Теміртауда "Халық қатысатын бюджет" бағдарламасының танымалдылығы артып келеді. Бұл шара тұрғындарға қалалық ортаны жаңғырту – аулаларды, гүлзарларды абаттандыру, балалар мен спорт алаңдарын салу бойынша өз жобаларын ұсынуға мүмкіндік береді. Биыл жақсы мысал ретінде қараусыз қалған бос жерде заманауи гүлзар жабдықталғанын атап айтуға болады. Аумақ өзгерді, енді тұрғындар балалармен бірге ол жерде серуендеп, спортпен шұғылдана алады. Теміртаулықтардың бағдарламаға деген қызығушылығы үдей түсті.Белсенділік артты. Қала өміріне немқұрайлы қарамайтын тұрғындар жиырмаға жуық жоба ұсынды. Онлайн-халықтық дауыс беру нәтижелері бойынша 13-і іріктелді. Оларды сараптамалық кеңес мақұлдады. Келесі жылы бұл ұсыныстар жергілікті бюджет қаражаты есебінен іске асырылатын болады.Олардың көпшілігі аулаларды абаттандыруға қатысты. Сондай-ақ, жаңа алаңдар, спорт және ойын алаңдары пайда болады.Осылайша тұрғындар өмірінің жақсаруына тікелей әсер ете алады. Олардың бастамалары жергілікті қазынаны бөлу кезінде ескеріледі.Бағдарлама ашық. Барлық жеңімпаз жобалармен қалалық әкімдіктің сайтында, "Халық қатысатын бюджет" бөлімінде танысуға болады. Ақпарат көзі : https://www.gov.kz/memleket/entities/karaganda/press/news/details/896436

Қарағанды облысының әкімі Ермағанбет Бөлекпаевпен кезекті кездесуде Қарағанды тұрғындары тұрғын үй-коммуналдық шаруашылық, абаттандыру, жолдарды жөндеу, әлеуметтік сала мәселелерін көтерді. Байланыс үш сағат бойы жалғасты, өңір басшысы қала тұрғындарының барлық өтініштерін тыңдап, кейін тағы екі сағатқа созылған жеке қабылдау өткізді. Майқұдықтағы жергілікті өзін-өзі басқару өкілі №4 магистральдық су құбырындағы апатқа шағымданды. Бір жыл ішінде төрт апат болған. Қарағанды әкімі Мейрам Кожухов бұл мәселе белгілі екенін және шешіліп жатқанын атап өтті. Су құбыры қала балансына беріледі және ЖСҚ дайындалады. Келесі жылы магистральдың төрт тармағының екеуін ауыстыру жоспарлануда.Н. Әбдіров даңғылы, 25 үйінің тұрғыны кіреберістеріндегі лифті жұмыс істемейтіне шағымданды. Көршілерімен бірге олар тұрғын үй қорын жаңғырту орталығына өтініш берді, бірақ қаржыландыру жоқ. Келесі жылы өтінім мақұлданады, деп уәде берді тұрғынға. Бүгінгі таңда Қарағанды бойынша тұрғын үй қорын жаңғырту орталығына лифттерді ауыстыру бойынша 15 өтініш келіп түскен.Федоров тұрғындары шағын көшелерде жарықтың жоқтығына наразы. Жарық тек басты – Молоков көшесінде орнатылған. Қала басшысы бұл мәселе біртіндеп шешілетінін атап өтті. Келесі жылы мектептерге іргелес көшелерді жарықтандыру жоспарланған.Саяжай иелерінен де бірнеше сұрақтар түсті. Олар бақша учаскелеріне апаратын жолдар жөнделе ме және сумен жабдықтау тарифтерін қайта қарауға бола ма деп сұрады. Облыс әкімі саяжай қауымдастықтары мен бақша учаскелері туралы заң қабылдауға бастама жіберілгенін хабарлады. Егер ол қабылданса, көптеген мәселелер өз шешімін табады.Шағымдардан басқа ұсыныстар да келіп түсті. Бірінші топтағы мүгедектер мүдделерінің өкілі оларды шипажайға ертіп жүретіндерге жолдамалар сапарға дейін алдын-ала төленуін ұсынды. Облыс әкімі мәселені зерделеуге уәде берді.Қала тұрғындары көптеген мәселелер шешіліп жатқанын атап өтті, бірақ билікпен тығыз қарым-қатынас орнату ниеттерін жеткізді. Ермағанбет Бөлекпаев белсенді тұрғындармен жұмыс істеудің маңыздылығын атап өтіп, бір кездері жергілікті өзін-өзі басқару органдарын құруға бастамашы болғанын еске салды.Кездесуге облыстық басқармалардың басшылары қатысып, өтініштердің бір бөлігі бірден қаралды. Ермағанбет Бөлекпаев жекелеген мәселелерді бақылауға алды.Ақпарат көзі : https://www.gov.kz/memleket/entities/karaganda/press/news/details/896439

Қарағандылық екі спортшы Unifight – әмбебап жекпе-жектен әлем чемпионатында алтын медаль жеңіп алды. Сондай-ақ, жерлестеріміздің қоржынында бір күміс және екі қола бар.Unifight – бұл кедергілерді жеңу және рингтегі жекпе-жекті қамтитын спорт түрі.Бұқар Жырау ауданының спортшысы Жасұлан Нұрболат және ІІМ Қарағанды академиясының төртінші курс студенті Нұрасыл Қалиханов осы түр бойынша Әлем чемпиондары атанды.Жасұлан Нұрболат 60 келіге дейінгі салмақ дәрежесінде өнер көрсетті. Әмбебап жекпе-жекпен ол небәрі үш ай айналысады. Бұған дейін спортшы сегіз жыл еркін күреске қатысқан.– Unifight туралы маған жаттықтырушым айтты. Маған қызықты болды, өзімді осы спорт түрінен сынап көргім келді. Еркін күрестің техникасы мен әдістерін білу маған көп көмектесті. Менің ойымша, егер адам жекпе-жекке әуес болса, онда ол өзін жаңа нәрседе сынап көруге қызығушылық танытады, – дейді спортшы.Нұрасыл Қалиханов абсолютті салмақ дәрежесінде чемпион атанды.85 келіге дейінгі санаттағы қола медальді ІІМ академиясының тағы бір төртінші курс студенті – Нұрбек Закарин жеңіп алды.Нұрасыл Қалиханов "Қорғаныс техникасы" бөлімінде абсолютті салмақ дәрежесінде алтын медаль жеңіп алды. Осы бөлімде 85 келіге дейінгі салмақта Нұрбек Закарин үшінші орынды иеленді.Unifight бойынша әлем чемпионаты Өзбекстанда өтті. Оған әлемнің 17 елінен барлығы 500-ге жуық палуан қатысты.Ақпарат көзі : https://www.gov.kz/memleket/entities/karaganda/press/news/details/896474

Әлеуметтік төлемдер мен жалақыны арттыру, тұрғын үй құрылысы, денсаулық сақтау және білім беру салаларын жаңғырту. 2024 жылы қазақстандықтарды әлеуметтік қолдау шаралары туралыПрезидент Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында еліміздің экономикалық даму стратегиясының негізінде азаматтардың мүддесі болуы қажет екені атап өтілді. 2024 жылы Үкімет бұл бағытты маңызды әлеуметтік бастамалармен жүзеге асыруды жалғастырды. 2024 жылы Қазақстанда әлеуметтік сала қарқынды дамуын жалғастырды. Мемлекет басшысы халыққа Жолдауында білім, денсаулық сақтау салаларының сапасын арттырып, азаматтарды әлеуметтік қорғауды нығайту қажеттілігін атап өтті. Осы міндеттердің шеңберінде реформалар жасалып, бірқатар маңызды жобалар жүзеге асырылды. 2024 жылы мемлекеттік бюджеттің жартысынан астамы (52,8%) әлеуметтік салаға бағытталды. Жыл сайын зейнетақыны көтеру аясында 2024 жылдың 1 қаңтарынан бастап төлемдер: базалық зейнетақы 7%-ға, ынтымақты зейнетақы 9%-ға инфляцияны ескере отырып, индекстелді. Нәтижесінде 2,4 млн зейнеткердің оның ішінде, БЖЗҚ жинақтау қорынан зейнетақы алатын 459,3 мың зейнеткердің зейнетақысы көбейді. Орташа зейнетақы көлемі 165 мың теңгеден асты. Бұдан бөлек, базалық зейнетақыны кезең-кезеңімен көбейту жұмыстары жалғасып жатыр. Сондай-ақ жұмыс беруші төлейтін міндетті зейнетақы жарнасы 2028 жылға қарай 5%-ға ұлғаяды.2024 жылдың 1 қаңтарынан бастап ең төменгі жалақы 85 мың теңгеге дейін артты. 1,8 млн адам, оның ішінде бюджет қызметкерлері қамтылды. 600 мың азаматтық қызметшілердің жекелеген санаттарының жалақысын кезең-кезеңімен 20%-ға арттыру жалғасуда. Мемлекет басшысының тапсырмасына сәйкес жұмыспен қамтуға жәрдемдесу және әлеуметтік қорғау шаралары жүзеге асырылып жатыр, табысы күнкөріс деңгейінен төмен адамдар саны азайып келеді. Цифрлық отбасы картасы арқылы 8430 мыңнан астам адамға мемлекеттік қызметтер көрсетілді.845 мыңнан астам адам жұмыспен қамтылды, оның 401 мыңнан астамы жастар. 9 мыңға жуық азамат, оның ішінде мүгедектігі бар жандар және ерекше қажеттілігі бар балалы ата-аналар бизнес-идеясын жүзеге асыруға грант алды.Мемлекеттік инвестициялар тиімділігін арттыру және сапалы жоспарлау үшін Жобалардың инновациялық навигаторы әзірленді. Бұл жүйе кадрларға қажеттілікті болжап, талдау жасайды, сондай-ақ жобаларды үйлестіруге, сапасын бақылауға және тиімділігіне мониторинг жасауға мүмкіндік береді. Платформа арқылы жалпы құны 33 трлн теңге болатын 755 инвестициялық жоба қадағаланып отыр. Бұл жобалар аясында 150 мыңға дейін жұмыс орнын ашу жоспарланған. Сонымен қатар навигатор қажетті еңбек ресурстары жоқ адал емес жеткізушілерді анықтауға мүмкіндік береді. 2024 жылдың 1 қыркүйегінен бастап Қазақстанда интернет-платформаларда жұмыс істейтін адамдар ең төменгі әлеуметтік кепілдікпен қамтылды. Жеке кәсіпкерлер үшін e-salyqBusiness қосымшасы арқылы әлеуметтік төлем мөлшерлемелерін 4%-ға дейін төмендету және интернет-платформа операторларын салық агенттері ретінде тану арқылы жағдайлар жеңілдетілді. Бұл операторларға жеке кәсіпкерлер атынан жеке табыс салығы мен әлеуметтік төлемдерді төлеу міндетін жүктейді. «Яндекс.Такси» компаниясымен жүзеге асырылған пилоттық жоба аясында аталған тәсіл сынақтан өткізілді. 36 мыңнан астам жүргізуші Яндекс платформасында жеке кәсіпкер ретінде тіркелген. Олардың фискалдық чектер саны 36,9 млн болды. Мемлекеттік кірістер комитетінде фискализацияланған жалпы кіріс көлемі 47,5 млрд теңгеге жетті.«Ұлттық қор – балаларға»: тұрғын үй және білім алуға арналған төлемдер2024 жылдан бастап Қазақстанда «Ұлттық қор – балаларға» бағдарламасы жүзеге асырылуда. Бағдарламаға сәйкес Ұлттық қордың жыл сайынғы инвестициялық кірісінің 50%-ы 18 жасқа дейінгі балалардың арнайы жинақ шоттарына аударылады және оны мерзімінен бұрын шешуге болмайды. 2024 жылдың 1 ақпанынан бастап төлемдер басталды, олар Қазақстан азаматтығы бар 18 жасқа дейінгі барлық балаға арналған. 2024 жылы бағдарлама қатысушыларының шоттарына $695,5 млн төленді. $30,6 млн 2024 жылы 18 жасқа толған немесе толатын балаларға төленеді. Қазірдің өзінде уәкілетті операторлар арқылы $3,4 млн сомасына 33,5 мыңнан астам өтінімнің қаражаты банктік шоттарға аударылды. Оның ішінде $1,8 млн сомасына 18 мыңға жуық өтінім тұрғын үй жағдайын жақсартуға бағытталса, $1,6 млн сомасына 15,5 мың өтінім білім алу үшін төленді.Тұрғын үй құрылысыТұрғын үй құрылысы әлеуметтік саясаттың маңызды элементі болып табылады. 7 жыл ішінде Қазақстанда 111 млн шаршы метр тұрғын үй салынуы керек. Сондай-ақ 2024 году жылы тұрғын үй құрылысы 18 млн шаршы метрге жетеді. Осылайша 1 млн-нан астам отбасы баспанамен қамтылады. Тұрғын үйді уақытылы пайдалануға беру үшін Астана, Шымкент және облыстар әкімдіктері биыл қолданысқа берілетін нысандар нақты көрсетілген Жол картасын әзірлеп, бекітті. Қаңтар-қазан аралығында 14 млн шаршы метр тұрғын үй немесе 123,8 пәтер мен үй пайдалануға берілді. Бұдан бөлек, 2024 жылы ел бойынша тұрғын үйлердегі 200-ден астам лифтіні ауыстыру жоспарланған. Бұл өз кезегінде мыңдаған қазақстандықтың өмір сүру деңгейін жақсартпақ. Денсаулық сақтау және инфрақұрылымды дамыту 2024 жылы әсіресе ауылдық жерлердегі денсаулық сақтау инфрқұрылымын дамыту жұмыстары жалғасын тапты. «Ауылда денсаулық сақтауды жаңғырту» Ұлттық жоба аясында 655 бастапқы медициналық-санитарлық көмек көрсету жоспарланған – 257 медициналық пункт, 238 фельдшерлік пункт және 160 дәрігерлік амбулатория. 251 нысан құрылысы аяқталды. Бұл медициналық қызметтерді шалғай елді мекен және ауылдық жерлердегі халыққа қолжетімді етеді. 1 мыңнан астам жұмыс орны ашылды. Бұдан бөлек, фельдшерлік-акушерлік пунктілер мен дәрігерлік амбулаторияларды қоса алғанда, жаңа денсаулық сақтау нысандар құрылысына қаражат бөлінді. Еліміздегі әлеуметтік саясаттың басты міндеттерінің бірі – ана өлімін азайту. 2024 жылғы көрсеткіштер былтырғы жылмен салыстырғанда 15%-ға жақсарған. Жаңа бағдарламаларды енгізу, оныі ішінде клиникалық хаттамаларды қайта қарау, босануға тарифтерді арттыру денсаулық сақтау саласындағы жағдайды айтарлықтай жақсартуға септігін тигізді. Биыл амбулаториялық деңгейде жалпы сомасы 212,8 млрд теңгеге 3,5 млн пациент дәрі-дәрмекпен қамтамасыз етілді. Амбулаториялық көмекті жақсартуға басымдық бере отырып, дәрі-дәрмекпен қамтамасыз ету жүйесін жетілдіру бойынша жұмыс жүргізіліп жатыр. Денсаулық сақтау министрлігінде дәрілік заттар мен медициналық заттарды тіркеу, бағасын белгілеу процестерін цифрландырумен, сондай-ақ олардың есебін жүргізу және айналымының цифрлық жүйесін жасаумен айналысатын жобалық кеңсе құрылды. Бұл жүйе дәрі-дәрмек саясаты процестерін кешенді талдау функциясын қамтиды. Нәтижесінде дәрілердің объективті бағасын анықтап, үстеме баға қосуға жол бермейді. Білім беру және мектепке дейінгі тәрбиеМемлекет басшысының тапсырмасы бойынша «Жайлы мектеп» Ұлттық жобасы белсенді іске асырылуда, оның мақсаты бүкіл еліміз бойынша заманауи, қауіпсіз әрі қолжетімді білім беру мекемелерін ашу. Жоба мектеп оқушыларын оқыту үшін жағдайды жақсартуға, сондай-ақ мектептерді заманауи технологиялармен жабдықтауға және уақыт талаптарына жауап беретін инфрақұрылым дайындап, білім беру сапасын арттыруға бағытталған.Жобаны іске асыру шеңберінде жаңа мектептердің 40%-дан астамы ауылдық жерлерде салынды. Онда оқу кабинеттері, STEM-зертханалар, робототехника кабинеттері, хореография және спорт залдары, демалыс аймағы мен нетворкинг бар. Ерекше білім беру қажеттіліктері бар балалар үшін де жағдайлар қарастырылған. Сыныптарда интерактивті тақталар мен компьютерлер орнатылған. Барлығы 36 жаңа жайлы мектеп пайдалануға берілді, оның 15-і ауылдық елді мекендерде салынды. 31 желтоқсанға дейін 76 нысан есігін айқара ашады.Білім беру саласында 2024 жылы балалардың мектепке дейінгі білімге қол жеткізуін жақсарту бойынша жұмыстар да жалғасын тапты. Бүгінгі таңда Қазақстанда 11,6 мың мектепке дейінгі ұйым жұмыс істейді, онда 988 мыңнан аса бала тәрбиеленуде, мектептерде мектепалды даярлықпен 160 мың бала қамтылды. Балаларды қамту 92,5%-ға жетті, 62,3 мың орындық 547 жаңа балабақша ашылды. Мектепке дейінгі ұйымдарда 4,2 мыңнан астам консультация пункті жұмыс істейді.Білім беруді цифрландыруға ерекше көңіл бөлінеді, мысалы, ата-аналарға бала күтімі бойынша консультациялық көмекке қол жеткізуге мүмкіндік беретін «Беске дейін үлгер» мобильді қосымшасы іске қосылды. Сондай-ақ мектеп жасына дейінгі балаларды дамытудың жеке картасы цифрлық форматқа аударылды. Ол Ұлттық білім беру дерекқорымен біріктірілген, бұл ақпаратты мектептерге жіберуге мүмкіндік береді әрі мектепке дейінгі және бастауыш білім беру арасындағы үздіксіз ауысуды қамтамасыз етеді. Бұл жаңалық бастауыш сынып мұғалімдері үшін балалардың мектеп бағдарламасын одан әрі дамытудың маңызды құралына айналды.«Қаражатты баланың соңынан ілестіру» қағидатын іске асыру мақсатында білім беру қызметтерін алушылар бойынша дербестендірілген білім беру қызметін ескере отырып, мектепке дейінгі тәрбие мен оқытуға мемлекеттік білім беру тапсырысын (бұдан әрі – мемлекеттік тапсырыс) орналастырудың жаңа тетігі әзірленді, ол осы жылдың қыркүйек айынан бастап Шымкент, Тараз және Түркістан қалаларында сынақтан өткізілді.Пилоттық жобаның мақсаты мектепке дейінгі ұйымдарды қаржыландыру процесіне мемлекеттік қызмет көрсетудің ашықтығын қамтамасыз ету болып саналады.Студенттердің шәкіртақысын өсіруҚазақстанда инновациялық экономика құру және білім деңгейін арттыру мақсатында студенттер, ғалымдар үшін жағдайды жақсарту, ғылыми зерттеулерді дамыту үшін маңызды қадамдар жасалды. Осы шаралардың барлығы елімізді ғылыми-техникалық прогресс көшбасшыларының қатарына қосуға мүмкіндік береді. Білім беру жүйесіндегі ең маңызды қадамдардың бірі студенттерге арналған шәкіртақыны көбейту болды. Мемлекет басшысының тапсырмалары аясында 2020 жылдан бастап елімізде шәкіртақыларды арттыру бойынша дәйекті жұмыстар жүргізілуде, 2025 жылға қарай олар ЖОО студенттері үшін 2 есе, магистранттар мен докторанттар үшін 1,75 есе көбейеді деп жоспарлануда.Бакалавриат студенттерінің шәкіртақысы 20%-ға, 47 135 теңгеге дейін, ал педагогикалық және медициналық бағыттағы студенттер үшін – 75 600 теңгеге дейін ұлғайтылды. Интерндердің стипендиясы енді 85 376 теңгені, ал резиденттердің стипендиясы — 123 122 теңгені құрайды. Магистранттардың стипендиялары 15%-ға, 107 061 теңгеге дейін, ал докторанттар үшін – 240 000 теңгеге дейін көбейді.Жоғары білім беруді жаңғырту және халықаралық серіктестіктер Қазақстанда жоғары білім беруді дамыту және жаңғырту, оның ішінде шетелдік университеттермен стратегиялық әріптестік орнату арқылы да жалғасуда. 2021 жылы жоғары білім мен ғылымды дамыту тұжырымдамасы қабылданды, ол 2025 жылға дейін елімізде шетелдік жоғары оқу орындарының кемінде 12 филиалын ашуды көздейді. Осы тұжырымдама аясында 12 елдің, соның ішінде Ұлыбритания, Германия, АҚШ, Франция және Оңтүстік Кореяның университеттерімен 23 стратегиялық серіктестік пысықталды. 2024 жылдың қазан айында стратегиялық серіктестер – 67 шетелдік университеттің 120 өкілі қатысқан форум өтті. Жаңа оқу және ғылыми әріптестік құру Қазақстанға жаһандық білім беру кеңістігіне кірігуге көмектеседі әрі студенттердің ең заманауи білім беруге және ғылыми әдістемелерге қол жеткізуін қамтамасыз етеді деп күтілуде.Отандық ғалымдар мен ғылыми жобаларды қолдауГранттық бағдарламалар мен докторантурадан кейінгі зерттеулер арқылы отандық ғалымдарды қолдау және дамыту да маңызды бағыт саналады. Осындай бастамалардың жарқын мысалдарының бірі – Мемлекет басшысының тапсырмаларын орындау аясында әзірленген және жас ғалымдарды қолдауға бағытталған «Жас ғалым» жобасы.2021 жылдан 2024 жылға дейін гранттық қаржыландыруға 16 конкурс өткізілді. Нәтижесінде жас ғалымдар 2 мыңнан астам ғылыми жобаны жүзеге асырды. Оның ішінде 686 жоба инженерлік білім мен технологияларды академиялық зерделеуді дамытуға бағытталған докторантурадан кейінгі бағдарлама аясында жүзеге асырылуда.Сондай-ақ «Жас ғалым» бағдарламасы бойынша 2025-2027 жылдарға арналған жаңа конкурс жарияланды, бұл еліміздің ғылыми әлеуетін одан әрі дамытуды қамтамасыз етеді.Ғылыми әзірлемелерді коммерцияландыру және инновацияларды дамыту Сондай-ақ маңызды күш-жігер ғылыми әзірлемелер мен технологияларды коммерцияландыруға бағытталған, бұл инновациялық экономиканы құрудың маңызды міндеттерінің біріне айналды. Ғылыми-техникалық қызмет нәтижелерін коммерцияландыру бойынша 5 конкурсты іске асыру шеңберінде ғылымды қажетсінетін өнімді сатудан түскен кірістерді, қоса қаржыландыру мен салықтық түсімдерді қосқанда, 97 млрд теңгеден астам қаражат алынды. Бұл ретте ғылыми зерттеу өнімінің экспорты 571 млн теңгені құрады.Осы жетістіктер негізінде венчурлік қаржыландыруды одан әрі дамыту, технологиялық стартаптарды қолдау үшін қорлар Қорын құру және ғылыми-акселерациялық бағдарламаларды дамыту жоспарлануда. 2025 жылы стартаптар мен коммерцияландыру кеңселері үшін коммерцияландыруға жәрдемдесу бағдарламасы іске қосылады, бұл ғылым мен технология саласындағы кәсіпкерлер үшін жаңа мүмкіндіктер ашады.Бірегей ғылыми өнімдер мен технологияларды дамытуОтандық ғылымның маңызды жетістігі бірегей өнімдерді дамыту. Мысалы, тазартылған селен 2023 жылға дейін Қазақстанда өндірілмеген. Селен фармацевтика, жартылай өткізгіш өнеркәсібі және металлургия сияқты әртүрлі салаларда қолданылатын маңызды элемент саналады. 2023 жылы «Қазақмыс Прогресс» ЖШС өндірістік қуаты арқылы селенді тазарту бойынша учаске пайдалануға берілді. Технология сапасы 99,5%-дан асатын жоғары тазалықтағы селен алуға мүмкіндік береді. Бұл аталған жоғары технологиялық салада Қазақстан үшін жаңа перспективалар ашады. Алдағы жылдары қуатын кеңейту және құрамында селені бар материалдарды қайта өңдеудің жаңа әдістерін енгізу жоспарлануда, бұл елімізде кірістерді ұлғайтуға және жаңа жұмыс орындарын ашуға ықпал ететін болады.Сонымен қатар Қазақстанда онкологиялық аурулармен күресуге бағытталған жаңа дәрілік препараттар белсенді әзірленуде. Осындай жобалардың бірі – D-изоаскорбин қышқылы негізінде дәрі-дәрмек жасау. Ол KRAS мутациясы бар қатерлі ісіктерді емдеу үшін қолданылады. Nazarbayev University қолдаған жоба фармацевтика саласындағы маңызды қадам болды және Қазақстанда онкологиялық ауруларды емдеуді айтарлықтай жақсарта алады. Биыл жоба одан әрі клиникалық зерттеулер мен емдеу әдістерін әзірлеу үшін 2,1 млрд теңге сомасына мақұлданды. primeminister.kz Ақпарат көзі : https://www.gov.kz/memleket/entities/karaganda/press/news/details/896587

Саран арнаулы әлеуметтік қызмет көрсету орталығының спортшылары Қазақстандық арнайы олимпиада аясында баскетболдан жеңіске жетті. Республикалық турнир Шымкентте өтті. Оған Қарағанды, Алматы және Ақмола облыстарынан тоғыз команда қатысты.Финалда Саран арнаулы әлеуметтік қызмет көрсету орталығының спортшыларының қарсыластары алматылықтар болды. Шешуші матч Саран баскетболшыларының пайдасына 7–2 есебімен аяқталды. Олар турнирдің чемпиондары атанып, кубокты жеңіп алды. Команда капитаны – Вячеслав Воронов.Саран қаласының АӘҚКО атап өткендей, ойыншылар командасы салыстырмалы түрде жақында құрылды. Оларды дене шынықтыру пәнінің мұғалімі Жомарт Оразбеков жаттықтырады.Спортшыларды даярлау мекеменің спорт залында өтеді. Сондай-ақ, орталықта шағын футбол, волейбол және флорбол бойынша жаттығулар өткізіледі. Ал қыста қызмет алушылар шаңғы мен коньки тебеді.Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/896667

9 желтоқсан "Шалқыма" концерт залында Қазақстанның Халық әртісі, ҚР Мемлекеттік сыйлығының лауреаты Шахымардан Әбіловтың шығармашылық кеші өтеді. Көрермендер ақын және ағартушы Абайдың шығармашылығына арналған "Толық адам, ой толғау, хәкім Абай" монооперасын тыңдайды. Кіру тегін.Музыкалық монореквиемнің авторы және орындаушысы Шахымардан Әбілов өзінің 40 жылдық шығармашылық жолының бүкіл тарауын Абай әндеріне арнады. Көрермендер танымал "Көзімнің қарасы" және "Бойы бұлғаң" композицияларын, сондай-ақ терең адамгершілік мазмұны бар танымал "Сегіз аяқ" туындысын тыңдайды.Шахымардан Қайдарұлы талантты оқушыларды тәрбиелеп, оқытушылық қызметті шығармашылық мансаппен сәтті ұштастырған. Жамбыл атындағы Қазақ мемлекеттік филармониясының солисі ретінде өз жолын бастаған ол сахна өнеріне көп күш жұмсады. Оның репертуарында ариялар, романстар, қазақ және шетелдік композиторлардың жауһарлары жинақталған 500-ден астам туынды бар.Кештің басталуы сағат 18:00-де.Ақпарат көзі : https://www.gov.kz/memleket/entities/karaganda/press/news/details/896710

С. Сәпиев атындағы Бокс орталығының алаңында Қарағандыда жыл сайын 5 желтоқсанда өтетін Халықаралық еріктілер күніне арналған волонтерлер форумына 500-ден астам қатысушы жиналды. Оны Облыстың жастар ресурстық орталығы ұйымдастырды.Форумда грант байқауының жеңімпаздары марапатталды, спикерлердің баяндамалары және қатысушылардың өзара байланыс орнатуына мүмкіндік туды.– Біздің іс-шараның мақсаты – еріктілерді біріктіру, алдымызда тұрған міндеттерді талқылау және бірлесіп жұмыс істеудің маңыздылығын атап өту. Біз волонтерлердің, әсіресе Қарағанды облысындағы еріктілердің құндылығы мен ықпалын атап өтіп, оларға ортақ іске қосқан үлестері үшін шағын мереке ұйымдастырдық, – дейді Қарағанды облысы жастар ресурстық орталығы директорының орынбасары Әкіжан Құтваров.Биыл байқауға алты бағыт бойынша 29 өтінім берілді: Әлеуметтік сала, зоо- және этноволонтерлік, экология, мәдениет және зияткерлік. Арнайы комиссия әрқайсысы 500 мың теңгеден 10 шағын грантты мақұлдады. Жеңімпаздарға сертификаттарды Қарағанды облысы әкімінің орынбасары Әлібек Әлденей табыстады. Ол еріктілерді мерекемен құттықтап, аймақтың дамуына қосқан баға жетпес үлесі үшін алғыс айтты.Грант иегерлерінің бірі Елена Величко "Рөлдік үстел ойындарын құру бойынша жасөспірімдер клубы" жобасын ұсынды. Ол жасөспірімдерге гаджеттерді кейінге қалдыруға және жүзбе-жүз қарым-қатынас орната отырып, уақыт өткізуге көмектесуді мақсат етеді.– Бұл жобаға екі жыл болды. Ол М. Әуезов атындағы кітапхананың қолдауымен іске асырылды. 2023 жылдың аяғынан бастап клуб мүшелері ойындарға арналған сюжеттерді өздері жасай бастады. Қазір біз "Тәуелсіз Қазақстан" және "Тылсы Қарағанды" атты екі жаңа ойынмен жұмыс істеп жатырмыз. Алынған гранттың арқасында мен ойын материалдарын, миниатюралар мен кейіпкерлердің фигураларын жасау үшін түрлі-түсті және 3D принтерлерді сатып ала аламын. Бұл менің жобамды одан да жанды және қызықты етуге көмектеседі, – дейді Елена Величко.Форумда белсенді еріктілер де аталып, оларға облыс әкімдігінің Алғыс хаттары табысталды.Қарағанды облысының еріктілер фронт-кеңсесінің басшысы Ардана Мырзанова атқарылған жұмыстар мен 2025 жылға арналған жоспарлар туралы айтып берді. Келесі жылы өңірдің шалғай аудандарындағы жобалар кеңейтіледі, оқу орындарымен өзара іс-қимылды күшейтеді және волонтерлік ұйымдарды үйлестіру үшін ақпараттық платформа құрады. Сондай-ақ, жастарға волонтерлік туралы бірқатар білім беру іс-шараларын өткізу жоспарлануда.Форум қатысушыларын табысты волонтерлік жобалармен таныстырды. TEDx форматында тәжірибелі спикерлер сөз сөйледі.Олар волонтерлік тақырыптарды әлеуметтік өзгерістердің құралы, оның медицина мен ұлт денсаулығына қосқан үлесі, мансап пен жеке дамуға әсері ретінде қарастырды.Форумның хедлайнері белгілі қазақстандық орындаушы Айдын Жұмахан болды.Ақпарат көзі : https://www.gov.kz/memleket/entities/karaganda/press/news/details/896846

Ел Президенті Қасым-Жомарт Тоқаев бұқаралық спортты дамытудың маңыздылығы отандастарымыздың денсаулығы мен әл-ауқатын нығайтуда екенін бірнеше мәрте атап өткен болатын. Президент тапсырмасын орындау мақсатында «Дене шынықтыру мен бұқаралық спортты дамыту жөніндегі 2023-2029 жылдарға арналған тұжырымдамасы» әзірленіп, ол Үкімет қаулысымен бекітілген. Аймақ басшысы Нұрлан Ұранхаевтың төрағалығымен өткен кеңейтілген аппараттық жиында облысымыздағы бұқаралық спортты дамыту үшін салынып жатқан спорттық инфрақұрылым жағдайы туралы ақпарат айтылды.Спорт және дене шынықтыру басқармасының басшысы Ержан Әбілқасымовтың мәліметінше, ағымдағы жылдың есебі бойынша облысымызда 244 мың адам спортпен тұрақты айналысатын көрінеді. Бұл өңір тұрғындарының 40 пайызын құрайды. Бүгінгі таңда халықты спорттық инфрақұрылыммен 1000 адамға шаққанда қамтамасыз ету 52 пайызға жетті. Бұл көрсеткіш екі жыл бұрын 38 пайызды құраған еді. Бұл ауылдық елді мекендердегі жылдам тұрғызылатын ғимараттарды қоса алғанда, ірі спорттық кешендердің белсенді салынуының арқасында мүмкін болып отыр. Облыста стадион, жүзу бассейндері, хоккей, теннис корттары, ипподромдар мен жазықтағы құрылымдарды қоса алғанда 610 спорт нысаны бар. Соның ішінде ауылдық елді мекендерде 472 нысан жұмыс істейді.2024 жылы облысымыздың Таскескен ауылындағы спорт модулі, «Самұрық-Қазына» қорының қаражаты есебінен Шүлбі кентінде көпфункционалды кешен мен демеушілер есебінен қайта жаңғыртылған Барқытбел ауылындағы спорт залы сияқты нысандар пайдалануға берілді. Бородулиха ауылындағы дене шынықтыру-сауықтыру кешені мен Көкпекті ауылындағы жүзу бассейні құрылысы толық аяқталды. Енді нысандарды теңгерімге алу жұмыстары жүріп жатыр.Қазігі таңда Курчатов қаласында дене шынықтыру-сауықтыру кешені, Бесқарағай ауылындағы жүзу бассейні, Бородулиха ауданының Петропавловка ауылындағы спорт-демалыс орталығы, Абай ауданының Көкбай ауылындағы спорт модулінің құрылысы жүріп жатыр.Демеушілер есебінен пайдалануға берілген және салынып жатқан спорт нысандары да бар. Мәселен, Үржар ауданы Жанай ауылында жаңа спорт залының құрылысы жүргізілсе, Егінсу, Бестерек және Елтай ауылдарында спорт залдары жаңғыртылуда. Семей қаласында толық көлемді жабық футбол манежін салу бойынша «Freedom Holding» компаниясы Абай облысы әкімдігімен меморандумға қол қойылды. Қазіргі таңда құрылыс жұмыстары жалғасуда. Бұрыңғы Пищевик стадионының аумағына 12,5 мың адамдық стадион салынады. Бұдан басқа, облыс бойынша 12 объектіге жобалау-сметалық құжаттама әзірленуде.Өз баяндамасының соңында басқарма басшысы Семей қаласында 500 көрерменге арналған трибуналары бар мұз модулін салуға баламалы жер учаскесін анықтауға көмек сұрады.Аймақ басшысы өңірімізде салынатын спорт нысандары замануи талапқа сай әрі тұрғындар сұранысын қанағаттандыратын үлгіде болуы керектігі туралы басқарма басшысына тапсырма жүктеді.Ақпарат көзі : https://www.gov.kz/memleket/entities/abay/press/news/details/896858

2024 жылы облыста ауыл шаруашылығы дақылдарының егін жинау алаңы 749,5 мың гектарды құрады. Оның ішінде дәнді дақылдар 299,0 мың га, майлы дақылдар 295,8 мың га, картоп 5,8 мың га, көкөністер 5,4 мың га, ал жемшөп дақылдары 143,5 мың гектар алқапқа егілді. Бұл туралы облыс әкімдігінде өткен кеңейтілген аппараттық жиында облыстық Ауыл шаруашылығы басқармасының басшысы Ертай Қуанбаев айтты.Бүгінгі таңда өңірде астық жинау толық аяқталды. Орташа өнімділігі 15,0 ц/га болатын 449,7 мың тонна астық бастырылды. 444,8 мың тоннадан астам майлы дақыл, 134,2 мың тонна картоп, 128,4 мың тонна көкөніс жиналды.5,8 мың га алқаптан картоп 229,8 ц/га жиналып, нәтижесінде 134,2 мың тонна өнім алынды. Көкөністерді жинау да аяқталды. Өнімділігі 236,9 ц/га болатын 128,4 мың тонна жиналды.Егін ору жұмысына 4 мың трактор, 2,4 мың комбайн және 700 орақ тартылды. Ауыл шаруашылығы техникасының үздіксіз жұмыс істеуі үшін литріне 250 теңге бағамен 15,3 мың тонна жеңілдетілген дизель отыны бөлінді.Тұқым сапасын жақсартуға ерекше көңіл бөлінуде. Биыл тұқымның элиталық сорттарын пайдалану үлесі 8,3% құрады. Бұл 2023 жылмен салыстырғанда 0,8%-ға жоғары. Сондай-ақ 49 мың тонна минералды тыңайтқыштар енгізілді.Машина-трактор паркін жаңарту аясында «ҚазАгроҚаржы» АҚ арқылы 7 млрд теңгеге 547 бірлік техника сатып алынды. Егін жинауға арналған қоймаларға жалпы сыйымдылығы 206 мың тонна лицензияланған элеваторлар және 870,9 мың тонна фермерлік астық қоймалары кіреді.2025 жылдың көктемгі егісіне 39,6 мың тонна тұқым дайындалды, бұл қажетті көлемнің 103,3% құрайды.Ағымдағы жылы облыста су үнемдеу технологияларын қолдану арқылы 13,9 мың гектар алаңға ауыл шаруашылығы дақылдары егілді.Ақпарат көзі : https://www.gov.kz/memleket/entities/abay/press/news/details/896860

«ТАЗА ҚАЗАҚСТАН»: АТЫРАУДА КРЕАТИВТІ ЖОБАЛАР ТАНЫСТЫРЫЛДЫХ.Досмұхамедов атындағы Атырау университетінің студенттері «Таза Қазақстан» жалпыұлттық экологиялық акциясы аясында креативті жобаларын ұсынды. Жас ғалымдар қоқыстан әшекей бұйымдар жасап, өндіріс қалдықтарын құрылыс материалына айналдырған. Атыраулық жастардың мақсаты – ҚР Президенті Қасым-Жомарт Тоқаевтың «Таза Қазақстан» экоакциясында айтылған табиғатқа қамқор болу, экомәдениетті қалыптастыру бастамаларын қолдау және еліміздегі экологиялық проблемаларды шешуге креативті идеялар ұсыну.«Біз шыны қалдықтарын пайдалана отырып, эпоксидті шайырдан бұйымдар жасаймыз. Бұл жобада ластанудың алдын ала отырып, қоқысты өңдеу арқылы шағын және орта бизнесті де дамытуға да үлкен мүмкіндік бар екеніне көз жеткіздік. Болашақта дайын өнімдерімізді жергілікті нарыққа шығармақпыз. Университет бұл идеямызды қолдап, стартап жоба ретінде қаржы бөлді», – дейді жоба авторларының бірі, студент Ақмарал Сағынғалиева.Экология кафедрасында оқитын студенттер БАҚ өкілдеріне арналған презентациясында 4 жобаны таныстырды. Онда биопластик жасау, күкірт қалдықтарынан бетон өндіру, темекі тұқылынан тас төсеніш құю және әйнек ұнтағынан тұрмысқа қажетті бұйымдар мен әшекей өндіру сынды жобаға айналған тың идеялар бар.«Темекі қалдықтарын ешкім өңдемейді. Біз соларды жинап алып, құрылысқа қажетті бұйымдарды жасаймыз. Ол үшін бізге керегі тек темекі тұқылы, әйнек қалдықтары және топырақ. Ең жақсы нәтижеге жету үшін топырақты әртүрлі жерден аламыз. Темекі тұқылдарынан радиоактивті химиялық улы заттар бөлінетіндіктен, біз оларды пайдаға жаратып, бір жағынан еліміздің экологиясына өз үлесімізді қосып жатырмыз», – деді жоба авторларының бірі Мұрабек Сабидолла.Биыл Х.Досмұхамедов университеті жалпыұлттық акцияға үнқосу үшін оқу орнында әр аптаның бейсенбі күндері «Таза бейсенбі» тазалық іс-шарасын өткізуді дәстүрге айналдырған. Оқу жылының көктемгі және күзгі маусымында ерікті студенттер Жайық өзені жағасынан, университет пен жатақхана ғимараттары орналасқан аумақтардан 3 тоннадан астам қоқысты жинап, табиғатты тазартқан. Бұл іс-шара алдағы уақытта жалғасын табады.Ақпарат көзі : https://www.gov.kz/memleket/entities/sci/press/news/details/896897

Алматыда Қорғаныс министрі генерал-полковник Руслан Жақсылықов Қарулы күштердің авиаторлары мен іс-шара қонақтарын осы оқиғамен құттықтады.Салтанатты митингке Кеңес Одағының Батыры, Халық қаһарманы, отставкадағы авиация генерал-майоры Тоқтар Әубәкіров, Airbus Military еуропалық концернінің өкілі Элена Парийя Мартин, ҚР Қарулы күштерінің ардагері запастағы полковник Владимир Платошин, әскери-көліктік эскадрильяның жеке құрамы, Десанттық-шабуылдау әскерлерінің әскери қызметшілері, азаматтық авиация академиясының студенттері және «Жас сарбаз» қозғалысының тәрбиеленушілері қатысты.Ұшақ экипажының командирі подполковник Асылбек Жұмабаев Қорғаныс министрі генерал-полковник Руслан Жақсылықовқа Испаниядан тұрақты орналасу пунктіне аман-есен келгені туралы баяндады.Қорғаныс ведомствосының басшысы іс-шараға қатысушыларды айтулы оқиғамен құттықтады. – Заманауи, ұтқыр, жоғары технологиялық армия қашанда елдің қауіпсіздігін қамтамасыз ету мен қорғаныс қабілетін нығайтудың кепілі болып қала береді. Бүгін мемлекеттік қорғаныс тапсырысы аясында біз жеке құрамды, ауыр жүктерді, техниканы тасымалдауға, гуманитарлық операциялар шеңберіндегі тапсырмаларды орындауға арналған әскери-көліктік ұшақ алдық, – деді генерал-полковник Р. Жақсылықов. Сондай-ақ, министр Airbus Military компаниясының өкілдеріне Испанияның Севилья қаласындағы авиациялық даярлық орталығында қазақстандық мамандарды оқытуға белсенді қатысқаны үшін алғысын білдірді.– Ұшу және инженерлік-техникалық құрам белгіленген мерзімде авиатехниканы басқару мен қызмет көрсетуге қажетті теориялық қайта даярлаудан өтті. Концерн өкілдері бізге осыған қатысты қажетті технологиялық ақпарат берді. Болашақта біздің мамандар оған өз бетінше қызмет көрсетіп, тиісті регламенттік іс-шараларды жүргізе алады, – деп толықтырды ол.Естеріңізге сала кетейік, Airbus Military авиажасау концернімен екіжақты ынтымақтастық бүгінде еліміздің Әскери-әуе күштерінде сәтті пайдаланылып жүрген С-295 ұшақтарын сатып алған 2013 жылы жолға қойылған болатын. Сондай-ақ, әуе кемесінің техникалық сипаттамаларын да атап өткен жөн. А-400М әскери-көліктік ұшағы 37000 кг жүкті тасымалдауға қабілетті. Максималды жылдамдығы сағатына 802 км. Ал ұшу биіктігі – 12200 м, практикалық қашықтығы – 7870 км.Ақпарат көзі : https://www.gov.kz/memleket/entities/mod/press/news/details/896852

2024 жылдың 9 желтоқсанында Қазақстан Республикасының Мәдениет және ақпарат вице-министрі Кочетов Евгений Дмитриевич Павлодар облысына жұмыс сапарымен барады. Сапар аясында облыс тұрғындарымен кездесу және азаматтарды жеке қабылдау жоспарланған.Азаматтарды жеке қабылдау Павлодар қаласында (2024 жылдың 9 желтоқсанында сағат 14:30, М. Жүсіп көшесі, 35/1, («Достық үйі») өтеді.Жеке қабылдауға жазылу үшін өтінімдерді қабылдау сағат 09:00-ден 18:00-ге дейін 8 (7172) 74-05-08, 8 (771) 592-81-14 нөмірлері бойынша жүзеге асырылады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/896869

Төтенше жағдайлар министрі генерал-майор Шыңғыс Әрінов өрт сөндіру техникасы мен авариялық-құтқару жабдықтарын өндірудегі әлемдік көшбасшылардың бірі «Magirus» компаниясының өкілдерімен кездесті. Кездесу барысында өрт сөндіруге арналған роботты кешендерді және жұмыс биіктігі 68 метр болатын автосатыны қоса алғанда, жаңа әзірлемелер ұсынылды. Шыңғыс Әрінов: «Төтенше жағдайлар министрлігінде техниканың жоғары сапасына сұраныс бар. Біз ТЖ-ға ден қоюдағы тиімділік пен жеделдікті арттыру үшін аумақтық бөлімшелерде арнайы жабдықты жаңартуды жалғастырамыз». Қазақстан аумағында өрт сөндіру техникасын өндіруді оқшаулау мәселелері, сондай-ақ ынтымақтастық пен техникалық қызмет көрсетудің келешегі талқыланды. 1864 жылы құрылған «Magirus» компаниясы өрт сөндіру техникасының жетекші өндірушілерінің бірі болып табылады. Танымал әлемдік компаниялармен бірлесе отырып, бүкіл әлем қолданатын инновациялық өрт сөндіру машиналарын шығарады. Қазақстан Республикасы Төтенше жағдайлар министрлігі құтқару қызметтері жұмысының қауіпсіздігі мен тиімділігін арттыру үшін техникалық жарақтандыруды жаңғыртуды жалғастыруда.Ақпарат көзі : https://www.gov.kz/memleket/entities/emer/press/news/details/896853

Бүгінде волонтерлер қозғалысы белсенді дамып келеді және қоғамда әртүрлі салаларда көмек көрсетуде маңызды рөл атқарады. Осылайша, азаматтық қорғау жүйесін дамытуға қосқан үлесі үшін табиғи сипаттағы төтенше жағдайлар туралы, сондай-ақ ТЖ кезіндегі іс-қимыл тәртібі туралы халықтың хабардарлығын арттыру бойынша белсенді жұмыс жүргізетін бірқатар волонтерлер атап өтілді. Елордада «VOLUNTEER FEST» мерекелік іс-шарасы өтті. ТЖД-дан жоғары азаматтық ұстанымы үшін 20-ға жуық волонтер марапаттарға ие болды. Жалпы, Департаментпен қаланың волонтерлік ұйымдарымен өзара іс-қимыл туралы 6 меморандумға қол қойылды, ол әртүрлі төтенше жағдайларды жоюға қатысқан 700-ге жуық адамды қамтиды. «Өзіміздің тапарымыздан адамдарға риясыз және шын жүректен көмектесетін барлық волонтерлерді құттықтаймыз! Сіздердің істеріңіз өздеріңіздің ынта-жігерлеріңізбен, мейірімді жүректеріңізбен және әрқашан көмектесуге дайын болуларыңызбен шабыттандыратын барлығына үлгі тұтарлық. Сіздердің жұмыстарыңыздың пайдасы мол, әрі қаламызды жақсартуға септігін тигізуде. Қажырлы еңбектеріңіз, жасап жатқан игі істеріңіз үшін рахмет!», – деп атап өтті елордалық ТЖД ТЖ жою басқармасының бастығы Еркін Қашқанов.Ақпарат көзі : https://www.gov.kz/memleket/entities/emer/press/news/details/896863

Премьер-Министрдің орынбасары – Ұлттық экономика министрі Нұрлан Байбазаров Сенатта еліміздің 2024-2028 жылдарға арналған әлеуметтік-экономикалық даму болжамы шеңберінде 2024 жылға арналған республикалық бюджет пен Ұлттық қор параметрлерінің нақтыланған болжамын таныстырды.Нұрлан Байбазаровтың айтуынша, жыл басынан бері 2024 жылға арналған макро көрсеткіштер болжамын қалыптастырудың бастапқы параметрлері ел экономикасының ағымдағы дамуына сәйкес келеді.Ағымдағы жылдың 11 айының қорытындысы бойынша мұнайдың орташа бағасы барреліне 79,9 АҚШ доллары деңгейінде қалыптасты. 2024 жылға арналған бастапқы параметрлер бұрынғы деңгейде яғни, мұнай бағасы – барреліне 80 АҚШ доллары, инфляция 6-8 пайыз деңгейінде сақталды, - деді вице-премьер.Республикалық бюджеттің кірістері 14,1 трлн теңге көлемінде бағаланады, бұл бекітілген жоспардан 2 трлн теңгеге төмен. Бюджеттің теңгерімділігін қамтамасыз ету және өңірлік өсу деңгейін қолдау үшін 2 трлн теңге көлемінде нысаналы трансфертті қосымша тарту ескерілді.Осыны ескере отырып, Ұлттық қордың таза валюталық активтері 2024 жылы $58,2 млрд-ты құрайды деп болжануда.Ақпарат көзі : https://www.gov.kz/memleket/entities/economy/press/news/details/896902

Жамбыл облысында жыл соңына дейін 15 білім беру, 23 денсаулық сақтау, 10 спорт, 8 мәдениет нысанын пайдалануға беру жоспарлануда. ОКҚ алаңында өткен баспасөз конференциясында Ербол Қарашөкеев әлеуметтік саладағы көрсеткіштерді баяндады.Өңірде әлеуметтік инфрақұрылымды дамыту аясында 36 білім беру нысанын салу (10 600 орын) жоспарланған. Биылғы 10 айдың қорытындысына сәйкес 13 білім ошағы пайдалануға берілді, оның үшеуі «жайлы» мектеп. Жыл соңына дейін тағы 2 нысанды қолданысқа беру көзделіп отыр (1 мектеп, 1 мектепке қосымша ғимарат).Нәтижесінде 7 оқу орны тапшылығы бар, 3 үш ауысымды, 3 тозығы жеткен және 2 апатты мектептің мәселесі шешіледі.9 мектеп пен 1 техникалық шығармашылық орталық күрделі жөндеуден өтті.Мектептерді жаңғыртуға 3,1 млрд. теңге бөлінді: 215 мектепті жаңа модификациялық кабинеттермен қамтамасыз етуге 1,9 млрд. теңге, білім беру нысандарының қауіпсіздігін қамтамасыз етуге 1,2 млрд. теңге.Облыс оқушылары 15-ші жыл қатарынан республикалық ғылыми жобалар байқауының қорытындысы бойынша «Ең үздік команда» атанды. Республикалық олимпиаданың нәтижелеріне сәйкес «Үздік олимпиадалық команда» деп танылды.Республика бойынша PISA зерттеуінің қорытындысы сәйкес Жамбыл мектептері 1 орынды иеленіп, үздік нәтиже көрсетті.26 денсаулық сақтау нысанының 23-і жыл соңына дейін, оның ішінде «Ауылда денсаулық сақтауды жаңғырту» жобасы аясында 20 нысан пайдалануға беріледі.Бюджет қаражаты есебінен 5 млрд. теңгеге 18 бірлік медициналық диагностикалық техника (4 компьютерлік томограф, 5 кешенді рентген, 2 УДЗ, 2 маммограф, 3 флюорограф, 1 нейронавигациялық жүйе, 1 жылжымалы рентген аппараты) және 38 санитарлық автокөлік сатып алынды.Нәтижесінде медициналық жабдықпен жарақтандыру деңгейі 96,7 пайызға жетеді (2023 ж. - 91,9%).2025 жылы жасанды интеллект арқылы қатерлі ісікті анықтаудың мамандандырылған жүйесін енгізу жобасын жүзеге асыру жоспарлануда.Облыста 15 денешынықтыру-сауықтыру кешені салынып жатыр, бүгінге дейін оның төртеуі және 103 спорт алаңы ашылды. Жыл соңына дейін тағы 6 спорт кешені қолданысқа беріледі деп күтілуде.Бюджеттен тыс 880 млн. теңгеге 4 спорт нысаны бой көтерді, «Қазақстан халқына» қоғамдық қоры есебінен 2 модульдік спорт залын ашу жоспарда бар.5 мәдениет нысаны есігін айқара ашты (4 мәдениет үйі мен 1 музей), жыл соңына дейін тағы 3 нысан ел игілігіне тапсырылады.Асқар Тоқпанов атындағы облыстық қазақ драма театрының ғимаратына, Кенен Әзірбаев атындағы облыстық филармонияның көрермендер залына ағымдағы жөндеу жұмыстары жүргізілді.Биыл мемлекеттік шығармашылық тапсырыспен 1,3 млрд. теңгеге 224 үйірмеде 9,1 мың бала қамтылды.Баспасөз алаңында өңірдің туристік әлеуетінің дамуына да тоқталды. Аталған салада 16,4 млрд. теңгенің 13 инвестициялық жобасы жүзеге асырылуда. Отандық және шетелдік туристер үшін 6 нысан ашылды, оның ішінде қонақ үйлер, демалыс орындары, жол бойындағы қызмет көрсету нысандары бар. Туристік орындарға баратын жолдар жөнделіп, газдандыру мәселесі шешілді.Ақпарат көзі : https://www.gov.kz/memleket/entities/zhambyl/press/news/details/896831

Түркістан облысында азаматтарды әскери-патриоттық бағытта тәрбиелеу мәселелері қаралған мәжіліс өтті. Облыс әкімінің орынбасары Ертай Алтаевтың қатысуымен өткен жиында әскерге шақыру науқанына дайындық жұмыстарының барысы, жастарды әскери-патриоттық бағытта тәрбиелеу жұмысының тиімділігі және алдағы жоспарлар талқыланды. Мәжіліске бейне-селекторлық байланыс арқылы аудан, қала әкімдері қатысты.Күн тәртібіндегі мәселе бойынша олыстың қорғаныс істері жөніндегі департамент бастығының орынбасары Қ. Кулумбаев, Түркістан облысы полиция департаменті жергілікті полиция қызметінің орынбасарлары Б.Ахметов, «Жастар ресурстық орталығы» КММ-ның басшысы Е.Бектаев, аудан әкімдерінің орынбасарлары баяндама жасады. Облыс әкімінің орынбасары жұмысты нашар ұйымдастырған аудан, қалалардағы жауапты тұлғаларға тиісті тапсырмалар беріп, өңірде әскерге шақыру науқаны бойынша үгіт-насихат жұмыстарын жандандыру керектігін жеткізді.– Отан алдындағы парызын өтеуге әрбір азамат міндетті. Сондықтан жастарға Отан алдындағы парызды түсіндіріп, жігерлендірген жөн. Аудан, қала әкімдері мен жауапты басшылар патриоттық бағыттағы идеологиялық жұмыстарды жандандыру, әскерге аттану науқанын сапалы жүзеге асырып, жауапкершілікпен қараулары тиіс. Жұмысты бірлесе жандандырыңыздар. Осыған байланысты өз тараптарыңыздан ұсыныс беріңіздер, – деген облыс әкімінің орынбасары жастарға әскери борышын өтегендер үшін жоғары оқу орнына түсудегі және өзге де жеңілдіктер туралы түсіндіру керектігін айтты.Басқосуда ұсыныс-пікірлер тыңдалды. Жиынды қорытындылай келе облыс әкімінің орынбасары шақыру науқанын сапалы ұйымдастырып, жастарды отаршылдыққа баулитын іс-шараларды жүйелі ұйымдастыру жөнінде тапсырма берді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/896760

Түркістан өңірінің үздік педагогтары басшылық қызметке конкурссыз тағайындалады. ҚР Оқу-ағарту министрлігінің «Білім берудегі өзгерістердің 1000 көшбасшысы» бағдарламасы бойынша 43 түркістандық педагог кадрлық резервке өтті. Олар көшбасшылық, кәсіби және басқарушылық дағдыларын жетілдіріп, арнайы сертификатқа ие болды. Бүгін облыс әкімінің орынбасары Бейсенбай Тәжібаев резервшілермен кездесті.- Білім беру саласында оң өзгерістер көп. Бірқатар бағыттарда талап күшейді. Былтырдан бастап мектеп директорлары тікелей эфир арқылы ашық жүйеде тағайындалып келеді. Бұл бастама сыбайластық жемқорлық тәуекелдерінің алдын алуға және азайтуға, түрлі кедергілерді тоқтатуға, әділетсіздікке тосқауыл қоюға және бірінші басшылық лауазымына лайықты азаматтардың қабылдануына септігін тигізіп жатыр. Кәсіби педагог кадрларының басқаруы – білім сапасының артуына тікелей байланысты. Ендігі кезекте кадрлық іріктеуге қатысып, сертификат алған педагогтарды яғни Сіздерді конкурстық рәсімсіз басшылық қызметке тағайындай аламыз. Тәжірибелеріңіз бен дарындарыңызға үміт артамыз. Сенімді ақтайды деген ойдамыз. Осылай кезең-кезеңімен кадр мәселесін шешеміз. Өңір әкімі Дархан Амангелдіұлының қолдауымен ұстаздаға ерекше құрмет көрсетілуде. Бұл жұмыстар одан әрі жанданады, - деді Бейсенбай Дәулетұлы.Жиында облыстық Білім басқармасы басшысының орынбасары Айгүл Қасымбекова қатысушыларды алаңдатқан сұрақтарға жауап берді. Резервке өткен педагогтар директордың орынбасары бола алады. Ал орынбасарлық қызметте жүрген көшбасшылар мектеп директорлығына тағайындалады.Оқу-ағарту министрілігі тарапынан білім сапасын арттырудың бес негізгі бағытын айқындалған. Оның ішінде тиімді менеджментті дамытуға және кадрлық резервті құруға ерекше басымдық берілген. 6 айға созылған процесс 5 кезеңнен тұрды. Атап айтқанда үміткерлер құзіреттерді бағалау бойынша тестілеу, жетекші мектептердегі тағылымдама, қорытынды бағалау және республикалық комиссияда әңгімелесуден өтті. Іс-шараларды Педагогикалық шеберлік орталығы жүргізді.Айта кетейік, Түркістан облысында 2023 жылы 26 педагог резервте болған. Оның 23-і бос лауазымға конкурстық рәсімсіз орналасқан. Биыл жобаға қатысушылар саны өткен жылмен салыстырғанда 2,5 есеге көбейген.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/896763

Қазақстандағы ең ірі жылыжай кешені Келес ауданында салынуда. Бұл жылыжай қазақстандық инвесторлардың, Қазақстанның Даму Банкінің (ҚДБ) қатысуымен және ресейлік «ЭКО-культура» холдингінің зияткерлік және технологиялық қолдауымен құрылған. Жедел басқаруды орталықтандырылған қазақстандық басқарушы компания жүзеге асыратын болады. Түркістан облысының әкімі Дархан Сатыбалды Ақтөбе ауылдық округінде орналасқан «ECOCULTURE-EURASIA» ЖШС-не барып, компанияның өкілдерімен кездесті. Кездесу барысында өңір басшысы бұл жобаның аса маңызды екенін айтып, аймақта агроөнеркәсіп кластері дамитынын жеткізді. Жобаны жан-жақты қолдауға дайын екендігін атап өтті. Сонымен қоса, өңір басшысы жылыжайдың құрылыс жұмыстарының барысын да бақылады.Осы жобаны іске қосу арқылы өңірде ішкі нарықты отандық өнімдермен қамтамасыз ету көлемін арттыру, жаңа жұмыс орындарын ашу және халықтың әл-ауқатын көтеру міндеті жүктелген. Бұл әріптестік жоба агросаланы дамытуға серпін беріп қана қоймай, жергілікті халықты тұрақты жұмыспен, жоғары жалақымен қамтымақ.500 гектар аумақта орналасатын өнеркәсіптік жылыжайлар жобасы «ЭКО-культура» компаниясының қолдауымен жүзеге асады. Жоба екі кезеңмен жүзеге асырылуда. 1 кезеңінің құрылысы 2023 жылы басталды. 2025 жылдың ІІ тоқсанында аяқталады. Ал екінші кезеңінің құрылысы 2025 жылдың ІІІ тоқсанында тапсырылмақ.Жылыжай кешенінің жалпы ауданы 51,88 гектарды құрайды. Салынып жатқан нвестициялардың жалпы көлемі 42 млрд. теңгеден аспақ. Жоспарланған өндіріс көлеміне келсек, жоба толық жүзеге асқанда жылына 27 мың тонна көкөніс өсіреді. Мыңнан астам жұмыс орны ашылады.Жылыжай кешенінің бірқатар артықшылықтары бар. Мәселен, мұнда бір уақытта әртүрлі қызанақтың және басқа да дақылдардың 12 буданы мен сұрыбын өсіруге болады. Жылдың кез келген уақытында жаңа, дәмді және пайдалы көкөністер береді. Нарықтағы сұранысқа сай өнім түрін және көлемін өзгерту мүмкіндігі бар.Заманауи жылыжай кешендері жылыту жүйесі мен салқындатуды реттейтін, жарық режимін, тамшылатып суаруды, атмосферадағы көмірқышқыл газының мөлшерін басқаратын заманауи автоматтандырылған климаттық бақылау жүйесімен жабдықталады деп жоспарланған.Айта кетейік, Түркістан облысында Мемлекет басшысының инвестиция тарту бағытындағы тапсырмасына байланысты қарқынды жұмыс жүріп жатыр. Облысқа жыл басынан 888,5 млрд. теңге инвестиция тартылып, өткен жылдың тиісті кезеңімен салыстырғанда 17,7%-ға артты. Ал жыл басынан бері тікелей шетелдік инвестиция көлемі 685 млн. АҚШ долларын құрап, жылдық жоспар 1,5 есеге артығымен орындалды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/896768

Түркістан облысы, Келес ауданы, Ақтөбе ауылдық округіне қарасты Көгерту елді мекенінде 300 орындық мектеп пайдалуға тапсырылды. Білім ордасының ашылу салтанатына облыс әкімі Дархан Сатыбалды арнайы қатысып, оқушылар мен ұстаздарға сәттілік тіледі.– Мемлекет басшысы «Біз өскелең ұрпаққа жол ашу үшін барлық жағдайды жасауымыз керек» дей келе білім сапасын жақсарту, ұстаздар мен оқушыларға қолдау көрсетуді тапсырды. Осы тапсырманы орындау мақсатында өңірде білім саласында ауқымды жұмыс атқарылуда. Биылдың өзінде «Жайлы мектеп» ұлттық жобасы аясында 29 мектеп және облыстық бюджет және арнайы қордың қаржы көздерінен 21 мектеп салынуда. Бұл 50 мектеп пайдалануға берілгенде өңірдегі апатты және үш ауысымды мектептер мәселесі шешілетін болады. Бұдан бөлек, алғашқы рет көптен бері жөндеу көрмеген 300-ден астам мектепке жаңғырту жұмыстары жүргізілді. Мемлекет тарапынан жасалып жатқан бұл қолдаулар ұстаздарға шабыт береді және жас ұрпақтың сапалы білім алуына оң ықпал етеді деп есептеймін. Біз оқу-тәрбие жұмыстарына қолайлы жағдай жасау мақсатында барлық қажетті шараларды қабылдаймыз. Бүгінгі ашылғалы отырған жаңа мектебіміз көршілес жатқан ауылдарда тасымал арқылы білім алып жүрген оқушыларымыздың мәселесін шешеді. Осы жаңа мектептің табалдырығын аттағалы отырған оқушыларымыз үздік оқып, ел үмітін ақтап, отаншыл азаматтар болатынына сенемін. Жаңа білім ордасының ашылуы құтты болсын! – деді Дархан Сатыбалды.Нысан Облыстық құрылыс басқармасының тапсырысымен салынды. Құрылыс жұмыстары 2023 жылдың қазан айында бастаған. Жалпы жер көлемі 1,96 гектарды құрайды. Жоба құны – 1,9 млрд теңге. Бұл мектепте Көгерту ауылында және осы елді мекеніне жақын орналасқан ауылдарда тұратын оқушылар білім алады.Айта кетейік, Келес ауданының білім бөліміне қарасты 63 мектепте 33 669 оқушы білім алуда. Ауданы бойынша 2023-2025 жылдар аралығында 5 мектеп салу жоспарланған. Оның ішінде «Жайлы мектеп» ұлттық жобасы аясында 3 мектеп, жергілікті бюджет есебінен 2 мектептің құрылысы жүргізілуде.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/896774