Қазақстан Республикасы Қаржы министрлігінің Мемлекеттік кірістер комитеті қазіргі уақытта Ақтөбе облысы бойынша МКД «Жайсан» автомобиль өткізу пунктінде (Ресей Федерациясының Орынбор облысындағы шектес «Илецк-1» өткізу пункті) Қазақстан-Ресей шекарасы учаскесінде көлік құралдарының көптеп шоғырлануы байқалып отырғанын хабарлайды.📢 Осыған байланысты тасымалдау процесіне қатысушылармен, кеден өкілдерімен, тасымалдаушылармен және сыртқы экономикалық қызметке қатысушылармен жоғарыда аталған өткізу пунктінде ұзақ уақыт кідірістер мен тоқтап қалуларды болдырмау мақсатында Ресей Федерациясы бағытына және/немесе оның аумағы арқылы өтетін баламалы маршруттарды таңдау жөнінде түсіндіру жұмыстарын жүргізу қажет.✅ Қалыптасқан жағдай толық реттелгенге дейін Комитет балама ретінде көлік құралдарының қозғалысын «Әлімбет» өткізу пункті арқылы жүзеге асыруды ұсынады.📍 Маршруттарды жоспарлау кезінде аталған ақпаратты ескерулеріңізді сұраймыз.Ақпарат көзі : https://www.gov.kz/memleket/entities/kgd-karaganda/press/news/details/1237454?lang=ru

Алакөл ауданы бойынша Мемлекеттік кірістер басқармасының қызметкерлері жүргізген рейдтік іс-шаралар барысында кәсіпкерлік субъектілерінің бірі контрафактілік темекі өнімдерін өткізгені анықталды.Тексеру барысында Қазақстан Республикасының қолданыстағы заңнамасына сәйкес сәйкестендіру құралдарымен (таңбалау кодтарымен) таңбаланбаған 1 135 қорап темекі өнімі анықталып, тәркіленді.Осы факті бойынша материалдар сот органдарына қарау және тиісті процестік шешімді қабылдау үшін жіберілді.Темекі өнімдеріне (сәйкестендіру құралдарына) салынған кодтардың түпнұсқалығын «NAQTY ONIM» мобильді қосымшасының көмегімен тексеруге болады.Ақпарат көзі : https://www.gov.kz/memleket/entities/kgd-zhetysu/press/news/details/1237487?lang=ru

ТАУАРЛАРДЫ ТАҢБАЛАУ НЕ ҮШІН ҚАЖЕТ?Өнімнің түпнұсқалығын растауТауардың қозғалысын толық қадағалауТұтынушылардың құқықтарын қорғауКөлеңкелі нарықпен күресуТаңбалау — тауарлардың қауіпсіздігі, сапасы және оларға деген сенімнің кепілі.Ақпарат көзі : https://www.gov.kz/memleket/entities/kgd-kostanay/press/news/details/1237498?lang=ru

2026 жылдың 8 маусым күні аудандық мәслихаттың тұрақты комиссиясын ашып жүргізген мәслихат депутаты Е.Мергалиев. Отырысқа аудан әкімінің орынбасары Д.Имашев, бөлім басшылары қатысты.Күн тәртібінің «Бөрлі ауданы әкімдігінің және Бөрлі аудандық мәслихатының  «Бөрлі ауданы жолаушыларының жекелеген санаттарының қала ішіндегі қоғамдық көлікте (таксиден басқа) жеңілдікпен жол жүруі туралы» бірлескен қаулы мен шешіміне өзгеріс енгізу туралы» және «Бөрлі аудандық мәслихатының «Бөрлі ауданы бойынша халық үшін тұрмыстық қатты қалдықтарды жинауға, тасымалдауға және көмуге арналған тарифтерді бекіту туралы» шешіміне өзгерістер енгізу туралы» мәселелер бойынша тұрғын үй коммуналдық  шаруашылығы жолаушылар көлігі және автомобиль жолдары бөлімінің басшысы Б.Карагойшин баяндады. Депутаттар жолауышыларды тасымалдайтын тарифтер, тұрмыстық қатты қалдықтарды жинауға жеңілдіктер бойынша сұрақтар қойып, жауаптар алды.Бөрлі аудандық округтік және учаскелік сайлау комиссиялар бойынша мәслихат аппаратының басшысы Б.Мукашева баяндады.Күн тәртібіндегі барлық мәселелер кезекті сессия отырысына енгізілді.Ақпарат көзі : https://www.gov.kz/memleket/entities/burlin-maslihat/press/news/details/1237499?lang=ru

2026 жылдың 8 маусым күні аудандық мәслихаттың кезекті ХХХV сессиясын мәслихат төрағасы К.Ермекбаев ашып, жүргізді. Сессияға аудан әкімі Е.Ихсанов, облыстық мәслихатының депутаты Ж.Курманкулов, аудан әкімінің орынбасары, аудан әкімі аппаратының басшысы, бөлім басшылары, қала және ауылдық округ әкімдері, бұқаралық ақпарат құралдары өкілдері қатысты.Сессияда «2025 жылға арналған аудандық бюджеттің атқарылуы туралы» экономика және қаржы бөлімінің басшысы Г.Шамгонова баяндады. Депутаттар аудандық, Ақсай қаласы және ауылдық округтердің 2025 жылға арналған  бюджеттің атқарылуы туралы есептерін бекітті.Сонымен қатар, Бөрлі ауданы әкімдігінің және мәслихатының «Бөрлі ауданы жолаушыларының жекелеген санаттарының қала ішіндегі қоғамдық көлікте (таксиден басқа) жеңілдікпен жол жүруі туралы» бірлескен қаулы мен шешіміне,   «Бөрлі ауданы бойынша халық үшін тұрмыстық қатты қалдықтарды жинауға, тасымалдауға және көмуге арналған тарифтерді бекіту туралы» мәслихат шешіміне өзгерістер енгізіліп, бекітілді.Бұдан бөлек, сессияда округтік және учаскелік сайлау комиссиялар бойынша мәслихат аппаратының басшысы Б.Мукашева баянады.ҚР «Қазақстан Республикасындағы жергілікті мемлекеттік басқару және өзін-өзі басқару туралы» 11- бабына сәйкес, мәслихаттың сессия жұмысына үзіліс жарияланды.Ақпарат көзі : https://www.gov.kz/memleket/entities/burlin-maslihat/press/news/details/1237507?lang=ru

Қазақстан Республикасы Үкіметінің қаулысымен Бекболат Серікұлы Молдабеков ұлттық экономика вице-министрі қызметіне тағайындалды. Ол бұрын атқарған қызметінен босатылды.  Бұл туралы ҚР Үкіметінің Баспасөз қызметі хабарлайды. Ақпарат көзі : https://www.gov.kz/memleket/entities/economy/press/news/details/1237541?lang=ru

2026 жылғы I тоқсанның қорытындысы бойынша Қазақстанда экономиканың бірқатар негізгі салаларында жұмыспен қамтылғандар саны артты.Өткен жылдың сәйкес кезеңімен салыстырғанда өнеркәсіпте, құрылыста, білім беру саласында, сондай-ақ денсаулық сақтау және халыққа әлеуметтік қызмет көрсету саласында өсім байқалды.Жұмыспен қамтылғандардың ең көп үлесі бұрынғысынша көтерме және бөлшек сауда, сондай-ақ автомобильдер мен мотоциклдерді жөндеу саласына тиесілі. Бұл салада 1 571,4 мың адам жұмыс істейді, бұл жұмыспен қамтылған халықтың жалпы санының 16,7% құрайды.Білім беру саласында 1 251,0 мың адам жұмыспен қамтылған, бұл өткен жылдың сәйкес кезеңімен салыстырғанда 0,5% артық.Өнеркәсіп саласында жұмыскерлер саны 1 185,7 мың адамға жетіп, 2,0% артты. Оның ішінде тау-кен өндіру өнеркәсібі және карьерлерді қазу саласында 298,3 мың адам жұмыспен қамтылған, бұл 2025 жылғы I тоқсанмен салыстырғанда 3,4% көп.Жұмыспен қамтылғандар саны құрылыс саласында да өсіп, 643,8 мың адамды құрады. Өңдеу өнеркәсібінде 624,8 мың адам, ал денсаулық сақтау және халыққа әлеуметтік қызмет көрсету саласында 616,7 мың адам жұмыс істейді. Көлік және қоймалау саласында 663,2 мың адам жұмыспен қамтылған.Жалпы, 2026 жылғы I тоқсанның қорытындысы бойынша халықты жұмыспен қамту құрылымы тұрақты сақталып, экономиканың негізгі салаларының басым бөлігінде жұмыспен қамтылғандар санының оң динамикасы жалғасуда.

Былтыр қазан айында өткен Парламенттік реформа жөніндегі жұмыс тобының алғашқы отырысында мен толыққанды e-Parliament жүйесін енгізу мәселесін көтерген едім.Қазақстан e-Government, яғни Электрондық үкіметтің даму деңгейі бойынша жаһандық рейтингте әлемдегі үздік 25 елдің қатарына кірді. Енді Электрондық Парламентті қалыптастыруға және дамытуға көп күш-жігер жұмсауымыз қажет.Жаңадан сайланған депутаттар заң шығару ісінде болжамды сараптамаға, Үлкен дерекқорды басқару арқылы кез келген шешімнің экономикалық салдары мен әлеуметтік тәуекелдерін модельдеуге баса мән беруі керек.Маңызды заң жобаларын сарапшылармен және жауапты қоғам белсенділерімен бірге талқылаған жөн. Цифрлық құралдарды пайдалану қажет. Бұл пікірталасқа қатысушылар санын көбейтіп, мәселені нағыз қоғамдық талқыға салуға мүмкіндік береді.Құрылтай жалпыұлттық деңгейдегі ашық диалог алаңы ретінде қызмет етіп, қоғамды толғандырған өзекті мәселелерге дер кезінде назар аударуы қажет.Бұл – азаматтардың дәйекті өтініштері міндетті түрде ескеріліп, нақты нормативтік-құқықтық актілерді қабылдау арқылы мемлекеттік мекемелерге тиісті тапсырмалар берілуі керек деген сөз».Мемлекет басшысы:«Шын мәнінде, тиімді жұмыс істейтін қоғамдық институттары болса ғана, Озық және Әділетті мемлекет қалыптасады.Сол себепті, мен жаңа конституциялық орган – Қазақстан Халық Кеңесін құруды ұсындым. Қазақстан Халық Кеңесі мәслихаттардың, қоғамдық кеңестердің, сарапшылар алаңы мен азаматтық қоғам ұйымдары өкілдерінің басын біріктіреді.Бұрын Қазақстан халқы ассамблеясына тиесілі болған қызметтік міндеттер енді Халық кеңесіне өтеді. Осылайша, құрылым форматы өзгергенімен, жалпыұлттық бірлігіміздің мәні ішкі саясатымыздың маңызды бағыты ретінде сақталады.Халық Кеңесі – тарихымызда алғаш рет конституциялық деңгейде құрылған диалог алаңы. Көпұлтты және әралуан Қазақстанымыздың символы.Бұрын шашыраңқы болған құрылымдар заң шығару бастамасын көтеру құқығына ие болатын Жоғары консультативтік органның аясына бірігеді. Демек, халықтың үніне құлақ асу мемлекеттік саясаттың ажырамас бөлігіне айналады.Елімізде жүргізілген реформалардың ең басты нәтижесі – азаматтардың маңызды мемлекеттік шешімдерді қабылдау үдерісіне қатыса алуы.Халықтың өз ықтиярын тікелей білдіру тетігі отыз жылға жуық уақыт бойы қолданылмай келді. Тек соңғы жылдары ғана саяси тәжірибемізге енді. 2022 жылдан бері ел тағдырына әсер ететін маңызды мәселелер бойынша үш рет жалпыұлттық референдум өтті.Бұл орайда менің ұстанымым бұрынғыдай: елдегі өзгерістердің иесі халық болуға тиіс. Алайда билік нақты бастамалар көтере алады әрі солай болуы керек.Қазірдің өзінде елімізде жүзеге асырылған реформалар билік институттарының орнықты тежемелік және теңгерім жүйесін қалыптастарды, мемлекеттік басқару сапасын арттырды деп сеніммен айта аламыз.Алайда реформалардың басты мақсаты – халықтың әл-ауқатын арттыру, өңір тұрғындарының тұрмыс сапасын жақсарту. Бұл үшін Үкімет, заң шығарушы орган, тұтас қоғам жұмыла еңбек етуі қажет».

Мемлекет басшысы Қасым-Жомарт Тоқаев Парламент Палаталарының бірлескен отырысында сөз сөйлеп, елдің қазіргі халықаралық жағдайдағы міндеттері, экономикалық тұрақтылықты сақтау, мемлекеттік басқару жүйесін жаңғырту және Қазақстанның жаңа даму кезеңіне өту бағыттары туралы айтты.Президент әлемдегі ахуалдың күрделеніп, тұрақсыздық деңгейінің артып отырғанын атап өтті. Оның айтуынша, бұл үрдістер жаһандық экономикаға айтарлықтай әсер етіп, көптеген мемлекеттердің даму жоспарларын жүзеге асыруына қосымша қиындықтар туғызуда.Соған қарамастан, Мемлекет басшысы қиындықтарға қарамастан алға қойған мақсаттардан бас тартуға болмайтынын жеткізді. Үкіметке экономиканың тұрақты дамуын қамтамасыз ету, инфляцияны төмендету және экономикалық өсім қарқынын сақтау міндеті қойылды.Президент мемлекеттік басқару жүйесін жаңғырту жұмыстары еліміз үшін жаңа тарихи кезеңнің басталуын білдіретінін атап өтті. Бұл өзгерістерді кезекті әкімшілік реформа ретінде емес, мемлекетті басқару моделін сапалы түрде жетілдіруге бағытталған ауқымды қадам ретінде бағалау қажет екенін айтты.Қасым-Жомарт Тоқаев Қазақстанның тәуелсіздігі мен егемендігін сақтай отырып, мемлекеттік институттарды одан әрі дамыту маңызды екенін атап өтті. Бұл үдеріс мемлекеттік қызметшілерді, ғалымдарды, сарапшыларды, қоғамдық ұйымдар мен халықаралық институттар өкілдерін қоса алғанда, қоғамның барлық саласының бірлескен еңбегін талап етеді.Мемлекет басшысы Қазақстанды үш жылдың ішінде дамыған цифрлық мемлекетке айналдыру міндеті қойылғанын еске салды. Елдің болашағы цифрландыру үдерістерін қаншалықты тиімді жүзеге асыра алатынына байланысты екенін атап өтті.Президент басты мақсат – азаматтардың әл-ауқатын арттыру, қауіпсіздігін қамтамасыз ету және өмір сүру сапасын жақсарту екенін айтты. Осы бағыттағы жұмыстарды жүйелі түрде жалғастыру үшін ел алдында тұрған ауқымды міндеттерді бірлесіп жүзеге асыру қажет екенін жеткізді.Сөз барысында Қасым-Жомарт Тоқаев мемлекеттік биліктің жаңа құрылымын қалыптастыру мәселесіне ерекше тоқталды. Ол қазіргі Парламент құрамының заң шығару саласында маңызды нәтижелерге қол жеткізгенін атап өтіп, депутаттардың Әділетті Қазақстан құру үдерісіне және жаңа Конституцияны әзірлеуге қосқан үлесін жоғары бағалады.Мемлекет басшысы депутаттардың конституциялық реформаларды жүзеге асыруға белсенді қатысып, жаңа құқықтық жүйені қалыптастыруға үлес қосқанын айтты. Қысқа мерзім ішінде Парламент жаңа Конституция талаптарына сәйкес заңнамалық базаны жаңартып, бірқатар маңызды заңнамалық актілерді қабылдады.Президент жаңарған мемлекеттік басқару моделінің негізінде «Күшті Президент – ықпалды Құрылтай – есеп беретін Үкімет» қағидаты қалыптасатынын атап өтті. Бұл жүйе билік тармақтарының тиімді жұмыс істеуіне, олардың жауапкершілігі мен өзара теңгерімді әрекет етуіне бағытталған.Сонымен қатар Қазақстан президенттік республика болып қала беретінін атап өткен Мемлекет басшысы Президенттің елдің тұрақтылығының, тәуелсіздігі мен аумақтық тұтастығының кепілі ретіндегі рөлі сақталатынын айтты.Жаңа кезеңде Құрылтайдың алдында заң шығару сапасын арттыру, бюрократиялық кедергілерді азайту, сарапшылардың әлеуетін тиімді пайдалану және заңнаманы заманауи талаптарға бейімдеу міндеттері тұр.Қасым-Жомарт Тоқаев цифрландыру мен жасанды интеллект дәуірінде мемлекеттік институттардың жылдам өзгерістерге бейімделуі аса маңызды екенін атап өтті. Қазақстанның жаһандық бәсекеге қабілеттілігі осы бағыттағы тиімді қадамдарға тікелей байланысты екенін жеткізді.Мемлекет басшысының айтуынша, ел дамуының жаңа кезеңінде басты басымдық – тұрақты экономика, тиімді мемлекеттік басқару, азаматтардың әл-ауқаты және тәуелсіз Қазақстанның болашағын нығайту.

 Мемлекет басшысы Қасым-Жомарт Тоқаев Парламент Палаталарының бірлескен отырысында сөз сөйлеп, еліміздің заң шығару органының отыз жылдан астам уақыттағы қызметіне, тарихи кезеңдердегі атқарған рөліне және алдағы мемлекеттік өзгерістерге тоқталды.Президент атап өткендей, бүгінгі бірлескен отырыстың тарихи мәні ерекше. Бұл – Тәуелсіз Қазақстанның дамуындағы тұтас бір дәуірді қорытындылайтын маңызды кезең. Парламенттің кезекті сессиясы аяқталып, ел мемлекеттіліктің жаңа кезеңіне қадам басып отыр.Мемлекет басшысы ертең Қазақстан Республикасының жаңа Конституциясы заңды күшіне енетінін атап өтіп, соған сәйкес мемлекеттік билік жүйесі де жаңа сипатқа ие болатынын айтты. Бұл өзгерістер елдегі тарихи сабақтастық пен мемлекеттіліктің үздіксіз дамуын көрсетеді.Қасым-Жомарт Тоқаев осыдан отыз жылдан астам уақыт бұрын құрылған тұңғыш кәсіби Парламенттің ел тарихындағы маңызды институттардың біріне айналғанын атап өтті. Жаңа институционалдық үлгіге көшкен заң шығарушы орган мемлекеттілікті нығайтуға, құқықтық негіздерді қалыптастыруға және нарықтық экономиканы дамытуға елеулі үлес қосты.Президенттің айтуынша, осы уақыт аралығында шамамен 3,5 мыңға жуық маңызды заң қабылданып, олардың әрбір оныншысына депутаттар бастамашы болған. Заң шығару жүйесінің қалыптасуына елімізге танымал саясаткерлер, мемлекет және қоғам қайраткерлері үлкен үлес қосты. Олардың еңбегі Қазақстан Парламентінің тарихында айрықша орын алады.Мемлекет басшысы Парламенттің әр кезеңде қоғам сұранысына бейімделіп, уақыт талабына сай жұмыс істегенін атап өтті. Заң шығарушы орган түрлі саланың кәсіби мамандарын біріктіріп, елде жоғары деңгейдегі парламенттік мәдениетті қалыптастырды. Бұл – Қазақстанның дамыған мемлекет ретінде қалыптасуының маңызды көрсеткіштерінің бірі.Президент қазіргі Парламент құрамының ең күрделі әрі шешуші кезеңде жұмыс атқарғанын ерекше атап өтті. Оның айтуынша, депутаттар ел өміріндегі ауқымды өзгерістердің бастауында болып, мемлекет үшін аса маңызды реформаларды жүзеге асыруға белсенді атсалысты.«Тек кейінгі үш жылдың өзінде 300-ден астам маңызды заң қабылданды. Олардың қатарында еліміздің болашақ дамуына негіз болатын конституциялық заңдар мен кодекстер бар», – деді Қасым-Жомарт Тоқаев.Мемлекет басшысы Қазақстанды жаңғырту бағытындағы реформалар экономикадан бастап қоғамдық құндылықтар жүйесіне дейінгі барлық саланы қамтығанын айтты. Осындай ауқымды өзгерістер кезеңінде жұмыс істеу үлкен жауапкершілік пен жоғары кәсіби дайындықты талап ететінін жеткізді.Президент барлық шақырылымдағы Мәжіліс пен Сенат депутаттарына ел мүддесіне адал қызмет еткені үшін алғыс білдірді. Ол қазіргі құрамның Қазақстанның жаңа тарихындағы ең нәтижелі Парламенттердің бірі болғанын атап өтіп, депутаттардың еңбегі ел жылнамасында сақталатынын айтты.Сонымен қатар Қасым-Жомарт Тоқаев уақыттың бір орында тұрмайтынын, қазіргі жылдам өзгеріп жатқан кезеңде жаңашыл әрі батыл шешімдер қабылдау қажеттігін атап өтті. Оның сөзінше, бұл – заман талабы және ел дамуының жаңа кезеңіне сай келетін міндет.Мемлекет басшысы Парламенттің тарихи жолы Қазақстанның эволюциялық дамуымен тығыз байланысты екенін айтып, алдағы өзгерістер елдің тұрақты дамуы мен мемлекеттіліктің нығаюына бағытталғанын жеткізді.

Цифрландыру және жасанды интеллект жылы аясында Астанада мемлекеттік органдардың бірінші басшылары мен облыс және қала әкімдерін біріктірген «Жасанды интеллект Қазақстан үшін: негіздер, мүмкіндіктер және практикалық қадамдар» атты стратегиялық семинар өтті.Семинардың мақсаты - жасанды интеллекттің қазіргі мүмкіндіктері мен оны мемлекеттік басқаруда, экономикада және әлеуметтік салада қолдану туралы ортақ түсінікті қалыптастыру, сондай-ақ басшыларды AI-трансформацияның үздік әлемдік тәжірибелерімен таныстыру болып табылады.Шараның негізгі баяндамашысы 01.AI негізін қалаушы және бас директоры, Қазақстан Республикасы Президенті жанындағы Жасанды интеллект жөніндегі кеңестің мүшесі, жасанды интеллект саласындағы әлемдегі ең беделді сарапшылардың бірі - доктор Кай-Фу Ли.Семинар барысында жасанды интеллекттің дамуындағы жаһандық трендтер, үлкен тілдік модельдерден AI-агенттерге көшу, ұйымдардың қызметіне ЖИ енгізу тәсілдері, сондай-ақ мемлекеттік басқару мен бизнестің тиімділігін арттырудың заманауи құралдары қарастырылды. Ұлттық AI-құзыреттіліктерді дамытуға, цифрлық егемендікке, инженерлік кадрларды даярлауға және жасанды интеллекттің жеке экожүйесін құруға ерекше назар аударылды.Оқу модульдерінің бірі Vibe Coding-ке арналды - жасанды интеллект цифрлық өнімдерді жасауда толыққанды көмекші болатын дамудың жаңа тәсілі. Бүгінгі таңда бұл тәсіл дәстүрлі даму процестерін өзгертіп, цифрлық шешімдерді жасауды тезірек және қолжетімді етуде.«Бүгінде әлем тарихымыздағы ең ауқымды технологиялық революцияның басында тұр. Біз чат-боттар дәуірінен AI-агенттер дәуіріне - жауап генерациялап қана қоймай, күрделі тапсырмаларды өз бетінше орындайтын, шешім қабылдауға көмектесетін және ұйымдардың жұмысын өзгерте алатын интеллектуалды жүйелер дәуіріне өтудеміз. Бұл технологияларды бүгіннен бастап енгізетін елдер алдағы жылдарда стратегиялық артықшылыққа ие болады», - деді доктор Кай-Фу Ли.Қазақстан Республикасы Премьер-Министрінің орынбасары - Жасанды интеллект және цифрлық даму министрі Жаслан Мәдиев жасанды интеллектті сәтті енгізу басшылардың өз жұмысында жаңа тәсілдерді қолдануға дайындығынан басталатынын атап өтті.Жаслан Мәдиев: «Жасанды интеллектті тек технологиялар арқылы енгізу мүмкін емес. Ең алдымен, басшылардың ЖИ қандай міндеттерді шеше алатынын, басқару процестерінің қалай өзгеретінін және қандай құралдарды бүгіннің өзінде іс жүзінде қолдануға болатынын түсінуі маңызды. Сондықтан да бірінші басшыларды оқыту - елдің AI-трансформациясының сәтті өтуінің басты шарттарының бірі», - деді.Іс-шара аясында Қазақстан мен 01.AI компаниясының бірлескен кәсіпорны - Q.AI құрылғаны жарияланды. Компания Қазақстан үшін бейімделген үлкен тілдік модельдерді, AI-агенттерді, корпоративтік AI-платформаларды және мемлекеттік сектор мен бизнеске арналған цифрлық трансформацияның басқа да шешімдерін әзірлеумен және енгізумен айналысады. Q.AI бас директоры болып бұған дейін Қазақстан Республикасы Жасанды интеллект вице-министрі қызметін атқарған Дмитрий Мун тағайындалды.Q.AI құрылуы ұлттық AI-экожүйені дамытудағы, инженерлік құзыреттілікті нығайтудағы және Қазақстанда жасанды интеллектің озық технологияларын енгізудегі кезекті қадам болмақ.Стратегиялық семинардың өткізілуі және жасанды интеллект саласындағы әлемдік көшбасшылардың бірімен бірлескен бастаманың іске қосылуы Қазақстанның AI-экономиканы дамыту бойынша жүйелі жұмысын көрсетеді. Цифрландыру және жасанды интеллект жылында еліміз заманауи инфрақұрылымды қалыптастырып, кадрлық әлеуетті дамытып, халықаралық ынтымақтастықты кеңейтіп, мемлекеттік басқару мен экономикаға жасанды интеллектті кеңінен енгізу үшін қолайлы жағдай жасауда.ҚР Жасанды интеллект және цифрлық даму министрлігінің баспасөз қызметі

Өтетін жері: Талдықорған қаласы, І.Жансүгіров атындағы Мәдениет сарайы                          Өтетін уақыты: 1 маусым, 2026 жыл  cағат 17:00Байланыс телефондары:8 (7282) 24-34-07;Электронды пошта: 7su.ocnt@mail.ru  КІРУ ТЕГІН  Ақпарат көзі : https://www.gov.kz/memleket/entities/zhetysu-archive/press/news/details/1230377?lang=ru

Бақбақты ауылының 1988 жылғы 39-түлектері туған жерге деген ыстық ықыласын білдіріп, ауылымыздың кіреберісіне арнайы “Бақбақты” ескерткіш белгісі мен Ту алаңын тарту етті.Бұл — туған ауылға деген шынайы құрметтің, елжандылықтың және кейінгі ұрпаққа қалдырылған тағылымды сыйдың жарқын көрінісі.Енді ауылымыздың төрінде көк Туымыз желбіреп, елдік пен бірліктің символына айналмақ.Осындай игі іске ұйытқы болған азаматтарға ауыл тұрғындары атынан шынайы алғыс білдіреміз!Туған жердің көркеюіне үлес қосқан әрбір жанға құрметіміз шексіз.Ақпарат көзі : https://www.gov.kz/memleket/entities/balkhash-bakbakty/press/news/details/1230385?lang=ru

2026 жылдың 28 мамырында «Қостанай облысы әкімінің аппараты» ММ-де Қазақстан Республикасының Әкімшілік рәсімдер мен процессуалдық кодексіне енгізілген соңғы өзгерістерді ескере отырып, өтініштерді қарау кезіндегі әкімшілік рәсімдерді жүргізу тәртібін түсіндіру жөніндегі құқықтық білім беру жұмысы аясында оқу өткізілді.Іс-шара спикері – Қазақстан Республикасы Бас прокуратурасы Құқықтық статистика және арнайы есепке алу жөніндегі комитеті департаментінің бөлім басшысы Дәулет Тұрарұлы Жидебаев.Оқу барысында қатысушыларға өтініштерді тіркеу, есепке алу және қарау, келіп түсетін құжаттардың түрін анықтау, құзыреттілікті тексеру, дубликаттармен жұмыс жасау, сондай-ақ «Электрондық өтініштер» АТЖ-де тиісті әрекеттерді көрсету ерекшеліктері туралы мәселелер түсіндірілді.Жеке қабылдауға түсетін өтініштерді ескеру, ЛП-1 нысанының қолданылуы, жаңа әріптік индекс «ЖҚ», сондай-ақ өтініштер бойынша есеп беру тәртібімен байланысты өзгерістерге ерекше назар аударылды.Жалпыға бірдей құқықтық оқудың қорытындысы бойынша қатысушыларға азаматтардың және заңды тұлғалардың өтініштерімен күнделікті жұмыс істеуде өзгерістерді дұрыс қолдану бойынша практикалық ұсынымдар берілді.Ақпарат көзі : https://www.gov.kz/memleket/entities/kostanay/press/news/details/1230389?lang=ru

         Абай облысы бойынша қылмыстық-атқару жүйесі департаментінің әйелдер колониясы мекемесінде отбасылық құндылықтарды нығайтуға және заңға бағынатын өмір салтына тұрақты уәждемені қалыптастыруға бағытталған тәрбие және психологиялық жұмыс тұрақты негізде жүргізіледі.         Бұл жұмыстың кезекті кезеңі отбасының әйел өміріндегі рөліне арналған тақырыптық іс-шара болды.          Алпыстан астам сотталушы "отбасылық құндылықтар: әр түрлі ұрпақтың көзқарасы"дау-дамайына қатысты. Жас топтарына бөлінген қатысушылар қазіргі қоғамдағы отбасы мен әйелдің рөлін, жеке жауапкершілік пен өмірлік басымдықтар мәселелерін талқылады.           Іс-шара аясында мансап пен отбасылық әл-ауқат арасындағы таңдау тақырыбын ашатын "отбасы адамы" көркем фильмін көру ұйымдастырылды. Сурет сотталғандардың эмоционалды реакциясын тудырды және өмірлік құндылықтарды қайта қарастыруға ықпал етті.          — Бір кездері менің отбасым болды-күйеуім және үш балам: екі ұл мен қызым. Біз қарапайым өмір сүрдік, бірақ бақытты болдық. Бухгалтер болып жұмыс істей отырып, мен азғыруға бой алдырдым және ұрлық жасадым. Бүгін менің балаларым менсіз өседі, мен қолымызда бар нәрсені сақтаудың қаншалықты маңызды екенін түсінемін. Ең құндысы материалдық емес, жақын болу мүмкіндігі болды, - деп бөлісті сотталған.                     — Осындай іс-шаралар арқылы біз сотталған әйелдердің отбасына саналы көзқарасын қалыптастырамыз, балалардың болашағы үшін жауапкершілік сезімін күшейтеміз және оң өзгерістерге ішкі мотивацияны қалыптастыруға көмектесеміз. Бұл қайта әлеуметтендіру бойынша кешенді жұмыстың маңызды бөлігі,-деп атап өтті сотталғандар арасындағы тәрбие-психологиялық жұмыс бөлімінің аға психологы Алтынгүл Агатанова.          Рухани-адамгершілік бағдарларды нығайту және сотталғандарды қоғамға оралуға дайындау жөніндегі жұмыс жүйелі негізде жалғастырылатын болады.Ақпарат көзі : https://www.gov.kz/memleket/entities/duisabai/press/news/details/1230391?lang=ru

«Халық үніне құлақ асатын мемлекет» тұжырымдамасын іске асыру аясында Қазақстан Республикасы Қаржы министрлігі Мемлекеттік ішкі аудит комитетінің төрағасы Ержан Тілекұлы Мыңжасаров Маңғыстау облысының тұрғындарымен кездесті.Оның барысында ведомство басшысы атқарылған жұмыстардың қорытындылары мен мемлекеттік аудит саласындағы жаңа тәсілдер туралы айтып, жергілікті халықтың өзекті сұрақтарына жан-жақты жауап берді.Ашық диалог форматында өткен жиында тұрғындар белсенділік танытып, өздерін мазалайтын мәселелерге байланысты, оның ішінде қашықтан тексеру жүргізу тәртібіне қатысты сауалдарын қойды.2026 жылдың 15 мамырына дейінгі қорытындысы бойынша 1,7 трлн теңге көлеміндегі бюджет қаражаты аудитпен қамтылып, 372,2 млрд теңгеге қаржылық бұзушылықтар мен 963 процедуралық кемшіліктер анықталды. Бұл ретте тексерулердің азайғанына қарамастан қамтылған бюджет қаражатының көлемі екі есе ұлғайғанын айта кетейік.Бюджетті онлайн мониторингілеу жоспарланған мемлекеттік шығындарды 1,5 трлн теңгеге асыра көрсетудің жолын кесуге мүмкіндік берді. Сондай-ақ, бұрын білім беру саласына тән болған, ақшалай қаражаттарды карточкалық шоттарға заңсыз аударуға байланысты бұзушылықтар саны азайды.Комитет төрағасы айтқандай, бүгінде ведомствоның алдында тұрған басты міндет – заңсыздықтарды әшкерелеуден бөлек, цифрландыру мен аналитиканың көмегімен оларды бастапқы кезеңде тежеу.Кездесу соңында ІМАК-нің заманауи аудит құралдарын дамытуды жалғастыратыны жөнінде, сондай-ақ бюджет қаражатының ашықтығын қамтамасыз етуде өзара байланыстың маңызды тетігіне айналған азаматтардың өтініштерімен жұмыс істеуге баса назар аударылатыны жеткізілді.Ақпарат көзі : https://www.gov.kz/memleket/entities/kvga/press/news/details/1230423?lang=ru

Нью-Йорк, 2026 жылғы 26 мамыр – Қазақстан Республикасы Сыртқы істер министрінің бірінші орынбасары Ержан Ашықбаев Қытайдың төрағалығымен өткен «БҰҰ Жарғысының мақсаттары мен қағидаттарын сақтау және БҰҰ-ның орталық рөлі бар халықаралық жүйені нығайту» тақырыбындағы БҰҰ Қауіпсіздік Кеңесінің жоғары деңгейдегі ашық пікірталастарына қатысты.Қазақстан өкілі өз сөзінде пікірталастар белгісіздіктің артуы, халықаралық құқықтың әлсіреуі және құқықтық нормалардың іріктемелі қолданылуы жағдайында өтіп жатқанын атап көрсетті. Осыған байланысты, ҚР Президенті Қ.Тоқаевтың БҰҰ-ның орталық рөлін жан-жақты қолдауы және әлемдік көшбасшыларды халықаралық бейбітшілік пен қауіпсіздік мәселелеріне зор жауапкершілікпен қарауға шақыруы атап өтілді.Қазақстан тарапы БҰҰ орнықты бейбітшілік пен дамуды қамтамасыз етудің алмастырылмас тетігі болып қала беретінін мәлімдеді. Осы тұрғыда Қазақстанның Орталық Азиядағы өңірлік сенім мен өзара тиімді ынтымақтастықты нығайту, бейбіт процестерге жәрдемдесу, ядролық қарусыздануды, дінаралық диалогты ілгерілету және БҰҰ-ның бітімгершілік қызметіне қатысу бағытындағы үлесі көрсетілді.БҰҰ-ны реформалау, соның ішінде Қауіпсіздік Кеңесін қазіргі заманғы сын-қатерлерге бейімдеу қажеттігіне ерекше назар аударылды. Қазақстан дамушы елдер мен орта державалардың кеңінен өкілдік етуін, сондай-ақ БҰҰ-ның тиімділігін және мүше мемлекеттердің үміттеріне жауап беру қабілетін арттыруға бағытталған эволюциялық реформалау тәсілін қолдайды.Жаһандық сын-қатерлер аясында қолданыстағы тетіктердің қайталануын еңсеру және БҰҰ су мандатының тиімділігін арттыру мақсатында Мемлекет басшысының Халықаралық су ұйымын құру туралы бастамасы атап өтілді. Сонымен қатар, Қазақстанның Медициналық-санитариялық алғашқы көмек жөніндегі жаһандық коалицияны және Биологиялық қауіпсіздік жөніндегі халықаралық агенттікті құру бастамалары да айтылды.Министрдің бірінші орынбасары көпжақты ынтымақтастықты сапалы дамыту және БҰҰ Жарғысының қағидаттарын одан әрі нығайту мақсатында Қазақстанның барлық мүше мемлекеттермен жұмысты жалғастыруға дайын екенін растады.Сондай-ақ, БҰҰ Қауіпсіздік Кеңесі отырысы аясында қазақ дипломаты ҚХР Сыртқы істер министрі Ван Имен және Қырғызстан Сыртқы істер министрі Жээнбек Кулубаевпен екіжақты ынтымақтастықты дамыту перспективалары мен көпжақты алаңдардағы өзара іс-қимылдың негізгі бағыттарын талқылау үшін кездесулер өткізді.Ақпарат көзі : https://www.gov.kz/memleket/entities/mfa-geneva/press/news/details/1230424?lang=ru

Мемлекет басшысы Қасым-Жомарт Тоқаев бұқаралық ақпарат құралдары қызметкерлерін марапаттау рәсімінде сөз сөйлеп, журналистер қауымын кәсіби мерекесімен құттықтады. Президент БАҚ саласы өкілдерінің қоғам өміріндегі ерекше рөліне тоқталып, олардың халық пен билік арасындағы маңызды көпір екенін атап өтті.Мемлекет басшысының айтуынша, журналистер әрдайым қоғамдағы өзекті мәселелерді көтеріп, азаматтардың мүддесін қорғап келеді. Ақпараттық технологиялар қарқынды дамыған қазіргі кезеңде халыққа жедел, сапалы әрі шынайы ақпарат жеткізу, маңызды оқиғаларға терең талдау жасау – медиа саласы мамандарына жүктелген жауапты міндеттердің бірі.Президент отандық журналистердің елдегі ауқымды саяси реформаларды түсіндіру мен насихаттаудағы еңбегін жоғары бағалады. Оның ішінде жаңа Конституцияны әзірлеу және қабылдау үдерісінде БАҚ өкілдері маңызды рөл атқарғанын ерекше атап өтті. Конституциялық комиссия жұмысы туралы сапалы ақпарат таратып, ұсынылған өзгерістерге жан-жақты талдау жасаған журналистер қоғамда кең ауқымды пікірталас қалыптастыруға үлес қосты. Осыған байланысты Қасым-Жомарт Тоқаев журналистерді жаңа Конституцияның тең авторларының бірі деуге болатынын айтты.Мемлекет басшысы жаңа Конституцияның еліміздің егемендігі мен тәуелсіздігін нығайтуға, азаматтардың құқықтары мен бостандықтарын қорғауға, заң үстемдігін қамтамасыз етуге және ұлттық бірлікті күшейтуге бағытталғанын атап өтті. Сонымен қатар білім мен ғылымды дамыту, инновацияны қолдау, адам капиталын арттыру, халықтың әл-ауқатын жақсарту және қоршаған ортаға жауапкершілікпен қарау негізгі басымдықтар ретінде айқындалғанын жеткізді.Президенттің пікірінше, қазіргі цифрлық дәуірде медиа саласы елеулі өзгерістер кезеңін бастан өткеруде. Әлеуметтік желілер мен интернет-платформалардың ықпалы артқанымен, дәстүрлі бұқаралық ақпарат құралдарының маңызы төмендеген жоқ. Керісінше, газеттер мен телеарналар жаңа форматтарға бейімделіп, мультимедиялық платформалар ретінде дамып келеді. Олардың басты артықшылығы – ақпаратты терең талдап, сапалы сараптама ұсына алуында.Қасым-Жомарт Тоқаев ақпараттық кеңістіктегі өзекті мәселелердің бірі – жалған ақпарат пен дипфейк технологияларының таралуына да тоқталды. Оның айтуынша, жасанды интеллект құралдары арқылы қоғамда алауыздық туғызуға, мемлекеттік институттардың беделіне нұқсан келтіруге бағытталған әрекеттер жиілеп келеді. Сондықтан журналистер шынайы ақпарат таратып, қоғамның ақпараттық қауіпсіздігін қамтамасыз ету ісіне белсенді атсалысуы қажет.Президент Қазақстанда сөз бостандығы мен пікір алуандығына барлық қажетті жағдай жасалғанын атап өтті. Сонымен қатар сөз еркіндігі жауапкершілікпен ұштасуы тиіс екенін айтып, құқықтық нигилизмге, радикализмге және қоғам құндылықтарына қайшы келетін идеологияларды насихаттауға жол бермеу қажеттігін жеткізді. Бұл ретте азаматтардың медиасауаттылығын арттырудың маңызына ерекше назар аударылды.Мемлекет басшысы жастар тәрбиесіне қатысты мәселелерге де тоқталды. Оның пікірінше, медиакеңістікте сән-салтанат пен жеңіл табыс культін дәріптеу өскелең ұрпақтың дүниетанымына теріс әсер етеді. Сондықтан журналистер қоғамға жасампаз еңбек, адалдық, мәдениет және жауапкершілік құндылықтарын насихаттауы тиіс. Президент қазіргі журналистердің басты миссиясы шындықты көрсету ғана емес, сонымен қатар ұлтты өркениетке бастайтын ағартушылық қызмет атқару екенін атап өтті.Сөз соңында Қасым-Жомарт Тоқаев ақпарат саласы қызметкерлеріне Әділетті, Таза, Қауіпсіз әрі Күшті Қазақстан құру жолындағы еңбектері үшін алғыс білдірді. Ол журналистердің «Заң мен тәртіп», «Адал азамат» қағидаттарын және «Таза Қазақстан» тұжырымдамасын қоғамда кеңінен дәріптеуге қосып жүрген үлесін жоғары бағалады.Президенттің Жарлығымен Қазақстан журналистикасы мен телевизиясының дамуына елеулі үлес қосқан бірқатар медиа саласының өкілдері мемлекеттік наградалармен марапатталды. Олардың қатарында ұлттық телевизияның алғашқы кәсіби мамандарының бірі, қазақ тіліндегі тұңғыш эфирді жүргізген ардагер диктор Зұлқия Жұматова да бар. Мемлекет басшысы оған «Құрмет» орденін табыстау туралы шешім қабылдағанын жариялады.Қасым-Жомарт Тоқаев журналистер қауымы алдағы уақытта да ел мүддесіне қызмет етіп, қоғамдағы оң өзгерістердің қозғаушы күштерінің бірі болып қала беретініне сенім білдірді.

Қазақстанның оңтүстік өнеркәсіп орталығы Шымкент қаласы сандық трансформацияның жаңа кезеңіне аяқ басып отыр. 22 маусым 2026 жылы өткен ірі цифрлық іс-шара барысында отандық және шетелдік сарапшылар «Индустрия 5.0» тұжырымдамасын аймақтың өндіріс кәсіпорындарына ендіру мәселесін жан-жақты талқылады. Бұл форум Шымкенттің болашақ экономикалық стратегиясын айқындайтын маңызды алаңға айналды.«Индустрия 5.0» тұжырымдамасының мәні неде? Егер «Индустрия 4.0» роботтандыру, интернет заттары және автоматтандырудың жаппай енгізілуімен ерекшеленсе, жаңа буын тұжырымдама адам мен машинаның үйлесімді бірлескен жұмысын алдыңғы орынға қояды. Өндірістік жасанды интеллект, тереңдетілген цифрландыру және ең бастысы — технологияның адамдық мүдделерге бағындырылуы осы тұжырымдаманың өзегін құрайды. Шымкент үшін бұл тек техникалық жаңғыру ғана емес, сонымен бірге еңбек нарығын, кәсіби білімді және аймақтың бәсекеге қабілеттілігін түбегейлі қайта пішу дегенді білдіреді.Шымкент республиканың ірі өнеркәсіп қалаларының бірі ретінде ұзақ жылдар бойы химия, металлургия, тамақ өнеркәсібі және машина жасау салаларында дамып келеді. Алайда соңғы жылдардағы жаһандық бәсекелестік пен шикізатқа тәуелділік мәселелері аймақтың дамуына белгілі бір шектеу қойып отырды. Мемлекеттік «Жаңа Қазақстан» стратегиясы аясында технологиялық жаңғыру басымдыққа айналып, Шымкент бұл бағытта пилоттық аймақ ретінде белгіленді. Форумда осы шешімнің маңыздылығы ерекше атап өтілді.Іс-шарада сөз алған Шымкент қалалық экономика департаментінің бас сарапшысы Асқар Бекжанов «Біз «Индустрия 5.0» тек жабдықты ауыстыру деп қарауға болмайды. Бұл — ойлаудың, еңбектің және бизнестің жаңа философиясы. Шымкенттің 180-ден астам өндіріс кәсіпорнын болашақта цифрлық-аналогтық жаңа форматта жұмыс жасайтын зауыттарға айналдыру мақсатымыз бар. Адам оператор болудан ойлаушы маманға айналуы тиіс» деді. Оның сөздері залдағы өнеркәсіпшілер арасында жылы қабылданып, белсенді пікірталасқа жол ашты.Халықаралық сарапшылар да форумның ерекше мақтанышына айналды. Сеулдан арнайы шақырылған сандық өнеркәсіп консультанты Ким Чжэ Вон Оңтүстік Кореяның Ульсан қаласындағы өнеркәсіптік трансформация тәжірибесімен бөлісті. «Ульсан автомобиль өнеркәсібінде «Индустрия 5.0» принциптерін ендіре отырып, еңбек өнімділігін үш жылда 34 пайызға арттырды. Бұл кезде жұмыс орындарының саны кемімеді, керісінше, жоғары білікті мамандарға деген сұраныс артты» деп атап өтті ол. Бұл мысал Шымкент үшін нақты іс жүзіндегі нұсқаулыққа айналуы мүмкін.Статистика тұрғысынан алғанда, Қазақстанда өнеркәсіптік кәсіпорындардың тек 12 пайызы ғана толыққанды цифрландыру деңгейіне жеткен. Шымкентте бұл көрсеткіш орташа республикалық деңгейден сәл жоғары — 15 пайыз. Алайда «Индустрия 5.0» стандарттарына сай кәсіпорын саны мүлдем аз. Форумда 2030 жылға дейін Шымкент кәсіпорындарының кемінде 40 пайызын осы стандартқа жеткізу мақсаты алға қойылды. Бұл үшін жыл сайын 15 миллиард теңгеден астам инвестиция тарту қажет болады деп есептелуде.Жасанды интеллекттің өндіріске ендірілуі тек тиімділікті арттырумен шектелмейді. Экологиялық тұрақтылық та маңызды мәселе болып табылады. «Индустрия 5.0» тұжырымдамасы «жасыл» технологиялармен тікелей байланысты: энергияны тиімді пайдалану, өндіріс қалдықтарын азайту және углеродтық ізді кеміту — бәрі осы жаңа буын индустрияның ажырамас бөлігі. Шымкенттің Оңтүстіқ Қазақстан аймағы экологиялық мәселелер тұрғысынан да осы жолды қажет етеді, себебі қалада ауа сапасы жылдан жылға маңызды мәселе болып қалып отыр.Форум нәтижесінде бірнеше маңызды шешім қабылданды. Біріншіден, 2026 жылдың соңына дейін аймақтық «Сандық өнеркәсіп орталығы» ашылады. Бұл орталық кәсіпорындарға технологиялық консалтинг, кадрларды даярлау және инвестициялық серіктестіктер бойынша қолдау көрсетеді. Екіншіден, жергілікті техникалық жоғары оқу орындарымен бірлесіп, «Өнеркәсіптік жасанды интеллект операторы» мамандығын дайындаудың жаңа оқу бағдарламасы енгізіледі. Үшіншіден, пилоттық зауыт ретінде Шымкенттегі ірі химия кешенінде «Индустрия 5.0» жобасын іске асыру жоспарланды.Жергілікті қоғамның реакциясы да маңызды. Кәсіподақтар технологиялық ауысудың жұмысшылардың жағдайына кері әсер тигізбеуін талап етті. Бұған жауап ретінде акимат тарапынан барлық ауысу процесі кезінде жұмыс орындарын сақтау және жұмысшыларды қайта даярлау бойынша кепілдік берілді. Шымкент технологиялық университетінің ректоры Жанар Сейтқали «Білім беру жүйесі де осы жаңа талаптарға сай болуы тиіс. Біз инженер мен гуманитарлық маманды бірдей даярлайтын кросс-білім беру бағдарламаларын енгізуге дайын тұрмыз» деп мәлімдеді. Бұл сөздер форумдағы барлық қатысушылар тарапынан қолдау тапты.Тарихи тұрғыдан қарасақ, Шымкент 1990 жылдары кеңес индустриясының ыдырауынан кейін қиын кезеңді бастан өткерді. Зауыттар жабылып, жұмыссыздық күрт артты. Кейінгі жылдары қала жаңа серпінмен дамып, бүгінгі күні Қазақстанның үшінші мегаполисіне айналды. «Индустрия 5.0» тұжырымдамасы осы дамудың логикалық жалғасы деп санауға болады — ол Шымкентке тек аймақтық емес, халықаралық деңгейде бәсекеге қабілетті өнеркәсіп орталығы ретінде нығаюға мүмкіндік береді. Болашақтың зауыты — бұл адамдар мен технология бірлесіп жасайтын орын, ал Шымкент сол болашаққа батыл қадам жасауға дайын.

Қазақстан құқық қорғау органдарының тарихында кибермошенниктерге қарсы жүргізілген операциялардың ішіндегі ең маңыздыларының бірі жүзеге асырылды. 22 маусым 2026 жыл күні Шымкент қалалық полиция департаменті ұйымдасқан интернет-қылмыскерлер тобын толықтай бейтараптандырғанын ресми түрде мәлімдеді. Бұл операция Оңтүстік Қазақстан аймағы үшін ғана емес, бүкіл ел бойынша цифрлық қауіпсіздік саласында үлкен маңызға ие оқиға болды. Тергеу барысында анықталғандай, аталған топ бірнеше айдан астам уақыт бойы жүздеген азаматты алдап, миллиондаған теңгені заңсыз иемденіп келген.Оқиғаның мән-жайына тереңірек үңілсек, алаяқтардың жұмыс тетігі өте күрделі және жоғары технологиялық деңгейде ұйымдастырылғанын байқауға болады. Қылмыскерлер жалған ИТ-құралдарды — виртуалды жеке желілерді, криптографиялық бағдарламаларды және арнайы жасалған фишингтік сайттарды — кеңінен пайдаланды. Олар өздерін заңды ұйымдардың қызметкерлері ретінде таныстырып, жәбірленушілерді банктік деректерін немесе бір реттік құпиясөздерді беруге мәжбүрледі. Топтың бір бөлігі техникалық инфрақұрылымды қолдаумен айналысса, екінші бөлігі тікелей жертвалармен байланыс орнатып, психологиялық қысым жасады. Осы еңбек бөлінісі топты сыртқы бақылаудан тиімді жасырып, ұзақ уақыт бойы жазасыз жұмыс істеуге мүмкіндік берді.Шымкент қалалық полиция департаментінің бастығы Серік Нұрмағамбетов бұл операцияның стратегиялық маңыздылығын атап өтті: «Біз бірнеше ай бойы жасырын тергеу жүргіздік. Топтың мүшелері өздерінің цифрлық іздерін өшіруге шебер болды, бірақ сайып келгенде технология мамандарымыздың кәсібилігі жоғары болып шықты. Бұл жеңіс тек Шымкент тұрғындары үшін ғана емес, бүкіл еліміздегі интернет-пайдаланушылар үшін де маңызды». Сондай-ақ тергеу тобының жетекшісі Алия Бекова: «Топ мүшелері өздерін банк менеджерлері, мемлекеттік орган қызметкерлері тіпті полиция өкілдері ретінде де таныстырды. Мұндай алдау схемаларының қаупі — олардың психологиялық жағынан өте сенімді көрінуінде» деп түсіндірді.Статистикалық мәліметтер бойынша Қазақстанда соңғы үш жылда киберқылмыстың саны 140 пайызға өсті. 2025 жылдың ресми деректеріне сәйкес елімізде тіркелген интернет-алаяқтықтың жалпы сомасы 12 миллиард теңгеден асты. Бұл ретте Шымкент қаласы мен Оңтүстік Қазақстан облысы ерекше мәселелі аймақ ретінде белгіленген, себебі аталған өңірде халық санының жылдам өсуі мен цифрлық сауаттылықтың салыстырмалы төмен деңгейі бір арада байқалады. Ұлттық киберқауіпсіздік орталығының сарапшылары топтың жалпы ауқымы мен шеткері аймақтарда жүргізілген операциялардың координациясы жаңа деңгейдегі ұйымдасқан қылмыстың куәсі екенін алға тартады.Тұтастай алғанда, бұл оқиға Қазақстандағы цифрлық трансформация кезеңінің өзіне тән қайшылықтарын айқын көрсетіп отыр. Бір жағынан, мемлекет интернет-банкинг, электрондық үкімет және онлайн-сауда сияқты цифрлық қызметтерді белсенді дамытуда. Екінші жағынан, бұл сервистерді пайдаланатын азаматтардың барлығы бірдей кибергигиена ережелерін сақтай бермейді. «Цифрлық сауаттылық — бүгінгі күннің ең маңызды дағдысы. Тек технологияны пайдалана білу жеткіліксіз — оның қауіптерін де түсіну керек» деп атап өтті Nazarbayev University ақпараттық қауіпсіздік кафедрасының профессоры Дәурен Сейтқали.Ұсталған топ мүшелеріне қатысты іс Шымкент қалалық сотына берілуге дайындалуда. Қылмыстық кодекстің 190-бабы (алаяқтық) және 205-бабы (компьютерлік ақпаратқа заңсыз қол жеткізу) бойынша жауапкершілік 10 жылға дейінгі бас бостандығынан айыруды қарастырады. Бұған қоса, тергеу жүргізуші органдар топтың қаржылық активтерін тәркілеуді де сот шешімі арқылы талап ету ниетін білдіруде. Жәбірленушілердің тізімі жасалуда, және олардың талаптарын қорғайтын арнайы заңгерлік топ тартылған.Қазақстан қоғамы бұл жаңалыққа оң пікірмен жауап берді. Шымкент тұрғындарының әлеуметтік желілердегі реакциясы жаппай қолдауды білдіреді. Көпшілігі ұзақ уақыт бойы осы топтың іс-әрекеттерінен зардап шеккенін, бірақ дәлел жинауда қиыншылық туындағанын жазды. Азаматтық қоғам өкілдері, атап айтқанда «Digital Rights Kazakhstan» ұйымы, бұл операцияны маңызды жетістік деп бағалай отырып, ұстамдылық шақыруда: «Жеке жағдайлар шешілді, бірақ жүйелік мәселе — алаяқтардың жаңа нысандарға бейімделуі — өз актуалдылығын жоғалтқан жоқ». Ұйым алдағы уақытта профилактикалық жұмыстар мен халық арасындағы ақпараттандыру науқандарын күшейтуді талап етіп отыр.Тарихи тұрғыдан қарасақ, Қазақстандағы ұйымдасқан киберқылмыспен күрестің алғашқы ауқымды операциялары 2019–2020 жылдары жүргізілді. Сол кезеңде негізінен онлайн-сауда алаяқтықтары мен SIM-карта арқылы жүргізілетін схемалар үстемдік етті. Бүгінгі жағдай одан едәуір күрделі: заманауи топтар жасанды интеллект элементтерін, deepfake технологиясын және блокчейн жүйесін пайдалана бастады. Бұл тенденция Шымкент операциясының маңыздылығын арттыра түседі, өйткені ол күрделі технологиялық инфрақұрылыммен жұмыс жасайтын топты толықтай жоюдың мүмкін екенін дәлелдейді.Алдағы уақытта Ішкі істер министрлігі аймақтық киберполиция бөлімдерін нығайту мақсатында 2026–2028 жылдарға арналған кешенді бағдарлама іске қосатынын хабарлады. Шымкент операциясы осы бағдарламаның алғашқы ірі практикалық сынағы болды деуге толық негіз бар. Мамандар алдағы жылдары интернет-қылмыспен күресте Қазақстанның халықаралық тәжірибені, соның ішінде Еуропол мен Интерпол деректер базасын тиімдірек пайдаланатынын болжауда. Шымкент жеңісі — бұл тек бір топтың соңы ғана емес, жаңа дәуірдегі цифрлық қауіпсіздіктің бастауы.