Видеоны қараңыз! Қазақстан ТЖМ өз автопаркін белсенді түрде жаңартып, құтқару қызметтері үшін жаңа жылдам әрекет ететін көліктер сатып алуда. Бұл жолы құтқарушыларға қазіргі заманғы жол талғамайтын көліктер берілді, олар төтенше жағдайлар кезінде түрлі тапсырмаларды орындау үшін қолданылады. Жылдам әрекет ететін көлік — бұл арнайы жабдықталған техника, құтқарушыларды оқиға орнына дереу жеткізуге арналған. Бұл көліктер мобильділікке, жүріп өту қабілетіне және қуаттылыққа қойылатын ең жоғары талаптарға жауап береді, сондықтан олар басқа көліктер жүре алмайтын жерлерге жете алады. Олар ауа райы мен жолдардың жағдайына қарамастан еліміздің кез келген нүктесіне жылдам жете алады. Жаңа жол талғамайтын көліктер азаматтардың қауіпсіздігін қамтамасыз ету және төтенше жағдайлар салдарын жою бойынша маңызды міндеттерді шешетін болады:Табиғи апаттар, техногендік оқиғалар және басқа да төтенше жағдайлар кезінде адамдарды жедел құтқару;Өрт сөндіру және су тасқыны мен басқа да апаттардың салдарын жою;Құтқару және өрт сөндіру жабдықтарын ең шалғай және қол жетімділігі төмен аймақтарға жеткізу. Қазақстан ТЖМ басшылығы сатып алынатын техниканың сапасы мен сенімділігіне ерекше назар аударады. Автопаркті үнемі жаңартып отыру — бұл құтқарушылардың жұмыс жағдайларын жақсарту ғана емес, сондай-ақ олардың төтенше жағдайлардағы әрекет ету жылдамдығы мен тиімділігін арттыру. Біз өмірлерді құтқару үшін тек кәсібилік емес, сонымен қатар қазіргі заманғы, жоғары сапалы жабдық болуы керек екенін түсінеміз, бұл құтқарушыларға ең күрделі жағдайларда тапсырмаларды орындауға көмектеседі. Сапалы техникаға деген сұраныс — бұл тек талап емес, бұл біздің азаматтар алдындағы жауапкершілігіміз және өз өмірлерін басқалардың өмірін құтқару үшін қатерге тіккен құтқарушылар алдындағы жауапкершілігіміз. Қазақстан ТЖМ басшылығы тек сынақтан өткен және жоғары сапалы техниканы сатып алуды жалғастырады, сондықтан құтқарушылар әрқашан жылдам әрекет ету үшін ең жақсы құралдарға ие болады. Жаңа көліктер — жаңа құтқару мүмкіндіктері! Ақпарат көзі : https://www.gov.kz/memleket/entities/emer/press/news/details/878895

Қарағанды облысының жастар ресурстық орталығы волонтерлар арасында байқау жариялады. Өтінімдерді қабылдау 2024 жылдың 25 қарашасына дейін жалғасады. Оған Қарағанды облысында тұратын 18 жастан асқан еріктілер қатыса алады. Жеңімпаздар 500 мың теңгеден 10 шағын грантқа ие бола алады.Байқауға ұйымдар мен жеке тұлғалар да қатыса алады.Үміткерлерге қойылатын басты талап-әлеуметтік маңызды жобаны жүзеге асыру.«Өтініштерді қарастыру барысында волонтерлік салада бағдарламалар мен жобаларына ерекше басымдылық беріледі. Қосымша артықшылық ретінде сертификаттар, алғыс хаттар, ұсыныстар, жарияланымдар немесе волонтерлік тәжірибені растайтын басқа да құжаттар ескеріледі», – дейді ұйымдастырушылар.Толығырақ ақпаратты телефондар арқылы алуға болады: (8-7212) 40-08-70, +7-708-272-64-70 (WhatsApp).Ақпарат көзі : https://www.gov.kz/memleket/entities/karaganda/press/news/details/878269

Бүгін сағат 08.00-де облыс әкімі Ермағанбет Бөлекпаев өңірдегі жағдайға байланысты жедел штаб өткізді. Қарағанды облысы Төтенше жағдайлар департаментінің бастығы Марғұлан Аманбаевтың айтуынша, қатты желдің салдарынан кейбір аудандарда шатырлар ұшып, электр сымдары үзілген.6–7 қараша күндері Қарағанды облысында 20 м/с-тан асатын қатты желдің екпінінен 8 үйдің шатыры ұшқан.Зардап шеккендер жоқ; барлық жағдайларға комиссиялық сараптама жүргізіледі.Ауа райының бұзылып, бұрқасын болып, желдің екпіні секундына 30 метрге дейін жеткендіктен Қарағанды облысының кейбір елді мекендерінде электр қуатының үзілуі тіркелуде.Қазір арнайы бригадалар жөндеу-қалпына келтіру жұмыстарына кірісті. Ажыратылған электр желілерінің басым бөлігі жөнделді.Өңірдегі тіршілікті қамтамасыз ету нысандары штаттық режимде жұмыс істеуде. Жиында қала аудан әкімдері барлығы қалпына келтірілетінін хабарлады. Электрмен жабдықтау жағдайы қазір қатаң бақылауда.Ақпарат көзі : https://www.gov.kz/memleket/entities/karaganda/press/news/details/878761

Қазақстан Республикасы Көлік министрлігі «Ашық НҚА» порталында Қазақстан Республикасы Көлік министрінің «Автомобиль жолдары саласындағы кәсіби стандарттарды бекіту туралы» бұйрығының жобасы орналастырылғанын хабарлайды. Осы жобаны қоғамдық талқылауға қатысуыңызды сұраймыз. Толығырақ: https://legalacts.egov.kz/npa/view?id=15276876 Ақпарат көзі : https://www.gov.kz/memleket/entities/transport/press/news/details/878835

Көлік министрлігі жол құрылысы саласына жаңа технологияларды енгізу жұмысын тұрақты негізде жүргізеді. Саланы дамыту аясында «ҚазжолҒЗИ» АҚ пилоттық режимде жол құрылысында қолданылатын материалдар мен инновациялық технологиялардың бірыңғай базасын іске қосты. Басты мақсат – автожолдардың сапасын жақсартып, сала ашықтығын қалыптастыру.Қазіргі уақытта базаға 112 өнім атауы енгізілді. Оның 37-сі «жасыл мәртебе» (зертханалық және мониторингтік бақылаудан өтті), 23-і «сары мәртебе» (зертханалық сынақтардан кейін тәжірибелік учаскелерде бақылау), ал 52-сі «сұр мәртебеге» (бастапқы зертханалық сынақтардан өткен өнімдер) Деректерді жүйелеу автомобиль жолдарының қауіпсіздігі мен сапасын арттыратын ең тиімді шешімдерді анықтауға және пайдалануға көмектеседі.Тәжірибелік учаскелерде биыл бірқатар отандық әзірлеме сынақтан өтіп жатыр. ҚазжолҒЗИ ғалымдарының соңғы әзірлемелерінің қатарына жолдың мерзімінен бұрын тозуын болдырмайтын Qsmart-PM битум және асфальтбетон модификаторы (Қапшағай-Күрті трассасының учаскесінде сынақтан өткізілуде), -25°С дейін төзімді және экологиялық тұрғыда таза QSmart-AntiGlaze көктайғаққа қарсы реагенті («Астананы айналып өту» автожолының учаскесінде сынақтан өтуде) және жол таңба сызуға арналған QSmart-RoadPaint («Алматы-Бішкек» трассасындағы тәжірибелік учаске) жатады.Сондай-ақ Қазақстанда QELAST модификаторы, «АльфаДоб» адгезиялық қоспасы, сонымен бірге топыраққа арналған түрлі қоспалар, Go Green суық асфальты мен герметик сынақтан өткізілуде.Аталған технологиялар міндетті түрде екі жыл ғылыми-техникалық сынақтан өтеді.Бірыңғай базаны құрып, одан әрі толықтыру жұмыстары жолдарды жөндеу және салу шығындарын азайтуға, мерзімінен бұрын тозуын болдырмауға және жол қозғалысының қауіпсіздігін арттыруға мүмкіндік береді.Ақпарат көзі : https://www.gov.kz/memleket/entities/transport/press/news/details/878865

Бүгін Астана қ. «Энергиялық тиімді серіктестік: жаңа шынайылық» тақырыбындағы VI халықаралық форум басталды.Форумның басты мақсаты – энергия тиімділігіне, төмен көміртекті дамудағы, қоршаған ортаны қорғаудағы энергия үнемдеудің рөліне, CBAM және ЭСКО тетіктеріне, сондай-ақ бюджеттік сектор мен ғимараттардағы энергия тиімділігін арттыруға баса назар аудара отырып, өнеркәсіпті цифрландыру мәселелері. Халықты энергия үнемдеу процестеріне тарту және ақпараттандыру мәселелеріне ерекше назар аударылатын болады.Іс-шараның ашылуында ҚР Өнеркәсіп және құрылыс вице-министрі Жәннат Дүбірова құттықтау сөз сөйледі.Оның айтуынша, Қазақстан экономикасының өсуімен энергия ресурстарына деген қажеттілік тек қана артып келеді. Соңғы 5 жылда елде жалпы энергия тұтыну 12%-ға өсті, тұтынудың үштен екісі тұрғын үй және өнеркәсіп секторларына тиесілі. Экономиканың әртүрлі салаларында энергия тиімділігін арттыру үшін Үкімет мақсатты саясат жүргізіп жатыр.Жәннат Дүбірова Мемлекеттік энергетикалық тізілім, энергия аудиті, энергия тиімділігін арттыру жөніндегі бесжылдық іс-шаралар жоспары сияқты пайдаланудағы құралдарға тоқталды. Сондай-ақ, Мемлекеттік энергетикалық тізілім аясында 2015-2023 жылдар аралығында 2 мыңнан астам энергетикалық аудит жүргізіліп, нәтижесінде 443 млрд теңгеге энергия тиімділігін арттыру шаралары жүзеге асырылды. 129 миллиард теңге үнемделген. Нәтижесінде өнеркәсіп секторының энергия сыйымдылығы 48%-ға төмендеді.Сондай-ақ шара барысында ҚР Мәжілісінің депутаттары Бауыржан Смағұлов пен Еділ Жаңбыршин, «Dena» неміс энергетикалық агенттігінің басқарушы директоры Кристина Хаверкамп, Nazarbayev University президенті Ахмад Вакар да сөз сөйледі.«Energy-efficient partnership 2024» пленарлық отырыстар, панельдік сессиялар және салалық подкасттар форматында өтті. Форумның негізгі бағыттарының қатарында «Инновациялар және технологиялар», «Заңнама және саясат», «Халықаралық тәжірибе және ынтымақтастық» тақырыптары бар.Форум жұмысына салалық министрліктер мен мемлекеттік ведомстволардың, жергілікті атқарушы органдардың, бизнес-қоғамдастықтың, қауымдастықтың, халықаралық ұйымдардың өкілдері, сондай-ақ энергия тиімді технологиялар мен жабдықтардың жетекші өндірушілері қатысуда.Шара аясында «Green Awards 2024» марапаттау рәсімі, «Энергиялық тиімді серіктестік: жаңа шынайылық» тақырыбында пленарлық отырыс, «Тұрғын үй саласында және ғимараттарда энергияны үнемдеу», «DENA», «Энергияны үнемдеудегі стратегиялар мен реттеу. Автоматтандыру, цифрландыру және стандарттау» атты панельдік сессиялары өтті. Ақпарат көзі : https://www.gov.kz/memleket/entities/mps/press/news/details/878834

Ашықтық, қолжетімділік әрі халықпен өзара тығыз байланыс орталық атқарушы биліктің «Халық үніне құлақ асатын мемлекет» тұжырымдамасын іске асырудағы негізгі қағидаттардың бірі болып саналады. Бұл бағытта ҚР Қаржы министрлігі ашық саясатты мақсатты түрде ұстанып, тың тәсілдерді қолдану арқылы қоғаммен байланысты нығайтып келеді. Айталық, сондай тиімді тетіктердің бірі ретінде – ҚР Қаржы министрі Мәди Такиевтің азаматтарды жеке мәселелері бойыншы қабылдауын айтуға болады.Қаржы министрлігі қазақстандықтар көтерген бастамалар мен ұсыныстарды, сондай-ақ жеке өтініштерін мұқият талдайтындықтан ведомство басшысының қабылдауына Құжат айналымы департаментінің директоры, ҚР азаматтарының өтініштері басқармасының басшысы мен бірнеше қызметкер қатысқанын айта кетейік.Осы жолы отандастарымыздың өтініштері мемлекеттік сатып алу мен шығармашылық бастамаларды қолдау мәселелеріне байланысты болды. Оның барысында қабылдауға жазылған барлық азаматқа көтерілген өтініштер бойынша тиісті заңға сай толыққанды әрі тұшымды жауап қайтарылды. Кейбір мәселелерге байланысты Мәди Төкешұлы министрліктің құрылымдық бөлімшелері мен ведомстволық бағынышты ұйымдардың басшыларына қажетті тапсырмалар берді.Бұл ретте ведомство қоғам тарапынан қолға алынған азаматтық бастамаларды қолдайтынын айта кеткен орынды. Өйткені қызмет ашықтығы азаматтардың, қоғамдық бірлестіктер мен кәсіпкерлік қауымдастықтардың түрлі деңгейдегі шешімдерді әзірлеп, атсалысуларына жол ашады, сондай-ақ халықтың қажетті ақпаратпен қамтылуын арттырып, жүйелі диалог орнатуға септеседі.Жеке қабылдауға алдын ала жазылу төмендегі сілтеме арқылы жүзеге асырылады: https://primeminister.kz/ru/government/reception-centerАқпарат көзі : https://www.gov.kz/memleket/entities/minfin/press/news/details/878868

Балалардың құқықтарын қорғаудың және олардың ел өміріне қатысуын қамтамасыз етудің жаңа тетіктерін енгізу мақсатында әр өңірде балалар омбудсмендерінің жаңа құрамы жасақталды. Оған жоғары сынып оқушылары, мектеп парламентінің көшбасшылары, белсенділер, еріктілер қатарынан 40 жастар өкілі енді.Бұл бастама баланың құқықтарын іске асыруға және өзін-өзі басқару қызметі арқылы балалардың қоғамдық өзгерістерге белсенді қатысуына бағытталған.«Балалардың дауысы ересектерге жетуі тиіс және олар өздерінің әл-ауқатына әсер ететін барлық мәселе бойынша шешім қабылдауға қатысуға құқылы. Балалардың өз құқықтарын білуі және түсінуі, оларды жүзеге асыруы, қорғауы үшін қолайлы жағдай жасау маңызды. Балалар өкілдіктері балалардың әл-ауқатын қамтамасыз етудің маңызды құралының біріне айналады», - деп атап өтті ҚР Оқу-ағарту министрлігі Балалардың құқықтарын қорғау комитеті төрағасының орынбасары Юлия Овечкина.Балалар өкiлдiктерi өз қатарластарының құқықтарын қорғау, олардың әлеуметтiк бастамаларын қолдау жөнiндегi өзектi проблемаларды шешуге жәрдемдесіп, балалар мүддесі үшін мемлекеттiк саясатты қалыптастыруға, балалық шақ мәселелерi бойынша нормативтiк құқықтық актiлердi әзiрлеуге балалардың интеллектуалдық әлеуетiн тартуға, балалар ортасында құқықтық мәдениеттi, азаматтық көзқарасты және әлеуметтiк жауапкершiлiктi қалыптастыруға қатыса алады.Сондай-ақ балалар омбудсмендері балалар құқықтары жөніндегі өңірлік уәкілдермен ынтымақтастықта жұмыс жасау арқылы барлық балалардың мүдделерін неғұрлым тиімді қорғауға атсалысады. Айта кетейік, балалар омбудсменіне сайлау жыл сайын өткізіледі.Ақпарат көзі : https://www.gov.kz/memleket/entities/edu/press/news/details/878845

Облыс әкімінің орынбасары Нұрбол Тұрашбеков бүгін жұмыс сапарымен Сарыағаш ауданында барды. Онда бірқатар жылыжай иелерімен кездесті. Шаруалар қатты отын бағасын тұрақтандыру, көкөніс пен жеміс-жидек импортын реттеу бойынша өтініштерін жеткізіп, электр қуатының қыс мезгілінде үздіксіз берілуін қамтамасыз етуді сұрады. Қазіргі таңда ауданда көмір тапшылығы жоқ.Көтерілген мәселелерге қатысты заң аясында тиісті жұмыстар атқарылатынын айтқан Нұрбол Тұрашбеков облыстық Ауыл шаруашылық басқармасының басшысы мен аудан әкімдігінің жауапты мамандарына нақты тапсырмалар жүктеді.Түркістан облысында жылыжайлардың жалпы көлемі 1 640 гектарды құрайды. Бұл республикалық көрсеткіштің 71 пайызын құрайды. Биылғы 9 айда өңіріміздегі жылыжайларда 150 мың тонна көкөніс жиналып, маусымаралық кезеңде жергілікті өніммен республика халқы қажеттілігін 42 пайызға қамтамасыз етті. Өнеркәсіптік жылыжайларды дамыту бойынша бүгінгі таңда 602 гектар алқапты қамтитын 3 жоба жүзеге асырылуда. Нәтижесінде жаңадан 6 150 жұмыс орындары құрылып, жылыжайлардан қосымша 180 мың тонна өнім жиналады деп күтілуде. Бұл өз кезегінде республика халқын маусымаралық кезеңде жылыжай өнімдерімен 100 пайыз қамтамасыз етуге мүмкіндік ашады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/878729

Төлеби ауданының жаңа әкімі Еркеғали Әлімқұлов жұмысын ауданның әлеуметтік-экономикалық даму көрсеткіштерімен танысудан бастады. Тұрғындардың жиі көтеріп жүрген баспана мәселесіне назар аударып, ең бірінші, іссапармен Леңгір қаласы Үміт көшесіндегі 5 қабатты 120 пәтерлі 2 тұрғын үй алаңына арнайы барды.Бұл көпқабатты екі тұрғын үй жеке инвесторлар есебінен халықтың әлеуметтік осал топтары және аз қамтылған көпбалалы отбасылары, бюджеттік мекеме қызметкерлері үшін салынуда.Аудан басшысы Еркеғали Амантайұлы мердігер мекеме өкілдерімен пікірлесіп, нысанның құрылысымен танысты.Азаматтарды тұрғын үйлермен қамтамасыз ету мақсатындағы 5 қабатты 2 тұрғын үйде ішкі әрлеу жұмыстары жүргізілуде. Заманауи тұрғын үй нысанын жыл соңында пайдалануға беріледі деп жоспарлануда.Аудан әкімі мердігер мекеме өкілдеріне құрылыс жұмыстары сапалы жүргізіліп, көрсетілген мерзімде аяқталып, ел игілігіне пайдалану берілу қажеттігін ескертті. Жауаптыларға сапасы мен жұмыс қарқынын қадағалауды тапсырды.Айта кетейік, қазіргі таңда Леңгір қаласы Қапал батыр көшесі бойында 5 қабатты 3 үйдің құрылысы басталған. «Vek Stroy Com» ЖШС мердігер мекемесі 60 пәтерлі және 48 пәтерлі, мердігер мекеме: «МОЛШЫЛЫҚ» ЖШС -і 48 пәтерлі тұрғын үйдің құрылысын жүргізуде. Құрылыс жұмыстары 2025 жылға өтпелі.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/878735

Бүгін «BASTAU Talks» қоғамдық лекциясы аясында Астана қаласы, ҚМДБ-ның «Ырыскелді қажы» мешітінің Бас имамы, теолог, дінтанушы Нұрлан Байжігітұлы және «Дін мәселелерін зерттеу орталығы» КММ-нің директоры Медет Мұзапбарұлы Түркістан қаласының жастарымен кездесті. Аталған қоғамдық шара Түркістан облысы қоғамдық даму басқармасы «Жастар ресурстық орталығы» КММ-і тарапынан ұйымдастырылған.Кездесу мақсаты – жастарға тәлім-тәрбие, рухани бағыт-бағдар беру, көшбасшылық қабілеттерін дамыту, өскелең ұрпақты белсенді және жауапты азамат етіп қалыптастыру. Сонымен қатар, дүниетанымы, өзіндік көзқарасы қалыптасқан саналы азамат етіп тәрбиелеу, өз елінің дамуына үлес қосу арқылы отанына, туған жеріне деген сүйіспеншілігін арттыру.Жиынға Түркістан облысы қоғамдық даму басқармасы «Жастар ресурстық орталығы» КММ-нің басшы орынбасары Пердебек Сержанұлы модераторлық етті.Кездесу барысында спикерлер бірқатар келелі мәселелерді қозғап, жастардың қызығушылығын тудыратын өзекті тақырыптарда әңгіме өрбітті. Кездесуден кейін қатысушылармен сұрақ-жауап алмасып, жастар өздерінің көкейлерінде жүрген сауалдарын қойып, спикерлерден нақты жауаптар алды.«BASTAU Talks» қоғамдық лекциясы – жастар үшін ерекше мүмкіндік. Бұл жоба көптеген жетістікке жеткен білікті тұлғалардың өмірлік тәжірибесі мен жетістікке жету жолын жастарға үлгі ете отырып дамытуға, тың ақпарат алуға, мотивация беруге бағытталған. Жастар үшін мұндай кездесулердің маңызы зор. Себебі олар қоғамның болашағын қалыптастыратын жаңа буын.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/878738

Астанада боччадан Қазақстан Республикасы Кубогінің жеңімпаздары мен жүлдегерлерін марапаттау рәсімі өтті, деп хабарлайды елорда әкімдігінің ресми сайты.Дүбірлі додада еліміздің 14 өңірінен 86 параспортшы бақ сынады. Олардың қатарында Астана қаласының 13 спортшысы өнер көрсетті.Ел Кубогінің марапаттау рәсімінде ҚР Парламенті Сенатының төрағасы, Қазақстан бочча федерациясының президенті Мәулен Әшімбаев пен Астана қаласы әкімінің орынбасары Ерік Мейірханов жарыс жеңімпаздарын марапаттады.Боччадан Қазақстан Кубогі жолындағы сайыстың нәтижесінде жеңімпаздар ересектер мен жасөспірімдер арасында төрт дәреже бойынша анықталды.Жалпыкомандалық есепте Астана қаласының командасы жеңіске жетті. Екінші орын Алматы қаласынан келген ұжымға бұйырса, үздік үштікті Павлодар облысының спортшылары түйіндеді.Айта кетсек, бочча – негізінен доп ойыны. Яғни тірек-қозғалыс аппаратының ең ауыр бұзылыстары бар балалар мен ересектерге өзін-өзі жетілдіруге мүмкіндік беретін бірнеше паралимпиадалық спорт түрінің бірі. Елімізде бочча федерациясы 2021 жылы мүмкіндігі шектеулі балаларды тәрбиелеп отырған ата-аналар мен «Тең мүмкіндіктер әлемі» қоғамдық қоры жаттықтырушыларының бастамасымен құрылған.Ақпарат көзі : https://www.gov.kz/memleket/entities/astana/press/news/details/878739

Ауа райының нашарлауына байланысты екінші ауысымның 0-9-сынып оқушылары үшін сабақтар қашықтан оқыту форматына көшеді, деп хабарлайды Астана әкімдігінің ресми сайты."Астана қаласының білім басқармасы 2024 жылдың 7 қарашасында ауа райының нашарлауына байланысты екінші ауысымның 0-9-сынып оқушылары үшін қала мектептерінде сабақтар қашықтан оқыту форматына ауысатынын хабарлайды", - деп хабарлады Білім басқармасы.Ақпарат көзі : https://www.gov.kz/memleket/entities/astana/press/news/details/878780

Бүгінгі күні Ақмола облысындағы астық қабылдау кәсіпорындары тәулік бойы жұмыс істеп, астық қабылдауда. Облыс әкімінің тапсырмасымен өңірде астық жинау жұмыстарын үйлестіру мақсатында облыстық штаб құрылды. Штабтың басты міндеті — астық жинау науқанының барысын үнемі бақылауда ұстау, астық қабылдау кәсіпорындарының жұмысын қадағалау, астықты қабылдау мен кептірудің үздіксіз жұмысын қамтамасыз ету.«Жинау кезеңінде жауған мол жауын-шашын аграрийлерге жаңа өнімді сақтауды мұқият іске асыру қажеттілігін туындатты. Қазіргі уақытта 66 лицензияланған астық қабылдау кәсіпорындары, 1510 ауыл шаруашылығы құрылымдарының қоймалары және жалпы сақтау көлемі 7,2 млн тонна болатын 122 астық кептіргіштері іске қосылған. Бүгінгі күні элеваторларда шамамен 3 млн тонна астық бар. Сондай-ақ жергілікті ауыл шаруашылығы тауар өндірушілері астықтың сақталуына қолдау көрсетуде», — деді Ауыл шаруашылығы және жер қатынастары басқармасының басшысы Кенеш Әлімжанов.Қосымша ауыл шаруашылығы тауар өндірушілері 500 мың тонна астықты сақтау үшін 2,5 мыңнан астам астық қаптарын пайдалануда.Айта кету керек, 2024 жылы өңірдегі егістік алқабының жалпы ауданы 5,4 миллион гектарды құрады, оның ішінде 4,7 миллион гектары дәнді және дәнді-бұршақты дақылдар, 269 мың гектары майлы дақылдар, 421 мың гектары мал азығы дақылдары, 2,4 мың гектары картоп және 1,4 мың гектары көкөніс дақылдарына бөлінген.Сондай-ақ, облыс аграрийлері минералды тыңайтқыштарды және элиталық тұқымдарды қолдануды едәуір арттырғанын атап өткен жөн. Жинау науқанының қорытындысы бойынша гектарына 14,1 центнерден орташа өнімділікпен 6,6 млн тонна рекордтық астық жиналды. Бұл көрсеткіш аграрлық жұмыстың тиімділігін және егіннің жоғары шығымын растайды.Ақпарат көзі : https://www.gov.kz/memleket/entities/aqmola/press/news/details/878700

Қазақстанның авиациялық әкімшілігінде Қазақстан Республикасының әуежайларындағы ұшу-қону жолағындағы операциялардың қауіпсіздігін арттыру мәселелеріне арналған кездесу өтті.Іс-шараға жетпістен астам маман қатысты, олардың қатарында ірі ұлттық авиатасымалдаушылардың, Қазақстанның жиырма үш әуежайының, аэронавигациялық қызмет көрсетуді жеткізушінің, Көлік министрлігінің, Қорғаныс министрлігінің, Қазақстанның авиациялық әкімшілігінің көліктегі оқиғалар мен инциденттерді тексеру жөніндегі департаментінің өкілдері болды.Мамандар ұшу қауіпсіздігі шараларын әзірлеу және одан әрі жетілдіру үшін үздік тәжірибелермен, білімдермен, тәжірибелермен және ұсыныстармен алмасу болды.Отырыс барысында әуеайлақтарды пайдаланушылар мен аэронавигациялық қызмет көрсетуді жеткізушілердің өкілдері жердегі қозғалысты бақылаудың заманауи техникалық құралдарын қолдануды, маневр жасау алаңында әуе кеме экипаждарын бағдарлауға арналған көрнекі құралдарды жетілдіруді, ілінісудің қажетті сипаттамаларын қамтамасыз етуді қоса алғанда, ҰҚЖ пайдалану қауіпсіздігі үшін орын алған проблемаларды жою бойынша іске асырылған шараларды көрсетті. Әуеайлақта құрылыс жұмыстарын жүргізу кезінде ҰҚЖ-ны пайдалану кезінде туындайтын тәуекелдер және оларды азайтуға бағытталған шаралар қаралды. Азаматтық авиацияда ҰҚЖ (GRF) бетінің жай-күйі туралы деректерді ұсынудың жаһандық форматын қолдануды жақсарту жөніндегі шаралар талқыланды.2024 жылы «Қазақстан Республикасының азаматтық авиациясында ұшу-қону жолағында операциялардың қауіпсіздігін қамтамасыз ету бағдарламасын» бекіту маңызды бастама болды. Бағдарламаның мақсаты – қатерлерді жүйелі бақылау және барлық тартылған ұйымдардың жұмысын үйлестіру арқылы ҰҚЖ-дағы операциялардың қауіпсіздігін жақсарту.Қатысушыларға Қазақстан Республикасы азаматтық авиациясының ҰҚЖ-дағы операциялардың қауіпсіздігін қамтамасыз ету жөніндегі 2025-2029 жоспарының жобасы ұсынылды.Жоспар әуе кемелерінің экскурсиялары және ұшу-қону жолақтарына кіру сияқты ұшу-қону жолағын пайдаланумен байланысты жоғары әсер ететін тәуекелдерді азайту бойынша одан әрі шараларды қамтиды.Бұл жұмыс ИКАО азаматтық авиация саласындағы халықаралық ұйымы жаһандық деңгейде және Қазақстан Республикасының мемлекеттік деңгейінде белгіленген ұшу қауіпсіздігінің стратегиялық мақсаттарын іске асыруды қамтамасыз етеді.Мұндай форматтағы кездесулер сала өкілдері үшін өзекті мәселелерді талқылайтын, идеялар ұсынатын және ұшуды жерүсті қамтамасыз ету, әуе қозғалысына қызмет көрсету және ұшуды жүргізу торабында туындайтын проблемаларды шешу жөнінде өз көзқарастарымен бөлісетін пәрменді алаң болып табылады.Ақпарат көзі : https://www.gov.kz/memleket/entities/transport/press/news/details/878770

Deere & Company (John Deere), Eurasia Group және «Бәйтерек» холдингі John Deere-дің Қазақстандағы жергілікті қатысуын құрастыру ынтымақтастығы арқылы кеңейтуге бағытталған меморандумға қол қойды.Бұл стратегиялық әріптестік инновацияларды ынталандыруға, жергілікті өндірістік қуаттарды нығайтуға, елдің тұрақты экономикалық өсуіне ықпал етуге арналған және озық технологияларды енгізуге, цифрлық трансформацияға және ауыл шаруашылығында, Қазақстан өнеркәсібінде тиімділікті арттыруға бағытталатын болады.«Озық технологияларды пайдалана отырып және білім алмасуды қолдай отырып, біз экономикаға да, жергілікті халыққа да пайда әкелетін тұрақты өсудің негізін қалаймыз», – John Deere-дің ТМД және Орталық Азия бойынша «Ауыл шаруашылығы және көгалдар» бағытындағы президенті Чаба Лейко..John Deere, Eurasia Group және «Бәйтерек» холдингі арасындағы серіктестік жаңа жұмыс орындарын құруға, Қазақстанның экономикалық тәуелсіздігін нығайтуға және ауыл шаруашылығы саласын орнықты дамытуға ықпал етеді.Бұл келісім қатысушылардың Қазақстанның бәсекеге қабілеттілігін арттыру және оның Орталық Азияның ауыл шаруашылығы мен өнеркәсібіндегі көшбасшылық позициясын нығайту жөніндегі жалпы мақсатын атап көрсетеді.Ақпарат көзі : https://www.gov.kz/memleket/entities/moa/press/news/details/878748

ҚР Еңбек және халықты әлеуметтік қорғау министрлігінің (бұдан әрі – Еңбекмині) бастамасымен өткен жылы ерекше қажеттіліктері бар адамдарға инватакси қызметін көрсету кезінде такси агрегаторларын пайдалану жөніндегі пилоттық жоба басталды. 2024 жылғы 1 қарашадағы жағдай бойынша Астана мен Алматы қалаларында аталған қызмет 157,9 мың рет көрсетілді.2023 жылдың қорытындысы бойынша мүгедектігі бар адамдарға инватакси қызметі 53,9 мың рет көрсетілгенін естеріңізге саламыз.Бұдан бұрын хабарлағандай, инватакси қызметінің сапасы мен көрсету жылдамдығын арттыру мақсатында Еңбекмині әкімдіктермен бірлесіп осы қызметтің тетігіне өзгерту енгізу туралы шешім қабылдады. Мысалы, азаматтарға қызмет алудан бір күн бұрын телефон арқылы жазылу қажет, бұл өз сапарларын алдын ала жоспарлауға, инватакси беруді күтуге мәжбүр етеді, инватакси қызметтерін ұсыну үшін көлік құралдарының жетіспеушілігі және т. б. мәселелер бар.Шарттарды жеңілдету үшін осы қызметті көрсетуге қатысуға тиісті сұраныс алған такси агрегаторларын тарту бойынша пилоттық жобаға бастама жасалды.Мұндағы басты шарт сапарлардың ақысынан пайыздың болмауы, олар әдетте агрегатор платформаларының пайдасына аударылатын. Яндекс компаниясы пилоттық жобаға өтеусіз негізде қатысуға ниет білдірді.Пилоттық жоба шеңберінде азаматтар Яндекс Go мобильді қосымшасы арқылы Инватакси қызметін қолдана алады. Бұл қызметті алушы үшін көлікті тезірек таңдауға, онлайн режимінде тапсырыс мәртебесін қадағалауға және жасалған сапарларға мониторинг жүзеге асыруға мүмкіндік береді. Аталған қосымшада мүгедектігі бар адамдар жүргізушіге сапардағы ерекше қажеттіліктері туралы ескертуі үшін арнайы мүмкіндіктер экраны іске қосылды. Өз кезегінде, жүргізушілер адамды көлікке отырғызу және одан түсуде қалай көмек көрсетуге болатын секілді арнайы нұсқаулар алады.Пилоттық жобаға алғашқы кезеңде Астана және Алматы қалаларынан мүгедектігі бар адамдардың фокус-тобы қатысады.Жоба 2024 жылы да жалғасуда, болашақта жаңа форматта қызмет көрсетуді мүгедектігі бар адамдардың басқа топтарына кеңейту және елдің барлық өңірлерінде масштабтау жоспарлануда.Ақпарат көзі : https://www.gov.kz/memleket/entities/enbek/press/news/details/878703

Мемлекет басшысының бастамасымен жүзеге асырылып жатқан «Жайлы мектеп» ұлттық жобасы аясында Қостанай облысының Арқалық қаласында және Жамбыл облысының Тараз қаласында тағы екі жайлы мектеп ашылды.Арқалықтағы мектеп 300 орынға арналған, онда балалардың бойында зерттеушілік дағдыларын қалыптастыру мақсатында заманауи жабдықтармен жарақтандырылған 26 оқу кабинеті бар.Айта кететіні, мектепте оқушылардың IT-құзыреттілігін, ғылыми және шығармашылық әлеуетін қолдау үшін заманауи робототехника кабинеттері, компьютерлік сыныптар және STEM-зертханалары да қарастырылған. Естеріңізге сала кетейік, жуырда осы өңірдің Заречный ауылында да жаңа жайлы мектеп қолданысқа берілген болатын.Тараз қаласында да 1200 орындық жайлы мектеп оқушыларға өз есігін айқара ашты. Мектеп ғимаратында мәжіліс залы, 60-қа жуық оқу кабинеті, асхана, 2 спорт залы, 2 лингафон кабинеті, 3 зертхана, кітапхана, компьютер залдары, сонымен қатар 3 шеберхана мен 10 коворкинг-орталық бар. Бұл Жамбыл облысында ашылып отырған екінші жайлы мектеп.Айта кету керек, жыл басынан бері елімізде 84 мың оқушы орнына арналған 32 жайлы мектеп ашылды.Ақпарат көзі : https://www.gov.kz/memleket/entities/edu/press/news/details/878765

Президенттің Франция Республикасына мемлекеттік сапары шеңберінде Қазақстан мен Францияның арасында денсаулық сақтау саласындағы ынтымақтастық туралы бірқатар уағдаластықтарға қол жеткізілді.Француз тарапымен кездесулер барысында медициналық қызметтердің сапасы мен қолжетімділігін жақсарту, цифрландыру мен телемедицинаны жетілдіру, онкологиялық көмекті жақсарту, инновациялық технологияларды енгізу, медициналық және фармацевтикалық өнеркәсіпті дамыту, тәжірибе алмасу, мамандарды оқыту және т. б. бағыттарда белсенді өзара іс-қимыл белгіленді.Қазақстандық делегацияның қатысуымен Қазақстан-француз іскерлік кеңесінің 13-ші отырысында ҚР ДСМ мен Франция Республикасының Денсаулық сақтау және медициналық көмекке қол жеткізу министрлігінің арасындағы денсаулық сақтау және профилактика саласындағы ынтымақтастық жөніндегі ниеттер туралы декларацияны, сондай-ақ қазақстандық және француз ұйымдарының арасындағы 12 меморандумды қоса алғанда, бірқатар құжаттарға қол қойылды.Сапар шеңберінде ҚР Денсаулық сақтау вице-министрі Тимур Мұратовтың Франция Республикасының Денсаулық сақтау және алдын алу министрі Женевьева Дарьёсэк ханыммен екіжақты кездесуі өтті. Тараптар тиімді медициналық персонал арқылы медициналық көмек көрсету сапасын арттыруды, МСАК бойынша елдер коалициясын ілгерілетуді және т. б. қоса алғанда, денсаулық сақтау саласындағы қазақстан-француз ынтымақтастығын одан әрі дамытуды талқылады.Сондай-ақ денсаулық сақтау, цифрлық денсаулық сақтау, ғылыми зерттеулер және кадрлық әлеуетті арттыру саласындағы инвестициялық жобаларды іске асыру мәселелері денсаулық сақтау мәселелері бойынша дөңгелек үстелде қаралды. Сондай-ақ, Кюри институты, Страсбург университеттік ауруханасы, жоғары психомоторлы оңалту институты, Hekia, AFD, C3Medical, Proparco, EHESP және т. б. сияқты француз ұйымдары мен компаниялары қатысты.Сондай-ақ, қазақстандық делегация Францияның медициналық ұйымдарына барып, В2В форматындағы ұйымдармен және компаниялармен кездесулер өткізді, онда бірқатар уағдаластықтарға қол жеткізілді, олардың міндеті халыққа әлемдік стандарттарға сәйкес келетін сапалы және қолжетімді медициналық көмек көрсетуге бағытталған ортақ мақсаттарға қол жеткізу болып табылады.Ақпарат көзі : https://www.gov.kz/memleket/entities/dsm/press/news/details/878712

Қазақстан Республикасы Туризм және спорт министрлігінің Спорт және дене шынықтыру істері комитеті 2024 жылдың 1 желтоқсанына дейін спорт тақырыбына маманданған БАҚ өкілдері арасында белгілі қаламгер, көрнекті көсемсөз шебері, қазақ спорт журналистикасының негізін қалаушы Сейдахмет Бердіқұлов атындағы дәстүрлі байқауға материалдар қабылдау басталғанын хабарлайды.Конкурс жыл сайын желтоқсан айының екінші жартысында үш номинация бойынша өткізіледі:1. «Үздік спорттық телевизиялық репортаж»;2. «Үздік спорттық жарияланым»;3. «Үздік спорттық фоторепортаж». Өтініштер мен мақалалар Астана қаласы, Мәңгілік ел көшесі, 8 үй, 6 қабат, Спорт және дене шынықтыру істері комитетінің баспасөз қызметіне немесе sportpress86@mail.ru электрондық поштасы арқылы («2024 жылғы С. Бердіқұлов атындағы байқауға» деген белгімен) қабылданады.Қабылдау мерзімі – 2024 жылдың 1 желтоқсанына дейін.Дереккөз: ҚР Туризм және спорт министрлігінің ресми сайтыС. Бердіқұлов атындағы «Үздік спорт журналисі» байқауына өтінімдер қабылдау басталдыАқпарат көзі : https://www.gov.kz/memleket/entities/zhetysu-oblysy/press/news/details/878694