Ақтөбеде Дзюдодан Қазақстан чемпионатының салтанатты ашылуы өтті.Оған Ақтөбе облысының әкімі Асхат Шахаров, Туризм және спорт министрі Ербол Мырзабосынов және Дзюдо федерациясының президенті Қуанышбек Есекеев қатысты. Шараға қазақстандық дзюдошы, 2024 жылғы Париж Олимпиадасының чемпионы Елдос Сметов те шақырылған. Іс-шара қонақтары чемпионат қатысушыларын оның ашылуымен құттықтап, жарыстарға сәттілік тіледі.Асхат Шахаров құттықтау сөзіндедзюдодан чемпионаттың дәл Ақтөбеде өтіп жатқанының маңыздылығын атап өтіп, Туризм және спорт министріне көрсеткен қолдауы мен сенімі үшін алғысын білдірді.«Мемлекет басшысы Қазақстанда спортты дамытуға көп көңіл бөлуде. Бүкіл ел бойынша жаңа спорт кешендері салынып, жаттығу базалары мен спорт мектептері жаңғыртылып жатыр. Бұл кәсіби спортшыларға халықаралық аренада жоғары нәтижелерге қол жеткізуге көмектесіп қана қоймай, сонымен қатар спортты жастар мен жалпы халық арасында танымал етуге ықпал етеді.Бұл чемпионат – қазақстандықтардың ерекше назарында. Біздің дзюдошылар Елдос Сметов пен Ғұсман Қырғызбаевтың Париж Олимпиадасындағы жарқын жеңістері спортшылардың жаңа буынын жеңістерге жетелейді.Бұл чемпионаттың Саламат Утарбаев, Рустам Ибраев, Гүлнар Көшербаева, Есет Қуанов және басқа да талантты спортшыларды тәрбиелеп отырған, дзюдода бай тарихы бар Ақтөбе жерінде өтіп жатқанықуантады. Дүбірлі дода облыс жастары арасында дзюдоны насихаттауға, спортпен шұғылдануына және чемпиондардың жаңа буынын тәрбиелеуге жол ашатынына, оларға күш-жігер беретініне сенімдімін», - деді Асхат Шахаров чемпионаттың ашылуында.Облыс әкімі шараны ұйымдастыруға үлес қосқандарға алғысын білдіріп, жарысқа қатысушыларға жеңіс, өз командаларына қолдау көрсетуге келген көрермендерге жарқын эмоциялар тіледі.Туризм және спорт министрі Ербол Мырзабосынов жарыс қатысушылардыңтатамиде жарқын жеңістерге жетуіне тілектестігін білдірді.«Мемлекет қолдауының арқасында чемпиондардың жаңа буынын тәрбиелеу үшін барлық жағдай жасалуда, бұл Қазақстанның әлемдік спорттағы позициясын нығайтады. Бүгінде көптеген қазақстандық дзюдошылардың есімдері әлемдік спорт тарихына енді. Олар – төзімділіктің, шеберліктің және табандылықтың үлгісі. Спортшылардың жас буыны өздерінің даңқты дәстүрлерін жалғастырып, әсерлі жаңа жетістіктер көрсететініне сенімдімін. Бұл чемпионат еліміздегі дзюдо спортыныңдамуындағы маңызды кезең болмақ және жаңа жұлдыздардың жануына, жеңістерге жетелеуге серпін береді», - деді Ербол Мырзабосынов.Дзюдо федерациясының президенті Қуанышбек Есекеев өз кезегінде елімізде спортшыларды даярлау жоғары деңгейде ұйымдастырылғанына баса назар аударып, турнир әрбір қатысуға жарқын жекпе-жексыйлайтынына және дзюдоны одан әрі дамытуға түрткі болатынына сенім білдірді.Чемпионаттың ресми ашылу салтанаты аяқталғаннан кейін Қазақстан дзюдо федерациясының президенті Қуанышбек Есекеев Олимпиада чемпионы Елдос Сметовке жоғары спорттық жетістіктерді айшықтайтын алтын «нашивканы»салтанатты түрде табыстады.Туризм және спорт министрі Ербол Мырзабосынов екі дүркін әлем чемпионы Әбиба Әбужақынованы «Қазақстан Республикасының еңбек сіңірген спорт шебері» куәлігімен марапаттады.Естеріңізге сала кетейік, Ақтөбеде төрт күн бойы 15-18 қараша аралығында «Қоныс» спорт кешенінде еліміздің түкпір-түкпіріненжиналған дзюдошылар бақ сынайды. Чемпионатқа 17 облыстан, сондай-ақ Астана, Алматы және Шымкент қалаларынан 510 спортшы қатысып жатыр. Спортшылар жеті салмақ дәрежесінде медаль алу үшін өзара мықтыны анықтайды.Чемпионат жеңімпаздары еліміздің ұлттық құрамасына енеді.Ақпарат көзі : https://www.gov.kz/memleket/entities/aktobe/press/news/details/884532

Астанада Шәмші Қалдаяқовтың әндеріне арналған «Менің Қазақстаным» халықаралық фестивалі өтті. Іс-шара мақсаты – ұлы композитордың шығармашылығын насихаттау.Қазақстан Республикасының Мәдениет және ақпарат министрлігінің қолдауымен «Қазақконцерт» мемлекеттік академиялық концерттік ұйымы ұйымдастырған фестиваль еліміздің мәдени өміріндегі маңызды оқиғаларының бірі болды.Фестиваль сахнасында Өзбекстан, Украина және Қазақстан театрларының әртістері, сондай-ақ Әзербайжан мен Қырғызстанның еңбек сіңірген әртістері өнер көрсетті.Бағдарламада Шәмші Қалдаяқовтың қазақ музыка мәдениетінің символына айналған шығармалары орындалды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/884531

Батыс Қазақстан облысында Қазақстанның мұнай өнеркәсібі үшін екі атаулы датаға: тұңғыш қазақ мұнайының өндірілгеніне 125 жыл және Қарашығанақ кен орнының ашылғанына 45 жыл толуына арналған салтанатты шара өтті. Шараға сала ардагерлері, «Қарашығанақ Петролиум Оперейтинг Б.В.» компаниясының қызметкерлері, мемлекеттік органдардың өкілдері қатысты.ҚР Энергетика министрінің атынан Энергетика вице-министрі Әлібек Жамауов құттықтау сөз сөйлеп, мұнай-газ саласының ел экономикасы үшін стратегиялық маңыздылығына тоқталды. Сонымен қатар, КПО қызметкерлерінің жоғары кәсібилігі мен компанияның дамуына қосқан елеулі үлесін атап өтті. Салтанатты шара кезінде үздік қызметкерлер мемлекеттік және ведомстволық наградалармен марапатталды.Қарашығанақ кен орнының ардагерлері мен өндіріс озаттары арнайы құрметке ие болды. Вице-министр оларға қажырлы еңбектері мен Қазақстанның мұнай-газ секторын дамытуға және еліміздің әлеуметтік-экономикалық дамуына қосқан өлшеусіз үлестері үшін алғысын білдірді.Бірқатар ардагерлер компания басшылығы мен Батыс Қазақстан облысы әкімінің Құрмет грамоталарымен марапатталды.Мерекелік шара мұнай-газ кешенінің түрлі буын өкілдерін біріктірген жарқын сәтке айналды. Онда ұрпақтар сабақтастығы мен мұнай-газ саласының Қазақстан үшін маңыздылығы тағы бір мәрте атап өтілді.Ақпарат көзі : https://www.gov.kz/memleket/entities/energo/press/news/details/884535

Бүгін Темірланда Орбадасы ауданының құрылғанына 60 жыл және ауыл шаруашылығы еңбеккерлерінің «Алтын күз-2024» мерекесі салтанатты түрде аталып өтті.Ерте көктемнен қара күзге дейін дала төсінде тер төгіп еңбек еткен жергілікті дихан қауымның мерекесіне орай шаруалар мен дихандар, аталған салада жүрген кәсіп иелері азық-түлік өнімдерінің жәрмеңкесінде өз өнімдерін ұсынса, асыл тұқымды мал басының, агросекторға қажетті жаңа техникалардың көрмесі ұйымдастырылды.Күзгі жиым-терім науқанының қорытынды көрсеткіші айқындалатын молшылық мерекесіне аудан әкімі Азат Оралбаев, аудандық мәслихат төрағасы Бақдәулет Жұмабеков, ауыл шаруашылығы саласының ардагерлері, жергілікті мемлекеттік мекеме басшылары, үкіметтік емес ұйымдардың өкілдері, журналистер қауымы қатысты.Аудан басшысы мерекеге орай ұйымдастырылған көрмені аралап, азық-түлік өнімдерінің өнімділігі жөнінде шаруалармен пікірлесті. Әсіресе, агро сектордағы, мал шаруашылығы саласындағы тың, жаңа жобалардың жұмысына сәттілік тіледі.Бірлік пен татулық мекені - Ордабасы өндіріс саласымен қатар ауыл шаруашылығы да қарқынды дамып келе жатқан аграрлы аудан. Ауданның ауылшаруашылығы саласындағы кез-келген жетістік бұл, шаруалардың, дихандардың адал әрі тынымсыз еңбегінің және мемлекет тарапынан көрсетіліп жатқан қолдаулардың арқасы деуге болады.Ауданның құрылғанына 60 жылдығы мен «Алтын күз - 2024» мерекесіне орай ұйымдастырылған шарада аудан әкімі Азат Әбдіғалиұлы барша ауыл шаруашылық саласының еңбек адамдарын мерейлі мерекемен құттықтап, ауданның осы саладағы жетістіктеріне тоқталып өтті.«Барша аудан тұрғындарын ауданның құрылғанына 60 жыл және берекенің бастауы саналған «Алтын күз» мерекесімен құттықтаймын. Несібесін еткен еңбегінен күткен Ордабасылықтар үшін биылғы жыл жемісті болып, мол өнімділікке қол жеткіздік. Ауданымыз аграрлы аудан болғандықтан экономикамыздың қозғаушы күшімен табыс көзіде ауылшаруашылығы саласы. Ауылшаруашылық саласындағы негізгі көрсеткіштерге тоқталып өтіп, 10 айдың қорытындысымен ауылшаруашылығы жалпы өнімінің көлемі – 54 млрд. 819 млн.теңгеге жетіп, өткен жылдың тиісті кезеңімен салыстырғанда, 7,6 млрд. теңгеге артып отыр. Ауылшаруашылығындағы негізгі капиталға салынған инвестициялар – 9 млрд. 700 млн. теңгеге жетіп, өткен жылдың тиісті кезеңімен салыстырғанда 3 млрд. 578 млн. теңгеге артығымен орындалып отыр. Тамақ өнімдерінің негізгі капиталына тартылған инвестиция 328 млн. теңгені құрады. Дихандарымыз ағымдағы жылы 71 591 гектар жерге ауыл шаруашылығы дақылдарын орналастырып, өткен жылдың тиісті кезеңімен салыстырғанда егіс көлемі – 1 203 гектарға ұлғайды.Атап айтар болсам, бидайдың егіс көлемі – 27 092 гектардан – 56 893 тонна (орташа түсімі 21 цн/га), арпа – 3 114 гектардан – 4 359 тонна (орташа түсімі 14 цн/га), майлы дақылдар – 5 228 га, оның ішінде күнбағыс – 149 гектардан – 298 тонна (орташа түсімі 20 цн/га), мақсары – 5 079 гектардан – 5 588 тонна (орташа түсімі 11 цн/га), ашық топырақта өсірілген көкөністер – 3 148 гектардан – 80 274 тонна (орташа түсімі 255 цн/га), картоп – 632 гектардан – 12 956 тонна (орташа түсімі 205 цн/га), бақша дақылдары – 1 780 гектардан – 37 736 тонна (орташа түсімі 212 цн/га), дәндік жүгері – 6 982 гектарға егіліп, жалпы – 68 423 тонна (орташа түсімі 98 цн/га) көп жылдық мал азықтық дақылдар – 17 215 гектардан – 146 327 тонна (орташа түсімі 85 цн/га) мақта – 6 400 гектарға егіліп, 22 400 тонна (орташа түсімі 35 цн/га) өнім алынды. Сонымен қатар егістік жерлерді тиімді пайдалану мақсатында 1 алқаптан жылына 2-3 рет өнім алу жобасы қолға алынды. Ағымдағы жылы 411 гектар жерге 141 шаруа қожалығы өнімдерін егіп, нәтижесінде 1-ші дақылдан – 9 854,5 тонна, 2-ші өнімнен – 7 698,2 тонна өнім жиналды. Жыл басынан бері – 18,4 гектар жерге жылыжай құрылысы жүргізіліп, аудандағы жалпы жылыжай алаңы – 127,4 гектарды құрады. Сонымен қатар, тамшылатып суғару әдісі – биылғы жылы – 1 073 гектарға енгізіліп, жалпы көлемі – 4 273 гектарға жетті. Жаңбырлатып суғару технологияларын ендіру бойынша – биылғы жылы – 110 гектарға енгізіліп, жалпы көлемі 1 202 гектарға жетті.Ағымдағы жылдың ауыл шаруашылығы техникаларын жаңалау бойынша 117 бірлік жоспарланып, 9 айдың қорытындысымен 127 бірлік техникалар алынып, жоспар 109 %-ға орындалды. Мемлекет басшысының қолдауымен жүзеге асып жатқан ауыл халқының әлеуетін арттыруға бағытталған «Ауыл Аманаты» бағдарламасының ауданымыздағы көрсеткіші жақсы деп айтуға болады. Ауданымызда жоба аясында скрининг жұмыстары жүргізіліп, «Ауыл аманаты» пилоттық жобасының І-кезеңіне Бадам және Шұбар ауылдық округтері ІІ-кезеңіне Қараспан және Бөржар ауылдық округтері енгізілді. Жобаны іске асыратын 4 ауылдық округтен 8 ауыл шаруашылығы кооперативі құрылды. Жобаның нәтижесінде, 2023 жылы аудан көлемінде 261 адамға 1 млрд. 722 млн. теңге қаржыландырылды.Жиын соңы аудандық мәдениет үйі өнерпаздарының қойған концерттік бағдарламасына ұласты. Салтанатты жиында ауыл шаруашылық саласындағы жетістіктермен қатар Орталық алаңда қазақы үйлер тігіліп, ұлттық спорт түрінен ойындар көрсетілді.Түркістан облысының әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/876549

Жамбыл облысының әкімі Ербол Қарашөкеев 25 қазан – Республика күні Ұлттық мерекесіне арналған салтанатты жиынға қатысты.Алдымен әскери оркестр Мемлекеттік Әнұранды жиналған көпшілікпен әуелете шырқады.Бұдан соң облыс әкімі жамбылдықтарды айтулы мерекемен құттықтады.Ербол Қарашөкеев өз сөзінде қадірі мен қасиеті бөлек, ұғымы ұлы мерекенің тарихы, саяси және тәрбиелік мәні тереңде жатқанын айта келе, ел ертеңі үшін тер төкккен аға буын өкілдеріне алғыс білдірді. Жұртшылықты Президент тапсырмалары аясында өңірде жүзеге асып жатқан жарқын жобалар мен толымды тірліктер туралы хабардар етті.Мерекеге орай және өңірдің әлеуметтік-экономикалық дамуына үлес қосқан бірқатар азаматты марапаттап, құрмет көрсетті.Президент Жарлығына сәйкес бір топ азаматқа мемлекеттік наградалар тапсырылды. Атап айтқанда, ІІІ дәрежелі «Барыс», «Парасат», «Құрмет», ІІІ дәрежелі «Еңбек Даңқы» ордендері, «Ерен еңбегі үшін», «Шапағат» медальдары, сондай-ақ «Қазақстанның еңбек сіңірген қайраткері», «Қазақстанның еңбек сіңірген ұстазы» сынды құрметті атақтары берілді.Ел бірлігін нығайтуға, татулық пен келісімді сақтауға және рухани мәдениетті дамытуға қосқан елеулі үлесі үшін түрлі этнос өкілдері Қазақстан халқы Ассамблеясының мерекелік марапаттарына ие болды.Бұдан бөлек, «Жамбыл облысының Құрметті азаматы» атағы, «Облысқа сіңірген еңбегі үшін» белгісі, өңір басшысының Құрмет грамотасы салтанатты түрде тапсырылды.Мерекелік кеш соңы өнерпаздардың концерттік бағдарламасына ұласты.Ақпарат көзі : https://www.gov.kz/memleket/entities/zhambyl/press/news/details/871777

"Отан қорғаушылар" монументінің жанында 68665 әскери бөлімінің жас сарбаздарының әскери ант қабылдау рәсімі өтті.Сарбаздарды Парламент Мәжілісінің депутаты, Қорғаныс министрлігінің өкілдері, Қарулы күштердің ардагерлері, әскери қызметшілер, жас жауынгерлердің туыстары мен достары құттықтауға келді.Ант қабылдау рәсіміне дейін Мәңгілік алауға гүл шоқтарын қою рәсімі өтті.Жас сарбаздарды "Tayelsiz Qazaqstannyn Halyq Batyrlary" РҚБ басшысы Халық қаһарманы отставкадағы генерал-лейтенант Бақытжан Ертаев құттықтады. Ол Қазақстан Республикасын қорғау – азаматтың қасиетті борышы мен міндеті екенін атап өтті.- Біздің әрқайсымыз - қатардағы жауынгерден бастап генералға дейін елдің егемендігі мен тұтастығын қорғауға үнемі дайын болуымыз керек. Ата-бабаларымыздың батылдығы мен жанқиярлығы, рухы бәрімізге күш беріп, елдің тыныштығын қамтамасыз етудегі ортақ мақсатымызды есте сақтайық, – деді Б. Ертаев.Сондай-ақ, сарбаздарды Парламент Мәжілісінің Халықаралық істер, қорғаныс және қауіпсіздік комитетінің мүшесі Болат Керімбек те құттықтады. - Сіздер абыроймен қызмет етіп, туыстарыңыз бен жақындарыңыз мақтан ете алатындай берік, мықты болып үйге оралыңыздар. Сіздерге зор денсаулық пен табыс тілеймін, – деді депутат.68665 әскери бөлімінің командирі полковник Абай Әлібеков атап өткендей, бір ай ішінде Қазақстанның түкпір-түкпірінен шақырылған әскерге шақырылушылар жас жауынгер курсынан өтті. Олар бөлімнің тарихымен және дәстүрлерімен танысты, жарғыларды, әскери техника мен қару-жарақтың тактикалық-техникалық сипаттамаларын, саптық және атыс дайындығының негіздерін зерделеді, алғашқы атыстарды орындады.Қарағандыдан келген Жандос Оралов пен Жамбыл облысының тумасы Нұрдәулет Сұлтанғазы сарбаздары үшін ант қабылдау олардың 19 жасқа толған туған күндерімен сәйкес келді. Жастар бұл туған күнді өмір бойы есте сақтайтынын атап өтті.Алаңда шараға қатысушылар әскери техниканың заманауи үлгілерімен танысты. 68665 әскери бөлімінің әскери қызметшілері оларға қоян-қолтық ұрысы мен қарумен дефиле элементтерін көрсетті.Ақпарат көзі : https://www.gov.kz/memleket/entities/mod/press/news/details/884529

Бүгін, 15 қараша - Қазақстан Республикасының ұлттық валютасы - Теңге күні және қаржы жүйесі қызметкерлерінің кәсіби мерекесі. Атаулы күнге орай, өңірдің қаржыгерлері марапатталды.Облыс әкімінің орынбасары Абзал Әбдікәрімов мереке иелерін құттықтап, қаржы саласында атқарған қызметтері үшін алғыс білдірді.«1993 жылы 15 қарашада егемен еліміздің тәуелсіздігінің айырықша белгісі саналатын ұлттық валютамыз – Теңге айналымға енгізілді. Ұлттық валюта күнінің қаржы саласы қызметкерлерінің кәсіби мерекесімен тұспа-тұс келуі бекер емес. Қаржыгерлер ұлттық валютамызбен тікелей жұмыс істеп, оның айналымын ұдайы қадағалап отырады. Осындай айтулы мереке күні Сіздерге қаржылық тұрақтылық, өсу, кәсіби жетістік тілейміз. Алдағы жұмыстарыңыз еліміздің экономикасын дамыту мен нығайтуға және қаржылық әлеуетін көтеруге бағыттала берсін», - деді облыс әкімінің орынбасары.Абзал Әбдікәрімов бүгінгі мерекеде еңбекте жетістікке жеткен облыстағы банк саласының мамандарына облыс әкімінің алғыс хатын табыстады.Ақпарат көзі : https://www.gov.kz/memleket/entities/aktobe/press/news/details/884223

Қазақстан қаржыгерлерінің кәсіби мерекесіне орай Қарулы күштердің Ұлттық әскери-патриоттық орталығында салтанатты іс-шара өтті.Оған Қорғаныс министрлігінің, Экономика және қаржы департаментінің, Бас қаржы инспекциясының, Мемлекеттік сатып алу орталығының басшылығы, Зейнетақымен қамсыздандыру орталығының мамандары, Ақмола гарнизонының қаржыгерлері, Қарулы күштер қаржы қызметінің ардагерлері қатысты.Іс-шараның басында қаржы қызметінің қалыптасу кезеңдері, даму перспективалары және ведомство мамандары туралы баяндайтын фильм көрсетілді.Жиынға қатысушыларды Қорғаныс министрінің орынбасары Әскер Бейсенов мерекемен құттықтады. Ол қызмет ардагерлеріне Қазақстан армиясын қаржылық қамтамасыз етудің дербес жүйесін қалыптастыру ісіне қосқан үлесі үшін алғысын білдірді. Бүгінде ол әскерлерді материалдық-техникалық жарақтандыруды, инфрақұрылымды дамыту мен күтіп ұстауды, әскери қызметшілерді лайықты әлеуметтік пакетпен қамтамасыз етуді, кәсіптік әскери білім алуды, сапалы медициналық қызмет көрсетуді және басқа да қызмет салаларын қамтиды.Қаржылық қамтамасыз етудің көп деңгейлі жүйесі әскерлердің қажеттіліктерін уақтылы қанағаттандыруға және бюджетті жоспарлау мен орындаудың әр кезеңінде қаражаттың жұмсалуын бақылауға мүмкіндік береді. Оны жетілдіру бойынша тұрақты жұмыстар жүргізілуде.Кәсіби мереке құрметіне мінсіз қызметі және қойылған міндеттерді шешуге жауапкершілікпен қарағаны үшін ерекше көзге түскен мамандар «Қаржы қызметінің үздігі» төсбелгісімен, «Ел қорғаны» ведомстволық медалімен және Құрмет грамотасымен марапатталды. Бірқатар қаржыгерлерге алғыс жарияланып, бағалы сыйлықтар табыс етілді және мерзімінен бұрын әскери атақтар берілді.Салтанатты жиын Қарулы күштер Ұлттық әскери-патриоттық орталығының шығармашылық ұжымы дайындаған мерекелік концертпен аяқталды.Ақпарат көзі : https://www.gov.kz/memleket/entities/mod/press/news/details/884265

«Баршаңызды Ауыл шаруашылығы еңбеккерлерінің бірінші форумының ашылуымен құттықтаймын! Алқалы жиын Ауыл шаруашылығы, тамақ және өңдеу өнеркәсібі қызметкерлері күні қарсаңында өтіп жатыр. Кәсіби мерекелеріңіз құтты болсын! Сондай-ақ бұл форум елімізде тың игеру науқаны басталғанына 70 жыл толуына тұспа-тұс келіп отыр. Сол науқанның түрлі салдары болғанын білесіздер. Соған қарамастан ауыл шаруашылығында көптеген оң өзгеріс жасалды. Қазақстан аз уақыт ішінде әлемдегі ең астықты елдің біріне айналды. Әлеуметтік инфрақұрылым жақсарды, елді мекендер салынды. Мен бүгін алғашқы тыңгерлердің және олардың ізін басқан диқандарымыздың еңбегін ерекше атап өткім келеді. Жаңа ғана арнайы көрмені араладық. Отандық өнімдеріміздің сапасы жоғары, көбі экспортқа шығарылып жатыр. Бұл – зор жетістік. Қазақстан Егіс алқабы және жайылымдық жер көлемі жағынан әлемде 6-орын алады. Біз бидай экспорттайтын 10 ірі мемлекеттің қатарына кіреміз. Ұн экспорты бойынша көш басындағы елдің біріміз. Биыл түрлі қиындыққа қарамастан, қамбамыз астыққа толды. Күзгі жиын-терінде 26,7 миллион тонна дақыл жиналды. Бұл – соңғы он жылдағы рекордтық көрсеткіш. Шын мәнінде диқандарымыз тамаша нәтижеге жетіп отыр. Құттықтаймын және баршаңызға шынайы ризашылығымды білдіремін!»Ақпарат көзі : https://www.gov.kz/memleket/entities/moa/press/news/details/884238

«Агроөнеркәсіп кешеніне жан-жақты қолдау көрсетілуде. Негізгі мақсатымыз – ауыл шаруашылығының дамуына серпін беру. Бүгінде Жаһандық азық-түлік қауіпсіздігі индексіндегі еліміздің көрсеткіштері жақсарып келеді. 2022 жылы осы рейтингте 32-ші орынға шықтық. Қазақстан ТМД елдері ішінде көш бастап тұр. Бірақ жайбарақат отыруға болмайды. Ауыл шаруашылығы бәсекеге қабілетті озық сала болуы керек. Агроөнеркәсіп кешені экономикадағы басты қозғаушы күштің біріне айналуға тиіс. Бизнес те, мемлекет те осыған мүдделі. Бұл, ең алдымен, азық-түлік қауіпсіздігін қамтамасыз ету тұрғысынан маңызды. Ауылдағы ағайынның тұрмысы да осы салаға тікелей байланысты»Ақпарат көзі : https://www.gov.kz/memleket/entities/moa/press/news/details/884276

Агроөнеркәсіп кешенін қаржыландыру ақсап тұрған саланың бірі еді. Биыл мемлекет бұл мәселені шешіп, бөлінетін қаржы көлемін айтарлықтай арттырды. Біз пайыздық мөлшерлемемен субсидиялау арқылы несиелеудің күрделі әрі көлеңкелі жүйесінен бас тарттық. Диқандар енді көктемгі егін егу және жиын-терін жұмыстарына 5 пайыз мөлшерлемемен тікелей жеңілдетілген несие алады. Мұндай несиелеу көлемі алғаш рет жарты триллион теңгеден асты (580 миллиард теңге, бұған дейін 180 милллиард теңге болған), алдағы уақытта бұл көрсеткіш бір жарым триллион теңгеге дейін жеткізіледі. Дәнді дақылдар түсімі биыл гектарына 16 центнерді құрады. Бұл көпжылдық орташа көрсеткіштерден әлдеқайда жоғары. Кейбір алқаптан гектарына 40 центнерден немесе одан да көп өнім жиналды. Бидай сапасы мен балауызының деңгейі (32 пайыз) жоғары. Бұған заманауи агротехнологияларды, жоғары сапалы тұқымды, тыңайтқыш пен пестицидтерді пайдалану, сондай-ақ ауылшаруашылық техникаларын жаңарту арқылы қол жеткіздік. Енді біздің алдымызда жиналған өнімді сақтау және оның бағасын құлдыратуға жол бермеу міндеті тұр. Үкіметке Азық-түлік корпорациясы арқылы шаруалардан астық сатып алуды тапсырамын. Бұл нарықтағы бағаны ұстап тұру үшін керек. Астықты өңірлердегі қоймаларды босату мақсатында Ауыл шаруашылығы және Көлік министрліктері бидайды басқа облыстарға тасымалдауды жедел қамтамасыз етуі қажет. Бұл істе облыс әкімдерінің үйлесімді жұмыс істегені маңызды. Көктемгі егіс пен күзгі жиын-терін жұмыстарын дер кезінде қаржыландыру – мол астық жинаудың кепілі. Жыл сайын төлемдерді кешіктіру салдарынан шаруалар егін егу барысында көп қиындықты бастан өткереді. Сондықтан менің тапсырмам бойынша көктемгі егіс жұмыстарына бөлінетін жеңілдетілген несие биылғы желтоқсан айынан бастап берілетін болады. Соның нәтижесінде диқандар жанар-жағармайды, қосалқы бөлшектерді, басқа да қажетті тауарлар мен қызметтерді уақытында сатып ала алады. Қазақстан халқына арнаған Жолдауымда аталған салаға жеке инвестициялар тарту керек екенін айтқан едім. Агроөнеркәсіп кешенін мемлекет тарапынан субсидиялауды біртіндеп қысқартып, оның орнына банктердің ауыл шаруашылығына жеңілдетілген несие беруін ынталандырған жөн. Отандық қаржы институттары агрокәсіпорындарға ұзақмерзімді әрі қолжетімді қаражат ұсынуға тиіс»Ақпарат көзі : https://www.gov.kz/memleket/entities/moa/press/news/details/884284

Он бесінші қарашада Қазақстанда Ұлттық валюта күні мен қаржы жүйесі қызметкерлерінің кәсіби мерекесі аталып өтеді.Бүгін Ақмола облысы әкімдігінде Қаржыгер күні мен Ұлттық валюта – теңге күніне арналған салтанатты жиын өтті. Кәсіби мереке құрметіне бірқатар сала өкілі марапаттарға ие болды.«Қаржы жүйесі – экономиканың қан тамыры, ол барлық саланың тіршілігі мен дамуын қамтамасыз етеді. Сіздерге бұл жүйені тұрақтылықта және қауіпсіздікте ұстау, оны заман талабына бейімдеу және өңір мен елдің тұрақты дамуына ықпал ету сияқты маңызды міндет жүктелген. Сіздердің кәсібиліктеріңіз бен біліктіліктеріңіздің арқасында Қазақстанның қаржы саласы заманауи сын-қатерлерге жауап беріп, тұрақтылық пен икемділікті көрсетіп, экономикалық өркендеуге ықпал етуде. Бүгін біз осы маңызды салаға өмірін арнағандардың барлығына ерекше алғысымызды білдіреміз», – деп атап өтті Ақмола облысы әкімінің орынбасары Ернар Жарқешов.Қазақстан Республикасының Жоғарғы аудиторлық палатасының «Қаржы сақшысы» медалімен Ақмола облысы бойынша ішкі мемлекеттік аудит департаментінің басшысы – Бауыржан Қабдыраш марапатталды.«Қаржы қызметінің үздігі» төсбелгісімен жергілікті бюджеттерді орындаудың есеп және есептілік бөлімі басқармасының басшысы Наталья Рыбалко марапатталды.Қазақстан Республикасы Қаржы министрінің алғыс хатымен Көкшетау қаласы экономика және қаржы бөлімі басшысының орынбасары Гүлнар Құзтаева марапатталды.Оған қоса, Ақмола облысы әкімінің құрмет грамоталарымен қаржы саласының 25 қызметкері марапатталды.Ақпарат көзі : https://www.gov.kz/memleket/entities/aqmola/press/news/details/884161

Абай облысы әкімінің орынбасары Димитрий Гариков жылумен қамту және білім беру мекемелерінің құрылыс нысандарындағы жұмыс барысын тексерді.Атап айтқанда, «Қарағайлы» шағын ауданындағы блок-модульдік қазандық пен мектеп және Водный ауылындағы мектеп құрылысына тексеру жүргізілді.Барлық мердігерлерге жұмысты уақтылы және сапалы аяқтау тапсырылды.Ақпарат көзі : https://www.gov.kz/memleket/entities/abay/press/news/details/884180

Еуразиялық экономикалық одақта (ЕАЭО) мүше мемлекеттер мен бизнестің ЕАЭО елдерінің мемлекеттік органдарымен тиімді және жедел өзара әрекеттесуі мақсатында ЕАЭО-ның интеграцияланған ақпараттық жүйесі (ИАЖ) құрылды.Бұл жүйе деректерді ашық, ыңғайлы және жедел алмасуды қамтамасыз етеді. ЕАЭО елдері осы жобаны толыққанды іске асыруға ұмтылуда.ИАЖ ЕАЭО аясында тауарлардың қозғалысына байланысты ветеринарлық, санитарлық, фитосанитарлық, көлік және кедендік бақылау салаларындағы көптеген мәселелерді шешуге мүмкіндік береді, бұл әкімшілік және бюрократиялық кедергілерді айтарлықтай төмендетеді.ЕАЭО ИАЖ-ды іске асыру экспорт жағдайды жеңілдетуге, өзара сауда көлемін арттыруға, бизнеске әкімшілік жүктемені азайтуға, тауарлардың қозғалысын бақылауды қамтамасыз етуге, сондай-ақ ЕАЭО ішкі нарығындағы кедергілерді жою және олардың туындамауына мүмкіндік береді.2015 жылы ЕАЭО аясында 21 ынтымақтастық бағыты бойынша ортақ процестер тізімі бекітілген болатын.Ортақ процестер – бұл бір мемлекеттің аумағында басталып, басқа мемлекеттің аумағында аяқталатын ақпараттық алмасу. Бұл процесс ЕАЭО ИАЖ арқылы қамтамасыз етіледі.Жалпы, ЕАЭО-да 77 ортақ процесті іске қосу жоспарланған. Бүгінгі күні мүше мемлекеттер үшін 39 ортақ процесс қолжетімді.Қазіргі уақытта 27 процесс дайындық кезеңінде, оның 14 процессі2024 жылдың соңына дейін, ал қалған 13 процесс 2025 жылы іске қосылады.Осылайша, 2025 жылдың басынан бастап мүше мемлекеттер55 % ортақ процестерге қосылу мүмкіндігіне ие болады.Ортақ процестерді толық іске асыру ЕАЭО аясында кедергісіз ортаға қол жеткізудің бір жолы болып табылады.ЕАЭО ақпараттық өзара әрекеттесу жұмысының аралық қорытындылары қараша айының 3-онкүндігінде ЕЭК Кеңесінің отырысында талқыланады.Ақпарат көзі : https://www.gov.kz/memleket/entities/mti/press/news/details/884162

Астана, 2024 жылғы 15 қазан – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Азиядағы өзара іс-қимыл және сенім шаралары кеңесінің (АӨСШК, Азия кеңесі) Бас хатшысы Қайрат Сарыбайды қабылдады.Кездесу барысында М. Нұртілеу Қазақстан Республикасы Азия кеңесінің негізін қалаушы әрі қазіргі төрағасы ретінде АӨСШК қызметіне және оның толыққанды халықаралық ұйымға айналуына ерекше мән беретінін атап өтті.Қазақстан төрағалығының бастамалары мен басымдықтарын іске асырудың жай-күйіне, сондай-ақ Азия кеңесін дамытудың одан әрі перспективаларына ерекше назар аударылды.Кездесу қорытындысы бойынша тараптар АӨСШК Хатшылығының Қазақстан аумағында болу шарттары туралы келісімге өзгерістер енгізу туралы Хаттамаға қол қойды.Аталған келісімге енгізілетін өзгерістер БҰҰ және басқа да халықаралық ұйымдардың тәжірибесіне сәйкес АӨСШК Хатшылығының халықаралық мәртебесін нығайтуға бағытталған.Ақпарат көзі : https://www.gov.kz/memleket/entities/mfa/press/news/details/884141

Масқат, 2024 жылғы 14 қараша – Қазақстан Республикасының Оман Сұлтандығындағы Елшісі Айдарбек Тұматов Оман Сұлтаны Хайсам бин Тариққа сенім грамоталарын табыстады.Қабылдау барысында Қазақстан мен Оман арасындағы байланыстарды әрі қарай нығайту мәселелері талқыланды. Тараптар сауда-экономикалық саласындағы ынтымақтастықты арттыру, атап айтқанда Қазақстан өнімдерін Парсы Шығанағы елдеріне және басқа өңірлерге жеткізу мақсатында Оманның транзиттік-көліктік әлеуетін барынша тиімді пайдалану мәселесіне ерекше көңіл бөлді.А. Тұматов ҚР Президенті Қасым-Жомарт Тоқаевтың Оман Сұлтанына Қазақстанға өзіне ыңғайлы уақытта келуге шақыруын тағы да қуаттады.Ақпарат көзі : https://www.gov.kz/memleket/entities/mfa/press/news/details/884196

Бүгін COP29 аясында Қазақстан Республикасы Экология және табиғи ресурстар министрі Е.Нысанбаев пен Бразилия VON BOHLEN & HALBACH Cie. FZ-LLC климаттық институтының президенті, бас директоры Петер фон Болен и Хальбахпен екіжақты кездесуі өтті.Кездесу барысында фон Петер фон Болен и Хальбах мырза көміртегі несиелері мен тұрақты авиациялық отын (SAF) бойынша ынтымақтастыққа қызығушылық танытып, өз компанияларының профилін таныстырды. Бұл салалардағы Қазақстанның әлеуетіне ерекше назар аударылды.Министр көміртегі шығарындыларын азайту бойынша бірлесіп жұмыс істеудің маңыздылығын атап өтіп, ынтымақтастық жоспарын әзірлеуді ұсынды. Петер фон Болен и Хальбах мырза өзара ынтымақтастық орнатуға дайын екендіктерін білдірді және қазақстандық тарапты МАРЧА-2025 жылы Бразилияда өтетін арнайы климаттық ұйымның жұмысына қатысуға шақырды.Тараптар сонымен қатар CORSIA стандарттарына сәйкес келетін сертификатталған отынды пайдалану қазақстандық көміртегі ізін азайтуға көмектесетінін атап өтіп, SAF саласындағы жобаларды жүзеге асыруды талқылады.Қорытындылай келе, тараптар белсенді ынтымақтастықты жалғастыруға ниеттерін білдірді және оның экологиялық таза шешімдерді ілгерілетудегі маңыздылығын атап өтті.Ақпарат көзі : https://www.gov.kz/memleket/entities/ecogeo/press/news/details/884133

БҰҰ-ның Климаттың өзгеруі туралы негіздемелік конвенциясының (БҰҰ КТНК) Тараптар Конференциясының 29-шы сессиясының (СОР29) параллельді іс-шарасында Қазақстан Республикасы халықаралық міндеттемелер шеңберінде орындалған Климаттық есептіліктің нәтижелерін ұсынды. Іс-шараны Қазақстан Республикасының Экология және табиғи ресурстар министрлігі, «Жасыл Даму» АҚ және БҰҰ Даму Бағдарламасы (БҰҰДБ) ұйымдастырды. Іс-шараға Шығыс Еуропа және ТМД елдерінің халықаралық ұйымдарының өкілдері қатысты.Транспаренттілік мәселелері бойынша, ОНУВ-ны орындау барысы туралы Қазақстан Республикасының алғашқы екі жылдық баяндамасының негізгі деректері, 1990-2022 жылдардағы антропогендік шығарындылар мен сіңіргіштердің кадастры туралы Қазақстан Республикасының Ұлттық баяндамасы, елдің электр энергетикалық секторын модельдеу сценарийлері, шығарындылардың әртүрлі сценарийлері, секторларды экономикалық трансформациялау және инвестициялық стратегиялар бойынша ұсынымдар ұсынылды.БҰҰ КТНК талаптарына сәйкес, әрбір қатысушы ел екі жылда бір рет Тараптар конференцияларында Климаттық есептерді ұсынады, онда индикаторларды бекітеді және жыл сайынғы парниктік газдар шығарындыларын тіркейді. Екі жылдық баяндамалар елдердің Климаттық мақсаттарға қол жеткізудегі жетістіктерін көрсетеді.2024 жылдан бастап екі жылдық есептерге жаңа компонент қосылды-ұлттық деңгейде анықталған салымдардың орындалу барысын қадағалау (ОНУВ). Бұл компонент қатысушы елдерге Есептіліктің ашықтығын арттырып қана қоймай, ОНУВ-ның орындалуын нақты бақылауға мүмкіндік береді, сонымен қатар ОНУВ-ның ілгерілеуін келесі екі жылдық есептерде көрсету амбициясын арттыруға мүмкіндік береді.Қазақстан БҰҰ КТНК құрамына кіретін 197 елдің тек 9-ы ғана СОР29 – ға көліктік бойынша екі жылдық баяндама (Biennial Transparency report-BTR1) ұсынды.Ақпарат көзі : https://www.gov.kz/memleket/entities/ecogeo/press/news/details/884148

Бүгін СОР29 алаңында Қазақстан Республикасының Экология және табиғи ресурстар министрлігі Еуропалық Қайта Құру және даму банкімен (ЕҚДБ) және экономикалық ынтымақтастық және даму ұйымымен (ЭЫДҰ) бірлесіп «Климаттың өзгеруіне қарсы жұмылдыру: елдер, халықаралық қаржы институттары және жеке сектор Париж келісімін жүзеге асыру үшін бірігеді» тақырыбында жоғары деңгейде тақырыптық сессия өткізді.Бұл іс-шара дамушы елдерде климаттық қаржыландыруды жеделдету жолдарын талқылау үшін министрліктердің, халықаралық даму банктерінің және жеке сектордың өкілдерін жинады.Париж келісімінің мақсаттарын жүзеге асыру үшін климаттық қаржыландыруды жұмылдыруды жеделдету пікірталастың негізгі тақырыбы болып табылады. Сессияға Е. Нысанбаев – Экология және табиғи ресурстар министрі, З. Сүлейменова – Президенттің кеңесшісі-Президенттің халықаралық экологиялық ынтымақтастық мәселелері жөніндегі арнайы өкілі, Г. Бойд-Карпентер-ЕҚДБ Климаттық Стратегия және іске асыру жөніндегі Басқарушы директоры, Р. Әл – Машат-Египеттің жоспарлау, экономикалық даму және халықаралық ынтымақтастық министрі, Н. Арпадарай-БҰҰ-ның СОР29-дағы климаттың өзгеруі жөніндегі аға өкілі, Т. Гбадегесин-Climate Investment Funds бас директоры, М. Шеперс-ILX Management BV бас директоры, Д. Тиндалл-ЭЫДҰ-ның Қоршаған орта мәселелері жөніндегі директоры, олар мемлекеттердің, көпжақты даму банктерінің (ҚДБ) және жеке сектордың инвестициялар үшін кедергілерді еңсерудегі тәжірибесі мен стратегияларын талқылады the климаттың өзгеруіне қарсы шаралар, әсіресе дамушы елдер мен экономикаларда.Өз сөзінде Қазақстан Республикасының Экология және табиғи ресурстар министрі Е. Нысанбаев Қазақстан сияқты елдердің климаттық ауысуы үшін өтпелі қаржыландырудың маңызы зор екенін атап өтті. Елдер, Халықаралық даму банктері және жеке сектор арасындағы синергия өте маңызды. Көпжақты даму банктері мен халықаралық ұйымдар Климаттық қаржыландырудың ең мұқтаж адамдарға, әсіресе дамушы елдерге жетуін қамтамасыз ете отырып, өзгерістердің катализаторы бола алады. Сондай-ақ 2026 жылғы өңірлік Климаттық Саммит аясында қаржы институттарын ынтымақтастыққа шақырды.Ақпарат көзі : https://www.gov.kz/memleket/entities/ecogeo/press/news/details/884181

2024 жылғы 15 қарашада Әділет министрлігі Мәдениет және ақпарат министрлігімен бірлесіп Адам құқықтары жөніндегі Әмбебап кезеңдік шолу (ӘКШ) шеңберінде Қазақстан Республикасының төртінші кезеңдік Ұлттық баяндамасын қорғауға дайындық бойынша отырыс өткізді. Іс-шара Ұлттық Академиялық кітапханада өтті.Әмбебап кезеңдік шолу – бұл барлық 193 мүше мемлекеттерді қамтитын және мемлекеттерге адам құқықтарын қорғау саласында қабылданған шаралар туралы төрт жылда бір рет есеп беруге мүмкіндік беретін БҰҰ-ның бірегей тетігі. ӘКШ елдерге табысты тәжірибелерімен бөлісуге және жақсарту бағыттарын анықтауға мүмкіндік береді.Отырыста мемлекеттік органдар мен азаматтық қоғам өкілдері Қазақстанның үкіметтік емес ұйымдарының Коалициясы дайындаған Балама баяндамаларды талқылады.Баяндамаларда сөз бостандығы, ақпаратқа қол жеткізу, жиналыс бостандығы, дін, сайлауға қатысу және мемлекетті басқару сияқты негізгі салалардағы ағымдағы жағдайды бағалау және жақсарту бойынша ұсыныстар берілген.Айта кету керек, 2019 жылы өткен ӘКШ қорытындысы бойынша Қазақстан БҰҰ Адам құқықтары жөніндегі кеңесіне мүше елдерден 245 ұсыныс алды. Оның ішінде 57-сі аталған салада қолдау тапты және табысты іске асырылуда.Отырысқа қатысушылар Баламалы баяндамаларды талқылаудың маңыздылығын атап өтіп, одан әрі ынтымақтастыққа дайын екендіктерін білдірді.Ақпарат көзі : https://www.gov.kz/memleket/entities/adilet/press/news/details/884156