Сәкен Сейфуллин атындағы орталық кітапханада «Жастар біздің болашағымыз» атты кешкі кітапхана жобасы аясында «XXI ғасыр жастары білімді кітаптан алу керек/алмау керек» тақырыбындағы дебат пікірталас сайысы өтті.Шара барысында жақтау тарапы «Алау» тобы мен даттау тарапы «Айқап тобы» белгілі тақырып төңірегінде өз көзқарастарын дәлелдер арқылы қорғап, пікірталасты. Дебатта әр тарап өз позициясы бойынша ойын барысын өрбітті.Шараға «IQAP»пікірсайыс клубы, үйірме жетекшісі Омаров Аңсаған Еркінұлы, «Болмыс» мәдени-әдеби клуб мүшелері қатысты.  Пікірталаста білімнің қайнар көзі ретінде кітаптың маңызы дәлелденіп, жақтау тарапы «Алау» тобы жеңімпаз атанды.Ақпарат көзі : https://www.gov.kz/memleket/entities/zhetysu-archive/press/news/details/1000504?lang=kk

Телеграмм КС - https://t.me/consot_kz   Ақтау қаласында Қазақстан халқы Ассамблеясының ғимаратында Қазақстан Республикасы Конституциясының 30 жылдығына арналған «Ата заң – әділдік пен тұрақтылық кепілі» тақырыбында өңірлік конференция өтті.Шараға сот және атқарушы билік өкілдері, құқық қорғау органдары, ғылыми және білім беру саласының мамандары қатысты. Олардың қатарында Маңғыстау облыстық сотының төрағасы М.Текетаев, облыс әкімінің орынбасары Т.Қошмағанбетов, Конституциялық Сот төрағасының орынбасары Б.Нұрмұханов, сондай-ақ өңірдің беделді заңгерлері, судьялары және мемлекеттік органдардың өкілдері болды.Өз сөзінде Бақыт Нұрмұханов еліміздің Конституциясы айтарлықтай эволюция жолынан өткенін, мемлекет дамуын айқындайтын төрт ірі реформа жүргізілгенін атап өтті. Ол 2022 жылы Мемлекет басшысының бастамасымен жүзеге асырылған реформаның маңыздылығына тоқталып, сол арқылы Конституциялық Сот – Конституцияның үстемдігін қамтамасыз ететін негізгі орган құрылғанын атап көрсетті. Бұл реформаның нәтижесінде азаматтар қолданыстағы заңнаманың Негізгі Заңға сәйкестігін тексеру құқығын белсенді жүзеге асыру мүмкіндігіне ие болды. Бүгінгі күнге дейін Конституциялық Сотқа азаматтардан 10 000-нан астам өтініш келіп түскен.Шара аясында сот жүйесінің дамуы, адам құқықтарын қорғау тетіктері, заңдылықты қамтамасыз етудегі соттардың рөлі, сондай-ақ жастар арасында құқықтық мәдениетті қалыптастыруға бағытталған білім беру жобалары туралы баяндамалар ұсынылды.Конференция соңында қатысушылар халықты құқықтық сауаттандыруды жалғастыру және Конституцияның негізгі ережелерін кеңінен насихаттау қажеттігін атап өтті.Ақпарат көзі : https://www.gov.kz/memleket/entities/ksrk/press/news/details/1000530?lang=kk

ҚР ҚМ Мемлекеттік кірістер комитеті кедендік рәсімдерді цифрландырып, оңтайландыруға бағытталған Keden ақпарат жүйесін кезең-кезеңмен енгізуді жалғастырып келеді.Аталған жүйе «Ашық және басқарылатын кеден» тұжырымдамасын іске асыру арқылы қолданыстағы «АСТАНА-1» және «Экспорт-импорт операциялар жөніндегі бірыңғай терезе» платформаларын алмастыруға арналған.Цифрлы өзара байланыс және Keden интеграциясы кеден органдары мен сыртқы экономикалық қызмет қатысушылары арасындағы толық цифрлы өзара іс-қимылды қамтамасыз етіп, бұл әкімшілік кедергілерді азайту мен тиісті рәсімдердің ашықтығын арттырады және тауарлар қозғалысының бақылауын күшейтеді. Қағаз құжат айналымын азайту үшін басқа мемлекеттік әрі коммерциялық жүйелерімен 30 интеграция жүргізіліп, бұл кеден операцияларын жүргізу кезінде қажетті деректерді автоматты түрде алуға жол ашты.Жүйені енгізудің негізгі кезеңдеріЖоба іске қосылған сәттен бастап келесі функционалды модульдер іске асырылды:2024 жыл сәуір - экспресс-жүктерді электронды кедендік декларациялау (ЭЖКЖД және ЭЖТД).2024 жыл қыркүйек - жеке пайдалануға арналған тауарларды есепке алу модулі («Қорғас» ХШЫО).2024 жыл қараша - алдын ала операциялар, транзиттік декларация, уақытша сақтау, тәуекелдерді басқару жүйесі, КТжС төлеуді қамтамасыз ету сертификаттарын тіркеу, кедендік тексеру, резидент емес тұлғаларды тіркеу бойынша модульдерді іске қосу.2025 жыл қаңтар-сәуір - көлік құралына арналған кедендік декларация бойынша модульдер, 9 кедендік мемлекеттік қызмет, халықаралық почта жөнелтілімдерін кедендік декларациялау.2025 жыллың 22 сәуірінен бастап — жолаушылардың кеден декларациясының модулі енгізілді.Келесі жоспар2025 жылдың соңына дейін жүйенің барлық функциясын, соның ішінде:Кедендік операциялардың барлық кезеңін бақылау.Кемшіліктерді тіркеу мүмкіндігімен процестерді автоматтандыру.Кеден декларацияларын алдын ала толтыру және рәсімдеу мәртебесін нақты уақыт режімінде қадағалау.Keden жүйесі "бір терезе" қағидаттарын жүзеге асырып, пайдаланушыларға автотолтыру арқылы қажетті кеңестермен және форматты-логикалық бақылаумен ыңғайлы интерфейсті ұсынады, бұл рәсімдеу процесін айтарлықтай жеңілдетеді.Пайдаланушыларды қолдауСыртқы экономикалық қызмет қатысушылары мен лауазымды тұлғаларға әдіснамалық және техникалық көмек көрсету үшін тәулік бойы жұмыс істейтін қолдау қызметі құрылды.Keden АЖ қолдау қызметінің байланыстары:Тел.: +7 (7172) 73 55 19; +7 (705) 956 53 89Email: keden_support@kgd.minfin.gov.kzTelegram: https://t.me/kedenkgdgovkz Ақпарат көзі : https://www.gov.kz/memleket/entities/kgd-zhetysu/press/news/details/1000533?lang=kk

2025 жылғы 19 мамырда Кәмелетке толмағандардың істері және олардың құқықтарын қорғау жөніндегі комиссияның отырысы өтті. Отырыста балалардың жазғы демалысын ұйымдастыру, оларды жұмыспен қамту және білім беру мекемелеріндегі кәсіби бағдар беру мәселелері талқыланды. Назар аударылған негізгі бағыттар:•жастарды жаз кезінде жұмысқа орналастыру және бос уақытын тиімді ұйымдастыру бағдарламалары;•оқушылардың кәсіби бағдарлануы;•жаз мезгілінде қашықтан және онлайн бағдарламаларды ұйымдастыру;•кәмелетке толмағандарды қауіпсіз әрі мазмұнды іс-шаралармен қамту. Сондай-ақ екі отбасының ата-аналық міндеттерін тиісінше орындау мәселелері қаралды. Отырыс қорытындысы бойынша жауапты мекемелерге тиісті тапсырмалар мен ұсыныстар берілді.Ақпарат көзі : https://www.gov.kz/memleket/entities/abay-kurchatov/press/news/details/1000539?lang=kk

Президенттік Жастар кадрлық резерві – Мемлекет басшысының талантты жастар үшін әлеуметтік лифт болып табылатын жария бастамаларының бірі. 2025 жылы президенттік жастар кадр резервіне іріктеу 4.0. Өтінімдерді қабылдау мерзімі ағымдағы жылдың 1-30 маусымы аралығында.Іріктеуге: В1 деңгейінен төмен емес сертификаты бар мемлекеттік тілді меңгерген жоғары білімі бар және жалпы жұмыс өтілі кемінде 5 жыл Қазақстан Республикасының 35 жастан аспаған азаматтары қатыса алады.Ақпарат көзі : https://www.gov.kz/memleket/entities/kostanai-enbek/press/news/details/1006700?lang=kk

Исламабад, 2025 жылғы 20 мамыр – Қазақстан Республикасының Пәкістан Ислам Республикасындағы Елшісі Ержан Қыстафин мен Исламабад қаласының Даму басқармасының (Capital Development Authority) төрағасы Мұхаммад Али Рандхава арасында кездесу өтті.Кездесу барысында Елші 2025 жылғы 28–29 сәуірде Исламабад және Карачи қалаларында өткен Қазақстан-Пәкістан бірлескен Үкіметаралық комиссиясының 13-ші отырысы мен бизнес-форумының негізгі қорытындылары туралы хабардар етті. Ол сауда, стандарттау, спорт, ақпарат салаларында, сондай-ақ астаналық сауда-өнеркәсіп палаталары, жетекші университеттер мен өңірлік басқару органдары арасындағы келісімдерге тоқталып, тараптар арасындағы әртарапты ынтымақтастықты дамытуға деген өзара қызығушылықтың артып келе жатқанын атап өтті.Қазақстан астанасының жоғары деңгейдегі халықаралық іс-шараларды ұйымдастырудағы мол тәжірибесін ескере отырып, пәкістандық тарап осы бағытта тәжірибе алмасуға қызығушылық білдірді.Өз кезегінде Мұхаммад Али Рандхава Астанамен сауда-экономика, инвестиция, білім және мәдениет салаларындағы ынтымақтастықты кеңейтуге ниетті екенін білдірді.Кездесу қорытындысы бойынша тараптар елордааралық ынтымақтастықты жолға қою бойынша белсенді жұмысты жалғастыруға уағдаласты.Ақпарат көзі : https://www.gov.kz/memleket/entities/mfa-islamabad/press/news/details/1000254?lang=kk

Астана, 2025 жылғы 20 мамыр – Берлин Еуразиялық клубының 43-ші отырысында Қазақстан мен Германия арасындағы дуалды оқыту жүйесін дамыту және су саласына инновациялық шешімдерді енгізу мәселелері талқыланды.Іс-шараны ашқан Қазақстан Республикасы Сыртқы істер министрінің орынбасары Роман Василенко көтерілген тақырыптардың өзектілігін атап өтіп, олар елдің орнықты дамуына тікелей әсер ететінін айтты.«Қазақстандағы жұмысшы мамандықтар жылы: дуалды білім беру саласындағы екіжақты ынтымақтастық» атты алғашқы панельдік пікірталаста Германияның тәжірибесін қолдану арқылы бұл модельді жетілдіру мүмкіндіктері қарастырылды.Р.Василенконің айтуынша, бірлескен жұмыстың нақты нәтижелері қазірдің өзінде көрініс табуда. Мысалы, Қостанайдағы «Allur» автозауытында Эрфурт білім беру орталығымен бірге Халықаралық дуалды оқыту орталығы құрылуда.«Осындай нақты нәтижелер – шетелдік серіктестермен ынтымақтастықтың басты көрсеткіші», – деді Министрдің орынбасары.ҚР Оқу-ағарту вице-министрі Еділ Оспан өз сөзінде қазіргі таңда Қазақстандағы 552 колледжде дуалды оқыту жүйесі енгізілгенін, оған 18 мыңнан астам кәсіпорын қатысып, 108 мыңнан астам адамды қамтып отырғанын атап өтті.Германия Федералды білім және ғылыми зерттеулер министрлігінің өкілі Александр Хохрадель Министрліктің Қазақстанда дуалды білім беруді дамытуға қолдау көрсетуге және колледждерді кәсіпорындарға жақындатуға дайын екенін жеткізді.Екінші панельдік сессия «Су ресурстарын тиімді басқару: Германия мен Қазақстанның тәжірибесі мен болашағы» тақырыбына арналды.Климаттың жаһандық өзгеруі жағдайында бұл мәселе бүкіл Орталық Азия өңірінің қауіпсіздігі мен орнықты дамуы үшін айрықша маңызға ие.Неміс компаниялары мен мамандарының бұл салада жоғары технологиялар мен мол тәжірибесі бар. Олар Қазақстандағы су инфрақұрылымын жаңғырту және инженерлік жобаларды іске асыруға елеулі үлес қоса алады.Атап айтқанда, 300-ден астам кәсіпорынды біріктіретін «German Water Partnership» қауымдастығымен өзара іс-қимыл жанданып келеді.Жиынға екі елдің мемлекеттік органдарының, салалық бірлестіктердің, колледж басшыларының, бизнес пен сарапшылар қауымдастығының 100-ден астам өкілі қатысты.Берлин Еуразиялық клубының отырыстары 2012 жылдан бері жыл сайын үш рет өткізіледі: мамырда – Астанада, қазанда – Брюссельде, желтоқсанда – Берлинде. Клубтың мақсаты – саясаткерлер, сарапшылар, бизнес және ғылыми қауым өкілдері арасында жүйелі диалог орнатып, пікір алмасу мен нақты ұсыныстар әзірлеуге ықпал ету. Бүгінге дейін Қазақстан, Германия және Еуропалық одақтың мемлекет және үкімет басшылары, жетекші тұлғалары қатысқан 43 отырыс ұйымдастырылды.Ақпарат көзі : https://www.gov.kz/memleket/entities/mfa/press/news/details/1000264?lang=kk

Қазақстан Республикасының Қаржы нарығын реттеу және дамыту агенттігі (бұдан әрі – Агенттік) азаматтарды алаяқтықтан қорғау мақсатында жүйелі түрде шаралар қабылдап келеді.Осылайша жалған кредиттер ресімделген азаматтардың құқықтарын қорғау заңнамалық түрде күшейтілді:– 2024 жылғы 20 тамыздан бастап кредиторлардың алаяқтық кредиттер бойынша тергеу іс-шараларын жүргізудің барлық кезеңіне сыйақы есептеуді және талап-арыз жұмысын тоқтата тұру міндеті енгізілді;– жалған кредиттер бойынша клиентке қойылатын талаптар клиенттің қатысуынсыз алаяқтық тәсілмен қарызды ресімдеу фактісі анықталған заңды күшіне енген сот шешімі бойынша тоқтатылады;– 2024 жылғы 1 қыркүйектен бастап кредиторлардың кредит алудан ерікті түрде бас тартуды белгілеу кезеңінде азаматтардың заңсыз ресімделген кредиттері бойынша борышты есептен шығару міндеті енгізілді («Стоп-кредит» қызметі).Сонымен қатар, әлеуметтік желілерде таратылып жатқан «алаяқтық жолмен ресімделген кредиттер есептен шығарылады» деген ақпарат шындыққа жанаспайды. Агенттік азаматтарға ресми дереккөздерге ғана сенуге кеңес береді.Қазіргі уақытта қаржылық қызметтерді тұтынушылардың құқықтарын қорғауды күшейту мақсатында депутаттық корпус қаржылық алаяқтық фактілерін азайтуға бағытталған қосымша заңнамалық өзгерістерді бастамалап отыр.Түзетулер онлайн-қарыздарды рәсімдеу кезінде 24 сағаттық «салқындату кезеңін» енгізуді, сондай-ақ банктер мен микроқаржы ұйымдарына (МҚҰ) кредитті алғаш рет рәсімдейтін азаматтармен олардың кредитор бөлімшесіне жеке келмей-ақ қарыз шартына қол қоюына тыйым салуды көздейді.Сондай-ақ жекелеген азаматтар санатымен тұтынушылық кредит шарты тек олардың келісімі алынғаннан кейін ғана жасалуы тиіс деген талап енгізу мәселесі қаралуда.Ұлттық Банктің Антифрод-орталығының қызметін күшейту мақсатында оған ұялы байланыс операторлары, құқық қорғау және арнайы мемлекеттік органдар қосылады. Бұл алаяқтық нөмірлер мен транзакцияларды жылдам анықтау және бұғаттау үшін ақпарат алмасуды жеделдетуге мүмкіндік береді.Антифрод-орталықтың «қара» тізіміне енгізілген тұлғалар үшін қаржылық қызметтерге қолжетімділік шектелетін болады.Ұялы байланыс саласында SIM-карталар санына шектеу қою, абоненттерді міндетті түрде биометриялық сәйкестендіру және SIM-бокстарға бақылауды күшейту шаралары енгізіледі.Аталған түзетулер қазіргі уақытта Парламент Сенатының қарауындағы Қаржы нарығын дамыту және қаржылық қызметтер тұтынушыларының құқықтарын қорғау мәселелері жөніндегі Заң жобасына енгізілген. Сыртқы коммуникациялар басқармасыpress@finreg.kzАқпарат көзі : https://www.gov.kz/memleket/entities/ardfm/press/news/details/1000266?lang=kk

 Рига, 2025 жылғы 20 мамыр – Қазақстанның Латвиядағы Елшілігі Қазақстандық туристік қауымдастықпен (ҚТҚ) және «Kazakh Tourism» ҰК» АҚ-мен бірлесіп Ригада «Қазақстанның туристік әлеуеті» тақырыбында дөңгелек үстел өткізді.Қазақстанның Латвиядағы Елшісі Дәурен Кәріпов өзінің алғы сөзінде іс-шараға қатысушылардың назарын шетелдік туристердің ағынын шүбәсіз тарта алатын Қазақстанның бай мәдени және тарихи көрікті жерлеріне, табиғи ресурстарына аударды. Қазақстандық дипломат еліміздің туристік мүмкіндіктерін ашуға оның әлемнің 83 елінің азаматтары үшін визасыз режимі ықпал ететінін, оның ішінде Латвия да бар екенін атап өтті.ҚТҚ мен «Kazakh Tourism» ҰК» өкілдері онлайн-форматта елдің туристік әлеуеті туралы айтып, Латвиядан және бүкіл Балтық өңірінен келетін туристер үшін негізгі бағыттармен және ең креативті шешімдермен таныстырды. Қазақстандық мамандар латвиялық туроператорлар үшін таныстыру сапарын ұйымдастыруға және ынтымақтастық туралы Меморандумға қол қоюға дайын екендіктерін растады.Дөңгелек үстелге қатысушылар латвиялық саяхатшылар үшін Қазақстанға, соның ішінде мәдени бағыттарға, тау туризміне және елдің ұлттық саябақтарына бірегей сапар жасау бойынша айтарлықтай қызығушылық танытып, баяндамалардың ақпараттық мазмұнын жоғары бағалады.Іс-шараға Балтық өңірі туристік саласының сарапшылары, латвиялық туркомпаниялардың басшылары және БАҚ өкілдері қатысты.Ақпарат көзі : https://www.gov.kz/memleket/entities/mfa-riga/press/news/details/1000269?lang=kk

Абха, 2025 жылғы 19 мамыр – Қазақстан Республикасының Сауд Арабиясы Корольдігіндегі Елшісі Мадияр Меңілбеков Абха қаласына жұмыс сапары аясында Асир провинциясының өкілдерімен бірқатар кездесулер өткізді. Атап айтқанда, Асир провинциясының губернаторы, ханзада Турки бен Талал бен Абдельазиз Әл Саудпен, өңірлік Дамыту басқармасының атқарушы директоры Хашем Әл Даббахпен, сондай-ақ өңірлік Сауда-өнеркәсіп палатасының вице-президенті Махди Әл Хадбанмен кездесті.Келіссөздер барысында қазақстандық дипломат еліміздің инвестиция және туризм салаларындағы кең мүмкіндіктері туралы айтып, шетелдік инвесторлар үшін қолайлы жағдай жасауға және бизнесті дамытуға бағытталған елдегі саяси және әлеуметтік-экономикалық реформалар жөнінде ақпарат берді.Өз кезегінде ханзада Турки бен Талал Елшімен екі ел арасындағы тарихи байланыстарды талқылай келе, Қазақстанмен ынтымақтастықты кеңейтуге, әсіресе сауда, инвестиция және туризм салаларында өз қызығушылығын білдірді. Сонымен қатар ол қазақстандық дипломатты биылғы 27 мамырда өтетін өңірлік Инвестициялық форумның ресми ашылу салтанатына қатысуға шақырды.Хашем Әл Даббах Асир провинциясының дамыту стратегиясымен таныстырып, өңірлік жоспарлау және тұрақты даму саласындағы тәжірибе алмасудың маңыздылығын атап өтті. Сонымен қатар, Махди Әл Хадбан Қазақстан мен өңір кәсіпкерлері арасында тікелей іскерлік байланыстар орнатуға сауда-өнеркәсіп палатасының белсенді қолдау көрсетуге дайын екенін растады.Бұдан бөлек, Елші Король Халид атындағы университетті аралап, университет Президенті Фалех Әл Суламимен кездесті. Айта кететін жайт, бұған дейін аталған университет пен Өзбекәлі Жәнібеков атындағы Оңтүстік Қазақстан педагогикалық университеті арасында өзара түсіністік туралы меморандумға қол қойылған болатын. Кездесу барысында тараптар білім беру саласындағы ынтымақтастықты одан әрі дамыту перспективаларын талқылады.Кездесулердің қорытындысы бойынша тараптар Қазақстан мен Асир провинциясы арасындағы, әсіресе өңіраралық өзара іс-қимыл шеңберінде ынтымақтастықты кеңейтуге мүдделілік білдірді. Сонымен қатар тараптар сауда-экономикалық және инвестициялық байланыстарды нығайту мақсатында өзара сапарлар мен B2B форматындағы кездесулерді ұйымдастыру арқылы іскерлік байланысты жандандыруға уағдаласты.Ақпарат көзі : https://www.gov.kz/memleket/entities/mfa-riyadh/press/news/details/1000272?lang=kk

Астана, 2025 жылғы 20 мамыр – Берлин Еуразиялық клубының 43-ші отырысында Қазақстан мен Германия арасындағы дуалды оқыту жүйесін дамыту және су саласына инновациялық шешімдерді енгізу мәселелері талқыланды.Іс-шараны ашқан ҚР Сыртқы істер министрінің орынбасары Роман Василенко көтерілген тақырыптардың өзектілігін атап өтіп, олар елдің орнықты дамуына тікелей әсер ететінін айтты.«Қазақстандағы жұмысшы мамандықтар жылы: дуалды білім беру саласындағы екіжақты ынтымақтастық» атты алғашқы панельдік пікірталаста Германияның тәжірибесін қолдану арқылы бұл модельді жетілдіру мүмкіндіктері қарастырылды.Германия – кәсіби-техникалық кадрларды даярлауда дуалды тәсілді табысты қолданатын жетекші елдердің бірі.Роман Василенконің айтуынша, бірлескен жұмыстың нақты нәтижелері қазірдің өзінде көрініс табуда. Мысалы, Қостанайдағы Allur автозауытында Эрфурт білім беру орталығымен бірге Халықаралық дуалды оқыту орталығы құрылуда.«Осындай нақты нәтижелер – шетелдік серіктестермен ынтымақтастықтың басты көрсеткіші», – деді министрдің орынбасарыҚР Оқу-ағарту вице-министрі Еділ Оспан өз сөзінде қазіргі таңда Қазақстандағы 552 колледжде дуалды оқыту жүйесі енгізілгенін, оған 18 мыңнан астам кәсіпорын қатысып, 108 мыңнан астам адамды қамтып отырғанын атап өтті.Германия Федералды Білім және ғылыми зерттеулер министрлігінің өкілі Александр Хохрадель Министрліктің Қазақстанда дуалды білім беруді дамытуға қолдау көрсетуге және колледждерді кәсіпорындарға жақындатуға дайын екенін жеткізді.Жиынға екі елдің мемлекеттік органдарының, салалық бірлестіктердің, колледж басшыларының, бизнес пен сарапшылар қауымдастығының 100-ден астам өкілі қатысты.Екінші панельдік сессия «Су ресурстарын тиімді басқару: Германия мен Қазақстанның тәжірибесі мен болашағы» тақырыбына арналды.Климаттың жаһандық өзгеруі жағдайында бұл мәселе бүкіл Орталық Азия өңірінің қауіпсіздігі мен орнықты дамуы үшін айрықша маңызға ие.Неміс компаниялары мен мамандарының бұл салада жоғары технологиялар мен мол тәжірибесі бар. Олар Қазақстандағы су инфрақұрылымын жаңғырту және инженерлік жобаларды іске асыруға елеулі үлес қоса алады.Атап айтқанда, 300-ден астам кәсіпорынды біріктіретін German Water Partnership қауымдастығымен өзара іс-қимыл жанданып келеді.Жиынға екі елдің мемлекеттік органдарының, салалық бірлестіктердің, колледж басшыларының, бизнес пен сарапшылар қауымдастығының 100-ден астам өкілі қатысты.Анықтама: Берлин Еуразиялық клубының отырыстары 2012 жылдан бері жыл сайын үш рет өткізіледі: мамырда – Астанада, қазанда – Брюссельде, желтоқсанда – Берлинде. Клубтың мақсаты – саясаткерлер, сарапшылар, бизнес және ғылыми қауым өкілдері арасында жүйелі диалог орнатып, пікір алмасу мен нақты ұсыныстар әзірлеуге ықпал ету.Бүгінге дейін Қазақстан, Германия және Еуропалық Одақтың мемлекет және үкімет басшылары, жетекші тұлғалары қатысқан 43 отырыс ұйымдастырылды.Ақпарат көзі : https://www.gov.kz/memleket/entities/mfa-berlin/press/news/details/1000275?lang=kk

Вена, 2025 жылғы 20 мамыр – Қазақстан Республикасының Венадағы халықаралық ұйымдар жанындағы Тұрақты өкілі Мұхтар Тілеуберді Халықаралық сыбайлас жемқорлыққа қарсы академияның (International Anti-Corruption Academy - IACA) ректоры Слагяна Тасевамен кездесті.Елші Академияның сыбайлас жемқорлыққа қарсы күрес саласында мамандар даярлаудағы және ашықтық пен есептілікке негізделген халықаралық стандарттарды ілгерілетудегі маңызды рөлін атап өтті.Тараптар қазіргі ынтымақтастықты және оны одан әрі кеңейту мүмкіндіктерін, соның ішінде қазақстандық мамандардың IACA білім беру бағдарламаларына қатысу мүмкіндіктерін талқылап, тәжірибе алмасу және жаһандық сыбайлас жемқорлыққа қарсы күн тәртібі аясында бірлескен бастамаларды іске асыру мәселелеріне ерекше назар аударды.Кездесу барысында тараптар серіктестікті нығайтуға және практикалық өзара іс-қимылды дамытуға өзара мүдделілік білдірді.Ақпарат көзі : https://www.gov.kz/memleket/entities/mfa-vienna/press/news/details/1000280?lang=kk

Брюссель, 2025 жылғы 19-20 мамыр – Қазақстанның стратегиялық зерттеулер институтының (ҚСЗИ) директоры Еркін Тұқымов Еуропалық Одақ институттары мен Брюссельдегі негізгі талдау орталықтарының өкілдерімен кездесулер өткізді.Еуропалық сыртқы іс-қимыл қызметі Басқарушы директорының орынбасары Люк Девинь, Еуропалық Кеңес Президентінің Орталық Азия бойынша дипломатиялық кеңесшісі, Елші Мэрилин Джозефсон және Еуропалық Комиссияның Халықаралық әріптестік департаментінің бас директоры, Елші Петерис Устубспен кездесулер екіжақты күн тәртібіндегі мәселелерге, соның ішінде саяси диалогты және экономикалық ынтымақтастықты нығайтуға, сондай-ақ бірлескен іс-шараларға дайындыққа арналды.Тараптар ынтымақтастықтың басым бағыттарын, соның ішінде көлік және инфрақұрылымдық жобаларды, тұрақты дамуды, энергетикалық әріптестік пен тұрақты жеткізу тізбегін қамтамасыз етуді, Орталық Азиядағы аймақтық ынтымақтастықты дамытуды, су мәселелерін, аймақтық қауіпсіздікті және Ауғанстанды талқылады.Кездесулерде сирек жер металдары, жасыл энергетика және көлік дәліздерін, оның ішінде Транскаспий халықаралық көлік бағытын дамыту сияқты стратегиялық маңызды және перспективалық салалардағы ынтымақтастықты одан әрі тереңдетуге екі жақтың мүдделілігі айтылды.Сапар аясында Еркін Тұқымов Еуропарламентте «ЕО-Қазақстан: білім және мәдениет – ынтымақтастықтың тұрақты көпірлері» тақырыбында өткен дөңгелек үстелге қатысты. Ғылыми және білім беру дипломатиясы мәселелеріне арналған панельдік сессия барысында ол бірлескен бастамаларды жүзеге асыру арқылы Қазақстан мен Еуропалық Одақ арасындағы стратегиялық серіктестікті ілгерілетудің маңыздылығын атап өтті, сондай-ақ екіжақты ынтымақтастықтың ұзақ мерзімді күн тәртібін қалыптастырудағы және гуманитарлық байланыстарды нығайтудағы талдау орталықтарының рөлін ерекше атап өтті. «Эгмонт» Корольдік халықаралық қатынастар институтының және Брюссель геосаясат институтының басшылығымен кездесулерде тараптар әлемдегі ағымдағы геосаяси жағдай туралы пікір алмасты, ЕО-ның сыртқы және ішкі саясатын, Қазақстан мен ЕО арасындағы екіжақты өзара іс-қимылды, ЕО-Орталық Азия форматындағы ынтымақтастықты, сондай-ақ халықаралық күн тәртібіндегі басқа да мәселелерді талқылады.Анықтама: Еуропалық Одақ Қазақстан Республикасының негізгі сауда және инвестициялық серіктесі болып табылады. ЕО Қазақстанның сыртқы саудасының және жинақталған шетел инвестициясының жартысына жуығын құрайды.2024 жылы тауар айналымы 48,7 млрд долларды, экспорт – 38,1 млрд долларды, импорт – 10,6 млрд долларды (+36,7%) құрады.2024 жылы ЕО елдерінен тікелей инвестиция ағыны 7,9 млрд долларды құрады.Қазақстан Еуропалық Одақпен кеңейтілген әріптестік пен ынтымақтастық туралы келісімге (халықаралық және аймақтық қауіпсіздік, сауда, инвестиция, инфрақұрылымды дамыту, сондай-ақ инновациялар, мәдениет, спорт және туризм мәселелерін қоса алғанда, ынтымақтастықтың 29 саласын қамтиды) қол қойған Орталық Азиядағы бірінші мемлекет болып табылады.Қазақстанда еуропалық капиталдың қатысуымен үш мыңнан астам компания жұмыс істейді, оның ішінде Shell, Sneider, Eni, Total, Air Liquide, Alstom, Siemens және т.б. трансұлттық корпорациялар бар.Корольдік халықаралық қатынастар институты «Эгмонт» - 1947 жылы бірнеше көрнекті бельгиялық саясаткерлер негізін қалаған Бельгиядағы жетекші тәуелсіз талдау орталығы. Бельгиялық және халықаралық өз зерттеу қызметкерлерінің және сыртқы сарапшылардың тәжірибесіне сүйене отырып, ол халықаралық оқиғаларға терең және уақтылы талдау жасайды. Институт сондай-ақ жоғары деңгейдегі кездесулер, соның ішінде республикалық маңызы бар кездесулер өткізетін орын болып табылады. Бұл оған әртүрлі елдер мен орталардың сарапшыларымен пікір алмасуға мүмкіндік береді.Өз кезегінде, 2022 жылы негізі қаланған Брюссель геосаясат институты геосаясат пен стратегияға толығымен бағытталған Бельгиядағы жетекші сараптама орталығы болып табылады. Еуропалық көшбасшылардың қолдауымен құрылған институт мемлекеттік және жеке сектор өкілдерімен тығыз жұмыс істейді және ЕО туралы терең білімге және Еуропаны қалыптастыратын тарихи және мәдени өзгерістерді түсінеді. Негізгі халықаралық геосаяси процестерге жан-жақты талдау жүргізеді. Ақпарат көзі : https://www.gov.kz/memleket/entities/mfa-brussels/press/news/details/1000287?lang=kk

2025 жылғы 20 мамыр, Бразилиа – Бразилия муниципалитеттер мен қалалар ұлттық конфедерациясының (CNM) шақыруымен Қазақстанның Бразилиядағы Елшісі Болат Нүсіпов, Бразилия Президенті Луис Инасиу Лула да Силва, Парламенттің Депутаттар палатасы мен Федералдық Сенатының, сондай-ақ Бразилия Министрлер кабинеті мүшелерінің қатысуымен өткен XXVI «MARCHA-2025» муниципалитеттер конгресінің ресми ашылу салтанатына қатысты.CNM ұйымдастырған бұл шара, дәстүрлі түрде Бразилияның өңір губернаторларын, қала және муниципалитет әкімдерін, жергілікті үкіметтер хатшылары мен муниципалдық басқарушыларын қоса алғанда, шамамен мыңға жуық қатысушыны біріктіреді. Конгресс, осы жылы 19-22 мамыр аралығында өтеді және оның барысында федерализация, парламентаризм, қоғамдық қауіпсіздік, экология, денсаулық сақтау және білім беру тәрізді мәселелер талқыланбақ. Биылғы конгрестің негізгі басымдығы – климаттың өзгеруімен күрес және Бразилияның осы жылы қарашада Белем қаласында өтетін БҰҰ климаттың өзгеруі жөніндегі COP30 халықаралық конференциясына төрағалығы аясындағы аймақтардың экологиялық мәселелерін шешу қаралады.Анықтамалық: 1980 жылғы 8 ақпанда құрылған Бразилия муниципалитеттер мен қалалардың ұлттық конфедерациясы (CNM) тәуелсіз, партиядан тыс және коммерциялық емес ұйымы болып табылады. CNM-нің негізгі мақсаты – муниципалдық қозғалысты нығайту, муниципалитеттердің дербестігін күшейту және ұйымды әлемдік деңгейдегі муниципалдық өкілдік эталонына айналдыру.«MARCHA» – Бразилияда жыл сайын өтетін конгресс, бұл ел Президенті, Сенат пен депутаттар палатасының төрағалары, федералдық министрлер, штат губернаторлары, қала және муниципалитет әкімдері қатысатын ең ірі саяси оқиға болып табылады. Ақпарат көзі : https://www.gov.kz/memleket/entities/mfa-brazil/press/news/details/1000314?lang=kk

Бразилиа, 2025 жылғы 20 мамыр – Қазақстанның Бразилиядағы Елшілігінде Елші Болат Нүсіпов Пара штатының жер мәселелері жөніндегі парламентінің делегациясын қошеметтеді. Кездесу, Бразилияның астанасында болып жатқан Бразилияның муниципалитеттері мен қалаларының конгресі аясында Пара штаты Итупиранга өңірінің мэрі Вагно де Силва Годой мырзаның бастамасымен өтті.Кездесу күн тәртібіне Қазақстанның Пара штатымен экономика, сауда, ауыл шаруашылығы мен тау-кен өнеркәсібі салаларындағы өңірлік ынтымақтастығын кеңейту мәселелері енді. Пара штатының астанасы – Белен қаласында қарашада өтетін БҰҰ климаттың өзгеруі жөніндегі конференциясының (СОР30) қарсаңында өңіраралық кооперацияны кеңейту мүмкіндіктері аса қызығушылық тудырды. Бразилияның федералды құрылымын ескере отырып, өңірлік ынтымақтастық екіжақты қарым-қатынастарды нығайтудың маңызды бөлігі болып табылады. Қазіргі уақытта Қарағанды ​​облысы мен Баия штаты (2021 ж.), Алматы облысы және Рио-Гранди-ду-Сул штаты (2024 ж.) тәрізді Қазақстан мен Бразилия өңірлері арасында серіктестік байланыстар орнатылған. Биылғы жылы Бразилияның Санта-Катарина штаты мен Қазақстан Республикасының Шығыс Қазақстан облысы арасында серіктестік пен ынтымақтастық туралы тиісті меморандумға қол қою жоспарлануда.Анықтамалық: Пара штаты Бразилияның солтүстігінде орналасқан. Параның экономикасы ауыл және мал шаруашылығы мен тау-кен өндірісіне негізделген. Штатта жаңғақтар, кофе, маниок, жүгері, джут, күріш, темекі мен қара бұрыш өсіріледі және өндіріледі.Ақпарат көзі : https://www.gov.kz/memleket/entities/mfa-brazil/press/news/details/1000315?lang=kk

Қазақстанда Президенттік жастар кадрлық резервіне төртінші іріктеу басталды. Бұл — талантты, бастамашыл және жаңашыл ойлайтын жастарды мемлекеттік басқару ісіне тартуға бағытталған ауқымды бастама. Іріктеу 2025 жылдың маусымынан қазанына дейін өтеді. Бұл туралы ҚР Мемлекеттік қызмет істері агенттігінің ШҚО бойынша департаментінің басшысы, Әдеп жөніндегі кеңестің төрағасы Ержан Айқымбеков Өңірлік коммуникациялар қызметі алаңында мәлімдеді.Жоба 2019 жылы іске қосылған сәттен бастап оған 60 мыңнан астам азамат қатысты. Солардың ішінде 400 адам Резервке қабылданып, олардың 80%-ы бүгінде мемлекеттік органдар мен түрлі ұйымдарда қызмет атқаруда.Төртінші іріктеудің ерекшелігі — салалық бағыттар бойынша пропорционалды тәсіл енгізіледі. Бұл әр сала мамандарының тең ұсынылуына мүмкіндік береді.Кандидаттарға қойылатын талаптар өзгеріссіз қалды:* жасы 35-тен аспауы тиіс;* жоғары білім;* кемінде 5 жыл жұмыс өтілі;* қазақ тілін B1 деңгейінен төмен емес меңгеруі қажет.Саяси және әкімшілік мемлекеттік қызметшілердің «А» корпусының мүшелері мен жастар резервіне бұрын кірген азаматтар іріктеуге қатыса алмайды.Іріктеу кезеңдері:1. Құжаттарды қабылдау (1–30 маусым) — онлайн;2. Мәтіндік және сандық ақпаратпен жұмыс істеу қабілетін бағалау (2–3, 9–10 тамыз);3. Ситуациялық тапсырмаларды шешу(16–17 тамыз) — бағыт бойынша эссе жазу;4. Құзыреттерді бағалау (22 тамыз – 3 қазан) — Мемлекеттік басқару академиясындағы ассессмент-орталық пен HR мамандарымен сұхбат;5. Сараптамалық комиссиямен әңгімелесу (8–15 қазан);6. Ұлттық комиссия отырысы — 50 үздік кандидаттың Резервке қабылдануы туралы соңғы шешім (25 қазанға дейін).Президенттік резерв — бұл жай ғана кадрлық тізім емес, бұл — шынайы мансаптық өсу мүмкіндігі мен мемлекеттік басқаруды жаңғыртуға қатысу. Жаңа іріктеу — өзіңізді көрсетуге және ел болашағын қалыптастыратын команданың мүшесі болуға берілген бірегей мүмкіндік.Ақпарат көзі : https://www.gov.kz/memleket/entities/vko-samar/press/news/details/1000325?lang=kk

Қызылорда облысы бойынша Мемлекеттік кірістер департаменті бизнесті қолдауға және көлеңкелі экономикаға қарсы күреске бағытталған 2 ауқымды акцияның іске қосылғанын еске салады.1. "Чекті талап ет-жүлдені ұтып ал!». 2025 жылғы 3 сәуір мен 31 желтоқсан аралығында еліміздің әрбір тұрғынының ақшалай және бағалы сыйлықтардың иегері болуға мүмкіндігі бар! Тауарды сатып алу немесе қызметті алу кезінде фискалдық чекті "Amian"мобильді қосымшасында тіркеу жеткілікті.2. "Бәйге" жаңа акциясы! 2025 жылғы 1 мамырдан 31 желтоқсанға дейін-мүмкіндігінше көп чектерді сканерлеп, 100 000 теңге ұтып алуға мүмкіндік алыңыз!Жеңімпаздар тоқсан сайын анықталады: бүкіл ел бойынша 20 жеңімпаз.Сатып алыңыз-сканерлеңіз — жеңіңіз!Ақпарат көзі : https://www.gov.kz/memleket/entities/kgd-kyzylorda/press/news/details/1000337?lang=kk

"Қазақстан Республикасының қаржылық тұрақтылығын қамтамасыз ету шаралар туралы" ҚР Президентінің 14.03.2022 жылғы № 830 Жарлығына сәйкес Қазақстан Республикасының Ұлттық Банкі әкету күніне белгіленген бағам бойынша есептелген және 10 000 (он мың) АҚШ доллары баламасынан асатын сомадағы қолма-қол шетел валютасын және (немесе) шетел валютасындағы ақша құралдарын әкетуге тыйым салынады.                                                                                               Сондай-ақ "Қазақстан Республикасындағы кедендік реттеу туралы" Қазақстан Республикасының 2017 жылғы 26 желтоқсандағы № 123-VI ҚРЗ Кодексінің 343-бабы 1-тармағы 7-тармақшасына (бұдан әрі-ҚР Кодексі) сәйкес – егер Еуразиялық экономикалық одақтың кедендік аумағына бір уақытта әкелу немесе Еуразиялық экономикалық одақтың кедендік аумағынан бір уақытта әкету кезінде мұндай қолма-қол ақша қаражатының және (немесе) жол чектерінің жалпы сомасы кеден органына жолаушыларға арналған кедендік декларацияны ұсынған күнге қолданыста болатын валюта бағамы бойынша он мың АҚШ долларына баламалы сомадан асып кетсе, қолма-қол ақша қаражатының және (немесе) жол чектері  кедендік декларациялауға жатады.                                                                                                               Еуразиялық экономикалық комиссия Алқасының 2019 жылғы 6 тамыздағы № 130 Шешіміне сәйкес, Еуразиялық экономикалық одақтың кедендік аумағы арқылы жолаушылар кедендік декларациясын кеден органына берген күні қолданылып жүрген валюта бағамы бойынша 100 мың АҚШ долларына баламалы сомадан асатын бір уақытта әкелу немесе әкету кезінде қолма-қол ақша қаражатының және (немесе) ақша құралдарының шығу тегін растау үшін құжаттарды ұсыну талап етіледі.ШҚО бойынша МКД "Ауежай Өскемен" кеден бекетіАқпарат көзі : https://www.gov.kz/memleket/entities/kgd-vko/press/news/details/1048978?lang=kk

TikTok пен Instagram желілерінде кеңінен тараған видеода сарбаздың кішкентай баланың бас киімін дұрыстап, әскери сәлемді қалай дұрыс беру керектігін үйреткен сәті бейнеленген. Бейнежазба жүз мыңнан астам қаралым жинап, әлеуметтік желі қолданушыларының жүрегін елжіретті.Видеодағы басты кейіпкер — 24 жастағы Әлішер Жәукешев. Ол — Астана қаласында орналасқан 5573 әскери бөлімінің атқыш-сарбазы. Ақтөбе қаласының тумасы қазіргі таңда ҚР ІІМ Ұлттық ұланы қатарында қызмет атқаруда.Бұл әсерлі оқиға Ұлы Жеңістің 80 жылдығына арналған шеру кезінде орын алды. Сарбаз Жәукешев сап түзеп тұрған сәтте жанына кішкентай бала келіп, әскери сәлем бермек болады. Алайда ол мұны сол қолымен және бас киімсіз орындаған. Баланың әпкесі дереу оған бас киім кигізеді. Ал бұл сәтте ұландық немқұрайлы қарамай баланың бас киімін дұрыстап, әскери сәлемді оң қолмен қалай дұрыс беру керектігін көрсетті.Әскери қызметшінің бұл қылығы көпшіліктің назарынан тыс қалған жоқ. Желі қолданушылары сарбаздың сабырлылығына, елгезектігіне және мейірімділігіне тәнті болып, оны нағыз ұландыққа тән деп бағалап жатыр.«Керемет, қарапайымдылық адамды көрікті етеді», «Нағыз Отан қорғаушысының үлгісі! Мейірімді,кішіге- ізет, үлкенге - құрмет көрсетіп тұр.  Ер азаматты дәл осылай тәрбиелеу керек! Бұл сәт бала үшін өмір бойы есте қалары анық!» — деп бөлісуде желі қолданушылары.Әлішердің өзі тосыннан келген танымалдылыққа байыппен қарайды:— Әскери борышты өтеу мен Отанға қызмет ету ешқашан кеш емес, — дейді ол. — Егер менің әрекетім біреудің жанын жадыратып, мақтаныш сезімін тудырса, мен үшін бұл — үлкен мәртебе.Ол өзіне патрульдік қызметтің ерекше ұнағанын жасырмайды. Қызмет барысында елордаға деген сүйіспеншілігі одан сайын арта түскен:— Елордаға екінші рет ғашық болдым. Қаланың көшелерін күзетіп, адамдарға көмек көрсету — менің қоғамға пайдамды тигізуге мүмкіндік берді. Бұл — нағыз мақтаныш сезімі, — дейді Әлішер.Әлішер Жәукешевтің оқиғасы — әскердегі қызмет тек тәртіп пен міндет қана емес, адамгершілік, үлкенге құрмет, кішіге ізет пен Отанға деген шынайы сүйіспеншілік екенін дәлелдейтін жарқын мысал. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1000376?lang=kk

Жоғары Сот Кеңесі жанындағы Сот төрелігі академиясы судья кадрларын даярлау жүйесін жетілдіруге бағытталған Кеңес Төрағасының өкімімен бекітілген Академияны дамыту Тұжырымдамасын іске асыруды жалғастыруда.2025 жылдың бірінші жартыжылдығында 130 судья, оның ішінде облыстық, аудандық және мамандандырылған ауданаралық соттардың судьялары, сондай-ақ сот төрағалары біліктілігін арттырудан өтті.Курстардың білім беру бағдарламалары Кеңес Төрағасы Дмитрий Малахов белгілеген стратегиялық бағыттарды ескере отырып жаңартылған. Халықаралық стандарттарды интеграциялауға, практикалық дағдыларды қалыптастыруға, сондай-ақ заңнама мен сот практикасындағы өзгерістерге бейімделуге ерекше назар аударылды.Академияда алғаш рет судьялардың кәсіби сұраныстарын ескере отырып, жеке онлайн-біліктілікті арттыру курстары енгізілді. Оларға еліміздің барлық өңірлерінен 150-ден астам сот жүйесінің өкілдері қатысты.Тыңдаушылар курстар бағдарламасының жоғары деңгейін және олардың практикалық құндылығын атап өтті. Алынған білім мен дағдылар сот төрелігін жүзеге асыру сапасын арттыруға ықпал ете отырып, кәсіби қызметте қолданысын табуда.Сот төрелігі академиясы сот төрелігі саласындағы қазіргі заманғы сын-тегеуріндер мен халықаралық стандарттарға жауап беретін оқытудың заманауи тәсілдерін енгізуді жалғастыратын болады. Ақпарат көзі : https://www.gov.kz/memleket/entities/vss/press/news/details/1000377?lang=kk