Бүгін аймақ басшысы Нұрлыбек Нәлібаевтың төрағалығымен тұрақтандыру қорындағы картоп, басқа да азық-түлік өнімдерінің көлемі, «Арт-спорт» бағдарламасының өңірде іске асырылуы талқыланған мәжіліс өтті. Оған селекторлық режимде қала, аудан әкімдері мен жауапты сала басшылары қатысты.Жиында аймақ басшысы күн тәртібіндегі мәселелерге қатысты нақты тапсырмалар жүктеп, олардың орындалуына асқан жауапкершілікпен қарау керектігін ескертті.«Ауыл шаруашылығы, кәсіпкерлік басқармалары, «Байқоңыр» ӘКК, қала және аудан әкімдері, азық-түлік, оның ішінде әлеуметтік маңызы бар тауарлар бағасына шұғыл арада мониторинг жүргізіңіздер. Әлеуметтік дүкендер мен ірі сауда үйлеріндегі әлеуметтік бұрыштарды қатаң бақылауға алыңыздар. Бағаны негізсіз өсіруді, алыпсатарлықты болдырмау үшін қадағалауды күшейтіңіздер.Екінші мәселеге қатысты, прокуратура органдарының ұсынымдары бойынша бюджет қаржысын заңсыз иемденген өнім берушілерден қаражатты бюджетке өндіру жеделдетілсін. Заң бұзушылықтарға жол беріп, талаптарды орындамаған өнім берушілермен келісім-шартты біржақты бұзу керек.Облыстық экономика және қаржы, мәдениет, архивтер және құжаттама, дене шынықтыру, спорт және туризм басқармалары, Қызылорда қаласы мен аудан әкімдері бірлесіп, ауылдық жердегі клубтарды қалалық және аудандық мәдениет бөлімдеріне берудің тиімділігін зерттеп, ұсыныстар енгізсін», - деді Н.Нәлібаев.Басқосуда «Арт-спорт» бағдарламасына бөлінген қаражаттың мақсатты жұмсалуына жүргізілген тексеру туралы облыс әкімінің бірінші орынбасары Данияр Жаналинов баяндады.Мемлекеттік тапсырысқа бөлінген бюджет қаржысының тиімді, мақсатты жұмсалуын қадағалау үшін құзырлы органдар арнайы жұмысшы тобын құрып, тексеру жүргізілуде.Ақпарат көзі : https://www.gov.kz/memleket/entities/kyzylorda/press/news/details/922828

  2025 жылғы 15 қаңтарда кешкі уақытта Астана тұрғыны Юлия Шимон ерекше қырағылық пен азаматтық жауапкершілік танытып, қайғылы жағдайдың алдын алды. Әйел адам қалалық Төтенше жағдайлар департаментіне қоңырау шалып, Керей-Жәнібек хандар көшесіндегі көрші көпқабатты үйдің пәтерлерінің бірінде өрт болуы мүмкін екенін хабарлады.   Юлия терезенің жанындағы үстелдің үстінде жанып тұрған шамды байқады, ол өртке себеп болуы мүмкін еді. Ол болуы ықтимал салдарға алаңдап, дереу көмек сұрады. Құтқарушылар оқиға орнына жедел барды, келген кезде дабылдың себебі шын мәнінде шам екені анықталды. Әйелдің 112 шұғыл құтқару қызметі нөміріне уақтылы қоңырауының арқасында өртті болдырмауға мүмкіндік туды.   «Юлия Шимон ерекше қырағылық танытты, бұл қайғылы салдардың алдын алуға мүмкіндік берді. Оның уақтылы және шешуші әрекеті - әр азаматтың байқампаздығы мен абай болуы маңызды екенінің айқын мысалы болып табылады. Біз осындай адамдарды мақтан тұтамыз және оның әрекеті басқаларға үлгі болады деп үміттенеміз», - деп Астана қаласы ТЖ департаменті бастығының міндетін атқарушы Мадияр Мырзагелдиев атап өтті.   Оның қырағылығын, жауапкершілігін және белсенді азаматтық ұстанымын ескере отырып, ТЖМ басшысының тапсырмасы бойынша Юлия Шимон грамотамен марапатталды. Марапатты Астана қаласы Төтенше жағдайлар департаменті бастығының міндетін атқарушы Мадияр Мырзагелдиев табыс етті.   «Мен құтқарушыларға олардың кәсібилігі мен жедел әрекеті үшін алғыс айтамын», — деді Юлия Шимон. — Олардың жұмысы өте маңызды, мен елордада нағыз кәсіпқой мамандар жұмыс істейтінін мақтан тұтамын. Барлығыңызды мұқият және жауапты болуға шақырамын, өйткені қауіпсіздік бізден басталады».   Бұл оқиға уақытында көрсетілген қарапайым әрекеттердің қаншалықты маңызды екендігінің айқын мысалы болды. Айналаңыздағы әлемге назар аудару және басқаларға көмектесуге деген ұмтылыс тек азаматтық парыз ғана емес, сонымен бірге жалпы игілікке маңызды үлес болып табылады. Мұндай әрекеттер қауіпсіздік тек мамандардың жұмысы ғана емес, әрқайсымыздың жауапкершілігіміз екенін еске салады.  Ақпарат көзі : https://www.gov.kz/memleket/entities/emer/press/news/details/919876

Қазақстанның Төтенше жағдайлар министрлігі су тасқынының алдын алу жөніндегі іс-шараларды іске асыру үшін әкімдіктер мен басқа да мүдделі мемлекеттік органдардың жұмысын үйлестіреді. Өңірлерде республикалық және өңірлік кешенді жоспарлар іске асырылуда. Қазіргі уақытта су тасқыны қаупі бар учаскелер мен елді мекендердің тізбесі түзетілді. Су тасқыны кезеңіне дайындық шеңберінде инфрақұрылымды нығайтуға және тәуекелдерді азайтуға бағытталған жобалар белсенді түрде іске асырылуда. Негізгі іс-шаралар қорғаныс бөгеттері мен біліктерін салу және нығайту, су бұру арналары мен арықтарды орнату, сондай-ақ су өткізу құрылыстары мен нөсерлі кәріз жүйесін жөндеу болып табылады. Алматы облысында 2024 жылдың қараша айынан бастап су тасқыны кезеңіне дайындық жұмыстары белсенді жүргізілуде. Арық жүйесінің 77 км салу және жөндеу, сондай-ақ 79 км су бұру каналдарын механикалық тазарту жұмыстары аяқталды. Сонымен қатар 12 км су тасқыны қаупі бар өзендердің арналары нығайтылып, түзетілді. Автомобиль жолдарының астындағы 270 су өткізгіш құбыр және теміржол жолдарының астындағы 832 су өткізгіш тазартылды. Өзен арналарынан ұзындығы 2,3 км учаскеден 16 тонна қоқыс шығарылды. Жалпы ұзындығы 7,9 км болатын 5 қорғаныс бөгеті тұрғызылды және 2 автожол көпірі салынды. Су тасқыны жағдайына мониторинг жүргізу үшін 42 гидробекет орнатылды. Сонымен қатар ықтимал қауіпті учаскелерде аэровизуалды және жерүсті тексерулер тұрақты жүргізіледі. Дайындыққа төтенше жағдайлардың салдарын жою және эвакуациялау үшін техниканы қоса алғанда, ТЖД күштері мен құралдары тартылған. ТЖ аймақтарында жұмыс істеу үшін азық-түлік, дәрі-дәрмек және отын қорлары құрылуда. Сонымен қатар өзен жағалауларын нығайту және жаңа бөгеттер салу жоспарлануда. 12 су қоймасында құлақтандыру жүйесі орнатылған. Астанада Байқоңыр ауданының тұрғын алаптарында 210 погонды метр арық-науа жүйесі қар мен мұздан тазартылды. Қыстың басынан бастап коммуналдық қызметтер 500 мыңнан астам текше метр қар шығарды. Аумақтық бөлімшелердің қызметкерлері мониторинг жүргізеді. Атырау облысында Жылыой ауданындағы Жем және Құрсай өзендерінде бөгенді нығайту жұмыстары жалғасуда. ТЖ бөлімі мен прокуратура қызметкерлері су тасқынына қарсы іс-шаралар жоспарымен танысып, орындалған жұмыстарды тексерді. Көкшетауда 2-МӨС базасында гарнизонның жеке құрамы мен техникасына байқау өткізілді, олар су тасқыны кезеңінде жұмылдырылатын болады. Ақмола облысы ТЖД бастығының міндетін уақытша атқарушы Бақытжан Алашов ТЖ-ны жою үшін күштердің дайындығын тексерді. Көкшетаулық құтқарушылар КАМАЗ автокөлігіне орнатылған ЖСС-500 қоса алғанда, екі жылжымалы сорғы станциясымен жабдықталған. Бұл станция секундына 500 литрге дейін су сорады, ол су тасқынын, ірі өрттерді сөндіру және су объектілерін құрғату мәселелерін жедел шешуге мүмкіндік береді. Орал қаласында Батыс Қазақстан облысы әкімінің қатысуымен су тасқыны кезеңінде іске қосылатын күштер мен құралдардың дайындығына тексеру жүргізілді. Тексеруге облыстық қызметтер мен азаматтық қорғау құралымдары қатысты. Жалпы су тасқыны кезеңіне дайындық бойынша іс-шаралар жалғасуда және тұрақты бақылауда. Ақпарат көзі : https://www.gov.kz/memleket/entities/emer/press/news/details/920276

Биылғы жылыту маусымында газдың және жану өнімдерінің қауіпті концентрациясын анықтау датчиктерінің іске қосылуы 17 адамның улануын және қаза болуының алдын алды. Датчиктердің іске қосылуы Астана, Алматы, Шымкент қалаларында, Абай, Ақмола және Шығыс Қазақстан облыстарында тіркелді. Пеш жабдығын орнату және пайдалану кезіндегі өрт қауіпсіздігі талаптарын бұзушылық үй-жайға қауіпті газдың ағып кетуіне әкелуі мүмкін. Бұл газ көзге көрінбейді, иісі жоқ және ешбір айқын белгісіз улануды тудыруы мүмкін. Иісті газбен уланған адам неден ауырғанын білмейді. Улану оқиғаларының алдын алу ісінде газ концентрациясы датчиктері жақсы көмекші болып келеді. Бөлмеде иісті газ пайда болған жағдайда құрылғы тұрғындарды дыбыс сигналдарымен ескертеді. Бұл уақытылы әрекет етіп, газдың пайда болу себебін жоюға көмектеседі. Жылыту маусымына дайындық кезеңінде ТЖМ бөлімшелері жергілікті атқару органдарымен және волонтерлермен бірігіп, әлеуметтік осал топтардың үйлерінде 30 мыңнан астам иісті, табиғи газ датчигі және түтін хабарлағыштар орнатылды. Бұл улану қаупін едәуір азайтуға және ықтимал қайғылы жағдайлардың алдын алуға мүмкіндік берді. Датчиктерді орнату тәжірибесі енгізілгеннен бері жалпы датчиктердің іске қосылуының 55 жағдайы тіркелді, соның арқасында 248 адамның жіті улануы мен мүмкін өліміне жол берілмеді. ТЖМ датчиктерді орнату және халыққа қауіпсіздік ережелерін үйрету бойынша алдын алу іс-шараларын жүргізуді жалғастыруда. Иісті газбен улану қаупін азайту үшін бірнеше қарапайым ережені сақтау жеткілікті: - пештерді қауіпсіздік талаптарына сәйкес пайдаланыңыз; - мұржаларды уақытылы тазартыңыз және желдеткіш жүйесінің жұмысын жүйелі түрде тексеріңіз; - пештер мен каминдерді орнату мен жөндеуді мамандарға тапсырыңыз. Осы ұсынымдарды орындау қайғылы жағдайлардың алдын алуға және адам өмірін аман алып қалуға көмектеседі.Ақпарат көзі : https://www.gov.kz/memleket/entities/emer/press/news/details/920168

 Өткен екі тәулікте ауа-райының нашарлауына, боранға, көктайғаққа, қатты желге және нөлдік көрінуге байланысты Қазақстанның автожолдарында ТЖМ 700-ге жуық адамды құтқарып, эвакуациялады. 15 өңірдің аумағында қалыптасқан күрделі метеорологиялық жағдайдың нәтижесінде республикалық маңызы бар автожолдардың 62 учаскесінде және облыстық маңызы бар 65-тен астам учаскеде қозғалысқа шектеу енгізілді.   Қазгидрометтің мәліметінше соңғы тәулік ішінде елімізде 18 дауылды ескерту жарияланды, олар алдағы екі тәулікте де сақталады. Қатты қарлы боран мен қардың түсуі кезінде көріну айтарлықтай нашарлады, салдарынан автомобиль жолдарында көліктердің кептелістері орын алды.   ТЖМ қызметкерлері жергілікті атқарушы органдармен, жол және медициналық қызметтермен, волонтерлермен бірлесіп, халыққа көмек көрсету жұмыстарын ұйымдастырды. Автокөлік кептелесі орын алған орындарда жылытылатын шатырлар орналастырылды, ыстық тамақ ұйымдастырылды, сондай-ақ адамдарды орналастыру және ауыл шаруашылығы жануарларын жақын маңдағы елді мекендерге тасымалдау үшін пункттер дайындалды. Еліміздің 18 өңірінде жедел штабтар ашылды, жедел желі телефондары жұмыс істейді.   Өткен екі тәулікте Қазақстан ТЖМ күштерімен 337 шығу, іздестіру және авариялық-құтқару жұмыстарына 131 шығу жасалды. Операция барысында 685 адам, оның ішінде 40 бала құтқарылды және эвакуацияланды, сондай-ақ 60-тан астам көлік қар құрсауынан шығарылды.   Бірнеше құтқару операциясын ерекше атап өткен жөн:   Қарағанды облысындағы жүкті әйелге көмек.   Бүгін түнде қатты боран жағдайында құтқарушылар жүкті әйелді аудандық ауруханаға жеткізуге көмектесті. Ішінде  әйел адам отырған жедел жәрдем көлігі ауа-райының қолайсыздығына байланысты жолды жалғастыра алмады. Құтқарушылар жүкті әйелді Қарағанды облысының Осакаровка кентіне ТРЭКОЛ техникасымен жеткізіп, дәрігерлерге тапсырды.   Жамбыл облысындағы жеті жасар балаға көмек.   21 қаңтарға қараған түні Жамбыл облысының Жуалы ауданында температурасы жоғары көтерілген жеті жасар бала туралы хабарлама келіп түсті. Ауа-райының қолайсыздығына байланысты құтқарушылар жедел жәрдем қызметкерлерімен бірлесіп ТРЭКОЛ жол талмайтын көлігімен жолға шықты. Бала орталық аудандық ауруханаға жеткізілді, ол қазір дәрігерлердің бақылауында.   Ақтөбе облысындағы шетел азаматтарын эвакуациялау.   «Самара-Шымкент» тас жолында Өзбекстан Республикасынан Ресей Федерациясына бара жатқан шағын автобус бұзылып тұрып қалды. Жүргізуші көмек сұрап, құтқарушылар 9 жолаушыны, оның ішінде бір баланы жақын жердегі жылыту пунктіне эвакуациялады. Жолаушыларға ыстық тамақ ұйымдастырылды. Шетел азаматтары қазақстандық құтқарушыларға жеделдігі мен көрсеткен көмегі үшін алғыстарын білдірді.   Маңғыстау облысында фурларды шығару.   Маңғыстау облысының Қарақия ауданында жауын - шашынның көп түсуіне  байланысты «Қазақстан-Түрікменстан» тас жолында 52 жүк көлігі балшықта тұрып қалды. Құтқарушылар вахтада жүргізушілердің жылынуына жағдай жасап, жергілікті биліктің көмегімен көлікті жолдың тазартылған учаскелеріне сүйреп шығарды. Жүргізушілердің көпшілігі көрші елдердің азаматтары болды және құтқарушыларға көмек көрсеткені үшін алғыс айтты.   Ақмола облысындағы азаматтарды тасымалдау.   Ақмола облысында қатты боран кезінде елді мекенге қарай жаяу бара жатқан 13 адамды елордалық құтқарушылар байқады. Азаматтардың қауіпсіздігі үшін олар ТЖМ вахтасында жақын маңдағы елді мекенге жедел жеткізілді.   Ұлытау облысында «Жезқазған-Сәтбаев» автожолындағы құтқару операциясы.   «Жезқазған-Сәтбаев» автожолында ауа райының нашарлауына байланысты 1200-ден астам автокөліктің кептелісі орын алды. ТЖМ құтқарушылары полиция және жергілікті атқарушы органдардың қызметкерлерімен бірлесіп, жақын маңдағы елді мекендерге дейін автоколоннаны қауіпсіз алып жүруді ұйымдастырды. Операция барысында 24 азаматқа көмек көрсетілді, 8 көлік эвакуацияланып, сүйреп шығарылды. Барлық адамдар қауіпсіз жерге жеткізілді.   ТЖД күшімен көмек көрсете отырып өтімділігі жоғары техникасында автожолдардың күрделі қарлы учаскелерінде адамдардың және кептелісте қалған автокөліктердің болуына патрульдеу жүргізілді. Қазіргі уақытта қайтыс болғандар мен зардап шеккендер жоқ. Құтқарушылар халыққа көмек көрсетіп, автожолдарда қауіпсіздікті қамтамасыз ете отырып, тәулік бойы жұмыс жүргізуді жалғастыруда.   Қазақстан ТЖМ азаматтарды сақтық шараларын сақтауға, дауылды ескертулерді қадағалауға және қолайсыз ауа райы жағдайында алыс сапарларға шықпауға шақырады. Ауыл тұрғындарына ауа-райының нашарлауы жағдайында ұзақ серуендеуден бас тарту ұсынылады.Ақпарат көзі : https://www.gov.kz/memleket/entities/emer/press/news/details/922418

Бүгін 101-ші туған күнін Қарағанды облысының Осакаров ауданындағы жалғыз Ұлы Отан соғысының ардагері Анна Никаноровна Котова атап өтеді. Жергілікті билік оны осы күнмен құттықтады.Анна Котова өзінің қартайғанына қарамастан, бір орында отырмауға тырысады. Оның есте сақтау қабілеті керемет және ол өзінің жауынгерлік жастығын жиі еске алады.Анна Котова Воронеж облысында дүниеге келген. Соғыс басталған кезде ол сыныптастарының үлгісімен майданға ерікті болуды сұрай бастады, бірақ әскер қатарынан бірнеше рет осындай жас қызды әскерге шақырудан бас тартты. Бірақ Аннаның табандылығы мен табандылығы маңызды рөл атқарды: 1943 жылы ол 2-ші Украина майданының 065-ші эвакуациялық ауруханасына медбике болып тағайындалды. Мұнда ол соғыс аяқталғаннан кейін де жаралылардың өмірін сақтап қалуға көмектесті: қыз 1946 жылдың маусымында, оның бір бөлігі Венгрияда орналасқан кезде ғана демобилизацияланды. Ол 1943 жылдың 13 мамырынан 1945 жылдың 9 мамырына дейін 2-ші Украина майданының құрамында бо қимылдарына қатысты. Анна Никаноровна Курск шайқасы ерекше есте қалды.Анна Котова II дәрежелі Отан соғысы орденімен, "1941-1945 жылдардағы Ұлы Отан соғысындағы Германияны жеңгені үшін", "Украинаның фашистік басқыншылардан азат етілгеніне 60 жыл" медальдарымен, "санитарлық қызметтің үздігі" әскери белгісімен және басқа да мерейтойлық ордендермен және медальдармен марапатталған.Демобилизациядан кейін және лайықты демалысқа шыққанға дейін Анна Котова Осакаров ауданының денсаулық сақтау мекемелерінде жұмыс істеді.Ақпарат көзі : https://www.gov.kz/memleket/entities/karaganda/press/news/details/921817

Осы арқылы азаматтардың назарына «Электрондық үкімет порталында» «Ашық үкімет» - «Ашық НҚА» бөлімінде жария талқылау үшін лицензия беретін уәкілетті органға өзгерістер енгізу үшін «Атқарушылық іс жүргізу мәселелері бойынша мемлекеттiк көрсетілетін қызметтер қағидаларын бекіту туралы» Қазақстан Республикасы Әділет министрінің 2020 жылғы 29 мамырдағы № 69 бұйрығына өзгерістер енгізу туралы» Қазақстан Республикасы Әділет министрінің бұйрығының жобасы орналастырылғанын жеткіземіз. Қоғамдық талқылау 2025 жылғы 27 ақпан – 17 наурыз аралығында өтеді(https://legalacts.egov.kz/npa/view?id=15466071)Ақпарат көзі : https://www.gov.kz/memleket/entities/adilet/press/news/details/947876

Шымкентте толассыз жауып жатқан қардың салдарын жою және жол қауіпсіздігін қамтамасыз ету үшін қар тазалау жұмысты ерекше бақылауға алынды. Шымкент қаласы әкімі аппараты арнайы ситуациялық орталықта қала көшелеріндегі техникалардың жұмысын бейнебақылау камералары арқылы бақылап отыр.Қала көшелерінде орнатылған бейнебақылау камераларынан техникалардың қай жерде жұмыс істеп жатқанын және қай көшенің тазартылмағанын бір мезетте көруге болады. Бұл жауапты мамандарға қар тазалау жұмысын жедел үйлестіріп, қажет болған жағдайда шұғыл шешім қабылдауға және тазалау сапасын арттыруға мүмкіндік береді.Сонымен қатар, қалалық жайлы ортаны дамыту басқармасы тарапынан арнайы мониторинг тобы әр техниканың бағытын GPS қондырғылары арқылы қадағалап, мұз қату қаупі бар аймақтарға жедел бригадалар жіберуде.Қар тазалау жұмысы ең алдымен әлеуметтік маңызы бар нысандар аумағында (аурухана, мектеп, балабақша), жаяу жүргіншілер жолы мен бірінші деңгейдегі негізгі магистральді көшелерде жүргізіледі. Барлық көшеге инертті материалдар себіліп, толық қар күреу жұмысы аяқталған соң ғана жол жиегіндегі жиналған қар шығарылады. Басты басымдық –магистральді көшелерді тазарту.Жалпы қала көшелерін қардан тазалау жұмыстарына мемлекеттік-жекешелік әріптестік аясында 189 арнайы техника мен 2000-ға жуық қызметкер жұмылдырылған. Қазіргі таңда көше бойларында инертті материал себу, қарды тазалау және жаяу жүргіншілер жолдарын тазарту жұмыстары үздіксіз жүргізіліп жатыр. Жаяу жүргіншілер жолында көктайғақтың алдын алу мақсатында бес аудан бойынша 40-қа жуық шағын трактор жұмыс істеп жатыр. Ал техника сыймайтын көшелер мен қиылыстарды коммуналдық қызметкерлер тазартуда.Инертті материалдар қоры:Құм: 24 800 м³Тұз: 13 200 тоннаБарлық коммуналдық сала қызметкерлері тұрғындардың қауіпсіздігі мен қолайлы жағдайын қамтамасыз ету үшін тәулік бойы күшейтілген режимде жұмыс істеп жатыр.Ақпарат көзі : https://www.gov.kz/memleket/entities/shymkent/press/news/details/922905

Биыл Қазақстандағы ұлтаралық татулық пен бірліктің нығаюында ерекше орын алатын Қазақстан халқы Ассамблеясының құрылғанына 30 жыл. Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзінде, Ассамблеяның институционалдық әлеуетін нығайту мәселесіне арнайы тоқталып, Ұйымның мемлекеттік органдармен, Парламентпен және мәслихаттармен қарым-қатынасын жақсарта түсу керек екенін атап өткен болатын. Бұл ретте Қасым-Жомарт Тоқаев Ассамблея жетекшілеріне мемлекеттік шешім қабылдау үдерісіне және реформаларды ілгерілету ісіне белсене қатысу, этно-әлеуметтік шиеленіс ошақтарын анықтау және ондай оқиғалардың алдын алуға баса мән беру, Ассамблеяны әлеуметтік тұтастық пен отаншылдықты дәріптейтін институт ретінде нығайту міндеттерін жүктеді. – Тарих тоғыстырған тағдырымыз – бір, сеніммен қадам басатын келешегіміз – бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз – Қазақстанның жарқын болашағын бірге жасаймыз. Біздің мақсатымыз – айқын, бұл – Әділетті Қазақстанды құру. Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын, – деген Қасым-Жомарт Тоқаев. Бірлік пен ынтымақ мемлекет саясатының түпкі мақсаты. Осы орайда қаламыздағы «Достық үйінде» қала әкімінің орынбасары, қалалық Қазақстан халқы Ассамблеясы төрағасының орынбасары Сәрсен Құранбектің төрағалығымен ҚХА қалалық кеңесінің маңызды отырысы өтті. Этносаралық қарым-қатынастар жайын қаузап, мемлекеттік саясаттың басым бағыттарын талқылайтын іс-шараға қалалық ҚХА жанындағы қоғамдық құрылымдар мен этномәдени бірлестіктердің төрағалары, белсенділері, жоғары оқу орындарының оқытушылары, басқарма басшылары, аудан әкімдерінің орынбасарлары, жоғары оқу орындарының ректорлары қатысып, кеңестің күн тәртібіне қойған өзекті мәселелерді талқылады. Күн тәртібіндегі негізгі мәселе Қазақстан халқы Ассамблеясының 30 жылдығына арналған бекітілген іс-шараларды қала аумағында ұйымдастыру мен өткізу жоспары талқыланып, ұсыныстар қабылданды. - Елдің бірлігі мен ынтымағын сақтау – бізге жүктелген ең басты міндет. Осы тұрғыда биылғы өткелі отырған 30 жылдықты қалалық Ассамблея мүшелері, қалалық ҚХА жанындағы қоғамдық құрылымдар, этно-мәдени бірлестіктер, Қоғамдық келісім мекемесі мен аудан әкімдері, салалық басқармалар мен оқу орындары осы жоспарда белгіленген іс-шараларды жоғарғы деңгейде ұйымдастыруы тиіс. Мақсат тек ұйымдастырып, өткізу емес, әрбір іс-шараның мазмұнын ашып, қоғамдық келісім мен жалпыұлттық бірліктің маңызын ашуға бағытталуы керек, - деді Сәрсен Абайұлы. Күн тәртібінде ҚХА республикалық құрамына Шымкент қалалық Ассамблеясы атынан ұсынылатын үміткерлердің тізімі қаралып, бекітілді. Сонымен қатар, қалалық ҚХА құрамына өзгертулер енгізіліп, кеңес мүшелері ұйымның құрылымына толықтырулар мен өзгерістер енгізу бойынша шешім қабылданды. Этномәдени бірлестіктерді қоғамдық аккредиттеу комиссиясын қайта қаралып, комиссия құрамына енгізілетін өзгерістер ұсынылды. Жиын барысында күн тәртібіндегі мәселелер бойынша пікір алмасу, шешім қабылдау және дауысқа салу рәсімі жүзеге асырылды. Корейлер қауымдастығының төрағасы Юрий Пан Ассамблеяның 30 жылдығына межелеген жоспарларымен бөлісіп, әрбір бастамаға белсенді араласатындықтарын жеткізе келе, 30 игі істер челленджін өткізу идеясын ортаға салды. Идея көпшіліктің көңілінен шығып, Сәрсен Абайұлынан да қолдау тапты. Бұл шара Шымкент қаласындағы этносаралық келісімді нығайту және Қазақстан халқы Ассамблеясының рөлін күшейту жолындағы маңызды қадам болмақ. Қазақстан халқы Ассамблеясының 30 жылдығы – бейбітшілік пен бірліктің жарқын көрінісі. Шымкент қаласының ҚХА бұл мерейтойды лайықты деңгейде атап өту үшін барлық күш-жігерін жұмсап, айрықша іс-шаралар өткізуді жоспарлап отыр. Айта кетейік, Ассамблеяның 30 жылдығын мерекелеу аясында елімізде және шетелде кемінде 1,5 млн адамды қамти отырып, түрлі форматтағы 150-ден астам іс-шара ұйымдастыру жоспарланып отыр.   Ақпарат көзі : https://www.gov.kz/memleket/entities/shymkent/press/news/details/922913

2025 жылдың қаңтар айынан бастап мектептер мен колледждерде ҚР Бала құқықтары жөніндегі уәкілімен бірлесіп енгізілген "111" байланыс орталығына қол жеткізу үшін QR-кодтар енгізілді. Бұл орталық отбасының, әйелдер мен балалардың құқықтарын қорғауда құқықтық, ұйымдастырушылық және психологиялық көмек көрсетеді. Енді "111" нөміріне қоңырау шалудан басқа, балалар мен олардың ата-аналары QR кодтары арқылы сұраныстар жібере алады. Олар барлық білім беру ұйымдарында, балаларға арналған орындарда, сондай-ақ аялдамаларда орналасқан. Бұл жаңалық көмек алудың ыңғайлылығы мен қолжетімділігін арттыруға бағытталған. "Бұрын балалар байланыс орталығына тек телефон арқылы хабарласа алатын, енді олар QR кодтары арқылы сұрау жіберу мүмкіндігіне ие болды. Бұл қолдау алу процесін едәуір жеңілдетеді, оны ыңғайлы және қол жетімді етеді. QR-кодтар қажетті ақпарат пен көмекті тез және жасырын алуға мүмкіндік береді, бұл балалардың сұрақтары мен сұрауларына жедел жауап беруге ықпал етеді", — деп атап өтті ҚР Білім министрлігі Балалардың құқықтарын қорғау Комитетінің төрағасы Насымжан Оспанова. 2024 жылдың қорытындысы бойынша "111" байланыс орталығына балалардан 1000-ға жуық өтініш түсті. Оларға анықтамалық ақпарат берілді, психологиялық қолдау көрсетілді және мемлекеттік органдармен ынтымақтастықта уақтылы көмек ұйымдастырылды. Естеріңізге сала кетейік, 2024 жылдың шілдесінде Мемлекет басшысы қабылдаған Қазақстан Республикасының әйелдер құқықтары мен балалардың қауіпсіздігін қамтамасыз ету мәселелері жөніндегі Заңы шеңберінде "111"байланыс орталығының функциялары заңнамалық түрде бекітілді.Ақпарат көзі : https://www.gov.kz/memleket/entities/edu/press/news/details/920783

✔️Мемлекет басшысы Қасым-Жомарт Тоқаев мүгедектігі бар адамдарға қолайлы жағдай жасау керектігін баса айтқан болатын. Осы ретте, Түркістан облысы, Сауран ауданында психоневрологиялық ауытқуы бар мүгедек балаларға арналған арнаулы әлеуметтік қызметтер көрсету орталығы салынуда. ✔️Облыс әкімінің орынбасары Бейсенбай Тәжібаев Ораңғай ауылдық округінде бой көтерген жаңа нысанды аралап, мердігерлермен кездесті. Сапалы жұмысты талап еткен облыс әкімінің орынбасары, құрылысты уақытылы аяқтауды тапсырды. Бейсенбай Дәулетұлы құрылыс алаңында жүргізілген жұмыстарды қадағалады. Ғимарат ашылғанға дейін бос жұмыс орындары жәрмеңкесін өткізіп, білікті мамандармен қамтамасыз етуді міндеттеді. Сондай-ақ жылу жүйесінде қатаң бақылауда ұстау керектігін айтты. Жауапты басқармалар, аудан әкімдігі, мердігер және орталық жетекшісіне кемшіліктерді реттеу бойынша тапсырмалар жүктеді. Орталық соңғы үлгідегі әрі заманауи қажет құрылғылармен жабдықталып, азаматтарға қолайлы жағдайлар жасалады. ✔️Құрылыс жұмыстары 2023 жылдың шілде айында басталып, осы жылдың көктем айында аяқтау жоспарланып отыр. Қазіргі таңда ішкі әрлеу жұмыстары жүргізіліп жатыр. Енді тазалау, көгалдандыру, материалдық-техникалық базамен қамту жұмыстары орындалады. Жаңа орталық ғимаратына Төлеби ауданы, Тасарық ауылда орналасқан тірек-қимыл аппараты бұзылған балаларға арнаулы әлеуметтік қызметтер көрсететін «№4 Тасарық арнаулы әлеуметтік қызметтер көрсету орталығы» КММ-сін орналастыру жоспарлануда. 📌Жалпы осы орталықтың іске қосылуы мүгедек балалар үшін әлеуметтік қолдау мен оңалту қызметтерін жақсартуға зор ықпал етеді. Бұл жоба – ауданның әлеуметтік инфрақұрылымын нығайтуға және тұрғындарға арнаулы әлеуметтік қызметтер көрсету сапасын арттыруға бағытталған маңызды қадам. 📌Облыс әкімінің орынбасары сондай-ақ, 200 орындық «Самғау» оңалту орталығында болып, қызмет алушылармен кездесті. Заманауи оңалту орталығы 18 жастан асқан мүгедектігі бар адамдарға арналған. Оңалту орталығында 25 күн бойы медициналық, психологиялық қызметтен көмектен бастап жалпы 7 түрлі арнаулы әлеуметтік қызметтер көрсетіліп келеді. Бір жылда 2400 азаматты қабылдауға қауқарлы. Өткен жылдың желтоқсанында 70-ке жуық адам ем алса, жыл басынан бері 100-ге жуық адам қызмет алып үлгерді. Жалпы, облыста 100 мыңға жуық мүгедектігі бар азамат тұрады. Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922120

Бүгін облыс әкімі Нұрлыбек Нәлібаев «Семізбай U» уран кен орнының бас директоры Біржан Сатанов және орынбасары Қайрат Утяповпен кездесті. Кездесуде аймақтың экономикалық дамуы, әлеуметтік бағдарламалар, экология және әкімдікпен серіктестік мәселелері талқыланды.Тараптар салық түсімдерін арттыру, өндірістік тиімділікті көтеру, жұмысқа орналастыру және оқуға гранттар беру, қоршаған ортаны қорғау, экологиялық әсерді азайту жөніндегі жоспарларды қарастырды.Әсіресе, жергілікті халықтың өмір сүру сапасын жақсартуға бағытталған бірлескен жобаларға ерекше назар аударылды.«Семізбай-U» серіктестігі 2006 жылы Ақмола облысындағы уран кен орнын игеру үшін құрылған. Құрылтайшылары – «ҚазАтомӨнеркәсіп» ҰАК», Beijing Sino-Kaz Uranium Resources Investment Company Limited компаниялары. Құрамына Ақмола облысындағы «Семізбай» кен орны, Солтүстік Қазақстан облысындағы «Семізбай» филиалы, Қызылорда облысындағы «Иіркөл» кен орны кіреді. Негізгі қызметі – уран өндіру және өңдеу, уран құрамды рудалардан өнім дайындау және сату.«Иiркөл» кен орны 1971 жылы ашылып, 1975-1985 жылдары бұрғылау арқылы барлау жүргізілген. КСРО Мемлекеттік қорлар комиссиясы уран қорының көлемін 29 541 тонна деп бекіткен. Кен орны 2008 жылы пайдалануға беріліп, 2010 жылы жобалық қуаттылығы 700 тоннаға жетті.Ақпарат көзі : https://www.gov.kz/memleket/entities/kyzylorda/press/news/details/921011

2025 жылдың 20 қаңтарында Қостанай облысының Әкімі Құмар Ақсақалов ПЕН IT саласының көшбасшылары арасында кездесу өтті.Аймақ басшысы АТАП өткендей, ЖАСАНДЫ ИНТЕЛЛЕКТТІҢ мүмкіндіктері күн сайын кеңейіп келеді, сонымен бірге экономикалық дамудың және еңбек өнімділігінің артуының жаңа перспективалары пайда болуда."Жасанды интеллект-бұл жай ғана инновация емес, бүкіл салалар мен экономиканың тиімділігін арттыра алатын қуатты құрал. Соңғы жылдары Қазақстанда ЖАСАНДЫ ИНТЕЛЛЕКТКЕ деген қызығушылықтың белсенді өсуі байқалды. Мемлекет Басшысының тапсырмасы бойынша ел Үкіметі тиісті инфрақұрылым мен экожүйені дамыту бойынша шаралар қабылдауда, ал біздің өңір шетте қалмауы керек", - деп Атап өтті Қостанай облысының Әкімі.Осы іс - шара барысында біздің өңір үшін өзекті және маңызды мәселелер-2024 жылғы цифрландыруды дамыту нәтижелері, одан әрі перспективалар, сондай-ақ өңірде жасанды интеллектті енгізу мәселелері талқыланды.Қазақстандық Ақпараттық Технологиялар Және Инновациялар Қауымдастығының Президенті Ирина Юрьевна Сулименко ӨТКЕН 2024 жылы ЕО елдеріне АТ қызметтерін экспорттау бойынша жүргізілген жұмыстар туралы егжей-тегжейлі баяндады.Күн тәртібінде аймақ экономикасына оң әсер ететін бастамалар мен стартаптар да қаралды. Қостанай облысының тумасы Ержан Мұратұлы Қаратаев қазақстанның жасанды интеллектті пайдаланудағы Жапондық кәсіпорындармен өзара іс-қимылының болашағы туралы айтты. Қазіргі уақытта Ол Жапонияда тұрады және жұмыс істейді.Қостанай Хабының аймақтық менеджері Дамир Дулатұлы Мнайдаров жұмыс нәтижелерімен және болашаққа жоспарларымен бөлісті. Компания стартап-мәдениеттер мен IT-қауымдастықтарды белсенді түрде насихаттайды, сонымен қатар жас таланттардың дамуына үлкен мүмкіндіктер береді.Қостанай облысы-ауыл шаруашылығы, өнеркәсібі дамыған және инновациялық технологияларды енгізу үшін үлкен әлеуеті бар аймақ. Алдағы уақытта кездесу барысында ұсынылған бастамалар алдағы жұмыстарда ескерілетін болады.Іс-шараны қорытындылай келе, Құмар Ақсақалов біздің өңірде жасанды интеллектті енгізу экономикалық дамуға, өмір сүру сапасын жақсартуға және негізгі салаларды жаңғыртуға жаңа мүмкіндіктер ашатынын атап өтті. Бұл мемлекеттік органдардың, кәсіпорындардың, білім беру мекемелерінің және БҮКІЛ АТ қауымдастығының үйлестірілген жұмысын талап етеді.Ақпарат көзі : https://www.gov.kz/memleket/entities/kostanay/press/news/details/921074

2025 жылдың 5 сәуірінен бастап мопедтер ресми түрде механикалық көліктерге теңестіріледі. Оларды пайдалану үшін: полицияда тіркелу; А1, А немесе В санатындағы жүргізуші куәлігі; техникалық тексеру; азаматтық жауапкершілікті сақтандырудан өту қажет болады. Тіркелу үшін тұрғылықты жері бойынша арнайы ХҚКО-ға келесі құжаттармен жүгіну қажет: жеке куәлік (электронды түрде болуы мүмкін); мопедтің техникалық құжаты немесе сипаттамалары. Кейін өтінішті толтырып, мопедті тексерістен өткізіп, қажетті мемлекеттік баждарды төлеу керек. Дереккөз: ҚР Ішкі істер министрлігінің ресми сайты Мопедтерді тіркеу: не білу қажетАқпарат көзі : https://www.gov.kz/memleket/entities/zhetysu-oblysy/press/news/details/921147

Астанада картоп бағасының тұрақтылығын қамтамасыз ету үшін барлық қажетті шара қабылданды. Бұл өнімнің жетіспеушілігі мәселесі жоқ. Өнімдер қаладағы сауда желілері мен базарларда жеткілікті мөлшерде ұсынылып, қорлары дер кезінде толықтырылуда. «Астана» СПК» АҚ 7 мың тоннадан астам картоп жеткізуге келісімшарттар жасады, бұл бірқатар сауда орнында өнімге тұрақты бағаны ұстап тұруға мүмкіндік береді. Картоптың құны килограммына 185 теңгеден 250 теңгеге дейінгі аралықты құрайды. Келісімшарттық көлемдер бірнеше жеткізуші арасында бөлінеді:«Magnum Cash&Carry» ЖШС – 4160 тонна,«ҚазПромАгро» ЖШС (Павлодар облысы) – 2240 тонна,«Нұрбек» КХ (Түркістан облысы) – 680 тонна. Картоп қаланың «Магнум», «Вкусмарт», «Аян», «Анвар», «Фермаг» сияқты сауда желілерінде, сондай-ақ Сауран, Шапағат және басқа да базарларда бар. Сонымен қатар, «Астана» СПК» АҚ 7 мың тоннадан астам картоп жеткізу бойынша жаңа келісімшарттар жасау жұмыстарын жалғастыруда. «Magnum» желісінде картоптың белгіленген бағамен – килограмына 185 теңге қорын қалыптастыруға ерекше назар аударылады. Бұл ретте, Өңірлік комиссия әлеуметтік маңызы бар азық-түлік тауарларына бағаның негізсіз өсуіне мониторинг және тұрақты тексерулер жүргізеді.       Ақпарат көзі : https://www.gov.kz/memleket/entities/astana/press/news/details/921167

Бүгін Шымкент қаласының әкімі Ғабит Сыздықбековтің төрағалығымен өткен аппараттық мәжілісте бірқатар маңызды мәселелер қаралды.Полиция департаменті бастығының бірінші орынбасары А. Бейсенбаев құқық тәртібін қамтамасыз ету, құқық бұзушылықтардың алдын алу мақсатында атқарылып жатқан жұмыстарды баяндады. Отбасы-тұрмыстық қарым-қатынаста жасалған құқықбұзушылықтың алдын алу үшін жәбірленуші қауіпсіздігін қамтамасыз ету мақсатында 5189 тұлғаға қатысты «қорғау нұсқамасы» шығарылған. Сотқа дейінгі тергеп-тексеру барысында құқықбұзушылық жасауы мүмкін 39 құқықбұзушыға қатысты қосымша шектеу шарлары қолданылып, 20 тұлға әкімшілік қамауға алынған, 19-ы уақытша ұстау изоляторына қамалған. Шымкент қаласының санитариялық- эпидемиологиялық бақылау департаменті басшының міндетін атқарушы А.Ахметов эпидемиологиялық жағдай және метапневмовирустың таралуының алдын алу шараларымен бөлісті. Қалада былтыр бірқатар инфекциялық және паразитарлық аурулардың эпидемиологиялық ахуалы тұрақты болды. Ғ.Әбдімәжитұлы бұл ретте профилактикалық шараларды күшейтіп, білім беру ұйымдары асханаларындағы санитарлық ақуалды да қатаң бақылауға алуды тапсырды. Денсаулық сақтау басқармасының басшысы Н. Асылбеков те медициналық ұйымдардың нәтижелі жұмыстарын баяндады. Қала басшысы жауаптыларға халық денсаулығын жақсарту шараларын сапалы атқарып, ең алдымен есепте тұрған науқастарды медициналық препараттармен мерзімінде қамтуды тапсырды.   Сонымен қатар жиын барысында Табиғи монополияларды реттеу комитетінің Шымкент қаласы бойынша департаментінің және «Шымкент-қайырымды қала» корпоративтік әлеуметтік даму қорының жұмыстары да қорытындыланды. Қала әкімі сала басшыларына халыққа қолайлы жағдай жасау үшін жұмыс тиімділігін арттыруда бірқатар тапсырмалар берді. Шымкент қаласы әкімінің баспасөз қызметі Ақпарат көзі : https://www.gov.kz/memleket/entities/shymkent/press/news/details/921292

Облыс әкімінің орынбасары Нұрбол Тұрашбеков кезекті жұмыс сапарында Жетісай және Шардара ауданында “Ислам Даму” банкінің қаржыландыруы арқылы жүзеге асырылып жатқан 512 тік дренаж ұңғымаларында атқарылған жұмыстарды бақылап, мердігерлермен жиналыс өткізді. “Қазсушар” РМК Түркістан филиалының директоры Казыбек Бедебаев жоба бойынша күтілетін нәтижеге тоқталып, жұмыс есебін ұсынды. Соңғы 10 жылда табысы мен күнкөріс көзі агросектормен тікелей байланысты Жетісай ауданында ауыл шаруашылығы дақылдарының өнімі мен сапасы төмендеген. Мамандар мұны аудан аумағындағы 380 тік дренажды ұңғыманың 210 данасының істен шығып, жерасты суы деңгейінің көтерілуімен байланыстырған болатын. Ауданда қазіргі таңда 16 010 гектар аумақта орналасқан 97 тік дренаждың құрылысын “Киікбай Строй Сервис” ЖШС жүргізуде. Суармалы жердің 19 911 гектарына 113 дренаж орнату міндеті “Арт-Құрылыс” ЖШС мекемесіне тапсырылған. Шардара ауданында жалпы тік дренаждар саны – 302. Тік дренажды ұңғымаларды қайта қалпына келтіру "Ислам Даму" банкі арқылы қаржыландырылып, жүзеге асуда. Бүгінге дейін жаңадан 229 тік дренажды ұңғыма қазылды. Жұмыстар өндірістік кестеге сай жалғасуда. Нұрбол Тұрашбеков сала мамандарына жобалардың сапасына баса мән беруді ескертіп, жұмысты ширатуды тапсырды. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/920624

Биыл да Түркістан облысы аумағында «Таза Қазақстан» бағдарламасы аясында ауқымды жұмыстар атқарылуда. Жоспар бойынша өңірде күнделікті өткізілетін 7263 сенбілік іс-шарасы бекітілді. Бұл жұмыстарға тұрғындар мен кәсіпкерлер де тартылып, тазалық жұмыстары білім, денсаулық сақтау, мәдениет, спорт, дін нысандарында күшейтілмек. Бұл туралы Түркістан облысының әкімі Нұралхан Көшеровтың төрағалығымен өткен аппарат мәжілісінде айтылды. Жиын барысында облыс әкімінің бірінші орынбасары Зұлпыхар Жолдасов бағдарлама аясында атқаралып жатқан жұмыстарды баяндап, жоспарлармен бөлісті. Қазіргі таңда аудан, қала әкімдіктері және Облыстық кіріс департаменті тарапынан кәсіпкерлік нысандарының және іргелес жатқан аумақтарды таза ұстау бағытындағы жұмыстар ұйымдастырылуда. Сонымен қатар «Таза Қазақстан» 2024-2029 жылдарға арналған экологиялық тұжырымдамасына сәйкес, барлық сала бойынша жеке жол картасы әзірленуде. Бүгінгі таңда «телеграмм бот» платформасына 885 өтінім түскен. Оның ішінде, 866 өтінім орындалған болса, қалған өтінімдер орындалу барысында. 2024-2025 жылдары жолдарды қысқы күтіп ұстау үшін 4 мың шақырымға жуық жолға 121 арнайы техника, 259 жұмысшы жұмылдырылып, 4 мың текше метрден астам құм, 600 тоннаға жуық тұз қолданылуда. Мәжілісте Облыстық құрылыс басқармасының басшысы Сұлтанғали Жалқұл «Жайлы мектеп» жобасының жүзеге асырылу барысын баяндады. Аймақта 29 мектептің құрылысы басталған. Оның 13-і тапсырылды. Қалған 16-сы биыл ел игілігіне беріледі деп жоспарланған. Тапсырылатын 16 мектептің 12-сінің шатыры жабылып, ішкі әрлеу, инженерлік инфрақұрылым тарту және сыртқы қасбетін қаптау жұмыстары басталған. Құрылыс жұмыстары 60% орындалған. Облыс әкімі Нұралхан Көшеров «Таза Қазақстан» бағдарламасы мен «Жайлы мектеп» жобасын уақтылы әрі сапалы жүзеге асыруды, жұмысты жандандыруды тапсырды. Аталған мәселелер қатаң бақылауға алынған. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/921093

АРАЛЫҚ ҚОРЫТЫНДЫЛАР: 31 МЫҢҒА ЖУЫҚ ТАЛАПКЕР ҚАҢТАР АЙЫНДАҒЫ ҰБТ-НЫ ТАПСЫРДЫ Қаңтар айындағы ҰБТ-ның бірінші аптасында 31 мыңға жуық адам тест тапсырды. Шекті балды 60%-ға жуық талапкер жинады. Тестілеу нәтижесі бойынша орташа балл 58 балды құрады. Ең жоғары балл – 136, оны Түркістан облысының оқушысы жинады. Тестке қатысушылардың 69,3%-ы қазақ тілінде, 30,6%-ы орыс тілінде, 27 адам ағылшын тілінде тестілеуден өтті. Талапкерлердің басым бөлігі, атап айтқанда, 18,2%-ы «Математика-Физика» пәндер комбинациясын тапсырды. 13,5%-ы «Биология-Химия»,  13,3% «Шығармашылық емтихан» комбинациясын таңдаған. Ең аз таңдалған комбинация – «Химия-Физика», оны 55 адам тапсырған. Ерекше білім беру қажеттіліктері бар оқуға түсушілер үшін қолайлы жағдай жасаудың арқасында қаңтар ҰБТ-сына 101 талапкер қатысты. Талапкерлер тестілеу аяқталғаннан кейін 30 минут ішінде апелляцияға бере алады, бұл жағдайда сертификат апелляция туралы шешім қабылданғаннан кейін тестіленушінің жеке кабинетінде қолжетімді болады. Қазіргі таңда 71 адамның нәтижесі жойылды. Оның ішінде 37 талапкер смартфон және шпаргалка сияқты тыйым салынған заттарды алып өту әрекеті салдарынан тест тапсыру мүмкіндігінен айырылды, ал тестілеу кезінде ережелерді бұзғаны үшін аудиториядан 34 адам шығарылды. Өзге тұлғалар анықталған жоқ. Айта кетсек, 2025 жылғы ҰБТ аяқталғаннан кейін күнтізбелік жылдың 31 қазанына дейін тестілеудің бейнежазбаларына талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда түсушінің ҰБТ нәтижелері жойылады. Естеріңізге сала кетсек, қаңтар ҰБТ-сы 13 қаңтар мен 10 ақпан аралығында өтеді. Тестілеуге қатысуға 167 мыңға жуық талапкер ниет білдірген.   ҚР ҒЖБМ Ұлттық тестілеу орталығыАқпарат көзі : https://www.gov.kz/memleket/entities/sci/press/news/details/920834

Қазақстан делегациясы ауыл шаруашылығы вице-министрі Ермек Кенжеханұлының басшылығымен Германияда өткен аграрлық іс-шараларға қатысып, стратегиялық келіссөздер жүргізді.Сапар барысында Германияның ауыл шаруашылығы министрі Джем Оздемирмен және Германияның азық-түлік пен ауыл шаруашылығы федералды министрлігінің парламенттік статс-хатшысы О. Никпен кездесулер өтті. Кездесулерде Орталық Азия елдері үшін Тұрақты егіншілік жөніндегі өңірлік орталық құру және екіжақты ынтымақтастық мәселелері талқыланды.Тұрақты егіншілік жөніндегі өңірлік орталық құру туралы идея алғаш рет Қазақстан Президенті Қасым-Жомарт Тоқаевтың 2023 жылы Германияға ресми сапары барысында ұсынылған болатын.Қазақстандық делегация John Deere, DF Deutsche Forfait AG, BVVG және Innari сияқты жетекші неміс компанияларының өкілдерімен келіссөздер жүргізді. Келіссөздер барысында агроөнеркәсіптік кешендегі бірлескен жобалар мен Қазақстан экономикасына инвестиция салу мүмкіндіктері қарастырылды.18-19 қаңтар күндері делегация 16-шы Берлин ауыл шаруашылығы министрлері конференциясына және «Grüne Woche» халықаралық көрмесіне қатысты. Қазақстан көрмеде агроөнеркәсіптік әлеуеті мен инвестициялық мүмкіндіктерін таныстырып, халықаралық серіктестермен ынтымақтастық перспективаларын талқылады.Сапар нәтижесінде Германия компанияларының Қазақстанның ауыл шаруашылығы саласына инвестиция салуға жоғары қызығушылығы расталды.Ақпарат көзі : https://www.gov.kz/memleket/entities/moa/press/news/details/920463