Almaty Tourism Bureau Mastercard-пен бірлесіп, қалаға келетін саяхатшының жүріп өткен жолын егжей-тегжей талдап, Алматыдағы турист ағынына зерттеу жүргізді. Талдау саяхаттың негізгі кезеңдерін қамтиды – жоспарлау, брондау, орналасу мен демалыс.Tourism Insights (Mastercard) деректеріне сәйкес, Алматы Орталық Азия бойынша туристік іздеу сұраныстарының 29,7%-ын иеленіп, Қазақстанның басты туристік орталығы болып қала береді, бұл алдыңғы көрсеткіштен 2 пайыз жоғары. Өсімді әуе рейстерінің көбеюінен байқауға болады: Алматыға рейстер саны дәстүрлі әуе компанияларында (+24,7%) және лоукостерлерде (+44,5%) артты. Қайта келушілердің үлесі 78,6%-ға өсіп, 25%-ға жетті, ал әсіресе ірі шаралардың алдында билеттерді ертерек, 40 күн бұрын іздеу уақыты 24%-ға артты.Алматыға рейс брондайтын жолаушылар саны 1,5 есе өсе, бұл қолжетімді рейстердің көбеюімен байланысты. Алдыңғы қатардағы 10 елдің ішінде Қытай ерекше көзге түседі – 2024 жылдың бірінші жартыжылдығында бұл елден брондаулар саны 6 есеге артып, 25,2 мың билетке жетті. Ең көп брондау Түркиядан жасалған, бұл Қазақстанмен іскерлік байланыстардың тығыздығына қатысты.Алматыға келетін туристер белсенді демалысты жөн көреді: 54% табиғат аясындағы турлар мен экскурсияларды, 44% джип-турларды таңдайды. Гастрономия, шопинг және ойын-сауық жоғары бағаланып жүр, 70%-ы оң пікір білдірген. Отбасылық туризмге қатысты жағымды пікірлер үлесі 12 пайызға өсті. Іскерлік шығындар белсенділік, инвестициялар және халықаралық форумдардың көбеюіне байланысты үш есеге артты.Almaty Tourism Bureau Алматының туристік хабқа айналу жоспары осылайша жүзеге асып жатқанын атап өтті. Қаланың әуежайы арқылы транзит жолаушылар санының артуы оның халықаралық бағыттардағы рөлінің өсіп келе жатқанын дәлелдейді. Зерттеу Алматы демалыс пен іскерлік сапарлар үшін танымал бағыт болып қала беретінін, ал қаланың туристік секторы қарқынды дамып жатқанын көрсетті.Толық есеп мына сілтемеде.Ақпарат көзі : https://www.gov.kz/memleket/entities/almaty/press/news/details/946425

26 ақпан күні таңертең Алматы қаласында жаңбыр түрінде жауын-шашын күтіледі, кешке ылғалды қарға ауысады, ол 27 ақпанда тәуліктің басында аяқталады, түнгі кезеңде ауа температурасы -3...-5 градус аязға дейін, күндіз +1...+3 жылу төмендейді.Осыған байланысты қаланың коммуналдық қызметтері күшейтілген режимде жұмысқа ауыстырылады, өндірістік базаларда жүргізушілердің, механизаторлардың және жол жұмысшыларының тәулік бойы кезекшіліктері ұйымдастырылады. Қар жауа бастағанға дейін орналасқан жерлердегі көктайғақ құбылыстарының алдын алу мақсатында 204 құм таратқыштың кезекшілігі ұйымдастырылатын болады. Алдын ала қар жауар алдында негізгі магистральдық көшелерді сұйық реагенттермен өңдеу жоспарлануда. Тәулік бойы 624 бірлік арнайы техника мен 1380 жол жұмысшысын тарту жоспарлануда.Бұдан басқа, жолдардың қауіпті учаскелерінде, түсулерде, көтерілулерде, жол айрықтарынан шығуларда мұздың алдын алу және жою үшін 46 жедел бригаданың күшімен жол жамылғысының жай-күйін патрульдеу жөніндегі жұмыс күшейтілетін болады. Аудан әкімдіктерінде жұмыс өндірісін бақылау бойынша тәулік бойы кезекшілік ұйымдастырылады.Жолдардың жүріс бөлігіндегі болжамды мұздануға, тротуарлардағы көктайғаққа байланысты автокөлік жүргізушілері мен жаяу жүргіншілерден сақтық шараларын сақтауды сұраймыз. Жүргізушілерге жылдамдықты төмендетуге, автомобильдер арасындағы қашықтықты арттыруға және өткір маневрлерден аулақ болуға кеңес береміз.Көлік жүргізу тәжірибесі аз адамдар автокөлікпен жүруден бас тартып, қоғамдық көлікке ауысқандары дұрыс. Жаяу жүргіншілер мұзды қабыршақтың пайда болуына байланысты тротуарларда жүру кезінде сақтық шараларын сақтауы керек.Құрметті қала тұрғындары! Көшеде абай болыңыз, өміріңізге қауіп төндірмеңіз.Коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/945369

Премьер-министрдің орынбасары – ұлттық экономика министрі Серік Жұманғарин биыл мұнай-газ саласының әлеуетіне және Маңғыстау облысының инвестициялық-экономикалық дамуына арналған экономикалық өсуді қамтамасыз ету жөніндегі штаб отырысын өткізді.2024 жылы ЖІӨ-нің 4,8%-ға нақты өсуі кезінде 2025 жылға таргет – 7% мөлшерінде деп белгіленіп отыр. Бұл экономиканың нақты секторының инвестициялық жобаларын уақтылы іске асыру кезіндегі өте жоғары, бірақ қол жеткізуге болатын көрсеткіш.Энергетика вице-министрі Ерлан Ақкенженов айтқандай, қаңтар айының қорытындысы бойынша мұнай өңдеу 1,53 млн тоннаны құрады немесе өткен жылғы қаңтардағы көрсеткішпен салыстырғанда – 104%. Бұл көрсеткіш 2025 жылғы бірінші айдағы жоспардан 0,6%-ға алда.Қазақстанның ЖІӨ құрылымындағы жалпы мұнай өңдеу үлесі 1%-дан аз (2023 жылы – 0,8%, 2024 жылы 9 айда – 0,6%). Сонымен қатар мұнай өңдеу саласы – бұл қосылған құны жоғары өнім өндірісі. 2025 жылғы мамырдың соңында «CaspiBitum» БК ЖШС кеңейту жобасын іске асыру аяқталғаннан кейін оның қайта өңдеу қуаты 1 млн тоннадан 1,5 млн тоннаға дейін ұлғаюы тиіс. 2026 жылы Қазақстанда қайта өңдеу қуатының жиынтық көлемі 18 млн тоннадан 18,5 млн тоннаға дейін өседі.Вице-премьер ірі қайта өңдеу зауыттары мен шағын МӨЗ жүктемесіне қатысты өзекті мәселелерді тыңдады.«Қандай да бір елеулі сыртқы фактор болмаса, мұнай өңдеу саласында биыл Қазақстанның ЖІӨ-ге үлесін ұлғайтуға жақсы мүмкіндік бар», — деп атап өтті Серік Жұманғарин.Маңғыстау облысының таргеттелетін физикалық өсу индексінің құрамдас бөлігі жекелей қарастырылды. Осы жылға арналған 7%-дық өсу міндеті кезінде қаңтардың қорытындысы бойынша ауыл шаруашылығы мен балық шаруашылығында (жоспардағы 101%-дан 87,5%-ға) және саудада (нысаналы 105,4%-дың орнына 102%) көрсеткіштердің төмен орындалуы байқалды. Вице-премьер алдағы айларда қойылған жоспардың орындалуын қамтамасыз етуді тапсырды. Еліміздің ЖІӨ-дегі сауданың айтарлықтай үлесін ескере отырып (2024 жылы 19%) штабтың жақын арадағы отырыстарының бірі қоймасы бар сауда мен көлік саласына арналады. Сондай-ақ штаб отырысында өңірдің бюджеттік-инвестициялық жобаларына қаражаттың төмен игерілу себептері қаралып, талдау жасалды. Вице-премьер шұғыл қаржыландыруды қажет ететін барлық жобаны олардың экономиканың нақты секторына салымды ұлғайтуға әсер ету призмасы тұрғысынан зерделеуді тапсырды.Ақпарат көзі : https://www.gov.kz/memleket/entities/economy/press/news/details/949358

Ұлттық экономика министрлігі Ұлттық әл-ауқат қорын қоспағанда, мемлекет 100% қатысатын акционерлік қоғамдар мен жауапкершілігі шектеулі серіктестіктердің директорлар кеңесі мен байқау кеңестері үшін тәуелсіз директорларды (тәуелсіз мүшелерді) іріктеудің жаңа ережелері мен өлшемшарттарын енгізеді.Бұл өзгерістер корпоративтік басқару сапасын арттырып, мемлекеттік компаниялар деңгейінде шешім қабылдаудың тәуелсіз болуын қамтамасыз етеді. Кеңестер құрамында гендерлік тепе-теңдікті сақтауға ерекше назар аударылмақ. Бұл шешім қабылдау үдерісінің әр алуандығы мен сапасына әсер етеді.Жаңа ережелерге сәйкес, тәуелсіз директор лауазымына үміткер кәсіби дағдысы мен тәжірибесімен қатар, жеке қасиеті де көрінетін біліктілік талабына анық сай болуы керек. Барынша ашық жүргізілетін іріктеу жүйесі біліктілігі жоғары мамандарды табуды мақсат тұтады. Сонымен қатар, директорлар кеңесі мен байқау кеңестерінде сабақтастықты енгізуді міндетті жоспарлау көшбасшылықты орнықтырып, тиімді шешім қабылдауға ықпал етпек.Үміткерлерді іріктеуді жеңілдету үшін Тәуелсіз директорлар тізілімі жасалады. Осылайша, уәкілетті орган білікті маман туралы деректі оңай біле алады. Ал оларды іріктеу уәкілетті орган ұйымдастыратын конкурс арқылы жүзеге асырылады. Мамандар біліктілік бойынша бағаланады. Комиссия сұхбаттасу өткізеді.Үміткерлерді іріктеуде бейтараптық сақталып, кәсібилік алдыңғы орынға шығуы үшін комиссия құрамына мемлекеттік органдардың өкілдері, сондай-ақ корпоративтік басқару мәселесімен айналысатын сарапшылар мен қоғамдық ұйым өкілдері енгізіледі.Жаңа ережедегі маңызды ұсыныс – директорлар кеңесі мен байқау кеңесінің құрамындағы әйелдердің үлесін кемінде 30% ету. Бұл гендерлік тепе-теңдікті жақсартуға, өзекті шешім қабылдау кезіндегі пікірлердің әр алуандығына ықпал етпек.Айтылған жаңашылдықтар іріктеудің ашықтығы мен объективтілігін арттыру, басқару органдары жұмысының тәуелсіздігі мен тиімділігін күшейту тәрізді бірқатар мақсатты көздейді. Осы арқылы тәжірибелі, сараптамалық білімі бар, біліктілігі жоғары мамандарды тартуға, корпоративтік басқаруды күшейтуге, мемлекет қатысатын компаниялардың беделін жақсартуға жол ашылады.Бұйрықтың жобасы ашық нормативтік-құқықтық актілердің интернет-порталында орналастырылған. Талқылау 2025 жылғы 17 наурызға дейін жүргізіледі.Ақпарат көзі : https://www.gov.kz/memleket/entities/economy/press/news/details/947772

ҚР Парламенті Мәжілісінің Аграрлық мәселелер комитетінің төрағасы Серік Егізбаевтың жетекшілігімен ауылдық аумақтарды, оның ішінде шекара маңындағы ауылдарды дамыту туралы дөңгелек үстел өтті. Отырысқа Мәжіліс төрағасының орынбасары Альберт Рау, депутаттар, тиісті министрліктер мен ұлттық компаниялардың өкілдері қатысты.Ұлттық экономика вице-министрі Бауыржан Омарбеков баяндама жасап, ауылдық аумақтарды кешенді дамытудың ағымдағы шаралары мен жаңа тәсілдерін ұсынды. Оның айтуынша, 2025 жылдың 1 қаңтарындағы жағдай бойынша Қазақстанда 7,5 млн адам тұратын 6 147 ауылдық елді мекен бар.Қазіргі уақытта Үкімет басшысының тапсырмасы бойынша Ұлттық экономика министрлігі 2030 жылға дейінгі өңірлік саясат тұжырымдамасын әзірлеуді бастады. Жаңа тәсілдерді жетілдіру мақсатында өңірлік саясат бойынша жобалық кеңсе құрылды, - деді Бауыржан Омарбеков.Инфрақұрылымды дамытуға ерекше көңіл бөлінеді. 2024 жылы базалық қызметтермен қамтамасыз ету 64% - ға жетті, ал «Ауыл – ел бесігі» жобасы аясында ауылдарды жаңғыртуға 701 млрд теңге бөлінді. ТКШ, әлеуметтік және көлік объектілерін қоса алғанда, 6,6 мың инфрақұрылымдық жоба іске асырылды.Мемлекеттік шекараларды қорғауды қамтамасыз ететін шекара маңындағы аумақтарды дамытудың маңыздылығы атап өтілді. Қазақстанда 14 облыстың көрші мемлекеттермен шекаралары бар, ал 66 шекара маңындағы аудандарда 1 383 ауылдық елді мекен, екі моноқала және сегіз шағын қала орналасқан. Ауыл кәсіпкерлігін қолдау аясында «Ауыл аманаты» жобасы бойынша 100 млрд теңгеден астам сомаға 17 мың шағын несие берілді, бұл 17 мың жұмыс орнын құруға мүмкіндік берді.Шалғай шекара маңындағы аудандардың тұрғындары үшін жалақыға үстемеақылар мен еңбек өтілін есептеудің ерекше нормаларын енгізу қосымша қарастырылуда. Қабылданған шаралар ауылдық аумақтарды кешенді дамытуға, жұмыс орындарын құруға, инфрақұрылымды жақсартуға және ауыл халқының өмір сүру сапасын арттыруға бағытталған.Ақпарат көзі : https://www.gov.kz/memleket/entities/economy/press/news/details/943146

Мемлекет басшысының экономиканы әртараптандыру және экономикаға инвестициялар тарту туралы тапсырмасы бойынша Үкімет қаржылық даму институттары арқылы ШОБ өңдеу өнеркәсібі және ірі бизнес саласындағы инвестициялық жобаларды, оның ішінде жеңіл өнеркәсіп, химия өнеркәсібі, тамақ өнімдерін және құрылыс материалдарын өндіру, машина жасау, жүк тасымалдау, негізгі жобаларды, ШОБ дамыту үшін экоорта қалыптастыратын инфрақұрылымдық және кластерлік жобаларды қолдаудың ауқымды науқанын бастайды.2025 жылы «Бәйтерек» ұлттық басқарушы холдингі» АҚ кәсіпкерлікті қолдауға, тұрғын үй құрылысын дамытуға және 2027 жылға қарай қаржыландыру көлемін одан әрі 10 трлн теңгеге дейін арттыра отырып, негізгі ұлттық және инвестициялық жобаларды іске асыруға 8 трлн теңге бағыттайды. Ауқымды қаржыландыру шеңберінде бизнесті, экспорттық мүмкіндіктерді дамытуға бағытталған қолдаудың жаңа тетіктері іске қосылады, қаржыландыру және әлеуметтік бастамалар құралдары кеңейтіледі. Олардың ішінде:ШОБ пен ірі бизнесті қолдау үшін екі кепілдік қоры құрыладыШОБ-ты қолдау үшін 2025 жылы «Даму» кепілдік қоры құрылады. Бұл үшін «Даму» функциялары жаңа міндеттермен толықтырылады, кепілдік беру құралы бойынша өнім желісі кеңейтіледі, ұсынылатын кепілдіктердің мөлшері ұлғайтылады, кепілдендіруге жататын экономика секторларының (ЭҚЖЖ) тізбесі кеңейтіледі. Жаңа өнімдерге кепілдіктерді қайтарымсыздық және шартсыздық қағидаттары бойынша шығару жоспарлануда. Кепілдік қорын құру мемлекеттік бюджетке түсетін жүктемені қосымша қаржыландыру көздерінен қаражат тарту есебінен азайтады, бизнес субъектілерін кепілдік беру түріндегі қолдау шарасымен қамтуды ұлғайтады және банктердің өтімділігін экономикалық айналымға тиімді тартуға мүмкіндік береді.Кепілдік қорын іске қосу 2028 жылға қарай кепілдіктер портфелін 1 трлн теңгеге дейін арттыруға (2023 жылмен салыстырғанда +148%) және жыл сайын 50 мыңнан астам жобаны қолдауға мүмкіндік береді (2023 жылы кепілдік беру құралы арқылы 8 212 жобаға қолдау көрсетілді).2025 жылы «Даму» қоры 1,7 трлн теңгені құрайтын ШОБ-тың кемінде 30 мың жобасына қолдау көрсетеді.Бәйтеректің ірі бизнеске арналған кепілдік қоры ірі және стратегиялық маңызды жобаларды кепілмен қамтамасыз етудің жеткілікті болуы мәселесін шешеді.Жобаны қаржыландыру кезінде екінші деңгейлі банктердің және/немесе ҚДБ-ның несиесі жоба құнының 80%-ын құрауы мүмкін. Кепілдік беру кепілмен қамтамасыз етудің жеткілікті болуы мәселелерін шеше отырып, жоба құнының 30%-на дейінгі сомаға берілетін болады.Бәйтеректің қаржыландыру сомасы 7,3 трлн теңгені құрайды, оның ішінде 2025 жылға 3,7 трлн теңге қарастырылған. Холдингтің кепілдігі 2,2 трлн теңгеге немесе 30%-ға дейін жетуі мүмкін, оның ішінде 1,1 трлн теңгеге дейінгі кепілдік 2025 жылға қарастырылған. Бұл ретте 50% – болашақ бизнес серіктестің кепілдігі. Бәйтерек жобаның капиталына кіре алады, содан кейін кәсіпкердің жеке қатысу мөлшері 20%-дан төмен болуы мүмкін. Осылайша, ірі жобаларда кепілмен қамтамасыз етудің жетіспеушілігі мәселесі шешілуде.Ірі бизнес субъектілерін қаржыландыру үшін құны 7 млрд теңгеден басталатын жобалар бойынша кепілдіктер берілетін болады.Екінші деңгейлі банктер үшін бұл несиелендіру көлемінің ұлғаюын және кепіл көлемі жеткіліксіз болған кезде несиелендіру тәуекелдерінің төмендеуін қамтамасыз етуге мүмкіндік береді.Кепілдіктер беру өңдеу өнеркәсібі секторларында жоспарланып отыр. Кепілдіктердің қайтарымсыздығы банктердің қызығушылығын арттыруға, ал бизнес субъектілері үшін кепілдіктердің ақылы болуы кәсіпкерлердің жауапкершілігін күшейтуге арналған.Корпоративтік/жобалық қаржыландыру – «Қазақстанның даму банкі» АҚ (ҚДБ) тек қана ірі индустриялық және инфрақұрылымдық жобаларды дамытуға қайта бағдарланады. Холдингтің еншілес компаниясы – Qazaqstan Investment Corporation АҚ (QIC) кәсіпкерлерге үлестік қаржыландыру мүмкіндіктерін ұсына отырып және бизнестің мемлекеттік саясаты мен инвестициялық міндеттемелеріне қойылатын талаптарды ескере отырып, жобаларды іске асыруда толыққанды әріптес ретінде private equity дамытуға назар аударады.Экспортты кеңейту – сыртқы нарықтарды дамыту стратегиясы шеңберінде сауда қорын және экспортты қолдаудың арнайы құралдарын әзірлеу жоспарланып отыр. «Қазақстанның экспорттық-кредиттік агенттігі» АҚ-ның сақтандыру, қайта сақтандыру, кепілдік құралдары және композиттік қызметтер бойынша қызметі кеңейтілді, бұл қазақстандық компанияларға бәсекеге қабілетті өнімдермен жаңа нарықтарға шығуға мүмкіндік береді.Сонымен қатар «Бәйтерек» холдингі екінші деңгейлі банктермен және халықаралық қаржы институттарымен бірге еліміздің экономикалық дамуына және мемлекет басымдық беріп отырған, оның ішінде отандық тауар өндірісін қолдауға бағытталған инфрақұрылымдық бағдарламаларды қаржыландыруға дайын.ТКШ инфрақұрылымын қаржыландыру (ұлттық жоба)«Энергетикалық және коммуналдық секторларды жаңғырту» ұлттық жобасы шеңберінде тұрғын үй-коммуналдық шаруашылық саласындағы инженерлік желілердің тозуын төмендету жөніндегі мәселелерді уақтылы шешу мақсатында инвестициялардың жалпы көлемі 13 трлн теңгеден асатын ескірген инфрақұрылымды ауқымды жаңарту көзделіп отыр, оның 4,7 трлн теңгесі Холдингке тиесілі.Энергетикалық және коммуналдық инфрақұрылымды жаңғырту және салу шеңберінде елішілік құндылық үлесін арттыру үшін отандық өндіріс тауарларын пайдалануды күшейту жұмыстары жүргізіледі. Бұл тәсіл ішкі бәсекеге қабілеттілікті арттырып қана қоймай, жаңа жұмыс орындарын ашуға, импортқа тәуелділікті азайтуға және жалпы нарықтағы «жергілікті» кәсіпорындардың ұстанымын нығайтуға мүмкіндік береді.Жаңғырту мен құрылыстың белсенді кезеңі басталғанға дейін инфрақұрылымды жаңғыртудың ауқымды бағдарламасы туралы отандық тауар өндірушілерді ақпараттандыру бойынша кешенді жұмыс жүргізу жоспарланып отыр.Отандық тауар өндірушілер өнімін шығаруға шамамен 4,9 трлн теңге қажет болады.Сонымен қатар Үкімет жекелеген салаларды дамыту мақсатында жекелеген салаларда – IT, логистика, туризм, жеңіл өнеркәсіп, химия өнеркәсібі, тамақ өнімдерін, құрылыс материалдарын өндіру, машина жасау салаларында «инвестицияларға тапсырыс» жариялайды. Мүдделі тұлғалар Ұлттық экономика министрлігінің Экономика салаларын дамыту департаментіне, «Даму» қорына, «Бәйтерек» холдингіне жүгінуі қажет.Ақпарат көзі : https://www.gov.kz/memleket/entities/economy/press/news/details/943209

Аграрлық сектор саласындағы инвестициялық жобаларды дамыту үшін 2025 жылы Аграрлық несие корпорациясы (АНК) және ҚазАгроҚаржы арқылы шамамен 1,5 трлн теңге қаражат бағытталады. Қаражат көктемгі егіс және жиын-терім жұмыстарын жүргізуге, инвестициялық жобаларды іске асыруға, негізгі құралдарды сатып алуға және айналым қаражатын толықтыруға, ауыл шаруашылығы техникасының лизингіне беріледі.Жобаларды несиелендіру кезінде келесідей бағыттарға басымдық жасалады:Ауыл шаруашылығы өнімдерін қайта өңдеу және азық-түлік өнімдерін өндіру (әлеуметтік маңызы бар азық-түлік өнімдеріне басымдық)Суару жүйесін дамыту (жаңбырлату қондырғылары, суару құрылыстары, тамшылатып суару)Өнеркәсіптік жылыжайлар (көкөніс бағасының маусымдық ауытқуының төмендеуі)Инфрақұрылымды дамыту (орау, сақтау, тасымалдау) Өнеркәсіптік ауқымда жемшөп өндірісін дамыту.Инвестициялық жобаларды несиелендіру АӨК инвестицияларын ұлғайту, азық-түлік инфляциясының импортын азайту үшін ішкі өндірісті дамыту және ішкі нарықты отандық өніммен тұрақты қамтамасыз ету, сондай-ақ экспорттық әлеуетті іске асыру жөніндегі міндеттерді шешуге бағытталмақ.Жобаларды қамтуды ұлғайту үшін АНК арқылы жобаларды несиелендіру лимиттері 7 млрд теңгеден 15 млрд теңгеге дейін артады. Сондай-ақ Бәйтеректің Кепілдік қорының, Дамудың кепілдерін Аграрлық несие корпорациясының ұзақ мерзімді ірі жобаларына қолдану кеңейтіледі, Қазақстанның экспорттық-кредиттік агенттігінің ауыл шаруашылығы өнімдерінің экспортын қолдауға арналған мандаты күшейтіледі.ҚазАгроҚаржы лизингтік бағдарламалары шеңберінде отандық ауыл шаруашылығы техникасына басым түрде қолдау көрсетіледі. Бұл фермерлерді қолдаудың осы шарасының өнеркәсіптік кәсіпорындарға мультипликативтік әсерін кеңейтуге мүмкіндік береді.Бұдан басқа, «Бәйтерек» холдингі құс фабрикаларының пулын қалыптастырып, ауыл шаруашылығы өндірушілерінің экспорттық мүмкіндігін арттыруды жалғастырады. Малайзиямен жаңа өткізу нарықтарын игеру, сондай-ақ астық экспортын $200 млн-ға дейін ұлғайтатын жаңа сауда қорын құру жөнінде келіссөздер жүргізіліп жатыр. Ұзақ мерзімді перспективада аталған көрсеткішті $1 млрд-қа дейін арттыру жоспарлануда.Экспортты кеңейту және жаңа нарықтарЭкспорттық стратегия шеңберінде отандық өндірушілер үшін сақтандыру, қайта сақтандыру және кепілдік құралдары кеңейтілуде. Жаңа нарықтарға шығу және қазақстандық экспорт үшін кешенді шешімдер ұсыну маңызды міндет болып отыр.Осыған байланысты, «Бәйтерек» сауда қорын іске қосып, құс шаруашылығы кәсіпорындары мен өсімдік шаруашылығын дамытуды қосқанда, экспортқа бағдарланған жобалар пулын қалыптастырады.Экспорттың негізгі бағыттары:Экспорттық арналарды кеңейту үшін өсімдік шаруашылығы өнімдерінің (дәнді, майлы және бұршақ дақылдары) ірі өндірушілері мен трейдерлерін шоғырландыру.Тұрақты экспорттық жеткізу тізбегін құру және экспорт географиясын кеңейту (ҚХР, Орталық Азия, ЕО).Баға белгілеудегі алыпсатарлық факторлардың төмендеуі және нарықты тұрақтандыру.Ірі шетелдік сатып алушылармен әріптестік (COFCO және басқалар).Инвестициялық қолдау және сауда қызметіне жеке секторды тарту.Көлік-логистикалық қызметтер бойынша агроөндірушілер үшін жағдайды жақсарту.Келешекте – қорды Food Security Fund-қа КОВА және Таяу Шығыс елдерінде азық-түлік қауіпсіздігін қамтамасыз ету үшін кеңірек мандатпен трансформациялау.«Қазақстанның экспорттық-кредиттік агенттігі» АҚ (ЭКА) арқылы экспортты қолдау құралдарына келесілер кіреді:кепілдіктер,қайта сақтандыру,композиттік қызметтер.Бұл шаралар қазақстандық өнімді жаңа нарықтарға шығаруға және отандық өндірушілердің позициясын нығайтуға мүмкіндік береді. ЭКА екінші деңгейлі банктермен де, «Бәйтерек» тобы ішіндегі басқа қаржы институттарымен де жұмыс істейді. Бұл ретте қолдау құралдары бизнестің локализациялау, индустрияландыру және инвесторларды тарту жөніндегі міндеттемелеріне айырбас ретінде ұсынылады.Тұрғын үй құрылысын дамытуМоноқалаларда, шағын қалаларда және облыс орталықтарында тұрғын үймен қамтамасыз ету жөніндегі жобаларды іске асыру жұмыстың маңызды бағыты болады. Бұл халықтың тұрғын үй жағдайларын жақсартып қана қоймайды, сонымен қатар кадрлардың жергілікті жерде тұрақтап қалуын ынталандырады. Әсіресе, ол биылғы Жұмысшы мамандықтары жылы аясында маңызды.2025 жылы ҚР Премьер-министрі Олжас Бектеновтің тапсырмасы бойынша жұмысшы мамандықтар: өнеркәсіп, энергетика, көлік, ауыл шаруашылығы және су ресурстары мамандықтарына бағытталған «Наурыз жұмыскер» жаңа ипотекалық бағдарламасы іске қосылды.Бағдарламаның негізгі параметрлері:72 млрд теңге сомасына 2 440 қарыз;Өтінімдерді қабылдауды бастау – 2025 жылғы 17 наурыз;Жеңілдетілген ипотекаға қол жеткізуді кеңейте отырып, «Наурыз жұмыскер» бағдарламасын «Наурыз» бағдарламасына енгізу.«Бәйтерек» холдингі жергілікті әріптестерді тұрғын үймен қамтамасыз ету жөніндегі бағдарламаларды, оның ішінде «Қазақстан Тұрғын үй компаниясы» АҚ тетіктері арқылы іске асыруға белсенді түрде тартуда. Бірлескен жобалар тұрғын үй мәселелерін шешіп қана қоймай, өңірлерде білікті кадрлардың тұрақтап қалуына көмектеседі.Бұл бастамалар экономиканың теңгерімді дамуын және Қазақстанның стратегиялық басымдықтарына сәйкес келетін тұрақты қаржы жүйесін құруды қамтамасыз етеді.Ақпарат көзі : https://www.gov.kz/memleket/entities/economy/press/news/details/943344

Қазақстан Республикасы Үкіметінің қаулысымен Азамат Кеменгерұлы Әмрин Қазақстан Республикасының ұлттық экономика бірінші вице-министрі қызметіне тағайындалды. Бұл туралы Үкіметтің Баспасөз қызметі хабарлайды.1973 жылы Солтүстік Қазақстан облысында дүниеге келген. Ақмола ауыл шаруашылығы институтын, М. Қозыбаев атындағы Солтүстік Қазақстан мемлекеттік университетін бітірген.Еңбек жолын 1989 жылы Корнеев кеңшарында жұмысшы болып бастаған.1997 жылдан 2008 жылға дейін Солтүстік Қазақстан облысы Салық комитетінде түрлі лауазымдарда қызмет атқарды.2008–2011 жылдары — СҚО Шал ақын ауданының әкімі 2011–2012 жылдары — «Амрин К. К.» шаруа қожалығының менеджері2013–2020 жылдары — ҚР Ұлттық экономика министрлігі Салық және кеден саясаты департаменті директорының орынбасары, директоры.2020 жылдан бастап қазіргі уақытқа дейін — ҚР ұлттық экономика вице-министрі.Ақпарат көзі : https://www.gov.kz/memleket/entities/economy/press/news/details/943628

Елдің рейтингін қолдайтын негізгі факторлар ықтимал сыртқы тәуекелдер үшін жеткілікті резервтерді қамтамасыз ететін қуатты фискалдық және сыртқы баланстар болып қала береді.Агенттік сарапшылары елдің өтімді сыртқы активтері сыртқы борыштан едәуір асып түседі деп болжап отыр.S&P мұнай өндірудің жоспарланған өсуі және Теңіз мұнай кен орнындағы қуаттылықтардың кеңеюі экономикалық өсімге оң әсер ететінін атап өтті.Басылымда Қазақстанның орта мерзімді фискалдық траекториясы фискалдық ережелердің сақталуына байланысты болатындығы атап өтілді. Салық базасын кеңейту және ҚР Ұлттық қорынан қосымша трансферттерді шектеу бюджет тапшылығын азайтуға мүмкіндік береді деп күтілуде.Сондай-ақ S&P Қазақстанның банк секторын геосаяси және макроэкономикалық тәуекелдерге тұрақтылығын атап өтті. Сарапшылардың пікірінше, екінші деңгейлі банктердің капитал қоры мен тұрақты өтімділігі жеткілікті.Ақпарат көзі : https://www.gov.kz/memleket/entities/economy/press/news/details/943794

Алматыда «Алматы Дарыны» орталығының 2024 жылғы жұмысының қорытындылары жарияланды. Бұл туралы Алматы қаласының өңірлік коммуникациялар қызметінің баспасөз конференциясында орталық директоры Гулнұр Каримғажы мәлімдеді.«Жыл бойы орталық 200-ден астам зияткерлік олимпиада мен байқау ұйымдастырып, оларға 250 мыңнан астам оқушы қатысты. 2024 жылы Алматының 894 оқушысы 32 халықаралық олимпиада мен байқауға қатысып, олардың 604-і жеңімпаз және жүлдегер атанды», – деді спикер.Оның айтуынша, халықаралық олимпиадаларда Қазақстан құрамасы сапында Алматының 4 оқушысы өнер көрсетіп, барлығы күміс медаль жеңіп алған. Ал республикалық жарыстарда қала командасы 63 медаль иеленіп, «Үздік олимпиадалық команда – 2024» атағына ие болды.Алматылық оқушылар олимпиадаларда ғана емес, робототехника саласында да жоғары жетістіктерге жетуде. 2024 жылы қала командасы АҚШ-тың Даллас қаласында өткен чемпионатта үздік 10-дыққа енді. Бұдан бөлек, алматылықтар Женевада (2022), Сингапурда (2023) және Афинада (2024) үш рет әлем чемпионы атанған.«Біз – 140-гимназия мектебінің Uly Dala командасымыз! Біздің робототехникадағы жолымыз 2022 жылы First Lego League турнирінен басталды, ал уақыт өте келе First Tech Challenge деңгейіне өттік. Қазір біз жарыстарға қызу дайындалып, барлық бос уақытымызды стратегияларды жетілдіруге, механизмдер мен бағдарламалауды дамытуға арнаудамыз», – деді команда мүшесі Айханым Шамшадин.«Sana Team» командасының капитаны Смаил Дарын да өз жетістіктерімен бөлісті: «Біз робототехникамен екі жылдан астам уақыт айналысып келеміз. Осы уақыт ішінде Австралия, Кипр, Үндістан және Қырғызстан сияқты елдерде болдық, Қазақстан атынан беделді марапаттарға ие болдық. Қазір біз Хьюстондағы әлемдік жарыстарға дайындалып жатырмыз және жоғары нәтиже көрсетеміз деп үміттенеміз».Айта кетейік, Алматыда Орталық Азиядағы ең ірі робототехника чемпионаты – су ресурстары мәселесіне арналған Almaty Tech Cup өтеді. Жеңімпаздар Қазақстанды халықаралық аренада таныстыру мүмкіндігіне ие болады.Ақпарат көзі : https://www.gov.kz/memleket/entities/almaty/press/news/details/943514

Орталық коммуникациялар қызметінде өткен брифинг барысында Қазақстан Республикасы Экология және табиғи ресурстар министрлігінің 2024 жылғы қызметінің қорытындылары туралы вице-министрлер Ж.Әлиев пен Н.Шәрбиев баяндады. Ж.Әлиевтің  сөзінше: «2024 жылдың қорытындысы бойынша еліміздегі ең ірі 50 өнеркәсіптік кәсіпорындағы I-санаттағы объектілер арасында зиянды шығарындылардың 6% төмендеуіне қол жеткізілді. Алдағы уақытта ЕҚТ енгізе отырып, кешенді экологиялық рұқсаттарға көшуге байланысты эмиссиялардың одан әрі төмендеуі күтілуде».Ол сондай-ақ өңірлердің экологиялық проблемаларын кешенді шешу бойынша Жол карталарын іске асыру барысы, қоршаған ортаға эмиссияларды мониторингілеудің автоматтандырылған жүйелерін (АЖМ) орнату, климаттық саясат мәселелері, экологиялық заңнаманы сақтау жөніндегі тексерулердің қорытындылары, ЕсoQoldaý жаңғырту және пайдаланудан шыққан көлік құралдары мен өздігінен жүретін ауыл шаруашылығы техникасын бағдарламаларын (ВЭТС және ВЭССХТ) кәдеге жарату, сондай-ақ «Таза Қазақстан» экологиялық акциясын өткізу туралы және т.б. турасында айтты.Вице-министр Н.Шәрбиев өз баяндамасында іс-шараға қатысушыларды еліміздің орман қорына 2 млрд. ағаш отырғызу жөніндегі Мемлекет басшысының тапсырмасының іске асырылу барысы жайында, сонымен қатар Арал теңізінің құрғаған табанына (ОДАМ) жасыл желектерді отырғызу, алдағы жылға отырғызу материалымен қамтамасыз ету, ормандарды өрттен қорғау, табиғат қорғау мекемелерін техникалық жарақтандыру, өрттерді ерте анықтау жүйелерін орнату, экологиялық туризмді дамыту, жануарларды  қайта жерсіндіру және қорғау сынды тақырыптарды қозғады.Сондай-ақ, спикерлер алдағы кезеңге арналған жоспарларын айтып, БАҚ өкілдерінің сұрақтарына жауап берді.   Ақпарат көзі : https://www.gov.kz/memleket/entities/ecogeo/press/news/details/943730

Бүгін Экология және табиғи ресурстар министрлігінің кеңейтілген алқа отырысы өтті.Министрлік жетекшілік ететін салалардың өткен жылғы жұмыс қорытындылары мен алдағы жоспарларын талқыланды.Алқа отырысына Қазақстан Республикасы Премьер-Министрінің бірінші орынбасары Р. Скляр, Парламент депутаттары, Президент Әкімшілігінің, Үкімет Аппаратының, мемлекеттік органдардың өкілдері, өңір әкімдіктері, Министрліктің Қоғамдық кеңесінің мүшелері мен Министрлікке қарасты ұйымдар қатысты.Алқа отырысында Министрліктің 2024 жылғы жұмыс қортындылары аталып өтті: Президент Жарлығымен «жасыл экономикаға» көшу тұжырымдамасы өзектендірілді, оны іске асыру жөніндегі іс-шаралар жоспары Үкімет қаулысымен бекітілді, Жасыл экономиканың 9 бағыты бойынша 103 іс-шара қарастырылды.Үкімет қаулысымен Экологиялық мәдениетті дамытудың 2024 – 2029 жылдарға арналған «Таза Қазақстан» тұжырымдамасы бекітілді.Өткен жылы экологиялық жобаларды қаржыландыруды қамтамасыз ету үшін қолдау күшейтілді.Өнеркәсіпті дамыту қоры арқылы өңдеуші өнеркәсіп саласында қоршаған ортаның жай-күйін жақсартуға бағытталған экологиялық жобаларды жүзеге асыру үшін 120 млрд. теңгеден астам қаражат бөлінді.Қалдықтарды жинау және қайта өңдеумен айналысатын арнайы кәсіпорындарға төлем жасауға арналған «EcoQoldau» бағдарламасы қайта іске қосылды.Орман шаруашылығы мекемелерінің машина-трактор паркін жаңарту жалғастырылды.2023-2024 жылдары шамамен 2 мың бірлік техника мен 4 мың бірлік жабдықты сатып алуға шамамен 68 млрд. теңге бөлінді.Мұндай ауқымды жаңарту тәуелсіздік жылдарында алғаш рет жүзеге асып жатқанын атап өткен жөн.2025 жылы да Министрліктің алдында маңызды міндеттер тұр.Біріншіден, Президенттің «Таза Қазақстан» бастамасы Қазақстан халқы тарапынан жоғары деңгейде қолдау табуда.Осы жылы 2024 жылдың қорытындысын салтанатты түрде атап өту мақсатында «TazaLike» фестивалін Астана қаласында өткізу жоспарлануда.Екіншіден, өткен жылғы кемшіліктерді ескере отырып, қатты тұрмыстық қалдықтарды басқару саласындағы инвестициялық жобаларды іске асыру күшейтіледі.Ағашты терең өңдеу бойынша инвестициялық жобаларды жедел жүзеге асыру және олардың инвестициялық тартымдылығын арттыру мақсатында биылғы қаңтар айында өткен Инвестициялық штаб отырысында аукцион өткізбей-ақ инвесторлармен шарт жасасу тәртібі қабылданды.Тағы бір маңызды бағыт – сирек кездесетін және жойылу қаупі бар жануарларды сақтау.Өткен жылы Тұран жолбарысы мен Пржевальский жылқысын қайта жерсіндіру жобалары басталды.Сондай-ақ, Ресей Федерациясымен шекарада киіктердің еркін қоныс аударуы үшін экологиялық дәліздер құру және көші-қон жолдарын қалыптастыру жұмыстары жүргізілуде.24 мемлекеттік орман иеленушінің аумағында ерте анықтау жүйесін енгізу, жабық тамыр жүйесі бар отырғызу материалын өсіруді масштабтау жұмыстарын бастау, лизингтік қаржыландыру шеңберінде өртке қарсы техникаларды сатып алуды аяқтау, Семей Орманы резерваты үшін ағаш дайындау техникасын сатып алу, Ақкөл орман шаруашылығы базасында орман шаруашылығы қызметкерлері үшін өңірлік білім беру орталығын ашу бойынша жұмыстарды бастау, Қызылорда қаласында Қазақ орман шаруашылығы ғылыми институтын филиалын ашу, Ерекше қорғалатын табиғи аумақтарда құру және кеңейту жөніндегі жұмыстарды жалғастыру, 3 Ерекше қорғалатын аумақты 648 мың гектарға кеңейту.Сондай-ақ, «Жасыл даму» АҚ бірлесіп, 6 ұлттық паркте «Таза туризм» жобасын іске асыруды жалғастыру, 6 Ерекше қорғалатын табиғи аумақтарда Бақылау өткізу пункті автоматтандыруды жүргізу, қолма-қол ақшамен төлеуді болдырмау.Келесі маңызды мәселе – Министрлік қадағалайтын бағыттар бойынша заңнаманы жетілдіру. Қазіргі уақытта Мәжілісте Парламент депутаттары мен Үкімет бастамашы болған ауқымды түзетулер қаралуда.Алқа отырысы аяқталғаннан кейін бұқаралық ақпарат құралдарына арналған Орталық коммуникациялық қызметінде брифинг өткізілді.Ақпарат көзі : https://www.gov.kz/memleket/entities/ecogeo/press/news/details/943749

2025 жылғы 28 ақпанда ҚР Экология және табиғи ресурстар министрі Е. Нысанбаев Ақмола облысының тұрғындарымен кездесу өткізеді.📍 Кездесудің өтетін орны мен уақыты қосымша хабарланады.📩 Сіз өз сұрақтарыңыз бен ұсыныстарыңызды министрмен кездесу барысында қоя аласыз немесе келесі байланыс арналары арқылы жібере аласыз:📱 WhatsApp: 8 (701) 100-44-66📧 Электрондық пошта: s.koblashov@ecogeo.gov.kz📌 Жеке қабылдауға жазылу 2025 жылғы 25 ақпанға (қоса алғанда) дейін жүргізіледі. Жазылу үшін 8 (701) 100-44-66 нөміріне хабарласуыңызды сұраймыз.Барша азаматтарды белсенді қатысуға және ҚР Экология және табиғи ресурстар министріне өз сұрақтарын қоюға шақырамыз!Ақпарат көзі : https://www.gov.kz/memleket/entities/ecogeo/press/news/details/942502

2025 жылдың 20 ақпанында Қазақстан Республикасының Ұлттық экономика министрлігі Мәжіліске салық кодексінің жобасына түзетулер пакетін енгізді. Өзгерістер салықтық әкімшілендіруді жетілдіруге бағытталған.Негізгі түзетулер мыналарды қамтиды:Қосылған құн салығы бойынша міндетті тіркеу шегін төмендету –20 000 МРП (78,6 млн теңге) 3 800 МРП (15 млн теңге) дейін;Қосылған құн салығының мөлшерлемесін арттыру – 12%-дан 16%-ға дейін, бұған қоса бірқатар салалар үшін төмендетілген мөлшерлеме 10% белгіленеді;Жеңілдетілген декларация бойынша арнайы салық режимін қолдануды шектеу – тек B2C сегментіне (бизнес түпкілікті тұтынушылар үшін) қолжетімді болады.Ақпарат көзі : https://www.gov.kz/memleket/entities/economy/press/news/details/942558

Қытай Халық Республикасына жұмыс сапары аясында Алматы әкімі Ерболат Досаев Шанхай мүгедектер федерациясының төрағасы Ду Сунцюанмен кездесті. Кездесу Шанхайдағы Sunshine 201 мүгедектігі бар адамдарды жұмысқа орналастыру орталығында өтті, ол ерекше қажеттіліктері бар адамдарға жұмысқа орналастыру, кәсіптік оқыту, кеңес беру және бизнес-инкубация бағдарламаларына қатысу қызметтерін ұсынатын көпфункционалды платформа болып табылады. Сонымен қатар, орталықта жыл сайын ерекше қажеттіліктері бар адамдарға оңалту және медициналық көмек көрсетіледі. Соңғы жылдары орталықта оңалту қызметтерінің тиімділігі 90% - дан астамға жетті.Ерболат Досаев Шанхай мүгедектер Федерациясының ерекше қажеттіліктері бар адамдар үшін заңнаманы және инфрақұрылымды жетілдіру, жұмысқа орналасу тәсілдері, жұмыс орындарын квоталау тетіктері және қызметтерді автоматты түрде іріктеу үшін жасанды интеллектті пайдалану бөлігіндегі жұмыс тәжірибесі Алматы үшін ерекше қызығушылық тудыратынын атап өтті.Кездесу қорытындысы бойынша тараптар екіжақты ынтымақтастық аясында Алматыда инклюзивті ортаны дамыту жөніндегі бірлескен жоспарды әзірлеу ықтималдығын талқылады. Бұл ерекше қажеттіліктері бар адамдарды әлеуметтік қолдау, оңалту және жұмысқа орналастыру бойынша жаңа жобаларды табысты іске асыруға мүмкіндік береді.Айта кетерлігі, Алматы әкімдігі жұмысындағы басымдықтардың бірі инклюзивті ортаны құру, барлық тұрғындар үшін олардың физикалық мүмкіндіктеріне қарамастан оқуда, жұмысқа орналасуда және әлеуметтік бейімделуде тең мүмкіндіктер беру болып табылады. Қалада ерекше қажеттіліктері бар 56 мың адам тіркелген. Шанхайда 2024 жылы ерекше қажеттіліктері бар 613 100 адам тіркелген және сертификатталған. Ақпарат көзі : https://www.gov.kz/memleket/entities/almaty/press/news/details/942488

Алматыда «Таза Қазақстан» бағдарламасы аясында көліктің экологиялық таза түрлері үшін инфрақұрылымды дамыту жалғасуда. Биыл қалада 20 шақырымға жуық веложол салу жоспарлануда.Қалалық мобилділік басқармасының хабарлауынша, 2024 жылы қалада Сайын - Мөңке би жолайрығын салу аясында 2,4 шақырым веложол жабдықталды.«Ағымдағы жылы Абай даңғылын қала шекарасына дейін және Саин көшесін Рысқұлов даңғылынан Мөңке би көшесіне дейін ұзарту аясында 7,2 км жайластыру жоспарлануда. Сондай-ақ, Райымбек батыр даңғылы бойынша BRT желісін салу аясында шамамен 15 км-ді жабдықтау жоспарлануда. Жалпы, велоинфрақұрылымды жүйелі дамыту 2030 жылға дейінгі Көлік қаңқасының мастер-жоспарында көзделген», - деп атап өтті басқарма.Бүгінгі таңда қалада 89 км велоинфрақұрылым (веложолақтар – 25,15 км, веложолдар – 63,8 км), 73 бағдаршам нысаны, велопайдаланушыларға қызмет көрсетуге бағдарланған 1025 жол белгісі жабдықталған. Айта кету керек, веложолдар желісін дамыту тұрғындарға балама жолдарды ұсына отырып, қалалық инфрақұрылымды жақсартуға ықпал етеді. Бұл ауаның газдану деңгейін төмендетіп қана қоймайды, сонымен қатар жолдардағы көліктердің санын азайтады, қаладағы жалпы көлік жағдайын жақсарта отырып, кептелістерді азайтуға мүмкіндік береді.Ақпарат көзі : https://www.gov.kz/memleket/entities/almaty/press/news/details/942498

Алматы әкімі Ерболат Досаев ҚХР-ға жұмыс сапары барысында Цзясин қаласында (Шанхай маңында) орналасқан SUS Environment тұрмыстық қатты қалдықтарды қайта өңдеу зауытына барды.Shanghai SUS Environment – экология және энергетика саласындағы кешенді қызметтерді ұсынатын әлемдік жетекші компания. Ол қалдықтарды энергияға айналдыру бойынша әлемдік нарықта көш бастап тұр. 2008 жылы негізі қаланған компанияның Қытай, Вьетнам, Бангладеш, Тайланд, Малайзия, Индонезия, Филиппин және Өзбекстан елдерінде қоқыс өңдеу зауыттары бар. Бүгінде компанияда 3,5 мыңнан астам қызметкер жұмыс істейді, 10 халықаралық басқару орталығы мен 1 жаһандық өндірістік орталыққа ие.SUS Environment зауыттарының басты ерекшелігі – заманауи дыбыс оқшаулау және ауа сүзгілеу жүйелерімен жабдықталуы. Бұл технология шу деңгейін барынша азайтып, жағымсыз иістерді жояды.Сонымен қатар, зауыттардың айналасында жасыл аймақтар, көгалдар және ағаштар отырғызылып, жергілікті тұрғындар үшін қолайлы экологиялық орта қалыптастырады.Компанияның тең құрылтайшысы әрі операциялық директоры Чжу Сяопин Алматы әкімі Ерболат Досаевқа SUS Environment қалдықтарды өңдеу станцияларының энергия өндіру тиімділігі 26%-ға жеткенін айтты. Бұл орташа салалық көрсеткіштерден жоғары және Қытай мен Еуропаның экологиялық стандарттарына сәйкес келеді.SUS Environment – қалдықтарды энергияға айналдыру технологиялары мен жабдықтарын жеткізуші №1 компания. Ол 287 қоқыс өңдеу зауытына қолданылатын 273 патентке ие. Сонымен қатар, эко-индустриалды парктерді дамытуға инвестиция салатын әлемдегі ең ірі үш компанияның бірі. Бүгінде компания 84 жобаны іске асырып, күніне 110 мың тонна қалдық өңдеу қуатына және жылына 18 млрд кВт/сағ электр энергиясын өндіруге қол жеткізді. Бұл энергия 2,65 млн шаршы метр аумақты жылытуға мүмкіндік береді.Қазіргі уақытта компания SUS 4.0 жаңа технологияларын әзірлеу және енгізу жұмыстарын жүргізуде. Бұл бастама қалдықтарды энергияға айналдыру кезінде көміртек шығарындыларын ақылды басқару және жылуды тиімді пайдалану технологияларын қамтиды. Сондай-ақ, онлайн мониторинг жүйесі, көміртекті ұстау технологиясы және интеллектуалды басқару жүйесі енгізілмек.Кездесу соңында тараптар екіжақты серіктестікті дамыту және өзара ынтымақтастық орнату жөнінде келісімге келді.Ақпарат көзі : https://www.gov.kz/memleket/entities/almaty/press/news/details/942513

21 ақпанда Алматыда қала әкімі кубогына арналған «Almaty Tech Cup - 2025» халықаралық инженерия және робототехника чемпионаты басталады, деп хабарлады өңірлік коммуникациялар қызметінің баспасөз конференциясында «Алматы Дарыны» орталығының директоры Гүлнұр Каримғажы.Бұл Орталық Азиядағы ең ауқымды турнир, оған 3 мыңнан астам қатысушы, соның ішінде Қазақстан, Үндістан, Түркия, Моңғолия, Түрікменстан, Қырғызстан және Өзбекстаннан келген 20 шетелдік команда қатысады.«Бұл беделді жарыс жас инженерлер, бағдарламашылар және өнертапқыштар үшін аса маңызды шара. Қатысушылар тек сайысқа түсіп қана қоймай, түрлі интерактивті іс-шараларға, инженерлік квесттерге қатысып, жүлделер мен естелік сыйлықтарға ие бола алады», – деді ол.Оның айтуынша, чемпионат 2014 жылдан бері өткізіліп келеді. Осы уақыт ішінде қатысушы командалар саны 20-дан 400-ге дейін артқан. Қазақстандық оқушылар халықаралық аренада жоғары нәтижелер көрсетіп келеді. Мысалы, АҚШ-та өткен чемпионатта Алматы құрамасы 80 команданың ішінен үздік 10-дыққа енді. Сонымен қатар, 2022 жылы Женевада, 2023 жылы Сингапурда, 2024 жылы Афинада Қазақстанның жас инженерлері әлемдік алтын жүлдеге ие болды.2025 жылғы чемпионат робототехника, инженерия және дрон жарыстарын қамтиды, олардың ішінде Aspan Cyber Race, Aspan Drone Competition, Aspan Whoop Race және Aspan Drone Race бар. Қатысушылар First Lego League (4-16 жас) және First Tech Challenge (16-18 жас) бағыттары бойынша өз шеберліктерін көрсетеді.Бас жүлде – Алматы қаласы әкімінің кубогы, ол барлық байқауларда ең көп ұпай жинаған үздік командаға табысталады. Жеңімпаздар тек кубокпен ғана шектелмей, еліміздің үздік университеттерінен білім гранттарына да ие бола алады.Ақпарат көзі : https://www.gov.kz/memleket/entities/almaty/press/news/details/942544

Үкіметте вице-премьер – ұлттық экономика министрі Серік Жұманғариннің төрағалығымен «AMANAT» партиясының 2023-2027 жылдарға арналған «ХАЛЫҚПЕН БІРГЕ!» сайлауалды бағдарламасының орындалуы бойынша жол картасын іске асыру жөніндегі штаб отырысы өтті. Жол картасы азаматтардың әл-ауқатын экономикалық және әлеуметтік дамытудың 10 бағытынан тұратын 205 шараны қамтиды. Ұлттық экономика вице-министрі Азамат Әмрин атап өткендей, 2024 жылы макроэкономикалық көрсеткіштердің оң динамикасы байқалады. Өңдеу өнеркәсібінде 1,3 трлн теңгеге 180 инвестициялық жоба іске асырылып, бұл сектордың 6%-ға өсуін қамтамасыз етті. 11 айдың дерегіне қарағанда, тауар айналымы көлемі қазақстандық тауар экспортының 2,8%-ға ($73,9 млрд) өсуімен $127,5 млрд құрады. Инфляция қарқыны 2023 жылғы 9,8%-дан 8,6%-ға дейін бәсеңдеді. 12 айдағы негізгі капиталға салынған инвестиция көлемі 19,4 трлн теңге. Бұл 2023 жылмен салыстырғанда, 7,5%-ға артық. Азамат Әмрин қол жеткізілген оң нәтижелер Жол картасын жүйелі іске асырудың арқасында мүмкін болғанын атап өтті.Азаматтарға әлеуметтік қамқорлық бағыты бойынша былтыр әскери және медицина қызметкерлерінің жалақысы 40%-ға, мәдениет және мұрағат ісі қызметкерлеріне 20%-ға, мемлекеттік балық өсіру кәсіпорны саласында 80%-ға, азаматтық қызметшілердің жекелеген санаттарына 71%-ға өсті. Базалық зейнетақы төлемі мен жәрдемақыны 7%-ға, ынтымақты зейнетақыны 9%-ға индекстеу жүргізілді. Базалық зейнетақының ең төменгі мөлшері 60%-дан 65%-ға дейін, ал ең жоғары мөлшері ең төменгі күнкөріс деңгейінің 100%-ынан 105%-ға дейін ұлғайтылды. Мектепке дейінгі 78 мың орындық 641 ұйым ашылып, 375 мың орындық 254 мектеп пайдалануға берілді. Шағын қалаларда, аудан орталықтары мен ауылдарда 1 000 мектепті жаңғырту аяқталды. Халықты сапалы медициналық қызметпен қамту үшін 2 инсульт орталығы мен 4 коронарлық араласу орталығы ашылды. «Өз баспанасы және жайлы инфрақұрылымның болуы» төртінші бағыты шеңберінде сапалы тұрғын үйдің қолжетімділігін арттыру үшін шамамен 19 млн шаршы метр тұрғын үй пайдалануға берілді.Ауылда тұрақты экономикалық өсуді қамтамасыз ету үшін «Ауыл аманаты» жобасы бойынша 6,5 млрд теңге сомасындағы 580 шағын кредит беріліп, 744 жұмыс орны құрылды. «Ауыл – ел бесігі» шеңберінде 500 ауылдық елді мекенде 200 млрд теңге сомасындағы 1,4 мың жоба іске асырылды.Отырыста атап өтілгендей, соңғы екі жылда Үкімет пен «AMANAT» партиясы фракциясы мүшелерінің бірлескен күш-жігерінің арқасында әлеуметтік-экономикалық дамуға және азаматтардың әл-ауқатын арттыруға елеулі ықпал еткен 143 іс-шара іске асырылды. Дегенмен іс-шараның бір бөлігі былтырғы су тасқыны, бюджет тапшылығы және басқа да объективті себептердің салдарын жоюға байланысты орындалған жоқ. Отырыста барлық орындалмаған іс-шараны іске асырудың мүмкіндігі егжей-тегжейлі талданды. Жиынды қорытындылай келе, вице-премьер жауапты мемлекеттік органдарға осы іс-шараларды бақылауға алып, оларды тиімді шешу жолын айқындауды тапсырды. Ақпарат көзі : https://www.gov.kz/memleket/entities/economy/press/news/details/942389

«Алатау» дәстүрлі өнер театры көрермендерге жаңа қойылымдар дайындауда. Олардың қатарында ұлы ақын, философ Абай Құнанбайұлының 180 жылдығына және көрнекті композитор Нұрғиса Тілендиевтің 100 жылдығына арналған спектакльдер бар. Сондай-ақ, алдағы премьералардың бірі – мәңгілік махаббат туралы аңызға айналған оқиғаны баяндайтын «Естайдың Қорланы» музыкалық драмасы. Бұл қойылымдардың тұсаукесері 2025 жылдың күзіне жоспарланған.Қазіргі VIII маусымда театр репертуары төрт жаңа қойылыммен толықты: «Mamluk. Сұлтан Бейбарыс» саундрамасы, QULAN феериясы, Alatau FM radiosy музыкалық комедиясы және қазақтың әйгілі композиторы, ақыны, айтыс шебері Біржан сал Қожағұлұлының әндеріне негізделген «Теміртас» реквием-спектаклі.«Театр репертуарынан қызықты саундрамаларды, жарқын феерияларды, музыкалық комедияларды және реквием-спектакльдерді көруге болады. Бұл батыл эксперименттер біздің труппамызға жаңа көкжиектерді ашып, көрермендерге ерекше театрлық әсер сыйлайды, дәстүрлі театрдың шекарасын кеңейтеді. Айта кетерлігі, өткен жылы театр сахнасында 50-ден астам қойылым қойылып, көрермендер көбейіп, мазмұнды мәдени бағдарлама жасалды. Жалпы, 2024 жылы біздің спектакльдерімізді 62 мың адам тамашалады – бұл соңғы үш жылдағы рекордтық көрсеткіш», – деп мәлімдеді театр директоры Мақсат Нұралиев Өңірлік коммуникациялар қызметінің брифингінде.«Алатау» театрының қойылымдары 20-дан астам ұлттық аспапта шебер ойнайтын «Алатау» этно-фольклорлық ансамблінің жанды сүйемелдеуімен өтеді. Труппа құрамында «Алатау» би ансамблі, ақындар, дәстүрлі ән орындаушылары мен талантты актерлер бар.Ақпарат көзі : https://www.gov.kz/memleket/entities/almaty/press/news/details/938803