Абай облысының әкімі Берік Уәли Аягөз ауданына жұмыс сапарымен барып, бірнеше әлеуметтік маңызы бар нысанда болды. Көктемгі су тасқынына дайындық барысын бақылап, жылу қазандығының жұмысымен танысты.Былтыр көктемде Аягөз өзені ернеуінен асып, бірнеше ауланы су басқан болатын. Өткен жылы қауіптің алдын алу үшін өзен жағалауын бекіту жұмысы жүргізілді. Облыс әкімі аудандағы жұмыс сапарын өзендегі су деңгейін қадағалаудан бастап, жергілікті атқарушы билікке үнемі бақылауда ұстауды тапсырды.«Су басу қаупі бар облыстардың қатарында тұрмыз. Сондықтан тасқынға дайындық жұмысын күшейту қажет. Аягөз өзенінің арнасын кеңейту мәселесін ойластырыңыздар. Тиісті ұсыныс беріңіздер»,- деді облыс әкімі.Төтенше жағдайлар департаментінің хабарлауынша, өңірдегі қырық бес елді мекенді су басу қаупі бар. Бұл аймақтарда төрт мыңға жуық халық тұрады. Қазіргі таңда әсіресе Аягөз, Бесқарағай, Бородулиха, Көкпекті аудандарындағы 20 ауылда қауіп сақталуда.Ақпарат көзі : https://www.gov.kz/memleket/entities/abay/press/news/details/948957

Астана қаласындағы OzgeEpic креативті хабында Қазақстан Республикасы Мәдениет және ақпарат министрлігінің қолдауымен белгілі отандық режиссер, «Шексіз мүмкіндіктер» трилогиясы авторларының бірі әрі продюсері Әзиз Заировты еске алу кеші өтті.Аталған трилогияға «Болу ма, жоқ па?», «Қыз бен теңіз» және «Анашым, мен тірімін!» атты әлеуметтік драмалары енген.Әзиз Зайровты еске алуға режиссердің достары мен жақындары, оның шығармашылымен таныс барша қауым, сондай-ақ танымал трилогияның түсірілім тобы келді.Әзиз Заиров 2014 жылы «Шексіз мүмкіндіктер» жобасы бойынша жұмысты Мұхамет Мамырбековпен бірге «Болу ма, жоқ па?» фильмінен бастаған. 2019 жылы трилогияның екінші бөлімі – «Қыз бен теңіз» көрерменге жол тартты. Ал соңғы бөлімі «Анашым, мен тірімін!» фильмі Қазақстан Республикасы Мәдениет және ақпарат министрлігінің қолдауымен түсіріліп, 2024 жылы жарық көрді. Сол жылы Әзиз Заиров өмірден өтті.Оның фильмдерінде басты рөлдерді мүгедектігі бар адамдар сомдады. Әзиз Заировтың өзі де арбаға таңылған. Ол қоғамда инклюзивтілікті дамытуды мақсат етті. «Шексіз мүмкіндіктер» трилогиясы көптеген халықаралық марапаттарға ие болды.Сондай-ақ режиссерді еске алу аясында Л.Н. Гумилев атындағы Еуразия ұлттық университетінде «Болу ма, жоқ па?» фильмінің арнайы көрсетілімі өтті.Әзиз Заиров Евразия Шығармашылық Гильдиясының «Eurasian Creative Guild» мүшесі, «Асау-Ат» Қоғамдық қорының тең құрылтайшысы, белсенді волонтер, онкологиялық науқас балалар мен ересектерге қолдау көрсететін «Амила» қорының қамқоршылар кеңесінің мүшесі және «Азияның шығармашылық богемасы» қауымдастығының резиденті болған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/948953

Қазақстан Республикасы Энергетика министрлігінің басшылығы мен ұжымы Қазақстан Республикасы мұнай-газ саласының көрнекті қайраткері, техника ғылымдарының докторы, Маңғыстау облысындағы мұнай және емдік-минералды су кен орындарының алғашқы ашушысы Олег Сергеевич Герштанскийдің мезгілсіз қайтыс болуына байланысты туған-туыстары мен жақындарына терең қайғырып көңіл айтады.О. С. Герштанскийдің бүкіл ғұмыры – Республикаға, өз ісіне адалдық пен сеніміне деген мызғымас беріктіктің жарқын үлгісі.1978 жылдан бастап өмірінің соңына дейін О. С. Герштанский мұнай-газ саласындағы түрлі лауазымдар мен басшылық қызметтерде еңбек етті, Мұнайшы-геологтардың Қазақстандық қоғамының мүшесі, Министрліктің жанындағы Көмірсутек кен орындарын барлау және игеру жөніндегі орталық комиссиясының мүшесі болды, «KAZENERGY» қауымдастығының Ғылыми-техникалық кеңесіне кірді, 100-ден астам ғылыми мақаланың, 82 өнертабыстың және 5 монографияның авторы.Еңбек жолындағы ерекше жетістіктері үшін ол мемлекеттік марапаттармен: «Құрмет», «Парасат» ордендерімен, «Ерен еңбегі үшін» медалімен және басқа да медальдармен, марапат белгілерімен, сондай-ақ «Қазақстанның еңбек сіңірген геологы», «Мұнай-газ саласының еңбек сіңірген қайраткері» құрметті атақтарымен марапатталды.Олег Сергеевич жарқын ғұмыр кешті, әрдайым белсенді азаматтық ұстанымда болды, оны терең адамгершілік қасиеттері, жоғары кәсібилігі және өз ісіне деген адалдығы ерекшелендірді.Геологтар мен геофизиктер қауымдастығы өзінің ең қымбатты мүшелерінің бірін – еліміздің мұнайшылар дәстүрін сақтаушы әрі қорғаушы тұлғасын жоғалтты.Олег Сергеевичтің жарқын бейнесі жүрегімізде мәңгі сақталады, ал оның еңбектері болашақ ұрпақтың жадында қалады.Оның отбасы мен жақындарына осындай ауыр қайғыға байланысты көңіл айтамыз. Қазақстан Республикасының Энергетика министріА. СәтқалиевАқпарат көзі : https://www.gov.kz/memleket/entities/energo/press/news/details/948956

Алғыс айту күні, 1 наурызда өз еңбегімен, күш-жігерімен және бастамаларымен ел халқының бірлігін, тұтастығы мен этносаралық келісімін нығайтуға үлес қосатындарға алғыс айтылады. Қарағанды қаласының Достық үйінде Қазақстан халқы Ассамблеясының 30 жылдығына арналған «Адамгершілік – асыл қасиет» атты облыстық форум өтті. Кездесудің маңызды оқиғасы «Қазақстан халқы Ассамблеясына 30 жыл» ескерткіш тақтасының ашылуы болды.Өңірдегі Қазақстан халқы Ассамблеясының төрағасы – Қарағанды облысының әкімі Ермағанбет Бөлекпаев Мемлекет басшысының Алғыс айту күнімен құттықтауын оқып берді. Сондай-ақ, қатысушыларды өз атынан құттықтады.– Біз алғашқылардың бірі болып Қазақстан халқы Ассамблеясының 30 жылдығын мерекелеуге бастадық. Ассамблея құрылған жылдарында біздің қоғамымыздың маңызды буынына айналды. Бұл өзара құрметке, ынтымақтастыққа және қолдауға толы жол болды, – деді облыс әкімі, 100-ден астам ұлт өкілдері тұратын өңірдің көпұлттылығын атап өтіп. – Залдағы барлық қатысушыларға бейбітшілік пен келісімді нығайтудағы күш-жігері үшін алғыс айтамын.Ермағанбет Бөлекпаев Ассамблея ардагерлері мен белсенділеріне алғыс хаттарды табыс етті. Марапатталғандардың арасында «Намус» Әзербайжан ұлттық-мәдени орталығының төрағасы Гюлага Векил-оглы Рзаев та бар. Ол әзірбайжан халқы тарихының қайғылы кезеңі – 1928 жылғы депортация туралы еске салып, қазақ халқына алғыс білдірді.– Қанша жыл өтсе де, әзербайжан халқы осыны есте сақтайтын болады, – деп атап өтті Гюлага Векил-оглы. – Біз ұлт пен дініге қарамастан тату-тәтті өмір сүреміз. Бұл біздің ең басты құндылығымыз және Қазақстан үшін үлкен бақыт.Форум аясында Қарағанды облысы кәрістерінің этномәдени бірлестігінің төрағасы, Қазақстан халқы Ассамблеясының мүшесі Лилия Ким «Қайырымдылық керуені» қайырымдылық акциясын бастады. Оған өңірдің этномәдени бірлестіктерінің өкілдері қосылды. Акция аясында Қарағанды техникалық-құрылыс колледжінің студенті Мұхаметәлі Исайынға көмек көрсетілді.– Ассамблеяға мүше болу әркімге бірдей беріле бермейді. Біздің өзіміздің ерекше рухымыз бар, – деп атап өтті Лилия Ким. – Біз бірге болғанда көп нәрсеге қабілетті боламыз. Мұны бірнеше рет дәлелдедік. Сондықтан мен әрдайым жақсылық істеуден шаршамаңдар, – деймін. Әсіресе жас ұрпаққа айтамын.Балқаш аналар кеңесінің төрайымы Альмира Мусина акцияға толық қолдау білдіріп, форумнан кейін кеңес өкілдері 1 наурызда туған балаларды құттықтау үшін қаланың перзентханаларына баратынын хабарлады.Форумда түрлі кәсіптер мен қызмет салалары өкілдерінің атына көптеген жылы сөздер айтылып, қазақ халқына тарихтың күрделі кезеңдерінде қонақжайлылығы мен қолдауы үшін ерекше алғыстар айтылды.«Өмір тынысы» трансплантацияланған науқастар бірлестігінің төрағасы Жәнібек Успанов өмірді құтқаруға баға жетпес үлес қосқан донорларға алғысын білдірді. Нұра ауданы автопаркінің қызметкері Асылбек Рахымбеков өз тәлімгерлеріне алғысын білдірді.Облыстың этномәдени бірлестіктері Қазақстан халқы Ассамблеясының 30 жылдығына арналған «Бірлікпен гүлденген Сарыарқа» көрмесін дайындады. Ермағанбет Бөлекпаевтың айтуынша, ол Қарағанды өңірінің барлық қалалары мен аудандарын аралайды.Форум соңында қатысушылар Тәуелсіздік стеласына гүл шоқтарын қойды.Қазақстан халқы Ассамблеясының 30 жылдығын мерекелеу жалғасуда: Қарағанды облысында Алғыс айту күніне арналған 100-ден астам іс-шара жоспарланған. Ақпарат көзі : https://www.gov.kz/memleket/entities/karaganda/press/news/details/948894

Роза Бағланова атындағы «Қазақконцерт» мемлекеттік академиялық концерттік ұйымының «GULDER» ансамблінің 55 жылдық мерейтойына арналған гала-концерті өтті.Концерт бағдарламасында арнайы әзірленген эксклюзивті аспаптық-хореографиялық қойылымдар мен жаңа хореографиялық композицияның тұсаукесері, авторлық әндер, танымал әртістермен ұтымды коллаборация және классикалық өнердің жаңа интерпретациясы ұсынылды. Сондай-ақ, аңызға айналған әртістер мен жас таланттар бір сахнада өнер көрсетті.Іс-шарада ҚР Мәдениет және ақпарат министрі Аида Балаеваның құттықтау хаты оқылды.«Жарты ғасырдан астам уақыт ішінде өнер ұжымы қазақ мәдениетінің жарық жұлдызына айналып, ұлттық өнерді әлемге танытуда маңызды рөл атқарды. Сіздер халықтық би өнерінің ең үздік дәстүрлерін сақтап, оны ұрпақтан-ұрпаққа жеткізіп келесіздер. Қазақ мәдениетінің ажырамас бөлігі ретінде ансамбль Қазақстан эстрадасының дамуына зор үлес қосты. Бүгінгі таңда «Гүлдер» ансамблі тек Қазақстанда ғана емес, халықаралық деңгейде де кеңінен танылып, өзінің ерекше орындаушылық шеберлігімен мойындалуда. Сіздердің сахнадағы әрбір өнер көрсету ерекшеліктеріңіз көрермендерге эстетикалық ләззат сыйлап, қазақ мәдениетінің бай мұрасын көрсетіп, оның маңыздылығын айқындайды», - делінген құттықтау хатта.Іс-шараға Қазақстанның халық әртісі, қазақ эстрадасының жарық жұлдызы Роза Рымбаева, Қазақстанның еңбек сіңірген әртісі Айжан Нұрмағамбетова, Қазақстанның еңбек сіңірген қайраткері Айгүл Елшібаева, «Дарын» мемлекеттік жастар сыйлығының лауреаттары Әлібек Әлмадиев, Әділхан Макин, республикалық және халықаралық байқаулардың лауреаттары Мәди Рымбаев, Қуандық Шалқарұлы, Меруерт Бахыт, «Астана сазы» қазақ мемлекеттік фольклорлық ансамблі, «Astana musical» мемлекеттік театры, «TURAN» этно-фольклорлық ансамблі, «Самға» тобы және «Gulder» ансамблі қатысты.Белгілі қазақстандық әншілер Жанар Дұғалова, ARO және танымал қазақстандық қобызшы Олжас Құрманбек мерейтойлық концертте көрермендер үшін арнайы өнер көрсетіп, кешіміздің көркін қыздырды.Ансамбльдің бас балетмейстері - Анвара Садықова, көркемдік жетекшісі – Абзал Өсімбаев.Мәдениет және ақпарат министрлігінің атынан шығармашылық ұжымға ықылас гүлі тарту етілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/948929

2025 жылғы 25-28 ақпан аралығында Астанада қоян-қолтық ұрыстан Қазақстан Республикасының чемпионаты өтті, оған 400-ден астам қатысушы, оның ішінде күштік ведомстволардың өкілдері де қатысты. "Batyr team" ведомстволық клубының спортшылары алтын медальдар мен жүлделі орындарға ие болып, жоғары дайындық деңгейін көрсетті. ҚР Төтенше жағдайлар министрі генерал-майор Шыңғыс Әрінов жеңімпаздарды жеке құттықтап, спортты дамыту ТЖМ қызметкерлері үшін басымдықтардың бірі екенін атап өтті." Дене даярлығы және жауынгерлік рух-біздің жұмысымыздың ажырамас бөлігі. Мұндай чемпионаттардағы жеңістер-бұл біздің қызметкерлеріміздің күш-қуатының, тәртібі мен кәсібилігінің көрсеткіші", - деп министр атап өтті. Жарыс қорытындысы бойынша Қазақстан ТЖМ спортшылары жоғары нәтиже көрсетті. "Жекпе-жек" спорт түрінде ведомствоның бірнеше қызметкері бірден мәретұғырына көтерілді. 48 кг дейінгі санаттағы әйелдер арасында Ақмола облысы ТЖД-ның Томирис Жүсіпова алтын, ал Астана қаласы ТЖД-ның Сағыныш Асылбекова күміс иеленді. 64 кг дейінгі салмақ дәрежесінде Қарағанды облысынан Мария Чеботарева чемпион атанды, ал 70 кг жоғары ауыр санатта Түркістан облысынан келген Аружан Беркинбаева бірінші орынды иеленді. Ер адамдар да лайықты нәтиже көрсетті. 62 кг астам салмақ дәрежесінде Ақмола облысы ТЖД-ның Диас Нұртаев күміс медаль жеңіп алды, ал ҚР ТЖМ 52859 әскери бөлімінен келген Ярослав Размерице қола медалін иеленді. "Өзін-өзі қорғау" спорт түрінде ТЖМ қызметкерлері техника мен дайындықтың жоғары деңгейін көрсетті. 50 кг дейінгі санаттағы әйелдер арасында Қызылорда облысы ТЖД қызметкері Ақерке Жұмадиноваж және Павлодар облысы ТЖД қызметкері Кристина Гордиенко жеңіске жетіп, олар жеке біріншілікте және жұптық көріністерде бірінші болды. Жүлделі орындарды Қостанай облысының басқа спортшылары — Ольга Сверитюк және Қарағанды облысының Әйгерім Жарасова жеңіп алды. 80 кг дейінгі санаттағы ерлер арасында Ақмола облысы ТЖД келген Ілияс Сарғазинқ қола алды, ал 95 кг дейінгі салмақта Қостанай облысы ТЖД келген Өміржан Тұқышев үшінші орынды иеленді. Бұл нәтижелер күшті және ұйымшыл ұжым ретінде ведомствоның имиджін нығайтуды жалғастыра отырып, қызмет пен спортты табысты үйлестіретін ТЖМ қызметкерлерінің қажырлы еңбегінің, тәртіптілігі мен жауынгерлік рухының айғағы болып табылады.Ақпарат көзі : https://www.gov.kz/memleket/entities/emer/press/news/details/948898

Абай облысының әкімі Берік Уәли Курчатов қаласына жұмыс сапарымен барып, бірнеше әлеуметтік маңызы бар нысанда болды. Шаһардағы құрылыс және қалпына келтіру жұмыстарының барысын тексерді.Аймақ басшысы жеке инвестиция есебінен қайта жаңғыртудан өткен балалар мен жасөспірімдер шығармашылығы үйін аралап көрді. Мұнда робототехника, тігіншілік, би, қыш өнері, ойын техникасы сынды үйірмелерден бөлек акт залы бар. Нысан іске қосылғанда 20-ға жуық адам жұмыспен қамтылмақ.Қазіргі таңда қаладағы қараусыз ғимараттарды қалпына келтіру жұмысы қарқынды жүргізілуде. Бос тұрған көп қабатты үйлер біртіндеп қалпына келтіріліп жатыр. Курчатов қаласындағы 28 ғимарат қайта жаңғыртуға жарамды. Бүгінде екі тұрғын үй қалпына келтірілуде. Алдағы уақытта тағы екі тұрғын үйді жаңарту жоспарланып отыр. Тиісті жұмыстар аяқталған соң баспаналар көп балалы отбасылар, жетім балалар мен мемлекеттік қызметкерлерге берілмек. Қазір шаһарда 249 адам баспана кезегінде тұр.Қайта қалпына келтіріліп жатқан тұрғын үйдің құрылысымен танысқан облыс әкімі жұмысты жалғастыруды тапсырды.«Курчатов – болашағы зор, ғылыми әлеуеті мол қала. Сондықтан шаһардағы қараусыз қалған ғимараттарды қалпына келтіріп, елдің игілігіне беру керек. Қазіргі таңда облыстық бюджетті қайта қарап жатырмыз. Курчатовқа барынша қолдау көрсетеміз» деді аймақ басшысы.Ақпарат көзі : https://www.gov.kz/memleket/entities/abay/press/news/details/948924

Абай облысының әкімі Берік Уәли Курчатовқа жұмыс сапары барысында шаһардағы жылу қазандығы мен қалалық аурухананың жұмысымен де танысты.Қалада 4 жылу қазандығы бар. Аймақ басшысы шаһардағы 30 көп қабатты тұрғын үй, 1 әлеуметтік нысан, 4 бюджеттік мекеме мен 3 коммерциялық ұйымды жылумен қамтамасыз ететін №1 қазандықта болды. Өткен жылы қазандықтағы 4 пешке ағымдағы жөндеу жүргізіліп, 2 ескі пеш ауыстырылды.Облыс әкімі Курчатовтағы қалалық аурухананың тыныс-тіршілігімен де танысты. Бүгінде медициналық мекемеде 153 адам еңбек етеді. Оның 24-і - дәрігер. 2024 жылы аурухананың бірінші қабатына күрделі жөндеу жүргізілген. Биыл медициналық мекемелерді жаңғырту бағдарламасы аясында облыстық бюджеттен аурухананың 4-қабатын күрделі жөндеуден өткізуге қаражат бөлінген. Аурухананың бас дәрігері аймақ басшысына 5 маманның жетіспейтінін айтып, кадр тапшылығы мәселесін шешуге көмектесуді сұрады.«Денсаулық сақтау саласына жас мамандарды тарту маңызды. Оларды баспанамен қамтамасыз етуді қала әкіміне тапсырамын. Аурухананы толық жаңғырту керек. Тұрғындар Семейге бармай, осы жерде сапалы ем алу үшін тиісті жұмыстарды қолға алуымыз қажет. Тиісті ұсыныс беріңіздер» деді облыс әкімі.Аймақ басшысы сондай-ақ Ядролық технологиялар паркі мен радиациялық технологиялар кешенінде болып, ұлттық ядролық орталықтағы музейдің жұмысымен танысты.Ақпарат көзі : https://www.gov.kz/memleket/entities/abay/press/news/details/948925

Жетісу облысында Алғыс айту күніне орай «Алғыс керуені» басталды. Шара аясында облыстық Қазақстан халқы Ассамблеясының құрылымдық бөлімшесінің бірі «Жомарт жан» орталығы мен өңірдің іскер әйелдер кеңесі 100 отбасыға қайырымдылық көмек жасады, - деп хабарлайды Жетісу облысы әкімінің баспасөз қызметі.Жалпы, өңірде Алғыс айту күніне орай бірқатар іс-шаралар ұйымдастырылды.Алдымен қалыптасқан дәстүр бойынша жұртшылық Қаратал ауданының Бастөбе ауылында орналасқан «Қазақ халқына мың алғыс» монументіне гүл шоқтарын қою рәсіміне қатысты. Өңір басшысының атынан жиынға қатысушыларды облыс әкімінің орынбасары Диас Есдәулетов құттықтады.Сол сияқты монумент алдындағы жиында облыстық корей этномәдени бірлестігінің ақсақалдар кеңесінің төрағасы Виктор Пак сөз алды:- Сонау 30 жылдардағы қасіретті жылдардың жаңғырығы жылдар өте алыстағанымен, әлі жадымызда. Қазақстанға 130 мыңнан астам корей өкілдері қоныс аударды. Азап тартып, аштық көріп, Отанынан жырақтаған біздің ата-бабаларымызды қазақ халқы өздері де қиыншылық көріп отырғанына қарамастан құшағын ашып, қолында барымен бөлісті, баспана салуға, тұрмысын түзеуге көмектесті. Депортацияланған халық соның арқасында бөтендік көрген жоқ, қазақ жерін өз Отанындай қабылдады. Сондықтан 1 наурыз Алғыс айту күнінде барша қазақ халқына алғыс айтамын, - деді. Бұл мерекеде ардагерлер де назардан тыс қалған жоқ. Облыс әкімінің орынбасары Диас Есдәулетов Ассамблеяның 20 ардагерін және Ұлы Отан соғысының 3 ардагерін құттықтап, облыс басшылығының атынан ізгі тілегін білдірді. Осы күні Ассамблея мүшелері «Біздің балаларымыз» акциясының аясында жас аналарды құттықтау үшін облыстық перинаталдық орталыққа арнайы барып, осы күні өмірге келген нәрестелерге қажетті жиынтықтарды сыйға тартты. Құрметке ие болған әйел-аналардың бірі Әсем Малдыбекова жеті ұлдан кейін бүгін сегізінші перзенті – қыз баланы өмірге әкелді.- Үлкен ұлымыз 11 сыныпта оқиды, ал кішіміз 1 жаста. Енді, міне, отбасымыз кішкентай нәрестемен толығып жатыр. Күйеуім жүк көлігінің жүргізушісі. Қызымыздың есімін қалай қоямыз деп ақылдасып жатырмыз. Ілтипат деген ат қойсақ па деген ойымыз бар. Бізге бүгін сый-құрмет көрсетіп жатқан барша азаматтарға алғыс айтамын, - дейді Ә. Малдыбекова.Сондай-ақ бүгін облыс көлемінде барлық аудан-қалаларда аз қамтылған 100 отбасына қайырымдылық іс-шаралары көрсетілді. Еске салсақ, Қазақстан халқы Ассамблеясының құрылғанына 30 жыл толуына байланысты 70-тен астам кешенді іс-шаралар өткізу жоспарланып, сол қатарда бүгін Талдықорғандағы Достық үйінде ескерткіш тақта орнатылды. Жетісу облысы әкімінің баспасөз қызметі.Фотосуреттерді түсірген: Жұмабай Мұсабеков, Александр Склабовский, Александр Булавин.Ақпарат көзі : https://www.gov.kz/memleket/entities/zhetysu-oblysy/press/news/details/948921

Алғыс айту күнінде Достық үйі ғимаратының қабырғасына ҚХА-ның 30 жылдығына арналған «Бірлік пен келісім жолындағы 30 жыл» атты ескерткіш тақта орнатылды,- деп хабарлайды облыс әкімінің баспасөз қызметі.Салтанатты шараға облыс әкімі Серік Шәпкенов, этномәдени бірлестік өкілдері мен тұрғындар қатысты.Елімізде 30 жыл бұрын 1 наурызда Қазақстан халқы Ассамблеясы құрылды. Осы жылдар ішінде ҚХА елдегі ұлтаралық келісімді сақтауда маңызды рөл атқарып, қоғам мен мемлекет арасында диалог алаңының бірегей үлгісіне айналды.Кейін Алғыс айту күніне және Қазақстан халқы Ассамблеясының құрылғанына 30 жыл толуына орайластырылған шара өтті. Жиында Серік Шәпкенов облыстық Қазақстан халқы Ассамблеясының көрмесін аралап, кейін Мемлекет басшысы Қасым-Жомарт Тоқаевтың құттықтау хатын оқып берді.- Ассамблеяның белсенді қызметі арқылы еліміздегі барлық этностың тілін, мәдениеті мен салт-дәстүрін үйлесімді дамытуға, сондай-ақ қазақ тілінің этносаралық қатынас тілі ретіндегі мәртебесін көтеруге жол ашылды. Сіздер еліміздегі бейбітшілік пен тұрақтылықты сақтау және жалпыұлттық бірлікті нығайту үшін аянбай еңбек етесіздер деп сенемін. Жетістіктеріңіз көп болсын! Баршаңызға зор денсаулық, бақ-береке тілеймін!-делінген Құттықтау хатта.Салтанатты шара Достық үйі этномәдени бірлестіктерінің және жергілікті өнерпаздардың мерекелік концертіне ұласты.Атырау облысында 18 этномәдени бірлестік бар. Өңірде Ассамблеяның – Аналар кеңесі, Ақсақалдар кеңесі, Этномәдени бірлестіктер, Журналистер клубы, «Ассамблея жастары» РҚБ өкілдігі, Этномедиация, Ақпараттық түсіндірме тобы, «Жомарт жан» орталығы, Ғылыми-сараптамалық топ сынды құрылымдары бар.Былтыр Қазақстан халқы Ассамблеясының қоғамдық келісім мен жалпыұлттық бірлікті дамыту саласындағы мемлекеттік саясатты іске асыру жөніндегі бекітілген іс-шаралар жоспары аясында облыста 700-ден астам іс-шара өтіп, 23 мыңнан астам адам қамтылды.Ақпарат көзі : https://www.gov.kz/memleket/entities/atyrau/press/news/details/948917

Алғыс айту күніне арналған «Балалар кімге алғыс айтады» атты мерекелік шараға астаналық мектептердің оқушылары қатысуда. Балалар өздерінің видеороликтерінде ата-аналарына, ата-әжесіне, ұстаздарына, тәлімгерлеріне және достарына алғыстарын білдіреді, деп хабарлайды елорда әкімдігінің ресми сайты.Алғыс айту күні астаналық мектеп оқушыларының бірі алдымен әжесіне алғыс айтты.«Әжем маған көп жылу сыйлады, мені өсірді. Ол мен үшін ерекше жан. Әже, бәрі үшін рахмет, саған деген махаббатым шексіз», - деді астаналық оқушы.Балалар да ұстаздарына ерекше құрмет көрсетті. Бұл күні жас хор мүшесі өзінің сүйікті саласында биік шыңдарды бағындыруға көмектескен вокалдық тәлімгеріне алғысын білдірді.Осы атаулы күні мектеп оқушыларының бірі анасына алғысын білдірді.«Анашым, мен сізді қатты жақсы көремін және менің анам болғаныңыз үшін рахмет», - деді ол.Елордалық оқушылар да қиын сәтте көмекке келіп, адам өмірі үшін күресіп жүрген құтқарушыларға, дәрігерлерге, еріктілерге алғыстарын білдірді.«Біз, «Жас сарбаз» тобының атынан Төтенше жағдайлар министрлігінің қызметкерлеріне, медицина қызметкерлеріне, еріктілерге, төтенше жағдай кезінде көмек қолын созғандардың барлығына алғыс айтамыз», - дейді астаналық оқушылар. Ақпарат көзі : https://www.gov.kz/memleket/entities/astana/press/news/details/948859

Елордада Жұмысшы мамандықтар жылы және Алғыс айту күніне орай қайырымдылық шарасы өтті. Сарайшық ауданы әкімдігінің еріктілері мен қызметкерлері бұл күнді ерекше атап өтті. Олар коммуналдық қызметшілерге алғыс айтып, жылы лебіздерін білдірді, деп хабарлайды елорда әкімдігінің ресми сайты.Іс-шара барысында коммуналдық қызметшілерге еңбектеріне алғыс ретінде ыстық шай мен бауырсақ берілді. Олар ауа райына қарамастан күн сайын қала тазалығына үлкен үлес қосады.Шара бастамашылары акцияның тек коммуналдық қызметшілерді қолдау ғана емес, қоғамда алғыс айту мәдениетін қалыптастыруға бағытталғанын баса айтты.Еске салайық, 1 наурыз – Қазақстанда Алғыс күні. Биыл Астанада Алғыс айту күнін мерекелеу тағы бір маңызды іс-шарамен – Қазақстан халқы ассамблеясының 30 жылдығына арналған іс-шаралардың басталуымен есте қалмақ. Осы есте қаларлық датаға орай Астанада ондаған түрлі спорттық, мәдени және танымдық іс-шаралар өтеді.Ақпарат көзі : https://www.gov.kz/memleket/entities/astana/press/news/details/948862

Алғыс айту күніне және Жұмысшы мамандықтары жылына орай елордалық Дін істері жөніндегі басқармасы және «QAMQOR-ASTANA» Қоғамдық қорының ұйымдастыруымен дөңгелек үстел отырысы өтті. «Еңбек пен алғыс: қоғам дамуының негізі» атты жиынға діни бірлестік өкілдері қатысты, деп хабарлайды елорда әкімдігінің ресми сайты.Ұлттық Академиялық кітапханада өткен іс-шара елордамыздағы конфессияаралық келісімді нығайту, халық бірлігін сақтау, қоғамдағы дәстүр институтын және қазақстандық қоғам құндылықтарын дәріптеуге бағытталды. Жиынға қатысушылар үшін алдымен «Кітапхана – білім ордасы» тақырыбында экскурсия ұйымдастырылып, республикалық кітапхананың ерекшеліктері таныстырылды.Отырыстың ашылуында Астана қаласы әкімінің орынбасары Есет Байкен алғы сөз сөйлеп, мереке қарсаңында жиналғандарға алғысын білдірді.«Кез келген мемлекеттің іргесін нығайтатын басты құндылықтар – адал еңбек пен шынайы алғыс. Мемлекет басшысы Қасым-Жомарт ­Тоқаев 2025 жылды «Жұмысшы мамандықтары жылы» деп жариялап, еңбек адамының мәртебесін көтеру қажеттігін айрықша атап өтті. Әр салада жемісті еңбек етіп, еліміздің игілігі жолында сапалы жұмыс істеп жүрген әр азамат құрметке лайық. Айтулы жылы елордада бірқатар айрықша іс-шараларды өткізу жоспарланған. Солардың бірі – Әлемдік және дәстүрлі діндер көшбасшыларының келесі VIII съезі. Сондықтан биыл нәтижелі жобалар жүзеге асырылады деп сенемін», – деді өз сөзінде Е.Берікұлы.Бірқатар діни бірлестік өкілдері қатысқан отырыста қоғамда еңбек адамының мәртебесін арттыру маңызы айтылып, Жұмысшы мамандықтары жылы аясында алдағы уақытта өтетін іс-шаралар туралы ұсыныстар ортаға салынды.«Баршаңызды алдымен Рамазан айының басталуымен құттықтаймын! Қасиетті ай бірлік пен мейірімге үндейтін мерекеміз – Алғыс айту күнімен қатар келіп отыр. Адамгершілік пен имандылықты өмірінің қазығы еткен халқымыз қиын-қыстау сынақ жылдарында қамыққан жанға қамқор бола білді. Елорда мешіттерінде Рамазан айында түрлі қайырымдылық іс-шаралары ұйымдастырылып, жамағатқа рухани-танымдық бағдарламалар ұсынылады», – деді елорданың бас имамы Ерболат Жүсіпов.Ашық пікір алмасу форматында өткен отырыс барысында мұндай іс-шаралардың ерекше құндылығы назарға алынып, еңбек адамдарына алғыс айту белгілі бір күнде ғана емес, әрдайым айтулы қажеті сөз болды. Ақпарат көзі : https://www.gov.kz/memleket/entities/astana/press/news/details/948886

Достық үйінде Қазақстан халқы Ассамблеясының 30 жылдығы ресми басталып, атаулы жыл мен Алғыс айту күніне орай бірнеше маңызды іс-шаралар өтті, деп хабарлады елорда әкімдігінің ресми сайты.Астана қаласы әкімінің орынбасары Есет Байкен бүгін мерейтойлық жылдың ресми тұсауы кесілгенін айта келе, «Қазақстан халқы Ассамблеясына - 30 жыл» ескерткіш тақтасын салтанатты түрде ашу рәсімін Халық Қаһарманы Бақытжан Ертаевқа ұсынды.Ол Ассамблеяның түптамыры тарихымыздың өн бойында жатқанын, қазақ халқы қашанда үйіне келген қонағын құшақ жая қарсы алып, төрге оздыратынын тілге тиек етіп, аталған дәстүрдің бүкіл этностарды біріктіріп отырған Ассамблеяның негізінде бүгінге дейін көркем жалғасын тауып отырғанын айтты.Бұдан соң іс-шараға қатысушылар «Бір шаңырақ астында: алғыс айту мәдениеті және ұлттық бірлік» атты дөңгелек үстелде бас қосты.Дөңгелек үстелдің барысында Астана қаласы әкімінің орынбасары Есет Байкен дөңгелек үстел өткізудің мақсаты мен Алғыс айту күнінің ерекшелігіне тоқталды.«Бұрын бұл күн этнос өкілдерінің елімізге алғыс айтатын күні болып аталып өтсе, кейінгі жылдары одан да кең мағынаға ие болды. Әрбір Қазақстан азаматының ризашылығы, адал еңбек еткен қызметкерлерге, ерлік көрсеткен азаматтарға, баланың ата-анаға, жастың қарияға деген риясыз сыйластығына ұласты. Мұндай сыйластықты сақтау үшін өткізілетін іс-шаралар қашанда үлкен мән-маңызға ие. Бүгінгі кездесуіміздің де орны ерекше», - деген ол Астана қаласында Қазақстан халқы Ассамблеясының 30 жылдығына байланысты іс-шаралар ұйымдастыру және өткізу бойынша ауқымды қалалық жоспар әзірленгенін айтты.Дөңгелек үстел барысында «Қазақ газеттері» ЖШС бас директоры, филология ғылымдарының докторы, профессор, ҚР ҰҒА академигі Дихан Қамзабекұлы, Л.Н. Гумилев атындағы Еуразия ұлттық университетінің профессоры, тарих ғылымдарының кандидаты Тілеген Садықов және тағы басқалар сөз сөйледі.Дөңгелек үстелдің қорытынды бөлімінде алғысхаттарымен марапаттау рәсімі өтті.Іс-шараға қатысушы Қазақстан халқы Ассамблеясының мүшелері, республикалық қоғамдық бірлестіктер, Ақсақалдар кеңесі мен Аналар кеңесі және ғылыми-сараптамалық топтардың өкілдері «Қазақ еліне мың алғыс!» монументіне гүл шоқтарын қойды.Ақпарат көзі : https://www.gov.kz/memleket/entities/astana/press/news/details/948896

Алғыс айту күнінде Байқоңыр ауданының қызметкерлері еріктілермен бірлесе отырып, коммуналдық сала қызметкерлеріне түскі ас ұйымдастырды. Оларға ыстық ас беріліп, күнделікті еңбектеріне алғыс айтты, деп хабарлайды елорда әкімдігінің ресми сайты.«Коммуналдық шаруашылық қызметкерлері кез келген ауа райы жағдайына қарамастан күн сайын қала тазалығы үшін еңбек етеді. Оларсыз елорданың жайлы өмірін елестету мүмкін емес. Жауапты жұмыстары үшін алғысымыз шексіз», - деп атап өтті Байқоңыр ауданы әкімінің орынбасары Азамат Малыбаев.Мұндай іс-шаралар қаланың тазалығы мен жайлылығына жауапты адамдардың еңбегіне алғыс пен құрмет көрсету мәдениетін нығайтуға септігін тигізеді.Еске салайық, 1 наурыз – Қазақстанда Алғыс күні. Биыл Астанада Алғыс айту күнін мерекелеу тағы бір маңызды оқиға – Қазақстан халқы Ассамблеясының 30 жылдығына арналған іс-шаралардың басталуымен ерекшеленді. Осы есте қаларлық датаға орай Астанада ондаған түрлі спорттық, мәдени-танымдық іс-шаралар өткізілді.Ақпарат көзі : https://www.gov.kz/memleket/entities/astana/press/news/details/948909

Алғыс айту күніне орай Байқоңыр ауданында жұмысшы мамандарға1 құрмет көрсетілді, деп хабарлайды елорда әкімдігінің ресми сайты.Мерекелік шара К.Байсейітова атындағы Қазақ ұлттық өнер университетінің дарынды студенттерінің қатысуымен өтті.Іс-шара барысында түрлі сала өкілдері құрметті сыйлықтармен марапатталды. «Жұмысшы мамандықтар жылы» аясында көрермендерге мерекелік ерекше қойылымдар ұсынылды.Сонымен қатар, шара қонақтарына заманауи әндер мен билер, сондай-ақ аспаптық ансамбльдің музыкалары ұсынылды.Еске салайық, 1 наурыз – Қазақстанда Алғыс айту күні. Биыл Астанада Алғыс айту күнін мерекелеу тағы бір маңызды оқиға – Қазақстан халқы Ассамблеясының 30 жылдығына арналған іс-шаралардың басталуымен ерекшеленді. Осы есте қаларлық датаға орай Астанада ондаған түрлі спорттық, мәдени-танымдық іс-шаралар өткізілді.Ақпарат көзі : https://www.gov.kz/memleket/entities/astana/press/news/details/948910

Көкшетауда Алғыс айту күні мен Қазақстан халқы Ассамблеясының 30 жылдығына арналған «Бірлік пен келісімнің 30 жылы» форумы өтті.Іс-шара Қазақстан халқы Ассамблеясының 30 жылдығына арналған ескерткіш тақтаның ашылуымен басталды. Ашылу рәсіміне Ақмола облысының әкімі Марат Ахметжанов, Ассамблея ардагерлері және аға буын өкілдері қатысты.Облыс әкімі қатысушыларға Қазақстан Республикасының Президенті Қасым-Жомарт Тоқаевтың құттықтау хатын оқып берді.Жиналған қауым алдында сөз сөйлеген Марат Ахметжанов Қазақстанның бейбітшілік пен келісімнің жарқын үлгісі екенін атап өтті. Сондай-ақ, Қазақстан халқы Ассамблеясы – ел бірлігін, достық пен тұрақтылықты нығайтуға ықпал ететін бірегей институт екенін айтып, Ассамблея мүшелеріне және көпұлтты қоғамның дамуына өлшеусіз үлес қосып жүрген азаматтарға алғысын білдірді.«Ақмола облысындағы этномәдени бірлестіктер де ұлттар арасындағы достық пен ынтымақтастықты нығайта отырып, ел бірлігін бекемдеуге зор үлес қосты»– деп атап өтті М. Ахметжанов.Іс-шара барысында этномәдени бірлестіктер мен қоғамдық ұйымдардың белсенді мүшелері марапатталды. Олардың қатарында Ақмола облыстық Қазақстан халқы Ассамблеясының ардагерлері Амангелді Сыздықов пен Жамұл Мұсханов бар. «Қазақстан халқы Ассамблеясы – әртүрлі ұлт өкілдері тату-тәтті өмір сүретін ерекше алаң. Бірлік пен келісім – еліміздің тұрақтылығы мен өркендеуінің негізі. Біз бұл құндылықтарды сақтап, келер ұрпаққа жеткізуіміз керек»,– деп атап өтті ол.Форум өңірдің шығармашылық ұжымдары қатысқан концерттік бағдарламамен аяқталды.Айта кетейік, Ақмола облыстық Ассамблеясы құрамында 40-тан астам этномәдени бірлестік, 104 аналар кеңесі, 21 ақсақалдар кеңесі бар. Сонымен қатар, өңірде ғылыми-сараптамалық топ, медиация кабинеті, журналистер клубы, сәндік-қолданбалы өнер шеберлерінің одағы, «Ассамблея жастары» республикалық қоғамдық бірлестігінің өңірлік өкілдігі, мемлекеттік тілді насихаттау және дамыту орталығы, кәсіпкерлер қауымдастығы жүйелі түрде жұмыс істейді. Ақпарат көзі : https://www.gov.kz/memleket/entities/aqmola/press/news/details/948901

Қонаев қаласында Қазақстан халқы Ассамблеясының (ҚХА) 30 жылдығы мен Алғыс айту күніне арналған салтанатты іс-шаралар өтті.Мерекелік кездесу барысында өңір басшысы Президент Қасым-Жомарт Тоқаевтың Қазақстан халқы Ассамблеясының құрылғанына 30 жыл толуына арналған құттықтау сөзін оқыды.Президент еліміздегі бірлікті нығайту, барлық этностардың тілі мен мәдениетін дамыту, сондай-ақ қазақ тілінің мәртебесін арттыру ісіндегі ҚХА-ның маңызды үлесін атап өтті. Ол Ассамблеяның ұлттық бірегейлікті қалыптастыруда, патриотизм, ынтымақ және жауапкершілік сияқты негізгі құндылықтарды ілгерілетуде маңызды рөл атқаратынын айтты.Маңызды шара аясында облыстық әкімдікте этносаралық келісім туралы маңызды пікірталастар өтіп, мерекенің шарықтау шегі қалалық Мәдениет үйіндегі концерттік бағдарлама болды.Дөңгелек үстелде Алматы облысының әкімі Марат Сұлтанғазиев ҚХА-ның 30 жыл бойы елдегі тұрақтылық пен толеранттылықты нығайтуға қосқан үлесін ерекше атап өтті.– “Қазақстан халқы Ассамблеясы әртүрлі этнос пен діни топтардың үйлесімді өмір сүруін қамтамасыз етуде маңызды рөл атқарады. Оның қызметінің арқасында Қазақстан мәдениетаралық диалог саласындағы жүйелі саясаттың үлгісіне айналды”, – деді әкім.Халықтар достығының маңыздылығы туралы ҚХА депутаты, әзербайжан этномәдени бірлестігінің төрағасы Осман Аслы мен Қапшағай қаласының алғашқы құрылысшыларының бірі Чжен Александр өз пікірлерін білдірді.Салтанатты бөлім барысында түрлі кәсіп иелері өңірдің дамуына қосқан үлесі үшін алғыс хаттармен марапатталды.– “2025 жыл Жұмысшы мамандықтары жылы болып жарияланды. Елдің өркендеуінің негізін қалаған әрбір еңбек адамына құрмет пен алғыс білдіру өте маңызды”, – деп атап өтті Марат Сұлтанғазиев.Мереке өңірдің шығармашылық ұжымдарының қатысуымен өткен концертпен жалғасты. Көрермендер ұлттық билер мен халық әндерін тамашалап, дәстүрлі аспаптарда орындалған әуендерден ләззат алды.Елеулі сәттердің бірі – көпбалалы анаға “Қарекет” қайырымдылық қорының қолдауымен пәтер кілтін табыстау болды.Кештің соңында қазақстандықтардың бірлігі мен өзара құрметі – елдің басты күші екені тағы бір мәрте еске салынды.*Алматы облысындағы қайырымдылық: 2025 жылдың басым бағыттары*ҚХА-ның мерейтойлық жылында Алматы облысында әлеуметтік бастамаларды жүзеге асыру жалғасады. Көпбалалы және аз қамтылған отбасыларға, төтенше жағдайлардан зардап шеккендерге қолдау көрсетуге, сондай-ақ этномәдени бірлестіктердің қайырымдылық бағдарламаларын дамытуға ерекше көңіл бөлінеді.Негізгі жобалар:•“Жүректен жүрекке” акциясы – табиғи апаттардан зардап шеккендерге қосымша көмек көрсету;•“Мектепке жол” бастамасы – өткен жылы 2100 бала оқу құралдарымен қамтамасыз етілсе, 2025 жылы қамтылатын оқушылар саны артпақ;•“Вайнах” шешен-ингуш орталығы – мұқтаж жандарға медициналық көмек көрсету бағдарламасы;•“Ахыска” түрік орталығы – қиын жағдайға тап болған отбасыларды қолдау;•“Барбанг” күрд орталығы – зейнеткерлер мен жетім балаларға арналған әлеуметтік экскурсиялар мен көмек көрсету;•Беларусь этномәдени бірлестігі – жаңажылдық қайырымдылық акциясын кеңейтіп, аз қамтылған отбасылардың балаларын қамту аясын ұлғайту.2025 жылы өңір мейірімділік пен өзара көмектің берік дәстүрлерін нығайтуға бағытталған жұмыстарды жалғастырады. Қайырымдылық жобалары қоғамдағы бірлік пен ынтымақтастықтың нақты көрінісі болмақ.Ақпарат көзі : https://www.gov.kz/memleket/entities/almobl/press/news/details/948900

Облыс әкімі жұмыс сапары аясындаҚобдадағы белсенді ұзақ өмір сүру орталығына барды.Орталық 2021 жылы іске қосылды. Содан бері ауылдағы аға буынның тиімді демалысы үшін таптырмас алаңға айналды. Бүгіндемұнда 70 зейнеткер тұрақты келеді. Олардың ең үлкені – 82 жаста.Орталықта келушілердің қызығушылықтары бойынша алуан үйірме құрылған. Физикалық белсенділікті сақтап, денсаулықты жақсартуға бағытталған бағдарламалар бар. Олар йогамен айналысып, шахмат ойнайды, шығармашылық шеберханасына барады, сурет салып, әртүрлі қолөнер бұйымдарын жасайды. Скандинав жүрісімен серуендеп, би кештерін өткізеді. Өздері әзірлеген түрлі дәммен дастархан жайып, әңгіме дүкен құрады.Асхат Шахаров орталықтың тұрақты келушілерімен тілдесіп, жағдай сұрасты.«Біздің балалар бұл жерді «әжелер балабақшасы» деп атайды. Орталық өзімізге қатты ұнайды. Біз мұнда демаламыз, сөйлесеміз. Спортпен шұғылдана отырып, денсаулығымыздың кейбір сыр бергентұстарын ұмытып кетеміз. Күнделікті қалмай келуге тырысамыз. Мұндағылар бір-бірімен өте жақсы қарым-қатынаста. Топ болып бірге саяхаттайды. Алдымен аудандағы және облыс бойынша қасиетті орындарды аралады. Кейін Түркістанға, Алматыға барды. Тек осы жерде ғана сіз қартайған шақта өмірден қалай ләззат алуға болатынын түсініп келеміз», - деді орталыққа келушілердің бірі Роза Қайырқызы.Қарттар кездесуді пайдаланып, аймақ басшысына қазіргі нысанның шағын екенін айтып, орталыққа қосымша ғимарат салып беруді сұрады.«Қобда мен басқа аудандарда сіздер үшіносындай орталықтардың жұмыс істейтініне өте қуаныштымын. Бұл тиімді демалыс пенқарым-қатынас орнатуға кең мүмкіндік беретін орын. Қазір тіпті телефонға телмірген ересектер көп, бірақ адамдармен араласу, жүздесіп сөйлесу маңызды екенін ұмытпау керек. Сіз таңертең немесе демалыс күндерін немерелеріңізбен өткізсеңіз, қалған уақытыңызды өзіңізге арнаған жөн. Бюджеттен қаражат бөліп, алдағы уақытта орталыққа жапсарлас тағы бір ғимарат саламыз», - деп уәде берді облыс әкімі.Ақпарат көзі : https://www.gov.kz/memleket/entities/aktobe/press/news/details/948920

Жамбыл облысында Алғыс айту күні және Қазақстан халқы Ассамблеясының 30 жылдығы аясында тағылымды іс-шаралар өткізілді.«Достық үйінде» бастау алған шараға Жамбыл облысының әкімі Ербол Қарашөкеев, ардагерлер кеңесінің, мәслихат пен партия төрағалары, ЖОО ректорлары, ҚХА ардагерлері мен мүшелері, этномәдени бірлестік өкілдері қатысты.Этнос өкілдері қонақтарды құшақ жая қарсы алып, тайқазаннан дәм ұсынды.Бұдан кейін «Қазақстан халқы Ассамблеясына 30 жыл» ескерткіш тақтасының ашылуы, архивтік құжаттар алаңшасының таныстырылымы өтті.Іс-шарада облыс әкімі Мемлекет басшысы Қасым-Жомарт Тоқаевтың құттықтау хатын оқып берді.– Тәуелсіз еліміздің және өңірдің әлеуметтік-экономикасының өркендеуіне атсалысқан аға буын өкілдерінен бастап, қазіргі таңда әр салада жемісті еңбек етіп, халықтың алғысына бөленіп жүрген азаматтарға шынайы ризашылығымды білдіремін!Әрқайсымыздың жүрегімізде туған Отанымызға деген мақтаныш пен ризашылық сезім ортаймасын! Әр отбасыға бақ-береке, табыс тілеймін! Егемен еліміздің іргесі берік, керегесі кең, төрт құбыласы тең болсын! — деді Ербол Қарашөкеев.Облыс әкімі мерейлі мерекеге орай ҚХА-ның мүшелеріне марапаттар табыстады.Мемлекет басшысының Жарлығына сәйкес «Ахыска» түрік этномәдени орталығы Жамбыл облыстық филиалының директоры Махмутжон Давришев «Құрмет» орденімен, Қордай ауданы «Қордай Су» кәсіпорнының бригадирі Қазақбай Көкішев пен Қордай ауданы әкімдігі тұрғын үй-коммуналдық шаруашылғы кәсіпорнының механигі Серік Жекебеков «Ерен еңбегі үшін» медалімен наградталды.А.Тоқпанов атындағы облыстық драма театрының әртісі Әбиірбек Тінәлі мен «Трансфер» шаруа қожалығының басшысы Владимир Бондаренко «Жамбыл облысының Құрметті азаматы» атанды.Сонымен бірге бірқатар азаматқа ҚХА-ның «Жомарт жан» төсбелгісі, Облысқа сіңірген еңбегі үшін белгісі, өңір басшысының Құрмет грамотасы мен Алғыс хаты берілді.Бұдан соң «Днепро» украин этномәдени бірлестігінің төрағасы Феодор Клименко мен «Әулие Ата» қазақ мәдени орталығы төрағасының орынбасары Айгүл Қабиева сөз алып, жылы лебіздерін білдірді.Салтанатты шара ҚХА мүшелері және К.Әзірбаев атындағы Жамбыл облыстық филармониясының концерттік бағдарламасына ұласты. Өнерпаздар ұлт пен ұлыс өкілдерінің ұлттық ән мен биінен шашу шашып, көпшілікке көтеріңкі көңіл күй сыйлады.Бұл күні «Қайырымдылық керуені» акциясы аясында аз қамтылған 800 отбасыға 16 млн. теңгенің азық-түлік қоржыны үлестірілді.Бұдан бөлек, этнос өкілдері «Қазақ халқына мың алғыс» монументіне гүл шоқтарын қойды.Облыстық тарихи-өлкетану музейінде ҚХА-ның 30 жылдығына арналған «Қазақстан халқы Ассамблеясы бірлік пен келісім жолындағы 30 жыл» экспозиция салтанатты түрде ашылды.Ақпарат көзі : https://www.gov.kz/memleket/entities/zhambyl/press/news/details/948897