Ақпарат көзі : https://www.gov.kz/memleket/entities/ontustik/press/news/details/913665

Ақпарат көзі : https://www.gov.kz/memleket/entities/ontustik/press/news/details/913668

Премьер-министр Олжас Бектенов пен Президент Әкімшілігінің басшысы Айбек Дәдебай Түркістан облысы мәслихаттары депутаттарының жиналысына қатысты.Депутаттарға Мемлекет басшысының Түркістан облысының әкімі лауазымына екі кандидат ұсыну туралы хаты оқылды. Қарауға Түркістан облысы әкімінің орынбасары Нұралхан Көшеровтің және Созақ ауданының әкімі Мұхит Тұрысбековтің кандидатуралары ұсынылды. Сайлау комиссиясы ашық дауыс беру қорытындысын шығарып, 288 дауыстың 224-і Нұралхан Көшеровке берілді.Мәслихаттары депутаттарының жиналысы қорытындысына сәйкес, ҚР Президентінің тиісті Жарлығымен Нұралхан Оралбайұлы Көшеров Түркістан облысының әкімі болып тағайындалды.Облыс активімен кездесуде Премьер-министр Олжас Бектенов Дархан Сатыбалдыға өңірдің дамуына қосқан үлесі үшін алғыс айтып, алдағы қызметіне табыс тіледі.Премьер-министр өңір активіне жаңа әкімді таныстыра келе, Мемлекет басшысының облыс басшылығы алдына қойған міндеттеріне тоқталды. Президенттің «Ana tili» газетіне берген сұхбатында айтылған экономиканы нығайту және халықтың тұрмыс сапасын жақсарту мақсаты аясында, басым бағыттар қатарында экономиканы әртараптандыру және өнімді жаңа жұмыс орындарын құру арқылы кластерлік өндіріске көшу, «TURAN» АЭА мен өңірдің жалпы инвестициялық тартымдылығын арттыру, көлік-логистикалық әлеуетті ашу және АӨК дамуын арттыру мәселелері атап өтілді. Халықты қолжетімді әрі сапалы ауыз сумен және азық-түлік өнімдерінің тұрақты бағасын қамтамасыз ету, инженерлік инфрақұрылымды жаңғырту бойынша бірқатар міндеттер қойылды.Облыс орталығы – Түркістанның тарихи әрі рухани маңыздылығын ескере отырып, мәдени мұраны сақтауға және түркі әлемінің бауырлас халықтары арасындағы байланысты нығайтуға, сондай-ақ туризм саласын дамытуға ерекше көңіл бөлу тапсырылды.Ақпарат көзі : https://www.gov.kz/memleket/entities/ontustik/press/news/details/913724

Бүгін Түркістан облысының әкімі Нұралхан Көшеров облыс әкімі аппараты, басқарма басшылары мен аудан, қала әкімдерінің қатысуымен жиналыс өткізіп, алда атқарылатын жұмыстар мен басым бағыттарға тоқталды. Өңір басшысы аймақтың өзекті мәселелерін зерделеп, шешу бағытында нақты істер атқарылатынын жеткізді.– Мемлекет басшысы Қасым-Жомарт Кемелұлы экономиканы әртараптандыру, ішкі жалпы өнім көлемін арттыру, өңірді дамыту, халықтың әл-ауқатын көтеру бағытында тапсырмалар жүктеді. Ел Президенті мен Үкіметтің тапсырмаларын жоғары деңгейде орындауымыз қажет. Облысты дамыту мақсатында біз өндірісті өркендету, инвестиция тарту, жұмыс орындарын ашуға басымдық береміз. Аудан, қала әкімдері мен басқарма басшыларына өздерінің функционалдық міндеттерін сапалы атқарып, жұмыс барысында оң көрсеткіштерге қол жеткізуді тапсырамын. Сонымен қатар агроөнеркәсіп кешенін дамыту және су үнемдейтін технологияны енгізу, суды көп қажет ететін дақылдарды азайтып, құрғақшылыққа төзімді дақылдар алқабын көбейту – уақыт талабы. Инфрақұрылымды жақсарту мәселесі және құрылыс жұмыстарының сапасы басты назарда болады, – деді Нұралхан Көшеров.Мәжілісте облысты дамыту, барлық сала бойынша жүйелі жұмысты жалғастыру жолдары талқыланып, тиісті тапсырмалар берілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/914038

Жаңа жыл қарсаңында "SOS Астана балалар ауылы" ұйымының балалары үшін қайырымдылық акциясы өтті. Бұл мекеме ата-анасының қамқорлығынсыз қалған және өмірлік қиын жағдайға тап болған балаларға пана болып отыр, деп хабарлайды елорда әкімдігінің ресми сайты.Акцияны жаңа жылдық корпоративтік іс-шараны өткізуден бас тарту туралы шешім қабылдаған елорданың Нұра ауданы әкімдігінің өкілдері және жергілікті кәсіпкерлер ұйымдастырды. Мерекелік кеш өткізудің орнына олар балаларға мерекелік сыйлықтар мен тәттілер сатып алуға қаражат бөлді.Әр балаға жемістер мен кәмпиттер, сыйлықтар, сондай-ақ елордалық мейрамханалардың бірі дайындаған тағамдар берілді. Балалар үшін жаңа жыл қарсаңында салтанатты атмосфера құру үшін арнайы мерекелік мәзір әзірленгені маңызды сәт болды."Ауданымыздың меценаттары көмек сұрағандарға белсенді қолдау көрсетуді жалғастыруда. Олардың қосқан үлесі, мейлі ол азық-түлік болсын, емделуге қаржылық қолдау болсын, тұрғындар мен жалпы қоғам үшін үлкен маңызға ие. Аудан әкімінің әлеуметтік мәселелер жөніндегі орынбасары, медиаволонтер, кәмелетке толмағандар істері және олардың құқықтарын қорғау жөніндегі комиссияның, сондай-ақ әйелдер істері және отбасылық-демографиялық саясат жөніндегі комиссияның мүшесі ретінде мен адамдар бізге тұрмыстық мәселелерді шешу үшін ғана емес, қайырымдылық акцияларын ұйымдастыруда да көмек сұрайтынын көремін. Бұл сенім үлкен жауапкершілік болып саналады және әріптестерімізбен бірге біз әрбір сұрауға жауап беруге тырысамыз. Біз үшін ерекше қуаныш "SOS Астана балалар ауылы" тәрбиеленушілері үшін мереке болды, оны меценаттардың арқасында ұйымдастыруға мүмкіндік туды. Өздерінің мерекелік кештерінің орнына олар балаларға қуаныш пен жылулық сыйлады. Мен бұл адамдарға шын жүректен алғыс айтқым келеді. Көмек тек мереке күндері ғана қажет емес екенін есте ұстаған жөн. Қыста көмір, киім, азық-түлік және басқа да негізгі заттар, әсіресе сұранысқа ие. Мүмкіндігі бар адамдарды қазір қамқорлыққа мұқтаж адамдарға қолдау көрсетуге шақырамын. Әрбір жақсы бастама өмірді жақсы жаққа өзгертеді!"- дедіНұра ауданы әкімінің орынбасары Әлия Әбсеметова.Аудан әкімдігі қайырымдылық акциясы әлеуметтік жауапкершілік пен қайырымдылықтың жарқын үлгісіне айналғанын атап өтті.Ақпарат көзі : https://www.gov.kz/memleket/entities/astana/press/news/details/912152

Елорданың коммуналдық қызметтері тәулік бойы қар күреу жұмысын жүргізіп жатыр. Қыс мезгілінің басынан бастап олар үздіксіз күшейтілген режимде жұмыс істеуде, деп хабарлайды Астана әкімдігінің ресми сайты.31 желтоқсан күні таңертең қар тазалау жұмысына 2,6 мыңнан астам жол жұмысшы мен 1346 бірлік арнайы техника шықты.31 желтоқсанға қараған түні 1 829 ауыр жүк рейсімен 24 мың текше метрден астам қар шығарылды.Айта кетейік, қысқы маусымның басынан бастап полигондарға 157 мыңнан астам рейспен 2 042 267 текше метр қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/912514

Бүгін, 31 желтоқсанда Астананың бес орнында қазақ эстрадасының жұлдыздары мен шығармашылық топтарының қатысуымен жаңажылдық концерттер өтіп жатыр, деп хабарлайды елорда әкімдігінің ресми сайты.Елорданың алты ауданында мұз айдындары, сырғанақтар, безендірілген шыршалар, жаңа жылдық жәрмеңкелер, шағын архитектуралық формалар, концерттік бағдарламалар, фотоаймақтар және т.б. қазірдің өзінде қала тұрғындарының қуанышына айналып үлгерді.Алматы ауданында Тәуелсіздік даңғылындағы Оқушылар сарайының аумағында сағат 12.00-де басталып, 13.30-ға дейін қазақ эстрада жұлдыздарының қатысуымен мерекелік концерттік бағдарлама өтеді.Сахнада Бибігүл Ысқақова, Қайрат Баекенов, Нұрбол Балапанов, «Айлин» триосы, барабаншылар шоуы, т.б. өнер көрсетеді.Нұра ауданындағы Орталық саябақта мерекелік шаралар сағат 12.00-де басталып, 13.30-ға дейін жалғасады. Сахнада қазақ эстрадасының жұлдыздары – DOS, Маржан Арапбаева, Бауыржан Исаев, Құрмаш Махан, Досымжан Таңатаров және т.б. өнер көрсетеді.Байқоңыр ауданында да концерттік бағдарлама сағат 12.00-ден 13.30-ға дейін өтеді. Онда Құрмаш Махан, Қайрат Баекенов, Медет және Клара Салықовтар, Алтыншаш Мұқатаева және тағы басқалар жұрт алдында өнер көрсетеді.Сарыарқа ауданындағы «Көктал» саябағында сағат 12.00-ден бастап сахна төрінде Ернар Жұматай, Қанат Үмбетов, «Кәусар» триосы, Бауыржан Исаев және т.б. ән салады. Концерттік бағдарлама 13.30-ға дейін жалғасады.Сарайшық ауданындағы Промышленный тұрғын алабында жаңажылдық бағдарлама сағат 13.00-де басталып, 14.30-ға дейін жалғасады. Сахнада Маржан Арапбаева, Бибігүл Ысқақова, «Айлин» триосы, Бейбіт Қорған және т.б. өнер көрсетеді деп жоспарланып отыр.Жаңа жыл қарсаңында, нақтырақ айтқанда 31 желтоқсан мен 1 қаңтар аралығында қаланың үш орнында мерекелік шаралар өтеді.31 желтоқсан күні сағат 21:00-ден 02:00-ге дейін қалалық алаңда (қала әкімдігінің алдында), «Қазақ елі» монументі маңында және ЭКСПО аумағында қазақстандық эстрада жұлдыздары мен шығармашылық ұжымдардың қатысуымен қала тұрғындары мен қонақтары үшін жаңа жылдық мерекелік концерттер өтеді. Ақпарат көзі : https://www.gov.kz/memleket/entities/astana/press/news/details/912517

Жылдың соңғы күні 31 желтоқсанда Астананың қоғамдық көлігі штаттық режимде жүретін болады. 1 қаңтарда кейбір өзгерістер болады, деп хабарлайды елорда әкімдігінің ресми сайты CTS-ке сілтеме жасап. 31 желтоқсанда қоғамдық көлік жұмысы өзгеріссіз, бекітілген кестеге сәйкес жүреді.Мереке күндері қала және қала маңы бағдарлары демалыс күнінің кестесіне сәйкес (06:00 - 23:00) жүреді;1 қаңтар күні сағат 10:00-ге дейін қалалық бағдарлар бір рейс өткізіп жүреді. Сағат 10:00-ден кейін бекітілген кестеге сәйкес жүреді, ал экспресс және қала маңы бағдарлары кестеге сәйкес жүреді.2-4 қаңтар демалыс күнінің кестесі бойынша өзгеріссіз;5-6 қаңтарда қала және қала маңы бағдарлары жұмыс күнінің кестесіне сәйкес жүреді.7 қаңтарда демалыс күнінің кестесі бойынша жүреді.Келесі күндері қоғамдық көлік қолданыстағы кестеге сәйкес (апта күніне орай) штаттық режимде жүреді.Сапарларыңызды жоспарлау кезінде осы ақпаратты ескеруді сұраймыз.Ақпарат көзі : https://www.gov.kz/memleket/entities/astana/press/news/details/912583

Жаңа жыл қарсаңында, яғни 31 желтоқсаннан 1 қаңтарға қараған түні Астананың үш ашық алаңында мерекелік концерттер ұйымдастырылып, онда ұлттық эстрада жұлдыздары өнер көрсетіп жатыр, деп хабарлайды қала әкімдігінің ресми сайты.Елорданың алты ауданында мұз айдындары, сырғанақтар, безендірілген шыршалар, шағын архитектуралық мүсіндер, фотоаймақтар және т.б. қазірдің өзінде қала тұрғындарының қуанышына айналды.Отандық эстрада жұлдыздары қалалық алаңда, ЭКСПО халықаралық көрме орталығының алдында және «Қазақ елі» монументі жанындағы алаңда хит әндерін орындап жатыр.Әншілердің қатарында Алмас Кішкенбаев, Ayree, Еркеш Хасен, Бейбіт Қорған, Қайрат Баекенов, Зарина Омарова, Ильхан Ихсан, Құрмаш Махан, Маржан Арапбаева, Әлішер Кәрімов, «Заман» және «Меломен» топтары, Әділет Жауғашар, Алтыншаш Мұқатаева, Қаракесек және басқа да өнер қайраткерлері бар. Мерекелік концертке кез келген адам қатысып, көңіл көтере алады.Концерттер түнгі сағат 2-ге дейін өтеді. Ақпарат көзі : https://www.gov.kz/memleket/entities/astana/press/news/details/912697

Елордада демеушілік қаражат есебінен және қауіпсіздік ережелерін толықтай сақтай отырып ұйымдастырылған жаңа жылдық отшашу басталды, деп хабарлайды елорда әкімдігінің ресми сайты.Сағат 00:00-де қаланың екі орнында – Атырау көпірінің маңындағы аумақтан (қала жағалауы) және Ботаникалық бақтан отшашу іске қосылды. Отшашуды тамашалауға 50 мыңнан астам адам келді. Отшашудың ұзақтығы шамамен 3,5 минутты құрап, әр жерден 2,5 мың мәрте атылды.Жаңа жылдық отшашудан бөлек, қаланың үш орнында қазақ эстрадасы жұлдыздарының қатысуымен мерекелік концерттік шаралар өтіп жатыр.Концерттік бағдарламада Алмас Кішкенбаев, Ayree, Еркеш Хасен, Бейбіт Қорған, Қайрат Баекенов, Зарина Омарова, Ильхан Ихсан, Құрмаш Махан, Маржан Арапбаева, Әлішер Кәрімов, «Заман» және «Меломен» топтары және т.б. өнер көрсетіп жатыр.Концерттер түнгі сағат 2-ге дейін мына мекенжайларда өтеді: Қалалық алаң (қала әкімдігігің алдындағы алаң); «Қазақ елі» монументінің аумағы; ЭКСПО алаңы. Ақпарат көзі : https://www.gov.kz/memleket/entities/astana/press/news/details/912705

2025 жылдың 1 қаңтарына қараған түні елордада 10 сәби дүниеге келді, деп хабарлайды елордалық әкімдіктің ресми сайты қалалық Қоғамдық денсаулық сақтау басқармасына сілтеме жасап.Жаңа жылдың бірінші күнінде көпбейінді қалалық ауруханалардың акушерлік блоктарында 5 қыз және 5 ұл бала дүниеге келді.Ақпарат көзі : https://www.gov.kz/memleket/entities/astana/press/news/details/912719

Астанада коммуналдық қызметкерлер қар күреу бойынша тәулік бойы жұмыс істеп жатыр. Биылғы қысқы маусымның басынан бастап мамандар қаладан 2,3 млн текше метрден астам қар шығарды, деп хабарлайды қала әкімдігінің ресми сайты. 5 қаңтар күні күндізгі ауысымға қала көшелерінің қарын күреуге 2644 жол жұмысшы мен 1537 арнайы техника шықты.5 қаңтарға қараған түні қар полигондарына 3015 ауыр жүк рейсімен 38738 текше метр қар шығарылды.Қыс мезгілінің басынан бері елордадан 178 098 рейспен 2 308 536 текше метрден астам қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/912947

Астанада коммуналдық қызметкерлер қар күреу бойынша тәулік бойы жұмыс істеп жатыр. Қаладан бір күнде 38 мың текше метрден астам қар шығарылды, деп хабарлайды қала әкімдігінің ресми сайты. 5 қаңтар күні күндізгі ауысымға қала көшелерінің қарын күреуге 337 жол жұмысшы мен 1206 арнайы техника шықты. Олардың күшімен қаладан 2938 рейспен 38602 текше метр қар шығарылды.Қыс мезгілінің басынан бері елордадан 178 098 рейспен 2 352 714 текше метр қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/913375

Елордада жүзеге асырылып жатқан JOLTAP жобасы қала тұрғындарына жұмыс тауып беріп қана қоймай, біліктілігін және кәсіби мүмкіндіктерін арттыруға көмектесіп жатыр. Жоба түлегі Айсұлу Саметова оқу барысы туралы ой бөлісті, деп хабарлайды Астана әкімдігінің ресми сайты.Айсұлу жиһаз дизайны саласында жұмыс істейді. Декреттік демалыста бос уақыты болғандықтан өзіне таңсық мамандықты меңгермек болады. Осылайша ол JOLTAP жобасы туралы әлеуметтік желіден білген.«Instagram желісіндегі хабарламаға көзім түсіп кетті. Мұны өзімді дамытуға, көзқарасымды кеңейтуге және жаңа мамандықтарды игеруге қажет мүмкіндік деп көрдім. Жоба маған қажет нәрсенің бәрін береді деген үміт болды. Осыған дейін жиһаз жасау саласында жұмыс істегенмін, бірақ жүйелі білім жетіспейтін. JOLTAP курстары маған барлық білгенімді жүйелеуге және жаңа дағдыларды меңгеруге көмектесті», - дейді Астана тұрғыны.Алдымен ол жиһаз құрастырушы мамандығы бойынша оқуды таңдаған. Курстар тәжірибелі мұғалімнің жетекшілігімен өтті. Айсұлудың айтуынша, тәжірибеге ерекше көңіл бөлді.«Біз өлшемдерді есептеуді, материалдарды таңдауды және жиһаз құрастыруды үйрендік. Курстың соңында жиһазды өз бетімше құрастыра алатын болдым. Бұл білім мамандығыма деген сенімділікті арттыруға және біліктілігімді кеңейтуге мүмкіндік берді», - деп атап өтті дизайнер.Курс барысында Айсұлу жиһаз дизайнері ретінде өзіне қажет білімді толықтай меңгергенін айтты.Алайда ол мұнымен тоқтап қалған жоқ. Курсты оқып жүріп, мобилографияға да қызығушылық танытты. Сол себепті осы мамандықты қосымша меңгеріп алмақ болды.«Қысқа мерзімде қарқынды оқыту курсынан өттік. Негізгі назар тәжірибеге берілді. Көп ұзамай кәсіби мобилографияны үйрендім. Бұл білім маған карьералық мүмкіндіктерімді кеңейтуге көмектесті, енді оны жұмысыма да қолдана аламын. Тиісінше жалақым да артты», - деп атап өтті жоба түлегі.Айсұлудың пікірінше, бұл жоба өзін жаңа салада байқап көруге немесе мамандығы бойынша дағдыларды дамытуға ерекше мүмкіндік береді.«Мен JOLTAP жобасына біліктілігімді арттыруға көмектескені және жаңа мақсаттарға шабыт бергені үшін өте ризамын. Соның арқасында кәсіби құзіреттілігімді арттырып қана қоймай, жаңа адамдармен таныстым», - деп бойжеткен сөзін түйіндеді.Ақпарат көзі : https://www.gov.kz/memleket/entities/astana/press/news/details/913769

28 желтоқсанда Ақтау қаласына Бразилияның авиациялық оқиғаларды тергеу және алдын алу орталығы (CENIPA) өкілдері және мемлекетаралық авиация комитетінің өкілдері ұшып келді. Тергеп-тексеру жөніндегі комиссияның штабында жиналыс өтті, онда бірлескен міндеттер айқындалды. Бразилияның авиациялық оқиғаларды тергеу және алдын алу орталығы (CENIPA) - азаматтық авиацияда орын алған авиациялық оқиғаларды тергеумен айналысатын уәкілетті орган.Ақпарат көзі : https://www.gov.kz/memleket/entities/transport/press/news/details/911313

Халықаралық Азаматтық авиация ұйымы (ИКАО) Бас хатшысының тапсырмасына сәйкес 2024 жылғы 29 желтоқсанда Ақтау қаласына арнайы бақылаушы — авиациялық оқиғаларды тергеу секциясының басшысы Тормодур Тормодсон ұшып келді. ИКАО Қазақстанның авиациялық билік өкілдерінің тергеп-тексеру барысындағы ашықтығы мен мүдделі мемлекеттермен өзара әрекетін жоғары бағалады. Бүгінгі таңда 17 халықаралық сарапшының барлығы Ақтау қаласында. Ақпарат көзі : https://www.gov.kz/memleket/entities/transport/press/news/details/911348

Көлік министрлігіне қарасты Комиссияны Марат Қарабаев басқарады. Комиссия төрағасының орынбасары, тергеу жөніндегі уәкіл — көліктегі оқиғалар мен инциденттерді тергеу Департаментінің директоры Нұржан Малаев. Министрлікке қарасты бұл Комиссия Премьер-Министрдің орынбасары Қанат Бозымбаев басқаратын Үкіметтік комиссияның құрамына кіреді. ҚР Көлік министрлігі Комиссиясының басты мақсаты — авиациялық оқиғаның себебін анықтап, болашақта осындай жағдайды алдын алып, болдырмау үшін ұсынымдар әзірлеу. Бүгін Марат Қарабаевтың төрағалығымен штабта барлық 17 халықаралық сарапшының қатысуымен жиналыс өтті. Комиссия жұмыс жоспарын нақтылады. Комиссия оқиға орнына толық құраммен бірге барып, апатқа ұшыраған әуе кемесінің элементтері жиналатын арнайы ангарды қарайды. Әуе кемесінің элементтерін жинайтын күн бірлесе бекітіледі.Ақпарат көзі : https://www.gov.kz/memleket/entities/transport/press/news/details/911353

Чикаго конвенциясының 13 қосымшасына сәйкес тергеу жүргізетін мемлекет борттық өздігінен жазғыш деректерін оқуды қамтамасыз етеді және оларды қай елде таратып жазу туралы шешім қабылдайды.Қазақстан бұл Конвенцияны 1992 жылы ратификациялады және Халықаралық Азаматтық авиация ұйымының (ИКАО) мүшесі болып табылады. Жоғарыда аталған құжаттың негізінде, сондай-ақ ИКАО ұсынымдарын ескере және Әзербайжан мен Ресейдің авиациялық билік өкілдерімен кеңесе отырып, ҚР Көлік министрі Марат Қарабаев басқаратын авиациялық оқиғаны тергеу жөніндегі Комиссия борттық өздігінен жазғыштарды (қара жәшіктерді) Embraer әуе кемесін шығарушы Бразилияның авиациялық оқиғаларды тергеу және алдын алу орталығына (CENIPA) жіберу туралы шешім қабылдады.CENIPA орталығында қажетті техникалық мүмкіндіктер қарастырылған, тиісті құралдармен жабдықталған және оларды оқу үшін сертификатталған зертхана бар.Бұл мәселе Мемлекет басшысының жеке бақылауында.Ақпарат көзі : https://www.gov.kz/memleket/entities/transport/press/news/details/911366

Қазақстан борттық өздігінен жазғыштарды Бразилияға жіберді Авиациялық оқиғаны тергеу Комиссиясы Бразилияға ұшып кетті. Борттық өздігінен жазғыштар Бразилияның авиациялық апаттарды тергеу және алдын алу орталығына (CENIPA) жеткізіледі. Ақпарат көзі : https://www.gov.kz/memleket/entities/transport/press/news/details/912077

2024 жылғы 24 желтоқсандағы жағдай бойынша 13 423 азаматқа зиянды еңбек жағдайларында ұзақ уақыт жұмыс істеген адамдарға арналған арнаулы әлеуметтік төлем (бұдан әрі – АӘТ) тағайындалды. Аталған төлемді тағайындауға жалпы 14 195 адам өтініш білдірген.Екі көзден төленетін арнаулы әлеуметтік төлемге (республикалық бюджет және Бірыңғай жинақтаушы зейнетақы қоры) 3 201 адам жүгінді, оның ішінде 3 087 адамға тағайындалды.Төрт қаржыландыру көзінен берілетін АӘТ (республикалық бюджет, Бірыңғай жинақтаушы зейнетақы қоры, жұмыс беруші және өмірді сақтандыру ұйымы) тағайындауға 10 994 адам өтініш білдіріп, оның 10 336-сына тағайындалған.Сондай-ақ, 240 азамат сақтандыру компаниясымен зейнеткерлік аннуитет шартының жасалуын күтуде, 138 азамат СМС хабарламаға жауап бермеген. Міндетті шарттарды орындамағандықтан, 394 өтініш берушіге АӘТ тағайындаудан бас тартылды.Өңірлер бойынша арнаулы әлеуметтік төлемдерді алуға өтініш білдіргендердің ең көп саны Қарағанды (2 көзден – 546 адам, 4 көзден – 1 926 адам), Қостанай (2 көзден – 343 адам, ал 4 көзден – 1 172 адам) және Шығыс Қазақстан (2 көзден – 287 адам, ал 4 көзден – 1 204 адам) облыстарында тіркелген.Бұрын хабарланғандай 2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілді.Арнаулы әлеуметтік төлем тағайындау үшін 55 жасқа толу және Бірыңғай жинақтаушы зейнетақы қорында (бұдан әрі – БЖЗҚ) кемінде 7 жыл кәсіптік зейнетақы аударымдарының болуы міндетті шарттар болып табылады. Төлем зейнеткерлік жасқа дейін төленеді. Арнаулы әлеуметтік төлемдерді алу үшін еңбек жағдайлары зиянды жұмыстармен айналыспауға тиіс. Жұмыскерлер жеңіл жұмысқа ауыса алады, содан кейін олар жалақы мен төлем алады немесе демалысқа шығып, зейнетке шыққанға дейін арнаулы әлеуметтік төлем алады.БЖЗҚ деректері бойынша арнаулы әлеуметтік төлемді тағайындау үшін міндетті шарттарды ескере отырып, аталған төлемді алуға 2024 жылы 37 мыңнан астам жұмыскер құқылы болды, жалпы төлемнің орташа мөлшері 208 мың теңгеден асады. Әрбір жұмыскер үшін төлем мөлшері БЖЗҚ-дағы жинақтарына байланысты болады.Әлеуметтік кодекске сәйкес жұмыс берушілер кәсіптері мен қызмет түрлері Еңбек жағдайлары зиянды жұмыстармен айналысатын жұмыскерлердің, өндірістердің, жұмыстардың, кәсіптердің тізбесіне енгізілген жұмыскерлер үшін міндетті кәсіптік зейнетақы жарналарын аударады, олардың 2,3 мыңнан астам позициясы бар. Осылайша, арнаулы әлеуметтік төлемді экономиканың 17 саласында, оның ішінде тау-кен өндіру және өңдеу өнеркәсібінде және өзге де салаларда жұмыс істейтін қазақстандықтар ала алады.Ақпарат көзі : https://www.gov.kz/memleket/entities/enbek/press/news/details/909671