Өнеркәсіптік қауіпсіздік саласында мемлекеттік саясатты іске асыру мақсатында, сонымен қатар Қазақстан Республикасы Инвестициялар және даму министрлігі Индустриялық даму және өнеркәсіптік қауіпсіздік Комитетінің Маңғыстау облысы бойынша Департаментінің жұмыс жоспарына сәйкес 2016 жылдың 7-ші қазанында қауіпті өндірістік нысандардағы өнеркәсіптік қауіпсіздікті қамтамасыз ету жөнінде «ӨзенМұнайГаз» АҚ-ның басшылары мен мамандарын тыңдау арқылы Техникалық Кеңес өткізілді.Техникалық Кеңесте жазатайым оқиғалардың сипаттамалары мен өсуі, апаттарды және жазатайым оқиғаларды болдырмау бойынша іс-шараларды жүргізу, 2016 жылға жасақталған техникалық қайта жарақтандыру бойынша ортақ жоспардың орындалуы, сонымен бірге биылғы ерекше тәртіп бойынша тексеру қортындысымен берілген ұйғарымдаманы жою жөніндегі ақпарат туралы есептер тыңдалды. Кеңесте өндірістегі жазатайым оқиғалардың өсуі, техникалық қайта жарақтандыру бойынша ортақ жоспардың уақтылы орындалмауы, сонымен қатар өндірістік бақылау қызметі тарапынан қадағалау деңгейінің төмендігі атап айтылды.Техникалық Кеңес қортындысы бойынша «ӨзенМұнайГаз» АҚ-на қауіпті өндірістік нысандарда өнеркәсіптік қауіпсіздік жағдайын жақсарту бойынша ұсыныстар берілді.Ақпарат көзі : https://www.gov.kz/memleket/entities/comprom/press/news/details/17133?lang=kk

Шығыс Қазақстан оқушылары "Таза Қазақстан" бағдарламасы аясында құстарға ұя орнату акциясына қатыстыОблыс орталығының іргесіндегі Бобровка орманшылығында жергілікті құстарға арналған жаңа ұялар орнатылды.Өскемен қалалық білім бөліміне қарасты «Оқу-зерттеу экобиоорталығының» ұйымдастыруымен өткен «Сәлеметсіңдер ме, құстар!» атты қалалық экологиялық-орнитологиялық акцияға шаһардағы бірнеше мектептің оқушылары қатысты. Сондай-ақ тәрбиелік мәні зор іс-шараға облыстық табиғи ресурстар және табиғат пайдалануды реттеу басқармасының өкілдері қатысып, жастардың қоршаған ортаны қорғауға қосқан үлесі үшін алғыс білдірді.Ұйымдастырушылардың айтуынша, бұл – Шығыс Қазақстандағы биоалуантүрлілікті сақтауға бағытталған маңызды шаралардың бірі. Сонымен қатар, акция Өскемен мектептеріндегі орнитологиялық қозғалысты жандандыруды көздейді. Бұл шаралар Мемлекет Басшысы Қасым-Жомарт Тоқаев Қазақстан халқына Жолдауында "Таза Қазақстан" жайлы айтқан сөіне дәлел. Бұл бастама оқушыларды біріктіріп, оларды туған табиғатқа қамқорлық жасау идеясының төңірегінде біріктіре алды.– Жалпы, мұндай акцияларды оқу жылы бойы бірнеше рет өткіземіз. Мәселен, оқушылар «Құстарға көмектесейік» акциясына қатысып, өз қолдарымен жасаған ұяларды ағаштарға орнатып, оларды күтіп ұстайды. Наурыз айы бойы қараторғай, шымшық, қызылқұйрық сияқты құстарға арналған ұялар жасап, мектеп аумағындағы ағаштарға орналастырады. Бүгін осы акцияның қорытынды көшпелі жиыны өтіп жатыр. Өңірде мұндай экологиялық бастамалар соңғы 15 жыл бойы тұрақты түрде ұйымдастырылып келеді. Бұны кезінде жас натуралистер бастаған істің жалғасы деуге болады. Ал соңғы бес жылда облыстық табиғи ресурстар және табиғат пайдалануды реттеу басқармасының қолдауымен бұл акцияны Тарханка, Бобровка, Өскемен орманшылықтарында өткізіп келеміз. Осындай іс-шаралар өңірдегі құстар санының біртіндеп артуына ықпал етті. Сонымен қатар, мектеп оқушыларының орнитологияға деген қызығушылығы артты. Бұл үрдіс ауылды жерлердегі балалар арасында да кең таралып келеді. Мәселен, бүгінгі іс-шараға Бобровка ауылының жастары да белсенді түрде қатысып отыр, – дейді «Оқу-зерттеу экобиоорталығының» маманы Елена Куликова.Бұл жолғы көшпелі акцияға қала мен Бобровкадағы 12 мектептің оқушылары қатысқан. Олардың басым бөлігі – жоғары сынып оқушылары. Солардың арасында Өскемендегі №38 гимназияның 9-сынып оқушысы Жания Жексембаева да бар.– Құстарға ұя жасау акциясына алғаш рет қатысып отырмын. Өз қолыммен жасаған ұяны ағашқа орнату – мен үшін ерекше қуаныш. Бұдан кейін де табиғатты қорғауға бағытталған шараларға белсенді қатысуды жоспарлап отырмын. Жалпы, болашақта өз өмірімді орнитология саласымен байланыстырғым келеді, – дейді жас табиғат жанашыры.#ТазаКазахстан #Таза_Казахстан #Таза #Казахстан #ВКОАқпарат көзі : https://www.gov.kz/memleket/entities/vko-glubokoe-kozhohov/press/news/details/966957?lang=kk

Өзбекстан Республикасының Ташкент қаласында өткен «ЖЕТІ ӨНЕР - ТАШКЕНТ» ІІ халықаралық өнер фестиваль-конкурсында өздерінің ерекше дарынымен көзге түсіп, жоғары шеберлік пен таланттарын көрсеткен ауданымыздың жас өнерпаздары жүлделі орындардан көрінді.Гүлдана Қалмағанбетова бастаған «Замандас» халықтық театры театр жанры бойынша гранпри иегері атанды. Бұл ұжымның сахнадағы керемет өнері фестивальдің жоғарғы сыйлығын жеңіп алуға мүмкіндік берді.Сейітжан Нұрсая мен Жұбанышбаева Айсезім эстрада вокал жанры бойынша жеңімпаз атанды. Жас таланттарымыздың өнері Ташкентте жоғары бағаланып, олардың шеберлігі мен ерекше дауыстары көпшілікті таң қалдырды.Ауданымыздың өнерпаздарына үлкен жетістіктер мен жаңа белестер тілейміз!Ақпарат көзі : https://www.gov.kz/memleket/entities/aktobe-aitekebi/press/news/details/966940?lang=kk

Құрметті Қаражал-Жәйрем өңірінің тұрғындары!2025 жылы 1 лек – сәуір айында, 2 лек – шілде айында жаңа бизнес-идеяларды іске асыру мақсатында мемлекет тарапынан 400 АЕК (1 572 800 теңге) көлемінде қайтарымсыз грант алу мүмкіндігі қарастырылған.💼 Грантты алуға құқығы бар әлеуметтік осал топтағы жұмыссыз азаматтар:1. Атаулы әлеуметтік көмек алушылар;2. Көп балалы отбасылар;3. Қандастар;4. Қоныс аударушылар;5. Мүгедектігі бар адамдар;6. Мүгедектігі бар баланы асыраушылар;7. Асыраушысынан айырылған отбасы мүшелері.📞 Қосымша сұрақтар бойынша Қаражал қаласы Мансап орталығына хабарласыңыздар:Телефондар: 8 (71032) 26127, 87770489854.✅ Өз мүмкіндігіңізді пайдаланып, жаңа бастамаларыңызды жүзеге асырыңыз!Ақпарат көзі : https://www.gov.kz/memleket/entities/ulytau-karazhal/press/news/details/966923?lang=kk

Қазіргі дамыған заманда жасалатын қылмыстың жиі кездесетін түрі ‒ алаяқтық. Оның ішінде интернет алаяқтығы көптеп белең алуда. Аманкелді ауылы тұрғындары арасында алаяқтарға алдану фактілерін азайту, қылмыстық-құқық бұзушылықтардың алдын-алу мақсатында Аманкелді ауылдық учаскелік полиция инспекторы Қ.Сисенбаев ауыл тұрғындарына, мекеме қызметкерлеріне ескертпе қағаздарын таратып, түсіндірме жұмыстарын жүргізді.Аманкелді ауылы тұрғындары сіздерді аса мұқият болуға шақырамыз!Аманкелді а/о әкімдігіАқпарат көзі : https://www.gov.kz/memleket/entities/kyzylorda-syrdarya-amangeldi/press/news/details/966902?lang=kk

Құрметті жітіқаралықтар!2025 жылғы 28 наурызда сағат 15.00-ден 17.00-ге дейін азаматтарға арналған «Тегін заң көмегі күні» акциясы өткізіледі.Қабылдауды адвокаттар, нотариустар, заң кеңесшілері жүргізеді.Өткізілетін орны: аудандық әкімдік ғимараты, 6 ш.а., 65 үй.Сіздерді қатысуға, қызықтыратын сұрақтарыңызды қоюға және тегін заңгерлік кеңес алуға шақырамыз.Ақпарат көзі : https://www.gov.kz/memleket/entities/kostanai-zhitikarin-toktarov/press/news/details/966879?lang=kk

Құрметті Алматы облысының тұрғындары!Алматы облысы әкімдігінің «Өңірлік азаматтарды қабылдау» орталығында Алматы облысының цифрлық технологиялар басқармасының басшысы Ақыл Жандос Қанатұлының 2025 жылғы ІI тоқсанға арналған азаматтарды қабылдау кестесі 🗓️📍 Қонаев қаласы, Индустриальная көшесі 16/4❗️ Азаматтарды қабылдау орталығына ғимараттың артқы жағындағы есіктен кіреді.Ақпарат көзі : https://www.gov.kz/memleket/entities/almobl-tehnologiya/press/news/details/966857?lang=kk

Орналастыру күніХабарландыру01.04.2025 "Nasar Solutions" ЖШС (БСН 100240015382), әсер етуге рұқсат алу үшін құжаттар топтамасын түзету бойынша қоғамдық тыңдаулар өткізу туралы хабарлайды.Орналасу координаттары расположения 46°22'18.40"С 53°27'17.39"ВТыңдау 2025 жылғы 2 мамырда сағат 10:00-де Атырау облысы, Жылыой ауданы, Қосшағыл а.о., Қасшағыл А. 1 учаскесі, Толпыр көшесі, 77, Сүлейман банкет залы (мейрамхана) мекенжайы бойынша өтеді жане ZOOM платформасы арқылы (IR: 759 6111 9055 (КК: wr2NmE).Қосымша ақпаратты төмендегі ақпарат көздері арқылы алуға болады- сайт Атырау облысының Табиғи ресурстар және табиғат пайдалануды реттеу басқармасы (www.gov.kz/memleket/entities/atyrau-eco) және Email бойынша: atr_priroda@mail.ru 87122325509- ecoportal.kz/Public/PubHearings/PublicHearingIndex- " Nasar Solutions " ЖШС бастамашысы- elc.specialist2@nasar.kz- "УСЕИНОВА" ЖК әзірлеушісі - ysseinova@mail.ru; 8 7014756861.Жобалық құжаттаманың электрондық нұсқасымен жергілікті атқарушы органның сайтында танысуға болады (www.gov.kz/memleket/entities/atyrau-eco) сондай-ақ Бірыңғай экологиялық порталда (ecoportal.kz)Барлық ескертулер немесе ұсыныстар қоғамдық тыңдаулар өткізілетін күнге дейін 3 жұмыс күнінен кешіктірілмейтін мерзімде қабылданады ecoportal.kz бірыңғай экологиялық порталда, сондай-ақ Атырау облысы бойынша табиғи ресурстар басқармасына: atr_priroda@mail.ru. Атырау қ., Айтеке би к., 77, тел: 8 (7122) 325509, электрондық мекенжайы: atr_priroda@mail.ru Жоба Жоба Жоба Жоба Жоба Жоба Жоба Жоба бойынша құжаттамаға мүдделі жұртшылықтың ескертулері, ұсыныстары мүдделі жұртшылықтың ескертулеріне, ұсыныстарына тапсырыс берушінің жауаптарықоғамдық тыңдаулар хаттамасыАқпарат көзі : https://www.gov.kz/memleket/entities/atyrau-tabigat/press/news/details/966855?lang=kk

Қостанай облысының 8 ауылы алкогольден бас тарттыБұл бастама өңірде 2024 жылдың қыркүйегінен бастап жүзеге асырылып келе жатқан «Мәдени қоғам» жобасының бір бөлігі болды.Қостанай облысы Полиция департаментінің бастығы Ерлан Файзуллин есеп беру кездесуінде өткен жылы барлық қылмыстардың шамамен 27% - ы масаң күйде жасалғанын атап өтті.Бұл маскүнемдер, қоғамдық тәртіпті бұзушылар және отбасылық жанжал шығарушылар сияқты қауіпті топтарға полицияның бақылауын күшейтуге үлкен себеп болды. Бұған жауап ретінде үйде де алкогольді ішуге тыйым салатын 4 мыңға жуық сот шешімі шығарылды.Алкоголизммен күресу және алдын алу тиімділігін арттыру үшін өткен жылдың қыркүйек айынан бастап 2024-2025 жылдарға арналған «Мәдени қоғам» жобасы басталды.Осы жоба аясында құқық қолдану тәжірибесіндегі олқылықтарды ескере отырып, мүдделі мемлекеттік органдармен бірлесіп алкоголь өнімдерін бөлшек саудада өткізуге қойылатын талаптарды қатайту бойынша ұсыныстар дайындалуда.Денсаулық сақтау басқармасымен бірлесіп Уақытша бейімдеу және детоксикация орталықтарын (УБДО) кеңейту шаралары қарастырылды.Бүгінде облыста Қостанай, Рудный, Арқалық және Тобыл қалаларында барлығы 75 орындық 4 сауықтыру орталығы бар. Қазірдің өзінде Қостанайда УБДО орын саны 14-тен 25-ке, Рудныйда 20-дан 30-ға, Арқалықта 10-нан 15-ке, Тобылда 10 орындық жаңа орталық ашылды. Жоспарға Лисаков, Жітіқара және Қарабалықта сауықтыру орталықтарын құру кіреді, - деді Файзуллин.Бұл ретте Қостанайда емханалар мен 73 ауылдық округте қосымша медициналық куәландыру пункттері ашылды.Департамент бастығының айтуынша, Денсаулық сақтау басқармасымен бірлесіп фельдшерлік акушерлік пункттері бар аудандар мен ауылдық округтер бойынша сараптама жүргізу үшін сертификаты бар медицина қызметкерлерінің санын көбейту жоспарлануда.2024 жылы облыс аумағында тұрғындары алкогольден бас тартқан 6 елді мекен (Милісай, Сарысу, Әбдіғапар ,Крамское , Отынағаш , Көктал ауылдары) бар.Бұл ауылдарда осы күнге дейін бірде-бір қылмыстық құқық бұзушылық немесе отбасылық-тұрмыстық зорлық-зомбылық фактісі тіркелген жоқ.Ағымдағы жылы Ұзынкөл ауданындағы тағы екі ауыл – Абай мен Уқатқан «ішпейтін» ауылдар қатарына кірді.Жобаның маңызды аспектілерінің бірі-жұртшылықты тарту. Қалалар мен ауылдық елді мекендерде қоғамдық комиссиялар белсенді жұмыс істейді, олардың құрамына жергілікті билік, діни көшбасшылар мен ақсақалдар кіреді.Олар алкогольге тәуелділіктен зардап шеккен адамдарды моральдық тұрғыдан қолдауға көмектеседі және қоғамдық айыптауды жүзеге асырады.Осы жоба шеңберінде волонтерлік қозғалыстарды, БАҚ өкілдері мен жұртшылықты тарта отырып, алкогольді сататын сауда пункттері бойынша рейдтер жоспарланған. Мұндай жұмыс кальян бойынша да жүргізілді, - деп атап өтті Файзуллин.Бұл шаралар аймақ тұрғындары үшін салауатты және қауіпсіз орта құруға бағытталған. "Мәдени қоғам" көмегімен Қостанай облысы нашақорлық пен тәуелділіктен арылған мәдени қоғамды қалыптастыруға қадамдар жасауда.Ақпарат көзі : https://www.gov.kz/memleket/entities/kostanai-sarykol-ulkendubravy/press/news/details/967643?lang=kk

Қарағанды ​​облысы Төтенше жағдайлар департаменті бастығының бұйрығымен Бұқар-Жырау ауданы Төтенше жағдайлар бөлімінің бастығы лауазымына азаматтық қорғау майоры Владимир Малышкин тағайындалды.Бұған дейін Владимир Вячеславович аудандық ТЖ бөлімінің бас маманы қызметін атқарған. В. Малышкин 1990 жылы Ботақара кентінде дүниеге келген.2012 жылы «Жылу энергетикасы» мамандығы Қарағанды техникалық университетін, 2023 жылы ҚР ТЖМ Мәлік Ғабдуллин атындағы азаматтық қорғау Академиясын «Өрт қауіпсіздігі» мамандығы бойынша білім алған.Еңбек жолын 2013 жылы Төтенше жағдайлар бөлімінің инженері болып бастаған. 2014 жылы Бұқар-Жырау ауданының төтенше жағдайлар бөлімінің аға инженері болды. 2019 жылдан бастап осы тағайындауға дейін Төтенше жағдайлар бөлімінің бас маманы қызметін атқарды.Қарағанды облысы ТЖД Ақпарат көзі : https://www.gov.kz/memleket/entities/emer-karaganda/press/news/details/966852?lang=kk

Қазіргі уақытта Жамбылдық құтқарушылармен Целиноград ауданы, Қоянды ауылының аумағында су сору, инертті материалдар толтырылған қаптармен бөгеттерді нығайту секілді жұмыстары белсенді атқарылып,    аталған аумақта бүгінгі күнге дейін 63764 м куб.м. су сорып шығарылды.     Олардың ішінде өздерінің белсенді әрекеттерімен, кәсіби біліктіліктерімен, тапсырманы тындырымды атқаратын жоғары жауапкершілігімен ерекшеленетін бірқатар қызметкерлерді ерекше атап өтуге болады. Солардың қатарында Тараз қаласы №3 өрт сөндіру бөлімінің азаматтық қорғау старшинасы Алмас Шоңғаров та бар. Ол 1983 жылы Жуалы ауданы, Талапты ауылында туылған.    Алмас азаматтық қорғау саласында 2005 жылдан бері қызмет атқаруда және адамдар мен құнды мүліктерді өрттер мен түрлі сипаттағы төтенше жағдайлардан қорғау жолында аянбай тер төгіп жүрген қызметіне адал  жандардың бірі әрі бірегейі. Алмас бүгінде жұбайы екеуі 5 бала тәрбиелеп отырған өнегелі отбасы. Ұл қыздары да әкелерінің үйге оралуын асыға күтуде.Ақпарат көзі : https://www.gov.kz/memleket/entities/emer-zhambyl/press/news/details/966816?lang=kk

Қазақстандық мектептердегі төртінші тоқсан 1 сәуірден 25 мамырға дейін жалғасады. Ұзақтығы 8 оқу аптасын құрайды. Сондай-ақ, 25 мамырда қорытындылар шығарылып, 2024-2025 оқу жылы аяқталады.Ақпарат көзі : https://www.gov.kz/memleket/entities/bko-taskala/press/news/details/967006?lang=kk

Сіздерді 8-ші Халықаралық Реклама, Полиграфия, Технологиялар және Материалдар көрмесіне шақырамыз - Central Asia Reklam.Көрме бөлімдері:* Сыртқы реклама* LED технологиялар* Сауда нүктелеріндегі реклама (POS & POP)* Жаппай адамдар көп жиналатын жерлерде реклама* Цифрлық реклама* Полиграфия* Рекламалық қызметтер* Сувенирлік өнімдер және брендирование* Рекламаға арналған инновациялық шешімдер* Тұтыну материалдары* Матаға баспа2) 8-ші Халықаралық Промоматериалдар және Рекламалық Сувенирлер көрмесіКөрме бөлімдері:* Промопродукция* VIP сыйлықтар* Іскерлік аксессуарлар* Рекламалық сувенирлер* Корпоративтік сыйлықтар* POS материалдары* Промо акциялар, презентациялар және корпоративтерді безендіру* Промоиндустрияға арналған жабдықтар мен технологиялар* Приздер мен сыйлықтар* Өнер және қолөнер3) Халықаралық Печать Индустриясы көрмесіКөрме бөлімдері:* Кең форматты баспа* Жабдықтар мен материалдар* Бағдарламалық қамтамасыз ету және цифрлық жүйелер* Постпечать өңдеуге арналған жабдықтар* Арнайы жабдықтарКөрмелер 2025 жылдың 28-30 мамырында Алматы қаласында, МВЦ «Атакент», 7-8 павильондарында өтеді. Қатысушы елдер: Қазақстан, Ресей, Қытай, Түркия, Беларусь.Ақпарат көзі : https://www.gov.kz/memleket/entities/otdel-selhoz-karagandy/press/news/details/966737?lang=kk

Ұлттық ақпараттық технологиялар» АҚ 1-сыныпқа қабылдау үшін құжаттарды қабылдау қызметі электрондық үкімет порталында 1 сәуірден бастап қолжетімді болатынын мәлім етті, деп хабарлайды Астана әкімдігінің ресми сайты.1-сыныпқа арналған құжаттарды қабылдау қызметі 1 сәуірде сағат 15:00-ден бастап eGov.kz порталында және eGov Mobile мобильді қосымшасында қолжетімді болатынын хабарлайды.Ақпарат көзі : https://www.gov.kz/memleket/entities/vko-glubokoe-verhneberezovskii/press/news/details/968805?lang=kk

Ол үшін:- egov.kz порталында авторизациядан өтіңіз;- басты бетте «Денсаулық сақтау» - «Медициналық көмек» бөлімін таңдаңыз;- «Наркология» Психикалық денсаулық орталығынан мәліметтер ұсыну» қызметіне өтіңіз;- қызметті кім үшін сұратып жатқаныңызды таңдаңыз: өзіңізге, балаңызға немесе заңды өкілге;- қол қоюдың қолжетімді әдістерінің бірімен өтінімге қол қойыңыз.📲Сондай-ақ қызметті eGov mobile-да «Қызметтер» - «Денсаулық сақтау» бөлімінде алуға болады.✅Сұрау сәтті өңдеген жағдайда сіз 30 минут ішінде анықтама аласыз.Ақпарат көзі : https://www.gov.kz/memleket/entities/vko-glubokoe-berezovka/press/news/details/966720?lang=kk

ҮЕҰ есептерін қабылдау мерзімін ұзарту туралы  ҮЕҰ есептілігін қабылдау а.ж. 1 қаңтарынан бастап infonpo.gov.kz адресінен жаңа «Еsep.govtec.kz» цифрлық платформасына автоматты түрде бағытталумен жүзеге асырылуда.«Коммерциялық емес ұйымдар туралы» ҚР Заңына сәйкес Қазақстан Республикасы аумағында қызмет атқаратын коммерциялық емес ұйымдар жыл сайын 31 наурызға дейін өз қызметі туралы мәліметтерді «ҮЕҰ Дерекқорына» ұсынады.Сонымен қатар, жаңа порталдағы эксплуатациялық жұмыстар себебінен орын алған техникалық ақауларға байланысты а.ж. 13 қаңтары мен 18 ақпаны аралығында «ҮЕҰ Дерекқорына» мәліметтерді қабылдау уақытша тоқтатылды.Осыған орай техникалық ақаулар мен ақпараттық жүйедегі қателіктер актісі негізінде есептілік мерзімі 2025 жылдың  21 сәуіріне дейін ұзартылды.Ақпарат көзі : https://www.gov.kz/memleket/entities/zhambyl-taraz/press/news/details/966705?lang=kk

Сыбайлас жемқорлыққа қарсы іс-қимыл агенттігінің Ақмола облысы бойынша департаменті құрылысы сыни тұрғыдан кешіктірілген әлеуметтік маңызы бар объектілерді сүйемелдеуге мониторинг жүргізілуде.Облыс әкімдігімен бірлесе отырып, құрылыс-монтаждау жұмыстарын орындау мерзімі көрсетілген проблемалық нысандардың құрылысын аяқтау бойынша іс-шаралар жоспары бекітілді.Бүгінгі күні жоспарда құрылысы ұзаққа созылған 18 объектілер анықталған.Ағымдағы жылдың 29 наурызында Департамент қызметкерлері Аршалы ауданының Жібек жолы ауылындағы электрмен жабдықтау желісінің құрылысына баруды жүзеге асырды.Қазіргі уақытта аталған объектіде жұмыстар кестеге сәйкес жүргізілуде. Объектіні пайдалануға беру қыркүйек айына жоспарланған.Сыбайлас жемқорлыққа қарсы іс-қимыл агенттігінің Ақмола облысы бойынша департаменті құрылысы ұзаққа созылған   объектілеріне мониторинг жүргізуді жалғастыруда.  #Заң_мен_Тәртіп #ЗАҢменТӘРТІП    Ақпарат көзі : https://www.gov.kz/memleket/entities/anticorruption-aqmola/press/news/details/966703?lang=kk

Халықтың әлеуметтік осал санаттарының құқықтарын қорғау мақсатында әлеуметтік инспекторлар жыл басынан бері 150-ден астам тексеру жүргізді2025 жылдың үш айында әлеуметтік инспекторлар 156 тексеру жүргізді, оның 76-сы жоспардан тыс, 19-ы профилактикалық бақылау шеңберінде, 61-і прокуратураның талабы бойынша болды. Тексеру қорытындысы бойынша анықталған бұзушылықтарды жою туралы 34 ұйғарым берілді, 14,5 млн теңгеден астам сомаға 46 айыппұл салынды, деп хабарлайды ҚР Еңбек және халықты әлеуметтік қорғау министрлігі.Мемлекеттік бақылаумен: әкімдіктер – 6, жергілікті атқарушы органдардың бөлімдері мен басқармалары – 21, мемлекеттік мекемелер – 22, балабақшалар – 4, мектептер – 13, колледждер, лицейлер – 5, ауруханалар, емханалар – 10, арнаулы әлеуметтік қызметтер көрсету орталығы – 1, санаторийлер – 3, ДК – 10, кафе, мейрамханалар мен қонақ үйлер – 10, дүкендер – 12, сауда үйлері – 5, полиция пункті – 1, стоматология – 3, автобус парктері, авто/теміржол вокзалдары, әуежайлар – 6, кітапхана – 1, мәдениет үйлері – 4, пошта қызметі бөлімшесі – 1, спорт мектептері – 3, нотариус – 1 және өзге де 14 объекті қамтылды.Мәселен, Әлеуметтік қорғау саласындағы реттеу және бақылау комитетінің Ұлытау облысы бойынша департаменті мүгедектігі бар адамның өтініші негізінде мүгедектігі бар адамдар үшін қолжетімділіктің болмауы фактісі бойынша медициналық орталыққа жоспардан тыс тексеру жүргізді. Тексеру нәтижелері бойынша субъект айыппұл түрінде әкімшілік жауапкершілікке тартылды.Бұл ретте әлеуметтік инспекторлардың айтуынша, барлық өңірлерде мүгедектігі бар адамдар үшін әлеуметтік инфрақұрылымды бейімдеудегі оң өзгерістер бар. Мұны ерекше қажеттіліктері бар адамдар да растайды.«Мен қаламыздағы әлеуметтік және мәдени іс-шаралардан қалмай, ұдайы қатысуға тырысамын. Қазіргі уақытта мүгедектігі бар адамдар үшін көптеген қоғамдық орындарда қолжетімділік қамтамасыз етілуде. Сөзімнің бір дәлелі ретінде қаламыздағы 9-шағын ауданында орналасқан Халыққа қызмет көрсету орталығын айтуға болады. Ғимаратқа кіре берісте арнайы лифт бар, ал оның ауласында мүгедектігі бар адамдардың автокөліктеріне арналған арнайы тұрақтар бар. Сондай-ақ, Жезқазған қаласында орналасқан «Sамади март» сауда орталығында және С.Қожамқұлов атындағы театрда ерекше қажеттіліктері бар адамдардың ғимараттарға кедергісіз кіруіне жағдай жасалған», – деп атап өтті бірінші топтағы мүгедектігі бар Жезқазған қаласының тұрғыны Арман Сәметов.Ақпарат көзі : https://www.gov.kz/memleket/entities/aktobe-shalkar-aktogay/press/news/details/966689?lang=kk

Өткен жылы «Өзгеріс көшбасшылары» жас саясаткерлер мектебі жобасына қатысу үшін 64 өтінім түссе, биыл үміткерлер саны артып, 82-ге жетті.Түскен өтінімдерді іріктеу үшін комиссия отырысы өтіп, кәсібилігі мен белсенділігі арқылы ерекшеленген жас мамандар арасынан 30 қатысушы анықталды.Жастардың қабілеттерін шыңдай отырып, қоғамдық өмірге белсене араласуына мүмкіндік беруді көздейтін жоба 2024 жылы басталып, қатысушылар білікті спикерлерден жаңа дағдыларды меңгерген болатын.Жоба биыл да жалғасын тауып, бірқатар жастың көшбасшылық қабілеттерін дамытуға жаңа мүмкіндіктер бермек.Айта кетейік, «Өзгеріс көшбасшылары» жас саясаткерлер мектебі - Атырау облысы Ішкі саясат басқармасының қолдауымен, «Жастар Рухы» Атырау облыстық филиалының ұйымдастыруымен жүзеге асырылуда.Ақпарат көзі : https://www.gov.kz/memleket/entities/atyrau-sayasat/press/news/details/966684?lang=kk

Әйелдер мерекесіне арналды6 наурызда аудан орталығындағы денешынықтыру-сауықтыру кешенінде 8 наурыз – Халықаралық әйелдер күні мерекесіне орай қыз-келіншектер арасында волейбол, бес асық, мылтық атудан мекемеаралық жарыс өтті.Айтулы мерекелік сайысты аудан әкімінің орынбасары Жасұлан Сұлтан құттықтау сөзбен ашып, жарысқа қатысушы командаларға сәттілік тіледі.Аудандық білім беру бөлімінің әдіскері Оралбай Берікұлы ойын ережелерімен таныстырып өтті. Командалар екі топқа бөлініп, аталмыш кешен залы мен Қаратөбе мектеп-гимназиясының спорт залында ойнады.Волейбол ойыны 8 команда арасында тартысты өрбіді. Жарысқа қатысушы ойыншылардың жеңіске деген жігері жоғары болды.Шебер ойын өрнегін көрсеткен командалар финалға шықты. Бірінші орынға таласқан Мұхит атындағы орта мектептің қыздары мен Шөптікөл мектеп-бөбекжай-балабақша кешені командасының ойындары көрермендер көңілінен шықты.Жарыс қорытындысында Мұхит атындағы жалпы орта білім беретін мектебінің командасы озық шығып, жарыс жеңімпазы атанды. Жүлделі ІІ орынды Шөптікөл мектеп-бөбекжай-балабақша кешенінің командасы иеленсе, ІІІ орын аудан әкімдігі қыздарының командасына бұйырды.Жарыс жеңімпазы Мұхит атындағы орта мектептің командасы 50 мың теңге, Шөптікөл мектеп-бөбекжай-балабақша кешенінің командасы 30 мың теңге, аудан әкімдігінің командасы 20 мың теңге қаржылай сыйлықтар және медальдармен, арнайы кубоктармен марапатталды. «Жеңіске деген жігері үшін» аталымымен мәдениет бөлімінің командасы марапатталып 10 мың теңге ақшалай сыйлыққа ие болды.Жекелеген ойыншылар арасында көзге түскен Шөптікөл мектеп-бөбекжай-балабақша кешені командасының мүшесі Ирина Шабдарова «Үздік қорғаушы», аудан әкімдігі командасынан Жанаргүл Сафи «Үздік ардагер ойыншы», Мұхит орта мектебі командасынан үздік ойынымен танылған Айту Мәулетова «Үздік ойыншы», мәдениет бөлімінің командасынан шебер ойын өрнегін көрсеткен Нұргүл Нұрбекқызы «Көрермен көзайымы» аталымдарына ие болды. Аталымдар иелері диплом және 2000 теңге қаржылай сыйлықтармен марапатталды.Бес асық ойынында шебер ойын өрнегін көрсеткен аудан әкімдігі атынан шыққан Мейрамгүл Кенжеғалиева І орын иемденіп жеңімпаз атанды. Жүлделі ІІ орынды Қ.Жұмалиев атындағы мектеп-гимназияның атынан қатысқан Ұлмекен Сайынова иеленсе, ІІІ орынға мәдениет бөлімінен қатысқан Ақбота Владимирова тұрақтады.Мылтық ату сайысы бойынша І орынды Шөптікөл мектебінен қатысқан Малика Ертілеуова еншілесе, ІІ орынды аудандық аурухана атынан шыққан Айзада Сапарғалиқызы иемденді. ІІІ орынға аудандық полиция бөлімінен қатысқан Әсем Оңғарова тұрақтады.Аудан әкімінің орынбасары Жасұлан Сұлтан жеңіске жеткен командалар мен аталымдар иелерін құттықтап, марапаттау рәсімін жүргізді.І,ІІ,ІІІ орындарды иеленген командаларға өз ұжымдары атынан да сыйлықтар табысталды.  Ақпарат көзі : https://www.gov.kz/memleket/entities/bko-karatobe/press/news/details/966675?lang=kk