Түркістан облысының әкімі Дархан Сатыбалды Жетісай ауданына жасаған іссапарын Ш.Ділдәбеков ауылдық округіндегі аяқ киім шығаратын шағын цехтың жұмысымен танысудан бастады.Бүгінде Сәкен Шораевтың басшылығындағы «Sh.S.САМҰРЫҚ» ЖШС-де 30 ауыл тұрғыны тұрақты жұмыспен қамтылған. Өндіріс орнының қуаттылығы жылына 250 мың жұп аяқ киім болса, бүгінде тәулігіне аяқ киімнің 30-ға тарта түрінен 800 жұп аяқ киім шығарылуда.Облыс әкімі аудан, қалаларда шағын кәсіпкерлікті дамыту, цехтар мен өндіріс орындарын ашу бағытындағы жұмысты күшейтуді тапсырды.Өндіріске қажетті негізгі шикізатты Қытай елінен алдыратын кәсіпкер кәсіпорынды іске қосу үшін жеке қаржысы есебінен 500 млн теңге инвестиция салғанын айтады. Бүгінде Жетісайдан шыққан аяқ киімдер жергілікті базарлармен қатар Астана, Алматы және Шымкент қалаларының сауда орындарында сатылуда.Екі жылдан бері тоқтаусыз жұмыс істеп келе жатқан өндіріс орны бәсекелестікке толықтай төтеп бере алады. Себебі өндірген өнімдерінің бағасы төмен болғанымен, сапасы жоғары. Көлемі жағынан 25 пен 45 өлшемді аяқ киімдерді тігетін өндіріс орнының басшысы алдағы уақытта кәсіпорынның ауқымын да, қуаттылығын да арттырмақ. Сол арқылы жұмысшылар санын көбейтіп, отандық өнімдерін брендке айналдыруды жоспарлап отыр.Айта кетейік, Түркістан облысында аудан, қалалардың 2030 жылға дейінгі даму жоспары әзірленіп, қабылдануда. Ол құжаттарда өңірлік өнім көлемін ұлғайту, өндіріс орындарын көбейтуге басымдық берілген. Ал облыстық деңгейде, өңірдің өркендеуіне тың серпін беретін энертегика, агроөнеркәсіптік кешен, өндіріс және қайта өңдеу, туризм салаларында маңызды 145 инвестициялық жобалар пулы дайындалды. Аталған жобаларды жүзеге асыру арқылы 20 мыңнан астам жаңа жұмыс орнын ашуды көзделген.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/896837

Түркістан облысының әкімі Дархан Сатыбалды Жетісай ауданына жасаған іссапары барысында Мемлекет басшысы Қасым-Жомарт Тоқаевтың Қазақстан тапсырмасымен қолға алынған «Жайлы мектеп» ұлттық пилоттық жобасы аясында құрылысы жүріп жатқан білім ұясында болды.Жоба аясында өткен жылдың соңында Жетісай қаласынан 1500 орындық, Асықата кентінен 900 орындық және Ынтымақ ауылдық округінің Ақниет елді мекенінен 600 орындық мектептердің құрылысы басталып, 2025 жылы қолданысқа тапсырылады деп жоспарланған.Өңір басшысы Асықата кентіндегі құны 7 млрд теңгені құрайтын нысанның құрылыс сапасын тексеріп, мердігер мекеме басшыларымен кездесті. Жауапты сала басшыларына өндірістік кестеден кешікпей, сапасын қатаң қадағалауды тапсырды. Мектеп ауласына ағаш екті.Заманауи пәндік кабинеттермен, оның ішінде робототехника, кең жолақты интернет, жаңа модификацияланған кабинеттермен жабдықталатын мектепте оқушылардың сапалы білім алуларына толық жағдай жасалады. Жоғары және бірінші санатты мұғалімдер құрамының пайыздық үлесін, педагогикалық қызметкерлердің біліктіліктерін арттыруға мүмкіндік беріледі.Ауданда оқушылар мен ұстаздарды заманауи мектептермен қамту мақсатында биылдың өзінде жеке инвестиция есебінен Жетісай қаласынан 720 орындық 2 мектеп пайдалануға берілсе, келесі жылы 1300 оқушыға есептелген тағы 3 мектеп инвесторлар есебінен салынады.Айта кетейік, облыста демографиялық өсім жоғары. Қосымша 35 мың оқушы орынға тапшылық бар. Аталған мәселені шешу мақсатында биыл 50 мектептің құрылысы жүргізілуде. Мектептердің 29-ы «Жайлы мектеп» жобасы аясында соғылуда. Биыл алғашқы рет көптен бері жөндеу көрмеген 300-ден астам білім ұясына жаңғырту жұмыстары жүргізілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/896840

Құрметті волонтерлер! Сіздерді Халықаралық волонтерлер күнімен құттықтаймын! Сіздер жүрегі адал адамдарсыздар, сіздердің көмектесуге деген ұмтылыстарыңыз біздің әлемді жақсы жаққа қарай өзгертеді. Сіздердің белсенділіктеріңіз және әсіресе қиын жағдайларда өзекті мәселелерді шешуге қатысуларыңыз қоғамдық рух пен қауіпсіздікті нығайтуда үлкен рөл атқарады. Сіздердің жұмыстарыңыз су тасқыны мен орман өрттерінің салдарын жою кезеңінде ерекше маңызға ие болды. Сіздер көмекке келуге және мұқтаж жандарға қолдау көрсетуге дайын екендеріңізді көрсеттіңіздер, бұл - азаматтық жауапкершіліктің жарқын мысалы. Төтенше жағдайлар министрлігінің атынан елімізді мықты әрі ұйымшыл ететін маңызды және қажетті істерге қосқан үлестеріңіз үшін алғысымды білдіремін. Сіздерге жаңа игі істер жасау үшін зор денсаулық, сарқылмас қуат және Қазақстан Республикасының өркендеуі үшін атқарып жатқан маңызды және пайдалы еңбектеріңізге табыс тілеймін! Құрметпен және ризашылықпен,Қазақстан Республикасының Төтенше жағдайлар министрігенерал-майор Шыңғыс Әрінов Ақпарат көзі : https://www.gov.kz/memleket/entities/emer/press/news/details/896847

Жамбылдық шаруалар 20,8 млрд. теңге субсидия алды. ОКҚ алаңында өткен баспасөз конференциясында облыс әкімі Ербол Қарашөкеев ауыл шаруашалығы саласының әлеуеті мен мемлекеттік қолдау шаралары туралы баяндады.Биыл ауыл шаруашылығы саласын субсидиялауға 24,6 млрд. теңге бөлініп, салаға 14,9 млрд. теңге инвестиция тартылды.Ауыл шаруашылығы дақылдарының егістік алқабы 626,7 мың га құрады. Өңірде қант қызылшасынан басқа барлық дақылдар бойынша егін жинау науқаны аяқталып, 3,6 млн. тонна өнім алынды.600 мың тонна қант қызылшасы жиналып, орташа өнімділігі 650 ц/га құрады. Жиналған өнім Меркі және Ақсу зауыттарына өткізілуде.Ағымдағы жылдың 10 айының қорытындысы бойынша 26,2 млн. АҚШ доллардың 134 мың тонна ауыл шаруашылығы өнімі экспортталды (2023 ж. - 18,2 млн. АҚШ долларға 53 мың тонна).Қант қызылшасын субсидиялауға жергілікті бюджеттен 3,4 млрд. теңге бөлініп, жыл соңына дейін республикалық бюджеттен 5 млрд. теңге көлемінде қаржыландыру күтілуде.Биыл ауыл шаруашылығы техникасын лизингке беру бағдарламасы іске қосылып, 3,2 млрд. теңгеге 244 бірлік техника сатып алынды. Нәтижесінде жаңғырту деңгейі 8 пайызды құрады.Жыл басынан агроөнеркәсіп кешенінде 10,8 млрд. теңгенің 12 инвестициялық жобасы іске қосылып, 163 жұмыс орны ашылды.СҚО тәжірибесін кеңейту аясында 1 913 басқа арналған 4 тауарлы сүт фермасының құрылысы аяқталуда, олар 2025 жылы пайдалануға беріліп, жылдық сүт өндірісін 15 мың тоннаға ұлғайтады. Сондай-ақ тағы 5 замануи көкөніс сақтау қоймасын (сыйымдылығы 32 мың тонна) іске қосу көзделген.Бұдан бөлек, жалпы сомасы 8,5 млрд.теңгеге су үнемдеу технологиялары, тері мен жүнді өңдеу, алма шырынын, балалар пюресін, балық және үй жануарлары азығын, фри картобын өндіру бойынша жобаларды іске асыру жоспарланған.Қытайлық «Fufeng Group» компаниясымен бірлесіп, 500 мың тонна жүгеріні терең өңдейтін еліміз үшін бірегей жобаны жүзеге асыру басталды.«Ауыл аманаты» жобасы аясында 2023-2024 жылдары 25,5 млрд. теңгеге 38 ауылдық округте 4 мыңнан астам жоба қаржыландырылды.Биылдан бастап шағын және орта бизнесті дамытуды қаржыландыру негізгі бағытқа айналды. Несие жылдық 2,5 пайызбен 5 жылға жеке кәсіпкерге 9,2 млн. теңгеге дейін, кооперативтерге 29,5 млн. теңгеге дейін беріледі.Ербол Қарашөкеев Президенттің суармалы егістік алқаптарын ұлғайту жөніндегі тапсырмасының орындалу барысы туралы БАҚ өкілдеріне ақпарат берді.Халықаралық банктердің несиесі есебінен жүзеге асырылып жатқан жоба бойынша 6 ауданда (Байзақ, Жамбыл, Жуалы, Қордай, Меркі, Шу) ұзындығы 608 шақырымды құрайтын 183 канал қайта жаңғыртылды. Нәтижесінде 47,5 мың гектар суармалы алқаптың сумен қамтылу деңгейі артты.55,4 мың гектар алқапқа су үнемдеу технологиясы енгізілді.Өңірде Kazakh Industrial Stroi (ҚХР) кәсіпорны каналдарға арналған бетон жабындарын, ал Kazkaspi Hydro (ҚХР) тамшылатып суару жүйелерін, «Ans Plast» (Қазақстан) спринклерлік жабдықтар мен ПВХ құбырларын шығаруды қолға алды.Ақпарат көзі : https://www.gov.kz/memleket/entities/zhambyl/press/news/details/896780

Жамбыл облысында 10 айдың қорытындысы бойынша 577,1 мың шаршы метр тұрғын үй пайдалануға берілді (жоспар - 750 мың шаршы метр). Бұл туралы Орталық коммуникациялар қызметінің алаңында өткен баспасөз мәслихатында өңір басшысы Ербол Қарашөкеев айтты.Тұрғын үй құрылысы жедел қарқынмен жүргізілуде. Мемлекеттік бағдарламалар аясында Тараз қаласында жаңа шағынаудандар бой көтеріп келеді. Қазір 3 709 пәтерлі 78 тұрғын үй салынып жатыр, жыл соңына дейін 2 024 пәтер (41 тұрғын үй) қолданысқа беріледі.Облыста көпбалалы отбасылар мен халықтың әлеуметтік осал топтары үшін 23,2 млрд. теңгеге 1 575 пәтер сатып алынды.Ағымдағы жылы тұрғын үй құрылысы мен пәтер сатып алуға бюджеттен 2 есе көп қаражат бөлінді: 2023 жылы – 23,2 млрд. теңге, 2024 жылы – 40,8 млрд. теңге.Жалпы құрылыс және сатып алу есебінен халықтың әлеуметтік осал топтары санатындағы 1 963 отбасын тұрғын үймен қамтамасыз ету жоспарлануда, бұл өткен жылмен салыстырғанда 75 пайызға артық. Сонымен бірге «Әулие ата жастары» жобасы аясында 140 жас отбасыға баспаналы болу бақыты бұйырады.Ербол Қарашөкеев БАҚ өкілдерін тұрғын үй-коммуналдық инфрақұрылымды жаңғырту жұмыстары туралы хабардар етті.Биыл 21,5 млрд. теңгеге 68 жоба жүзеге асырылуда (22 АЕМ – сумен жабдықтау нысанының құрылысы, 15 АЕМ – кешенді блок-модульді орнату). Жыл қортындысына сәйкес халықты сапалы ауыз сумен қамтамасыз ету көрсеткіші 98,1 пайызға дейін көтеріледі.Облыс әкімі ОКҚ мінберінде сөйлеген сөзінде көгілдір отынмен қамтамасыз етілмеген Мойынқұм ауданы елді мекендерін газдандыру бойынша ауқымды жобаның бастау алғанын айтты.Жамбыл облысында 285 ауылдық елді мекен (1, 113 млн. тұрғын) көгілдір отынмен қамтамасыз етілген. Ағымдағы жылы 12 жоба аясында 3 елді мекен (5,0 мың адам) газдандырылды. Халық саны бойынша газдандыру деңгейі 91,3 пайызға дейін ұлғайтылды.Өңірде «Еврохим-Қаратау» автоматты газ тарату станциясының (Сарысу ауданы) құрылысы бойынша жоба іске асырылуда, бұл минералды тыңайтқыштар мен күкірт қышқылын шығару бойынша ірі өнеркәсіптік жобалардың бірін іске асыруға мүмкіндік береді.Тараз қаласындағы М-1 негізгі жылу магистралі, Қаратау және Жаңатас қалаларында орталық қазандықтар қайта жаңғыртылды.Келесі жылы облыс орталығындағы М-3 жылу желілері мен жылу магистралін қайта жаңғырту жоспары бар.710 шақырым жол құрылыс, қайта жаңғырту, жөндеу жұмыстарымен қамтылды. 2024 жылдың қорытындысы бойынша жақсы және қанағаттанарлық жағдайдағы жергілікті маңызы бар жолдардың үлесі 99 пайызды, елді мекендердегі көшелер бойынша бұл көрсеткіш 87 пайызды құрайды.Ақпарат көзі : https://www.gov.kz/memleket/entities/zhambyl/press/news/details/896807

Жамбыл облысында Президенттің «10 мың халыққа 100 жаңа жұмыс орнын құру» тапсырмасы бойынша жоспар артығымен орындалды. Бұл туралы Орталық коммуникациялар қызметінде өткен брифингте Ербол Қарашөкеев мәлімдеді.Биыл әлеуметтік салаға 46,3 млрд. теңге бөлінді, бұл өткен жылмен салыстырғанда 1,3 есеге артық (2023 ж. - 36,3 млрд. теңге).Мемлекет басшысының «10 мың халыққа 100 жаңа жұмыс орнын құру» жөніндегі тапсырмасына сәйкес кәсіпкерлік бастамаларды қолдау есебінен 10 мыңнан астам жұмыс орны құрылды (жоспар - 8,8 мың).Бұдан бөлек, өңірлік жұмыспен қамту картасы аясында облыста 60 мыңнан астам жұмыс орны ашылды, оның 42 мыңы - тұрақты.2024 жылдың 10 айында жұмыспен қамтудың белсенді шараларына 47 063 адам тартылды (жоспар - 47 951), оның ішінде 2,2 мыңы - мүгедектігі бар азаматтар.Облыста орташа айлық жалақы 8,5 пайызға өсті.Ербол Қарашөкеев журналистерге облыста мемлекеттік жастар саясатының жүзеге асырылу барысы туралы айтып берді.Өңір халқының 29,1 пайызын жастар құрайды.Жыл басынан бері 22,7 мың жас жұмыспен қамтудың белсенді шараларына тартылды (жоспар - 20 933), «Ауыл аманаты» жобасы аясында 259 жас кәсіпкер 2,5 пайызбен жеңілдетілген несие алды.Сондай-ақ «Жасыл ел» жобасы аясында маусымдық жұмыстарға 1,8 мың жас тартылып (жоспар – 2 мың), бұл мақсатқа 173,5 млн. теңге бөлінді.Ақпарат көзі : https://www.gov.kz/memleket/entities/zhambyl/press/news/details/896824

Бүгін Арал ауданында жалпыұлттық экологиялық бағдарлама аясында «Ардағым ардагерім» акциясы өтуде. Жастар ресурстық орталығының мүшелері еңбек ардагерлері мен қарттарға қолдау көрсетіп, олардың үй ауласын тазалаумен айналысуда. Жастар аумақты қоқыстан, құрғақ бұтақтардан, түскен жапырақтардан тазартып, ретке келтіруде. Сонымен қатар, олар ауладағы ағаштарды әктеп, қоршауларды бояп жатыр.Мұндай акциялар өскелең ұрпақты тәрбиелеуде өте маңызды, - дейді аудандық Жастар ресурстық орталығының директоры Берік Сұлтаниязов. - Аға буын өкілдеріне құрмет көрсету, оларға көмек көрсету-біздің халқымыздың қанында әрқашан болған. Ақсақалдар алғысын білдіріп, батасын берді. Сонымен қатар, бұл экологиялық тәрбие, тазалыққа деген сүйіспеншілікті ояту, қоршаған ортаға қамқорлық жасау.Осы күні Арал ауданының барлық мектептерінде «Табиғатты аялайық!» тақырыбында сынып сағаттары өтті. Аудандық білім бөлімінің баспасөз хатшысы Шыңғыс Нұрбайдың айтуынша, оқушыларға табиғатты қорғау туралы ақпарат беріліп, планетамыздың экологиясын жақсарту үшін қандай қадамдар жасау қажеттігі түсіндірілді. Бұл суды және электр қуатын үнемдеу, қоқысты сұрыптау, табиғатта демалғаннан кейін қоқысты жинау және басқа да көптеген шаралар.Ауданда «Таза өлке-таза аудан» акциясы да өтті. Ауыл тұрғындарына туған өлкесінде тазалықты сақтау бойынша буклеттер мен брошюралар таратылды.Қазалы ауданының тұрғындары да «Таза Қазақстан» жобасын ілгерілетуге өз үлестерін қосуда. Бүгін мұнда «Табиғатты аялайық!» тақырыбында мектепішілік сынып сағаттары өтті.Сонымен қатар, «Таза қала өзіңнен басталады» тақырыбында семинар-тренинг ұйымдастырылды.– Тазалықты сақтау – баршамыздың ортақ міндетіміз. Менің ойымша, тазалық – тек тазалауда емес, оны ластамауда. Семинарда біз барлық жерлестерімізді, туған өлкеміздің тазалығын және сұлулығын сақтауға шақырамыз, – деді Әйтеке би кентінің әкімі Алиби Абиев.Айта кету керек, облыста «Таза Қазақстан» экологиялық шарасы басталғалы оған 678 137 облыс тұрғыны қатысты. 25 074 тоннадан астам қоқыс шығарылып, 505 алаңдар мен саябақтар, 225 тарихи ескерткіштер аумақтары, 791 әлеуметтік нысан, 4596 өндірістік және кәсіпкерлік нысан, 322 су айдындары, 47 451 аулалар мен көшелер тазартылды.548 арнайы техника қолданылып, 176 814 ағаш көшеттері отырғызылды.Ақпарат көзі : https://www.gov.kz/memleket/entities/kyzylorda/press/news/details/896797

Бөтеннің мүлкіне зиян келтірген кезекті вандалдар жауапқа тартылды, деп хабарлайды Астана әкімдігінің ресми сайты.Мәселен, 3 желтоқсан күні таңғы сағат 06:00 шамасында 27 жастағы астаналық мас күйінде көлікті зақымдап, материалдық шығын келтірді.2 желтоқсанда сағат 17:00 шамасында қақтығыс кезінде 19 жастағы жігіт көлікке зақым келтірді.ҚР ӘҚБтК-нің 147-1-бабы бойынша барлық құқық бұзушылар табылып, әкімшілік жауапкершілікке тартылды.Айта кетейік, жыл басынан бері Астанада еріктілер, белсенділер, танымал спортшылар, қала тұрғындары қолдаған "Тоқта, вандал" акциясы аясында профилактикалық жұмыстар жүргізілуде.Акцияның мақсаты - вандализмнің кез келген көрінісін болдырмау және елордада тазалық пен тәртіпті сақтау.Жыл басынан бері сот 300-ден астам адамды бөтеннің мүлкін қасақана бүлдіргені үшін, жалпы аумақтарды ластағаны үшін, ғимараттар мен тұрғын үй-жайларды бүлдіргені үшін жазалады. Олардың барлығы жауапқа тартылды.Вандализмнің алдын алу жұмыстары қалалық прокуратура мен полиция департаментінің үйлестіруімен жүргізіледі.Ақпарат көзі : https://www.gov.kz/memleket/entities/astana/press/news/details/896691

Елорданың коммуналдық қызметтері тәулік бойы күшейтілген режимде жұмыс істеп жатыр. Бір түнде олар қаладан 168 жүк көлігіне қар жинап, алып шықты, деп хабарлайды Астана әкімдігінің ресми сайты.5 желтоқсан күні таңертең елорданың көшелері мен жолдарын, алаңдары мен тротуарларын қар мен мұздан 2,7 мыңнан астам жол жұмысшы мен 890 бірлік арнайы техника тазартады.5 желтоқсанға қараған түні қаладан 168 жүк көлігі немесе 1 892 текше метр қар шығарылды.Қыс мезгілінің басынан бері қаладан 65 мыңнан астам рейспен 839 мың текше метр қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз. Ақпарат көзі : https://www.gov.kz/memleket/entities/astana/press/news/details/896523

Бұл туралы мемлекеттік құрылыс-сәулет бақылау саласының дамуы талқыланған облыс әкімі Асхат Шахаровтың төрағалығымен өткен аппарат мәжілісінде айтылды. Жиында Ақтөбе облысының мемлекеттік сәулет-құрылыс бақылау басқармасының басшысы Оксана Сопрун 2024 жылдың 11 айында сәулет, қала құрылысы және құрылыс қызметі саласындағы бақылау-қадағалау функцияларын іске асыру туралы есеп берді. Жалпы 55 жоспардан тыс тексеру жүргізіліп, оның қорытындысы бойынша 44 нұсқама берілген. Әкімшілік құқық бұзушылық туралы 197 хаттама жасалды. Жалпы сомасы 43 млн теңгеден астам айыппұл салынып, оның 91%-ы өндірілген. Әкімшілік жауапкершілікке 49 құрылыс компаниясы, 7 жобалау ұйымы, 28 мердігер ұйым, 5 аккредиттелген техникалық қадағалау ұйымы, 2 сараптама ұйымытартылған. Жыл басынан бері құрылыс-монтаждау жұмыстарының басталғаны туралы 1723 хабарлама қабылданды. Оның ішінде тұрғын үй құрылысы, білім беру, денсаулық сақтау, өндірістік объектілер, сондай-ақ жолдар мен инженерлік желілер құрылысы бар. Биылғы жылдың басында Ақтөбеде коммерциялық мақсаттағы 12 ұзаққа созылған құрылыс нысаны болды. Бүгінде бесеуі пайдалануға берілді. Бұл – кафе-дүкен, 320 орындық балабақша, көп пәтерлі тұрғын үйлер және монша кешені. Алтын Орда шағын ауданындағы және Ө.Сейітов көшесіндегі автоқызмет кешені мен үйлер іске қосу сатысында тұр.«Басқарма инспекторлары мүдделі мемлекеттік органдармен бірлесіп, жүк машиналарының дөңгелектерін жуу және тазалау пункттері жоқ құрылыс объектілерін анықтау, іргелес аумақты тегістеу және абаттандыру ережелерін бұзу бойынша іс-шаралар жүргізуде. 1,49 млн теңге сомасына 41 құрылыс субъектісі жауапкершілікке тартылды. Басқарманың қадағалау жұмыстары жалғасуда және үнемі бақылауда»,- деді Оксана Сопрун. Есепті тыңдағаннан кейін облыс әкімі құрылыс ұйымдарына бақылауды күшейтуді тапсырды.«Көшелердің ластануы негізінен құрылыс алаңдарынан шығады. Сондықтан құрылыс компанияларын бақылауды күшейту қажет. Күнделікті тексерулер жүргізу керек, әсіресе Алтын Орда және Оңтүстік айналма сияқты аудандарда. Тексерулерге жергілікті полиция, қалалық сәулет мамандары, қоғам белсенділері мен депутаттарды қосыңыздар. Егер күн сайын рейдтер жүргізілсе, құқық бұзушылар тәртіпті сақтай бастайды. Біз қала аумағында тазалық пен тәртіпті қамтамасыз етуіміз керек. Сондай-ақ, компанияларды, әсіресе жобалары созылғанжәне инвесторларды іздейтіндерді тексерген жөн. Бұған жол беруге болмайды. Осы мәселелер бойынша барлық тексерулерді осы аптадан бастау керек»,- деп тапсырды әкім.t.me/aqtobe_oblysy_akimdigi Ақпарат көзі : https://www.gov.kz/memleket/entities/aktobe/press/news/details/896802

Ұлы Отан соғысының ардагері Егор Степанович Долидуда өзінің 97 жасын тамаша көңіл-күйде қарсы алды.Майдангерді құттықтауға Әуезов ауданының қорғаныс істері жөніндегі басқармасының әскери қызметшілері арнайы келді. Егор Степанович оларға шын жүректен алғыс айтып, ризашылығын білдірді. – Сіздердің қамқорлықтарыңыз бен жүректен шыққан сөздеріңіз жанды жылытып, өмір сүруге деген құлшынысты арттырады. Біздің ісімізді жалғастырып, халықтың тыныштығын қорғап жүргендеріңіз үшін рахмет. Сіздердің Отанға деген адалдықтарыңызға сенемін әрі өздеріңіздей керемет жандардың ел күзетінде тұрғанын мақтан тұтамын, – деді ол.Қарт майдангер қонақтарға соғыс жылдарынан естелік айтып, «Священная война» әнін орындап берді.Егор Степанович Долидуда 1927 жылы 5 желтоқсанда Красноярск өлкесінің Почекутовка ауылында дүниеге келген. Қызыл Армия қатарына 1944 жылы шақырылды. Ол Украина майданында 184-ші атқыштар дивизиясының 297-ші атқыштар полкінің атқыш-пулеметшісі ретінде шайқасты.Жеңістен соң Маньчжурияны Жапонияның Квантун армиясынан босатуға қатысты. 1951 жылы соғыстан оралған соң Ішкі істер министрлігінің училищесінде білім алды.Ұзақ жылдар ішкі істер органдары мен әскерилендірілген өрт күзетінде қызмет етті. Өрт-қолданбалы спортымен шұғылданып, шебер атағын алды. Майор Е. Долидуда 1983 жылы құрметті демалысқа шықты.Ардагер «Жапонияны жеңгені үшін» медалімен және КСРО мен Қазақстанның басқа да наградаларымен марапатталған.Ақпарат көзі : https://www.gov.kz/memleket/entities/mod/press/news/details/896793

Жамбыл облысының әкімі Ербол Қарашөкеев Орталық коммуникациялар қызметінің алаңында брифинг өткізіп, өңірдің әлеуметтік-экономикалық даму қорытындыларымен бөлісті.Ербол Қарашөкеевтің айтуынша, биыл Мемлекет басшысының Қазақстан халқына Жолдауларында белгіленген ауқымды реформаларды іске асыру бойынша жүйелі жұмыс жүргізіліп жатыр.2024 жылдың 10 айының қорытындысы бойынша облыс экономикасы 4,5 пайызды құрады. Өнеркәсіп (0,8%), құрылыс (22,6%), тұрғын үй (3,5%), сауда (2,5%), көлік (13,6%) және байланыс (8,8%) салаларында оң динамика қалыптасты.727,8 млрд. теңгенің өнеркәсіп өнімі өндірілді.Өңдеу өнеркәсібінде қосылған құны жоғары тауарларды дамыту және қолда бар шикізатты пайдалану басты басымдық болып қала береді.Экономикадағы өңдеуші сектордың үлесі 65,4 пайызды құрайды. Өңдеу өнеркәсібінің екі негізгі өсу нүктесі – химия және құрылыс индустриясы.Жыл басынан бері Жамбыл химия өнеркәсібі 212 млрд. теңгенің өнімін өндіріп, облыс экспортының 77 пайыздан астамын қамтамасыз етті, ал еліміздің химия өндірісіндегі оның үлесі 24 пайызға жуықтады.Өңірде 13 млрд. тонна қоры бар 48 фосфорит кен орны ашылды.Республикалық бойынша облыс кәсіпорындары 100 пайыз фосфор, 81 пайыз минералды тыңайтқыштар өндіреді.2030 жылға қарай жылына 1 млн. тоннаға дейін тыңайтқыштар мен жоғары деңгейде өңделген өнімдердің премиум санаттарын өндіруді жолға қою жоспарлануда.Құрылыс индустриясы да экономиканың драйвері. Еліміз бойынша гипстің 87 пайызы, портландцементтің 13 пайызы өңірдегі өндіріс ошақтарынан шығарылады.Қазақстандағы гипстің барланған қоры (50 млн. тонна) бойынша ең бай кен орны – «Үлкен-Бұрылтау» Жамбыл облысында орналасқан.Биыл «Korcem» ЖШС цемент шығаратын жаңа зауытты (қуаты – 1,5 млн. тонна) іске қосты. Бұл өндірілетін цемент көлемін 3 млн. тоннаға дейін ұлғайтуға мүмкіндік береді.Құрылыс материалдарына сұраныстың артқанын ескере отырып, келесі жылы «Alit Holding» ЖШС құрғақ құрылыс қоспаларын (қуаты – 150 мың тонна), «Кнауф Гипс Тараз» ЖШС гипсокартон шығаратын (қуаты – жылына 22 млн. шаршы метр) зауыт құрылысын бастайды.Жобаларды жүзеге асыру өнім ассортиментін 12 атауға дейін ұлғайтуға мүмкіндік береді.Облыс әкімі 2024 жылы ШОБ-тың 1 152 жобасы қаржыландырылғанын айтты. Нәтижесінде ШОБ субъектілерінің өнім шығару көлемі 23,9 пайызға (596,0 млрд.теңге) өсті.Ақпарат көзі : https://www.gov.kz/memleket/entities/zhambyl/press/news/details/896711

Жамбыл облысында қолайлы инвестициялық ахуал қалыптасуда, мұны өнеркәсіп саласы мен жаңартылатын энергия көздеріндегі ірі жобалар айғақтайды. Бұл туралы облыс әкімі ОКҚ алаңында өткен брифинг барысында кеңінен айтып берді.Жыл басынан бері облыс экономикасына 370,5 млрд. теңге инвестиция тартылды. Инвестициялық қоржында 6,5 мың жаңа жұмыс орнын құруды көздейтін 3,3 трлн. теңгенің 80 жобасы бар, оның он тоғызы (2,8 трлн. теңге) шетелдік инвестордың қатысуымен жүзеге асады. Атап айтқанда, ірі серіктестердің қатарында Qazaq Soda (кальцилендірілген сода), EuroChem (минералды тыңайтқыштар), Knauf (гипсокартон), Shagala mining (мыс өндірісі) бар.10 айдың қорытындысы бойынша 149,7 млрд. теңгеге 21 кәсіпорын іске қосылып, 700 жұмыс орны ашылды. Жобаларды іске асыру барысында заманауи инновациялық технологияларды енгізуге және жергілікті тұрғындарды жұмыспен қамтуға басымдық берілді.Инвесторларды өңірдің ірі өнеркәсіптік әлеуеті мен қолайлы географиялық орналасуы қызықтырады, бұл өткізу нарықтарын жедел реттеуге мүмкіндік береді.Жамбыл облысы еліміздегі жаңартылатын көздерден алынатын электр қуатын ең ірі жеткізушілердің бірі. Шетелдік компаниялармен ынтымақтастық энергетика саласында жаңа перспективаларға жол ашады.«Total Eren», «Masdar» және «China Power» сияқты әлемдік жетекші компаниялар жалпы қуаты 2,5 ГВт жел электр станциясын салу бойынша жобаларды іске асыруда.«Jibek Joly» арнайы экономикалық аймағының аумағында 54 млрд.теңге инвестиция салуды көздейтін «Sаny Renewable Energy» зауытының құрылысы басталды, онда жел генераторларына қажетті құрал-жабдықтар өндіріледі. Жоба импортты алмастыруға және өндірісті өңірде орналастыруға бағытталған.Аумағы 40 мың шаршы метрді құрайтын заманауи өндірістік үй-жайлар салу жоспарланып, оның 30 пайызы кәсіпкерлермен брондалған. Бұл бизнестің аймаққа сенімін көрсетеді.Өндірістік әлеуетті арттыру мақсатында бірден бірнеше экономикалық және индустриялық аймақтар жұмыс істеуде, қолданысқа берілетін алаңдарға мемлекеттік қолдау ретінде инфрақұрылым жүргізілген.Сондай-ақ металлургия зауытының құрылысы (367 млрд. теңге), американдық технологияны пайдалана отырып, натрий цианидін өндіру (50 млрд. теңге), желатин өндірісі (7,8 млрд. теңге), өнеркәсіптік кремний өндірісі (26,4 млрд. теңге) секілді инвестициялық жобаларды іске асыру жоспарлануда.«Тараз» индустриялық аймағының аумағында 1,3 мың жұмыс орнын құра отырып, 137 млрд. теңгеге 15 жобаны жүзеге асыру көзделген.Аудандарда өңдеу өнеркәсібінің үлесін ұлғайту жолымен экономиканы әртараптандыру мақсатында «Меркі», «Құлан», «Сарысу-1» және «Сарысу-2» субаймақтарын 180 гектарға құру бойынша жұмыстар жүргізілуде.Ағымдағы жылы инвесторларға «бір терезе» қағидаты бойынша қызмет көрсететін «Zhambyl Invest» дирекциясы құрылды. Дирекция жобаларды сүйемелдеумен айналысады, оның сегізін жақын арада іске қосу күтілуде.Ақпарат көзі : https://www.gov.kz/memleket/entities/zhambyl/press/news/details/896751

Бүгін, 4 желтоқсан күні Маңғыстау облысының әкімі Нұрдәулет Қилыбай «Orhun Medical» ЖШС-нің бас директоры Дирик Гёненчті қабылдады. Кездесу барысында компанияның аймақтағы денсаулық сақтау саласын дамытуға бағытталған жобалары мен бастамалары талқыланды.Жиында халықтың шетелде емделуге жұмсайтын шығындарын азайту және ел ішінде медициналық қызметтердің қолжетімділігін арттыру мақсатында бірқатар маңызды мәселелер қаралды. Компания өкілдері ұзақ мерзімді онкологиялық орталықтың қызметкерлерін арнайы оқыту бойынша бастамаларды ұсынды.Нұрдәулет Қилыбай облыс тұрғындарының сапалы медициналық қызмет алуын өңірдің басты басымдықтарының бірі екенін атап өтіп, ұсынылған жобаларды іске асыру үшін әкімдік тарапынан жан-жақты қолдау көрсетуге дайын екенін жеткізді.- Маңғыстау халқы өзге елге барып ем іздемей, өз жерінде сапалы медициналық қызмет алуы тиіс. Осы мақсатта облыс әкімдігі тарапынан қолдау көрсетуге дайынбыз. Ең бастысы, бұл бастамалар халықтың игілігіне бағытталып, олардың денсаулығын жақсартуға септігін тигізуі қажет, – деді Нұрдәулет Қилыбай.Айта кетейік, «Orhun Medical» – Қазақстандағы жетекші медициналық компаниялардың бірі. 2015 жылдан бері компания Қазақстан аумағында 14 медициналық нысан ашып, 705 жаңа жұмыс орнын құрды. Онкологиялық ауруларды диагностикалау және емдеу мақсатында ПЭТ/КТ және ОФЭКТ/КТ орталықтарын іске қосуда. Енді, облыс тұрғындары Астана, Алматы қалаларына бармай-ақ, позитронды-эмиссионды томографпен (ПЭТ) зерттейтін онкологиялық диагностикалық орталықтың қызметіне жүгіне алады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/896743

Алматыда ағымдағы жылы төрт инновациялық шығармашылық орталық ашылды, енді тағы екеуі салынады. Үш жылдық бюджеттің тиісті жобасын Алматы Мәслихатының алдағы сессиясында қарау жоспарлануда. Бұл туралы қалалық Мәслихаттың баспасөз қызметі хабарлады.Биыл Алматыда қаланың жас тұрғындарының әлеуетін дамытуға мүмкіндік беретін 4 инновациялық шығармашылық және инклюзивті білім беру орталығы ашылды. Нәтижесінде алматылық оқушылар республикалық және 20 халықаралық олимпиадаларда 64 алтын медаль алды.Бұл бағыттағы жұмыс 2025 жылға дейін жалғасады. Осылайша, Вахтангов көшесі бойындағы Бостандық ауданында даму және шығармашылық орталығының құрылысы жалғасады және Алатау ауданындағы «Саялы» ш/а даму және шығармашылық орталығының құрылысы басталады.Бұдан басқа, келесі жылы Алғабас ш/а инновациялық техникалық колледжінің құрылысы жалғасады, №2 гуманитарлық-педагогикалық колледж бен жатақханасы бар телекоммуникация және машина жасау колледжінің ғимаратына қосымша құрылыс салынады.Ақпарат көзі : https://www.gov.kz/memleket/entities/almaty/press/news/details/896683

2025 жылы Алматыда цифрлық жобаларды дамытуға 16,3 млрд теңге бөліну жоспарланып отыр.2025–2027 жылдарға арналған бюджет жобасы алдағы Мәслихат сессиясында қаралады. Бұл туралы қалалық Мәслихаттың баспасөз қызметі хабарлады.2025 жылы жаңа бюджет аясында қаражат халық көп жиналатын орындар мен «Сергек» аппараттық-бағдарламалық кешеніндегі 6 мың камераны техникалық қызмет көрсетуге бағытталады деп жоспарланып отыр. Бұл кешендердің жұмысы нәтижесінде мегаполисте жол-көлік оқиғаларының саны 17%-ға, ал жол апатынан қаза тапқандар саны 40%-ға азайған. Қазіргі уақытта қалада осындай 1 641 кешен жұмыс істейді. Биылғы жылдың 9 айында Алматыда 3 млн-нан астам құқықбұзушылық тіркелген, оның ішінде 18,7 млрд теңгеден астам айыппұл бюджетке өндірілді.Сонымен қатар, мегаполисте «Бірыңғай бейнемониторинг жүйесі» жобасын іске асыру жалғасуда. Қазіргі таңда жүйеге 45,2 мың бейнекамера қосылған, олардың ішінде 616 мемлекеттік және 240 жеке нысан бар. Келесі жылы олардың саны 70 мыңға дейін артады. Жобаның негізгі мақсаты – қаланың барлық бейнебақылау камерасын біріктіру үшін бірыңғай платформаны енгізу. Бұл бейнеағындарды нақты уақыт режимінде талдауға және оларды түрлі міндеттер үшін пайдалануға мүмкіндік береді. Жасанды интеллект алгоритмдері адамдардың топталуын анықтауға, олардың мінез-құлқын талдауға, төбелес, күдікті заттар, адамдар мен көліктерді іздеуге, сондай-ақ өрт пен түтінді тануға мүмкіндік береді.Келесі жылы коммуналдық қызметтер мен қалалық сервистердің мәселесін шешуге бағытталған жаңа бейнеаналитика түрлерін іске қосу жоспарланған. Олар қоқыс тасталған аймақтарды анықтау, қоқыс контейнерлерінің толу деңгейін бақылау, қоғамдық орындар мен көшелердегі су басу деңгейін бағалау, бұралқы жануарларды анықтау және тағы басқа мәселені қамтиды.Айта кетейік, «Азаматтар көп жиналатын орындарда бейнемониторинг жүйесі» жобасы аясында биылғы жылдың соңына дейін 6 мың камера орнатылады.Бұған қоса, бюджеттен бөлінген қаражаттың бір бөлігі қаланың барлық қызмет белсенділігін онлайн режимде бақылауға мүмкіндік беретін Қалалық ахуалдық орталықты одан әрі дамытуға жұмсалмақ.Ақпарат көзі : https://www.gov.kz/memleket/entities/almaty/press/news/details/896690

Алматыда келесі жылы мектептерді сейсмикалық күшейту арқылы жаңарту және жаңғырту жұмыстары жалғасады. 2025-2027 жылдарға арналған тиісті бюджет жобасы алдағы Мәслихат сессиясында қаралады. Бұл туралы қалалық Мәслихаттың баспасөз қызметі хабарлады.Үш жылдық бюджет жобасына сәйкес, 216 мектепті, 12 интернат мекемесін, 20 колледжді қамтитын 344 мың оқушының білім алуына жағдай жасау үшін шамамен 250 млрд теңге бөліну жоспарланып отыр.Мектептерді сейсмикалық күшейту арқылы жаңғырту мен жаңарту – қалалық әкімдіктің басты басымдығының бірі. Жаңа үш жылдық бюджет қабылданғаннан кейін мегаполисте оқу орындарын жоғары сапа стандарттарына сай жаңғырту жұмыстары жалғасады.Мемлекет басшысының сейсмикалық қауіпсіздікті қамтамасыз ету жөніндегі тапсырмаларын орындау аясында 2025 жылы үш мектептің сейсмикалық күшейту жұмыстары аяқталып, №50 мектеп-лицейі мен Әуезов, Бостандық және Медеу аудандарындағы жеті балабақшада күшейту жұмыстары басталады. Бұған қоса, келесі жылы Зерделі және Шұғыла шағын аудандарында екі мектептің құрылысы аяқталып, 12 мектеп жаңартудан өтеді. Алматыда 2023-2024 жылдары 11 мектептің күрделі жөндеуі сейсмикалық күшейту арқылы аяқталды.Сондай-ақ, келесі жылы мегаполисте ұлттық «Жайлы мектеп» жобасы аясында 24,2 мың оқушы орнын қамтамасыз ететін 14 мектеп пайдалануға беріледі. Жаңа оқу жылына қарай оқушы орындарының тапшылығы «тиісті» деңгейге – 3-4 мың орынға дейін азаяды.Қабылданған шаралардың арқасында Алматыда мектептер біртіндеп бір ауысымды оқу жүйесіне көшуде. Келесі оқу жылына қарай 200-ден астам мемлекеттік мектептің 43-і бір ауысымды оқу форматына көшеді (көрсеткіш 12,5%-дан 18,4%-ға дейін өседі).Қалалық мектептердің инфрақұрылымын жаңғырту мен дамытуға үлкен көңіл бөлінуде. Биыл 89 мектепке жаңа үлгідегі 168 кабинет сатып алынды. Бұл мектептердің қазіргі заманғы пәндік кабинеттермен жабдықталу деңгейін 86,3%-ға жеткізді.2025 жылы Орбита-3, Алтын-Бесік, Құрамыс, Шұғыла және №10 шағын аудандарында 5 балабақшаның құрылысын жалғастыру мен жаңартуға қаржы бөлу жоспарланып отыр. Бұл Мемлекет басшысының 2025 жылға дейін 3 пен 6 жас аралығындағы балаларды 97% мектепке дейінгі біліммен қамту жөніндегі тапсырмасын жүзеге асыру аясында қолға алынады.Сонымен бірге, келесі жылы Қарағайлы, Дархан және Нұркент шағын аудандарында 3 балабақша салу жоспарлануда. Осы құрылыс жұмыстары аяқталғаннан кейін 2 280 бала балабақшаға баруға мүмкіндік алады, бұл шаһарда білім беру мен ерте дамудың сапасын айтарлықтай арттырады.Ақпарат көзі : https://www.gov.kz/memleket/entities/almaty/press/news/details/896696

Алматыда 2025 жылы ұзындығы 5,7 км, аумағы 23,4 га болатын Үлкен Алматы өзенінің жағалауын көріктендіру жұмыстары басталады.2025–2027 жылдарға арналған тиісті бюджет жобасы алдағы Мәслихат сессиясында қаралады. Бұл туралы қалалық Мәслихаттың баспасөз қызметі хабарлады.Жобаға бетонды тірек құрылымдарын жаңарту, жаяу жүргіншілер мен велосипед жолдарын салу, көпірлер орнату, жарықтандыру тіректерін, бейнебақылау камераларын, балалар мен спорт алаңдарын, демалыс аймақтарын және модульдік қоғамдық дәретханаларды орналастыру кіреді. Сонымен қатар, аумақты көгалдандыру және қарау алаңдарын жасау көзделген.Айта кетсек, 2024 жылы Алматының Алатау ауданында Боралдай өзені бойындағы 24 гектар аумақты қамтитын жасыл аймақты көріктендіру аяқталған болатын. Бұл жерде жаяу жүргіншілерге арналған көпір, скейтпарк, балалар мен спорт алаңдары, орындықтар, қоқыс жәшіктері және модульдік дәретханалар орнатылды. Мұндай жобалардың тәжірибесі көрсеткендей, көріктендірілген жағалаулар мен жасыл аймақтар тұрғындардың сүйікті демалыс орнына айналып, қалалық ортаның сапасын арттырады.Ақпарат көзі : https://www.gov.kz/memleket/entities/almaty/press/news/details/896706

Л.Н.Гумилев атындағы Еуразия ұлттық университетінде «Аудит және салық салу» кадрларды даярлау бағыты бойынша Оқу-әдістемелік бірлестіктің кеңейтілген отырысы өттіІс-шараға мемлекеттік органдардың, жоғары оқу орындарының, жұмыс берушілердің және кәсіби қауымдастықтардың өкілдері, сондай-ақ Польша, Ұлыбритания және АҚШ-тан халықаралық сарапшылар қатысты. Олар аудит және салық салу саласында мамандар даярлаудағы өзекті мәселелер мен болашақ перспективаларды талқылады.Отырыстың ашылуы пленарлық мәжілістен басталып, онда Л.Н.Гумилев атындағы ЕҰУ Басқарма төрағасы – ректор Ерлан Батташұлы Сыдықов, Жоғарғы аудиторлық палатаның мүшесі Юлия Федоровна Энгель, Варшава технологиялық университетінің профессоры Надия Шмыголь және басқа да сарапшылар сөз сөйледі. Олар өз баяндамаларында білім беру процесіне цифрландыру мен заманауи технологияларды енгізудің маңыздылығын атап өтті, сондай-ақ «Аудит және салық салу» бағыты бойынша кадрларды даярлаудың негізгі басымдықтарын айқындады.АО «QAZAQGAZ AIMAQ» экономика және қаржы жөніндегі Бас директордың орынбасары Арман Тұрсынқызы Бектұрованың баяндамасы ерекше қызығушылық тудырды. Ол Л.Н.Гумилев атындағы ЕҰУ түлектерінің маңыздылығын атап өтіп, университет мамандарының заманауи еңбек нарығының жылдам өзгеретін жағдайларына және цифрлық трансформацияға бейімделу қабілетіне назар аударды. Оның айтуынша, жұмыс берушілерге тек терең білімге ие ғана емес, сонымен қатар практикалық міндеттерді шеше алатын кәсіби мамандар қажет. Бектұрованың баяндамасы бизнес пен білім беру мекемелері арасындағы табысты ынтымақтастықтың жарқын мысалы болып, бәсекеге қабілетті мамандарды даярлау үшін серіктестік қатынастарды дамытудың қажеттілігін көрсетті.Сондай-ақ «Цифрлық трансформация жағдайында «Аудит және салық салу» және «Мемлекеттік аудит» бағыттары бойынша кадрларды даярлаудағы заманауи трендтер» тақырыбында дөңгелек үстел өтті. Бұл дөңгелек үстел ИРН: BR21882352 «Мемлекеттік аудиттің жаңа парадигмасы мен даму тұжырымдамасын әзірлеу, басқару сапасын бағалау жүйесін жетілдіру және ұлттық ресурстарды тиімді пайдалану бойынша ұсыныстар» бағдарламасы шеңберінде ұйымдастырылды.Дөңгелек үстел барысында шетелдік қатысушылардың баяндамалары ерекше назар аударды. Ұлыбританияның Нортгемптон университетінің профессоры Джил Гурли білім беру бағдарламаларын әзірлеудің инновациялық әдістері, мысалы, CAIeRO және Postmortem туралы баяндады. АҚШ Иллинойс университетінің профессоры Стивен Паренте мемлекеттік аудит жүйесінде жасанды интеллектті қолдану туралы баяндап, осы саладағы цифрландырудың мүмкіндіктері мен перспективаларын атап өтті.Жалпы бұл іс-шара тәжірибе алмасуға және кадрлық әлеуетті дамытуға арналған заманауи тәсілдерді талқылауға арналған алаңға айналды. Бұл халықаралық ынтымақтастықты нығайтуға және аудит пен салық салу саласындағы білім беру бағдарламаларын жетілдіруге ықпал ететін болады.Ақпарат көзі : https://www.gov.kz/memleket/entities/sci/press/news/details/896677

ҚР Энергетика министрлігі «QazaqGaz Aimaq» АҚ бірлесе 2024 жылдың желтоқсанында Шымкент қаласы мен Батыс Қазақстан облысында атаулы әлеуметтік (АӘК) және тұрғын үй көмегін (ТҮК) алатын азаматтарды қолдауға бағытталған пилоттық жобаның жүзеге асырылатынын хабарлайды. Жоба аясында аталмыш аймақтарда тұратын АӘК және ТҮК алушы азаматтар eGov Mobile қосымшасының басты бетіндегі «Әлеуметтік әмиян» сервисінде тауарлық газға жеңілдікті пайдалана алады.АӘК және ТҮК мәртебесіне ие азаматтар 1414 нөмірінен тауарлық газға ваучер түріндегі жеңілдік қолжетімді екендігі туралы SMS-хабарлама алады. Ваучерді «Әлеуметтік әмиян» қызметінде белсендіру қажет.Тұтынушыларға қолайлы болуы үшін оларға тұратын мекен-жайының есептік шотын көрсетсе жеткілікті. Және де тұтынушыға үй-жай құжатын (жекеменшік/ жалға алынған) өткізудің қажеті жоқ.Жеңілдік мөлшері газға есептелген соманың 24%-на дейін жетуі мүмкін. Жеңілдік Шымкент қаласы (631 м3/айына) мен Батыс Қазақстан облысы (833 м3/айына) әкімдіктерімен бекітілген тұтыну газ нормасына сай тұтынылған газ көлеміне берілмек (Тұтыну газ нормасын бекіту барысында сыртқы ауаның орташа айлық температурасы, ғимараттың қуат тиімділігі класы және өзге де көрсеткіштер есепке алынды).Пилоттық жоба бес ай бойына жүзеге асырылып, әрі ол цифрландырылуға және өзге өңірлерге қанат жаюға бағытталмақ.Бастама Қазақстан Республикасы Президентінің 2024 жылдың 2-ші қыркүйегіндегі «Әділетті Қазақстан: құқық тәртібі, экономикалық өрлеу, қоғамдық оптимизм» атты Жолдауы аясында Мемлекет басшысының, мемлекеттік қолдау оған шын мұқтаж жандарға бағытталуы маңызды деп атап көрсеткен тапсырмасына сәйкес орындалуда.Толыққанды ақпарат пен бейне-нұсқаулықты сенім желісінде (5169 қысқа нөмірі), WhatsApp немесе Telegram арқылы +7 771 546-83-90 нөмірі бойынша немесе aimaq.kz сайтынан алуға болады.Ақпарат көзі : https://www.gov.kz/memleket/entities/energo/press/news/details/896741