Шымкенттегі М. Тынышпаев атындағы ALT көлік колледжінде экология тақырыбына арналған жастар пікірсайысы өтті. «Таза орта – таза болашақтың кепілі» жобасы аясында ұйымдастырылған шараға колледждің 1-2 курс студенттері қатысты.Теміржол саласының түрлі мамандықтарында білім алып жатқан жастар қоршаған ортаны қорғау, қала тазалығы және экологиялық мәдениет мәселелерін ортаға салды. Пікірсайыс барысында студенттер өз ұстанымдарын дәлелдеп, мәселені шешудің тиімді жолдарын ұсынды.Колледждің Жастар ісі жөніндегі комитетінің төрайымы Шолпан Сейдерованың айтуынша, экологиялық жауапкершілік күнделікті қарапайым әрекеттерден қалыптасады.«Экологиялық тәрбие ең алдымен өзімізден басталады. Оқу орны мен жатақхана аумағын таза ұстау, табиғи ресурстарды ұқыпты пайдалану, айналаға жанашырлықпен қарау – үлкен мәдениеттің негізі», – деді ол.Колледж жастары тазалық пен абаттандыру жұмыстарына да белсенді қатысады. Еріктілер Жастар ресурстық орталығымен бірлесіп, қаланың саябақтары мен скверлерін тазалауға тұрақты түрде шығады.Ал пікірсайыс колледжде ай сайын өткізіліп келеді. Жастар экологиядан бөлек, отбасы құндылықтары, білім беру, қоғам және әлемдегі өзекті мәселелерді талқылап, өз көзқарастарын ортаға салады.Екінші курс студенті Назерке Рахматулла пікірсайыстардың жастардың ой-өрісін кеңейтіп қана қоймай, қоғамдағы мәселелерге бейжай қарамауға үйрететінін атап өтті.«Бұл жолы қаладағы экологиялық жағдай, өнеркәсіп орындарының қоршаған ортаға әсері және заңсыз қоқыс орындарының мәселесін талқыладық. Біз үшін маңыздысы – проблеманы айтып қана қоймай, оның шешімін іздеу. Осындай пікірталастар жастардың экологиялық мәдениетін қалыптастыруға ықпал етеді», – деді студент.Пікірсайыстың негізгі тақырыбы – елдегі тазалыққа кім жауапты болуы керек деген сауал болды. Бір тарап экологиялық мәдениетті қалыптастыруда жастардың рөлі басым екенін алға тартса, екінші топ бұл жауапкершілікті тек жас буынға жүктеу дұрыс емес екенін айтты.Студенттердің пікірінше, қоршаған ортаны қорғау – баршаға ортақ міндет. Азаматтардың жауапкершілігімен қатар, коммуналдық қызметтердің жұмысы, қаланың инфрақұрылымы және өндіріс орындарының экологиялық талаптарды сақтауы да маңызды.Қызу пікірталас соңында жастар ортақ ойға келді: таза әрі жайлы қала қалыптастыру үшін әр азамат өз жауапкершілігін сезініп, қоғам мен мемлекет тарапынан атқарылатын жүйелі жұмыстарға үлес қосуы қажет.Жастардың пікірсайыс алаңындағы белсенділігі олардың экологиялық мәселелерге деген қызығушылығы артып келе жатқанын көрсетеді.

Будапешт, 2026 жылғы 1 қыркүйек – Қазақстанның Мажарстандағы Елшісі Анель Бақытбекқызы жетекші мажар фармацевтикалық компаниясы Gedeon Richter басшылығымен кездесті.Кездесудің негізгі тақырыбы Gedeon Richter дәрілік препаратын Қазақстанда өндіруді оқшаулау жобасы болды. Тараптар қол жеткізілген нәтижелерді атап өтіп, жобаны практикалық іске асырудың келесі қадамдарын талқылады.Елші Қазақстанның фармацевтикалық өндірісті дамытуға және технологиялар трансферіне мүдделі екенін атап өтіп, жобаны іске асыруға қолдау көрсетуге дайын екенін жеткізді.Сондай-ақ Gedeon Richter-дің басқа препараттарын Қазақстанда өндіру және Қазақстанды Орталық Азия үшін өндірістік әрі дистрибуциялық алаң ретінде пайдалану перспективалары талқыланды.2026 жылы Gedeon Richter компаниясының 125 жылдығымен қатар, Қазақстанның фармацевтикалық нарығындағы қызметіне 30 жыл толуы да ерекше мәнге ие. Бүгінде осы көпжылдық ынтымақтастық жаңа кезеңге – дәрілік препараттарды жеткізуден Қазақстанда өндірісті оқшаулауға көшуде.Ақпарат көзі : https://www.gov.kz/memleket/entities/mfa-budapest/press/news/details/1284281?lang=ru

Қазақстанда жыл сайынғы «Мектепке жол» республикалық қайырымдылық акциясы өтуде, оны Ақмола облысы бойынша Мемлекеттік кірістер департаментінің қызметкерлері дәстүрлі түрде қолдайды.Шараның мақсаты - оқу жылы басталар алдында көп балалы және аз қамтылған отбасылардан шыққан балаларға қолдау көрсету.Мемлекеттік кірістер департаментінің қызметкерлері оқу құралдары мен қажетті заттарды сыйға тарту арқылы өз үлестерін қосты. Мұндай игі бастамалар оқу жылының алдында балаларға қолдау көрсетіп, олардың көңіл-күйін көтеруге көмектеседі. Ақпарат көзі : https://www.gov.kz/memleket/entities/kgd-akmola/press/news/details/1284289?lang=ru

Рияд, 2026 жылғы 1 қыркүйек – Қазақстанның Сауд Арабиясындағы Елшісі Мадияр Меңілбеков Корольдіктің Туризм министрінің халықаралық істер жөніндегі орынбасары Хауазин Насифпен екіжақты келіссөздер өткізді.Кездесу барысында тараптар қос мемлекет арасындағы туристік байланыстарды жандандыру, салалық өзара іс-қимылды тереңдету және бірлескен бастамаларды ілгерілету тетіктерін талқылады.Сонымен қатар, келіссөздер барысында екі ел арасындағы туристік әлеуеттің қарқынды дамуына тікелей әуе қатынасын одан әрі кеңейтудің стратегиялық маңызы зор екені атап өтілді.Кездесу қорытындысы бойынша тараптар туризм бағытындағы екіжақты ынтымақтастықты одан әрі нығайту бойынша белсенді жұмыстарды жалғастыруға уағдаласты.Ақпарат көзі : https://www.gov.kz/memleket/entities/mfa-riyadh/press/news/details/1284278?lang=ru

Қазақстан Республикасының Салық кодексінің (бұдан әрі – Салық кодексі) 99-бабының 3-тармағына сәйкес салық төлеушінің тіркеу есебіне қоюға:1) мемлекеттік мекеме;2) резидент-заңды тұлғаның құрылымдық бөлімшесі;3) жеке практикамен айналысатын адам;4) арнаулы салық режимін қолданатын салық төлеуші;5) жеке тұлға жатпайды.Салық кодексінің 99-бабының 4-тармағына сәйкес салық төлеушіні тіркеу есебіне қою мақсаттары үшін:1) айналым Салық кодекстің 449-бабының 1-тармағының 1) және 2) тармақшаларында көрсетілген айналымдар сомасы ретінде Салық кодекстің   101-бабында белгіленген күннен бастап өсу нәтижесімен айқындалады;2) айналымның шекті шегі – тиісті қаржы жылының 1 қаңтарында қолданыста болатын айлық есептік көрсеткіштің 10 000 еселенген мөлшеріне тең айналым.Салық кодексінің 448-бабына сәйкес мыналар ҚҚС салынатын объектілер болып табылады:1) салық салынатын айналым;2) салық салынатын импорт.Салық кодексінің 449-бабы 1-тармағының 1) тармақшасының бірінші бөлігімен салық салынатын айналым болып, оның ішінде Салық кодексінің 450-бабында көрсетілген салық салынбайтын айналымды қоспағанда, тауарларды, жұмыстарды, көрсетілетін қызметтерді өткізу бойынша ҚҚС төлеуші жасайтын айналым белгіленген.Салық кодексінің 452-бабы 1-тармағының 1) тармақшасына сәйкес тауарларды өткізу бойынша айналым, оның ішінде:тауарды сатуды, тауарды тиеп-жөнелтуді, оның ішінде төлемді бөліп төлеу шарттарымен және (немесе) басқа тауарларға, жұмыстарға, көрсетілетін қызметтерге айырбастай отырып, тауарды сатуды, тиеп-жөнелтуді;кәсіпорынды мүліктік кешен ретінде тұтастай сатуды;тауарды өтеусіз беруді;жұмыс берушінің жұмыскер алдындағы берешекті өтеу есебіне жұмыскерге тауарды беруін;кепіл берушінің кепілге салынған мүлікті сатып алушының немесе кепіл ұстаушының меншігіне беруін қоса алғанда, тауарға меншік құқығын беруін білдіреді.Салық кодексінің 452-бабы 2-тармағының бірінші бөлігіне сәйкес жұмыстарды, көрсетілетін қызметтерді өткізу бойынша айналым кез келген жұмыстарды орындауды немесе көрсетілетін қызметтерді, оның ішінде өтеусіз орындауды немесе көрсетуді, сондай-ақ тауарларды өткізуден өзгеше сыйақы үшін кез келген қызметті білдіреді.Салық кодексінің 461-бабы 1-тармағының бірінші бөлігіне сәйкес,  егер Салық кодекстің 462-бабында өзгеше көзделмесе, өткізу бойынша айналым мөлшері Қазақстан Республикасының трансферттік баға белгілеу туралы заңнамасында өзгеше көзделмесе, мәміле тараптары бағалар мен тарифтерге ҚҚС қоспай қолданатын бағалар мен тарифтерді негізге ала отырып, өткізілетін тауарлардың, жұмыстардың, көрсетілетін қызметтердің құны ретінде айқындалады.Салық кодексінің 503-бабының 1-тармағына сәйкес,  егер осы бапта өзгеше белгіленбесе, ҚҚС мөлшерлемесі 16 пайызды құрайды және салық салынатын айналым мен салық салынатын импорт мөлшеріне қолданылады.Салық кодексінің 728-бабының 7-тармағына сәйкес шаруа немесе фермер қожалықтарына арналған арнаулы салық режимінің күші қолданылмайтын қызмет бойынша ҚҚС төлеушіні тіркеу есебіне қою бойынша міндеттеме туындаған жағдайда, салық төлеушіде жалпыға бірдей белгіленген салық салу тәртібіне көшу бойынша міндеттеме туындайды.Осылайша, Салық кодексінің 728-бабының 7-тармағына сәйкес шаруа немесе фермер қожалықтарына арналған арнаулы салық режимінің қолданылуы таралмайтын қызмет бойынша ҚҚС төлеушіні тіркеу есебіне қою міндеттемесі туындаған жағдайда, салық төлеушіде салық салудың жалпыға бірдей белгіленген тәртібіне көшу міндеттемесі туындайды, тиісінше, салық салудың жалпыға бірдей белгіленген режимін қолданатын осындай салық төлеушінің тауарларды, жұмыстарды, көрсетілетін қызметтерді өткізу бойынша айналымдары ҚҚС бойынша тіркеу есебіне қою мақсаттары үшін ескеріледі және осындай салық төлеуші ауыл шаруашылығы өнімдерін өндіру және өзге де қызмет бойынша айналымдар бойынша ҚҚС төлеуші болып табылады.Салық кодексінің 716-бабының 11-тармағына сәйкес арнаулы салық режимін қолдануға мүмкіндік бермейтін талаптар туындаған жағдайларда жалпыға бірдей белгіленген салық салу тәртібіне немесе өзге де арнаулы салық режиміне ауысу үшін салық төлеуші осындай талаптар туындаған күннен бастап бес жұмыс күні ішінде оңайлатылған декларация негізінде арнаулы салық режимін немесе шаруа немесе фермер қожалықтарына арналған арнаулы салық режимін қолданған кезде – қолданылатын салық салу режимі туралы хабарламаны ұсынуға міндетті.Басқа арнаулы салық режимін немесе жалпыға бірдей белгіленген салық салу тәртібін қолдануды бастау күні осындай талаптар туындаған күн болып табылады.Салық кодексінің 716-бабының 12-тармағына сәйкес салық органы камералдық бақылау барысында салық төлеушінің тиісті арнаулы салық режимін қолдану үшін белгіленген шарттарға сәйкес келмеу фактісін белгілеген кезде салық органы салық төлеушіге Салық кодекстің 82 және 137-баптарында белгіленген мерзімдерде және тәртіппен камералдық бақылау нәтижелері бойынша анықталған алшақтықтар туралы хабарлама жібереді.Салық төлеуші өзге арнаулы салық режиміне ауысу туралы хабарламаны салық органына ұсынбаған жағдайда салық органы осындай салық төлеушіні жалпыға бірдей белгіленген салық салу тәртібіне ауыстырады немесе өзін-өзі жұмыспен қамтыған адам дара кәсіпкер ретінде қызметін бастағаны туралы хабарламаны Салық кодексінің 716-бабының 11-тармағында көзделген жағдайда және тәртіппен ұсынбаған кезде өзін-өзі жұмыспен қамтығандарға арналған арнаулы салық режимін қолдануды тоқтатады.Бұл ретте:оңайлатылған декларация негізінде арнаулы салық режимі немесе шаруа немесе фермер қожалықтарына арналған арнаулы салық режимі үшін – арнаулы салық режимін қолдану бойынша сәйкессіздік туындаған күн жалпыға бірдей белгіленген салық салу тәртібін қолдануды бастау күні болып табылады.Оңайлатылған декларация негізінде арнаулы салық режимін немесе шаруа немесе фермер қожалықтарына арналған арнаулы салық режимін тоқтату күні арнаулы салық режимін қолдану бойынша сәйкессіздік туындаған күннің алдындағы күн болып табылады. Ақпарат көзі : https://www.gov.kz/memleket/entities/kgd-zhetysu/press/news/details/1284259?lang=ru

Ағымдағы жылдың тамыз айының  28  күні  Теректі  ауданында қоғамдық кеңес отырысы өтті. Кеңес отырысында, «Подстепное ауылдық округі әкімінің аппараты», «Ұзынкөл ауылдық округі әкімінің аппараты»,  «Шаған ауылдық округі әкімінің аппараты»,  «Теректі ауданының жұмыспен қамту және әлеуметтік бағдарламалар бөлімі»» мемлекеттік мекемелері мемлекеттік қымет көрсету сапасы туралы баяндама жасады. Нәтижесінде, төмендегідей ұсынымдар қаралып, назарға алынды.Ұсыну:Электрондық үкімет порталы арқылы мемлекеттік қызметтерді алу мүмкіндіктері туралы қызмет алушыларды, әртүрлі ақпарат көздерін пайдалану арқылы соның ішінде әлеуметтік желілері арқылы ақпараттандыру;Мемлекеттік қызмет көрсетушілерді уақтылы оқытуды қамтамасыз ету;Мемлекеттік қызмет көрсету бойынша халық арасында түсіндіру жұмыстарын жүргізу;Мемлекеттік қызметтерді көрсететін жаңадан қабылданған қызметкерлерді тағылымдамадан өткізуді ұйымдастыру;Жауапты мамандар мемлекеттік көрсетілетін қызметтерді сапалы көрсету мақсатында күнделікті қадағалау, уақтылы мониторинг жұмыстарын жүргізу;Е-лицензиялау ақпараттық жүйедегі кемшіліктерді жою жұмыстарын ұйымдастыру;Мемлекеттік көрсетілетін қызметтер бойынша тізілімге сәйкес электронды қызметтерді ақпараттық жүйелермен ықпалдастыру жұмыстарын ұйымдастыру;Электронды көрсетілетін мемлекеттік қызметтер бойынша мерзімі асып орындалмау үшін, ақпараттық жүйелерге ескерту түріндегі хабарлама орналастыруды қамтамасыз ету;Мемлекеттік көрсетілетін қызметтер бойынша тізілім мен қағидаларды және ережелердің заңдылығын сәйкестендіру қажет.Ақпарат көзі : https://www.gov.kz/memleket/entities/bko-terekty/press/news/details/1284244?lang=ru

2026 жылғы 23 тамызда Көкшетау қаласында Қазақстан Республикасы Құрылтайы депутаттарының сайлауы өтті. Қаладағы сайлау учаскелері сағат 7:00-ден бастап жұмыс істеп, азаматтар өздерінің сайлау құқықтарын жүзеге асыру және таңдау жасау үшін дауыс беруге қатысты.Дауыс беру күні қалада түрлі тақырыптық акциялар ұйымдастырылды. Атап айтқанда, мотоклуб мүшелері сайлау учаскелерінің біріне ұйымдасқан колоннамен келіп, дауыс беруге қатысты. Сондай-ақ жүзу спортының өкілдері арнайы жүзу жаттығуынан кейін «Спорт және азаматтық жауапкершілік» акциясы аясында спорттық киіммен сайлау учаскесіне келді.Мұндай форматтар қала тұрғындарының күнделікті қызметін сайлауға қатысумен ұштастырып, азаматтық белсенділікке назар аударуға мүмкіндік берді.Құрылтай депутаттарының сайлауы Қазақстан тарихында алғаш рет өткізілді. Депутаттар бес жыл мерзімге сайланады.Ақпарат көзі : https://www.gov.kz/memleket/entities/ovp-kokshetauakmo/press/news/details/1284251?lang=ru

Салық сомасы қайда көрсетіледі?Коммуналдық қызметтерді төлеу түбіртектерінде (АЛСЕКО).Банктердің мобильді қосымшаларында (мемлекеттік қызметтер мен төлемдер бөлімінде).Төлемді қалай жасауға болады?Банктердің мобильді қосымшалары арқылы қашықтан.Коммуналдық қызметтердің түбіртегі бойынша.Есептеу жылжымайтын мүліктің орналасқан жері бойынша «Азаматтарға арналған үкімет» КЕАҚ мәліметтері негізінде жүргізілді.Жеңілдіктер (ҚР СК 597-бабы)Ардагерлер, мүгедектігі бар адамдар, көпбалалы аналар («Алтын алқа»), бөлек тұратын зейнеткерлер, жетім балалар және басқа да санаттар үшін салықтан босату (1000-1500 АЕК шегінде) көзделген.Төлеу мерзімі2026 жылғы 1 қазанға дейін (ҚР СК 604-бабы).Консультация үшін нысанның орналасқан жері бойынша аудандық МКБ немесе 1414 Бірыңғай байланыс орталығына хабарласыңыз.Өсімпұл есептелмес үшін алдын ала төлеуге кеңес беріледі.Ақпарат көзі : https://www.gov.kz/memleket/entities/kgd-almaty/press/news/details/1284231?lang=ru

Жұмыскерлердің саны немесе штаты қысқартылған жағдайда еңбек шарты жұмыс берушінің бастамасы бойынша бұзылуы мүмкін. Бұл ретте заңнамада жұмыскер үшін белгілі бір кепілдіктер мен төлемдер көзделген.🔹 Жұмысынан айырылуына байланысты өтемақы төлеміЖұмыскерлердің саны немесе штаты қысқартылуына байланысты жұмыстан босатылған кезде жұмыс беруші жұмыскерге бір айдағы орташа жалақысы мөлшерінде өтемақы төлемін төлеуге міндетті.Бұл ретте еңбек, ұжымдық шартта немесе жұмыс берушінің актісінде өтемақы төлемінің неғұрлым жоғары мөлшері көзделуі мүмкін.Негіздеме: Қазақстан Республикасы Еңбек кодексінің 131-бабы.🔹 ЖалақыЖұмыскерге нақты жұмыс істеген уақыты үшін жалақы және оған тиесілі өзге де сомалар төленуге тиіс.🔹 Пайдаланылмаған еңбек демалысы үшін өтемақыЕгер жұмыстан босатылған күні жұмыскердің жыл сайынғы ақы төленетін еңбек демалысының пайдаланылмаған күндері болса, сол күндер үшін орташа жалақы есебінен өтемақы төлемі жүргізіледі.Негіздеме: Қазақстан Республикасы Еңбек кодексінің 96-бабы.🔹 Есеп айырысу қашан жүргізілуі тиіс?Жұмыскерге тиесілі барлық сомалар еңбек шарты тоқтатылғаннан кейін үш жұмыс күнінен кешіктірілмей төленуге тиіс.Төлем мерзімі бұзылған жағдайда жұмыс беруші жұмыскерге берешекті және төлем кешіктірілген кезең үшін өсімпұлды төлеуге міндетті.Негіздеме: Қазақстан Республикасы Еңбек кодексінің 113-бабы.❗ Маңызды: штат қысқартылған кезде, егер еңбек немесе ұжымдық шартта неғұрлым ұзақ мерзім көзделмесе, жұмыс беруші жұмыскерді кемінде бір ай бұрын жазбаша хабардар етуге міндетті.Өз еңбек құқықтарыңызды біліңіз!Еңбек заңнамасының сақталуына қатысты сұрақтар туындаған жағдайда жұмыскер еңбек инспекциясы жөніндегі жергілікті органға жүгінуге құқылы.Ақпарат көзі : https://www.gov.kz/memleket/entities/almobl-enbek/press/news/details/1284134?lang=ru

1 қыркүйек – Білім күні Самар ауданының Самар ауылында 150 орынға арналған Ыбырай Алтынсарин атындағы бастауыш мектептің жаңа ғимараты ашылды.Ауылда 40 жылдан астам уақыттан кейін алғаш рет жаңа мектеп ғимараты салынды. Білім ордасы облыстық бюджет қаражаты есебінен бой көтерген. Жалпы аумағы шамамен 3,8 мың шаршы метрді құрайтын екі қабатты ғимарат заманауи талаптарға сай жабдықталған.Мектеп ауылдың жаңа шағын ауданында орналасқан. Қазіргі уақытта бұл аумақта тұрғын үй құрылысы қарқынды жүргізілуде. «Бір қабатты Шығыс» бағдарламасы аясында мұнда 29 екі пәтерлі үй салынуда. Жаңа мектеп шағын ауданның әлеуметтік инфрақұрылымының маңызды бөлігіне айналады.Мектепте заманауи оқу кабинеттері, спорт залы, кітапхана және асхана бар. Сонымен қатар логопед кабинеті, балаларға арналған шағын орталық және шағын футбол алаңы қарастырылған. Білім беру қазақ және орыс тілдерінде жүргізіледі.Жаңа мектептің ашылуына арналған салтанатты жиынға Шығыс Қазақстан облысы әкімінің орынбасары Ринат Құрманбаев, Шығыс Қазақстан облысы Білім басқармасының басшысы Қуат Оқасов, Самар ауданының әкімі Серік Жеңісов, аудандық білім бөлімінің басшысы Руслана Закирьянова, ұстаздар, ата-аналар мен оқушылар қатысты.«Шығыс Қазақстан облысында білім беру инфрақұрылымын жаңартуға бағытталған жүйелі жұмыстар жүргізілуде. Самар ауылындағы жаңа мектеп – осы жұмыстардың нақты нәтижелерінің бірі. Бұл жай ғана жаңа ғимарат емес. Мұнда балалар сапалы білім алып, өз қабілеттерін дамытып, үлкен өмірге алғашқы қадамдарын жасайды», – деді Шығыс Қазақстан облысы әкімінің орынбасары Ринат Құрманбаев.Бұл күн үшін мектеп табалдырығын алғаш рет аттаған бірінші сынып оқушылары үшін ерекше болды. Оларға арналған мерекелік бағдарлама ұйымдастырылып, 4-сынып оқушылары бүлдіршіндерге сыйлықтар табыс етті.Жаңа оқу жылында Самар ауданында 172 бала бірінші сыныпқа қабылданды. Ыбырай Алтынсарин атындағы бастауыш мектепте 14 бірінші сынып оқушысы білім алады.Салтанатты шараның басты сәті жаңа мектеп ғимаратының ашылуы мен алғашқы қоңыраудың соғылуы болды. Одан кейін оқушылар «Қазақстан Республикасының Конституциясы: адал азаматты, зияткер ұлтты және жауапты қоғамды қалыптастырудың негізі» тақырыбында алғашқы сабаққа қатысты.Ақпарат көзі : https://www.gov.kz/memleket/entities/vko-samar/press/news/details/1284080?lang=ru

Жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген адамдардың (Қазақстан Республикасының Президенттігіне, Қазақстан Республикасы Құрылтайының немесе мәслихаттарының депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергілікті өзін-өзі басқару сайланбалы органдарының мүшелігіне кандидаттарды қоспағанда), лауазымды адамдардың өз өкілеттіктерін жеке, топтық және өзге де қызметтік емес мүдделерде пайдалануына әкеп соғуы мүмкін әрекеттерді жасауына жол бермеу мақсатында, аталған адамдар Сыбайлас жемқорлыққа қарсы іс-қимыл туралы Заңының 13, 14, 14-1 және 15-баптарында белгіленген ерекшеліктерді ескере отырып, өздеріне:-мемлекеттік функцияларды орындаумен сыйыспайтын қызметті жүзеге асыру;-жақын туыстарының, жұбайлары (зайыптары) мен жекжаттарының бірге қызмет (жұмыс) істеуіне жол бермеу;-мүліктік және мүліктік емес игіліктер мен артықшылықтар алу немесе табу мақсатында, ресми таратылуға жатпайтын қызметтік және өзге де ақпаратты пайдалану;-материалдық сыйақыны, сыйлықтарды, жеңілдіктерді немесе көрсетілетін қызметтерді ұсынған адамдардың немесе олардың өкілі болған адамдардың пайдасына жасаған әрекеттері (әрекетсіздігі) үшін, егер мұндай әрекеттер осы тармақтың бірінші абзацында аталған адамдардың қызметтік өкілеттіктеріне кірсе немесе осы адамдар лауазымдық жағдайына байланысты мұндай әрекеттерге (әрекетсіздікке) ықпал етуі мүмкін болса, оларды қабылдау;-Қазақстан Республикасының шегінен тыс жерде орналасқан шетелдік банктерде шоттарды (салымдарды) ашу және иелену, Қазақстан Республикасының шегінен тыс жерде орналасқан шетелдік банктерде қолма-қол ақша мен құндылықтарды сақтау.  "Ойын бизнесі туралы" Қазақстан Республикасының Заңында көзделген анықтамаға жататын ойын мекемелерінде құмар ойындарға және (немесе) бәс тігуге қатысу, сол сияқты құмар ойындарға және (немесе) бәс тігуге сол үшін бөлінбеген орындарда қатысу немесе телекоммуникация желілерін, оның ішінде Интернет желісін пайдалану арқылы өткізілетін құмар ойындарға және (немесе) бәс тігуге қатысу бойынша сыбайлас жемқорлыққа қарсы шектеулерді қабылдайды.Осы аталған адамдардың сыбайлас жемқорлыққа қарсы шектеулерді қабылдамауы лауазымға қабылдаудан бас тартуға не жұмыстан шығаруға (атқарып жүрген лауазымынан босатуға, өкілеттіктерін тоқтатуға) алып келеді, оларды сақтамау жұмыстан шығаруға (атқарып жүрген лауазымынан босатуға, өкілеттіктерін тоқтатуға) негіз болып табылады. Ақпарат көзі : https://www.gov.kz/memleket/entities/kgd-astana/press/news/details/1284084?lang=ru

2025 жылы Қазақстанның Шанхай ынтымақтастық ұйымына (ШЫҰ) мүше мемлекеттермен тауар айналымы 72,6 млрд АҚШ долларын құрады. 2024 жылы бұл көрсеткіш 67,7 млрд доллар болған.Қазақстанның ШЫҰ елдеріне экспорты 30,7 млрд долларды, ал импорт көлемі 41,8 млрд долларды құрады.Қазақстанның ШЫҰ елдерімен саудасындағы негізгі серіктестері – Қытай, Ресей, Өзбекстан және Қырғызстан. 2025 жылы Қытаймен тауар айналымы 34,2 млрд доллар, Ресеймен 27,4 млрд доллар, Өзбекстанмен 4,8 млрд доллар және Қырғызстанмен 2,2 млрд доллар болды.Қазақстаннан ШЫҰ елдеріне экспортталған негізгі тауарлардың қатарында уран, мыс кендері мен концентраттары, шикі мұнай, мыс және мыс катодтары, табиғи газ, бидай және ферроқорытпалар бар.2025 жылы бірқатар ауыл шаруашылығы және өңдеу өнеркәсібі өнімдерінің экспорты өсті. Атап айтқанда, жануарларға арналған азық өнімдерінің экспорты 2,5 есеге артып, 614,9 млн долларға жетті. Күнбағыс майының экспорты 62,4%-ға өсіп, 633,7 млн долларды құрады. Бидай экспорты 17,1%-ға артып, 1,13 млрд долларға жетті. Арпа экспорты 22%-ға, бидай ұны 11,8%-ға, зығыр тұқымы 72,9%-ға өсті.ШЫҰ елдерінен Қазақстанға импортталатын негізгі тауарлардың қатарында жеңіл автомобильдер, автомобиль кузовтары, табиғи газ, мұнай өнімдері, алтын, есептеу машиналары және автомобильдер мен тракторларға арналған бөлшектер бар.Қазақстанның экспортында уран, мыс кені мен концентраттары, мұнай, мыс, табиғи газ және бидай негізгі позицияларды сақтап отыр. Сонымен қатар күнбағыс майы, жануарларға арналған азық, ұн, арпа және басқа да ауыл шаруашылығы өнімдері бойынша экспорт көлемінің өсуі қазақстандық өнімге сыртқы нарықтардағы сұраныстың бар екенін көрсетеді.Ақпарат көзі : https://www.gov.kz/memleket/entities/mti/press/news/details/1284124?lang=ru

Жетісу облысының орталығындағы қоғамдық қауіпсіздікті қамтамасыз ету міндетін атқаратын 5514 әскери бөліміне Ұлттық ұланның Бас қолбасшысы генерал-лейтенант Аңсаған Балтабеков арнайы атбасын бұрды. Ол ең алдымен жаңадан салынатын әскери қалашықтың жобасымен танысты. Бұдан кейін 1 және 2-батальондарды, сондай-ақ 3-жедел мақсаттағы ротаны аралап, жеке құрамның жауынгерлік қызметі мен күнделікті тұрмысын көрді. Мұндағы сарбаздар күн сайын қала көшелерінде жауынгерлік қызмет атқарады. Бұл міндет қырағылықты, жоғары дайындықты және жауапкершілікті талап етеді.Сапар барысында Аңсаған Скендерұлы сарбаздардың тұрғын үй-жайларын, асханаларын, оқу және дайындық сыныптарын тексерді. Әскери техникаларға арналған парктың жұмысы да назардан тыс қалмады.Сонымен қатар ол әскери бөлімнің кинология бөлімшесі мен «Бүркіт» арнайы жасағының қызметімен де танысты. Арнайы бөлімшелердің жауынгерлік даярлығына, қызметтік иттерді дайындау барысына және жеке құрамның кәсіби шеберлігіне назар аударды. Әскери қызметшілер өздерінің күнделікті қызметі мен жауынгерлік міндеттерді орындау барысы туралы баяндады.Бөлімдегі жағдаймен танысқан Бас қолбасшы жеке құрамның қызмет өткеруіне қолайлы жағдай жасаудың маңыздылығына тоқталып, бөлім басшылығына бірқатар тапсырма берді. Оның ішінде әскери қызметшілердің тұрмысы мен қызмет жағдайын одан әрі жақсартудың жаңа бағыттарын қарастыру міндеті қойылды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1284031?lang=ru

Президент Жарлығына сәйкес Қазақстанда күзгі әскерге шақыру науқаны басталды. Оның аясында қалалық және аудандық шақыру комиссиялары жұмысқа кірісті.2026 жылдың желтоқсан айының соңына дейін әскерден кейінге қалдыруға немесе әскери қызметтен босатылуға негізі жоқ 18 бен 27 жас аралығындағы 23 000-ға жуық ер-азамат мерзімді әскери қызметке шақырылады. Олардың ішінде 12 000-нан астам адам – Қарулы күштер, 7 000 – Ұлттық ұлан, 3 000 – ҰҚК Шекара қызметі, 400-ден астам адам – Төтенше жағдайлар министрлігі, 300-ге жуығы – Мемлекеттік күзет қызметі қатарын толықтыратын болады.«Цифрлық шақыру» жүйесі мен «Smart военкомат» жобасының арқасында әскерге шақыру және әскери есепке алу қызметтерінің басым бөлігі проактивті форматта көрсетіледі. Тұрғылықты жері ауысқан кезде азаматтарды әскери есепке қою, 17 жастағы бозбалаларды тіркеу, сондай-ақ әскерге шақыруды кейінге қалдыру мен босатуды ұсыну қызметтері автоматтандырылды. Әскери есепке қатысты барлық мәліметтер азаматтарға eGov порталындағы жеке кабинетінде қолжетімді.Қорғаныс ведомствосы мерзімді әскери қызметтің беделін арттыру бағытындағы жұмысты жалғастыруда. Оның барысында әскери қызметшілер әскери-есептік мамандықпен қатар, еңбек нарығында сұранысқа ие 20-ға жуық жұмысшы кәсібін тегін меңгере алады. Олардың қатарында жүргізуші, байланыс маманы, парамедик, экскаваторшы және тағы басқалары бар.Бұдан бөлек, сарбаздар үшін әскери қызмет өткеру кезеңінде несие төлемдерін кейінге қалдыру және ҰБТ тапсырмай-ақ мемлекеттік білім беру гранты бойынша жоғары оқу орындарына түсу мүмкіндігі қарастырылған.Осылайша, Қорғаныс министрлігі әскери қызметті ұйымдастыру сапасын арттыруға, цифрлық сервистерді дамытуға және сарбаздардың ата-аналарымен өзара байланысты нығайтуға бағытталған жобаларды жүйелі түрде жүзеге асырып келеді. Бұл ретте қызмет өткеру қауіпсіздігіне, Қарулы күштердің ашықтығына және әскери қызметшілер үшін заманауи әлеуметтік-тұрмыстық жағдайлар жасауға ерекше назар аударылады.Мерзімді әскери қызмет – ол елдің қорғаныс қабілетін қамтамасыз ету жүйесінің маңызды элементі. Әскерде шыңдалған сарбаздар мемлекеттің жұмылдыру резервін құрайды. Ал әскери өмірдің өзі олардың бойында темірдей тәртіп пен жауапкершілікті, көшбасшылық қабілет пен ұжымда жұмыс істеу дағдысын қалыптастырады.Ақпарат көзі : https://www.gov.kz/memleket/entities/mod/press/news/details/1284023?lang=ru

«Ұлытау облысы әкімінің аппараты» ММ Ішкі аудит қызметі (бұдан әрі - ЖАО ІАҚ) қызметінің тиімділігіне бағалау жүргізу шеңберінде Қазақстан Республикасы Қаржы министрлігінің Ішкі мемлекеттік аудит комитеті Мемлекеттік аудит органдарымен өзара іс-қимыл басқармасымен Ұлытау облысы бойынша Ішкі мемлекеттік аудит департаменті (бұдан әрі - ІМАД)   жұмыс кеңесі өткізілді.Кеңесте ЖАО ІАҚ жоспарлы бағалау қорытындылары, сондай-ақ аудиторлық іс-шара материалдарына жүргізілген сапа бақылауы мәселелері қарастырылды.Объектілерді сапалы алдын-ала зерделемеу, тиісті көрсеткіштерге қол жеткізу тұрғысынан олардың қызметін талдаудың толық болмауы, сондай-ақ мемлекеттік аудит жүргізудің Стандарттары мен Қағидаларының жекелеген талаптарын сақтамау негізгі проблемалар мен жүйелі кемшіліктер болып табылады.Ішкі аудит қызменінің жұмысын бағалау қорытындысын ескере отырып, Комитетпен аудиторлық қызмет нәтижелілігінің сапасын арттыруға, ақпараттық дерекқорларға қол жеткізуді қамтамасыз етуге, Аудит жөніндегі кеңестердің рөлін күшейтуге, тексеру қамтуларын кеңейтуге, сондай-ақ оларды жүргізудің электрондық форматын пайдалануға бағытталған ұсынымдар әзірленді және берілді.Комитет ІАҚ қызметін үйлестіруді, оның ішінде әдістемелік және консультациялық көмек көрсетуді жалғастыратын болады.Ақпарат көзі : https://www.gov.kz/memleket/entities/kvga/press/news/details/1283986?lang=ru

Бүгін Шымкентте 40 тұрғын мен олардың отбасына жаңа пәтерлердің кілті табысталды. Салтанатты рәсімге Шымкент қаласының әкімі Ғабит Сыздықбеков қатысты.Жаңа қоныстанушылардың қатарында ұзақ уақыт бойы баспана кезегінде тұрған азаматтар бар. Олардың арасында жетім балалар мен ата-анасының қамқорлығынсыз қалған балалар, мүгедектігі бар азаматтар, көпбалалы және ерекше қажеттілігі бар балаларды тәрбиелеп отырған отбасылар, сондай-ақ халықтың әлеуметтік осал топтарына жататын азаматтар бар.Шымкент қаласы тұрғын үй басқармасы басшысының міндетін атқарушы Көпжан Тілеубаевтың айтуынша, тұрғындарға «Асар-2» шағынауданындағы жаңа үйлерден пәтер берілді. Баспаналар «Отбасы банк» АҚ-ның жеңілдетілген несиелік бағдарламалары аясында рәсімделген.Тұрғындарды қолжетімді баспанамен қамтамасыз ету – қаланың әлеуметтік саясатының маңызды бағыттарының бірі.

Шымкентте Білім күніне орай Өзбекәлі Жәнібеков атындағы Оңтүстік Қазақстан педагогикалық университетінің студенттеріне қала әкімінің білім гранттары табысталды. Салтанатты шара «Қызғалдақ сарайында» өтті.Биыл университетке білім беру бағдарламаларының барлық деңгейі бойынша 3 020 талапкер қабылданды. Оның ішінде бакалавриатқа түскен 2 439 жастың 529-ы мемлекеттік грантқа, 91-і Шымкент қаласы әкімінің грантына ие болды.Қала әкімінің гранты – жастардың сапалы білім алуына және болашақ мамандығын игеруіне көрсетіліп отырған нақты қолдаудың бірі. Әсіресе педагогикалық бағыттағы мамандарды даярлау – білім саласының тұрақты дамуы үшін маңызды.«Қызғалдақ сарайында» өткен салтанатты жиында Шымкент қаласының жастар саясаты басқармасының басшысы Ә. Әбдәкімов студенттерді Білім күнімен және жаңа оқу жылының басталуымен құттықтады.Жиын барысында жастарға университет қабырғасында сапалы білім алумен қатар, ғылыммен айналысуға, қоғамдық жұмыстарға, волонтерлікке, спорт пен шығармашылыққа белсенді араласуға шақыру айтылды.Қазіргі заманда кәсіби біліммен қатар, шет тілдерін және цифрлық технологияларды меңгеру, еңбекқорлық пен жауапкершілікті қалыптастыру маңызды. Студенттік кезең – білім мен тәжірибе жинақтап, жеке тұлға ретінде қалыптасуға мол мүмкіндік беретін уақыт.Шымкент – жастардың білім алып, кәсіби дамуына ерекше көңіл бөлінетін қала. Осы бағытта жастарға сапалы білім алуға мүмкіндік жасау және олардың әлеуетін дамытуға қолдау көрсету – қала әкімдігінің басым бағыттарының бірі.Биыл қала әкімінің грантына ие болған 91 жас үшін бұл – үлкен мүмкіндік әрі жауапкершілік. Жастардың алдағы уақытта таңдаған мамандығын терең меңгеріп, алған білімін ел игілігіне жұмсауы маңызды.

Алматы облысында тұрғындарға білікті медициналық көмектің қолжетімділігін арттыру мақсатында мобильді медициналық топтардың жұмысы басталады.7 қыркүйек пен 9 қазан аралығында облыстық Денсаулық сақтау басқармасының ұйымдастыруымен тәжірибелі медицина мамандарынан құралған мобильді топтар аудандық ауруханаларға барып, тұрғындарға консультациялық-диагностикалық және мамандандырылған медициналық көмек көрсетеді.Бұл жолы мобильді медициналық топтардың жұмысы облыс орталығына жақын орналасқан аудандардың тұрғындарын қамтуға бағытталады. Яғни аудан тұрғындарымен қатар, медициналық ұйымдарға жақын орналасқан елді мекендердегі азаматтар да бейінді мамандардың қабылдауынан өте алады.Мобильді топ құрамында онколог, акушер-гинеколог, инфекционист, кардиолог, реаниматолог-анестезиолог, балалар инфекционисті, педиатр, ревматолог, гастроэнтеролог, неонатолог, психиатр және кардиохирург сынды бейінді мамандар жұмыс істейді.Дәрігерлер тұрғындарды қабылдап, денсаулық жағдайын бағалайды, қажетті медициналық ұсынымдар береді. Қажет болған жағдайда пациенттерге медициналық көрсетілімдер бойынша хирургиялық операциялар да жасалады.Мобильді медициналық топтардың аудандық деңгейге шығуы тұрғындардың облыстық деңгейдегі бейінді мамандардың кеңесін алу үшін алысқа бару қажеттілігін азайтып, медициналық көмекті тұрғылықты жеріне барынша жақындатуға мүмкіндік береді.Алматы облысы Денсаулық сақтау басқармасының басшысы Ержан Сүлейменов:«Мобильді медициналық топтардың жұмысы – тұрғындарға сапалы әрі білікті медициналық көмекті жақындатудың маңызды бағыты. Бұл жолы облыс орталығына жақын орналасқан аудандардың тұрғындарын қамтуға басымдық беріп отырмыз. Бейінді мамандардың аудандық ауруханаларға баруы азаматтарға қажетті консультацияны уақытылы алуға, ауруларды ерте анықтауға және әрі қарайғы емдеу тактикасын дер кезінде белгілеуге мүмкіндік береді. Қажет болған жағдайда тиісті медициналық көрсетілімдер бойынша операциялық ем де жүргізіледі. Бұл – тұрғындардың медициналық қызметке қолжетімділігін арттыруға бағытталған жүйелі жұмыстың бір бөлігі», – деді Ержан Сүлейменов.Айта кетейік, Алматы облысында мобильді медициналық топтардың шалғай елді мекендерге шығу тәжірибесі бұған дейін де жүзеге асқан. Білікті мамандардың аудан тұрғындарына тікелей медициналық көмек көрсетуі ауруларды ерте анықтауға, күрделі жағдайларды уақытылы бағалауға және пациенттерді әрі қарай емдеуді дұрыс ұйымдастыруға мүмкіндік беріп келеді.Ақпарат көзі : https://www.gov.kz/memleket/entities/almobl-densaulyk/press/news/details/1283590?lang=ru

Құлжа және Талғар тасжолдары бойында 45 мың көрерменге арналған заманауи футбол стадионы салынады. Жоба аумағы шамамен 32 гектарды құрайды. Қазір нысан аумағында құрылыс жұмыстары басталды.Стадион УЕФА-ның 4-санаты талаптарына сай болады. Жобада жаттығу базалары, жанкүйерлерге арналған демалыс аймақтары, заманауи қауіпсіздік жүйелері және аумақты абаттандыру қарастырылған.Сонымен қатар көрермендердің стадионға қолайлы жетуі үшін көлік инфрақұрылымын дамытуға ерекше көңіл бөлінеді.Ақпарат көзі : https://www.gov.kz/memleket/entities/almaty-us/press/news/details/1283601?lang=ru

      Елдің барлық көппәтерлі үйлері мекенжайы, қабаты, пәтерлер мен тұрғын емес үй — жайлар саны, үйдің жай-күйі, лифтілер мен есепке алу аспаптары бар бір тізілімге жинақталатын болады. Жұмыс «Тұрғын үй қатынастары туралы» Заңды орындау және «Энергетикалық және коммуналдық секторларды жаңғырту» ұлттық жобасы, сондай-ақ күрделі жөндеу мен техникалық тексерудің мемлекеттік бағдарламаларын жоспарлау шеңберінде жүргізіледі.Түгендеу «Тұрғын үй қатынастары туралы» Заңның 2-бабы бойынша көппәтерлі тұрғын үйдің анықтамасына сәйкес келетін барлық ғимараттарды қамтиды: кондоминиум объектісінің ортақ мүлкінен және екі немесе одан да көп пәтерден немесе тұрғын емес үй-жайлардан тұратын жеке тұрған ғимарат. Есепке қабатына, меншік иелерінің санына, тіркелген кондоминиум объектісінің болуына және басқарудың таңдалған нысанына қарамастан, ауылдық елді мекендердегі екі және төрт пәтерлі үйлерді және басқару нысаны әлі анықталмаған үйлерді қоса алғанда, үйлер жатады.Әрбір үйде тізілімде бірыңғай кілт бар — мекенжайдың тіркеу коды (МТК). Осы код бойынша үйге басқа көздерден алынған мәліметтер: ғимараттың техникалық сипаттамалары, сандық және сапалық көрсеткіштер, Үй-жайлар туралы деректер, басқару нысаны мен лифттердің жай-күйі туралы мәліметтер, желілер мен есептеу құралдарына қосылу туралы деректер «бекітіледі».Мәліметтерді беру тәртібі Тұрғын үй қатынастары және тұрғын үй-коммуналдық шаруашылық саласындағы ақпаратты қалыптастыру, өңдеу, орталықтандырылған жинау және сақтау қағидаларында белгіленген. Олар деректерді беруге міндетті ұйымдардың шеңберін анықтады: жергілікті атқарушы органдар, табиғи монополиялар субъектілері, мүлік иелерінің бірлестіктері, мүлік иелерінің кооперативтері, басқа басқару субъектілері.Меншік иелерінің дербес деректері-тегі, жеке сәйкестендіру нөмірлері, құқық белгілейтін құжаттар және берешек туралы мәліметтер-түгендеу кезінде жиналмайды. ------------------------------------------------------------------------------------------------------- Тізілім не береді: лифттерді күрделі жөндеуге және ауыстыруға арналған үйлердің нақты тізімдері, үйлердің есепке алу құралдарымен жабдықталуының нақты деңгейін түсіну, орташаланған бағалаулар емес, нақты деректер негізінде желілерді жаңғыртуға өңірлердің қажеттілігін есептеу. Коммуналдық төлемдер түбіртектерінде есептеудің дұрыстығы ПИК пен МИБ, басқарушы компаниялар арасында атқарушылық құжаттаманы жүргізу және жұмыс тәртібін арттырадыАқпарат көзі : https://www.gov.kz/memleket/entities/abay-kurchatov/press/news/details/1283649?lang=ru