Бүгін Қазақстан Республикасының Экология және табиғи ресурстар министрлігі «Қазгидромет» РМК баспасөз орталығында бұқаралық ақпарат құралдарының өкілдері үшін брифинг өткізді.Өз сөзінде ҚР ЭТРМ Экологиялық реттеу және бақылау комитеті төрағасының орынбасары А. Абдуалиев республикадағы экологиялық жағдай туралы хабардар етті.Журналистер тарапынан Экологиялық кодекс талаптарын сақтау, кәсіпорындарда мониторингтің автоматтандырылған жүйесін енгізу, экологиялық бұзушылықтар, айыппұлдар және т. б. сұрақтар келіп түсті.А. Абдуалиев қоршаған ортаның ластануына және экологияны сақтау жөніндегі экологиялық құқық бұзушылықтарға «нөлдік төзімділік» мәдениетін сіңіру мәселесіне толығырақ тоқталды.ҚР ЭТРМ Орман шаруашылығы және жануарлар дүниесі комитеті төрағасының орынбасары А.Ким өз баяндамасында сирек кездесетін және жойылып кету қаупі төнген жануарлар түрлерінің сақталғаны туралы баяндады.Сондай-ақ, брифинг барысында журналистер ҚР «Жануарларға жауапкершілікпен қарау туралы» Заңын іске асыру бойынша, атап айтқанда өтпелі ережелер бойынша, контактілі зоопарк қызметіне тыйым салу және жануарлар иелерінің жауапкершілігі туралы сұрақтарға жауап ала алды.Ақпарат көзі : https://www.gov.kz/memleket/entities/ecogeo/press/news/details/909331

Бүгін ҚР Президенті жанындағы Орталық коммуникациялар қызметінде Әділет вице-министрі Даниель Ваисов брифинг өткізді.Брифингте Әділет вице-министрі 2024 жылдың қорытындысы бойынша мемлекеттің мүддерлерін қорғау және атқарушылық құжаттарды орындау нәтижелері бойынша журналистердің сауалдарына жауап берді.Даниель Ваисов атқарушылық процессінің автоматтандыру бойынша жұмысы әрі қарай жүзеге асатындығын айтты.Министрлік азаматтардың құқықтарын қорғау, сот орындаушыларының қызметін бақылау және процестерді автоматтандыру бойынша тиімділікті арттыру жөніндегі жұмысты жалғастыруды жоспарланып отырғандығын атап өтті.Сондай-ақ вице-министр сот орындаушыларымен бірлескен ұйымдастырушылық (борышкерлердің көліктерін ұстау, жасырын кірістерін анықтау, борышкерлерді жұмысқа орналастыру) іс шараларына тоқталды.Өткен жылға қарағанда 2024 жылы борышкерлерді жұмысқа орналастыру қарқыны айтарлықтай өскен.Алдағы жылы Министрлік азаматтардың құқықтарын қорғау, сот орындаушыларының қызметін бақылау және процестерді автоматтандыру бойынша тиімділікті арттыру жөніндегі жұмысты жалғастырады.Ақпарат көзі : https://www.gov.kz/memleket/entities/adilet/press/news/details/909527

Өңір басшысы Серік Шапкенов Еркінқала мәдениет үйінде Атырау қаласының тұрғындарымен кездесіп, олардың пікірлері мен ұсыныстарын тыңдады, деп хабарлады облыс әкімінің баспасөз қызметі.Серік Шапкенов облыс орталығында жүргізіліп жатқан жұмыстарға тоқталды. Атырау қаласының көп бөлігі кәріз жүйесіне қосылмаған. Бүгінгі күні қуаттылығы тәулігіне 31 мың текше метр өрім құрылысы жүріп жатыр. Бұл елді мекендерді қаланың оң жағалауына қосуға мүмкіндік береді."Квадрат" булану өрістерін қалпына келтіру жобасына өзгерістер енгізіледі. Құжаттар дайын болғаннан кейін жұмыс қайта басталады.Сонымен қатар, Атырау қаласында автожол салу мәселесі өткір тұр.- Қала маңындағы елді мекендер толығымен асфальтталған, тұрғындарға қолайлы жол қатынасы жолға қойылған. Қазір қалада асфальтталмаған 60 шақырым көше бар. Осы мақсатта жобалық-сметалық құжаттама әзірленіп, келесі жылы жұмыстарды аяқтауды жоспарлап отырмыз. Қалада кептелістерді болдырмау мақсатында қолданыстағы жолдарды кеңейту бойынша бірқатар жұмыстар жүргізілуде. Жалпы ұзындығы 22,1 шақырым болатын жол төсемін кеңейту жоспарлануда. Атап айтқанда, Азаттық, С. Датов, Т. Бигелдинов, Ю. Гагарин көшелерімен "Атырау-Индер" жолының учаскесі (0-10 км), Әбілқайыр хан даңғылынан Сарықамыс шағын ауданына және Жастар көшесіне дейінгі Жастар-Еркінқала жолының учаскесі. Көктемгі су тасқыны кезінде қаланы судан қорғау үшін барлық күш құрылымдары жұмылдырылды, сондықтан бүгінгі күнге дейін тек 8,7 шақырым ғана қалпына келтірілді. Бұл мәселені келесі жылы толығымен шешуді жоспарлап отырмыз, - деді С.Шапкенов.Кездесуде облыс әкімі қала тұрғындарын толғандыратын мәселелерді, атап айтқанда, кәріз желісін, әлеуметтік нысандарды салу, жол белгілерін орнату және т.б. мәселелерді тыңдады.Кейін өңір басшысы жауапты мамандармен бірге азаматтарды жеке қабылдап, оларды толғандыратын сұрақтарға жауап берді.Instagram, Facebook әлеуметтік желілерінде облыс әкімі Серік Шапкеновтің Атырау қаласының тұрғындарымен кездесуі тікелей эфирде көрсетілді.Ақпарат көзі : https://www.gov.kz/memleket/entities/atyrau/press/news/details/909430

Елордада ҚР Президентінің атынан «Жаңа жыл республика төрінде» атты Республикалық Жаңа жылдық шырша өтті. Бұл мерекелік шараға еліміздің барлық өңірінен оқуда, спортта, шығармашылықта және қоғамдық өмірде жетістіктерге жеткен 100-ден астам бала қатысты.Шараға қатысушылардың арасында 10 жастағы Әли Кудияров та бар. Ол Солтүстік Қазақстан облысы Ақжар ауданы Күлкөл ауылының Қ.Хадесов атындағы орта мектептің оқушысы. Бұл шараға арнап оның анасы «Өмір ағашы» костюмін арнайы тігіп берген. Бас киімі бұтақтардан, жапырақтардан, моншақтардан және көбелектерден жасалған тәжге ұқсайды. Ағаштың діңі ретінде жалғасқан костюмінің алдыңғы жағында жеті атасынан тараған өз әулетінің шежіресі жазылған.«Мен ертегілер әлемінде жүргендей сезімдемін! Барлығы өте әдемі, ал анам тіккен киімім бұл күнді мен үшін одан әрі ерекше етті. Осы ғажайып күн үшін алғысымды білдіремін!» — дейді өз әсерімен бөліскен Әли.Тағы бір ерекше көзге түскен костюм иесі — Ақтөбе қаласындағы №8 орта мектептің 7-сынып оқушысы Жасна Орақбай болды. Оның костюмін ұстаздары өз қолымен тігіп берген.Арнаулы әлеуметтік қызметтерге мұқтаж балаларды қолдау орталығының тәрбиеленушісі ақмолалық Дарья Дячишина Президентке жаңажылдық шыршаға шақырғаны үшін алғысын білдірді. Киокушинкай каратэмен шұғылданатын оның жетістіктері көп.«Бүгін Жаңа жылдық шыршаға қатысу — менің өмірімдегі ұмытылмас оқиға. Мен көптеген сыйлықтар алдым, керемет шоу көріп, басқа өңірлерден келген балалармен таныстым. Президентке және ұйымдастырушыларға осы таңғажайып мереке үшін рахмет айтамын!» — дейді Дарья.Сондай-ақ 12 жастағы Адема Скачкованың «Феникс құсы» кейпіндегі киімі ерекше талғаммен жасалған. Ол костюмін ұстаздарымен бірге өзі тіккен. Адема вокалмен айналысады және ол облыстық вокалдық байқаулардың жеңімпазы.Мерекелік шарада әр балаға Мемлекет басшысы Қасым-Жомарт Тоқаевтың атынан құттықтау ашықхаттары табыс етілді.«Айналайын балақай! Сені Жаңа жыл мейрамымен құттықтаймын! Осы жарқын мереке өзінді шаттыққа бөлесін! Әрдайым жаңашылдыққа, жасампаздыққа ұмтыл! Білімпаз, озат әрі зерек болып, жақындарыңды қуанта бер! Арманың асқақ, қиялың ұшқыр болсын! Саған зор денсаулық, баянды бақыт тілеймін!», — делінген құттықтауда.Еліміздің бас ұстазы Ғани Бейсембаев мектеп оқушыларымен бірге шырша шамын жақты.«Бүгін әсем елордамызға еліміздің түкпір-түкпірінен келген 100-ден астам бала жиналды. Бұл күндері сіздер қаланың көрікті жерлерін аралап, еліміздің жетекші оқу орындарында болдыңыздар. 2024 жыл расында, Сіздер үшін жетістіктер мен жақсы жаңалықтарға толы жыл болды. Сіздердің араларыңызда білімімен үздік атанғандар, жарыстар мен байқауларда оза шапқандар да бар, сондай-ақ сіздер биылғы жылы жетістіктермен бірге жаңа достар таптыңыздар. Әрқайсыларыңыздың жетістіктеріңіз — еліміздің болашағына қосылған маңызды үлес деп білемін. Мемлекет сіздердің бақытты балалық шақтарыңыз бен жарқын болашақтарыңыз үшін барлық жағдайды жасауда. Ал сіздердің міндеттеріңіз — осы мүмкіндіктерді пайдаланып, жақсы оқу және жан-жақты даму, осылайша еліміздің адал да жауапты азаматы болып өсу», - деді балаларды құттықтаған Ғани Бейсембаев.Елорданың үздік шығармашылық ұжымдарының әртістері мен қойылымдар балаларға мерекелік атмосфера сыйлады. Қазақстанның танымал әртістері көңілді ән шырқап, балалар шыршаны айнала биледі.Айта кету керек, бұл күндері балаларға елорданың көрікті жерлеріне, оның ішінде балалар театрға, кинотеатрға және мұражайларға экскурсия ұйымдастырылды.Шара соңында әр балаға Қазақстан Республикасы Президентінің атынан жаңа жылдық сыйлық табыс етілді.Ақпарат көзі : https://www.gov.kz/memleket/entities/edu/press/news/details/909282

2024 жылғы 26 желтоқсанда орталық атқарушы органдар басшыларының халықпен кездесулері аясында ҚР Ауыл шаруашылығы вице-министрі Бағлан Бекбауов Астана қаласының тұрғындарымен, соның ішінде ауыл шаруашылығы тауар өндірушілерімен кездесу өткізеді.Күн тәртібінде – өңірдің агроөнеркәсіптік кешенін дамытуға қатысты қабылданған шаралар.Кездесу сағат 15.00-де Астана қаласы, Ә.Мәмбетов көшесі, 24 мекенжайы бойынша «Аффари» бизнес орталығында өтеді.БАҚ өкілдерін кездесуге қатысуға шақырамыз.Толық ақпарат үшін телефон: +7 7054406424 – Дана Әрін.Өңірдің АӨК-ін дамыту бойынша сұрақтар мен ұсыныстарды dossov.t@minagri.gov.kz электронды поштасына жіберулеріңізді сұраймыз.Ақпарат көзі : https://www.gov.kz/memleket/entities/moa/press/news/details/909212

Абай облысында ерекше білім беру қажеттілігі бар 100 балаға арналған жаңа жылдық қойылым өтті. Шырша мерекесіне Абай облысының мектептері мен арнайы интернаттарының оқушылары ата-аналарымен бірге шақырылды. Сонымен қатар спорт пен шығармашылықта жетістікке жеткен дарынды ерекше балалар да қатысты. Олардың барлығы арнаулы әлеуметтік қызмет көрсету орталықтарының қызметтерін алушылар.Балалар облыстық театр әртістері дайындаған музыкалық, аниматорлардың және облыстық балалар шығармашылық ұжымдарының қатысуымен театрландырылған жаңа жылдық қойылымды тамашалады.Шараға арнайы қатысқан облыс әкімі Нұрлан Ұранхаев балаларды мерекемен құттықтап, сыйлықтар тарту етті .Биыл Абай облысының әкімдігі ұйымдастырған шырша мерекесіне 9-13 жас аралығындағы 450 бала қамтылды.Анықтама: балалардың шырша мерекесіне қатысу процесі қатаң және ашық түрде жүзеге асырылады. Қатысушыларды анықтаумен әр мектепте құрылған қамқоршылар кеңесі айналысады. Қалалық және аудандық білім бөлімдері белгіленген критерийлер негізінде балалардың тізімін әзірлеп, оларды арнайы комиссия бекітеді. Іс-шараға қатысушылардың тізімдері жыл сайын жаңартылып отыратынын атап өту маңызды. Бұл мерекеде өзге де балаларды қамту үшін өткен жылдары қатысқан оқушылар қайта қатыса алмайды.Ақпарат көзі : https://www.gov.kz/memleket/entities/abay/press/news/details/909120

Оқиға туралы өзекті ақпаратты алу үшін жедел желі телефондары жұмыс істейді: Астана қаласындағы Командалық орталықта: 8-7172-55-96-21, 55-96-83 Маңғыстау облысы ТЖД: 8-7292-31-90-91.Ақпарат көзі : https://www.gov.kz/memleket/entities/emer/press/news/details/909143

Бүгін 2024 жылғы 25 желтоқсанда жергілікті уақыт бойынша сағат 11:00-де Маңғыстау облысының Төтенше жағдайлар департаментіне Баку – Грозный бағытында ұшып бара жатқан Azerbaijan Airlines әуекомпаниясының Embraer 190ar әуе кемесі апатты жағдай жариялап, Ақтау әуежайына қонуға жағдай жасау туралы ақпарат түсті. Қону уақыты шамамен сағат 11:25 деп белгіленді. Алдын ала ақпарат бойынша бортта 69 адам, оның ішінде 5 экипаж болған. Маңғыстау облысы ТЖД күштері мен құралдары дереу оқиға орнына жіберілді. Сағат 11: 30-да әуежайдан 3 километр жерде ұшақтың апатқа ұшырағаны туралы ақпарат түсті. Осыған байланысты жоғары ранг бойынша ТЖД күштері мен құралдары қосымша жіберілді. ТЖМ Командалық орталығының базасында республикалық штаб құрылды, оның құрамына Ішкі істер, Денсаулық сақтау, Көлік министрліктерінің, Ұлттық ұланның, Сыртқы істер министрлігінің және басқа да ведомстволардың өкілдері кірді. Жалпы операцияға азаматтық қорғау қызметінің жеке құрамынан 701 адам және 82 бірлік техника жұмылдырылуда. Сағат 11:45-тегі жағдай бойынша өрт оқшауланып, 12:05-те сөндірілді. Сағат 14:10-да 29 адам, оның ішінде 2 бала медициналық мекемелерге жеткізілді. Қазіргі уақытта авариялық-құтқару жұмыстары жалғасуда. Медициналық көмек көрсету үшін Астана қаласынан санитарлық авиация борты Ақтауға жіберілді. Сонымен қатар оқиға орнында үкіметтік комиссияның іс-қимылын үйлестіру үшін ТЖ министр генерал-майор Шыңғыс Әрінов, ТЖ вице-министрі Кеген Тұрсынбаев және ТЖ жою департаментінің бастығы Ақтауға кетті. Оқиға туралы өзекті ақпаратты алу үшін жедел желі телефондары жұмыс істейді: Астана қаласының командалық орталығында: 8-7172-55-96-21, 55-96-83. Маңғыстау облысы ТЖД: 8-7292-31-90-91. Осы сағатта жедел желі телефондарына 272 қоңырау түсті. Құтқару және қалпына келтіру жұмыстарын жүргізу барысы бойынша ақпарат одан әрі жаңартылатын болады. Ақпарат көзі : https://www.gov.kz/memleket/entities/emer/press/news/details/909151

Биылғы жылы Талдықорған қаласы жолдарының құрылысына, күрделі жөндеуге және күтіп ұстауға 7,7 млрд. теңге бөлінді. Бұл туралы бүгін Талдықорған қаласының тұрғындарымен кездесуі барысында облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.Өңір басшысы өз сөзінде жолға қатысты ірі жобаларға тоқталды. Мәселен, солтүстік-батыс тұрғын ауданында, 8, 9 және «Жастар-1» шағын аудандарында 107 көшеге жол салу жоспарланып, өткен жылдары 10 көше жасалса, биыл 30 көшеге жаңадан асфальт төселген, қалған 67 көше 2025 - 2026 жылдары толық аяқталады.- Сондай-ақ «Шығыс», Оңтүстік-Шығыс, «Көктал» шағын аудандары және 3-бөлімше тұрғын аудандарындағы 89 көшеге күрделі жөндеу жүргізілуде, оның 14 көшесі биыл жасалды. Жұмыстар 2026 жылдың соңында толығымен аяқталады. Сонымен қатар биыл Өтенай ауылдық округіндегі 7 көше күрделі жөндеуден өтті. Қаланың өзінде 10 көшеге орташа жөндеу жұмыстары жүргізіліп, жол қауіпсіздігін қамтамасыз ету мақсатында жалпы 17,5 мың шаршы метр жолға ағымдағы жөндеу және 350 люкті көтеру жұмыстары жасалып, қауіпті учаскелерге 3 бағдаршам орнатылды, - деп атап өтті Бейбіт Исабаев.Облыс басшысының айтуынша, келесі жылы «Жастар-2» шағын ауданында жолды күрделі жөндеу жұмыстары басталады, жалпы құны - 3,5 млрд. теңге, оған жергілікті бюджеттен әзірге 500 млн. теңге бөлінді. Сол сияқты Жылу желілерін ауыстырғаннан кейін асфальт жабынын қалпына келтіру маңызды мәселе болып қала береді.Осыған байланысты, қала әкіміне асфальт төсемді қалпына келтіру және люктерді сапалы орнату жұмыстарын ерекше бақылауға алуды тапсырамын.«Жылу желілерін ауыстырғаннан кейін асфальт жабынын қалпына келтіру - маңызды мәселе. Осыған байланысты қала әкіміне асфальт төсемін қалпына келтіру және люктерді сапалы орнату жұмыстарын ерекше бақылауға алуды тапсырамын», - деді облыс басшысы.Жетісу облысы әкімінің баспасөз қызметіФотографтар: Жеңіс Ысқабай, Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/909068

Бүгінгі күні Талдықорғанда тұрғын үй кезегінде он бес мыңнан астам адам тұр. Биыл 1283 адам тұрғын үймен қамтылып, кезек 8,3 пайызға қысқарды. Ал 2025 жылы 1448 отбасына тұрғын үй беріледі. Алдағы уақытта 1041 пәтерлі 28 үйдің, 107 коттедждің құрылысы аяқталады, оған қоса халықтың әлеуметтік осал топтары үшін 300 пәтер сатып алынады. Осылайша, 2023-2025 жылдары5 мыңға жуық кезекте тұрғандар тұрғын үймен қамтамасыз етіледі. Бұл туралы бүгін Талдықорған қаласының тұрғындарымен кездесуінде облыс әкімі Бейбіт Исабаев мәлімдеді, - деп хабарлайды Жетісу облысы әкімінің баспасөз қызметі.Талдықорғандағы бірнеше жылдан бері құрылысы тоқтап тұрған үйлердің қаланың келбетіне нұқсан келтіретінін айтқан облыс басшысы қала әкіміне осы үйлердің құрылысын аяқтау бағытында нақты шаралар қабылдауды тапсырды.- Өздеріңізге белгілі, Талдықорған қаласының Бас жоспарына өзгерістер енгізілді, онда инженерлік-коммуникациялық желілердің жүктемесін ескере отырып, нүктелік және бей-берекет құрылыс толығымен алынып тасталды. Бас жоспарға сәйкес жаңа шағын аудандарды салу жұмыстары жүргізілуде, Оңтүстік-Батыс тұрғын ауданының 11, 12, 13 шағын аудандарында және Қаратал өзенінің оң жағалауында көп қабатты 41 тұрғын үйді жобалау жұмыстары жүргізілуде, - дейді Б.Исабаев.Сонымен қатар облыс басшысы қаланың өсуіне орай оны жылумен үздіксіз қамту мәселесінің де өзекті екенін атап өтті. Мысалы, жыл бойы жұмыс істейтін және жүктемесі 90%-ға жеткен «Басқуат» қазандығы қаланың көп бөлігін орталықтандырылған жылумен қамтамасыз етеді. «Соңғы екі жылда ғана қаланың жаңа шағын аудандарында көп қабатты 51 тұрғын үй, 5 әлеуметтік нысан салынды. 2025 жылы көп қабатты тағы 28 үйдің құрылысы жоспарланып отыр, бұл өз кезегінде жылу энергиясын тұтынуды едәуір арттыруды қажет етеді. Осыған байланысты «Басқуат» қазандығының жүктемесін төмендету бойынша шаралар қабылдануда», - деп атап өтті облыс басшысы.Осы орайда биыл Дарабоз ана, Абай, Қабанбай батыр, Балпық би, Төлебаев және Алдабергенов көшелерінде 2,9 км жылу желілері қайта жаңартылды, қаланың орталығындағы нысандар мен «Қаратал» шағын ауданы №2 және №3 қазандықтарға қайта қосылып, соның нәтижесінде «Басқуат» қазандығына жүктеме 12% немесе 22 Гкал/сағ төмендеген.Сондай-ақ қуаттылығы сағатына 49 Гкал қазандықтың және «Басқуат» қазандығының базасында газ турбиналық станцияның құрылысы басталды. Осы жобаларды іске асыру «Басқуат» қазандығының жүктемесін тағы 30%-ға азайтуға мүмкіндік береді. Сондай-ақ, 2025-2026 жылдар аралығында қаланың негізгі магистральдық жылу желілерін кезең-кезеңімен қайта жаңарту жоспарлануда.Жетісу облысы әкімінің баспасөз қызметі.Фотосуреттердің авторлары: Жеңіс Ысқабай, Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/909075

Осы жылы Талдықорғанда көп қабатты 28 үйдің шатырына және көп пәтерлі 10 үйдің қасбетіне жөндеу жүргізілді. Келесі жылы бұл жұмыстар жалғасып, оған 1,4 млрд теңге қарастырылады. Оған қоса биыл қалада 69 ауланы абаттандыру жұмыстары аяқталды. Бұл туралы бүгін Талдықорған қаласының тұрғындарымен кездесуі кезінде облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.Бейбіт Исабаев өз сөзінде облыс орталығын дамытудың маңызды бөлігі бірыңғай сәулеттік келбетті қалыптастыру және қаланы абаттандыру бағытында жүйелі жұмыстар жүргізіліп жатқанына тоқталды.- «Ұлан» шағын ауданындағы аулалардың проблемасы жылдар бойы шешілмей келе жатқан еді. Өткен жылғы кездесуде осы түйткілді мәселе айтылды. Бүгінде шағын аудандағы көп қабатты 25 үйді түгел қамтитын 5 ауланы бірден абаттандыру бойынша кешенді жұмыс атқарылды. Қалған көп қабатты 11 үйдің 4 ауласында абаттандыру жұмыстары келесі жылы жалғасады, - деп атап өтті Б. Исабаев.Сонымен қатар Еркін ауылының 2 ауласына, қала бойынша басқа шағын аудандарда 62 ауланың жөндеуі жүргізілген. 2025 жылы Жетісу және Жұлдыз шағын аудандарында 32 аула алаңдары абаттандырылады.Облыс әкімінің айтуынша, қаланы көгалдандыру мақсатында биыл 10 мың көшет және 11 мың көпжылдық гүлдер отырғызылған. 2025 жылы «Құлагер» шағын ауданында саябақ, «Бірлік» шағын ауданында сквер орналастыру жұмыстары жүргізіледі.Жазғы уақыттарда жасыл кеңістікті, көкөніс бақтарын суару маусымының басталуына байланысты су тапшылығы үлкен проблемалар туындататынын айтқан облыс басшысы осыған байланысты қаланың 10 км арық желісіне ағымдағы жөндеу жұмыстары жүргізілгенін айтты.- Келесі мәселе – көше жарығы. Қаладағы 640 көшенің тек 420 немесе 65% ғана жарықтандырылған. Бұл да әкімдік жұмысының кемшілігі, мәселе жүйелі түрде қарастырылмаған. Осыған орай облыстық бюджеттен 2025 жылы қала көшелерін жарықтандыруға 3,5 млрд. теңге бөлінді. Бұл қаражатқа 9 саяжай қоғамына, қаланың «Хутор», «Шығыс», батыс аудандарына және қаланың өзінде көше жарықтары орнатылатын болады, - деді облыс әкімі.Жетісу облысы әкімінің баспасөз қызметі.Фотографтар: Жеңіс Ысқабай, Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/909094

ЖЕТІСУ УНИВЕРСИТЕТІНДЕ «EDSMART PREMIUM» МУЛЬТИМЕДИЯЛЫҚ ИНТЕРАКТИВТІ БЕЙНЕСТУДИЯСЫ АШЫЛДЫІ.Жансүгіров атындағы Жетісу университетінде «EdSmart Premium» мультимедиалық интерактивті бейнестудиясы ашылды.Басқарма төрағасы-ректор Ермек Бөрібаев мультимедиалық интерактивті бейнестудияның мақсатымен және артықшылықтарымен таныстырды.«Бейнестудия – Coursera және EDx сияқты халықаралық платформалар үшін бейне контентті жасау, заманауи LED тақтасында ZOOM, GoogleMeet, WebEx және басқа құралдар арқылы өтетін онлайн оқытуды тарату, интерактивті презентацияларды жасау және бөлісу, аралас оқыту үшін білім беру мазмұнын әзірлеу, білім беру мәселелерін талқылау мүмкіндігіне ие», - деді ректор.Бұл студия студенттер үшін оқу материалдарын анимациялар, графика және бейнемазмұн арқылы меңгеруге мүмкіндік береді. Білім алушылар тестілеуден өтіп, викториналарға қатысып, тапсырмаларды орындап, білімін шыңдай алады.Студия мәтіндік материалдар, сыртқы дереккөздерге сілтемелер, виртуалды зертханалар сияқты әртүрлі білім беру ресурстарын біріктіре алады. Сондай-ақ оқытушылар мен студенттердің шығармашылық қабілеттерін және мультимедиялық контент жасау дағдыларын дамытуға ықпал етеді.Ақпарат көзі : https://www.gov.kz/memleket/entities/sci/press/news/details/908961

SATBAYEV UNIVERSITY-ДЕ LENOVO АУДИТОРИЯСЫ АШЫЛДЫ24 желтоқсанда Алматыда дербес компьютерлер өндірісі саласындағы әлемдік көшбасшы Lenovo компаниясы заманауи цифрлық шешімдерімен жабдықталған Сәтбаев атындағы Қазақ ұлттық техникалық зерттеу университетінде өз аудиториясын ашты. Lenovo аудиториясының ашылуы – компания мен университет арасындағы ынтымақтастықтың нәтижесі. Бұл озық технологиялардың білім беру процесіне әсерін және инновацияларды дамытудағы маңызын көрсетеді.Lenovo аудиториясы университеттің FabLab SU жобасы аясында ашылды. FabLab SU – бұл инженерлік мамандық және технологиядық стартаптар студенттерінің инновациялық идеяларын жүзеге асыруға арналған зертхана. Ол FabLab Massachusetts Institute of Technology зертханаларының Дүниежүзілік желісінің бөлігі, бүкіл әлем бойынша 1500-ден астам зертханаларды біріктіреді, олар студенттер мен зерттеушілерге озық технологияларға қол жеткізуге және әртүрлі елдердің әріптестерімен тәжірибе алмасуға мүмкіндік береді.Lenovo аудиториясы Қ.И.Сәтбаев атындағы ҚазҰТЗУ-дың Қазақстан-Корея АТ-орталығында орналасқан, Lenovo-ның ең заманауи құрылғылармен жабдықталған: мониторлар, ноутбуктер және 3D-модельдеу, инженерлік талдау және қосымшаларды әзірлеу сияқты ресурстарды көп қажет ететін міндеттерді шешу үшін ең жоғары өнімділікке ие жұмыс станциялары, жасанды интеллект базасы.«Осы маңызды жобаның бір бөлігі болу біз үшін үлкен мәртебе. Lenovo смарт технологияны мүмкіндігінше көп адамға қолжетімді ету миссиясын алға тартады», - деді Шығыс Еуропа мен Орталық Азия аймағындағы Lenovo Intelligent Device Group Корпоративтік сату жөніндегі директоры Ғазиз Абдрасилов. «Жас кәсіпкерлер мен зерттеушілерді дамытуды университетпен бірлесіп қолдау мақсатында ашылған бұл аудитория Қазақстанның түрлі салаларының дамуына ықпал ететін көптеген инновациялық шешімдер мен жобалардың шығар жері болады деп үміттенеміз».Lenovo аудиториясының кеңістігі бірнеше аймаққа бөлінген, олардың әрқайсысының өзіндік функционалды мақсаты ғана емес, сонымен қатар тиісті жабдықтары бар. Сонымен CAD/CAM/CAE мамандандырылған бағдарламасымен жұмыс істеу және жасанды интеллект бойынша зерттеулер жүргізу, модельдеу және прототиптер жасау үшін аудиторияда ThinkStation жұмыс станциялары мен ThinkVision мониторлары бар ыңғайлы үстелдер орнатылған. Дәріс аудиториялары ThinkPad ноутбуктерімен және презентация материалдарын таратуға арналған үлкен сандық дисплеймен жабдықталған, ал стартап-жобаларды келіссөздер мен талқылау үшін ыңғайлы кеңістік ұйымдастырылған.Зертхана жоғары технологиялық білімдерін тереңдеткісі келетін студенттер үшін, сондай-ақ өз жобаларын жүзеге асыруға ұмтылатын зерттеушілер үшін маңызды орталық болады. Студенттер модельдеу үшін Lenovo аудиториясын пайдалана алады. Оқытушылар жасанды интеллект бойынша сабақтар мен зерттеулер жүргізе алады. Стартаптар өнеркәсіпте қолдануға болатын өз өнімдерінің прототиптерін жасау үшін сыныпты жалға ала алады. Lenovo сондай-ақ аудиторияны серіктестермен кездесулер, презентациялар және деректерді өңдеуге арналған воркшоптар өткізу үшін пайдалануды жоспарлап отыр.Ақпарат көзі : https://www.gov.kz/memleket/entities/sci/press/news/details/909045

24 желтоқсанда талантты әскери қолбасшы, көрнекті жазушы, Кеңес Одағының Батыры Бауыржан Момышұлының туғанына 114 жыл толды.Осыған орай Астананың әскери-тарихи мұражайында 44813 әскери бөлімінің әскери қызметшілеріне Бауыржан Момышұлының «Мәскеу үшін шайқас» – «За нами Москва» кітаптарын табыстауға арналған салтанатты рәсім өтті.Жиында сөз алған «Қарулы күштердің ардагерлері» РҚБ төрағасының орынбасары отставкадағы генерал-майор Марат Нағұманов Б. Момышұлының өмірінде өскелең ұрпақты әскери-патриоттық тәрбиелеу маңызды орын алғанына тоқталды.– Даңқты қолбасшы, көрнекті ғалым, талантты жазушы, танымал педагог Б. Момышұлының қалдырған мұрасына баға жетпейді. Ол көзі тірісінде аңызға айналған адам. Батырдың есімі еліміздің тарихына алтын әріптермен жазылған, – деп атап өтті М. Нағұманов.Астана қаласы қорғаныс істері жөніндегі департаментінің өкілі запастағы полковник Ғани Артықов Бауыржан Момышұлының кітаптары бірнеше ұрпақты тәрбиелегенін атап өтті.– Қазіргі жастарға да бұл кітапты оқуға керемет мүмкіндік туып отыр. Ережелердің жарғыда жазылуы бір басқа. Соғыстың сынағынан өткен адам ол туралы өз шығармасында жазғанда мүлдем басқаша болады екен. Бұл кітап сіздердің жүректеріңізде туған жерге деген сүйіспеншілік отын жақсын. Бейбіт өміріміз үшін бастарын өлімге тіккен ата-бабалар туралы естелік мәңгілік болғай, – деді Ғ. Артықов.Әуе қорғанысы күштері бас қолбасшысының тәрбие және идеологиялық жұмыстар жөніндегі орынбасары полковник Талғат Сыздықов Қарулы күштер ардагерлеріне көрсеткен бастамасы үшін алғысын білдірді. Осының арқасында әскери қызметшілер Мәскеу маңындағы шайқастарға қатысушының баға жетпес естелігін тағы бір қайталап оқуға мүмкіндік алып отыр.Б. Момышұлы атындағы Алматы республикалық «Жас ұлан» мектебінде атақты қолбасшыны еске алуға арналған апталық өтті.Әскери-патриоттық іс-шараларға Қарулы күштер мен Ауған соғысы ардагерлерінің қатысуымен өткен «Ерлік сабақтары», Б. Момышұлының «Соғыс психологиясы» кітабын талқылау, «Бауыржан Момышұлы» және «Артымызда Москва» фильмдерін көруге арналған тәрбие сағаттары кірді.Дөңгелек үстел барысында мектеп тәрбиеленушілері аты аңызға айналған қолбасшының ерлік жолы туралы көптеген жаңа әрі танымдық мәліметтермен таныса алды. Мәскеу үшін болған шайқастағы Бауыржан Момышұлының стратегиясы, Александр Бектің «Волоколамское тас жолы» кітабындағы «Момышұлы спиралы» тактикалық операциясының құпиялары қай кезеңде де маңызыын жоймақ емес.Ақпарат көзі : https://www.gov.kz/memleket/entities/mod/press/news/details/908799

Қорғаныс министрінің тыл және әскери инфрақұрылым жөніндегі орынбасары генерал-лейтенант Қаныш Әбубәкіров Маңғыстау облысына жұмыс сапарымен барып, облыс басшылығымен кездесіп, бірқатар әскери нысандарды тексерді.Маңғыстау облысының әкімі Нұрдәулет Қилыбаймен келіссөздер барысында армия бөлімшелері орналасқан жерлерде тұрғын үй-коммуналдық инфрақұрылымды дамыту мәселелері талқыланды. Өңір басшысы гарнизон инфрақұрылымын одан әрі жаңартуға және әскери қызметшілердің әлеуметтік-тұрмыстық жағдайын жақсартуға көмек көрсетуге дайын екенін білдірді. Министрдің орынбасары әскери бөлімдерде мерзімді қызмет сарбаздарын киім-кешекпен қамтамасыз етудің, медициналық қызмет көрсету және тамақтандырудың ұйымдастырылуын көрді. Әсіресе казармалар мен әскери нысандарды жылыту, сумен және электрмен жабдықтау мәселелеріне ерекше назар аударды. Ақтаудағы әскери-теңіз базасына барған кезде генерал-лейтенант Қаныш Әбубәкіров әкімшілік модульдік ғимаратты, казарманы, пирстер мен дивизион корабльдерін қарап шықты. Әскери госпитальда ол ағымдағы жұмыстардың барысын тексеріп, жеке құрамға көрсетілетін медициналық қызметтің ахуалын бағалады.Ақтау гарнизонының теңіз жаяу әскерлері бригадасында өткен қорытынды кеңесте генерал-лейтенант Қаныш Әбубәкіров мемлекеттік мүлікке ұқыпты ұстауға және әскери объектілердің тиімді жұмыс істеуіне тікелей әсер ететін коммуналдық ресурстарды үнемдеп тұтынуға қатысты бірқатар тапсырмалар берді. Бұдан өзге ол әлеуметтік-тұрмыстық жағдайды одан әрі жақсартуға және мерзімді қызмет сарбаздарының тамақтануына назар аударды.Ақпарат көзі : https://www.gov.kz/memleket/entities/mod/press/news/details/909022

2024 жылғы 20 желтоқсанда Ақтау қаласында Қазақстан Республикасының Цифрлық даму, инновациялар және аэроғарыш өнеркәсібі вице-министрі Мәлік Серікұлы Олжабековтың Маңғыстау облысы тұрғындарымен есептік кездесуі өтті.Кездесу барысында Мәлік Серікұлы мемлекеттік қызметтерді электрондық форматқа көшіру бойынша жүргізіліп жатқан жұмыстар туралы атап өтті. Қазіргі уақытта мемлекеттік қызметтердің 93%-ы электрондық форматта ұсынылады, оның 90,8%-ы eGov Mobile платформасында қолжетімді.Қазақстан онлайн қызметтерді дамыту бойынша әлемнің үздік 10 елінің қатарына енді. Сандық құжаттарды танымал ету қағаз құжаттарды пайдалануды азайтып, азаматтардың өмірін жеңілдетуде. Қазірдің өзінде 34 сандық құжат қолжетімді.«Invisible Government» тұжырымдамасы аясында бюрократиялық процестер айтарлықтай қысқартылды: рәсімдер саны 605-тен 175-ке, ал мемлекеттік органдарға бару саны 119-дан 21-ге дейін азайды.Вице-министр цифрландырудың азаматтарға ыңғайлы болуын қамтамасыз етуге бағытталған әлеуметтік бастамаларды ерекше атап өтті:800 мыңнан астам әлеуметтік маңызды қызмет цифрландырудың көмегімен көрсетілді;«Әлеуметтік әмиян» жобасы енгізілуде. Қазіргі уақытта пилоттық режимде екі қызмет іске қосылды: тегін дәрі-дәрмек пен мектеп оқушыларына тегін тамақтану;Азаматтардың медициналық деректері енді e-Densaulyq сервисі арқылы қолжетімді.Сонымен бірге, 2024 жылы іске асырылған цифрлық сервистерге тоқталып, IT саласына шолужасады. Маңғыстау облысы бойынша байланыс сапасына тоқталып, алдағы жылдардың жоспарымен бөлісті.Министрліктің маңызды бағыттарының бірі – өңірлерді цифрландыру. Ақтау қаласында азаматтармен жедел байланыс орнату үшін 109 Бірыңғай байланыс орталығы жұмыс істейді, жыл басынан бері орталыққа 40 мыңнан астам өтініш түскен. Қоғамдық қауіпсіздікті арттыру мақсатында бейнебақылау жүйелері кеңейтілуде: облыс аумағында 46 мың камера орнатылған.Сонымен қатар, вице-министр өңір тұрғындарының сұрақтарына жауап берді. Маңғыстау облысы үшін өзекті мәселелердің бірі – сапалы байланыс пен Интернетке қолжетімділікті қамтамасыз ету болып табылады. Сондай-ақ мемлекеттік қызмет көрсету және байланыс саласы бойынша сұрақтар қойылды. Ақпарат көзі : https://www.gov.kz/memleket/entities/mdai/press/news/details/909103

Соңғы екі жылда облыс бюджетінің басым бөлігі аудандардағы ауыл халқының тұрмыс деңгейі мен әл-ауқатын арттыруға бағытталды. Енді алдағы екі жылда облыс орталығын дамытуға ерекше көңіл бөлінетін болады. Осыған байланысты 2025-2026 жылдарға қала бюджетін орта есеппен 30%-ға ұлғайту жоспарланып отыр. Бұл туралы бүгін Талдықорған қаласының тұрғындарымен кездесуі кезінде облыс әкімі Бейбіт Исабаев мәлімдеді, - деп хабарлайды Жетісу облысы әкімінің баспасөз қызметі.Облыс әкімі өз баяндамасында қала басшылығына қысқа мерзімде алдағы екі жылға арналған кешенді даму жоспарын бекітуді тапсырды.- Ең алдымен тұрғын үй құрылысына, инженерлік инфрақұрылымды жаңғыртуға, соның ішінде жылу, сумен жабдықтау, су бұру, газбен жабдықтау желілеріне және жол құрылысына басты назар аударылуы тиіс. Сондай-ақ, аулаларды абаттандыру, тұрғын үйлердің қасбеттері мен шатырларын жаңарту, көшелерді жарықтандыру жұмыстарын жалғастыру қажет. Жалпы Талдықорғанды тұрғындар үшін жайлы, әрі қолайлы қалаға айналдыруымыз керек. Әсіресе қаланың шеткі аймақтарында тұратын азаматтар заманға сай, жайлы тұрмыс жағдайларын сезінуі тиіс, - деді Б. Исабаев. Жетісу облысы әкімінің баспасөз қызметі. Фотограф: Жеңіс Ысқабай Ақпарат көзі : https://www.gov.kz/memleket/entities/zhetysu-oblysy/press/news/details/909010

2024 жылғы 16-24 желтоқсан аралығында Қарағанды қаласында бокстан ерлер мен әйелдер арасында Қазақстан Республикасының чемпионаты өтті. Ақмола облысының құрамасы 3 алтын және 3 қола медаль жеңіп алып, жақсы нәтиже көрсетті.Ерлер арасында әлем чемпионы Теміртас Жүсіпов нағыз жеңімпаз атанды, ол 48 келіге дейінгі салмақ дәрежесінде сегізінші рет Қазақстанның чемпионы атанып, өзінің мықтылығын тағы да дәлелдеді. 54 келіге дейінгі салмақта Тимур Қабдешов алғаш рет ел чемпионы атанып, алтыннан алқа тағынды. Ересектер чемпионатында алғаш рет қатысқан Шыңғыс Мусинов (60 кг) пен ұлттық деңгейдегі бірінші жетістігіне жеткен Бекзат Мағжан (63,5 кг) команда қоржынына қола жүлделерін салды.Әйелдер арасындағы жарыста Карина Ибрагимова 57 келіге дейінгі салмақ дәрежесінде жеңіске жетіп, Қазақстанның 3 дүркін чемпионы атанды. Ұлттық құраманың қоржынына тағы бір медальді қола жүлдегер Валерия Аксенова алып келді. Ақпарат көзі : https://www.gov.kz/memleket/entities/aqmola/press/news/details/908852

Мемлекет басшысының бастамасымен сәуір айында бастау алған «Таза Қазақстан» жалпыұлттық экологиялық акциясына Ақтөбе облысы бойынша 418 643 тұрғын қатысып, 105 845 аула тазартылды. Аумақтарды жинау үшін 6 203 бірлік техника тартылып, ҚТҚ полигондарына 74 270 тонна қалдық шығарылды. Елді мекендер аумағында 356 111 ағаш көшеті және 6 415 бұта отырғызылды.Ағымдағы жылы орман мекемелерінің өртке қарсы материалдық техникалық жағдайын арттыру үшін 474 млн теңге қаржы бөлініп, оған: 4 өрт сөндіру техникалары, 3 шағын патрульдік кешендегі автокөліктер, 3 су сорғы станциясы, 2 мотопомпа сатып алынды.Ақтөбе қаласы мен аудандардың 180 елдімекендерінің 135 дендрологиялық жоспары әзірленген.Облыс бойынша 7 мемлекеттік орман тәлімбағы (215 га) бар. Орман мекемелері тәлімбақтарында 2024 жылы 14 млн. түп екпе материалдар өсірілді. 2025 жылы 15 млн. түп екпе материалдарды өсіріп шығару жоспарлануда.Мемлекеттік экологиялық сараптаманың 167 қорытындысы берілді. Алдағы жобалардың экологиялық аспектілерін талқылау үшін 403 қоғамдық тыңдау өткізілді. Жоспарланған қызмет туралы 410 хабарландыру жарияланды. Шаруашылық субъектілерінен әсер етуге 109 декларация қабылданды.Облыс аумағында жалпы 206 ГТҚ бар, олардың 611,8 млн.м3 су сақтап қалу мүмкіншілігі бар, оның ішінде 10 республикалық, 174 коммуналдық және 22 жеке меншікте.Облыс бойынша 2024-2028 жылдарға арналған су саласын дамытудың Кешенді жоспарының жобасы аясында елді мекендер мен басқа да құрылыстарды су басудан сақтау, ауыл шаруашылығы өндірушілерін сумен қамтамасыз ету үшін 2 су қоймаларының құрылысы басталады. Су қоймалары көлемі 93,8 млн. текше метр артық суды сақтауға мүмкіндік беріп, су тасқыны қаупін азайтады.Көктемгі су тасқыны кезеңінде 15 гидротехникалық құрылыс бұзылды, оның 9-ы қалпына келтірілді, 2 бөгет бойынша кепілдік мерзімі бойынша қалпына келтіру жұмыстары жүргізілуде (аяқталу мерзімі 2025 жылғы шілде), қалған 4 құрылысты ағымдағы жылдың соңына дейін аяқталады. Сонымен қатар, ағымдағы жылдың 25 желтоқсанына дейін қосымша 7 қорғаныс құрылыстары бойынша құрылыс-жөндеу жұмыстары аяқталады.Ақтөбе облысы әкімдігінің 2024 жылғы 2 мамырдағы №120 қаулысымен «Ақтөбе облысының табиғи ресурстар және табиғатты пайдалануды реттеу басқармасы» ММ құрамында құрылған «Ақтөбе облысының гидротехникалық құрылғыларға қызмет көрсету мекемесі» коммуналдық мемлекеттік мекемесі құрылды.Ақпарат көзі : https://www.gov.kz/memleket/entities/aktobe/press/news/details/908844

Бүгін Өскеменде «Қош келдің, Жаңа жыл!» атты президенттік шырша ұйымдастырылды. Жарқын да көңілді шараға облыстың 13 аудан, қалаларынан 250-ден астам бала қатысты.Оларға арнап қызықты сайыстар, интерактивті ойындар және сүйікті ертегі кейіпкерлерімен кездесу өтті. Ертеңгілікте балалар көңілді сайыстарға белсене қатысып, би билеп, ән айтты. Сондай-ақ Шығыс Қазақстан облысының әкімі Ермек Көшербаев балақайларды келе жатқан Жаңа жыл мерекесімен құттықтады.- Бұл шара Мемлекет басшысы Қасым-Жомарт Кемелұлы Тоқаевтың тапсырмасымен ұйымдастырылып отыр. Мұндай жаңажылдық ертеңгіліктер бүгін Қазақстанның барлық қалаларында өтіп жатыр. Бірақ біздегі мереке бәрінен ерекше деуге болады. Ел Президентінің әрқайсыңыз үшін арнайы дайындаған сыйлығы да бүгін табысталады, – деді аймақ басшысы.Балаларға таяуда ғана облыста өткен «Аяз Ата, Ақшақар - 2024» фестивалі туралы айтылды. Оған республиканың түкпір-түкпірінен 150-ден астам ертегі кейіпкері келген еді. Мереке барысында қатысушылар бір-бірімен танысып, тез тіл табысып кетті. Биыл облыста 9-13 жас аралығындағы 450-ден астам балаға жаңажылдық шырша өткізіліп жатыр. Оның ішінде жетім, аз қамтылған және көпбалалы отбасылардың балалары, ерекше білім алуды қажет ететін оқушылар, сондай-ақ оқуда, спортта, шығармашылық пен қоғамдық өмірде жоғары жетістіктерге жетіп жүрген балалар бар. Бұдан бөлек, президенттік шыршаға қатысушыларға 150 000 теңге көлемінде ақшалай сертификат, жұмсақ ойыншық пен тәтті сыйлық табысталды.- Мен Черемшанка ауылынан келдім. Бүгінгі мереке үшін көп рахмет! Маған барлығы да ұнады. Президентімізге берілген сыйлықтар үшін алғыс айтамын, - деді Черемшанка мектебінің 6 сынып оқушысы Алена Чернова.Мерекелік бағдарлама екі күнге жоспарланған. Бұған дейін балалар Шығыс Қазақстан облыстық драма және оперетта театрына барып, «Алтын балапан» атты қойылымды тамашалап қайтты.Ақпарат көзі : https://www.gov.kz/memleket/entities/akimvko/press/news/details/908911