2026ж. 18 ақпанда Солтүстік Қазақстан облысы Әділет департаменті тарапынан облыс нотариустарына арналған қаржылық мониторинг саласындағы заңнаманы сақтау мәселелері бойынша семинар өткізілді. Кездесу барысында нотариустар қаржылық мониторинг жөніндегі уәкілетті органға мәліметтерді жолдау кезінде туындайтын мәселелерді көтерді.Ақпарат көзі : https://www.gov.kz/memleket/entities/adilet-sko/press/news/details/1164807?lang=kk

Израиль тарапынын шақыруы бойынша Қазақстанның мамандар тобы «Innovative Approaches to Special Education» («Арнайы білім берудегі инновациялық тәсілдер) бағдарламасы бойынша оқытудан өтті.Бағдарлама Израильдің Білім беру министрлігі және Аймақтық ынтымақтастық министрлігі ынтымақтастығында жүзеге асырылды, бұл арнайы білімге мұқтаж балаларды оқыту жөніндегі өзара түсіністік туралы Меморандум ережелеріне негізделген. Меморандум 2025 жылғы қарашада Астанада Қазақстан Республикасының Білім министрлігі мен Израильдің Аймақтық ынтымақтастық, Білім, Сыртқы істер министрліктері және Халықаралық ынтымақтастықты дамыту агенттігі арасында қол қойылған.Халықаралық «Innovative Approaches to Special Education» («Арнайы білім берудегі инновациялық тәсілдер») курсы Израиль мемлекетінің Хайфа қаласында, Голда Меир атындағы MASHAV – Carmel Халықаралық оқу орталығында (MCTC) өтті. Оқыту бағдарламасы арнайы және инклюзивті білім беру саласындағы заманауи инновациялық тәжірибелерді зерттеуге, ерекше білімге мұқтаж балаларды оқыту мен қолдаудың тиімді әдістемелерін енгізуге және білім жүйесінің мамандарының кәсіби құзыреттілігін дамытуға бағытталған.Бағдарлама барысында қатысушылар Израильдің инклюзивті білім беру саласындағы озық тәжірибесімен танысты, білім беру мекемелері мен арнайы орталықтарға барды, сонымен қатар сарапшылар мен тиісті мемлекеттік органдардың өкілдерімен кездесулер өткізді.2026 жылғы 12 ақпанда барлық қатысушылардың курсты сәтті аяқтағанын растайтын сертификаттарды тапсыру рәсімі өтті.Курс жоғары кәсіби деңгейде MASHAV, Голда Меир атындағы Халықаралық оқу орталығы (MCTC), Израильдің Аймақтық ынтымақтастық министрлігі және Білім министрлігі ұйымдастырды. Бағдарлама практикалық бағыттылығы, мазмұндық байлығы және жоғары деңгейдегі сараптамалық қолдаумен ерекшеленді.Алынған білім мен практикалық тәжірибе Қазақстанда арнайы және инклюзивті білім беру жүйесін одан әрі дамытуға және жетілдіруге ықпал етеді.Ақпарат көзі : https://www.gov.kz/memleket/entities/mfa-tel-aviv/press/news/details/1164737?lang=kk

Тбилиси, 16 ақпан - ҚР Елшілігінде «Ақсу Drilling» ЖШС басшылығы Айтқали Төлеумағанбетов және Саят Құрманбаевпен кездесу өтті.Әңгімелесу барысында А.Төлеумағанбетов пен С.Құрманбаев Ақтау қаласындағы бас кеңсесімен мұнай-газ ұңғымаларын бұрғылау және жөндеу саласындағы оператор болып табылатын қазақстандық мұнай сервисі компаниясының қызметі туралы хабардар етті. 2026 жылғы қаңтардан бастап Грузия аумағында үнді тапсырыс беруші компаниясының қатысуымен халықаралық жоба шеңберінде тереңдігі 4 мың метрге дейінгі мұнай ұңғымаларын қайта іске қосу және жөндеу бойынша қызметтер көрсету бойынша жұмыстар жүргізілуде. «Ақсу Drilling» үшін аталған жоба қазақстандық технологияларды пайдалануымен алғашқы шетелдік тәжірибе.Өз кезегінде Елші «Ақсу Drilling» басшылығына кәсіби табыс тілеп, қажетті қолдау көрсетуге дайын екенін білдірді. Аталған ынтымақтастық өндірістік кооперацияны дамытудың және Қазақстан мен Грузия арасындағы мұнай саласындағы экономикалық байланыстарды нығайтудың практикалық үлгісі ретінде қарастырылатыны атап өтілді.Кездесу қорытындысы бойынша жұмыс байланыстарын жалғастыру туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa-tbilisi/press/news/details/1164738?lang=kk

Қазақстанның Израильдегі Елшісі Дәулет Ембердиев Иерусалим стратегия және қауіпсіздік институтының (ИИСБ) өкілдерімен кездесу өткізді. Кездесуге институт басшысы, отставкадағы бригадалық генерал Йосеф Купервассер, аға ғылыми қызметкер, профессор Ефраим Инбар және ғылыми қызметкер Александр Гринберг қатысты.Кездесу барысында тараптар Қазақстан мен Израиль арасындағы екіжақты ынтымақтастықтың саяси және сауда-экономикалық салалардағы қазіргі жай-күйі мен даму перспективаларын қарастырды. Сонымен қатар Таяу Шығыстағы өңірлік жағдай, Газа секторындағы соғыстан кейінгі кезеңде халықаралық басқару тетіктерін қалыптастыру мәселелері, оның ішінде «Бейбітшілік кеңесін» құру жөніндегі бастамалар бойынша пікір алмасылды.Д. Ембердиев израильдік сарапшыларды Қазақстанда жүзеге асырылып жатқан саяси реформалар туралы, сондай-ақ еліміздің «Ибраһим келісімдеріне» қосылу және Таяу Шығыстағы жағдайды тұрақтандыруға бағытталған халықаралық бастамаларға, оның ішінде «Бейбітшілік кеңесі» аясында қатысу мәселелері бойынша ұстанымы жөнінде хабардар етті.ИИСБ басшысы Й. Купервассер қазақстандық талдау орталықтарымен ынтымақтастықты кеңейтуге мүдделілік білдірді. Осыған байланысты қазақстандық тарап ИИСБ мен Қазақстан стратегиялық зерттеулер институты (ҚСЗИ) арасында ынтымақтастық туралы меморандум жасасу мүмкіндігін қарастыруды ұсынды. Израиль тарапы бұл бастаманы қолдады.Кездесу конструктивті және достық жағдайда өтті. Тараптар өңірлік проблематика бойынша сараптамалық диалогты жалғастыру және екіжақты өзара іс-қимылды одан әрі дамыту туралы уағдаласты.Ақпарат көзі : https://www.gov.kz/memleket/entities/mfa-tel-aviv/press/news/details/1164741?lang=kk

«Отандастар қоры» КеАҚ қазақ тілін насихаттауды жалғастыра отырып, 2026 жылдың наурыз айынан бастап қазақ тілін үйрету бойынша тегін онлайн курстардың жаңа легін бастайды!Тіл – ұлттың айнасы ғана емес, сіздің өз тарихыңызды терең түсінуге мүмкіндік береді. Бұл курс сіздің мәдени және тілдік деңгейіңізді кеңейтуге көмектеседі.Курсқа қатысушыларға қойылатын талаптары:– Шетелдегі этникалық қазақтар, бұрынғы отандастар, шетелде тұратын Қазақстан Республикасының азаматы болуы шарт;– Жас ерекшелігі маңызды емес;– Қазақ тілін үйренуге және дамытуға қызығушылығы болуы;– Онлайн сабақтарға тұрақты түрде қатысуы;– Негізгі құрал-жабдықтар: интернетке қосылған компьютер немесе смартфон.Курстың артықшылықтарыТілді меңгеру мүмкіндігі:– Қазақ тілінде еркін сөйлеу, жазу және түсіну дағдыларын дамыту;– Тілді меңгеру арқылы жаңа мүмкіндіктерге жол ашады: мемлекеттік қызмет, бизнес, мәдени шараларға қатысу.Тілдік орта қалыптастыру:– Онлайн курстарда тыңдалым, оқылым, жазылым және сөйлеу дағдылары кешенді түрде дамиды.Мәдениетпен танысу:– Тек тілді ғана емес, қазақ халқының мәдениеті мен дәстүрін де үйренуге мүмкіндік береді. Өз-өзіне сенімділік:– Тілді меңгерген сайын, жаңа ортада өз ойын еркін жеткізе алатын деңгейге жетеді, бұл өзіне деген сенімділікті арттырады.Сертификат алу мүмкіндігі. Ол үшін төмендегі шарттарды орындау қажет.Курсты толық аяқтау:        – Барлық сабақтарды толық өту;    – Әр сабақтың тапсырмаларын орындап, тесттерден өту.Қорытынды тест немесе емтихан тапсыру:  – Курсты қорытындылау үшін жалпы білім деңгейін тексеретін емтихан немесе тест тапсыру қажет;   Белсенділік:– Сабақтарға тұрақты қатысып, белсенділік танытқан қатысушыларға беріледі.Неге дәл осы курс?– Сізге арналған интерактивті сабақтар;– Қызықты бейнематериалдар мен әдеби шығармалар.Курсқа қалай тіркелуге болады?Онлайн қазақ тілі курсы түрік және орыстілді аудиторияларда А1, А2, В1, В2 деңгейлерінде үйретіледі.Курсқа тіркелу және қатысу үшін деңгейіңізді анықтайтын тесттен өтіңіз 🔽Орыс тіліндегі тестhttps://docs.google.com/forms/d/e/1FAIpQLSeHSwC1Bh7oodrUEqaCIVwPXmIlR4yGaMOZa2JjlKkVrwQG6Q/viewform?usp=dialog  Түрік тіліндегі тестhttps://docs.google.com/forms/d/e/1FAIpQLScoCUYTiYCmNHLKhoGF12NZ00La_c_xHs51ZX8LP31pJrjjSQ/viewform?usp=dialog   Түрік және орыстілді аудитория үшін:– 25 ұпайға дейін жинағандар - А1 тобы– 50 ұпай аралығында жинағандар - А2 тобы– 75 ұпай аралығында жинағандар - B1 тобы– 75 ұпайдан көп жинағандар - В2 тобына қосылуыңызды сұраймыз. Түрік тілді аудитория үшін Whatsapp группалар:A1:  https://chat.whatsapp.com/LjaLJXMkz8d4G9MuMF3uUy    A2: https://chat.whatsapp.com/Eo9wP7FYd7YLqnBEPDEw4nB1 https://chat.whatsapp.com/JlVlOJjHNZhLsZK2gaeX4HВ2  https://chat.whatsapp.com/JOkqN6WOmRxCnWg96G5X81 Орыс тілді аудитория үшін Telegram группалар:А1: https://t.me/+TmqhiKZHeVJiOWEy  А2: https://t.me/+erC61FUMki00YTAy  В1: https://t.me/+tbNy0C7bOoNlNDA6 В2: https://t.me/+A3V_axFsPp40ZmM6   WhatsApp және Telegram группаға қосылғаннан кейін оқытушының нұсқаулық беруін күтуіңізді сұраймыз. Оқытушы сабақ кестесін барлық қатысушылар тесттен өтіп болғаннан кейін жолдайды. Сабақ кестесі бойынша онлайн қазақ тілі курсы 2026 жылдың  наурыз айынан басталады.Ақпарат көзі : https://www.gov.kz/memleket/entities/mfa-tbilisi/press/news/details/1164743?lang=kk

Марокко Корольдігі Парламенті Кеңесшілер палатасының депутаты Фатима Зугахтың шақыруымен Қазақстанның елшісі Сәулекүл Сайлауқызы Орта Атластағы Фес-Мекнес аймағының Ифран провинциясы мен орталығы Ифран қаласында болып, қызықты әрі мазмұнды кездесулер өткізді.Сапар Азру қаласының Мәдени орталығымен танысудан басталып, одан әрі «Assafae» ауылшаруашылығы кооперативі, Ұлттық гидробиология және балық өсіру орталығы жұмыстарын көру, Ифран қаласы мэрінің орынбасары және Әл -Ахавайн университетінің президенті кездесулерімен жалғасты.Сапар барысында келесі қызықты фактілер назар аудартты:- Қазақ дәстүріндегідей, Мароккода да қонақ келгенде ас алдында және астан кейін қолына су құю дәстүрі сақталған.- Балық өсіру орталығында Каспий теңізінен алынып келінген бекіре балықтарын жасанды түрде өсіріледі. Орталықтағы бекірелер Каспий теңізінде Ресей мен Иран арасындағы миграция кезінде ауланған.- Мароккода  «Барбар» макакалары мекендейді. Бұл приматтар балқарағайлы ормандарда тіршілік етеді және қыс мезгіліндегі суық климатқа жақсы бейімделген.Ақпарат көзі : https://www.gov.kz/memleket/entities/mfa-rabat/press/news/details/1164750?lang=kk

2026 жылғы 17 ақпанда алдағы уақыттағы екіжақты ынтымақтастықты дамыту бойынша күш-жігерді үйлестіру аясында Қазақстан Республикасының Оман Сұлтандығындағы Елшісі Айдарбек Тұматов Оман Сыртқы істер министрлігінің Орталық Азия департаментінің директоры Ахмад Әл-Маскаримен кездесті.Тараптар 2025 жылы жасалған бірлескен жұмыстың елеулі нәтижелері мен табысты өткен сапарларды атап өтті. Ағымдағы жылға арналған жоспарларды талқылау барысында өзара іс-қимылдың қазіргі белсенді қарқынын сақтау жөнінде уағдаластыққа қол жеткізілді. Саяси салада жоғары және ең жоғары деңгейдегі сапарларды ұйымдастыру мәселелеріне ерекше назар аударылды. Бұл екіжақты қарым-қатынастар дамуының жаңа кезеңіне шығуға мүмкіндік береді. Сонымен қатар, екі ел арасындағы шарттық-құқықтық базаны одан әрі қарай кеңейту қажеттілігі айтылды.Сондай-ақ Елші А.Тұматов өзінің сұхбаттасын 2026 жылғы 15 наурызда Қазақстан Республикасының жаңа Конституциясының жобасы бойынша өтетін Республикалық референдум туралы хабардар етті. Бұл іс-шара ағымдағы жылғы елдің негізгі саяси оқиғаларының бірі болмақ. Оман тарапының өкілдері алдағы маңызды іс-шараға қызығушылық танытып, Қазақстандағы конституциялық реформаның осы кезеңінің маңыздылығын атап өтті.Кездесу соңында қазақстандық дипломат Иранның ядролық бағдарламасының мәселесі бойынша осы күндері жүргізіліп жатқан келіссөздер барысында Оманның маңызды рөлін атады.Ақпарат көзі : https://www.gov.kz/memleket/entities/mfa-muscat/press/news/details/1164756?lang=kk

Вена, 2026 жылғы 18 ақпан – ҚР Тұрақты өкілі Мұхтар Тілеуберді ЕҚЫҰ Демократиялық институттар және адам құқықтары жөніндегі бюросының директоры Мария Телалианмен кездесу өткізді.Елші алдағы ү.ж. 15 наурызында өтетін Қазақстан Республикасының жаңа Конституциясын қабылдау мәселесі бойынша республикалық референдумды байқауға қатысуға дайын болғаны үшін БДИПЧ-ке алғысын білдірді. Ол жаңа Конституция жобасының негізгі ережелері туралы ақпарат беріп, ұсынылып отырған конституциялық реформа Қазақстандағы мемлекеттік басқару моделін кешенді жаңғырту болып табылатынын және ҚР Президенті Қ.К.Тоқаев жүргізіп отырған жүйелі саяси реформалардың логикалық жалғасы екенін атап өтті.М.Тілеуберді Конституция жобасын әзірлеу жұмыстары Конституциялық комиссия тарапынан толықтай ашық форматта, азаматтық қоғамның, саяси партиялардың, қоғамдық ұйымдардың және сарапшылар қауымдастығының кең қатысуымен жүргізілгенін атап өтті.Директор Телалиан қазақстандық тарапқа ашықтық танытқаны және конструктивті диалогқа дайын болғаны үшін алғыс айтты. Сондай-ақ ол ү.ж. Астанаға алғашқы сапарын жүзеге асыру ниетін растады.Ақпарат көзі : https://www.gov.kz/memleket/entities/mfa-vienna/press/news/details/1164761?lang=kk

eGov Mobile мобильді қосымшасында тауарларды цифрлық кодтар бойынша тексеру функциясы қолжетімді болды. Жаңа функционал Naqty Onim сервисі негізінде іске асырылып, пайдаланушыларға цифрлық таңбалау жүйесінен мәліметтерге тез және тегін қол жеткізуді қамтамасыз етеді.Қазіргі уақытта пайдаланушылар жалған өнім жиі кездесетін санаттардағы тауарларды, соның ішінде дәрі-дәрмектерді, темекі бұйымдарын және аяқ киімді тексере алады. eGov Mobile қосымшасындағы цифрлық кодты (Data Matrix-коды) сканерлеу арқылы тауардың түпнұсқалығы, өндірушісі, негізгі сипаттамалары және өнімнің шығарылған күні туралы ақпарат көрсетіледі.Қызметті пайдалану үшін:eGov Mobile қосымшасында авторизациядан өтіп, «Сервистер» бөлімін ашу керек;«Naqty Onim» сервисін таңдап, деректерді беруге келісім беру қажет;«Бастау» батырмасын басып, смартфон камерасын Data Matrix кодына бағыттау керек.Сканерлеуден кейін пайдаланушыға тексеру нәтижесі көрсетіледі. Егер цифрлық код болмаса немесе дұрыс болмаса, жүйе тиісті хабарламаны шығарады.eGov Mobile қосымшасындағы тексеру функциясы міндетті цифрлық таңбалауға жататын және Data Matrix коды бар тауарларға қолданылады. Дәрі-дәрмектерді тексеру кезінде өнімнің нақты дәрілік препарат санатына жататыны ескеріледі. Сондай-ақ оның өндірілген күні маңызды: 2024 жылғы 1 шілдеге дейін шығарылған дәрілер міндетті цифрлық таңбалауға жатпайды және сканерлеу кезінде жүйеде көрінбеуі мүмкін. Мұндай жағдайда тексеру нәтижесінің шықпауы тауардың заңсыз немесе жалған екенін білдірмейді.Қазіргі таңда Қазақстанда 2024 жылғы 1 шілдеден бастап шығарылған дәрі-дәрмектер, сондай-ақ барлық темекі өнімдері мен аяқ киім міндетті түрде цифрлық таңбаланады. 2026 жылғы 1 ақпаннан бастап сыра мен мотор майларын таңбалау кезең-кезеңімен енгізіледі, ал 2026 жылғы 1 желтоқсаннан бастап жеңіл өнеркәсіп тауарларына да қолданылады.Сонымен қатар қазір пилоттық режимде биологиялық белсенді қоспалар, медициналық мақсаттағы бұйымдар, тұрмыстық химия, газ баллондар және өсімдік майын таңбалау сынақтан өтіп жатыр. Алдағы уақытта бұл санаттағы тауарларды да заңдылығы мен түпнұсқалығын тексеруге мүмкіндік пайда болады.Жаңа функционал ҚР Жасанды интеллект және цифрлық даму министрлігінің Мемлекеттік қызметтер комитеті, «Ұлттық ақпараттық технологиялар» АҚ және Тауарларды таңбалау және қадағалау жөніндегі бірыңғай оператордың бірлескен жұмысының нәтижесінде іске асырылды.  Ақпарат көзі : https://www.gov.kz/memleket/entities/aqmola-selinograd/press/news/details/1166790?lang=kk

Құрметті Америка Құрама Штаттарындағы Қазақстан Республикасының азаматтары!Сіздерді 2026 жылғы 15 наурызда өтетін Референдумға қатысуға шақырамыз!2026 жылғы 15 наурызда (жергілікті уақыт бойынша сағ. 07:00-ден 20:00 дейін) Америка Құрама Штаттарындағы ҚР Елшілігі жанындағы №381 дауыс беру учаскесінде жаңа Конституцияның жобасы бойынша республикалық референдум өтеді.Елшілік жанындағы № 381 учаскесіндегі тізімге, 18 жасқа толған, АҚШ-та уақытша немесе тұрақты тұратын және ҚР азаматының паспорты, жеке куәлігі бар барлық азаматтар енгізіледі.Референдумға қатысу құқығы бар азаматтардың тізіміне енгізу үшін АҚШ аумағындағы әрбір азамат өзіне қатысты деректерді (аты-жөні, ЖСН, АҚШ-тағы мекенжайы, байланыс нөмірі) consuldc16@gmail.com электрондық поштасына немесе +77712222324 WhatsApp нөміріне жолдау сұралады (ҚР Орталық комиссиясына жолдау мақсатында) және сайлау күні өздеріңізбен бірге ҚР азаматының төлқұжаты (паспорт немесе жеке куәлік, цифрлық құжат түрінде де болады (Egov.kz) болуы қажет.Сұрақтарыңыз болған жағдайда келесі телефон нөмірлеріне хабарласуды сұраймыз:Елшіліктің мекен-жайы: 1401 16th Street NW, Washington, DC 20036, +1-202-232-5488 (ішкі нөмірлер 127, 121).Ақпарат көзі : https://www.gov.kz/memleket/entities/mfa-washington/press/news/details/1169576?lang=kk

Қазақстандық лоукостер FlyArystan 2026 жылғы жазғы маусымдық кесте аясында Батуми – Астана – Батуми жаңа бағытының ашылғанын хабарлайды.Рейстер 2026 жылғы 2 маусым мен 29 тамыз аралығында аптасына екі рет – сейсенбі және сенбі күндері орындалады. Батуми қаласынан ұшу сейсенбі күндері сағат 10:00-де, сенбі күндері сағат 11:00-де жүзеге асырылады. Астана қаласынан кері рейстер сейсенбі күндері сағат 05:45-те және сенбі күндері сағат 06:50-де орындалады.Бір бағытқа әуе билетінің құны 68 000 теңгеден басталады.Астана – бірегей сәулетімен, қарқынды дамуымен және мәдени нысандарымен танымал Қазақстанның заманауи астанасы. Қала халықаралық деңгейдегі іскерлік инфрақұрылымды туристік нысандармен, музейлермен, ұлттық асханамен және заманауи қоғамдық кеңістіктермен үйлестіре отырып, оны іскерлік те, туристік сапарлар үшін де тартымды бағытқа айналдырады.Грузия азаматтары үшін Қазақстанға 90 күнге дейін визасыз режим қолданылады.Әуебилеттерін FlyArystan мобильді қосымшасы арқылы, www.flyarystan.com ресми сайтында, сондай-ақ басқа да қолжетімді сату арналары арқылы брондауға болады. Ең тиімді тарифтерді алу үшін әуе компаниясы сапарды алдын ала жоспарлап, қосымша қызметтерді билетті брондау кезеңінде рәсімдеуді ұсынады. FlyArystan туралы:FlyArystan — Air Astana тобының 100% еншілес компаниясы болып табылатын қазақстандық лоукостер. Ол өз қызметін 2019 жылдың мамыр айында бастады. 2025 жылдың қаңтар айынан бастап FlyArystan өз сертификатымен, FS коды бойынша тәуелсіз әуе компания ретінде қызмет көрсетуде. Әуекомпания Алматы, Астана және Ақтау қалаларында орналасқан базаларындағы заманауи A320 ұшақтарынан құралған әуе паркімен кең ауқымды маршруттар желісі бойынша рейстер орындайды. FlyArystan маршруттар желісі ішкі және халықаралық рейстерді, сондай-ақ чартерлік бағыттарды қамтиды. FlyArystan 2023, 2024 және 2025 жылдары Skytrax World Airline Awards тарапынан Орталық Азия және ТМД-ның ең үздік бюджеттік әуе компаниясы деп танылды.Ақпарат көзі : https://www.gov.kz/memleket/entities/mfa-tbilisi/press/news/details/1164727?lang=kk

Таллинн, 2026 жылғы 18 ақпан – Қазақстанның Эстониядағы Елшілігінде болу елінің мемлекеттік органдардың, қоғамдық-саяси, ғылыми-білім беру, іскерлік және сараптамалық топтар өкілдері үшін алдағы республикалық референдумға арналған брифинг өткізілді.Елші А.Көлгінов қатысушыларды елде жүргізіліп жатқан реформалар туралы хабардар етті. Сондай-ақ ол мемлекеттік биліктің теңгерімді әрі есеп беретін моделін қалыптастыратын жаңа Конституция жобасына жеке тоқталды.Жобада бір палаталы Құрылтайға көшу және Құрылтайда заңнамалық бастама құқығы бар азаматтардың өкілді органы ретінде Халық Кеңесінің құқықтық негіздерін бекіту көзделген.Кездесу барысында Қазақстанның сыртқы саясатына қатысты нормалар түсіндірілді.Конституциялық жаңашылдықтар елдің халықаралық құқық қағидаттарына адалдығын көрсетеді және дамудың жаңа кезеңіндегі ұлттық басымдықтарды ескереді.Қазақстанның саяси жүйесі «Күшті Президент — ықпалды Парламент — есеп беретін Үкімет» тұжырымдамасына негізделген.Қазақстан Президенті Қ.Тоқаевтың елді басқарудың жаңа жүйесін құру туралы түсініктемелеріне ерекше назар аударылды. Негізгі заңдағы өзгерістер билік тармақтары арасындағы өкілеттіктерді қайта бөлуге, тежемелік әрі тепе-теңдік жүйесін нығайтуға, ең бастысы — барлық саяси институттардың тиімділігі мен тұрақтылығын арттыруға мүмкіндік береді.Жаңа Конституция жобасында «мемлекет адам үшін, адам мемлекет үшін емес» қағидаты нақты сипатқа ие болды.Реформаның бастапқы нүктесі Президент Тоқаевтың 2025 жылғы                                8 қыркүйектегі халыққа Жолдауында айтылған бір палаталы Парламентке көшу туралы бастамасы болды.Қорытындылай келе, қатысушылар Қазақстандағы институционалдық өзгерістерді жоғары бағалап, көптеген тұстардың мемлекеттік басқарудың еуропалық стандарттарына ұқсас екенін атап өтті.Кездесу соңында қонақтар Қазақстан Республикасындағы конституциялық трансформация процесінің ашықтығы мен жариялылығына тоқталды.Ақпарат көзі : https://www.gov.kz/memleket/entities/mfa-tallin/press/news/details/1164713?lang=kk

Шымкент қаласында «QazaqGaz Aimaq» компаниясы ұжымымен кездесу өткізіліп, ел дамуының стратегиялық құжаты – Жаңа Конституция жобасы кеңінен түсіндірілді. Іс-шара барысында Ата Заңның мазмұны, енгізілетін өзгерістер мен толықтырулардың мәні жан-жақты баяндалды.Кездесуге Ө. Жәнібеков атындағы Оңтүстік Қазақстан педагогикалық университеті тарих ғылымдарының кандидаты, аға оқытушы Эльмира Мырзалиевақатысып, Конституциялық реформаның негізгі бағыттарына тоқталды.Спикердің айтуынша, реформаның басты мақсаты – қоғам мен мемлекет арасындағы сенімді нығайту, құқық үстемдігін күшейту және азаматтардың құқықтары мен бостандықтарын нақты қорғау.– Конституция – елдің құқықтық тірегі. Жаңа жоба – заман талабынан туған құжат. Онда мемлекеттің әлеуметтік сипаты, адам құқықтарының қорғалуы, егемендік пен ұлттық тұтастық мәселелері айқын көрініс тапқан, – деді Эльмира Мырзалиева.Жиында адам құқықтарының кепілдіктерін күшейтуге бағытталған нормаларға ерекше назар аударылды. Атап айтқанда, «Миранда қағидатына» ұқсас ереженің енгізілуі азаматтардың құқықтық қорғалу деңгейін арттыратыны айтылды. Яғни, азамат ұсталған жағдайда оның құқықтары міндетті түрде түсіндіріліп, қорғаушысыз жауап беруден бас тартуға құқылы болады. Бұл – әділ сот төрелігі мен заң үстемдігін қамтамасыз етудің нақты тетігі.Сонымен қатар құжатта егемендік пен тәуелсіздікті қорғау басым бағыт ретінде бекітілгені, қос азаматтыққа жол берілмейтіні және мемлекеттік тұтастықтың мызғымастығы нақты жазылғаны атап өтілді. Бұл қағидаттар ұлттық қауіпсіздік пен ел бірлігін нығайтуға бағытталған.Жаңа редакцияда орта білім мен медициналық көмектің тегін көрсетілуі нақтыланып, ғылым мен инновацияны дамытуға басымдық берілген. Мемлекеттік және жекеменшік білім беру ұйымдарының бірдей стандарт негізінде жұмыс істеуі тиіс екені көрсетілген. Бұл – сапалы білім мен тең мүмкіндіктің кепілі.Кездесу барысында компания қызметкерлері өздерін толғандырған сұрақтарын қойып, ашық пікір алмасты. Диалог форматында өткен жиын қатысушылардың құқықтық сауаттылығын арттыруға және Конституциялық реформаның мазмұнын терең түсінуге мүмкіндік берді.Жиын қорытындысында Жаңа Конституцияның ел ішіндегі тұрақтылықты нығайтуға, азаматтардың құқықтарын қорғауға және ұлттық құндылықтарды сақтауға бағытталған стратегиялық маңызы ерекше екені атап өтілді. Қатысушылар ұсынылып отырған конституциялық өзгерістерге толық қолдау білдірді.

Шымкент қаласының №2 Оқушылар сарайында «Атом энергетикасы – бейбіт өмірде» атты қалалық көрме-байқау өтті. Ғылыми-танымдық шараға 50-ден астам мектеп қатысып, жүздеген оқушы өз жобаларын көпшілік назарына ұсынды.Көрме барысында жас зерттеушілер атом энергиясының бейбіт мақсаттағы қолданылуын түрлі форматта таныстырды. Оқушылар ғылыми жобалар, макеттер мен техникалық үлгілер әзірлеп, инновациялық шешімдерін қорғады. Қатысушылардың бір бөлігі атом электр станциясының жұмыс істеу қағидаттарын түсіндірсе, енді бірі радиациялық қауіпсіздік пен экологиялық бақылау бағытындағы зерттеулеріне тоқталды.Ұйымдастырушылардың айтуынша, байқаудың басты мақсаты – оқушылардың ғылымға деген қызығушылығын арттыру, зерттеушілік дағдыларын дамыту және атом энергетикасының бейбіт бағыттағы рөлін кеңінен түсіндіру. Мұндай іс-шаралар жасөспірімдердің сыни ойлау қабілетін қалыптастырып, болашақ мамандық таңдауға бағыт-бағдар береді.Шара барысында атом технологияларының энергетикамен қатар медицина, ауыл шаруашылығы, өндіріс және экология салаларында да кеңінен қолданылатыны айтылды. Атап айтқанда, радиоизотоптарды пайдалану арқылы ауруларды ерте анықтау, өнім сапасын арттыру, өндірістік материалдарды бақылау және қоршаған ортаны мониторингтеу мүмкіндіктері таныстырылды.Көрме-байқау ғылым мен білімнің өзара сабақтастығын айқындап, оқушылардың жауапкершілігі мен ізденісін көрсеткен мазмұнды алаңға айналды.Ұйымдастырушылар мұндай бастамалар жас буынның ғылымға бет бұруына, инновациялық ойлауын дамытуға және болашақта білікті маман болып қалыптасуына оң ықпал ететінін атап өтті.

Жұмыспен қамту және әлеуметтік қорғау басқармасына қарасты «TEN QOGAM» әлеуметтік қолдау орталығында Жаңа Ата Заң жобасын түсіндіруге арналған жиын ұйымдастырылды. Іс-шараға орталықтың еңбек ұжымы мен қызмет алушылары қатысып, ұсынылып отырған конституциялық өзгерістер мен толықтырулар жөнінде жан-жақты мәлімет алды.Жиын барысында Орталық Азия Инновациялар университеті Заң кафедрасының доценті Серік Жорабеков баяндама жасап, жаңа заң жобасының негізгі бағыттарына тоқталды.Баяндамашының айтуынша, құжатта азаматтардың құқықтары мен бостандықтарын қорғау тетіктерін жетілдіру, мемлекеттік басқару жүйесінің ашықтығын арттыру, сондай-ақ қоғам мен билік арасындағы өзара байланысты нығайту мәселелері басты назарға алынған. Сонымен қатар адам құқықтарын қорғау, әлеуметтік кепілдіктерді күшейту және заң үстемдігін қамтамасыз ету бағыттары кеңінен қамтылған.– Жаңа редакция құқықтық мемлекеттің қағидаттарын нығайтып, әділетті қоғам қалыптастыруға негіз болады. Конституциялық өзгерістер азаматтардың мемлекеттік басқару ісіне қатысу мүмкіндігін кеңейтіп, елдің құқықтық жүйесін одан әрі жетілдіруге жол ашады, – деді Серік Жорабеков.Кездесу барысында қатысушылар өздерін толғандырған сауалдарын қойып, нақты әрі түсінікті жауаптар алды. Заңгер жаңа баптардың мазмұнын қарапайым тілмен түсіндіріп, алдағы референдумның маңыздылығына ерекше тоқталды. Жиын қорытындысы бойынша барлық қатысушылар жаңа Конституция жобасын қолдайтындықтарын білдірді.

Шымкент университетінде Қазақстан Республикасының Жаңа Конституциясын түсіндіруге арналған тағылымды жиын өтті. Басқосуға қала әкімінің орынбасары Сәрсен Құранбек қатысып, мазмұнды баяндама жасады. Жиынды университет ректоры Нұрлыбек Сейтқұлов жүргізді.Іс-шараның негізгі мақсаты – Жаңа Конституцияның мазмұны мен маңызын саралау, оның қоғам дамуындағы рөлін түсіндіру. Жиынға профессор-оқытушылар құрамы, құқық қорғау органдарының өкілдері мен студент жастар қатысты.Университеттің аға оқытушысы, құқықтанушы Ермек Төленұлы Бекбосынов өз сөзінде Жаңа Конституцияның 3-бабына ерекше тоқталып, адами капиталды дамыту мәселесін көтерді. Оның айтуынша, адами капитал – тек кәсіби біліктілік емес, ең алдымен адамгершілік пен ізгілік қасиеттердің жиынтығы.– Жақсы маман болу жеткіліксіз, ең бастысы – жақсы адам болу. Ғалым болып жүріп залым болуға болмайды. Конституция – құқықтық нормалар жиынтығы ғана емес, ол – рухани бағдар, – деді ол.Сондай-ақ спикер Жаңа Ата Заңның 8-бабында егемендік пен тәуелсіздікті қорғауға басымдық берілуі – уақыт талабы екенін атап өтті. Мемлекеттің тұтастығы мен дербестігін сақтау әр азаматтың ортақ міндеті екені айтылды.Тарихшы, ғалым Мұхан Орынбаев алдағы 15 наурызда өтетін референдумның маңыздылығына тоқталып, Конституциялық реформаның жаңашылдығын түсіндірді. Оның айтуынша, Жаңа Конституцияда мемлекеттік басқару жүйесін жетілдіруге бағытталған бірқатар өзгерістер қарастырылған. Атап айтқанда, Ұлттық Құрылтай институты енгізіліп, қоғам өкілдерінің қатысу мүмкіндігі кеңейтілген. Сонымен қатар денсаулық сақтау, ғылым және білім салаларына басымдық берілген. Цифрландыру бағытында әлеуметтік қызметтерді қолжетімді ету көзделген.Жиында сөз алған Шымкент қаласы прокуратурасы өкілінің көмекшісі Нариман Базарбаев Жаңа Конституцияда адам құқықтарының қорғалуы нақты айқындалғанын жеткізді. Оның айтуынша, «Миранда ережесінің» енгізілуі азаматтардың құқықтық қорғалу кепілдіктерін күшейтеді. Яғни, күдікке ілінген тұлғаға оның құқықтары ұсталған сәттен бастап түсіндіріледі, қорғаушысыз жауап бермеу құқығы қамтамасыз етіледі.Студенттер де өз пікірлерін білдіріп, Жаңа Конституцияда азаматтардың құқықтары мен бостандықтарын қорғау тетіктері нақтыланғанын атап өтті.Қала әкімінің орынбасары Сәрсен Құранбек өз сөзінде:– Егер Конституцияға 50 пайыздан астам өзгеріс енгізілсе, ол жаңа Конституция болып саналады. Қазіргі редакцияға 84 пайыз өзгеріс енгізіліп отыр. Бұл – қоғамды дамыту мен жаңғыртуға бағытталған қадам, – деді.Оның айтуынша, Жаңа Конституцияда орта білім мен медициналық көмектің ақысыз көрсетілуі нақты бекітілген. Сонымен қатар Ұлттық Құрылтай құрамында депутаттық орындардың 30 пайызы әйелдер мен жастарға берілуі – қоғамның барлық қабатының үнін ескеруге бағытталған шешім.Құжатта неке – ер мен әйелдің тең және ерікті одағы ретінде айқындалған. Қос азаматтыққа жол берілмейді. Бұл нормалар ұлттық мүдде мен мемлекеттің тұтастығын қорғауға бағытталған.Қатысушылар «Жаңа Конституция – идеологиялық әрі стратегиялық маңызы бар құжат» деген ортақ пікірге келді. Заң үстемдігі, адам құқықтарын қорғау, ұлттық құндылықтарды сақтау және білім мен ғылымға басымдық беру – елдің орнықты дамуына негіз болмақ.Жаңа Ата Заң – тәуелсіздіктің тұғыры, бірліктің байрағы және ұлттың рухани жаңғыруының айғағы. Елдің ертеңі – заңның беріктігінде, ал заңның беріктігі – халықтың бірлігінде.

2025 жылдың қорытындысы бойынша әлеуметтік маңызы бар азық-түлік тауарлары бағасының индексі 8,6% болды. Қазақстан Еуразиялық экономикалық одақ елдері арасында аталған санаттағы тауарлар бойынша ең төмен бағалардың бірін сақтап келеді. Бұл туралы ҚР Сауда және интеграция министрлігінің кеңейтілген алқа отырысында айтылды. Бұл нәтижеге сауда үстемелеріне бақылауды күшейту, өңірлік комиссиялар мен тұрақтандыру қорларының белсенді жұмысы, маусымаралық кезеңде нарықты толықтыру шаралары, сондай-ақ сауда акциялары мен ауыл шаруашылығы жәрмеңкелерін өткізу себеп болды. Инфляциялық жағдайды ескере отырып, әлеуметтік маңызы бар азық-түлік тауарларының тізбесі уақытша 19-дан 31 атауға дейін кеңейтілді. Жаңартылған тізбе бойынша ТОП-800 сауда нысаны айқындалып, мәліметтер жергілікті атқарушы органдарға жолданды. Тауар нарығын талдау және жекелеген позициялардың инфляция құрылымына әсерін бағалау негізінде тоғыз басым тауар айқындалды. Олардың қатарына қырыққабат, сәбіз, картоп, пияз, күнбағыс майы, ұн, сиыр еті, күріш және макарон өнімдері енгізілді. Аталған тауарлар бойынша маусымаралық кезеңінде басым реттеу шаралары қолданылады. Министрлік халықты әлеуметтік маңызы бар азық-түлік тауарларымен маусымдық факторларға тәуелсіз тұрақты қамтамасыз етудің жаңа моделін әзірледі. Модель тіркелген бағаларды белгілеуді, делдалдық құрылымдардың негізсіз жоғары маржасын болдырмауды және әкімдіктердің ресурстарын шоғырландыру арқылы нарыққа үйлестірілген ықпал етуді көздейді. Мемлекет басшысының тапсырмасына сәйкес бағаларды тікелей мемлекеттік реттеуден 15% мөлшеріндегі шекті сауда үстемесіне бақылауды күшейтуге және әлеуметтік осал санаттағы азаматтарға атаулы қолдау көрсетуге көшу жүзеге асырылуда. Ақкөл, Көкшетау және Павлодар қалаларында азық-түлік ваучерлерін енгізу бойынша пилоттық жобалар тетіктің тиімділігін көрсетті. Жыл соңына дейін жобаны еліміздің барлық өңірлерінде кезең-кезеңімен кеңейту жоспарланып отыр. 2025 жылы шекті сауда үстемесінің сақталуын мемлекеттік бақылау аясында 2 913 әкімшілік қаулы қабылданды. Оның ішінде 57,1 млн теңге сомасына 1 743 айыппұл салынды және 1 170 ескерту берілді. Делдалдық схемаларды тергеп-тексеру бойынша өңірлік комиссиялардың 1 179 отырысы өтті. Нәтижесінде 3 268 тиімсіз делдал және сауда үстемесін асыру фактілері анықталды. 2 758 жағдай бойынша әкімшілік хаттамалар толтырылды, 510 жағдайда делдалдар жеткізу тізбегінен шығарылды. Қосымша 11 236 электрондық шот-фактура тізбегі талданды. Қазақстан Республикасының сауда, салық және монополияға қарсы заңнамасын бұзу тәуекелдерінің 1 056-дан астам дерегі анықталды.Ақпарат көзі : https://www.gov.kz/memleket/entities/mti/press/news/details/1164656?lang=kk

Мемлекет басшысының тапсырмасына сай қазақстандық тауар өндірушілерді қорғау және олардың өнімдерін ішкі нарықта ілгерілету мәселесіне басымдық берілуде. 2025 жылғы мамырда тауардың шығу елін айқындау тетіктерін жетілдіруге бағытталған заңнамалық өзгерістер қабылданды. Сонымен қатар қазақстандық тауар өндірушілердің тізілімі енгізілуде. СТ-KZ және индустриялық сертификаттардың күшін жою отандық өнімнің шығу тегін растау рәсімін жеңілдетіп, оны анағұрлым ашық әрі тиімді етті. Сауда және интеграция министрлігі Саудадағы техникалық кедергілер жөніндегі ахуалдық штаб аясында 14 тауар тобы бойынша жүйелі бақылау жүргізіп келеді. Тарифтік және тарифтік емес реттеу шаралары қолданылуда. Нәтижесінде бірқатар салада өндіріс көлемі артты. Атап айтқанда, цемент өндірісі 15 пайызға, гранит бордюрлері мен  плиталар 30 пайызға, жылыту құрылғылары 55 пайызға, автокөлік жасау саласы 18 пайызға өсті. 2025 жылы отандық өндірушілерді қолдауға бағытталған маңызды стандарттар әзірленіп, қолданысқа енгізілді. Олардың қатарында жылыту құрылғыларына арналған СТ РК 4025-2025 стандарты бар, бұл жылына 10 миллион секцияға дейін өнім өндіруге мүмкіндік береді. Құрылыс әйнегіне арналған СТ РК ISO 12543-1-2025 және СТ РК ISO 12543-2-2025 стандарттары қабылданды. Сондай-ақ гипсокартон, цемент және құбыр өнімдеріне қатысты стандарттар жаңартылды. Бұл құжаттар отандық өндірушілерді жосықсыз бәсекеден қорғап, өнім сапасын арттыруға және экспорттық әлеуетті кеңейтуге жағдай жасайды. 2026 жылға арналған Ұлттық стандарттау жоспары бекітілді. Жоспар экономиканың стратегиялық бағыттары бойынша 50 тақырыпты қамтиды. Басымдық берілген салалардың қатарында жасанды интеллект, цифрландыру, энергетика, металлургия, құрылыс материалдары өндірісі, тамақ өнеркәсібі және отандық өндірушілерді қолдау бар. Тамақ өнеркәсібінде HASSP менеджмент жүйесін енгізу, жеткізу тізбегінің тұрақтылығын қамтамасыз ету және өндірісте заманауи технологияларды қолдану мәселелеріне ерекше назар аударылған. Қабылданған стандарттарды іске асыру сапасыз импорттың алдын алуға, Қазақстанның экспорттық мүмкіндіктерін кеңейтуге, инновациялық технологияларды, соның ішінде жасанды интеллект пен деректерді цифрлық қорғау шешімдерін енгізуге, сондай-ақ тұтынушылардың қауіпсіздігін қамтамасыз етуге мүмкіндік береді. Сауда және интеграция министрі Арман Шаққалиевтің сөзінше, стандарттау және отандық өндірушілерді қолдау бағытындағы жүйелі жұмыс экономиканың тұрақты өсуіне негіз қалайды, қазақстандық өнімнің бәсекеге қабілеттілігін арттырады және өнеркәсіп пен ішкі нарықты дамыту жөніндегі стратегиялық міндеттердің тиімді орындалуын қамтамасыз етеді.Ақпарат көзі : https://www.gov.kz/memleket/entities/mti/press/news/details/1164665?lang=kk

Сауда және интеграция вице-министрі Әсет Нүсіпов Қазақстандағы сауданы цифрландыру бойынша негізгі жобалар туралы баяндады. Ол министрлік жұмысының басты бағыттарының бірі сауданы жасырын экономикадан шығару және нарықтың ашықтығын арттыру екенін атап өтті. Мемлекет басшысының тапсырмасына сәйкес Тауарлар, жұмыстар және көрсетілетін қызметтердің жалпы жіктеуіші мен Ұлттық тауарлар каталогы енгізілуде, сондай-ақ таңбаланатын тауарлар тізбесі кеңейтілуде. 2025 жылы ОКТРУ-ды жүргізу тәртібі мен ҰТК-ны міндетті қолдануды бекітетін заңнамалық нормалар қабылданды. Вице-министрдің айтуынша, цифрлық жобалар тауарларды сәйкестендірудің бірыңғай архитектурасын қалыптастырады. Бұл бастамалар сауданың ашықтығын арттыруға, отандық тауарларды сөрелерде ілгерілетуге және экспортты дамытуға бағытталған. Қазіргі уақытта Ұлттық тауарлар каталогын толықтыру жұмыстары қарқынды жүргізілуде. Күн сайын бірнеше жүз мың тауар карточкасы енгізіледі. Жасанды интеллект негізіндегі жүйе деректерді қайталану фактілерін тексеріп, ақпараттың толықтығы мен сапасын бағалайды. Талдау нәтижесінде бірыңғай «алтын жазбалар» қоры қалыптастырылады. Бұл жұмыс Электрондық қаржы орталығымен, Қаржы министрлігімен және Ұлттық кәсіпкерлер палатасымен бірлесіп жүзеге асырылуда. Министрлік цифрлық құралдарды үйлесімді енгізу үшін түсіндіру жұмыстарын жүргізіп, ҰТК-ны қолдану әдіснамасы жөніндегі штаб қызметін регламенттеді. Таңбаланатын тауарлар тізбесін кеңейту жоспарлануда. Цифрлық таңбалау жүйесін енгізу кезең-кезеңімен және ашық түрде жүзеге асырылады. Болжам бойынша, қабылданған шаралар жасырын айналым көлемін 1 трлн теңгеден астам қысқартуға мүмкіндік береді. Министрлік е-КТРМ жүйесін QazTech платформасына көшіру жұмысын жалғастыруда. Қазіргі таңда тестілік орта іске қосылды, жүйелерді біріктіру және желілік үйлесімділікті тексеру жүргізілуде. Платформада 150 мыңнан астам пайдаланушы және 170 мың бизнес субъектісі тіркелген. 31 бизнес-процесс автоматтандырылып, 5 мыңнан астам өтініш өңделді. Е-КТРМ ЕАЭО-ның Бірыңғай тізілімімен интеграцияланған. Технологиялық серіктес ретінде халықаралық IT-компания EPAM тартылған. Киберқауіпсіздік мәселесіне ерекше көңіл бөлініп, SIEM, PAM және DLP құралдары енгізілді, пентесттер жүргізілуде. Цифрлық трансформация аясында «Қазақтелеком» акционерлік қоғамымен бірлесіп AgroTrade электрондық сауда алаңы әзірленуде. Министрлік жасанды интеллект негізіндегі сервистерді де сынақтан өткізуде. Олардың қатарында тұтынушылардың құқықтарын қорғау жөніндегі виртуалды көмекші және бизнеске техникалық реттеу жүйесімен өзара іс-қимылды жеңілдететін зертханаларды іріктеу көмекшісі бар. Сонымен қатар тиісті цифрлық сервисті іске қосу үшін ұлттық стандарттардың дерекқоры қалыптастырылуда. Сауда ағындарын талдау құралы әзірленуде. Бұл құрал нарықтар, сауда нысандары және баға ахуалы бойынша аналитикасы бар бірыңғай цифрлық терезе қалыптастыруға мүмкіндік береді. Аталған шешім азық-түлік қауіпсіздігін нығайтуға, баға және инфляциялық үдерістерге талдау жүргізуді жетілдіруге, сондай-ақ басқарушылық шешімдерді жедел қабылдауға бағытталған.Вице-министр Әсет Нүсіпов сауданың цифрлық трансформациясы заңнаманы, заманауи технологияларды және талдау құралдарын біріктіретінін атап өтті. Бұл болжамды әрі ашық нарық қалыптастыруға, тұтынушыларды қорғауға, отандық өндірушілерді қолдауға және Қазақстанның экспорттық мүмкіндіктерін кеңейтуге жағдай жасайды.Ақпарат көзі : https://www.gov.kz/memleket/entities/mti/press/news/details/1164673?lang=kk

2026 жылғы 18 ақпанда аудан әкімі аппаратының персоналды басқарудың бірыңғай қызметі, "Меңдіқара ауданының Мансап орталығы" филиалы мен ауданның Жастар ресурстық орталығының қызметкерлерімен бірлесіп, бос орындар жәрмеңкесін өткізді. Жәрмеңкеге мемлекеттік мекемелердің өкілдері, белсенді жұмыс іздеушілер және Кәмшат Дөненбаева атындағы кәсіптік-техникалық колледжінің түлектері мен студенттері қатысты.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1164680?lang=kk