Бүгінгі таңда «CarGoRuqsat» жүйесі Қытаймен, Өзбекстанмен, Түркіменстанмен, Ресей Федерациясымен шекарада табысты жұмыс істеуде. Қазақстан-ресей шекарасының 24 өткізу пунктінде іске қосылған сәттен бастап жүйені 200 мыңнан астам жүк көлігі пайдаланды, бұл оның сұранысы мен тиімділігін айқын көрсетеді. Оң нәтижелерді ескере отырып, ағымдағы жылдың сәуір-мамыр айларында Ресей Федерациясымен шекарадағы 4 ірі автомобиль өткізу пунктінде «CarGoRuqsat» қосу жоспарлануда:«Жаңа жол» (Солтүстік Қазақстан облысы), «Қайрақ» (Қостанай облысы), «Сырым» (Батыс Қазақстан облысы), «Жайсан» (Ақтөбе облысы). Толығырақ⬇️⬇️⬇️⬇️https://www.gov.kz/memleket/entities/kgd/press/news/details/982544?lang=kkАқпарат көзі : https://www.gov.kz/memleket/entities/kgd-pavlodar/press/news/details/983208?lang=kk

2025 жылдың 23 сәуірінде Алматы қаласы бойынша Мемлекеттік кірістер департаменті Қазақстанның шағын және орта бизнес өкілдерімен диалогтық форматта ұйымдастырылған «Салық форумы – 2025» іс-шарасына қатысты.Іс-шараны «Налоги Алматы» ассоциациясы» ЗТБ директоры – Екатерина Ким ұйымдастырды. Форумға кәсіпкерлер, салық консультанттары, мемлекеттік органдар мен қаржы ұйымдарының өкілдері қатысты.Салық салудың өзекті мәселелері бойынша спикерлер ретінде Максим Барышев, Анастасия Макова, Дмитрий Казанцев, Айжан Балакешева және басқа да сарапшылар сөз сөйледі.Алматы қаласы бойынша Мемлекеттік кірістер департаментінен Камералдық мониторинг басқармасының камералдық мониторинг бөлімінің басшысы Талғат Д.Т. және Аудит басқармасының №5 аудит бөлімінің басшысының міндетін атқарушы Қуанышбеков Д.Т. қатысып, камералдық бақылау мен салықтық тексерулерді жүргізу мәселелерін түсіндіріп, қатысушылардың көптеген сұрақтарына жауап берді.Ақпарат көзі : https://www.gov.kz/memleket/entities/kgd-almaty/press/news/details/983238?lang=kk

Ақмола облысы бойынша Мемлекеттік кірістер департаментінде «Білім қорын толтыру және Salyq INFO жүйесіне жүктеу үшін түсіндірме құжаттарды дайындау тәртібі туралы» тақырыбында техникалық оқу өтті.Қазіргі уақытта Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы Salyk INFO платформасын іске қосу бойынша жұмыс жүргізуде.Бұл платформаны іске қосудағы мақсат – азаматтардан түсетін өтініштердің санын азайту, жауап беру уақытын қысқарту, сондай-ақ мемлекеттік кірістер органдары қызметкерлерінің тұрғындардың өтініштерімен жұмыс істеуіне қолайлы жағдай жасау.Salyk INFO жүйесінің деректер базасы келесі қойындыларда материалдарды, сұрақтар мен жауаптарды орналастыруға мүмкіндік береді: Салық кодексі, Кеден кодексі, Қазақстан Республикасының оңалту және банкроттық туралы Заңы, Қазақстан Республикасы азаматтарының төлем қабілеттілігін және банкроттықты қалпына келтіру туралы Заңы және т.б.2026 жылдың 1 қаңтарынан бастап жаңа Салық кодексі күшіне енген кезде Salyk INFO платформасы салық төлеушілер үшін ашық болады.Салық төлеушілер салықтық және кедендік әкімшілендіруге қатысты өздерін қызықтыратын сұрақтарға жауап алу мүмкіндігіне ие болады. Шара барысында қызметкерлерге өздерін қызықтырған сұрақтарына толық жауаптар берілді.Ақпарат көзі : https://www.gov.kz/memleket/entities/kgd-akmola/press/news/details/983252?lang=kk

Хельсинки, 2025 жылғы 24 сәуір - Қазақстан Елшісі Азамат Әбдіраимов Финляндияның экспортын, инновацияларын және инвестицияларын ілгерілету жөніндегі мемлекеттік агенттігі «Business Finland» басшысы Грейс Ванмен және «Finnvera» мемлекеттік қаржы компаниясының басшысы Мика Реландермен кездесті.Әңгімелесу барысында тараптар Қазақстанда халықаралық әріптестердің қатысуымен бірлескен жобаларды іске асыру перспективаларын талқылады. Теміржол және автомобиль көлігі, әуе және теңіз порттары, жаңартылатын энергия көздері, деректер орталықтары және сумен жабдықтау жүйелері сияқты бағыттарға ерекше назар аударылды.Қазақстандық дипломат жобаларды іске асыру кезінде қазақстандық тарап үшін басымдықтардың бірі Қазақстандағы фин шешімдерін оқшаулау және қазақстандық қамтуды қамтамасыз ету мәселесі болып табылатынын атап өтті.Кездесу қорытындысы бойынша тараптар ынтымақтастықты кеңейтуге және тереңдетуге, сондай-ақ бірлескен жобаларды ілгерілету бойынша мәтінді диалогты жалғастыруға дайын екендіктерін білдірді.Ақпарат көзі : https://www.gov.kz/memleket/entities/mfa-helsinki/press/news/details/983265?lang=kk

Қостанай облысының әкімі Құмар Ақсақаловтың бастамасымен және «Қазақстан халқына» қоғамдық қорының қолдауымен қалалық онкологиялық диспансерге заманауи жабдық – сызықтық үдеткіш пен компьютерлік томограф (КТ) орнатылады.Бұл шешім өңір тұрғындарына онкологиялық көмектің сапасын арттыруға және жоғары технологиялы емге қолжетімділікті кеңейтуге бағытталған.Бұл науқастарға не береді?Сызықтық үдеткіш – бұл сәулелік терапияда қолданылатын алдыңғы қатарлы жабдық. Ол:•ісікке дәл бағытталған әсер етуге, сау тіндерді зақымдамауға,•емдеу параметрлерін әр науқасқа бейімдеуге,•жанама әсерлерді азайтып, қалпына келу үдерісін жеделдетуге мүмкіндік береді.Сонымен қатар, дәл осы құрылғымен бірге заманауи КТ-аппарат орнатылады. Ол ісік үдерісінің орналасуын барынша дәл анықтауға мүмкіндік береді. Бұл сәулелік терапия жоспарын құруда өте маңызды.Бұл неге маңызды?Қазіргі таңда емдеу 1993 және 2006 жылдары орнатылған ескі аппараттарда жүргізілуде. Олардың техникалық ресурсы әбден таусылған, ал дәлдік пен қауіпсіздік деңгейі қазіргі заманғы стандарттарға сәйкес келмейді.Сонымен қатар, Қостанай облысының шамамен 20% пациенті осындай емді Астана қаласындағы республикалық клиникаларда немесе шетелде алуға мәжбүр. Бұл өз кезегінде науқастар мен олардың отбасыларына қосымша қаржылық және логистикалық салмақ түсіреді.Енді облыс тұрғындары заманауи емді өз өңірінде ала алады. Бұл:•терапияға кезек пен күту мерзімін едәуір қысқартуға,•басқа өңірлерге көшу және тұру шығындарын азайтуға,•сәулелік терапияны уақтылы бастауды қамтамасыз етуге мүмкіндік береді.Қаржыландыру және мерзімдерЖабдықты сатып алу мен орнату жобасының құны 2,5 миллиард теңгеден асады. Қаржыландыру «Қазақстан халқына» қоры мен жергілікті атқарушы органдардың бірлескен күшімен қамтамасыз етіледі.Жабдықты орнату және медицина қызметкерлерін оқыту жұмыстары алдағы уақытта жүзеге асырылады. Барлық шаралар денсаулық сақтау жүйесін жаңғырту жөніндегі мемлекеттік бағдарлама аясында іске асырылады.Қостанай облысының әкімі Құмар Ақсақаловтың пікірі:«Онкология – әр минуты маңызды сала. Біз тек жабдықты жаңартып жатқан жоқпыз – біз адамдарға үміт пен мүмкіндік береміз. ‘Қазақстан халқына’ қорымен бірлесіп, сапалы медицинаны халыққа жақын әріАқпарат көзі : https://www.gov.kz/memleket/entities/kostanay/press/news/details/983277?lang=kk

Лиссабон, 2025 жылғы 24 сәуір - Қазақстан Республикасының Португалиядағы Елшісі Жан Ғалиев Португалияның Табиғатты және орман шаруашылығын қорғау институты (ICNF) директорлар кеңесінің мүшесі доктор Карлуш Албукерке және ұйымның сарапшыларымен кездесті.Кездесу барысында қазақстандық дипломат еліміздің табиғатты қорғау және қоршаған ортаның сапасын жақсарту бағытында жүзеге асырып жатқан экологиялық жобалары мен бастамалары туралы кеңінен ақпарат берді. Атап айтқанда, «Жасыл Қазақстан» ұлттық экологиялық бастама таныстырылды. Елші Қазақстан жойылып бара жатқан жануарлар популяциясын қалпына келтіру және қорғалатын табиғи аумақтарды кеңейту бойынша ауқымды жұмыстар атқарып жатқанын атап өтті. Қар барысы, киік, Пржевальский-Керқұлан жылқысы мен жек-дуадақ құсы сынды ерекше түрлердің санын арттыру бағытында елеулі ілгерілеушілік бар екені айтылды.Кездесуде Мемлекет басшысы Қасым-Жомарт Тоқаевтың бастамасымен жүзеге асып жатқан Іле-Балқаш резерватында Тұран жолбарысын қайта жерсіндіру жобасына ерекше назар аударылды.Португалия тарапы Қазақстан Президентінің сирек кездесетін жануарларды табиғи мекендеріне қайтару, олардың санын сақтау мен көбейту бағытындағы бастамаларына жоғары баға берді. Атап айтқанда, еліміздің киіктердің санын қалпына келтіру және қорғау бойынша жүргізіп жатқан жұмысы оң пікірге ие болды.Елші тараптар арасында ерекше жануар түрлерін қорғау және олардың популяциясын көбейту, сондай-ақ табиғатты қорғау саласындағы екіжақты ынтымақтастықты тереңдетуге үлкен әлеует бар екенін атап өтті.Әңгіме барысында тараптар жойылып бара жатқан жабайы жануарлармен халықаралық сауда туралы Конвенция (CITES) және басқа да табиғатты қорғау саласындағы халықаралық ұйымдар аясында екі ел арасындағы ынтымақтастық мәселелерін талқылады.Кездесу соңында португалиялық тарап жуық арада Қазақстанға сапармен келуге қызығушылық білдірді.Ақпарат көзі : https://www.gov.kz/memleket/entities/mfa-lisbon/press/news/details/983305?lang=kk

Астана, 2025 жылғы 24 сәуір – Бүгін Астанада Экономикалық, ауыл шаруашылығы, экологиялық, техникалық, өнеркәсіптік және технологиялық ынтымақтастық жөніндегі Қазақстан-Аустрия үкіметаралық комиссиясының (ҮАК) кезекті 12-ші отырысы өтті.Іс-шара Қазақстан Республикасы Сыртқы істер министрінің орынбасары Роман Василенко мен Аустрия Республикасы Экономика, энергетика және туризм федералдық министрлігінің Экономика, инновациялар және халықаралық ынтымақтастық жөніндегі бас директоры Флориан Фраушердің тең төрағалығымен өтті. Отырысқа екі елдің салалық министрліктері мен ведомстволарының өкілдері де қатысты.ҮАК күн тәртібіне сәйкес тараптар Қазақстан мен Аустриядағы қазіргі экономикалық жағдайды, екі үкіметтің экономикаларды дамыту бойынша қабылдап жатқан шараларын, сондай-ақ екіжақты және көпжақты ынтымақтастықтың өзекті мәселелерін талқылады.ҚР Сыртқы істер министрінің орынбасары Аустрия делегациясын жүргізіліп жатқан реформалар, Еуропалық одақпен ынтымақтастықты кеңейту, экономиканы әртараптандыруға бағытталған нақты қадамдар, сондай-ақ Қазақстанда шетелдік инвестициялар тарту мен бизнес жүргізу үшін қолайлы жағдайлар жасау жөніндегі шаралар туралы хабардар етті.Р.Василенко атап өткендей, 2009 жылы Венада өткен алғашқы отырыстан бері бірлескен комиссия Қазақстан мен Аустрия арасындағы сауда-инвестициялық ынтымақтастықты нығайтуға маңызды үлес қосып келеді. Ол екіжақты серіктестіктің жоғары деңгейі мен «Andritz Hydro», «PlanRadar» және басқа да ірі аустриялық компаниялардың қазақстандық нарықтағы табысты тәжірибесін атап өтіп, екі ел арасындағы іскерлік белсенділікті одан әрі арттыруға шақырды.Өз кезегінде Аустрияның Экономика, энергетика және туризм федералдық министрлігінің бас директоры Ф.Фраушер Қазақстанның Орталық Азиядағы Аустрияның жетекші серіктесі екенін атап өтіп, Қазақстанмен ынтымақтастықтың барлық басым бағыттары бойынша серіктестікті нығайтуға мүдделілігін білдірді.ҮАК отырысы аясында Қазақстан мен Аустрия делегациялары энергетика, оның ішінде жаңартылатын энергия көздері, тау-кен өнеркәсібі, көлік, ауыл шаруашылығы, денсаулық сақтау, туризм және цифрландыру салаларындағы ынтымақтастықтың перспективаларын талқылады.Тараптар өзара тиімді болуы мүмкін жобалар жөніндегі өзекті ақпарат алмасуды жалғастыру, өңіраралық және іскерлік байланыстарды нығайтуға жәрдемдесу, сондай-ақ екі ел кәсіпкерлерінің сапарларын ұйымдастыру арқылы екіжақты сауда-экономикалық көрсеткіштерді арттыруды жалғастыру туралы уағдаласты.Сондай-ақ Шығыс Қазақстан облысы мен Штирия, Түркістан облысы мен Каринтия, Павлодар облысы мен Жоғарғы Австрия арасындағы ынтымақтастық туралы меморандумдар аясында өңіраралық әріптестікті дамыту мүмкіндіктері аталып өтті.Сол күні Астанада Қазақстан-Аустрия Іскерлік кеңесінің 10-шы отырысы өтті. Онда Қазақстан Республикасының инвестициялық әлеуеті таныстырылып, машина жасау, ауыл шаруашылығы және өзге де салалардағы ынтымақтастық мәселелері қаралды.Қазақстандық статистикаға сәйкес 2024 жылдың қорытындысы бойынша Қазақстан мен Аустрия арасындағы тауар айналымы 280,8 млн АҚШ долларын құрады (экспорт – 4,1 млн доллар, импорт – 276,7 млн доллар). 2024 жылы Аустриядан Қазақстанға тікелей шетелдік инвестициялардың жалпы ағыны 20,7 млн долларды құрады, ал 2005 жылдан бері бұл көрсеткіш 3 млрд доллардан асты. Қазақстанда аустриялық капиталдың қатысуымен шамамен 180 кәсіпорын тіркелген.Ақпарат көзі : https://www.gov.kz/memleket/entities/mfa/press/news/details/983290?lang=kk

2025 жылғы 23 сәуірде Қостанай облысы бойынша Мемлекеттік еңбек инспекторы А.К. Кушкимбаев техникалық инспекторларға арналған онлайн-семинарға қатысып, «Қостанай облысы Білім және ғылым ұйымдары қызметкерлерінің жергілікті кәсіптік одағы» ҚБ ұйымдастырған «Еңбек қауіпсіздігі және еңбекті қорғау саласындағы заңнаманы сақтау» тақырыбында сөз сөйледі.Еңбек қауіпсіздігі және еңбекті қорғау саласындағы қызметкерлердің құқықтары мен заңды мүдделерінің сақталуына ішкі бақылауды қалай ұйымдастыруға болады? Еңбекті қорғау жөніндегі техникалық инспекторлардың рөлі қандай? Еңбек қауіпсіздігі және еңбекті қорғау жөніндегі талаптарды сақтамағаны үшін қандай жауапкершілік көзделген және ол кімге жүктеледі? Осы және басқа да мәселелер бойынша семинарда талқыланатын тақырыпқа айналды. Семинарға 120-дан астам техникалық инспектор қатысты.Ақпарат көзі : https://www.gov.kz/memleket/entities/kostanai-enbek/press/news/details/983320?lang=kk

Амман, 2025 жылғы 24 сәуір – Қазақстан Республикасының Иордан Хашимит Корольдігіндегі Елшісі Талғат Шалданбай Корольдік дінаралық зерттеулер институтының директоры Рени Хаттар ханыммен кездесу өткізді.Кездесу аясында тараптар толеранттылық пен өзара түсіністік идеяларын ілгерілетуге баса назар аударды. 2025 жылғы 17-18 қыркүйекте Астана қаласында өтетін Әлемдік және дәстүрлі діндер көшбасшыларының алдағы VIII съезі басты тақырыптардың бірі болды.Елші Т.Шалданбай ҚР Парламенті Сенатының Төрағасы Мәулен Әшімбаевтың атынан Р.Хаттарға Әлемдік және дәстүрлі діндер көшбасшыларының VIII съезіне ресми шақыруды табыс етті.Қазақстандық дипломат Иорданияның дінаралық диалогты дамытуға бағытталған еліміздің бастамаларын дәйекті түрдегі қолдауы үшін ризашылығын білдірді. Хашимит Корольдігінің өткен форумдардағы рөлі, сондай-ақ иордан тарапының жаһандық өзара түсіністікті нығайтуға деген ұмтылысы ерекше атап өтілді.Р.Хаттар, өз кезегінде, Қазақстанның бейбітшілік пен дінаралық келісім идеяларын ілгерілетуге қосқан үлесін жоғары бағалады. Ол VIII Съезге қатысу халықаралық диалогты әрі қарай дамыту үшін маңызды мүмкіндік болатынына назар аударды. Сонымен қатар, Р.Хаттар 2022 жылғы қыркүйек айында өткен VII Съезге қатысу құрметіне ие болғанын атап өтіп, алдағы форум тиімді дінаралық өзара іс-қимыл дәстүрін жалғастыратынына сенім білдірді.Корольдік дінаралық зерттеулер институтының директоры шақыру хат үшін алғыс білдіріп, Қазақстанның діндердің бейбіт қатар өмір сүруін ілгерілетудегі бастамаларының маңыздылығы жөнінде пікір айтты.Кездесу соңында тараптар жемісті ынтымақтастыққа үміт білдіріп, халықаралық сахнада конфессияаралық өзара іс-қимылды нығайту бойынша бірлескен күш-жігерді жалғастыруға дайын екендіктерін растады.Ақпарат көзі : https://www.gov.kz/memleket/entities/mfa-amman/press/news/details/983323?lang=kk

Осакаров ауданында қуаты 150 МВт болатын бірінші жел электр станциясы іске қосылады. Ал келешекте оның аумағында қуаты 500 МВт жел паркі пайда болады. Ірі инвестициялық жобаны жүзеге асыру үшін жер телімі берілді. Іздестіру жұмыстары басталады.Осакаров ауданының әкімі Руслан Нұрмұханбетов Өңірлік коммуникациялар қызметінде өткен брифингте инвестиция тарту жұмыстары туралы айтып берді.Оның айтуынша, биыл жалпы сомасы 301 млрд теңге болатын инвестициялық жобаларды жүзеге асыру жоспарланған. Олардың ішінде қуаттылығы жылына 45 млн дана кірпіш зауыты бар, ол 40 жұмыс орнын ашады.Ауыл шаруашылығы да дамуда. Мал шаруашылығымен айналысатын ауыл тұрғындарының қажеттіліктері үшін жайылымдардың жетіспеушілігі мәселесі шешілуде.– 2024 жылдың қорытындысы бойынша ауыл шаруашылығы айналымына 2169 гектар жер тартылды. 2023 жылдан бастап ауданда халықты жайылымдық жерлермен қамтамасыз ету жұмыстары жүргізілуде. «Жайлау» жобасы өзін жақсы жағынан көрсетті, Қарағайлы, Сарыөзек, Озерный, Ақбұлақ, Шідерті ауылдық округтерінде және Молодежный кентінде жайылымдардың жетіспеушілігі мәселесі шешілді. Биыл аталмыш жоба Есіл ауылдық округінде жүзеге асырылады. Халықты жайылыммен қамтамасыз ету, сондай-ақ шалғайдағы мал шаруашылығын дамыту жөніндегі жұмыстар жалғасатын болады, – деп хабарлады Руслан Нұрмұханбетов.Басым мәселелердің бірі – тұрғындарды сапалы ауыз сумен қамтамасыз ету. Осакаровкада су құбыры желілерінің жетінші кезегінің құрылысы аяқталуда. Биыл Садовое және Трудовое ауылдарында да су құбырларын іске қосу керек. Тағы екі ауылда – Колхозное мен Шұңқыркөл су құбыры желілері салына бастады. Тұрғындары аз – 200 адамға дейін елді мекендерде суды тазарту бойынша блок-модульдер орнатылады.Ауданда жылумен жабдықтауды да жақсартумен айналысады. Молодежный кентінде өткен жылы іске қосылған жаңа блок-модульді қазандыққа қосымша осындай екінші нысанды іске қосу жоспарлануда. Пушкин, Абай және Аспандияров көшелеріндегі 3 шақырымға жуық жылу желілері жөнделеді.Ақпарат көзі : https://www.gov.kz/memleket/entities/karaganda/press/news/details/983328?lang=kk

Абай атындағы Қарағанды облыстық балалар кітапханасының залдарының бірі Бельгия Корольдігінің бұрышына айналды. Мұнда «Le Tour de Belgique en BD» көрмесі ашылды. Экспозиция «Франкофон көктемі – 2025» бағдарламасы аясында ұйымдастырылды. Келушілерге басқа ел мәдениетіне шомып, бірегей оқиғалар арқылы оның үш өңірінің – Брюссель, Фламанд және Валлон өңірлерінің байлығынан шабыт алу ұсынылады.– Бұл көрмені Бельгияның Қазақстандағы елшілігі ұсынды. Абай атындағы кітапханаға келген кез-келген адам өзі үшін осы еуропалық елді аша алады. Көрменің ерекшелігі Брюссель комикстер мұражайымен бірігіп жасалғандығында. Суреттелген оқиғалар әлеміне шомып, Бельгияның түрлі қалаларының сұлулығын бағалауға мүмкіндік жасалған. Бұл шағын елде үш ресми тіл бар: нидерланд, француз және неміс тілдері. Олардың барлығы паннода бейнеленген, – деді Қарағанды француз альянсының жетекшісі Екатерина Фирсова.Көрме 24 сәуірде ашылды және 8 мамырға дейін қолжетімді болады. Кіру тегін.Абай атындағы Қарағанды облыстық балалар кітапханасы Бұқар жырау даңғылы, 30 мекенжайы бойынша орналасқан («Кеншілер мәдениет сарайы» аялдамасы). Ақпарат көзі : https://www.gov.kz/memleket/entities/karaganda/press/news/details/983329?lang=kk

Қарағандылық Анастасия Кутурман Бахрейнде өткен Manama 2025 World Boccia Challenger халықаралық рейтингтік турнирінен қола медальмен оралды. Қазақстандықтар барлығы екі медаль жеңіп алды.Бахрейндегі халықаралық турнирге 14 елден 170 спортшы қатысты. ҚР Ұлттық құрама командасына Астана, Алматы, Қарағанды және Павлодар қалаларынан 10 спортшы кірді.Қарағандылық Анастасия Кутурманнан басқа, Жетісу облысының спортшысы Қуаныш Асқарбеков та жүлдеге ие болды. Ол алтын медаль ұтып алды.Қарағандыда бочча 2020 жылдан бері дами бастады.– Бәрі менің сал ауруына шалдыққан қызым айналысатын спорт іздегенімнен басталды. Мен бочча туралы білдім. Сол кезде Астанадағы инклюзивті мектептердің бірінде дене шынықтыру пәнінің мұғалімі өз бастамасымен бочча бойынша факультатив жүргізгенін білдім. Осылайша біртіндеп, бір-бірімізбен әңгімелесе отырып, біз алдымен Қазақстан бочча федерациясын, содан кейін екі жыл бұрын облыстық бочча федерациясын құрдық, – деді Қарағанды облысы бойынша бочча федерациясы президентінің орынбасары Гаухар Ақыжанова.Анастасия Кутурман Қарағандыда боччаға әуестенген алғашқы спортшылардың бірі болды. Кейіннен оған Аружан Жеңіс қосылды, ол да Бахрейнде Қарағанды облысының намысын қорғады.– Бастапқыда біз дайындыққа барып, жиналған қаражатқа ойынға керек-жарақ сатып алдық. Боччаға арнайы қымбат доптар керек. Сондай-ақ допты ойын алаңына шығару үшін рампалар қажет. Мысалы, Аружан бізде тек саусақтардың ұшымен ғана ойнайды және оған Қазақстан федерациясы ұсынған қымбат рампа қажет болды, – дейді Гаухар Ақыжанова.Қазір Қазақстанда бочча белсенді дамып келеді. Биыл мамыр айында Қарағандыда боччадан Кубок ұйымдастырылады. Ал тамызда Астанада алғашқы халықаралық челлендж өтеді.Бочча – паралимпиадалық спорт түрі, оны церебралды сал ауруы және орталық жүйке жүйесінің басқа да зақымданулары бар адамдар айналыса алады. Бұл доп ойынының дәлдігі боулингке ұқсас. Боччаны қолмен, саусақпен, тіпті ауызбен ойнауға болады. Ол үшін кейбір спортшыларға допты ойын алаңына шығаруға мүмкіндік беретін арнайы рампа қажет.Ақпарат көзі : https://www.gov.kz/memleket/entities/karaganda/press/news/details/983330?lang=kk

Астанада ҚР ІІМ Ұлттық ұланының 5573 әскери бөлімінің әскери қызметшілері өткір затпен қаруланған ашулы ер адамнан жасөспірімдерді құтқарып қалды.Оқиға  кешкі уақытта Есіл өзенінің жағалауындағы қонақ үйлердің бірінің жанында орын алған. Сол кезде әскери жасақтың бастығы қатардағы Абзал Ерғали, патрульдеушілер қатардағы Әлихан Аман және Тахир Жайық өздеріне жүктелген аумақта патрульдік қызмет атқарып жүрген.Шамамен сағат 21:00-де жасөспірімдер ұландықтарға жүгінген. Олардың айтуынша, жат қылық танытқан белгісіз ер адам оларды пышаққа ұқсас өткір затпен қорқытып, шабуыл жасауға әрекеттенген.Ұландықтар оқиға туралы әскери жасақтар бойынша кезекші аға сержант Бекжан Дәулетбайға дереу хабар берді. Әскери қызметшілер оқиға орнына жедел жетіп, шабуылдаушыны ұстады.– Жасөспірімдердің қатты қорқып қалғанын және оларға көмек қажет екенін көрдік. Уақытымыз тығыз еді. Ер адам агрессивті әрекет жасап, өткір затпен қолын сермеп, қорқыту сөздер айтып жатты. Біз нұсқаулыққа сәйкес әрекет еттік: оның назарын басқа жаққа аударып, қаруын тартып алып, залалсыздандырдық, – деді қатардағы Абзал Ерғали.Бұзақы ұсталып, құқық қорғау органдарының қызметкерлеріне тапсырылды. Қазіргі уақытта аталған факт бойынша тергеу амалдары жүргізілуде. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/983353?lang=kk

Мумбай, 2025 жылғы 24 сәуір – Мемлекет басшысы Қасым-Жомарт Тоқаевтың Қазақстаннан шет елдерге әуе рейстерін арттыру туралы тапсырмасын орындау аясында Қазақстанның Үндістандағы Елшілігінің көмегімен Мумбайда Алматы мен Мумбай арасында тікелей әуе қатынасын ашу рәсімі өтті.  Қонақтарды қарсы алған «Эйр Астана» әуе компаниясының Бас атқарушы директоры Питер Фостер компанияның Үндістанға қатысты жоспарларымен және Қазақстанның туристік әлеуетімен таныстырды.Келесі кезекте сөз алған Махараштра Азаматтық авиация департаментінің комиссары Суврита Саксена Мумбай мен Махараштра тұрғындарын Қазақстан сияқты тағы бір туристік бағыттың ашылуымен құттықтаса, Қазақстанның Үндістандағы Елшілігінің өкілдері қонақтарға жалпы Қазақстан-Үндістан байланыстарын нығайтудың әлеуеті туралы айтып берді.Іс-шараның мәдени бағдарламасында «Астана Балет» театры, «Тенгри» музыкалық тобы және этникалық киімдердің жаңа топтамасын ұсынған дизайнер Айжан Бекқұлова өнер көрсетті.Ақпарат көзі : https://www.gov.kz/memleket/entities/mfa-delhi/press/news/details/983354?lang=kk

Астана қаласында өткен Қазақстан машина жасаушыларының XII форумы аясында «Қазақстанның инвестициялық әлеуеті. Машина жасау саласын дамытудағы шетелдік серіктестердің рөлі» атты панельдік сессия өтті. Сессияда ҚР Сыртқы істер министрлігінің Инвестициялар комитетінің төрағасы Ғабидолла Оспанқұлов баяндама жасады, ал «KAZAKH INVEST» ҰК» АҚ Басқарма төрағасының орынбасары Азамат Қожанов пікірталастың модераторы ретінде қатысты.Өз сөзінде Ғабидолла Оспанқұлов машина жасаудың Қазақстанның индустрияландыру процесі мен қосылған құн тізбегін қалыптастырудағы маңызды рөлін атап өтті. Оның айтуынша, соңғы бес жылда қазақстандық машина жасау саласына 1,4 млрд АҚШ долларынан астам тікелей шетелдік инвестиция тартылған, ал жиынтық көрсеткіш 4,2 млрд доллардан асады.Сыртқы істер министрлігі мен KAZAKH INVEST инвестициялық жобаларды келісімшарттан бастап экспорт нарықтарына шығаруға дейін толық сүйемелдейді. Басты мақсат – жекелеген жобаларды ғана емес, жоғары деңгейде локализацияланған және технологиялық тұрақтылығы бар индустриялық экожүйелерді құру. Спикер инвестициялық сұранысты қалыптастырып отырған жаһандық трендтерге роботтандыруды, цифрлық егіздерді, ESG-тәсілдерді, өндірістік жасанды интеллектіні және электромобильдерге арналған компоненттерді жатқызды.Азамат Қожанов өз сөзінде машина жасау саласы ұзақ мерзімді стратегиялық инвестицияларды және технологияларды трансферттеу мен өндірісті жергіліктендіру үшін мемлекет тарапынан белсенді рөлді талап ететінін атап өтті.«Мемлекет басшысының 2029 жылға қарай ЖІӨ-ні екі еселеу жөніндегі тапсырмасына сәйкес, Үкімет деңгейінде қайта өңдеу, машина жасау, агроөнеркәсіп кешені және өзге де басым салаларға инвестиция тарту бойынша проактивті жұмыс жүргізіліп жатыр. Инвестициялар туралы келісімдер тетігі ниет білдіруден нақты іске көшуге мүмкіндік береді — бұл құжаттар инвестор мен мемлекет тарапынан өзара міндеттемелерді қамтиды. Қол қоюдан кейін жобаны іске асыру іс жүзінде басталады. Жыл басынан бері жалпы сомасы 13 миллиард АҚШ долларынан асатын 7 келісім мақұлданды. Барлығы 13 Инвестициялық келісім келісілді, және біз жыл соңына дейін олардың саны 20-дан асады деп күтіп отырмыз», — деді ол.Азамат Қожанов машина жасау саласына жеке тоқталып, қазіргі уақытта жалпы сомасы 700 миллион АҚШ долларынан асатын жобалар пысықталып жатқанын атап өтті. Бұл жобалар теміржол техникасы, әскери өнім, автомобиль өнеркәсібі және кеме жасау салаларын қамтиды. Оның айтуынша, бұл бастамалар алдағы жылдары тікелей шетелдік инвестициялар ағынын ұлғайтуға серпін беріп, бүгіннен бастап ел экономикасының технологиялық жаңғыруының негізін қалап жатыр.Анықтама:Қазақстан машина жасаушыларының XII форумы – мемлекет пен бизнестің өзара іс-қимылы үшін, саланы дамыту бойынша ұсыныстар әзірлеуге арналған негізгі алаң. Форум аясында локализация, цифрландыру, кадрлар даярлау және инвестициялар тарту мәселелері талқыланды. 2025 жылғы басты назардың бірі – халықаралық серіктестердің жаңа өнеркәсіптік саясатты қалыптастырудағы рөлін талқылау болды.Дереккөз: https://invest.gov.kzАқпарат көзі : https://www.gov.kz/memleket/entities/invest/press/news/details/983373?lang=kk

Отан қорғаушылар күні мен Ұлы Жеңістің 80 жылдығын мерекелеу қарсаңында ҚР Қорғаныс министрлігі Жамбыл аудандық пайдалану бөлімінің әскери қызметшілері Ұлы Отан соғысының ардагері Иван Федорович Макеев тұратын үйдің кіреберіс қасбетін ретке келтірді.Жыл сайын майдангерге баруды әдетке айналдырған әскери қызметшілер Иван Федорович тұратын бес қабатты үйдің кіреберісіне алаңдайтын. Биыл әскери қызметшілер жөндеу жұмыстарын жүргізу туралы шешім қабылдады.– Ардагерлерге қамқорлық көрсету – біздің міндетіміз,  – деп атап өтті Жамбыл аудандық пайдалану бөлімінің бастығы капитан Сержан Жақыпсейтов. – Кіреберістің қасбетін келтіру бізге еш қиындық туғызған жоқ.Жамбыл АПБ әскери құрылыс-жөндеу тобының күшімен баспалдақтар қалпына келтіріліп, қабырғалар сыланды, кіреберістің төбесі жөнделді.Соңғы кезеңде жұмысқа Тараз гарнизоны байланыс полкінің әскери қызметшілері келіп қосылды. Олар құрылысшыларға қоқыстарды жинауға көмектесіп, бордюрді ақтады.98 жастағы Иван Федорович әскери құрылысшыларға көрсеткен жәрдемі үшін дән риза. – Үйдің жаңартылған қасбетін көру қандай жақсы. Көңіл бөліп, көмек көрсеткендеріңізге көп рахмет, – деді ардагер ағынан жарылып.Майдангердің қызы Ольга әскерилер жүргізген жөндеу жұмыстарына Иван Федорович қана емес, кіреберістің барлық тұрғындары шын жүректен алғыс білдіргенін атап өтті. Бұл акция – әлемді фашизмнен азат еткен ардагерлерге құрмет. Қарт майдангерлерге қамқорлық жасау тек мемлекеттің ғана емес, сонымен қатар игі іс жасауға мүмкіндігі бар әрбір адамның қолынан келетінін еске салады.Ақпарат көзі : https://www.gov.kz/memleket/entities/mod/press/news/details/983374?lang=kk

2025 жылғы 28 тамызда Шығыс Қазақстан облысы бойынша Мемлекеттік кірістер Қазақстан Республикасы Сот әкімшілігінің Шығыс Қазақстан облысы бойынша департаменті қызметкерлері үшін жалпыға бірдей декларациялау бойынша, оның ішінде өзгерістерді ескере отырып, 270.00 нысанындағы "кірістер мен мүлік туралы" декларация бойынша оқыту жүргізді.Декларацияны толтыру тәртібі, ұсыну тәсілдері мен мерзімі, декларацияны ұсынбағаны үшін жеке тұлғалардың жауапкершілігі туралы келіп түскен барлық сұрақтарға жауаптар ұсынылды.Ақпарат көзі : https://www.gov.kz/memleket/entities/kgd-vko/press/news/details/1060518?lang=kk

Ақмола облысының Ауыл шаруашылығы және жер қатынастары басқармасы 01.05-07.05.2025 жылдар аралығында сыбайлас жемқорлық тәуекелдерін ішкі талдау нәтижелерін талқылаудың басталғаны туралы хабарлайды. Барлық мүдделі тұлғалар жұмыс тобының құрамында Сыбайлас жемқорлық тәуекелдерін талдау нәтижелерін талқылауға қатыса алады. Талқылауға қатысу мәселелері бойынша Ақмола облысы Ауыл шаруашылығы және жер қатынастары басқармасының ұйымдастыру-құқықтық жұмыс бөлімінің бас маманы Айтым Гүлназ Қаныбекқызына 2025 жылғы 1 мамырға дейінгі мерзімде мына телефон нөмірлері бойынша хабарласуға болады: 72-28-06, 72-28-01 (қабылдау бөлмесі).Ақпарат көзі : https://www.gov.kz/memleket/entities/aqmola-ush/press/news/details/982765?lang=kk

Ұлттық кітап күнін мерекелеу аясында аудандық орталық кітапханада кітап оқуды, шығармашылықты сүйетін, білімге құштар жандар үшін – «Кітап шоу-2025» кітапхана түні мерекесі өтті. Қонақтарға қызықты оқиғалар, интерактивті аймақтар және, әрине, қызықты, тартымды кітаптар  ұсынылды! Бұл мерекеге ең кішкентай оқырмандардан бастап кітапхананың тұрақты достарына дейін барлық жастағы адамдардың қатысқаны ерекше қуантады. «Кітап шоу-2025» бірнеше тақырыптық станцияларды қамтыды, олардың әрқайсысы маңызды датаға немесе бағытқа арналған: «Абай жолы» станциясы Абай Құнанбаевтың туғанына 180 жыл толуына арналды. Мұнда қонақтар Ұлы ақынның портреті бейнеленген инсталляцияны тамашалап, оның өлеңдері мен ұлағатты сөздерін тыңдады. Жүргізушілер Абайдың өмірі мен шығармашылығына тоқталып, оның мұрасының байлығын, қазақ мәдениетіне ықпалын аша түсті.                     «Ұлы Отан Жеңісінің 80 жылдығы құрметіне» станциясы Ұлы Отан соғысы жылдарындағы қазақстандықтардың ерлігі мен қайсарлығын еске алды. Қатысушылар Бауыржан Момышұлы, Талғат Бегелдинов, Сағадат Нұрмағамбетов, Мәлік Ғабдуллин, Мәншүк Мәметова, Әлия Молдағұлова және Хиуаз Доспанова сияқты батырлардың есімдерін  еске алды. Сондай-ақ соғыс жылдарындағы фильмдер мен әндер, өлеңдер, батыр қалалар, техника, қару-жарақ туралы сұрақ-жауаптар дайындалды. Бұл станция ата-бабаларымыздың ұлы ерлігін жарқын еске түсірді.Өлкетану станциясында «Шабыт алар туған жерім» тақырыбында аудандық мәдениет үйінің көркемдік жетекшісі Зыбалева Айман Астанқызымен шығармашылық кездесу өтті. Өз шығармашылығымен бөліскен кейіпкер өлеңдерін оқыды.«Жұмысшы мамандықтар» жылына арналған «Өз ісінің шебері» станциясы қатысушыларға өздерін түрлі кәсіп өкілдерінің рөлін көрсетті. Мысалы,  үй құрылысында бояушы ретінде сезініп, түрлі бояулармен бояп, жұмбақтар шешуге мүмкіндік болды.«Кітап және өнер» станциясын Елубай Өмірзақов атындағы аудандық мәдениет үйінің қызметкері – Айбек Балтабаев таныстырды. Музыка мен әдебиетті біртұтас мәдени кеңістікте байланыстыра отырып, домбыраның қазақ рухы мен мәдениетінің символы екендігін айтты. Нақышына келтіріп бірнеше күйлер орындалды.Аудандық балалар кітапханасының қызметкерлері балаларға ұлттық ою-өрнектерді жасаудан «Ұлы даланың ою-өрнегі» атты шеберлік сыныбын дайындады. Әр қатысушы тек қиып қана қоймай, өзінің ерекше үлгісін ойлап таба алды.Соңғы бекет «Кітапты тақырып бойынша тап» болды. Үстелге әртүрлі заттар қойылды, олардан әдеби шығарманың атауын және оның авторын болжау керек болды. Қатысушылар бұл тапсырманы оңай орындап, кітаптарды жақсы меңгергендерін көрсетті.Кітапханаға кіре берісте әрбір қонақ естелік суретке түсіп, осы жарқын мерекенің бір бөлігін үйіне алып кететін фотоаймақ орнатылды. «Кітап-шоу 2025» барлық қатысушыларға үлкен қуаныш, жаңа білім және жақсы көңіл-күй сыйлады. Барлық қонақтарға қатысқандары үшін, сондай-ақ іс-шараны ұйымдастыруға көмектескен әріптестерімізге алғысымызды білдіреміз. Жарқын күндерде кітапханамызда кездескенше!Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/982862?lang=kk

Мумбай, 2025 жылғы 24 сәуір – Қазақстанның Үндістандағы Уақытша сенімді өкілі Д.Сейтенов «Somaiya Vidyavihar» ұйымының Президенті Самир Сомайямен (Shri Samir Somaiya) кездесу барысында Мемлекет басшысы Қасым-Жомарт Тоқаевтың Әлемдік және дәстүрлі діндер көшбасшыларының VIII Съезіне (2025 ж. 17-18 қыркүйек, Астана) шақыруын табыс етті. С.Сомайя Съезге көптеген жылдар бойы индуизм делегациясының басшысы ретінде қатысып келеді.Сұхбат барысында С.Сомайя Қазақстан Президенті Қ.К.Тоқаевқа шақыру жолдағаны үшін шынайы алғысын білдіріп, міндетті түрде қатысатынына сендірді.Сонымен қатар, үнділік сұхбаттасушыға ҚР Парламенті Сенатының Төрағасы, Әлемдік және дәстүрлі діндер лидерлері Съезі Хатшылығының басшысы М.Әшімбаевтың Жас дін көшбасшыларының II форумына (2025 ж. 18 қыркүйек, Астана) шақыруы табысталып, тараптар елдер арасындағы конфессияаралық ынтымақтастықты дамытуға және таяу болашақта Съез Хатшылығы мен «Somaiya Vidyavihar» бастамаларымен Үндістанда бірқатар іс-шара ұйымдастыруға уағдаласты. Ақпарат көзі : https://www.gov.kz/memleket/entities/mfa-delhi/press/news/details/982876?lang=kk