Қармақшы ауданы әкімдігінде мемлекеттік қызметтерді дамыту және цифрландыру мәселелері бойынша арнайы мәжіліс өтті. Жиынға аудан әкімі Жандос Еркінбек төрағалық етіп, кент және ауылдық округ әкімдері, мекеме мен кәсіпорын басшылары қатысты.Күн тәртібінде цифрлық жүйелерді енгізу, мемлекеттік қызметтерді оңтайландыру және халыққа қызмет көрсету сапасын арттыру мәселелері қаралды. Аудан басшысы облыс әкімінің тапсырмаларын орындау мақсатында атқарылып жатқан жұмыстарға тоқталып, жауапты мекемелерге нақты міндеттер жүктеді.Сонымен қатар, мәжілісте өңірдің су қабылдау кезеңіне дайындығы талқыланды. Су шаруашылығы мекемелеріне су нысандарының техникалық жағдайын зерделеу, каналдарды тазарту жұмыстарын жүргізу және тиісті шаралар бойынша есеп беру тапсырылды. Су ресурстарын тиімді пайдалану, егістік пен экологиялық қажеттіліктерге жеткілікті көлемде су бөлу мәселесі қатаң бақылауға алынатыны атап өтілді.Жиында сондай-ақ, биылғы оқу жылының аяқталуына байланысты жазғы тынығу лагерьлерінің жұмысын ұйымдастыру мәселесі қаралды. Маусым айынан бастап оқушылардың демалысын тиімді өткізу мақсатында лагерьлердің қызметі басталатыны және балалардың өзге өңірлерде тынығуын қамтамасыз ету бағытында жұмыстарды ұйымдастыруды тапсырды.Мәжіліс қорытындысында аудан әкімі көтерілген мәселелер бойынша тиісті мекемелерге нақты тапсырмалар беріп, олардың орындалуын тұрақты бақылауда ұстау қажеттігін атап өтті.Ақпарат көзі : https://www.gov.kz/memleket/entities/kyzylorda-karmakshy/press/news/details/967522?lang=kk

✅ Жетісуда Нұрғиса Тілендиевтің ескерткішіне гүл шоқтары қойылып, еске алу шарасы өтті.🎼 Бүгін Талдықорғанда қазақ музыкасының сайыпқыраны, әйгілі күйші, композитор, дирижер Нұрғиса Тілендиевтің 100 жылдығына арналған еске алу шарасы өтті. Н. Тілендиев атындағы музыка мектебінің алдында өнер саңлағының ескерткішіне гүл шоқтары қойылып, оның музыкалық шығармалары орындалды.▶️ Облыс басшылығының атынан еске алуға қатысқан облыс әкімінің орынбасары Диас Есдәулетов көпшілікті мерейтоймен құттықтап, ЮНЕСКО 2025 жылды Нұрғиса Тілендиев жылы деп жариялағанын, сондықтан бұл мерейтойдың дүниежүзілік мәнге ие болғанын атап өтті:✔️Ескерткіштің маңында Талдықорған балалар көркем сурет мектебі оқушыларының сурет салу пленэрі ұйымдастырылып, жас суретшілер дәулескер күйші-композитордың бейнесін қағаз бетіне түсірді. Сонымен қатар Жетісу облысының Дәнеш Рақышев атындағы филармониясының «Жетісу виртуозы» ансамблі шағын концерт қойып, Н.Тілендиевтің шығармаларын орындады.☝🏼 Еске салсақ, бүгін Б.Римова атындағы драма театрында Дәнеш Рақышев атындағы филармонияның Мұқан Төлебаев атындағы қазақ халық аспаптары оркестрі жүз жылдық мерейтойға орай «Өз елім» атты концерт өткізеді. 👏🏼Ақпарат көзі : https://www.gov.kz/memleket/entities/zhetysu-karatal-eltai/press/news/details/967505?lang=kk

 Жарияланған күні Жобаның атауы02.04.2025Қоршаған ортаны қорғау бөлімі "Атырау қ.Бірлік ауылы-2 600 орындық мектеп құрылысына жобалық-сметалық құжаттаманы байланыстыру"жұмыс жобасына. Түзету. Ақпарат көзі : https://www.gov.kz/memleket/entities/atyrau-tabigat/press/news/details/967501?lang=kk

 Жарияланған күні Жобаның атауы02.04.2025"Өнеркәсіптік базаны кеңейту" жұмыс жобасына Қоршаған ортаны қорғау бөлімі. Орналасқан жері: Атырау облысы, Атырау қаласы, Қара өзен ауданы. "Атырау" ЖШС өндірістік базасы ХаттамаАқпарат көзі : https://www.gov.kz/memleket/entities/atyrau-tabigat/press/news/details/967500?lang=kk

Сыбайлас жемқорлыққа қарсы іс-қимыл бойынша алдын алу шараларын іске асыру шеңберінде және «Заң мен тәртіп» қағидаттарын ілгерілету мақсатында Алматы облысы бойынша Сыбайлас жемқорлыққа қарсы қызмет «Қазақстан темір жолы» ҰК» АҚ филиалы – «Магистральдық желінің Алматы бөлімшесі» қызметкерлерімен кездесу өткізді.Темір жол саласы жүк және жолаушылар тасымалының тұрақты көлік байланысын және логистикасын қамтамасыз ететін экономиканың стратегиялық маңызды саласы. Осыған байланысты, жемқорлыққа қарсы іс-қимылдың басым бағыттарының бірі жемқорлықтың кез келген көріністеріне төзбеушілікті қалыптастыру, қызметкерлердің құқықтық санасын арттыру және құқық бұзушылықтардың алдын алудың тиімді тетіктерін енгізу болып қала береді.Кездесу барысында кәсіпорын қызметкерлеріне жемқорлыққа қарсы заңнаманың негізгі ережелері, оның ішінде лауазымдық міндеттерін орындаудағы заңдылық, адалдық және ашықтық қағидаттары түсіндірілді. Сондай-ақ, жемқорлыққа қарсы нормаларды бұзғаны үшін дербес жауапкершілік мәселелеріне, жемқорлық фактілері туралы адал хабарлайтын қызметкерлерді қорғау тетіктеріне ерекше назар аударылды.Сыбайлас жемқорлыққа қарсы қызмет өкілдері этикалық нормаларды қатаң сақтау, ішкі бақылаудың заманауи құралдарын енгізу және жемқорлық тәуекелдерін болдырмайтын қауіпсіз жұмыс ортасын құру қажеттігін атап өтті.Сыбайлас жемқорлыққа қарсы қызмет экономиканың стратегиялық маңызды салаларында жемқорлық құқық бұзушылықтардың алдын алу және жолын кесу бойынша кешенді жұмысын жалғастыруда. Бұл қызметтің маңызды элементі жемқорлыққа қарсы мәдениетті дамытуға және кәсіби ортада адалдық қағидаттарын нығайтуға бағытталған профилактика болып қала береді. #Заң_мен_Тәртіп #ЗАҢменТӘРТІП#ЗаңбәрінеортақАқпарат көзі : https://www.gov.kz/memleket/entities/anticorruption-zhetysu/press/news/details/967486?lang=kk

Әріптестеріммен тұрақты комиссиялардың бірлескен отырысын өткіздік, оның барысында алдағы кезекті сессияның материалдары қаралды. Жергілікті полиция қызметі мен «Саранькоммунсервис» ШЖҚ КМК-ның 2024 жылғы жұмысы және ағымдағы міндеттері туралы есептерді тыңдады. Сондай-ақ, мәслихаттың өткен жылғы тұрақты комиссияларының есептері, әкімдік комиссияларының дербес құрамдарына өзгерістер енгізу және т. б. туралы бірқатар ұйымдастырушылық мәселелер қаралды.📍Жергілікті полиция қызметінің жұмысы туралы ақпаратты ЖПҚ бастығы Ш. Козжанов ұсынды, ол қылмыстар бойынша статистика және қылмысты азайту үшін, оның ішінде отбасылық-тұрмыстық қатынастар саласында қолданылатын шаралар туралы айтты. Қылмыстарды азайту мақсатында учаскелік инспекторлармен пәтерлерді аралау, пробациядағы адамдарды тексеру, сондай-ақ жедел-алдын алу іс-шараларын жүргізу сияқты шаралар қабылдануда. Әріптестеріммен есепке сәйкес қылмыстардың ең көп саны мас күйінде жасалатынын, сондықтан қалада медициналық айықтырғыш ашу туралы мәселені көтеретінімізді атап өттік.Әрі қарай «Саранькоммунсервис» басшысы А. Федоров жүргізіліп жатқан жұмыстар туралы егжей-тегжейлі айтып берді. Бүгінгі таңда су құбыры желілерінің тозуы 62% -ды құрайды, оларды қайта жаңарту жұмыстары жүргізілуде. Биыл желілердің үшінші кезегін қайта жаңартуды аяқтау жоспарлануда. Кәріз желілерінің тозуы 92% -ды құрайды, оларды қайта жаңарту және жаңа кәріз желілерін салу бойынша жоба әзірленуде. Сумен жабдықтау жүйесін жуу және дезинфекциялау бойынша тұрақты іс-шаралар өткізіледі. Индустриялық аймақтың дамуымен су өндіру ұлғайды, кезең-кезеңімен арнайы техника сатып алынады.Проблемалық мәселелер: кәріз желілерін жаңғырту және жөндеу, арнайы техниканы қосымша сатып алу болып қала береді. Сондай-ақ, жеке абоненттер мен заңды тұлғалар арасында сумен жабдықтау бойынша берешек бар.Бұл мәселелер мәслихаттың алдағы сессиясының қарауына шығарылатын болады.Ақпарат көзі : https://www.gov.kz/memleket/entities/maslihat-karaganda-saran/press/news/details/967465?lang=kk

Халықаралық күлкі күніне орай мәдениет үйінің ұйымдастыруымен Омар Молдағожин атындағы мектеп оқушыларының қатысуымен ерекше шара өткізілді.Аталған мерекеге орай мектеп оқушылары көңілді жайдарман скетчтерін қойып, әзіл-қалжыңға толы шара болды.Шара барысында қатысушылар шеңбер құрып, бір-біріне күлкілі әзілдер айтып, көңілдерін көтерді. Оқушылар арасындағы тапқырлық пен өнерге деген құлшыныс кештің шырайын кіргізді. Әзіл-қалжыңға толы бұл шара мектеп оқушыларына көтеріңкі көңіл-күй сыйлап, достық пен бірлікті нығайтуға үлес қосты.Ақпарат көзі : https://www.gov.kz/memleket/entities/zhetysu-alakol-kabanbai/press/news/details/967464?lang=kk

Қазақстан Республикасы Еңбек және халықты әлеуметтік қорғау, экология және табиғи ресурстар министрліктері, Қазақстан Республикасының Ұлттық кәсіпкерлер палатасы және Қазақстан Республикасының Кәсіподақтар федерациясы «Бизнестің әлеуметтік жауапкершілігі жөніндегі «Парыз» конкурсы туралы» Қазақстан Республикасы Президентінің 2008 жылғы 23 қаңтардағы № 523 Жарлығына сәйкес, 2025 жылы бизнестің әлеуметтік жауапкершілігі жөніндегі конкурстын өткізілуін ашық деп жариялады.          Конкурс ірі, орта, шағын кәсіпкерлік субъектілері үшін келесі номинациялар бойынша өткізіледі:1. «Үздік әлеуметтік жауапты кәсіпорын».Бұл номинацияда өз персоналын қолдауға, мүмкіндігі шектеулі адамдарды әлеуметтік бейімдеуге және жалпы коғамның әл-ауқатын жақсартуға бағытталған әлеуметтік бағдарламаларды іске асыратын үміткерлердің қызметі қаралады.2.«Жылдың үздік әлеуметтік жобасы».Халықтың әлеуметтік осал және аз қамтылған топтарының жұмыспен қамтылуына және (немесе) тұрмыс жағдайларын жақсартуға ықпал ететін әлеуметтік жобалар қарастырылады.Бұл номинациялар бойынша құжаттарды мына мекенжайында қабылданады: «Жұмыспен қамту және әлеуметтік бағдарламаларды үйлестіру басқармасы» ММ, Киевская к. 1, 205120 телефоны;3.«Үздік ұжымдық шарт».Бұл номинацияда Қазақстан Республикасының заңнамасында көзделген, қызметкерлердің еңбек және әлеуметтік құқықтарын едәуір жақсартатын және нығайтатын ұжымдық шарттар қаралады.4.«Еңбекті қорғау саласындағы үздік кәсіпорын» .Бұл номинацияда еңбек кызметі процесінде қызметкерлердің денсаулығын сақтауға мүмкіндік беретін еңбек жағдайларын жасайтын үміткерлердің қызметі қаралады.Бұл номинациялар бойынша құжаттарды мына мекенжайда қабылданады: ММ «Мемлекеттік еңбек инспекциясы басқармасы» К. Либкнехт к., 19, 25-65-83 телефоны.5.«Экологияға қосқан үлесі үшін». Бұл номинацияда қоршаған ортаның, қалдықтарды кәдеге жарату мен қайта өңдеудің жай-күйін жақсартуға бағытталған табиғатты қорғау (экологиялық) бағдарламаларын, іс-шараларын және жобаларын іске асыруда ерекше көзге түскен үміткерлердің қызметі қаралады.Құжаттар мына мекенжайда қабылданады: ММ «Мемлекеттік еңбек инспекциясы басқармасы» РММ «ШҚО бойынша экология департаменті», Потанин көшесі 12, 76-81-98 телефоны.Конкурсқа қатысу үшін үміткерлер конкурсты ұйымдастырушыларға материалдарды бір данада береді (таңдау бойынша бір тілде рұқсат етіледі):1) өтінім;2) үміткердің өз қызметінің деңгейін өзін-өзі бағалауын және корпоративтік әлеуметтік жауапкершілігі бойынша нақты нәтижелерін білдіретін есебі болады.Үміткердің есебінде: заңды тұлғаның немесе жеке тұлғаның тарихы; ұйымдық құрылымы; өзге де қосымша ақпарат.3) сауалнама.Конкурсқа қатысуға үміткерлердің құжаттары ұсыну мерзімі – 2025 жылғы1 тамыз. Толық  ақпаратты www.paryz.kz сайтынан табуға болады.  Ақпарат көзі : https://www.gov.kz/memleket/entities/akimvko/press/news/details/968003?lang=kk

Туризм және спорт министрлігі спортшылар мен жаттықтырушыларға арналған талаптарды нақтылайтын жаңа бұйрық жобасын ашық талқылауға ұсынды.Бұл құжат – бір жылдан астам уақыт бойы сала мамандарымен бірлесе дайындалған, спорттық атақтар мен разрядтарды беру жүйесін түбегейлі жетілдіруге бағытталған маңызды қадам.Жаңа жоба аясында бұрын 42 спорт түріне арналған нормалар саны 163-ке дейін кеңейтілді. Оның ішінде олимпиадалық, паралимпиадалық, ұлттық және олимпиадалық емес спорт түрлері толық қамтылған.Жоба «Ашық НҚА» порталында жарияланды.     Посмотреть эту публикацию в Instagram           Публикация от ҚР Туризм және спорт министрлігі (@turizm_sport_ministrligi) Ақпарат көзі : https://www.gov.kz/memleket/entities/zhetysu-pcsport/press/news/details/967438?lang=kk

Қазақстанның Әзербайжандағы Елшілігінің қатысуымен Бакудағы «Evrika» халықаралық лицейінде түркі елдерінің мәдениеттеріне арналған іс-шара өтті.Іс-шараның басында көрме ұйымдастырылды. Мектеп оқушылары түркі әлемінің түрлі елдерінің, соның ішінде Қазақстан, Әзербайжан, Түркия, Қырғызстан, Өзбекстан, және Түрікменстанның ұлттық киімдері, тағамдары мен көрме стендтерін паш етті.Іс-шараның мәжіліс залда өткізілген мәдени бөлігі аясында әр елдің ұлттық билері, сондай-ақ қазақ халық биі көпшілікке ұсынылды.Ақпарат көзі : https://www.gov.kz/memleket/entities/mfa-baku/press/news/details/967413?lang=kk

Қазақстанның Әзербайжандағы Елшілігінің қатысуымен «Kaspi» халықаралық мектебінде Наурыз мерекесіне арналған іс-шара өтті.Оқу кабинеттерінде тақырыптық көрмелер ұйымдастырылып, оқушылар әлемнің түрлі елдерінің, олардың арасында Қазақстан, Әзербайжан, Түркия, Қытай, Үндістан, Түрікменстан, Тәжікстан, және Өзбекстанның мәдениеті мен дәстүрлері туралы презентациялар өткізді.Іс-шара қонақтарын қазақ тілінде қарсы ала отырып, төртінші сынып оқушылары Қазақстанның ұлттық дәстүрлері мен көрікті жерлері туралы айтып беріп, Қазақстан туралы бейнеролик көрсетті, сондай-ақ «Қара жорға» қазақ халық биін орындады.Іс-шара аясында Елшілік қызметкерлері Қазақстан туралы қысқаша презентация өткізіп, Әзербайжан оқушыларының еліміздегі Наурызды тойлау дәстүрлері туралы сұрақтарына жауап берді.Ақпарат көзі : https://www.gov.kz/memleket/entities/mfa-baku/press/news/details/967411?lang=kk

Қазақстан Республикасының Қаржы нарығын реттеу және дамыту агенттігі (бұдан әрі – Агенттік) «Инвестициялық қорлар туралы», «Қазақстан Республикасының кейбір заңнамалық актілеріне инвестициялық қорлардың қызметі мәселелері  бойынша өзгерістер мен толықтырулар енгізу туралы» және «Қазақстан Республикасының Әкімшілік құқық бұзушылық туралы кодексіне өзгерістер енгізу туралы» Қазақстан Республикасы Заңдарының жобаларын (бұдан әрі - Заң жобалары) әзірледі.Заң жобалары Қазақстан Республикасының 2029 жылға дейінгі Инвестициялық саясат Тұжырымдамасының 3-бағытының 38-тармағын орындау шеңберінде әзірленді. Оған сәйкес ұжымдық инвестициялар нарығын дамыту және оны үздік халықаралық тәжірибеге сәйкестендіру көзделген.Заң жобалары «Қазақстан Республикасы Үкіметінің заң шығару жұмысының қағидаларын бекіту туралы» Қазақстан Республикасы Үкіметінің 2016 жылғы 29 желтоқсандағы № 907 қаулысына сәйкес әзірленді және ішкі әрі шетелдік инвестицияларды тарту үшін жағдайлар жасауға, біліктілігі жоқ инвесторлардың мүдделерін қорғауды жақсартуға және инвестициялық қорлардың ашықтығын арттыруға бағытталған.Заң жобаларының толық мәтінімен «Ашық НҚА» интернет-порталында және Агенттіктің ресми интернет-ресурсында танысуға болады. Сыртқы коммуникациялар Басқармасы+7 (727) 237 10 89 press@finreg.kzАқпарат көзі : https://www.gov.kz/memleket/entities/ardfm/press/news/details/967401?lang=kk

Қосшы қаласының әкімі Азамат Қапышевтің төрағалығымен терроризмге қарсы комиссияның 2024 жылғы алғашқы отырысы өтті.Жиын барысында қалалық полиция бөлімі мен білім бөлімі тарапынан есептер тыңдалып, қаладағы қауіпсіздік жағдайы, алдын алу шаралары бағытында атқарылып жатқан жұмыстар талқыланды.Ақпарат көзі : https://www.gov.kz/memleket/entities/aqmola-kosshy/press/news/details/967400?lang=kk

Үкімет отырысында цифрлық даму, инновациялар және аэроғарыш өнеркәсібі министрі Жаслан Мәдиев мемлекеттік қызметтерді дамыту және цифрландыру жөніндегі шаралар туралы баяндады. Атап айтқанда, ол бүгінгі таңда барлық мемлекеттік қызметтің 92%-ын қашықтан алуға болатынын хабарлады. Сонымен қатар статистика көрсеткендей, азаматтар көбінесе ол қызметтерге смартфондар арқылы – 90% жүгінеді.«2024 жылы 341 млн қызмет көрсетілді, оның 91%-ы электронды түрде ұсынылды. Қызметтердің басым бөлігі проактивті түрде көрсетілуде – яғни, Халыққа қызмет көрсету орталығына бармай-ақ жүзеге асады. Біз eGov арқылы онлайн қызмет көрсетуге монополияны жойып, негізгі қызметтерді танымал финтех платформаларға шығардық. Бұл халықтың цифрлық сервистерге қол жеткізуін арттырды. Қазақстандықтар QR-қолтаңба мен биометриялық сәйкестендіру технологияларын сенімді түрде меңгеріп, күнделікті қолданып жүр. Цифрлық құжаттар сервисі ерекше танымал болды – бір жылда 292 млн рет қолданылды», — деп атап өтті министр.Оның айтуынша, елімізде мемлекеттік қызметтерді жетілдіру мәселелері өмірлік жағдайлармен байланыстыра отырып қарастырылады. Әрбір жағдайға проактивті цифрлық шешімдер ұсынылды, және алғашқы нәтижелер байқалуда. Мысалы, бала дүниеге келген кезде азаматтар енді құжаттарды ресімдеуге, еңбекке жарамсыздық парағын алуға немесе жәрдемақы рәсімдеуге уақыт жұмсамайды. Барлығы автоматты түрде смартфон арқылы шешіледі. Астана қаласы мен Ақмола облысында жаңа туған нәрестелерге ЖСН-ді автоматты түрде тағайындау сынақтан өтті.Бұдан бөлек, Тараз қаласында балабақшаға қабылдау кезінде ваучерлік қаржыландыру тетігі сынақтан өткізілді. Нәтижесінде кезек 92%-ға қысқарды (23 мыңнан 1,8 мыңға дейін). Бұл тәсілдерді бүкіл өңірлерге кеңейту ұсынылып отыр.Жаслан Мәдиев Оқу-ағарту министрлігімен бірлесіп, мектепке қабылдау кезінде қағазбастылықты толық жою бойынша жұмыс аяқталғанын айтты. Оған қоса «Әлеуметтік әмиян» енгізілді – бұл тегін тамақтандыруды бақылауға, жалған мәліметтерді болдырмауға және бюджет қаражатын тиімді пайдалануға мүмкіндік береді. Жоба еліміздің барлық мектептеріне енгізіліп жатыр.«Біздің бүкіл жұмысымыз үш негізгі қағидатқа негізделеді: проактивтілік, қолжетімділік және мерзімділік. eGov Mobile қосымшасына қысқаша тоқтала кетейін. Бүгінде бұл жай ғана портал емес, азаматтардың күнделікті өміріндегі нағыз цифрлық көмекшісі. Тек өткен жылы қазақстандықтарға 36 млн хабарлама жіберілді: құжаттардың жарамдылық мерзімінің аяқталуы туралы ескертуден бастап, мектепке қабылдау, жәрдемақы тағайындау, грант беру, туған күн және үйлену тойы туралы құттықтауларға дейін. Біз eGov Mobile-ды дамытуда оны қарапайым әрі ыңғайлы етуге назар аударудамыз», — деді министр.Жаслан Мәдиев мәлімдегендей былтыр елімізде келесідей танымал қызметтер іске қосылды: «Ұлттық қор – балаларға», «Стоп-кредит», «Көлік иелену тарихы», «Құмар ойындарға қатысудан ерікті түрде бас тарту» және басқалары. Мәселен, қазір жүргізуші куәлігін екі батырманы басу арқылы жылдам ауыстыруға болады – бұл сервисті 7 мыңнан астам қазақстандық пайдаланған.«Бүгіннен бастап тағы бір цифрлық мүмкіндік іске қосылды — көлік иелеріне хабарлама жіберу қызметі. Егер сіз терезесі ашық қалған немесе жолға кедергі келтіріп тұрған көлікті байқасаңыз, мемлекеттік нөмірді теріп, қажетті тетікті таңдап, бассаңыз жеткілікті. Көлік иесіне анонимді хабарлама жіберіледі. Бұл сервис өзара көмектесу мен азаматтық жауапкершіліктің құралына айналады деп сенеміз. Жоба Ішкі істер министрлігімен бірлесіп жүзеге асырылды», — деді ол.e-Otinish деректерін талдау көрсеткендей, өтініштердің едәуір бөлігі іс жүзінде «жасырын» мемлекеттік қызметтерге жататын типтік жағдайларға қатысты. Бұл мәселені жүйелі түрде шешу үшін «Мемлекеттік қызметтер туралы» заңға тиісті өзгерістер енгізілді.Бірдей және жиі қайталанатын жағдайларды анықтау критерийлері бойынша арнайы әдістеме бекітілді. Нәтижесінде 140 қызмет «заңдастырылды». Осы процесс мемлекеттік органдардың тұрақты жұмысына айналуы тиіс. Бұл тек e-Otinish жүктемесін азайтып қана қоймай, мемлекет пен азамат арасындағы өзара іс-қимылды ашық әрі болжамды етеді.Министрлік әрі қарай дамыту бағытын анықтау үшін eGov-тың қазіргі жағдайына талдау жүргіді. eGov порталы 2013 жылғы технологиялар негізінде құрылған және өзінің мүмкіндігінің шегінде жұмыс істеуде: жаңартуларды енгізуде қиындықтар орын алады, жаңа функцияларды іске қосуда шектеулер бар, инфрақұрылымға түсетін жүктеме артып келеді, сервистердің қолжетімсіздігі тіркелуде. Осы жағдайларды назарға алып, министрлік eGov-ты жаңа технологиялық шешімдер негізінде жаңғыртуға кірісті. Қызметтерді қайта құрастыру жүргізілуде – бұл оларды бірнеше батырма басу арқылы алуға мүмкіндік береді.Бұдан бөлек, электрондық үкімет шлюзі жаңартылды, интеграциялау процестері жақсарды. 2000 пайдаланушыдан тұратын фокус-топта тестілеуден өтіп жатқан виртуалды AI-ассистент құрылды. Жаңғырту көру қабілеті нашар және зағип азаматтар үшін дауыстық және мәтіндік навигация арқылы eGov-қа қолжетімділік береді. Сондай-ақ әрекетке қабілетсіз тұлғалардың қамқоршылары үшін мүмкіндіктер кеңейтіледі. Осы қадамдар инклюзивті, орнықты және заманауи цифрлық платформаны құруға бағытталған.«Біз мемлекеттік сервистерді бизнестің қажеттіліктеріне сай етудеміз. Негізгі цифрлық құрал – eGov Business – оның аудиториясы тұрақты түрде өсіп келеді. Бұл қосымшада автоматтандырылған шешімдердің толық пакеті бар: жеке кәсіпкерді тіркеу,салық күнтізбесі, сертификаттар, электрондық қол қою. Тәуекелдерді басқару жүйесі енгізілген – ол деректерді талдап, кәсіпкерлерді ықтимал тексерулер туралы алдын ала ескертеді», — деді министр.Сондай-ақ оның айтуынша, нақты қызмет түрлері бойынша барлық нормативтік құжаттар мен ережелерді қамтитын «Міндетті талаптар тізілімі» модулі қолжетімді. Бұл бұзушылықтар қаупін азайтады және бизнестің құқықтық сауаттылығын арттырады. Болашақта жаңа сервистер іске қосылады: әлеуетті клиенттерді іздеу, нарықтық аналитика, сұранысты мониторинг. Барлығы — кәсіпкерлікті қолдау мен дамыту үшін.Белсенді цифрландыру аясында ХҚКО-ларға түсетін жүктеме азайып келеді. 2024 жылы ХҚКО операторлары 15,2 млн қызмет көрсетті. Сонымен бірге өтініштердің 80%-ы он қызметке тиесілі.«Біз мемлекеттік органдармен бірлесіп, бұл қызметтерді автоматтандыру және баламасыз, тек онлайн форматқа көшіру бойынша жол картасын әзірледік. Бірінші кезеңде: жеке куәлікті ауыстыру, электронды цифрлық қолтаңба беру, еңбек мигранттарына рұқсат беру қызметтері. Келесі кезекте тіркеу қызметтері: көлік, жылжымайтын мүлік, жерге қатысты құжаттар көшіріледі. Мақсатымыз – жыл соңына дейін халыққа қызмет көрсету орталығының жүктемесін 50%-ға дейін азайту. Осыған байланысты мүдделі мемлекеттік органдарға жол карталарын уақтылы және сапалы іске асыруды тапсыруды сұраймын», — деп атап өтті Жаслан Мәдиев.Министрдің айтуынша, бүгінде ең сұранысқа ие қызметтердің бірі – жеке куәлікті ауыстыру. Бұрын азаматтарға Халыққа қызмет көрсету орталығына барып, фотоға түсуі және кезекте тұруы қажет болатын. Айдың соңына дейін бұл процесс толығымен онлайн форматқа көшіріледі.«Біз процестерді сәтті сынақтан өткіздік және фотосуреттің талаптарға сәйкестігін маманның орнына AI-модель бағалайтын жүйені оқытуды аяқтап жатырмыз. Процесс барынша қарапайым: идентификациядан өту, фото мен қолтаңбаны жүктеу, онлайн төлем жасап, құжат дайын болғаны туралы SMS-ті күту. Кезексіз, үйден шықпай-ақ қызмет ала аласыз. Қорытындылай келе, айтылған жоспарлардың барлығы әрбір қазақстандықтың мүддесіне сай мемлекеттік қызмет көрсету саласына оң әсер етеді деп санаймын», — деп түйіндеді Жаслан Мәдиев.Ақпарат көзі : https://www.gov.kz/memleket/entities/turkestan-tolebi-audany/press/news/details/967389?lang=kk

ҚР Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті Kozybayev University студенттеріне «Адалдық сағатын» өткізді.Төрт жүзге жуық қатысушыны жинаған іс-шара «Заң мен тәртіп» нарративін ілгерілетудегі, сондай-ақ жастар арасында адалдық пен парасаттылық қағидаттарын нығайтудағы маңызды қадам болды.Облыстық департамент басшысының бірінші орынбасары Алмат Мырзалиев жастар арасында парасаттылық мәдениетін қалыптастырудың маңыздылығын атап өтіп, сыбайлас жемқорлыққа қарсы ведомство қызметінің негізгі бағыттарына егжей-тегжейлі тоқталып, қатысушылардың назарын құқық қорғау органына түсу үшін қажетті талаптарға ерекше назар аударды.Өз кезегінде университет басшылығы оқушыларды моральдық-адамгершілік тәрбиелеу бойынша жүргізіліп жатқан жұмыстар, оның ішінде оқу орнының қабырғасында академиялық адалдық қағидаттарын бекіту және оқу процесінің ашықтығын арттыруға және құқық бұзушылықтардың алдын алуға бағытталған тәжірибелерді енгізу бойынша комплаенс-қызметтің қабылдап жатқан шаралары туралы хабардар етті.Ақпарат көзі : https://www.gov.kz/memleket/entities/anticorruption-sko/press/news/details/967385?lang=kk

ҚОШ КЕЛДІҢ, ӘЗ-НАУРЫЗ!Ұлыстың Ұлы күні, Әз-Наурыз мерекесіне орай, Егінді ауылының орталық көшесінде «Әз-Наурыз – игіліктер бастауы» атты мерекелік көпшілік шарасы өтті.Күн мен түн теңелетін айтулы мерекеге жиналған қауымды Қыдыр Ата ақ батасына бөледі. Ауыл әкімі Мұрат Бейсекейұлы жиналған көпшілікті мерекемен құттықтап, ақ тілегін білдірді. Халыққа әсем ән мен мың бұралған бишілердің өнері тарту етілді. Әз-Наурыз ән мен жырға қосылып, баталы тілекке арқау болды. Тігілген киіз үйде ақ дастархан жайылып, салт-дәстүр үлгілері көрсетілді. Сахна төрінде ауыл көшелері арасында сайыс өтті, ауыл тұрғындары өз өнерлерін көрсетіп, ән айтып, би билеп, салт дәстүр үлгілерін көрсетті.Осы күні қазақ күресі, қол күресі, тай жарыс, арқан тарту, жілік сындыру, кір тасын көтеру сайыстары өтіп, білекті жігіттер тартысты додаға түсті.Мерекеге жиналған қалың қауым той-думан қызықтарын тамашалап, бір-бірімен қуана қауышып, ұлттық дәмнен ауыз тиіп жатты.Бұл күн әрбір жанға жылулық пен көңіл бөлуді, ұрпақтар мен мәдениеттерді біріктіретін нағыз халықтық мейрамның шынайы рухын сыйлады.Ақпарат көзі : https://www.gov.kz/memleket/entities/karaganda-nurinsk-egindi/press/news/details/967380?lang=kk

Орналастыру күніХабарландыру01.04.2025 «WF Waterfoll.kz» ЖШС-і «Аумақты абаттандыру және Қарабатандағы Вотерфолл қоймалау алаңдарына кірме жолды орнату» жұмыс жобасына экологиялық әсер ету рұқсатын алу үшін «Қоршаған ортаны қорғау» бөлімі бойынша ашық жиналыс түріндегі қоғамдық тыңдаулар өткізу туралы хабарлайды.Қоғамдық тыңдаулар 2025 жылы 6 мамырда сағат 15:00-де Атырау қаласы, Абай көшесі 5 («Каспиймұнайгаз «ҒЗЖИ» АҚ» акт залы) мекенжайы бойынша өтеді.Көзделіп отырған қызмет аумағының орналасу координаттары: ендік: 47°19.803'С, бойлық: 52°14.645'ВСонымен қатар ZOOM платформасы арқылы бейнеконференция онлайн режимінде де өткізілетін болады.Сілтеме:https://us02web.zoom.us/j/2102804655?pwd=MmREcXd2Ry9nOStSSlZIMTc1VitCdz09&omn=87127132797Конференция идентификаторы: 210 280 4655Кіру коды: 123456Тапсырыс беруші – «WF Waterfoll.kz» ЖШС-і, 060000, Атырау қ., Жилгородок шағынауданы, №1 өткел, 1А үй. БСН 240640020699, 8-701-099-0901.Экологилық құжаттама пакетін әзірлеуші - «Каспиймұнайгаз «ҒЗЖИ» АҚ», 060007, Атырау қ., Абай көшесі 5, БСН 011040002347, 8(7122) 99-28-04.Жергілікті атқарушы органның электрондық және пошталық мекенжайы: Атырау облысының «Табиғи ресурстар және табиғат пайдалануды реттеу басқармасы», Айтеке би көшесі 77, электрондық мекен-жайы - atr.priroda@atyrau.gov.kz, тел.: + 7 (7122) 32-55-09.Жоба бойынша құжаттама БЭП www.ecoportal.kz сайтында орналастырылған.Ескертулер мен ұсыныстар atr.priroda@atyrau.gov.kz электрондық мекенжай бойынша және www.ecoportal.kz.  сайтында қабылданады. Жоба Жоба Жоба Жоба Жоба бойынша құжаттамаға мүдделі жұртшылықтың ескертулері, ұсыныстары мүдделі жұртшылықтың ескертулеріне, ұсыныстарына тапсырыс берушінің жауаптарықоғамдық тыңдаулар хаттамасыАқпарат көзі : https://www.gov.kz/memleket/entities/atyrau-tabigat/press/news/details/967356?lang=kk

Құқық қорғау институтының кеңсесінде Қазақстан Республикасындағы Адам құқықтары жөніндегі уәкіл Артур Ластаев Еуропалық Одақтың Орталық Азия бойынша арнаулы өкілі Эдуардс Стипрайс.Кездесу барысында тараптар адам құқықтарын қорғау саласындағы өзекті мәселелерді, Қазақстан мен Еуропалық Одақ арасындағы ынтымақтастықты, сондай-ақ азаматтық қоғам институттарын дамыту мен құқықтық ағарту бағытындағы әріптестіктің перспективаларын талқылады.«Қазақстан үшін Еуропалық Одақпен ынтымақтастық – адам құқықтарын қорғау саласындағы басым бағыттардың бірі. Біз озық халықаралық тәжірибені ұлттық құқық қорғау жүйесіне енгізуге және тиімді тәжірибе алмасуға ерекше мән береміз», – деп атап өтті Артур Ластаев.Кездесу қорытындысы бойынша тараптар екіжақты байланысты одан әрі нығайтуға және азаматтардың құқықтары мен бостандықтарын қорғауға бағытталған бірлескен бастамаларды жүзеге асыруға дайын екендіктерін растады.Ақпарат көзі : https://www.gov.kz/memleket/entities/ombudsman-karaganda-oblysy/press/news/details/967775?lang=kk

Сәуір айында елімізде туризм саласында түрлі форматтағы іс-шаралар өтеді. Әр өңірде ішкі және келу туризмін дамытуға бағытталған көрмелер, фестивальдер, оқыту семинарлары және басқа да іс-шаралар өткізу жоспарланған.✅Алматы: 23-25 сәуір күндері Алматыда айдың басты туристік іс-шарасы – 23-ші халықаралық KITF-2025 туристік көрмесі өтеді. Оған еліміз бен шетелдің туризм саласындағы жетекші өкілдері қатысады.✅Шымкент: Қалада қызғалдақтың символын дәріптейтін «Қызғалдақ жолы» фестивалі өтеді. Бағдарлама аясында театрландырылған қойылым, шеру және жәрмеңке өткізу көзделген.✅Түркістан облысы: 15 сәуірде Түркі әлемінің рухани астанасы – Түркістандағы этноауылда дәстүрлі неке қию рәсімі – Neke Tour атты ерекше шара өтеді.✅Ақмола облысы (Бурабай):Бурабайда туризмді дамытуға бағытталған бірқатар семинар мен тренинг ұйымдастырылады:* Туризмдегі маркетинг* Экотуризмді дамыту* Гастротуризм негіздері* Агротуризм – өңір дамуының факторы* Экскурсоводтың негізгі дағдылары✅Шығыс Қазақстан облысы: 19-20 сәуір күндері Өскемен қаласындағы «Титан» спорт кешені базасында «Шығыс арғымақ» көрмесі өтеді. Бұл іс-шара ат туризмінің үздік тәжірибелерін ұсынуға бағытталған. Атқа міну өнерін насихаттау арқылы ұлттық мәдениетті дәріптеу және белсенді демалысты дамыту көзделген.Ақпарат көзі : https://www.gov.kz/memleket/entities/tourism/press/news/details/967314?lang=kk

Шахтинск қаласында сыбайлас жемқорлыққа қарсы іс-қимыл жөніндегі қалалық комиссияның отырысы болып өтті, оның аясында өңірдегі сыбайлас жемқорлыққа қарсы саясаттың негізгі мәселелері талқыланды. Іс-шараға мемлекеттік органдардың, білім беру және мәдениет мекемелерінің өкілдері қатысты.Отырыстың негізгі тақырыптары:✅ «Білім беру саласындағы сыбайлас жемқорлыққа қарсы саясат» тақырыбы бойынша «Шахтинск қаласының білім бөлімі» ММ басшысы және «Шахтинск технологиялық колледжі» КМҚК директоры білім беру мекемелерінде ашықтық пен адалдықты қамтамасыз етуде қабылданатын шаралар туралы баяндамалар ұсынды. Оқушылар мен педагогтар арасында сыбайлас жемқорлық тәуекелдерінің алдын алу және құқықтық сауаттылықты арттыру тетіктері талқыланды.✅ «Сыбайлас жемқорлықтың алдын алу жөніндегі жобаны іске асыру» тақырыбы бойынша «Шахтинск қаласының ішкі саясат бөлімі» ММ басшысы сыбайлас жемқорлық құқық бұзушылықтардың алдын алуға бағытталған іс-шаралар топтамасын ұйымдастыру бойынша мемлекеттік әлеуметтік тапсырысты іске асыру туралы есебін ұсынды. Отырысқа қатысушылар өткізілетін акциялардың тиімділігін және профилактикалық жұмыс форматтарын кеңейту мүмкіндігін талқылады.✅Сыбайлас жемқорлыққа қарсы мәдениетті насихаттау халық арасында сыбайлас жемқорлыққа қарсы сананы қалыптастыру әдістері туралы «Шахтинск қаласының мәдениет, тілдерді дамыту, дене шынықтыру және спорт бөлімі» ММ басшысы баяндап берді. Атап айтқанда, тақырыптық іс-шараларды, байқаулар мен ағартушылық бағдарламаларды өткізу бойынша жаңа бастамалар ұсынылды.📌 Отырыс қорытындысы бойынша өңірдегі сыбайлас жемқорлыққа қарсы саясатты одан әрі нығайтуға бағытталған ұсынымдар мен ұсыныстар әзірленді. Ашық және адал қоғам қалыптастыру-біздің ортақ міндетіміз!Ақпарат көзі : https://www.gov.kz/memleket/entities/karaganda-shahtinsk/press/news/details/967307?lang=kk