Республика күні қарсаңында Маңғыстау облысында құрастырылған «Шапшаң» әскери десанттық катері Каспий теңізіне түсірілді.Салтанатты шараға Маңғыстау облысының әкімі Нұрдәулет Қилыбай, Қорғаныс министрінің орынбасары генерал-лейтенант Сұлтан Қамалетдинов, Қарулы Күштердің контр-адмиралы Ратмир Камратов және әскери қызметшілер мен қала тұрғындары қатысты.Су жаңа катер теңіздегі мемлекет шекарасын, елдің біртұтастығын қорғауға қызмет етеді.Алғашқы болып сөйлеген Қорғаныс министрінің орынбасары жауынгерлер катерін теңізге жіберу қазақ жұрты үшін қуанышты сәт екенін айтты. Оның сөзінше, Маңғыстауда жасалған катер өңірдің теңіз әлеуетінің қарқынды дамып жатқанын аңғартады.-Президент жолдауында айтқандай, жаһандық әскери техника өндірісі дамыған мемлекеттердің ұлттық қорғаныс жүйесінде шешуші рөл ойнайды. Қазіргі заман – жаңа технология заманы. Бұл катер – Отанымыздың инженерия саласының жоғары деңгейінің айқын дәлелі», - деді Сұлтан Қамалетдинов.Өңір басшысы Нұрдәулет Қилыбай Ұлттық мереке – Республика күні қарсаңында болып жатқан тарихи оқиғаның ғалымдардың төккен тері мен еңбегінің нәтижесі екенін айтты.- Мемлекет басшысы Қасым-Жомарт Тоқаев қазақ құрылыс индустриясын дамыту, тереңдету қажет деп бағыт-бағдар берген еді. Міне, нәтижесін, жемісін көріп отырмыз. Өңірімізде жасалған отандық өнім ел тыныштығын күзетіп, теңіз әскерлерінің нәтижелі қызмет етуіне көмектеседі. Осы жобаны жүзеге асырған азаматтарға, мамандарға, құрылысшыларға көп рахмет айтамын. Азаматтар өздерінің шеберліктерін дәлелдеді, - деп әкім ризашылығын білдірді.Жаңа катерді құрастырған «Кеме жабдықтары және сервис» ЖШС-нің директоры Дмитрий Донскойдың айтуынша, тек қорғаныс саласында емес, азаматтарға арналған, туризм, транспорт бағытында, төтенше жағдайлар кезінде қолданылатын техникаларды да жасауға мүмкіндіктері бар.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/871472

Бүгін, 24 қазанда Маңғыстау облысының әкімі Нұрдәулет Қилыбай өңір жастарымен кездесті. Кездесуге 14-35 жас аралығындағы Ақтау қаласының және аудандардан келген белсенді жастар мен қоғам белсенділерінен жиналған барлығы 300 ден астам адам қатысты. Іс-шара еркін, сұрақ-жауап форматында өтті.Жиынға қатысушылар облыс басшысына жастар мәселесіне қатысты көкейдегі орамды ой-ұсыныстарын ортаға салды. Жастардың бір тобы облыс әкіміне білім, өнер, спорт, руханият салаларында кездесетін қиындықтарын жеткізсе, енді бір тобы ауыз су, жол, облыс орталығын абаттандыру, лудомания мәселелерін көтерді. Сондай -ақ, мүмкіндігі шектеулі жастарға арналған арнайы орталық ашу жөнінде ұсыныс білдірді.Облыс басшысы кездесуге жиналған жастардың сауалдарына жауап беріп, жастардың қоғамдағы маңыздылығын атап өтті.- Өңірде талмай еңбектеніп, еліміздің дамуына үлес қосып келе жатқан жалынды жастармен кездескеніме қуаныштымын. Жастарға қатысты өзекті мәселелерді талқылап, олардың әлеуметтік жағдайларын жақсарту жолдарын бірлесе іздестіру үшін осы жиында бас қосып отырмыз. Мемлекет басшысының тапсырмасына сәйкес, Үкімет жастардың әлеуметтік жағдайына, оларды жұмыспен қамту мәселесіне айрықша көңіл бөліп келеді. Алайда, жастар саясаты саласында бірқатар мәселелер бар екенін білеміз, соларды шешу үшін бірлесе жұмыс істеуге шақырамын, – деді Нұрдәулет Қилыбай.Кездесу соңында Нұрдәулет Қилыбай жастардың айтқан ұсыныстары мен сауалдарын негізге ала отырып, алдағы уақытта өзекті мәселелерді шешу мемлекеттік жастар саясатының негізгі бағыты ретінде қарастырылатынын тілге тиек етті.Айта кетейік, бүгінде Маңғыстау облысы бойынша 14 пен 35 жас аралығындағы 235 мыңға жуық жас бар. Ол облыс халқының 29,7%-ын құрайды. Оның ішінде – 103 348 қалада, 131 548 ауылдық елді – мекендерде тұрады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/871477

Ақтаудағы жылу желілеріндегі ақауларды қалпына келтіруге 150-ге жуық коммуналдық сала мамандары жұмылдырылды.Қазір қалада жылу желілерінде орын алған 27 ақау жөнделіп жатыр. Оған Ақтау әкімдігі тарапынан 6 жұмыс тобы және «Каспий жылу, су арнасы» мекемесінен 11 бригада және Жаңаөзен қаласынан арнайы келген 8 бригада жұмылдырылды. Олар тұрғындардың үйлеріне жылудың тезірек жетуіне барын салуды.-Ақтауға Жаңаөзен қаласынан «Өзенмұнайсервис» мекемесінен келдік. Жаңаөзеннен 8 жұмыс тобы келді. Қаладағы құбырлардың біразы ескірген екен. Ақтаулық жігіттерге әр шағын аудан бойынша сол құбырларды ауыстыруға көмектесіп жатырмыз, - деді «Өзенмұнайсервис» мекемесінің дәнекерлеушісі Қазихан Байбозов.-Қасымызда арнайы дәнекерлеушілер, слесарь жөндеушілер барлығы атсалысып жұмыс жасауда, - деді «ҚазақГазӨңдеу» зауытының шебері Әсет Айтқұлов.Тәулік бойы тынымсыз еңбек етіп жатқан жұмыс бригадаларына қала кәсіпкерлері ыстық шай мен бәліштер үлестірді.Ақауларды жөндеу жұмыстарына барлығы 49 техника жұмылдырылған.Ақтау қаласы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/871863

24 қазан күні Ақтауда Республика күніне арналған салтанатты іс-шара өтті. Салтанатты жиында облыс әкімі Нұрдәулет Қилыбай еліміздің дамуына сүбелі үлес қосқан азаматтарды құттықтап, алғыс білдірді. Мерекелік кеште әлеуметтік-экономикалық дамуға айтарлықтай еңбек сіңірген түрлі сала қызметкерлері марапатталды.Облыс әкімі Нұрдәулет Қилыбай еліміздің мақтанышы, белгілі күйші Сержан Шәкіратты І дәрежелі «Барыс» орденімен марапаттады. Сондай-ақ, елдің дамуына айрықша үлес қосып жүрген азаматтарға «Парасат», «Құрмет», «Еңбек Даңқы» ордендері, «Ерен еңбегі үшін» және «Шапағат» медальдары, сондай-ақ қоғамдық наградалар табысталды.Өңір басшысы жиналғандарды атаулы мерекемен құттықтап, Республика күнінің маңыздылығын атап өтті.- 2022 жылы өткен Ұлттық құрылтайда Мемлекет басшысы Қасым-Жомарт Кемелұлы Тоқаев Республика күнін жаңғыртып, оның ұлттық дәрежедегі ерекше мереке екендігін атап өткен болатын. Айтулы күн тарихымызға алтын әріптермен жазылып, ұлттық мереке статусы берілді. Өздеріңізге белгілі, келер 2025 жыл Ақтау қаласы - Түркі әлемінің мәдени астанасы ретінде белгіленді. Облыс орталығында түркітілдес ұлттар арасындағы бауырластық байланыстар мен достықты, мәдениет пен өнерді ұрпақтан ұрпаққа жеткізіп, оны әлемге таныту мақсатында түрлі іс-шаралар ұйымдастырылады. Өңірдің әлеуметтік - экономикалық дамуы бағытында көптеген шешімдер қабылданып, жұмыстар атқарылып жатыр. Әлі де жасалатын міндеттер тұр. Оны өздеріңізбен бірге ынтымақ, бірлікте атқарамыз деп сенемін. Осы сәтті пайдалана отырып, қиын-қыстау кезеңде бір жағадан бас, бір жеңнен қол шығарып, бірлікте қызмет етіп, күні-түні аянбай еңбек еткен барлық азаматтарға алғысымды білдіремін. Осынау айтулы мереке қарсаңында баршаңыздың отбасыларыңызға амандық-саулық, құт-береке тілеймін, - деді Нұрдәулет Қилыбай.Салтанатты шара елімізге белгілі эстрада жұлдыздарының концерттік бағдарламасына ұласты.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/871864

Құрметті отандастар!Баршаңызды Республика күнімен шын жүректен құттықтаймын!Қазақстанның егеменді ел екенін әйгілейтін ұлық мейрам – сан ғасырлық тарихы бар мемлекеттілігіміздің қайта жаңғыруының символы.Ұлттық мереке халқымызды мызғымас құндылықтар төңірегіне тоғыстырып, жалпыұлттық бірегейлігімізді нығайта түсуге ықпал етеді.Біз берекелі бірлік пен ырысты ынтымақтың арқасында аса күрделі сын-қатерлерді еңсеріп, ауқымды өзгерістерді жүзеге асырып келеміз. Қоғамдағы заң мен тәртіп, азаматтардың еңбекқорлығы мен кәсіби біліктілігі қазіргі реформалардың берік тірегіне әрі қозғаушы күшіне айналды. Біз болашаққа нық сеніммен қарап, Әділетті Қазақстанды құру жолында нақты қадамдар жасай береміз.Еліміздің ертеңі қандай болатыны әрбір отандасымызға байланысты екені анық. Азаматтарымыз осы қастерлі жауапкершілікті терең түсініп, мемлекеттігімізді нығайтуға өз үлесін қосады деп сенемін.Сіздерге зор денсаулық, толайым табыс және бақ-береке тілеймін!Ақпарат көзі : https://www.gov.kz/memleket/entities/mangystau/press/news/details/871867

Сіздерді Республика күнімен шын жүректен құттықтаймын! 25 қазан – халқымыз үшін ерекше күн, себебі осы күні ұлтымыздың болашағының бағдарын айқындаған тарихи шешім қабылданды. Бұл – Тәуелсіз Қазақстанның негізі қаланған, елдігіміздің асқақ рухын танытқан мерейлі сәт. Тәуелсіздік жолында күрескен ата-бабаларымыздың арманы орындалып, еліміз өз тағдырын өз қолына алған күн.Республика күні – еліміздің саяси, әлеуметтік және экономикалық өміріндегі елеулі өзгерістер мен жетістіктердің символы.Мемлекет басшысы Қасым-Жомарт Кемелұлы Тоқаев биылғы Жолдауында еліміздің одан әрі дамуына бағытталған маңызды бастамаларды көтерді. Әсіресе, экономикалық өсімді жеделдету, халықтың әл-ауқатын арттыру және жаңа саяси реформаларды іске асыру бойынша нақты қадамдар белгіленді. Президентіміздің Жолдауында айтылғандай, әрбір азамат ел тағдырына өз үлесін қосуы керек, себебі болашақтың іргетасы бүгін қаланады.Біз бірлігімізбен және ортақ мақсаттарға ұмтылу арқылы Отанымыздың болашағын жарқын ете аламыз. Сіздерге зор денсаулық, амандық және Отанымыз – Қазақстан Республикасының гүлденуі жолындағы игі істеріңізге табыс тілеймін!Елдіктің Туы ылайым биік,Тәуелсіздігіміз мәңгілік болсын, ағайын!Маңғыстау облысының әкімі Нұрдәулет ҚилыбайАқпарат көзі : https://www.gov.kz/memleket/entities/mangystau/press/news/details/871868

25 қазанда Ақтаудағы Мемлекеттік ресми рәсімдер алаңында Республика күніне арналған Мемлекеттік туды көтеру салтанатты шарасы өтті. Жиынға Маңғыстау облысының әкімі Нұрдәулет Қилыбай, ел ағалары, түрлі сала өкілдері мен әскерилер және қала тұрғындары қатысты.Ұлттық мерекеге жиналған жұртшылық Қазақстан Республикасының Мемлекеттік Әнұранын бірге шырқады.Салтанатты жиында облыс әкімі Нұрдәулет Қилыбай қатысушыларды Республика күнімен құттықтап, бұл күн — мемлекеттің құрылу жолындағы тарихи қадамның көрінісі екендігін атап өтті.- Расында да, бақыт деген осы шығар?! Көк байрағымыз желбіреп, бейбіт елде ұлттық мерекемізді тойлап жатырмыз. Тудың желбіреуі түгілі, туды армандап жүрген халық қаншама?!Қазақстан Республикасының Президенті Қасым-Жомарт Тоқаев айтқандай, Республика күні – мемлекеттің құрылу жолындағы тарихи қадамның символы болуы тиіс. Осындай шаралар жас ұрпаққа, әр саладағы мамандарға қажырлы еңбек етуге ынта беріп, олардың патриоттық рухын оятады. Әрбір азамат ел ертеңін қалыптастырушы тұлға екенін ұмытпауы қажет. Бірлігіміз жарасып, жарқын болашаққа нық қадам басайық. Мереке құтты болсын, ағайын! - деді Нұрдәулет Қилыбай.Салтанатты шара патриоттық әндер шырқалған концертке ұласты.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/872384

Бүгін Қостанай облысының әкімі Құмар Ақсақалов азаматтарды жеке қабылдау өткізді. Кездесу барысында өңір тұрғындары өзекті мәселелер мен проблемаларды талқылауға мүмкіндік алды.Өтініш берушілер арасында көктемгі су тасқыны салдарынан келген шығынды өтеу мәселесі көтерілді. Сондай-ақ Сарыкөл ауданындағы су тапшылығы мен жол жағдайына қатысты сұрақтар түсті. Азаматтар тұқым шаруашылығын және балық шаруашылығын дамыту бойынша ұсыныстарымен бөлісті. Бұдан бөлек, тұрғын үй беру мәселесі де көтерілді.Құмар Ақсақалов барлық өтініштердің мұқият қаралатынын және көрсетілген проблемаларды шешу үшін тиісті шаралар қабылданатынын айтты. Әкім халықпен кері байланыстың маңыздылығын атап өтіп, жергілікті биліктің тұрғындар сұраныстарына жедел жауап беруге дайын екенін жеткізді.Ақпарат көзі : https://www.gov.kz/memleket/entities/kostanay/press/news/details/866860

Қостанай облысында «Біртұтас қоғам: келісім және сенім» атты кеңейтілген кеңес өтті, оған Қазақстан халқы Ассамблеясы төрағасының орынбасары Лугмар Буларов қатысты. Іс-шараның негізгі мақсаты - этносаралық келісімді нығайту мәселелерін және Ассамблеяның бастамаларын талқылау.Облыс әкімі өңірдің тұрақтылығы мен өркендеуі үшін этносаралық келісімнің маңыздылығын атап өтті. Ол мемлекеттік органдардың тұрақты жұмысы азаматтардың өмір сүру сапасына тікелей әсер ететінін атап өтіп, экономикалық көрсеткіштердегі оң динамика туралы деректерді ұсынды.Кеңес барысында жұмыс орындарын ашуға және жергілікті экономиканы дамытуға бағытталған ірі инвестициялық жобаларды іске асыру жоспарлары ұсынылды. Білім беру және білікті кадрларды даярлау мәселелеріне ерекше назар аударылды.Лугмар Буларов азаматтар арасында бірлік пен ынтымақтың қажеттілігін атап өтіп, Ассамблея реформаларды қолдауда және барлық этностарды мемлекет дамуының стратегиялық міндеттеріне тартуда шешуші рөл атқаратынын атап өтті.Кеңес қатысушылардың өңірдегі этносаралық келісімді одан әрі нығайтуға бағытталған ұсыныстарын талқылаумен аяқталды.Ақпарат көзі : https://www.gov.kz/memleket/entities/kostanay/press/news/details/867360

Сарыкөл ауданына жұмыс сапары аясында Қостанай облысының әкімі Құмар Ақсақалов Тағыл ауылындағы хоккей кортына барып, жергілікті ауыл шаруашылығы тауарын өндірушілермен кездесті. Сонымен қатар, сапар аясында өңір басшысы Сарыкөл ауданының тұрғындарымен кездесу өткізді. Дене шынықтыру мен спортты дамыту Құмар Ақсақалов мемлекеттік әлеуметтік саясаттың басымдығы ретінде дене шынықтыру мен спортты дамытудың маңыздылығын атап өтті. Биыл облыста 12 дене шынықтыру-сауықтыру кешені салынуда, оның 5-і пайдалануға берілген. Сарыкөл ауданында осы жылдың маусым айынан бастап ауданы 1000 шаршы метрден асатын хоккей корты жұмыс істейді, оған күн сайын 100-ге жуық адам келеді. Корт құрылысына 21,9 млн теңге бөлінді, балаларға жылы киімдерін ауыстыратын қосымша бөлме салынды. Ауыл шаруашылығы стратегиялық маңызды сала ретінде Әкім ауыл шаруашылығы экономиканың стратегиялық маңызды саласы болып қала беретінін атап өтті. Қостанай облысы дәстүрлі түрде ұн өндіруден көш бастап келеді, жыл сайын шамамен 5 млн тонна бидай өндіреді. Сарыкөл ауданында «Сатаев Б.Х.» ШҚ базасында өнімділігі сағатына 5 тонна тұқымдарды тазарту және сұрыптау желісі іске қосылды, бұл 1,2 млрд теңге инвестиция салуды талап етті және 10 жаңа жұмыс орны ашылды. Алайда, Құмар Ақсақалов жергілікті билік пен ауыл шаруашылығы тауарын өндірушілерді ауылдардың инфрақұрылымына және «Таза Қазақстан» бағдарламасын іске асыруға жеткілікті көңіл бөлмегені үшін қатаң сынға алды. Ол сондай-ақ кәсіпкерлер әлеуметтік жауапкершілікті толықтай көрсетуі және ауылдық жерлердегі адамдардың өмір сүру жағдайларын жақсарту қажеттігін атап өтті.Ақпарат көзі : https://www.gov.kz/memleket/entities/kostanay/press/news/details/867879

Қостанай облысында Республика күні қарсаңында Ахмет Байтұрсынұлы атындағы Қостанай өңірлік университетінің студенттеріне арналған жаңа заманауи жатақхана ашылды. Іс-шара облыс әкімі Құмар Ақсақаловтың қатысуымен өтті, ол студенттер мен оқытушыларды осы маңызды оқиғамен құттықтады.Ақсақалов өз сөзінде студенттердің өмір сүруіне қолайлы жағдай жасау мемлекеттік әлеуметтік саясаттың маңызды бөлігі болып табылатынын атап өтті. «Жастарды сапалы тұрғын үймен қамтамасыз ету оларға оқу процесіне жақсы бейімделуге және білім алу үдерісіне көңіл бөлуге мүмкіндік береді», — деп атап өтті әкім.1 млрд. теңге көлемінде жеке инвестицияларға салынған жаңа жатақхана 320-дан астам студентті қабылдай алады. Барлық бөлмелер толығымен жиһазбен, душ кабиналарымен, санитариялық тораптармен жабдықталған. Әр қабатта ас үй, кір жуатын бөлмелер және нәрселерді сақтау орындары бар. Сонымен қатар, ғимаратта фитнес-клуб, дүкен және салон ашу жоспарлануда.Жатақхана пайдалануға берілгеннен кейін университет студенттерінің баспанаға деген қажеттілігі толығымен жабылды.Сондай-ақ, әкім соңғы үш жылда облыста 2,3 млрд.теңге сомасына екі жатақхана салынғанын атап өтіп, студенттердің тұрғын үй жағдайын жақсарту жоспарлары жөнінен айтты. «Біздің істеп жатқан жұмысымыз жатақханалардағы орындардың жетіспеушілігі мәселесін шешуге және еліміздің кадрлық әлеуетін арттыруға мүмкіндік береді», - деп толықтырды Құмар Ақсақалов.Өз сөзінің соңында әкім жиналған жұртты алдағы Республика күнімен құттықтап, амандық пен оқуда табыс тіледі.Ақпарат көзі : https://www.gov.kz/memleket/entities/kostanay/press/news/details/868611

Қостанай облысының әкімі Құмар Ақсақалов жалпы қуаты 1 гигаватт болатын 165 жел электр станциясын салу туралы меморандумға қол қойды. Қазіргі таңда бұл қадам өндірістік қуаттылық үшін энергия тапшылығын сезініп отырған өңірдің энергетикалық тәуелсіздігін қамтамасыз етудегі маңызды кезең болмақ.Бүгінгі таңда облыста электр энергиясын тұтыну 0,45 ГВт болса, өндіру тек 0,12 ГВт құрайды. Жаңа жобаны іске асыру осы тәуелділікті еңсеріп қана қоймай, электр энергиясын өндіру көлемін едәуір арттыруға мүмкіндік береді. Жаңа станция тек электр энергиясын өндіруді ғана емес, 300 мегаватт көлеміндегі батареяда электр қуатын жинақтауды да қарастырады.Жел сияқты жаңартылатын энергия көздерінің артықшылығы олардың экологиялық тұрғыдан сонымен қатар экономикалық тұрғыдан да пайдасы бар. Облыстың бірқатар аудандарындағы желдің орташа жылдамдығы жел турбиналарын тиімді пайдалануға мүмкіндік береді, бұл Қостанай облысын жел парктерін салу үшін тартымды етеді.Бұл жобаны іске асырудың маңызды аспектілері жаңа жұмыс орындарын ашу, инвестициялар тарту және өңірдің орнықты дамуы болады. Бұған қоса, қуаттылығы 48 МВт Арқалық жел паркі сияқты іске асырылған жобалар облыстың жаңартылатын энергия көздері саласындағы әлеуеті бар екенін айғақтайды.Қостанай облысы өзінің энергетикалық инфрақұрылымын дамыту бағытында белсенді түрде алға ілгерілеуде және біз меморандумды іске асыру өңіріміздің болашағына елеулі үлес қосатынына сенімдіміз.Ақпарат көзі : https://www.gov.kz/memleket/entities/kostanay/press/news/details/868898

Қазақстан Республикасының күні қарсаңында Әулиекөл ауылында «Алтын бесік» жаңа балабақшасының ашылуы өтті. Бұл маңызды оқиға мемлекеттің отбасы институтын қолдауға және халықтың өмір сүру сапасын арттыруға деген ұмтылысын көрсетеді.Салтанатты шараға Қостанай облысының әкімі Құмар Ақсақалов және «Халық» қорының басқарушы директоры Нариман Бақтыбайұлы қатысты. Балабақшаның салынуы мемлекеттің, қордың және жергілікті қоғамдастықтың бірлескен күш-жігерінің арқасында мүмкін болды, инвестицияның жалпы сомасы 1,8 миллиард теңгеден асты.Балабақша 280 орынға арналған және балалардың үйлесімді дамуы үшін барлық қажетті жабдықтармен жабдықталған: кең ойын және жатын бөлмелері, музыка және спорт залдары, медициналық кабинет және қосымша сабақтарға арналған кабинеттер. Оқыту қазақ және орыс тілдерінде жүргізіледі, бұл жергілікті тұрғындардың сұраныстарына сәйкес келеді.Балабақшаның ашылуымен аудан орталығында тұратын балалардың 100% мектепке дейінгі біліммен қамтамасыз етілгенін атап өткен жөн.Құмар Ақсақалов: «Бүгін біз жай балабақшаны ғана емес, балаларымыз үшін бүкіл әлемді ашамыз. Бұл біздің еліміздің болашағына салынған инвестиция». «Алтын бесік» балабақшаның ашылуы ауданның мектепке дейінгі мекемелерінде орын тапшылығы мәселесін шешеді және өңірде мектепке дейінгі білім беру жүйесін дамытуға ықпал етеді.Біз барлық ата-аналар мен мұғалімдерді осы маңызды оқиғамен құттықтаймыз және жаңа балабақшада ақылды және бақытты балалар өсетініне сенімдіміз.Ақпарат көзі : https://www.gov.kz/memleket/entities/kostanay/press/news/details/870338

Республика күніне арналған мерекелік концертте Қостанай облысының әкімі Құмар Ақсақалов құттықтау сөз сөйлеп, осы ұлттық мерекенің маңыздылығын атап өтті.«Республика күні - бұл біздің жетістіктерімізді айтып, ата-бабаларымыздан қалған мұраны еске алатын уақыт. 34 жыл бұрын Тәуелсіздік туралы декларация қабылданды, ол біздің мемлекетіміздің қалыптасуына жол ашты», - деп атап өтті ол.Сонымен қатар, Қ. Ақсақалов Қостанай облысы барлық салалар бойынша қарқынды дамып келе жатқанын атап өтті. «Біздің өңіріміз - Қазақстанның астығы мол өлкесі, биыл біз диқандардың еңбекқорлығының арқасында 6 миллион тоннаға жуық астық жинадық», – деді ол.Өңір басшысы облыста жүзеге асырылып жатқан ірі инвестициялық жобалар, соның ішінде салынып жатқан жаңа зауыттар және ауыл шаруашылығын дамыту туралы айтып берді. «Біз ауыл шаруашылығы өнімдерін барынша қайта өңдеуге тырысамыз және алдағы жылдары бірнеше жаңа өндірістерді іске қосуды жоспарлап отырмыз», – деді ол.Сөз соңында Құмар Ақсақалов өңір тұрғындарын ортақ мақсатқа жету үшін бірігуге шақырды: «Әділ, таза және қауіпсіз Қазақстанды бірге құрайық! Баршаңызға зор денсаулық пен өркендеу тілеймін! Мереке құтты болсын!»Ақпарат көзі : https://www.gov.kz/memleket/entities/kostanay/press/news/details/871519

2024 жылдың 28 қазанында SMART-орталығында Костанай облысының әкімі Құмар Ақсақаловтың кадрлық резервке іріктелген жастармен кездесуі өтті.Өз сөзінде әкім патриотты және білікті жастарды қалыптастырудың маңыздылығын атап өтті, олар облыстың дамуына үлес қоса алады. Мемлекеттің жастар бастамаларын белсенді қолдап, білім алу және тұрғын үй мәселелерін шешу үшін түрлі бағдарламалар мен гранттар ұсынып отырғанын айтты.Кұмар Ақсақалов «Болашақ» бағдарламасы аясында жастардың шетелде беделді білім алу мүмкіндіктері бар екенін еске салып, шетелдік университеттермен серіктестік арқылы ашылған жаңа мүмкіндіктерді атап өтті. Жастарды қолдауда маңызды қадам ретінде «Қостанай жастары» өңірлік бағдарламасының әзірленгенін айтты, соның арқасында көптеген жас отбасылар жеке тұрғын үй алуға мүмкіндік алды.Әкім резервистерді іріктеудің барлық кезеңдерінен сәтті өткендерімен құттықтап, кадрлық резервке қабылдану жергілікті мемлекеттік органдарда әкімшілік лауазымдарға есіктер ашатынын атап өтті. «Біздің облысымызға мемлекеттік игілік үшін жұмыс істей алатын жас және энергиялық мамандар қажет», – деді ол.Құмар Ақсақалов резервистерге қойған мақсаттарына жетуде табыс тіледі және оларды облыстың дамуына белсенді қатысуға шақырды.Ақпарат көзі : https://www.gov.kz/memleket/entities/kostanay/press/news/details/872845

Батыс Қазақстан облысы Сырым ауданында су тасқынынан зардап шеккен тұрғындарға қосымша 38 тұрғын үй салынды.Алғашқы тұрғын үйлердің кілттері 1 апта бұрын табысталған болатын. Енді Жымпиты, Өлеңті және Бұлдырты ауылдарында қалған үйлердің кілттері ауыл тұрғындарына берілді.«Бүгін жаңа қонысқа кіріп жатырмыз. Президентімізге, үй салған барша азаматтарға алғысымды білдіремін. Енді мұндай жағдай болмасын елімізде. Ауылымыз көркейе берсін»- деді жаңа қоныс иесі Айдарханова Жаңыл.Айта кетейік, Батыс Қазақстан облысында су тасқынынан зардап шеккен тұрғындарға 889 үй салынды. Оның 451-і Орал қаласында. Сондай-ақ, Оралдағы Саяжай тұрғындарына демеушілер қаржысына 2 мыңнан астам үй сатып алынды. БҚО әкімдігінің баспасөз қызметіАқпарат көзі : https://www.gov.kz/memleket/entities/bko/press/news/details/866353

Бұқаралық ақпарат құралдарында жағымсыз жарияланымдарға жүргізілетін мониторинг барысында «Facebook» әлеуметтік желісінің пайдаланушысы Айболат Бөкеновтің парақшасында «Выговор или замечание ждет сотрудника акимата ЗКО за совершение в пъяном виде массовой аварии» атты жарияланым фактісі анықталды.Аталмыш жарияланымда осыған дейін көлік құралын алкогольдік масаң күйде басқару арқылы жол қозғалысының басқа қатысушыларына зиян келтіріп, жол-көлік оқиғасына жол берген БҚО әкімі аппаратының бөлім басшысы Е.Г. Найзабеков аталған («Мой город» газетінің интернет-ресурсындағы а.ж. 4 қазанда жарық көрген жарияланым).Облыстық полиция департаментінің ақпаратына сәйкес қазіргі уақытта осы құқық бұзушылықты жасау фактісі бойынша тиісті сараптамалар тағайындалған.Осылайша, аталмыш тұлғаның кінәсі туралы тиісті шешімді сот белгілейтін болады.«Қазақстан Республикасының сот жүйесі мен судьялардың мәртебесі туралы» Конституциялық заңның талаптарына сай, соттың сот төрелiгiн iске асыру жөнiндегi қызметiне қандай да бiр араласуға жол берiлмейдi және заң бойынша жауаптылыққа әкеп соғады.Сонымен қатар, қызметтен тыс уақытта әдеп нормаларын сақтамағаны үшін жоғарыда аталған тұлғаның тәртіптік жауапкершілікке тарту мәселесі сот шешімінің қорытындысы бойынша қаралатын болады.Бұдан бөлек, Мемлекет басшысының 2015 жылғы 29 желтоқсандағы №156 Жарлығымен бекітілген Мемлекеттік қызмет істері агенттігінің Әдеп жөніндегі кеңестері туралы ережеге сәйкес, өңірлік әдеп жөніндегі кеңес С-О-1, С-О-2, С-R-1, С-R-2, D-1, D-2, D-О-1, D-О-2, D-R-1, D-R-2, Е-1, Е-2, Е-R-1, Е-R-2 санаттарындағы мемлекеттік әкімшілік қызметшілерге, сондай-ақ облыстар, республикалық маңызы бар қалалар, астана әкімдерінің аппараттарында дербес лауазымдағы әдеп жөніндегі уәкілдерге қатысты тәртіптік істерді қарайды.Осылайша, Е.Г. Найзабековтың лауазымының санаты Әдеп жөніндегі кеңес қарайтын лауазымдар санатына жатпайтынын ескере отырып, аталған тұлғаның тәртіптік жауапкершілігі облыс әкімдігінің тәртіптік комиссиясының отырысында қаралуға жатады.Өз кезегінде, Мемлекет басшысының 2015 жылғы 29 желтоқсандағы №152 Жарлығымен бекітілген Мемлекеттік қызметшілерге тәртіптік жаза қолдану қағидаларына талабына сай, тәртіптік комиссияның қызметіне қандай да бір араласуға жол берілмейді.Ақпарат көзі : https://www.gov.kz/memleket/entities/bko/press/news/details/866443

2024 жылдың 17 қазанында Батыс Қазақстан облысының әкімі Нариман Төреғалиев Жәнібек ауданына жұмыс сапарымен барды. Сапар барысында облыс әкімі ауданның өнеркәсіптік және әлеуметтік нысандарының жұмысымен танысып, жергілікті тұрғындармен кездесу өткізді.Облыс әкімі Жәнібек ауданындағы маңызды нысандарының бірі- асфальт зауытының жұмысымен танысты. Зауыт 2021 жылы ашылған. Бүгінгі таңда кәсіпорын сағатына 90 тоннаға дейін асфальт өндіріп, 70 адамды жұмыспен қамтамасыз етуде, оның 50 —і жергілікті тұрғындар. Аталған зауыт өңірдің жол инфрақұрылымын дамытуда маңызды рөл атқарады.Сондай-ақ, облыс әкімі аудандық Ардагерлер үйінде болып, қарияларды қолдау шараларын талқылады.Сапар барысында облыс әкімі Жәнібек ауданының тұрғындарымен кездесу өткізіп, тұрғындардың сауалдарына жауап берді . Атап айтқанда, Күйгенкөл ауылында автомобиль жолын салу, аудандағы жолдардың жай-күйі, тұрғындарды ауыз сумен қамтамасыз ету, адамдарды тасымалдауды ұйымдастыру және әлеуметтік қорғауды жақсарту сынды мәселелер қаралды.“Жол салу, ауыз сумен қамтамасыз ету және әлеуметтік қолдау мәселелері халық үшін өте маңызды. Оларды шешу бойынша жұмыстар жүргізілуде. Біз үшін азаматтарымыздың өмір сүру жағдайларын одан әрі жақсарту басты назарда. Сіздердің пікірлеріңіз бен кері байланыстарыңыз біз үшін өте маңызды және көтерілген әр мәселе аймақты одан әрі дамыту жоспарларынла ескерілетін болады. Мемлекет басшысының өңірді дамыту мәселелеріне қатысты барлық тапсырмалары әрқашан қатаң бақылауда",-деп атап өтті Батыс Қазақстан облысының әкімі Нариман Төреғалиев.Көтерілген мәселелер мұқият зерделеніп, өңір басшысы оларды шешу бойынша жұмыс жүргізіліп жатқанын және өңірлік бағдарламалар шеңберінде ескерілетінін айтты. Кездесу барысында тұрғындар өз ұсыныстарын тікелей білдіріп, қордаланған мәселелер бойынша өз сауалдарына жауап алды. Ақпарат көзі : https://www.gov.kz/memleket/entities/bko/press/news/details/866483

Бөкей Орда ауданына жұмыс сапары аясында Батыс Қазақстан облысының әкімі Нариман Төреғалиев Сайқын ауылындағы аудандық сотының жаңа ғимаратының ашылу салтанатына қатысты. Іс-шара республика күніне орай өтті.Айта кету керек, бұрынғы аудандық сот тозығы жеткен ауыл шетіндегі ғимаратта орналасқан болатын. Ескі сот ғимаратына кіреберіс жол мен көлік тұрағы да болмаған. Бұрынғы соттың жұмыс кабинеттері тар болғандықтан да қызметкерлер мен сотқа келушілерге қолайсыздық туғызды.Ал, жаңа сот ғимараттың жалпы ауданы 720 шаршы метрді құрайды. Ішінде кеңесу бөлмесі, азаматтық және қылмыстық істерді қарауға арналған сот залы, мәжіліс залы, күзет бөлмесі, мұрағат, адвокат пен прокурордың кабинеттері бар.Сот өрт сөндіру және қауіпсіздік жүйесімен, бейнебақылау камераларымен, қауіпсіздік жүйелермен, құрылымдық кабельдік желімен және т.б заманауи қондырғылармен жабдықталған.Жаңа сот ғимараты жергілікті бюджет есебінен салынды.Облыс әкімі Нариман Төреғалиев аудан тұрғындары мен сот қызметкерлерін осы маңызды оқиғамен құттықтады."Мемлекет Басшысы Қасым-Жомарт Тоқаев сот жүйесін жетілдіруді, материалдық-техникалық базаны нығайтуды, сот қызметіне жаңа технологияларды, цифрландыруды енгізуді тапсырған болатын. Судьялардың 9-шы съезінде Президентіміз Әділетті Қазақстанды құруда соттардың маңызды рөл атқаратынын атап өтті. Өңіріміздегі барша сот мамандары әрдайым әділдікті ту етіп, Мемлекет басшысының реформаларын тиімді іске асыратынына сенемін", - деп атап өтті облыс әкімі.Ашылу салтанатына ҚР Сот Әкімшілігі басшысының орынбасары Жантемір Шакиев, БҚО облыстық соты төрағасының м.а., сот саласының ардагерлері мен қызметкерлері, сондай-ақ аудан тұрғындары қатысты. БҚО әкімдігінің баспасөз қызметіАқпарат көзі : https://www.gov.kz/memleket/entities/bko/press/news/details/867368

Батыс Қазақстан облысының әкімі Нариман Төреғалиев Бөкей Ордасы ауданына жұмыс сапарымен барып, бірқатар әлеуметтік-экономикалық және инфрақұрылымдық жобалармен танысты.Облыс әкімі аудандағы шаруа қожалықтарының бірінде 1000 бас малға арналған бордақылау алаңының құрылысымен танысты. Сондай-ақ Нариман Төреғалиев Хан Ордасы ауылындағы жолдардың жөндеу жұмыстарын тексерді.Өңір басшысы мердігерге жұмыстарды жіті бақылауға алып, сапалы және уақытылы мерзімде орындауды тапсырды.Сонымен қатар, облыс әкімі "Ауыл аманаты" жобасы аясында ашылған жылыжай кешеніне барды. Жылыжай иесі, кәсіпкер Б. Таңатаров өз ісін 2020 жылы бастаған. "Бизнестің жол картасы-2025" бағдарламасы аясында 2,8 млн теңге сомасына несие алған. 2024 жылы "Ауыл аманаты" бағдарламасының және 7,1 млн теңгенің қосымша несиесінің көмегімен жылыжайды кеңейту жобасын жүзеге асырды. Жылыжай жыл сайын 20 тоннаға дейін қияр өсіреді, осылайша кәсіпкер өңірдің аграрлық секторының дамуына үлес қосуда.Сапар барысында өңір басшысы Бөкей ордасы ауданының халқымен кездесіп, атқарылған жұмыстар туралы және алдағы жылдары Батыс Қазақстан облысын одан әрі дамыту жоспарларын айтты.Нариман Төреғалиев Мемлекет басшысының өңірді дамыту мәселелеріне қатысты барлық тапсырмалары ерекше бақылауда екенін атап өтті."Ауылды дамыту және азаматтарымыздың өмір сүру жағдайларын жақсарту-біздің алдымызда тұрған басты міндеттердің бірі. Жаңа жұмыс орындарын құру және инфрақұрылымды жақсарту ғана емес, сонымен қатар аймақтың барлық тұрғындары үшін сапалы қызметтерге қол жетімділікті қамтамасыз ету маңызды. Біз өңір тұрғындарының әл-ауқатын атттыру бағытында жұмыс істеуді жалғастырамыз", - деп атап өтті өңір басшысы.Ақпарат көзі : https://www.gov.kz/memleket/entities/bko/press/news/details/867590