Мұнайлы ауданында инфрақұрылым мен әлеуметтік жағдайды жақсарту мақсатында бірқатар маңызды жобалар жүзеге асырылуда.Ауданда жалпы ұзындығы 695,6 шақырым тас жол бар. Оның ішінде, аудандық маңызы бар 95,3 шақырым жол 100% асфальт жабындысымен қамтамасыз етілген. Биыл ауылішілік жолдарды жақсарту аясында 70,6 шақырымды құрайтын 11 автокөлік жолының құрылысы жүргізілуде. Сонымен қатар, ұзындығы 50,8 шақырым болатын 6 автокөлік жолына орташа жөндеу жұмыстары орындалуда.Жолаушылар тасымалын жақсарту және тұрғындардың қолайлы қозғалысын қамтамасыз ету бағытында аудан орталығын облыс орталығымен байланыстыратын №107 автобус маршруты кеңейтілді. Тұрғындардың сұранысы бойынша Қызылтөбе, Баянды, Атамекен және Батыр ауылдарын аудан орталығымен байланыстыратын ауданішілік 4 жолсапар іске қосылды. Сонымен қатар, ерекше қажеттілігі бар жандардың еркін қозғалысы үшін инвотакси қызметі енгізілді.Коммуналдық қызметтерді жақсарту мақсатында 2 жүксалғыш тіркемесі бар трактор, 3 «Нива» жеңіл автокөлігі, ассенизатор және су сорғыш құрылғылармен қамтылды.Сондай-ақ, биыл халықты баспанамен қамту үшін 191 пәтер сатып алынып, жыл соңына дейін кезең-кезеңімен табыстау жоспарланып отыр.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/892046

Маңғыстау облысының әкімі Нұрдәулет Қилыбай Мұнайлы ауданына барған жұмыс сапары барысында ауданда іске асатын инвестициялық жобалармен танысты.Мұнайлы ауданының әкімі Ержан Күмісқалиев кәсіпкерлік және ауыл шаруашылығына инвестиция тарту саласындағы негізі мақсат бойынша ауданның экономикалық белсенділігін арттыруға, оның ішінде бәсекеге қабілетті орнықты өндірістерді қалыптастыруға ықпал ететін инвестициялық жобаларды көрсетті.Ауданда 2028 жылға дейін жалпы құны 30 млрд. теңгеден асатын 17 жаңа ірі инвестициялық жобаларды жүзеге асыру жоспарлануда. Оның нәтижесінде 500-ден астам жаңа жұмыс орындары ашылмақ.Инвестициялық жобалар ауылшаруашылық, экология, қатты тұрмыстық қалдықтарды сұрыптау және қайта өңдеу, логистика, металл ұнтағын өндіру, агроөнеркәсіп, жеңіл өнеркәсіп, тұрмыстық химия өнімдерін шығару мен тұрғын-үй секілді салаларды қамтиды.Бүгінде ауданда АӨК саласы бойынша жүзеге асырылатын жобаның бірі Баянды ауылындағы «Ізден Өсерхан» мал шаруашылығы. Қазіргі таңда шаруа қожалықтардың инфрақұрылымы толық қамтылды. Мал ұстау қораларында құрылыс жұмыстары жүргізілуде. Бұл жобаға Солтүстік Қазақстан облысындағы бағдарлама негізінде 2,5% мөлшерлемесіндегі несие бөлу қарастырылуда.Сондай-ақ, қатты тұрмыстық қалдықтарды сұрыптау және қайта өңдеу бойынша «Global KZ Company» ЖШС қазіргі кезде пилоттық режимде пластикалық бөтелкелерді сұрыптау жұмыстарын жүргізуде. Алдағы уақытта айына 80 тонна өнімді сұрыптауды мақсат тұтуда.Сол секілді, «ВЕСТ Рециклинг Компания» ЖШС («West recycling company») 100% инновациялық автоматтандырылған жүйелерді (сигнализация, датчик т.б.) қондыру арқылы жылына 150 000 тонна қатты тұрмыстық қалдықтарды шығару және көму жұмыстарымен айналысады.«Kaz-Ling» ЖШС «Tazalike» тауарлық маркасы арқылы айына 10 тонна сұйық сабын, универсалды тазартқыш өнімдері секілді тұрмыстық химия өнімдерін шығаруда. Алдағы жобаларға сәйкес, өнім көлемін жылына 250 тоннаға арттырмақ ниетте.Мал шаруашылығы мен ауыл шаруашылық өнімдерін арттыру мақсатында Дәулет ауылындағы «Ақатай» шаруа қожалығы «Нұр Капитал» бағдарлама аясында 20 млн. теңге несие алып, қазіргі кезде 250-300 ірі қара мал басы және 300 бас қойды бордақылауда. Алдағы жоспары жылына 600-800 тонна көлемінде етпен ет өнімдерін дайындау.Басқұдық ауылындағы «BAKYT KUS» құс шаруашылығы Бөдене өсірумен айналысады. Бөдене еті мен жұмыртқасын сатып, кәсіптің нәсібін табуда. Шаруашылық алдағы уақытқа тек етті шикізат ретінде емес, олардан бұқтырылған құс етін шығарып, дайын өнім ретінде шығаруды көздейді. Қазіргі кезде 1 айда 1 тонна ет пен 5 мың дана бұқтырылған құс етін дайындайтын қуаттылығы бар цех ашуды көздеп отыр.Облыс әкімі Нұрдәулет Қилыбай аудан тұрғындарының өмір сүру сапасын аттыруға бағытталған жобаларды мерзімінде сапалы аяқтауды тапсырды.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/892047

Бүгін, 27 қараша күні, Маңғыстау облысының әкімі Нұрдәулет Қилыбай Мұнайлы ауданының халқымен кездесіп, көкейде жүрген сұрақтарына жеке қабылдауда жауап берді. Өңір басшысына аудандағы түйіткілді мәселелерді жеткізуге 600-ге жуық тұрғын жиналды.Алдымен Мұнайлы ауданының әкімі Ержан Күмісқалиев 2024 жылдың 10 айының қорытындысы бойынша ауданның әлеуметтік-экономикалық даму көрсеткіштеріне шолу жасап, атқарылған жұмыстар туралы есеп берді.Биыл Маңғыстау ауылында «Алтын Көпір» әртараптандырылған сауда орталығы ашылды. Құрылысы аяқталған бұл нысан қыркүйек айында салтанатты түрде іске қосылды. Сол сияқты, Басқұдық ауылдық округінде «Әбен» сауда орталығы пайдалануға берілді.Өндіріс саласында Қызылтөбе ауылдық округінде металл ұнтағын өндіретін зауыттың құрылысы аяқталып, жыл соңына дейін іске қосылмақ. Кәсіпорынның жылдық қуаты 3500 тонна болып, 50 адамды тұрақты жұмыспен қамту жоспарлануда.Сонымен бірге, ауданда ауыл шаруашылығы саласында да белсенді жұмыстар атқарылуда. Жалпы аудан бойынша 374,5 гектар аумаққа егін егілсе, Қызылқұм жерінде 40 шаруашылық көкөніс және бақша дақылдарын өсіруде. Сондай-ақ, ауданда жалпы аумағы 12,7 гектарды құрайтын 23 жылыжай бар.2025-2028 жылдары Мұнайлы ауданында жеңіл өнеркәсіп, өңдеу өндірісі және мал шаруашылығы бағытында тағы 10 инвестициялық жобаны іске асыру көзделіп отыр.Сонымен қатар, халықтың аз қамтамасыз етілген топтарын қолдау мақсатында жыл басынан бері 23 мың азаматқа 935,4 млн теңге көлемінде әлеуметтік қолдау көрсетілген.Ал мүгедектігі бар адамдарға қолдау көрсету үшін инватакси қызметі ұсынылуда. Қазіргі таңда бұл қызметті 3 автокөлік атқарады. 2024 жылы олардың саны артып, 1 жаңа автокөлік сатып алынды.Кездесу барысында жергілікті тұрғындар кәріз жүйесі, жер алу кезегі, жол құрылысы, аялдама салу, қоқыс шығару, ауыз су мәселелері сияқты көптеген өзекті сұрақтарды көтерді. Сондай-ақ, денсаулық сақтау, білім беру, мәдениет және спорт салаларын дамытуға қатысты ұсыныстар айтылды.Облыс әкімі тұрғындардың өтініштерін тыңдап, жауапты сала басшыларына туындаған мәселелерді заң аясында шешуді тапсырды.Кездесуден кейін Нұрдәулет Қилыбай жеке мәселелері бойынша тіркелген аудан азаматтарын қабылдады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/892052

27 қарашада Маңғыстау облысының әкімі Нұрдәулет Қилыбай Мұнайлы ауданының халқымен кездесуден кейін азаматтарды жеке мәселелерімен қабылдады. Қабылдауға келген тұрғындардың бірі ерекше балаларды қоғамға бейімдеу және дамыту мақсатында арнайы орталық ашу үшін ғимарат бөлуді сұрады. Облыс әкімі бұл маңызды ұсынысты қолдап, аудан басшысына заң аясында бар мүмкіндікті қарастырып, тиісті қолдау көрсетуді тапсырды.Сондай-ақ, облыстық көркем және эстетикалық гимнастика федерациясының директоры Гүлзира Ақжігітова гимнастшыларға арналған арнайы жаттығу залының құрылысын салу мәселесін көтеріп, тиімді несие алу үшін көмек сұрады. Облыс басшысы бұл мәселені шешу үшін жауапты тұлғаларға несие алудың тиімді жолдарын қарастырып, көмектесуді тапсырды.Қабылдау барысында тұрғындар ауданның инфрақұрылымдық мәселелерін де көтерді. Маңғыстау ауылының тұрғындары көшелерге жарық орнатылғанымен, шамдардың жиі істен шығып жатқанын айтып, жарықтандыру жүйесін жақсартуды өтінді. Ал Баянды ауылының тұрғындары ауыз судың жетіспеушілігіне шағымданып, оның көлемін ұлғайту қажеттігін атап өтті.Сонымен қатар, Батыр ауылының тұрғындары ауылға Каспий банктің терминалын орнату туралы өтініш білдірді. Бұл мәселе бойынша банктың бас кеңсесіне хат жолданып, ұсыныс берілді.Жалпы қабылдауға келген 100-ден астам азамат тұрғын үй жағдайын жақсарту, жұмыссыздық пен қоғамдық көлік қажеттілігін шешу, білім беру мен денсаулық сақтау салаларын дамыту, балалар ойын алаңдарын салу, ауыл шаруашылығын қолдау және туризм мен кәсіпкерлікті дамыту бойынша мәселелер көтерді.Нұрдәулет Қилыбай әрбір өтінішті тыңдап, жауапты тұлғаларға нақты тапсырмалар берді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/892055

Абай облысының әкімі Нұрлан Ұранхаев 26-27 қараша күндері Башқұртстан астанасында өткен Қазақстан мен Ресейдің XX өңіраралық форумына қатысты. Форум екіжақты өзара іс-қимылдың өзекті мәселелерін талқылау үшін негізгі алаңға айналды.Жиында сауда-экономикалық ынтымақтастықтың әлеуетін іске асыру, өңіраралық байланыстар мен өнеркәсіптік кооперацияны кеңейту мәселелеріне ерекше назар аударылды. Пленарлық отырыстар мен панельдік сессияларға Қазақстан мен Ресейдің жоғары лауазымды өкілдері қатысты. Бұл форумның халықаралық аренада маңыздылығын айқындай түседі.«Бүгін біз жаһандық сын-қатерлер жағдайында кооперацияны дамытудың қаншалықты маңызды екенін көріп отырмыз. Бизнесті қолдауға, инвестициялар үшін жағдай жасау мен экономикамыздың ұзақ мерзімді тұрақтылығын қамтамасыз ететін бірлескен жобаларды іске асыруға ерекше назар аударған жөн», - деп атап өтті аймақ басшысы.B2B-кездесулер алаңы форум қатысушыларының назарын аударып, тәжірибе алмасуға, жаңа іскерлік байланыстар орнатуға және экономиканың негізгі салаларындағы ынтымақтастық перспективаларын талқылауға мүмкіндік берді.Ақпарат көзі : https://www.gov.kz/memleket/entities/abay/press/news/details/892066

2024 жылдың 27 қарашасында «КОREМ» АҚ сауда алаңында «Солтүстік-Оңтүстік» өткізу мүмкіндігі ескеріле отырып, ҚР БЭЖ Солтүстік және Оңтүстік аймақтары бойынша электр қуатының орталықтандырылған сауда-саттығы өткізілді.Электр қуатының орталықтандырылған сауда-саттығын өткізу үшін Бірыңғай сатып алушы мен Жүйелік оператор «КОREМ» АҚ-на мынадай бастапқы параметрлерді ұсынды:ҚР БЭЖ Солтүстік және Оңтүстік аймақтары бойынша электр қуатына болжамды сұраныс – 6 113.1 МВт, оның ішінде ҚР БЭЖ Солтүстік аймағы бойынша– 4 480.2 МВт, ҚР БЭЖ Оңтүстік аймағы бойынша – 1 632.9 МВт;ҚР БЭЖ Солтүстік және Оңтүстік аймақтарын қосатын электр беру желілерінің өткізу қабілетінің көлемі – 1100 МВт.Электр қуатының әзірлігін ұстап тұру бойынша көрсетілетін қызметіне шекті тариф – айына 1 170 мың теңге/МВт (ҚҚС-сыз).Электр қуатының орталықтандырылған сауда-саттығына 21 энергия өндіруші ұйым қатысты.Электр қуатының орталықтандырылған сауда-саттығының қорытындылары бойынша ҚР БЭЖ Солтүстік және Оңтүстік аймақтары бойынша сатылған қуаттардың жалпы көлемі 6 113.1 МВт құрады, оның ішінде ҚР БЭЖ Солтүстік аймағы бойынша – 4 480.2 МВт және ҚР БЭЖ Оңтүстік аймағы бойынша – 1 632.9 МВт. Сауда жүйесінде 21 мәміле жасалды. Электр қуатының орталықтандырылған сауда-саттығының қорытындысы бойынша орташа алынған баға айына 1 160 мың теңге/МВт (ҚҚС-сыз) құрады. Сауда жүйесіне энергия өндіруші ұйымдардан түскен өтінімдердің жалпы көлемі 7 926 МВт құрады.Электр қуатының әзірлігін ұстап тұру бойынша көрсетілетін қызметтің іске асырылмаған көлемі 1 812.9 МВт құрады.Электр қуатының орталықтандырылған сауда-саттығына бақылаушылар ретінде Қазақстан Республикасы Энергетика министрлігінің, «Қазақстан электрэнергетика қауымдастығы» ЗТБ, «ЖЭК жөніндегі ҚЕАО» ЖШС-нің өкілдері қатысты.Электр қуатының орталықтандырылған сауда-саттығының нәтижелерін мына сілтеме арқылы көре аласыз: https://www.korem.kz/kaz/itogitorgov/rynok_moshnosti/Ақпарат көзі : https://www.gov.kz/memleket/entities/energo/press/news/details/892085

Ғани Бейсембаев азаматтарды жеке мәселелері бойынша қабылдады. Еліміздің тұрғындарына әр өңірден бейне байланыс режимінде де өз сұрақтарын қою мүмкіндігі берілді. Өтініштер негізінен мектепке дейінгі және орта білім беруден бастап техникалық және кәсіптік оқыту, сондай-ақ инклюзивті білім беру мәселелерін қамтыды. Министр тұрғындар тарапынан қойылған сұрақтарға толыққанды жауап берді. Қосымша зерделеу мен пысықтауды қажет ететін мәселелер ведомство басшысының жеке бақылауына алынды. Қабылдау қорытындысы бойынша Оқу-ағарту министрлігінің комитеттері мен құрылымдық бөлімшелерінің басшыларына нақты тапсырмалар берілді. Айта кетейік, министрдің азаматтарды жеке қабылдауы өңірлерде де өтеді, сондай-ақ Астана қаласында Мәңгілік Ел даңғылы 8, Министрліктер үйі, 16 кіреберісте орналасқан азаматтарды қабылдаудың мамандандырылған орталығында ұйымдастырылады.Ақпарат көзі : https://www.gov.kz/memleket/entities/edu/press/news/details/892077

Бұл туралы Орталық коммуникациялар қызметінің Түркістандағы көшпелі баспасөз мәслихатында Түркістан облысының әкімі Дархан Сатыбалды мәлімдеді.Түркістан облысында алғаш рет «Шағын өнеркәсіптік парк» жобасы жүзеге асырылуда.– Әлемдегі экономикасы дамыған алпауыт мемлекеттердің тарихына қарасаңыз, өркениетке жету жолы өндірістен басталған. Егер біз де салаға серпін беретін заманауи кәсіпорындарды құра алсақ, экономикалық тәуелсіздікті де бекіте түсеміз. Ең бастысы сол зауыт пен фабрикада еңбек ететін елдің санасы өзгеріп, еңсесі тіктеліп, отандық тауар айналымының үлесі артады. Сондықтан біз облыста алғаш рет 100 гектар аумақта «Шағын өнеркәсіптік парк» жобасын ашқанымызды ерекше атап өткім келеді. Жоба аясында 308 млрд. теңге инвестиция тартылып, 151 өндірістік ғимарат салынады. 6 мыңға жуық жаңа жұмыс орны құрылады. Бюджетке жылына 2 млрд. теңге салық түседі. Қазір 10 нысан салынып, 8 кәсіпорын ашылып, 712 жұмыс орны құрылып үлгерді, – деді Дархан Сатыбалды.Аталған аумақта жаңбырлатып суғару қондырғыларын шығаратын кәсіпорындар ашылды. Жиһаз, мұздатқыш және құрылыс заттарын шығаратын зауыттар қолданысқа берілді. Бұрын тек шетелден әкелінетін су үнемдеу технологиялары бүгінде Түркістанда шығарылуда. Өндірістік паркте ашылған компаниялардың су үнемдеу технологиялары еліміздің өзге өңірлеріне де сатылып жатыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/892036

Бұл туралы Орталық коммуникациялар қызметінің Түркістандағы көшпелі баспасөз мәслихатында Түркістан облысының әкімі Дархан Сатыбалды атап өтті.Түркістан облысында Мемлекет басшысының инвестиция тарту бағытындағы тапсырмасына байланысты қарқынды жұмыс жүріп жатыр. Облысқа жыл басынан 888,5 млрд. теңге инвестиция тартылып, өткен жылдың тиісті кезеңімен салыстырғанда 17,7%-ға артты. Ал жыл басынан бері тікелей шетелдік инвестиция көлемі 685 млн. АҚШ долларын құрап, жылдық жоспар 1,5 есеге артығымен орындалды. Бұл туралы Бұл туралы Орталық коммуникациялар қызметінің баспасөз мәслихатында Түркістан облысының әкімі Дархан Сатыбалды баяндады.– Облысқа инвестиция тарту және тәжірибе алмасу мақсатында Қытай, Ресей, Аустралия, Өзбекстан, Қатар және Оңтүстік Корея елдеріне түркістандық кәсіпкерлердің сапарын ұйымдастырып, алпауыт компаниялармен маңызды келіссөздер жүргізілді. Нәтижесінде шетел капиталының қатысуымен жалпы құны 910 млн. АҚШ долларын құрайтын 6 инвестициялық жоба басталды. Бұдан бөлек, қазан айында Түркістан қаласына 127 шетелдік компанияны шақырып, 301 млрд. теңге көлемінде 35 меморандумға қол қойылды, – деді Дархан Сатыбалды.Осы келісім арқылы дрон, бейнекамера, медициналық жиhаз, тұрмыстық техника өндіретін кәсіпорындарды ашу жұмыстары басталды. Аймақта «Өнеркәсіптік жылы-жай кешені», «Алюминий бұйымдарын шығаратын зауыт», «Өнеркәсіптік тоңазытқыштар шығаратын зауыт», «Каустикалық сода, пвх, кальций карбиді, әк цемент шығаратын зауыт» жобалары жүзеге асуда. Сонымен бірге фосфорит кендерін өңдеу және мұнай өңдеу зауыттары салынуда. Алдағы уақытта түркістандық зауыттар өз елімізді және экспортты түрлі өніммен қамтамасыз ететін болады. Одан бөлек, алдағы уақытта индустриалды аймақтарда тұрмыстық техника, өсімдік майы, газ қондырғылары, лифт құрастыру, әскери палатка, санфаянс, сэндвич панелі және сусындар өндіретін зауыттар ашылады.Облыста энертегика, агроөнеркәсіптік кешен, өндіріс және қайта өңдеу, туризм салаларында маңызды 145 инвестициялық жобалар пулы дайындалды. Аталған жобаларды жүзеге асыру арқылы 20 мыңнан астам жаңа жұмыс орны ашылып, кірістер қосымша 100 млрд. теңгеге ұлғаяды. Бүгінгі күні, жалпы құны 86 млрд. теңге болатын 31 инвестцииялық жоба іске қосылып, 1300-ден астам жұмыс орны ашылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/892039

Бұл туралы Орталық коммуникациялар қызметінің алаңында облыстың әлеуметтік-экономикалық дамуы туралы есеп беру барысында Түркістан облысының әкімі Дархан Сатыбалды мәлімдеді.– Біздің өңірдің басты ерекшілігі – халықтың 80 пайызы ауылдарда тұрады. Сондықтан да ауыл шаруашылығы – өңірдің маңызды саласы. Біз ауыл шаруашылығын әртараптандыру, су үнемдеу технологияларын енгізу, мал мен өсімдік өнімін терең өңдеу бағытында жұмыс жүргізудеміз. Өздеріңізге белгілі, елімізде жыл сайын ағын су тапшылығы байқалады. Түркістан облысына қажетті судың 70 пайызы көрші мемлекеттен келеді. Сондықтан ауыл шаруашылығында заманауи су үнемдеу технологиясын ендіріп, жаңа дақылдар мен сорттарды өсіруге басымдық береміз. Су үнемдеу технологиясын 216,3 мың гектарға енгізіп, суармалы жерлердің үлесін 40%-ға жеткізу жоспарымыз бар. Биылдың өзінде бұл технология жалпы 50 мың гектарға дейін жеткізілді. Су үнемдеу технологияларының қолжетімділігін арттыру бағыттында жалпы құны 11,7 млрд. теңгені құрайтын 3 өндіріс орындарын аштық, – деді Дархан Сатыбалды.Түркістан облысында ауыл шаруашылығында өнім көлемі 958 млрд. теңгені құрап, өсім 105,8 пайызға жетті. Ауыл шаруашылығы өнім көлемі бойынша облыс республикада жетекші орында тұр. Бұл бағытта нарықты отандық өнімдермен қамтамасыз ету мақсатында 2024-2027 жылдарға жалпы 507 млрд теңге болатын 105 жобаны іске асыру жоспарланған. Осы арқылы 8 мыңнан астам (8 346) жұмыс орны қалыптаспақ. Аймақта «BNK Group LTD» компаниясының құны 7 млрд. теңге құрайтын «Жылына 1000 дана жаңбырлатып суғару машиналарын шығару» зауыты, құны 4,1 млрд. теңге болатын «14 мың гектар тамшылатып суару өндірісі», «Тұран су» мемлекеттік кәсіпорнының құны 650 млн. теңгені құрайтын жылына 9 мың гектар тамшылатып суару жүйесін шығаратын өндірісі толығымен іске қосылған. Оған қоса шетелдік инвестордың құны 2 млрд. теңге болатын 40 мың гектарға тамшылатып суару өндірісі келесі жылы жүзеге асырылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/892040

Астанада "Астана жастары" ЖРО бастамасымен жастар арасында лудомания мен алаяқтықтың алдын алуға бағытталған Jarqyn bolashaq жобасы жүзеге асырылуда, деп хабарлайды қалалық әкімдіктің ресми сайты.Jarqyn bolashaq жобасы аясында университеттер мен колледждерде Komek Center тәуелділікті оңалту және емдеу орталығының тәжірибелі психологтары мен аддиктологтары дәрістер өткізеді.Ұйымдастырушылар жастар үшін тренингтер, кездесулер және белсенді іс-шаралар өткізеді. Олардың арасында боулинг пен пейнтбол матчтары бар, олар жастарға құмар ойындарға қатысы жоқ демалыс пен көңіл көтерудің балама жолдарын табуға мүмкіндік береді.Алаяқтық тәуекелдеріне арналған дәрістерге қылмыскерлердің құрбаны болмау жолдарын түсіндіретін және қылмыстық схемаларға қатысқаны үшін қылмыстық жауапкершілік туралы хабардар ететін қылмыстық полиция қызметкерлері қатысады.8-11 сынып оқушыларының ата-аналары үшін кездесулер ұйымдастырылады, онда жасөспірімдерде лудоманияны анықтау әдістері және осы мәселені шешу жолдары талқыланады.Жоба 15 пен 23 жас аралығындағы жастарға, соның ішінде мектеп оқушыларына, колледж студенттеріне және университеттерге бағытталған. Соның аясында құмар ойындарының жарнамасына қарсы шаралар қабылдануда, оның ішінде сыртқы жарнамалар орналастырылады және көмек алуға болатын сенім телефондары туралы ақпарат беріледі."Jarqyn bolashaq жобасы қазіргі жастардың алдында тұрған тәуекелдердің алдын алуға елеулі үлес қосып жатыр. Біз осындай бастамаларды қолдаймыз, өйткені олар лудомания мен алаяқтық мәселелерін жеңілдетіп қана қоймай, салауатты өмір салтын және оң жеке қасиеттерді дамытуға ықпал ететін баламаларды ұсынады. Бұл саналы және жауапты жастар ортасын қалыптастырудағы маңызды қадам әрі біз болашақты тәуелділіксіз және алдаусыз қамтамасыз ететін жобаларды қолдауға қуаныштымыз", - деп атап өтті “Астана жастары" ЖРО маманы Олжас Амангелді.Ақпарат көзі : https://www.gov.kz/memleket/entities/astana/press/news/details/891918

Қазақстан Республикасының Үкіметі мен Ресей Федерациясының Үкіметі арасындағы 1999 жылғы 18 қарашадағы «Байқоңыр» ғарыш айлағынан ғарыш аппараттарын ұшыру және зымырандарды сынақтан өткізу жоспарлары бойынша қорытынды (келісім) беру және алу тәртібі туралы келісімге сәйкес Ресей тарапы дипломатиялық арналар арқылы 2025 жылға арналған Ғарыш аппараттарын ұшыру жоспарын тапсырды.2025 жылы ұшырылымдар келесідей болады:* Ресей Федерациясының "Ресейдің ғарыштық қызметі"мемлекеттік бағдарламасы; * халықаралық ынтымақтастық бағдарламалары;* коммерциялық жобалар.Қазақстан Республикасының Сыртқы істер министрлігі ұсынылған жоспарда әскери мақсаттағы ғарыш аппараттарын ұшыру, сондай-ақ «Байқоңыр» ғарыш айлағынан зымырандарды сынақтан өткізу жоқ екенін хабарлады.Ұсынылған жоспар Қазақстан Республикасы мен Ресей Федерациясы арасындағы ғарыш саласындағы тығыз ынтымақтастықтың жалғасуын, сондай-ақ халықаралық ашықтық нормалары мен қағидаттарының сақталуын көрсетеді. ҚР ЦДИАӨМ баспасөз қызметі Ақпарат көзі : https://www.gov.kz/memleket/entities/mdai/press/news/details/892032

Бұл туралы Орталық коммуникациялар қызметінің Түркістандағы көшпелі баспасөз мәслихатында Түркістан облысының әкімі Дархан Сатыбалды баяндады. Биылғы 10 айда Түркістан облысының әлеуметтік-экономикалық дамуының оң өсімге қол жеткізілді. Экономиканың басты көрсеткіші болып табылатын жалпы өңірлік өнім көлемі алдын ала есеп бойынша 4 трлн. теңгеден асты. Қысқа мерзімді экономикалық өсім 110%-ды құрады (ҚР-105,3%).– Ел Президенті Қасым-Жомарт Кемелұлы Қазақстан халқына арнаған «Әділетті Қазақстан: Заң мен тәртіп, экономикалық өсім, қоғамдық оптимизм» атты биылғы Жолдауында экономиканың құрылымын өзгертуге баса назар аударуды тапсырды. Инвестиция тарту жұмысын күшейту керектігін айтты. Түркістан өңірінде осы бағытта нақты жұмыстар атқарылып жатыр. Нәтижесінде кіріс көздері ұлғайып, өндіріс орындары көбеюде, – деді Дархан Сатыбалды.Аймақта өнеркәсіп өнім көлемі 8,8%-ға артып, 960 млрд. теңгеден асты. Оның ішінде қайта өңдеуге барынша басымдық берілуде. Есепті кезеңде өңдеу өнеркәсібінде 463 млрд. теңгенің өнімі өндіріліп, өсім 113%-ға артты. Өсім негізінен тау-кен (105,2%), тамақ (103,5%), жеңіл өнеркәсіп (105,9%), машина жасау (106,7%) және жиһаз (1,6 есе) өндірістері есебінен орын алды.Өңірде өндірісті дамыту үшін энергетика тапшылығын шешу және индустриалды аймақтарға қолайлы жағдай жасау мақсатында, Үкіметке электр энергия бағасын төмендету бойынша ұсыныс енгізіліп, қолдау тапқан. Сонымен бірге энергетика тапшылығын шешу мақсатында 1,9 трлн. теңгеге жалпы қуаты 2,7 ГВт болатын 7 ірі жоба жүзеге асырылады. Оның ішінде Сайрамда қуаты 1000 МВт болатын станцияның құрылысы басталып кеткен.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/892029

Семейде күзгі әскерге шақыру науқаны бойынша облыстық кеңес өтті. Кеңеске Абай облысы әкімінің орынбасары Димитрий Гариков жетекшілік етіп, әскерге шақыру жүйесінің тиімділігін арттыруға бағытталған нақты ұсыныстар жасалды.Бұдан бөлек, жиында облыстық қорғаныс департаментінің жаңа басшысы Руслан Омаров таныстырылды. Алдағы шақыру науқанын ұйымдастыруда тәжірибесі мол әскери маманнның біліктілігі қажет. Кеңесте шақырту науқанындағы олқылықтар мен жетістіктер талқыланып, аудан әкімдіктері мен мекемелерге бірнеше нақты тапсырмалар жүктелді.Ақпарат көзі : https://www.gov.kz/memleket/entities/abay/press/news/details/892019

9 ЖЕЛТОҚСАНДА МАГИСТРАТУРАҒА ГРАНТ ТАҒАЙЫНДАУ КОНКУРСЫНА ҚАТЫСУ ҮШІН ҚҰЖАТ ҚАБЫЛДАУ БАСТАЛАДЫ9 желтоқсанда магистратураға білім гранттарын тағайындау конкурсына қатысу үшін құжаттар қабылдау басталады. Ол 13 желтоқсанға дейін (қоса алғанда) жоғары оқу орындарының қабылдау комиссиялары, оның ішінде виртуалды қабылдау комиссиялары арқылы жүзеге асырылады.Магистратураға түсуге арналған кешенді тестілеуді 10 мыңға жуық адам тапсырды. Олардың 32%-ы шекті балл жинады. Орташа көрсеткіш – ғылыми-педагогикалық бағыт бойынша 71 балл, бейіндік бағыт бойынша 24 балл. Ең жоғары балл – 135.Тестілеу қорытындысы бойынша 38 қатысушының нәтижесі жойылды. Оның ішінде 25 оқуға түсуші смартфон, шпаргалка және басқа да тыйым салынған заттарды алып өтуге тырысқаны үшін тест тапсыру мүмкіндігінен айырылды. Кешенді тестілеу кезінде ережелерді бұзғаны үшін аудиториядан 12 адам шығарылып, олардың нәтижелері жойылды. Сондай-ақ тестілеу бейнежазбаларын қайта тексеру нәтижесінде 1 адамның балы жойылды. Бөгде тұлға анықталған жоқ.Республикалық апелляциялық комиссияға 5,5 мың өтініш, оның ішінде мазмұны бойынша 5,1 мың, техникалық себептерге байланысты 344 өтініш түсті. Апелляциялық комиссияның шешімімен 54 бірегей тест тапсырмасы қанағаттандырылды: мазмұны бойынша – 44, техникалық себептерге байланысты – 10 тапсырма.Ғылыми-педагогикалық бағыт бойынша магистратураға түсу үшін кемінде 75 балл, бейіндік бағыт бойынша кемінде 30 балл жинау қажет.Магистратурада оқуға арналған білім беру гранттары кешенді тестілеу нәтижелері бойынша конкурстық негізде тағайындалады.Грант конкурсына құжаттарды қабылдау 9-13 желтоқсан аралығында ЖОО-ның қабылдау комиссиялары, оның ішінде онлайн виртуалды комиссиялар арқылы жүзеге асырылады. Яғни болашақ магистранттар құжаттарын дәстүрлі және онлайн форматта тапсыра алады.Конкурсқа қатысу үшін келесі құжаттарды тапсыру қажет: жеке куәліктің көшірмесі, жоғары білімі туралы құжат (диплом және қосымшасы); КТ сертификаты және шет тілін меңгергендігін растайтын халықаралық сертификаттар (бар болған жағдайда). 075/у нысанындағы медициналық анықтаманы жоғары оқу орнына түскенде тапсырады.Құжаттарды тапсыру кезінде оқуға түсуші білім беру бағдарламаларының бір тобын және үш жоғары оқу орнын көрсете алады.Магистратураға түсушілер 4 мың мемлекеттік білім грантына үміткер бола алады.Магистратураға білім беру гранты иегерлерінің тізімі 25 желтоқсанға дейін ҚР Ғылым және жоғары білім министрлігі мен Ұлттық тестілеу орталығының ресми сайтында және әлеуметтік желілерінде жарияланады.Болашақ магистранттардың оқуға қабылдануы 26 желтоқсан мен 2025 жылдың 10 қаңтары аралығында жүргізіледі.Ақпарат көзі : https://www.gov.kz/memleket/entities/sci/press/news/details/892016

Халықаралық және өңірлік күн тәртібіндегі өзекті мәселелер Сыртқы істер министрлері кеңесінің, Қорғаныс министрлері кеңесінің, Қауіпсіздік кеңестері хатшылары комитетінің бірлескен отырысы және ҰҚШҰ Ұжымдық Қауіпсіздік Кеңесінің сессиясы шеңберінде қаралды.Іс-шараларға Беларусь, Қазақстан, Қырғызстан, Ресей және Тәжікстанның сыртқы саяси және қорғаныс ведомстволарының басшылары, қауіпсіздік кеңестерінің хатшылары және ҰҚШҰ Бас хатшысы Иманғали Тасмағамбетов, Ұйымның Біріккен штабының бастығы Андрей Сердюков қатысты.Тараптар өңірлердегі әскери-саяси ахуалдың аспектілерін, ұжымдық қауіпсіздік жүйесін одан әрі дамыту перспективаларын талқылап, ҰҚШҰ шеңберіндегі ынтымақтастықты қорытындылады.1941-1945 жылдардағы Ұлы Отан соғысындағы Жеңістің 80 жылдығына байланысты мәлімдеме жарияланып, бірлескен мерейтойлық іс-шаралар жоспарына қол қойылды.2025 жылы Қырғызстанның ҰҚШҰ-ға төрағалық етуінің басымдықтары туралы кездесуге қатысушыларды осы елдің Сыртқы істер министрі хабардар етті.Бірлескен отырыстардың қорытындысы бойынша бірқатар құжаттарға қол қойылды.Ақпарат көзі : https://www.gov.kz/memleket/entities/mod/press/news/details/892009

Астана, 2024 жылғы 28 қараша – Қазақстан Республикасының төрағалығымен Ұжымдық қауіпсіздік туралы шарт ұйымының Сыртқы істер министрлері кеңесінің, Қорғаныс министрлері кеңесінің және Қауіпсіздік кеңестері хатшылары комитетінің бірлескен отырысы өтті.Іс-шараға Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу, Қауіпсіздік Кеңесінің Хатшысы Ғизат Нұрдәулетов және Қорғаныс министрі Руслан Жақсылықов құрамындағы қазақ делегациясы қатысты.Кездесу барысында ҰҚШҰ ұжымдық қауіпсіздік аймақтарындағы әскери-саяси ахуал және Ұйымның сессияаралық кезеңдегі қызметі талқыланды.халықаралық күн тәртібіне ерекше назар бөлінді, Таяу Шығыстағы және Ауғанстандағы ахуал бойынша егжей-тегжейлі пікір алмасу өтті.Іс-шара қорытындысы бойынша ҰҚШҰ Ұжымдық қауіпсіздік кеңесіне қол қоюға шығарылатын құжаттардың жобалары мақұлданды.Олардың ішінде – Ұжымдық қауіпсіздік кеңесінің декларациясы, Ұлы Отан соғысындағы Жеңістің 80-жылдығына байланысты ҰҚК мәлімдемесі және іс-шаралар жоспары.Әскери және басқа да құралымдарды, жылжымалы мүлікті, әскери мақсаттағы өнімді тасымалдау саласындағы халықаралық шарттар және Ұжымдық қауіпсіздік кеңесінің ҰҚШҰ одақтастық қатынастарды одан әрі нығайту туралы шешімінің жобасы мақұлданды.Сыртқы саяси ведомстволарының басшылары Ауғанстандағы жағдай, сондай-ақ ҰҚШҰ-ға БҰҰ Бас Ассамблеясының жанында байқаушы мәртебесін берілгеніне 20-жылдығы туралы мәлімдемелерді қабылдады.Қорғаныс министрлері және қауіпсіздік кеңестерінің хатшылары ЖДҚК-ын дайындау және қолдану негіздерін, сондай-ақ ҰҚШҰ Әскерлерін медициналық қамтамасыз ету бойынша ұсынымдарды бекітті.Бірлескен отырысқа қатысушылар 28 қарашаның екінші жартысында Астанада өтетін ҰҚШҰ Ұжымдық қауіпсіздік кеңесі сессиясы күн тәртібінің жобасын келісті.ҰҚШҰ-дағы төрағалық Қырғыз Республикасына ауысатынына орай СІМК, ҚМК және ҚКХК кезекті отырыстары келесі жылдың бірінші жартысында Қырғызстанда өтеді.Ақпарат көзі : https://www.gov.kz/memleket/entities/mfa/press/news/details/892004

2024 жылдың 26-28 қарашасы аралығында Венада азық-түлік қауіпсіздігі, климаттың өзгеруі, денсаулық және суды басқару мәселелеріне арналған Ядролық ғылым, технологиялар және қолданбалы бағдарламалар бойынша Атом энергиясы жөніндегі халықаралық агенттіктің (АЭХА) министрлер конференциясы өтті.Сонымен қатар, конференцияда ядролық технологияларды дамытуға және олардың әртүрлі салалардағы қауіпсіздігін арттыруға бағытталған техникалық ынтымақтастық бағдарламалары, сондай-ақ осы жаһандық мәселелерді шешудегі ядролық технологиялардың рөлі талқыланып, осы салаларда одан әрі ынтымақтастық пен білім алмасудың маңыздылығы атап өтілді.Қазақстан Республикасынан конференцияға Қазақстан Республикасы Энергетика министрлігінің Атом энергетикасы және өнеркәсіп департаментінің директоры Ғұмар Серғазин және Қазақстан Республикасы Сыртқы істер министрлігінің өкілдері қатысты.Конференцияда сөйлеген сөзінде Ғұмар Серғазин: «Қазақстан ұлттық әлеуетті нығайтуға, инновациялық шешімдерді енгізуге және озық әлемдік тәжірибені таратуға бірегей мүмкіндіктер беретін АЭХА-ның Техникалық ынтымақтастық бағдарламасын жоғары бағалайды және толығымен қолдайды», - деп атап өтті.Ғұмар Серғазин атап өткендей, АЭХА-ның техникалық ынтымақтастық бағдарламасы тұрақты даму мақсаттарына қол жеткізуде және атом энергетикасы саласындағы халықаралық қауіпсіздікті нығайтуда маңызды рөл атқарады.Конференция жаһандық сын-қатерлерді шешу және жер шарындағы тұрақты дамуға қол жеткізу үшін елдердің бірлескен күш-жігерінің маңыздылығын көрсетті. Қазақстан атом энергетикасы саласындағы халықаралық міндеттемелерге бейілді болып қала береді және осы мақсаттарға қол жеткізу үшін АЭХА-мен белсенді ынтымақтастықты жалғастырады.Ақпарат көзі : https://www.gov.kz/memleket/entities/energo/press/news/details/891992

«Хабар» агенттігі Қазақстан Республикасы Оқу-ағарту министрлігінің қолдауымен 11(12) сынып оқушылары арасында «ХХІ ғасыр көшбасшысы» зияткерлік ойынын қайта жаңғыртты.Биылғы жылдың қараша айында еліміздің барлық өңірінде басталған іріктеу кезеңі 2025 жылдың сәуір айына дейін жалғасады. Өңірлік кезеңнің нәтижесі бойынша әрбір облыстан 5 үздік оқушы республикалық кезеңге жолдама алады. Ол 2025 жылдың наурыз-сәуір айларында Алматы қаласында өтеді деп жоспарланып отыр.Зияткерлік сайысының тапсырмалары жалпы білім, логика, музыка, өнер, спорт секілді түрлі салаларды қамтиды. Аудандық кезеңде қатысушылар 45 минут ішінде 30 сұраққа жауап берулері керек болса, облыстық кезеңде 60 сұрақтың шешімін табуға 75 минут уақыт беріледі.«Бұл телеойынның оқушылардың зияткерлік әлеуетін дамытуға айтарлықтай үлес қосатынына және олардың білімге, өз өзін жетілдіруге ұмтылуына серпін беретініне сенімдіміз. Жоба ең талантты, дарынды көшбасшыларды тануға, таңдауға септігін тигізеді», - дейді «Дарын» РҒПО-ның директоры Ғаждембек Тұрсынов.Естеріңізге сала кетейік, «ХХІ ғасыр көшбасшысы» телеойыны «Хабар» республикалық телеарнасында алғаш рет 1999 жылы жарыққа шықты. 25 жыл ішінде ол бірнеше рет жаңарып, жоғарғы және кіші топтар форматында да ұсынылды. Оқушылардың білімі мен интеллектуалды дамуын арттыруға, сондай-ақ еліміздің болашақ зияткерлік әлеуетін қалыптастыруға бағытталған тележоба енді Оқу-ағарту министрлігінің қолдауымен қайтадан өз көрерменімен қауышады.Ақпарат көзі : https://www.gov.kz/memleket/entities/edu/press/news/details/892030

Таразда «Жігерлі жастар – ел болашығы» атты облыстық жастар форумы өтті.Басқосуға Жамбыл облысының әкімі Ербол Қарашөкеев, жоғары оқу орындарының ректорлары, сондай-ақ жас мемлекеттік қызметшілер, Президенттік және өңірлік кадр резервінің мүшелері мен өңір студенттері қатысты.Форум мемлекеттік қызметтің мәртебесін одан әрі көтеруді, жас түлектерді мемлекеттік қызметке тартуды, жастарға қолдау көрсету мен олардың әлеуетін арттыруды көздейді. Іс-шараға Жамбыл облысы әкімдігі мен Мемлекеттік қызмет істері агенттігінің өңірлік департаменті ұйытқы болды.- Еліміздің өсіп-өркендеуі, қазақстандықтардың әл-ауқатының өсуі мемлекеттік қызметшілердің жұмысына тікелей байланысты. Бұл туралы Мемлекет басшысы Ауыл шаруашылығы еңбеккерлерінің І форумындағы сөзінде «Мемлекеттік қызметшілер – елдегі жүйелі өзгерістердің басты жолбасшылары» деп атап өткен болатын.Өздеріңізге мәлім, Қасым-Жомарт Кемелұлы Тоқаев белсенді жастарды мемлекеттік басқару ісіне тарту мәселесіне ерекше ден қойып отыр. Осында отырған әрбір жас буынның ел басқару ісіне араласатын уақыты алыс емес.Еліміздің өркениетті даму жолында болашақ жастардан, яғни өздеріңізден күтер үмітіміз зор, — деді Ербол Қарашөкеев.Сондай-ақ М.Х. Дулати атындағы Тараз университетінің Басқарма төрағасы - ректоры Мұхтар Байжұманов, Ш. Мұртаза атындағы Тараз инновациялық институтының ректоры Махметғали Сарыбеков сөз сөйлеп, жастарға ағалық ақылдарын айтты.Президенттік жастар кадр резерві – егемен еліміздің өркендеуіне елеулі үлес қосам деген жастарға берілген бірегей мүмкіндік.Өңірде аталған резервтің екі мүшесі басшылық қызметке тағайындалып, жемісті еңбек етуде. Оның бірі, форумда сөз алған «Тараз» ӘКК» АҚ басқарма төрағасы Берік Манасов. Ол еңбек жолына тоқталып, тәжірибесімен бөлісті.Мемлекет басшысының тапсырмасына сәйкес биыл өңірлік жастар кадр резерві құрылды. Оған 26 дарынды жамбылдық жас іріктелініп алынды. Бүгінде резевр мүшелері Балаби Түменбаев (Шу ауданы әкімі аппаратының басшысы) пен Жандос Рүстембаев (Тараз қаласы әкімдігі кәсіпкерлік бөлімінің басшысы) конкурссыз негізде қызметке тағайындалды. Резервшілерді жауапты қызметке тағайындау жалғасады.- Киелі Әулиеата өңірінің аядай ғана ауылында дүниеге келіп, өзім туып-өскен ауданның тыныс-тіршілігіне, қоғамдық-саяси өміріне етене араласып, бүгінде үлкен жауапкершілік жүктелген мемлекеттік қызметте тер төгіп жүргенімді мақтан етемін, — дейді Өңірлік жастар кадр резервінің мүшесі Балаби Түменбаев.Елімізде жас мемлекеттік қызметшілерді жұмысқа қабылдау тетіктері жеңілдеді. Атап айтқанда, жоғары оқу орындарын жақсы нәтижемен аяқтаған студенттер аудандық және ауылдық деңгейдегі төменгі лауазымдарға конкурстық іріктеусіз қабылданады. Өңірде осы мүмкіндікті оқуын сәтті аяқтаған 32 жас түлек пайдаланып, мемлекеттік қызметке орналасты.Форумның мінберінде мемлекеттік қызметке конкурссыз өткен Байзақ ауданы әкімдігі ауыл шаруашылығы бөлімінің бас маманы Шохрух Гафуров, Мойынқұм ауданы әкімі аппараты ұйымдастыру-инспекторлық бөлімшесінің бас маманы Айханым Серікова сөз сөйлеп, замандастарын оқуда озат болуға, өңірді өркендетуге үлес қосуға шақырды.Басқосудың қорытынды бөлігінде жастар өзара пікір алмасып, тағлымды ой түйіп тарқасты.Айта кетейік, Жамбыл облысында 35 жасқа дейінгі 1400-ден аса жас мемлекеттік қызметші бар.Ақпарат көзі : https://www.gov.kz/memleket/entities/zhambyl/press/news/details/891962