Qyzyljar Creative Center креативті орталығының базасында Зияткерлік меншік құқықтары бөлімінің басшысы патент зерттеушімен бірлесіп авторлық құқықты тіркеу мәселелері бойынша консультация өткізді.Авторлық құқық туынды жасалған сәттен бастап туындайды және ешқандай тіркеуді және басқа формальдылықты қажет етпейтіні түсіндірілді. Алайда, құқықтар бұзылған жағдайда, тіркеу туралы куәлік автордың пайдасына қосымша дәлел болады.Ақпарат көзі : https://www.gov.kz/memleket/entities/adilet-sko/press/news/details/983540?lang=kk

«Жас сарбаз» балалар студиясының бишілері Стамбулда өткен халықаралық балалар фестивалінде өнер көрсетті.Өнерпаздар байқауы Түркияның ең маңызды мемлекеттік мерекелерінің бірі – ұлттық егемендік пен балалар күніне орайластырды.Студия тәрбиеленушілерінің фестивальге дайындығын ҚР Қарулы күштері Ұлттық әскери-патриоттық орталығының педагог-хореографы 3-сыныпты сержант Альмира Асылбекова басқарды.– «Жас сарбаз» студиясының бишілер мен домбырашылардан  тұратын 20 тәрбиеленушісі осындай керемет фестивальге қатысу мүмкіндігін алды. Түрік көрермені бізді өте жылы қабылдады. Қорғаныс министрлігінің басшылығына және балалардың шығармашылық дамуына ықпал еткен ата-аналарға рахмет, – деді А. Асылбекова.Түрік сахнасында домбырашылар ұжымы «Сарыарқа», «Адай», «Ата Тұран», «Балбырауын» күйлерін, ал бишілер «Ақ сауыт», «Домбыра», «Дәстүр», «Ат шабыс», «Қылықты қыздар» және «Самғау» композицияларын орындады.Альмира Асылбекова атап өткендей, «Жас сарбаз» би тобы өткен жылғы Дельфий ойындарының жеңімпазы және үздік балалар ұжымы ретінде халықаралық фестивальге қатысу үшін таңдап алынған болатын. Сондай-ақ, фестивальге Дельфий комитетінің директоры Құралай Түспекова қазақстандық делегация атынан қатысты.Ақпарат көзі : https://www.gov.kz/memleket/entities/mod/press/news/details/983572?lang=kk

БЖЗҚ туралы өзекті сауалдар БЖЗҚ-дағы зейнетақы жинақтарынан кесте бойынша берілетін төлемдер: қалай есептеледі, қайда жүгіну керек   Зейнетақы жинақтарынан кесте бойынша берілетін төлемдерге кімдердің құқығы бар?  Қазақстан Республикасы Әлеуметтік кодексіне (бұдан әрі - Кодекс) сәйкес, БЖЗҚ-дан бекітілген кесте бойынша ай сайынғы зейнетақы төлемі БЖЗҚ-да міндетті зейнетақы жарналары есебінен қалыптастырылған зейнетақы жинақтары бар:1) зейнет жасына толған (ерлер – 63 жас, әйелдер – 61 жас);2) егер мерзімсіз болып белгіленсе, 1 және 2 топтағы мүгедектігі бар;3) еңбек жағдайлары зиянды өндірістерде жұмыс істеп, оның пайдасына жиынтығында кемінде 84 күнтізбелік ай бойы міндетті кәсіптік зейнетақы жарналары төленгенін растайтын құжаты бар және осы зиянды еңбек жағдайларындағы жұмысын тоқтатқан немесе денсаулыққа кері әсері жоқ басқа жұмысқа ауысқан, 55 жасқа толған азаматтарға (бұдан әрі - жиынтығында кемінде 84 күнтізбелік ай бойы міндетті кәсіби зейнетақы жарналары төленген 55 жасқа толғандар) беріледі.     Кесте бойынша берілетін төлемдер қалай есептеледі?  Кесте бойынша берілетін төлемдер былай есептеледі: зейнетақы төлемін ала бастайтын алғашқы жылы зейнетақы жинақтарының сомасы зейнетақы жинақтарының 6,5% төлем мөлшерлемесіне көбейтіліп, 12-ге бөлінеді. Одан кейінгі жылдары ай сайынғы зейнетақы төлемінің мөлшері зейнетақы төлемдерін индекстеудің 5% мөлшерлемесіне ұлғайып отырады. Бұл ретте БЖЗҚ-дан берілетін ай сайынғы зейнетақы төлемінің мөлшері  республикалық бюджет туралы заңда тиісті қаржы жылына белгіленген ең төменгі күнкөріс деңгейінің (бұдан әрі - ЕТК) кемінде 70% мөлшерінде жүзеге асырылады (2025 жылы ЕТК деңгейі - 46 228 теңге). Тек 55 жасқа толған және жиынтығында кемінде 84 күнтізбелік ай бойы міндетті кәсіби зейнетақы жарналары төленген азаматтарға берілетін төлемнің есебі басқаша. Мерзімсіз белгіленген 1 немесе 2 топтағы мүгедектігі бар адамдар, сондай-ақ зиянды және қауіпті өндірістерде жұмыс істеп, зейнет жасына толған, олардың пайдасына жиынтығында кем дегенде 60 ай міндетті кәсіптік зейнетақы жарналары төленген адамдар сияқты белгілі бір санаттағы алушылар үшін Әдістемеде ай сайынғы зейнетақы төлемінің мөлшерін арттыратын түзету коэффициенттері көзделген. Жоғарыда көрсетілген шарттардың біреуінен артығын қанағаттандыратын адамдар үшін ең үлкен мәнге ие түзету коэффициенті қолданылады. Егер БЖЗҚ-дан төлем жасалған күндегі зейнетақы жинақтарының сомасы республикалық бюджет туралы заңда тиісті қаржы жылына белгіленген ең төменгі зейнетақының он екі еселенген мөлшерінен аспаса (2025 жылы 753 252 теңге = 62 771х12), төлем бір рет бірақ беріледі.Түзету коэффициенттері 55 жасқа толған және олардың пайдасына жиынтығында кемінде 84 күнтізбелік ай МКЗЖ төленген адамдарға қолданылмайды. БЖЗҚ-дан берілетін зейнетақы төлемдерін алу үшін қайда және қашан хабарласуға болады?              БЖЗҚ-дан зейнет жасына толуға байланысты зейнетақы жарналарының міндетті түрлері есебінен зейнетақы төлемдерін тағайындау, сондай-ақ мемлекеттік бюджеттен базалық және ортақ зейнетақы тағайындау үшін алушылар тұрғылықты жері бойынша "Азаматтарға арналған үкімет" мемлекеттік корпорациясына (ХҚКО) уақытылы хабарласуы қажет. Мұны зейнет жасына 10 күн қалғанда жасауға болады. Зейнетақы төлемдерінің барлық түрлері өтініш берілген күннен бастап жүргізіледі. Бұл ретте өтініш берілген күн болып өтініштің және қажетті құжаттардың ХҚКО-да тіркелген күні есептеледі. Егер алушы зейнет жасына толғанға дейін ертерек жүгінген болса - зейнет жасына толған күн өтініш берілген күн болып есептеледі. Әсіресе, бюджеттен төлемдер алу үшін уақытылы жүгінген аса маңызды, себебі оны тағайындау үшін алушы ұсынған құжаттар негізінде еңбек өтілін тексеру қажет.БЖЗҚ-да зейнетақы жинақтары бар мүгедектік белгіленген жандарға қайда забарласу қажет?             Мүгедектіктің белгіленуіне байланысты зейнетақы жинақтары төлемін алу үшін БЖЗҚ бөлімшелеріне немесе электрондық цифрлық қолтаңбаны пайдалана отырып, enpf.kz сайтындағы не БЖЗҚ мобильді қосымшасындағы жеке кабинет арқылы жүгіну қажет.          БЖЗҚ-да мүгедектігі бар адамдар үшін үйінде/жұмыс орнында қызмет көрсету ұйымдастырылған. Бұл ретте алдын-ала кеңес беру, оның ішінде қызметтерді қашықтан, ешқайда бармай-ақ алу мүмкіндігі тексеріледі.55 жасқа толған, олардың пайдасына жиынтығында кемінде 84 күнтізбелік ай МКЗЖ төленген тұлғаларға қайда хабарласу қажет?   55 жасқа толған, олардың пайдасына жиынтығында кемінде 84 күнтізбелік ай МКЗЖ төленген тұлғаларға міндетті кәсіптік зейнетақы жарналары есебінен зейнетақы төлемдері арнаулы әлеуметтік төлем тағайындау шеңберінде проактивті қызмет көрсету арқылы не жеке басын куәландыратын құжатты, сондай-ақ банк шоты туралы мәліметтерді ұсына отырып, Мемлекеттік корпорацияға өтінішпен жүгінген кезде тағайындалады.Егер аталған адамның міндетті зейнетақы жарналары есебінен қалыптастырылған зейнетақы жинақтары болса, онда бұл тұлғаға оларды алуға келісімі болған кезде міндетті зейнетақы жарналары есебінен БЖЗҚ-дан қосымша зейнетақы төлемдері тағайындалуы мүмкін. БЖЗҚ зейнетақы төлемдеріне жүгінбеген зейнеткерлерге қатысты қандай іс-шараларды жүзеге асырады?         Телефон нөмірлері еgov мобильді азаматтар базасында тіркелген болашақ зейнеткерлерге (әлеуетті алушыларға) зейнет жасына толғанға  дейін 2 ай қалғанда 1414 нөмірінен зейнетақы төлемдерін тағайындау жөніндегі қызметтерді алу үшін Мемлекеттік корпорацияның жақын жердегі бөлімшесіне уақытылы жүгіну мүмкіндігі туралы SMS-хабарлама жіберіледі. Онда egov.kz сайтындағы қажетті құжаттар тізіміне сілтеме беріледі. Яғни, мемлекеттік органдар зейнетақы төлемдерін белгіленген мерзімде ресімдеу үшін тиісті хабарламалар жібереді. Себебі, өткізіп алған кезең үшін төлемдер тағайындалмайды.         Сонымен қатар, БЖЗҚ-дан зейнетақы төлемдерін жүзеге асыру бойынша проактивті қызмет көрсету мақсатында зейнет жасына толған, Қорда зейнетақы жинақтары бар, бірақ төлем алуға өтініш білдірмеген тұлғалар бойынша БЖЗҚ Мемлекеттік корпорациямен бірлесіп, осындай азаматтарда жасына байланысты тағайындалған зейнетақы төлемдерінің және бюджет қаражаты есебінен мемлекеттік базалық зейнетақы төлемдерінің бар-жоқтығын жыл сайын салыстырып, тексеру жұмыстарын жүргізеді. Жыл сайынғы салыстыру нәтижелері бойынша бюджет қаражаты есебінен тағайындалған зейнетақы төлемдері бар адамдар анықталған кезде БЖЗҚ Мемлекеттік корпорациямен жасалған тиісті келісім шеңберінде оларға зейнетақы төлемдерін өтінішсіз-ақ аударады. Ақпарат көзі : https://www.gov.kz/memleket/entities/vko-tarbagatay/press/news/details/994382?lang=kk

Мемлекет басшысының Ұлттық құрылтайдың үшінші отырысында берген тапсырмасы аясында, жастар арасында кітап оқу мәдениетін қалыптастыру мақсатында Алматы облысында "Ауылға кітап" жобасы екінші жыл қатарынан іске асырылып жатыр.Жоба шеңберінде шалғайдағы ауыл мектептері мен жастар орталықтарына соңғы шыққан әдеби және танымдық туындылар демеушілер көмегімен тегін таратылуда.Өткен жылы демеушілік қолдаумен жалпы құны 10 миллион теңгеге 1000 дана кітап ауыл кітапханаларына жөнелтілсе, биыл 23 сәуір – Ұлттық кітап күніне орай, құны 2 миллион теңгеге бағаланған 600 кітап Балқаш, Кеген және Райымбек аудандарындағы жаңа ашылған жастар орталықтарына табысталды.Игі бастамаға қолдау көрсеткен – М. Әуезов атындағы Әдебиет және өнер институты.Сыйға берілетін кітаптардың арасында қазақ руханияты мен мәдениеті үшін құнды еңбектер бар. Атап айтқанда, "Жыраулар поэзиясы", "Ұлы дала ойындары", "Алпамыс батыр", "Абай", "Мұхтар Әуезов", "Алаш қайраткерлері және ұлттық фольклор" сынды танымал еңбектер қамтылған.Салтанатты шараның негізгі мақсаты – ауыл жастарының кітапқа деген қызығушылығын арттырып, ұлттық болмыс пен танымды қалыптастыруға жол ашу.Ақпарат көзі : https://www.gov.kz/memleket/entities/almoblzhastary/press/news/details/983605?lang=kk

Шымкент қаласының мобильді желісін дамыту мақсатында екі мақсатты тіректер алғаш рет орнатылды. Аталған тіректер қаланың көркініне және байланыс желісін дамытуға әсерін беруде. Алдағы уақытта тірек қала аумағында ұлғаядыАқпарат көзі : https://www.gov.kz/memleket/entities/shymkent-sandyk/press/news/details/983614?lang=kk

Маскат, 2025 жылғы 23 сәуір — Қазақстан Республикасының Оман Сұлтандығындағы Елшісі А.Тұматов «Salam Air» авиакомпаниясының өкілдерімен кездесу өткізді. Кездесу барысында ағымдағы жылдың 3 маусымынан бастап Масқат – Алматы бағыты бойынша тікелей әуе рейстерін аптасына 3 рет жиілікпен қайта жандандыру жөнінде уағдаластыққа қол жеткізілді.Тараптар туризм саласындағы екіжақты ынтымақтастықты кеңейту мәселелерін талқылап, туристік ағындарды арттыру, сондай-ақ екі елдің туристік компаниялары мен блогерлері үшін өзара жарнамалық турлар ұйымдастыру мүмкіндіктерін қарастырды.Кездесу қорытындысында Елші А.Тұматов «Salam Air» өкілдерін Қазақстанның туризм мен инвестиция саласында өзін жетекші халықаралық бағыт ретінде танытуға бағытталған бастамаларымен таныстырып, Қазақстан мен Оман арасындағы көлік қатынасы мен ынтымақтастықты нығайтудың өзара тиімді тұстарын атап өтті. Ақпарат көзі : https://www.gov.kz/memleket/entities/mfa-muscat/press/news/details/983635?lang=kk

Қазақстан Республикасы Қаржы министрлігі Мемлекеттік кірістер комитетінің Ақмола облысы бойынша Мемлкеттік кірістер департаменті «Сыбайлас жемқорлықтың алдын алу және оған қарсы іс-қимыл» №4 ҮҮБ жобаларын орындау жөніндегі нұсқаулыққа сәйкес 2026 жылғы 4 мамырда сыбайлас жемқорлық тәуекелдеріне ішкі талдау нәтижелерін жария талқылауды өткізуді жоспарлап отыр.Осыған байланысты, барлық мүдделі тұлғалардан осы іс-шараға 2026 жылғы 4 мамырда сағат 11:00-де Көкшетау қ. Н.Назарбаев даңғылы 21а (акт залы) мекенжайы бойынша немесе ZOOM платформасы арқылы қатысуды сұраймыз.Қатысқысы келетіндер, сондай-ақ ZOOM сілтемесін алу үшін 8/7162/72-11-78, 87025251924 телефондары арқылы хабарласа алады.  Ақпарат көзі : https://www.gov.kz/memleket/entities/kgd-akmola/press/news/details/1209316?lang=kk

Рига, 2025 жылғы 24 сәуір — Қазақстан Республикасының Елшісі Дәурен Кәріповтің Латвияның Мемлекеттік орман қызметінің Бас директоры Андис Пурспен кездесуі өтті.Кездесу барысында тараптар орман шаруашылығы саласындағы қазақстандық-латвиялық ынтымақтастықты дамыту бойынша ұсыныстармен бөлісті. Озық технологиялар негізінде ормандарды жаңғырту, сондай-ақ орман өрттерімен күрес мәселелеріне баса назар аударылды.Осы орайда тараптар таяу арада сараптамалық делегациялармен алмасу мүмкіндігін қарастырды.Ақпарат көзі : https://www.gov.kz/memleket/entities/mfa-riga/press/news/details/983089?lang=kk

Сұрақтар туындаған жағдайда 54-36-14 нөмірі арқылы білім бөліміне хабарласа аласыз. Ақпарат көзі : https://www.gov.kz/memleket/entities/kostanai-kalasy-akimat/press/news/details/983093?lang=kk

Қазақстан Республикасының Энергетика министрлігі (бұдан әрі – Министрлік) «Электр энергетикасы туралы» Қазақстан Республикасы Заңы 15-6-бабының 3-тармағына сәйкес 2025 жылы Екібастұз қаласында (Солнечный кенті) қуатты 2640 МВт қатты отынмен электр энергиясын өндіруді жүзеге асыратын конденсациялық электр станциясының құрылысы жобасы бойынша жаңадан пайдалануға берілетін генерациялайтын қондырғыларды салуға тендер (бұдан әрі – тендер) өткізілетіні туралы хабарлайды және әлеуетті инвесторларды осы тендерге қатысуға шақырады.Жаңадан пайдалануға берілетін генерациялайтын қондырғыларды салуға арналған тендерге қатысуға өтінімдерді (бұдан әрі – тендерге қатысуға өтінімдер) қабылдаудың басталу уақыты: Астана қаласының уақыты бойынша 2025 жылғы 25 сәуір 09:00, тендерге қатысуға өтінімдерді қабылдаудың аяқталу уақыты - Астана қаласының уақыты бойынша 2025 жылғы 12 мамыр сағат 15:00.Тендер «Электр энергетикасы туралы» Қазақстан Республикасының Заңына және Қазақстан Республикасы Энергетика министрінің 2015 жылғы 20  ақпандағы № 110 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10535 болып тіркелген) Жаңадан пайдалануға берілетін генерациялайтын қондырғыларды салуға тендер өткізу қағидаларына (бұдан әрі – Қағида) сәйкес өткізіледі.Оның негізінде тендер өткізілетін жаңадан пайдалануға берілетін генерациялайтын қондырғыларды салуға арналған тендерлік құжаттама Министрліктің интернет-ресурсында жарияланды (https://www.gov.kz/memleket/entities/energo/documents/details/832524?lang=kz).Тендерге қатысуға өтінімдер Қағидаларға сәйкес рәсімделеді және мына мекенжай бойынша беріледі:Қазақстан Республикасы, Астана қ., Қабанбай Батыр даңғылы 19, А блогы, Қазақстан Республикасы Энергетика министрлігі.Байланыс үшін: 8 (7172) 78 97 37, 8 702 335 44 48                            8 (7172) 78 97 53, 8 708 758 72 87Ақпарат көзі : https://www.gov.kz/memleket/entities/energo/press/news/details/983103?lang=kk

   2025 жылдың 24 сәуірінде сот орындаушыларының қызметін реттеу және бақылау бөлімінің қызметкерлері Қостанай өңірлік университетінің студенттерімен кәсіби бағдар беру кездесуін өткізді.   «Сұрақ-жауап» форматындағы ашық диалог барысында олар сот орындаушы мамандығының мәні, міндеттері, жауапкершілігі және сот шешімдерін орындаудағы рөлі туралы айтып берді. Студенттер үлкен қызығушылық танытып, белсенді қатысып, сұрақтар қойып, жан-жақты жауаптар алды.   Сондай-ақ, «Заң және тәртіп» нарративін орындау аясында бөлім мамандары студенттерге құқықтық және этикалық нормалардың маңыздылығын түсіндіруге бағытталған түсіндірмелер берді.   Іс-шараның мақсаты - жастардың заңды құндылық ретінде қабылдауын қалыптастыру, олардың адамгершілік нормаларына, мінез-құлық ережелері мен этикаға сай әрекет ету дағдыларын дамыту. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/983120?lang=kk

Аудан әкімі Берік Сәрменбаевтың қатысумен «Таза Қазақстан» республикалық экологиялық акциясы аясында тал егу іс-шарасы өтті. Көркейту іс-шарасына аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, ардагерлер кеңесінің төрағасы Мұса Келдібаев, мәдениет саласының ардагері Жантемір Айсин, аудан тұрғындары мен еріктілер белсене атсалысты.– Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан «Таза Қазақстан» экологиялық акциясы аясында елімізде, Сыр өңірінде, ауданымызда көркейту-көгалдандыру, санитарлық тазалық жұмыстары қарқынды жүргізілуде. Табиғатты қорғау – бәріміздің ортақ міндетіміз. Дана халқымыз «Бір тал кессең, он тал ек» дейді. Ағаш егу – атадан балаға жалғасып келе жатқан игі дәстүр. Бүгін отырғызылған әрбір көшет ертең саялы баққа айналып, тұрғындар игілігін көреді, - деді Берік Әбдіғаппарұлы.Ағаш отырғызу іс-шарасы аудан орталығындағы «Парасат» алаңында ұйымдастырылып, көркейту-көгалдандыру және санитарлық тазалық жұмыстары жүргізілді. Аудан басшысы тұрғындарды туған жердің көркеюіне үлес қосуға шақырды.Ақпарат көзі : https://www.gov.kz/memleket/entities/kyzylorda-syrdarya/press/news/details/983125?lang=kk

Қарасай ауданына қарасты Шамалған ауылында орналасқан Úshqońyr спорт кешенінде «Алатау лига-2025» жобасының салтанатты ашылу рәсімі өтті. Шараға Қонаев, Алатау қалаларынан және облыстың тоғыз ауданынан келген 11 команда өкілдері қатысты.Жобаның ұйымдастырушылары – облыстық дене шынықтыру және спорт басқармасы мен Алматы облыстық дене шынықтыру және спортты дамыту орталығы. Облыс әкімінің орынбасары Болат Күренбеков өз сөзінде «Алатау лигасы» екінші жыл қатарынан өткізіліп жатқанын және осы уақыт аралығында айтарлықтай нәтижелерге қол жеткізілгенін атап өтті: 140-тан астам клуб ашылып, 13,5 мыңнан астам тұрғын тұрақты түрде спортпен шұғылдануға мүмкіндік алды. Халықтың дене шынықтырумен айналысу деңгейі 39%-дан 41,4%-ға дейін өскен.Салтанатты шараны жас спортшылар – каратэ мен футбол секциясының тәрбиеленушілері көрсетілім өнерлерімен әрледі. Облыстық дене шынықтыру және спорт басқармасының міндетін атқарушы Рахман Шахарбек жаңа бастама 10 мыңнан астам адамды қамтығанын, олардың басым бөлігі ауылдық жерлерде тұратынын айтты.Жобаның басты құндылығы – ірі ареналар мен заманауи спорт кешендерінен шалғайда орналасқан жастарға өз қабілеттерін көрсетуге мүмкіндік беру. Сонымен қатар, бұл жоба «жаппайлықтан – шеберлікке» қағидаты негізінде құрылып отыр. Себебі «Алатау лига» жобасының аудандық және облыстық деңгейдегі жарыстарына негізінен 16-23 жас аралығындағы спортшылар қатысуда. Бұл – болашақта кәсіби футбол, баскетбол, волейбол және үстел теннисі клубтарына қосыла алатын жастар.«Жалпы, облысымызда спортқа қолжетімділікті қамтамасыз ету бойынша үлкен жұмыс жүргізілуде, – деді ол. – Мысалы, өткен жылы Еңбекшіқазақ және Райымбек аудандарында жаңа спорт кешендері ашылды. Бүгінгі таңда облыс аумағында 1880-нен астам спорт нысаны жұмыс істейді».Айта кету керек, жоба аясында әрбір ауылдық округте футбол, волейбол және баскетбол бойынша әуесқой клубтар құрылды. Барлығы – 140-тан астам клуб. Биыл жарыс бағдарламасына үстел теннисі де енгізілді.«Алатау лига-2025» спорттық жобасының алғашқы кезеңі 15 сәуірде облыстың барлық аудандарындағы ауылдық округтерде басталды. Бұл кезең 15 мамырға дейін жалғасады. Жеңімпаздар мен жүлдегерлер 20 тамыз бен 20 қыркүйек аралығында өтетін екінші кезеңге жолдама алады. Ал үшінші, финалдық кезең 10-25 қазан аралығында өтеді. Төрт спорт түрі бойынша үздік шыққан командалар кубоктармен, медальдармен, құрмет грамоталарымен және қомақты ақшалай сыйлықтармен марапатталады. Жалпы жүлде қоры – 16 миллион теңге.Ақпарат көзі : https://www.gov.kz/memleket/entities/almobl/press/news/details/983131?lang=kk

«Руханият» орталығында аудан әкімі Берік Сәрменбаевтың қатысуымен «Ұлттық кітап күніне» орай «Кітап – сарқылмас қазына» атты мерекелік іс-шара өтті. Жиынға аудандық аудандық мәслихат төрағасы Ержан Әжікенов, ардагерлер кеңесінің төрағасы Мұса Келдібаев, облыстық мәслихат депутаты Жұмабек Ембергенов, филология ғылымдарының кандидаты, Қорқыт Ата атындағы Қызылорда университетінің қазақ тілі мен әдебиеті және журналистика кафедрасының меңгерушісі Ғабит Тұяқбаев, айтыскер ақын, Сырдария ауданының «Құрметті» азаматы Нұрмат Мансұр, ардагерлер және қоғам белсенділері, кітапханашылар мен оқырмандар қатысты.Шара барысында рухани құндылықтарды насихаттауға бағытталған түрлі танымдық іс-шаралар ұйымдастырылды. Кітап көрмелері мен ұлттық әдебиет пен әлемдік классиканың жауһарларына арналған бұрыштар көпшілік назарына ұсынылды. Мерекелік бағдарлама салтанатты іс-шарамен жалғасты. Аудан басшысы аудан тұрғындары мен оқырмандарды «Ұлттық кітап күнімен» құттықтап, кітап баға жетпес байлық екенін айтып, бұл күннің рухани-танымдық маңызын атап өтті.– Кітап – тек білімнің ғана емес, адамзаттың ақыл-ойы мен тәжірибесінің жиынтығы, тарихтың шынайы куәсі. Бұл күн – кітаптың қоғамдағы рөлін дәріптеп, білім мен парасатты биікке көтеретін айтулы мереке. Ұлт ұстазы Ахмет Байтұрсынұлы «Кітап – өткенді танытатын кілт, болашаққа бастайтын жол» деп атап көрсеткен. Сондықтан сарқылмас қазына – саналы ұрпақ өсірудің, ел болашағын кемел етудің кепілі саналады. Мемлекет басшысы Қасым-Жомарт Кемелұлы Тоқаевтың бастамасымен биыл «Ұлттық кітап күні» алғаш рет аталып өтілуде. Президентіміз «Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз. Озық ойлы ұлт болудың төте жолы – кітап оқу» деп ерекше атап өтті. Аймақ басшысы Нұрлыбек Машбекұлы Нәлібаевтың қолдауымен Сыр өңірінде жарқын бастамалар жүзеге асуда. Барлық ауданда «Руханият» орталықтары бой көтеріп, заманауи және түнгі кітапханалар жұмысын бастады. Мұнда оқырмандар үшін барлық жағдай жасалған. «Кітап – алтын қазына» десек, сол қазынаны оқырмандарға жеткізуде еңбек етіп жүрген кітапханашыларға алғысымыз шексіз, – деді Берік Әбдіғаппарұлы. «Ұлттық кітап күні» мерекесі қарсаңында «Құрмет» орденінің иегері, «Мәдениет қайраткері», Сырдария, Жалағаш аудандарының «Құрметті» азаматы, елімізге белгілі балалар ақыны Сейфолла Оспан жеке кітап қорынан аудандық кітапханаға 2000 кітап тарту еткен болатын. Іс-шараның құрметті қонағы – Қорқыт Ата атындағы Қызылорда университетінің қазақ тілі мен әдебиеті және журналистика кафедрасының меңгерушісі Ғабит Тұяқбаев жиынға қатысушыларды айтулы күнмен құттықтап, С.Оспанның аманатын аудандық кітапханаға табыс етті. Ғ.Тұяқбаев өскелең ұрпаққа кітап оқу мәдениетін қалыптастыру арқылы ғана жарқын болашаққа бағдар жасай алатынын жеткізді.Аудан әкімі ардақты ақынға туған жерге деген жанашырлығы үшін аудан халқы атынан алғыс білдірді.Салтанатты жиын соңында кітапханашылар мен белсенді оқырмандарға кітап оқу мәдениетін дәріптеу жолындағы еңбектері үшін аудан әкімінің «Алғыс хаты» табысталып, сый-құрмет көрсетілді.Ақпарат көзі : https://www.gov.kz/memleket/entities/kyzylorda-syrdarya/press/news/details/983144?lang=kk

Құрметті салық төлеушілер !Шекарадан өтудің жеделдігі мен ашықтығы мақсатында 2025 жылдың 19 мамырдан бастап Сырым автомобиль өткізу пунктінде CarGoRuqsat электрондық кезек жүйесінің іске қосылатыны туралы хабарлаймыз.Қазіргі уақытта электрондық кезекті брондау жүйесі Қазақстанның Аксай,Жәнибек,Орда,Шаған шекарасында іске асырылғанын және оң нәтижелерді көрсетіп отырғанын атап өту қажет.                                                                                     Электрондық кезек жүйесін мемлекет жүз пайыз қатысатын ҚР ҚМ "Ақпараттық-есепке алу орталығы" АҚ "CarGoRuqsat" онлайн брондау сервисінің отандық әзірлеушілері мен мамандары құрды және қызмет көрсетеді.Сервис цифрлық платформа негізінде іске асырылды Qoldau.kz және тегін."CarGoRuqsat" электрондық кезек жүйесінің міндеті тасымалдаушыларға кезекті алдын ала брондау және ақпараттық жүйелерде қажетті құжаттарды тексеруді автоматтандыру мүмкіндігін беру болып табылады.Бұл шекарадан өтудің жеделдігі мен ашықтығын қамтамасыз етеді, жүк машиналарының жиналуына жол бермейді, Мемлекеттік кіріс органдарына тәуекелдерді басқару жүйесін автоматты режимде қолдануға мүмкіндік береді.Сырым  автомобиль өткізу пункті арқылы Қазақстан аумағынан шығуды жоспарлап отырған тасымалдаушыларға "CarGoRuqsat"қосымшасы арқылы электрондық кезектен орын брондау қажет.Ол үшін сілтеме бойынша өту керек https://cgr.qoldau.kz/ru/start, "CarGoRuqsat" қосымшасына тіркелу және кіру, өткізу пунктін таңдау, шекарадан өту күні мен уақытын көрсету және жүргізуші мен автокөлік туралы деректерді толтыру.Өтінім мақұлданғаннан кейін шекарадан өту үшін өткізу пунктіне уақтылы келу қажет.Ақпарат көзі : https://www.gov.kz/memleket/entities/kgd-zko/press/news/details/983158?lang=kk

Скопье, 22 сәуір 2025 жылғы – Қазақстан Елшісі Сатыбалды Бұршақов Солтүстік Македонияның Сыртқы істер және сыртқы сауда министрі Тимчо Муцунскимен кездесті. Кездесу барысында тараптар екі ел арасындағы дипломатиялық қатынастардың орнағанына 30 жыл толуының күн тәртібін талқылады.С.Бұршақов Министрді ү.ж. 29-30 мамырда өтетін Астана халықаралық форумына Солтүстік Македония делегациясының қатысуы бойынша дайындық барысы туралы хабардар етті.Келіссөздер барысында Қазақстан дипломаты македон тарапына екіжақты шарттар жобаларын келісу процесін жеделдетуді, сондай-ақ сауда-экономикалық байланыстар мен мәдени-гуманитарлық ынтымақтастықты арттыру жөніндегі жұмысты күшейтуді ұсынды.Өз тарапынан Т.Муцунски екіжақты қатынастардың күн тәртібінің өзектілігін атап өтіп, белсенді өзара іс-қимылға, оның ішінде ресми сапарлар ұйымдастыруға дайындығын білдірді.Ақпарат көзі : https://www.gov.kz/memleket/entities/mfa-skopje/press/news/details/983179?lang=kk

Қазіргі уақытта жекелеген кәсіпкерлер сатылған тауар (көрсетілген қызметтер) үшін қолма-қол ақшамен төлеуді талап ете отырып, қолма-қол ақшасыз төлемдерді қабылдаудан бас тартқан жағдайлар орын алуда.Қолма-қол ақшасыз төлемдерді қабылдаудан бас тарту заңсыз болып табылады және тұтынушылардың құқықтарын бұзады, өйткені "Төлемдер және төлем жүйелері туралы" Қазақстан Республикасы Заңының нормаларында төлемнің әртүрлі тәсілдері – банк картасымен, QR-төлеммен немесе қолма-қол ақшамен көзделген (25-бап).Кәсіпкерлердің төлем карточкаларын пайдалана отырып төлемдерді қабылдаудан бас тартқаны үшін әкімшілік жауапкершілік көзделген: бірінші рет ескерту, қайталап бұзған жағдайда – 40 АЕК (157 280 теңге) мөлшерінде айыппұл (ҚР Әкімшілік құқық бұзушылық туралы Кодексінің 194-бабы).Қолма-қол ақшасыз төлемдерді қабылдаудан бас тарту фактілері туралы Мемлекеттік кіріс органдарына жүгіну қажет, сондай-ақ "e-Otinish" порталы арқылы растайтын құжаттарды міндетті түрде қоса бере отырып өтініш беруге болады.Тауарлардысатунемесеқызмет көрсету кезінде кәсіпкерлерсатып алушыға фискалдықчекберугеміндетті.Фискалдықчектібермеудеәкімшілікжауаптылыққаәкеп соғады:ескерту,қайталапбұзылған жағдайда – 20-дан40АЕК-ке дейінгімөлшердеайыппұл(ҚРӘкімшілік құқық бұзушылықтуралыКодексінің284-бабы).Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/983184?lang=kk

Бүгінгі таңда «CarGoRuqsat» жүйесі Қытаймен, Өзбекстанмен, Түркіменстанмен, Ресей Федерациясымен шекарада табысты жұмыс істеуде. Қазақстан-ресей шекарасының 24 өткізу пунктінде іске қосылған сәттен бастап жүйені 200 мыңнан астам жүк көлігі пайдаланды, бұл оның сұранысы мен тиімділігін айқын көрсетеді. Оң нәтижелерді ескере отырып, ағымдағы жылдың сәуір-мамыр айларында Ресей Федерациясымен шекарадағы 4 ірі автомобиль өткізу пунктінде «CarGoRuqsat» қосу жоспарлануда:«Жаңа жол» (Солтүстік Қазақстан облысы), «Қайрақ» (Қостанай облысы), «Сырым» (Батыс Қазақстан облысы), «Жайсан» (Ақтөбе облысы). Толығырақ⬇️⬇️⬇️⬇️https://www.gov.kz/memleket/entities/kgd/press/news/details/982544?lang=kkАқпарат көзі : https://www.gov.kz/memleket/entities/kgd-pavlodar/press/news/details/983208?lang=kk

2025 жылдың 23 сәуірінде Алматы қаласы бойынша Мемлекеттік кірістер департаменті Қазақстанның шағын және орта бизнес өкілдерімен диалогтық форматта ұйымдастырылған «Салық форумы – 2025» іс-шарасына қатысты.Іс-шараны «Налоги Алматы» ассоциациясы» ЗТБ директоры – Екатерина Ким ұйымдастырды. Форумға кәсіпкерлер, салық консультанттары, мемлекеттік органдар мен қаржы ұйымдарының өкілдері қатысты.Салық салудың өзекті мәселелері бойынша спикерлер ретінде Максим Барышев, Анастасия Макова, Дмитрий Казанцев, Айжан Балакешева және басқа да сарапшылар сөз сөйледі.Алматы қаласы бойынша Мемлекеттік кірістер департаментінен Камералдық мониторинг басқармасының камералдық мониторинг бөлімінің басшысы Талғат Д.Т. және Аудит басқармасының №5 аудит бөлімінің басшысының міндетін атқарушы Қуанышбеков Д.Т. қатысып, камералдық бақылау мен салықтық тексерулерді жүргізу мәселелерін түсіндіріп, қатысушылардың көптеген сұрақтарына жауап берді.Ақпарат көзі : https://www.gov.kz/memleket/entities/kgd-almaty/press/news/details/983238?lang=kk

Ақмола облысы бойынша Мемлекеттік кірістер департаментінде «Білім қорын толтыру және Salyq INFO жүйесіне жүктеу үшін түсіндірме құжаттарды дайындау тәртібі туралы» тақырыбында техникалық оқу өтті.Қазіргі уақытта Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы Salyk INFO платформасын іске қосу бойынша жұмыс жүргізуде.Бұл платформаны іске қосудағы мақсат – азаматтардан түсетін өтініштердің санын азайту, жауап беру уақытын қысқарту, сондай-ақ мемлекеттік кірістер органдары қызметкерлерінің тұрғындардың өтініштерімен жұмыс істеуіне қолайлы жағдай жасау.Salyk INFO жүйесінің деректер базасы келесі қойындыларда материалдарды, сұрақтар мен жауаптарды орналастыруға мүмкіндік береді: Салық кодексі, Кеден кодексі, Қазақстан Республикасының оңалту және банкроттық туралы Заңы, Қазақстан Республикасы азаматтарының төлем қабілеттілігін және банкроттықты қалпына келтіру туралы Заңы және т.б.2026 жылдың 1 қаңтарынан бастап жаңа Салық кодексі күшіне енген кезде Salyk INFO платформасы салық төлеушілер үшін ашық болады.Салық төлеушілер салықтық және кедендік әкімшілендіруге қатысты өздерін қызықтыратын сұрақтарға жауап алу мүмкіндігіне ие болады. Шара барысында қызметкерлерге өздерін қызықтырған сұрақтарына толық жауаптар берілді.Ақпарат көзі : https://www.gov.kz/memleket/entities/kgd-akmola/press/news/details/983252?lang=kk