Ұлы Жеңістің 80 жылдығы мерекесі қарсаңында аймақ басшысы Нұрлыбек Нәлібаевтың қатысуымен Сырдария ауданы Нағи Ілиясов ауылына газ қосу рәсімі өтті. Оған Оқу-ағарту министрі Ғани Бейсембаев, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев және зиялы қауым өкілдері мен ел ағалары қатысты.Облыс әкімі тұрғындарды Ұлы Жеңістің 80 жылдығымен және ауылдағы ағайын көптен күткен игіліктің іске асуымен құттықтады.«Жеңіс күні – елдік пен ерліктің, батылдық пен қаһармандықтың мерекесі! Мемлекет басшысы Қасым-Жомарт Кемелұлы Сыр өңіріне жасаған жұмыс сапарында осы ауылдың әлеуметтік-экономикалық дамуымен танысып, «Нағи Ілиясов басқа ауылдарға да үлгі болуы қажет. Сондықтан өзге облыстар да ауылдарды осылай дамытады деп ойлаймын», - деп жоғары бағасын берген болатын.Ауылды гүлдендіріп, өнімді еңбектің арқасында туған өлкенің дамуына тұрақты қолдау көрсеткен Қазақстанның Еңбек Ері, Қызылорда облысының құрметті азаматы Абзал Ералиевтің еңбегін ерекше атап өткен жөн.Бұған дейін тұрғындардың өмір сүру сапасын арттыру мақсатында жаңа дәрігерлік амбулатория, "Еңбек аллеясы" ашылған еді. Қазір халыққа қалтқысыз қызмет етуде.Бүгін міне, мерейлі мереке қарсаңында Нағи Ілиясов ауылын газға қосу рәсіміне жиналдық. "Көгілдір отын" баршаңызға құтты, берекелі болғай!"- деді Н.Нәлібаев.Салтанатты шарада ауданның әлеуметтік-экономикалық дамуына үлес қосқан азаматтар облыс әкімінің Алғыс хатымен марапатталды. Оқу-ағарту министрі Ғани Бейсембаев пен Мәжіліс депутаты Мұрат Ергешбаев құттықтауын жеткізіп, ел ағасы, Қызылорда облысының құрметті азаматы Ибрагим Әбибуллаев батасын берді.Рәсімнен соң оған қатысушылар ауылды аралап көрді. Оқу-ағарту министрі мектепке барып, білім ошағының жұмысымен танысты.Аймақта газдандыру жобаларына қаржы бөлініп, 330 шақырым газ желілері тартылды. Бүгінде өңірді газбен қамту деңгейі 78 пайызға жетті. Жыл соңына дейін бұл көрсеткішті 83 пайызға дейін арттыру жоспарланған. Бұған дейін де еліміздегі ең сәулетті, берекелі ауылдардың қатарында аталатын Нағи Ілиясов елді мекені"Үздік туристік ауыл – 2025» ұлттық байқауының қорытындысымен де республикадағытуристік ауылдардың үздік бестігіне енді.Ақпарат көзі : https://www.gov.kz/memleket/entities/kyzylorda-syrdarya/press/news/details/993138?lang=kk

Ұлы Жеңістің 80 жылдығына орай аудан әкімі Жандос Еркінбек тыл ардагерлерінің шаңырақтарына арнайы барып, оларды мерекемен құттықтады. Ардагерлерге Мемлекет басшысының Жарлығы бойынша берілген "Ұлы Отан соғысындағы Жеңіске 80 жыл" мерекелік медальдар мен естелік сыйлықтарды табыс етті.Олардың қатарында сұрапыл соғыс кезінде тылда аянбай еңбек еткен 101 жастағы "Батыр ана" Райхан Оспанова, "Байланыс саласының үздігі" Әбдібек Лақбаев, жастық жалынын білім саласына арнаған Ұмсын Омарова және Вьетнам соғысына Қазақстаннан аттанған жалғыз қазақ Иса Бисенов бар.Аудан басшысы ардагерлердің өмір жолына, тылдағы еңбектеріне тоқталып, өскелең ұрпақ үшін бұл кісілердің өнегелі өмірі — тағылым мектебі екенін атап өтті.— «Сіздердің ерен еңбектеріңіздің арқасында еліміз бейбіт күнге жетті. Тарих алдында, ұрпақ алдында Сіздерге қарыздармыз», — деді аудан әкімі ардагерлермен кездесу барысында.Ардагерлер өз кезегінде көрсетілген ілтипат пен құрметке ризашылығын білдіріп, Президентке, аймақ басшысына алғыс айтып, елімізге тыныштық пен амандық тіледі.Ақпарат көзі : https://www.gov.kz/memleket/entities/kyzylorda-karmakshy/press/news/details/993139?lang=kk

Аудан әкімі Берік Сәрменбаевтың қатысуымен ҚР еңбек сіңірген жаттықтырушысы, КСРО спорт шебері, Сырдария ауданының Құрметті азаматы Қобландин Сұлтанбек Ибрагимұлын еске алуға арналған Республикалық турнирдің ашылу салтанаты өтті. Іс-шараға Сырдария ауданының Құрметті азаматы, «Құрмет» орденінің иегері, Қызылорда облысының қоғамдық кеңес төрағасы Әріп Хожбанов, ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов және ардагерлер мен спортшылар қатысты.Аудан басшысы жарысқа қатысушыларға сәттілік тілеп, республикалық турнирдің маңыздылығына тоқталып өтті. — Спорт саласының дамуына, оның ішінде елімізде көгалдағы хоккейдің өсуіне өзіндік үлес қосқан азаматқа арнап турнир өткізу ауданда дәстүрге айналды. Сұлтанбек Ибрагимұлы көгалдағы хоккей спортымен айналысып, 1982 жылы Алматының «Динамо» командасының сапында Кеңес Одағының чемпионы және Одақтың кубок жеңімпазы атанды. Одан кейін көгалдағы хоккейден шәкірт тәрбиелеймен айналысып, Қызылорда облысының ерлер және әйелдер құрамасының бас жаттықтырушысы болды. Бүгінде КСРО спорт шеберінің тәрбиесін көрген шәкірттері ардақты азаматтың жолын жалғап, көгалдағы хоккейдің дамуына үлес қосып келеді. Халықаралық жарыстарда білікті жаттықтырушы тәрбиелеген спортшылар сан мәрте жарқын жетістіктерге жетті. Сондықтан Сұлтанбек Қобландиннің мемлекетіміздің, оның ішінде Сыр өңірі спортының өркендеуіне өзіндік қолтаңбасын қалдырғанын көпшілік жақсы біледі. Халқымыз ежелден денсаулықтың қадірін жете түсініп, оны басты байлық санаған. Сондықтан спорттың бұқаралық сипатын дамыту – мемлекетіміздің стратегиялық басым бағыттарының бірі. Ауданда спорт саласын дамыту бағытында ғимараттар жаңартылып, барлық жағдай жасалып келеді. Бүгін республикалық турнирде спортшылар өз шеберліктерін ортаға салып, жақсы өнер көрсетеді деп сенемін, - деді Берік Әбдіғаппарұлы.Сонымен қатар Сырдария ауданының Құрметті азаматы, «Құрмет» орденінің иегері, Қызылорда облысының қоғамдық кеңес төрағасы Әріп Хожбанов және Сұлтанбек Қобландин туыстары атынан апасы Бибімария Маханова ұйымдастырушыларға алғысын білдіріп, жарысқа қатысушы спортшыларға сәттілік тіледі.Айта кету керек, жарысқа еліміздің түпкір-түпкірінен 11 команда 150-ге жуық спортшы қатысуда.Ақпарат көзі : https://www.gov.kz/memleket/entities/kyzylorda-syrdarya/press/news/details/993057?lang=kk

Аудан әкімі Берік Сәрменбаевтың қатысуымен Отан қорғаушылар күніне арналған салтанатты іс-шара өтті. Мерекелік жиынға Ұлы Отан соғысының ардагері, Сырдария аударының Құрметті азаматы, 103 жастағы Яхия Тасыров, тыл, Тәжік-Ауған соғысының ардагерлері, Қазақстанның Еңбек Ері Абзал Ералиев, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, аудандық ардагерлер кеңесінің төрағасы Мұса Келдібаев, қоғамдық кеңес төрағасы Марат Еспенбетов, Қызылорда облысының қорғаныс істері жөніндегі департаментінің бастығы Жасұлан Шанкулов, зиялы қауым өкілдері мен аудан тұрғындары қатысты.Аудан басшысы жиналған қауымды мерекемен құттықтап, Отан алдындағы адал қызметтің маңыздылығын атап өтті. – Мемлекет басшысы Қасым-Жомарт Кемелұлы Тоқаев «Отан қорғау – қасиетті парыз әрі мәртебелі міндет. Бүгінде Қазақстанның шекарасын бүтіндеп, іргесін бекіттік. Біздің алдымызда тұрған маңызды міндет – осы бейбітшілік пен тұрақтылықты сақтап қалу» деп атап көрсетті. Тамыры терең тарихымызда жауынгер рухты, жасампаз бабаларымыз бар ғұмырын ат үстінде өткізіп, ел іргесін күзетті. Отан қорғаушылар мерекесі Ұлы Жеңіс күні қарсаңында аталып өтеді. Биыл Ұлы Жеңіске – 80 жыл. Осы жеңіс жолында қаншама қазақстандықтар ұрыс даласында шейіт болды. Елге оралған жауынгерлер еңбек майданында ерен еңбектің үлгісін көрсетті. Аға ұрпақ өздеріне жүктелген істі абыроймен орындады. Бүгінде ортамызда Ұлы Отан соғысының ардагері, Сырдария ауданының Құрметі азаматы, 103 жастағы Яхия Тасыров зор құрметке бөленіп келеді. Бізге бейбіт өмір сыйлаған аға буынға – өлшеусіз қарыздармыз. Отан қорғаушылар күнімен баршаңызды құттықтай отырып, Сіздерге мықты денсаулық, бақыт пен татулық, әрбір шаңыраққа береке тілеймін, – деді Берік Әбдіғаппарұлы.Аудан әкімі бірқатар тыл ардагердерін «Ұлы Отан соғысындағы Жеңіске 80 жыл» мерекелік награсымен және Алғыс хатпен марапаттап, сый-құрмет көрсетті. Сонымен қатар, бірқатар әскери қызметкерлер, қорғаныс саласында және аудан дамуна еңбек етіп жүрген азаматтар аудан әкімінің Алғыс хатымен марапатталды.Қызылорда облысының қорғаныс істері жөніндегі департаментінің бастығы, подполковник Жасұлан Шанкулов Ұлы Отан соғысының ардагері Яхия Тасыровқа ҚР Қорғаныс министрі Руслан Жақсылықовтың арнайы құттықтауы мен мерекелік сыйлығын табыс етті.Мерекелік жиын аудан өнерпаздарының концерттік бағдарламасымен жалғасты. Облысқа, ауданға танымал әншілер рухты әндер шырқап, жас өрендер әскери-патриоттық қойылымдарын ұсынды.Ақпарат көзі : https://www.gov.kz/memleket/entities/kyzylorda-syrdarya/press/news/details/993072?lang=kk

Алматыда Польша Республикасынан судья-сарапшы тарта отырып, "Элита ДОСААФ” қоғамдық бірлестігі” кинологиялық клубының ұйымдастыруымен "Көктемгі кездесулер — 2025" атты түрлі тұқымды иттердің халықаралық көрмесі өтті. Көрмеге 28 тұқымды қамтыған 230-дан астам иттер мен күшіктер қатысты.Көрмеде Қазақстан Республикасы ІІМ Ұлттық ұланы 6654 әскери бөлімінің кинологиялық орталығы бес қызметтік иті бақ сынады. Олардың әрқайсысы құқықтық тәртіп әскерлерін лайықты таныстырды және елеулі нәтижелерге қол жеткізді:Скот — аға сержант Шыңғыс Жолдыбаевтың қарамағындағы бельгиялық овчарка (Малинуа) "Ересек иттер" санатында 4-ші орынды тұрақтап, “CAC” атағын иеленді;Хайна — кіші сержант Дастан Туниязовтың иелігіндегі бельгиялық овчарка (Малинуа) "Жасөспірімдер" санатында төртінші орынға табан тіреп, "Өте жақсы" деген бағамен халықаралық асыл тұқымды өсіруге рұқсат алды;Адамс — 3 сынып сержанты Берік Дүйсенеевке бекітілген голландиялық овчарка үздіктер үштігіне енді, "САС" атағын иеленіп, Халықаралық сұлулық чемпиондары титулына үміткер және "Элита ДОСААФ" қоғамдық бірлестігі” клубының чемпионы болды;Шейх — сержант Павел Графкиннің қамқорлығымен бельгиялық овчарканың күшігі "Baby" санатындағы тұқымның ең үздік өкілі деп танылды. Сайыс қортындысында “Өте жақсы" деп бағаланып, үшінші орынға ие болды;Carla trip Benasi — сержант Алексей Мешковтың қарауындағы Малинуа түріндегі бельгиялық овчарка "Ардагерлер" санатында абсолютті жеңіске жетті. Ол Қазақстан мен Польша Республикасының чемпионы, клуб чемпионы және барлық тұқымдар арасында ардагерлер санатындағы көрме чемпионы атанды. Сондай-ақ, “CAC", "CACIB" атақтарын және сұлулық чемпионы атағын қоса иеленді.Жеңімпаздар клуб дипломдарымен және бағалы сыйлықтармен марапатталды.Ұландық кинологтар баптаған қызметтік иттердің жоғары нәтижелерден басқа, Кинологиялық орталықтың асыл тұқымды иттерінің клубы құрамында халықаралық асыл тұқымды өсіруге ресми түрде рұқсат алуы — көрменің маңызды нәтижесі болды.— Мұндай көрмелерге қатысу — біз үшін асыл тұқымды иттердің селекциялық жұмысын сапалы жүргізу тұрғысынан жаңа мүмкіндіктер береді. Сонымен қатар, Ұлттық ұланның кинологиялық қызметін одан әрі дамытуға ықпал етеді және оның кәсіби беделін арттырады, - дейді кинологиялық орталықтың бастығы подполковник Альмир Файласов.Айта кету керек, мұндай іс-шаралар әскери бөлімшелердің имиджін нығайтады, әскери кинологтардың кәсібилігін және қауіпсіздік пен құқықтық тәртіпті қамтамасыз ету жүйесіндегі қызметтік кинологияның маңыздылығын көрсетеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/993042?lang=kk

Семей қаласында заңсыз темекілерді ірі көлемде заңсыз айналымға түсірген трансұлттық топтың 3 мүшесіне қатысты айыптау үкімі шығарылды.Тергеу барысында 8 адам, оның ішінде 3 шетел азаматын қамтыған қылмыстық топтың Қырғызстаннан жалған құжаттар арқылы 9,3 млн қорап контрафактілік темекіні заңсыз кіргізгені анықталды.Темекі өнімдері Алматы, Жамбыл, Павлодар және Түркістан облыстарының аумағында сатылған. Сонымен қатар, қылмыскерлер контрафактілік тауардың бір бөлігін Ресейге шығармақ болған.Барлық заңсыз өнім айналымнан алынып, төленбеген акциз сомасы 2,6 млрд теңгені құрады.Мүлікті тәркілеу мақсатында 9 автокөлік пен жеке тұрғын үйге тыйым салынды.Сонымен қатар, тергеу барысында сот қылмыстық жолмен алынған мүлікті алдын ала тәркілеу туралы өтініштерді қанағаттандырды: 157 мың АҚШ доллары көлеміндегі қолма-қол ақша және құны 840 мың теңге тұратын «777» VIP автонөмір тәркіленді.Сот үкімімен Д.Бекешев, Д.Сатыбалдиев, Д.Султанов ҚР ҚК 264-бабының 2-бөлігі (трансұлттық ұйымдасқан топқа қатысу), 214-бабының 2-бөлігі 1) және 3) тармақтары (заңсыз кәсіпкерлік) бойынша кінәлі деп танылып, 8 жылға бас бостандығынан айыру жазасына кесілді және 166 млн теңге тұратын барлық тәркіленген мүлікті мемлекет меншігіне алынды.Қалған 5 қатысушыға халықаралық іздеу жарияланған. Олардың бірі Ресей Федерациясы аумағында ұсталып, оны экстрадициялау туралы өтініш тиісті органдарға жолданды.Егер Сізге экономикалық құқық бұзушылық жасау фактілері белгілі болса, бұл туралы "АФМ Insider" телеграм ботына хабарлауыңызды сұраймыз. Анонимділікке кепілдік беріледі. ҚР ҚМА Баспасөз қызметі Ақпарат көзі : https://www.gov.kz/memleket/entities/afm/press/news/details/993008?lang=kk

Ұлттық статистика бюросының болжамды деректеріне сәйкес, еліміздің 2025 жылғы қаңтар-сәуірдегі әлеуметтік–экономикалық дамуының алдын ала қорытындылары.Биылғы төрт айдың қорытындысы бойынша ЖІӨ өсімі 6%-ды құрады. Экономиканың негізгі салаларында: көлікте (22,4%), саудада (7%) даму қарқынының артқаны байқалады. Өсім ауыл шаруашылығы (3,9%) және байланыс (2,6%) салаларында да тіркелді.Көлік саласындағы өсім саланың жалпы көлеміндегі үлестері тиісінше 20,5% және 19,6%-ды құрайтын темір жол және құбыр көлігімен жүктерді тасымалдау жөніндегі қызметтер көлемінің ұлғаюы есебінен қамтамасыз етілді. Жоғары динамика Түркістан (21,8%), Жамбыл (11,2%) және Абай (14,9%) облыстарында тіркелді.Құрылыс саласында нақты жұмыс көлемінің индексі 16,2%-ды құрады. Сонымен қатар құрылыс кезеңін ескере отырып, жұмыстарды орындау қарқынын арттыру және жобалар құнының өсуіне жол бермеу үшін жергілікті жерлерде қажетті үйлестіруді қамтамасыз ету тапсырылды.Сауда саласы бірінші тоқсандағы 6,3%-ға қарағанда 7% тұрақты өсуді көрсетті. Көтерме сауда көрсеткіші 7,4%-ға, бөлшек сауда көрсеткіші 6,1%-ға дейін өсті. Бірқатар өңірлер: Түркістан облысы – жемістерді, көкөністерді, фармацевтикалық тауарларды сататын кәсіпорындар есебінен 60,4%; Ақмола облысы – астықты, тұқымдарды және мал азығын сататын кәсіпорындардың арқасында 44%; Шымкент – дизель отынын, фармацевтикалық тауарларды, қара және түсті металдардың сынықтары мен қалдықтарды сататын кәсіпорындар есебінен 19,8%-ға жоғары өсімді көрсетті.Өнеркәсіпте өндіріс индексі 6,4% жетті. Өсім тау-кен секторында – 7,1%, атап айтқанда көмір өндіруді ұлғайту есебінен (11,2%) байқалып отыр. Өңдеу өнеркәсібінде көрсеткіш 7,2% құрайды, оның ішінде тамақ өнімдерін өңдеу (12%), темекі өнімдерін (26,3%), химиялық өнімдерді өндіру (11,2%) және машина жасау (11,2%).Ауыл шаруашылығы оң динамиканы көрсетуде. Жалпы өнім индексі қаңтар-сәуір айларында 3,9%-ды құрады.Үкімет Президенттің еліміздің орнықты әлеуметтік-экономикалық дамуын қамтамасыз ету жөніндегі тапсырмаларының сапалы іске асырылуын бақылауда ұстайды.https://t.me/presseconomyАқпарат көзі : https://www.gov.kz/memleket/entities/aktobe-shalkar-bozoy/press/news/details/993129?lang=kk

Әскери оқу орындарының бұрынғы курсанттары оқу орнына қайта түсу үшін үйден шықпай-ақ өтініш бере алады. Ол үшін eGov.kz порталы арқылы өтінім беру жеткілікті. Қызмет тегін көрсетіліп, кемінде бір семестр оқуды аяқтағандарға қолжетімді болады.Бұрын қалпына келтіру процедурасы күрделі болып, жеке қатысуды талап ететін. Үміткерлер оқу орнына өтініш беріп, жеке куәлік, транскрипт, қызмет орны сипаттамасы, фотосурет, әскери куәлік көшірмесі және басқа да құжаттарды қамтитын кең пакетті жинауы керек еді.Енді процесс жеңілдетілді: онлайн түрде өтініш беріп, қажетті құжаттардың көпшілігі мемлекеттік деректер базасынан автоматты түрде жүктеледі. Оқу орнынан шығарылғаннан кейін бір жыл ішінде ғана өтініш беруге болатынын айта кету керек. Егер бұл мерзім аяқталса, оқу орнында қалпына келтіру мүмкін болмайды.Көрсетілетін қызметті алу үшін:eGov.kz порталында тіркеліп, «Азаматтарға» - «Әскери есепке алу және қауіпсіздік» - «Әскери қызмет» бөліміне өту керек;«Қазақстан Республикасы Қорғаныс министрлігінің әскери оқу орындарына қалпына келтіру» көрсетілетін қызметін таңдап, «Қызметке онлайн тапсырыс беру» түймесін басуы тиіс;оқу орнын таңдап, оқудан шығарылғаннан бері қанша уақыт өткенін көрсетіп, жеке деректерін пайдалануға келісім беруі тиіс;тұратын мекенжайын көрсетіп, құжаттарды қосуы тиіс;қолжетімді қол қою әдістерінің бірімен өтінішке қол қоюға тиіс;қызметтің нәтижесі пайдаланушының жеке кабинетінде «Қызметтерді алу тарихы» бөлімінде қолжетімді болады.Өтінімді қарау мерзімі 20 жұмыс күнді құрайды. Егер оң шешім қабылданса, нәтиже пайдаланушының жеке кабинетіне электрондық форматта жіберіледі. Егер қалпына келтіру мүмкін болмаса, студент те дәлелді бас тарту хатын алады.Жаңа көрсетілетін қызмет ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитетінің, Ұлттық ақпараттық технологиялар АҚ және ҚР Қорғаныс министрлігінің ынтымақтастығымен іске қосылды.Ақпарат көзі : https://www.gov.kz/memleket/entities/aqmola-selinograd/press/news/details/993484?lang=kk

Қызметті алу үшін тек SMS-хабарламаны күтіп, оны растау қажет. Одан кейін барлық қажетті рәсімдерді жүйе автоматты түрде жүзеге асырады. Қосымша ақпарат қажет болған жағдайда пайдаланушылар порталдың қолдау қызметіне жүгіне алады.Автоматты түрде қайта рәсімдеу мына қызметтерге қолжетімді:Пестицидтерді мемлекеттік тіркеу;Тұқым (түпнұсқалық, элиталық, бірінші, екінші және үшінші репродукциялар) өндірушілер мен өткізушілерді аттестаттау.Жаңартылған құжат қайта рәсімдеу процесі аяқталғаннан кейін бірден eLicense.kz порталындағы жеке кабинетте қолжетімді болады. Бұл жаңашылдық өтініш берушілерге уақыт үнемдеуге және құжаттарды қайта жинап, тапсыру қажеттілігін болдырмауға мүмкіндік береді.Жаңа функционал ҚР Цифрлық даму, инновациялар және аэроғарыш өнеркәсібі министрлігінің Мемлекеттік қызметтер комитеті, «Ұлттық ақпараттық технологиялар» АҚ және ҚР Ауыл шаруашылығы министрлігінің бірлескен жұмысының нәтижесінде іске қосылды.Ақпарат көзі : https://www.gov.kz/memleket/entities/abay-kurchatov/press/news/details/995061?lang=kk

Бастаушы ауылында Ұлы Отан соғысындағы Жеңістің 80 жылдығына арналған “Жеңіс шежресі - Мәңгілік даңқ” атты мерекелік іс-шара өтті. Самар ауданының әкімі Серік Жеңісов құттықтау сөз сөйлеп, тұрғындарға ізгі ниетін білдірді. Концерт барысында тыл ардагерлер мен Таулы Карабах соғысының ардагерлері құрметке ие болып, арнайы марапатталды. Сондай-ақ тыл ардагерлері Қартай Құдайбергенов пен аудан прокуроры Айдос Болатұлы жиналғандарды Жеңіс күнімен құттықтады. Іс-шарада аудандық мәслихат төрағасы Гүлнар Шаймарданова болды. ҰОС ардагерлерінің құрметіне орнатылған ескерткіштің салтанатты түрде ашылды. Мәңгілік алауға гүл шоқтары қойылып, соғыста қаза тапқандарды бір минут үнсіздікпен еске алды. Мерекелік концерт Бастаушы ауылының өнерпаздары мен шығармашылық ұжымдарының ән-биімен жалғасты. Ақпарат көзі : https://www.gov.kz/memleket/entities/vko-samar-bastaushy/press/news/details/992952?lang=kk

Астанада өткен беделді халықаралық Grand Slam дзюдо турнирінде қазақстандық спортшылар Мағжан Шамшадин мен Аман Бақытжан қола жүлдегер атанды. Екі балуан да 60 келіге дейінгі салмақ дәрежесінде өнер көрсетіп, жоғары техникалық шеберлік, жеңіске деген жігер мен қайсар рух танытты.Әсіресе Ұлттық ұланның спорттық командасын даярлау орталығының аға маманы (дене шынықтыру және спорт нұсқаушысы), ефрейтор Мағжан Шамшадиннің жеңісі ерекше қуаныш сыйлады.Шамшадин шиеленісті белдесуде Франция өкілі Энцо Джинаны жеңіп, татамидегі мықтылығын тағы бір мәрте дәлелдеді.Аман Бақытжанның өнері де көрермендерді тәнті етті — ол әлем чемпионатының жүлдегері, Оңтүстік Кореялық Харим Лиді сенімді түрде ұтып, қола жүлдеге қол жеткізіп қана қоймай, жанкүйерлердің зор құрметіне ие болды.Grand Slam турнирі — әлемнің ең үздік дзюдошыларын жинайтын айтулы дода.Қазақстандық балуандардың қола жүлделері ұлттық құраманың қоржынына қосылған маңызды жетістік болды және еліміздің спортшыларының халықаралық аренада жоғары деңгейде дайындығын, бәсекеге қабілеттілігін көрсетті.Мағжан Шамшадин мен Аман Бақытжанды лайықты жеңістерімен құттықтаймыз! Жаңа белестер мен жарқын жетістіктер тілейміз! ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/992904?lang=kk

Канаданың Монреаль қаласында өткен UFC 315 турнирінде Қазақстан Қарулы күштерінің әскери қызметшісі аға лейтенант Бекзат Алмахан сәтті өнер көрсетті.Канадалық спортшымен болған жекпе-жекте Бекзат Алмахан 33 жастағы Брэд Катонды техникалық нокаутпен жеңді. Үш раундқа жоспарланған жеңіл салмақтағы кездесу небәрі 64 секундта Алмаханның пайдасына  шешілді.Бекзат Алмахан өзіне сеніп артып, қолдау білдірген барша жанкүйерлерге алғысын жеткізді. Спорт және туризм академиясының түлегі, 27 жастағы Бекзат Алмахан — ұлттық жекпе-жек түрлерінен Азия және әлем чемпионы. Қазір оның есебінде 12 жеңіс пен 2 жеңіліс бар.Ақпарат көзі : https://www.gov.kz/memleket/entities/mod/press/news/details/992910?lang=kk

       Теңізшілердің қаласында Әскери ант беру рәсімі өтті.       Әскери-теңіз күштерінің 169 жас матросы үшін бұл рәсім – өмірлеріндегі маңызды оқиғаға айналып, олардың Отанға қызмет етуге және оның теңіз шекараларын қорғауға дайындығын білдіретін нышан болды.       Салтанатты шара Мәңгілік алау ескерткішіне гүл шоқтарын қоюдан басталды. Рәсімге қатысушылар ерлікпен қаза тапқан батырларды бір минут үнсіздікпен еске алып, оларға құрмет көрсетті.Іс-шараға ҚР Әскери-теңіз күштерінің бас қолбасшысы вице-адмирал Серік Борамбаев, Ақтау қаласының әкімі Әбілқайыр Байпақов, ардагерлер, қоғамдық ұйым өкілдері, «Аналар жүрегі» сарбаз аналары комитетінің Ақтау және Маңғыстау облысы бойынша төрайымы Гүлмира Жанысбаева, сондай-ақ ата-аналар қатысты.       – Әскери ант – бұл жай ғана сөз емес, бұл – жауапкершілік пен жауынгерлік ерліктің жолы. Сіздерге ел шекарасын қорғауда батылдық пен табандылық тілеймін. Халық сенімін абыроймен ақтайтындарыңызға сенемін, – деді ҚР Әскери-теңіз күштерінің бас қолбасшысы вице-адмирал Серік Борамбаев.       Шараға әскери-теңіз күштері оркестрі орындаған патриоттық шығармалар мен матростар дайындаған концерттік бағдарлама мерекелік көңіл-күй сыйлады. Қонақтарға ерекше әсер қалдырған – қарумен саптық жүріс және жауынгерлік өнер элементтері көрсетілген көрнекі өнер көрсетулер болды.       – Сіздердің жетістіктеріңіз – ата-аналар үшін үлкен қуаныш. Отан қорғау жолыңыз жарқын болсын, қызметтеріңіз абыройлы болсын, – деп Атырау қаласынан келген матростың анасы Армангүл Қыдырбаева ұлын мақтан тұтатындығын айтты.Бұл салтанатты рәсім жас матростардың әскери қызметтегі алғашқы маңызды қадамы болып, олардың патриоттық рухын күшейтіп, сенім сыйлады.Ақпарат көзі : https://www.gov.kz/memleket/entities/mod/press/news/details/992916?lang=kk

    Аналар күні қарсаңында Ақтау қаласындағы Мұрат Өскенбаев атындағы облыстық филармонияда «Ана жүрегі – сарбаз рухы» атты мазмұнды мерекелік шара өтті.        Іс-шараны ұйымдастырушы – «Аналар жүрегі» сарбаз аналары комитеті, ал қатысушылар – Ақтау гарнизонының түрлі бөлімшелерінен келген әскери қызметшілер болды.       Мереке Әскери-теңіз күштері мен Шекара қызметінің матростарын, теңіз жаяу әскерінің мерзімді қызметтегі сарбаздарын, авиациялық база мен әуе шабуылына қарсы қорғаныс бригадасының, материалдық-техникалық қамтамасыз ету базасының және Ұлттық ұланның сарбаздарын біріктірді. Залда жүздеген ана мен сарбаздың жақындары жиналды. Көпшілігі үшін бұл – ұлдарымен қауышқан көптен күткен кездесу болды. Қуаныш жасы, құшақтасу мен жүректен шыққан жылы лебіздер ерекше мейірім мен ризашылыққа толы атмосфераны қалыптастырды.       Жиналғандарды Ақтау гарнизонының бастығы, әскери прокурор, қорғаныс істері және әскери полиция департаменттерінің басшылары, әскери бөлім командирлері мен «Аналар жүрегі» комитетінің төрайымы Гүлмира Жанысбаева құттықтады.       «Ана жүрегі – мейірім мен махаббаттың нышаны, ал сарбаз рухы – Отанға деген адалдықтың белгісі. Бұл күн қос ұлы құндылықты біріктірді», – деді ол өз сөзінде.       Мерекелік көңіл-күйді әскери қызметшілердің өздері дайындаған концерттік бағдарлама одан әрі жандандыра түсті. Сарбаздар орындаған патриоттық өлеңдер, музыкалық нөмірлер мен театрландырылған қойылымдар көрермендердің ыстық ықыласына ие болды.       Аналарға ерекше құрмет көрсетілді. Әскери бөлім командирлері ұлдарын лайықты тәрбиелегендері үшін ата-аналарға алғыс хаттар табыс етті. Бұл – барша көрерменнің көңілін толқытқан, жүректі тебіренткен сәт болды.«Ана жүрегі – сарбаз рухы» іс-шарасы ананың күш-жігері, төзімі мен махаббатына деген зор құрметтің жарқын үлгісі болып, отбасы мен әскери қызметтің, бейбітшілік пен парыздың ажырамас байланысын айқын көрсетті. Ақпарат көзі : https://www.gov.kz/memleket/entities/mod/press/news/details/992918?lang=kk

Үндістан астанасы - Делиде өткен армрестлингтен Азия чемпионатында Қазақстан Қарулы күштері Арнайы операциялар күштерінің әскери қызметшісі құрлық біріншілігінің «алтын» жүлдесін жеңіп алды.55 келіге дейінгі салмақ дәрежесінде Сандуғаш Сейдіш қырғызстандық спортшы Молмол Акимқожоқызын жеңді.Чемпион өз жеңісінде шешуші рөлді қарқынды жаттығулар және жағымды көңіл-күй ойнағанын атап өтті. Ол Арнайы операциялар күштері қолбасшылығына баға жетпес қолдау мен көмегі үшін алғысын білдірді.  Ақпарат көзі : https://www.gov.kz/memleket/entities/mod/press/news/details/992921?lang=kk

Алматы облысына қарасты Ұйғыр ауданында республикалық “Таза Қазақстан” экологиялық бастамасы қарқынды жүзеге асырылып келеді. Қоршаған ортаны қорғау, көгалдандыру және экологиялық мәдениетті нығайтуға бағытталған бұл науқан өңір халқының белсенді қолдауымен жүзеге асып жатыр.Аудан аумағында “Қарадала Орман шаруашылығы” КММ мен Ұйғыр ауданы әкімдігінің бірлескен бастамасымен 10 шақырымға созылған алқапқа 1,2 тонна қараағаш тұқымы егілді. Бұл көлем 150 қапқа шақ келеді. Мамандардың айтуынша, бір тонна тұқымнан мыңдаған жас көшет өсіп шығып, болашақта толыққанды орман алқабына айналады.Аталған жұмыс аясында экологиялық мәдениетті насихаттау мақсатында “Таза Қазақстан” логотипі бейнеленіп, егілген аумақ болашақта демалыс саябағына айналмақ. Қазіргі таңда бұл жоба өңір экологиясын жақсартуға бағытталған ұзақмерзімді шешімдердің бірі ретінде қарастырылып отыр.Ұйғыр ауданының әкімі Бота Елеусизованың айтуынша, бұл тек ағаш егу шарасы ғана емес, болашақ ұрпаққа үлгі боларлық экологиялық құндылық.“Экологияны сақтау – әрқайсымыздың борышымыз. Біз бүгін табиғатқа салған әр дән арқылы ертеңімізге инвестиция құйып отырмыз. Ұйғыр ауданы үшін бұл – жасыл кеңістікті ұлғайтып қана қоймай, тұрғындардың өмір сүру сапасын арттыруға бағытталған нақты қадам”, – деді аудан басшысы.Айта кетейік, “Таза Қазақстан” тұжырымдамасы аясында аудан көлемінде ағаш отырғызумен қатар, су көздерін тазарту, қоқыс полигондарын жою, экотуризмді дамыту бағытында да бірқатар жұмыстар қолға алынған.Ақпарат көзі : https://www.gov.kz/memleket/entities/almobl-zkh/press/news/details/992887?lang=kk

Мехико, 2025 жылғы 9 мамыр – Қазақстан Республикасының Мексика Құрама Штаттарындағы Елшілігі Екінші дүниежүзілік соғысқа қатысқан мексикалық ұшқыштардың 201-ші жауынгерлік эскадрильясына арналған монумент аясында гүл шоқтарын қою рәсіміне қатысты.Іс-шара көптеген халықтардың тарихының ажырамас бөлігіне айналған Ұлы Отан соғысындағы Жеңістің 80 жылдығын мерекелеуге арналды.Салтанатты рәсімге Мексика Сыртқы істер министрлігі, Ұлттық Қорғаныс министрлігі мен Мехико қаласы мэриясының өкілдері, елде аккредиттелген дипломатиялық миссиялар, сондай-ақ Мексика мен Қазақстан азаматтары қатысты.Естелік іс-шара барысында Жеңістің адамзаттың ортақ мұрасы ретіндегі тарихи маңыздылығы ерекше атап өтілді. Ұлы Отан соғысы Кеңес Одағы халықтары үшін, оның ішінде Қазақстан үшін де ауыр сынақ болды. 1,2 миллионнан астам қазақстандықтар майданға аттанды, олардың жартысынан астамы құрбан болды.Мексиканың Жеңіске қосқан үлесіне де ерекше назар аударылды. Қатысушылар Тынық мұхиты майданында соғысқан Мексика әуе күштерінің 201-ші жауынгерлік эскадрильясының батырларын еске алды. Бұл жасақ фашизмге қарсы күресте халықаралық ынтымақтастықтың символына айналды.Қазақстан Республикасының Елшілігі тарихи ақиқатты сақтаудың маңыздылығын және өткен қайғылы оқиғалардың қайталануына жол бермеу үшін әлемдік қоғамдастықтың бірлескен күш-жігерінің қажеттілігін атап өтті. Қазақстан қазіргі және болашақ ұрпақ үшін тұрақты әрі қауіпсіз келешек үшін халықаралық диалогты, ынтымақтастықты және бейбітшілікті нығайтуды үнемі қолдайды.Ақпарат көзі : https://www.gov.kz/memleket/entities/mfa-mexico/press/news/details/992889?lang=kk

Жас сарбаз курсынан өтіп, Алматы, Жетісу және Қонаев гарнизондарындағы Десанттық-шабуылдау әскерлерінің қатарын толықтырған жас сарбаздар әскери ант берді.Бұл салтанатты сәтке жас жауынгерлермен бірге Десанттық-шабуылдау әскерлерінің қолбасшылығы, атқарушы билік өкілдері, Қарулы күштер мен Ауған соғысының ардагерлері, сарбаздардың туыстары мен жақындары қатысты.Ант бергенге дейін жас сарбаздар әскери бөлімнің тарихымен және дәстүрлерімен танысып, қару-жарақ пен әскери техниканың тактикалық-техникалық сипаттамаларын, мемлекеттік-құқықтық, саптық және атыс дайындығының негіздерін меңгерді.Биыл көктемде еліміздің әр өңірінен келген жас десантшылар Тәуелсіз Қазақстанның мемлекеттілік мүдделерін қорғауға ант берді.– Әскери ант – Отан қорғаушысы үшін бұзылмас заң. Ант берген сәттен бастап сіздер әскери істі адал меңгеріп, жауынгерлік қызметтің қиындығына төтеп беруге міндеттісіздер. Біздің бригада – Қазақстанның Десанттық-шабуылдау әскерлерінің бесігі. Бұл әскерлер – асқан ерліктің, батырлықтың және әрқашан дайын болудың үлгісі. Қызмет барысында алған білімдеріңіз бен дағдыларыңыз сіздерге пайдасын тигізіп, мінездеріңізді шыңдап, денелеріңізді нығайтады деп сенемін. Осы маңызды жолда табандылық пен сәттілік тілеймін, – деді 35-ші гвардиялық десанттық-шабуылдау бригадасының командирі гвардия полковнигі Бейбіт Аманқалиев.Қонақтар үшін әскери бөлімде қарумен және қарусыз жауынгерлік әдістер көрсетілген арнайы көрсетілімдер ұйымдастырылды.– Отан алдындағы борышты өтеу – әр ер адамның қасиетті парызы. Армиядағы қызмет менің болашағымды айқындауға және тұлғалық қалыптасуыма негіз болады деп ойлаймын, – деді Алматыдан шақырылған қатардағы жауынгер Мирас Ескендір.Ант қабылданған соң әскери бөлімдерде экскурсиялар өтті. Қонақтарға казармалар, оқу сыныптары, асханалар мен спорт залдары көрсетілді. Әскери бөлім командирлері ата-аналар қойған күн тәртібі, оқыту, тамақтану, медициналық қызмет көрсету және өзге де мәселелерге жауап берді. Сол күні сарбаздар алғашқы сейілге шықты.Ақпарат көзі : https://www.gov.kz/memleket/entities/mod/press/news/details/992875?lang=kk

2025 жылғы 15–16 тамыз күндері Қостанайда тағы да жас дауыс иелерінің әндері шырқалмақ: мұнда Қазақстандағы ең беделді мәдени алаңдардың біріне айналған «Алтын микрофон» халықаралық вокалдық байқауы өтеді. Байқаудың құрылтайшысы – Қостанай облысы әкімдігі. Байқау облыстық мәдениет басқармасының қолдауымен өткізіледі. Ұйымдастырушысы – Қостанай облысы әкімдігінің мәдениет басқармасына қарасты «Облыстық көркемөнерпаздардың халық шығармашылығы мен кинобейнеқор орталығы» КМҚК, байқау барлық кезеңдерде – өңірлік деңгейден бастап халықаралық деңгейге дейін – жоғары деңгейде ұйымдастырылып, кәсіби қауымдастықтың сенімі мен байқаудың беделін жыл сайын дәлелдеп келеді.«Алтын микрофон» байқауының тарихы 2002 жылдан басталады. Ол кезде бұл байқаудың кішкентай ғана қалалық вокалшылар сайысы екені және оның кейін ірі халықаралық жобаға айналары ешкімнің ойына кірмеген еді. Байқаудың негізін қалаушылардың бірі – белгілі қостанайлық конферансье, эстрада әртісі Вячеслав Авдеев болды. Оның бастамасы мен энтузиазмы үлкен жолдың алғашқы қадамына айналды. Байқаудың қалыптасуына елеулі үлес қосқан саяси және қоғам қайраткері Валерий Вишниченко да ерекше атап өтілуі тиіс. Содан бері «Алтын микрофон» байқауы өзінің ауқымын кеңейтіп, қатысушылар географиясы мен кәсіби стандарттарын тұрақты түрде дамытып келеді. 2023 жылы Армения, Беларусь, Болгария, Қырғызстан және Украина елдерінен 77 орындаушы қатысты.Әр маусым – бұл шын мәнінде ауқымды мәдени процесс. 2025 жылғы байқау 14–21 сәуір аралығында Қостанай облысының төрт өңірінде өткен өңірлік кезеңнен басталды. Онда 171 вокалшы бақ сынап, олардың 68-і облыстық кезеңге өтті. Олардың өнерін өңіріміздің мәдениет майталмандары: Қазақстанның еңбек сіңірген қайраткері Гүлбану Абдулина, «Мәдениет саласының үздігі» төсбелгісінің иегері, композитор Азамат Мұқатов, халықаралық байқаулардың лауреаты, Рудный музыкалық колледжінің оқытушысы Алуа Мұсапирова, сондай-ақ «Алтын микрофон» байқауының Гран-при иегері, «X-Factor» жобасының жеңімпазы Бекболат Жазыкпаев бағалады.Байқаудың облыстық кезеңі қазылар алқасын көп жылдан бері басқарып келе жатқан Гүлбану Абдулина «Алтын микрофонға» деген қызығушылықтың тек елімізде ғана емес, шетелдерде де жоғары екенін атап өтеді:«Өтініштер тек Қазақстаннан емес, алыс-жақын шет елдерден де түседі. Байқау жылдар бойы адал, ашық және шығармашылыққа толы жоба ретінде өзін көрсете білді. Оның лауреаттары шетелдік сахналарда жарқырап, халықаралық жобаларға қатысуда. Бұл – сахна мәдениетін, әртістік шеберлік пен жауапкершілікті қалыптастыратын байқау. Сондықтан да ол ұстаздар мен әртістер үшін өте құнды», – дейді Гүлбану Абдулина.Халықаралық финалдық кезең екі турдан тұрады және жарқын гала-концертпен аяқталады. Биыл байқауға 7–23 жас аралығындағы вокалшылар қатыса алады. Олар төрт жас санаты бойынша бөлінеді. Әр қатысушы екі шығарма орындайды, олардың біреуі қазақ тілінде болуы – Қазақстан Республикасының азаматтары үшін өзгермейтін шарт. Байқаудың тағы бір маңызды талабы – фонограмма мен автотюнға толық тыйым салынуы. Тек «минус» фонограмма немесе тірі музыкалық сүйемелдеу ғана рұқсат етіледі. Бұл – байқауды ұйымдастырушылардың басты ұстанымы. Ол жоғары көркемдік деңгейді сақтап қана қоймай, қатысушыларды кәсіби сахна мәдениетіне жақындатады.Қатысушылардың өнері бірнеше маңызды критерий бойынша бағаланады: интонациялық тазалық, ырғақтың дәлдігі, орындаушылық шеберлік деңгейі, таңдаған репертуардың күрделілігі. Сонымен қатар, әртістік қабілет, сахналық мәдениет пен әсерлілік – дикция мен микрофонмен жұмыс та назардан тыс қалмайды. Осы барлық элементтер жас орындаушының кәсіби сахнаға дайындығын әділ бағалауға мүмкіндік береді.Қазылар алқасының кәсібилігі – байқаудың сапасына кепіл. Биыл қатысушылардың өнерін Қазақстан, Беларусь, Болгария, Армения, Қырғызстан және Украинадан келген мамандар бағалайды. Бұл елдерден байқауға жас таланттар да қатысады. Осылайша «Алтын микрофон» шын мәнінде халықаралық алаңға айналуда. Қазылар алқасының төрағасы – композитор, Қазақстанның еңбек сіңірген қайраткері, «Құрмет» орденінің иегері, Жүсіпбек Елебеков атындағы эстрада-цирк колледжінің директоры Жеңіс Сейдоллаұлы. 2020 жылға дейін бұл құрметті міндетті аңызға айналған композитор Кеңес Дүйсекеев атқарған еді.«Алтын микрофон» байқауы 20 жылдан астам уақыт бойы жас вокалшыларды тәрбиелеп, кәсіби өнер әлеміне жол ашып келеді. Осы уақыт ішінде Қазақстанның түрлі өңірлерінен, сондай-ақ алыс-жақын шет елдерден 1025 қатысушы өнер көрсетті. Гран-при – 20, бірінші орын – 63, екінші орын – 63, үшінші орын – 114, арнайы жүлделер – 20. Жалпы жүлде саны – 280. Осы жылдар ішінде байқау музыкалық әлемге көптеген жаңа есімдерді сыйлады. «Алтын микрофон» жеңімпаздары кейін беделді халықаралық байқаулардың жүлдегерлері мен лауреаттарына айналды. Олардың қатарында – «X-фактор 2024» финалисі Мейрімхан Назарханов, Ninety One тобының солисі Батырхан Маликов, Әміре атымен танымал Ернар Садирбаев, Абай атындағы Қазақ ұлттық опера және балет театрының жетекші солисі Балуан Беркенов, «Қазақстан дауысы» жобасының қатысушысы Анна Уварова, «X-Factor» жобасынан Айдар мен Бекболат Жазыкпаевтар, Ясмин Ибраева, Ерназ Қабдыхамитов және Ясмин Аюпова.«Алтын микрофон» – жай ғана байқау емес. Бұл – жаңа буын әртістерін тәрбиелейтін, жас таланттарға үлкен сахнаға жол ашатын және Қазақстанның халықаралық имиджін нығайтатын ауқымды мәдени жоба. Осы жерде, Қостанайда, үлкен сахна жолының алғашқы ноталары естіледі.Ақпарат көзі : https://www.gov.kz/memleket/entities/kostanai-madeniet/press/news/details/992854?lang=kk

Инфрақұрылым – ауыл халқының әл-ауқатын арттырудың басты тетігі. Мемлекет басшысы Қасым-Жомарт Тоқаев өзінің Жолдауларында ауылдық елді мекендердің дамуына ерекше мән беріп келеді. Президент тапсырмасына сәйкес, халықтың өмір сүру сапасын арттыру, ауылдарды таза ауыз сумен, сапалы жолмен қамтамасыз ету – мемлекеттік саясаттың негізгі бағыттарының бірі болып отыр.2025 жылдың 1 мамырына дейінгі мәлімет бойынша, ауданға қарасты 44 ауылда тұратын 24 380 адамның ішінде 36 ауылдың (22 074 адам) тұрғындары сапалы ауыз сумен қамтылған. Бұл – жалпы көрсеткіштің 90,5%-ы. Олардың ішінде 17 ауылда (18 039 адам) орталықтандырылған су жүйесі іске қосылса, 16 ауыл (3 170 адам) әкелінетін су арқылы жұмыс істейтін тарату пункттерімен жабдықталған. Тағы 3 ауылдың (3,5%) тарату пунктер жұмыс істеп тұрған құбырлардан сумен қамтамасыз етілуде.Қазіргі таңда Новошумное мен Лесное ауылдарында құрылыс-монтаждау жұмыстары жалғасуда.Жол-көлік инфрақұрылымын жақсарту да Мемлекет басшысының тапсырмаларына сай жүзеге асырылып келеді. 2024 жылы аудандық маңыздағы 12 жол учаскесінде (жалпы ұзындығы 44,15 км) орташа және ағымдағы жөндеу жұмыстары жүргізіліп, су өткізу құбырлары ауыстырылды. Ал 2025 жылы 115,9 шақырым аудандық жолды жөндеу жоспарланып отыр.Көше-жол желісі бойынша да жұмыс қарқынды. Өткен жылы 13 елді мекендегі 22 көше (20,2 км) жөндеуден өтті. Биыл тағы 6 ауылда жалпы ұзындығы 19,7 км болатын 11 көшеге ағымдағы жөндеу жүргізіледі.Бұл жұмыстар – Президент тапсырмаларына сәйкес, ауылдағы өмір сапасын арттыру бағытындағы нақты қадамдар. Олар ауыл тұрғындарының тұрмысын жақсартып қана қоймай, өңірдің әлеуметтік-экономикалық дамуына серпін береді.Ақпарат көзі : https://www.gov.kz/memleket/entities/kostanay-fedorov/press/news/details/992830?lang=kk