Берешек 1,1 миллион теңгені құрады.Сот орындаушысы Раскельдинов С. борышкерге алимент төлемдерін орындамаудың салдары мен жауапкершілігін түсіндіргеннен кейін, борышкер Л. 1,1 миллион теңге көлеміндегі берешекті толығымен өтеді.”Ақпарат көзі : https://www.gov.kz/memleket/entities/adilet-sko/press/news/details/1000813?lang=kk

Пусан, 2025 жылғы 20 мамыр – Чанвон қаласындағы иммиграциялық орталықта Әлем азаматтары күніне (세계인의 날) арналған іс-шара өтті. Оған Кёнсан-Намдо өңірінің ресми өкілдері – полиция қызметкерлері, мемлекеттік қызметшілер және қоғам белсенділері қатысты. Бірлік пен өзара түсіністікті нығайтуға бағытталған бұл шара шынайы достық атмосферасында өтті.Ақпарат көзі : https://www.gov.kz/memleket/entities/mfa-busan/press/news/details/1000814?lang=kk

Будапешт, 2025 жылғы 21 мамыр – Түркі мемлекеттері ұйымының (ТМҰ) бейресми Саммиті қарсаңында Қазақстан Республикасы Премьер-министрінің орынбасары – Сыртқы істер министрі Мұрат Нұртілеу ТМҰ-ға мүше елдердің Сыртқы істер министрлері кеңесінің отырысына қатысты.Іс-шараға қатысушылар халықаралық күн тәртібіндегі өзекті мәселелерді талқылап, көлік, логистика, коммуникация және климаттың өзгеруімен күрес салаларында ынтымақтастықты тереңдетудің маңыздылығын атап өтті.Қазақстан СІМ басшысы ТМҰ-ға мүше елдердің сауда, инвестиция, көлік және ауыл шаруашылығы салаларындағы жетістіктер мен болашағы зор бағыттарға назар аударып, Ұйым аясындағы өзара тиімді ынтымақтастықтың келешегін айқындады.Отырыс барысында ТМҰ Саммитіне дайындық барысы қаралып, оның аясында қол қойылатын құжаттар жобалары мақұлданды.Іс-шара алғаш рет Еуропада орналасқан бақылаушы елдің аумағында өтуде.Түркі мемлекеттері ұйымы 2009 жылы Қазақстанның бастамасымен құрылған. Бүгінде оған Әзербайжан, Қазақстан, Қырғызстан, Түркия және Өзбекстан мүше. Мажарстан мен Түрікменстан бақылаушы мәртебеге ие.Ақпарат көзі : https://www.gov.kz/memleket/entities/mfa/press/news/details/1000818?lang=kk

АҚПАРАТТЫҚ ХАБАРЛАМА «БЖЗҚ» АҚ 2025 жылдың басынан бері 16,5 млн астам қызмет көрсетті  «Бірыңғай жинақтаушы зейнетақы қоры» АҚ (бұдан әрі – БЖЗҚ, Қор) өз салымшыларын қолдау мен ақпараттандыруға бағытталған қызметтердің кең ауқымын ұсынуды белсенді түрде жалғастыруда. 2025 жылдың 1 қаңтары мен 31 наурызы аралығында халыққа шамамен 16,5 млн қызмет көрсетілді. Жыл басынан бері көрсетілген қызметтердің жалпы санының 7 млн-нан астамы электрондық форматта, 9 млн-нан астамы автоматты түрде жүргізілді. Осылайша, автоматты, электрондық және қашықтықтан көрсетілген қызметтердің үлесі жалпы санның 98,4%-ын құрады. Қор қызметкерлері салымшыларға жүзбе-жүз 262,7 мыңға жуық қызмет көрсетіліп, оның ішінде 255 мыңнан астамы тікелей Қордың кеңселерінде жүзеге асырылды.Естеріңізге сала кетейік, барлық зейнетақы шоттары БЖЗҚ-ға бірінші жарна түскен кезде автоматты түрде ашылады. Сондай-ақ, "Ұлттық қор ­— балаларға" бағдарламасының қатысушыларына нысаналы талаптар мен нысаналы жинақтар да автоматты түрде есептеледі.Есепті кезең ішінде шартты зейнетақы шоттарын (жұмыс берушінің ЖМЗЖ аударуы нәтижесінде ашылатын ШЗШ) және нысаналы жинақтау шоттарын ("Ұлттық қор ­— балаларға" бағдарламасы аясында ашылатын НЖШ) қоса алғанда, зейнетақы жарналарының барлық түрлері бойынша автоматты режимде ашылған жеке зейнетақы шоттарының (ЖЗШ) жалпы саны 627,6 мыңға жетті. Жеке зейнетақы шотынан, шартты зейнетақы шотынан (ШЗШ), сондай-ақ нысаналы жинақтау шотынан (НЖШ) үзінді көшірме алу бұрынғысынша ең танымал қызмет санатында. Жыл басынан бері ЖЗШ, ШЗШ, НЖШ-дан шамамен 7,7 млн үзінді көшірме берілді. Оның 6,4 млн астамы - электрондық, ал 1,1 млн астамы автоматты түрде рәсімделді. Шоттың жай-күйіне қатысты ақпаратты жеке кабинет арқылы алу – зейнетақы жинақтарыңызды қадағалаудың ең ыңғайлы, сенімді және жедел тәсілі. Қызмет тәулік бойы (24/7) онлайн режимде жұмыс істейді, бұл ақпаратты кез келген уақытта және әлемнің кез келген нүктесінен алуға мүмкіндік береді. Сонымен қатар, зейнетақы шоттары туралы ақпаратты тек БЖЗҚ сайты арқылы ғана емес, сонымен бірге egov.kz электрондық үкімет порталы немесе оның мобильді қосымшасы арқылы да алуға болады. Бұл мемлекеттік қызметтерді бірыңғай платформалар арқылы алуға дағдыланған азаматтар үшін қосымша қолайлылық туғызады.Салымшылардың (алушылардың) Қор сайтындағы және ұялы қосымшасындағы Жеке кабинеттен үзінді көшірме алудан басқа өз деректемелеріне өзгерістер мен толықтырулар енгізу, шотының бар екендігі туралы анықтама алу, 1 немесе 2 топтағы мүгедектіктің мерзімсіз уақытқа белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу және т.б. қызметтер әлемнің кез-келген нүктесінде 24/7 режимінде қолжетімді.  2025 жылдың қаңтар-наурыз айларында деректемелерді өзгертуге 38,4 мыңнан астам өтініш қабылданып, оның 35,5 мыңы Қордың кеңселерінде ұсынылды. БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 10,2 мың көшпелі таныстырылым өткізіліп, оған шамамен 212 мың адам қатысты. Бұқаралық ақпарат құралдарында БЖЗҚ хабарламалары бойынша 11,2 мыңнан астам материал жарияланды.Салымшылар мен алушылардың кері байланыс арналары бойынша түскен өтініштерінің саны шамамен 165,8 мың.Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады.    БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).     Ақпарат көзі : https://www.gov.kz/memleket/entities/almobl-uigur/press/news/details/1000571?lang=kk

АҚПАРАТТЫҚ ХАБАРЛАМАОтандастарымыздың зейнетақы жинақтары 22,75 трлн теңгеге жетті 2025 жылғы 1 сәуірдегі жағдай бойынша қазақстандықтардың шоттарына түсетін жарналардан және инвестициялық кірістерден жинақталған зейнетақы жинақтарының көлемі  22,75 трлн теңгеге жетті. Бір жылда 3,86 трлн теңгеге немесе 20,5%-ға артты.Міндетті зейнетақы жарналары есебінен қалыптасқан зейнетақы жинақтарының көлемі 2025 жылдың 1 сәуіріне - 21,76 трлн теңге. 12 айдағы өсімі – 19,3%.Міндетті кәсіптік зейнетақы жарналары (МКЗЖ) есебінен зейнетақы жинақтары – 653,83 млрд теңге, 12 айдағы өсім – 9%.Өткен бір жыл ішінде ең үлкен өсімді (39,5%) ерікті зейнетақы жарналары (ЕЗЖ) бойынша жинақтар көрсетті, 2025 жылдың 1 сәуіріне олардың көлемі 8,19 млрд теңге.Салымшылардың (алушылардың) зейнетақы шоттарына 2024 жылғы 1 қаңтардан түсе бастаған жұмыс берушінің міндетті зейнетақы жарналары (ЖМЗЖ) 2025 жылдың 1 сәуіріне  329,12 млрд теңге болды.ТүсімдерЗейнетақы жинақтарының көлемі зейнетақы жарналары мен инвестициялық кіріс түріндегі кіріс ағындары есебінен ұлғаяды. Бұл ретте салымшылардың жеке және шартты шоттарына есепті жыл ішінде түскен қаражат мөлшері – 762,22 млрд теңге (өткен жылмен салыстырғандағы өсім 22,2% немесе 138,62 млрд теңге).Жыл басынан бері МЗЖ есебі жүргізілетін жеке зейнетақы шоттарына (ЖЗШ) 2025 жылдың 1-сәуіріне 630,91 млрд теңге (өткен жылдың сәйкес кезеңімен салыстырғанда МЗЖ көлемі 13,3%-ға ұлғайды), МКЗЖ – 35,31 млрд теңге (өсім - 22,4%), ЕЗЖ - 809 млн теңге (өсім - 14,8%) түсті. 2025 жылдың алғашқы 3 айында ЖМЗЖ есебінен жарналар 95,18 млрд теңгені құрады.Төлемдер мен аударымдар2025 жылдың 3 айында БЖЗҚ-дан жарналардың барлық түрлері бойынша жасалған төлемдер мен сақтандыру ұйымдарына аударымдар 371,44 млрд теңгені құрады. Бұл былтыр жасалған төлемдер көлемінен 92,5% немесе 178,47 млрд теңгеге көп.Төлемдердің басым бөлігі тұрғын үй жағдайларын жақсартуға және емделуге арналған біржолғы зейнетақы төлемдерінің (БЗТ) еншісінде – 219,10 млрд теңге.  Зейнет жасына толуына байланысты төлемдер жыл бойына 23,10% ұлғайып, 01.04.2025ж. 56,40 млрд теңгеге жетті. БЖЗҚ-дан зейнет жасына толуына байланысты берілетін орташа айлық төлем – 35 638 теңге. Жыл басынан бастап 01.04.2025ж. дейін мұрагерлік бойынша төлемдер – 16,63 млрд теңге, ҚР шегінен тыс тұрақты тұруға кетуге байланысты төлемдер – 8,46 млрд теңге, мүгедектігі бар адамдарға төлемдер – 801,25 млн теңге, жерлеуге төлемдер – 2,63 млрд теңге жүзеге асырылды. Сақтандыру ұйымдарына 67,43 млрд теңге сомасы аударылды.ЖЗШ саны2025 жылдың 1 сәуіріндегі жағдай бойынша БЖЗҚ-дағы зейнетақы шоттарының жалпы саны - 17,44 млн. бірлік (жыл бойғы өсім – 1,66 млн бірлік немесе 10,5%). Бұл ретте салымшылардың (алушылардың) БЖЗҚ-дағы ЖЗШ саны 2025 жылдың 1 сәуіріне 12,54 млн бірлік болды. Оның ішінде: 11,17 млн - МЗЖ бойынша, 729,35 мыңы - МКЗЖ бойынша, 446,65 мыңы - ЕЗЖ есептелетін шоттар.Ал БЖЗҚ-дағы Қазақстан Республикасының заңнамасына сәйкес келіп түскен ЖМЗЖ туралы мәліметтер ескерілетін шартты зейнетақы шоттарының саны -  4,91 млн бірлік. Зейнетақы активтеріне қатысты барлық өзекті ақпарат enpf.kz сайтындағы «Статистика және аналитика» бөлімінде орналастырылған.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).    Ақпарат көзі : https://www.gov.kz/memleket/entities/almobl-uigur/press/news/details/1014830?lang=kk

 «Заң және тәртіп» нарративін қоғамда ілгерілету шеңберінде, сондай-ақ сыбайлас жемқорлыққа қарсы заңнама және білім саласындағы заңнама нормаларының сақталуын қамтамасыз ету мақсатында Өскемен қаласының облыстық мамандандырылған IT-мектеп-лицейінде Қазақстан Республикасы Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаменті мен облыстың білім басқармасының өкілдері оқушылардың ата-аналарымен кездесті.Іс-шара оқу жылының аяқталуы қарсаңында өтті және білім беру ұйымдарында заңсыз ақша жинаудың алдын алуға қатысты өзекті мәселелерді талқылауға бағытталған.Кездесу барысында Сыбайлас жемқорлыққа қарсы қызметтің ШҚО бойынша Департаментінің аға офицері Гүлнұр Бекбаева ата-аналарға білім беру мекемелерінің басшылығы мен қызметкерлеріне сыйлықтар мен басқа да материалдық құндылықтарды тапсырғаны үшін заңнамада көзделген жауапкершілік шараларын егжей-тегжейлі түсіндірді. Мұндай іс-әрекеттер сыбайлас жемқорлық құқық бұзушылықтар ретінде саралануы мүмкін екендігі атап өтілді.Сондай-ақ, мақсаттары мен себептеріне қарамастан оқушылардан, ата-аналардан және мұғалімдерден ақша жинауға тыйым салу тақырыбы көтерілді. Сыбайлас жемқорлыққа қарсы қызмет өкілдері мектептерде кез-келген ақша жинауға жол берілмейтінін және қолданыстағы заңнамаға қайшы келетінін еске салды.Білім басқармасы кездесу барысында оқушылар арасында парасаттылық, академиялық адалдық және әділдік мәдениетін қалыптастыруға бағытталған жастар арасындағы сыбайлас жемқорлыққа қарсы жобаларды іске асыруға ерекше назар аударды. Ата-аналарға оқушылардың бойында адамгершілік құндылықтарды нығайтуға және азаматтық жауапкершілікті дамытуға бағытталған бастамалар туралы айтылды.Мұндай кездесулерді өткізу ата-аналарды заңнаманы сақтаудың маңыздылығы туралы хабардар етуге ғана емес, сонымен қатар білім беру ортасында ашықтық, сенім және әділеттілік атмосферасын қалыптастыруға ықпал етеді.#Заң_мен_тәртіп#ЗАҢменТӘРТІП  Ақпарат көзі : https://www.gov.kz/memleket/entities/anticorruption-vko/press/news/details/1000586?lang=kk

Аудан әкімі Жосалы кентіндегі бірқатар әлеуметтік және қоғамдық маңызы бар нысандардың жұмысымен танысты.Сапар барысында алдымен Тәуелсіздік ықшам ауданында бой көтерген тұрғын үйлердің құрылыс сапасы мен инженерлік инфрақұрылым жағдайын қарап, тұрғындар үшін жасалған қолайлы мүмкіндіктерді бағамдады. Осы аудандағы абаттандыру жұмыстары да назардан тыс қалмады.Мұнан соң Қазақ хандығы аллеясының қазіргі жай-күйімен танысып, оның тарихи және тәрбиелік маңызын арттыру бойынша ұсыныстарды қарастырды. Аллеяны дамыту мен оны мәдени демалыс орнына айналдыру мәселелері талқыланды.Келесі кезекте аудандық санитариялық-эпидемиологиялық бақылау басқармасының қызметімен танысып, халықтың денсаулығын қорғау бағытында атқарылып жатқан жұмыстарға назар аударды. Басқарма мамандары саладағы өзекті мәселелер мен алдағы міндеттер туралы баяндады.Жұмыс сапарының соңында аудан әкімі Жосалы кентіндегі қоғамдық жұмыстарға тартылған азаматтармен еркін форматта кездесу өткізіп, олардың ұсыныс-пікірлерін тыңдады. Ашық сұхбат барысында еңбекке тартылған жандардың әлеуметтік жағдайы мен жұмыспен қамтылу барысы қозғалды.Ақпарат көзі : https://www.gov.kz/memleket/entities/kyzylorda-karmakshy/press/news/details/1000599?lang=kk

Бүгін аудан әкімі Берік Сәрменбаев «Жалын» сауықтыру лагеріне барып, жазғы тынығу маусымына дайындық барысымен танысты.Аудан басшысы лагерь аумағын аралап, балалардың демалуына арналған нысандардың жай-күйін, қауіпсіздік талаптарының сақталуын және санитарлық жағдайын қарап шықты. Сонымен қатар, лагерьді дайындауға жауапты мамандармен кездесіп, алдағы маусымға қойылатын міндеттерді атап өтті.– Аймақ басшысы Нұрлыбек Машбекұлы Нәлібаев балалардың жазғы демалысын тиімді ұйымдастыруды қатаң тапсырды. Осыған орай, балалардың жазғы демалысын басты назарымызда ұстауымыз қажет. Олардың уақыттарын тиімді ұйымдастырып, каникул кезінде сауықтыру шараларымен қамтамасыз ету керек. Лагерьде барлық қолайлы жағдай жасалып, тамақтану, қауіпсіздік пен тәрбие жұмыстары жоғары деңгейде ұйымдастырылуы тиіс, – деді Берік Әбдіғаппарұлы.Тиісті сала мамандарына лагерьді уақтылы және сапалы түрде дайындау, медициналық қызметтермен және тәрбиешілермен толық қамтамасыз ету жөнінде нақты тапсырмалар берілді.Айта кетейік, биылғы жазда аудандағы «Жалын» сауықтыру лагеріне 6 ауысым бойынша 691 баланы қабылдау жоспарлануда. Әр ауысымда 110-120 бала тынығатын болады. Бүгінде сауықтыру лагері тынығушыларды қабылдауға толық дайын.Ақпарат көзі : https://www.gov.kz/memleket/entities/kyzylorda-syrdarya/press/news/details/1000603?lang=kk

2014 жылғы 29 мамырдағы Еуразиялық экономикалық одақ туралы халықаралық шартқа сәйкес Қазақстанда кәсіпкерлік қызметті тұруға ықтиярхаты бар Ресей Федерациясының, Тәжікстанның, Қырғызстанның, Беларусияның, Арменияның азаматтары жүзеге асыра алады. 2017 жылғы 1 қаңтардан бастап жеке кәсіпкер (ЖК) ретінде тіркеу есебіне қою хабарлау тәртібіне ауыстырылды, оған сәйкес ЖК тіркеу үшін жеке тұлға жеке кәсіпкер ретінде қызметтің басталғаны туралы хабарламаны мемлекеттік кірістер органына ұсынады. Қызметтің басталуы туралы хабарламаны egov.kz порталы, "e-salyq business" мобильді қосымшасы, екінші деңгейдегі банктердің мобильді қосымшалары арқылы жіберуге болады.  Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1000634?lang=kk

Соңғы уақытта алаяқтық жағдайлары жиілеп кетті, онда қаскүнемдер мемлекеттік органдардың қызметкерлері болып ұсынылады және азаматтардың жеке деректері мен қаржылық құралдарына қол жеткізу үшін түрлі схемаларды пайдаланады.Бұғатталған шот немесе салық қызметінен хаттың болуы сияқты салықтық проблемалар туындайтын жағдайлар жиілеп кетті, азаматқа ведомствоға шұғыл жазылу ұсынылады. Алаяқтар болжам бойынша кезекті онлайн брондауға көмектеседі және олар SMS-ке келетін кодты айтуды сұрайды. Шын мәнінде, бұл код банктік операцияны растау болып табылады және оны хабарлау арқылы адамның өзі өз шоттарына қол жеткізе алады. Нәтижесінде алаяқтар ұрлаудың барлық құралдарына қол жеткізе алады.Алаяқтардың құрбаны болмас үшін азаматтарға кеңес беріледі:1.Қоңырау шалушыдан дәлелдеме ұсынуын сұраңыз ол шын мәнінде , осы ұжымда жұмыс істейтіндігінің дәлелін (тегі, аты, лауазымы,ішкі телефон) ұсынуын сұраңыз;2.Егер әңгімелесуші мемлекеттік органдардың қызметкері болып көрінсе де, күдікті хабарламалар мен қоңырауларға сенбеу;3.Ешқандай жағдайда хабарламалардан күмәнді сілтемелер бойынша өтпеңіз;4.Ешқандай жағдайда СМС арқылы алынған кодтарды, карта деректемелерін немесе басқа да дербес деректерді хабарлауға болмайды;5.Белгісіз адамдардың өтініші бойынша ақша аударуға асықпаңыз;6.Мемлекеттік органдардың ресми сайттары немесе байланыс орталықтары арқылы келіп түсетін ақпараттың дұрыстығын міндетті түрде тексеріңіз; 7.Күдік тудыратын барлық жағдайларда — дереу банкке және құқық қорғау органдарына хабарласыңыз.Есте сақтау маңызды!Мемлекеттік органдар қызметкерлерінің азаматтардан жеке деректерді, банктік шоттардың, карталардың нөмірлерін және өзге де деректемелерді телефон арқылы немесе мессенджерлер арқылы сұратуға құқығы жоқ.Сақ болыңыз, деректеріңіз бен қаржыңызды сақтаңыз!   Ақпарат көзі : https://www.gov.kz/memleket/entities/kgd-akmola/press/news/details/1000647?lang=kk

Павлодар облысы бойынша мемлекеттік кірістер Департаментінің Әдеп жөніндегі уәкілі Марат Бейсенов Павлодар ауданы бойынша мемлекеттік кірістер Басқармасының ұжымымен кездесті.Іс-шараға қатысушылар мемлекеттік қызметшілердің жұмыс және жұмыстан тыс уақыттағы қызметтік әдеп қағидаларын, ережелері мен нормаларын, "Қазақстан Республикасының мемлекеттік қызметі туралы" және "Сыбайлас жемқорлыққа қарсы іс-қимыл туралы" Заңдарының негізгі жағдайларын талқылады.– Мемлекеттік қызметшілер өз қызметінде сыбайлас жемқорлық көріністеріне қарсы тұруы, сыбайлас жемқорлық құқық бұзушылықтарға жол бермеуі, әдепсіз мінез – құлық фактілеріне жол бермеуі, өз іс-әрекеттерімен халықтың мемлекеттік қызметке деген сенімін нығайтуға жәрдемдесуі тиіс, – деп атап өтті Марат Бейсенов өз сөзінде.Әдеп жөніндегі уәкіл әріптестеріне қызметтік әдепті бұзғаны, өзінің қызметтік міндеттерін орындамағаны немесе тиісінше орындамағаны үшін тәртіптік қана емес, сонымен қатар қылмыстық жауаптылық көзделгенін еске салды.Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1000659?lang=kk

"Атамекен" өңірлік кәсіпкерлер палатасында Павлодар облысы бойынша Мемлекеттік кірістер Департаменті қызметкерлері мен бизнес өкілдерінің қатысуымен Бақылау-кассалық машиналарды қолдану және фискалдық чектер беру мәселелері бойынша семинар-кеңес өтті.Қазақстан Республикасының аумағында ақшалай есеп айырысулар міндетті түрде бақылау-кассалық машиналарды (БКМ) қолдана отырып жүргізіледі. Ақшалай есеп айырысулар деп қолма-қол ақша және (немесе) төлем карточкаларын және (немесе) мобильдік төлемдерді пайдалана отырып есеп айырысулар арқылы тауарды сатып алу, жұмыстарды орындау, қызметтерді көрсету үшін жүзеге асырылатын есеп айырысулар түсініледі. БКМ қолданған кезде тауар, жұмыс, көрсетiлетiн қызмет үшін төленген сомаға бақылау-касса машинасының чегін немесе тауар чегін беру жүзеге асырылады. Бұдан басқа, БКМ чегі сатушы (тауарды, жұмысты, көрсетілетін қызметті беруші) мен сатып алушы (клиент) арасында қағаз түрінде не электрондық түрде берілген ақшалай есеп айырысуды жүзеге асыру фактісін растайтын БКМ бастапқы есепке алу құжаты болып табылады. Сонымен қатар, сауда операциялары, жұмыстарды орындау, қолма – қол ақша арқылы қызметтер көрсету кезінде жүргізілетін ақшалай есеп айырысуларды жүзеге асыру кезінде БКМ қолданбағаны үшін, сондай-ақ пайдалану орны бойынша Мемлекеттік кірістер органында ақаулы немесе есепте тұрмаған БКМ қолданғаны үшін ескерту түрінде әкімшілік жауапкершілік көзделген, бір жыл ішінде қайталанған жағдайда айыппұл 20-дан 40 АЕК-ке дейін мөлшерінде (ҚР Әкімшілік құқық бұзушылық туралы Кодексінің 284-бабы). БКМ чегін немесе тауар чегін бермеу не бақылау-кассалық машинаның чегін немесе тауар чегін тауарға немесе көрсетілетін қызметке төленген сомадан артық немесе кем сомаға беру үшін де әкімшілік жауапкершілік көзделген (ҚР Әкімшілік құқық бұзушылық туралы Кодексінің 284-бабы) – өз сөзінде өндірістік емес төлемдер басқармасының басшысы Ерболат Ғаббасов атап өтті.Іс – шара барысында кәсіпкерлер "Чекті талап ет-жүлдені ұтып ал" және "Байге"республикалық акцияларын өткізудің шарттары мен мақсаттарымен танысты. Павлодар облысы бойынша МКД түсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1000675?lang=kk

Облыстық «Халық радиосының» эфирінде «Қауіпсіз орта» бағдарламасында Павлодар облысы бойынша МКД тарифтік реттеу басқармасының бас маманы Әсемгүл Байготанова Қазақстан Республикасындағы валюталық реттеу және валюталық бақылау туралы. Ақпарат көзі : https://www.gov.kz/memleket/entities/kgd-pavlodar/press/news/details/1000683?lang=kk

 Павлодар облысының мамандандырылған ауданаралық әкімшілік сотында "Салық даулары бойынша өзекті сот практикасы" тақырыбында дөңгелек үстел өтті, оған Павлодар облысы бойынша мемлекеттік кірістер департаментінің (МКД) қызметкерлері қатысты. МКД заң басқармасының басшысы Әсем Дүйсембекова іс-шараға қатысушыларды мемлекеттік кірістер органдарының әкімшілік актілеріне салық төлеушілердің талаптарын соттың қарау қорытындыларымен таныстырып, сот практикасы салықтардың толық және уақтылы түсуін қамтамасыз етуге ықпал ететінін атап өтті. Іс-шараға қатысушылар талқыланатын тақырыптың жоғары практикалық маңыздылығын атап өтіп, осындай іс-шараларды жалғастыруға қызығушылық білдірді. Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1000698?lang=kk

        Абай облысы бойынша ҚАЖ департаментінде қаза тапқан қызметкерді еске алу құрметіне шағын футболдан турнир өткізілді.             Салтанатты шара бір минут үнсіздіктен басталды. Турнирге Шемонайха ауданында орналасқан ҚР ІІМ Жезқазған қаласының УССО, ШҚО бойынша ҚАЖ департаменті, Абай облысы бойынша ҚАЖ департаменті, Қазақстан Республикасы Ұлттық ұланының 5511 әскери бөлімі, ҚАЖ ардагерлері және Абай облысы бойынша ҚАЖД № 20 мекемесінің қызметкерлері қатысты.              Әр командада он ойыншыдан болды. Іс-шараға құрметті қонақтар ретінде әпкесі мен он екі жастағы ұлы Мансур Ахметқали шақырылды. Әділет капитаны Ахметқалиұлы Шалқар Сарсеканов 1987 жылы 9 қазанда Семей қаласы Мақаншы ауданы Жарбұлақ ауылында дүниеге келген. Мектепті бітіргеннен кейін Қазақстан Республикасы қылмыстық-атқару жүйесі комитетінің Академиясына түсіп, 2010 жылы бітірді. 2010-2016 жылдары ШҚО бойынша ҚАЖД Шемонаиха қаласының ОВ-156/6 мекемесінде жұмыс істеді. 2016 жылы жол-көлік апаты салдарынан қаза тапты.                                            – Шалқар Сәрсекенов мықты спортшы болған, аудандық, облыстық спорттық іс-шараларға белсенді қатысқан, Шемонаиха қаласының балалар спорт мектебінде қоғамдық жаттығу жұмыстарымен айналысқан. Мұндай турнирлерді өткізу қызметтік борышын өтеу кезінде қаза тапқан қызметкерлерді еске алуға ғана емес, олардың отбасыларын моральдық қолдауға, сондай-ақ өскелең ұрпақты патриоттық тәрбиелеуге де ықпал етеді, - деп атап өтті ҚАЖ Абай облысы бойынша департаментінің бастығы Ғалымжан Балтабаев .          Шағын футболдан турнирде ҚР ІІМ Жезқазған қаласының УССО командасы жеңіске жетті. Екінші орынды ШҚО бойынша ҚАЖД командасы, үшінші орынды Абай облысы бойынша ҚАЖД командасы иеленді. Ақпарат көзі : https://www.gov.kz/memleket/entities/duisabai/press/news/details/1000700?lang=kk

Дара кәсіпкерлер мен заңды тұлғаларды (ірі кәсіпкерлік субъектілерін қоспағанда) әлеуметтік кәсіпкерлік субъектілерінің тізіліміне қосуға құжаттарды қабылдау туралы хабарландыру Ұйымдастырушы:«Алматы облысының кәсіпкерлік және индустриялық-инновациялық даму басқармасы» ММОрналасқан жері:Қонаев қаласы, Қонаев к-сі, 3Б, 2 қабат, 211 кабинет.Байланыс телефоны:8 (7277) 27-80-02, 8(778)009 88 38Өтінімдерді қабылдау нысанасы:Қазақстан Республикасы Ұлттық экономика министрінің м.а. 2023 жылғы 17 шiлдедегi №140 бұйрығымен бекітілген Әлеуметтік кәсіпкерлік субъектілерінің тізілімін жүргізу қағидаларына  сәйкес дара кәсіпкерлер мен заңды тұлғаларды (ірі кәсіпкерлік субъектілерін қоспағанда) әлеуметтік кәсіпкерлік субъектілерінің тізіліміне енгізу.Өтінімдерді беру орны:Қонаев қаласы, Қонаев к-сі, 3Б, 2 қабат, 211 кабинет.Құжаттамаларды ұсыну мерзімі:2025 жылдың «1» маусымнан бастап 2025 жылдың «15» маусымға дейінӨтінімдерді берудің басталу күні мен уақыты:2025 жылдың «1» маусымнан 09:00 ден бастапӨтінімдерді берудің аяқталу күні мен уақыты:2025 жылдың «15» маусымның 18:30 ға дейін     Құжат қабылдау жұмыс күндері сағат 09:00 дан 18:30 ға дейін. Көрсетілген мерзім өткеннен кейін келіп түскен өтінімдер қабылданбайтынын ескертеміз.    Кәсіпкер құжаттар топтамасын толық ұсынбаған не анық емес деректерді немесе қағидалардың талаптарында белгіленген нысандарға сәйкес келмейтін құжаттарды ұсынған жағдайда ұйымдастырушы ұсынылған құжаттарды кәсіпкерге қайтарады.Ақпарат көзі : https://www.gov.kz/memleket/entities/almobl-kegen/press/news/details/1000741?lang=kk

Жетісу облысының Сәкен Сейфуллин атындағы орталық кітапханасының ұйымдастыруымен «Тіл» оқу әдістемелік орталығында журналист, жазушы, пусблицист, аудармашы, қоғам қайраткері Бигелді Қайырдосұлы Ғабдуллиннің 70 жасқа толуына арналған «Қалам – тағдыр, шындық – мұрат» атты кездесу кеші өтті.Кештің шымылдығын Жетісу облысы қоғамдық даму басқармасының басшысы Абибеков Бауыржан Бақытұлы ашып, мерейтой иесінің ел мен ұлт руханияты жолындағы еселі еңбегін ерекше атап өтті. Бигелді Қайырдосұлының журналистика мен әдебиеттегі, қоғамдық өмірдегі парасатты жолы жас ұрпаққа үлгі екенін тебірене жеткізді.Кеш аясында сөз алған Қазақстан Жазушылар одағының мүшесі, Халықаралық «Алаш» әдеби сыйлығының иегері, ақын Әміре Әрін де қалам иесінің ел руханиятына қосқан өлшеусіз үлесін толғана сөз етті. Ол Бигелді Қайырдосұлының шығармашылығындағы шындық пен әділет жолындағы табандылығын, ұлттық мүддеге деген адалдығын жоғары бағалап, бұл қасиеттер бүгінгі жас буын үшін үлкен мектеп екенін жеткізді.Сондай-ақ, кездесуде Жетісу облыстық ардагерлер кеңесінің төрағасы Ермек Әбілмәжінұлы Келемсейіт және «Janr» әдеби клубының президенті Есболат Айдабосын сөз сөйлеп, мерейтой иесінің өмір жолы мен ел үшін атқарған игі істеріне тоқталып, жылы лебіздерін білдірді.Кеш соңында Дәнеш Рақышев атындағы филармонияның талантты әншілері, Қазақстан Республикасының мәдениет саласының үздіктері Бейбіт Мұсаев пен Арафат Ысқақов өз өнерлерін тарту етті. Бейбіт Мұсаевтың орындауындағы «Шашбаулым» әні мен Арафат Ысқақовтың «Жетісу» әні кештің көркін келтіріп, тыңдарманның көңілін тербетті.«Қалам – тағдыр, шындық – мұрат» атты бұл кеш – қалам иесінің елеулі еңбегін елеп, рухани қазынаны ұлықтаған мазмұнды әрі тағылымды басқосу болды. Ақпарат көзі : https://www.gov.kz/memleket/entities/zhetysu-archive/press/news/details/1000456?lang=kk

Сәкен Сейфуллин атындағы орталық кітапханада «Жастар біздің болашағымыз» атты кешкі кітапхана жобасы аясында «XXI ғасыр жастары білімді кітаптан алу керек/алмау керек» тақырыбындағы дебат пікірталас сайысы өтті.Шара барысында жақтау тарапы «Алау» тобы мен даттау тарапы «Айқап тобы» белгілі тақырып төңірегінде өз көзқарастарын дәлелдер арқылы қорғап, пікірталасты. Дебатта әр тарап өз позициясы бойынша ойын барысын өрбітті.Шараға «IQAP»пікірсайыс клубы, үйірме жетекшісі Омаров Аңсаған Еркінұлы, «Болмыс» мәдени-әдеби клуб мүшелері қатысты.  Пікірталаста білімнің қайнар көзі ретінде кітаптың маңызы дәлелденіп, жақтау тарапы «Алау» тобы жеңімпаз атанды.Ақпарат көзі : https://www.gov.kz/memleket/entities/zhetysu-archive/press/news/details/1000504?lang=kk

Телеграмм КС - https://t.me/consot_kz   Ақтау қаласында Қазақстан халқы Ассамблеясының ғимаратында Қазақстан Республикасы Конституциясының 30 жылдығына арналған «Ата заң – әділдік пен тұрақтылық кепілі» тақырыбында өңірлік конференция өтті.Шараға сот және атқарушы билік өкілдері, құқық қорғау органдары, ғылыми және білім беру саласының мамандары қатысты. Олардың қатарында Маңғыстау облыстық сотының төрағасы М.Текетаев, облыс әкімінің орынбасары Т.Қошмағанбетов, Конституциялық Сот төрағасының орынбасары Б.Нұрмұханов, сондай-ақ өңірдің беделді заңгерлері, судьялары және мемлекеттік органдардың өкілдері болды.Өз сөзінде Бақыт Нұрмұханов еліміздің Конституциясы айтарлықтай эволюция жолынан өткенін, мемлекет дамуын айқындайтын төрт ірі реформа жүргізілгенін атап өтті. Ол 2022 жылы Мемлекет басшысының бастамасымен жүзеге асырылған реформаның маңыздылығына тоқталып, сол арқылы Конституциялық Сот – Конституцияның үстемдігін қамтамасыз ететін негізгі орган құрылғанын атап көрсетті. Бұл реформаның нәтижесінде азаматтар қолданыстағы заңнаманың Негізгі Заңға сәйкестігін тексеру құқығын белсенді жүзеге асыру мүмкіндігіне ие болды. Бүгінгі күнге дейін Конституциялық Сотқа азаматтардан 10 000-нан астам өтініш келіп түскен.Шара аясында сот жүйесінің дамуы, адам құқықтарын қорғау тетіктері, заңдылықты қамтамасыз етудегі соттардың рөлі, сондай-ақ жастар арасында құқықтық мәдениетті қалыптастыруға бағытталған білім беру жобалары туралы баяндамалар ұсынылды.Конференция соңында қатысушылар халықты құқықтық сауаттандыруды жалғастыру және Конституцияның негізгі ережелерін кеңінен насихаттау қажеттігін атап өтті.Ақпарат көзі : https://www.gov.kz/memleket/entities/ksrk/press/news/details/1000530?lang=kk

ҚР ҚМ Мемлекеттік кірістер комитеті кедендік рәсімдерді цифрландырып, оңтайландыруға бағытталған Keden ақпарат жүйесін кезең-кезеңмен енгізуді жалғастырып келеді.Аталған жүйе «Ашық және басқарылатын кеден» тұжырымдамасын іске асыру арқылы қолданыстағы «АСТАНА-1» және «Экспорт-импорт операциялар жөніндегі бірыңғай терезе» платформаларын алмастыруға арналған.Цифрлы өзара байланыс және Keden интеграциясы кеден органдары мен сыртқы экономикалық қызмет қатысушылары арасындағы толық цифрлы өзара іс-қимылды қамтамасыз етіп, бұл әкімшілік кедергілерді азайту мен тиісті рәсімдердің ашықтығын арттырады және тауарлар қозғалысының бақылауын күшейтеді. Қағаз құжат айналымын азайту үшін басқа мемлекеттік әрі коммерциялық жүйелерімен 30 интеграция жүргізіліп, бұл кеден операцияларын жүргізу кезінде қажетті деректерді автоматты түрде алуға жол ашты.Жүйені енгізудің негізгі кезеңдеріЖоба іске қосылған сәттен бастап келесі функционалды модульдер іске асырылды:2024 жыл сәуір - экспресс-жүктерді электронды кедендік декларациялау (ЭЖКЖД және ЭЖТД).2024 жыл қыркүйек - жеке пайдалануға арналған тауарларды есепке алу модулі («Қорғас» ХШЫО).2024 жыл қараша - алдын ала операциялар, транзиттік декларация, уақытша сақтау, тәуекелдерді басқару жүйесі, КТжС төлеуді қамтамасыз ету сертификаттарын тіркеу, кедендік тексеру, резидент емес тұлғаларды тіркеу бойынша модульдерді іске қосу.2025 жыл қаңтар-сәуір - көлік құралына арналған кедендік декларация бойынша модульдер, 9 кедендік мемлекеттік қызмет, халықаралық почта жөнелтілімдерін кедендік декларациялау.2025 жыллың 22 сәуірінен бастап — жолаушылардың кеден декларациясының модулі енгізілді.Келесі жоспар2025 жылдың соңына дейін жүйенің барлық функциясын, соның ішінде:Кедендік операциялардың барлық кезеңін бақылау.Кемшіліктерді тіркеу мүмкіндігімен процестерді автоматтандыру.Кеден декларацияларын алдын ала толтыру және рәсімдеу мәртебесін нақты уақыт режімінде қадағалау.Keden жүйесі "бір терезе" қағидаттарын жүзеге асырып, пайдаланушыларға автотолтыру арқылы қажетті кеңестермен және форматты-логикалық бақылаумен ыңғайлы интерфейсті ұсынады, бұл рәсімдеу процесін айтарлықтай жеңілдетеді.Пайдаланушыларды қолдауСыртқы экономикалық қызмет қатысушылары мен лауазымды тұлғаларға әдіснамалық және техникалық көмек көрсету үшін тәулік бойы жұмыс істейтін қолдау қызметі құрылды.Keden АЖ қолдау қызметінің байланыстары:Тел.: +7 (7172) 73 55 19; +7 (705) 956 53 89Email: keden_support@kgd.minfin.gov.kzTelegram: https://t.me/kedenkgdgovkz Ақпарат көзі : https://www.gov.kz/memleket/entities/kgd-zhetysu/press/news/details/1000533?lang=kk