Республика күні қарсаңында Су ресурстары және ирригация министрі Нұржан Нұржігітов Су ресурстары және ирригация министрлігінің Қоғамдық кеңесінің офлайн форматтағы алғашқы отырысын өткізді. Оған Парламент депутаттары, министрлік мамандары, сарапшылар, сондай-ақ ғылыми-зерттеу институттарының, жоғары оқу орындары мен қоғамдық ұйымдардың өкілдері кіреді. Іс-шара «Су шаруашылығының ардагері» және «Су шаруашылығының үздігі» ведомстволық наградаларын, сондай-ақ Қоғамдық кеңеске мүшелік куәліктерін табыстаудан басталды. Нұржан Нұржігітов министрліктің бір жылда атқарған жұмысы туралы айтып, отырысқа қатысушылардың сұрақтарына жауап берді. Кездесуде су тасқынына дайындық және оны болжау, техникалық мамандарды даярлау, гидрогеология саласын дамыту, су қорғау аймақтарын анықтау және судың «көлеңкелі» нарығына қарсы күрес мәселелері көтерілді. Қоғамдық кеңес құрылған күнінен бері Су ресурстары және ирригация министрлігі әзірлеген 13 нормативтік құқықтық актіге сараптамалық баға берді. «Біздің алдымызда жаңа нормативтік-құқықтық база құру, инфрақұрылымды қалпына келтіру және жаңадан салу, трансшекаралық ынтымақтастықты дамыту, жалпы алғанда Қазақстанның барлық су саласын трансформациялау міндеті тұр. Қоғамдық кеңес бұл жұмыста маңызды рөл атқаратынына сенімдімін. Баршаңызға ашықтық пен белсенділік, сауатты пікір мен сараптамалық ұсыныстар үшін алғыс айтамын», – деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/872564

Су ресурстары және ирригация министрі Нұржан Нұржігітов Испанияның 1000–нан астам құрылыс компанияларын біріктіретін Испан өнеркәсіптік инженерлер қауымдастығының өкілдерімен кездесті. Тараптар су инфрақұрылымын салу және кадр даярлауда ынтымақтастық мүмкіндіктерін талқылады.Шетелдік делегация министрге Испанияда және басқа мемлекеттерде жүзеге асырылған ірі жобалар туралы айтты. Өнеркәсіптік инженерлер қауымдастығы өкілдерінің айтуынша, испандық құрылыс компаниялары Қазақстанның су шаруашылығы нысандарында жұмыс істеуге ниетті.Сонымен қатар, шетелдіктер сала мамандарының біліктілігін арттыру бойынша да қолдау көрсетуге дайын екендіктерін білдірді.«Бүгінгі таңда испандық компаниялармен жерасты суларын барлау және зерттеу мәселесін пысықтап жатырмыз. Бізге испан инженерлерінің тәжірибесі, сонымен қатар бірлесіп маман даярлау мүмкіндігі қызық», - деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/872960

Қазақстанның оңтүстік облыстарының су қоймалары 55 %-ға толы. Бұл өткен жылғы сәйкес кезеңмен салыстырғанда 23%-ға артық. Бүгінгі таңда оңтүстіктегі су қоймалары келесі жылғы суару маусымына су жинау режимінде жұмыс істеп жатыр. Ал, солтүстік, батыс және шығыс облыстардың қоймаларынан су жіберілуде. Бұл көктемгі су тасқыны кезінде еріген қар суын қабылдау үшін бос сыйымдылықтарды қамтамасыз ету үшін жасалады. Бүгінгі таңда солтүстіктегі су қоймалары 79%-ға толы. Батыс облыстар бойынша су қоймаларының орташа су жинау көлемі 44%. Шығыстағы су қоймалары 89%-ға толы болса, Орталық Қазақстандағы су қоймаларында 85% су бар.«Бүгінгі таңда барлық су қоймалары бекітілген кестеге сай жұмыс істеп жатыр. Алайда, жұмыс кестесі су тасқынына қатысты болжамдарға байланысты түзетілетін болады. Су тасқыны кезеңіне дайындық аясында министрлік барлық облыстарға су басу қаупін азайту жөніндегі іс-шаралардың тиімділігін арттыратын жерснарядтар секілді мамандандырылған техниканы пайдалана отырып, өзен арналарын тазарту жөнінде ұсыныс жіберді», - деді Су ресурстары және ирригация министрлігінің ресми өкілі Мөлдір Әбдуалиева.Ақпарат көзі : https://www.gov.kz/memleket/entities/water/press/news/details/873836

Kazakhstan Machinery Fair 2025: Стендтерді брондау басталды2025 жылдың 23-25 сәуірінде 6-шы Халықаралық мамандандырылған көрме — Kazakhstan Machinery Fair 2025 өтеді. Kazakhstan Machinery Fair машина жасау саласының мамандары үшін маңызды кездесулер алаңы болып, Қазақстан мен Орталық Азияның кәсіпқойлары үшін маңызды оқиғаға айналды.Негізгі бөлімдерМашина жасау және технологияларӨнеркәсіптік жабдықтарЛогистика және транспортАвтоматтандыру және робототехникаӨндірісті басқару жүйелеріБіз машиналар мен жабдықтар, автоматтандыру жүйелері, өндірісті басқару технологиялары және металл өңдеу мамандарының жаңа өнімдері мен шешімдерін көрсету үшін өндірушілер мен жеткізушілерді шақырамыз.Көрмеге 18 елден 200-ден астам қатысушы, 7262 шаршы метр алаңда, 30-дан астам спикер және 3087 кәсіби келуші қатысады. Саланың негізгі ойыншылары мен көшбасшыларын күту, бұл көрмені өз өнімдеріңізді көрсету және іскерлік байланыстар орнату үшін ерекше мүмкіндік етеді. 2024 жылы қатысушылар арасында “Welding Company”, “Промет” және “Вираж” сияқты компаниялар болды.Қатысушыларға арналған мүмкіндіктерИнновациялық шешімдер мен технологияларды көрсетуНегізгі серіктестер мен клиенттермен іскерлік байланыстар орнатуСала мамандарымен білім және тәжірибе алмасуАктуалды тенденциялар мен даму перспективаларын талқылауКүтілетін келушілер арасында өндірістік және инжинирингтік компаниялардың, жабдық жеткізушілердің, инженерлер мен технологтардың, инвесторлар мен сатып алу мамандарының өкілдері бар.Іскерлік бағдарламаКөрменің маңызды оқиғасы — XII Қазақстан машина жасаушылары форумы, ол мыңнан астам машина жасау кәсіпорындарының басшылары мен өкілдерін, мемлекеттік органдар, бизнес-ассоциациялар және ірі тұтынушыларды жинайды.Көрме аясында 40-тан астам іс-шара өтеді, оның ішінде:«Машина жасаудағы инновациялар: саланың болашағы» конференциясы«Өндірісті автоматтандыру және цифрландыру» дөңгелек үстеліТәжірибелік сабақтар мен семинарларЖаңа технологиялар мен жабдықтарды таныстыруӨтетін орныКөрме МВЦ «EXPO»-да, өңірдің ең заманауи көрме орталықтарының бірі, халықаралық деңгейдегі іс-шараларды өткізу үшін барлық қажетті жағдайларды қамтамасыз етеді.Kazakhstan Machinery Fair 2025 көрмесінің ұйымдастырушысы — 19 жылдық тәжірибесі бар Astana Expo компаниясы, сондай-ақ Қазақстан Республикасының Индустрия және инфрақұрылымдық даму министрлігі, Қазақстан машина жасаушылар одағы.Бұл сіздің шешімдеріңізді көрсету және іскерлік байланыстар орнату үшін тамаша платформа. Қатысуға өтініш беріңіз және машина жасау саласындағы маңызды оқиғаға қатысыңыз.Стендпен қатысу:Нуржан ТуремуратовКөрме жетекшісіТел: +7 7172 64 23 23 (вн. 230)Эл. почта: nt@astana-expo.comМаркетинг және медиа-серіктестік:Маржан ТалапМаркетинг және PR менеджеріТел: +7 7172 64 23 23 (вн. 208)Эл. почта: mt@astana-expo.comАқпарат көзі : https://www.gov.kz/memleket/entities/mps/press/news/details/872843

Астанада «Субконтракт биржасы-2024» атты ауқымды бизнес-іс-шарасы өтеді. Шараға ірі жер қойнауын пайдаланушылар, жүйе құраушы кәсіпорындар, отандық тауар өндірушілер, ұлттық компаниялар, сондай-ақ мемлекеттік органдар мен мүдделі ұйымдардың өкілдері қатысады.Биржаның ұйымдастырушысы - «QazIndustry» Қазақстандық индустрия және экспорт орталығы.Іс-шараның мақсаты жаңа нарықтарды іздеуге, отандық өнімнің бәсекеге қабілеттілігін арттыруға және B2B байланыстарды қалыптастыруға ықпал ету мақсатында тапсырыс берушілер мен жеткізушілер арасындағы тікелей келіссөздер жүргізу алаңдарын ұсыну болып табылады. Биржа аясында тапсырыс берушілер мен жергілікті өндірушілер арасында ұзақ мерзімді шарттар мен офтейк-келісімшарттарға қол қою жоспарлануда.«Субконтракт биржасы-2024» іс-шарасы 2024 жылдың 20 қарашасында сағат 09.30-да Астана қаласында, Hilton Garden Inn Astana қонақ үйінің (Кабанбай батыр даңғылы, 15) «Garden» мәжіліс залында өтеді.Барлық сұрақтар бойынша +7 (7172) 79 33 90 (ішкі. 4102 Баян; 4103 Динара) хабарласуға болады. Ақпарат көзі : https://www.gov.kz/memleket/entities/mps/press/news/details/873246

Кәсіпорындарды жаңғырту, машина жасаудағы жобаларды қосымша қаржыландыруды және сыртқы нарықтарға жеткізуді арттыру жөнінде тапсырмалар берілді.Премьер-Министр Олжас Бектеновтің төрағалығымен өткен Үкімет отырысында ашина жасау саласын дамыту мәселесіі қаралды. Өнеркәсіп және құрылыс министрі Қанат Шарлапаев саладағы жағдай туралы баяндап, салалық қауымдастықтар өкілдері – Қазақстан машина жасаушылар одағының төрағасы Мейрам Пішембаев және Өнеркәсіптік инвесторлар одағының президенті Қайрат Еламанов, сондай-ақ Қазақстанның автокөлік одағы президенті Анар Мақашева баяндама жасады. 2023 жылдың қорытындысы бойынша ЖІӨ құрылымындағы машина жасау үлесі 1,9%-ға жетті. Өндіріс көлемінің артуы, инвестиция тартуда оң серпін байқалады. Биылғы 9 айда қазақстандық жобаларға шамамен 108,2 млрд теңге салынды, бұл өткен жылдың сәйкес кезеңі көлемінен 2,2 есеге артық.Саладағы өзекті мәселелердің бірі – жабдықты жаңғырту. Премьер-министр машина жасауда техниканың тозуы 40%-ға жуықтайтынын атап өтті. Тек теміржол саласында 2030 жылға дейін елімізде тозығы жеткен 800-ден астам жолаушылар вагоны пайдаланудан шығарылады деп күтілуде. Қазақстанның өнеркәсіптік инвесторлар одағы деректері бойынша ауыл шаруашылығы техникасының шамамен 76%-ы жаңартуды қажет етеді.Олжас Бектенов Президенттің экономиканы әртараптандыру жөніндегі алға қойған мақсаттарына қол жеткізу үшін отандық машина жасау әлеуетін белсенді түрде пайдаланып, жаңа технологияларды енгізу қажеттігін баса айтты.«Мемлекет басшысы экономиканы әртараптандыру ісінің негізгі өзегі – индустрияландыру екенін атап көрсетті. Өңдеу секторын, бірінші кезекте машина жасау саласын серпінді дамыту өзімізді экономикалық жағынан толық қамтамасыз ете алатын жағдайға жетуде қозғаушы күш болуы қажет. Мемлекет отандық өндірушілерді белсенді қолдайды. Біздің алдымызда локализациялау үлесі жоғары өндіріс циклін құру міндеті тұр. Бұл ретте, жұмыс тиімдіЛігін арттыру үшін өндірісті дер кезінде жаңғыртып отыру маңызды», — деп атап өтті Премьер-министр.Өндірістік процестерді роботтандыру мен автоматтандырудың жаһандық үрдістеріне сәйкес кәсіпорындарда цифрлық технологияларды енгізу қажеттілігі атап өтілді.Бүгінде автомобиль өнеркәсібінде кластерлік өндірісті қалыптастыру бойынша жұмыстар жүргізілуде. Бұл тәсіл еншілес салалардың дамуын ынталандырады, бүкіл сектор үшін жаңа мүмкіндіктер мен перспективалар ашады.Мұнай-газ машина жасау саласында 50-ге жуық кәсіпорын жұмыс істейді. Өндіріс көлемі $160 млн-ға жетеді, ал импорт көлемі $1,6 млрд-тан асады. Премьер-министр он есе айырмашылыққа және алшақтықты төмендету қажеттігіне назар аударды.Жаңадан отандық өндірістерді құруға жәрдемдесу үшін Халықаралық мұнай-газ машинасын жасау орталығы құрылды. Honeywell, PetrolValves, Wika сияқты халықаралық компаниялардың өнімдерін локализациялау жобалары сәтті жүзеге асырылды. Олжас бектенов халықаралық операторлардың қазақстандық кәсіпорындармен ұзақмерзімді шарттар жасасуға кепілдік беру жөніндегі орталықтың өкілеттіктерін кеңейту қажеттігін атап өтті.Премьер-министр Өнеркәсіп және құрылыс, Қаржы, Ұлттық экономика министрліктеріне, «Бәйтерек» холдингіне мақұлданған қаржы-экономикалық негіздемеЛер шеңберінде машина жасаудағы жобаларды қосымша қаржыландыруды тапсырды. Олжас Бектенов машина жасау кәсіпорындары өндірісті жаңғыртып, тауарлардың жаңа түрлерін шығару үшін жеңілдікті несиелермен қамтамасыз етілуге тиіс екенін атап өтті.Сондай-ақ Өнеркәсіп және құрылыс министрлігі автомобиль жасау саласындағы жобаларды тұрақты бақылауда ұстап, туындаған мәселелерді жедел шешіп, экспортты кеңейтуі қажет.Ақпарат көзі : https://www.gov.kz/memleket/entities/mps/press/news/details/873271

2024 жылдың 29 қазанында Қазақстан Үкіметінің отырысында Қанат Шарлапаев елдің машина жасау саласын дамыту стратегиясын ұсынды. Ол өз сөзінде қазақстандық өнімнің әлемдік нарықтағы бәсекеге қабілеттілігін арттырудың негізгі аспектілерін, инновациялар мен цифрландырудың маңыздылығын, шетелдік инвесторларды тарту және өндірісті жергілікті деңгейде дамытуды атап өтті.Саланың дамуының негізгі бағыттарыИнституционалдық қолдау: Машина жасау саласы 2021 жылы қабылданған “Өнеркәсіптік саясат туралы” Заңға және 2024–2028 жылдарға арналған кешенді жоспарға сәйкес дамып келеді. Негізгі міндеттер: бәсекеге қабілеттілікті арттыру, қаржыландыруға қолжетімділік, технологияларды енгізу, кадрларды дамыту, жергілікті үлесті арттыру және экспортты қолдау. Мақсат — 2028 жылға қарай өндіріс көлемін екі есе ұлғайту.Машина жасау өңдеуші өнеркәсіптің 20% құрайды және айтарлықтай мультипликативтік әсер береді: саладағы бір жұмыс орны ілеспе салаларда 7–8 орынға дейін құрайды. 2024 жылдың 9 айында инвестиция көлемі 124 млрд теңгеге жетіп, екі есе өсті.Машина жасаудың негізгі секторларыАвтомобиль жасау: CHANGAN, HAVAL, KIA және Geely маркаларымен ірі жобалар іске асуда. 2025 жылға қарай жылына 90 мың автомобиль шығару жоспарлануда. Өндірісті жергілікті деңгейде тереңдетуге ерекше назар аударылып, автокресло мен мультимедиялық жүйелер шығару қолға алынбақ.Теміржол машина жасауы: Локомотивтер, жүк және жолаушылар вагондарын шығару жолға қойылған. 2025 жылы қуаттылығы жылына 100 вагонды құрайтын “Штадлер Қазақстан” жолаушылар вагондарын шығару өндірісі іске қосылмақ. Вагондар паркін жаңғырту жоспарланып отыр, себебі тозу деңгейі 55%-ға жетіп отыр.Ауыл шаруашылығы машина жасауы: Соңғы 5 жылда өндіріс көлемі 4 есеге өсті. Amazone және Zoomlion секілді ірі инвесторлар тартылып, қосалқы бөлшектер өндірісі дамуда. Қостанайдағы локализация орталығы инфрақұрылымды дамытуға ықпал етуде.Электротехникалық машина жасау: Өнім экспорты (трансформаторлар, аккумуляторлар) өсіп келеді. Салаға қолдау көрсету үшін мемлекеттік сатып алуларды және шикізатқа қолжетімділікті қамтитын шаралар енгізілді. Энергоүнемді трансформаторлар мен өнеркәсіптік аккумуляторлар өндіру бойынша жұмыстар жүргізілуде.Мұнай-газ және тау-кен металлургиялық машина жасау: Өндіріс көлемінің өсімі сәйкесінше 35% және 15% құрайды. Салада ұзақ мерзімді келісімшарттарды қолдау үшін заңнаманы өзгерту жұмыстары жүргізілуде және перспективалы технологияларды енгізу мақсатында халықаралық инвесторлар тартылуда.Кластерлік дамуЭкибастұз бен Сараньдағы кластерлер экономиканың әртараптандыруының және жаңа жұмыс орындарын құрудың сәтті үлгісін көрсетіп отыр. Кластерлік әдісті басқа секторларға кеңейту жоспарланып отыр.Саланы одан әрі дамыту үшін ұзақ мерзімді келісімшарттар арқылы қолдауды күшейту, қаржыландыруға қолжетімділікті жақсарту (600 млрд теңге қажеттілігі бар) және инновацияларды қолдау маңызды.Ақпарат көзі : https://www.gov.kz/memleket/entities/mps/press/news/details/873275

ҚР Парламенті Мәжілісінің депутаттары қазіргі таңда үлескерлердің қаражатын заңсыз тартудың алдын алуға бағытталған заң жобасын қарастыруда.Қазақстанда үлестік құрылысқа қатысушылар үшін шарттарды жақсарту және үлескерлердің құқықтарын қорғау мақсатында «ҚР кейбір заңнамалық актілеріне құрылыс саласын жетілдіру және тұрғын үй құрылысына үлестік қатысу мәселелері бойынша өзгерістер мен толықтырулар енгізу туралы» заң жобасы бойынша жұмыс жалғасуда. Бастама 2022 жылғы 26 қыркүйекте ҚР Парламенті Мәжілісінің депутаттарымен ұсынылды және үлестік құрылыс процестерінің ашықтығы мен заңдылығын арттыруға бағытталған.Заң жобасы үлескерлердің қаражатын заңсыз тартудың алдын алуға бағытталған шараларды қамтиды. Осы жоба шеңберінде келесідей өзгерістер енгізу жоспарланған:Үлескерлердің қаражатын тартуға рұқсат алмай алдын ала брондау және жарнама шарттарын жасасуға тыйым салу;«Тұрғын үй құрылысына үлестік қатысу туралы «заңды реттеу саласына» аз қабатты құрылыс» ұғымдарын енгізу;Құрылыс мерзімдерін жобалық құжаттамада белгіленген мерзімнен 5 айға дейін барынша ұзартуды қысқарту;Үлескерлерді қолдау орталығының жұмыс істеуі, онда қатысушылар үлестік заңнама мәселелері бойынша консультациялар ала алады;Үлескерлердің қаражатын тартуға рұқсатсыз немесе бірыңғай оператордың кепілдігінсіз ипотека беруге тыйым салу.Осы түзетулерді іске асыру үлескерлердің құқықтары мен мүдделерін қорғауға, құрылыс нарығының барлық қатысушыларының теңдігін қамтамасыз етуге және үлестік қатысу саласындағы мемлекеттік бақылауды күшейтуге бағытталған. Бұл халықтың сенімін арттыратын және құрылыс саласындағы инвестициялық ахуалды жақсартатын қауіпсіз және ашық үлестік құрылыс жүйесін қалыптастыру үшін маңызды қадам.Қазіргі уақытта жұмыс тобының 7 отырысы өткізілді, онда мемлекеттік органдар мен жұртшылық өкілдерінің қатысуымен осы шаралар талқыланды. Ақпарат көзі : https://www.gov.kz/memleket/entities/mps/press/news/details/873668

«ҚазҚСҒЗИ» АҚ мамандары құрылыс саласында баға белгілеу және сметалық нормалау жүйесін дамыту және тәжірибе алмасуға бағытталған екіжақты кездесулерге қатысу үшін Әзербайжанға барды. Қазақстандық делегацияны Әзербайжан Төтенше жағдайлар министрлігінің құрылысындағы қауіпсіздікті қадағалау жөніндегі мемлекеттік Агенттік бастығы Джабраил Ханларов қарсы алды.Кездесудің ресми бөлігі ГАНБС мемлекеттік сараптамасының ведомстводан тыс бас басқармасында өтті. Агенттіктің ғылым, құрылыс және сметалық нормалар бөлімі бастығының орынбасары Эльбрус Алиев кездесуді ашып, делегациямен таныстырып, бағдарламаның негізгі мақсаттары туралы айтып берді.Сапар аясында екі елде де сметалық баға белгілеу мен нормалаудың жүйелі тәсілдеріне арналған конференция ұйымдастырылды. Қазақстандық мамандар Мемлекеттік Сараптама ведомстводан тыс бас басқармасының сметалық бөліміне барып, жобалық құжаттамаларға сараптама жүргізу механизмі бойынша басшылықпен және мамандармен кәсіби талқылаулар өткізді.Сондай-ақ, делегация «Азергоспроект» («Азердовлетлайихе») Бас мемлекеттік жобалау институтында болып, сметалық бөлімнің жұмысымен танысып, оның қызметкерлерімен кездесу өткізді. Кездесуде құрылыс объектілері үшін сметалық құжаттаманы жасауға байланысты өзекті мәселелер талқыланды, бұл тәжірибе алмасуға және Әзербайжан мен Қазақстан арасындағы ынтымақтастық үшін ықтимал бағыттарды айқындауға ықпал етті.Тараптар сметалық және құрылыс нормаларын жетілдіруге бағытталған бірлескен бастамалар мен жобаларды әзірлеуге қызығушылық танытты. Ақпарат көзі : https://www.gov.kz/memleket/entities/mps/press/news/details/873919

«ҚазҚСҒЗИ» АҚ мамандары диаметрі 1200 мм және ұзындығы шамамен 31 м болатын үш буронабивтік қадалардың қысым жүктемесіне статикалық сынақтар жүргізе бастады. Сынақтар Шымкент қаласының Әл-Фараби ауданында орналасқан көппәтерлі тұрғын үй кешені үшін жүргізілуде.Сынақтар арнайы дайындалған тәжірибе алаңында орындалуда және МЕМСТ 5686-2020 "Топырақ. Далалық қадаларды сынау әдістері" талаптарына сәйкес келеді. Бұл сынақтар құрылыс процесінің маңызды бөлігі болып табылады, өйткені қадалардың жүк көтергіштігін және құрылыс алаңындағы топырақ жағдайының сапасын бағалауға мүмкіндік береді.Осылайша, жүргізілген сынақтардың нәтижелері бойынша осы қадаларды жобада қолдану мүмкіндігі мен сенімділігі анықталатын болады, бұл салынып жатқан объектінің қауіпсіздігі мен тұрақтылығын қамтамасыз етеді.«ҚазҚСҒЗИ» АҚ құрылыс жобаларын іске асыру кезінде қауіпсіздік пен сапаның жоғары деңгейін қамтамасыз ете отырып, құрылыс саласындағы сынақтар мен зерттеулердің заманауи әдістерін енгізуді жалғастыруда.Ақпарат көзі : https://www.gov.kz/memleket/entities/mps/press/news/details/874076

ҚР Өнеркәсіп және құрылыс министрлігі бүгін Цифрлық Үкіметті қолдау орталығының алаңында жер қойнауын пайдаланудың бірыңғай платформасын көрсетті.Demo day шарасына «Chamber of mines» Қазақстандық тау-кен палатасының, «Атамекен» ҚР Ұлттық Кәсіпкерлер палатасының, тау-кен өндіру және тау-кен металлургия кәсіпорындарының республикалық қауымдастығының, «Қазақмыс корпорациясы» ЖШС және басқа да жер қойнауын пайдаланушылардың өкілдері қатысты.Demo Day қатысушыларына ыңғайлы цифрлық сервистерді алуға және геологиялық-геофизикалық зерделеудің интерактивті картасымен өзара іс-қимыл жасауға мүмкіндік беретін жер қойнауын пайдаланудың бірыңғай платформасының жаңартылған функционалы көрсетілді.Жер қойнауын пайдаланудың бірыңғай платформасының функционалын өзгерту және цифрлық сервистерін әзірлеу ҚР Қаржы министрлігінің «Ақпараттық-есептеу орталығы» АҚ күшімен жүзеге асырылды.ҚР Өнеркәсіп және құрылыс вице-министрі Жәннат Дүбірова қазір инвестордың барлауға/өндіруге өтінім беруінен бастап оның аукционына және лицензия беруіне дейін үздіксіз цифрландырылған процесс қамтамасыз етілгенін атап өтті.Жер қойнауын пайдалану департаментінің, Геология комитетінің және "Ұлттық геологиялық қызмет" акционерлік қоғамының өкілдері жер қойнауын пайдаланушыларды толғандыратын сұрақтарға жауап берді.Жер қойнауын пайдаланудың «minerals.e-qazyna.kz» бірыңғай платформасы 2024 жылғы 1 қарашада іске қосылады. Ақпарат көзі : https://www.gov.kz/memleket/entities/mps/press/news/details/874084

30 қазанда Алматы қаласында автокөліктерге арналған мультимедиялық жүйелер өндірумен айналысатын Kazakhstan Mobility Engineering зауытының ресми ашылу рәсімі өтті. Бұл зауыт «Астана Моторс» компаниясының құрылымына кіреді. Шараға ҚР өнеркәсіп және құрылыс министрі Қанат Шарлапаев, Motrex компаниясының бас директоры Джунсон Ким, «Астана Моторс» негізін қалаушы Нұрлан Смағұлов және бас директор Бекнұр Несіпбаев қатысты.2023 жылдың сәуір айында «Астана Моторс» компаниясы Motrex Co Ltd. компаниясымен меморандумға қол қойып, Оңтүстік Корея технологиясы негізінде мультимедиялық құрылғыларды Қазақстанда өндіру құқығына ие болды. Зауыттың техникалық іске қосылуы 2024 жылдың қыркүйек айында өтті, және алғашқы жабдықтар партиясы Hyundai Trans Kazakhstan зауытына Tucson және Elantra модельдеріне орнату үшін жеткізілді.Ашылу салтанатына қатысқан министр Қанат Шарлапаев зауыттың іске қосылуы Қазақстан мен Оңтүстік Корея арасындағы ынтымақтастыққа маңызды үлес қосатынын және елдің автомобиль саласының дамуына әсер етуі мүмкін екенін атап өтті. Өз сөзінде ол жобаның Қазақстанның өнеркәсіптік өсуіне маңыздылығын атап өтіп, мемлекет инвестиция салушы және өндіріс салушы компанияларды қолдайтынын, сондай-ақ кәсіби кадрлар даярлау мен экономиканы дамытуға үлес қосатынын қосты. Оның айтуынша, негізгі мақсат — отандық ресурстар мен құрамдас бөлшектерді барынша пайдаланып, жоғары деңгейде локализациясы бар өндірісті құру.Джунсон Ким де ынтымақтастықтың болашағына сенім білдіріп, зауыттың сала үшін маңыздылығын атап өтті. Сонымен қатар, осы күні «Астана Моторс» компаниясы Sanico Electronics компаниясымен меморандумға қол қойды, оған сәйкес қазақстандық тарап мультимедиялық жүйелерге арналған аналық платалар мен корпустарды SMT және PRESS технологияларын қолдана отырып өндіру құқығына ие болады. Бұл келісім автокомпоненттер өндірісін одан әрі локализациялауға және қазақстандық мамандардың біліктілігін арттыруға ықпал ететін болады.«Астана Моторс» компаниясының бас директоры Бекнұр Несіпбаев корейлік серіктестермен ынтымақтастық тек компания үшін ғана емес, Қазақстанның бүкіл автомобиль саласы үшін маңызды қадам екенін атап өтті. Ол өнеркәсіп министрлігі мен министр Қанат Шарлапаевқа саланы қолдағаны үшін алғыс айтып, бұл ынтымақтастықтың тек басы екеніне сенім білдірді. Сондай-ақ, Несіпбаев Қазақстан Президенті Қасым-Жомарт Тоқаевтың жақында жасаған мәлімдемесінде автомобиль өнеркәсібінің өсуін локализацияны тереңдетуді қажет ететін негізгі бағыт ретінде атағанын еске салды.Барлық тараптар автокомпоненттер өндіру зауыты Қазақстан үшін стратегиялық маңызға ие деген пікірге тоқтады, өйткені оның қызметі тек отандық автоөнеркәсіп пен локализацияны дамытуға ғана емес, шағын және орта бизнесті қолдауға, сондай-ақ машина жасау саласында білікті кадрлар жүйесін қалыптастыруға да ықпал етеді.Ақпарат көзі : https://www.gov.kz/memleket/entities/mps/press/news/details/874468

Қорғаныс министрлігі «Қазақстан Республикасының Қарулы күштерінде әскери-дәрігерлік сараптама жүргізу қағидаларын және әскери-дәрігерлік сараптама комиссиялары туралы ережені бекіту туралы» Қорғаныс министрінің 2020 жылғы 21 желтоқсандағы № 716 бұйрығына өзгерістер мен толықтыру енгізу туралы бұйрықтың жобасын дайындады.Нормативтік құқықтық актінің жобасы келісімшарт бойынша әскери қызмет етуге ниет білдіргендерді медициналық куәландыру тәртібіне көзқарасты өзгертуге қатысты бөлігінде өзгерістер мен толықтырулар енгізуді көздейді. Бұдан басқа, құжатта азаматты денсаулық жағдайы бойынша әскери қызметке негізсіз шақырудың себептерін зерделеу тәртібі нақтыланды.Бұйрық жобасының толық мәтінімен «Электрондық үкімет» порталында «Ашық НҚА» бөлімінде биылғы жылдың 8 қарашасына дейін мына https://legalacts.egov.kz/npa/view?id=15253117 сілтеме бойынша танысуға болады.Ақпарат көзі : https://www.gov.kz/memleket/entities/mod/press/news/details/871733

Тұтас бір халықтың тарихы бір концертке сыйған. Қарулы күштер Ұлттық әскери-патриоттық орталығының шығармашылық ұжымы Республика күнін мерекелеуге дайындаған бағдарламаны осылай сипаттауға болады. Іс-шараға Қорғаныс министрлігінің басшылығы, Ақмола гарнизонының әскери қызметшілері отбасыларымен, «Жас сарбаз» балалар-жасөспірімдер әскери-патриоттық қозғалысының тәрбиеленушілері қатысты. Елордадағы Еркеғали Рахмадиев атындағы Мемлекеттік академиялық филармонияның сахнасында өнер көрсеткен Қарулы күштер Ұлттық әскери-патриоттық орталығының шығармашылық ұжымы Ұлы даланың даңқты батырлары мен қазіргі жауынгерлердің қаһармандығын бейнелеп, көрермендер үшін көне тарих пен қазіргі заман үйлесімді тоғысқан атмосфераны қалыптастырды. Эстрадалық-симфониялық оркестрдің сүйемелдеуімен өнер көрсеткен «Батырлар ізімен» би тобы көрермен қошеметіне бөленді.Әншілер Дәурен Төлеубаев, Сәкен Әлімханов, Нұрсәт Алмас, Хамит Отарбаев және ерлер хорының орындауындағы «Қазақстан – байтақ елім» әні сахнаны сәнге бөледі.«Жас сарбаз» балалар студиясының «Жайна туған жерім» әнімен орындаған қойылымы да ешкімді бей-жай қалдырмады.Мақпал Омарова мен Санжай Әлмішев жоңғар шапқыншылығынан аман қалған қазақ халқының тарихи беттерінен хабар беретін «Елім-ай» әнін орындады.Концерт бағдарламасында басқа да хореографиялық композицияларға, аспаптық және ән шығармаларға орын берілді.Мерекелік іс-шара Отанның даңқты қорғаушыларды тәрбиелеген туған жердің тауларын, өзендері мен көлдерін дәріптейтін «Егемен Қазақстан» патриоттық әнімен аяқталды.Ақпарат көзі : https://www.gov.kz/memleket/entities/mod/press/news/details/871789

Құрметті сарбаздар мен сержанттар, офицерлер мен генералдар!Қадірлі отандастар!Еліміздің ұлттық мерекесі – Республика күніне орай өз атымнан және Қорғаныс министрлігінің жеке құрамы атынан шын жүректен шыққан құттықтауды қабыл алыңыздар! 25 қазан – ел тарихындағы маңызды күн. Бүкіл әлемге егеменді ел екенімізді жариялап, Қазақстан жаңа тәуелсіз мемлекет құрды. Халқымыз жаңа тарихи кезеңді бастай отырып, бостандық пен тәуелсіздік туралы сан ғасырлық армандарына қол жеткізді, мықты мемлекеттің іргетасы қаланды. Қоғамдық-саяси өмірдің барлық салаларындағы, экономикадағы, мемлекеттік институттардағы реформаларды сәтті жүзеге асырып келеміз. Қазақстанның даму жолындағы салмақты және теңгерімді сыртқы саясат, тату көршілік және ашық әріптестік, ұлтаралық және конфессияаралық келісім, қазақстандықтардың әл-ауқатын жақсарту сынды басты қағидаттар мен негізгі құндылықтар сол қалпында қалады.Қазақстан Республикасының егемендігі мен аумақтық тұтастығын қорғауда қауіпсіздікті сақтаудың кепілі ретінде Қарулы күштердің атқаратын рөлі ерекше. Бүгінде әскерді даярлаудың қарқындылығы мен сапасы артып келеді. Қарулы күштердің әскери қызметшілері өздерінің жауынгерлік дағдылары мен өршіл рухын тәжірибеге жұмылдырып, ауқымды жаттығулар мен халықаралық жарыстарда көрсетіп жүр. Еліміз үшін ең басты мерекеде барлық әскери қызметшілерге, Қарулы күштердің ардагерлеріне және ел азаматтарына зор денсаулық, отбасыларына амандық және тыныштық тілеймін! Құрметпен,Қазақстан Республикасының Қорғаныс министрігенерал-полковник Р. ЖақсылықовАқпарат көзі : https://www.gov.kz/memleket/entities/mod/press/news/details/871828

Ұлы Отан соғысының ардагері Қамбар Сәрсеновтің 100 жылдық мерейтойы ұлттық мереке – Республика күнімен тұспа-тұс келеді.Медеу аудандық қорғаныс істері жөніндегі басқармасының әскери қызметшілері мен Радиоэлектроника және байланыс әскери-инженерлік институтының басшылығы мерейтой иесін құттықтап барды.Радиоэлектроника және байланыс әскери-инженерлік институтының бастығы генерал-майор Нұртас Қабақов ардагерге жауынгерлік ерлігі мен көп жылғы еңбегі үшін ризашылығын білдірді. Ол Қамбар Сәрсеновтің өмір жолы борышқа адалдық пен Отанға деген сүйіспеншіліктің жарқын үлгісі екенін атап өтті. Сондай-ақ Алматы қаласы "Қарулы күштердің ардагерлері" РҚБ филиалы төрағасының орынбасары, отставкадағы полковник Төлеген Мұстафин құттықтау сөз сөйледі. Құрмет белгісі ретінде Радиоэлектроника және байланыс әскери-инженерлік институтының курсанттары ардагердің алдында салтанатты шерумен жүріп өтті.Құттықтауларды ризашылықпен қабылдаған мерейтой иесі болашақ офицерлерге жылы лебізін білдірді. Қамбар Әмірұлы елімізге ашық аспан тілеп, жастармен өз естеліктерін бөлісті. Қамбар Сәрсенов 1924 жылы 25 қазанда Қостанай облысында дүниеге келген. 1942 жылы әскер қатарына шақырылып, оқудан кейін майданға жіберілді. Ол Белоруссияда, Латвияда, Литвада соғысып, Кенигсбергті алуға қатысты. Майдангер үш рет жараланды.Шайқаста көрсеткен ерлігі үшін Қамбар Сәрсенов I және II дәрежелі Отан соғысы,, II және III дәрежелі Даңқ, Қызыл Жұлдыз ордендерімен және көптеген медальдармен марапатталған.Соғыстан кейін Қамбар Әмірұлы ішкі істер органдарында қызмет етті. Кейін ұзақ уақыт Алматы энергетика секторында жұмыс істеді.Ақпарат көзі : https://www.gov.kz/memleket/entities/mod/press/news/details/871853

Павлодар облысының қорғаныс істері жөніндегі департаментінің өкілдері 25 қазанда 100 жасқа толған Ұлы Отан соғысының ардагері Николай Поддубныйды құттықтап барды.Әскери қызметшілер майдангерге Қорғаныс министрлігі мен облыстық қорғаныс істері жөніндегі департаменті басшылығының атынан алғыс хаттар табыс етті.Николай Поддубный 1942 жылы қолөнер мектебін бітірген соң әскерге шақырылды. Омбы қаласындағы танк мектебінде оқып, 1943 жылы майданға аттанды. Солтүстік-батыс және Украина майдандарында соғысты. Жеке атқыштар батальоны құрамында диверсант қызметін атқарды. Ол фашистердің әскери техникасы мен қару-жарағын жоюға қатысты.Бірнеше рет жау тылына жасырын кіріп, жанар-жағармай және басқа да мүліктер сақталған қоймаларды жойды. Жаудың инфрақұрылымына үлкен зиян келтіре отырып, неміс-фашист басқыншыларын жеңуге өз үлесін қосты.Жеңісті Германияның Баутцен қаласында қарсы алды. 1946 жылы запасқа шығарылып, Новосибирск қаласына оралды. Онда қалайы комбинатында жұмыс істеді.Зейнетке шыққаннан кейін Павлодарға көшіп келді. Николай Григорьевич отыз жыл бойы аймақ жастарын әскери-патриоттық тәрбиелеуге белсенді қатысты.Майдангер Николай Поддубный Отан соғысы орденімен, "Ерлігі үшін", "Германияны жеңгені үшін", "Маршал Жуков" медальдарымен және басқа да мерейтойлық наградалармен марапатталған. Ақпарат көзі : https://www.gov.kz/memleket/entities/mod/press/news/details/871872

Ұлттық мереке қарсаңында Қорғаныс министрлігі Қазақстанда аккредиттелген әскери-дипломатиялық корпус өкілдерін ресми қабылдауды ұйымдастырды.Әскери дипломаттармен кездескен Қорғаныс министрінің орынбасары генерал-майор Бақытбек Сыдықов әскери атташелерге қарулы күштер арасындағы екіжақты қатынастарды нығайтуға қосқан үлесі үшін ризашылығын білдірді. Ол биыл Қазақстанның Халықаралық ұйымдарға төрағалығы аясында Астанада ШЫҰ Қорғаныс министрлерінің кеңесі, ал Алматыда ҰҚШҰ Қорғаныс министрлері кеңесінің отырысы өткенін атап өтті.– Қазақстан бейбіт, теңдестірілген сыртқы саясатты берік ұстанады, оған қоса БҰҰ-ның Жарғысына сәйкес кең ауқымды көпжақты ынтымақтастыққа бейімділігін сенімді көрсетіп келеді. Біз оның бітімгерлік қызметін, қарусыздану бастамалары мен қарулы қақтығыстарды дипломатиялық жолдармен шешудегі оң қадамдарын қолдаймыз, – деп атап өтті ол. Қорғаныс ведомствосының өкілі қазақстандықтар әскери бақылаушы ретінде БҰҰ-ның Батыс Сахарадағы, Орталық Африка Республикасындағы және Конго Демократиялық Республикасындағы миссияларына қатысып жатқанын атап өтті. Ливанда Италия армиясы әскери контингентінің құрамында біздің бітімгерлер де қызмет ететініне тоқталды. – Биылғы жылдың наурыз айында Қазақстан Республикасы ұлттық бітімгерлік контингентінің 139 әскери қызметшісі БҰҰ-ның Голан жоталарындағы миссиясына орналастырылды, – деп жалғастырды өз сөзін министрдің орынбасары.Генерал-майор Б. Сыдықов серіктестерге алғаш рет «Бірлестік» өңірлік оқу-жаттығуын өткізудегі Қазақстанның бастамасын қолдағаны үшін алғысын білдірді.Қазақстандағы Чехия Елшілігі жанындағы әскери атташе дуайен полковник Томаш Ржиман сөз сөйлеп, әскери-дипломатиялық корпус атынан қазақстандық тарапқа сындарлы, өзара тиімді ынтымақтастық үшін алғысын жеткізді. Іс-шара ҚР Қарулы күштері Ұлттық әскери-патриоттық орталығының шығармашылық ұжымы дайындаған мерекелік концертпен аяқталды.Ақпарат көзі : https://www.gov.kz/memleket/entities/mod/press/news/details/871987

Астанадағы "Барыс-Арена" спорт кешенінде Республика күніне орай қазақ күресінен "Қазақстан барысы" республикалық турнирі өтті.Балуандар сайысы біздің елімізде 2011 жылдан бері өткізіліп келеді. Бұл жолы оған республикалық маңызы бар қалалардан, облыстардан және АОСК-нан 41 спортшы қатысты."Қазақстан барысы" беделді турнирінің чемпионы атағын армия спортшысы сержант Ерасыл Қажыбаев олжалады. Шешуші жекпе-жекте оның қарсыласы шымкенттік спортшы Ерсұлтан Мұзаппаров болды, ол екінші орын иеленді. Үшінші орын Абай облысынан Саят Шәмшиевке бұйырды.– Бүгін боз кілемде салмағы мен жасы бойынша әр түрлі спортшылар жиналды. Осындай айырмашылықтарға қарай жекпе-жектің нәтижесін соңына дейін болжау мүмкін болмады. Турнирге қатысушылар жақсы дайындықпен келген. Спортта әрқашан сәттілік деген бар. Бұл жеңістің артында спортшы мен оның жаттықтырушысы Ельдар Бейсенбаевтың орасан зор еңбегі тұрғанын білемін. Ерасыл өзін нағыз балуан екенін көрсетті, – деді ҚР Қорғаныс министрлігі Спорт комитетінің төрағасы – Армия орталық спорт клубының бастығы полковник Арман Әбеуов.Туризм және спорт министрі Ербол Мырзабосынов Ерасыл Қажыбаевқа чемпион белбеуі мен қасқыр терісін табыс етті. Айта кетейік, жылдың ең мықты балуанына 15 млн теңге марапат берілді.Отыз жасар Ерасыл Қажыбаев – Семей қаласының тумасы. 2015 жылы ол "дене шынықтыру және спорт" мамандығы бойынша Шәкәрім атындағы мемлекеттік университетті бітірді. Ерасыл Алматыдағы Спорт комитеті – Армия орталық спорт клубы филиалының оқу-жаттығу орталығы штаттық командаларын даярлау бөлімі дзюдо бөлімшесінің спортшы-нұсқаушысы болып қызмет етеді. Сонымен қатар, 2018 және 2019 жылдары Е. Қажыбаев "Қазақстан барысы" турнирінде екінші орын алған болатын.Естеріңізге сала кетсек, ҚР Қорғаныс министрлігі АОСК-нан бұл сайысқа барлығы алты адам – аға лейтенант Марат Байқамұров, кіші сержант Әділ Оразбаев, қатардағы жауынгер Ғалымжан Қырықбай, ефрейтор Айбек Ізтілеуов, кіші сержант Ерасыл Қажыбаев және ҚР Қарулы күштерінің қызметшісі Бейбарыс Әбдіғани қатысты.Спортшылардан нағыз шыдамдылықты, физикалық күш пен эмоционалды күйді барынша шығаратын турнир жанкүйерлерге қызықты сәттер сыйлап қана қоймай, мақсатқа жетер адамның өзіне сенімді болатынын көрсетті.Ақпарат көзі : https://www.gov.kz/memleket/entities/mod/press/news/details/872013

Қорғаныс министрлігі «Қазақстан Республикасы Президентінің қарауына әскери және басқа да құралымдарды, олардың жылжымалы мүлкін, сондай-ақ әскери мақсаттағы өнімді тасымалдау саласындағы Ұжымдық қауіпсіздік туралы шарт ұйымына мүше мемлекеттердің ынтымақтастығы туралы келісімге өзгерістер енгізу туралы 2015 жылғы 15 қыркүйектегі Хаттамаға қол қою туралы ұсыныс енгізу туралы» ҚР Үкіметі қаулысының жобасын дайындады. Хаттамаға қол қою аталған келісімге ҰҚШҰ Ұжымдық қауіпсіздік жүйесінің күш-құралдарын тасымалдауды олардың мақсаты мен бірлескен оқу-жаттығуларға қатысуы жөніндегі міндеттерді шешуі кезінде құқықтық реттеуді одан әрі жетілдіруге бағытталған өзгерістер енгізуге мүмкіндік береді.Хаттаманы іске асыру тиісті жылдарға арналған республикалық бюджетте көзделген ҚР Қорғаныс министрлігінің қаражаты шегінде жүзеге асырылатын болады.Үкімет қаулысы жобасының толық мәтінімен «Электрондық үкімет» порталында «Ашық НҚА» бөлімінде биылғы жылдың 5 қарашасына дейін мына https://legalacts.egov.kz/npa/view?id=15243666 сілтеме бойынша танысуға болады.Ақпарат көзі : https://www.gov.kz/memleket/entities/mod/press/news/details/872168