Ел Президенті Қ.-Ж. Тоқаевтың бастамасымен сәуір айының басында іске қосылған «Таза Қазақстан» бағдарламасын қостанайлықтар ауқымды түрде қолдауды жалғастыруда. Бұл бастаманың мақсаты – халықтың экологиялық хабардарлығын арттыру және облыстың әртүрлі аймақтарындағы қоршаған ортаны жақсарту.Бағдарлама аясында өңірде қазірдің өзінде аумақтарды тазарту және абаттандыру, қалдықтарды жинау және қайта өңдеу бойынша ауқымды іс-шаралар, сондай-ақ азаматтардың экологиялық сауаттылығын арттыруға бағытталған ағарту жұмыстары жүргізілді.Бағдарламаны жүзеге асыруда жергілікті кәсіпорындар және қоғамдық ұйымдармен ынтымақтастық маңызды рөл атқарады. Іс-шараларға бизнес-қауымдастық, жастар, спортшылар мен этномәдени бірлестік өкілдері белсенді қатысуда.Ағымдағы жылдың 6 қарашасында Қостанай ауданында «Таза Қазақстан» бағдарламасы аясында өткен әлеуметтік экожарнама жасау бойынша экологиялық конкурс аяқталды. Байқауға мектеп оқушыларынан бастап, шығармашылық жарнамалық жобалар арқылы экологиялық мәселелерді шешуге үлес қосқысы келетін мамандарға дейін қатысып, пластикті пайдалануды азайту, қалдықтарды сұрыптау және қайта өңдеу, энергия тиімділігі және шығарындыларды азайту, саналы тұтыну сияқты тақырыптарда бақ сынасты.Байқауға қатысушылардан ластануды азайту, қалдықтарды қайта өңдеу, биоалуантүрлілікті сақтау және тұрақты тұтыну сияқты өзекті экологиялық мәселелерді бейнелейтін 10-нан астам шығармашылық жұмыстар қабылданды.Байқау жеңімпаздары естелік сыйлықтар және дипломдармен марапатталды, жеке қатысушылардың үздік жұмыстары әлеуметтік желілер мен БАҚ-та жарияланатын болады.Тұрғындар арасында жалпы экологиялық мәдениетті қалыптастыру эстафетасын Ұзынкөл ауданының тұрғындары да қолдады. Ұзынкөл ауылының аудандық мәдениет үйінде өткен мерекелік іс-шарада «Ұзынкөл жастары» қоғамдық бірлестігінің бастамасымен ұйымдастырылған аудандық «Үздік аула – 2024» және «Үздік кәсіпорын-2024» байқауларының жеңімпаздары мен жүлдегерлері марапатталды.Байқау Ұзынкөл ауданы әкімдігінің бастамасымен «Таза Қазақстан» жалпы республикалық экологиялық бағдарламасы аясында өткізілді.Конкурстық комиссияның төрайымы, Ұзынкөл ауданының құрметті тұрғыны Екатерина Адамовна Ковалецтің айтуынша, Ұзынкөл ауданында «Таза Қазақстан» экологиялық бағдарламасы жүзеге асырыла бастағаннан бері ауданның ауылдық елді мекендерінің келбеті айтарлықтай жақсарған. Сондай-ақ ол өз сөзінде байқаудың қорытындысын шығару қиынға соққанын, барлық қатысушылар бас жүлдеге лайық болғанын, сонда да тәуелсіз конкурстық комиссия өз таңдауын жасап, жеңімпазды анықтағанын айтып өтті.«Үздік аула – 2024» номинациясы бойынша Троебратское ауылының Темченко отбасы, «Үздік кәсіпорын – 2024» номинациясы бойынша Қостанай облысы әкімдігі білім басқармасының «Ұзынкөл ауданының білім бөлімінің «Сәуле» бөбекжай-бақшасы» КМҚК ұжымы жеңімпаз атанды, конкурс жеңімпаздарына 500 мың теңгенің сертификаттары табысталды. Рудный қаласының тұрғындары үйреншікті сенбіліктер ғана емес, түрлі шығармашылық шараларды өткізу арқылы «Таза Қазақстан» жалпы республикалық бағдарламасына да қолдау көрсетуде. Рудный қаласы әкімдігінің «Жастар ресурстық орталығы» КММ-де «Таза Қазақстан» республикалық экологиялық бағдарламасы аясында «Бірге - Таза Қазақстан» дебаттық турнирі өтті. Турнирге студенттер мен мектеп оқушыларының арасынан жас спикерлер мен пікірсайысшылар қатысып, өзекті мәселелерді талқыға салды.«Ресурстық орталықтың жастары Президенттің бастамасын қолдайды, сенбіліктерге белсене қатысып қана қоймай, түрлі іс-шаралар өткізуде. Бүгін Рудный қаласындағы колледж студенттерінің назарын аударған пікірсайыс турнирі өтті. Осы турасында «Ы.Алтынсарин атындағы Рудный әлеуметтік-гуманитарлық колледжі» КМҚК 4 курс студенті Серікбай Бейбіт Нағашыбайұлы: «Дебат өте қызықты, әрі танымды болды», - деп өз пікірін білдіріп өтті.«Таза Қазақстан» республикалық бағдарламасы аясында аумақты қоршаған ортаның ластануынан қорғап жүрген Жітіқараның ауданың тұрғындарына құрмет көрсетіліп, эко-жарнама жасауға арналған байқаудың қорытындысы шығарылды. Байқауға қатысушылар көп болды, ең үздік жұмыс Жітіқара қаласында баннерге ілінеді.– Байқаудың басты мақсаты – Жітіқара ауданының тұрғындарын «Таза Қазақстан» экологиялық бағдарламасына белсенді қатысуға тарту болды. Қоршаған ортаның ластану мәселесіне тұрғындардың бейжай қарамайтыны қуантады. Бұл байқау өңірімізді абаттандыруға атсалысу үшін тұрғындардың назарын одан сайын арттыра түседі деп сенеміз», - дейді жастар ресурстық орталығы басшысының м.а. Сабыр Өтешев.Бұл іс-шараның мақсаты - халық арасында табиғатты қорғау, экологиялық өмір салтын ұстану және экологиялық проблемаға назар аудару үшін қажетті мінез-құлық үлгісін, құндылықтар мен қасиеттерді қалыптастырып, насихаттау. болды Айта кетсек, биыл елді мекендерді абаттандыруға 11 миллиард теңгеден астам қаржы бөлінген.92,3 мыңнан астамы отырғызылды. 90% көше жарықтандырылып, 120 ауылға жалпы ұзындығы 90,2 шақырым қоршау орнатылады.Ағымдағы кезеңде мемлекеттік органдар мен жеке ұйымдар, шаруа қожалықтары, жастар, волонтерлік және үкіметтік емес ұйымдар, мәслихат депутаттары, ПИК, МИБ өкілдері тартылды. Барлығы 601,4 мың адам қатысып, 354 техника жұмылдырылды, 326 саябақ абаттандырылып, 194,6 мың тонна қоқыс шығарылды, 92,3 мыңнан астам ағаш отырғызылды.Ақпарат көзі : https://www.gov.kz/memleket/entities/kostanay/press/news/details/878163

Астана қаласында 10 қараша күні Jeniske birge jugir бұқаралық жүгірісі өтеді, деп хабарлайды елорда әкімдігінің ресми сайты.Қала әкімдігінің ұйытқы болуымен өтетін спорттық іс-шара Ботаникалық саябақта өтеді.Жарыстың жалпы қашықтығы – 4 км. Жарысқа қатысуға ниет білдірушілерді тіркеу сағат 08:30-10:00 аралығында өтеді. Ал іс-шара тиісінше сағат 10:00-де өтеді. Тіркелу тегін. Спорттық іс-шараға 1000 адамға дейін қатыса алады.Қатысушыларға финиш алаңында естелік медальдары беріледі.Ал ерекше айта кетерлігі, қатысушылар арасында iPhone 15Pro және 5 велосипед ойнатылады.Ақпарат көзі : https://www.gov.kz/memleket/entities/astana/press/news/details/878145

Елордалық мамандардың АИТВ инфекциясының алдын алу және емдеу бойынша тәжірибесін зерделеу аясында қонақ ретінде Қарақалпақстаннан Республикалық ЖИТС орталығының дәрігерлері келді, деп хабарлайды Астана әкімдігінің ресми сайты.Дөңгелек үстел барысында Қарақалпақстан Республикасы ДСМ Республикалық ЖИТС орталығы мен елордалық АИТВ-инфекциясының алдын алу орталығы арасында серіктестік туралы меморандумға қол қойылды.«Біз қонақтарымыздың елордада АИТВ-инфекциясы бойынша іс-шараны ұйымдастыру және оны зерттеу бойынша қызығушылығын жоғары бағалаймыз. Біздің тәжірибеміз сіздерге АИТВ-инфекциясымен одан әрі күресуге көмектеседі деп үміттенеміз», – деп атап өтті қалалық денсаулық сақтау басқармасының басшысы Әлия Рүстемова.Айта кетейік, Мемлекет басшысы 2 қыркүйек күні Қазақстан халқына арналған жолдауында «Адамдар – еліміздің басты құндылығы» деп, ұлт денсаулығын нығайту үшін кешенді шараларды іске асыру қажеттігін атап өтті.Мұндай бағыттардың бірі – АИТВ-инфекциясының алдын алу, диагностикалау және емдеу.Жыл сайын қала тұрғындарының 25%-дан астамы АИТВ-ға тестілеуден өтеді, соның арқасында аурудың 80%-дан астамы бірінші және екінші кезеңде анықталады, бұл пациенттердің антиретровирустық терапияға қолжетімділігін айтарлықтай арттырады. Бұл туралы қалалық АИТВ-инфекциясының алдын алу орталығының директоры Қанат Асқаров «ЮНЭЙДС-тің «95-95-95» көрсеткіштеріне қол жеткізу стратегиясы: АИТВ-инфекциясының алдын алу, диагностикалау және емдеу» дөңгелек үстелінде хабарлады.Бұл іс-шара Дүниежүзілік ЖИТС-пен күрес күніне арналған АИТВ-инфекциясының алдын алу айлығы аясында өтті.Бүгінгі таңда Астанада АИТВ-инфекциясымен өмір сүретін және өз мәртебесі туралы білетін адамдардың жалпы саны шамамен 2700 адамды құрайды.Анықталған жағдайлардың 60%-дан астамы 20-39 жас аралығындағы адамдарға тиесілі. Біздің елімізде АИТВ-инфекциясын тегін емдейді.Ақпарат көзі : https://www.gov.kz/memleket/entities/astana/press/news/details/878147

Елордалық мектептерде құқық бұзушылықтың алдын алу жұмыстары аясында оқушылардың құқықтары мен міндеттері туралы дәрістер өткізіле бастады. Олардың бірі Орта және жоғары сынып оқушыларына арналған Қайым Мұхамедханов атындағы №90 гимназиясында ұйымдастырылды, деп хабарлайды Астана әкімдігінің ресми сайты.«Бүгінгі іс-шара балалардың жалпы қауіпсіздігіне бағытталған. Сонымен қатар біз құқық бұзушылықтың алдын алу туралы айтатын боламыз, бұл бағытта мектептер аясында да, қала деңгейінде де үлкен жұмыс жүргізілуде.Мектептерге баратын және 8-11 сынып оқушыларымен әңгімелесетін 16 мобильді топ құрылды. Бұл топтарға Білім басқармасының, прокуратураның, полиция департаментінің өкілдері, сондай-ақ мәдениет және спорт қайраткерлері кіреді. Біз кесте жасадық және оған сәйкес Астананың барлық мектептері мен колледждеріне барамыз», - деді Білім басқармасы басшысының орынбасары Серік Әділбаев.Сонымен қатар оқушыларға проблемалар туындаған жағдайда не істеу керектігі туралы кеңестер берілді.«Біздің мақсатымыз – қалай әрекет етуге болмайтыны туралы айтып қана қоймай, қамқорлық көрсету. Мәселе туындаған жағдайда мектеп оқушылары психологиялық көмек ала алатынын түсіндіреміз. Мысалы, егер құрдастарымен жанжал туындаса, қорқыту, мұғаліммен немесе ата-аналармен күрделі қарым-қатынас болса, үндемеуге болмайды, өз проблемаларыңыз туралы айту керек, ал сынып жетекшісі немесе мектеп психологы қолдау көрсетеді», - деп қосты Білім басқармасы басшысының орынбасары.Дәріс барысында оқушылар Қазақстан азаматтарының негізгі құқықтары мен міндеттерімен таныстырылды. Заңға құрметпен қарауға, құқықтық тәртіптің рөлін және өз іс-әрекеттері үшін жауапкершілікті түсінуге ерекше назар аударылды.«Қазір біздің мектепте екі ауысымда 2079 бала оқиды. Біз мектеп жиналыстарын өткіземіз, ата-аналармен кездесулерде қауіпсіздік шаралары талқыланады. Мектептің ішкі ережелерінде біз баланың қауіпсіздігін бірінші орынға қойып, кейбір өзгерістер енгіздік. Біз үшін әр оқушының қауіпсіздігі өте маңызды»,-деп атап өтті №90 мектеп-гимназиясының тәрбие жөніндегі меңгерушісі Жасұлан Маненов.Ұйымдастырушылар мұндай іс-шаралар оқушыларға өз құқықтары мен міндеттерін жақсы түсінуге, сондай-ақ заңдарды сақтаудың маңыздылығын түсінуге көмектесетінін атап өтті.Ақпарат көзі : https://www.gov.kz/memleket/entities/astana/press/news/details/878151

Алматы облысының әкімі өңірге инвестиция тарту және экономикалық серіктестік мүмкіндіктерін талқылау мақсатында қытайлық ірі компаниялардың басшыларымен кездесу өткізді. Кездесу барысында «БЕНТ» ЖШС мен Shandong By New Material CO., LTD компаниясы арасында ынтымақтастық туралы маңызды меморандумға қол қойылды. Бұл Қазақстан мен Қытай арасындағы экономикалық байланыстарды нығайтудағы маңызды қадамдардың бірі болды.«БЕНТ» ЖШС – Қазақстандағы темірбетон шпалдар мен рельс бекіткіштерін өндіру бойынша жетекші кәсіпорын. Кәсіпорынның негізгі серіктесі – «Қазақстан Темір Жолы» Ұлттық компаниясы. Жоғары сапалы құрылыс материалдарын өндіретін қытайлық Shandong By New Material CO., LTD компаниясымен жасалған келісім өңірде инновациялық технологияларды енгізуге жаңа мүмкіндіктер ашады, бұл әсіресе құрылыс саласы үшін маңызды қадам болмақ.«Әкімнің қолдауының арқасында біз Алматы облысында инновациялық өнім – сұйық бетон өндіретін бірлескен кәсіпорын құру үшін ірі қытайлық инвесторды тарта алдық. Бұл материал құрылыс саласына арналған бірегей шешім болып табылады және инфрақұрылымдық жобаларды, соның ішінде ирригациялық каналдарды салуды айтарлықтай жеңілдетуге мүмкіндік береді», – деді «БЕНТ» ЖШС басшысы.Shandong By New Material CO., LTD өкілдері де ұзақ мерзімді серіктестікке және қазақстандық бизнесті қолдауға мүдделі екендіктерін жеткізді. Олардың айтуынша, Алматы облысы өзінің тиімді географиялық орналасуы және бизнесті жүргізуге қолайлы жағдайларымен инвестиция құюға үлкен әлеуетке ие.Ынтымақтастық туралы меморандумға қол қою – Қазақстан мен Қытай арасындағы экономикалық серіктестікті нығайту жолындағы маңызды қадам және өңірде жаңа өнеркәсіптік және құрылыс жобаларын жүзеге асыру үшін берік негіз қалыптастырады.Ақпарат көзі : https://www.gov.kz/memleket/entities/almobl/press/news/details/878127

АТЫРАУДА ЖАҢА МАМАНДЫҚТАР АТЛАСЫН ҚҰРУҒА 100-ГЕ ЖУЫҚ САРАПШЫ ҚАТЫСТЫ Utebayev University базасындағы Skills Technology Foresight әдісімен жүзеге асырылған «Атырау облысында жаңа мамандықтар мен құзыреттер атласын әзірлеу» жобасына жергілікті атқарушы органдардан, бизнес саласы мен білім беру ұйымдарының жетекші мамандарынан жалпы 100-ге жуық сарапшы қатысты. Олар кадр даярлау саласында отандық және халықаралық тәжірибелерді зерттеу арқылы өңірлік стандарттар жасап, кадрлық қамтамасыз ету мәселелерін талқылады. Жұмыспен қамту нарығына форсайт-болжамдау әдісін қолдана отырып, жоба сарапшылары қазіргі заман талабына сай мамандарды даярлаудың теориялық-методологиялық және ғылыми-әдістемелік негіздерін анықтады. Жоба аясында өңірлік стандарттарды енгізуге ұйымдастырушылық-әдістемелік қолдау көрсету ерекше маңызды. Бұл Қазақстан экономикасы үшін кадр даярлаудың тұрақты жүйесін қалыптастыруға ықпал етеді. -Форсайт-сессияда жаңа мамандықтарға деген қажеттіліктерге талдау жасалды, білім беру бағдарламалары әзірленіп, кәсіби стандарттар жаңартылды. Жұмыс үш негізгі бағытты – көлік және логистика, мұнай-газ және мұнай-химия, білім беру саласын қамтыды. Осы салаларда алдағы 10-15 жылдағы түбегейлі өзгерістер мен олардың саяси, технологиялық және әлеуметтік салдарлары талқыланды. Форсайт нәтижелеріне сүйене отырып, Utebayev University және Atyrau University қызметкерлерінен құралған жұмысшы тобы мақалалар, монография мен оқулықтар жасақтауды жоспарлап отыр, - дейді «Мамандығым – болашағым» жобасының өңірлік кеңсе жетекшісі Ақмарал Жалғасбаева. Сарапшылар алдағы жиырма жылдықта логистика және көлік саласындағы мамандықтардың өзгеруіне ерекше назар аударды. Автоматтандыру, цифрландыру және экологиялық талаптардың арқасында кәсіби рөлдерде айтарлықтай өзгерістер болатыны болжанып отыр. IT, робототехника және тұрақты даму салаларындағы мамандарға сұраныс арта түседі деп күтілуде. Бұл жаңа мүмкіндіктермен қатар икемділік пен өзгерістерге дайындықты талап ететін сын-қатерді туындатады. Жобаға қатысушы компаниялар кәсіби білім беруді дамыту және экономиканың әртүрлі салаларының тиімді жұмыс істеуі үшін білікті кадрлар даярлау бастамаларын қолдайтындарын жеткізді.Ақпарат көзі : https://www.gov.kz/memleket/entities/sci/press/news/details/878165

2024 жылғы 6 қарашада Қырғызстан астанасында Түркі мемлекеттері ұйымының (ТМҰ) 11-ші саммиті аясында ТМҰ азаматтық қорғау механизмін құру туралы маңызды келісімге қол қойылды. Бұл келісім төтенше жағдайларға ден қою саласындағы мемлекеттер арасындағы ынтымақтастықты нығайтудың жаңа қадамы болып табылады.Құжатқа Қазақстан Республикасынан Төтенше жағдайлар министрі генерал-майор Шыңғыс Әрінов қол қойды. Сонымен қатар Әзербайжан, Қырғызстан, Өзбекстан және Түркия өкілдері қатысты. Бұл келісім ТМҰ-на мүше елдердің қауіпсіздік, азаматтарды қорғау және дағдарыстық жағдайларға әрекет ету саласындағы күш-жігерді біріктіруге деген ұмтылысын көрсетеді.Механизмді құрудың мақсаты – мемлекеттер арасындағы төтенше жағдайлардың алдын алу және оларды жою, сондай-ақ гуманитарлық көмек көрсету саласындағы іс-қимылдарды үйлестіруді белсендіру. Механизмнің негізгі міндеттері:Табиғи апаттар, техногендік апаттар және басқа да төтенше жағдайларға жедел ден қою.Қиратылған аймақтарда өмір мен мүлікті құтқару, сондай-ақ дағдарыс аймақтарында өмір сүру жағдайларын қалпына келтіру.Азық-түлік, дәрі-дәрмек және басқа да қажетті заттармен гуманитарлық көмек көрсету.Төтенше жағдайларды мониторингтеу және талдау жүргізу, бұл елдердің дағдарысқа дайындық деңгейін арттыруға мүмкіндік береді.Азаматтық қорғаныс саласындағы тәжірибе мен білім алмасу, бұл әрбір мемлекеттің кәсіби деңгейін арттыруға септігін тигізеді.Бұдан бөлек, келісімде мамандар үшін бірлескен жаттығулар мен оқу бағдарламаларын өткізу туралы ережелер де бар. Бұл төтенше жағдайлар қызметкерлерінің дайындық деңгейін жақсартып, төтенше жағдайларға ден қою тиімділігін арттыруға мүмкіндік береді.Келісімге қол қою ТМҰ мемлекеттерінің азаматтық қорғау саласындағы өзара қолдау мен ынтымақтастықты күшейтуге бағытталған жаңа кезеңнің басталғанын білдіреді. ТМҰ азаматтық қорғау механизмі Орталық Азия мен басқа аймақтардағы қауіпсіздік пен тұрақтылықты арттыру үшін маңызды құралға айналады. Үйлестірілген көмек көрсету және өзара әрекеттесу жүйесін құру арқылы ТМҰ елдері табиғи және техногендік апаттардың салдарымен күресу кезінде бір-біріне жылдам әрі тиімді көмек көрсете алады.Бұл қадам ТМҰ мүше мемлекеттерінің өзара көмек пен ұжымдық қауіпсіздік қағидаттарына деген ортақ адалдығын растайды. Бұл оларды ғаламдық сын-қатерлерге жедел ден қоюға және тұрақты болуға мүмкіндік береді.Ақпарат көзі : https://www.gov.kz/memleket/entities/emer/press/news/details/878158

Қарағандылық Владислав Горизанов «Мемлекеттік тіл – тәуелсіздік символы» республикалық байқауының бас жүлдесін қанжығалады. Іс-шара Ильяс Жансүгіровтің 130 жылдығына арналып өткізілді. Түрі бөлек болса да жүрегі бір азаматтар арасындағы байқау Талдықорған қаласыда өтті. Еліміздің 16 өңірінен келген этнос өкілдері білімдерін ортаға салды. Байқау төрт кезеңнен тұрды. Қатысушылар шығармашылық бағыттағы тапсырмаларды орындап, түрлі сұрақтарға жауап беруі керек. Үміткерлердің тек қазақ тілін меңгергендері аздық етеді. Қазақ мәдениеті мен салт-дәстүрді жатқа білулері тиіс.Қарағанды облыстық ішкі саясат басқармасы жанындағы «Қоғамдық келісім» мемлекеттік мекемесінің маманы Владислав Горизановтың бұл бірінші жеңісі емес. Ол бұған дейін ұйымдастырылған түрлі байқауларда жүзден жүйрік шығып жүрген азамат.– Байқауда мен өзімді жыр жолдарымен таныстырдым. «Абайдың қара сөзін» оқыдым, домбырада күй шерттім. Әр кезең үшін ұпайлар берілді. Бас жүлде иегері деп менің есімімді атағанда таң қалдым. Себебі қарсыластарым өте мықты болды. Олардың арасында тіпті қазақ тілі мен әдебиет пәнінің мұғалімдері де болды. Тартысты бәсекеге қарамастан, жеңіске жеткеніме қуаныштымын, – дейді Владислав Горизанов.Владислав Горизанов 7-сыныптан бастап қазақ тілін үйрене бастайды. Ата-анасы оны қазақ мектебіне оқуға берген. Кейінірек ол жоғарғы оқу орнына түскенде мемлекеттік тілде оқуды таңдайды. Владиславтың айтуынша, қазақ тілін үйрену қиын емес. Тек ниет пен табандылық керек. Ақпарат көзі : https://www.gov.kz/memleket/entities/karaganda/press/news/details/878041

Қарағанды облысының экономикасы тұрақты дамып келеді. Өнеркәсіптік өндіріс пен инвестиция көлемі өсуде. Екі жаңа кәсіпорын жұмыс істей бастады. Бұл полиэтилен құбырларын өндіретін және болат су жылытатын газ қазандықтарын шығаратын кәсіпорындар. Тағы сегіз жоба іске қосылады деп күтілуде. Қарметке жаңа инвестордың келуімен тоқтап тұрған кеніштер қалпына келтірілді. Жаңа инвестордың келуімен Qarmet компаниясында жұмыс істемеген шахталар қалпына келтірілді.Бұл туралы облыс әкімі Ермағанбет Бөлекпаев Орталық коммуникациялар қызметінде өткен брифингте мәлімдеді. Аймақ басшысы халықтың өмір сүру сапасын жақсарту жөніндегі мемлекет басшысының тапсырмаларының орындалуы туралы баяндады.– Жыл басынан бері облыстың экономикасына 679,1 млрд теңге инвестиция құйылды. Бұл өткен жылдағы осы кезеңімен салыстырғанда 14,6 %-ға артық. Облыс картасында екі жаңа кәсіпорын пайда болды. Жыл соңына 200 млрд теңгеден астам инвестиция тартылған тағы 8 жобаны іске қосамыз. Бұл 2600 жаңа жұмыс орнын құруға мүмкіндік береді. Ірі жобалардың қатарында мыс және ферросилиций өндіретін зауыттар бар, – деді Ермағанбет Бөлекпаев.Оның айтуынша, жыл басынан бері экономиканың өсуі 13,1 % құрады.Өнеркәсіп өндірісінің көлемі 2,8 трлн теңгеден асты. Негізгі бөлігі өңдеу өнеркәсібіне тиесілі. Бұл 2,2 трлн теңге.Облыс әкімі Qarmet компаниясының қызметіне жеке тоқталды.– Өздеріңіз білетіндей, былтыр Мемлекет басшысының тапсырмасымен өңірдегі ең ірі Qarmet кәсіпорнында инвестор ауысып, алып кәсіпорында қайта жаңғыру басталды. Металлургиялық комбинатта шойын, болат және жалпақ прокат өндірісі артты .Жаңа инвесторға ауысқан кезде сегіз шахтаның үшеуі ғана жұмыс істеп тұрған еді. Қазір жеті шахта жұмыс істеп тұр. Ұңғыма кенжарларының саны 11-ден 45-ке дейін ұлғайтылды. Бұл болашаққа арналған негіз, ол шахталардың көп жылдар бойы жұмыс істеуін қамтамасыз етеді, – деп атап өтті Ермағанбет Бөлекпаев.Кеншілердің қауіпсіздігі үшін іздеу және позициялау жүйесі енгізілді. Қазір бұл жүйе «Қазақстан» және «Күзембаев» атындағы екі шахтада жұмыс істейді. Келесі жылы барлық шахталар қамтылмақшы.Ақпарат көзі : https://www.gov.kz/memleket/entities/karaganda/press/news/details/877893

Қарағанды облысында биыл 1 млн 300 мың тонна астық өнім жиналды. Бұл рекордтық көрсеткіш. Ал жалпы ауыл шаруашылығы өнімдерін өндіру бойынша Қарағанды облысы елімізде жетінші орында тұр. Жергілікті фермерлер тек облыстың ғана емес, Астананың да азық-түлік қауіпсіздігін қамтамасыз етеді.Аграрлық саланың әлеуетін одан әрі қалай арттыра түсетінін облыс әкімі Ермағанбет Бөлекпаев Орталық коммуникациялар қызметінде өткен брифингте айтты.– Аграрлық өнеркәсіп кешеніне жыл соңына дейін 23 млрд теңгеден астам сомаға 30 инвестициялық жоба іске асырылады. Ауылдарды дамыту аясында "Ауыл аманаты"жобасын ерекше атап өткен жөн. Мемлекет басшысы халықтың әл-ауқатын арттыру жөнінде нақты тапсырмалар беріп, осы бағдарламаның тиімділігін атап өтті. Біздің облыста "Ауыл аманаты" жобасы бойынша 483 шағын несиеге 4,4 млрд теңге бөлінді. Оның жартысы мал шаруашылығын дамытуға, қалған бөлігі ауыл тұрғындарының бизнес – жобаларына бағытталған. Нәтижесінде ауылдық жерлерде 816 жұмыс орны ашылып, 60-тан астам ауыл шаруашылығы өндірістік кооперативтері құрылды, – деді облыс әкімі.Ол ауылшаруашылық кооперациясын қолдаудың сәтті мысалдарын келтірді. Актогай ауданындағы «Saq NS» СК неміс технологиясы бойынша бие сүтін өндіретін цех ашып, ай сайын 30 тонна қымыз өндіреді. Қарқаралин ауданындағы «Мәди-Агро 7» СК ет өндірісін арттырып, өнімдерін Qarmet компаниясы тұтынып отыр.Ақпарат көзі : https://www.gov.kz/memleket/entities/karaganda/press/news/details/877908

Қарағанды облысында шағын және орта бизнес қарқынды дамып келеді. Бұл салада жұмыспен қамтылғандар саны 230 мыңнан асты.Кәсіпкерлікті дамыту және қолдау туралы облыс әкімі Ермағанбет Бөлекпаев Орталық коммуникациялар қызметінде өткен брифингте мәлімдеді.– Қарағанды тек көмір және болат шығаратын алып өндіріс ошағы деген стереотип қалыптасты. Бірақ соңғы 10 жылда экономика құрылымы жаңаланып өзгерді. Бүгінгі таңда Қарағанды – сауда мен қызмет көрсету саласының жоғары үлесі бар үлкен орталық, агломерацияның негізіне айналды. Біздің облыста жұмысы бар екінің бірі кәсіпкерлік саласында, – деп атап өтті өңір басшысы.Кәсіпкерліктің дамуына мемлекеттік қолдау септігін тигізуде.Облыс әкімі мысал ретінде «Іңкәр 1» металл өңдеу кәсіпорнын келтірді. Мемлекеттің көмегі арқасында ол бес жұмыс орнын 115-ке дейін көбейте алды.– Біз елімізде алғашқылардың бірі болып бөлшек салықты 2% - ға дейін төмендеттік. Нәтижесінде жеке кәсіпкерлердің, бөлшек салық төлеушілердің саны 16 есеге өсіп, 2,5 мыңға жетті. Осы жылдың 8 айында ШОБ салықтық түсімдері 16%-ға өсті, – деп толықтырды Ермағанбет Бөлекпаев. Ақпарат көзі : https://www.gov.kz/memleket/entities/karaganda/press/news/details/877918

Қарағанды облысында Саран қаласы тарихта тұңғыш рет елеулі салық түсімін қалыптастыра бастады. Бұл Saran индустриялық аймағын дамытудың нәтижесі. Бұл тәжірибе басқа да моноқалаларды дамыту үшін үлгі болады, деп атап өтті облыс әкімі Ермағанбет Бөлекпаев Орталық коммуникациялар қызметінде өткен брифингте.– Қарағанды облысындағы индустриялық жаңғырту саласындағы табысты бастама Саран қаласында жүзеге асты. Бүгінде Үкіметтің қолдауымен қала экономикасын әртараптандырудың үлгісіне айналғанын айтқым келеді. Ол моноқала мәртебесінен шығарылып, алғаш рет тарихта айтарлықтай салықтық түсімдер бере бастады. Қазір өнеркәсіп өндірісінің 93,2%-ы өңдеу саласына тиесілі. Бұл ең алдымен Saran индустриалды аймағын дамыту нәтижесінде мүмкін болды. Қазіргі таңда 400 млрд теңге көлемінде 9 жоба іске асырылып жатыр, – деді Ермағанбет Бөлекпаев.Жүзеге асырылған жарқын жобалардың арасында облыс әкімі автобус шығару, автомобиль дөңгелектері мен тұрмыстық техника өндіретін зауыттарды ерекше атап өтті.– Президенттің тапсырмасы бойынша бұл тәжірибе біздің облысымыздың басқа моноқалаларында – Теміртау, Балқаш, Шахтинск және Абай қалаларында да енгізілуде, – деп хабарлады өңір басшысы.Ақпарат көзі : https://www.gov.kz/memleket/entities/karaganda/press/news/details/877904

Қарағандыда электрондық сауда үшін заманауи сауда-логистикалық қойма ашылады. Облыстың екі әуежайы жаңғыртылады. Облыстық, республикалық маңызы бар жолдар жөнделеді. Бұл Қарағанды өңірінің логистикалық инфрақұрылымын жақсартуға бағытталған оң қадамдар. Осы тың бастаманың арқасында бизнесті дамыту үшін жаңа мүмкіндіктер пайда болады. Жүк тасымалының көлемі ұлғаяды және тұтастай алғанда транзиттік тартымдылық артады.Қарағанды облысының әкімі Ермағанбет Бүлекпаев логистиканы өңірдің экономикалық өсімінің негізгі бағыттарының бірі ретінде атап өтті. ҚР Президентінің жанындағы Орталық коммуникациялар қызметінде өткен брифингте аймақ жетекшісі логистика облыс пен елдің экономикалық тұрғыда дамуындағы маңызды драйвері деп атап өтті. Сондықтан инфрақұрылымды жаңғырту жоспарлары мен перспективалары туралы баяндады.Қыркүйек айында Қарағандыда Teez маркетплейсі жұмысын бастады. Қойма терминалдың ашылуы өңірдегі электронды сауданың дамуын жеделдетті. Платформаның қуаттылығы – жылына 27 миллион тапсырыс. Бұл шағын және орта кәсіпорындардың іскерлік белсенділігін ынталандырады.Қарағандыда халықаралық логистиканы дамыту үшін жергілікті әуежайды жаңғырту қажет. Уақыт өте келе әуе айлағы жылына 50 мың тонна жүк тиейтін жүк терминалына айналады. Бүгінде ол Эквадордан, Нидерландыдан, Бельгиядан және Оңтүстік-Шығыс Азиядан коммерциялық жүк рейстеріне қызмет көрсетеді. Болашақта Қытайдан Еуропаға ұшатын әуе кемелерінің техникалық қонуын ұлғайту жоспарлануда.Балқаш әуежайын қайта құру маңызды жоба. Болашақта бұл әуежайдың өткізу қабілетін 30%-ға арттырып, басқа өңірлермен әуе қатынасын жақсартуға мүмкіндік береді.Логистиканың дамуы үшін автомобиль жолдарының сапасында мін болмауы керек. Биыл Қарағанды облысында 1032 километр жол жөнделді.Ірі жобалардың бірі Қарағанды – Балқаш автожолын реконструкциялау. Онда жоғарғы қабатына асфальт төсеу жұмыстары аяқталды және трассаны қалыпқа келтіру шаралары жүріп жатыр.Қарағанды – Қарқаралы автожолының 115 шақырымында жөндеу жұмыстары аяқталды. Келесі жылы 85 шақырымды қайта қалпына келтіру жұмысы жалғасады. Осылайша, Қарағандыдан Қарқаралыға дейінгі ұзындығы 200 шақырым жол толығымен жаңаланады.2025 жылы Қарағанды – Жезқазған республикалық жолын қайта жаңарту басталады деп күтілуде.Ақпарат көзі : https://www.gov.kz/memleket/entities/karaganda/press/news/details/877927

Қарағанды облысында инженерлік инфрақұрылымды жаңғырту жұмыстары жалғасуда. Қарағанды, Балқаш, Теміртау және Шахтинск қалаларында 31,5 млрд теңгеге 14 жоба іске асырылуда. 17 шақырым магистральдық жылу желілері ретке келтірілді. Бұл желілердің тозуын 64,4%-ға дейін төмендетеді.Облыстың тұрғын үй-коммуналдық шаруашылығы саласында соңғы 30 жылдағы ең ірі жобалардың бірі қолға алынуда. Бұл Қарағанды қаласындағы үшінші жылу беру нүктесінің құрылысы.– Қазан айында жылу магистралі іске қосылады. Жоспар бойынша жеті жыл ішінде үшінші жылу нүктесінің жылуы 1,2 млн шаршы метр тұрғын үйді жылумен қамтамасыз ете алады. Яғни 20 мыңнан астам пәтерді қамтиды, – деп атап өтті Ермағанбет Бөлекпаев ҚР Президенті жанындағы Орталық коммуникациялар қызметінде өткен брифингте.Сонымен қатар, шалғайдағы елді мекендерді ауыз сумен қамтамасыз етуге ерекше көңіл бөлінеді. Биыл 14 ауыл сапалы сумен қамтылды. Қазір ауыз су құбыры бір жарым мың тұрғынның үйіне тартылды. 26 ауылда шағын блок-модульдер орнатылуда. Бұл ілкімді шаралар облыс халқының 97,6%-ын сапалы сумен қамтуға жол ашты.Сондай-ақ, жеке секторды газдандыру жұмыстары жалғасуда. Газ желілері 7621 үйге тартылды. Оның 3573-і табиғи газға қосылған.Өңірде тұрғын үй құрылысы қарқыны өсуде. Осы жылдың 9 айында 380,3 мың шаршы метр тұрғын үй пайдалануға берілді. Бұл бұрынғыға қарағанда 4,7%-ға көп. Жыл соңына дейін 500 мың шаршы метр тұрғын үй салу жоспарлануда. Бұл мыңдаған отбасын, соның ішінде әлеуметтік осал топтарды баспанамен қамтуға мүмкіндік береді.Ермағанбет Бөлекпаев кәсіпкерлердің тұрғын үй құрылысындағы маңызды рөлін атап өтті. Кәсіпкерлер мемлекеттік қолдау шараларын пайдаланып, ауылда үйлер тұрғызуда. Қазірдің өзінде 55 мың шаршы метр тұрғын үй, яғни, 755 пәтер салынды.Ақпарат көзі : https://www.gov.kz/memleket/entities/karaganda/press/news/details/877956

Барлығы үшін тең мүмкіндік. Қарағанды облысында ауыл тұрғындары үшін медицина қолжетімді бола бастады. Биыл ауылдарда 14 жаңа медициналық нысан ашылды.ҚР Президенті жанындағы Орталық коммуникациялар қызметінің алаңында өткен брифингте денсаулық сақтау саласындағы жетістіктерді Қарағанды облысының әкімі Ермағанбет Бөлекпаев баяндады.– Президент медициналық қызмет көрсету сапасы арттырып, әр науқасқа ерекше көңіл бөліп, денсаулық сақтау жүйесін қайта құру міндетін қойды, –деп атап өтті Ермағанбет Бөлекпаев. – Жыл соңына дейін ауылдық жерлерде тағы 27 медициналық нысан ашылады. Ал келесі жылы 51 денсаулық сақтау мекемесі бой көтереді. Теміртау мен Балқаш қалаларындағы екі аурухана қайта жаңғыртылғаннан кейін ауданаралық ауруханаға айналады. Бұл облыс тұрғындарына медициналық көмек қолжетімді болады деген сөз.Аймаққа білікті медициналық кадрларға қолдау көрсетіліп жатыр. Соңғы екі жылда 236 медицина қызметкер баспаналы болды. Мемлекет тарапынан берілген жәрдемақы көмегінің мөлшері 1,5 миллионнан 8,5 миллион теңгеге дейін артты. Бүгіне 63 маманға қолдау көрсетілді. Жыл соңына дейін тағы 20 медицина қызметкерге көмек көрсету жоспарланып отыр.Пульмонология, комбустиология және кардиологияға арналған құрал жабдықтар сатып алу үшін "Қазақстан халқына" қоры қаржыландырады. Ақпарат көзі : https://www.gov.kz/memleket/entities/karaganda/press/news/details/877979

Қарағанды облысының колледждері өнеркәсіп үшін сапалы кадрлар даярлап, білім беру мен өндіріс орындары арасындағы өзара әріптестікті нығайта түсті. Өндірісті аймақ сегіз жетекші техникалық бағыт бойынша орта мамандандырылған мекемелерді кластерлеуді бастады.Жергілікті кәсіпорындарда жас мамандар жұмысшылар қатарын толықтырады. Өңірде өнеркәсіп, құрылыс және энергетика салаларында мыңнан астам өндіріс ошағы бар. Оларда әртүрлі мамандықтар бойынша 200 мыңға жуық жұмысшы еңбек етеді.– Біздің облыс үшін келесі жылды Мемлекет басшысы жұмысшы мамандықтар жылы деп жариялағаны өте маңызды. Облыс жастарының 60%-ы түрлі кәсіпорындарда жұмыс істейді, – деп атап өтті аймақ басшысы Ермағанбет Бөлекпаев ҚР Президентінің жанындағы Орталық коммуникациялар қызметінде өткен брифингте. – Сондықтан біз Қарағанды облысын еліміз үшін жұмысшы мамандықтарын даярлау орталығына айналдыруды жоспарлап отырмыз. Бұл үшін барлық қажетті жағдайлар бар: Орта кәсіптік білім берудің қалыптасқан тәжірибесі бар. Бірнеше жылдық тарихы бар колледждер сақадай сай. Білім мен тәжірибені ұштастыратын өндірістік кәсіпорындар жеткілікті. Оқытушылар құрамы білікті.Жас ұрпақты тәрбиелеп, сапалы білім беру – облыстағы басым бағыттардың бірі. "Жайлы мектеп" бағдарламасы бойынша облыста 10 оқу орнын салу жоспарланған. Құрылыс 2023 жылы басталды. Биылы оқу жылында Қарағандыда екі жаңа мектеп ашылды. Олардың бірі жайлы мектеп. Жыл соңына дейін тағы бес жаңа жайлы мектепті іске қосу жоспарланған.Қарағанды қаласындағы шағын ауданында заманауи оқушылар сарайы, ал Осакаров ауданында өнер сарайы ашылды.Педагкотарға да белсенді қолдау көрсетіледі. «Дипломмен – ауылға!» бағдарламасы аясында биыл ауылда еңбек етуге келген 140 мұғалім көтерме жәрдемақыға ие болды.«Қазақстан халқына» қорының қаржыландыруы арқасында облыста білім беру саласында мектептерді жаңғырту, жөндеу, спорт алаңдарын салу бойынша төрт жоба іске асырылды.Ақпарат көзі : https://www.gov.kz/memleket/entities/karaganda/press/news/details/878002

АЛМАТЫДА ТҮРІК БІЛІМ, ҒЫЛЫМ ЖӘНЕ МӘДЕНИЕТ ОРТАЛЫҒЫ АШЫЛДЫ Алматы гуманитарлық-экономикалық университетінде (АГЭУ) Дюзджe университетінің Түрік білім, ғылым және мәдениет орталығының ресми салтанатты ашылуы өтті. Іс-шараға Дюздже университетінің ректоры, профессор, доктор Недим Сербия, сондай-ақ Түркия Республикасының Консулы Рэйзан Ажар қатысты. Орталық Қазақстан мен Түркия арасындағы білім беру және мәдени байланыстарды нығайту үшін жаңа көкжиектерді ашу негізінде құрылды. Студенттерге түрік тілін тегін үйренуге, қосымша инклюзивті білім беру бағдарламасына қатысуға және қос диплом алуға мүмкіндік береді. Сонымен қатар екі ел арасында білім мен тәжірибе алмасуға ықпал ететін бірлескен ғылыми зерттеулер мен білім беру іс-шараларын өткізуге арналған алаң болмақ. Тараптар білім беру сапасын арттыруға және халықаралық өзара іс-қимылды кеңейтуге бағытталған бірлескен жобалар мен бастамаларды дамыта отырып, ынтымақтастықты одан әрі нығайтуға ниет білдірді.Ақпарат көзі : https://www.gov.kz/memleket/entities/sci/press/news/details/878124

Қазақстанның Цифрлық даму, инновациялар және аэроғарыш өнеркәсібі министрлігі, мемлекеттік органдар мен Alaqan Technologies стартапымен бірлесіп, мемлекеттік мекемелерде «Alaqan» алақан іздері бойынша биометриялық верификация жүйесінің пилоттық жобасын енгізуде. Бұл жоба мектептер мен балабақшалардағы балалардың қауіпсіздігін арттыруға, мемлекеттік мекемелердегі қызметкерлердің кіру-шығуын бақылауға және бюджет қаражатының мақсатсыз жұмсалуын болдырмауға бағытталған.Қазіргі таңда «Alaqan» жүйесі Шымкент қаласы әкімдігінде, «Азаматтарға арналған үкімет» КЕАҚ, сондай-ақ бірнеше мектептер мен балабақшаларда орнатылған. Бұл технологияның мақсаты — балалардың құқықтары мен қауіпсіздігін қорғау, қызметкерлердің кіріп-шығуын тіркеу, сондай-ақ бюджет шығынын арттыратын жалған жазбаларды анықтау.Бүгінгі таңда жоба Ақмола облысындағы 91 мектепті және Ақтөбе облысындағы 68 мектепті қамтиды. Пилоттық режимде ол Батыс Қазақстан, Түркістан және Қарағанды облыстарының бір мектебінде енгізілді. Алдағы екі жылда Қарағанды облысының 150 мектебінде жүйені орнату жоспарлануда.Сонымен қатар, «Артспорт» және «Дарабала» жобасы аясында Alaqan жүйесі Көкшетаудың 19 қосымша білім беру нысандарына баруды есепке алу үшін сәтті пайдаланылуда. Енгізу нәтижесінде ағымдағы жылдың наурыз айынан бастап бюджет қаражатын үнемдеу 60 миллион теңгеден асты.Бүгінгі таңда жүйеде 124 мыңнан астам оқушы және 10 мыңға жуық мектеп қызметкерлері тіркелген. Оң нәтижелерді ескере отырып, жобаны стратегиялық маңызды объектілерге кеңейту мүмкіндігі қарастырылуда.Alaqan стартапы туралы:Компания 2020 жылдан бастап биометриялық шешімдерді, соның ішінде Alaqan Pay, Alaqan Mektep және Alaqan Business жүйелерін әзірлеумен айналысады. Жүйеде 250 мың белсенді қолданушы бар, айына 6 миллионнан астам сәйкестендіру жүргізеді. Стартап Қазақстанда белсенді дамып, Грузия мен Армения нарықтарын игеруде, сондай-ақ Африка, Оңтүстік-Шығыс Азия және Сауд Арабиясына кеңейуді жоспарлап отыр.Ақпарат көзі : https://www.gov.kz/memleket/entities/mdai/press/news/details/878082

Түркістан облысының әкімі Дархан Сатыбалдының төрағалығымен өткен мәжілісте Түркістан қаласының әлеуметтік-экономикалық даму болжамы талқыланды. Қалаға іргелес аумақтарда тарихи және көне ескерткіштердің орналасуына байланысты туризм дамып келеді. Арнайы экономикалық және индустриалды аймақтардың болуы да облыс орталығын ерекшелендіріп отыр. Өңір басшысы қала дамуына қажетті инфрақұрылымның төмендігін алға тартып, жан-жақты жұмыстарды күшейтуді тапсырды.– Түркістан қаласына ерекше мәртебе берілуі де бекер емес. Облыс орталығында халық саны артып келеді, жұмыс күші де жеткілікті. Барлық жағынан дамуға мүмкіндік бар. Халықаралық әуежайдың салынуы, «Батыс Европа – Батыс Қытай» автодәлізі мен теміржол торабының бойында орналасуы туристерді көптеп тартуға серпін береді. Жуырда өткен инвестициялық форумда біраз келісім жасалды. Соның өзі шаһардың экономикасын көтеруге үлес қосады. Бірақ мұнымен шектелмей, инвестиция тартуды тоқтатпау керек. 2030 жылға қарай Түркістан өзін-өзі қаржыландыратын шаһарға айналуы тиіс. Осы бағытта жұмысты күшейтіңіздер, – деді Дархан Сатыбалды.Жиын барысында Түркістан қаласының әкімі Әзімбек Пазылбекұлы баяндама жасады. Оның айтуынша, қала халқы 234 мыңнан асты. Экономикалық белсендісі 83 мыңнан асса, оның жұмыспен қамтылғаны 80 мыңға жуықтаған. Соның ішінде өзін-өзі жұмыспен қамтығандар 30 мың адамнан асып отыр. «Қаланың жалпы өңірлік өнім көлемін 2030 жылға қарай 2,8 есе арттырамыз», дейді қала әкімі.Соңғы 4 жылда қала экономикасына 1,3 трлн. теңге инвестиция тартылған. Алдағы 6 жылда негізгі капиталға бағытталған инвестиция көлемін 4,6 трлн. теңгеге жеткізу жоспарланып отыр.Талқылауда Түркістан облысының кәсіпкерлік және өнеркәсіп басқармасы мен Облыстық туризм басқармасының басшылары баяндама жасап, ұсыныстарын жеткізді.Түркістанда алдағы 6 жылда бірқатар жобалар іске асырылмақ. Жоспарлы кезеңде 541 млрд .теңгені құрайтын 7 мыңнан асатын жаңа жұмыс орнымен 192 инвестициялық жобаның пулы жасақталған. Жалпы өңірлік өнім көлемі 2,8 есе өсіп, 1,1 трлн. теңгеге, ал тартылатын инвестиция көлемі 3 есе өсіп, 1,2 трлн. теңгеге ұлғаяды. Жергілікті түсім 44,2 млрд. теңге немесе 2,2 есе өсіп, 81,2 млрд. теңгені құрайды деп жоспарлануда. Келетін сыртқы туристер саны 2 есе өсіп, 20 мың адамға артады. Сонымен қатар жұмыссыздық деңгейін 4,7%-ға төмендетіп, 22 мыңға жуық жұмыс орындарын ашу көзделуде. Баспанамен қамту бойынша 2411 мың шаршы метр тұрғын үйді пайдалануға беру жоспарланып отыр. Сонымен қатар алдағы жылдары өңдеу өнеркәсібі өнімінің көлемі арттыру мақсатында жалпы өнеркәсіп саласында құны 142 млрд. теңгені құрайтын, 3 575 жаңа жұмыс орнын ашуға мүмкіндік беретін, 34 жоба қарастырылуда. Арнайы экономикалық аймағының жалпы аумағы – 180 га. Онда жалпы құны 126 млрд. теңгені құрайтын және 3 050 жаңа жұмыс орнын ашуға мүмкіндік беретін 15 жобаны іске асыру көзделуде.Индустриалды аймақтың аумағы 190 гектарды құрайды. Бүгінгі таңда индустриалды аймақта жалпы құны 10,5 млрд. теңге болатын 954 жұмыс орнымен 21 жоба іске асырылған. Сонымен қатар алдағы жылдары құны 15,8 млрд. теңге болатын және 525 адамды жаңа жұмыс орнымен қамту мүмкіндігі бар 19 жобаны іске асыру жоспарлануда.Алдағы жылдары құрылыс жұмыстарының көлемі жылдық орташа өсім 17 пайыз болады деп болжамдануда. Жеке инвестициялық жобалар есебінен құрылыс жұмыстарына құны 243,9 млрд. теңгені құрайтын, 2552 жаңа жұмыс орнын ашуға мүмкіндік беретін 136 жоба қарастырылуда. Қаланың жалпы өңірлік өнімінің негізгі бөлігін көтерме және бөлшек сауда құрайды. Салаға 6 млрд. теңгені құрайтын, 340 жұмыс орнын ашуға мүмкіндік беретін 8 жобаны ұйымдастыру көзделген.Қаланы дамытудың негізгі басым бағыты – туризм. Салаға соңғы 2 жылда 74,2 млрд. теңге инвестиция тартылса, биыл 53,5 млрд. теңгеге жетеді деп көзделіп отыр. Алдағы уақытта 145 млрд. теңгені құрайтын, 955 жұмыс орнын ашуға мүмкіндік беретін 13 жобаны іске асыру жоспарға енгізілген.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/878017

Бұқар Жырау ауданында су тасқыны кезеңіне дайындық жаз мезгілінде басталды. Су басу қаупі төнген аумақтарда жүргізілген жұмыстар жайлы ТЖ бөлімінің басшысы мәлімдеді. Төтенше жағдайдың алдын алу үшін аумақтар топырақпен толтырылды, арналар қазылып, су өткізгіштер орнатылды. Көктемде Жастілек ауылындағы тұрғын үйлерді су басу қаупі төнді. Сондықтан аталған учаскеге түсетін қардың еріген суының өтуін жақсарту үшін мамандар арықты кеңейтіп, тереңдетіп, қосымша үш құбыр орнату шешімін қабылдады.Ғабиден Мұстафин кентінде және Нұра станциясында қорғаныс құрылыстарын күшейту үшін ұзындығы 330 метр жаңа білік салынды. Бұндай шаралар Ынтымақ және Сарытөбе ауылдарында да жүргізілді.– Қазіргі таңда Сарытөбе ауылындағы Новостройка көшесінде қорғаныс бөгетінің құрылысы аяқталуда. Жаңаталап ауылындағы қорғаныс бөгеттердің шөгіп қалған бөлігі нығайтылып, оны көтеру жұмыстары аяқталуға жақын. Мұнда жұмыстың 90 пайызы аяқталды, – дейді Бұқар жырау ауданы Төтенше жағдайлар бөлімінің басшысы Ерсін Жүнісбеков.Самарқанд су қоймасынан жыл сайын су ағынының артуына байланысты Чкалов ауылын да су басу қаупі бар. Нұра өзенінің бойында бөгет салу арқылы аталған аумақтағы бөгеттерді нығайту шешім қабылданды.Сонымен қатар, Теміртаудан басталған тазарту құрылғысының каналы Нұраға қарай бұрылды. Жаңа жасалған каналдың ұзындығы 300 метрді құрайды. Бұл мамандардың пікірінше, су тасқынының қауіпін айтарлықтай төмендетуге көмектеседі. 14 мыңнан астам тонна инертті материал дайындалды. Бұл буталы тас, тау жынысы, құм, щебень және қаптама. Қауіп төнген жағдайда, материал су тасқынының алдын алу үшін қолданылатын болады.Сонымен қатар, Ботакара кентіндегі Төреғожин көшесінде жаңбыр суын өткізетін жүйенің құрылысы аяқталды. Байкадам су қоймасының су өткізу учаскелері нығайтылды. Бастысы басқа да су тасқыны қаупі бар учаскелеріне қажетті жөндеу жұмыстар жүргізілді.Ақпарат көзі : https://www.gov.kz/memleket/entities/karaganda/press/news/details/878031