық елді мекендердегі 10 000-нан астам тұрғынды заманауи интернетпен қамтамасыз ету жоспарлануда.«Біз еншілес ұйымдардың бірінің жұмысын ауылдық жерлерде жоғары жылдамдықты интернетпен қамтамасыз етуге бағыттадық. Ауылтелеком қазіргі уақытта ең оңтайлы технологияларды анықтап, ауыл тұрғындарына сапалы интернетке қол жеткізу мүмкіндігін ұсыну үшін жұмыс істеуде. Сарыбай би ауылындағы тестілеу көрсеткендей, заманауи сымсыз технологиялар – FWA ауылдық жерлерде интернетке жоғары жылдамдықты қосылу мәселесін тиімді шеше алады», – деді «Қазақтелеком» АҚ Басқарма төрағасы Бағдат Мусин.Цифрлық даму министрімен кездескен бірқатар тұрғындар жаңа байланыс технологиясына қатысты пікірлерін білдірді. Дәстүрлі оптикалық желілерді алыс аймақтарда жүзеге асыру қиын әрі қымбат болған жағдайда, FWA технологиясы минималды инфрақұрылым шығындарымен интернетке қол жеткізуді қамтамасыз етеді. ҚР ЦДИАӨМ баспасөз қызметіАқпарат көзі : https://www.gov.kz/memleket/entities/mdai/press/news/details/919709

17 қаңтарда Astana Hub алаңында «Телекоммуникациялар және деректерді өңдеу туралы» Қазақстан Республикасының жаңа Заңын әзірлеуге арналған стратегиялық сессия өтті. Бұл заң цифрлық әлемнің шындығына бейімделу және уақыт талаптарына сай экожүйе құру жолында маңызды қадам болмақ.Сессияны Қазақстан Республикасының Цифрлық даму, инновациялар және аэроғарыш өнеркәсібі министрлігі (ЦДИАӨМ) және QazTech қауымдастығы ұйымдастырды. Бір алаңда телекоммуникация саласының жетекші сарапшылары, мемлекеттік органдардың, бизнес пен қоғамдық ұйымдардың өкілдері бас қосты. Кездесудің басты мақсаты — алдағы онжылдықтарда телекоммуникация саласын дамыту жолдарын анықтау болды.Цифрлық даму, инновациялар және аэроғарыш өнеркәсібі вице-министрі Асхат Оразбектің айтуынша, қолданыстағы заң 20 жыл бойы саланы сенімді түрде қолдап келді, алайда оны жаңарту уақыты келді. Қазақстанға алдағы 20–30 жылда қандай технологиялар мен реттеуші шаралар қажет болатынын анықтап, бизнеске қолайлы жағдай жасап, халыққа көрсетілетін қызметтердің жоғары сапасын қамтамасыз ету қажет.Заңнамалық өзгерістер байланыс инфрақұрылымын дамытуға, оның қолжетімділігін және сапасын арттыруға бағытталған. Мәжіліс депутаты Екатерина Смышляева атап өтті:«Заң шығарушы ретінде мен бұл процеске қатысып, оны қолдаймын. Өзгерістер сала дамуына, тұтынушылар үшін қолайлы жағдайлар жасауға, операторлар үшін оңтайлы шешімдер ұсынуға бағытталуы тиіс. Сонымен қатар, реттеуші органның тиімділігін қамтамасыз ету маңызды. Бұл – жауапты жұмыс, және мен біздің бірлескен күш-жігеріміз оң нәтиже береді деп сенемін».Бұрын тек телефония мен пошта байланысын реттеген заң енді интернет, Wi-Fi, радиожиіліктер және 5G сияқты жаңа технологияларды ескере отырып қайта қарауды талап етеді.ЦДИАӨМ-нің Телекоммуникациялар комитетінің төрағасы Дамир Сейсембеков жұмыс тобы нарық қатысушыларынан түскен ұсыныстарды белсенді түрде талқылағанын атап өтті. Қазіргі уақытта саладағы реттеуді жақсартуға бағытталған заң жобалары әзірленуде. Радиожиіліктерге және 5G мен Wi-Fi сияқты технологияларға ерекше көңіл бөлінуде.Заң жобасында ұғымдық аппаратты өзектендіру, деректер орталықтары үшін критерийлерді жаңарту, интернет трафигімен алмасудың жеке нүктелерін енгізу, геостационарлық емес орбиталарды пайдалану шарттарын жаңарту, телекоммуникация инфрақұрылымын салуға қатысты нормаларды және басқа да түзетулерді қарастыру жоспарлануда.«Біз байланыс инфрақұрылымының трансформацияланып жатқанын көріп отырмыз. Бұрын инфрақұрылым негізінен мыс желілер мен телефон қосылымдарына негізделген классикалық үлгіде болатын. Бүгінгі күні инфрақұрылым конвергентті болып қалыптасты: ол оптикалық-талшықты және сымсыз технологияларға негізделген және телефон байланысы, интернет, Wi-Fi, 5G, бейнебақылау, IoT сияқты қызметтерді қамтамасыз етеді», – деді ол.«Жауапты байланыс операторлары қымбат және резервтелетін инфрақұрылымды салады, ол айтарлықтай капиталды инвестицияларды және өзін-өзі ақтау мерзімін талап етеді. Бұл парадигма аясында ірі және шағын компаниялар жұмыс істейді. Алайда инфрақұрылымға ешқандай инвестиция салмай, жасанды бәсекелестік тудыратын псевдооператорлар да бар, бұл нарыққа зиян келтіреді. Осыған байланысты, мен интернет қызметтерін ұсынуға лицензиялауды қайтаруды ұсындым», — деп пікірін білдірді «Қазақтелеком» АҚ-ның стратегия және сыртқы активтерді басқару жөніндегі бас директоры Нұрлан Мейірманов.Жеке байланыс операторларын қолдау және олардың одан әрі дамуына жағдай жасау мәселесіне ерекше назар аударылды.«Ең маңызды мәселе — жергілікті байланыс операторларын қолдау. Жоғары бәсекелестік жағдайында операторлардың тек аман қалуы ғана емес, сонымен қатар дамуы үшін қолайлы жағдай жасау маңызды. Егер нарықта тек ірі ойыншылар ғана қалатын болса, бұл қызмет көрсету сапасының төмендеуіне және тұтынушылар үшін таңдау мүмкіндігінің шектелуіне әкеледі. Сондықтан жергілікті нарықтарда тиімді жұмыс істей алатын шағын және орта операторларды қолдау қажет.«Заңнама мен реттеудегі барлық өзгерістер нарықты дамытуға, тұтынушылар үшін қызмет сапасын жақсартуға және саланың тұрақты өсуіне жағдай жасауға бағытталуы тиіс. Біз инвесторлармен, сарапшылармен және операторлармен белсенді жұмыс істеп, технологиялық және заңнамалық деңгейде даму қамтамасыз ететін шешімдер әзірлеуіміз қажет», — деді өз сөзінде ҚР Президентінің кеңесшісі Қуанышбек Есекеев.Жаңартылған заң телекоммуникация саласының тиімді дамуының негізіне айналды. Ол бизнес үшін қолайлы жағдай жасап, Қазақстан азаматтары үшін қызметтердің сапасын арттырады.Сарапшылардың, операторлардың және мемлекеттік органдардың бірлескен күш-жігерінің арқасында Қазақстан өңірдегі технологиялық көшбасшы ретіндегі позициясын нығайта береді. Ақпарат көзі : https://www.gov.kz/memleket/entities/mdai/press/news/details/920256

Өскеменде Мәдениет және ақпарат министрлігінің геральдикалық жұмыс басқармасының басшысы Гүлдана Мәлікқызының қатысуымен маңызды семинар өтті. Іс-шараға мемлекеттік қызметшілер, мемлекеттік емес ұйым өкілдері, қалалық және аудандық ішкі саясат бөлімдерінің басшылары мен мемлекеттік рәміздердің қолданылуына мониторинг жүргізетін мамандар қатысты.Семинар барысында мемлекеттік рәміздерді насихаттау ғана емес, оларды қолданудың заңдық талаптары мен стандарттары талқыланды.– Біздің негізгі мақсатымыз – Қазақстан Республикасы мемлекеттік рәміздерін заң талаптарына сәйкес қолдану және оларды насихаттау бойынша түсіндіру жұмыстарын жүргізу. Семинар аясында мемлекеттік және мемлекеттік емес мекемелер, акционерлік қоғамдар, жеке кәсіпкерлер мен аудандық әкімдіктердің жұмысын тексеру, мониторинг жүргізу жоспарланған. Анықталған кемшіліктер бойынша ескерту беріліп, қажет жағдайда Әкімшілік немесе Қылмыстық кодекс аясында жауапқа тарту шаралары қолданылады, – деді Гүлдана Мәлікқызы.Семинарда айтылған мәліметке сәйкес, 2024 жылы Қылмыстық кодекске мемлекеттік рәміздерді қорлауға қатысты өзгеріс енгізілген. Қазіргі таңда рәміздерді қорлағаны үшін 3 мың АЕК (11 млн теңгеден астам) көлемінде айыппұл салынады. Әкімшілік кодекс бойынша да елеулі айыппұлдар қарастырылған.Облыс аумағында мемлекеттік рәміздерді қолданатын 835 мекеме бар. Оларда 1700 Ту мен 1461 Елтаңба орналастырылған. Әрбір рәмізге күнделікті тексеру жүргізіліп, олардың жарамдылығы қадағаланады.Облыстық ішкі саясат басқармасының бөлім басшысы Арнагүл Омарбаева болашақта шекара бекеттерінде Ту тұғырларын орнату жоспарланып отырғанын жеткізді. Сонымен қатар, мемлекеттік рәміздердің тізілімі жасалып, әкімдік өкілдері рәміздердің жағдайын нақты уақытта бақылай алатын болады.Қазіргі таңда тұрғындар арасында Туға деген құрметтің артқаны байқалады. Азаматтар үйлерінің балкондарында, көліктерінде Туымызды іліп, өз патриотизмдерін көрсетіп жүр.Семинарға қатысушылар мемлекеттік рәміздерді күтіп ұстау, қолдану және насихаттау бойынша өзекті сұрақтарды талқылап, тәжірибе алмасты.Ақпарат көзі : https://www.gov.kz/memleket/entities/akimvko/press/news/details/918672

Бүгін, 15 қаңтарда Маңғыстау облысының әкімі Нұрдәулет Қилыбай ауыл шаруашылығы өкілдерімен кездесу өткізіп, саланы дамытудағы шараларды талқылады.Кездесуге мемлекеттік органдардың басшылары, қала, аудан әкімдері, “Қазмұнайгаз” АҚ, ҚТЖ өкілдері, шаруа қожалықтарының иелері қатысты.Төрт сағатқа созылған жиында ауыл шаруашылығын дамыту, инфрақұрылымды жетілдіру, субсидиялар мен жеңілдіктерді көбейту, жайылымдық жерлерді тиімді пайдалану, малды ауылдарға телефон байланысын орнату және т.б мәселелер көтерілді.Облыс әкімі барлық көтерілген сұрақтар назардан тыс қалмайтынын айтып, ата кәсіпті дамытудағы қажетті шаралар заң аясында қабылданатынын жеткізді.- Ауыл шаруашылығы – біздің ата кәсібіміз. Азаматтардың көтерген мәселелері назардан тыс қалмайды. Барлық ұсыныстар мұқият қаралып, тиісті шаралар қабылданады, – деді Нұрдәулет Қилыбай.Әкім бүгінгі кездесуде көтерілген мәселелер күн тәртібінен түспейтінін айтты. Мәселелер шешімін тапқанша ай сайын орындалысын баяндап отыруды тапсырды. Сонымен қатар өңір басшысы жауапты тұлғаларға бірқатар нақты тапсырмалар берді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/918871

Бүгін, 16 қаңтарда, Маңғыстау облысының әкімі Нұрдәулет Қилыбай Ақтау қаласында үлескерлердің есебінен бой көтеріп жатқан көппәтерлі тұрғын-үй кешендерінің салымшыларымен және қаладағы тұрғын үйге қатысты мәселелерімен келген азаматтарды жеке қабылдады.Тұрғындармен кездесуге құқық қорғау органдарының өкілдері, құрылыс, сәулет және қала құрылысы басқармасы, сондай-ақ, сауда және тұтынушылар құқықтарын қорғау департаментінің басшылары қатысты.Салымшылар тұрғынүй құрылыстарының тұралап қалғанын айтып, құрылыс процесіне қойылған негізгі талаптары орындалмағанына шағымданды.Қабылдауға келген азаматтардың бірі құрылыс компаниясының директоры болған ұлының үстінен қозғалған қылмыстық іс бойынша көмек көрсетуді сұрап, тиісті қолдау шараларын қарастыруды өтінді.Облыс әкімі Нұрдәулет Қилыбай заң талаптарына сәйкес, құрылыс компанияларына қойылатын талаптар күшейтіленінін айтып, салымшылардың мүдделерін қорғау үшін жауапты мекемелерге тиісті шаралар қабылдау жөнінде нақты тапсырмалар жүктеді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/919096

«Болашақтың ойындарын» дайындау және өткізу жөніндегі ұйымдастыру комитетінің тапсырмасына сәйкес, «Қазспортинвест» акционерлік қоғамы базасында мамандандырылған Дирекция құрылды. Дирекцияның міндеті – 2026 жылы Астанада өтетін «Болашақтың ойындары» халықаралық мультиспорттық турнирін ұйымдастыру және өткізу. Мемлекет басшысы Қасым-Жомарт Тоқаевтың бастамасымен жүзеге асырылатын іс-шара ел спортындағы маңызды оқиға болмақ. Айта кетейік, 2024 жылғы 13 қазанда Дубайда (БАӘ) өткен ресми рәсімде Қазақстан 2026 жылы дәстүрлі спорт түрлері мен киберспортты біріктіретін бірегей турнир – Phygital Games of the Future жарысын өткізу құқығына ие болған еді. 2026 жылғы жарысты ұйымдастыруға Қазақстаннан бөлек, Перу және Чили мемлекеттері де үміткер болған.Ақпарат көзі : https://www.gov.kz/memleket/entities/tsm/press/news/details/918091

Елімізде жастарды әлеуметтік қолдау мен сапалы білім алуға жағдай жасау – мемлекеттік саясаттың басым бағыттарының бірі. 2025 жылға қарай жоғары оқу орындары мен колледждердегі студенттердің стипендиясы екі есе өссе, магистранттар мен докторанттардың стипендиялары 1,75 есе артады. Бакалавриат студенттері 52 372 теңге, педагогикалық және медициналық бағытта оқитындар 84 000 теңге, магистранттар 117 098 теңге, докторанттар 262 500 теңге көлемінде стипендия алады.Шығыс Қазақстан облысында бұл бағытта ауқымды шаралар жүзеге асырылып жатыр. ШҚО әкімінің орынбасары Ербол Нұрғалиев жастарды қолдаудың маңыздылығын ерекше атап өтті.«Мемлекетіміз жастарды қолдауға үлкен көңіл бөлуде. Президентіміз Қасым-Жомарт Кемелұлы Тоқаевтың жақында «Ана тілі» газетіне берген сұхбатында айтқандай, жастар – елдің ертеңі, ал олардың білім алып, дамуы – біздің басты міндетіміз. Біз олардың алға қойған мақсаттарына жетуі үшін барлық жағдайды жасауға тырысамыз. Бұл – болашағымызға салынған инвестиция», – деді Ербол Жолдасбекұлы.Оның айтуынша, мемлекет студенттердің тек білім алуына ғана емес, олардың әлеуметтік жағдайына да көңіл бөліп отыр.«Әлеуметтік осал топтағы жастарға жеңілдіктер мен қолдау шараларын ұсыну – олардың өмір сапасын арттырудағы маңызды қадам. Бұл ретте, аймақтағы С.Аманжолов атындағы Шығыс Қазақстан университеті, Д.Серікбаев атындағы Шығыс Қазақстан техникалық университеті және Қазақ-американ еркін университеті студенттерге әлеуметтік қолдау көрсетуге ерекше мән береді. Бұл оқу орындарында студенттерге оқу төлемақысынан 10%-дан 50%-ға дейін жеңілдіктер беріледі», – деп атап өтті облыс әкімінің орынбасары.Жетім балалар, көп балалы отбасылардан шыққан студенттер, мүгедек студенттер мен әлеуметтік аз қамтылған отбасылардың балалары жатақхана орындарымен және оқу төлемақысынан жеңілдіктермен қамтамасыз етілуде. Мысалы, С.Аманжолов атындағы университет талантты жастарға арнайы Абай және Аманжолов шәкіртақыларын тағайындап, олимпиада жеңімпаздарына оқу ақысын 100% жеңілдікпен ұсынады.Сонымен қатар, Д.Серікбаев атындағы ШҚТУ әлеуметтік қолдауды жүйелі жүргізіп келеді. Университет көп балалы және аз қамтылған отбасылардан шыққан студенттерге ай сайын 15 000 теңге көлемінде көмек көрсетеді, ал әлеуметтік қиын жағдайда қалған студенттерге 10 000 теңге беріледі. Жатақханаға мұқтаж студенттер үшін 50% жеңілдіктер ұсынылып, жетім балаларға тегін орындар бөлінеді. ҚАЕУ-де де студенттерге арнайы гранттар мен жеңілдіктер қарастырылған, 2024 жылы 11 студент 5,35 миллион теңге көлемінде грант алды.Ақпарат көзі : https://www.gov.kz/memleket/entities/akimvko/press/news/details/917861

Маңғыстау облыстық көпбейінді ауруханасының перинаталдық орталығы соңғы үлгідегі, жоғары сапалы медициналық құрылғылармен – гипотермия аппараты, өкпені жасанды желдету құрылғысы және жаңа туған нәрестелерге арналған инкубатормен толықты.Сәбидің жетілуіне мүмкіндік беретін медициналық жабдықтар Маңғыстау облыстық әкімдігінің және «DUNGA OPERATING GMBH» компаниясының қолдауымен алынды. Құрылғыны табыстауға облыс әкімінің орынбасары Аббат Өрісбаев, облыстық денсаулық сақтау басқармасының басшысы Бекболат Ізбасаров, демеуші компанияның бас директоры Нұржан Әбдірахманов және көпбейінді аурухананың директоры Руслан Бекібаев қатысты.Перинаталдық орталықтың жансақтау бөлімі меңгерушісі, неонатолог-дәрігер Умид Рашидовтың айтуынша, гипотермия аппараты ауыр асфиксиямен туған сәбидің өмірін құтқарып, бас-ми ісігінің алдын алу үшін қажет. Аппарат жаңа туған нәрестенің дене қызуын қалыпты жағдайда ұстап тұруға көмектеседі. Содан кейін баланы біртіндеп жылытады. Бала ағзасындағы метаболизмді өзгертуге, миды глюкозамен қамтамасыз ете отырып, орталық жүйке жүйесінің жасушаларын қайтымсыз зақымданулардан қорғауға мүмкіндік береді.Бұдан бөлек медициналық орталықта шала туған нәрестелерге арналған 8 инкубатор сатып алынды. Мұнда шала туған нәрестелер салмақ қосқанға дейін жата алады. Барлығы автоматты түрде жұмыс істейді, яғни, ылғалдылығы, температурасы сақталып, балаға қажетті жағдай жасайды.Айта кетсек, перинаталдық орталықтың жансақтау бөлімі былтыр ақпанда ашылған. Бөлімше 6 нәрестеге арналған. Қазіргі таңда жансақтау бөлімінде 8 нәресте ем алып жатыр.Ақпарат көзі : https://www.gov.kz/memleket/entities/mangystau/press/news/details/918068