«ДАУЫС» қоғамдық байқаушылар коалициясы Қазақстан Республикасының жаңа Конституциясын қабылдау мәселесі бойынша өткізілетін жалпыхалықтық референдумға тәуелсіз байқаушылар ретінде қатысатынын ресми түрде мәлімдейді.Конституция – мемлекеттік биліктің құрылымын айқындайтын, азаматтардың құқықтары мен бостандықтарының кепілдіктерін белгілейтін және ел дамуының негізгі қағидаттарын бекітетін аса маңызды құжат. Сондықтан мұндай тарихи шешімдер дауыс беру үдерісінің толық ашықтығы, заңдылығы және әділдігі жағдайында қабылдануы тиіс.Біздің басты мақсатымыз – референдумның барлық кезеңінде қоғамдық бақылауды қамтамасыз ету. Коалиция жұмысы жүйелі түрде және республика көлемінде ұйымдастырылады. Байқаушыларымыз дауыс беру учаскелері ашылған сәттен бастап қорытындылар шығарылғанға дейін өз міндеттерін кәсіби, мұқият әрі жауапкершілікпен атқарады.Қоғамдық сенім сөзбен емес, нақты әрекетпен, заң талаптарын сақтау арқылы қалыптасады. Тәуелсіз бақылау – сайлау үдерісінің ашықтығы мен айқындығын қамтамасыз ететін маңызды тетік.«ДАУЫС» коалициясы – ел болашағына бейжай қарамайтын азаматтардың бірлестігі. Әрбір қазақстандықтың дауысы ескеріліп, еркі әділ түрде көрініс табуы – біздің ортақ міндетіміз. Біз осы мақсат жолында еңбек етеміз.«ДАУЫС» қоғамдық бақылаушылар коалициясы.

13 ақпан күні Бастаушы ауылдық клуб үйінде Ауған соғысының ардагерімен тағылымды кездесу өтті.Кездесу барысында ардагер әскери қызметтегі естеліктерімен бөлісіп, жастарға патриоттық тәрбиеге бағытталған өнегелі әңгіме айтты.Кітапханашы Маулханова Ж.Т. "Ауған жүрегімдегі жара" атты кітап көрмесіне шолу жасады.Іс- шара соңында ардагерге алғыс білдіріліп, естелік сыйлықтар табысталды.Ақпарат көзі : https://www.gov.kz/memleket/entities/vko-samar-bastaushy/press/news/details/1163863?lang=kk

Құжат 2026 жылғы 13 ақпанда Әділет министрлігінде тіркелді (№37975).Бұл шара кәсіпкерлердің қаржылық жүктемесін азайту және қарыздарын қосымша санкцияларсыз реттеуге мүмкіндік беру мақсатында қабылданды.Егер кәсіпкер 2026 жылғы 1 қаңтардағы жағдай бойынша есепте тұрған салық берешегінің (негізгі қарыздың) толық сомасын 2026 жылғы 1 қаңтар мен 31 наурыз аралығында өтесе, онда:- толық өтеген күнге дейін есептелген өсімпұлды қоса алғанда, барлық өсімпұл есептен шығарылады;- берешегі өтелген салықтар мен бюджетке төленетін басқа да міндетті төлемдер бойынша салынған айыппұлдар есептен шығарылады;- сондай-ақ 2026 жылғы 1 қаңтарға дейін ҚҚС бойынша есепке тұрмау кезеңінде жасалған айналымдар үшін салынған айыппұлдар (2026 жылғы 1 қаңтардағы жағдай бойынша мәжбүрлеп өндіріп алу шаралары қолданылмаған жағдайда) есептен шығарылуы мүмкін.Бұл мүмкіндікті пайдалану үшін негізгі қарыз сомасын 2026 жылғы 31 наурызға дейін толық төлеу қажет.Одан кейін есептен шығару мемлекеттік кірістер органдары жанындағы арнайы комиссиялардың дербес шоттарды тексеруі нәтижесінде жүзеге асырылады.Қабылданған Қағидалар кәсіпкерлерге бұрынғы берешектерін қосымша қаржылық шығындарсыз жабуға, қарыз жүктемесін азайтуға және алдағы уақытта санкциялар есептелу қаупінсіз жұмысын жалғастыруға мүмкіндік береді.Бұл бизнеске берешекті реттеп, жиналған өсімпұлдар мен айыппұлдарсыз қызметін жалғастыруға берілген мүмкіндік.Толық мәліметпен сілтеме арқылы танысуға болады https://zan.gov.kz/client/#!/doc/222079/kaz Ақпарат көзі : https://www.gov.kz/memleket/entities/kgd-vko/press/news/details/1163865?lang=kk

Братислава, 2026 ж. 12-13 ақпан – Қазақстанның Словакиядағы Елшісі Жанна Сағынова Жилина өлкесінің Сауда-өнеркәсіп палатасының басшылығымен, атап айтқанда директор Павол Витекпен және басқарма мүшесі Ян Мишурамен, сондай-ақ «AZC Group» компаниясының иесі Ян Саболмен бірқатар кездесулер өткізді.Кездесулер барысында Қазақстан мен Словакия арасындағы сауда-экономикалық ынтымақтастықты одан әрі нығайту мәселелері жан-жақты талқыланды. Елші Қазақстан Республикасының экономикалық және инвестициялық әлеуеті туралы ақпарат беріп, словакиялық іскер топ өкілдерін қазақстандық нарықтың мүмкіндіктерімен таныстырды.Тараптар өнеркәсіп, ауыл шаруашылығы, көлік және логистика, ақпараттық технологиялар, туризм және білім беру салаларында бірлескен жобалар мен кооперацияны дамыту зор әлеуетке ие екенін атап өтті.Өңірлік сауда-өнеркәсіп палатасының басшылығымен өткен кездесуде өңіраралық іскерлік, мәдени-білім беру және туристік байланыстарды дамытуға басымдық берілген ынтымақтастықтың негізгі бағыттары қарастырылды. Палата өкілдері қазақстандық серіктестермен өзара байланыстар орнатуға қызығушылық білдіріп, Қазақстан Республикасынан келетін бизнес-миссияны қабылдауға дайын екендерін растады.Анықтама: Жилина өңірінің сауда-өнеркәсіп палатасы Словакия Республикасындағы ең ірі өңірлік палаталардың қатарына жатады. Жилина өңірі индустрияландыру деңгейі жоғары, экономикалық тұрғыдан дамыған аймақтардың бірі болып табылады, мұнда машина жасау саласы экономиканың негізгі тірек салаларының бірі саналады.Ян Саболмен өткен кездесу барысында екіжақты күн тәртібіндегі экономикалық мәселелер бойынша пікір алмасу жүзеге асырылып, өзара қызығушылық тудыратын салаларда бірлескен жобаларды іске асыру перспективалары талқыланды.Анықтама: «AZC Group» компаниялар тобының портфеліне Орталық Еуропадағы ондаған компания кіреді. Соңғы жылдары топ Үндістан, Бразилия және Азия нарықтарында өз ұстанымын нығайтуға ұмтылуда. 2024 жылы компания тобының айналымы шамамен 4 миллиард еуроны құрады. Ақпарат көзі : https://www.gov.kz/memleket/entities/mfa-bratislava/press/news/details/1163803?lang=kk

Эр-Рияд, 2026 жылғы 17 ақпан – Қазақстан Республикасының Сыртқы істер министрі Ермек Көшербаев Сауд Арабиясы Корольдігіне ресми сапармен барды.Делегация құрамына «Самрұқ-Қазына» ҰК» АҚ Басқарма төрағасы Нұрлан Жақыпов және ҚР Энергетика министрі Ерлан Ақкенженов, сондай-ақ меморгандар мен квазимемлекеттік мекемелердің өкілдері енді.Сапардың басты оқиғасы корольдіктің Сыртқы істер министрі ханзада Фейсал бен Фархан Аль Саудпен келіссөздер болды. Тараптар саяси диалогты нығайтуға, сауда-экономикалық және инвестициялық өзара іс-қимылды кеңейтуге, сондай-ақ мәдени-гуманитарлық байланыстарды тереңдетуге басымдық бере отырып, қазақ-сауд серіктестігінің ағымдағы жай-күйі мен даму перспективаларын жан-жақты қарастырды.Сыртқы саяси ведомстволардың басшылары өзара сыйластық, сенім және стратегиялық бірін-бірі толықтыру қағидаттарына негізделген екіжақты қатынастардың қарқынды серпінін атап өтті. Басты назардың шарттық-құқықтық базаны одан әрі жетілдіруге және ынтымақтастықты нақты өзара тиімді жобалармен толықтыруға бағытталғандығы расталды.Өңірлік және жаһандық күн тәртібіндегі өзекті мәселелер бойынша жан-жақты пікір алмасу өтті. БҰҰ, ИЫҰ, АӨСШК, сондай-ақ ОПЕК+форматын қоса алғанда, халықаралық құрылымдар шеңберіндегі күш-жігерді үйлестірудің маңыздылығы аталып өтті. Ведомствоаралық тығыз өзара іс-қимылды жалғастыру және негізгі халықаралық мәселелер бойынша тәсілдерді келісу туралы уағдаластыққа қол жеткізілді.«Қазақстан Сауд Арабиясын Таяу Шығыс пен араб әлеміндегі жақын және сенімді серіктес ретінде қарастырады. Біздің елдеріміз мазмұнды саяси диалогты, сенімнің биік деңгейін және жаһандық және өңірлік сын – қатерлердің кең ауқымы бойынша ұстанымдардың жақындығын біріктіреді», - деп атап өтті Ермек Көшербаев.Сауда-экономикалық және инвестициялық ынтымақтастықтың әлеуетін ашуға ерекше назар аударылды. Қазақ тарапы энергетика, инфрақұрылым, агроөнеркәсіптік кешен және «жасыл» экономиканы қоса алғанда, басым секторларда сауд капиталының қатысуын кеңейтуге мүдделілік білдірді.Өз кезегінде ханзада Фейсал бен Фархан Корольдіктің іскерлік байланыстарды одан әрі жандандыруға және өзара қызығушылық тудыратын бағыттар бойынша іс жүзіндегі кооперацияны тереңдетуге дайындығын растады.Сапар аясында Қазақстан СІМ басшысы бірқатар екіжақты кездесулер, оның ішінде Корольдіктің Энергетика министрі ханзада Абделазиз бен Салман Аль Саудпен, Инвестициялар министрі Фахад Әл-Саифпен, сондай-ақ ACWA Power компаниясының Басқарма Төрағасы Мұхаммед Абунаянмен кездесу өткізді.Келіссөздер дәстүрлі генерация, жаңартылатын энергия көздері және «жасыл» көшу саласындағы жобаларды қоса алғанда, энергетикадағы салалық өзара іс-қимылды кеңейтуге, сондай-ақ Сауд Арабиясының инвестициялары мен технологиялық шешімдерін Қазақстан экономикасына тарту мәселелеріне бағытталды.Сапар қорытындысы бойынша Қазақстан мен Сауд Арабиясы арасындағы Инвестицияларды көтермелеу және өзара қорғау туралы және Үйлестіру кеңесін құру туралы үкіметаралық келісімдерге қол қойылды.Ақпарат көзі : https://www.gov.kz/memleket/entities/mfa-riyadh/press/news/details/1165242?lang=kk

Скопье, 2026 жылғы 16 ақпан – Қазақстанның Елшісі Сатыбалды Бұршақов Солтүстік Македония Парламенттік тобының төрағасымен Никола Коняновски бастаған ҚР-мен ынтымақтастық жөніндегі мүшелерімен кездесуде Қазақстанның жаңа Конституциясы туралы презентация жасады.Елші С.Бұршақов депутаттарды а.ж. 15 наурызында Қазақстанда саяси жүйені одан әрі демократияландыру мен жаңғыртуды, Президенттен Парламентке бірқатар билік өкілеттіктерін қайта бөлуді және жергілікті өкілді органдардың рөлін күшейтуді көздейтін жаңа конституция жобасын қабылдау бойынша жалпыұлттық референдум өткізу туралы хабардар етті.Қазақстандық дипломат ұсынылған Конституциялық новеллалар ықпалды парламенті бар супер президенттік модельден президенттік республикаға көшудің соңғы кезеңін белгілейтініне назар аударды. Елші жаңа Конституция «Күшті Президент – ықпалды Парламент – есеп беретін Үкімет» формуласы бойынша билік тармақтары арасындағы өкілеттіктерді айқындау арқылы тежеу мен тепе-теңдік жүйесін жетілдіруге арналғанын атап өтті.С.Бұршақов Негізгі Заңды жаңартудың негізгі мақсаты мемлекеттік басқаруды цифрлық трансформация мен жаһандық тұрақсыздықты қоса алғанда, қазіргі әлемнің сын-қатерлеріне бейімдеу болып табылатынын атап өтті. Реформаның өзегінде азаматтардың құқықтары мен бостандықтарын қорғауды күшейту, жеке өмірге қол сұқпаушылық пен дербес деректер қауіпсіздігіне кепілдіктерді бекіту, сондай-ақ ресурстық даму моделінен адами капиталға, ғылым мен инновацияларға негізделген экономикаға көшу мәселелері тұр.Кездесу барысында тараптар екіжақты парламентаралық ынтымақтастықты дамыту перспективаларын талқылады және өзара қызығушылық тудыратын халықаралық күн тәртібіндегі өзекті мәселелер бойынша пікір алмасты.Сонымен қатар, Қазақстан Елшісі Солтүстік Македония парламентшілеріне Қазақстан Республикасының Құрылтайшы Мемлекет ретінде Бейбітшілік Кеңесінің құрамына кіру және Авраам келісімдеріне қосылу туралы шешімі туралы жан-жақты ақпарат берді.Кездесу соңында Елші С.Бұршақов Қазақстанның саяси жүйесін кешенді жаңғыртуға жоғары қызығушылық танытқан депутаттардың сұрақтарына жауап берді. Солтүстік Македония парламентшілері биліктің заң шығарушы тармағының өкілеттіктерін кеңейтуге және азаматтардың құқықтарын қорғау тетіктерін жетілдіруге бағытталған конституциялық реформаның қазақстандық тәжірибесін зерделеуге қызығушылық білдірді.Ақпарат көзі : https://www.gov.kz/memleket/entities/mfa-skopje/press/news/details/1163812?lang=kk

Кишинёв, 2026 жылғы 17 ақпан. Қазақстан Республикасының Молдова Республикасындағы Елшісі Алмат Айдарбеков Молдова Республикасы Парламенті Төрағасының орынбасары Дойна Германмен кездесу өткізді.Кездесу барысында тараптар екіжақты қатынастардың дәйекті дамуын растады және парламентаралық ынтымақтастықты жүйелі түрде нығайтуға ниетті екенін атап өтті.Қазақстандық дипломат елде жүзеге асырылып жатқан саяси және экономикалық реформалар туралы жан-жақты ақпарат берді. Аталған реформалар ҚР Президенті Қасым-Жомарт Тоқаевтің бастамасымен қолға алынған. Осы тұрғыда Конституциялық реформа жөніндегі комиссияның қызметі, жаңартылған Конституцияның негізгі ережелері, сондай-ақ ү.ж.15 наурызына жоспарланған Қазақстан Республикасы жаңа Конституциясының жобасы бойынша республикалық референдум туралы мәлімет ұсыныды.А.Айдарбеков сондай-ақ Қазақстанның халықаралық дипломатия саласындағы жетістіктері мен 2025 жылдың қорытындылары бойынша елдің әлеуметтік-экономикалық дамуының негізгі көрсеткіштері туралы айтып берді.Өз кезегінде Вице-спикер Молдованың негізгі басымдықтарын атап өтті. Олардың қатарында еуропалық интеграция және сыртқы саясат, қауіпсіздік пен экономикалық өсімді ынталандыру, энергетикалық қауіпсіздікті нығайту және климаттық күн тәртібін ілгерілету, сондай-ақ әлеуметтік қорғау жүйесін жетілдіру және диаспорамен өзара іс-қимылды дамыту бар.Д.Герман молдава тарапының екіжақты ынтымақтастықты одан әрі дамытуға мүдделі екенін білдіріп, Кишинёвтың өзара қызығушылық тудыратын барлық бағыттар бойынша өзара іс-қимылды кеңейту мүмкіндіктерін қарастыруға дайын екенін атап өтті.Кездесу қорытындысы бойынша тараптар Қазақстан-Молдова ынтымақтастығын одан әрі нығайтуға өзара мүдделілігін растап, тұрақты саяси диалогты қолдаудың және парламентаралық байланыстарды жандандырудың маңыздылығын атап өтті.Ақпарат көзі : https://www.gov.kz/memleket/entities/mfa-kishinev/press/news/details/1163843?lang=kk

Қазақстан Сыртқы істер министрі Ермек Көшербаев 14 ақпанда Алматыда елдегі Біріккен Ұлттар Ұйымының агенттіктерінің басшыларымен конституциялық реформа, тұрақты даму басымдықтары мен өңірлік бастамаларды талқылау мақсатында кездесті.Көшербаев Қазақстанда БҰҰ Жарғысына берілгендігін және ұйымның халықаралық бейбітшілік, қауіпсіздік пен тұрақты дамуды қамтамасыз етудегі орталық рөлін тағы да растады, деп хабарлады Сыртқы істер министрлігінің баспасөз қызметі.Министр жүзеге асырылып жатқан конституциялық реформаның негізгі баптарына тоқталды.«Реформа жүйелі және ұзақ мерзімді сипатта. Ол институттық трансформацияға, заң үстемдігін нығайтуға, саяси тұрақтылықты арттыруға және азаматтардың құқықтары мен бостандықтарын кеңейтуге бағытталған», – деді Көшербаев.Ол ұсынылған конституциялық түзетулерге қатысты соңғы шешім 15 наурызда өтетін республикалық референдум арқылы қабылданатынын атап өтті.Кездесуде сондай-ақ бес жылдық ынтымақтастық шеңберінің басым бағыттары қаралып, БҰҰ елдік тобының алдағы кезеңге арналған жоспарлары талқыланды. Сонымен қатар күн тәртібінде Алматыда Орталық Азия мен Ауғанстанға арналған БҰҰ Тұрақты даму мақсаттары бойынша өңірлік орталығын дамыту мәселесі де болды. «Орталық – БҰҰ-ның өңірдегі далалық қатысуын нығайтуға және көпжақты ынтымақтастықты дамытуға Қазақстанның нақты үлесі», – деді Көшербаев.Орталық ресми түрде тамыз айында Президент Қасым-Жомарт Тоқаев пен БҰҰ Бас хатшысы Антониу Гутерреш қатысқан қол қою рәсімінде құрылды, оның мандаты БҰҰ Бас Ассамблеясымен мақұлданғаннан кейін.Көшербаев 22–24 сәуірге жоспарланған Аймақтық экологиялық саммит дайындығына қосқан үлестері үшін БҰҰ агенттіктеріне алғыс айтты. Ол сондай-ақ саммит Тоқаевтың БҰҰ жүйесінде халықаралық су ұйымын құру бастамасы бойынша халықаралық консультацияларды бастайтынын айтты.Қазақстанның қарқынды цифрлық трансформациясы аясында жиналыста Алматыда БҰҰ-ның Азия-Тынық мұхиты экономикалық және әлеуметтік комиссиясының (ESCAP) қолдауымен Тұрақты дамуға арналған цифрлық шешімдер орталығын құру бастамасы да қарастырылды.Ақпарат көзі : https://www.gov.kz/memleket/entities/mfa-geneva/press/news/details/1163850?lang=kk

22–24 сәуірде Астанада өтетін 2026 жылғы Аймақтық экологиялық саммит (RES) аясында ұйымдастырылатын жасыл технологиялар мен тұрақты шешімдердің халықаралық көрмесіне 20 000-нан астам қатысушы қатысуы күтілуде.Бұл саммит Орталық Азияның климаттық және экологиялық сын-қатерлеріне үйлесімді жауаптарды әзірлеуге арналған ірі халықаралық алаң қызметін атқарады. Ол өңірлік елдерді климаттық трансформация, экологиялық және табиғи тәуекелдерге бейімделу, азық-түлік қауіпсіздігі, табиғи ресурстарды тұрақты басқару, ауа ластануын бақылау, қалдықтарды басқару және экологиялық және цифрлық құзыреттерді дамыту мәселелері бойынша диалогты дамыту үшін біріктіреді.10 ақпанда саммит баспасөз қызметі хабарлағандай, Арал теңізі экожүйесін қалпына келтіруге, Каспий теңізіндегі су деңгейінің төмендеуіне, жасыл қаржыны дамытуға және төмен көміртекті технологияларды енгізуге ерекше назар аударылады.Саммит аясында RES 2026 EXPO халықаралық Жасыл технологиялар және инвестициялық жобалар орталығы (IGTIC) мен Қазақстанның Экология және табиғи ресурстар министрлігінің серіктестігінде ұйымдастырылады. Көрмеге 30-дан астам елден 300-ден астам компания қатысуы күтілуде және ол 20 000 шаршы метрден астам көрме мен презентация алаңында, соның ішінде 12 000 шаршы метрлік негізгі залда өтеді.RES 2026 EXPO тұрақты дамуды нақты жобалар, серіктестіктер және инвестициялық механизмдер арқылы көрсететін практикалық алаң ретінде ұйымдастырылған, ол стратегиялық талқылаудан іске асыруға өтуге мүмкіндік береді.Қазақстанның экология және табиғи ресурстар министрі Ерлан Нысанбаевтың айтуынша, бұл іскерлік және мемлекеттік сектор үшін серіктестікті нығайтуға, инвестиция тартуға және өңірде экологиялық жауапты экономиканың іргетасын қалауға мүмкіндік береді.«RES 2026 EXPO көрмесін өткізу – экологиялық трансформацияға, тұрақты дамуға және белсенді халықаралық ынтымақтастыққа бағытталған Қазақстанның стратегиялық бағытын көрсетеді. Халықаралық көрме инновациялық жасыл технологияларды көрсету және практикалық тәжірибені бөлісу үшін бірегей алаңға айналады», – деді ол.IGTIC басқару кеңесінің төрағасы Сәкен Калкаманов көрмеге халықаралық деңгейде жоғары қызығушылық танытылып жатқанын атап өтіп, Өзбекстан, Қырғыз Республикасы, Армения, Қытай және Испания, Франция, Швейцария, Германия сияқты бірнеше еуропалық елдердің ресми делегациялары мен компанияларының қатысуы расталғанын айтты.«Көрме саммит үшін саяси келісімдерді тұрақты дамуға және өңірдегі жасыл технологияларды енгізуге бағытталған нақты іскерлік шешімдерге айналдыратын диалог пен бірлескен іс-қимылдың практикалық алаңы болады», – деді ол.Үкіметтік органдар үшін RES 2026 EXPO саяси басымдықтарды таныстыруға және ұлттық, өңірлік экологиялық бағдарламаларға серіктестерді анықтауға мүмкіндік береді. Кәсіпорындар үшін бұл реттеушілерге, инвесторларға және халықаралық нарықтарға тікелей қолжетімділікті қамтамасыз етіп, ESG және тұрақтылық стандарттарына сәйкес шешімдерді көрсетуге мүмкіндік береді. Қоғам үшін көрме экологиялық күн тәртібі қалай қалыптасатынын ашық әрі түсінікті түрде көрсетуді мақсат етеді.Көрме стендтері мен қатысу форматтарына тіркелу ресми веб-сайтта ашық.Ақпарат көзі : https://www.gov.kz/memleket/entities/mfa-geneva/press/news/details/1163851?lang=kk

Қазақстан Республикасының Женевадағы Біріккен Ұлттар Ұйымының бөлімшесі және басқа да халықаралық ұйымдар жанындағы Тұрақты өкілдігі медициналық-санитарлық алғашқы көмек (МСАК) жөніндегі Жаһандық коалицияға арналған Тұрақты өкілдер кездесуін өткізді. Іс-шараға елшілер, жоғары деңгейдегі дипломаттар және Дүниежүзілік денсаулық сақтау ұйымының (ДДСҰ) өкілдері қатысып, қазіргі күрделі жаһандық жағдайда МСАК-ны ілгерілету мәселелері бойынша бейресми пікір алмасты.Кездесудің ашылуында Қазақстанның Тұрақты өкілі, Елші Е.Қазыхан еліміздің медициналық-санитарлық алғашқы көмек саласындағы көпжылдық көшбасшылығын атап өтті. Бұл көшбасшылық 1978 жылғы Алматы декларациясы мен 2018 жылғы Астана декларациясынан бастау алады. Ол гуманитарлық дағдарыстар, климаттық апаттар және теңсіздіктің өсуі жағдайында МСАК әділ әрі орнықты денсаулық сақтау жүйелерінің ең тиімді негізі болып қала беретінін айтты.Елші Қазақстанның МСАК жөніндегі Жаһандық коалицияны диалог, әріптестік және нақты іс-қимылға арналған саяси платформа ретінде ілгерілетуге берік бейілділігін растады және алғашқы медициналық-санитариялық көмекті жаһандық денсаулық сақтау күн тәртібінің өзегінде сақтау үшін мүдделі серіктестермен бірлесіп жұмыс істеуге дайын екенін білдірді.Іс-шара барысында ДДСҰ өкілдері – Қызмет көрсету тиімділігі, қаржыландыру және қызметтер көрсету департаментінің директоры К.Чалкиду мен МСАК қызметтерін көрсету бөлімшесінің басшысы Ш.Сайед сөз сөйлеп, одан кейін жоғары деңгейдегі қатысушылардың пікірлері тыңдалды.Қатысушылар ДДСҰ Бас директорының МСАК жөніндегі соңғы баяндамасына назар аударып, онда Жаһандық коалиция саяси міндеттемені сақтау және тәжірибе алмасу тетігі ретінде танылғанын атап өтті. Сонымен қатар болашақтағы ынтымақтастық мәселелері талқыланды.Қазақстан МСАК жөніндегі Жаһандық коалицияны 2023 жылы медициналық-санитарлық алғашқы көмекке жоғары деңгейдегі саяси назар аударуды көздейтін ерікті, өңіраралық платформа ретінде бастамашылық етті. Қазіргі уақытта Коалицияға ДДСҰ-ны қоса алғанда 24 серіктес ел мүше болып табылады және оған жаңа мемлекеттердің қызығушылығы артып келеді.Ақпарат көзі : https://www.gov.kz/memleket/entities/mfa-geneva/press/news/details/1163852?lang=kk

Продолжаются поездки по регионам членов Общенациональной коалиции «За Народную Конституцию Справедливого и Прогрессивного Казахстана!». Делегация во главе с Председателем Мажилиса Ерланом Кошановым провела серию встреч с жителями Шымкента. Учёные, трудовые коллективы, представители культуры, спорта и коммунальной сферы обсудили ключевые положения проекта Основного закона и его значение для будущего Казахстана. В центре внимания – человек, его труд, знания и безопасность.На площадке Южно-Казахстанского исследовательского университета им. М. Ауэзова состоялась встреча с научным сообществом, преподавателями и студентами, в которой приняли участие более 300 человек. Обращаясь к аудитории, Ерлан Кошанов подчеркнул особую роль университетской среды, которая формирует интеллектуальную основу нации.«Мы – нация, устремлённая к высоким идеалам и большим целям. Впереди нас ждут масштабные и по-настоящему судьбоносные дела. Но мы сможем подняться на новые вершины только тогда, когда в обществе восторжествует справедливость. Мы добьёмся поставленных целей лишь тогда, когда будут неукоснительно соблюдаться закон и порядок. Мы станем передовой страной, когда наша молодёжь в полной мере овладеет знаниями, наукой, инновациями и современными технологиями. И опираться на этом пути будем на нашу тысячелетнюю историю и самобытную культуру. Все эти ценности чётко и ясно отражены в новой Конституции», – сказал он.В ходе обсуждения депутат Мажилиса Екатерина Смолякова подчеркнула важность сохранности культурного кода тысячелетней истории Великой степи. Министр науки и высшего образования Саясат Нурбек отметил, что для университетов и исследовательской среды крайне важны долгосрочные правила развития, определяющие приоритеты государственной политики, уровень институциональной автономии и усиление роли науки как основы конкурентоспособности страны.Проректор Южно-Казахстанского педагогического университета Баршагуль Исабек отметила, что судьба любого сильного государства определяется его законами, исторической преемственностью и духом народа. Она отметила, что положения преамбулы новой Конституции, где говорится о сохранении тысячелетней истории Великой степи, отражают верность заветам предков и являются продолжением традиций степной демократии, берущих начало от «Қасқа жолы» Касым хана, «Ескі жолы» Есим хана и «Жеті жарғы» Тауке хана.Заведующий кафедрой политологии Auezov University Ардак Монтаев обратил внимание на международный опыт, что из 190 стран мира однопалатный Парламент имеют порядка 110 стран.Далее члены Коалиции встретились с сотрудниками коммунального предприятия «Еңбекші». Работники санитарной очистки, водители и специалисты коммунального хозяйства говорили о значении стабильной занятости, безопасности труда и социальной защищённости.На нефтеперерабатывающем заводе ТОО «ПетроҚазақстан Ойл Продактс» разговор был сосредоточен на ценностях закона и порядка, справедливости и ответственности. Работники предприятия подчеркнули важность законодательных норм, направленных на защиту права на труд, справедливую оплату и безопасные условия работы. Особое внимание уделили вопросам экологической культуры и бережного отношения к окружающей среде, которые должны быть долгосрочными ориентирами государственной политики.Далее прошла встреча с работниками сферы культуры на площадке Шымкентского молодёжного театра. Артисты и представители творческих профессий отметили, что культура, образование и духовные ценности формируют прочную основу для сохранения идентичности и воспитания патриотизма.В этот же день члены Коалиции встретились со спортсменами и тренерами. Представители спортивного сообщества говорили о близости ценностей справедливости, честной конкуренции, дисциплины и ответственности, которые лежат в основе как спорта, так и сильного государства. Тренеры подчеркнули готовность активно участвовать в разъяснительной работе и формировать у молодёжи уважение к закону, труду и гражданской ответственности.По итогам встреч жители Шымкента выразили готовность прийти 15 марта на референдум по проекту новой Конституции.Напомним, что Общенациональная Коалиция «За Народную Конституцию Справедливого и Прогрессивного Казахстана!» была создана 13 февраля т.г. В её состав вошли 5 политических партий и порядка 300 общественных организаций, объединяющих около 5 миллионов казахстанцев. Пресс-служба Общенациональной КоалицииФото: Әли Ғалым

Құрметті отандастар!«Отандастар қоры» КеАҚ қазақ тілін насихаттауды жалғастыра отырып, 2026 жылдың наурыз айынан бастап қазақ тілін үйрету бойынша тегін онлайн курстардың жаңа легін бастайды!Тіл – ұлттың айнасы ғана емес, сіздің өз тарихыңызды терең түсінуге мүмкіндік береді. Бұл курс сіздің мәдени және тілдік деңгейіңізді кеңейтуге көмектеседі.Курсқа қатысушыларға қойылатын талаптары:– Шетелдегі этникалық қазақтар, бұрынғы отандастар, шетелде тұратын Қазақстан Республикасының азаматы болуы шарт;– Жас ерекшелігі маңызды емес;– Қазақ тілін үйренуге және дамытуға қызығушылығы болуы;– Онлайн сабақтарға тұрақты түрде қатысуы;– Негізгі құрал-жабдықтар: интернетке қосылған компьютер немесе смартфон.Курстың артықшылықтарыТілді меңгеру мүмкіндігі:– Қазақ тілінде еркін сөйлеу, жазу және түсіну дағдыларын дамыту;– Тілді меңгеру арқылы жаңа мүмкіндіктерге жол ашады: мемлекеттік қызмет, бизнес, мәдени шараларға қатысу.Тілдік орта қалыптастыру:– Онлайн курстарда тыңдалым, оқылым, жазылым және сөйлеу дағдылары кешенді түрде дамиды.Мәдениетпен танысу:– Тек тілді ғана емес, қазақ халқының мәдениеті мен дәстүрін де үйренуге мүмкіндік береді. Өз-өзіне сенімділік:– Тілді меңгерген сайын, жаңа ортада өз ойын еркін жеткізе алатын деңгейге жетеді, бұл өзіне деген сенімділікті арттырады.Сертификат алу мүмкіндігі. Ол үшін төмендегі шарттарды орындау қажет.Курсты толық аяқтау:       – Барлық сабақтарды толық өту;   – Әр сабақтың тапсырмаларын орындап, тесттерден өту.Қорытынды тест немесе емтихан тапсыру: – Курсты қорытындылау үшін жалпы білім деңгейін тексеретін емтихан немесе тест тапсыру қажет;  Белсенділік:– Сабақтарға тұрақты қатысып, белсенділік танытқан қатысушыларға беріледі.Неге дәл осы курс?– Сізге арналған интерактивті сабақтар;– Қызықты бейнематериалдар мен әдеби шығармалар.Курсқа қалай тіркелуге болады?Онлайн қазақ тілі курсы түрік және орыстілді аудиторияларда А1, А2, В1, В2 деңгейлерінде үйретіледі.Курсқа тіркелу және қатысу үшін деңгейіңізді анықтайтын тесттен өтіңіз 🔽Орыс тіліндегі тестhttps://docs.google.com/forms/d/e/1FAIpQLSeHSwC1Bh7oodrUEqaCIVwPXmIlR4yGaMOZa2JjlKkVrwQG6Q/viewform?usp=dialog  Түрік тіліндегі тестhttps://docs.google.com/forms/d/e/1FAIpQLScoCUYTiYCmNHLKhoGF12NZ00La_c_xHs51ZX8LP31pJrjjSQ/viewform?usp=dialog  Түрік және орыстілді аудитория үшін:– 25 ұпайға дейін жинағандар - А1 тобы– 50 ұпай аралығында жинағандар - А2 тобы– 75 ұпай аралығында жинағандар - B1 тобы– 75 ұпайдан көп жинағандар - В2 тобына қосылуыңызды сұраймыз.Түрік тілді аудитория үшін Whatsapp группалар:A1:  https://chat.whatsapp.com/LjaLJXMkz8d4G9MuMF3uUy    A2: https://chat.whatsapp.com/Eo9wP7FYd7YLqnBEPDEw4nB1 https://chat.whatsapp.com/JlVlOJjHNZhLsZK2gaeX4HВ2  https://chat.whatsapp.com/JOkqN6WOmRxCnWg96G5X81Орыс тілді аудитория үшін Telegram группалар:А1: https://t.me/+TmqhiKZHeVJiOWEy  А2: https://t.me/+erC61FUMki00YTAy  В1: https://t.me/+tbNy0C7bOoNlNDA6 В2: https://t.me/+A3V_axFsPp40ZmM6  WhatsApp және Telegram группаға қосылғаннан кейін оқытушының нұсқаулық беруін күтуіңізді сұраймыз. Оқытушы сабақ кестесін барлық қатысушылар тесттен өтіп болғаннан кейін жолдайды. Сабақ кестесі бойынша онлайн қазақ тілі курсы 2026 жылдың  наурыз айынан басталады.Ақпарат көзі : https://www.gov.kz/memleket/entities/mfa-muscat/press/news/details/1164755?lang=kk

Астана, 2026 жылғы 17 ақпан – Қазақстан Республикасы Сыртқы істер министрлігінде Қазақстан мен Швецияның сыртқы саяси ведомстволары арасында саяси консультациялардың бесінші раунды өтті.Қазақстан делегациясын Қазақстан Республикасы Сыртқы істер министрінің орынбасары Арман Исетов, ал швед делегациясын Швеция СІМ-нің саяси мәселелер жөніндегі бас директоры Торбьёрн Сольстрём басқарды.Келіссөздер барысында тараптар саяси, сауда-экономикалық, инвестициялық және мәдени-гуманитарлық ынтымақтастықтың кең ауқымды мәселелерін, сондай-ақ парламентаралық диалогты дамыту және іскер топтар арасындағы байланыстарды жандандыру перспективаларын талқылады.Қазақстанның Еуропалық Одақпен ынтымақтастығы мәселелеріне, соның ішінде Қазақстан мен ЕО арасындағы Кеңейтілген әріптестік және ынтымақтастық туралы келісімді іске асыру аясында, сондай-ақ халықаралық ұйымдар шеңберіндегі өзара іс-қимылға ерекше назар аударылды. Сонымен қатар халықаралық ұйымдар аясындағы өзара іс-қимыл және өңірлік әрі жаһандық күн тәртібінің негізгі мәселелері бойынша пікір алмасты.Кездесу қорытындысы бойынша тараптар саяси диалогты одан әрі дамытуға өзара дайын екендіктерін білдірді.ҚР СІМ мәліметінше, 2025 жылы Қазақстан мен Швеция арасындағы тауар айналымы 361,6 млн АҚШ долл құрады (+10,4%), оның ішінде экспорт – 75,9 млн долл, импорт – 285,6 млн долл 2005–2025 жылдар аралығында Швециядан Қазақстанға тартылған тікелей шетелдік инвестициялардың жалпы көлемі 690 млн АҚШ долларынан асты.https://www.gov.kz/memleket/entities/mfa/press/news/details/1163733?lang=kk Ақпарат көзі : https://www.gov.kz/memleket/entities/mfa-stockholm/press/news/details/1163743?lang=kk

Шымкент қаласындағы Пушкин атындағы қалалық әмбебап кітапхана ғимаратында татар халқының көрнекті ақыны Мұса Жәлелдің туғанына 120 жыл толуына арналған «Мұса Жәлел мұрасы: Ерлікке тартқан жол» атты әдеби кеш өтті. Іс-шараны кітапхана ұжымы мен татар-башқұрт этномәдени бірлестігі бірлесіп ұйымдастырды.Кеш барысында ақынның өмір жолы мен шығармашылығы кеңінен насихатталды. Сұрапыл соғыс жылдарында майдан даласында жүріп, фашистерге тұтқынға түскен қайсар қаламгердің тағдыры мен ерлігі туралы тағылымды деректер айтылды. Мектеп оқушылары ақын өлеңдерін жатқа оқып, көрермендерге рухани әсер сыйлады.Сонымен қатар, келушілер назарына Мұса Жәлелдің шығармашылығы мен өмірінен сыр шертетін кітап көрмесі ұсынылды. Кітапхана қызметкері Зәуре Мәскеуқызы ақынның «Варваризм» поэмасын әсерлі оқып, шығарма желісі бойынша дайындалған бейнеклип көрсетілді.Ұйымдастырушылардың айтуынша, Мұса Жәлелдің мерейтойын атап өту – тарихи жадты жаңғыртып, өскелең ұрпақты отансүйгіштік рухта тәрбиелеудің маңызды тетігі. Ақынның өмірі – елге деген сүйіспеншіліктің, ерлік пен батырлықтың жарқын үлгісі болса, шығармашылығы – халыққа адал қызмет етудің символы.Көрнекті қаламгердің есімі әдебиет тарихында оның Моабит дәптері жинағы және фашистер тұтқынындағы ерлік күресі арқылы мәңгі сақталады.

Шымкент қаласындағы Мирас университеті базасында Жаңа Конституцияның мазмұнын түсіндіруге арналған кездесу өтті. Іс-шараға оқу орнының профессор-оқытушылар құрамы мен студенттері қатысып, Ата Заңдағы жаңа нормалардың мәні мен маңызы жан-жақты талқыланды.Кездесуді PhD докторы, қауымдастырылған профессор Гүлзада Шінет жүргізді. Ол өз сөзінде Конституцияда адам капиталының мемлекеттің стратегиялық бағыты ретінде айқындалуы қоғам дамуының жаңа кезеңін білдіретінін атап өтті.— Қазіргі кезеңде экономиканың басты ресурсы – табиғи байлық емес, білімді әрі білікті адам. Конституцияда білім мен ғылымға, кәсіби құзыреттілікке басымдық берілуі – мемлекеттің ұзақ мерзімді даму стратегиясын ұстанатынын көрсетеді, – деді ол.Жиында PhD докторы, аға оқытушы Мира Бекебаева жаңа нормалардың еңбек нарығына ықпалына тоқталды. Оның айтуынша, адам капиталына басымдық беру еңбек қатынастарының сапалық өзгеруіне негіз болады.— Бәсекеге қабілеттілік енді тек өндіріс көлемімен емес, маманның кәсіби деңгейімен өлшенеді. Сондықтан білім беру саласына инвестиция салу – елдің тұрақты экономикалық дамуының кепілі, – деді ол.Заң ғылымдарының кандидаты, аға оқытушы Нұржан Жақсылықов Конституциядағы құқықтық нормалардың азаматтардың күнделікті өмірімен тікелей байланысын түсіндірді.— Конституциялық өзгерістер – абстрактілі ұғым емес. Азаматтың білім алуға қолжетімділігі, кәсіби дамуы және өз құқығын қорғау мүмкіндігі осы құжат аясында айқындалады. Сондықтан жаңа нормаларды терең түсіну әр азамат үшін маңызды, – деді Н.Жақсылықов.Кездесу барысында қатысушылар білім беру жүйесін дамыту, жастардың кәсіби қалыптасуы және құқықтық мәдениетті арттыру мәселелері бойынша пікір алмасты. Студенттер мен оқытушылар өздерін қызықтырған сауалдарын қойып, мазмұнды жауаптар алды.Ұйымдастырушылардың айтуынша, мұндай түсіндіру кездесулері азаматтардың құқықтық сауаттылығын арттыруға және конституциялық реформаның мәнін тереңірек ұғынуға ықпал етеді. Кездесу қорытындысы бойынша барлық қатысушылар жаңа Конституцияға қолдау білдірді.

Шымкент қаласында Жаңа Конституцияның мазмұнын түсіндіру мақсатында ақпараттық-түсіндіру жұмыстары жалғасуда. Осы бағытта «Ауыл» партиясы қалалық филиалы төрағасының орынбасары Әлфараби Мыңбай «Рахат-Шымкент» ЖШС еңбек ұжымымен кездесу өткізді.Кездесу барысында спикер қолданыстағы Конституция мен жаңартылған редакциядағы негізгі өзгерістерді салыстыра отырып, реформаның мәні мен маңызын нақты мысалдар арқылы түсіндірді.Әлфараби Мыңбайдың айтуынша, Жаңа Конституцияның басты ерекшеліктерінің бірі – азаматтардың шешім қабылдау үдерісіне тікелей қатысу мүмкіндігінің артуы.— Конституция – мемлекет дамуының темірқазығы. Жаңартылған Ата заң халық сұранысына берілген нақты жауап. Онда мемлекет пен қоғам арасындағы өзара байланыс жаңа деңгейге көтерілді. Референдум институтының рөлі артты, бұл – әр азаматтың ел болашағына ықпал ету тетігі күшейді деген сөз, – деді ол.Сондай-ақ Ата заңда жер мен табиғи ресурстардың халыққа тиесілі екені нақты айқындалғаны атап өтілді. Спикердің пікірінше, бұл норма ұлттық байлықты әділ бөлу қағидатын бекітіп, әлеуметтік әділеттілікті нығайтуға негіз болады.Кездесуде Конституциялық Соттың құрылуы да ерекше назарға алынды. Айтылғандай, енді азаматтар өз құқықтары бұзылды деп есептеген жағдайда Конституциялық Сотқа тікелей жүгіну мүмкіндігіне ие болады. Бұл құқықтық мемлекеттің нақты тетіктерін күшейтеді.Сонымен қатар Жаңа Конституцияда билік тармақтары арасындағы тепе-теңдік қағидатының нығайтылғаны айтылды. Парламенттің рөлі артты, ал Мәжіліс депутаттарының бір бөлігі бірмандаттық округтер арқылы сайланатын болады. Бұл халық пен депутат арасындағы байланысты күшейтіп, өңірлік мәселелердің ашық талқылануына мүмкіндік береді.Кездесу барысында фабрика қызметкерлері еңбек құқықтарын қорғау, әлеуметтік кепілдіктер және жергілікті басқару жүйесіне қатысты бірқатар сауалдар қойды. Спикер әр сұраққа жан-жақты жауап беріп, Жаңа Конституция нормаларының азаматтардың күнделікті өмірімен тікелей байланысты екенін атап өтті.— Жаңа Конституция – тек құқықтық құжат емес, ол әр азаматтың өмір сапасына әсер ететін негізгі заң. Еңбек құқықтары мен әлеуметтік қорғалуыңыз осы құжатпен айқындалған, – деді Ә.Мыңбай.Еркін пікір алмасу форматында өткен кездесу соңында өндіріс ұжымы реформаның мазмұны бойынша өз пікірлерін білдіріп, жаңа Конституцияны қолдайтындықтарын жеткізді.

*2026 жылдың басынан бері Алматыда қызылшаның 482 жағдайы тіркелді* Алматыдағы қызылша эпидемиологиялық жағдайы тұрақсыз болып қалуда, ал ауру жағдайларының көпшілігі вакцинацияланбаған балалар. Алматы қалалық санитарлық-эпидемиологиялық бақылау департаменті басшысының орынбасары Әсел Қалықова Аймақтық коммуникациялар қызметінде өткен баспасөз мәслихатында қазіргі эпидемиологиялық жағдай және алдын алу шаралары туралы айтып берді. Оның айтуынша, аурушаңдықтың көбеюі 2025 жылдың қараша айында басталды, сол кезде 30 жағдай тіркелді, ал желтоқсанға қарай олардың саны 142-ге дейін өсті. 2026 жылдың басынан бері өсім жалғасып, бүгінгі күнге дейін қызылшаның 482 расталған жағдайы тіркелді. «Біз жұқтырғандардың басым көпшілігі қызылшаға қарсы вакцинацияланбаған балалар екенін көріп отырмыз. Бұл инфекцияның таралуына және індеттің дамуына тікелей әсер етеді. Сондықтан вакцинация мәселесі бүгінде ерекше өзекті болып отыр», - деп атап өтті Әсел Қалықова. Расталған жағдайлардың жалпы санының 451-і 14 жасқа дейінгі балалар, бұл 93,5% құрайды. Жасөспірімдер 0,4%, ал ересектер 6,01% құрайды. 100 000 тұрғынға шаққандағы аурушаңдық деңгейі 19,8-ге жетті. Ең көп жағдай Алатау ауданында - 197, Наурызбайда - 110, Бостандықта - 45, Әуезовте - 39, Алмалыда - 32, Түрксібте - 24, Жетісуда - 20 және Медеуде - 15 жағдай тіркелді. «Жұқтырғандардың 87,9%-ы қызылшаға қарсы екпе алмаған. Негізгі себептер - екпеден бас тарту, медициналық қарсы көрсетілімдер және екпе жасына жетпеу. Бұл факторлар халықтың осал тобын құрайды», - деп атап өтті спикер. Вакцинацияланған адамдар арасында қызылшаның отыз төрт жағдайы тіркелді, олардың 33-інде вакцинация курсы толық емес, ал тек біреуі ғана толық вакцинацияланған. Аурулардың ең көп үлесі 1 жастан 4 жасқа дейінгі балалар мен бір жасқа дейінгі нәрестелер арасында болды. Жас тобы бойынша ауру көбінесе ұйымдаспаған ортадағы балалар арасында (72,1%) анықталды, одан кейін ұйымдасқан ортадағы балалар, мектеп оқушылары, әскери қызметкерлер, жұмыссыз ересектер және студенттер. Барлық инфекция ошақтарында эпидемияға қарсы шаралар қабылданды. Инкубациялық кезеңде 4154 байланыста болған адам анықталды және бақылауда. Эпидемиялық көрсеткіштерге сәйкес 706 байланыста болған адам қызылшаға, қызамыққа және эпидемиялық паротитке қарсы вакцинацияланды. Балабақшалар мен мектептерде сүзгілер енгізілді, сыныпта оқу уақытша тоқтатылды, жаппай жиналулар шектелді, ал вакцинацияланбаған балалардың байланыста болған адамдары бөлінді. «Вакцинация қызылша мен оның асқынуларынан қорғанудың жалғыз тиімді жолы болып қала береді. Вакцинаның әрбір дозасы баланың иммунитетін нығайтады және ауыр сырқаттану қаупін азайтады. Біз ата-аналарды вакцинацияға жауапкершілікпен қарауға шақырамыз», - деді Әсел Қалықова. Алматыда бұрын қызылшаға қарсы екпе алмаған 18 жасқа дейінгі балаларды қайталап иммундау жалғасуда. 6 айдан 10 айға және 29 күнге дейінгі балаларға да қосымша екпелер жасалуда. 2025 жылдың желтоқсанынан 2026 жылдың ақпанына дейін 1720 нәресте қамтылды, бұл тиістілердің 16,1%-ын құрайды. Жыл басынан бері 4200 бала мен жасөспірім қызылшаға қарсы екпе алды. Жергілікті амбулаториялық емханалардағы вакцинация клиникаларында жоспарлы екпелер екі рет — 1 жаста және 6 жаста — жасалады. Сарапшылар вакцинация кестесін сақтау вакцинациядан кейінгі тұрақты иммунитетті қалыптастыруға және инфекцияның одан әрі таралуына жол бермеуге көмектесетінін атап өтеді.

Алматыдағы қызылшамен ауырғандардың басым бөлігі екпе алмаған балалар болып отыр. Алматы қаласы Санитариялық-эпидемиологиялық бақылау департаменті басшысының орынбасары Әсел Қалықова қазіргі эпидемиологиялық ахуал мен аурудың алдын алу барысы туралы Өңірлік коммуникациялар қызметінде өткен баспасөз мәслихатында осылай деді.Оның айтуынша, аурудың өсімі былтырғы қарашада басталып, сол кезде 30 адам тіркеліпті. Желтоқсанда олардың саны 142-ге дейін жетті. Жылдың басынан бері өсім жалғасып, қазір қызылшамен ауырған 482 адам тіркелген.«Науқастардың басым көпшілігі қызылшаға қарсы екпе алмаған балалар. Бұл инфекцияның таралып, ауру ошақтарының қалыптасуына тікелей әсер етеді. Сондықтан екпе алуды елемеуге болмайды», — дейді Әсел Қалықова.Ауруы расталғандардың 451-і 14 жасқа дейінгі балалар болып шықты, бұл 93,5% деген сөз. Жасөспірімдер — 0,4%, ересектер — 6,01%. 100 мың тұрғынға шаққандағы сырқаттану көрсеткіші 19,8-ге жетті. Ең көбі Алатау ауданында — 197, Наурызбай ауданында — 110, Бостандық ауданында — 45, Әуезов ауданында — 39, Алмалы ауданында — 32, Түрксіб ауданында — 24, Жетісу ауданында — 20 және Медеу ауданында — 15 науқас тіркелген.«Науқастардың 87,9%-ы қызылшаға қарсы егілмеген. Негізгі себебі — вакцинациядан бас тарту, медициналық қарсы көрсетілімдер мен екпе жасына жетпеуі. Бұл халықтың ауруға ең бейім тобы», — деді спикер.Екпе алғандар арасында да қызылшамен ауырған 34 адам тіркелген, оның ішінде 33 адам вакцинацияның толық курсын алмаған, біреуі ғана толық егіліпті. Науқастардың ең үлкен үлесі 1 жастан 4 жасқа дейінгі балалар мен бір жасқа толмаған сәбилер. Контингент бойынша ауру көбінесе ұйымдастырылмаған балалар арасында — 72,1%, одан кейін ұйымдастырылған балалар, мектеп оқушылары, әскери қызметшілер, жұмыссыз ересектер мен студенттер арасында анықталған.Инфекция ошақтарының барлығында эпидемияға қарсы іс-шаралар жүргізілді. 4154 байланыста болған адам анықталып, олар инкубациялық кезең ішінде медициналық бақылауға алынды. Эпидемиялық көрсеткіштер бойынша қызылша, қызамық пен паротитке қарсы байланыста болған 706 адамға вакцина салынды. Балабақшалар мен мектептерде сүзгілік бақылау енгізіліп, кабинетте оқыту жағы уақытша тоқтатылды, жаппай іс-шаралар шектеліп, екпе алмаған байланыста болған балалар оқшауланды.«Вакцинация қызылша мен оның асқындырып алудан қорғанудың жалғыз тиімді жолы болып қала береді. Вакцинаның әр дозасы баланың иммунитетін күшейтіп, аурудың ауыр өту қаупін төмендетеді. Біз ата-аналарды екпеге жауапкершілікпен қарауға шақырамыз», — деді Әсел Қалықова.Алматыда бұрын қызылшаға қарсы екпе алмаған 18 жасқа дейінгі балаларды қамтитын қосымша иммундау жалғасып жатыр. Сондай-ақ 6 айдан 10 ай 29 күнге дейінгі балаларға қосымша вакцинация жүргізіле бастады. Былтырғы желтоқсаннан биылғы ақпанға дейін 1720 сәби қамтылып, бұл жоспарланғандардың 16,1%-ын құрады. Жыл басынан бері қызылшаға қарсы 4200 бала мен жасөспірім екпе алды. Жоспарлы вакцинация екі рет — 1 жаста және 6 жаста тұрғылықты жердегі емханаларда жүргізіледі.Мамандар екпе күнтізбесін сақтау тұрақты поствакциналық иммунитет қалыптастырып, инфекцияның тарамауына сеп болатынын атап өтті.

Аппараттық кеңесте "Тазалық-2012"ЖШС-нің одан әрі жұмыс істеуі мәселесі қаралды.2018 жылы кәсіпорын кейіннен сатып алу құқығымен сенімгерлік басқаруға берілді. Осы кезеңде мемлекет тарапынан материалдық-техникалық базаны дамыту және көрсетілетін қызметтердің сапасын арттыру үшін елеулі қолдау көрсетілді. Мамандандырылған техниканың үш бірлігі сатып алынды, 770 еуроконтейнер берілді, 118 контейнерлік алаң абаттандырылды.Сонымен қатар, ағымдағы қызметті талдау жеке инвестициялар көлемі жаңғыртудың қажетті қарқынын қамтамасыз ету үшін жеткіліксіз болып қалатынын көрсетті. Санитарлық жағдайға, экологиялық қауіпсіздікке және коммуналдық инфрақұрылымның сенімділігіне қойылатын талаптардың өсуі жағдайында басқарудың неғұрлым тұрақты және жүйелі Форматы талап етіледі.Кәсіпорын стратегиялық маңызды болып табылады және қаланың тіршілігін қамтамасыз ету жүйесіне кіреді. Коммуналдық қызметтердің сапасы мен қаланың санитарлық жағдайы оның тұрақты жұмысына тікелей байланысты.Осыған байланысты "Тазалық-2012" ЖШС-ні сенімгерлік басқарудан мемлекеттік меншікке қайтару туралы уағдаластыққа қол жеткізілді. Қабылданған шешім кәсіпорынның одан әрі жоспарлы дамуын қамтамасыз етуге, басқару тиімділігін арттыруға және оның өндірістік әлеуетін нығайтуға бағытталған.Ақпарат көзі : https://www.gov.kz/memleket/entities/kostanai-kalasy-akimat/press/news/details/1163693?lang=kk

2026 жылдың басынан бастап Қарағанды облысының Сауда және тұтынушылардың құқықтарын қорғау департаменті әлеуметтік маңызы бар азық-түлік тауарларына бағаның негізсіз өсуіне жол бермеу бойынша жұмысты күшейтті. ӘМАТ тізбесінің кеңеюіне байланысты бизнес өкілдерімен түсіндіру шаралары жүргізілді. Бақылау жұмыстары 15% сауда үстемесінің артық белгіленуінің алдын алуға және оны жедел тоқтатуға бағытталған. Жыл басынан бері ҚР ӘҚБтК-нің 204-4-бабы бойынша 15 кәсіпкер әкімшілік жауапкершілікке тартылды: оның ішінде 6 көтерме жеткізуші, 4 супермаркет және 5 шағын дүкен. Айыппұлдардың жалпы сомасы 934 мың теңгені құрады. Құқықбұзушылықтар сүт, күріш, тауық еті, күнбағыс майы, жұмыртқа, ұн, тұз, сондай-ақ тізімге жаңадан енгізілген әлеуметтік маңызы бар өнімдерін сату кезінде анықталған. Қосымша, ҚР ӘҚБтК-нің 193-бабы 4-бөлігі бойынша (баға жапсырмаларының сәйкес келмеуі) 2 құқықбұзушылық фактісі тіркелді. Мәселен, бір кәсіпкер қарақұмық жармасын сатып алу бағасы 294 теңге бола тұра, 370 теңгеден сатқан. Сауда үстемесі 26%-ды құрап, белгіленген шектен асқан. Тағы бір жеткізуші қырыққабатты келісін 100 теңгеден сатып алып, сауда желілеріне 135 теңгеден өткізген. Сауда үстемесі 35%-ға жеткен. Жүргізілген жұмыстардың нәтижесінде көтерме жеткізушіде де, сауда желілерінде де баға төмендетілді. Сонымен қатар, ӘМАТ тізіміне кіретін қияр, қызанақ және алма бойынша да заңбұзушылықтар анықталды. Атап айтқанда, бір кәсіпкер алманы килограмын 300 теңгеден сатып алып, сауда желілеріне 710 теңгеден өткізген. Сауда үстемесі 136%-ды құраған. Анықталған барлық фактілер бойынша кәсіпкерлер әкімшілік жауапкершілікке тартылды. Қабылданған шаралардың нәтижесінде тұтынушылар үшін түпкілікті бағалар төмендетілді. Қабылданған шаралар баға жағдайын тұрақтандыруға мүмкіндік берді: жыл басынан бері бірқатар позициялар бойынша бұрынғы деңгейге қарағанда төмендеу байқалды. Мысалы күріш (93,1%), тауық еті (92,0%), сүт (98,8%), алма (98,3%), тұз (92,2%) деңгейінде сақталып отыр. Көтерме және бөлшек сауда бағаларына мониторинг, сондай-ақ электрондық шот-фактураларды талдау тұрақты негізде жалғасуда. Департамент кәсіпкерлерді заң талаптарын сақтауға, ал азаматтарды бағаны негізсіз көтеру фактілері туралы E-Otinish платформасы арқылы хабарлауға шақырады.Ақпарат көзі : https://www.gov.kz/memleket/entities/mti/press/news/details/1163659?lang=kk