Жалпыға бірдей декларациялау шеңберде декларацияны тапсыру мерзімінің аяқталуына 7 күн қалды! 15 қыркүйекте Жалпыға бірдей декларациялаудың шеңбердедекларацияны тапсыру мерзімі аяқталады!    Салық міндеттемелерін уақтылы орындау үшін алдын ала декларация тапсыруын сұраймыз.Ақпарат көзі : https://www.gov.kz/memleket/entities/kgd-akmola/press/news/details/1064238?lang=kk

Елорданың аумақтық қорғаныс бригадасында запастағы 17 офицер, 73 сержант және қатардағы жауынгерлер он күн бойы қарқынды дайындықтан өтеді.Бағдарламаға тактикалық, атыс, саптық, медициналық және инженерлік дайындық сабақтары кіреді. Взводтар мен роталар құрамындағы іс-қимылдарды үйлестіруге, төтенше жағдайлар кезінде міндеттерді орындауға, одан басқа инфрақұрылымның маңызды объектілерін қорғауға ерекше назар аударылады.– Әскери жиындар – ұлттық қауіпсіздік жүйесінің маңызды элементі. Біз әскери міндеттілердің қызмет барысында алған білімдері мен дағдыларын өзектендіріп қана қоймай, оларды аумақтық қорғаныстың заманауи талаптарына сәйкес әрекет етуге үйретеміз, – деп атап өтті Астана қаласының қорғаныс істері жөніндегі департаментінің бастығы полковник Фархат Құрманғажинов.Жиынға қатысушылар түрлі маман өкілдері: инженерлер, жүргізушілер, педагогтар, кәсіпкерлер, мемлекеттік қызметшілер. Олардың бәрі дайындықтан өту және елдің қорғаныс қабілетін нығайтуға үлес қосу үшін жұмыс орындарын уақытша тастады.Қатысушылар арасында квазимемлекеттік сектордың қызметкері, запастағы аға лейтенант Бауыржан Тәттімбеков те бар. Ол үшін бұл екінші жиын – алғаш рет 2018 жылы Құрлық әскерлерінің әскери институтында өткен жиынға қатысқан.– Жиын – дағдыларды қалпына келтіруге және жаңа білім алуға тамаша мүмкіндік. Мұндай шара мен үшін елдің қауіпсіздігіне нақты үлес қосудың тәсілі. Біз Отанды кез келген уақытта қорғауға дайын болуымыз керек, – деді Б.Тәттімбеков.Жиын 17 қыркүйекке дейін жалғасады. Қолданыстағы заңнамаға сәйкес әскери міндеттілер үшін әскери жиындардан өту кезеңінде жұмыс орны мен орташа жалақы сақталады.Ақпарат көзі : https://www.gov.kz/memleket/entities/mod/press/news/details/1064272?lang=kk

2025 жылғы 9–10 қыркүйекте Мәскеу облысының Красногорск қаласында Алматы облысы Әкімдігі делегациясының қатысуымен Халықаралық реверстік көпсалалы бизнес-миссия өтеді.Негізгі алаң Мәскеу облысы Үкімет үйі (Құрылысшылар бульвары, 1) болады. Мұнда екі өңірдің кәсіпкерлері арасында сатып алу сессиялары мен B2B-кездесулер ұйымдастырылады.Бизнеске жаңа мүмкіндіктерІс-шара аясында Мәскеу облысының компаниялары өз өнімдерін қазақстандық сатып алушыларға тікелей ұсыну мүмкіндігіне ие болады. Бағдарламада келіссөздер мен презентациялар қарастырылған, бұл тараптарға ынтымақтастық шарттарын талқылап, жаңа экспорттық келісімдер жасауға жол ашады.Кемінде 12 қазақстандық сатып алушының қатысуы күтілуде. Тікелей пікір алмасу форматы ұзақ мерзімді әріптестік орнатуға қолайлы жағдай жасайды.Жоғары деңгейдегі қолдауБизнес-миссияның іскерлік бағдарламасына Мәскеу облысының губернаторы Андрей Воробьёвтың қатысуымен бірқатар іс-шаралар кіреді. Бұл Ресей мен Қазақстан арасындағы стратегиялық әріптестіктің маңыздылығын көрсетеді.Қазақстан – негізгі әріптесҚазақстан Республикасы тұрақты экономикалық өсім көрсетіп, экспорт үшін перспективалы бағыт болып табылады. Инвестициялық климаттың қолайлылығы, мәдени жақындық және орыс тілінің кеңінен қолданылуы бизнесті дамытуға тиімді жағдай туғызады.Қатысу шарттарыҰйымдастырушылар экспортқа жұмыс істеп жүрген немесе шетелдік нарыққа шығуды жоспарлап отырған Мәскеу облысының компанияларын қатысуға шақырады. Ол үшін өнім мен компанияға қатысты презентация дайындау қажет.Ақпарат көзі : https://www.gov.kz/memleket/entities/almobl/press/news/details/1064045?lang=kk

2025ж. 05.09. Солтүстік-Қазақстан облысы Әділет департаментінің сот орындаушыларының қызметін реттеу және бақылау бөлімімен Халық арасында «Жеке сот орындаушысының лицензиясын алуға үміткер тұлғалардың атестациялау» тақырыбына брошюралар таратылды.Ақпарат көзі : https://www.gov.kz/memleket/entities/adilet-sko/press/news/details/1064112?lang=kk

Борыш жүктемесінің коэффициенті (БЖК) – Қазақстандағы банктер мен микроқаржы ұйымдары (МҚҰ) қарыз алушының қаржылық жағдайын бағалап,  қарызды мақұлдау немесе қарыз беруден бас тарту туралы шешім қабылдайтын негізгі көрсеткіштердің бірі.Кредиторлар үшін БЖК – адамның борыш міндеттемелерін қаншалықты атқара алатынын айқындау тәсілі. Бұл көрсеткіш неғұрлым жоғары болса, қарыз алушының қарыздарын уақытында төлей алмау қаупі соғұрлым жоғары болады. Тиісінше, банктің немесе МҚҰ-ның жаңа қарызды мақұлдау ықтималдығы соғұрлым төмен болады.Коэффициент қалай есептеледі?БЖК-ні есептеу үшін кредиттер бойынша ай сайынғы төлемдердің жалпы сомасын қарыз алушының орташа айлық кірісіне бөлу керек.Есепке мынадай барлық міндетті төлемдер кіреді: ипотека, автокредит, тұтынушылық қарыздар, микрокредиттер, тіпті олардың пайдаланылуы немесе пайдаланылмауына байланыссыз кредит карталары бойынша лимиттер. Бұл ретте соңғы 6 айдағы кіріс есепке алынып, ресми және құжат жүзінде расталған ақша түсімдерін (жалақы, зейнетақы, ДК кірістері және т.б.) қамтиды.Заңнамада БЖК-нің қандай мәні белгіленген?Банктер мен МҚҰ-да кредиттер ресімдейтін азаматтар үшін БЖК-нің шекті мәні 0,5-ті құрайды, яғни ай сайынғы төлем қарыз алушының  ай сайынғы кірісінің жартысынан аспауға тиіс.Жоғары кредиттік жүктеме несімен қауіпті?Тым жоғары БЖК жаңа кредиттер беруден бас тартуларға, жоғары пайыздық мөлшерлемелерге, мерзімді кешіктіруге және кредиттік тарихтың нашарлауына, сондай-ақ тығырыққа тірелу қаупіне әкеп соқтыруы мүмкін.БЖК-нің қалай есептелетінін біле отырып, қарыз алуға өтіні беруге алдын ала дайындалуға және қаржы ұйымының шешіміне болжам жасауға болады.Көптеген пайдалы материалды Fingramota.kz сайтынан алуға болады.Сыртқы коммуникациялар басқармасыpress@finreg.kzАқпарат көзі : https://www.gov.kz/memleket/entities/ardfm/press/news/details/1064129?lang=kk

Бангкок, 2025 жылғы 9 қыркүйек – Бүгін Қазақстан Республикасының Таиланд Корольдігіндегі Елшісі Марғұлан Баймұхан Дүниежүзілік буддистер бауырластығының (WFB) президенті Фаллоп Тайаримен кездесті.Cұхбат барысында Елші Бауырластыққа көп жылғы жемісті серіктестік үшін терең ризашылығын білдіріп, жаһандық деңгейде бейбітшілікті нығайтудағы және конфессияаралық диалогты ілгерілетудегі буддизмнің басты рөлін атап өтті.Сондай-ақ М.Баймұхан Қазақстан Президенті Қасым-Жомарт Тоқаевтың 2025 жылғы 8 қыркүйекте жариялаған жыл сайынғы Жолдауының негізгі ережелерімен таныстырды, онда заманауи сын-қатерлер жағдайында бірлік, тұрақтылық пен дінаралық келісімді сақтауға ерекше назар аударылды.Тараптар 2025 жылғы 17-18 қыркүйекте Астанада өтетін «Діндер диалогы: болашаққа синергия» тақырыбындағы Әлемдік және дәстүрлі діндер лидерлерінің VIII съезіне буддистік делегацияның алдағы қатысуын да талқылады. Бұл іс-шара өзекті жаһандық мәселелерді шешу үшін әртүрлі конфессия өкілдерінің ынтымақтастығының айрықша маңыздылығын атап көрсетеді.Дүниежүзілік буддистер бауырластығының президенті Фаллоп Тайари өз кезегінде Қазақстанға түрлі діни ағымдар мен дәстүрлер арасындағы өзара түсіністікті нығайтуға бағытталған бастамаларды дәйекті қолдағаны үшін алғысын білдірді.Анықтама: 1950 жылы Таиландтың Бангкок қаласында негізі қаланған Дүниежүзілік буддистер бауырластығы (WFB) ең көне және ең беделді халықаралық буддистік ұйымдардың бірі болып табылады. WFB штаб-пәтері Бангкокта орналасқан, бұл Тайландтың жаһандық буддистік ынтымақтастықты үйлестірудегі басты рөлін көрсетеді. Ұйым 40-тан астам елден 200-ден астам буддисттік бірлестіктерді, монастырьларды және білім беру орталықтарын біріктіреді, олар Азиядағы буддизмнің дәстүрлі орталықтарын да, Еуропа, Америка және Африкадағы буддисттік қауымдастықтарды да білдіреді.Ақпарат көзі : https://www.gov.kz/memleket/entities/mfa-thailand/press/news/details/1064226?lang=kk

Бүгін Мемлекет басшысы Қасым-Жомарт Тоқаев Қазақстан халқына жыл сайынғы дәстүрлі Жолдауын жариялады. Ел дамуының жаңа кезеңін айқындайтын маңызды құжатта білім, ғылым, технология, экономика сынды басым бағыттар кеңінен қамтылды. Жолдауды тыңдауға еліміздің әр өңірінен түрлі сала мамандары арнайы шақырылды. Солардың бірі – Шымкент қаласының тұрғыны, педагог мамандығының иесі Марат Таңсықбаев.Алғаш рет Президент Жолдауына қатысқан ұстаз өз әсерімен бөлісіп, бұл басқосу оның кәсіби болашағына тың серпін бергенін айтты.— Мен үшін ең әсерлісі — білім саласына және жаңа технологияларға, оның ішінде жасанды интеллектке берілген ерекше назар болды. Президент бұл саланың ел экономикасы үшін маңызды қозғаушы күш екенін атап өтіп, жасанды интеллектті оқу процесіне енгізу қажеттігін баса айтты. Сонымен қатар, мұғалімдердің де осы бағытта біліктілігін арттыруы керек екенін жеткізді. Бұл сөздер мені жігерлендірді, өйткені жасанды интеллект тек техникалық сала мамандарына ғана емес, біз – педагогтар үшін де тиімді құрал бола алады, – деді Марат Таңсықбаев.Оның пікірінше, Жолдауда көтерілген мәселелер әсіресе білім беру сапасын арттыруға бағытталған. Жасанды интеллект көмегімен оқу бағдарламаларын жаңғырту, оқушылар мен студенттердің қабілетін ашу жолдарын жетілдіру – қазіргі заман талабына сай бастамалар.Педагогтың айтуынша, жасанды интеллект арқылы оқу процесін жекелеп жүргізу, әр оқушының жеке қабілетін ескере отырып білім беру – мұғалімдер үшін тиімді құрал әрі үлкен көмекші.— Президенттің бүгінгі Жолдауы барша ұстаздар үшін үлкен мотивация болды деп есептеймін. Ел болашағы – білімді жастар мен білікті мамандардың қолында екенін тағы бір мәрте түсіндім. Мен де өз тарапымнан жасанды интеллектті қолдана отырып, оқыту әдістерімді жаңартуға бар күшімді саламын, – деді ол.Айта кетейік, Мемлекет басшысы Жолдауда білім және ғылым саласына ерекше басымдық беріп, жасанды интеллект пен жаңа технологияларды енгізу арқылы заманауи әрі сапалы білім беру жүйесін қалыптастыру қажеттігін атап өтті. Бұл бағыттағы нақты тапсырмалар алдағы уақытта іске асырылуы тиіс.

Президент Қасым-Жомарт Тоқаев бүгін «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына жыл сайынғы Жолдауын жариялады. Мемлекет басшысы цифрлық трансформацияға, инвестицияларды жаңғыртуға, жаһандық желіге қосылуға және институционалдық жаңартуға бағытталған өршіл реформалар бағдарламасын ұсынды.Жолдаудың негізінде Қазақстанның жасанды интеллект дәуірінде көшбасшы болуға деген шешімі жатыр. Президент Қ.Тоқаев жасанды интеллект және цифрлық даму жөніндегі жаңа министрліктің құрылғанын жариялады, оны Премьер-министрдің орынбасары деңгейіндегі басшысы басқарады. Жаңа ведомство Қазақстанның "үш жыл ішінде толық цифрлық елге" көшу үрдісін басқарады. Президент жасанды интеллект, үлкен деректер және платформалық экономиканы қамтитын кешенді цифрлық кодексті ертерек қабылдауға шақырды және Үкіметке жасанды интеллекттің экономиканың барлық салаларына толық интеграциялануын қамтамасыз етуді тапсырды."Жасанды интеллект енді абстрактты ұғым емес", - деді Тоқаев. "Бұл қазірдің өзінде адамдардың, әсіресе жастардың дүниетанымы мен мінез-құлқына әсер етеді. Біз бұл шындыққа дайын болуымыз керек. Қазақстанда бұл трансформацияны қабылдаудан басқа балама жоқ". Ол сондай-ақ қаржылық инновациялар туралы сөз қозғап, стратегиялық крипто резервін құру үшін мемлекеттік цифрлық активтер қорын құруды жариялады және финтехті ынталандыру және нарықтың жаңа қатысушыларын тарту үшін жыл соңына дейін жаңа банк туралы заңын қабылдауға шақырды.Президент цифрлық қайта құрулармен қатар инвестициялар мен экономиканы жаңғыртуға да баса назар аударды. Ол шамадан тыс бюрократия тиімділікке нұқсан келтіретінін атап өтіп, Қазақстанда инвестициялар тарту жүйесін жаңартуға шақырды. "Инвестицияларды тарту - бұл жаңа тәсілдерді қажет ететін басымдық", - дей келе ол Премьер-министр бұл процесті бақылауға тікелей жауапты екенін атап өтті. Қ.Тоқаев сонымен қатар жергілікті билік органдарын экономикалық көрсеткіштері үшін жауапкершілікке тарту үшін өңірлердің инвестициялық тартымдылық индексін енгізуді ұсынды және Ұлттық қордың рөлін қайта қарастыруға шақырды. "Қордың ресурстары нарықтық әлеуеті жоғары перспективалы жобаларды қаржыландыру үшін тиімді пайдаланылуы керек", - деді ол.Көлік және логистика маңызды орын алады, өйткені Қазақстан Еуропа мен Азия арасындағы өмірлік маңызды көпір ретіндегі рөлін нығайтуды жалғастыруда. Тоқаев "Шығыс–Батыс дәлізі үшін ерекше маңызы бар" деп сипаттаған Достық-Мойынты темір жолының құрылысы жақын арада аяқталатынын жариялады және басқа да негізгі теміржол желілерінде уақтылы ілгерілеуге уәде берді. Ол қазан айына дейін жеке операторларға кедендік және логистикалық инфрақұрылымға тең автоматтандырылған қол жеткізуді қамтамасыз ететін Smart Cargo бірыңғай цифрлық кедендік-логистикалық платформасы іске қосылуының қажеттігін мәлімдеді. Авиация саласында ол шетелдік серіктестермен ұлттық жүк тасымалдаушысын құру және жаңа әуежайларды жаһандық логистикалық тізбектерге біріктіру туралы ұсыныспен нығайтылған Қазақстанның Еуразиялық кеңістіктегі жетекші хаб болуға деген стратегиялық ұмтылысын растады.Сыртқы саясат саласында Президент Қ.Тоқаев теңгерімділік пен сындарлы өзара іс-қимылдың маңыздылығын атап өтіп, Қазақстанның көпвекторлы бағытын растады. Ол жақында өткен жоғары деңгейдегі саммиттердің нәтижелерін, соның ішінде Аляскадағы Ресей-Америка диалогын және Әзербайжан мен Армения арасындағы бейбіт күш-жігерді құптап, Қазақстанның Қытаймен, Түркиямен, Орталық Азия елдерімен, Еуропалық Одақпен және Америка Құрама Штаттарымен өсіп келе жатқан серіктестігін атап өтті. Мемлекет басшысы Біріккен Ұлттар Ұйымын, атап айтқанда оның Қауіпсіздік Кеңесін реформалау қажеттілігін атап өтті. "БҰҰ-ның әлі де баламасы жоқ, - деді ол, - бірақ реформа, ең алдымен, оның негізгі органы-Қауіпсіздік Кеңесін реформалау пісіп жетілді". Ол БҰҰ Бас Ассамблеясының Нью-Йорктегі алдағы сессиясы барысында Қазақстанның жаһандық реформаға көзқарасын білдіретінін айтты.Президент сонымен қатар ұзақ мерзімді саяси салдары болатын ірі институционалдық реформа жүргізуді ұсынды. Ол бір палаталы парламентке көшуді ұсынды және бұл мәселе 2027 жылы ұлттық референдумда шешілудің тиістілігі атап өтілді. Қ.Тоқаев бұл процесс ашық және консультативтік сипатта болуы керек деп талап етті: "Мен осындай тағдырлы мәселелер бойынша халықпен ашық диалог жүргізу қажет екеніне сенімдімін. Сонда ғана біз әділ және күшті Қазақстанды құру жолымен алға жылжи аламыз".Президент сондай-ақ ауқымды ұлттық басымдықтарды белгіледі. Оларға Алатау қаласына жаңа инновациялық орталық ретінде ерекше мәртебе беру, жыл соңына қарай жаңа құрылыс кодексін қабылдау, жер ресурстарының бірыңғай цифрлық картасын құру және азық-түлік қауіпсіздігі мен су ресурстарын басқару саласындағы ұзақ мерзімді стратегияларды іске асыру жатады. Ол Арал теңізін қалпына келтіруді жалғастыруға, Каспий теңізін сақтау бойынша бірлескен күш-жігерге және озық су үнемдеу технологияларын жедел пайдалануға шақырды. Әлеуметтік саясат саласында Қ.Тоқаев зейнетақыны нығайту, денсаулық сақтауды кеңейту және қаржылық сауаттылықты арттыру жөніндегі шаралармен қатар тұрақтылық пен әділдікті қамтамасыз ету үшін Қазақстандағы жәрдемақылардың кең жүйесін реформалауға шақырды. Ол сондай-ақ жасанды интеллектті мектеп бағдарламаларына интеграциялау және ауыл оқушыларына цифрлық оқытуды кеңейту бағдарламаларын бөліп көрсете отырып, келесі ұрпақты жасанды интеллект дәуіріне дайындаудағы білімнің рөлін атап өтті.Президент Қ.Тоқаев өз сөзін қорытындылай келе, Қазақстандағы жаһандық өзгерістердің негізі болып табылатын заңның, тәртіп пен патриотизмнің біріктіруші қағидаттарын атап өтті. "Егер біздің халқымыз біртұтас болса және ішкі жағдай тұрақты болса, біз барлық қиындықтарды еңсеріп, кез келген сынақтарға төтеп береміз", - деді Мемлекет басшысы.Ақпарат көзі : https://www.gov.kz/memleket/entities/mfa-roma/press/news/details/1064026?lang=kk

Астана, 2025 жылғы 4 қыркүйек – Қазақстан Республикасы Сыртқы істер министрінің орынбасары Әлібек Қуантыров АҚШ-тың сауда миссиясы аясында елімізге келген жетекші америкалық компаниялардың өкілдерімен кездесті. Келіссөздер барысында тараптар іске асырылып жатқан және перспективалы жобалардың жай-күйін, сондай-ақ америкалық компаниялардың қазақстандық нарықтағы қызметін кеңейту мәселелерін талқылады.Кездесу барысында «Honeywell» компаниясының өкілдері қазірдің өзінде Қазақстанда төрт кәсіпорын арқылы жұмыс істеп жатқанын және студенттерге арналған екі білім беру бағдарламасын ашқанын хабарлады. Жақын болашақта компания елдегі қызметін кеңейтуді жоспарлап отыр.«Apple» мен «Meta» деректер орталықтарын дамыту мәселелерін көтеріп, инфрақұрылымдық және реттеуші мәселелерді шешуге қолдау көрсетуін сұрады.«The Coca-Cola Company» Шымкентте зауытты іске қосқанын және Ақтөбе облысында тағы бір кәсіпорын салуды жоспарлап отырғанын хабарлап, мемлекеттік органдар тарапынан қолдау көрсетуге мүдделілік білдірді.«Boeing» Қазақстандағы қызметін кеңейту жоспарларын, соның ішінде авиация саласында жергілікті мамандарды оқыту және даярлау бағдарламаларын таныстырды.Бірқатар америкалық компаниялар өндіріс ашу және сауда бағыттарын дамыту арқылы Қазақстан нарығына шығуға қызығушылық білдірді.АҚШ Сауда палатасының аға вице-президенті Хуршид Чокси Қазақстанның америкалық бизнес үшін өңірдегі негізгі серіктес болып қала беретінін және индустрияландыру, инновациялар мен логистика салаларында жаңа инвестициялық мүмкіндіктер ашатынын атап өтті.Ә.Қуантыров америкалық компаниялардың Қазақстанға жоғары қызығушылығын атап өтті: «Біз америкалық бизнестің Қазақстанмен ынтымақтастықты кеңейтуге деген айтарлықтай ұмтылысын көріп отырмыз. Келесі жылы ашылатын Алматы-Нью-Йорк тікелей әуе рейсі, біздің қатынастарымыздың деңгейін ескерсек, көптен күткен қадам. Ол серіктестіктің дамуына қосымша серпін беріп, бизнес үшін жаңа мүмкіндіктер ашады», – деді ол.Кездесу қорытындысы бойынша тараптар айтылған бастамаларды жан-жақты пысықтауды жалғастыруға және жобаларды барынша тез практикалық іске асыруға жан-жақты қолдау көрсетуге уағдаласты.Ақпарат көзі : https://www.gov.kz/memleket/entities/mfa-washington/press/news/details/1064027?lang=kk

Бүгін ұлт ұстазы, Алаш қозғалысының қайраткері, қазақ әдебиеті мен әдебиеттану ғылымының, тіл білімінің атасы әрі реформаторы Ахмет Байтұрсынұлының туған күні.  Қостанайда осыған орай және қазақ руханиятының тағы екі алыбы – Абай Құнанбайұлы және Міржақып Дулатұлына арналған мерекелік іс-шара өтті. Қазақстан халқы тілдері күні аясында ұйымдастырылған басқосуда ұлттың ұлы тұлғаларының еңбегі дәріптеліп, олардың қалдырған асыл мұрасы бүгінгі ұрпаққа жеткізілді.https://qostanaitv.kz/kz/news/28657 Ақпарат көзі : https://www.gov.kz/memleket/entities/kostanai-madeniet/press/news/details/1064030?lang=kk

Ар-Рияд, 2025 жылғы 8 қыркүйек – Қазақстанның Сауд Арабиясындағы Елшісі Мадияр Меңілбеков Корольдіктің Сыртқы сауда бас басқармасы (GAFT) басқарушысының м.а. Әбделазиз Әл-Сакранмен келіссөздер жүргізді.Кездесу аясында қатысушылар өзара іс-қимылдың өзекті мәселелерін қарастырып, сауда-экономикалық ынтымақтастықты ілгерілетуге бағытталған алдағы бірлескен іс-шараларды талқылады.Тараптар екі ел арасындағы тауар айналымының ұлғаюының оң серпінін атап өтті. Атап айтқанда, 2025 жылғы қаңтар-шілде айларында екіжақты сауданың көлемі 7,1 млн. АҚШ долларына жетіп, өткен жылдың сәйкес кезеңімен салыстырғанда 25%-ға өсті.Осы тұрғыда, сұхбаттасушылар өзара ықпалдастықты арттыру үшін елеулі әлеуетті атап өтіп, тауар айналымын және экспорттық тауарлар номенклатурасын нығайту жөніндегі жұмысты жалғастыру, сондай-ақ қос елдің бизнес өкілдеріне нақты қолдау көрсету туралы уағдаласты.2019 жылы САК Министрлер Кеңесінің қаулысымен құрылған Сыртқы сауда бас басқармасы (GAFT) қаржылық және әкімшілік жағынан тәуелсіз мемлекеттік ұйым болып табылады және сыртқы сауда саласында кең өкілеттіктерге ие. Өз қызметі шеңберінде «GAFT» Корольдіктің сыртқы сауда саясаты мен стратегиясын әзірлейді, мемлекеттік және жеке сектордың қызметін үйлестіреді, аймақтық және халықаралық сауда ұйымдары мен форумдардағы мемлекеттің мүдделерін қорғайды.Ақпарат көзі : https://www.gov.kz/memleket/entities/mfa-riyadh/press/news/details/1064031?lang=kk

Бразилиа, 2025 ж. 7 қыркүйек - Бразилиа қаласында 1–7 қыркүйек аралығында Латын Америкасында алғаш рет ушу-саньда (жекпе-жек) және ушу-таолу (техникалық әрі хореографиялық элементтер) бойынша жарыстар өтті. Бразилия астанасы кунг-фу мен ушудың халықаралық орталығы ретінде танылып жүр. Жарыс, Бразилия ушу-кунгфу конфедерациясы Спорт және демалысты ұйымдастыру департаментінің қолдауымен ұйымдастырды.Аталған чемпионатқа 77 елден 800-ден астам спортшы қатысты. Қазақстан құрамасы жарысқа жеті спортшымен қатысып, жүлделі орындарға ие болды. Атап айтқанда, Тұрсынқұлов Нұрсұлтан 100 кг (абсолюттік салмақ) санатында бірінші орынға, ал Аблағатов Әлижан 70 кг (ушу саньда) салмақ дәрежесінде екінші орынға ие болды.Анықтамалық: соңғы жылдары Бразилиа жасөспірімдер арасындағы әлем чемпионатын (2018), Панамерика чемпионатын (2022), сондай-ақ бірнеше Бразилия чемпионатын қабылдап, ұйымдастыру деңгейі мен жоғары техникалық шеберлігі үшін жоғары бағаланып жүр.  Ақпарат көзі : https://www.gov.kz/memleket/entities/mfa-brazil/press/news/details/1064032?lang=kk

🥉 Қазақстанның тарихи жеңісі – Жаһандық садақ ату чемпионатындаҚазақстан әйелдер құрамасы тарихта алғаш рет садақ атудан әлем чемпионатында қола медаль жеңіп алды. Жарыс 2025 жылғы қыркүйек айында Оңтүстік Кореяның Кванджу қаласында өтті.Жарыс қорытындысы:🥇 1 орын — Мексика құрама командасы 🇲🇽🥈 2 орын — АҚШ құрама командасы 🇺🇸🥉 3 орын — Қазақстан құрама командасы 🇰🇿Адель Жексенбинова, Виктория Лян және Роксана Юнусова құрамындағы әйелдер командасы жоғары шеберлікті және табандылықты көрсетті. Жолда олар Польша, Эстония, Ұлыбритания және Италия командаларын жеңіп, алғаш рет ел тарихында жартылай финалға шығып, қола медальға қол жеткізді.Бұл тарихи жетістік спортшыларымыздың жоғары кәсібилігінің және бапкерлер құрамының жанқиярлық еңбегінің нәтижесі болып табылады. Әсіресе, команда дайындығына және Қазақстанда садақ атуды дамытуға зор үлес қосқан Жолдыбаев Бауржан Сағынбайұлына ерекше алғыс білдіріледі.Бұл жеңіс еліміздің әлемдік аренадағы беделін арттырып, Қазақстандағы садақ ату спортының дамуына жаңа серпін береді және ұлттық мақтаныштың себебі болып табылады.Қазақстан Республикасының Пусан қаласындағы Бас консулдығы спортшыларымызды және бапкерлер құрамын осы тамаша жетістікпен шын жүректен құттықтайды және алдағы уақытта да Отанымыздың абыройын асқақтататын жаңа жеңістерге сенім білдіреді.Ақпарат көзі : https://www.gov.kz/memleket/entities/mfa-busan/press/news/details/1064034?lang=kk

Аягөз қаласындағы №4 орта мектепте көп балалы отбасылардан шыққан әскери қызметшілердің балаларына мектеп керек-жарақтарын тапсырған Қорғаныс министрінің бастамасын Қарулы күштер түрлерінің, әскер тектерінің, әскери бөлімдердің, мекемелер мен оқу орындарының жеке құрамы қолдады.Барлық гарнизондардағы іс-шаралармен көп балалы отбасылар, ерекше білім беруді қажет ететін оқушылар, ата-аналары қызметтік борышын өтеу кезінде қаза тапқан балалар, жалғызбасты аналар және басқа да санаттағы мұқтаж жандар қамтылды. Бірінші сынып оқушыларына да ерекше назар аударылды. Оларға рюкзактар, кеңсе тауарлары және басқа да қажетті оқу құралдары берілді.– Жалпы қайырымдылық шаралары 1749 баланы қамтыды. Мұндай шараларды өткізуге демеушілер: банк басшылары, жеке кәсіпкерлер, партия қайраткерлері және әскери зейнеткерлер едәуір көмек көрсетті. Әрбір баланың және әрбір отбасының қажеттіліктері мен мұқтаждықтарын білетін отбасымен жұмыс істейтін қызмет басшылары, сондай-ақ әскери қызметшілер де шетте қалмады, – деп атап өтті ҚР Қарулы күштері әскери қызметшілерінің отбасы мүшелерімен жұмыс жөніндегі бөлім басшысы Тәттігүл Смағұлова.Одан бөлек оқу жылы қарсаңында қызметтер балаларға арнап экскурсиялар, кинотеатрларға, мұражайларға және спорттық іс-шараларға бару ұйымдастырды. Астанада әскери қызметшілердің отбасыларымен жұмыс жөніндегі бөлім 300-ден астам әскери қызметшінің балаларын қуыршақ театрына және елордалық циркке тегін апарды.Іс-шаралар әскери қызметшілердің отбасыларын қолдау, жеке құрамның моральдық жағдайын нығайту және ата-аналары Отан қорғау міндеттерін орындайтын балалардың оқуына жағдай жасау мақсатында ұйымдастырылды.Ақпарат көзі : https://www.gov.kz/memleket/entities/mod/press/news/details/1064035?lang=kk

2025 жылғы 8 қыркүйекте Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, Мажарстанның Алматы қ. Бас консулы Саболч Сёке және венгриялық «4iG S&DT» (Space & Defense Technologies) цифрлық технологиялық компаниясының бизнес-даму жөніндегі бас менеджері Ариш Кечкешпен кездесу өткізді.Тараптар цифрлық технологиялар мен инновациялар саласындағы өзара тиімді инвестициялық ынтымақтастықты кеңейту перспективаларын талқылады.Ерекше назар жасанды интеллект, киберқауіпсіздік және спутниктік технологиялар мәселелеріне аударылды.Кездесу қорытындысы бойынша тараптар телекоммуникациялар саласында әрі қарайғы ынтымақтастыққа және бастамаларды ілгерілетуге дайын екендіктерін білдірді.Ақпарат көзі : https://www.gov.kz/memleket/entities/mfa-almaty/press/news/details/1063939?lang=kk

Бүгін Қазақстан Республикасының Бас Прокуроры Берік Асылов Сингапурде өткен Прокурорлардың халықаралық ассоциациясының 30-шы конференциясы мен жалпы жиналысының жұмысына қатысты.Шет елдердің бас прокуратуралары арасында тәжірибе алмасу және ынтымақтастықты нығайтуға арналған бірегей алаң болып табылатын бұл конференцияға 70-тен астам елдің жоғарғы қадағалау органдарының басшылары қатысты.Іс-шара барысында киберқылмысқа қарсы іс-қимыл, цифрлық дәлелдемелерді пайдалану, активтерді қайтару, сондай-ақ қылмыстың жаңа түрлеріне және қауіп-қатерлеріне тиімді әрекет ету мәселелері бойынша сындарлы пікір алмасу өтті.Конференция алаңында Қазақстан Республикасының Бас Прокуроры Б.Асылов пен Сингапур Әділет министрі Э.Тонг Қазақстан Республикасы мен Сингапур Республикасы арасындағы қылмыстық істер бойынша өзара құқықтық көмек туралы келісімге қол қойды.Аталған келісім қылмысқа қарсы күреске, соның ішінде күдіктілер мен айыпталушылардың кінәсін дәлелдейтін айғақтарды жинауға, сондай-ақ заңсыз шығарылған активтерді қайтаруға бағытталған.Қазақстандық қадағалау органы басшысының айтуынша, әлемдік қаржы орталығының алдыңғы қатарындағы және жаһандық сауда-инвестициялық ағындардың негізгі торабы болып саналатын Сингапурмен мұндай келісімнің жасалуы Қазақстан үшін өте маңызды.Бұдан бөлек, Бас Прокурор Сингапурдың Бас Прокурорымен және Ішкі істер министрімен екіжақты кездесулер өткізіп, онда өзекті қылмыс түрлеріне бірлесіп қарсы тұру, озық тәжірибемен алмасу мәселелерін талқылап, әрі қарайғы ынтымақтастықтың нақты қадамдарын белгіледі. Бас прокуратурасының Баспасөз қызметіАқпарат көзі : https://www.gov.kz/memleket/entities/prokuror/press/news/details/1063988?lang=kk

04.09.2025 жылы барлық 14 МКБ-да кәсіпкерлер үшін жаңа Салық кодексінің нормаларын түсіндіру, оның ішінде ЖТС прогрессивті ставкалары, ҚҚС реформалау, арнайы салық режимдерін өзгерту, Салық есептілігі нысандарын 30% - ға қысқарту және т. б. мәселелері бойынша Ашық есік күндері өткізілді.Бұдан басқа, аталған іс-шараны өткізу барысында салық төлеушілер жалпыға бірдей декларациялау және жергілікті салықтар мәселелері, ҚР ҚМ МКК мобильді өнімдерінің функциялары мен артықшылықтары, Amian акциялары, кассалық тәртіп және т.б. туралы толық ақпарат алады.Сонымен қатар, ақпараттық материал таратылады, сыбайлас жемқорлыққа қарсы іс-қимыл бойынша әңгіме жүргізіледі.Ақпарат көзі : https://www.gov.kz/memleket/entities/kgd-karaganda/press/news/details/1063907?lang=kk

ПД Есірткі қылмысына қарсы іс-қимыл басқармасының қызметкерлері Есірткі құқық бұзушылықтарын алдын алу жөніндегі кеңес мүшелерімен бірлесіп, автомобиль көлігі колледжінің жатақханасында профилактикалық рейд жүргізді.Рейдтің мақсаты — студенттерге тыйым салынған заттарды қолданудың қауіптілігін еске салу және жастарды есірткі бизнесіне тартудың алдын алу.«Бүгінгі күннің ең маңызды міндеттерінің бірі – құқық бұзушылықтарды анықтау ғана емес, сонымен қатар түсіндіру жұмыстарын жүргізу. Біз жастарды бұл қауіптен сақтау үшін қолдан келгеннің барлығын жасауымыз қажет», — деді басқарма жедел уәкілі Манат Суентев.Іс-шара барысында полицейлер студенттерге есірткі заттарын қолдану мен таратудың салдары, сондай-ақ қылмыстық және әкімшілік жауапкершілік туралы түсіндіретін жадынамалар мен брошюралар таратты.Сонымен қатар, колледж әкімшілігінің және студенттердің келісімімен жатақхана бөлмелері қызметтік иттің көмегімен тексерілді.«Біз тексеруді алдын ала келістік, бәрі тәртіппен және ешқандай заң бұзушылықсыз өтті. Студенттер өздері белсенділік танытып, сұрақтар қойды. Бұл – олардың бұл мәселеге бейжай қарамайтынын көрсетеді», — деп қосты М.Суентев.Тексеруден кейін ашық әңгіме өткізілді, онда полицейлер студенттердің сұрақтарына жауап беріп, қауіпсіздік пен құқықтық мәселелерге қатысты өзекті тақырыптарды талқылады.#заңментәртіп #законипорядокАқпарат көзі : https://www.gov.kz/memleket/entities/kostanai-kalasy-akimat/press/news/details/1063923?lang=kk

Шара аудан тұрғындарын, еңбек ұжымдарының өкілдерін, жастарды, еріктілер мен белсенді азаматтарды біріктірді.Жалпы жиналу Мәдениет орталығының алдында өтті. Осы жерден қатысушылар белгіленген учаскелерге бөлініп, аумақтарды тазалау мен көгалдандыру жұмыстарына белсене кірісті. Ортақ күш-жігердің арқасында қоғамдық орындар тазаланып, саябақ аймақтары ретке келтіріліп, ондаған ағаш пен бұта отырғызылды.Акцияның негізгі мақсаты – аудан аумағын таза әрі жайлы ету ғана емес, экологиялық мәселелерге назар аудару, табиғатқа және туған жерге ұқыпты қарау мәдениетін қалыптастыру.Алтай ауданының әкімі Ренат Құрманбаев өз сөзінде атап өтті:«Тұрғындар ортақ іске жұмылған кезде ерекше бір бірлік пен жауапкершілік атмосферасы қалыптасады. Сенбілікке қатысып, ауданның экологиялық ахуалын жақсартуға үлес қосқан барша азаматтарға алғыс білдіреміз».Мұндай іс-шаралар экологиялық мәдениетті қалыптастыруға, табиғатқа деген ұқыпты көзқарасты тәрбиелеуге және бұл құндылықтарды жас ұрпаққа жеткізуге септігін тигізеді.Алтай ауданы «Таза Қазақстан» бастамасына белсенді қатысуды жалғастыра отырып, туған өлкемізді біртіндеп таза, жасыл және көрікті етуге бағытталған жұмыстарын одан әрі жалғастырады.Ақпарат көзі : https://www.gov.kz/memleket/entities/vko-altai/press/news/details/1063853?lang=kk

Курчатов қаласының аумақтық сайлау комиссиясы ҚР Конституциясының 30 жылдығына арналған іс-шаралар жоспарын жүзеге асыру мақсатында, 2025 жылғы 8 қыркүйегінде Абай облысы білім басқармасының Курчатов қаласы бойынша білім бөлімінің «№ 2 жалпы білім беретін орта мектебі» КММ оқушыларымен «Жас және болашақ сайлаушылар үшін сайлау квесттерін, іскерлік және зияткерлік ойындарды, пікірталастарды ұйымдастыру» тақырыбында дебаттық кездесу ұйымдастырылды.Іс-шараның мақсаты – оқушылардың азаматтық белсенділігін арттыру, оларды сайлау процесінің маңыздылығымен таныстыру, саяси мәдениетті қалыптастыру, құқықтық сауаттылығын арттыру, сондай-ақ болашақ сайлаушылар ретінде жауапкершілік сезімін дамыту.Дебат барысында қатысушылар сайлау жүйесінің негізгі қағидаларын, демократиялық қоғамдағы әрбір азаматтың дауыс беру құқығы мен рөлін талқылады. Оқушылар пікірталасқа белсенді қатысып, өз көзқарастарын дәлелдеуге, қарсы пікірлерге дәлелді жауап беруді үйренді.Ақпарат көзі : https://www.gov.kz/memleket/entities/abay-kurchatov/press/news/details/1063836?lang=kk