Посмотреть эту публикацию в Instagram           Публикация от Ғабит Мәжитұлы Бекбаев (@bekbaev_gabit) Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1008593?lang=kk

2025 жылғы 30 мамырда Қостанай қаласының әкімі Жундубаев М.К. төрағалығымен Қостанай қаласы бойынша әлеуметтік әріптестік пен әлеуметтік-еңбек қатынастарын реттеу жөніндегі қалалық үшжақты комиссияның кезекті отырысы өтті. Отырыста қаланың кәсіпорын өкілдері қатысты. Бұл отырыс әлеуметтік-еңбек саласының негізгі аспектілері бойынша ақпараттық-түсіндіру жұмыстарын жүргізу шеңберінде ұйымдастырылды және келесі мәселелер қаралды: қызметкерлердің еңбек құқықтарын қорғау, зиянды еңбек жағдайларында жұмыс істейтін адамдарға арнайы әлеуметтік төлемдерді енгізу, әлеуметтік сақтандыру – жұмыс істейтін халықты әлеуметтік қорғаудың қосымша түрі ретінде.Отырыстың қорытындысы бойынша Қостанай қаласы әкімдігінің «Кәсіпкерлік және ауыл шаруашылығы бөлімі» мемлекеттік мекемесіне «Қостанай облысында кәсіпкерлікті дамытуға жәрдемдесу қауымдастығы» заңды тұлғалар бірлестігімен бірлесіп, жұмыс берушілер арасында өндірістік кеңестер құру және жұмыс орындарын аттестаттаудан өткізу жөнінде ақпараттық-түсіндіру жұмыстарын тұрақты түрде жүргізу, сондай-ақ еңбек қызметіне байланысты жазатайым оқиғалар фактілерін жасыруға жол берілмейтіні туралы жұмыс берушілерге жеткізу тапсырылды. Сонымен қатар, кәсіпорындар мен ұйымдардың басшыларына міндетті әлеуметтік төлемдерді есептеу жөніндегі жауапты адамдардың жауапкершілігін арттыру арқылы әлеуметтік төлемдер бойынша міндеттемелерді мерзімінде орындауды қамтамасыз ету тапсырылды. Ақпарат көзі : https://www.gov.kz/memleket/entities/kostanai-kalasy-akimat/press/news/details/1008551?lang=kk

Өтетін жері: Талдықорған қаласы, І.Жансүгіров атындағы Мәдениет сарайы                          Өтетін уақыты: 1 маусым, 2025 жыл  cағат 16:00Байланыс телефондары:8 (7282) 24-34-07; КІРУ ТЕГІНАқпарат көзі : https://www.gov.kz/memleket/entities/zhetysu-archive/press/news/details/1008557?lang=kk

Қостанай облысы бойынша Мемлекеттік кірістер департаменті «Үздік сапалы қызмет көрсетуші» байқауына қатысуда!Құрметті Қостанай облысының тұрғындары!Сіздерді «Үздік сапалы қызмет көрсетуші» халықтық байқауы аясында Қостанай облысы бойынша Мемлекеттік кірістер департаментін қолдауға шақырамыз!Біз күн сайын сапалы, қолжетімді және клиентке бағдарланған мемлекеттік қызметтерді көрсету үшін еңбек етеміз.Егер біздің жұмысымыз сіздің көңіліңізден шығып жүрсе – дауыс беріңіз!Үміткерлер тізімімен танысып, мемлекеттік қызмет көрсетудің сапасын арттыруға өз үлесін қосып жүрген ұйымды таңдаңыз.Дауыс беру 2025 жылғы 30 мамыр мен 5 маусым аралығында өтеді.Әрбір дауыстың маңызы зор!Күнделікті сіздер үшін еңбек етіп жүргендерді бірге қолдайық!Ақпарат көзі : https://www.gov.kz/memleket/entities/kgd-kostanay/press/news/details/1008559?lang=kk

Астана, 2025 жылғы 30 мамыр – Қазақстан Республикасы Сыртқы істер министрлігінің Инвестициялар комитетінің төрағасы Ғабидулла Оспанкулов португалиялық «AGROCEPHALUS, LDA» компаниясының құрылтайшылары – Кристиан Барриос Марчант пен Георгий Миладиновпен кездесу өткізді.Сұхбат барысында тараптар Ақмола облысында интеграцияланған ет өңдеу кластерін құруға бағытталған инвестициялық жобаны талқылады.Ғ.Оспанкулов өз сөзінде жобаның елдің агроөнеркәсіптік кешені мен жалпы экономикасы үшін стратегиялық маңыздылығын атап өтті.«Біз шетелдік инвесторлардың Қазақстанға деген қызығушылығын жоғары бағалаймыз және бұл жоба етті мал шаруашылығын дамытуға, жаңа жұмыс орындарын құруға және елдің экспорттық әлеуетін арттыруға елеулі үлес қосатынына сенімдіміз. Жобаның сәтті іске асуына жан-жақты қолдау көрсетуге дайынбыз», – деді ол.Аталған жоба шикізаттық емес секторды дамытудағы басым бағыттардың бірі және экономиканы әртараптандыру мен азық-түлік қауіпсіздігі жөніндегі ұлттық міндеттерге сәйкес келеті аталып өтті. Оның жүзеге асырылуы Қазақстанның ауыл шаруашылығы өнімдерін сенімді экспорттаушы ретіндегі позициясын нығайтып, еуропалық серіктестер үшін өңірдің инвестициялық тартымдылығын арттыра түседі.Жоба отандық «BigFarm» ЖШС компаниясымен серіктестікте жүзеге асырылмақ. Сонымен қатар жобаға жабдық өндіруші, асыл тұқымды мал жеткізуші, құрама жем мен биогаз қондырғыларын өндіруші бірқатар испандық компаниялар қатысады. Жалпы құны 132 млн еуро болатын жоба агроөнеркәсіптік кешеннің толық циклін қамтиды.Ақпарат көзі : https://www.gov.kz/memleket/entities/invest/press/news/details/1008627?lang=kk

Алматы қаласының Фтизиопульмонология орталығында «Заң және тәртіп» қағидатын насихаттау мақсатында мекеме қызметкерлерімен кездесу өтті.Өз сөзінде Департаменттің спикері заңдарды сақтаудың маңыздылығы және олардың бұзылуының салдары туралы егжей-тегжейлі баяндады. Сонымен қатар ол денсаулық сақтау саласындағы сыбайлас жемқорлық тәуекелдері туралы және оларды болдырмау үшін қабылданып жатқан шаралар туралы ақпарат берді.Спикер кездесуге қатысушыларды әрдайым адал, арлы және заңға бағынушы болуға шақырды, сондай-ақ сыбайлас жемқорлыққа қарсы күрес саласындағы өз тәжірибесімен бөлісті.Қорытындылай келе, шараны ұйымдастырушылар құқықтық нормаларға саналы көзқарас қалыптастыру және әлеуметтік иммунитеті мықты жаңа ұрпақ тәрбиелеу үшін мұндай кездесулерді тұрақты түрде өткізу маңызды екенін атап өтті.  #ЗАҢ менТӘРТІП#заң мен тәртіпАқпарат көзі : https://www.gov.kz/memleket/entities/anticorruption-almaty/press/news/details/1008542?lang=kk

"Үздік сапалы қызмет көрсетшісі" кім болады? Сіздің дауысыңыз шешеді!Біз байқау аясында халықтық дауыс берудің басталғаны туралы хабарлауға қуаныштымыз "Үздік сапалы қызмет көрсету" (Үздік көрсетілетін қызметті беруші)!Клиентке бағдарланған және сервистік көрсетілетін қызметті беруші атағына кім лайық екенін сіз ғана шешесіз! Күнделікті сапалы мемлекеттік қызмет көрсететіндерге қолдау көрсетіңіз.Қалай дауыс беруге болады?* Сілтемеге өтіңіз: https://lidergosuslug.kz/kz * Клиенттерге бағдарлау және қызмет көрсету бойынша үміткерлер тізімін қараңыз. Сіз шынымен жеңіске лайық деп ойлайтын адамға дауыс беріңіз!Әр дауыс маңызды! Біздің өмірімізді жайлы және жақсырақ ететіндерді бірге таңдайық.Дауыс беру 2025 жылдың 30 мамырынан 05 маусымына дейін.Нәтижелерге әсер ету және сүйікті қызмет көрсетушілерді қолдау мүмкіндігін жіберіп алмаңыз!#Үздіксапалыкызметкөрсетуші2025 #Үздік Қызмет Көрсетуші2025 #Клиентке Бағдарланған2025 #Сервис2025Ақпарат көзі : https://www.gov.kz/memleket/entities/kostanai-kamysty-klochkov/press/news/details/1008541?lang=kk

2025 жылғы 5 маусымда Меңдіқара ауданы әкімі Ғ.М.Бекбаевтың Михайлов ауылдық округінің  тұрғындармен  кездесуі  өткізіледі, өткізілетін орны: Михайловка ауылы,  мәдениет үйінің ғимараты, сағат 10:00.          Тұрғындармен  кездесуге дайындық барысында тұрғындардан сауалдар түсуде.  Сұрақтар мен ұсыныстар 8-705-162-80-87 нөмірі бойынша  WhatsApp чаттары арқылы қабылданады.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1008532?lang=kk

Қазақстан цифрлық трансформация мен блокчейн экономикасын дамыту жолында тағы бір маңызды қадам жасады. Астанада Орталық Азиядағы Solana блокчейн платформасы негізінде құрылған Solana Economic Zone Kazakhstan алғашқы экономикалық аймақ іске қосылды.Solana Foundation қолдауымен өткен бұл іс-шараға мемлекеттік органдардың өкілдері, халықаралық сарапшылар және Web3 экожүйесінің көшбасшылары қатысты. SEZ KZ іске қосылуы Astana International Forum 2025 қарсаңында өтіп, технология, инвестиция және мемлекеттік саясат тоғысындағы маңызды оқиға болды.Әлемдік тәжірибе көрсетіп отырғандай, цифрлық экономиканы дамытуға арналған мамандандырылған аймақтарды құру — технологиялық серпіліс жасауға арналған тиімді құрал. Мысалы, Дубайда Dubai Multi Commodities Centre (DMCC) Crypto Centre табысты жұмыс істеп тұр. Онда ондаған блокчейн-компаниялар орналасқан, қолайлы реттеу тетіктері енгізілген және стартаптар инфрақұрылым мен инвестицияға қол жеткізе алады.Қазақстан үздік халықаралық тәжірибелерді өз стратегиялық мақсаттарына бейімдеп қабылдайды. Solana Economic Zone — тәжірибе алмасуға, шешімдерді сынақтан өткізуге және қазақстандық компанияларды жаһандық нарыққа шығаруға арналған алаң болмақ.Цифрлық даму, инновациялар және аэроғарыш өнеркәсібі министрі Жаслан Мәдиев Solana Economic Zone жобасының іске қосылуы Қазақстанның экономикалық салаға озық цифрлық технологияларды интеграциялауға стратегиялық тұрғыда дайын екенін білдіретінін атап өтті:«Біз тұрақты әрі бәсекеге қабілетті цифрлық экожүйе құруға ұмтыламыз. Solana Economic Zone сияқты жобалар бізге активтерді токенизациялаудан бастап, Web3 саласындағы кадрлық әлеуетті дамытуға дейінгі жаңа тәсілдерді сынап көруге және енгізуге мүмкіндік береді»Іс-шара аясында энергетика, қаржы, агротехнология, ойын индустриясы және сауда салаларында жұмыс істейтін халықаралық стартаптар ұсынған блокчейн негізіндегі шешімдер таныстырылды. Сондай-ақ, құнды қағаздарды, алтынды, жылжымайтын мүлікті және басқа да активтерді токенизациялау мүмкіндіктері талқыланды.Кездесу нәтижесінде стратегиялық меморандумға қол қойылды, оған келесі бағыттар кірді:Капитал нарығын токенизациялау:AIX, Solana Foundation, Jupiter және Intebix қатысуымен қаржы инфрақұрылымына токенизацияланған құралдарды енгізуге бағытталған пилоттық жоба іске қосылады.Web3-таланттарды дамыту:Министрлік пен Solana Foundation Rust бағдарламалау тілі мен блокчейн инженериясына бағытталған білім беру бағдарламасын бастайды. Жоба аясында университеттермен және Astana Hub-мен серіктестік орнатылады.Халықаралық Web3-компанияларды тарту:Forma компаниясымен бірлесіп, жаһандық стартаптарға инфрақұрылым мен реттеуші қолдауды қамтитын қолдау бағдарламалары жүзеге асырылады.Министрлік жасанды интеллекттен бастап блокчейнге дейінгі озық технологияларды дамыту үшін қолайлы жағдай жасауды жалғастырып жатыр. Бұл елдің цифрлық егемендігін қамтамасыз етуге және экономикалық өсіміне бағытталған. Ақпарат көзі : https://www.gov.kz/memleket/entities/mdai/press/news/details/1008457?lang=kk

Нью-Дели, 2025 жылғы 29 мамыр – «Раштрапати Бхаван» президенттік сарайында өткен ресми рәсімде Қазақстанның Үндістандағы Елшісі Азамат Есқараев Үндістан Президенті Драупади Мурмуға сенім грамоталарын табыс етті.Қазақ дипломаты ресми рәсімнен кейін өткен екіжақты кездесуде ҚР Президенті Қасым-Жомарт Тоқаев атынан Үндістан Президентіне және достас үнді халқына жылы лебіздері мен ізгі тілектерін жеткізді. Қазақстан мен Үндістан арасындағы дәстүрлі достық қатынастар, өзара түсіністіктің жоғары деңгейі және стратегиялық серіктестікті одан әрі дамытуға деген ортақ ниет аталып өтті.А. Есқараев екі ел арасындағы саяси диалогты тереңдету, сауда-экономикалық, мәдени-гуманитарлық және ғылыми-білім беру салаларындағы ынтымақтастықты кеңейту үшін барлық күш-жігерін жұмсауға дайындығын білдірді.Өз кезегінде Президент Д. Мурму жаңа Елшіні жылы қарсы алып, оның дипломатиялық миссиясына сәттілік тіледі және Қазақстан мен Үндістан арасындағы екіжақты байланыстардың одан әрі нығаятынына сенім білдірді.Ақпарат көзі : https://www.gov.kz/memleket/entities/mfa/press/news/details/1008484?lang=kk

Ар-Рияд, 2025 жылғы 29 мамыр – Қазақстанның Сауд Арабиясындағы Елшісі Мадияр Меңілбеков Сауд Арабиясының даму қорының (SFD) Бас директоры Сұлтан Әл-Маршадпен кездесті.Кездесу барысында тараптар инвестициялық және экономикалық ынтымақтастықты одан әрі дамыту, исламдық қаржыландыру, Қазақстанда бірлескен инфрақұрылымдық жобаларды іске асыру перспективаларын талқылады. Елші М.Меңілбеков бүгінде Қазақстанда жүзеге асырылып жатқан экономикалық және саяси реформалар туралы баяндап, үкіметтің елдегі инвестициялық ахуалды және халықтың әл-ауқатын жақсарту жөніндегі кешенді бағдарламасының негізгі бағыттарымен таныстырды.Тараптар сонымен қоса 2024 жылғы 3-5 қыркүйекте Астанада SFD басшысы С.Әл-Маршадтың қатысуымен өткен Араб үйлестіру тобының дөңгелек үстелінің қорытындыларын талқылады.Сауд Арабиясының даму қоры (SFD) ең ірі саудтық қаржы институттарының бірі болып табылады, аталған қордың есебінен Қазақстанда бірқатар маңызды инфрақұрылымдық нысандар, оның ішінде "Астана-Қарағанды" автожолының құрылысы іске асырылған болатын.Ақпарат көзі : https://www.gov.kz/memleket/entities/mfa-riyadh/press/news/details/1008443?lang=kk

Астана халықаралық форумы аясында Қазақстан Республикасы Премьер-министрінің орынбасары – ұлттық экономика министрі Серік Жұманғарин Қырғыз Республикасы Министрлер Кабинеті төрағасының бірінші орынбасары Данияр Амангелдиевпен кездесу өткізді.Серік Жұманғарин Қазақстан мен Қырғызстанның тек тату көрші ғана емес, сенімді одақтас екенін, сондай-ақ Мемлекет басшысы Қасым-Жомарт Тоқаев бауырлас қазақ-қырғыз қарым-қатынасын нығайтуға ерекше көңіл бөліп отырғанын баса айтты.Бүгінде екі ел алдында жылдық тауар айналымын $3 млрд-қа жеткізу міндеті тұр. Тараптар 2025 жылғы бірінші тоқсанның қорытындысы бойынша өзара сауда көлемі қарқынды түрде өсіп отырғанын атап өтті. Алғашқы үш айда Қазақстан мен Қырғызстан арасындағы тауар айналымы 2024 жылғы сәйкес кезеңмен салыстырғанда 25,2%-ға артып, $435,1 млн-ға жеткен (экспорт – $341,9 млн, импорт – $93,3 млн). Тауар айналымын мақсатты $3 млрд-қа жеткізу үшін тауар түрлерін кеңейту және B2B байланысын тиімді жандандыру шарасы қажет. Кездесуге қатысушылар өзара сауда көлемін арттыру жөніндегі жол картасы жобасының тетіктерін талқылады. Серік Жұманғарин Қазақстан мұнайхимиясы, тамақ өнеркәсібі, металлургия мен басқа да саланың өнімін қоса алғанда, 195 тауар позициясы бойынша экспортты $260 млн-нан астам сомаға арттыруға дайын екенін атап өтті.Ауыл шаруашылығына ерекше назар аударылады. Екі елдің өзара саудасындағы бұл саланың үлесі 20%-ды құрайды. Аталған сала белсенді өсу үстінде: биыл 1 тоқсанда АӨК өнімінің тауар айналымы 40,7%-ға артқан. Қазақстан 2025 жылғы бірінші тоқсандағы 3,4 мың тонна астық пен 10,9 мың тонна ұнды қосқанда, дәнді және майлы дақыл экспортын ұлғайтуға ниетті. Серік Жұманғарин Астанада өткен ресми кездесуде қырғыз тарапының сәуірде Қазақстанға өзінің ауыл шаруашылығы өнімін экспорттау үшін жасыл дәліз құру туралы ұсынысы оң шешілгенін атап өтті. Қазақстан шекарада қырғыздың ерте пісетін көкөнісі мен жемісін кедергісіз өткізуге дайын.  Екіжақты ынтымақтастықтың негізгі жобасы – «Қарасу»–«Ақ-тілек» бақылау-өткізу пункті шекарасында Индустриялық сауда-логистикалық кешен (ИСЛК) құру болып отыр. Бүгінде екі тарап та индустриялық сауда-логистикалық кешені (Қазақстан – 50 га, Қырғызстан – 40 га) құрылысына жер телімін бөліп, инвесторды анықтады. Бас жоспар мен техникалық-экономикалық негіздеме әзірленуде. Қазақстанда «Romsey Holdings KZ» ЖШС басқаратын «Алатау» ИСЛК» индустриялық аймағы құрылды. Ықтимал инвестиция – 2,2 млн. Бұл жоба ауыл шаруашылығы өнімін қайта өңдеу, халық тұтынатын тауарлар мен құрылыс материалын жасау, сервистік қызмет пен көлік логистикасы бойынша өндірістік тұтас кешен құруға мүмкіндік береді. 2025 жылы Ош мемлекеттік университетінде Л.Н. Гумилев атындағы Еуразия ұлттық университетінің филиалы ашылады. Бұл әл-Фараби атындағы ҚазҰУ-дың Бішкек филиалының табысты тәжірибесінің жалғасы. Онда 2022 жылдан бастап 800-ден астам студент оқуда. Қазақстанның жоғары оқу орындарында 556 қырғыз студенті, 200-ге жуық қазақстандық Қырғызстанда оқиды. Жаңа филиалдың ашылуы екі ел арасындағы академиялық ұтқырлық пен тәжірибе алмасуды нығайтпақ. Сондай-ақ кездесуде тараптар транзиттік-көлік әлеуетін дамытиу мүмкіндіктерін, әсіресе, Алматы – Ыстықкөл автожолы құрылысы жобасын, су ресурсы мәселелері, мәдени-гуманитарлық ынтымақтастық бойынша өзара іс қимылды дамыту мәселесін талқылады.Кездесу соңында вице-премьерлер екі елдің экономикалық әлеуетін нығайту үшін сауда, логистика, көлік, білім беру мен басқа да саладағы басым бағыттар бойынша ынтымақтастықты жандандыруға уағдаласты.https://primeminister.kz/news/islk-zholdar-sauda-zhane-bilim-beru-kazakstan-men-kyrgyzstan-vitse-premerleri-aif-2025-alanynda-ozara-yntymaktastyk-maselesin-talkylady-30107 Ақпарат көзі : https://www.gov.kz/memleket/entities/economy/press/news/details/1008397?lang=kk

Астана, 2025 жылғы 28 мамыр – Қазақстан Республикасы Сыртқы істер министрінің орынбасары Әлібек Қуантыров Германия Федералдық үкіметіндегі Саар федералдық жерінің уәкілетті өкілі, мемлекеттік хатшы Торстен Бишофф бастаған Саар аймағының іскерлік топтарының өкілдерімен кездесу өткізді. Кездесу Германия Бундесратының Президенті Анке Релингердің ресми сапары аясында өтті.Кездесуге «Becker Mining Systems», «SHS Group», «Saarstahl», «Dillinger Hütte», «Klaus Faber Kabel», «Saarländische Wasserstoffagentur GmbH» сияқты Саардың жетекші өнеркәсіптік және технологиялық компанияларының өкілдері, сондай-ақ Саар федералдық жерінің Сауда-өнеркәсіп палатасының басшылығы қатысты.Диалог барысында сауда-экономикалық және инвестициялық ынтымақтастықты кеңейту мәселелері, оның ішінде сутек энергетикасын, металлургияны, логистиканы, экологиялық және инфрақұрылымдық жобаларды дамыту бағыттары талқыланды.Әсіресе «жасыл» сутек өндіру саласындағы ынтымақтастық мүмкіндіктеріне ерекше назар аударылды. Неміс компаниялары Қазақстанды сутек генерациясы бойынша ең жоғары әлеуеті бар елдердің бірі ретінде қарастырып, үлкен қызығушылық танытты.«Becker Mining» компаниясы қазақстандық серіктестермен, әсіресе тау-кен өндірісін автоматтандыру және цифрландыру салаларында технологиялық ынтымақтастықты тереңдетуге дайын екенін білдірді. «Stahl-Holding-Saar» қазақстандық шикізатты жеткізу және көміртегі ізі төмен өндірістерді дамыту мақсатында жергілікті серіктестік орнатуға қызығушылық танытты. Сондай-ақ Саар университетімен ынтымақтастық аясында білім беру бастамалары талқыланды.Кездесу барысында неміс технологияларын пайдалана отырып, Қазақстанда өндіріс орындарын ашу, сондай-ақ «Астана» халықаралық қаржы орталығының және арнайы экономикалық аймақтар алаңдарында ноу-хау трансфері мен неміс капиталының тарту мүмкіндіктері қарастырылды.«Саар – Германиядағы ең озық өнеркәсіптік өңірлердің бірі ретінде Қазақстан үшін әлеуетті серіктес. Біздің экономикаларымыз өзара бірін-бірі толықтырып тұр: бізде – шикізат пен логистика, сіздерде – технология мен инвестиция. Бүгінгі кездесу – жасыл энергетика, өнеркәсіп және логистика салаларындағы нақты бірлескен жобаларды іске қосуға жасалған маңызды қадам. Саар делегациясына конструктивті диалог үшін алғыс білдіреміз және жүйелі әрі ұзақ мерзімді ынтымақтастыққа ниеттіміз» – деп мәлімдеді Ә.Қуантыров.Саар делегациясының сапары Қазақстан мен Германия арасындағы өңіраралық ынтымақтастықты дамыту жолындағы кезекті маңызды қадам болып, неміс іскерлік топтарының қазақстандық нарыққа деген жоғары қызығушылығын тағы бір мәрте растады.Ақпарат көзі : https://www.gov.kz/memleket/entities/invest/press/news/details/1008468?lang=kk

Қазақстанда 2024 жылдың соңына қарай 5,6 мың тонна тұрмыстық химия өндірілді, бұл елдегі 123 мың тонна жалпы тұтынудың 4,5%-ын ғана құрайды. Импорттың басымдығына қарамастан, отандық өндірушілер мемлекеттік қолдау шараларының арқасында өз мүмкіндіктерін сенімді түрде арттыра бастады.Қазақстандық кәсіпорындардың бәсекеге қабілеттілігін арттыру мақсатында ҚР Өнеркәсіп және құрылыс министрлігі мемлекеттік сатып алуды жүзеге асыру кезінде ұлттық режимнен босатылуға жататын тұрмыстық химия тауарларының тізбесін бекітті. Бұл шешім өндірістік қуаттарды пайдалануды 25%-ға арттыруға мүмкіндік берді.Жетекші отандық өндірушілердің қатарында «ПК «Аврора» ЖШС, «Chistodeloff» ЖШС, «КазБыт Хим» ЖШС, «GOLDMAN AND YOUNG» ЖШС, «Радуга» ЖШС, «ПрофХим» ЖШС, «Marschall» ЖШС, «NAZAR GLOBAL TRADE» ЖШС, «VVM-Company» ЖШС, «Telli Ondiris» ЖШС бар.Қазіргі уақытта жаңа жобалар әзірленуде, оның ішінде қуаттылығы жылына 400 мың өнім бірлігін құрайтын «Муса Гранд» ЖК және «Сибэкохим» сауда үйі» ЖШС, оның қуаттылығы – жылына 12 мың тонна сұйық өнім.Жергілікті өндірушілерді қолдау экономикалық тұрақтылық пен стратегиялық маңызды сектордағы импортқа тәуелділікті азайтудың кілті болып табылады.Ақпарат көзі : https://www.gov.kz/memleket/entities/comprom/press/news/details/1008436?lang=kk

Сіздерді ұлттық мереке - Қазақстан Республикасының күнімен құттықтаймын!Бұл күн халық бірлігі мен Республика тәуелсіздігінің символы болып табылады.1990 жылы 25 қазанда қабылданған мемлекеттік егемендік туралы декларацияда қазіргі мемлекеттіліктің негізі қаланды және елдің саяси, экономикалық және мәдени даму бағыттары анықталды.Бүгінде Қазақстан - халықаралық аренада өз позициясын сенімді нығайтқан мемлекет. Мұның бәрі дәйекті мемлекеттік саясат пен халық бірлігінің арқасында мүмкін болды.Өскемен қаласы - бай тарихы, еңбек дәстүрлері, жоғары индустриялық және зияткерлік әлеуеті бар қала.  Біз оның елдің егеменді дамуына елеулі үлес қосқанын мақтан тұтамыз.Бұл мереке жүректерді Отанға деген мақтанышпен толтырып, жаңа жетістіктерге шабыттандырсын!Сіздерге және Сіздердің жақындарыңызға зор денсаулық, бейбітшілік пен амандық тілеймін.Әрбір үйде келісім, өркендеу мен қуаныш орнасын, ал біздің ортақ үйіміз Қазақстан - мықты, тәуелсіз және гүлденген мемлекет болсын!Ақпарат көзі : https://www.gov.kz/memleket/entities/ukmaslihat/press/news/details/1092342?lang=kk

Дүниежүзілік қоршаған ортаны қорғау күніне орай, басқарманың су ресурстары және табиғат пайдалануды реттеу, экологиялық сараптама бөлімінің бас маманы Ағабек Серік Оспанұлы Шерхан Мұртаза атындағы Халықаралық Тараз университеті  студенттерімен кездесіп еліміздің қолда бар байлығын сақтау, оны тиімді пайдаланып, экологиялық қауіпсіздікті қамтамасыз ету арқылы жарқын  болашақта өмір сүру өзіміздің қолымызда екендігін баяндады. Студенттерді қызықтырған сұрақтарға жауап беріп, басқарманың  негізгі бағыты мен бөлімдердің  жұмысы туралы да атап өтті.Ақпарат көзі : https://www.gov.kz/memleket/entities/zhambyl-tabigat/press/news/details/1008325?lang=kk

Құрметті балалар!Сіздерді Халықаралық балаларды қорғау күнімен шын жүректен құттықтаймын. Әр күніңіз ашық түстерге, таңғажайып ашылуларға және шынайы қуанышқа толы болсын!Сіздерге зор денсаулық, сарқылмас ынта-жігер және жаңа жетістіктерге шабыт тілеймін. Кез-келген жағдайда қолдау көрсететін адал достар және барлық армандарыңызды жүзеге асыруға көмектесетін сүйіспеншілікке толы ата-аналар болсын. Әр сәт жылулыққа, қамқорлыққа және шынайы күлкіге толы болсын!Армандаудан және бұл үлкен және қызықты әлемді ашудан қорықпаңыздар - алда көптеген таңғажайып оқиғалар мен мүмкіндіктер бар! Есіңізде болсын, сіздер біздің болашағымыз және бұл әлемді жақсартатын сіздердің таланттарыңыз, мейірімділігіңіз және білімге деген ұмтылыстарыңыз.Сіздерге бақыт, қуаныш және шексіз көңіл-күй тілейміз! Балалық шақ ең жарқын және ең сиқырлы сәттер болып есте қалсын!Мереке құтты болсын!!!Ақпарат көзі : https://www.gov.kz/memleket/entities/ukmaslihat/press/news/details/1008328?lang=kk

Қарулы күштердің Ұлттық әскери-патриоттық орталығының Әскери-тарихи музейінде Ұлы Отан соғысындағы Жеңістің 80 жылдығына арналған дөңгелек үстел өтті.Іс-шараға тарихшы ғалымдар, мұрағатшы-зерттеушілер, мұражай ісінің мамандары және қоғам қайраткерлері қатысып, қазақстандықтардың Жеңіске қосқан елеулі үлесін атап өтті. Соғыс жылдарында Қазақстан әскери өнеркәсіп үшін шикізат пен материалдар жеткізуші ретінде маңызды рөл атқарды, елімізде өндірілген қарумен және оқ-дәрімен қамтамасыз етті.– Соғыс жылдарында Қазақстанға 220 зауыт пен фабрика көшірілді. Сонымен қатар, елімізде 240 жаңа кәсіпорын салынды. Соғыс жылдарында құйылған он оқтың тоғызы бізде өндірілген қорғасыннан жасалған, – деді Әскери-тарих музейдің бастығы майор Дәулет Қадыров.Тарихшылар іс жүзінде республиканың әрбір үшінші тұрғыны соғыс және еңбек майдандарына тартылғанын тілге тиек етті. Мұны 1939 жылғы санақ бойынша бағалауға болады. Сол кезде Қазақстан халқы 6,2 млн адам болатын. Әскер қатарында Қазақ КСР-дан 178 мың сарбаз қызмет етті. Сонымен қатар, майданға бір миллион 200 мыңнан астам қазақстандық аттанды, өнеркәсіптік нысандар мен құрылыстарда 700 мыңнан астам адам жұмыс істеді.«С. Сейфуллин атындағы қазақ агротехникалық университеті» АҚ доценті, ғылым кандидаты Күләш Жұмағалиева атап өткендей, адам шығынына қарамастан, ел салыстырмалы түрде қысқа мерзімде аяққа тұрды. Дегенмен 50-ші жылдардың ортасына дейін Жеңіс күні іс жүзінде тойланбады, сол кезеңде соғыс мүгедектерін әлеуметтік бейімдеу және жұмысқа орналастыру мәселелері өткір болды.«Қарулы күштердің ардагерлері» қоғамдық бірлестігінің мүшесі запастағы полковник Ғани Артықов аудандық әскери комиссариаттардың жұмысы туралы айтып берді. Жаппай жұмылдыру үшін Қазақстанда 300 шақыру пункті құрылған.Отырыста сондай-ақ, Жеңіске жету жолындағы еңбек майданына қатысушылардың рөлі атап өтілді. Қазақстандық батырлар туралы баяндамалар айтылды. Мәселен, Astana IT University колледжінің тарих пәнінің оқытушысы Мадияр Шәкиев Кемел Тоқаевтың жауынгерлік жолы және Сталинград шайқасына қатысқаны жайлы әңгімелеп берді.Ақпарат көзі : https://www.gov.kz/memleket/entities/mod/press/news/details/1008333?lang=kk

   Мемлекет басшысы Қасым-Жомарт Кемелұлы Тоқаев жастарды қолдау мен олардың сапалы білім алуына жағдай жасауды басты басымдық ретінде айқындап отыр. Сол себепті, сапалы білімге қолжетімділікті қамтамасыз ету – біздің басты міндетіміз. Осы бағытта облысымызда жүйелі жұмыстар атқарылып келеді.   Өңірімізде соңғы екі жыл уақыт ішінде 22 жаңа мектеп бой көтеріп, мыңдаған оқушыға заманауи талаптарға сай білім алу мүмкіндігі жасалды. Атап айтқанда, 2023 жылы – 16 мектеп, 2024 жылы – 6 мектеп салынып, пайдалануға берілді.   Сонымен қатар, 24 мектепке күрделі жөндеу жүргізіліп, 2,7 миллиард теңгеге 230 заманауи пәндік кабинет сатып алынды.   Биыл өңірімізде бой көтеретін 15 жаңа мектептің 8-нің құрылысы қазіргі уақытта жүргізілуде, қалған 7-еуі алдағы уақытта салынатын болады.   Бұл бастама – үш ауысымды оқыту мен мектептердегі орын тапшылығы мәселесін шешуге бағытталған маңызды қадам.   Соңғы 2 жылда мектептерде материалдық-техникалық базаны жаңғыртуға 814 миллион теңгеге 101 мектепке жиһаз және 2,7 миллиард теңгеге 54 мектеп автобусы сатып алынды, оқушылардың қауіпсіздігін қамтамасыз етуге 480 миллион теңге қаражат бөлінді.   Білім беру саласына жасалып жатқан бұл инвестициялар – болашаққа салынған берік негіз. Жас ұрпақтың сапалы білім алып, бәсекеге қабілетті азамат болып өсуі үшін барлық жағдай жасалып жатыр.Ақпарат көзі : https://www.gov.kz/memleket/entities/bko-kurylys/press/news/details/1008390?lang=kk

Табиғатты қорғау мен орман ресурстарын сақтау – бұл тек бір саланың емес, бүкіл қоғамның ортақ міндеті. Осы бағытта аянбай еңбек етіп жүрген орман шаруашылығы мекемелеріне материалдық қолдау көрсету – мемлекетіміздің басты назарында.Осыған орай, ағымдағы жылы орман шаруашылығы мекемелерінің материалдық-техникалық базасын жақсарту мақсатында жергілікті бюджеттен қаржы қарастырылған. Аталған қаржыға патрульдеу автокөліктерін, рациялық байланыс құралдарын, пилотсыз ұшу аппараттарын және қосалқы агрегаттар алу жоспарланған.Бүгінгі таңда 6 бірлік патрульдеу автокөліктері сатып алынып, бірқатар мекемелерге көлік құралдары табысталды.Алдағы уақытта рациялық байланыс құралдары, пилотсыз ұшу аппараттары және қосалқы агрегаттар алынатын болады.Ақпарат көзі : https://www.gov.kz/memleket/entities/zhambyl-tabigat/press/news/details/1008303?lang=kk