Қазақстанда МӘМС жүйесінде 585 мыңнан астам студент сақтандырылған. Олар үшін жарналарды мемлекет төлейді, яғни 15 жеңілдік санатына кіреді. Медициналық сақтандыру қоры студенттердің ең жиі қоятын сұрақтарына жауап берді.Студенттердің барлығы мемлекет есебінен сақтандырыла ала ма?МӘМС жүйесінде орта, техникалық және кәсіптік, орта білімнен кейінгі, жоғары білім беру және жоғары оқу орнынан кейінгі білім беру ұйымдарында күндізгі бөлімде оқитындар жеңілдік санатына кіре алады. Олар үшін оқу кезеңінде мемлекет МӘМС жарналарын төлейді.Жұмыс беруші студент қызметкері үшін МӘМС жарналары мен аударымдарын төлеуі керек пе?Жоқ, жұмыс беруші студенттер үшін жарналар мен аударымдарды төлеуден босатылады. Олар оқу орнын тәмәмдағанға дейін автоматты түрде сақтандырылады. Айта кету керек, студент жеке кәсіпкер немесе жалдамалы жұмысшы болса да, олардың жеңілдік санаты сақталады.Шетелде оқитын студент мемлекет есебінен сақтандырылуы мүмкін бе?Иә, ол үшін Egov порталындағы «шетелде оқитын студенттерді тіркеу» мемлекеттік қызметін пайдалану қажет. Содан кейін, ҚР Ғылым және жоғары білім министрлігі өтінімді қарап, тіркеген соң, студенттер МӘМС жүйесінде автоматты түрде сақтандырылады.Күндізгі бөлімде оқитын студент медициналық қызметтерді шұғыл алу қажет, алайда оның мәртебесі сақтандырылмаған болып шықты. Мұндай жағдайда не істеу керек?Студент оқу барысында сақтандыру мәртебесі сақталуы үшін өзінің оқу орнына жүгініп, деректерін ЖООБЖ (Жоғары оқу орындарының бірыңғай жүйесі) жүйесінде бар-жоғын тексеру қажет. Студенттер туралы мәліметтер Қорға осы жүйе арқылы түседі. Бұл мәселемен ҚР Ғылым және жоғары білім министрлігіне де жүгінуге болады.Бұл сұрақ шешімін тапқанша, Қор уақытша бір айға сақтандырылған мәртебесін бере алады. Ол үшін Qoldau 24/7 қосымшасын жүктеп, оқу орнынан анықтаманы қосып, мәртебе беру туралы өтінім қалдыру қажет.Жұмыс беруші студент қызметкер үшін жарналар мен аударымдарды төлеп келді. Жарналарды қайтаруға бола ма?Иә, жұмыс беруші «Азаматтарға арналған үкімет» мемлекеттік корпорациясына өтініш жазу қажет.Жұмыс берушіге қызметкері оқуын аяқтаса да, студент ретінде жеңілдік санаты бар деп МӘМС төлемдері қайтарылып жатыр. Бұл қатені қалай түзеуге болады?Медициналық сақтандыру қоры жеңілдік санаттары туралы деректерді тиісті мемлекеттік органдардан алады. Бұл жағдайда Ғылым және жоғары білім министрлігі мен Еңбек және әлеуметтік қорғау министрлігінің ақпараттық жүйелерінде деректерді түзету қажет. Қызметкер жеке тәртіппен аталған министрліктерге жеңілдікті санатты алып тастау туралы өтінішпен жүгіне алады.Қазақстанда оқитын шетелдік студенттер жеңілдік санатына үміткер бола ала ма?Қазақстанда оқитын шетелдіктер тұрақты тұруға рұқсаты болған жағдайда студент ретінде жеңілдік санатын ала алады, себебі шетел азаматтарының МӘМС жүйесіндегі құқығы мен міндеттері Қазақстан азаматтарымен бірдей.Қазақстан аумағында халықаралық шарт негізінде уақытша тұратын шетелдіктер мен олардың отбасы мүшелері, егер заңдарда немесе халықаралық шарттарда көзделмесе, МӘМС жүйесінде Қазақстан азаматтарымен бірдей құқықтар мен міндеттерге ие. Бұл жағдайда халықаралық шарттарды басшылыққа алу қажет. «Әлеуметтік медициналық сақтандыру қоры» КЕАҚ Жетісу облысы бойынша филиалы Ақпарат көзі : https://www.gov.kz/memleket/entities/zhetysu-oblysy/press/news/details/881688

2024 жылғы 3 қарашада Амман көшесі, 14 мекенжайындағы "Мечта" сауда үйінің жанында Ақбұлақ өзенінің маңында қайғылы оқиға бола жаздады. Жағадан балық аулаған 2014 және 2013 жылы туған екі бала абайсызда өзенге құлады.Бұл жағдайды байқап қалған куәгерлер Арсланбек Мағзұм (Астана қаласы мәслихатының депутаты, Астана қаласы "AMANAT" партиясы жанындағы "Жастар Рухы" ЖК филиалының төрағасы) және Роман Стратонов осы сәтте абдырап қалмай, қауіп-қатерге қарамастан, суға секіріп түсіп, балаларды қауіпсіз жерге шығарды. Дерек жедел медициналық жәрдем шақырып, зардап шеккен балалар кәсіби мамандардың қолына берілді.Бұл жағдай – осындай сындарлы сәттерде жылдам әрекет жасаудың қаншалықты маңызды екендігінің айқын белгісі, сонымен қатар кез келген сәтте көмек көрсетуге дайын адамдардың батылдығы мен адалдығының жарқын көрнісі.Ақпарат көзі : https://www.gov.kz/memleket/entities/astana/press/news/details/881596

Шардара су қоймасынан Сырдария өзенінің төменгі ағысына вегетациялық кезеңде жоспар бойынша келетін су көлемі 500-550 м³/с болып белгіленсе, нақты 600-650 м³/с-қа дейін артық су түсті.Бұл жайлы толығырақ, Су ресурстары және ирригация министрлігі «Қазсушар» РМК Қызылорда облысы филиал директорының орынбасары Айдос Асанбаев Қызылода облысының «Өңірлік коммуникациялар қызметінің» баспасөз алаңында айтып берді.Ақпарат көзі : https://www.gov.kz/memleket/entities/water/press/news/details/881744

«Атамекен-Агро-Корнеевка» ЖШС бір мезгілде 2500 бас ұстайтын, соның ішінде «голштино-фризская» тұқымының 1400 сиырына есептелген сүт-тауар фермасының құрылысы аяқталды. Жобаның қуаттылығы жылына 7500 тонна сүтті құрайды.Жобаның жалпы құны-11,7 млрд. теңге, оның ішінде 2024 жылы 5,1 млрд.теңге бөлу жоспарланған.Бүгінгі таңда жоба аясында 735 мал, оның ішінде 498 - Германиядан, 237 – дан Даниядан әкелінді. 2024 жылдың желтоқсан айына дейін Даниядан тағы 565 бас әкелу жоспарлануда.Бұзау, сиыр, сауу-сүт блогының, құрама жем қоймасының, санитарлық өткізгіштің құрылысы аяқталды. «Айналмалы» сүт жабдықтары бір мезгілде сауудың 40 басына орнатылды. Өз қажеттіліктері үшін 17,5 мың тонна пішен, 1,2 мың тонна шөп және 19,8 мың тонна сүрлем дайындалды.Ақпарат көзі : https://www.gov.kz/memleket/entities/moa/press/news/details/881735

Шығыс Қазақстан облысының Қоғамдық кеңесі 2024 жылғы 13 қарашада сағат 15-00 де Өскемен қаласы, М.Горький көшесі, 40 мекен-жайында (мәжіліс залы, 108 каб.) Қоғамдық кеңес отырысы өтетіні туралы хабарлайды. Қаралатын мәселелер:1. Нормативтік құқықтық актілердің жобаларын қарау және ұсынымдар беру.2. Әртүрлі. Ақпарат алуға арналған байланыс телефоны: (8-7232) 713-195 Ақпарат көзі : https://www.gov.kz/memleket/entities/akimvko/press/news/details/881634

Бүгін Үкімет отырысында Қазақстан Республикасының Төтенше жағдайлар министрі, генерал-майор Шыңғыс Әрінов өрт қауіпсіздігін қамтамасыз ету шаралары туралы баяндама жасады. Ол ТЖ министрлігінің бөлімшелерінің жедел әрекет ету және жауынгерлік дайындық деңгейін арттыруға бағытталған шаралар туралы айтып берді.Министр мәлімдегендей, жұмыс барысында маңызды бағыттардың бірі – өрт сөндірушілер, медицина қызметкерлері мен құтқарушылардан құралған әмбебап бөлімшелерді құру болып табылады. Ақмола облысында сәтті жүзеге асырылған пилоттық жобаның нәтижесінде зардап шеккендерге жедел әрі тиімді көмек көрсету мүмкіндігі артып отыр. Аталмыш тәжірибе басқа облыстарға да енгізілетін болады.«Бұл жоба бөлімшелердің жедел әрекет ету дайындықтарын арттыруға мүмкіндік береді», – деді Шыңғыс Әрінов.Сонымен қатар министр өрт деполарын салудың жаңа тәсілдері туралы айтты. Мысалы, Астанада биылғы тамыз айынан бастап 3,5 ай ішінде жедел құрылыс әдісімен салынған өрт депосы жұмыс істей бастады. Бұл тәсіл басқа өңірлерде де қолданылатын болады, өйткені жалпы республика бойынша 121 жаңа өрт депосы қажет.Өрт қауіпсіздігін қамтамасыз ету жұмыстарының маңызды кезеңі – материалдық-техникалық базаны жаңарту. Биыл министрлік 728 арнайы техника және 18 мыңнан астам жабдық пен құрал-жабдық сатып алуды жоспарлап отыр. Техника бірінші кезекте аудандық бөлімшелерге бөлінеді.«Сонымен қатар біз көпқабатты үйлердің тұрғындарын эвакуациялау бойынша жаттығуларды белсенді түрде өткізіп жатырмыз. Биыл республика бойынша 250-ден астам мұндай жаттығу өтті. Алдағы уақытта Астана қаласында көпқабатты үйлердің тұрғындарын эвакуациялау үшін тікұшақ техникасын тартатын жаттығулар жоспарлануда», – деді министр.Әлеуметтік осал топтағы азаматтардың тұратын үйлерінде жылу жүйелерінің, әсіресе пештерінің ақаулары өрттің негізгі себептері болып қала береді. Қазіргі уақытта министрлікке 100 мыңнан астам осындай үй тіркелген.«2021 жылдан бастап 107 мыңнан астам көміртегі газын анықтайтын датчик орнатылды, бұл 248 адамның өмірін сақтап қалуға мүмкіндік берді», – деп атап өтті министр.Сонымен қатар министр автокөлік жанармай құю станцияларында газ баллондарын толтыру мәселесін көтерді. Олардың көпшілігі ауыстыруды қажет етеді. Алдын ала мәліметтер бойынша, 348 мың газ баллоны ауыстыруды қажет етеді. Бұл мәселені шешу үшін газ жабдықтарын қауіпсіз пайдалану жөніндегі бақылауды күшейту жоспарлануда.Министр жылыту маусымы арнайы бақылауда және Төтенше жағдайлар министрлігінің барлық бөлімшелері төтенше жағдайларға жедел әрекет етуге дайын екенін мәлімдеді.«Азаматтардың қауіпсіздігі – жұмысымыздағы басты басымдықтың бірі. Біз өрт қауіпсіздігін қамтамасыз ету жүйесін жақсартуды жалғастырып, апаттардың алдын алып, уақытында көмек көрсету үшін бар күшімізді саламыз», – деп қорытындылады Қазақстан Республикасының Төтенше жағдайлар министрі. Ақпарат көзі : https://www.gov.kz/memleket/entities/emer/press/news/details/881611

ҚР Төтенше жағдайлар министрі генерал-майор Шыңғыс Әріновтың бұйрығымен 2024 жылғы 27 қазанда Алматыда болған баланың өмірін судан құтқару кезінде көрсеткен батылдығы мен жанқиярлығы үшін Қызылорда қаласының тумасы Әлихан Сәкенұлы Жақсылық «Суға батқандарды құтқарғаныы үшін» медалімен марапатталды.Марапатты ТЖ Министрінің атынан Алматы қаласы ТЖД бастығы Нұрлан Атығаев табыстады. «Шұғыл іс-әрекетіңіздің арқасында қайғылы жағдайдың алды алынып, баланың өмірін құтқарғаныңыз үшін алғысымызды білдіреміз», - деді ТЖД басшысы.25 жастағы құтқарушының айтуы бойынша 27 қазанда Қызылорда қаласынан, жалға алатын пәтер іздеп келген Әлихан сағат 14:00 шамасында Есентай өзені Мақатаев көшесінің қиылысындағы жағалауында кележатқанда балалардың көмегі туралы айқайларды естіді. Бірнеше секундтан кейін суға батып бара жатқан досы туралы көмек сұраған баланың жұгіріп келгенін айтты.Бала Есентай өзенінің каскадында тұрып, суға құлап, оны қатты ағын алып ккеткен екен. Қас қағым сәтте өміріне қауіп төнгеніне қарамастан, Ә.С. Жақсылық дереу темір қоршаудан секіріп, суға батып бара жатқан баланы құтқаруға кірісті. Судың үлкен ағынынан әлсіреген баланы жер бетіне көтеріп, Ә.С. Жақсылық өзін батырлық пен адамгершіліктің үлгісі ретінде баршаға танытты.Ақпарат көзі : https://www.gov.kz/memleket/entities/emer/press/news/details/881650

Қазақстан Республикасы Экология және табиғи ресурстар министрлігі мен Freedom Holding Corp. Қазақстанның табиғи ресурстарын сақтау және тұрақты басқару үшін күш біріктіруге бағытталған ынтымақтастық туралы меморандумға қол қойылғанын жариялады. Құжат жануарлар мен өсімдіктер дүниесін қорғауға және орман экожүйелерін қорғауға ерекше назар аудара отырып, елдің биоресурстарын қорғауға және қалпына келтіруге бағытталған бірлескен іс-шараларды іске асыруды көздейді.Құжатқа қол қою рәсімі 2024 жылғы 11-22 қарашада Әзірбайжан астанасы Бакуде Qazaqstan ұлттық павильонында өтіп жатқан БҰҰ Климаттың өзгеруі туралы негіздемелік конвенциясы (COP29) тараптары конференциясының 29-шы сессиясы аясында өтті. Оған Қазақстан Республикасының Экология және табиғи ресурстар министрі Ерлан Нысанбаев пен Freedom Holding Corp. Бас атқарушы директоры Тимур Турлов қол қойды.Меморандумға сәйкес тараптар Қазақстанның табиғи ресурстарын тиімді басқару үшін озық технологиялар мен тәжірибелерді енгізетін болады, бұл елдің ұлттық басымдықтары мен 2030 жылға дейінгі тұрақты даму жөніндегі жаһандық күн тәртібіне толық сәйкес келеді. Серіктестік экологиялық маңызы бар жобаларды жан-жақты қолдауды және экожүйелерді климаттың өзгеруі салдарына бейімдеуге ықпал ететін стратегияларды әзірлеуді көздейді.Ынтымақтастықтың негізгі бағыттарының бірі тұран жолбарысын, сирек кездесетін және бірегей түрін реинтродукциялау, сондай-ақ оның табиғи мекендеу ортасын қорғау болмақ. Бұл жоба тұран жолбарысының популяциясын қалпына келтіруге ғана емес, сондай-ақ Қазақстанның экожүйелерінің өзгеріп отырған климаттық жағдайларға тұрақтылығын нығайтуға, табиғатты қорғау бастамаларының биологиялық әртүрлілігі мен тиімділігін арттыруға бағытталған.Меморандумға қол қою Freedom Holding Corp. пен Қазақстан Республикасы Экология және табиғи ресурстар министрлігінің қоршаған ортаны қорғау саласындағы орнықты және инновациялық шешімдерді бірлесіп ілгерілету ниетін куәландырады.Ақпарат көзі : https://www.gov.kz/memleket/entities/ecogeo/press/news/details/881648

Астанадағы Мағжан Жұмабаев атындағы Халықаралық жоғары колледжінде «Үздік-2024» қалалық байқауының салтанатты жабылуы өтті, деп хабарлайды елорда әкімдігінің ресми сайты.«Үздік» атағы үшін биыл 375 қатысушы бақ сынап, көшбасшыларды анықтау үшін 150-ден аса сарапшы жұмыс жүргізді.Сайыс жұмысшы мамандықтар мен кәсіптерінің маңыздылығы мен беделін арттыру, кәсіптік оқытудың озық тәжірибесін насихаттау, жұмыс берушілердің назарын қаланың кәсіптік білім беру жүйесінде жұмысшы кадрларды даярлауға тарту және түлектерді жұмысқа орналастыруға жәрдемдесу, жастарды Астана қаласы экономикасының нақты секторларына тартуға бағытталды.Ұйымдастырушылардың сөзінше, байқау биыл үшінші жыл қатарынан ұйымдастырылып отыр. Бірақ колледж студенттері бұл жолы алғаш рет қатысуда. Былтыр қатысушылар 5 кәсіби құзыреттілік бойынша ғана сайысқа түссе, осы жылы 25 жұмысшы мамандық арасында бақ сынасты.Қалалық байқау 20 күнге созылып, 10 кол¬леджде бірқатар жұмысшы мамандықтың көшбасшылары анықталды. Олардың ішінде құрылыс және жөндеу жұмыстары, аспаздық және кондитерлік өнімдер, мейрамхана қызметі, IT-шешімдер, шаштараз өнері, кәсіпкерлік, сондай-ақ педагогика және бала күтімі сияқты салалар бар.Байқау қорытындысы бойынша ең көп ұпай жинаған 75 қатысушы жеңімпаз атанып, алдағы уақытта WorldSkills-2025 қалалық чемпионатына қатысуға ұсынылды.Жеңімпаздар I, II, III дәрежелі дипломдармен марапатталып, үздіктерге сондай-ақ Астана қаласы әкімдігінің «Астана жастары» жастар ресурстық орталығы және колледждердің әлеуметтік серіктестері бағалы сыйлықтарды табыс етті.Ақпарат көзі : https://www.gov.kz/memleket/entities/astana/press/news/details/881588

Дәурен Кеңбеил Қазақстандағы макроэкономикалық жағдай, инвестициялық климат, бюджет саясатының жоспарлары, ішкі және сыртқы нарықтардағы елдің қаржыландыруы, алдағы жылдарға қаражат тартуы туралы хабардар етті.Инвесторлар тобы елдің халықаралық аренадағы мықты беделін, сондай-ақ капитал нарықтарынан инвестициялар тарту үшін қолайлы жағдайлар мен экономикаға тікелей шетелдік инвестициялар көлемінің ұлғаюын атап өтті.Кездесу қорытындысы бойынша тараптар өзара тиімді ынтымақтастықтың жалғасатынына үміт білдірді. Ақпарат көзі : https://www.gov.kz/memleket/entities/minfin/press/news/details/881594

«Бауырына салу» фильмі Франциядағы Cinema Heritage фестивалінде арнайы жүлдеге ие болды.Әлемдік кинематографиялық мұраны сақтауға және насихаттауға арналған бұл беделді фестивальде терең мәдени контекст бар. Іс-шара ұлттық кинематографияның дамуына елеулі үлес қосып, халықаралық аудиторияның назарын аударды.Ұйымдастырушылар кинотуындыны жоғары бағалап, фильмді ЮНЕСКО-дағы басым бағыт саналатын мәдени әралуандықты насихаттауда мәні зор туынды деп тапқан.Жыл сайын Cinema Heritage фестивалі әлемдік киноиндустрияның майталман өкілдерін жинап, үздіктерді анықтайды. Осы маңызды шарада қазақстандық фильмнің еленуі қазақстандық кино өндірісінің деңгейі мен әлемдік кинематографиядағы орнын көрсетеді.Фильм Мәдениет және ақпарат министрлігі мен «Ұлттық киноны қолдау орталығының» қолдауымен түсірілген.Айта кетейік, режиссер Асхат Кучинчереков түсірген «Бауырына салу» фильмі еліміздің атын халықаралық аренада таныстыру үшін «Оскар» комитетіне ұсынылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/881451

«Даму» Қоры ісін жаңа бастаған және бизнесі бұрыннан бар кәсіпкерлерге қолдау көрсетеді. Атап айтқанда:екінші деңгейлі банктер, микроқаржы ұйымдары және лизингтік компаниялар арқылы жеңілдікпен қаржыландырадынесиенің пайызын азайтып, субсидиялайдыкепілмүлік жетпеген жағдайда банк алдында кепілдік бередіарнайы платформада қашықтан оқыту арқылы кәсіпкерлердің білімін ұштайдыМемлекеттік бағдарламаларға қатысып, бұл аталған қолдау түрлерін пайдалану шарттарын білу үшін «Даму» Қорының өз өңіріңіздегі филиалына келу керек. Қордың филиалдары барлық облыста, ірі қалаларда бар. Клиенттермен жұмыс істейтін арнайы менеджер кәсіпкерлерге Қор қызметі, бағдарламалары жайлы ақпарат беріп, мемлекеттік қолдау түрлері жайлы түсіндіруге дайын.Өз өңіріңіздегі филиалдың мекенжайын damu.kz сайтымыздың бас бетінен немесе инстаграмдағы актуал бөлімнен таба аласыз. Егер барар жеріңіз тым қашық болып көрінсе 1408 қысқа нөмірі арқылы колл-орталыққа хабарласып та мағлұмат алуға мүмкіндігіңіз бар. Сондай-ақ, damu.kz сайтымызда Қор жайлы, Қор жүзеге асыратын барлық бағдарламалар бар, шарттары толық жазылған. Оқып, өз бетінше танысуға да болады. Немесе Түркістан қ. , Жаңа қала м.ауданы. 28 көш, 5 ғ. мекенжайы бойынша кеңес алуға болады.Ақпарат көзі : https://www.gov.kz/memleket/entities/ontustik/press/news/details/881562

Түркістан облысы жолаушылар көлігі және автомобиль жолдары басқармасының тапсырысымен Мақтаарал ауданындағы облыстық маңызы бар жол жөндеуден өтпек. Нақтырақ айтқанда, жобалаушы мекеме «Жетісу жол» ЖШС тарапынан КХ-76 «Атакент – Береке – М-39» автомобиль жолының 0-17,4 шақырымын күрделі жөндеуден өткізуге жобалау-сметалық құжаттама әзірленуде.Нысанның жөндеу жұмыстарын іске асыру 2025-2026 жылдарға жоспарланып отыр. Жобаға сәйкес, жол бойындағы елді мекендер ішіне жарықтандыру шамдары, аялдамалар орнатылып, аяқжолдар салынбақ.Айта кетейік, биыл аудандық маңызы бар жолдар бойынша 19 нысан немесе 97,3 шақырым жол күрделі және орташа жөндеу жұмыстарымен қамтылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/881567

Қарағанды облысында жас офицерлердің дәстүрлі балы өтті. Бір уақытта 78 жұп вальс пен полонез биледі.Ұйымдастырушылар облыстық жастар ресурстық орталығы. Мұнда сымбатты мырзалар мен жарасымды киімдегі талғампаз ханымдар дәуірі көрсетілді.Биыл балға құқық қорғау органдарының офицерлері, Кеңес Одағының Батыры Т. Бигелдинов атындағы Қарағанды республикалық мектебінің курсанттары, Б. С. Бейсенов атындағы Қарағанды ҚР ІІМ академиясының студенттері, сондай-ақ «Жас сарбаз» кадеттері қатысты. Сайыс бірнеше аталым бойынша өтті. Жеңімпаздар мен жүлдегерлер дипломдар, ақшалай сертификаттар және сыйлықтармен марапатталды.Бас жүлдеге Осакаров ауданының аға прокуроры Әнуар Салкеев пен Қарағанды облысы Әлихан Бөкейхан ауданы Прокуратурасының қоғамдық мүдделерді қорғау бөлімінің прокуроры Айша Қуаныш ие болды. Аталған шараға қатысуға бірінші Айша ұсыныс білдірген. Әнуар жұбайын қолдаған. Себебі балалық шағында спорттық бал биіне жаны жақын болған екен.– Біз дайындыққа күш салдық: полонез бен вальсті билеуді үйрендік. Ұйымдастырушылар мен басшылық біздің дайындығымызға қолдау көрсетті. Бұл балда жүзден жүйрік шығу біз үшін нағыз тосын сый болды, – дейді Әнуар Сәлкеев.Вальс билеудегі шеберлікті сарапқа салу сайысынан бөлек, көрермендерге концерттік бағдарлама да ұсынылды. Залда симфониялық оркестрдің сүйемелдеуінен музыкалық шығармалар шырқалды. Ал «Аққу» фольклорлық-хореографиялық ансамблі би нөмірлерін орындады.Қарағанды ҚР ІІМ академиясының барабаншылар тобы мен құрметті қарауылы әсерлі қойылым ұсынды.Кештің қорытындысында қазақстандық әнші Алтынбек Тәшімбетов өнер көрсетті.Ақпарат көзі : https://www.gov.kz/memleket/entities/karaganda/press/news/details/881462

Астанадағы Сәкен Сейфуллин атындағы № 80 мектеп-гимназиясының мұғалімдері мен оқушылары төртбұрышты құрақтан биіктігі 6 метр және ені 4,5 метр болатын қазақтың ұлы ақыны әрі жазушысы бейнеленген портретті жасады, деп хабарлайды елорда әкімдігінің ресми сайты.Қолдан жасалған көлемді қолөнер жұмысында Сәкен Сейфуллин бейнеленген. Жұмысты жасау үшін бір жарым ай уақыт жұмсалған. Шеберлер 2700 төртбұрышты құрақшаны қолданған. Бұл әсерлі жұмыс көпшіліктің ықыласына бөленіп, мектептің құнды бұрышына айналды.Айта кетейік, мұғалімдер мен оқушылар бұл қолөнер жұмысын Сәкен Сейфуллиннің 130 жылдық мерейтойына арнады.Ақпарат көзі : https://www.gov.kz/memleket/entities/astana/press/news/details/881554

Алматыда 17 қараша Халықаралық студенттер күніне арналған ауқымды «Almaty Student's Week» фестивалі бастау алды. Іс-шара Алматы қаласы Жастар саясаты басқармасының қолдауымен өтуде, оның басты мақсаты – студенттердің қала өміріне белсенді қатысуын қамтамасыз етіп, жас көшбасшыларды анықтау.11-17 қараша аралығында фестиваль аясында студенттерге арналған 30-ға жуық әртүрлі іс-шаралар өтеді. «Almaty Student's Week» фестиваліне қатысатын әрбір студент өз таланты мен көшбасшылық қасиеттерін көрсете алады. Сондай-ақ, жастарға басқа оқу орындарының студенттерімен байланыс орнатуға мүмкіндік беріп, жоғары оқу орындары арасындағы өзара ынтымақтастықты дамытуға септігін тигізеді.Фестиваль іс-шаралары студенттерге тәжірибе, идеялар және білім алмасуға арналған алаңдар ашып, болашақ бірлескен жобалар мен бастамалардың негізін қалайды. Бұл – студенттердің зияткерлік, спорттық, мәдени және қоғамдық салаларда өзін көрсетіп, өз дағдыларын нығайтып, өзін дамытуға бірегей мүмкіндік.«Almaty Student's Week» фестивалінің маңызды бөлігі – жастардың патриоттық рухын көтеру, бірлігін нығайту және қазіргі заманғы сын-қатерлерге дайын әлеуметтік белсенді және біртұтас студенттік қауымдастық құру.Айта кетейік, Алматыда 35 жоғары оқу орнында 199 мыңнан астам студент білім алады, олардың 124 мыңнан астамы басқа өңірлерден келген. Іс-шаралар туралы ақпаратты төмендегі кестеден көре аласыздар. Халықаралық студенттер күніне арналған «ALMATY STUDENTS WEEK» фестивалінің іс-шаралар жоспары №ІС-ШАРА АТАУЫӨТЕТІН УАҚЫТЫӨТЕТІН ОРНЫЖАУАПТЫ ТҰЛҒА1. «Менің университетім – Менің таңдауым»Студенттер арасында өз оқу орындарын неге үздік деп санайтынын анықтауға бағытталған видеочеллендж және сауалнама12 қараша,2024 жыл Әлеуметтік желілерКайрыев Р.+7 775 633 33692. Жас ғалымдардың ғылыми форумы «Студенттік шақ: болашаққа бастар жол»13 қараша,2024 жылМедеу ауданының комьюнити орталығыКайрыев Р.+7 775 633 3369 3. Студенттер күніне арналған КВН ½ финал іріктеу ойыны (орыс тілінде)13 қараша,2024 жыл «Конкордия» театрыКулымбетов О.+7 707 818 34754. «Студенттік өмір – жарқын сәттер кезеңі» студенттер қатарына қабылдау13 қараша,2024 жылН. Э. Бауман атындағы Мәскеу мемлекеттік техникалық университетінің бас корпусы Кайрбаева Д.+7 747 367 39095. «Тәуелсіздік ұрпақтары» грант иегерлерін марапаттау рәсімі12 қараша,2024 жылҚазҰУ кітапханасыСипанов Е.+7 707 138 30036. «PRОдвижение» Әуезов ауданындағы жас көшбасшылардың идеялар генерациясы14 қараша,2024 жылӘуезов ауданының комьюнити орталығыМаханбет Б.+7 707 008 09137. Студенттер күніне арналған жастар арасындағы «Квест Батл» ойыны14 қараша,2024 жылыНаурызбай ауданының комьюнити орталығыТасберген О.+7 707 770 95968. «Narxoz stud awards» мерекелік концерті және студенттерді марапаттау рәсімі14 қараша,2024 жылыНархоз университетінің бас корпусыКаби Е.+7 707 634 83009. «CAREER TIME» кәсіби бағдар беру фестивалі15 қараша,2024 жылыНархоз университетінің бас корпусыНисупова А.+7 701 278 801510. «Jaidarman Battle» Студенттер күніне арналған ҚазҰАЗУ факультеттері арасында КВН ойыны15 қараша,2024 жылыҚазҰАЗУбас корпусыСманов А.+7 702 281 140711. Студенттер күніне арналған КВН (орыс тілінде) финалдық фестивалі15 қараша,2024 жылы «Конкордия» театрыКулымбетов О.+7 707 818 347512. «ALMALY NIGHT»ЖОО-лар арасында QUIZ ойын15 қараша,2024 жылыАлмалы ауданының комьюнити орталығыТұрлыбек Е.+7 707 847 873513. «Жайдарман» ҚазҰПУ Студенттер күніне арналған ҚазҰПУ факультеттері арасында КВН ойынын өткізу15 қараша,2024 жылыҚазҰПУ корпусыТөле би көшесі 86КазНПУ+7 777 885 629914. Мүмкіндігі шектеулі жастар арасында хакатон ұйымдастыру15-16 қараша, 2024 жылыӨтетін орны анықталып жатырСипанов Е.+7 707 138 300315. «Qamalladin» университетіне жастарға арналған кәсіби бағдар беру экскурсиясы15 қараша,2024 жылы«Qamalladin» университеті Муташов Д.+7 778 664 6497 Усенова А.+7 771 413 091116. «Ең үздік студенттік топ» байқауының финалдық кезеңі15 қараша,2024 жылыӨтетін орны анықталып жатырСембиев А.+7 777 761 813317. Еуразия Технологиялық университеті студенттер қатарына қабылдау рәсімі15 қараша,2024 жылыЕТУ бас корпусыДюсебаев Т.+7 778 743 418518. Бостандық ауданының Демалыс орталықтары арасында жастар арасында «Бес қару» әскери-патриоттық ойы15 қараша,2024 жылыӨтетін орны анықталып жатырНуртайқызы Д.+7 707 407 588819. Алматы қаласының жоғары оқу орындары арасында өтетін студенттер күніне арналған киберспорт турнирі15 қараша2024 жылыЖетісу ауданы комьюнити орталығыӘбдіхалық Е.+7 747 975 364120. Студенттер күніне арналған «Cinema night» кино кеші15-16 қараша,2024 жылы8 Комьюнити орталықМалаева Д.+7 707 542 031521. Жоғары оқу орындарының командалары арасында «ОЙНА-IQ» интеллектуалдық сайысы16 қараша,2024 жылыҚазҰУ кітапханасыДапеновна Ж.+7 775 118 828822. «Youth Nomads» ұлттық ойындар сайысының жеңімпаздарын марапаттау рәсімі16 қараша,2024 жылы «Рахат» базарыМуратхан Т.+7 707 663 694923. ҚызПУ-дың 80 жылдығына арналған мерейтойлық шара «Student Party - 2024»16 қараша,2024 жылыБалуан Шолақ атындағы спорт сарайыКазНацЖенПУБалжан+7 747 447 081424. «ALT кештері» мерекелік шарасы Студенттер үшін концерт ұйымдастыру17 қараша,2024 жылыАЛТ университетіСалабатовна А.+7 707 220 609025. «SelfMade» семинары Студенттердің кәсіби және жеке дамуын қолдау17 қараша,2024 жылы Түрксіб ауданы комьюнити орталығыАзимбаева Г.+7 778 998 926026. «Balmyzdaq Party» Студенттер күніне арналған мерекелік концерт17 қараша,2024 жылыJana ArbatТүрксіб ауданыАзимбаева Г.+7 778 998 926027. «ICE Party» Алматы қаласындағы жоғары оқу орындарының омбудсмендері ұйымдастырған Студенттер күніне арналған шара17 қараша,2024 жылыВСК «Медеу»Сембиев А.+7 777 761 813328. МИТУ-де студенттерді қабылдау кеші18 қараша,2024 жылы«Бақшасарай»Салтанат сарайыОспанова А.+7 707 621 5457 Ақпарат көзі : https://www.gov.kz/memleket/entities/almaty/press/news/details/881533

Ағымдағы жылдың 5-8 қараша аралығында Шығыс Қазақстан облысы әкімі аппаратының Әдеп жөніндегі уәкілі М.Е. Беккужина жаңадан құрылған Марқакөл және Үлкен Нарын аудандарына, сондай-ақ Тарбағатай және Катонқарағай аудандарына көшпелі семинар өткізді.Мемлекеттік қызметшілерді ҚР Мемлекеттік қызмет істері агенттігі және сыбайлас жемқорлыққа қарсы қызмет әзірлеген материалдармен таныстыру, оның ішінде түсіндіру жұмыстарын жүргізу мақсатында мемлекеттік органда іс-шараларды ұйымдастыру үшін діни сенімдерін таңдамау, бағыныштыларды діни бірлестіктердің қызметіне қатысуға мәжбүрлемеу бойынша "ШҚО бойынша діни мәселелерді зерттеу орталығының" теолог маманы Р.Т. Назарбеков тартылды.Ақпарат көзі : https://www.gov.kz/memleket/entities/akimvko/press/news/details/881543

АКАДЕМИЯЛЫҚ ХАБ ҚҰРУ ЖӘНЕ ЖИ ӘСЕРІ: МИНИСТР АЛМАТЫ СТУДЕНТТЕРІМЕН КЕЗДЕСІП, ДӘРІС ӨТКІЗДІ 11 қараша күні Almaty Management University-де ҚР Ғылым және жоғары білім министрі Саясат Нұрбек «Қазақстан – өңірлік білім беру хабы» тақырыбында дәріс өткізді. Іс-шараға AlmaU студенттері ғана емес, сонымен қатар Нархоз, Қазақстан-Британ техникалық университеті, әл-Фараби атындағы Қазақ ұлттық университеті, Satbayev University, Abai University, Caspian University, ҚазБСҚА, Тұран, ҚазҰПУ және Қазақстан-Неміс университеттерінің студенттерін қоса алғанда, қаланың басқа да жоғары оқу орындарының белсенділері шақырылды. Саясат Нұрбек шетелдік университеттердің кампустарын ашу және технологиялар трансферті үшін жағдайлар жасау арқылы Қазақстанды ірі академиялық орталыққа айналдыру жөніндегі министрліктің жоспарларын таныстырды. Министрдің баяндамасында Қазақстанның стратегиялық жағдайы, оның экономикалық тұрақтылығы мен ынтымақтастық үшін әлеуеті атап өтілді, бұл еліміздің шетелдік студенттер мен халықаралық білім беру жобалары үшін тартымдылығын күшейтеді. Ведомство басшысы биыл Қазақстанға ақылы негізде оқуға дайын 30 мыңға жуық шетелдік студент келгенін атап өтті. «Бұл бастаманың мақсаты – Орталық Азияда, бір жағынан, халықаралық университеттер үшін, екінші жағынан, 2 миллиардқа жуық халқы бар өңірлердің жастары үшін тартымды болатын ірі академиялық хаб құру. Қазақстан үшін бұл – мүмкіндіктердің терезесі, оны пайдаланып үлгеру қажет», - деп атап өтті министр. Сондай-ақ, оның айтуынша, мемлекет жер учаскелерін беру және түрлі ынталандыру шараларын ұсыну арқылы бұл бастаманы белсенді қолдап отыр, бұл мемлекет үшін де экономикалық пайда әкеледі. Саясат Нұрбек сондай-ақ университеттердің оқу бағдарламаларына жасанды интеллект бойынша білім беру курстарының негізгі бағыттарын енгізу туралы министрліктің маңызды бастамасы туралы айтты. Курстар Google-мен бірлесіп әзірленген және жастардың цифрлық құзыреттілігін дамытуға бағытталған. Пилоттық жобаны қазірдің өзінде 14 университет іске асыра бастады және болашақта оны Қазақстанның басқа жоғары оқу орындарына енгізу жоспарланып отыр. Кездесу соңында министр студенттердің сұрақтарына жауап беріп, Қазақстандағы жоғары білім мен ғылымды дамытудың өзекті мәселелері мен перспективалары туралы сөз қозғады. Талқыланған тақырыптардың қатарында білім беру бағдарламаларының сапасын арттыру, гибридті және онлайн оқыту мүмкіндіктері, сондай-ақ болашақ мамандарды даярлауға жасанды интеллектінің әсері болды. Студенттер ашық диалог құру мүмкіндігі үшін Саясат Нұрбекке алғыстарын білдірді.Ақпарат көзі : https://www.gov.kz/memleket/entities/sci/press/news/details/881585

Биылғы 10 айдың қорытындысы бойынша (қаңтар-қазан) отандық өнеркәсіп кәсіпорындарына QazIndustry арқылы 1 млрд 154 млн теңгеге шығындарының бір бөлігі өтелді. Бұл туралы «QazIndustry» АҚ Бизнесті ынталандыру дирекциясы хабарлады.Қаражаттың басым бөлігі - 1 млрд 134 млн теңге кәсіпорындардың технологиялық процестерін жетілдіру, өндіріс тиімділігін жақсарту, цифрлық технологияларды енгізу және қызметкерлердің құзыретін арттыруды, технологиялық жабдықтарды сатып алу бағыттарын көздейтін еңбек өнімділігін арттыруға жұмсалған шығындарын өтеуге бағытталған.Бұл бағыт бойынша өтінімдер көбінесе Алматы және Маңғыстау облыстары, Астана, Алматы және Шымкент қалалаларының кәсіпорындарынан, ал салалық бөліністе - АӨК, машина жасау және жеңіл өнеркәсіп кәсіпорындарынан келіп түскен. Сондай-ақ, өнімдер мен қызметтерді ішкі нарыққа ілгерілету бағыты бойынша (тауарлардың сәйкестігін растау, өнімді бағалау, инспекциялық аудит және бақылау жүргізу, сертификаттарды тіркеу және т.б.) өтелген қаржы сомасы 20,1 млн теңгені құрады.2024 жылғы 10 айдың қорытындысы бойынша QazIndustry мемлекеттік ынталандыру шараларын түсіндіру мақсатында телефон арқылы кеңес берумен қатар, жалпы саны 53 іс-шара өткізген. Оның ішінде семинарлар, ашық есік күндері, кәсіпорын өкілдерімен кездесулер ұйымдастырылды. Сонымен қатар, QazIndustry өкілдері өңірлерде түсіндіру жұмыстарын жалғастыруда. Есепті кезеңде 93 кәсіпорынға барып, ынталандыру шаралы туралы ақпаратты жеткізген.Ақпарат көзі : https://www.gov.kz/memleket/entities/mps/press/news/details/881551

«Педагогикалық идеялар панорамасы-2024» бейнесабақтар мен бейнедәрістер республикалық байқауының өңірлік кезеңі аяқталды. Оған 5000-ға жуық өтінім келіп түсті. Байқау Оқу-ағарту министрлігінің қолдауымен 2018 жылдан бері дәстүрлі түрде ұйымдастырылуда.Бірінші кезеңге қатысу үшін педагогтер өз идеяларын: бейнероликтер, дәрістер, практикалық, зертханалық жұмыстар, семинар, шеберлік сабақтары, цифрлық білім беру ресурстары немесе бейне подкаст форматында ұсынды.Конкурстың мақсаты – түрлі деңгейдегі білім беру ұйымдары қызметкерлерінің аспаптық және пәндік сауаттылықты дамыту бойынша заманауи оқыту технологиялары мен әдістемелерін, озық педагогикалық идеяларын таныстыру және тарату.Айта кетейік, республикалық кезең 11 қарашада басталды, нәтижелері ағымдағы жылдың 20 желтоқсанында белгілі болады. Республикалық кезеңге үздік нәтижелер көрсеткен өңірлік кезеңнің жеңімпаздары қатысады.Ақпарат көзі : https://www.gov.kz/memleket/entities/edu/press/news/details/881532