Биыл еліміздің су қоймаларына рекордты - 75 млрд текше метрден астам су жиналды. Оның 12 млрд текше метрден астамы тасқын суы.Тасқын суын дұрыс бөлу су қоймаларын толтырып қана қоймай, соңғы жылдары құрғауға айналған өзендер мен көлдерге, шабындықтарға, табиғи жайылымдарға және басқа да айдындарға су жіберуге мүмкіндік берді.Жыл басынан бері Балқаш көліне 15,4 млрд текше метр су келді, бұл өткен жылғы көрсеткіштен 4 млрд текше метрге артық. Оның ішінде тасқын кезінде 3,3 млрд текше метр су түсті. Жыл басынан бері Каспий теңізіне 17 млрд текше метр су келді. Алматы облысындағы Қапшағай су қоймасы соңғы 10 жылда алғаш рет 100%-ға толып, 18 млрд текше метрден астам су жинады.Су тасқыны кезінде Батыс Қазақстан облысының Қамыс-Самар көлдеріне 80 млн текше метр су жіберілді. Ұлытау облысынан Қызылорда облысына 839 млн текше метр су келді. Осының арқасында, бақылау тарихында алғаш рет бұл су Сарысу өзені арқылы Қызылорда облысының көлдер жүйесіне жетті.Су дипломатиясы, суды дәл бөлу және су үнемдеу технологияларын енгізу арқылы еліміздің оңтүстігінде су балансын жақсартуға қол жеткізілді.Мәселен, биыл Солтүстік Аралға шамамен 2,5 млрд текше метр су жіберілді, бұл 2023 жылмен салыстырғанда 400 млн текше метрге артық. Бұл ретте, Қызылорда облысының шаруалары су үнемдеу технологияларын пайдаланғандықтан 200 млн текше метрге дейін су үнемдеп, ол су Солтүстік Аралға жіберілгенін де айта кеткен жөн.Жыл басынан бері Қызылорда облысының көлдер жүйесіне 4,7 млрд текше метрден астам су жіберілді. Салыстыру үшін, өткен жылы бұл көрсеткіш шамамен 4,3 млрд текше метр еді.«Біз әрқашан су ресурстарын бөлуде экономиканың қажеттіліктері мен су нысандарының экожүйесін қолдау арасындағы дұрыс тепе-теңдікті іздейміз. Биыл шаруалар мен басқа да су пайдаланушыларға кері әсерін тигізбестен үлкен және шағын су айдындарын сақтау және қалпына келтіру бойынша үлкен жұмыс атқарылды. Мысалы, өткен суару кезеңінде еліміздің шаруа қожалықтарына шамамен 11 млрд текше метр су берілді. Болашақта бұл бағыттағы жұмыс жақсарады. Оның ішінде суды сауатты басқару және тұтынуға басымдық беретін жаңа нормативтік-құқықтық база құру есебінен де нәтижеге жетуге ниеттіміз», - деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/907257

Министрлік құрылғалы бері 100-ден астам конкурстық өткізілді. Жарияланған бос орындарға 1100-ден артық үміткер өтініш білдіріп, қортынды бойынша 148-ге жуық адам тағайындалды.Толығырақ «Іскерлік үзіліс» айдарының кезекті санында ҚР Су ресурстары және ирригация министрлігінің Кадр жұмыстары департамент басшысы Әсия Баймұратқызы айтып берді. Ақпарат көзі : https://www.gov.kz/memleket/entities/water/press/news/details/907665

Батыс Қазақстан облысы бойынша «Қазсушар» филиалы көктемде тасқын суын қабылдау үшін 14 су қоймасын орта есеппен 50%-ға босатты. Бүгінгі таңда мекеме иелігіндегі су қоймаларында 247 млн текше метрге жуық бос орын бар.Филиал су тасқыны кезеңінде лимандарға, көлдерге және су қоймаларына шамамен 500 млн текше метр су жіберуді жоспарлап отыр.«Бүгінгі таңда барлық су қоймалары қысқы жұмыс кестесіне ауысты. Яғни, біз тасқын суын қабылдау үшін бос орындар дайындап жатырмыз. Мысалы, Шолақаңқаты су қоймасы 70%-ға, Шаған су қоймасы 60%, Сұлусай су қоймасы 65%, Емболатов су қоймасы 50%-ға босатылды. Су тасқынын қауіпсіз өткізу үшін су қоймаларынан су жіберу жұмысы жалғасуда»,- деді Батыс Қазақстан облысы бойынша «Қазсушар» филиалының директоры Рауан Хусаинов.Сондай-ақ, су тасқыны кезеңіне дайындық аясында Батыс Қазақстан филиалы инертті материалдар және жанар-жағармай қорын әзірлеп жатыр. Жалпы ұзындығы 73,6 шақырым болатын канал механикалық әдіспен тазартылып, 6 нысан қалпына келтірілді, 13 гидротехникалық құрылыста ағымдағы жөндеу жүргізілді.Ақпарат көзі : https://www.gov.kz/memleket/entities/water/press/news/details/907679

Каспий теңізіне 17 млрд текше метр, Балқаш көліне 15,4 млрд текше метр және Солтүстік Аралға 2,5 млрд текше метр су жіберілді.Қапшағай су қоймасы соңғы 10 жылда алғаш рет 100%-ға толып, 18 млрд текше метрден астам су жинады.Жыл басынан бері Қызылорда облысының көлдер жүйесіне 4,7 млрд текше метрден астам, Батыс Қазақстан облысының Қамыс-Самар көлдеріне 80 млн текше метр су жіберілді.Алғаш рет Ұлытау облысынан Сарысу өзені арқылы Қызылорда облысының көлдер жүйесіне 839 млн текше метр су келді.Ақпарат көзі : https://www.gov.kz/memleket/entities/water/press/news/details/907681

ҚР Оқу-ағарту министрлігінің 2024 жылдың қорытындысы бойынша жетістіктері 2024 жыл - Қазақстанның білім беру жүйесінің дамуында маңызды кезең болды. Оқу-ағарту министрлігі уәкілетті орган ретінде мектепке дейінгі білім беруден бастап техникалық және кәсіптік білім беруге дейінгі барлық деңгейдегі білім берудің сапасын арттыруға бағытталған стратегиялық мақсаттарды жүзеге асырып келеді. Мектепке дейінгі білім беру Бүгінгі таңда елімізде 11,6 мың мектепке дейінгі білім беру ұйымында шамамен 1 миллион бала тәрбиеленуде. 2024 жылдың қорытындысы бойынша ел өңірлерінде 75,5 мың орынға арналған 627 мектепке дейінгі ұйым ашылып, кезекте тұрған 2-6 жас аралығындағы балалардың 93,1%-ы мектепке дейінгі оқыту және тәрбиемен қамтылды.Мектепке дейінгі ұйымдарда ашықтықты қамтамасыз ету мақсатында 2024 жылы Тараз, Шымкент, Түркістан және Орал қалаларында пилоттық режимде ваучерлік қаржыландыру жүйесі енгізілді. Алдағы уақытта бұл жүйені бүкіл ел аумағы бойынша тарату жоспарлануда.Сонымен қатар мектепке дейінгі ұйымдар жанынан балалары балабақшаға бармайтын ата-аналар үшін 4,2 мыңнан астам кеңес беру пункті жұмыс істейді. Бұл пункттер балаларды тәрбиелеу мен дамытуда ата-аналар үшін үлкен көмек, сондай-ақ ол балалардың мектепке дейінгі білім алуына тең мүмкіндікті қамтамасыз етеді. Биылғы жылы 328 мыңнан астам ата-ана мен балаға әдістемелік және педагогикалық қолдау көрсетілді. Балабақшаға бармайтын балалардың ата-аналарын қолдау мақсатында «Беске дейін үлгер» мобильді қосымшасы әзірленіп, іске қосылды. Ол Абай, Ақтөбе, Қарағанды және Қызылорда облыстарында пилоттық режимде сынақтан өтіп, ата-аналар тарапынан оң бағаланды.Мектепке дейінгі және бастауыш білім берудің арасында синхрондау жұмыстары жүргізілуде. Оның шеңберінде баланың жеке даму картасы цифрландырылғанын да атап өту керек.Ұлттық құндылықтар негізінде «Тәрбие бесігі» бағдарламасы әзірленді. Балаларды ерте жастан тілдік ортаға бойлату мақсатында биылғы жылдың қыркүйек айында білім беру ұйымдарында әлеуметтік орта қалыптастыруға бағытталған «Тілге бойлау» пилоттық жобасы іске қосылды. Бұл жоба халықаралық инновациялық тәжірибелерге негізделген, ол баланың шығармашылық дамуын ынталандырып, оқу процесінде қолдау көрсетеді. Әдістің ерекшеліктерінің бірі – балалардың шығармашылығын шектемей, керісінше оны дамыту, бұл олардың байланыстырып сөйлеу қабілеті мен сөздік-логикалық ойлау деңгейіне оң әсер етеді. Қазіргі уақытта жоба елдің бес өңірінде жүзеге асырылуда.Сонымен қатар болашақ бірінші сынып оқушыларына арналған «Балақайлар мектебі» мектепалды даярлық бағдарламасы әзірленді. Ол бағдарлама мектепке дейінгі білім мен бастауыш мектеп арасындағы сабақтастықты қамтамасыз етіп, педагогтер мен ата-аналарға балаларды мектептегі оқу процесіне стандартты оқу бағдарламасының барлық бағыттары бойынша даярлауға мүмкіндік береді. Бағдарлама Мемлекеттік жалпыға міндетті мектепке дейінгі білім беру және оқыту стандарттарының талаптарына сәйкес әзірленген. Биыл бұл бағдарламадан 115 мың бала өтті. Орта білім беру Бүгінде орта білім беру жүйесінде 7964 мектеп бар, онда 3,9 миллионнан астам бала білім алып, 408 мың педагог қызмет етеді.2024 жылы қол жеткізген ірі жетістіктердің бірі – халықаралық олимпиадаларға қатысқан қазақстандық оқушылардың әрбір екіншісі жүлделі орындарға ие болды. Химия пәні бойынша ең беделді Халықаралық олимпиадада (IChO) және робототехникадан «First Global Challenge» әлем чемпионатында қазақстандық оқушылар 190 елдің арасынан оза шауып, екі олимпиадада да үш мәрте әлем чемпионы атанды. Қазақстан құрамасының қоржыны жалпы 563 медальмен толықты, оның ішінде 77 алтын, 201 күміс және 285 қола медаль бар. Ең беделді 7 олимпиадада жүлделі орындарға ие болған 26 қазақстандық оқушыға ақшалай сыйақылар тағайындалды: алтын медаль үшін – 1500 АЕК, күміс үшін – 1000 АЕК, қола үшін – 500 АЕК.Тағы бір жарқын оқиға ретінде - шілде айында Қазақстанда IBO-2024 ең беделді биология пәні бойынша Халықаралық олимпиаданың өткізілуін атауға болады. Оған 81 елден 305 жас биолог пен 275 ғалым қатысты. Қазақстан құрамасы 100% медальдық нәтиже көрсетіп, халықаралық аренада еліміздің абыройын асқақтатты.Екінші жыл қатарынан Ауыл мектептерінің оқушыларына арналған республикалық пәндік олимпиада өткізіліп келеді. Нәтижесінде ауылдық оқушылардың жүлделі орындарға ие болу көрсеткіші 10 есеге жуық артып, мыңдаған ауыл балалары үшін жаңа мүмкіндіктерге жол ашты.Еліміздің тарихында алғаш рет екі бірдей педагог «Қазақстанның Еңбек Ері» атағына ие болды. Оларға сондай-ақ, «Алтын жұлдыз» ерекше белгісі мен «Отан» ордені табысталды. Педагогтердің мұндай атаққа ие болуы Президенттің олардың еңбегін жоғары бағалауы және ұстаздар қауымына көрсеткен құрметі. Марапат иегерлері: Алматы қаласындағы №4 арнайы мектеп-интернатының 40 жылдық еңбек өтілі бар математика пәні мұғалімі Гүлжанар Нұрпейісова және Батыс Қазақстан облысы Орал қаласындағы Асан Тайманов атындағы №34 мектеп-гимназиясының мұғалімі Эльмира Траисова.Сонымен қатар, Мемлекет басшысының қолынан 23 педагог «Қазақстанның еңбек сіңірген ұстазы» атағын алды. Республикалық байқау қорытындысы бойынша тағы 64 педагог «Үздік педагог» атанды. Барлық 89 педагогке 1000 АЕК (3,6 миллион теңге) көлемінде мемлекеттік сыйақы тағайындалды.Педагог мамандығына түсуге ниет білдіруші жастар саны айтарлықтай артты. Егер өткен жылы 1500 «Алтын белгі» иегері мұғалім болуды таңдаса, 2024 жылы олардың саны 1800-ге жетті. Биылғы жылы еліміздің мектептеріне 8 мыңнан астам жас мұғалім жұмысқа қабылданды.Сапалы білім беру мен елдік мақсатқа бағдарланған тәрбие жұмыстарының дұрыс жүргізілуі әрине, білім беру ұйымдарының басшыларының кәсіби әлеуетіне байланысты. 2023 жылы Мемлекет басшысының бастамасымен «Президенттік жастар кадрлық резерві» үлгісімен «Білім берудегі өзгерістердің 1000 көшбасшысы» жобасы іске қосылды. Нәтижесінде шығармашылық, көшбасшылық және жасампаздық қасиеттерге ие жаңа басшылар құрамы құрылды. Жоба аясында өткен жылы 207 педагог, биыл – мектепке дейінгі, орта, техникалық және кәсіптік білім беру ұйымдарының 376 педагогі іріктеу мен дайындықтан өтті.Сонымен қатар, орта білім беру ұйымдарынан 80 мыңнан астам педагог «Өрлеу» БАҰО ұйымдастырған тегін біліктілікті арттыру курстарынан өтті, олардың 57,8%-ы ауыл мектептерінің мұғалімдері.Еліміздегі мектептердің 67%-ы ауылдық жерлерде орналасқан. Қала және ауыл мектептері арасындағы білім сапасының алшақтығын азайту және ауыл мектептерінің әлеуетін көтеру мақсатында «Ауыл мектебі – сапа алаңы» республикалық жобасы жүзеге асырылуда. Жоба аясында өңірлерде де кіші жобалар іске қосылды. Атап айтар болсақ, мәселен, Ақтөбе облысында «Шағын жинақты ауыл мектептерінің әлеуетін цифрлық технологияларды пайдалана отырып дамыту», Алматы облысында «Жаратылыстану-математика бағытындағы пәндер бойынша білім сапасын арттыру», Маңғыстау облысында ««Отпан» тірек мектептер желісін дамыту» Ұлытау облысында «Ustaz Ulytau» жобалары өз нәтижелерін берді. Жалпы, жоба нәтижелерінен биылғы жылы 2023 жылмен салыстырғанда, шағын жинақты ауыл мектептеріндегі білім сапасының орта есеппен 7-9%-ға артқанын аңғаруға болады.Әлеуметтік жағынан осал отбасы балаларына қорытынды емтихандарға дайындалуда қолдау көрсету мақсатында 2024 жылдың қыркүйегінде 2576 мектепте «Цифрлық ұстаз» жаңа жобасы іске қосылды. Оның аясында оқушыларға электронды платформалар мен цифрлық білім беру ресурстарына қолжетімділік берілді. Сондай-ақ базалық пәндер бойынша қосымша сабақтармен 27 114 оқушы қамтылды.Мемлекет басшысының тапсырмасына сәйкес ҚР оқу-ағарту министрлігі ЦДАӨМ-мен, Astana hub халықаралық технопаркімен және «Өрлеу» БАҰО-мен бірлесе отырып, оқушылар мен педагогтерді бағдарламалау негіздеріне оқытуға арналған онлайн білім беру платформасының пилоттық жобасын іске қосты. Оның аясында 300-ден астам мұғалім мен дәріс берушілер екі бағыт бойынша біліктіліктерін арттырады: «Жасанды интеллект» және Game Development. Сонымен қатар, 27 мыңнан астам мектеп оқушысы бағдарламалау дағдыларын меңгереді. Техникалық және кәсіптік білім Бүгінде елімізде 772 техникалық және кәсіптік білім беру ұйымы бар, онда 565 мың студент білім алуда, оның ішінде 177 мың студент оқуға биылғы жылы қабылданды.Дуальды оқытумен 91 мың студент қамтылған. 2024 жылдың қорытындысы бойынша еліміздегі колледждерде мемлекеттік білім беру тапсырыстарының көлемі 143 мың орынға өсті, бұл өткен жылмен салыстырғанда 10 мыңға артқанын көрсетеді. Ал студенттерді сұранысқа ие мамандықтар бойынша тегін техникалық және кәсіптік біліммен қамту 90 пайызды құрады. Мемлекет басшысының тапсырмасы бойынша мемлекеттік тапсырыстардың 65 пайызы техникалық мамандықтарға, оның ішінде машина жасау, көлік, энергетика, IT, құрылыс салаларына бағытталған. Бүгінгі таңда Қазақстандағы колледж түлектерінің жұмысқа орналасу көрсеткіші 79 пайызды құрайды.Колледж студенттерін қолдау мақсатында шәкіртақы төлемдері екі есеге ұлғайтылды: 2023 жылы – 50%, 2024 жылы 300 мыңнан астам студентті қамти отырып тағы 50%-ға артты. Мұқтаж студенттердің 87 пайыздан астамы жатақханаларда орынмен қамтамасыз етілді. 2019-2023 жылдар аралығында 14,8 мың орындық 76 жатақхана, биыл 1,2 мың орындық тағы 4 жатақхана пайдалануға берілді. Бұдан басқа мемлекеттік тапсырыс бойынша білім алатын студенттерге әлеуметтік қолдау көрсетіледі: олар үшін тамақтану ұйымдастырылады және жолақы төленеді. Әрине, бұл техникалық мамандықтарға түсуге ниет білдірушілердің санының артуына өз септігін тигізді.Ұлттық құрама ел тарихында тұңғыш рет Францияның Лион қаласында өткен 47-ші Халықаралық WorldSkills чемпионатында ауыз толтырып айтарлықтай нәтиже көрсетіп, 6 үздік медальон мен «Ұлт үздігі» номинациясын жеңіп алды.Техникалық және кәсіптік білім беру жүйесін дамытудың жаңа тәсілдері әзірленді. Колледждерде кадрларды даярлау өңірлердің экономикасын ескере отырып, 4 макроөңірдің ерекшеліктері негізінде жүзеге асырылады. Бүгінгі таңда 195 колледжді бейіндеу және ірілендіру жұмыстары басталды.Колледждерде 160 стартап жоба іске қосылып, 104 колледждің материалдық-техникалық базасы жаңартылды. Кәсіби стандарттардың, МЖМБС және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Оқытудың тиімді озық әдістері мен тәсілдерін тарату мақсатында локомотив колледждер анықталды, заманауи колледждер базасында 3 IT орталық құрылды. Инклюзивті орта Білім беруде инклюзивті және кедергісіз орта құру барлық оқушылар үшін тең мүмкіндіктер қамтамасыз етудің негізгі факторы болып табылады. Бүгінде еліміздегі мектептердің 90%-да инклюзивті білім алуға жағдай жасалған, ал балаларды арнайы психологиялық-педагогикалық қолдаумен қамту 85%-ға жетті.Биыл алғаш рет психологиялық-педагогикалық қолдаудың үш деңгейлі моделі енгізілді, ерекше білім беру қажеттіліктері бар балалармен жұмыс істеуге арналған қолдау көрсету бөлмелері мен жеке бағдарламалар үшін жаңа талаптар әзірленді.Мектептерде «педагог-ассистент» лауазымы енгізілді, бұл осы саладағы мамандардың санын бір жылда 1 мыңнан 2,5 мыңға дейін арттыруға мүмкіндік берді. I және II топтағы мүгедектігі бар жандар, бала кезінен мүгедектер және мүгедек балалар үшін техникалық және кәсіптік білім беру ұйымдарына оқуға қабылдау квотасы 10%-ға ұлғайтылды.ПМПК ашудың нормативі 60 мың баладан 50 мың балаға дейін төмендетілді. Арнайы ұйымдар желісі көбейіп келеді. Олардың саны 496-ға жетіп, өткен жылмен салыстырғанда 10 бірлікке артты. Ерекше білім алуды қажет ететін балаларға арналған 96 қолдау бөлмесі ашылды. 600-ден астам арнайы оқыту бағдарламасы әзірленді. Балалардың құқықтарын қорғау Балалардың қауіпсіздігін қамтамасыз ету және олардың құқықтарын қорғау еліміздің әлеуметтік саясаты мен құқықтық жүйесінің маңызды аспектілерінің бірі болып табылады.Балалардың құқықтарын бұзу жағдайларына жедел ден қою үшін биылығы жылдан бастап бақылау субъектілеріне ескертусіз жоспардан тыс тексерулер енгізілді, объектілердің тізбесін ұлғайту бөлігінде Балалардың құқықтарын қорғау комитетінің бақылау функциялары кеңейтілді, оның ішінде әкімшілік жауапкершілікке тарту өкілеттігі берілді. Өңірлік бала құқықтары жөніндегі уәкілдің мәртебесі мен өкілеттігі заңмен белгіленді.Әйелдердің құқықтарын және балалардың қауіпсіздігін қамтамасыз ету туралы заңының аясында биылығы жылдың маусым айында балаларға қатысты зорлық-зомбылықтың кез келген көріністері үшін жауапкершілікті күшейтетін нормалар енгізілді. «111» байланыс орталығының қызметі заңды түрде бекітілді.Елімізде 330-дан астам адам жетім балаларға тәлімгерлік етуде. Қорғаншылық және қамқоршылық органдарының мамандардың штаттық саны 692 бірлікке дейін ұлғайтылды. Жетім балаларға арналған 36 ұйым Балаларды қолдау орталықтарына трансформацияланды.Мемлекет әлеуметтік жағынан осал отбасылардан шыққан 510 мыңнан астам балаға Жалпыға міндетті білім беру қорынан киім-кешек пен оқу құралдарын сатып алуға 22,5 миллиард теңгеден астам қолдау көрсетті. Ол атаулы әлеуметтік көмек (АӘК) алатын, табысы ең төменгі күнкөріс деңгейіне жетпейтін отбасылардағы оқушыларға, жетім және ата-анасының қамқорлығынсыз қалған балаларға, сондай-ақ төтенше жағдайлар салдарынан шұғыл көмекке мұқтаж отбасылардағы оқушыларға көрсетілді.Биыл алғаш рет еліміздің 20 өңірінде Психологиялық қолдау көрсету орталықтары ашылды. Бірнеше айдың ішінде бұл орталықтарда 240 мыңға жуық азаматқа (оқушылар, ата-аналар, мұғалімдер) көмек көрсетілді.Білім беру ұйымдарында Жеке қауіпсіздік сабақтары жүргізіле бастады. Сабақтарда жеке бас қауіпсіздігінің негіздері, қоғамдық орындарда, көшеде, үйде және интернетте өзін-өзі ұстаудың қауіпсіз ережелері туралы дәрістер беріледі. «Қазақстанның медиация мектептері» жобасы жүзеге асырылуда. Ол қауіпсіз және қолдаушы білім беру ортасын құруға бағытталған. Бастама аясында еліміздің барлық мектептерінде мектеп медиация қызметтері жұмыс істей бастайды. Медиация қызметіне жоғары сынып оқушылары, мұғалімдер, психологтар, әлеуметтік қызметкерлер, ата-аналар, сондай-ақ үкіметтік емес ұйымдардың, қамқоршылық кеңестер мен аға буын өкілдері тартылды. Тәрбие жұмысы. Қосымша білім беру. Мектеп балалардың бойында азаматтық-патриоттық құндылықтарды қалыптастыруда басты рөлдердің бірін атқарады.Өткен жылдың қыркүйек айында министрлік алғаш рет «Біртұтас тәрбие» бағдарламасын әзірлеп, қабылдаған болатын. Биылғы жылы бағдарлама Мемлекет басшысының Ұлттық Құрылтайдың үшінші отырысында жария еткен «Адал адам – Адал еңбек – Адал табыс» қағидатындағы алты құндылық тобына және 77 қадамдық іс-шараға сәйкес қайта жаңартылды.Бағдарлама аясында еліміздің барлық мектептерінде Ата-аналарға педагогикалық қолдау көрсету орталықтары жұмыс істеуде. Олардың басты бағыты балаларды оқыту мен тәрбиелеуде отбасы мен мектептің өзара ынтымақтастығын арттыру, позитивті ата-ана мәдениетін қалыптастыру болып табылады. Бағдарламаның жүзеге асырылуының арқасында ата-аналардың балаларының мектептегі өміріне қатысуы 40%-дан 60%-ға дейін өсті. Мұғалімдер арасында жүргізілген сауалнама нәтижесі бойынша респонденттердің 82%-ы бағдарламаның сынып жетекшілерінің кәсіби дамуына оң әсерін, 84%-ы «Біртұтас тәрбиенің» оқушы белсенділігінің өсуіне оң әсерін, ал 71%-ы мектеп пен отбасының өзара ынтымақтастығының артқанын атап өтті.«Оқуға құштар ұлт» жобасына қосылған оқушылар саны 30 пайыздан асты, мектеп кітапханаларының қоры биылғы жылы 1,3 миллион кітапқа артып, жалпы саны 4,8 миллион дананы құрады. 1717 коворкинг-орталықтарын құру арқылы білім беру ұйымдары кітапханаларының материалдық-техникалық базасы жақсартылды.Ел Президенті балалардың шығармашылық пен қолөнердің қыр-сырын меңгеруі үшін балалар үйірмелерінің жұмысын қалпына келтіру міндетін қойды. Биылғы жылы балаларды қосымша біліммен қамту 86,3%-ға дейін өсті – бұл 3,3 млн бала, ал қосымша білім беру ұйымдарының желісі 1625-тен 1713-ке дейін артты. Жалпы, қосымша білім беру үш бағытта жүзеге асырылады: мектептен тыс ұйымдар, мектеп үйірмелері мен спорт секциялары. Елімізде барлығы 1625 мектептен тыс ұйым бар және әртүрлі бағыттағы 380 үйірме түрі ұсынылады.Сонымен қатар қосымша білім беру ұйымдарының құрылысы да қарқынды жүруде. Биылдың өзінде 8 қосымша білім беру орталығы, 3 балалар сауықтыру орталығы (лагерьлер), ауылдық мектептерде 779 комъюнити-орталықтар ашылды, 190 қосымша білім беру ұйымы жаңартылды.Балалардың сауықтыру демалысын, жұмыспен қамтылуын және бос уақытын тиімді пайдалануды ұйымдастыру 2024 жылдың жазында басты мәселелердің біріне айналды. Биыл алғаш рет лагерьлер үшін бірыңғай талаптар әзірленіп, оның жұмысына волонтерлер мен қосымша білім беру мұғалімдері тартылды. Сондай-ақ, лагерьге қабылдау мен нұсқаулық өткізудің республикалық мониторингі құрылды. Уәкілетті мемлекеттік органдар бекіткен балаларды сауықтыру орталықтарының тізілімі жасалды. Балалар мен олардың ата-аналарына ыңғайлы болу үшін «Балаларға базарлық» және «Қауіпсіз жаз» ақпараттық пакеті әзірленді. Балалардың жазғы демалыс мәдениетін дамыту және олардың қауіпсіздігін қамтамасыз ету үшін Қазақстан Республикасының Оқу-ағарту министрлігі «Сенің қуанышқа толы демалысың» Guidebook-ін әзірледі. 120 мың педагог-ұйымдастырушы арнайы оқудан өтті. Өңірлерде «Ұлы дала кереметі», «Жас Ғалым», «Гастро туризм», «Бір күн қалада», «Қонақжай отбасы» атты жазғы демалысты ұйымдастыру бойынша бірегей жобалар жүзеге асырылды. 2024 жылдың жазының қорытындысы бойынша 11287 балалар сауықтыру орталықтарында 3,1 млн оқушы немесе балалардың 93,4%-ы демалыспен және сауықтырумен қамтылды, оның ішінде 600 мыңнан астам бала әлеуметтік жағынан осал отбасылардан және 5 мыңнан астамы су тасқынынан зардап шеккен өңірлерден. Инфрақұрылым, қауіпсіздік, цифрландыруБілім беру инфрақұрылымын жақсартуға ерекше көңіл бөлініп келеді. Биылғы жылдың қорытындысы бойынша елімізде 200 мыңнан астам оқушы орны құрылды.Оның ішінде 19 нысан Білім беру инфрақұрылымын қолдау қоры есебінен қаржыландырылды. Республикалық және жергілікті бюджет есебінен, сондай-ақ инвестиция тарту есебінен – 56 мектеп ашылды.Ел тарихындағы ең жарқын оқиғаның бірі - «Жайлы мектеп» Ұлттық жобасының басталуы болды, оның аясында бүгінге дейін 41 мектеп ашылды. Қуанарлығы сол, жайлы мектептердің 44 пайызы ауылдық жерлерде орналасқан.Мектеп құрылысының бұрын-соңды болмаған қарқынмен салынуы - білім беру ұйымдарында орын тапшылығы мен үш ауысымда оқу мәселесін едәуір азайтуға мүмкіндік берді. Осылайша, бүгінде елімізде бір ауысымда жұмыс істейтін мектептер саны 3 мыңға жуықтады. Сонымен қатар, 280 мектеп күрделі жөндеуден өтті, 842 мектепке 1395 заманауи пән кабинеттері (робототехника, химия, биология, физика, STEM) сатып алынды. 1000 ауыл мектебін жаңғырту 7 бағыт бойынша жүргізілді: ағымдағы жөндеу, жиһаздарды, кітапханаларды, асханаларды жаңарту, қауіпсіздік жағдайын жақсарту. Су тасқынынан зардап шеккен 25 нысан қалпына келтірілді.10 мыңнан астам білім беру ұйымдарының қауіпсіздік жүйелерінің техникалық жарақтандырылуы арттырылды.Биылғы жылдың қыркүйек айынан бастап әлеуметтік жағынан осал отбасылардан шыққан 1,7 миллион мектеп оқушысы мен 97 мың балабақша тәрбиеленушісі тегін ыстық тамақпен қамтылды. Денсаулық сақтау министрлігімен бірлесіп білім беру ұйымдарындағы балалардың тамақтану стандарттары қайта қаралып, білім беру ұйымдарында жаңа тамақтану стандарты әзірленді.Мемлекет басшысының тапсырмасы бойынша білім беруді цифрландыру үдерісін жеделдету бойынша кешенді жұмыстар жүргізілуде. Осылайша, 2024 жылдың қорытындысы бойынша мектептерде интернет жылдамдығы 19%-дан 90%-ға дейін ұлғайтылды. Қазақстандық мектептердегі жоғары сапалы интернет көрсеткіші 3 есеге өсті. Сондай-ақ мектеп оқулықтары 100 пайыз цифрлық форматқа көшіріліп, 11 платформада қолжетімді болды.Еgov Mobile мобильді қосымшасында жаңа Bilim қызметі іске қосылды. Онда негізгі және жалпы орта білім туралы цифрлық аттестат қолжетімді. Электронды үкіметтің egov.kz веб-порталында мектептердің бірінші сынып оқушыларын және колледж студенттерін қабылдау жүйесі автоматтандырылды.«Педагогтерді жұмысқа қабылдау» модулі әзірленді, онда бос оқытушы лауазымына орналасу үшін ашық конкурс өткізіледі. Цифрлық шешімдердің арқасында мұғалімдер үшін республикалық байқаулар өткізу кезінде өтінімді онлайн беру, оның қай кезеңде екенін, сарапшылардың қандай балл қойғанын бақылау және т.б. қызметтер қолжетімді болды.Астана қаласында және Маңғыстау, Ақмола, Батыс Қазақстан облыстарында 215 мектепте тиісті санаттағы балаларды тегін тамақтандыру бойынша «Әлеуметтік әмиян» пилоттық жобасы жүзеге асырылуда.Ақпарат көзі : https://www.gov.kz/memleket/entities/edu/press/news/details/907391

Қазақстан Республикасы Білім министрлігінің қолдауымен ағымдағы жылдың сәуір айында басталған «Педагогикалық идеялар панорамасы - 2024» республикалық бейне сабақтар мен бейнедәрістер байқауының қорытындысы шығарылды. қорытындылады. Оған 5000-ға жуық педагог қатысты, оның ішінде 108-і жүлделі орындарға ие болды. Мақсаты пәнаралық негізде оқушылардың ерте/функционалдық сауаттылығын дамыту саласындағы заманауи педагогикалық тәжірибе мен мұғалімдер арасындағы өзара іс-қимылдың озық тәжірибесін жинақтау және танымал ету. . Байқау екі кезеңнен тұрады: облыстық және республикалық. 12 бағыт бойынша бейнероликтер жасалып, оларды облыстық сарапшылық кеңес мүшелері жеті критерий бойынша бағалады. «Республикалық сарапшылық кеңес жұмысына «Өрлеу» АҚ өкілдері мен байқау бағыттары бойынша сыртқы сарапшылар тартылды. Конкурстық жұмыстарды бағалау тәртібі ашық және айқын болды. Республикалық кезең жеңімпаздарының тізімі біздің орталықтың сайтында және филиалдарының ресми аккаунттарында орналастырылады», - деді «Өрлеу» біліктілікті арттыру ұлттық орталығының басқарма төрайымы Айдана Шилібекова. Осылайша, 102. мұғалімдер 1, 2, 3 дәрежелі дипломдардың иегерлері атанды. Әр сала бойынша YouTube-те ең көп қаралған бейнероликтердің авторлары анықталды. Сонымен қатар, биыл ЮНЕСКО алғаш рет байқауға қатысушылардың жұмысын бағалап, «Жаһандық азаматтық үшін білім беру» және «Климаттың өзгеруі бойынша білім беру» салаларында қосымша арнайы марапаттарды табыс етті. Бұл бастама байқаудың сапасы мен өзектілігін арттырып, оның мәртебесін халықаралық сарапшылық деңгейге жақындатты.Ақпарат көзі : https://www.gov.kz/memleket/entities/edu/press/news/details/907809

Астанада «Қазақстан туризмінің болашағы: стратегиялар, сын-қатерлер және шешімдер» атты стратегиялық сессия өтті. Қатысушылар саладағы негізгі сын-қатерлерді талқылап, 2024 жылдың жетістіктерін қорытындылады. Сондай-ақ саланың болашақтағы даму жоспарын айқындады.Сессияға ҚР Үкіметі Аппараты мен ҚР Сыртқы істер министрлігі секілді мемлекеттік құрылымның өкілдері, Kazakh Tourism және Kazakh Invest ұлттық компанияларының басшылары, сондай-ақ Қазақстан туристік индустриясының жетекші халықаралық сарапшылары мен өкілдері қатысты. Халықаралық спикерлер арасында Marriott International және Gratiya Advisory компанияларының өкілдері сөз сөйлеп, әлемдік тәжірибелерін ортаға салды.Іс-шара барысында саланың 2024 жылғы жұмысы қорытындыланды. Мәселен, биыл шетелдік туристер ағыны 11,5 миллион адамға жетіп, 2023 жылмен салыстырғанда екі есе артты. Орналастыру орындарының табысы 27%-ға артып, 224 миллиард теңгеге жетті. Сондай-ақ Қазақстанның әлемдік туристік нарықтағы имиджін нығайтуға ықпал еткен «Қазақстан бойынша гид» атты ауқымды конкурс пен қазақстандық белгілі тұлғалар қатысқан халықаралық жарнамалық науқандар сынды жобалар іске асырылды.«Жыл басынан бастап жеке инвесторлар мен кәсіпкерлік субъектілеріне мемлекеттік қолдау шараларының тиімділігін арттыруға назар аудару қажет. Сонымен қатар туристік салаға тікелей шетелдік инвесторларды тарту жөніндегі жұмыстарды жандандыру керек. Бұдан бөлек, курорттық аймақтардың инженерлік-инфрақұрылымдық қамтамасыз етілуін жақсарту үшін, соның ішінде жолдар, электрмен қамтамасыз ету және су құбыры жүйелері бойынша қажетті нормативтік құқықтық актілер мен заңнамаға өзгерістер енгізу маңызды», – деп атап өтті Туризм және спорт министрінің орынбасары Ержан Еркінбаев.Жиында мемлекеттік қолдау механизмдерін жетілдіруге, саланың инвестициялық тартымдылығын арттыруға және Kazakh Tourism-нің стратегиялық рөліне ерекше назар аударылды.Сессия қорытындысы бойынша қатысушылар Қазақстандағы туризмді дамыту үшін нақты қадамдарды айқындап, Kazakh Tourism функцияларын жетілдіру, жаңа қаржыландыру тетіктерін енгізу және еліміздің халықаралық туристік алаңдағы орнын нығайту мәселелерін қарастырды.Туризм және спорт министрлігі Қазақстанның туристік саласының тұрақты өсуіне негіз болатын сындарлы диалог пен ынтымақтастық үшін барлық қатысушыларға алғыс білдіреді.Ақпарат көзі : https://www.gov.kz/memleket/entities/tsm/press/news/details/907952

ҚР Туризм және спорт министрінің орынбасары Серік Жарасбаев Павлодар облысының тұрғындарымен есеп беру кездесуін өткізді. Жиынға жергілікті атқарушы органдардың өкілдері, қоғам белсенділері, спортшылар, жаттықтырушылар, БАҚ өкілдері және басқа да тұлғалар қатысты. Кездесу барысында министрдің орынбасары министрліктің туризм және спорт саласындағы негізгі бастамалары, сондай-ақ «Дене шынықтыру және спорт туралы» жаңартылған заң жобасы туралы баяндады. Серік Жарасбаев Мәжілісте бірінші оқылымда қабылданған жаңа заң жобасына балалар мен бұқаралық спортты дамытуға, қаржыландырудың ашықтығын арттыруға және ұлттық спорт түрлерінің рөлін нығайтуға бағытталған маңызды өзгерістер енгізілгенін атап өтті. «Спорт саласында ресурстарды ашық және әділ бөлу – чемпиондардың жаңа буынын тәрбиелеуге және барлық ел азаматтарына қолайлы жағдай жасауға негіз болады», – деді ол. Кездесу барысында 2025 жылы спорт мектептерінде жан басына шаққанда қаржыландырудың пилоттық жобасын енгізу жоспарланып жатқаны айтылды. Жиынға қатысушылар облыстың спорт инфрақұрылымын дамытудағы жаңа тәсілдерге қызығушылық танытты. Серік Жарасбаев Павлодар облысында 24 балалар мен жасөспірімдер спорт мектебі жұмыс істейтінін, онда 24 356 оқушы жаттығатынын және министрлік Дене шынықтыру мен спорттың цифрлық платформасын (E-sport) іске асыруды жалғастырып жатқанын айтты. Аталған платформа саланы модернизациялауда маңызды қадам болмақ. «Әрбір аймақ, әрбір спорт мектебі балалар мен жастар үшін қызықты орталыққа айналуға тиіс. Біздің міндетіміз – спортты қолжетімді әрі тартымды ету, сондай-ақ әрбір адамның спорттық әлеуетін толық ашуға жағдай жасау», – деді Серік Жарасбаев. Министрдің орынбасары есеп беру кездесуінен кейін азаматтарды жеке қабылдап, олардың сұрақтарына жауап беріп, мәселелері мен ұсыныстарын тыңдады. Сондай-ақ өңірдегі бірқатар спорт нысандарын аралап, жұмыс барысымен танысты.Ақпарат көзі : https://www.gov.kz/memleket/entities/tsm/press/news/details/907954

Тәуелсіздік күніне орай Алматы облысының Райымбек ауданында маңызды оқиға орын алды – жаңа жастар орталығының салтанатты ашылуы. Бұл облыста биыл ашылған төртінші орталық болып табылады және ол жастарға арналған кешенді қолдау бағдарламасын жүзеге асыруда маңызды қадам болып табылады.Жастар орталығы жастарға кең ауқымды қызметтерді ұсынады, оның ішінде мемлекеттік бағдарламалар бойынша консультациялар, психологиялық және құқықтық көмек, жұмысқа орналасуға жәрдем көрсету, сондай-ақ NEET категориясына (жұмыс істемейтін, оқымайтын және біліктілігін арттырмайтын жастар) ерекше назар аударылып, қаржылық сауаттылықты арттыру курстары ұсынылады. Бұл шара жастарға қазіргі экономика жағдайында дұрыс бағдар табуға және өзін-өзі дамытуға қажетті мүмкіндіктерді анықтауға көмектеседі. Сонымен қатар, орталықта білім беру курстары, шеберлік сыныптары және жастардың шығармашылық әлеуетін дамытуға бағытталған мәдени шаралар өтеді.Алматы облысында бұрын ашылған Конаев қаласы мен екі аудандағы жастар орталықтары өз тиімділігін көрсетті. Өткен жылы бұл орталықтар 1000-нан астам іс-шара ұйымдастырып, оның ішінде дәрістер, экологиялық акциялар, спорттық турнирлер және мәдени кештер өткізілді. Осы іс-шараларға 40 мыңнан астам адам қатысып, жастардың осындай бастамаларға жоғары қызығушылық танытқанын көрсетеді.Жастар орталықтарының NEET санатындағы жастармен жұмыс нәтижесіне ерекше назар аударуға болады. 2024 жылы мұндай жастар саны 19 779 адамға азайып, 45 994-тен 26 215-ке дейін төмендеді. Бұл көрсеткіш жастар орталықтарының тек пайдалы ақпарат пен ресурстарға қолжетімділікті қамтамасыз етіп қана қоймай, маңызды әлеуметтік міндеттерді шешуде де үлкен рөл атқаратынын дәлелдейді.Алматы облысының жастар саясаты басқармасының басшысы Мади Ахметовтің айтуынша, жастардың өзін-өзі дамыту үшін жаңа алаңдарды құру жұмыстары келесі жылы да жалғасын табады. Алдағы уақытта жастардың шығармашылық қабілеттерін дамыту, олардың карьералық бағдарларын анықтау және әлеуметтік маңызы бар жобаларды жүзеге асыруға қолдау көрсету үшін жағдайлар одан әрі жақсартылатын болады.Сонымен қатар, 2024 жылғы 13 желтоқсанда «Заңғар-2024» жастар сыйлығының жеңімпаздарын марапаттау салтанатты шарасы өтті. Алматы облысының жастар саясаты басқармасы мен Жастар ресурстық орталығы ұйымдастырған бұл сыйлық жастар арасындағы ең үздік жетістіктерді мойындап, түрлі саладағы табысты жас мамандарды марапаттады. Биылғы жылы премия 10 номинация бойынша табысталды: «Үздік жас мемлекеттік қызметші», «Үздік жас дәрігер», «Үздік жас ұстаз», «Үздік жас кәсіпкер» және басқа да санаттар. Сонымен қатар, биылғы жылы жеңімпаздарға берілетін ақшалай сыйақы көлемі 300 мың теңгеден 500 мың теңгеге дейін ұлғайды.Бұл салтанатты марапаттау рәсімі өңірдегі жастардың қоғамдағы рөлі мен жастарды қолдаудың маңыздылығын тағы да айқындады. Мұндай бастамалар жастардың кәсіби өсуі мен дамуына, сондай-ақ олардың шығармашылық әлеуетін ашуға серпін береді.«Заңғар» сыйлығының қорытындысы Алматы облысындағы жастардың қоғамдық өмірге белсенді қатысуын және олардың болашақта даму мүмкіндіктерін арттыруға бағытталған жобалардың тиімділігін көрсетеді.Ақпарат көзі : https://www.gov.kz/memleket/entities/almobl/press/news/details/907237

2025 жылы өңірде интернетпен қамту деңгейі жаңа белеске жетеді: •Республикалық жолдардың 340 шақырымында мобильді байланыс орнату үшін 17 мұнара салынады.•27 ауыл интернетке қосылып, жалпы қамту деңгейі 98,8%-ға жетеді.•Жыл соңына дейін 20 ауыл мобильді интернетке қосылады, қамту деңгейі 96,3%-ды құрайды.•Starlink арқылы 46 ауыл мектебі интернетке қосылды, бұл білім алуда жаңа мүмкіндіктер ашады.Ақпарат көзі : https://www.gov.kz/memleket/entities/aktobe/press/news/details/907356

Ақтөбе облысында 2024 жылы түрлі әлеуметтік бағдарламалар аясында халықтың әртүрлі топтарына мемлекеттік қолдау көрсетілді.• Мемлекеттік гранттар:566 адам жалпы сомасы 832,8 млн теңге болатын грант алды. Бұл қаражат:• технологиялық жабдықтарды сатып алуға,• мал және құс шаруашылығын дамытуға,• көшеттерді сатып алуға,• ғимараттарды жалға алуға жұмсалды.Грант алушылардың арасында көп балалы отбасылар, мүгедектігі бар азаматтар, мүгедек балаларды тәрбиелеп отырған ата-аналар және аз қамтылған отбасылар болды.• Мемлекеттік атаулы әлеуметтік көмек:3 006 отбасы немесе жалпы саны 15 765 адам атаулы әлеуметтік көмек алды. Бұл мақсатқа 1,4 млрд теңге бөлінді.Көмек алушылардың басым бөлігі — 18 жасқа дейінгі балалар (67,1%).• Жұмыспен қамту:Жұмыспен қамту бағдарламалары аясында 231 жоба жүзеге асырылды. Нәтижесінде 5 159 адам жұмысқа орналастырылды.Мемлекеттік қолдау халықтың өмір сапасын жақсартуға және өңірдің тұрақты дамуына ықпал етуде маңызды рөл атқарды.Ақпарат көзі : https://www.gov.kz/memleket/entities/aktobe/press/news/details/907389

Ақтөбе қаласында «Таза Қазақстан» ұлттық бағдарламасы аясында еңбек ардагерлерінің аулалары мен тұрғын үй аймақтарын қардан тазарту акциясы өтті.Шара өңірлік еңбек ардагерлерін қолдау, өзара көмек көрсетуді насихаттау, сондай-ақ «Таза Қазақстан» ұлттық бағдарламасында белгіленген әлеуметтік мәселелерді шешуге жастар өкілдерін белсенді тарту мақсатында ұйымдастырылды.Шараға облыстағы жастар ұйымдарының белді өкілдері, эко-белсенділері мен еріктілер шақырылды. Оның бірі еріктілер тобының жетекшісі - Жанерке Аманқызы Мирашова.Ол жастарды еңбек ардагерлеріне жан-жақты көмек көрсетіп, қазақстандықтардың жаңа экологиялық санасын қалыптастыруға үлес қосуға шақырды.«Іс-шараның басты мақсаты – ұлттық құндылықтарымыздың басты қағидаларының бірі ретінде аға ұрпаққа құрмет көрсетуге баса назар аудара отырып, жас ақтөбеліктерді елеулі әлеуметтік мәселелерді шешуге белсенді тарту.Акцияның мақсаты – экологиялық жағдайды жақсарту ғана емес, сонымен қатар жастар арасында әлеуметтік жауапкершілік мәдениетін және әлеуметтік маңызы бар бастамаларға белсенді қатысуды дамыту. Бұл шара неғұрлым жайлы және үйлесімді әлеуметтік орта құру үшін қоғамның күш-жігерін біріктірудің жарқын үлгісі болады», - деп атап өтті Жанерке Аманқызы.Сондай-ақ, Қазақстан-Ресей халықаралық университетінің жастар ісі жөніндегі комитетінің төрағасы Әли Тукашев «Таза Қазақстан» ұлттық бағдарламасының Ақтөбе облысында жүзеге асырылу барысы туралы өз ойымен бөлісті.«Биылғы жылдың өзінде облыста «Таза Қазақстан» жалпыұлттық экологиялық акциясы аясында 100 мыңнан астам аула тазартылып, 290-нан астам саябақтар мен скверлер абаттандырылды, 260-қа жуық тарих және мәдениет ескерткіштері қалпына келтірілді, 350-ден мыңнан астам көшет отырғызылды.Облысымыздың барлық мүдделі тұрғындарының күш-жігерінің арқасында біз ауқымды өзгерістердің куәсі болып отырмыз. Біз бірігіп өңірімізді гүлдендіре аламыз!»- деп атап өтті.Акция соңында еңбек ардагерлері аға буын өкілдерінің өзара көмек пен қолдаудың маңыздылығын атап өтіп, жастарға қамқорлық танытып, белсенділік танытқандары үшін алғыстарын білдірді. Олар жас ақтөбеліктердің алдағы істеріне сәттілік, игі істердің жалғасын табуына тілектестік білдірді. Акцияға қатысушылар өз кезегінде мұндай шаралардың дәстүрге айналуы керектігіне, алдағы уақытта оларға бұдан да көп жанашыр азаматтар қосылатынына сенім білдірді.Олар мұндай акцияларға қатысу өңірдегі экологиялық жағдайды жақсартуға көмектесіп қана қоймай, қоғамның игілігі үшін маңызды болып табылатын қауымдастық пен ынтымақтықты нығайта түсетінін баса айтты.Белсенділер мен еріктілер олардың күш-жігері басқа ұрпақтарды әлеуметтік бастамаларға белсенді қатысуға және елдің әл-ауқатына қамқорлық жасауға шабыттандыратынына сенімді.Ақпарат көзі : https://www.gov.kz/memleket/entities/aktobe/press/news/details/907397

Ақтөбе облысында дене шынықтыру мен спорт қарқынды дамуда.2024 жылы өңір халқының 43%-ы, яғни 407,916 адам спортпен жүйелі түрде айналысады. Жыл ішінде 200,000-нан астам адам қатысқан 3,000-нан астам бұқаралық спорттық іс-шара ұйымдастырылды.Облыста спорттық инфрақұрылымның дамуы белсенді жалғасуда. Спорттық нысандар саны 1,704-ке жетіп, 2024 жылы 13 спорт кешені, 16 жазықтық құрылғы, 1 жүзу бассейні және 30 спорт залы пайдалануға берілді.Балалар спортына ерекше көңіл бөлінуде. Облыста 37 балалар-жасөспірімдер спорт мектебі жұмыс істейді, оның ішінде 5 жаңа мектеп ашылды. Бұл өңірдегі балалар мен жасөспірімдердің спортқа қолжетімділігін арттыруға мүмкіндік берді.Өңір спортшылары халықаралық және республикалық жарыстарда лайықты нәтижелер көрсетті. 2024 жылы олар 211 медаль жеңіп алды, оның ішінде 107 алтын, 49 күміс және 55 қола медаль бар.Сонымен қатар олимпиадалық емес спорт түрлері, ұлттық спорт түрлері және мүмкіндігі шектеулі адамдарға арналған спорт белсенді түрде қолдау табуда. Аймақтық бюджет спортпен шұғылдану мүмкіндіктерін кеңейту бағдарламаларын қаржыландыруды жалғастыруда.Ақпарат көзі : https://www.gov.kz/memleket/entities/aktobe/press/news/details/907628

Облыс әкімі Асхат Шахаров пен еліміздің Сыртқы істер министрінің орынбасары Әлібек Қуантыров арасындағы кездесу барысында аймақтың әлеуметтік-экономикалық даму мәселелері, инвестициялық жобаларды жүзеге асыру және халықаралық әріптестікті нығайту бағытындағы жоспарлар талқыланды.Кездесу барысында облыс әкімі өңірдің даму перспективаларын баяндап, шетелдік инвесторларды тарту бағытында атқарылып жатқан жұмыстарға тоқталды. Өз кезегінде Әлібек Қуантыров Қазақстанның сыртқы саясатындағы басымдықтар мен экономикалық ынтымақтастықты арттыруға бағытталған бастамаларды атап өтті.Кездесу соңында тараптар өзара ынтымақтастықты жалғастыруға және халықаралық деңгейде өңірдің бәсекеге қабілеттілігін арттыру үшін бірлесіп жұмыс жасауға ниет білдірді. Ақпарат көзі : https://www.gov.kz/memleket/entities/aktobe/press/news/details/907708

Ақтөбе облысының әкімі Асхат Шахаровтың төрағалығымен өткен аппарат мәжілісінде жолдарды қыс мезгілінде күтіп ұстау мәселесі қаралды.ҚазАвтоЖол ҰК» АҚ Ақтөбе облыстық филиалының директоры Айбол Данагүл жолдардың ұзындығын айтты. Республикалық маңызы бар 1869 шақырым, оның 117 шақырымында қалпына келтіру жұмыстары жүргізілуде. «Сине Мидас Строй» ЖШС мен «Ассана-ДорСтрой» ЖШС Ақтөбе-Астрахань және Самара-Шымкент жолдарын қысқы жөндеу жұмыстарына жауапты. Бұл жолдарды қардан тазалауға аталған серіктестіктерден барлығы 31 бірлік арнайы техника жұмылдырылды. Сондай-ақ 1700 тонна құм мен 300 тонна мұздан тазартатын материал дайындады. Сондай-ақ, тазалау жұмыстарына 115 жалға алынған техника жұмылдырылып, тағы 34 арнайы техниканы жалға алу бойынша тендерлік рәсімдер жүргізілуде.Жол бойында 51 төсек-орынмен жабдықталған 15 жылу пункті бар.Онда. Облыстағы республикалық маңызы бар жолдардағы 246 шақырым қар басқан аумақтар. Бұл аумақтарға ұзындығы 86 шақырымды құрайтын темірбетон қоршаулар орнатылды. Қалған жерлерге уақытша ағаш қалқандар орнатылып, қардан тазалау жұмыстары жүргізіледі.«Ақтөбе-Хромтау-Қарабұтақ учаскесінде көлік қозғалысының жоғары қарқындылығын ескере отырып, Хромтау және ауылдарындағы айналма жолдың 34 км. Қарабұтақ қыста көлік кептелісін болдырмау үшін дайындалуда. «Самара-Шымкент» автожолының 844–863 км учаскесінде тас жолға үш шығуы бар ұзындығы 23 км айналма жол қарастырылған. Әйтеке би ауданында жалпы ұзындығы 11 шақырымды құрайтын 963–966 шақырым және 983–985 шақырымды құрайтын автомобиль жолының төрт шығуы бар айналма жол салынды», - деді Айбол Данагүл.Өз кезегінде облыс әкімі аппарат басшысы. Жолаушылар көлігі және автомобиль жолдары басқармасынан Айбек Қайер жергілікті жолдарды қысқы күтіп ұстау туралы баяндады. Бұл жұмысқа 43 мердігер ұйым жауапты.Облыстағы жергілікті маңызы бар автомобиль жолдарының ұзындығы 4,4 мың шақырымды құрайды, олар 174 учаскеге бөлінген. Оның 13-і облыстық маңызы бар, 161-і аудандық учаскелер.Бұл жолдарды тазалауға 401 техника жұмылдырылып, 5,4 мың тонна инертті материалдар, 2,8 мың тонна дизель отыны дайындалды.Басшының айтуынша , жолдарды тазалау және құм-тұз қоспасымен себу жүйелі түрде жүргізіледі. Бұл мәселе облыстық маңызы бар жолдарды күтіп-ұстауға жауапты мердігерлердің тұрақты бақылауында.Сөйлеушілерді тыңдаған облыс әкімі жолдарда, әсіресе, қар тазалайтын техникалардың санын арттыруды, әсіресе жолдардағы жұмыстарды уақытылы қамтамасыз етуді тапсырды. көлік қозғалысының қарқындылығын, қардың көтерілуіне және көктайғаққа бейім аймақтардың жағдайын бақылауға, туындаған мәселелерді жедел шешу үшін мердігерлер, жол қызметтері және жергілікті атқарушы органдардың өзара іс-қимылын күшейту.Ақпарат көзі : https://www.gov.kz/memleket/entities/aktobe/press/news/details/907825

Жезқазған қаласын сапалы жерасты су көзімен қамтамасыз ету мақсатында қолға алынған «Үйтас-Айдос» жобасының І кезеңі сәтті аяқталды. Нәтижесінде қазіргі таңда Ұлытау облысы орталығының халқына беріліп отырған тіршілік нәрінің 30%-ын жерасты суы құрайды. Бүгін өңір басшысы Дастан Рыспеков осы атқарылып жатқан жұмыстардың барысын қадағалады. Жобаның бірінші кезеңі бойынша Үйтас-Айдос су қабылдау орынындағы көтерме сорғы жаңартылып, диаметрі 800 мм.болатын 51 шақырым құбыр ауыстырылды. Қазіргі уақытта жоба бойынша Жезқазған қаласының шаруашылық, ауыз суын тазарту орталығында іске қосу-реттеу жұмыстары жүргізілуде. Айта кетейік, жоба жалпы ІІІ кезеңнен тұрады. ІІ кезеңнің келесі жылы басталуы үшін қаражаты бөлінді. Мемлекет басшысының тапсырмасына сәйкес 2022 жылы қолға алынған бастама 2027 жылға дейін жалғасады.Ұлытау облысының әкімі өз кезегінде Жезқазған қаласы тұрғындарының 2026 жылдың соңына дейін 70%-ға, 2027 жылдың соңына дейін жүз пайыз жер асты су қорымен қамтылуын тапсырып, жобаны қатаң бақылауда ұстайтынын жеткізді. Сондай-ақ өңір басшысы жобаның кезең-кезеңмен жүзеге асуы – бірте-бірте жерүсті суына тәуелділікті азайтып, нәтижесінде толықтай таза ауыз суға қол жеткізуге мүмкіндік беретінін жеткізді. «Келесі жылы ІІ кезеңнің уақытылы басталып, сапалы орындалуын және оны 2026 жылдың соңынан қалдырмай аяқтауды тапсырамын. Сондай-ақ, ІІІ кезеңді қаржыландыру жолдарын қазірден қарастырып, жобаның жүзеге асу барысын бақылауда ұстау қажет»-деді өңір басшысы өз сөзінде.Ақпарат көзі : https://www.gov.kz/memleket/entities/ulytau/press/news/details/907939

Қарағанды облысы полиция департаментінде учаскелік инспекторлар мен кәмелетке толмағандар ісі жөніндегі инспекторлардың дәстүрлі слеті ұйымдастырылды. Іс-шараға департамент басшысы Негмет Исмагулов төрағалық етті. Жиында облыс әкімінің орынбасары Әлібек Әлденей де қатысып, маңызды мәселелерге тоқталды.— Құқықтық тәртіпті қамтамасыз ету және құқық бұзушылықтардың алдын алуда сіздер – учаскелік және ювеналды инспекторлар – алдыңғы шепте жүрсіздер. Сіздердің қызметтеріңіз азаматтардың қауіпсіздігі мен тыныштығына тікелей ықпал етеді. Әрбір инспектор кәсіби деңгейін үнемі арттырып, халықпен тығыз байланыс орнатып, туындаған мәселелерге жедел әрекет етуі тиіс. Егер әр қызметкер өз міндетін адал атқарса, қызмет көрсететін аумақтарда әрдайым тәртіп орнайды, — деп атап өтті Негмет Исмагулов.Слет барысында өткен жыл қорытындылары шығарылып, құқық бұзушылықтардың алдын алу шаралары және үздік тәжірибелерді кеңейту мәселелері талқыланды. Жиында айтылғандай, аймақтағы 63 ауыл ішімдіксіз өмір салтына көшіп, нәтижесінде бұл елді мекендерде құқық бұзушылық тіркелмеген.— Полиция қызметкерлері күнделікті тұрғындардың қауіпсіздігін қорғап, қоғамдық тәртіпті қамтамасыз етеді. Ал біз, өз кезегімізде, олардың жұмысын жеңілдету үшін бар жағдайды жасап жатырмыз. Мәселен, биылғы жылы облыс бюджетінен 200 жаңа автокөлік сатып алынды. Сонымен қатар, бірнеше мобильді полиция бекеті ашылды. Барша полицейлерге жасаған еңбектері үшін алғысымды білдіремін, — деді Әлібек Әлденей.Учаскелік инспекторлардың беделін арттырып, ынталандыру мақсатында облыс әкімдігі 2023 жылдан бері «Мамандығы бойынша үздік» номинациясы бойынша байқау өткізіп келеді. Байқау жеңімпаздарына 2 миллион теңге көлемінде сыйақы тағайындалды. Биылғы жылы «Қалалық жердегі үздік учаскелік инспектор» атағына Қарағанды қаласы Полиция басқармасының Оңтүстік-Шығыс бөлімінің инспекторы Айдын Булкенов ие болды. Ал «Ауылдық жердегі үздік учаскелік инспектор» ретінде Қарқаралы ауданы Полиция бөлімінің инспекторы Ернұр Атке́нов марапатталды.Слет барысында департамент басшысы Негмет Исмагулов облыстық әкімдікке құқық қорғау саласын дамытуға қосқан үлесі үшін ризашылығын білдірді.— Қарағанды облысының әкімдігіне қоғамдық тәртіпті қамтамасыз ету, материалдық-техникалық базаны дамыту және тығыз ынтымақтастық үшін шынайы алғысымызды айтамыз, — деді ол.Сонымен қатар «Мамандығы бойынша үздік» номинациясының жеңімпаздары департамент грамоталарымен және ҚР ІІМ символикасы бейнеленген арнайы сағаттармен марапатталды.Ақпарат көзі : https://www.gov.kz/memleket/entities/qriim/press/news/details/907795

Астана, 2024 жылғы 23 желтоқсан – Қазақстан Республикасы Сыртқы істер министрінің орынбасары Роман Василенко Еуропалық Одақтың Қазақстан Республикасындағы Елшісі Алешка Симкичпен кездесті.Әңгімелесу барысында , Тараптар жоғары деңгейдегі көптеген және тұрақты байланыстарды құптай отырып, өткен жылы екіжақты ынтымақтастықтың жоғары серпінін, сондай-ақ тауар айналымы мен инвестициялық белсенділіктің айтарлықтай өскенін атап өтті. Әңгімелесушілер сондай-ақ Қазақстан-Еуропа ынтымақтастығының негізгі мәселелері бойынша жазбаларды салыстырып, келесі жылға арналған іс-шаралар күнтізбесін талқылады.Министрдің орынбасары Қазақстан мен Еуропалық әріптестік арасындағы кеңейтілген әріптестік пен ынтымақтастық туралы келісімді одан әрі толық және тиімді жүзеге асырудың маңыздылығын атап өтті. ЕО. және оған мүше мемлекеттер, сондай-ақ «Орталық Азия – Еуропалық Одақ» форматындағы өзара іс-қимылды дамыту.Әңгімелесушілер көлік-логистика, маңызды шикізат, климат және жасыл энергетика сияқты перспективалық салалардағы ынтымақтастықты одан әрі тереңдетуге назар аударды. Атап айтқанда, тараптар Транскаспий халықаралық көлік бағытын дамытудағы, соның ішінде Орта дәлізді үйлестіру платформасының іске қосылуын құптады. Олар «2025-2026 жылдарға арналған шикізат саласындағы стратегиялық әріптестіктің жол картасына» қол қою ниетін жоғары бағалады.Василенко сондай-ақ Астана мен Брюссель арасындағы визалық режимді жеңілдету туралы келісім бойынша келіссөздерді ертерек бастаудың өзара маңыздылығын атап өтті. Бұл тұрғыда ол іскерлік байланыстар мен адамдар арасындағы байланысты нығайтуға бағытталған Қазақстан мен ЕО арасындағы Көлденең авиация туралы келісімнің маңыздылығын атап өтті.Кездесу қорытындысында тараптар оңды бағалады. екіжақты ынтымақтастықтың серпінін талқылады және өзара қызығушылық тудыратын мәселелер бойынша өзара іс-қимылды арттыруға келісті.Еуропалық Одақ Қазақстанның негізгі сауда-инвестициялық әріптесі болып табылады.Ағымдағы жылдың қаңтар-қазан айларында сауда айналымы 41,2 млрд АҚШ долларын құрап, өткен жылдың сәйкес кезеңімен салыстырғанда 23%-ға өсті (Қазақстаннан экспорт – 32,6 млрд доллар, Қазақстанға импорт – 8,6 млрд доллар). 2023 жылы тауар айналымы 3,5%-ға өсіп, 41,4 млрд АҚШ долларын құрады.2005 жылдан бері Қазақстан экономикасына еуропалық инвестицияның көлемі 180 млрд долларды құрады.Еуропалық капиталдың қатысуымен 3000-нан астам компания жұмыс істейді. елде. Қазақстан. Ақпарат көзі : https://www.gov.kz/memleket/entities/mfa/press/news/details/907826

Қазақстан Республикасының Төтенше жағдайлар вице-министрі Батырбек Әбдішев Алматы мен Алматы облысындағы сел және көшкін қаупінің алдын алу мәселелерін талқылау үшін жұмыс сапарымен «Қазселденқорғау» ММ-не барды. Қазақстанға сапары аясында табиғи апаттарға мониторинг жүргізу технологияларына маманданған «Beidou» қытай компаниясының делегациясы да келді. Кездесу ведомство, «Beidou» қытай компаниясы мен оның қазақстандық өкілдері арасында бұрын қол қойылған өзара ынтымақтастық туралы үшжақты меморандум шеңберінде ұйымдастырылды. Келісім ТЖМ делегациясы компанияның Қытайдың Чанша қаласындағы штаб-пәтеріне барғаннан кейін жасалды. Жұмыс сапары барысында Батырбек Әбдішев және «Beidou» компаниясының өкілдері Іле Алатауы жотасының орталық бөлігіндегі өзендер бассейніне аэровизуалды тексеру жүргізді. Сонымен қатар қолданыстағы селден және көшкіннен қорғау құрылыстарына тексеру жүргізілді. Сапардың мақсаты қауіпті табиғи құбылыстарды нақты бақылау үшін инновациялық технологиялар мен датчиктерді қолдана отырып, қорғаныс объектілерін зерттеу және бақылау болды. Кездесу аясында қытай компаниясы мамандарының қатысуымен табиғи апаттар мониторинг жүйесін автоматтандыру үшін әлемдік тәжірибелер мен инновациялық технологияларды енгізу талқыланды. «Beidou» қытай компаниясының өкілдері табиғи апаттарды, соның ішінде табиғи апаттарды болжауға арналған датчиктерді бақылау технологиялары саласындағы соңғы жетістіктерін көрсетті. Бұл технологиялар қауіп-қатерлерге жедел ден қоюға және халықтың қауіпсіздігін қамтамасыз етуге арналған. «Біз Іле Алатауы сияқты күрделі таулы аудандарда сел және көшкін қауіптерін бақылау және қорғау үшін жаңа технологиялардың ұсынатын мүмкіндіктерін жоғары бағалаймыз. Қытайлық серіктестерімізбен бірлесе отырып, біз өз азаматтарымыздың қауіпсіздігін қамтамасыз ете отырып, қауіптердің алдын алу және оларға ден қою жүйесінің тиімділігін арттыруға көмектесетін озық әдістер мен шешімдерді зерттей алдық. Бұл технологияларды енгізу Қазақстандағы табиғи апаттардан қорғауды едәуір жақсартады және төтенше жағдайларға дайындық деңгейін арттырады», - деп Батырбек Әбдішев атап өтті. Бұл ынтымақтастық табиғи апаттарға неғұрлым тиімді мониторинг жүргізу және халықтың қауіпсіздігін арттыру үшін заманауи технологияларды енгізуге ықпал ететін болады.Ақпарат көзі : https://www.gov.kz/memleket/entities/emer/press/news/details/907770

Қарағанды облысы ТЖД қызметкері Санжар Әділов Шымкенттегі Alash Pride турнирінің басты жекпе-жегінде айқын жеңіске жетіп, өзінің жоғары мәртебесін растады. Екінші раундта Санжар жекпе-жекті техникалық нокаутпен сенімді жеңіспен аяқтап, чемпиондық белбеуді қорғап, лиганың ең үздік жауынгерлерінің бірі мәртебесін бекітті. Санжар Әділовтың жетістіктері рухтың, тәртіптің және кемелдікке ұмтылудың үлгісі болып табылады. Оның жеңісі спорттық шеберліктің жоғары деңгейін ғана емес, Қазақстан Республикасы ТЖМ беделін нығайтуға да ықпал етеді. «Мен ТЖМ басшылығына сенім, қолдау және түсіністік үшін шын жүректен ризамын. Жасалған жағдайлардың арқасында мен жоғары нәтижелерге қол жеткізе отырып, қызметпен қатар спортпен де шұғылдана аламын. Сіздің маған деген сеніміңіз қызметте де, рингте де жаңа жеңістерге шабыттандырады», - деп Санжар атап өтті. Ол министрліктің қолдауы спортпен шұғылданатын барлық қызметкерлер үшін маңызды ынталандыру болып табылатынын және құтқарушылар арасында салауатты өмір салтын насихаттауда шешуші рөл атқаратынын атап өтті. Бұдан басқа ТЖМ қызметкерлері Абай облысы Семей қаласында өткен «NAIZA 70» аралас жекпе-жек турнирінде қатысып, лайықты нәтижелер көрсетті. Өзінің дебюттік жекпе-жегінде Абай облысы ТЖД құтқарушысы Азамат Қалабаев үшінші раундта мерзімінен бұрын жеңіске жетті. Шығыс Қазақстан облысы ТЖД жүргізушісі Ерзат Сақабанов қарсыласына судьялардың шешімімен ұтылса да, шынайы жауынгерлік мінез-құлқын көрсетті. Ал Алматы қаласы ТЖД №12 өрт сөндіру бөлімінің технигі Серікұлы Тимур сенімді өнер көрсетіп, бірауыздан қабылданған төрешілер шешімімен жеңіске жетіп, чемпиондық белбеу үшін күресуге жақындай түсті. Ақпарат көзі : https://www.gov.kz/memleket/entities/emer/press/news/details/907819