Мақтаарал ауданында 2024 жылдың 10 айында жалпы өңірлік өнім көлемі 107 млрд теңгені құраған. Оның ішінде, ауыл шаруашылығында - 76,5 млрд теңге, құрылыс саласында - 8 млрд 39 млн теңге, өнеркәсіпте - 10,9 млрд теңге, сауда көлемі - 10,8 млрд теңгені құрады. Бұдан бөлек, негізгі капиталға тартылған инвестиция көлемі 32,1 млрд теңгені құрап, өткен жылмен салыстырғанда 120,6%-ға орындалған. Бұл жайында Мақтаарал ауданының әкімі Бақыт Асанов БАҚ өкілдерімен өткен брифингте мәлімдеді.«Биыл Мақтааралдық диқандар 60,6 мың гектар жерге егістік ексе, оның 33,7 мың гектары мақта дақылына тиесілі. Жалпы аудан бойынша 90,4 мың тонна ақ алтын жиналып, орташа өнімділік 26,8 центнерді құрады. Мақтаарал ауданы бойынша 2024-2030 жылдарға жалпы құны 94,1 млрд теңгеге 53 инвестициялық жобаны іске асыру жоспарлануда. Оның ішінде, мақта-тоқыма кластерін дамытуда жалпы құны 70 млрд теңгені құрайтын 8 ірі жоба жүзеге асырылмақ. Нәтижесінде 3 020 адам жұмыспен қамтылады. Тарқата айтсам, «Cotton Мақта» ЖШС тарапынан 2025-2026 жылдар аралығында жылдық қуаттылығы 10 мың тонна болатын жіп иіру фабрикасы салынады. Сонымен қатар, «Global Textile Turkestan» ЖШС тарапынан 13,8 мың тонна жайма өңдеу фабрикасын салу көзделген. «Тulpar textile» ЖШС тарапынан да 2025-2028 жылдары 5 мың тонна жіп иіретін фабрика салынбақ. Сонымен бірге, «Нұрбибі» ЖШС мақта өңдеу зауытын, «Begash» ЖШС тұқым, тамшылатып суғару таспасын өндіру және «Zhybek TextilE» ЖШС жібек өндіру фабрикаларын іске асыруға ниетті»,- деді Бақыт Насырханұлы.Спикердің сөзінше, аудандағы Үлгілі елді мекенінде «Жайлы мектеп» пилоттық ұлттық жобасы аясында салынып жатқан 600 орындық мектеп жыл соңында пайдалануға беріледі. Ал, Атакент кентіндегі 1500 орындық мектептің құрылыс жұмыстары 2025 жылға өтпелі. Сонымен қатар аудандағы халықтың әлеуметтік осал топтары үшін жалға берілетін 87 тұрғын үй кезекте тұрған отбасыларға жыл соңында табысталмақ. Бұдан бөлек, «Ауылдық денсаулық сақтауды жаңғырту» ұлттық жобасы аясында 5 медициналық нысанның құрылыс жұмыстар жүргізіліп жатыр.Айта кетейік, Мақтаарал ауданындағы барлық 68 елді мекен 100% орталықтандырылған ауыз сумен қамтылған. Сондай-ақ, 68 елді мекеннің 45-і табиғи газбен қамтылған, бұл аудандағы елді мекендердің жалпы санының 66,1%-ын құрайды. Бұдан бөлек, ауданда «Ауыл – Ел Бесігі» бағдарламасы аясында 10 айда 20,7 шақырымды құрайтын 22 көшенің ішкі көшелеріне орташа жөндеу жұмыстары жүргізілген.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/893568

Арыс қаласы, Сырдария елді мекенінде орналасқан С.Адамбеков атындағы мектеп биыл «Ауылдық аймақтардағы тірек мектептердің әлеуетін дамыту» жобасына енген болатын. Осыған сәйкес, аталмыш мектептің биыл 32 кабинеті мен қосымша білім беру бағыттары бойынша студиялар толық жабдықталды.Бүгін мектеп қабырғасында жобаның салтанатты таныстырылымы өтті. Шараға Түркістан облысы әкімінің орынбасары Бейсенбай Тәжібаев, қала әкімі Гүлжан Құрманбекова, Қазақстанның еңбек сіңірген ұстазы Күләш Шәмшидинова, «Қазақстан Халқына» қоғамдық қоры төрағасының орынбасары Ләззат Шыңғысбаева мен жобаны жүзеге асырған ардақты азаматтар мен қала ұстаздары қатысты.Бұл жоба білім беру сапасын арттыруға, ауыл мектептеріне үздік педагогикалық тәжірибелер мен тиімді әдістемелерді трансферттеуге және тірек мектептердің қажетті материалдық-техникалық базасымен қамтамасыз етуге бағытталған. Жобаны Қазақстан Республикасының оқу-ағарту министрлігі, «Қазақстан халқына» қоры, AITAS холдингі, Назарбаев зияткерлік мектептері мен Білім беру саласын тұрақты дамыту қоры іске асырды.Аталған жоба аясында С.Адамбеков мектебінің сыныптарда жиһаздар жаңартылды, эргономикалық орындықтар мен парталар қойылды. Сондай-ақ, физика, химия, математика, биология, география, информатика, жаратылыстану кабинеттері нағыз заманауи білім беру сыныптарына айналды. Интерактивті панельдер мен зертханалық жабдықтар қойылды. Бұдан бөлек, STEM зертханасы және робототехника кабинеті тереңдетілген білім алу үшін шағын гидропоника зертханасымен, сынақтарға қажетті 3D принтерлермен, виртуалды шындық кабинеттерімен жабдықталған.Сабақ арасындағы үзілісті оқушылар тиімді өткізу үшін рекреациялық демалыс аймағына оқушыларға арналған ойындары бар арнайы ойындар, шахмат аймағы, ыңғайлы жиһаздармен толыққан. Шараға қатысқан ұстаздар мен ардагерлер жобаны жүзеге асырған азаматтарға шынайы алғыстарын білдірді.Жұмыс сапары барысында Бейсенбай Дәулетұлы Арыс қаласы әкімімен бірге Отырар тұрғын ауданында бой көтеріп жатқан 600 орындық білім ошағына барды. Құрылыс жұмыстарының сапасын тексерді.Үш қабатты мектеп 4 гектар аумақта бой көтерген. Білім ордасы заманауи талаптарға сай жабдықталатын. Онда пәндік кабинеттер, технологиялық дәріс беру бөлмелері, спорт, акт залдар, сыртқы спорт алаңшалар, кең де жайлы асханасымен жабдықталып, сәулет-сымбатымен көз тартатын үлгілі білім ордасына айналмақ. Бүгінде мектепке қажетті жабдықтарды жеткізу жұмыстары қарқынды жүргізілуде. Сондай-ақ, жаңа мектеп табиғи газбен жылыту жүйесіне қосылады. Сонымен қатар мектеп аумағын абаттандыру, жасыл желектер отырғызу және демалыс аймақтарын құру шаралары қолға алынған. Аралау барысында құрылысқа жауаптысала басшылары мен мердігерлерге жұмысты уақтылы әрі сапалы аяқтауды қатаң тапсырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/893575

«Ұлттың сақталуына да, жоғалуына да себеп болатын нәрсенің қуаттысы – тіл» деген ұлт ұстазы Ахмет Байтұрсынұлының ұлағатты сөзін басты бағдарына айналдырған Жетісай аудандық мәдениет, тілдерді дамыту, дене шынықтыру және спорт бөлімінің «Тілдерді оқыту және дамыту орталығы» мекемесі халқымыздың рухани байлығы, атадан балаға, ұрпақтан-ұрпаққа мирас болып келе жатқан баға жетпес асыл мұрамызды жұртшылық арасында кеңінен насихаттап, жоғары нәтижелерге қол жеткізіп келеді.Мемлекеттік тілдің мәртебесін нығайтуға сүбелі үлес қосып келе жатқан орталықтың тікелей ұйымдастыруымен аудандағы көрнекі ақпарат құралдары және жарнамалардың, нысан атауларының дұрыс жазылуына мониторинг жұмыстары жүргізілді.Қазақстан Республикасында тіл саясатын дамытудың 2023-2029 жылдарға арналған тұжырымдамасы аясында «Тіл туралы» және «Жарнама туралы» Заңдарының талаптарын орындау мақсатында жүргізілген рейдтік шара барысында топ мүшелері шағын және орта бизнес өкілдеріне сыртқы көрнекі ақпарат (жарнама) құралдарын әзірлеу барысында мәтіндерінің сауатты жазылуы мен орналасуы, қате жазылған қала, кент, ауылдық округ көшелеріндегі жарнамалар мен маңдайша жазуларын, ақпараттық хабарламаларды заң талабына сәйкес қалпына келтіру мәселелері бойынша ақпараттар берілді.Негізінен жарнама мәтіндерінің басым көпшілігі орыс тілінде жазылуы, орфографиялық қателіктердің орын алуы секілді кемшіліктердің жиі орын алатынын айтқан мамандар жыл басынан бері анықталған 30 кемшіліктің 22-нің түзетілгенін айтады. 1069 түрлі деңгейдегі маңдайшалары мен жарнама тақтайшалары, лозунгтері мен билбордтары бар ауданда мұндай шаралар жыл соңына дейін жалғасатын болады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/893591

Бүгін, 28 қараша күні Маңғыстау облысының әкімі Нұрдәулет Қилыбайдың қатысуымен 8 сайланған облыстық мәслихаттың кезектен тыс он алтыншы сессиясы өтті. Сессия барысында облыстың 2024-2026 жылдарға арналған бюджетіне өзгерістер енгізу, ауыл шаруашылығы жануарларын асырау қағидаларын бекіту, су ресурстарын пайдалану төлемақы ставкаларын анықтау, мәслихаттың тұрақты комиссиялары мен облыс әкімдігінің дербес құрамына өзгерістер енгізу мәселелері қаралды.Жиында Экономика және бюджеттік жоспарлау басқармасының басшысы Светлана Нарешова 2024 жылға арналған облыс бюджетінің нақтыланған параметрлерін баяндады.- Жыл ішінде жергілікті бюджеттен бөлінген қаражат Мемлекет басшысы мен Үкіметтің тапсырмаларын, Даму және Кешенді жоспарлар аясындағы іс-шараларды, сондай-ақ маңызды әлеуметтік міндеттерді қаржыландыруға бағытталды. Ал қысқартылған қаражат ауыз су беру қызметтері, әлеуметтік маңызы бар жол қатынастары бойынша жолаушылар тасымалын субсидиялау, әлеуметтік ұйымдарды күтіп ұстау және жаңа мектепке дейінгі ұйымдарға байланысты шығындарды қамтамасыз етуге жұмсалады, – деді Светлана Нарешова.Сессияны қорытындылаған облыс әкімі Нұрдәулет Қилыбай депутаттарға ел игілігі үшін қабылданған шешімдері мен қолдаулары үшін ризашылығын білдірді.- Ел қалаулыларының маңызды мәселелерде қолдау білдіріп, қабылдаған шешімдері өңірдің тұрақты дамуына ықпал етеді. Әрбір қабылданған шешім халықтың әл-ауқатын арттыруға бағытталуы тиіс. Сіздердің қолдауларыңыздың маңыздылығын ерекше атап өткім келеді. Бірлескен күш-жігерімізбен өңірдің әлеуметтік-экономикалық дамуын жалғастыратынымызға сенім білдіремін, – деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/893139

Бүгін, 29 қараша күні, Маңғыстау облысының әкімі Нұрдәулет Қилыбай Солтүстік-Каспий жобасының операторы - «Норт Каспиан Оперейтинг Компани Н.В.» (NCOC) компаниясының басқарушы директоры Джанкарло Руюмен кездесті.Кездесу барысында тараптар өңірдің әлеуметтік-экономикалық дамуы, инфрақұрылымды жетілдіру және жергілікті тұрғындардың өмір сапасын жақсарту мәселелері талқылады.Облыс әкімі Нұрдәулет Қилыбай әлеуметтік инфрақұрылымды жақсартуға бағытталған нақты ұсыныстарын білдіріп, компаниямен бірлескен бастамаларды қолдауға дайын екенін атап өтті.- Біздің басты міндетіміз – жергілікті халықтың әл-ауқатын арттыру. Президенттің тапсырмасына сәйкес, өңірде туризм саласын дамыту және тұрғындардың өмір сүру сапасын жақсарту бойынша жаңа міндеттер қойылды. Бүгінде өңіріміздің әлеуметтік инфрақұрылымының дамуына бірқатар компаниялар мен жеке сектор тарапынан қолдаулар көрсетілуде. Осыған орай, Маңғыстау облысының әлеуметтік инфрақұрылымын дамытуға арналған қаржыландыру лимитін ұлғайтып, 2025 жылға дейінгі 5 жылдық жоспарды қаржыландыру мүмкіндігін қарастыруды ұсынамыз. Біз өзара тиімді және нәтижелі ынтымақтастыққа әрқашан дайынбыз және әкімдік тарапынан барлық бастамаларды қолдаймыз, – деді Нұрдәулет Қилыбай.Айта кетейік, NCOC компаниясы өңірдегі әлеуметтік маңызды нысандардың құрылысын белсенді түрде жүзеге асырып келеді. Соңғы үш жылда компанияның қолдауымен бес нысан пайдалануға берілді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/893141

29 қарашада облыс әкімі Нұрдәулет Қилыбай «ҚазАзот» АҚ өкілдерімен кездесті. Басқосуда «Аммиак-карбамид кешені» жобасының іске асырылу барысы мен алдағы жоспарлары талқыланды.Аталған жоба іске асқанда жылына 660 мың тонна аммиак, 577,5 мың тонна карбамид , 395 мың тонна азот қышқылы және 500 мың тонна көлемінде аммиак селитрасы өндіріледі деп жоспарлануда.Жобаны жүзеге асыру үшін жалпы ауданы 242,15 гектар жер телімі бөлінген. Құрылыс-монтаж жұмыстары кезеңінде 1500 адам жұмыспен қамтылады. Нысанды 2029 жылы толық пайдалануға беру көзделген.Облыс әкімі Нұрдәулет Қилыбай өңір экономикасының ілгерілеуіне серпін беретін тың жобанының жүзеге асырылуына қажетті барлық инфрақұрылыммен қамтамасыз ету үшін мемлекеттік бағдарламалар шеңберінде тиісті шаралар қабылдауды тапсырды. Сонымен қатар аймақ басшысы бұл жобаның өңір экономикасын дамытуға ғана емес, елдің химия өнеркәсібін ілгерілетуге қосатын зор үлесін атап өтті.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/893511

Бүгін облыс әкімі Нұрлыбек Нәлібаев Қазақстан Республикасының Еңбек және халықты әлеуметтік қорғау министрлігінің бұйрығымен Халықты әлеуметтік қорғау саласындағы реттеу және бақылау комитеті Қызылорда облысы бойынша департаментінің басшысы болып тағайындалған Шәріпбеков Бекболат Жүнісәліұлын таныстырды.Бекболат Жүнісәліұлы 1973 жылы Қызылорда облысында дүниеге келген. Қызылорда агроөнеркәсіп өндірісі инженерлері институтын «Агроөнеркәсіп салаларын басқару және оның экономикасы» мамандығы бойынша бітірген. Еңбек жолын 1990 жылы Жаңақорған ауданындағы «Келінтөбе» күріш совхозында бастаған. 1998-1999 жылдары «Құмиян» кәсіпорны «Ақниет» бөлімшесінің есепшісі болған. 1999-2010 жылдары «Келінтөбе» ауылдық округі әкімі аппаратында, Жаңақорған ауданы және Түркістан қаласы бойынша салық комитеттерінде түрлі лауазымдарда қызмет атқарған. 2010-2018 жылдары Қызылорда облысы бойынша қаржылық бақылау инспекциясы мен тексеру комиссиясының бөлім басшысы-мемлекеттік аудиторы, 2018-2020 жылдары Қызылорда қаласы «Қарауылтөбе» ауылдық округінің әкімі болып еңбек еткен. 2020-2022 жылдары Қызылорда облысы бойынша ішкі мемлекеттік аудит департаментінің бөлім басшысы, 2022-2024 жылдары Жаңақорған ауданы әкімінің орынбасары болып нәтижелі қызмет көрсетті. 2024 жылдың маусым айынан осы кезге дейін Қызылорда облыстық кәсіпкерлік және өнеркәсіп басқармасының басшысы қызметін атқарып келді.Аймақ басшысы жаңадан тағайындалған департамент басшысына тілектестік білдірді.«Бекболат Жүнісәліұлы аймақтың әлеуметтік-саяси ахуалымен етене таныс, мемлекеттік қызметтің барлық сатысынан өтіп, мол тәжірибе жинаған әлеуеті жоғары кадр. Жаңа қызметте облыс бойынша зейнетақы және әлеуметтік қамсыздандыруды, мүгедектерді әлеуметтік қорғауды, медициналық-әлеуметтік сараптаманы, азаматтардың жекелеген санаттарына әлеуметтік көмек көрсетуді, арнаулы әлеуметтік қызмет көрсету саласындағы мемлекеттік саясатты іске асыратын болады.Бекболат Жүнісәліұлы алған білімі мен жинаған мол тәжірибесін күрделі де жауапты саланың дамуына жұмсайды деп сенеміз», – деді Н.Нәлібаев.Ақпарат көзі : https://www.gov.kz/memleket/entities/kyzylorda/press/news/details/892628

Қарағандыда жаңа қазақстандық Тeez маркетплейсі жұмысын бастады. Оның басты артықшылығы - бүкіл тапсырысты бір күнде жеткізу. Тапсырыс беру пункттері еліміздің 24 қаласында ашылды.ҚР сауда және интеграция министрі Арман Шаққалиев облыс әкімі Ермағанбет Бөлекпаевпен бірге электрондық сауда алаңының бірыңғай қоймасына барды. Оларға барлық логистика көрсетілді, іске қосу нәтижелері мен өршіл жоспарлар туралы айтылды.– Қазір бізде 40 тапсырыс беру пункті бар, Біз Қазақстанның 24 қаласында өкілдік етеміз. Алдағы уақытта 127 тапсырыс беру пунктін ашып, 30 қаланы қамту жоспарлануда. Клиенттік қосымшамыз да құрылды, қазіргі уақытта оны 170 мың адам жүктеп алды. Жүктеу жылдамдығы бойынша қосымшалар екінші орынға ие болды – күніне 15–20 мың адам. Қазірдің өзінде 540 сатушы тіркеліп, біздің алаңда өз тауарларын сататын 20 мыңға жуық жеке кәсіпкердің карточкаларын жасады. Өнім ассортименті – 50 мың атау, – деді Teez негізін қалаушы Линар Хуснуллин.Қазір компанияда 245 адам жұмыс істейді. Ал болашақта 8 мың жаңа жұмыс орны құрылып, шағын және орта бизнес қолдау алады.Жобаның басында бірыңғай қойма жалпы ауданы 25 мың ш.м. аумаққа төрт ғимаратта орналасқан, ал 2030 жылға қарай 120 мың ш. м. алаңда өз үй-жайларын салу жоспарлануда.Болашақта компания интернет-коммерция көшбасшыларына шығуға ниетті.– Соңғы жылдары біз электрондық сауданың күрт өскенін көріп отырмыз. Тек 10 айдың қорытындысы бойынша өткен жылдың сәйкес кезеңімен салыстырғанда көлем 20%-ға өсті. Абсолютті түрде бұл сома 3 трлн теңгеден асады. Мұндай жобалар экономикаға, тұтынушылар үшін тауарлардың қолжетімділігіне оң әсер етеді, – деп атап өтті Арман Шаққалиев.Министр географиялық жағдайды, инфрақұрылымды ескере отырып, Қарағанды облысы қазақстандық тірек сауда-логистикалық орталыққа ғана емес, сонымен қатар Орталық Азия хабына айналуы мүмкін деп санайды.Арман Шаққалиев өңірге жұмыс сапары аясында бірқатар сауда нысандарын аралады. Осакаров ауданында бизнес өкілдерімен және тұрғындармен кездесті. Мақсаты кәсіпкерлікті қолдаудың жаңа құралдарын түсіндіру болды.Ауылдық дүкенге және ірі қалалық супермаркетке барған кезде министр отандық тауарлардың сөрелерге орналасуына қызығушылық танытты. Ол жұмыртқа сататын бөлімге де кірді. Сатып алушылардың таңдауы кең екеніне көз жеткізді, оның ішінде өндірушінің бағасы бойынша да тауар бар – С1 санатындағы он дана үшін 470 теңге.Арман Шаққалиев "Қарағанды Нан" корпорациясының жұмысымен де танысты. Компания нан, макарон, жұмыртқа және басқа да өнімдер шығарады. Облыс пен ел нарығын азық-түлікпен қамтамасыз етіп қана қоймай, көрші елдерге де экспорттайды. Жұмыртқа Ауғанстанға жеткізіледі.Global Сity СОО-ға барған кезде сауда және интеграция министріне ірі көтерме саудагерлерге арналған тауарларды сақтауға арналған қойма кешені көрсетілді. Кірме жолдар мен кедендік бақылаудың жеке аймағы да бар. Ақпарат көзі : https://www.gov.kz/memleket/entities/karaganda/press/news/details/892710

Балқаш қаласында әуежай қайта жаңартылуда. Қазіргі таңда ішкі демонтаждау жұмыстары жүріп жатыр, сыртқы инженерлік желілер салынуда, сондай-ақ екі қосымша жапсаржайдың құрылысы жүзеге асырылуда.Естеріңізге сала кетейік, жоба екі кезеңнен тұрады. Біріншісі – жермен жүру жолдары мен перронды қайта құру. Екіншісі – аэровокзал ғимаратын күрделі жөндеу және арнайы көлік қызметінің ғимаратын салу.Қазірдің өзінде қауіпсіздіктің бүйірлік жолақтары жабдықталған, заманауи жарық-сигналдық жабдық орнатылған. Мұздан тазартатын сұйықтық пен ағынды суларға арналған резервуарлардың құрылысы аяқталуға жақын. Бұл жұмыстар жыл соңына дейін аяқталуы тиіс.Аэровокзалды қайта құру және арнайы көлік қызметі ғимаратының құрылысы 2025 жылы аяқталады деп жоспарлануда.Әуежай инфрақұрылымын жаңғырту қаланың дамуы мен туризм үшін жаңа мүмкіндіктер туғызады деп күтілуде. Жоспар бойынша жолаушылар ағыны үш есеге – жылына 13 мыңнан 40 мың адамға дейін өсуі тиіс.Әуежайды жаппай жаңарту қажеттілігі бұрыннан өзекті: нысан 1967 жылы салынған, соңғы рет әуе айлағы 2007 жылы жөнделген.Ақпарат көзі : https://www.gov.kz/memleket/entities/karaganda/press/news/details/892999

Бұқар Жырау ауданының бес ауылында клубтар қайта жөнделді. Мәдениет ошақтарының ғимараттарын жөндеу қажеттілігі туралы мәселені тұрғындар бірнеше рет көтерген. Жаңартылған ауыл клубтары мерекелік концерт, кездесулер мен жиындардың орны болатын.Ботақара ауылында жөндеуден кейін жергілікті клубта көп нәрсе өзгерді: қабырғалар, терезелер, есіктер, едендер жаңартылды. Қасбеті металл қаптамамен қапталған. Инженерлік коммуникацияларды жаңартқаннан кейін бөлмелер жылы әрі жайлы бола түсті. Жуынатын бөлме жөнделіп, септик орнатылды. Концерттер жаңа сахнада өтеді.Осындай жұмыстар Ақоре және Тасауыл ауылдық клубтарында жүргізілді.– Біздің ауылда адамдар белсенді және шығармашыл. Олар үшін клуб – бірлескен мәдени демалыс орны. Жақында жаңа жылдық мерекелер өткізіп, балалар мен қонақтарды жарқын, жылы жөндеуден өткен ғимаратта қарсы алатынымыз қуантады, – дейді Ақоре ауылының клуб меңгерушісі Әлия Ахмадиева.Ақбел ауылының клубында жұмсақ шатыр боялған пішінді қаңылтырға ауыстырылды. Ал Үміткер ауылының клубында кірпіштен жасалған қасбет жасалды.Аудандағы мәдени-демалыс мекемелерін жөндеу жұмыстары жалғасады. Ақпарат көзі : https://www.gov.kz/memleket/entities/karaganda/press/news/details/893117

Қарағанды облысы Шет ауданы Өспен ауылдық округінде археологиялық қазба жұмыстары аяқталды. Ғалымдар қола дәуірінің Ақбәйбіше қорымына тиесілі бес жерлеу орындарын тапты.Археологтар тапқан жәдігерлердің бәрі қола дәуіріне жататындығын радиокөміртекті талдау растады.Табылған бес қорымның үшеуі ауыл арасындағы жолда, ал екеуі ен далада болды. Барлық жерлеу орындары тоналған, бірақ ғалымдар әлі де қызықты артефактілерді таба алды. Олардың ішінде сол кезеңдегі өте сапалы керамика бөлшектері бар. Бір қызығы, оның құрамындағы саз қазіргі Өспен ауылдық округіне тән, бірақ керамикалық бұйымдарды өндіру технологиясының өзі Орталық Қазақстанның шеберлеріне тиесілі. Бұл әр түрлі аймақтардан келген қолөнершілер тәжірибе алмасып, бір-бірінен үйренді деген болжам жасайды.Сондай-ақ, археологтар эмбрион позасында бассыз көмілген адамның қаңқасын тапты. Бұл сол дәуірде өмір сүрген адамдардың күрделі рухани-мәдени идеялары мен дәстүрлерін көрсетеді.– Біз барлық олжаларды Қарағанды облысы мәдениет, мұрағаттар және құжаттама басқармасының тарихи-мәдени мұраны сақтау орталығына тапсырдық. Сол жерден артефактілер Өспен ауылының мұражай қорына бағытталды. Сол жерде оларды көруге мүмкіндік болады, – дейді экспедиция жетекшісі, "EcoProf KZ" ЖШС ғылыми-зерттеу бөлімінің жетекші археологы Александр Кнутов.Қазір табылған жерлеу орындары қоршалған. Бұл келешекте олжаларды сақтау үшін қажет.Сондай-ақ ғалымдар ХХ ғасырдың басында британдық инженер-конструктор Джон Уилфорд Уорделл салған Сарысу байыту фабрикасының қирандыларын ауадан да егжей-тегжейлі суретке түсірді.– Бұл зауыттың қирандылары мәдениет басқармасына, кейбір жергілікті тұрғындарға, ақпаратты мақсатты түрде зерттеген туристерге белгілі болды. Бірақ нысан танымал болмаған. Біз түсірген суреттер бойынша зауытты қайта құруға, оның архитектурасын іс жүзінде қалпына келтіруге тырысуға болады, – дейді Александр Кнутов.Ғалымдар сонымен қатар Сарысу өзенінің бассейні аймағында археологиялық барлау жүргізді. Нәтижесінде олар қола дәуіріне, ерте темір дәуіріне, орта ғасырларға және қазіргі заманға жататын жаңа нысандарды тапты.Олардың ішінде "мұртты" үлкен тас қорған – тасмола археологиялық мәдениеті. Ол ерте темір дәуіріне жатады және Орталық Қазақстанға тән.Ғалымдар бұл нысандарды зерттеуін жалғастыруды жоспарлап отыр.Фото «EcoProf KZ» ЖШС экспедиция материалдарынан алынғанАқпарат көзі : https://www.gov.kz/memleket/entities/karaganda/press/news/details/893124

Қарағанды облысының әкімі Ермағанбет Бөлекпаев өңір тұрғындарымен жеке қабылдау өткізді. Көптеген мәселелер әлеуметтік сала мен тұрғын үй-коммуналдық шаруашылыққа қатысты болды. Кездесу мемлекеттік құрылымдар мен облыстық басқармалар өкілдерінің қатысуымен өтті.Қабылдауға "Күнгей" ш/а тұрғыны келді. Ол үйінің жанында бітеліп қалған кәрізге қатысты шағым айтты. "Қарағанды Су" бригадасы кәріз құдығын ашып, оның балшықпен бітелгенін анықтады. Бұл желілер кәсіпорынның балансында болмағандықтан, ешқандай жұмыс жүргізілмеген. Қарағанды басшысы Мейрам Кожухов барлық желілерді тазартып, "Қарағанды Су" иелігіне берілетініне уәде берді. Ермағанбет Бөлекпаев желілерді беруді кешіктірмеуді және мәселені қысқа мерзімде шешуді тапсырды.Екінші топтағы мүгедек тұрғын үйге қатысты өтініш білдірді. Қарағанды тұрғыны кезекте бірнеше жылдан бері тұр. Жағдайды қала басшысы Мейрам Кожухов түсіндірді. Ол биыл 400-ге жуық пәтер берілетінін атап өтті. Тұрғын үй кезекке сәйкес беріледі.– Түсініңіз, кезекте тұрғандар көп. Біз пәтерлерді барлық санаттарға пропорционалды түрде береміз. Біз ешкімді айналып өте алмаймыз. Биыл немесе келесі жылдың басында қоныс тойын атап өтетініңізге үміттенеміз, – деді Ермағанбет Бөлекпаев.Мұқият қарауды қажет ететін мәселелер одан әрі шешілуі үшін бақылауға алынды.Ақпарат көзі : https://www.gov.kz/memleket/entities/karaganda/press/news/details/893163

2–6 желтоқсан аралығында Абай атындағы Қарағанды балалар кітапханасы барлық ниет білдірушілерді Германия мәдениеті апталығына шақырады. Кіру тегін.Бағдарламада:2 желтоқсан сағат 12:00-де – Германия мәдениеті апталығының ашылуы: би флешмобы, интерактивті викторина;3 желтоқсан сағат 16:00-де – Plätzchen Рождестволық тоқаш пен Рождестволық етік жасау бойынша шеберлік сабақтары;4 желтоқсан сағат 15:00-де – "Барбара және Германия: қысқы мерекенің сиқыры" ақпараттық мәдени сағаты;5 желтоқсан сағат 12:00-де – "Германияны білесіз бе?” квиз ойыны;6 желтоқсан сағат 12:00-де – "Рапунцель: шытырман оқиға" мультфильм шоуы (Ағайынды Гриммдердің ертегісі негізінде).Апта бойы кітапханада Қарағанды облыстық бейнелеу өнері мұражайы ұсынған картиналардың кітап көрмесі мен экспозициясы өтеді.Кітапхана мекен-жайы: Бұқар жырау даңғылы, 30.Ақпарат көзі : https://www.gov.kz/memleket/entities/karaganda/press/news/details/893149

Әбілқас Сағынов атындағы Қарағанды техникалық университетінің құрама командасы University League – 2024 футзалынан ҚР чемпионатында жеңіске жетті. Жарыс елордалық Sairan Arena спорт сарайында өтті.Студенттер чемпионатына 10 команда қатысты, олар екі топқа бөлінді. Әбілқас Сағынов атындағы ҚарТУ командасы бір рет тең ойын және үш рет жеңіске жетті.– Жартылай финалда біз AITU астаналық командасын 4:1 есебімен жеңдік. Соңғы ойында қарсыласымыз Алматыдан келген Тұран университеті болды. Бірақ біз 5:1 есебімен оларға жеңіске жету мүмкіндігін қалдырған жоқпыз. Тарихта тұңғыш рет Әбілқас Сағынов атындағы ҚарТУ командасы ел чемпионы атанды, – деп атап өтті жаттықтырушы Ерлан Оқасов.Сонымен қатар, қарағандылық ойыншылар жеке сыйлықтарға ие болды. Сонымен, Кирилл Дуров үздік шабуылшы, ал Жарқынбек Рыспеков үздік қақпашы деп танылды.Командалардың тәлімгерлері – дене тәрбиесі кафедрасының аға оқытушысы жаттықтырушы Ерлан Окасов және UEFA жаттықтырушысы Александр Дьяченко.Әбілқас Сағынов атындағы ҚарТУ баспасөз қызметінің ақпараты бойыншаАқпарат көзі : https://www.gov.kz/memleket/entities/karaganda/press/news/details/893207

Биыл қыста Қарағанды саябақтары мен гүлзарларында қысқы демалыс әуесқойлары коньки тебуге жеті мұз айдынына бара алады. Олар ауа-райы қолайлы болған бетте құйылады.Мұз айдындары жолақты және стандартты болады. Олар мерекелік шамдармен безендіріледі. Мұздың жалпы ауданы шамамен 12 мың шаршы метрді құрайды.Әзірге саябақтар мен гүлзарлар басқармасы дайындық жұмыстарымен айналысуда: ағаш тұтқалар жасалады және орнатылады, фотоаймақтар дайындалады және т. б.Дәстүр бойынша желілік мұз айдыны Орталық саябақта болады. Осы маусымда оны батысқа қарай құяды. Саябақ көлінде мұз айдыны болмайды, көл бетінде қарда жүру көліктерімен де жүруге тыйым салынады.Жолақты мұз айдыны Майқұдық саябағында да пайда болады. Ал Пришахтинскіде мұз айдыны Қазақстанның 40 жылдығы саябағында құрылады. Сұрыптау да осы қысқы ойын-сауық түрі ұйымдастырылады.Оңтүстік-Шығыста шағын мұз айдындары екі алаңда – Жеңіс саябағында және "Алаш" алаңында жабдықталады.Қарағанды қаласы әкімдігінің ақпараты бойыншаАқпарат көзі : https://www.gov.kz/memleket/entities/karaganda/press/news/details/893405

Астанада ақылы тұрақ аймағының шекарасында тұрғындардың кейбір санаттары оны тегін пайдалана алады, деп хабарлайды елорда әкімдігінің ресми сайты.Оларға мыналар жатады:- «Алтын қыран» және «Халық қаһарманы» ордендерімен марапатталған тұлғаларға тіркелген көлік құралдары;- «Алтын алқа» және «Күміс алқа» алқаларымен марапатталған немесе бұрын «Батыр ана» атағын алған, сондай-ақ I, II және III дәрежелі «Ана даңқы» ордендерімен марапатталған көпбалалы аналарға тіркелген көлік құралдары;- әскери қызметтен босатылған немесе әскери жиындарға шақырылған, Ауғанстанда және басқа да әскери іс-қимылдар жүргізілген басқа елдерде интернационалдық борышын орындаған, осы көлік құралдарын жүргізетін не осы көлік құралдарында жүрген азаматтарға тіркелген көлік құралдары;- мүгедек балаларға, бірінші және екінші топтағы мүгедек адамдарға, сондай-ақ мүгедек баланың заңды өкілдеріне тіркелген көлік құралдары;- Семей ядролық сынақ полигонындағы ядролық сынақтардың салдарынан зардап шеккен адамдарға тіркелген көлік құралдары;- тиісті тану белгілері, түсті-графикалық бояуы және жазулары бар шұғыл жедел қызметтердің (жедел медициналық көмек, Қазақстан Республикасы Ішкі істер министрлігі, Қазақстан Республикасы Қарулы Күштері Әскери полициясы, Қазақстан Республикасы Ұлттық қауіпсіздік комитеті) көлік құралдары;- Ұлы Отан соғысына қатысушыларға, атап айтқанда, ҰОС кезеңінде әрекет етуші армия мен флоттың құрамына кірген әскери бөлімдерде, штабтар мен мекемелерде қызмет өткерген әскери қызметшілерге, сондай-ақ басқа мемлекеттер аумағындағы әскери қимылдардың ардагерлеріне және жеңілдіктері бойынша Ұлы Отан соғысына қатысушыларға теңестірілген адамдарға тіркелген көлік құралдары.Азаматтардың жеңілдетілген санаттары онлайн режимінде мына сілтеме бойынша өтініш бере алады (https://astanapark.kz/ru/pages/privileges/privileges_add). Автотұрақ тракторларды, өздігінен жүретін машиналарды және өлшемдері коммуналдық ақылы тұрақтардың тұрақ орындарының мөлшерінен асатын көлік құралдарын қоспағанда, механикалық көлік құралдарына ресімделеді.Ол бір пайдаланушыға екі көліктен артық емес тіркеледі. Бұл жәрдемақы ұсынылған медициналық анықтамалар бойынша мүгедектерге беріледі.Ақпарат көзі : https://www.gov.kz/memleket/entities/astana/press/news/details/892636

Шығармашылық үйірмелерге кезекке қабылдау ашылатынын Мемлекеттік шығармашылық тапсырысты іске асыру дирекциясы мәлім етті, деп хабарлайды Астана әкімдігінің ресми сайты.Астана әкімдігінің «Мемлекеттік шығармашылық тапсырысты іске асыру дирекциясы» КММ шығармашылық үйірмелерге кезекке қабылдаудың ашылатынын хабарлайды.Кезекке қабылдау 29 қараша күні кешкі сағат 20:00-де және 30 қараша күні сағат 12:00-де басталады.Ақпарат көзі : https://www.gov.kz/memleket/entities/astana/press/news/details/892653

Қыс мезгілінде Астана тұрғындары мен қонақтарына арнап көптеген ойын-сауық орындары әзірленеді: мұз айдындары, сырғанақтар, сүйкімді шағын архитектуралық мүсіндер, фотоаймақтар және т.б. қаланың 6 ауданында осындай 60-қа жуық орын ашылып, қыс мезгілінде жұмыс істейді деп жоспарланып отыр, деп хабарлайды елорда әкімдігінің ресми сайты.Аудандарда әкімдік балансында бар шыршалар орнатылады. Көшелерді жаңа жылдық безендіру үшін былтырғы гирляндалардың, қондырғылардың және өзге де әшекейлердің бір бөлігі пайдаланылатын болады. Қысқы демалысқа арналған бірқатар қоғамдық кеңістік арнайы тақырыптағы шағын архитектуралық нысандармен және жарық қондырғыларымен безендірілетін болады.Нұра ауданында отбасыларға арналған қысқы ойын-сауық орталық саябақта, «Зеленый квартал» ТК, Үркер тұрғын алабы, Asia Park СОО жанында және «Астана Арена» стадионының аумағында ұйымдастырылады. Аудан аумағында тартымды орындар мен көшелердің безендірілуімен қатар, түнгі жарықтандырумен 40-тан астам шағын сәулет нысаны орнатылатын болады. Сондай-ақ, 4 мұз айдыны жұмыс істейтін болады.Биыл Алматы және Сарайшық аудандарында тұрғындар үшін қолайлы орындар мына мекенжайларда: Қазақ елі алаңы, Оқушылар сарайының аумағы, Президенттік саябақ, Триатлон паркі және «Sana» СК, сол сияқтыы тұрғын алаптардың қоғамдық кеңістіктерінде мұз сырғанақтары мен мұз айдындары орнатылады.Байқоңыр ауданында жаңа жылдық түрлі қондырғылармен және демалыс орындарын ашу арқылы мерекелік атмосфера орнату жоспарланып отыр. Негізгі ойын-сауық нысандары мына орындарда орналасады: «Жастар» сарайының аумағында, Ататүрік атындағы саябақта, Жазушылар аллеясында және т.б. Көше бойында және Ақбұлақ өзені арқылы өтетін көпірде жаңа жылға арналған жарық гирляндалар қою жоспарланып отыр.Есіл ауданында негізгі орындар мерекелік жарықтандырумен және декорациямен безендіріледі. Қонаев және Достық көшелерінің бойындағы, Бәйтеректің периметрі бойында, сондай-ақ Мәңгілік Ел даңғылында, «Ұлытау» ботаникалық бағы мен алаңындағы ағаштар жарық гирляндтармен және басқа да мерекелік элементтермен безендіріледі. Бәйтерек, Нұржол желекжолы, Желілік парк, Астана балет театры сияқты азаматтар үшін тартымды негізгі орындарда және Мәңгілік Ел даңғылының Ұлы дала көшесімен қиылысында жаңа жылдық тақырыпта шағын сәулет нысандары орнатылады. ЭКСПО, Ботаникалық бақ және Пригородный тұрғын алабын қоса алғанда, негізгі алаңдар мен саябақтарда мерекелік шыршалар және т.б. орнатылады.Сарыарқа ауданында жаңа жыл мерекесіне орай Есіл өзенінің жағасында сырғанақтар, мұз айдыны, арнайы тақырыптағы шағын архитектуралық мүсіншелер мен шырша орнатылады, ал қалалық алаңда – үлкен сырғанақ, ауданы 600 ш.м. мұз айдыны және жаңа жылдық фотоаймақтар болады, сол сияқты 13 м тірі шырша безендіріледі. Сондай-ақ, алаңдар, вокзалдар мен негізгі көшелерде әртүрлі шағын архитектуралық мүсіншелер, слайдтар мен жаңа жылдық қондырғылар орнатылады. Бұл бүкіл ауданда мерекелік атмосфера орнатады.Аудандық әкімдіктер қысқы безендіру жұмыстарына шамамен 696,7 млн теңге бөлетін болады, оның ішінде:- Нұра ауданы – 79 млн теңге;- Сарыарқа ауданы – 110 млн теңге;- Алматы және Сарайшық ауданы – 165 млн теңге;- Байқоңыр ауданы – 158,8 млн теңге;- Есіл ауданы – 183,9 млн теңге;Мұз айдындарын, слайдтарды, шағын архитектуралық мүсіншелерді, фотоаймақтарды және басқа элементтерді орнату бойынша монтаждау жұмыстары қараша айының ортасынан басталды. Бұл жұмыстар желтоқсанның екінші онкүндігінде кезең-кезеңімен аяқталатын болады.Ақпарат көзі : https://www.gov.kz/memleket/entities/astana/press/news/details/893126

Астананың орталық саябағындағы шаңғы-роллер трассасында 30 қараша күні бұқаралық шаңғы жарысы өтеді, деп хабарлайды елорда әкімдігінің ресми сайты.Қатысушыларды тіркеу жарыс күні сағат 08.00-ден 09.30-ға дейін өтеді. Ашық ауада барлық жастағы қала тұрғындары мен спорт әуесқойлары шақырылады.Жүгіру қашықтығы 2,5 км болады. Мәре сызығында бәріне естелік медальдар табыс етіледі.Ақпарат көзі : https://www.gov.kz/memleket/entities/astana/press/news/details/893128

Елордада тұрмыстық зорлық-зомбылықты жоюға және балалардың құқықтарын қолдауға бағытталған «Зорлық-зомбылыққа қарсы 16 күндік белсенді әрекет» акциясы басталды, деп хабарлайды Астана әкімдігінің ресми сайты.Елордалық «Қорғау Астана» әйелдер мен балаларды қолдау орталығында жыл басынан бері тұрмыстық зорлық-зомбылықтан зардап шеккен 300-ге жуық әйел психологиялық және заңгерлік көмек алғанын айтты. Сондай-ақ орталықта 238 адам баспана алды, оның ішінде 78 әйел мен 160 кәмелетке толмаған бала бар.Орталықтың негізгі мақсаты – тұрмыстық зорлық-зомбылық құрбандарына, адам саудасының құрбандарына және өмірлік қиын жағдайға тап болған адамдарға қайта әлеуметтенуге көмектесу. Зардап шеккендер дағдарыс орталығында 6 айға дейін тегін тұра алады, тегін тамақтана алады, психологтар мен заңгерлерден тегін кеңес алады.Орталық мамандары зардап шеккендерді сот процестері барысында сүйемелдейді және олардың мүдделерін қорғауға қатысады.«Біз сондай-ақ жеке басын куәландыратын құжаттарды рәсімдеуге және қалпына келтіруге көмектесеміз. Қажет болған жағдайда басқа мемлекеттердің азаматтарына Отанына оралу үшін қолдау көрсетеміз», — деп атап өтті «Қорғау Астана» әйелдер мен балаларды қолдау орталығының басшысы Анна Рыль.Сонымен қатар, орталық түрлі мекемелерде тұрмыстық зорлық-зомбылықтың алдын алу тақырыбында тренингтер өткізеді.«Қорғау Астана» дағдарыс орталығы тегін және жасырын түрде көмек көрсетеді. Орталыққа +77028929777 нөмірі бойынша хабарласуға болады.Естеріңізге сала кетейік, жыл сайынғы «Гендерлік зорлық-зомбылыққа қарсы 16 күндік белсенді әрекет» халықаралық науқаны дәстүрлі түрде 25 қараша күні, яғни әйелдерге қатысты зорлық-зомбылықты жою үшін халықаралық күрес күнінде басталып, 10 желтоқсанда, адам құқықтары жөніндегі халықаралық күні аяқталады.Ақпарат көзі : https://www.gov.kz/memleket/entities/astana/press/news/details/893187