Ауыл шаруашылығы вице-министрі Аманғали Бердалиннің төрағалығымен ҚР АШМ-де мал шаруашылығы мен ветеринарияны дамыту мәселелері бойынша кеңес өтті.Жиынға Ветеринариялық бақылау және қадағалау комитетінің, ҚР АШМ Мал шаруашылығы департаментінің, облыстық ауыл шаруашылығы және ветеринария басқармаларының басшылары қатысты.Кеңестің негізгі тақырыптары өңірлердегі қыстау барысы, жем-шөп өндірісін дамыту жөніндегі Жол картасын өзектендіру, ветеринарияны цифрландыру және басқа да мәселелер болды.«Қысқы қорада ұстау дұрыс ұйымдастырылған жағдайда мал шаруашылығының негізгі көрсеткіштерін орындау қамтамасыз етіледі. Кейбір өңірлерде табиғи-климаттық жағдай қолайсыз болып тұр. Осындай кезеңде басты міндетіміз – мал басының азаюына жол бермеу», – деді вице-министр.Мал шаруашылығы департаментінің директоры міндетін атқарушы Бағлан Аймырзаевтың айтуынша, әкімдіктердің мәліметіне сәйкес, барлық өңірлер шөп, сүрлем, пішендеме, сабан және құрама жеммен толық қамтамасыз етілген, жем-шөп қорының қалған көлемі 65%-ды құрайды. Бұл мал басының сақталуын қамтамасыз ету үшін жеткілікті.Ветеринариялық бақылау және қадағалау комитетінің төрағасы Қазбек Тәшімов ауыл шаруашылығы жануарларын карантиндеу, экспортқа шығаруды бақылау үшін жаңа функционалды енгізу шаралары туралы баяндады.2024 жылы өңірлерде 220-дан астам мал қорымы, ветеринариялық және сою пункттері салынды, 8 инсинератор сатып алынды.Қазіргі уақытта «Ветеринариялық-санитариялық сараптама» модулі барлық облыстар мен республикалық маңызы бар қалаларда пилоттық режимде іске асырылып жатыр, ал 2025 жылғы наурыздың соңында толық көлемде іске қосылады.Жиын қорытындысы бойынша Аманғали Бердалин жергілікті атқарушы органдарға қыстауды ұйымдастыру және аурулардың алдын алу бойынша шаруашылықтармен түсіндіру жұмыстарын күшейтуді, ауа райының қолайсыздығы жағдайында жылқыларды мұз қатқан жерлерден жем-шөпке қолжетімді жайылымдарға айдауды ұйымдастыруды, сондай-ақ мал шаруашылығының индикативтік көрсеткіштерін орындауды және жалпы өнім көлемін екі есе арттыру жөніндегі Жол картасы аясында жұмыстарды қамтамасыз етуді тапсырды.Ақпарат көзі : https://www.gov.kz/memleket/entities/moa/press/news/details/932276

Мал және құс шаруашылығы кәсіпорындарының жемшөп базасын құруға қолдау көрсету мақсатында «Азық-түлік келісім шарт корпорациясы» жемдік астықты сатуға дайын. Мемлекеттік оператор тұрақты жұмыс істейтін 200 мың тонна астық көлеміндегі жемдік қорды қалыптастырды.Жемшөп сатып алу үшін фермерлер жергілікті атқарушы органдарға жүгінуі керек, олар сатып алушылардың тізімін қалыптастырады және Азық-түлік келісім-шарт корпорациясына жем сатып алуға өтінімдер жібереді. Жемдік астық шаруашылықтарға белгіленген бағамен сатылады. Шикізатты жөнелту Ақмола, Қостанай және Солтүстік Қазақстан облыстарының элеваторларынан жүргізіледі.2022 жылдан бастап ішкі нарықты қолжетімді азықпен қамтамасыз ету үшін Азық-түлік келісім-шарт корпорациясы маусымаралық кезеңде мал шаруашылықтарына беретін жемдік астықтың резервтік қорын құрады. 2024 жылы астық операторы кәсіпорындарға 120 мың тонна жемдік бидай жөнелтті.Естеріңізге сала кетейік, ақпан айы мал өсірушілер үшін ең қиын айлардың бірі болып қала береді, өйткені оның климаттық сипаттамалары мен айналым ерекшеліктері қаңтарға өте жақын.Ауа-райына назар аударуды және шалғайдағы малдың қыстауын қамтамасыз ету үшін қажетті шараларды қабылдауды сұраймыз.Ақпарат көзі : https://www.gov.kz/memleket/entities/moa/press/news/details/932336

Сіздердің назарларыңызға Григорий Алексеевич Селивановты ұсынамыз.Григорий Алексеевич 76 жаста, оның 49 жылдық өмірі ауыл шаруашылығы өндірісімен тығыз байланысты.Шығыс Қазақстан облысында жұмыс істейтін «Березовское» шаруа қожалығын басқармас бұрын, ол еңбек жолында көптеген қиындықтарды еңсерді: экспедитор, жем цехының меңгерушісі, МТМ механигі, партия комитетінің хатшысы, сондай-ақ Калинин атындағы колхоздың ең ірі шаруашылықтарының бірінің төрағасы болды.Көп жылдық еңбегінің нәтижесінде Григорий Алексеевич өз ісін жетік меңгерген, жұмыс барысын тиімді ұйымдастыра алатын және еңбек тәртібін сақтауды қамтамасыз ететін білікті басшы ретінде танылды. Оның мол тәжірибесі мен терең білімі түрлі мәселелерді шешуде тың әрі оңтайлы жолдарды табуға көмектеседі.Григорий Селиванов үлкен беделге ие, жинақтаған білімі мен тәжірибесін жастарға үйретуден жалықпайды.Ол – «Ауданның құрметті азаматы», сондай-ақ мемлекеттік марапаттардың, құрмет грамоталарының және түрлі мемлекеттік әрі қоғамдық ұйымдардың алғыс хаттарының иегері.Ақпарат көзі : https://www.gov.kz/memleket/entities/moa/press/news/details/932940

«Голдбридж халықаралық компаниясы» ЖШС өңірде жылына 144 мың тонна қант өндіретін ірі қант зауытын салу бойынша ауқымды жобаны жүзеге асыруда.Жоба ішкі нарықтағы қантқа деген сұранысты қанағаттандыруға бағытталған.Аталған көлемдегі қант өндіру үшін шамамен 900 000 тонна қызылша немесе қант құрағы шикізаты қажет болады.Инвестор атыраулық компаниямен келіссөздер жүргізді, ол қант қызылшасын өсіруге дайын.Жобаның құны – 58 млрд теңге. 200 жаңа жұмыс орны ашылады.Ақпарат көзі : https://www.gov.kz/memleket/entities/moa/press/news/details/933127

Департаментом по управлению земельными ресурсами Костанайской области КУЗР МСХ РК совместно с прокуратурой и органами внутренних дел Житикаринского района пресечен факт незаконной добычи золота на земельном участке, предназначенном для пастбища.В ходе проверки установлено, что ТОО приобрело права на земельный участок с целевым назначением «для ведения сельскохозяйственного товарного производства». Однако фактически участок использовался для нелегальной добычи драгоценных металлов путем вымывания грунта.Во время осмотра территории обнаружены спецтехника, металлоискатели и другие инструменты для незаконной добычи полезных ископаемых.Кроме того, был зафиксирован факт уничтожения плодородного слоя почвы. Департаментом был наложен штраф на сумму 2,6 млн тенге.Также ТОО обязано восстановить плодородный слой почвы, нарушенный в результате незаконных действий.Ақпарат көзі : https://www.gov.kz/memleket/entities/moa/press/news/details/933371

Көкшетауда агрономдар, сарапшылар және Қазақстан, Еуропа мен жақын шетелден келген зерттеушілерді жинаған «ТҰҚЫМ-2025» халықаралық конференциясы өтті.Сапалы тұқымдар жоғары өнімділікті қамтамасыз ететін негізгі фактор болып табылады. Өткен жылы Ақмола облысының ауыл шаруашылығы мамандары агрономиялық технологияларды қатаң сақтаудың, элиталық тұқымдардың егіс алқаптарын ұлғайтудың және мемлекеттік қолдау бағдарламаларын табысты іске асырудың арқасында айтарлықтай жетістіктерге жетті.Тұқым сұрыптау бұл үдерісте маңызды рөл атқарады. А.И. Бараев атындағы астық шаруашылығы ғылыми-өндірістік орталығы ауыл шаруашылығы дақылдарының жаңа сорттарын шығарумен белсенді айналысады. Орталық ғалымдарының еңбегінің айқын нәтижесі ретінде «Таймас» жаздық жұмсақ бидай сорты атап өтуге болады. Өткен жылы бұл сорт Қазақстанның климаттық өзгерістеріне бейімделуімен және селекциядағы инновациялық жетістіктерімен ерекшеленіп, үлкен маңызға ие болды.Конференция барысында ғалымдар мен мамандар тұқым сапасын арттыру, қазіргі заманғы селекциялық технологияларды енгізу, өңдеудің инновациялық әдістерін қолдану және өнімділікті арттыруға бағытталған сорттарды жетілдіру мәселелерін талқылады. Сондай-ақ шетелдік және отандық селекционерлер әзірлеген болашағы зор жаңа ауыл шаруашылығы дақылдарының сорттары туралы ақпарат ұсынылды.Ақпарат көзі : https://www.gov.kz/memleket/entities/moa/press/news/details/934200

«Игі істі бөліс» республикалық флешмобының алғашқы аптасында 300-ден астам қайырымдылық іс-шара ұйымдастырылып, әлеуметтік желілерде жарияланды.Акцияға елдің түкпір-түкпірінен еріктілер топтары мен ұйымдары белсенді түрде қосылды. Алматыда жергілікті кәсіпкерлер мен қолөнер шеберлері өз өнімдерін ұсынған қайырымдылық жәрмеңкесі өтті. Жәрмеңкеден түскен барлық қаражат балалар үйлеріне көмекке жұмсалды.«Jaiyk Jastary» (Орал) еріктілері коммуналдық сала қызметкерлеріне ыстық шай мен тамақ таратып, жаяу жүргіншілер жолын қардан тазалауға көмектесті. Астана мен Шымкент жастары қарттар үйінде арнайы концерттік бағдарлама ұйымдастырды.Флешмобты «Jastar Oskemen» (Шығыс Қазақстан облысы), «Zheltorangy_zhastary» (Алматы облысы) және «Biz_birgemiz_dulaty» (Тараз) еріктілер ұйымдары да қолдады.Айта кетейік, флешмобқа қатысу үшін игі іс жасау сәтін фото немесе видеоға түсіріп, #ИгіІстіБөліс және #ПоделисьДобром хэштегтерімен әлеуметтік желілерде бөлісу жеткілікті. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/931481

Бүгін, 5 ақпанда, Қазақстан делегациясы Мәскеуде өткен БРИКС елдерінің креативті индустриялар саммитіне қатысты.Алаң Бразилия, Ресей, Үндістан, Қытай, Оңтүстік Африка және 2025 жылдан бастап ұйымның серіктес елдерінің бірі болатын Қазақстан өкілдерін біріктірді.Саммит аясында «Жаһандық трансформация кезеңіндегі креативті индустриялар» атты пленарлық отырыс өтті, оған ҚР Мәдениет және ақпарат вице-министрі Евгений Кочетов қатысты.Ол әріптестеріне Қазақстанда креативті индустриялардың дамуы мен бұл секторды мемлекеттік қолдау шаралары туралы айтып берді. Сондай-ақ, ол БРИКС аясындағы ынтымақтастық креативті экономиканы одан әрі нығайтуға ықпал ететініне сенім білдірді.Қазақстандық делегация құрамында креативті секторды қадағалайтын жергілікті атқарушы органдардың өкілдері мен креативті хабтардың басшылары да болды.Халықаралық кездесудің мақсаты – креативті сектордың экономикалық әлеуетін талқылау және дамыту, нетворкинг пен тәжірибе алмасу. Бұл бағыттарға сәулет және урбанистика, IT, кино, видео және фотография, музыка, дизайн және сән, заманауи өнер кіреді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/931797

Астанада Бейжің декларациясының 30 жылдығына және БҰҰ Қауіпсіздік Кеңесінің «Әйелдер. Бейбітшілік. Қауіпсіздік» 1325-қаулысының 25 жылдығына арналған жоғары деңгейдегі халықаралық кездесу өтті. Бұл –әйелдердің құқықтарын кеңейтуге және гендерлік теңдікті қамтамасыз етуге бағытталған негізгі халықаралық құжаттар.Кездесуге Орталық Азия елдерінің мемлекеттік органдары басшылары, Қазақстан Республикасы Парламенті Мәжілісі төрағасының орынбасары Дания Еспаева, Конституциялық сот төрағасы Эльвира Әзімова, Еуропа және Орталық Азия елдері бойынша «БҰҰ-әйелдер» кеңсесінің өңірлік директоры Белен Санс Луке және азаматтық қоғам өкілдері қатысты.Кездесуде Қазақстан Республикасының мәдениет және ақпарат министрі, Президент жанындағы Әйелдер істері және отбасылық-демографиялық саясат жөніндегі Ұлттық комиссияның төрағасы Аида Балаева сөз сөйлеп, Қазақстанның 1995 жылы Бейжің декларациясына қосылған сәттен бастап, ұлттық және халықаралық басымдықтарды ұштастырып, тұрақты гендерлік саясат қалыптастыру бағытын берік ұстанғанын атап өтті.«Бұл процесс ең алдымен нақты құрылған институционал тетіктердің жүйесіне негізделеді. 2022 жылы Президент Қасым-Жомарт Тоқаевтың бастамасымен жүзеге асқан ауқымды конституциялық реформа Конституциялық сотты қайта қалпына келтіріп, Адам құқықтары жөніндегі уәкіл институтын бекітті. Мен бұл өзгерістердің маңызын ерекше атап өткім келеді, өйткені құқық қорғау институттарының күшеюі гендерлік теңдікті ілгерілетіп, қорғау үшін сенімді жағдай жасайды», – деді Айда Балаева.Осы мақсатта Қазақстанда Президент жанындағы Әйелдер істері және отбасылық-демографиялық саясат жөніндегі Ұлттық комиссия жұмыс істейді. Сонымен қатар, Мемлекет басшысының Жарлығымен 2023 жылы өңір басшылары жанынан гендерлік мәселелер жөніндегі кеңесші институты құрылды. Ал Қазақстандағы гендерлік саясатты қалыптастыру және жүзеге асыруға жауапты негізгі мемлекеттік орган – Мәдениет және ақпарат министрлігі. Министрлік құрамында арнайы комитет жұмыс істейді.Еуропа және Орталық Азия елдері бойынша «БҰҰ-әйелдер» кеңсесінің өңірлік директоры Белен Санс Луке Қазақстан мен Орталық Азия елдерінің гендерлік саясатын жоғары бағалады. Ол оң өзгерісті атап өтіп, Бейжің декларациясының мақсаттары әлемде толық жүзеге асатынына сенім білдірді.«Елдегі әйелдер мен қыз балалардың құқығын кеңейту бойынша қол жеткізген жетістіктеріңіз үшін қуаныштымын. Біз барлық әйелдер мен қыз балалар еркін, мүмкіндіктері мен құқықтарының бар болуы үшін күш саламыз. Үкіметаралық деңгейде келісілген уағдаластықтар аясында жеткен жетістіктеріңізді жоғары бағалаймыз», – деді Белен Санс Луке.Бейжің декларациясы 1995 жылы Әйелдер жағдайы жөніндегітөртінші Дүниежүзілік конференцияда қабылданды. Құжатта әйелдер мен қыз балалардың құқықтарын кеңейту бойынша 12 негізгі салада стратегиялық іс-қимылдар белгіленген. «Әйелдер. Бейбітшілік. Қауіпсіздік» 1325-қаулысы 2000 жылы қабылданып, әйелдердің бейбітшілік пен қауіпсіздік мәселесіне қатысты тиімді шешімдер қабылдауын қамтамасыз етуге бағытталған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/932536

Бүгін ҚР Мәдениет және ақпарат министрлігінің кеңейтілген алқа отырысы өтті. Жиында Мәдениет және ақпарат министрі Аида Балаева 2025 жылғы жұмыстың бағыт-бағдарына, мақсат-міндеттеріне тоқталды.«2025 жыл – идеологиялық тұрғыда ерекше атаулы жыл», – деді министр.Биыл бірқатар атаулы мерейтойлар мен мәдени іс-шаралар өткізіледі. Олардың қатарында Қазақстан халқы Ассамблеясының 30 жылдығы, Ұлы Жеңістің 80 жылдығы, Конституцияның 30 жылдығы, Әлемдік және дәстүрлі діндер көшбасшыларының съезі бар. Сонымен қатар, Абай Құнанбайұлының 180 жылдығы, Шоқан Уәлихановтың 190 жылдығы, Нұрғиса Тілендиевтің 100 жылдығы және басқа да көрнекті тұлғалардың мерейтойлары аталып өтпек.Аталған мерейтойлық әрі маңызды іс-шаралармен қатар, белгілі тұлғалардың мерейтойларын да жоғары деңгейде өткізу міндеті тұр.«Бұл іс-шараларға қатысты кешенді жоспар бекітілді. Дегенмен атқарылар жұмыстар формальды түрде өтпеуі керек. Әр іс-шараның мәні мен мазмұны, тағылымы терең болуға тиіс», – деді Аида Балаева.Ұлы Жеңістің 80 жылдығы аясында ауқымды іс-шаралар жоспарлануда. Сондай-ақ, «Батырларға тағзым» онлайн-платформасы іске қосылады. Порталға 1 млн-ға жуық қазақстандық жауынгердің есімі бойынша мәліметтер, сондай-ақ жеке құжаттары мен фотосуреттері енгізілді.Аида Балаева саланы цифрландыру мәселесіне де жіті назар аудару қажетін айтты. Цифрландыру – мәдениет пен ақпарат саласындағы тың мүмкіндіктер алаңы.Министрлік мәдени мұраларды сақтау және қолжетімді ету үшін цифрландыруды басты міндеттердің бірі ретінде қарастырады. «E-museum» веб-порталы іске қосылып, Қазақстан музейлерінің виртуалды желісі жасақталмақ. Бұл жоба тарихи-мәдени мұраларға 3D-модельдеу технологиясын қолдану арқылы онлайн-қолжетімділікті қамтамасыз етеді.Кино саласына қатысты өзекті мәселелер де ұдайы назарда. Солардың бірі – «Қазақфильмді» дамыту. Президент қол қойған заңға сай, енді мемлекеттік қаржыландырудың кемінде 30%-ы «Қазақфильмге» бағытталады.«Бұл жерде ерекше атап өткім келетіні – мемлекеттен бөлінетін әр тиынның есебі, сұрауы бар. Сондықтан, бұл қаражат сараптаудан өткен лайықты туындыларға ғана бөлінеді», – деді Аида Балаева.2024 жылы алғаш рет ұлттық мүддемізге, идеологиямызға сай келетін басым тақырыптар бекітіліп, жаңа форматтағы конкурс өткізілді. Былтыр 16 ұлттық фильм прокатқа шықса, 2025 жылы 14 жаңа кинотуынды жарық көреді.Сондай-ақ, анимация саласына ерекше көңіл бөлініп отыр. 2025 жылы 10 анимациялық жоба жасалып, балаларға арналған қазақша мультфильмдер өндірісі артады.Телеарналардағы сериалдардың да сапасы артып келеді. 2024 жылы мемлекеттік тапсырыс аясында 41 сериал дайындалып, көрсетілді.Министрлік ұлттық кино мен сериалдарды шетелге экспорттау мәселесіне де назар аударып, ұлттық стриминг платформасын іске қосуды жоспарлап отыр.Бұдан бөлек, кинопрокатқа шығатын отандық және шетелдік фильмдердің мазмұнына байланысты прокаттау куәлігін беру бойынша заңнаманы күшейту жұмыстары жүргізілуде.Кино саласын бұдан әрі кезең-кезеңмен жетілдіру жұмыстары жалғасады.Бүгінде жалпы мәдениет саласында 8 мыңға тарта мәдениет ұйымында 58 мыңнан астам адам қызмет етеді. Былтыр театрларда өткен 16 мыңға жуық іс-шараға 3 млн-ға жуық көрермен келсе, музейлерде ұйымдастарылған іс-шараға 2 млн-нан аса адам қатысқан.Бұл ретте министр мәдени ұйымдарда өтетін коммерциялық іс-шаралардың да мазмұнына мән беру керек екенін айтты.«Өйткені киелі сахна – талғам мен тағылымның ордасы. Сол себепті де мәртебелі өнердің қадір-қасиетін түсірмей, бәріміз де жауапкершілікпен қарауға тиіспіз. Мәдениет ошақтары саяси лозунгтар мен ұрандардан ада болып, нағыз өнердің кең қанат жаюына жағдай жасауы керек», – деді Аида Балаева.Сонымен қатар, министр ел ішінде алауыздық туғызып, діни, этносаралық араздықты қоздыру фактілерін болдырмау үшін жауапкершілікті күшейту керек екенін де атап өтті. Қазіргі кезде елімізде 18 конфессияны білдіретін 4 мыңға жуық тіркелген діни бірлестік бар. Сондықтан, қоғамның рухани мәселелерін шешуде бұл салада да бірлесе жұмыс істеу орынды.Сондай-ақ этномәдени бірлестіктерді гранттық қолдау этносаралық келісім мен бірлікті дамытуға ықпал етеді. Аида Балаева осы мәселенің құқықтық қамтамасыз етілуін пысықтау қажетін айтты.Жалған ақпаратпен күресу және ақпараттық кеңістіктің қауіпсіздігін арттыру үшін «Масс-медиа туралы» жаңа заң қабылданды. Өткен жылы онлайн-платформаларда заңнаманы бұзған 67 мыңнан астам факті анықталып, 18 мыңнан астам материал жойылды. Министрлік журналистердің біліктілігін арттыру, медиа сауаттылықты көтеру және фактчекинг бойынша тренингтер ұйымдастыруды қолға алды.2025 жылы Орталық Азия медиафорумы өтеді, онда медиа саласының өзекті мәселелері талқыланбақ.Тағы бір маңызды бағыт – креативті индустрияларды дамыту. Мемлекет басшысы таяуда креативті индустрияларды қолдау және дамыту мәселелері бойынша заңға қол қойды. Енді креативті индустрияларды дамыту қоры жұмысын бастайды. Әр өңірде креативті хабтар ашылуда. Бүгінде республика бойынша 12 креативті орталық жұмыс істейді, ал 2025 жылы тағы 8 орталық ашу жоспарланған.Министрлік мәдениет саласындағы инфрақұрылымды жаңғырту жұмыстарын жалғастыруда. 2024 жылы ел өңірлерінде мәдениет нысандарына қатысты 255 жөндеу және 45 құрылыс жұмыстары аяқталды.Ұлттық музей, Мұхтар Әуезов атындағы драма театры, Наталья Сац атындағы театр және басқа да мәдениет нысандарында жөндеу жұмыстары жүргізілуде.Сөз соңында, министр 2025 жылға арналған ауқымды жоспарларды іске асыруда барлық сала мамандарын, қоғамдық кеңестер мен журналистерді белсенді қатысуға шақырды.«Халықтың бірлігін нығайтып, еліміздің тұрақты дамыту –баршамызға ортақ мүдде. Ендеше, ортақ мақсат жолында бірлесе қызмет ете берейік», – деді Аида Балаева. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/932846

Бүгін, 7 ақпанда Астанада ҚР Мәдениет және ақпарат министрі Аида Балаеваның төрағалығымен Түркі мәдениеті және мұрасы қоры кеңесінің ІІ отырысы өтті. ҚР Ұлттық музейінде өткен жиынға Түркі мәдениеті және мұрасы қорының президенті Ақтоты Райымқұлова, Түркі мемлекеттері ұйымының бас хатшысы Кубанычбек Омуралиев, сондай-ақ ұйымға мүше елдердің Мәдениет министрлері қатысты. Кеңес отырысында «Түркі әлемінің келешегі – 2040» стратегиялық құжатындағы түркі мемлекеттері басшыларының тапсырмаларына сәйкес түркі мәдени мұрасын сақтау, зерттеу және оны халықаралық аренада насихаттау бойынша стратегиялық қадамдар талқыланды. Аида Балаева Түркі мәдениеті мен мұрасы қоры аса құнды мәдени және тарихи ескерткіштерді сақтаудың маңызды миссиясын атқарып келе жатқанын атап өтті. «Бүгінде біздің елдер үшін тарихи-мәдени мұраны сақтау мәселесі өзекті. Ежелгі ескерткіштер мен артефактілердің жағдайына уақыт, климаттың өзгеруі және өкінішке қарай антропогендік фактор әсер етуде. Сондықтан қазір мұндай нысандарды консервациялау және реставрациялау саласындағы білікті мамандарға қажеттілік өсуде», – деді министр. Сондай-ақ, Аида Балаева Түркістан қаласында реставраторларды оқыту жобасын іске асыруды ұсынды. Семинар әртүрлі елдер реставраторларының тәжірибе алмасуына және бірлескен жобаларды іске асыруға ықпал етеді. Бұдан бөлек, түркі өркениеті дамуының түрлі тарихи кезеңдерін қайта жаңғырту мақсатында биыл «Ботай және Тұран – түркі әлемінің негіздері» тақырыбында семинар-тимбилдинг ұйымдастырылатынын айтты. Жиында Ақтоты Райымқұлова қордың 2024 жылы атқарған қызметі туралы баяндады. Сондай-ақ, 2025-2026 жылдарға арналған іс-қимыл жоспары қарастырылды. Іс-шара түркі елдерінің мәдени ынтымақтастығын дамытудағы маңызды қадам болды. Аталған кездесу мәдени мұраны сақтау саласындағы өзара байланысты нығайтып, халықаралық жобаларға жаңа серпін берді. Сонымен қатар, кеңес отырысы аясында ҚР Ұлттық музейінде ҚР МАМ қолдауымен «Тіл – ізгіліктің бастауы: Диуан луғат әт-түрк» атты халықаралық көрменің салтанатты ашылу рәсімі өтті. «Диуан луғат әт-түрк» энциклопедиялық сөздігінің 950 жылдығына орай ашылған көрме түркілердің өркениет құрушы қырына баса назар аудара отырып, бүгінге жеткен бірегей қазынаны таныстыруды мақсат етеді. Айта кетейік, 2025 жылы Түркі мәдениеті және мұрасы қоры кеңесіне Қазақстан Республикасы төрағалық етеді.   ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/933895

Қазақстан Республикасының Мәдениет және ақпарат министрлігі «Жастар ресурстық орталықтары туралы үлгілік ережені бекіту туралы» бұйрық жобасын қоғамдық талқылау бастау алғандығын хабарлайды.Аталған бұйрық жобасы https://legalacts.egov.kz/npa/view?id=15430946 сілтемесі бойынша қолжетімді.Сізден жобаны талқылауға қатысуды сұраймыз.Ақпарат көзі : https://www.gov.kz/memleket/entities/mam/press/news/details/933987

Бүгін Астанада Қазақстан Республикасының Мәдениет және ақпарат министрілігінің қолдауымен «Ардагерлер ұйымы» РҚБ Орталық кеңесінің кеңейтілген төралқа отырысы өтті.Іс-шарада Үкімет қаулысымен қабылданған 2025 жылы Жеңістің 80 жылдығына дайындалу және оны мерекелеу бойынша «Ұлы Жеңіс: Ерлікке тағзым, ұрпаққа үлгі» атты республикалық іс-шаралар жоспарын бірлесіп жүзеге асыру мәселесі талқыланды.Отырысқа ҚР Мәдениет және ақпарат вице-министрі Айзада Құрманова қатысты. Ол қатысушыларды Жеңістің 80 жылдығын мерекелеуге байланысты атқарылатын идеологиялық жұмыс туралы хабардар етті.Министрлік жыл сайын ардагерлер ұйымымен бірлесіп ұрпақтар сабақтастығын нығайтуға, тарихқа құрметпен қарауға, патриоттық сезім мен азаматтық белсенділікті арттыруға бағытталған іс-шаралар өткізуде.Айта кетейік, өскелең ұрпаққа әскери-патриоттық тәрбие беру аясында өңірлерде 260 мыңнан астам жасты қамтитын 9 мыңға жуық ұйым қызмет етеді. Өткен жылдың өзінде 2 млн-нан астам бала мен жас қатысқан 2,5 мыңнан астам іс-шара өткізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/934036

Қазақтың көрнекті қаламгері Мұқағали Мақатаевтың туған күніне орай Қазақстан радио арналарының эфирінде ақынның «Махаббатым өзімде» өлеңіне жазылған әннің тұсаукесері өтті.Әннің музыкасын композитор Қадылбек Жағыпаров жазса, оны Темірбек Жүргенов атындағы Қазақ ұлттық өнер академиясының түлегі, жас көрермен музыкалық театрының актрисасы Мақпал Дүйсен орындады.Музыкалық туындының жарыққа шығуына Қазақстан Республикасының Мәдениет және ақпарат министрлігі қолдау көрсетті.Әннің премьерасы «Qazaq Radiosy» және «Shalqar Radiosy» радиостанцияларының эфирінде орындалды.Айта кетейік, биыл Мұқағали Мақатаевтың туғанына 94 жыл толып отыр. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/934272

Астана қаласы Аманат партиясының «Бірлік» аумақтық филиалының атқарушы хатшысы Есенбек Серкебаевтың қатысуымен ҚР Энергетика министрлігінің «Энергетика» бастауыш партия ұйымының отырысы өтті. Жиында еліміздің энергетика саласындағы маңызды міндеттер мен стратегиялық бағыттар кеңінен қарастырылып, Мемлекет басшысының осы салаға қатысты айтқан бастамаларына ерекше назар аударылды. Президент Қасым-Жомарт Тоқаевтың «Ана тілі» газетіне берген сұхбаты талқыланды. Қасым-Жомарт Тоқаев биылғы жылды жұмысшы мамандықтар жылы деп жариялап, еңбек адамдарына айрықша көңіл бөлуді тапсырған болатын. Бұл бастама ел экономикасының маңызды салаларында еңбек етіп жүрген мамандардың мәртебесін арттыруға, олардың әлеуметтік жағдайын жақсартуға, сондай-ақ кәсіби даярлық деңгейін жоғарылатуға үлкен мүмкіндік береді. Энергетика, құрылыс, өнеркәсіп және басқа да өндірістік салалардағы жұмысшылар – ел дамуының негізгі тірегі. Осыған орай, жұмысшылардың біліктілігін арттыру, олардың еңбегін әділ бағалау және еңбек жағдайын жақсарту – басты басымдықтардың бірі болмақ. Кездесу барысында еліміздің энергетика саласын дамыту жолдары, оның ішінде жаңартылатын энергия көздерін енгізу, энергетикалық қауіпсіздікті нығайту, жаңа технологияларды игеру және отандық мамандарды даярлау мәселелері де сөз болды. Әсіресе, елде атом электр станциясын (АЭС) салу мәселесі талқыланып, оның энергетикалық тәуелсіздікті қамтамасыз етудегі маңызы ерекше атап өтілді. Сарапшылардың пікірінше, АЭС – тұрақты әрі экологиялық таза энергия көзі ретінде Қазақстанның энергетикалық тұрақтылығын күшейтуге мүмкіндік береді. 2025 жылға арналған бірлескен жұмыстың негізгі бағыттары белгіленді.Ақпарат көзі : https://www.gov.kz/memleket/entities/energo/press/news/details/931845

Қазақстан Республикасы Оқу-ағарту министрлігінің Стратегия және халықаралық ынтымақтастық департаментінің директоры болып Толқын Жолдыбайқызы Исақова тағайындалды.Толқын Жолдыбайқызы Исақова 1977 жылы 1 ақпанда Жамбыл облысында дүниеге келген.М.Х. Дулати атындағы Тараз мемлекеттік университетін «қазақ тілі мен әдебиеті» мамандығы бойынша, 2021 жылы Еуразия гуманитарлық университетін «құқықтану» мамандығы бойынша тәмамдады.Еңбек жолын 1999-2008 жылдары Жамбыл облысының Байзақ ауданында бастаған.2008-2011 жылдары ҚР Білім және ғылым министрлігі Балалардың құқықтарын қорғау комитетінің Жамбыл облысы бойынша департаментінде қызмет атқарған.2011-2016 жылдары ҚР Мәдениет министрлігінің Тіл комитетінде бас сарапшы, басқарма басшысы.2016-2019 жылдары Республикалық бюджеттiң атқарылуын бақылау жөнiндегi есеп комитетiнде сектор меңгерушісі болған.2019 жылдан бастап қазіргі уақытқа дейін Қазақстан Республикасы Қауіпсіздік Кеңесінің құрылымында қызмет атқарған.2025 жылғы 3 ақпаннан бастап Қазақстан Республикасы Оқу-ағарту министрлігінің стратегия және халықаралық ынтымақтастық департаментінің директоры лауазымына тағайындалды.Ақпарат көзі : https://www.gov.kz/memleket/entities/edu/press/news/details/931956

Ғани Бейсембаев министрліктің аумақтық департаменттерінің басшыларымен кеңес өткізді, онда білім беру жүйесін дамыту, балалардың қауіпсіздігін қамтамасыз ету және жергілікті жерлерде мемлекеттік бастамаларды тиімді орындау жөніндегі стратегиялық мәселелер қаралды. Мемлекет басшысының тапсырмаларын орындауға, білім беру сапасын арттыруға, балалардың құқықтарын қорғауға, педагог мәртебесін қолдауға ерекше көңіл бөлінді. Министр сапалы білім беру елдің тұрақты дамуының негізгі факторы болып табылатынын, ал балалардың құқықтарын қорғау және олар үшін қолайлы білім беру ортасын құру министрлік қызметінің басым бағыты екенін атап өтті. Сондай-ақ кеңес барысында мемлекетпен қабылданған шаралардың іске асырылуына бақылауды күшейту, балалардың қауіпсіздігін, білім беру ұйымдарындағы жұмыстың ашықтығын қамтамасыз ету, жергілікті жерлерде бұзушылықтардың алдын алу мәселелері де талқыланды. Кеңес қорытындысы бойынша Ғани Бейсембаев бұл бағыттағы жұмысты күшейту, жергілікті атқарушы органдармен тиімді өзара іс-қимылды қамтамасыз ету және білім беру бастамаларының орындалуына мониторинг жүргізудің қосымша тетіктерін енгізу жөнінде нақты тапсырмалар берді.Ақпарат көзі : https://www.gov.kz/memleket/entities/edu/press/news/details/932154

Оқу-ағарту министрі «Өрлеу» ұлттық біліктілікті арттыру орталығы АҚ-ның басшыларымен жиын өткізіп, 2024 жылдың жұмысын қорытындылады және 2025 жылы жүргізілетін жұмыстардың басым бағыттарын айқындады.Қазіргі уақытта министрліктің бағынысты ұйымы мектепке дейінгі, орта, арнайы білім беру педагогтеріне олардың бейіндік қызметтеріне қарай пәндік және цифрлық құзыреттерді дамыту, инклюзиялық білім беру бойынша курстар өткізуде. Өткен жылы 80 мыңнан астам педагог тегін біліктілікті арттыру курстарынан өтті, оның ішінде 57,8% - ауыл мектептерінің мұғалімдері.«Білім беру саласындағы қазіргі талаптар мен тенденцияларға сәйкес педагогтердің біліктілігін арттыру тәсілдерін қайта қарау және курс бағдарламаларын жаңарту қажет. Себебі білім сапасы мұғалімдердің кәсіби деңгейіне тікелей байланысты. Еліміздің үздік педагогтерімен тәжірибе алмасу және жас мұғалімдерге шеберлік сыныптарын өткізу мүмкіндіктерін қарастыра отырып, оларға курстан кейінгі кәсіби қолдау көрсету маңызды», - деп атап өтті оқу-ағарту министрі Ғани Бейсембаев.Жиын соңында 2025 жылға негізгі бағыттар айқындалды, оның ішінде педагогтердің біліктілігін арттыру курстарының бағдарламаларын жаңарту, көбірек тәжірибеге бағдарлау және үздік халықаралық әдістемелерді педагогтерді кәсіби дамыту жүйесіне интеграциялау, педагогтердің үздіксіз кәсіби дамуына жағдай жасауға басымдық берілді.Ақпарат көзі : https://www.gov.kz/memleket/entities/edu/press/news/details/932308

Мемлекет басшысының білім беру сапасын арттыру жөніндегі тапсырмаларын іске асыру аясында Оқу-ағарту министрі әдістемелік орталықтардың басшыларымен кеңес өткізді.Ғани Бейсембаев оқу-әдістемелік және тәрбие жұмысын жетілдіру мәселелеріне назар аударды, сонымен қатар әдістемелік орталықтарды трансформациялаудың маңыздылығын атап өтті. Бүгінгі таңда Ы.Алтынсарин атындағы Ұлттық білім академиясы нормативтік-құқықтық базаны жетілдіру және инфрақұрылымды жаңғырту жоспарын бекітті.Қазақстанда өңірлік деңгейлерде 20 әдістемелік орталық, аудандық және қалалық білім бөлімдерінің жанында 205 әдістемелік кабинет жұмыс істейді. Еліміздің әдістемелік қызметінде 3 мыңға жуық маман еңбек етеді, оның 55%-ы ауылдық жерлерде.«Сапалы білім берудің іргетасын кәсіби білікті педагогикалық құрам қалайды. Педагогтерге әдістемелік қолдау көрсету, мықты мұғалімдер базасын қалыптастыру және олардың табысты тәжірибесін әріптестер арасында таратуға ықпал ету керек», – деп атап өтті Оқу-ағарту министрі.Министр білім беру саласындағы мемлекеттік бастамалардың іске асырылуын бақылауды күшейтуді, әдістемелік орталық қызметкерлерінің біліктілігін арттыруды, озық тәжірибелерді енгізуді және білім берудің барлық деңгейінде әдістемелік жұмысты нығайтуды тапсырды.Ақпарат көзі : https://www.gov.kz/memleket/entities/edu/press/news/details/932508

Астанада педагогикалық және ата-аналар қауымдастығының, өңірлік білім басқармалары басшыларының, ведомстволық бағынысты ұйымдардың, сарапшылардың және саланың басқа да қызметкерлерінің қатысуымен ҚР Оқу – ағарту министрлігінің дәстүрлі алқа отырысы өтті.Оқу-ағарту министрі Ғани Бейсембаев өткен жылды қорытындылап, білім беру сапасын одан әрі арттырудың басым бағыттарын айқындап берді. Ол орта білім беру мазмұнының қайта қаралғанын, ал жаңа МЖМБС жобасына «Біртұтас тәрбие» бағдарламасына енгізілген құндылықтар енгізілгенін атап өтті.«Білім беру тәрбиемен тығыз байланысты. Мемлекет басшысының тапсырмасы бойынша барлық білім беру ұйымдарында өскелең ұрпақтың бойына құндылықтар жүйесін қалыптастыруға және нығайтуға бағытталған алты негізгі жобаны қамтитын «Біртұтас тәрбие» бағдарламасы енгізілді. Бұл жұмыстың тиімділігі көп жағдайда сынып жетекшілеріне байланысты. Сондықтан оны мол тәжірибесі бар білікті ұстаздардың орындауы маңызды. Тәрбие бағдарламасының тұжырымдамалық негіздерін ескере отырып, педагогтердің сынып жетекшілігіне деген көзқарасын түбегейлі қайта қарау керек», - деді Ғани Бейсембаев.Ведомство басшысы елімізде білім беру сапасын бағалаудың өзіндік ұлттық жүйесі қалыптасқанын атап өтті. ББЖМ қазақстандық бағалау құралы RCEC сараптама және сертификаттау ғылыми-зерттеу орталығында халықаралық деңгейде танылды, осылайша Қазақстан Орталық Азиядағы білім беру сапасын бағалау жүйесі бойынша аккредиттеуден өткен жалғыз елге айналды.«Министрлік педагогтің үздіксіз кәсіби даму процесі ретінде біліктілікті арттыру парадигмасын қайта қарады. Барлық рәсім «Ұстаз» ұлттық платформасында автоматтандырылған. Биыл алғаш рет платформада 88 мыңнан астам модератор мен сарапшыны аттестаттаудан өткізу жоспарлануда», - деді министр.2024 жылы бірден екі педагог «Қазақстанның Еңбек ері» атағына ие болды. Бұл - еліміздің педагогтерінің еңбегіне Президент тарапынан берілген жоғары баға мен құрмет, артылған зор сенім.Сонымен қатар министр «Педагог мәртебесі туралы» ҚР Заңын бұзу фактілеріне алаңдаушылық білдірді.«Білім беру саласындағы сапаны қамтамасыз ету жөніндегі аумақтық департаменттер заң бұзушылықтардың 120 жағдайын тіркеді. Атап айтқанда, Семей қаласында мұғалімдерді тиесілі емес функцияларға тарту соңы қайғылы жағдайға әкеліп соқтырды. Өңірлердің басшылығын заңды қатаң сақтау үшін барлық қажетті шараларды қабылдауға шақырамын», – деді Ғани Бейсембаев.Елімізде 7 мыңнан астам мемлекеттік мектеп жұмыс істейді. 2023 жылдан бастап жаңа форматтағы басқарушыларды даярлау үшін «Білім берудегі өзгерістердің 1000 көшбасшысы» жобасы іске асырылуда. Қазірдің өзінде республикалық кадр резервіне 583 кандидат алынды.Балалардың қауіпсіздігін қамтамасыз ету министрліктің басты міндеті болып қала береді. 2024 жылы заңға кәмелетке толмағандарға қатысты зорлық-зомбылық үшін жауапкершілікті күшейтетін және отбасын қолдауға бағытталған түзетулер енгізілді. Сондай-ақ Балалардың құқықтарын қорғау комитетінің өкілеттіктері кеңейтілді. Биылғы жылдың қаңтар айында БҰҰ-да Қазақстанның осы саладағы реформалары жоғары бағаға ие болды. «Біз инклюзивті және арнайы білім беруді дамытуды жалғастырамыз. 2025 жылға қарай психологиялық-педагогикалық қолдауға 100% қолжетімділікті қамтамасыз етуді жоспарлап отырмыз. «Бөбек» ұлттық ғылыми практикалық орталығы мен Ұлттық инклюзивті білім беру орталығын трансформациялау басталды. Қазан айында Қазақстан алғаш рет Инклюзия бойынша дүниежүзілік конгресті қабылдайды», - деп атап өтті ведомство басшысы.Білім беру сапасындағы алшақтықты азайту үшін қалалық және ауылдық мектептер арасында «Ауыл мектебі – сапа алаңы» жобасы іске асырылуда. Ол материалдық-техникалық базаны жаңғыртуға, жоғары жылдамдықты интернетті қамтамасыз етуге және оқыту сапасын арттыруға бағытталған.«2024 жыл білім беру инфрақұрылымы үшін маңызды кезең болды. Тәуелсіздік тарихында алғаш рет мектептердің рекордтық саны салынды. 2023 жылы 165 мектеп қолданысқа берілді, 2024 жылы 257 мектеп бой көтерді, оның 105-і «Жайлы мектеп» ұлттық жобасы аясында салынды. Оларды тиімді басқару үшін Министрлік бірыңғай жүйе әзірледі», - деп атап өтті Ғани Бейсембаев.Процестерді цифрландыру және автоматтандыру қазіргі білім беру ортасының маңызды бөлігі болып табылады. Министрлік «SMART ОҚУ АҒАРТУ» жобасын іске қосты. Ол цифрлық білім берудің бірыңғай экожүйесін құрып, оқытудың сапасын арттырады, оқыту процестерінің барлық қатысушылары үшін білім беру ресурстары мен қызметтеріне қолжетімділікті жеңілдетеді.Starlink терминалдарын енгізу есебінен сапалы интернет тартылған мектептердің үлесі 2022 жылғы 19%-дан 2024 жылы 95%-ға дейін, яғни 3 есеге ұлғайды.«Жыл басынан бері мектепке дейінгі ұйымдарды ваучерлік қаржыландыруды өңірлерге таратуға кірістік. Білім басқармаларының басшылары өңірде ваучерлік қаржыландыруды уақытылы әрі сапалы енгізу үшін жағдай жасауы қажет. Ұлттық білім беру дерекқорымен интеграциялау қаржыландырудың жаңа моделіне жылдам көшуді қамтамасыз етеді» - деді министр.Мемлекет басшысы Қазақстан халқына Жолдауында техникалық және кәсіптік оқытуды трансформациялау міндетін қойды. Өткен жылдан бастап министрлік әкімдіктермен бірлесіп колледждерге толық инвентаризация жұмыстарын жүргізді. Өңірдің барлық индустриялық жобаларын, жұмыспен қамту карталарын ескере отырып, кадрларды даярлаудың бейіндік бағыттары айқындалды.Сөз соңында министр азаматтардың өтініштерімен жұмыс жасауға тоқталды. Ол педагогтер үшін өздерінің құқытарының қорғалғанын, ал олардың қызметіне қатысты шешім қабылдауда объективтілік пен заңның сақталуы маңызды екенін атап өтті.Сондай-ақ алқа отырысында ғалымдар, педагогтер, ата-аналар, сараптамалық және бизнес-қоғамдастық өкілдері сөз сөйледі. Олардың қатарында педагогика ғылымдарының докторы, профессор Жауымбай Қараев, ЮНИСЕФ-тің Қазақстандағы өкілі доктор Рашед Мұстафа Сарвар және т. б. бар.Ақпарат көзі : https://www.gov.kz/memleket/entities/edu/press/news/details/932666