Мадрид, 2026 жылғы 17 ақпан – Қазақстанның Испаниядағы Елшісі Данат Мұсаев БҰҰ Туризм ұйымының (ЮНВТО) жаңа Бас хатшысы Шейха Насер Әл Новаиспен кездесу өткізді.Елші Шейха Әл Новаисті қызметке тағайындалуымен құттықтап, Қазақстанның Ұйыммен белсенді әрі мазмұнды ынтымақтастыққа, оның ішінде ЮНВТО-ның салалық бағдарламалары мен іс-шараларына қатысуға дайын екенін растады.Кездесу барысында тараптар Қазақстанның ЮНВТО-мен өзара іс-қимылының алдағы басым бағыттарын, соның ішінде орнықты туризмді дамыту, өңірлік туристік бағыттарды ілгерілету, туристік қызмет көрсету сапасын арттыру және салаға заманауи цифрлық шешімдерді енгізу мәселелерін талқылады.Кездесу қорытындысы бойынша тараптар тұрақты жұмыс байланыстарын қолдап, ынтымақтастықтың нақты бағыттарын бірлесіп одан әрі пысықтауды жалғастыруға уағдаласты.Ақпарат көзі : https://www.gov.kz/memleket/entities/mfa-madrid/press/news/details/1163615?lang=kk

Шымкент қаласында конституциялық реформа аясында «Әлеуметтік мемлекет және өмір сүру сапасының жаңа стандарттары» тақырыбында дөңгелек үстел жиыны ұйымдастырылды. Іс-шараға кәсіподақ белсенділері, салалық сарапшылар және қоғамдық ұйым өкілдері қатысты.Жиын барысында конституциялық реформаның еңбек нарығына, қызметкерлердің әлеуметтік қорғалу деңгейіне және жалпы халықтың өмір сүру сапасына ықпалы жан-жақты талқыланды.«Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев өз баяндамасында конституциялық өзгерістердің мемлекеттік құрылымды жаңғыртудағы және әлеуметтік мемлекетті нығайтудағы маңызына тоқталды.Оның айтуынша, Конституциялық комиссия құрамында Сатыбалды Дәулеталиннің болуы «Еңбек адамы» ұғымының мәртебесін арттырып, еңбеккерлердің құқықтары мен мүдделерін қорғаудың жаңа тетіктерін қалыптастыруға ықпал етеді.– Конституциялық реформа арқылы әлеуметтік мемлекеттің іргетасын нығайту – уақыт талабы. Жаңа стандарттар халықтың өмір сапасын жақсартудың негізгі құралына айналуы тиіс. Реформаның табысты жүзеге асуы әрбір азаматтың белсенділігіне байланысты. Бірлігіміз бен жауапкершілігіміз ғана әділетті қоғам мен жоғары өмір стандарттарын қалыптастырады, – деді Б. Әлтеев.Сондай-ақ ол жиын барысында айтылған ұсыныстар кәсіподақтардың алдағы жұмыс жоспарына енгізіліп, көтерілген мәселелер бойынша арнайы іс-шаралар кешені әзірленетінін атап өтті.Жиында Шымкент қалалық мемлекеттік, банк және қоғамдық қызмет көрсету мекемелері қызметкерлерінің жергілікті кәсіподағының төрағасы Серік Әуесханов сөз сөйлеп, мемлекеттік қызметкерлердің мәртебесі мен құқықтық қорғалуы мәселесіне тоқталды.– Мемлекеттік және қоғамдық қызмет көрсету саласындағы әрбір маман өзін қорғалған сезінуі қажет. Реформа аясында біз халыққа қызмет етудің ашық әрі әділ жүйесін қалыптастыруды қолдаймыз, – деді ол.Ал «Ұстаз жолы» қоғамдық бірлестігінің төрайымы Ұлжан Исабаева Конституциялық реформа әлеуметтік мемлекет қағидаттарын нығайтып, өмір сапасын арттыруға бағытталған маңызды қадам екенін жеткізді.Дөңгелек үстел қорытындысы бойынша қатысушылар әлеуметтік әріптестікті нығайту, еңбек құқықтарын қорғау және азаматтардың өмір сапасын арттыру бағытындағы жұмыстарды жүйелі түрде жалғастыру қажеттігін атап өтті.Іс-шара соңында Бауыржан Әлтеев кәсіподақ мүшелерін және барша азаматтарды конституциялық реформаны қолдауға және ортақ іске белсенді түрде атсалысуға шақырды.

Кеңес әскерлерінің шектеулі контингенті Ауғанстан Демократиялық Республикасынан шығарылған күні Ауған соғысының ардагерлеріне және Ауғанстанда қаза тапқан әскери қызметшілердің отбасыларына 200 мың теңгеден әлеуметтік көмек төленді. Барлығы 59 адам алды. Сонымен қатар, қала басшылығынан Ауғанстандағы соғыс қимылдарына қатысқан 52 адамға сыйлық жиынтықтары табысталды.     Посмотреть эту публикацию в Instagram           Публикация от Саран қаласының жұмыспен қамту бөлімі (@zhumyspen_qamty_bolimi_saran) Ақпарат көзі : https://www.gov.kz/memleket/entities/social-saran/press/news/details/1163596?lang=kk

Саран қаласының пробация қызметінде пробация қызметінде есепте тұрған адамдармен кездесу өтті. «Саран қаласының жұмыспен қамту және әлеуметтік бағдарламалар бөлімі» ММ мамандары «АMANAT» партиясының «Қарызсыз қоғам» әлеуметтік жобасы бойынша, әлеуметтік көмек тағайындау және тұрғын үй көмегін алу бойынша ақпараттық-түсіндіру жұмыстарын жүргізді.     Посмотреть эту публикацию в Instagram           Публикация от Саран қаласының жұмыспен қамту бөлімі (@zhumyspen_qamty_bolimi_saran) Ақпарат көзі : https://www.gov.kz/memleket/entities/social-saran/press/news/details/1163583?lang=kk

Саран қаласының отбасын қолдау орталығының маман-психологы Н.А. Пустовалова Саран қаласының № 7 мектеп-интернатының 8-сынып оқушылары арасында мектеп ортасында жанжалдар мен зорлық-зомбылықтың алдын алу бойынша тренинг өткізді.🎯 Мақсаты: оқушылар арасында зорлық-зомбылықтың алдын алу, олардың өзін тұлға ретінде құрметтеуге және айналасындағыларды құрметтеуге негізделген белсенді өмірлік ұстанымын қалыптастыру. 🤝✨     Посмотреть эту публикацию в Instagram           Публикация от Центр поддержки семьи г. Сарань (@sentr_podderzhki_semi_saran) Ақпарат көзі : https://www.gov.kz/memleket/entities/social-saran/press/news/details/1163590?lang=kk

Қостанай облысының әкімі Құмар Ақсақаловтың қатысуымен өткен әкімдік отырысында 2026 жылғы су тасқыны кезеңіне дайындық мәселесі қаралды. Жиынға облыстық департаменттер, басқармалар мен жауапты мекемелердің басшылары қатысты.Мемлекет басшысы бірқатар өңірлерде су тасқынының болуына ерекше назар аударды.Бүгінгі таңда облыста материалдық-техникалық жабдықтау және Жедел штабтың жұмысы оң нәтиже көрсетіп отыр.«Су тасқыны қаупі бар өңірлер үшін шамамен 1 млрд теңгеге 50 бірлік техника сатып алынды. Оның ішінде 7 жоғары өтімді техника, 3 вахталық автокөлік, 20 жол талғамайтын техника бар. Қарасу ауданында салынған су бұру арнасы елді мекендерді су басу қаупін төмендетіп, өзінің тиімділігін дәлелдеді», – аймақ басшысы Құмар Ақсақалов.Өңірде 32 қорғаныс бөгеті тұрғызылып нығайтылды, Тобыл өзені бойында жағалауды бекіту жұмыстары жүргізілді, автомобиль жолдарында 2 мыңнан астам су өткізу құрылыстары мен кәріз жүйелері тазартылды. Жолдардың 13 учаскесінде 38 су өткізу құбыры орнатылды. 9 гидротехникалық құрылыста қалпына келтіру жұмыстары жүргізілді.Қазіргі кезеңде өңірлерден 1,3 млн текше метрден астам қар шығарылды. Резервте шамамен 4 млрд теңге қарастырылған.Қазіргі уақытта мұзды жару орындары анықталды.Биыл жедел штаб ағымдағы жылдың 1 наурызында өз жұмысын бастайды.  Ақпарат көзі : https://www.gov.kz/memleket/entities/kostanay/press/news/details/1163591?lang=kk

Бүгін «Саран қаласының жұмыспен қамту және әлеуметтік бағдарламалар бөлімі» ММ-де Қазақстан Республикасының Конституциясына өзгерістер енгізуге және діни экстремизм мен терроризмнің алдын алуға арналған дәріс өтті. Дәріспен заңгер дінтанушы Серік Қуатұлы Тілекбаев сөз сөйледі.Кездесу барысында адам құқықтары мен бостандықтарының басымдығына, қоғамдағы бірлік пен келісімді нығайтуға бағытталған негізгі заңның негізгі өзгерістері мәселелері қаралды. Бірлік пен ынтымақтастық, этносаралық және конфессияаралық келісім Қазақстан мемлекеттілігінің іргетасы ретінде айқындалған.Әділдік, Заңдылық пен Тәртіп, табиғатқа ұқыпты қарау қағидаттарына, сондай-ақ ел дамуындағы білім, ғылым, мәдениет және инновациялардың рөліне ерекше назар аударылады.     Посмотреть эту публикацию в Instagram           Публикация от Саран қаласының жұмыспен қамту бөлімі (@zhumyspen_qamty_bolimi_saran) Ақпарат көзі : https://www.gov.kz/memleket/entities/social-saran/press/news/details/1163569?lang=kk

Бүгін біздің бөлімде «Азаматтарды құқықтық қолдаудың өзекті мәселелері» тақырыбында ақпараттық лекция өтті.Әріптестермен бірге:✅ заң көмегінің тетіктеріне;✅ еңбек және әлеуметтік салаларда азаматтардың құқықтарын қорғауға;✅ мемлекеттік қызметтерді цифрландыруға ерекше назар аудардық.Мұндай кездесулер біздің қызметкерлерімізге инновациялардан хабардар болуға және халыққа сапалы қолдау көрсетуге мүмкіндік береді.     Посмотреть эту публикацию в Instagram           Публикация от Саран қаласының жұмыспен қамту бөлімі (@zhumyspen_qamty_bolimi_saran) Ақпарат көзі : https://www.gov.kz/memleket/entities/social-saran/press/news/details/1163534?lang=kk

Тұрғындар арасында тұрғын үй көмегін тағайындау мәселесі бойынша ақпараттық-түсіндіру жұмыстары жүргізілді. Тұрғын үй көмегін алу тетіктері талқыланды. Тұрғын үй көмегі - бұл Қазақстандағы аз қамтылған азаматтар мен отбасыларға арналған мемлекеттік төлем. Оның негізгі мақсаты-мемлекеттік тұрғын үй қорынан алынған тұрғын үй, коммуналдық қызметтер және жалға берілетін тұрғын үй шығындарының бір бөлігін өтеу. Ақпарат көзі : https://www.gov.kz/memleket/entities/social-saran/press/news/details/1163521?lang=kk

Мемлекеттік кірістер комитеті 2026 жылғы 16-ақпаннан бастап салық төлеушінің ескі кабинетінде және Салық есептілігін өңдеу сервистері АЖ-де (СЕӨС) «Тауарларды әкелу және жанама салықтарды төлеу туралы өтініш» 328.00 нысаны өшірілетіні туралы хабарлайды.     Бұл ретте, 328.00 нысаның функционалы Салықтық әкімшілендірудің интеграцияланған жүйенің Салық төлеушінің жаңа кабинетінде (СӘИЖ СТК) толық қолжетімді екенін хабарлаймыз.     СӘИЖ Салық төлеушінің жаңа кабинетіне кіру үшін https://knp.kgd.gov.kz сілтеме арқылы өтуге болады.     Сұрақтар туындаған жағдайда сіз knpsd@ecc.kz электронды мекен-жайы арқылы қолдау қызметіне жүгіне аласыз.      Анықтама үшін. 328.00-нысаны «Тауарларды әкелу және жанама салықтарды төлеу туралы өтініш" салық есептілігіне (328.00-нысан) байланысты кейбір мәселелер туралы» Қазақстан Республикасы Қаржы министрінің 2025 жылғы 28 қазандағы № 628 бұйрығымен бекітілген.Ақпарат көзі : https://www.gov.kz/memleket/entities/kgd-akmola/press/news/details/1163437?lang=kk

2026 жылғы 11 ақпанда Қазақстан Республикасының Президенті республикалық референдум тағайындау туралы Жарлыққа қол қойды. 2026 жылғы 15 наурызда ел азаматтары жаңа Конституцияны қабылдау мәселесі бойынша өз таңдауын жасайды. Бұл қадам саяси жүйені кешенді жаңғыртуға бағытталған ауқымды конституциялық реформаның заңды жалғасы болып табылады.Реформаның негізі Мемлекет басшысы Қасым-Жомарт Тоқаевтың бір палаталы Парламент құру жөніндегі бастамасынан бастау алды. Бұл ұсыныс 2025 жылғы 8 қыркүйектегі халыққа Жолдауында жарияланып, оның басты мақсаты мемлекеттік басқару жүйесін тиімді ету, саяси институттарды жаңғырту және жасанды интеллект дәуіріндегі әлеуметтік-экономикалық дамуға серпін беру екені атап өтілді.Парламенттік реформа бойынша арнайы жұмыс тобы құрылып, оның құрамына заңгерлер, сарапшылар, саяси партиялар мен қоғамдық ұйымдардың өкілдері енді. Қоғам да бұл үдеріске белсенді қатысты. Азаматтар e-Otinish және eGov платформалары арқылы ұсыныстарын жолдап, жалпыұлттық талқылауға атсалысты. Нәтижесінде екі мыңнан астам ұсыныс қаралып, жүйеленді.Алайда реформаның түпкі мәні институционалдық өзгерістермен ғана шектелмейді. Жаңа Конституция жобасының негізгі тезисі айқын: Қазақстан Республикасы – демократиялық, зайырлы, құқықтық және әлеуметтік мемлекет. Мемлекеттің ең жоғары құндылығы – адам және оның өмірі, құқықтары мен бостандықтары.Бұл қағида мемлекеттік саясаттың барлық бағытына бағдар береді. Заң үстемдігі, әлеуметтік әділеттілік, азаматтардың құқықтарын қорғау, мемлекеттік органдардың есептілігі мен ашықтығы – осының бәрі адам мүддесін қорғауға қызмет етуі тиіс. Конституциялық реформа билік құрылымдарын қайта құрудан бұрын, адамның құқықтық мәртебесін күшейтуге, оның қадір-қасиеті мен еркіндігін қорғауға бағытталған.

 Қазақстан Республикасының жаңа Конституциясы елдің құқықтық негіздерін жаңаша жүйеге түсіруде маңызды қадам болып табылады. Құжатта әділетті заң мен азаматтардың құқықтары мен бостандықтары мемлекеттің ең жоғары құндылығы ретінде белгіленген.Жаңа Конституция мемлекет пен қоғам арасындағы теңгерімді нығайтып, әділетті заңның үстемдігін қамтамасыз етуге бағытталған. Ол әрбір азаматтың құқықтары мен бостандықтарының қорғалуын кепілдендіріп, қоғамдағы сенім мен тұрақтылықты арттыруға негіз болады.Құжаттың маңызды ерекшелігі — мемлекеттік басқаруда адам факторын басты орынға қоюы. Бұл дегеніміз, мемлекеттің әрбір шешімі мен саясаты адам өмірі мен құқықтарын қорғауға бағытталуы тиіс. Сонымен қатар, Конституцияда мемлекеттік институттардың тиімділігі, ашықтығы және есептілігі қамтамасыз етіледі.Қазақстанның жаңа Конституциясы — әділетті заң арқылы күшті, дамыған мемлекет құрудың кепілі. Ол құқықтық тәртіпті нығайтып, азаматтардың сенімін арттыра отырып, еліміздің әлеуметтік-экономикалық дамуына және халықаралық аренада беделін көтеруге мүмкіндік береді.

 Қазақстан Республикасының жаңа Конституциясы еліміз үшін тарихи маңызды құжат болып табылады. Ол мемлекеттік билік пен егемендіктің бірден-бір иесі — Қазақстан халқы екенін айқын жариялайды.Жаңа Конституция қоғам мен мемлекет арасындағы сенімді негіз қалыптастырады. Ол азаматтардың құқықтары мен бостандықтарын қорғау арқылы мемлекеттің тұрақтылығы мен тиімділігін қамтамасыз етеді. Әрбір шешім мен мемлекеттік акт халықтың мүддесіне қызмет етуі тиіс, бұл — еліміздің демократиялық дамуының басты көрсеткіші.Конституциялық өзгерістердің маңызды ерекшелігі — халық биліктің түпкі иесі ретінде анықталуы, бұл елдегі саяси және құқықтық тұрақтылықты нығайтады. Мемлекет билігі азаматтардың сеніміне сүйеніп, олардың қатысуымен жүзеге асырылады.Сонымен қатар, Конституцияда мемлекеттік институттардың ашықтығы, есептілігі және заң алдындағы теңдігі баса көрсетілген. Бұл қадам Қазақстанды заманауи демократиялық мемлекет ретінде халықаралық аренада сенімді және тұрақты елге айналдырады.Жаңа Конституция — халыққа қызмет ететін, құқықтық тәртіп пен әділеттілікті қамтамасыз ететін мемлекет құрудағы тарихи қадам. Ол еліміздің егемендігін нығайтып, әрбір азамат үшін қауіпсіз және сенімді қоғам құруға жол ашады.

2026 жылғы 11 ақпанда Қазақстан Республикасының Президенті жаңа Конституцияны қабылдау мәселесі бойынша 2026 жылғы 15 наурызға республикалық референдум тағайындау туралы Жарлыққа қол қойды. Бұл бастама саяси жүйені жаңғыртуға бағытталған ауқымды реформаның бір бөлігі болып табылады. Реформа Мемлекет басшысы Қасым-Жомарт Тоқаевтың бір палаталы Парламент құру жөніндегі ұсынысынан бастау алып, кең қоғамдық талқылау арқылы пысықталды. Арнайы жұмыс тобы құрылып, азаматтар e-Otinish және eGov порталдары арқылы өз ұсыныстарын жолдады. Екі мыңнан астам ұсыныс қаралып, жүйеленді.Жаңа Конституция жобасында меншік құқығы мәселесіне ерекше мән беріледі. Негізгі қағида айқын: Қазақстан Республикасында барлық меншік түрі танылады, оларға кепілдік беріледі және тең қорғалады. Бұл норма экономикалық тұрақтылықтың, инвестициялық сенімнің және кәсіпкерлік еркіндіктің берік құқықтық негізін қалыптастырады.Сонымен бірге, меншік құқығы абсолютті сипатқа ие емес. Меншікті пайдалану қоғам мен мемлекет мүддесіне сай жүзеге асырылуға тиіс. Қоршаған ортаны қорғау талаптарын сақтау, басқа тұлғалардың заңмен қорғалатын құқықтары мен мүдделеріне нұқсан келтірмеу – меншік иесінің конституциялық міндеті. Меншік субъектілері мен объектілері, құқықтардың көлемі мен шегі заңмен нақты айқындалады. Бұл тәсіл құқықтық айқындық пен тепе-теңдікті қамтамасыз етеді.Жер және оның қойнауы, су көздері, өсімдіктер мен жануарлар дүниесі, өзге де табиғи ресурстар халыққа тиесілі деп бекітіледі. Халық атынан меншік құқығын мемлекет жүзеге асырады. Сонымен қатар, жер заңда белгіленген негіздерде, шарттар мен шектерде жеке меншікте болуы мүмкін. Бұл норма ұлттық байлықты қорғау мен экономикалық айналымды үйлестіруге бағытталған.Осылайша, жаңа Конституция жобасы меншік құқығын тек экономикалық институт ретінде емес, қоғамдық жауапкершілікпен ұштасқан конституциялық құндылық ретінде бекітеді. Негізгі акцент – меншікке кепілдік беру мен оны әділ, заңды әрі қоғам мүддесіне сай пайдалану қағидаттарының үйлесімінде.

Қазақстан Республикасының жаңа Конституциясы елдің құқықтық жүйесін нығайтып, мемлекеттік биліктің негізгі қағидаларын айқындауда маңызды рөл атқарады. Құжатта ҚР Құрылтайы — заң шығару билігін жүзеге асыратын жоғары өкілдік органы ретінде бекітілген.Бұл норма мемлекеттік биліктің бөліну принципін одан әрі нақтылай отырып, заң шығарушы органның қоғамдағы рөлін күшейтеді. Конституцияға сәйкес, Құрылтай елдің барлық азаматтарының мүддесін қорғауға, заңдардың әділ және теңгерімді қабылдануын қамтамасыз етуге бағытталған.Жаңа Конституцияда Құрылытай қызметі ашықтық, есептілік және заңның үстемдігі қағидаларына сүйенетіндігі айқын көрсетілген. Бұл елдегі демократиялық институттарды нығайтып, халық пен мемлекет арасындағы сенімді байланысты бекітеді.Жаңа Конституция — халық билігін заң жүзінде қамтамасыз ететін, мемлекет пен қоғамның құқықтық негізін нығайтып, еліміздің демократиялық дамуына жол ашатын тарихи құжат.

Рудный қаласының мектеп оқушылары қайта өңдеуге арналған макулатура жинау ісіне белсенді түрде атсалысуда. Экологиялық бастама қоршаған ортаны қорғау мен экологиялық мәдениетті қалыптастыруға бағытталған республикалық «Таза Қазақстан» акциясы аясында өтуде.Акцияның жас қатысушылары ескі кітаптар, газеттер, журналдар мен пайдаланылған дәптерлерді жинап жүр. Олар макулатураны үйлерінен әкеліп, көршілеріне жүгінеді, кәсіпорындарда жинау жұмыстарын ұйымдастырады және тіпті көшеден қайта өңдеуге жарамды материалдарды табады. Ұйымдастырушылардың айтуынша, бұл жұмыс қоршаған ортаны тазартуға ғана емес, сонымен қатар жас ұрпақтың табиғатқа жауапкершілікпен қарауын тәрбиелеуге де ықпал етеді.Қағазды қайта өңдеу табиғи ресурстарды сақтауда маңызды рөл атқарады. Мәселен, жиналған макулатураның әрбір тоннасы кемінде 17 ағашты сақтап қалуға мүмкіндік береді, сондай-ақ полигондардағы қалдық көлемін азайтып, экожүйеге түсетін жүктемені төмендетеді.Акция мектеп оқушыларын, педагогтарды және қала тұрғындарын біріктіріп, жастардың экологиялық мәселелерді шешуге белсенді қатысуының жарқын үлгісіне айналды. Мұндай бастамалар экологиялық сананы қалыптастыруға ықпал етіп, әр адамның аз ғана күш-жігерінің өзі табиғатты сақтауға елеулі үлес қоса алатынын көрсетеді.Ақпарат көзі : https://www.gov.kz/memleket/entities/kostanay/press/news/details/1163321?lang=kk

Жедел деректерге сәйкес, 2025 жылғы Жалпы ішкі өнімнің (ЖІӨ) нақты көлем индексі 2024 жылғы тиісті кезеңмен салыстырғанда 106,5% құрады. ЖІӨ құрылымында тауарлар өндірісінің үлесі 36,1% алады, қызметтердікі – 57,7%.Ең жоғары өсім көлік және қоймалау (20,4%),  құрылыс (15,9%), көтерме және бөлшек сауда; автомобильдер мен мотоциклдерді жөндеу (8,9%), өңдеу өнеркәсібі (6,4%), ауыл, орман және балық шаруашылығы (5,9%) слалаларына тиесілі.ЖІӨ – нарықтық бағалардағы өндіруші-резиденттердің өндірістік қызметінің түпкілікті нәтижесі болып табылады. ЖІӨ-нің НКИ экономикада нақты кезеңдегі тауарлар мен қызметтер өндірісі көлемінің өзгерісін сипаттайды.Ақпарат көзі : https://www.gov.kz/memleket/entities/stat/press/news/details/1163290?lang=kk

ЖК/ЖШС 44 тыйым салынған қызмет тізіміне (ЭҚТЖЖ № 185) кіретін қызметпен айналыспаған жағдайда.Өтінім беру шарттары: шекті мөлшер - 600 000 АЕК, мөлшерлеме - 3% (Рудный қ. мәслихатының 2025ж. 27 қарашадағы № 249 шешімі).Хабарландыру әдісі:▫️e-SalyqBusiness;▫️Kaspi Bank;▫️Halyk Bank;▫️Салық төлеушінің кабинеті.⚠️ 2026 жылдың 1 наурызына дейін қолданыстағы режим туралы хабарлама ұсынбаған салық төлеушілерге тіркеу деректерінде автоматты түрде жалпы белгіленген тәртіп 2026 жылдың 1 қаңтарынан бастап тағайындалады.Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1163248?lang=kk

Барлығы жарысқа 5 команда қатысып, қызықты және динамикалық ойын көрсетті.Қорытынды нәтиже бойынша:І орын - мектеп оқушыларының командасыІІ орын - мектептің жас қызметкерлеріІІІ орын - мектеп мұғалімдеріСонымен қатар, ауыл жастары мен ауылдық округ әкімдігі алғыс хаттарымен марапатталды. Қатысқан барлық командалар медальдармен марапатталды.Спорт - бірлік пен ынтымақтастықтың, достық пен құрметтің символы. Осындай жақсы іс-шаралар болашақта да жалғасады деп үміттенеміз!Ақпарат көзі : https://www.gov.kz/memleket/entities/vko-samar-sarybel/press/news/details/1163160?lang=kk

Импортқа тәуелділікті төмендету және ішкі нарықты отандық тауарлармен қамтамасыз ету үшін Үкімет қаржылық қолдаудың жаңа құралдарын қолданады. «Инвестицияға тапсырыс» тетігін енгізу және «Бәйтерек» холдингін 1 трлн теңгеге дейін капиталдандыру жөніндегі жоспарлар туралы Премьер-министрдің орынбасары – ұлттық экономика министрі Серік Жұманғарин хабарлады.Оның айтуынша, экономиканың нақты секторы шамамен 8 трлн теңге көлемінде қолдау шараларымен қамтылады.Инфляцияның себептерінің бірі болып саналатын базалық тауарлар тапшылығын жоюға баса назар аударылады. Қазіргі уақытта азық-түлік секторында 12 бағыт және азық-түлікке жатпайтын секторда 24 бағыт айқындалды. 2030 жылға дейін «Бәйтерек» холдингінің еншілес ұйымдары арқылы шамамен $100-120 млрд сомаға өнеркәсіптік жобаларды қаржыландыру жоспарлануда."Ішкі нарықты отандық тауарлармен жүйелі түрде қамтамасыз ету үшін «Инвестицияға тапсырыс» бағдарламасы жүзеге асырылуда. Бүгінде инфляциялық қысымның негізгі себептерінің бірі – тұтыну және тұтыну емес сегменттерде отандық өндірістегі бірқатар базалық тауарлардың тапшылығы. Біздің мақсат – ішкі нарықты отандық өндіріс тауарларымен қамтамасыз ету және импортқа тәуелділікті төмендету. Экономикалық өсудің проактивті саясаты Мемлекет басшысы қойған стратегиялық міндеттердің орындалуын қамтамасыз ете отырып, экономиканы индустрияландыру мен әртараптандырудың негізгі құралына айналады", — деді Серік Жұманғарин.Ақпарат көзі : https://www.gov.kz/memleket/entities/economy/press/news/details/1163152?lang=kk